294
شاعر افتخر مو للشعر منسوب شاعر افتخر منسوب لحسيني
قصيده ولادة العقيله زينب عليها السلام
من ياباب ندخل يالعقيله
حته الحزن من گلبچ نزيله
بميلادچ نهنيچ
نفرح نفتخر بيچ
صفات البيچ يالحره جليله
✿✿✿✿✿《 1 》✿✿✿✿✿
من باب الفصاحه وباب الايمان
يزينب مااظن يوصلچ انسان
يزيد احتار بيچ وهذا برهان
عجز مدري شيحاچيچ
نفرح نفتخر بيچ
صفات البيچ يالحره جليله
✿✿✿✿✿《 2 》✿✿✿✿✿
من باب الصبر انتي صبوره
شجاعه مخدره وحتمن غيوره
رسمتي بالصبر يالحره صوره
ابد محد يجاديج
نفرح نفتخر بيچ
صفات البيچ يالحره جليله
✿✿✿✿✿《 3 》✿✿✿✿✿
بميلادچ انهني العالم اليوم
بفراح ومسره انزيح الهموم
من الله دعينه افراحنه ادوم
بالارواح نفديچ
نفرح نفتخر بيچ
صفات البيچ يالحره جليله
✿✿✿✿✿《 4 》✿✿✿✿✿
كل شيعي الچ يبعث سلامه
بگد شوگه الچ يبدي احترامه
اليوصفچ حاير وتيه كلامه
الوصف هيهات يكفيچ
نفرح نفتخر بيچ
صفات البيچ يالحره جليله
✏ الشاعر الحسيني فرحان البزوني
قصيدة وفاة السيده فاطمه المعصومه عليها السلام
اليوم عزو فاطمه المعصومه
ماتت بغربه اسف مظلومه
✿✿✿✿✿《 1 》✿✿✿✿✿
ورثت احزان الزمن من فاطمه
امها مرجع للديانه وعالَمه
هاي اخت الرضا للحق عاصمه
حملت احزان الزمن وهمومه
✿✿✿✿✿《 2 》✿✿✿✿✿
نزور بت الكاظم بحسره وحزن
من العراق بلطم ندخلها ونون
العاشت بغربه احس مثل السجن
هيبة الكاظم وصبره ويومه
0✿✿✿✿✿《 3 》✿✿✿✿✿
تجي نعزيها مواكب للعزاء
نزور معصومه سليلة الاولياء
فاطمه بحظرتها مقبول الدعاء
الفرحه بوجوه التطب مرسومه
✿✿✿✿✿《 4 》✿✿✿✿✿
نزور بت الزهره بت المرتضى
تجي الشيعه بالحزن لخت الرضا
بلطم وحزان عالخد فايضه
والجروح من الحزن ملچومه
✿✿✿✿✿《 5 》✿✿✿✿✿
سمعت انسم الرضا اصعب خبر
ابد ماشافت حزن مثله وقهر
ماتت المعصومه ويلي عالاثر
ودارها من الحزن مهدومه
✏ الشاعر الحسيني فرحان البزوني
قصيده لسيدتي ومولاتي فاطمة الزهراء عليها السلام
لسان حال الامام الحسين عليه السلام
ماشفتها يمي
يتمتني امي
هذا يوم اتأمله
من اطيح بكربله
وخضباني دمي
✿✿✿✿✿《 1 》✿✿✿✿✿
حلم اسمع كلمة اليمه بعد
اتذكر تنومني بحضان المهد
صعبه حالتها وگع منها ولد
چانت تگلي التشوفه اعظم وشد
تسولف بدمعها
ايدها بضلعها
تحچي سبي العائله
من اطيح بكربله
وخضباني دمي
✿✿✿✿✿《 2 》✿✿✿✿✿
رغم اذاها ضلعها ماشكت
عن مصابي من تسولفلي بچت
يمه يحسين المصيبه من انسبت
زينب وللشام للغربه مشت
فاجعه ومصيبه
من مشت غريبه
لليتامه كافله
من اطيح بكربله
وخضباني دمي
✿✿✿✿✿《 3 》✿✿✿✿✿
يمه بس لله شكيت من اليتم
بيتي بوداع العزيزه ينهدم
تگلي هم ضلعك ييمه ينهشم
مثل مضلوميتي بالطف تنظلم
تعلم بعذابي
المحسن وحجابي
فاجعه متواصله
من اطيح بكربله
وخضباني دمي
✿✿✿✿✿《 4 》✿✿✿✿✿
الفاگد احبابه يعيش ويالحزن
يبقه ليل انهار مشتاگ ويون
صعب لو ليل التجافي من يجن
شلون واحنه نودع الام وابن
مابطل عزائي
صابر البلائي
هذا حزني اوله
من اطيح بكربله
وخضباني دمي
✿✿✿✿✿《 5 》✿✿✿✿✿
بكل ركن يايمه الگه صورتچ
بعد مو هذا وكتها موتتچ
ادري كل الناس تبچي البچيتچ
مو سهل يايمه نحمل غيبتچ
زمره مو نضيفه
ولا نطف شريفه
ابو منهم ماكو اله
من اطيح بكربله
وخضباني دمي
✏ الشاعر الحسيني فرحان البزوني
قصيده لسيدتي ومولاتي فاطمة الزهراء عليها السلام
اليودع حبيبه
ويعيش بمصيبه
يظل محني الظهر
لان كلشي خسر
يتزايد نحيبه ويعيش بمصيبه
✿✿✿✿✿《 1 》✿✿✿✿✿
خساره مو قليله
اليفارگ خليله
يعرف مايجيله
والهجره طويله
دنياته مناحه
ابد ميشوف راحه
يعاتب للدهر
لان كلشي خسر
عسه الموته قريبه ويعيش بمصيبه
✿✿✿✿✿《 2 》✿✿✿✿✿
السفينه بحاحة شراع
الهوه المر بيها خداع
مطر تتنطره الگاع
مثل الناوي الوداع
الفارگله غالي
سهران الليالي
بدمع عينه سهر
لان كلشي خسر
ومتاني مغيبه ويعيش بمصيبه
✿✿✿✿✿《 3 》✿✿✿✿✿
انشغلو بالتجاره
النبي حرگوه داره
علي نكرو فقاره
اشگد عدهم جساره
الزهره ودمعها
السطره وضلعها
بالعصره انكسر
لان كلشي خسر
محمدنه شيجيبه ويعيش بمصيبه
✿✿✿✿✿《 4 》✿✿✿✿✿
بالباب اعصروها
عالخد اسطروها
بطفلها روعوها
والدار احرگوها
سنديني يفضه
للالام عرضه
من مثلي صبر
لان كلشي خسر
عله الدنيه العجيبه ويعيش بمصيبه
✿✿✿✿✿《 5 》✿✿✿✿✿
للزهره الزچيه
خل ننصب عزيه
كل الجعفريه
تون صبح ومسيه
حيدرنه نواسيه
نخفف حسرته اعليه
ونواسي المنتظر
لان كلشي خسر
ياامي الغريبه ويعيش بمصيبه
✏ الشاعر الحسيني فرحان البزوني
قصيدة التابعي سعيد بن جبير رضوان الله عليه
سعيد بن جبير ونعم منه
تابع للرسول بزغر سنه
درب الخير دربه
راضي عنه ربه
ونعم منه
✿✿✿✿✿《 1 》✿✿✿✿✿
تابعي وبالسمه تتلاله نجومه
راكع وعابد ابد ماعاف صومه
الكوفه تنهل من مفاهيمه وعلومه
الهالسبب رادو يقتلونه خصومه
سعيد بن جبير الكلها ضده
احكام النبي عرفوها عده
مثل ماي اليشربه
راضي عنه ربه
ونعم منه
✿✿✿✿✿《 2 》✿✿✿✿✿
بالفرض يختم كتاب الله بصلاته
بالعلم تبدي مسيرة كل حياته
رادو يغيرون اطباعه وصفاته
جابو الحجاج يسرع في مماته
سعيد بن جبير التعباهم
مايخسر ولكن خسراهم
اقره وشوف كتبه
راضي عنه ربه
ونعم منه
✿✿✿✿✿《 3 》✿✿✿✿✿
حبشي بس چنه من عدنه اصوله
رغم هالتضييق بس يمشي اعله طوله
تابعي والنعم من كلشي اليگوله
للنبي والعترته يبقه ميوله
ثابت مايزل ابدن طريقه
اقره سيرته وشوف الحقيقه
تهواه وتحبه
راضي عنه ربه
ونعم منه
✿✿✿✿✿《 4 》✿✿✿✿✿
سعيد الحير بصبره اميه
هذا الدرب يعرف بيه منيه
ابد ماعاف ربه ولانبيه
مزار بحظرته للجعفريه
سعيد بن جبير وعدنه واهس
نزوره چي نشوفه اطباع عابس
كل اوصافه عذبه
راضي عنه ربه
ونعم منه
✿✿✿✿✿《 5 》✿✿✿✿✿
من اسمه اخذ معنه السعاده
شجاع وزاد من عزمه وعناده
گبال الطاغيه وعنده اراده
الله اختاره ونال الشهاده
والحجاج محتار بصفاته
ابد ماهمته الدنيه وحياته
صبر مهما يعذبه
راضي عنه ربه
ونعم منه
✏ الشاعر الحسيني فرحان البزوني
هوسات ولادة الرسول محمد ص وحفيده الامام جعفر بن محمد الصادق عليه السلام
برسول الله وحفيده نحتفل هاليوم
ونزف اجمل تهاني للولي المعصوم
ابن بضعة نبينه وناصر المظلوم
للمهدي انبارك ميلاده
✿✿✿✿✿✿✿《 》✿✿✿✿✿✿✿
هنينه المراجع كلها والقاده
ونهني القائم جينه والساده
ربيع اول اجانه اليوم بعياده
ميلاد الصادق والهادي
✿✿✿✿✿✿✿《 》✿✿✿✿✿✿✿
الله بهالولاده بارك وهله
جمع الاملاك كلها وعالنبي صله
گلهم كل ملك هاليوم ينزله
وتشارك كلها بميلاده
✿✿✿✿✿✿✿《 》✿✿✿✿✿✿✿
الخاتم لنبوه انهني ونبارك
بميلاده اجتمعنه اليوم ونشارك
والقائم نگله سيدي مبارك
جدك فرحنه بميلاده
✏ الشاعر الحسيني فرحان البزوني
قصيدة استشهاد رسول اﻻنسانيه محمد صلى الله عليه وآله وسلم
اي وحگ موت الخذاك
الزهره تبچي من جفاك
يامحمد يامحمد
✿✿✿✿✿✿《 1 》✿✿✿✿✿✿
عفت زهراك بعذاب ودنيه صعبه
وي علي مستاحشه وتشعر بغربه
والفگد طيب الابو كلشي يعذبه
حته چن الماي حنظل من يشربه
تصيح كل احنه فداك
الزهره تبچي من جفاك
يامحمد يامحمد
⊰✿✿✿✿✿✿《 2 》✿✿✿✿✿✿
تعيش مكسورة جنح من بعد ابوها
الزهره وصحابك محمد عذبوها
هجمو اعله الدار وحدها لگوها
چنها مو بتك وبالباب اعصروها
خاب كلمن حارباك
الزهره تبچي من جفاك
يامحمد يامحمد
✿✿✿✿✿✿《 3 》✿✿✿✿✿✿
لو تشوف الحاله من هجمو عليها
وره الباب اتسترت والرعب بيها
تصيح وينك يامحمد ياوليها
ابد لو يمها علي محد يجيها
عيونهم عميه وراك
الزهره تبچي من جفاك
يامحمد يامحمد
⊰✿✿✿✿✿✿《 4 》✿✿✿✿✿✿
طفت شمعة فاطمه بليل العواصف
ذكريات الدنيه بعدك بس سوالف
بسمله ذكرك محمد عالشفايف
فارگت ذيچ المحنه والعواطف
خبر منها ما اجاك
الزهره تبچي من جفاك
يامحمد يامحمد
✿✿✿✿✿✿《 5 》✿✿✿✿✿✿
ياختام الأنبياء ويامحمد
انته باب الجنه الهيهات ينسد
منو مثلك للأبد باقي وتخلد
منو مثلك للعرش مولاي يصعد
الله وحدك كرماك
الزهره تبچي من جفاك
يامحمد يامحمد
✏ الشاعر الحسيني فرحان البزوني
قصيده الى الامام المهدي عج
نصيح يالمهدي تعال
انتظارك ليش طال
تنتظر جيتك تظل احبابك
ليش يالمهدي تطول غيابك
انتظارك ليش طال
✿✿✿✿✿✿《 1 》✿✿✿✿✿✿
ساعه ساعه اتنطرينه اعله الدرب
لان حبيناك وبعادك صعب
انته حبك ساكن بنص الگلب
نسرح نظل بالخيال
نصيح يالمهدي تعال
انتظارك ليش طال
✿✿✿✿✿✿《 2 》✿✿✿✿✿✿
ننتظر مولاي ونتاني الظهور
شوكت تملي الدنيه يامولانه نور
ياس ننثر عالدرب والله وزهور
بالسمه شخصك هلال
نصيح يالمهدي تعال
انتظارك ليش طال
✿✿✿✿✿✿《 3 》✿✿✿✿✿✿
يبو صالح تبقه مفتاح العقول
مو سهل مولاي وبعادك يطول
احنه حبيناك ياابن البتول
نبتعد عنك محال
نصيح يالمهدي تعال
انتظارك ليش طال
✿✿✿✿✿✿《 4 》✿✿✿✿✿✿
جنود يامولاي نبقه بخدمتك
احنه ليل انهار ننطر طلعتك
عذباها البعد والله شيعتك
اي وحق رب الجلال
نصيح يالمهدي تعال
انتظارك ليش طال
✿✿✿✿✿✿《 5 》✿✿✿✿✿✿
يابو صالح سيدي يالمنتظر
البعد مولاي الساعه بشهر
مانعوفك اي وحق سيد البشر
نحلم بليا الوصال
نصيح يالمهدي تعال
انتظارك ليش طال
✏ الشاعر الحسيني فرحان البزوني
الرادود حسين الساعدي البصراوي
ابعث سلامي
للمهدي امامي
قصيدة استشهاد الإمام الحسن العسكرى عليه السلام وزن الميمر
اجرك الله مولاي عالعسكري وتوديعه
✿✿✿✿✿✿《 1 》✿✿✿✿✿✿
يالمهدي ندري حاضر بسامره
عالعسكري گلبك اتحمل حسره
يالمنتظر مولاي منك نظره
بالمجلس الشيعي وياك ويشارك بتشييعه
✿✿✿✿✿✿《 2 》✿✿✿✿✿✿
ياسيدي سامره تبچي وتنحب
وتشارك مصاب الحسن من غرب
والعسكري بالسم يظل يتگلب
العسكري ماننساه والحزن عم الشيعه
✿✿✿✿✿✿《 3 》✿✿✿✿✿✿
واجبنه نحضر مجلس استشهاده
ايعينك الله سيدي اعله ابعاده
كل موالي الهادي وبنه راده
يالمهدي رغم الاحزان جددنه لجلك بيعه
✿✿✿✿✿✿《 4 》✿✿✿✿✿✿
اصعب وافجع حالتك من شفته
يالمهدي بهموم وحزن ودعته
الشيعه مجلس والدك حاضرته
وتواسي جدك هاليوم امرك يحجه نطيعه
✿✿✿✿✿✿《 5 》✿✿✿✿✿✿
الحادي عشر ياحجه مات الليله
السامره بهموم وقهر نمشيله
نلطم صدرنه بمجلسه ونبچيله
ماكمل عمره تلاثين ذبلت ورگت ربيعه
✍️ الشاعر الحسيني فرحان البزوني
قصيده استشهاد الامام الحسن العسكري عليه السلام
لحن قصيدة ماتموت الغاضريه ملا باسم الكربلائي
وزن موشح
العسكري غالي علينه
مايكف لجله بچيــنه
✿✿✿✿✿✿《 1 》✿✿✿✿✿✿
نوصل السامره لجل العســـكري
يگول كلمن زاره يجبر خـــاطري
بمنظر الحضره اكحـــل ناظــري
الشيعي صاح افديه انه بمنحري
بالشهاده احنه اعتنينه
مايكف لجلـــه بچيــنه
✿✿✿✿✿✿《 2 》✿✿✿✿✿✿
سكنت بگلبي وكياني حضـــرته
العسكري دكتور جرحي شوفته
من زغـــر روحي تراها حبتـــه
جيت اگله شرف والله عشگته
حبه ظل مزروع بينه
مايكف لجلــه بچيـنه
✿✿✿✿✿✿《 3 》✿✿✿✿✿✿
روحي مفتونه العشگ غــازيها
احب سامـــره وحـــب البــيها
العسكري يمه محبتي احچيها
روحي بس الحضرته افـــديها
العسكري يبقه ولينه
مايكف لجله بچيــنه
✿✿✿✿✿✿《 4 》✿✿✿✿✿✿
احساسي ياخذني وچني بكربله
من ازوره الدمع لجـــله ماغلـــه
انه احبه وروحي رخصــانه اله
بالشهـــاده ماازوره مشكلــــــه
عالصدر نلطم بدينه
مايكف لجله بچينه
✿✿✿✿✿✿《 5 》✿✿✿✿✿✿
للحسن ياخذني حزني والقــهر
جدمي بالدمعات يم بابه عـــثر
عشگي بس الحضرته زاد وكبر
خاسر الماعاشگ الحادي عشر
خاسر بدنياه وديـنه
مايكف لجله بچينه
✏ الشاعر الحسيني فرحان البزوني
قصيدة استشهاد الحسن العسكري عليه السلام
العسكري مسموم چبدك
بالسجن وتموت وحدك
اه يمولاي اه يمولاي
✿✿✿✿✿✿《 1 》✿✿✿✿✿✿
تنتهي رادو حياتك وبطوامير السجن
اه يابو المهدي حانت هاي ساعات الحزن
اليوم سامره تنادي العسكري وتبقه تون
المعتمد سمك بحقده تنسي المجرم يظن
الرسول ايعرفه جدك
بالسجن وتموت وحدك
اه يمولاي اه يمولاي
✿✿✿✿✿✿《 2 》✿✿✿✿✿✿
انعزي للمنتظر كلنه عله افراگ العسكري
غربتك عايش المها والك يجري ناظري
افتخر الكم موالي علوي وجعفري
مااعوف اللطم لجلك لأن تجبر خاطري
من الزغر مولاي اودك
بالسجن وتموت وحدك
اه يمولاي اه يمولاي
✿✿✿✿✿✿《 3 》✿✿✿✿✿✿
ابد مارادوك تبقه وهذا امرك ينحسم
المعتمد حاقد عليكم راد منك ينتقم
گال للحاشيه ربعه وأمر يسگونك السم
گالهم سامره كلها بيها ميظل هالاسم
ذبل يامولاي وردك
بالسجن وتموت وحدك
اه يمولاي اه يمولاي
✿✿✿✿✿✿《 4 》✿✿✿✿✿✿
سيدي كلما نزورك نحس عظم الفاجعه
اه واويلاه صحنه وبعيون الدامعه
اليوم سامره حزينه وكل اهلها امروعه
سيدي طلابك احنه يالحضرتك جامعه
ندرس الاخلاق عندك
بالسجن وتموت وحدك
اه يمولاي اه يمولاي
✿✿✿✿✿✿《 5 》✿✿✿✿✿✿
صعبه ساعات احتظارك سيدي بلايه اهل
بالسجن مسموم چبدك حانت ايام الاجل
ليش يبن الهادي ترحل ياابن خير العمل
ونطفت شمعة حياتك سيدي وراح الامل
المهدي مو يمك يسندك
بالسجن وتموت وحدك
اه يمولاي اه يمولاي
✏ الشاعر الحسيني فرحان البزوني
قصيده لسيدتي ومولاتي فاطمة الزهراء عليها السلام
لسان حال الامام الحسن يخاطب امهُ الزهراء عليهم السلام
انه الوَحـــــدي وتسمني جعــــده
الحسن ابنچ يطيح بطشت چبده
ردت يمي تحضرين
مـو گبــلي تموتيـن
ييمه ييمه
✿✿✿✿✿《 1 》✿✿✿✿✿
ليالي الفاطميه من تجينه
تذكرنه بمصابچ يالحنينـه
ييمه والف مـره اتيتمينـه
لمن والدچ غمضها عينــه
الصحابه يااسف بين طمعهم
ابونه بلا وصيه چا قلعــــهم
بحقدهم طاح الجنين
مــو گبـــلي تموتيـــن
ييمه ييمه
✿✿✿✿✿《 2 》✿✿✿✿✿
ابد مو هين فراگچ عليـــه
يّزيد حسرتي واللوعه بيه
ردتچ حاضره بيوم المنيه
مو انه الاودعچ يالزچيــه
بحضنچ ليلي متعلم انامه
صعب عفتينه يايمه يتامه
ردت همي ترحيــــن
مـو گبــلي تموتيـــن
ييمه ييمه
✿✿✿✿✿《 3 》✿✿✿✿✿
ليـــــل انهار رافگني خيـــــالچ
يمه مـــــوتتي ردت ابـــــدالچ
الجرالي اهون من الي جـرالچ
ادري بس علينه انشغل بالـــچ
انه بحاجتچ من سممـــــوني
ردت بحضنچ تغمض عيوني
يم الحسن وحسين
مـو گبــلي تموتيــن
ييمه ييمه
✿✿✿✿✿《 4 》✿✿✿✿✿
شفتچ حاطه الايد اعله ضلعچ
ماتشكين نعرف هذا طبعـــــچ
حنينــه وضامــه يايمه دمعـچ
حيل تألمينه بهـــــذا وضعــچ
صعبه الدار دخلوها الاجـــانب
يشتمونچ صعــب يم الاطايب
چا وين الوصي وين
مــو گبـلي تموتيـــن
ييمه ييمه
✿✿✿✿✿《 5 》✿✿✿✿✿
ردتچ حاضره تشوفين چبــــدي
احلفچ يمه بالمختـــــار جــــدي
ابد مـــــوهين تعوفيني وحـدي
يفاطم سطرتچ ردت اعله خدي
ابيت احزانچ تزيدين دمعــچ
اصعب فاجعه مكسور ضلعچ
تجري الفگدچ العين
مو گبلي تموتيـــن
ييمه ييمه
✏ الشاعر الحسيني فرحان البزوني
قصيده لسيدتي ومولاتي فاطمة الزهراء عليها السلام
وزن دارمي
واساني دمعي
من انكسر ضلعي
ابقه بهمي
محد يمي
من انكسر ضلعي
✿✿✿✿✿《 1 》✿✿✿✿✿
ياحيدر بلياك ضاگت عليه
داري احترگ بالنار وانه الزچيه
ام حسن ام حسين خير البريه
عصروني خلف الباب ضلعي ضحيه
عمري وشبابي
فدوه الحجابي
وسمع شتمي
محد يمي
من انكسر ضلعي
✿✿✿✿✿《 2 》✿✿✿✿✿
كلمة وأن مايوم انه اسمعتها
بلارحمه وبلا دين ناس الشفتها
سطروني يابو حسين وتحملتها
بصدري نبت بسمار ماسولفتها
اسگطو ابني
محد رحمني
شاهد ظلمي
محد يمي
من انكسر ضلعي
✿✿✿✿✿《 3 》✿✿✿✿✿
گلوب الاحت عالدار مليانه قسوه
اليدخلها بمر الله وحي النبوه
تركالي حزن وشال الهادي توه
بلوه سكوتي صار والحچي بلوه
واحد ضربني
الثاني شتمني
اشكي الامي
محد يمي
من انكسر ضلعي
✿✿✿✿✿《 4 》✿✿✿✿✿
عينك على الزهراء طه حچاها
والزمن والاصحاب ضدها اولاها
عصروني خلف الباب وانه وراها
گالو الزهره تصيح ماجاوباها
الزهره العفيفه
من اهل السقيفه
جسمي مدمي
محد يمي
من انكسر ضلعي
✿✿✿✿✿《 5 》✿✿✿✿✿
سمعيني يااسماء ادخل حجرتي
راح اقره بالقرأن لو گرب وكتي
ينقطع مني الصوت ومني گربتي
راحله من دنياي سمعيني انتي
صبري بنيني
غطيها عيني
ناحل جسمي
محد يمي
من انكسر ضلعي
✏ الشاعر الحسيني فرحان البزوني
قصيده لسيدتي ومولاتي فاطمة الزهراء عليها السلام
امنه وين بيا مكان
بيت خالي من الحنان
گول وين وننتظر
غيبه چنها للگبر
امنه الزچيه
✿✿✿✿✿《 1 》✿✿✿✿✿
وين راحت عنه وين
خذت احلام السنين
يمها نغفه معودين
ماسكت يبچي الحسين
مايفارگ للدموع
امه ماالها رجوع
خذت وياها العمر
غيبه چنها للگبر
امنه الزچيه
✿✿✿✿✿《 2 》✿✿✿✿✿
حان الوداع الاخير
بالگبر امنه تصير
هيچ ماردنه المصير
ناس اجتها بلا ضمير
الحقيقه اتزيفت
كل معالمها اختفت
والخفوها اهل الغدر
غيبه چنها للگبر
امنه الزچيه
✿✿✿✿✿《 3 》✿✿✿✿✿
انه زينب منهو الي
من جفاها بلا ولي
امي چانت كل هلي
صحت احضر ياعلي
بويه امي بيا وضع
صدگ مكسورت ضلع
شلون ترضه ينكسر
غيبه چنها للگبر
امنه الزچيه
✿✿✿✿✿《 4 》✿✿✿✿✿
امي اذكرها حچت
بطاري والدها وبچت
همها كله وصفت
لله وبلوعه شكت
گالت الچانو صحاب
بين حايط بين باب
شلون ياربي انعصر
غيبه چنها للگبر
امنه الزچيه
✿✿✿✿✿《 5 》✿✿✿✿✿
موسهل هذا المصاب
امنه رافگها العذاب
چان همها اعله الحجاب
امنه لاذت وره الباب
من حزنها ماتصيح
تدري محسنها يطيح
تشكي من غدر الكفر
غيبه چنها للگبر
امنه الزچيه
✏ الشاعر الحسيني فرحان البزوني
قصيده فزاعيه لسيدتي ومولاتي فاطمة الزهراء عليها السلام
باچر ويالمهدي كلها شيعته
ياخذ بثار الزچيه جدته
✿✿✿✿✿《 1 》✿✿✿✿✿
ابو صالح ياخذ بثار الضلع
بسيف ذو الفقار يذبح بالربع
ينمحي كلمن يخالف للشرع
يال ثارات الزچيه يرتفع
والعدل اول مهام بدولته
ياخذ بثار الزچيه جدته
✿✿✿✿✿《 2 》✿✿✿✿✿
يظهر المهدي يزول المظلمه
يصيح هبو يالله ننصر فاطمه
يسوي عالضدو الزهره ملحمه
ايغرگ الكسرو ضلعها بالدمه
والسطرها هم يسطره بيمنته
ياخذ بثار الزچيه جدته
✿✿✿✿✿《 3 》✿✿✿✿✿
جدته متمني يمها يعينها
چان قنفذ ماضربها بعينها
وابد مايسگط ومات جنينها
تصير الها زياره مثل حسينها
وبالبقيع الگبر نحيي زيارته
ياخذ بثار الزچيه جدته
✿✿✿✿✿《 4 》✿✿✿✿✿
لون حاضر محد يمر بيها
والهجمو عالدار گص رجليها
الناس كلها تنتظر مهديها
حضره غصبن عاليضد يبنيها
يدحر بسيفه جموع الضدته
ياخذ بثار الزچيه جدته
✿✿✿✿✿《 5 》✿✿✿✿✿
المهدي من يظهر وبيده الرايه
يجي يوضح بالظهور الغايه
للبقيع وعالجدم المشايه
والمواكب عالطريق اهوايه
واليمرله المهدي يقبل خدمته
ياخذ بثار الزچيه جدته
✿✿✿✿✿《 6 》✿✿✿✿✿
المهدي مايقبل الزهره بلاصحن
يبني مرقدها ومرقد للحسن
يصير احسن من قبل هذا الزمن
بعد مانسمع قبور اتهدمن
الخير كل نشوفه واله بطلعته
ياخذ بثار الزچيه جدته
✏ الشاعر الحسيني فرحان البزوني
ابوذيات استشهاد السيده الزهراء عليها السلام
ردت وياچ موتتنه متاني ؟ متى انا
اشوفچ يمته يالزهره متاني انتظر
عِجزت نعشچ تشيله متاني متوني
عجزت وحيلي بعدچ خان بيه
الوكت يالزهره من فرگاچ ضلعاي عجاج
مو ظل الشمس وياي ظل عاي ظل من العاج
تمنيته انكسر وياچ ضلعاي ضلعي
وموت وياچ يالزهره الزچيه
يدنيه بدفتر الاحزان گلباي اقلبي دفتري
صابر والصبر مايوم گلباي الشيء القليل
ويه الزهره انه ادفت گلباي قلبي
وعشت دنياي ماظل حيل بيه
لسان حال الرسول صلى الله عليه واله وسلم
بيچ رياگ عدواني زهرتي
وعله الكونين بنوارچ زهرتي
كلمن يبغض وعاده زهرتي
حتمن يبغض الباري ونبيه
✏ الشاعر الحسيني فرحان البزوني
قصيده لسيدتي ومولاتي فاطمة الزهراء عليها السلام
ياحيدر احضر ضربوني
وتشاهد سطره اعله عيوني
حرگ الدار ياكرار
هجمو عالدار وشتموني
✿✿✿✿✿《 1 》✿✿✿✿✿
ادري ياحيدر صعب هاي الرزيه
گبال عينك روحك تمرها المنيه
انته ياحيدر مچتف بالوصيه
گتلي رايد كون موتتنه سويه
ياحيدر بابك دخلوها
والنار ابدارك حرگوها
الاشرار ياكرار
هجمو عالدار وشتموني
✿✿✿✿✿《 2 》✿✿✿✿✿
ادري موسهله ابد هاي المصيبه
بدارك انه وچني ياحيدر غريبه
شلون تقبل ضربو الزهره الحبيبه
يبو حسين اصبر تره الموته قريبه
تشاهدني صرت بياحاله
والدمعه اعله الخد هماله
اتظل محتار ياكرار
هجمو عالدار وشتموني
✿✿✿✿✿《 3 》✿✿✿✿✿
وياي بس فضه صحتها وساعدتني
طايحه اعله الگاع اجتني وسندتني
شافت السطره اعله عيني وصبرتني
هذا حالي وهذا وضعي من عفتني
ياحيدر ظليت بحسره
من هجمو ماچني الزهره
حيلي انهار ياكرار
هجمو عالدار وشتموني
✿✿✿✿✿《 4 》✿✿✿✿✿
انه ياحيدر ابد مابطل وني
ميته من ساعة الوالد رحل عني
دفعة الباب وسطرتي ماتهمني
حيل المني النذل لمن شتمني
شتموني ويدروني البضعه
لاكونك حاضر وتسمعه
من الكفار ياكرار
هجمو عالدار وشتموني
✿✿✿✿✿《 5 》✿✿✿✿✿
كارثه المرت علي ماكو مثلها
الچانو اصحاب النبي بينت غلها
چان بس جبريل داري يدخل الها
كون سيفك ياعلي محد دخلها
بغيابك دارك دخلوها
حيدر وشموعك طفوها
بالبسمار ياكرار
هجمو عالدار وشتموني
✏ الشاعر الحسيني فرحان البزوني
استشهاد التابعي سعيد بن جبير رضوان الله عليه
لحن قصيدة لاتسألوني اعله حالي ملا باسم الكربلائي
من محمد نال علمـــه
تابعي ويامحله اسمه
✿✿✿✿✿《 1 》✿✿✿✿✿
سعيد ابنَ جُبير العنده غيره
من آل النبي علمه ومسيره
ابد محد ملك طبعه وضميره
بسمانه سيرِته تبقه منيره
وي نجوم اليمه نجمـــه
تابعي ويامحله اسمـــه
✿✿✿✿✿《 2 》✿✿✿✿✿
سعيد اعله الكرم والعفه رابي
لذلك يعتبر اطهر صحابي
اسمعو لو ردت احچي كتابي
عالينسون يومه ابعث عتابي
تعتبر ياشيعه خدمـه
تابعي ويامحله اسمه
✿✿✿✿✿《 3 》✿✿✿✿✿
رِفَع رايـة محمد والرساله
سعيد اليمتلك حكمه وعداله
لذلك حارب ارباب الضلاله
عليه الله رضه جل جلاله
برحمته الله يرحمـه
تابعي ويامحلـــــه اسمـــه
✿✿✿✿✿《 4 》✿✿✿✿✿
الله اختاره وعنده براهين
صحابي وماترك دربك يبو حسين
شهر سيفه بيمينه وناصر الدين
الله سجله من المضحين
مايقل فد يوم عزمــه
تابعي ويامحله اسمه
✿✿✿✿✿《 5 》✿✿✿✿✿
لازم نذكر امجـــــاده ونزوره
سعيد القدم النه احله صوره
تجي وتزوره الشيعه الغيوره
نشرح عنه عن روحه الصبوره
وبضريحه احله نسمـــه
تابـــعي ويامحله اسمه
✏ الشاعر الحسيني فرحان البزوني
ابوذيات ولادة الرسول محمد ص
نزل تبليغ من الله تعالى
يا جبريل وي طه تعالى
صوت الشيعه بالمحفل تعالى
تهاني الحيدره وبته الزچيه
✿✿✿✿✿《 》✿✿✿✿✿
جنة الخلد من غيرك وطاها
السمه ونخلق من اجلك وطاها
حيدر للخلق رحمه وطه
انبعث رحمه وشفاعه للبريه
✿✿✿✿✿《 》✿✿✿✿✿
للأمه انوجد شخصك حملها
المشاعر بارده اوحدك حملها
الرساله ماگدر غيرك حملها
ولا غيرك گدر للجاهليه
✿✿✿✿✿《 》✿✿✿✿✿
لسانه السيف عالباطل شهربيه
اليسره ابد مامره شهربيه
بربيع اول اهنيكم شهربيه
ميلاد النبي سيد البريه
✿✿✿✿✿《 》✿✿✿✿✿
النبي الرحمه رفعنه يامدينه
نصر رغم اليضدهم يامدينه
من كل مدن احسن يامدينه
الفضلها انولد بيها نبيه
✏ الشاعر الحسيني فرحان البزوني
زهيري لولادة الرسول محمد ص
نور الهدايه بزغ لناس ضيه علي
وجبريل لمن نزل لنبي گله علي
جاب البراق وهبط والباري دزه علي
هذا محمد ابد لا ما وصله احد
لمن اجاله قره قل هو الله احد
حيدر وگف بالحرب فقاره يبقه احد
نفرح نجي بالحفل ونهني حيدر علي
الشاعر الحسيني فرحان البزوني
قصيده ولادة الرسول محمد ص
لحن قصيدة هلا بيك يابو صالح المرحوم سيد محمد العلوي
بالگلوب يمن حبك بالگلوب
يمحبوب محمدنه يمحبوب
✿✿✿✿✿✿《 1 》✿✿✿✿✿✿
فرح ميلادك اليوم
بگلبنه زاح الهموم
علينه الفرحه تدوم
سهرنه ونترك النوم
بالدروب ورد ننثر بالدروب
يمحبوب محمدنه يمحبوب
✿✿✿✿✿✿《 2 》✿✿✿✿✿✿
فرح مليان كل دار
بميلادك يمختار
نهني علي الكرار
ونهني ام الاطهار
للغروب الصبح ونظل للغروب
يمحبوب محمدنه يمحبوب
✿✿✿✿✿✿《 3 》✿✿✿✿✿✿
فرح عم المدينه
ورد جبنه بدينه
ابن عمك علينه
نهينيه اعتنينه
يمكتوب بگلبنه انته يمكتوب
يمحبوب محمدنه يمحبوب
✿✿✿✿✿✿《 4 》✿✿✿✿✿✿
ياخاتم للديان
رحمه الكل الاكوان
نورك هلهل وبان
بيدك شلت قرأن
يمهيوب هله بجيتك يمهيوب
يمحبوب محمدنه يمحبوب
✿✿✿✿✿✿《 5 》✿✿✿✿✿✿
هله بجيتك محمد
يقل هو الله احد
يبيك الكل توحد
يمن حبك تخلد
يمندوب بصلاة الكل يمندوب
يمحبوب محمدنه يمحبوب
✏ الشاعر الحسيني فرحان البزوني
قصيده الى الامام المهدي عج
انه بس لجلك بقيت موالي
انته يالمهدي سكنت ابالي
ساكن ابوسط الگلب
انته يااروع محب
انته يالمهدي سكنت ابالي
✿✿✿✿✿✿《 1 》✿✿✿✿✿✿
انته نسمه تسير اعله انفاسي
بيك يالمهدي انه رافع راسي
لنه حبيتك بكل احساسي
خادمك وانته الامير
افتخر يالمهدي اصير
انته يالمهدي سكنت ابالي
✿✿✿✿✿✿《 2 》✿✿✿✿✿✿
انته يامولاي تنتظرك ورود
يبو صالح تفتخر بيك الوجود
ابقه ليل انهار انه متاني تعود
ليش طولت البعد
ندى تسير اعله الورد
انته يالمهدي سكنت ابالي
✿✿✿✿✿✿《 3 》✿✿✿✿✿✿
من اردد اسمك بليل الغرام
صدگ عيوني تفارگ للمنام
انته يامعشوگي ياعالي المقام
انته لعيوني ضوه
تبقه لجروحي دوه
انته يالمهدي سكنت ابالي
✿✿✿✿✿✿《 4 》✿✿✿✿✿✿
صبر ماظل وحنه ننطر طلعتك
مثل عطشان ويحن الشوفتك
ياامامي بعيني راسم صورتك
انتظرتك عله نار
گلبي مل الانتضار
انته يالمهدي سكنت ابالي
✿✿✿✿✿✿《 5 》✿✿✿✿✿✿
لوذكرتك عندي احله من الشهد
اقرب من الروح شخصك مابعد
شوكت تظهر گلبي مل من العدد
سيدي متاني الظهور
تنملي دنيانه نور
انته يالمهدي سكنت ابالي
✿✿✿✿✿✿《 6 》✿✿✿✿✿✿
جفن من العين شخصك مو بعيد
لو قريت الندبه ظل شوگك يزيد
يبو صالح غير جيتك مااريد
بالمنام وصحوتي
مناطرك يادنيتي
انته يالمهدي سكنت ابالي
✏ الشاعر الحسيني فرحان البزوني
https://youtu.be/LgTF4ylugWQ?si=EfjVovibD15IyOhm
قصيده الى الامام المهدي عج
ابعث سلامي
للمهدي امامي
طول غيابه
عشت بعذابه
شوگي وغرامي
للمهدي امامي
✿✿✿✿✿✿《 1 》✿✿✿✿✿✿
گلبي البعد ناداه ومحمل اشواگ
نار انتضاره تزيد يچويني الفراگ
المهدي فلا انساه كل لحظه اشتاگ
انطر ظهوره
ومتاني نوره
يقضه ومنامي
للمهدي امامي
✿✿✿✿✿✿《 2 》✿✿✿✿✿✿
يسري الملح عالروح عاشر جروحي
والقائم انه اتناه متلهفه روحي
صار الدمع جمرات والصبري يوحي
طال انتظاره
امشي بمساره
زايد هيامي
للمهدي امامي
✿✿✿✿✿✿《 3 》✿✿✿✿✿✿
طير بقفص حبسوه هيچ انه حالي
كلما افكر بيك مايهده بالي
غالي بغلات الروح مهدينه غالي
عيني ونظرها
جيته انتظرها
بجمل كلامي
للمهدي امامي
✿✿✿✿✿✿《 4 》✿✿✿✿✿✿
المهدي يمته الگاه ومشي بطريقه
هوه النفس للروح هاي الحقيقه
صعب البعد ياناس لا ما اطيقه
اسمع جوابي
همي وعذابي
ابقه انه ضامي
للمهدي امامي
✿✿✿✿✿✿《 5 》✿✿✿✿✿✿
كلما افكر بيك للندبه اقره
ادعي اله الكون عجل بأمره
ليل اليمر عالناس يالمهدي اسهره
اسهر وتاني
بشوگ واماني
عايف منامي
للمهدي امامي
✿✿✿✿✿✿《 6 》✿✿✿✿✿✿
يالمنتظر تانيت يمته انه اشوفك
هنياله يامولاي القبل چفوفك
لوعفت حته الروح لا مااعوفك
كونك تجيني
يكتل حنيني
زاد اهتمامي
للمهدي امامي
✏ الشاعر الحسيني فرحان البزوني
قصيدة استشهاد الحسن العسكري عليه السلام
لحن قصيدة استأذنك ياسلطان للرادود باسم الكربلائي
عالعسكري بكل وجدان
نبچي وتزيد الاحزان
يالمهدي الليله ايودعك
نذرف دمع وي دمعك
نبچي وتزيد الاحزان
✿✿✿✿✿✿《 1 》✿✿✿✿✿✿
حيات العسكري رادو ظلام وشمسه يطفوها
شخصيته حبيسة دار عن احبابه يخفوها
من بيت العلم والدين صفاته الكل يعرفوها
زاد المعتمد حقده امر چبده يسموها
همك يالمهدي شكبره
الحزنك بچت سامره
محد يوصف وضعك
نذرف دمع وي دمعك
نبچي وتزيد الاحزان
✿✿✿✿✿✿《 2 》✿✿✿✿✿✿
افراگ العسكري الليله بين وحشه عالامه
يمولاي شعظم همك وانته شاهدت سمه
يعينك الله يالمهدي واجرك سيدي يعظمه
وياك بگلب مفجوع اجينه انادي هالكلمه
ايعينك رب المعبود
ياجود مفارگ للجود
ليلك مفارگ شمعك
نذرف دمع وي دمعك
نبچي وتزيد الاحزان
✿✿✿✿✿✿《 3 》✿✿✿✿✿✿
رادو ينحسم امره بالسم تخلص ايامه
وكته خاين وغدار ضده تكتب اقلامه
ماوصلن للتلاثين ابوك وخلصن اعوامه
تتويجك بعد كم يوم تلبس تاجك عمامه
حزنك بچتله الاكوان
يالمنتظر انس وجان
يالمهدي موته ايفجعك
نذرف دمع وي دمعك
نبچي وتزيد الاحزان
✿✿✿✿✿✿《 4 》✿✿✿✿✿✿
مواقف يذكر التاريخ عنه وعلمه ابرزها
دينه وفقها والاحكام بعصره كلها عجزها
الحاجه المنه انطلبت كدر بتقانه ينجزها
صفاته معجزه لناس لكن اصله ابرزها
يالمهدي الولد لو غاب
ايسلملك ياليث الغاب
من طبعه ماخذ طبعك
نذرف دمع وي دمعك
نبچي وتزيد الاحزان
✿✿✿✿✿✿《 5 》✿✿✿✿✿✿
وبثامن ربيع اول الامام العسكري يرحل
ابن الهادي يالمسموم عزانه ريته يتقبل
ادري تحضر الزهراء المجلس كله يتسجل
يبو صالح بديك يموت گلبك گوه يتحمل
يالقائم لو گلبك طاح
معناها كل عمرك راح
ايواسون اجولك ربعك
نذرف دمع وي دمعك
نبچي وتزيد الاحزان
✏ الشاعر الحسيني فرحان البزوني
قصيدة استشهاد رسول اﻻنسانيه محمد صلى الله عليه وآله وسلم
يامحمد صعب يوم مصابك
يامحمد عله الشيعه أحبابك
فاطمه انعزيها
جينه ونواسيها
يامحمد يامحمد
✿✿✿✿✿✿《 1 》✿✿✿✿✿✿
اليوم قدمنه التعازي للبتول
نگلها عظم اجرچ الله عالرسول
والله محتارين يالزهره شنگول
والربيتي وياه هجرانه يطول
يامحمد ماتبطل دموعها
يامحمد طفت كل شموعها
بالبچي مخليها ٠٠٠٠٠ جينه ونواسيها
يامحمد يامحمد
✿✿✿✿✿✿《 2 》✿✿✿✿✿✿
بيت للاحزان سكنت بالغياب
لان يوم مصابك اشتد العذاب
ابد مايبطل دمعها بالمصاب
بعد صارت شوفتك مثل السراب
يامحمد ماتكف دمعاتها
يامحمد اتزايدت حسراتها
صعبه حاله البيها ٠٠٠٠٠ جينه ونواسيها
يامحمد يامحمد
✿✿✿✿✿✿《 3 》✿✿✿✿✿✿
يانبي الرحمه يمنهاج العلوم
للرساله اختارك الحي القيوم
رادت الزهراء وياها تدوم
تريد متعوفك بساعات الهموم
يامحمد ليش منعدها رحت
يامحمد يوم بفراشك طحت
الدنيه ظلمه اعليها ٠٠٠٠٠ جينه ونواسيها
يامحمد يامحمد
✿✿✿✿✿✿《 4 》✿✿✿✿✿✿
يارسول الله خاتم الانبياء
اليوم كل شيعي نصب لجلك عزاء
يالبچت لجلك ملائكة السماء
للنجف مولاي نمشي وكربلاء
يامحمد انواسي الحسين وعلي
يامحمد وبكلب يغلي غلي
الروح الك نفديها ٠٠٠٠٠ جينه ونواسيها
يامحمد يامحمد
✿✿✿✿✿✿《 5 》✿✿✿✿✿✿
حزنت الاكوان ياطه الامين
كل موالي اليوم متألم حزين
مايجي مثلك عله مر السنين
صار معراجك بأولى القبلتين
يامحمد قابلت رب الكريم
يامحمد لعلى خلقآ عظيم
للبشر هاديها ٠٠٠٠٠ جينه ونواسيها
يامحمد يامحمد
✏ الشاعر الحسيني فرحان البزوني
قصيده استشهاد الامام الحسن العسكري عليه السلام
اول ما وعيت بدنيتي هاي
اعطش للحسن چن فارگت ماي
ابو المهدي المنتظر
حبه بگلبي كبر
اول ما وعيت
اول ما وعيت
✿✿✿✿✿《 1 》✿✿✿✿✿✿
من وعيت ابالي واحد انشده
منو بسامره اشاهد مرقده ؟
والمناير بقت رمز وخالده
گالو العسكري هوه اوالده
هاوي للزياره
عاشگ للمناره
اول ما وعيت
اول ما وعيت
✿✿✿✿✿《 2 》✿✿✿✿✿✿
گمت للعسكري ابحث قصته
وبحياته منو الزمرته العادته
وشنو چان السبب سمو چبدته
وعادو الكره وهدمو گبته
الزمره اللئيمه
وحقاد القديمه
اول ما وعيت
اول ما وعيت
✿✿✿✿✿《 3 》✿✿✿✿✿✿
لو تحين زيارته گلبي انفطر
اتوشحت سامره بهموم وقهر
الماحضر للمجلس ويبچي خسر
انه اواسي گمت لبنه المنتظر
مااعوف زياته
بعيني راسم گبته
اول ما وعيت
اول ما وعيت
✿✿✿✿✿《 4 》✿✿✿✿✿✿
قبل اسمع سجين وچبده مسموم
بسامره اسمعت بالحسن مظلوم
مفجوع أصبحت من زغري لليوم
كاسيني القهر والحزن وهموم
وبالي عذابه
ماعوفن مصابه
اول ما وعيت
اول ما وعيت
✿✿✿✿✿《 5 》✿✿✿✿✿✿
ربيع اول بثامن مات مسجون
متعذب حسافه بقعر السجون
نعميها بمصابه كون العيون
ونقيم العزه ضد اليبغضون
چن عاشر محرم
نقيم هناك مأتم
اول ما وعيت
اول ما وعيت
✏ الشاعر الحسيني فرحان البزوني