Telegram-канал belamova - Беларусь головного мозга: Blogs

Беларусь головного мозга

29 July 2026 19:45

Эксперты, которых мы заслужили. И откуда они только узнали? Наверное, инсайды из администрации Лукашенко

Беларусь головного мозга

29 July 2026 12:32

Пачынаем раней! 7 жніўня — сайд-івэнты Канферэнцыі «Новая Беларусь»

7 жніўня ў Варшаве стартуе серыя сайд-івэнтаў Канферэнцыі «Новая Беларусь». Адкрытыя дыскусіі, прэзентацыі і сустрэчы, прысвечаныя будучыні Беларусі, адбудуцца напярэдадні асноўнай праграмы канферэнцыі.

Уваход на ўсе сайд-івэнты вольны, але колькасць месцаў абмежаваная. Перавага будзе аддавацца зарэгістраваным удзельнікам і ўдзельніцам. Звярніце ўвагу: на кожны сайд-івэнт неабходна рэгістравацца асобна.

Праграма сайд-івэнтаў:
🕚 11:00–12:30 — Мова, культура, адукацыя і медыя: нябачны фронт за Беларусь
Дыскусія пра захаванне беларускай ідэнтычнасці, прэзентацыя чатырох policy papers з аналізам сітуацыі і прапановамі па развіцці гэтых сфераў.
Рэгістрацыя.

🕛 12.00 - 14:00 — Роля Беларусі ў агрэсіі супраць Украіны: Прыцягненне вышэйшага кіраўніцтва рэжыму Лукашэнкі да адказнасці
Панэльная дыскусія будзе прысвечана ролі беларускага рэжыму ў агрэсіі Расійскай Федэрацыі супраць Украіны, прадстаўленню сабраных доказаў, а таксама абмеркаванню магчымасцей прыцягнення вышэйшага палітычнага і ваеннага кіраўніцтва Беларусі да адказнасці ў рамках Спецыяльнага трыбунала па злачынстве агрэсіі.
Рэгістрацыя.

🕐 13:00–14:30 — Штучны інтэлект: алгарытм свабоды ці лічбавы аўтарытарызм?
Пра ролю ШІ ў дэмакратычных пераўтварэннях, бяспеку даных і рызыкі новых тэхналогій. Упершыню будзе прадстаўлена платформа на базе штучнага інтэлекту для аналізу дзяржаўных прадпрыемстваў Беларусі.
Рэгістрацыя.

🕝 14:45–16:15 — Соймікі: праз выбары да супрацы і вынікаў
Размова пра магчымасць стварэння мясцовых прадстаўнічых органаў беларускіх супольнасцяў за мяжой як інструмента супрацоўніцтва і самаарганізацыі.
Рэгістрацыя.

🕟 16:30–18:30 — Беларуская грамадзянская супольнасць: выстаялі. Што далей?
Прэзентацыя Індэкса ўстойлівасці арганізацый грамадзянскай супольнасці і дыскусія пра тое, як захаваць іх уплыў ва ўмовах рэпрэсій, эміграцыі і змяншэння міжнароднай падтрымкі.
Рэгістрацыя.

Дадаткова:
З 5 па 23 жніўня ў Музеі Вольнай Беларусі будзе працаваць выстава «2020: Гаворыць Мінск». Уваход вольны.

Праграма канферэнцыі ўжо даступная на сайце, адкрытыя рэгістрацыя для ўдзельнікаў і акрэдытацыя для прадстаўнікоў медыя. Для тых, хто не зможа быць у Варшаве асабіста, будзе арганізаваная анлайн-трансляцыя.

Далучайцеся да Канферэнцыі «Новая Беларусь» — месца, дзе разам абмяркоўваецца і ствараецца будучыня Беларусі.