66917
Банк-молия тизимидаги актуал канал. Бизда фақат долзарб масалалар ёритилади. Бошқа лойиҳаларимиз: @ishbank, @bank_xabar Тижорий ҳамкорлик масалалари: @arslonpr Мурожаат юбориш учун: @bankirmanbot
🏦 Туронбанкдан 418 маҳаллага 63 минг лимон кўчати – тадбиркорга амалий ёрдам!
Ўзбекистон Республикаси Президентининг 2024 йил 30 декабрдаги ПҚ-465-сонли қарорига мувофиқ, мамлакатимизда лимон етиштириш йўналишига алоҳида эътибор қаратилаётгани барчамизга маълум.
Шу мақсадда, “Туронбанк” АТБ томонидан юртимиздаги 418 та маҳаллада жойлашган иссиқхоналар учун жами 63 минг дона лимон кўчатлари бепул тарқатилди.
Бу лойиҳа ҳудудларда иссиқхона хўжаликларини ривожлантириш, аҳоли бандлигини таъминлаш ҳамда маҳаллий тадбиркорлик салоҳиятини оширишга хизмат қилади.
🏦 “Туронбанк” ҳар доим тадбиркорликни қўллаб-қувватлаш, аҳоли фаровонлигини ошириш ва иқтисодий тараққиётга ҳисса қўшишга тайёр!
⚡️Айтишларича, бугун Президентимиз Ш.Мирзиёев раҳбарлигида видеоселектор йиғилиши ўтказилиши кутилмоқда.
Кун тартиби: "Давлат мулкини хусусийлаштириш бўйича 2025 йил учун устувор вазифалар" тўғрисида.
Йиғилишда ҳокимлар, уларнинг барча ўринбосарлари, прокурорлар, ички ишлар, солиқ (Собиқ сектор раҳбарлари), божхона, Давлат активларини бошқариш, Иқтисодиёт ва молия, бандлик, маданият, соғлиқни сақлаш бошқармалари бошлиқлари, Савдо-саноат палатаси ва Бизнес-омбудсман ҳудуди вакиллари, Марказий банк ва тижорат банклари раҳбарлари иштирок этади.
Жумладан шаҳар ва туман тижорат банклари раҳбарлари ва юқоридаги бошқармаларнинг шаҳар ва туман бўлим бошлиқлари иштирок этади.
👉 @bankirkundaligi 👈
⚡️TIME ЖУРНАЛИ OCTOBANKНИ МОЛИЯВИЙ ИННОВАЦИЯ ЕТАКЧИСИ ДЕБ АТАДИ
Дунёдаги нуфузли нашрлардан бири TIME журнали Octobankни молия соҳасидаги инновациялар ва замонавий банк хизматлари соҳасидаги етакчи деб атади. Журналда чоп этилган "Octobank – The Future Face of Finance" мақоласида банк жорий этаётган янги рақамли стандартлар ҳақида ёзилган.
«Octobank шунчаки банк эмас. У молия ва ижтимоий масъулиятнинг келажагига бўлган нигоҳдир. Илғор технологияларни инклюзивлик, шаффофликка бўлган садоқат билан уйғунлаштирган ҳолда, Octobank рақамли даврда банк бўлиш нимани англатишини қайта идрок этди.
Молиявий муҳит ривожланишда давом этаётган бир пайтда, Octobank банк хизмати ҳам инновацион, ҳам инсон томонга йўналтирилган бўлиши мумкинлигини исботлаб, етакчиликка тайёр», деб таъкидланади мақолада.
⭐️TIME'нинг бундай юқори баҳоси Octobank ва бутун Марказий Осиё молиявий бозори учун халқаро миқёсдаги мавқени мустаҳкамлашга хизмат қилиши мумкин.
👉 @bankirkundaligi 👈
🏦АСАКАБАНК – КОРРУПЦИЯГА ҚАРШИ МУРОСАСИЗ КУРАШДА ФАОЛ ҚАДАМЛАР!
"Асакабанк" АЖ Бош офиси Комплаенс назорат департаменти томонидан 19-20 март кунлари Наманган банк хизматлари марказида "АСАКАБАНКДА КОРРУПЦИЯГА ҚАРШИ МУРОСАСИЗ КУРАШ – ТОЗА БИЗНЕС ВА ИШОНЧЛИ МОЛИЯВИЙ МУҲИТ ЙЎЛИДА" мавзусида амалий чора-тадбирлар ўтказилди.
☑️Тадбир давомида:
▪️Коррупцияга қарши курашиш механизмлари муҳокама қилинди;
▪️Ходимларнинг масъулиятини ошириш бўйича амалий тавсиялар берилди;
▪️Коррупцияга қарши ҳуқуқий асослар бўйича маълумотлар тақдим этилди.
Тадбирда Наманган шаҳар прокуратураси ҳамда Марказий банк масъул ходимлари иштирокида банкда очиқлик ва шаффофликни таъминлаш масалалари муҳокама қилинди.
Бундан ташқари, Наманган вилоятидаги махалла банкирлари фаолиятини ўрганиш мақсадида жойига чиқиб, уларга коррупцияга қарши курашиш ва унинг олдини олиш ҳамда Асакабанк томонидан коррупцияга қарши курашишга оид ҳужжатлар жамланмасидан иборат қўлланмалар тақдим этилиб, тегишли тушунтиришлар берилди.
👉 @bankirkundaligi 👈
Ҳафталик дайжест.
Банк тизими ҳафталик (10 - 23 март) янгиликлари.
☑️Марказий банк асосий ставкани 0.5 фоиз ошириб, йиллик 14 фоиз этиб белгилади. Батафсил.
☑️Халқбанки балансидаги нотурар жой объектларини e-auksion орқали сотувга қўйганини маълум қилди. Батафсил. Банк шунингдек 20 йилгача муддатга ипотека кредит таклиф этди. Бошланғич тўлов 15%дан бошлаб, фоизи 17%дан бошлаб.
☑️Анорбанк юридик шахс ва ЯТТлар учун онлайн депозитларни таклиф этди. Энг кам миқдори 1 млн сўм ёки 100$. Фоизи сўмда 18%, валютада 5%гача.
☑️Ўзсаноатқурилишбанк бизнес учун автокредит таклиф этди. Миқдори 500 минг АҚШ долларигача, муддати 48 ойгача, имтиёзли давр 6 ой.
☑️Туронбанк бизнес учун "Turon Qulay 2.0" кредитини таклиф этди. Муддати 12 ой бўлганда 23%, 18 ой бўлганда 24%. Миқдори 3 млрд сўмгача. Банк шунингдек, ипотека кредитларини ҳам таклиф этди. Батафсил.
☑️Ориент финанс банк «Бепул ой — 2.0» микроқарзини таклиф этди. Дастлабки 30 кун фоизсиз, кейинги ойдан бошлаб 29%.Миқдори 50 млн сўмгача, муддати 12 ой.
☑️Асакабанк BI Group уйлари учун ипотека кредит таклиф этди. Муддати 10 йилгача, бошланғич тўлов 25%.
☑️Ўзмиллийбанк 100 млн сўмгача микроқарз таклиф этди. Фоизи 26%, муддати 36 ойгача.
☑️Трастбанк Халқаро Ислом савдо-молия корпорацияси билан 20 млн АҚШ доллари миқдорида келишув имзолади. Батафсил.
☑️Смартбанк тадбиркорлар учун муддатли тўлов дастурини таклиф этди. Миқдори 5 млрд сўмгача, муддати 24 ойгача.
☑️Азия аллианс банк "Маҳалла фаровонлиги" микроқарзини таклиф этди. Миқдори 50 млн сўмгача, муддати 5 йилгача, фоизи 24%.
☑️АлоқаБанк автокредит таклиф этди. Муддати 60 ойгача, имтиёзли давр 3 ойгача, фоизи 25%дан бошлаб.
☑️МКБанк "Универсал" омонатини таклиф этди. Фоизи 21%, муддати 11-24 ой, энг кам миқдори100 минг сўм.
☑️Тенге Банк Қозоғистон Halyk Bank карталарига комиссиясиз ўтказмаларни таклиф этди. Шунингдек, банк 4%ли валюта омонатини таклиф этди. Муддати 6 ой, минимал миқдори 100$.
☑️Hamkorbank янги уй-жой харид қилиш учун ипотека кредит таклиф этди. Миқдори 420 млн сўмгача, муддати 20 йилгача, фоизи 16,5%, бошланғич тўлов 15%дан.
☑️Октобанк TIME журнали саҳифаларида банк ҳақида мақола чоп этилганини маълум қилди.
☑️Бизнесни ривожлантириш банки Франциянинг тараққиёт агентлиги билан 30 млн Евро ва Union of Arab and French Banks билан20 млн Евро миқдоридаги ҳамкорлик келишувларини имзолади.
☑️Инфин банк "Инфин Насия" картасини таклиф этди. Муддати 5 йил, миқдори 100 млн сўмгача, муддати 12 ой, тикланадиган муддати 48 ой.
☑️Ипотека-банк давлат хизматчилари учун микроқарз таклиф этди. Фоизи 24%дан бошланади, муддати 5 йилгача.
☑️Агробанк саёҳатлар учун кредит карта таклиф этди. Миқдори 100 млн сўмгача, муддати 4 йилгача, фоизи 27%дан бошлаб.
☑️Универсалбанк иккиламчи бозор учун автокредит таклиф этди. Муддати 36 ойгача, бошланғич тўлов автомобил нарҳининг 36 фоизи.
☑️Гарантбанк ўзини ўзи банд қилган фуқаролар учун 300 млн сўмгача "Фаровонлик" микрокредитини таклиф этди. Фоизи 30%, муддати 36 ойгача.
☑️Пойтахтбанк жорий йил 10 апрелгача 100 млн сўмгача "Наврўз" микроқарзини таклиф этди. Муддати 36 ойгача, фоизи26%дан бошланади.
☑️Қуйидаги банклар ишга таклиф этди:
▪️МКБанк;
▪️Ўзмиллийбанк;
▪️Анорбанк.
☑️Ҳафта давомида энг кўп ўқилган пост.
☑️Айни кунда мавжуд ипотека кредитлари шартларини 👉мана бу ерда👈 эълон қилдик.
☑️Камбағал оилаларга 120 млн сўмгача ипотека кредитлари ажратилиши ҳақида 👉Мана бу ерда👈 тўхталиб ўтдик.
☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.
Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.
👉 @bankirkundaligi 👈
ТОМОРҚА ВА ДЕҲҚОН ХЎЖАЛИГИ ЕРЛАРИДАН ФОЙДАЛАНИШ УЧУН БИР ҚАНЧА ТУРДАГИ СУБСИДИЯЛАР АЖРАТИТИЛИШИ БЕЛГИЛАНДИ
Камбағалликни қисқартириш ва бандлик вазирининг 2025 йил 19 мартда 89-сонли буйруғи тасдиқланиб, унга кўра, "Деҳқон хўжаликлари ва томорқа ер эгалари фаолиятини қўллаб-қувватлаш жамғармаси (жамғарма) ҳисобидан молиявий ёрдамлар ажратишнинг вақтинчалик тартиби" тасдиқланган.
(Президентимизнинг ПФ-22-сонли фармонида Вазирлар Маҳкамаси бир ой муддатда бу борада низомни тасдиқлаши белгиланган. Вазирлар Маҳкамаси ушбу Низомни очиқ манбаларда эълон қилгани ҳақида ахборотга эга эмасмиз)
☑️Ушбу вақтинчалик тартибга кўра,
▪️Энг намунали ва инновацион лойиҳа учун базавий ҳисоблаш миқдори(БҲМ)нинг 100 бараваридан ошмаган миқдорда грант ажратиш тартиби;
(2025 йилда 100 та, кейинги йилларда 500 тагача рўйҳатни Кенгаш тасдиқлайди. Рўйҳат маҳалла еттилиги хатлови асосида шакллантирилади)
▪️Маҳалла хонадонларида намунали аҳоли томорқасини яратиб бериш учун БҲМнинг 100 бараваригача субсидия ажратиш тартиби;
(Маҳаллада битта хонадон танлаб олиниб, томорқаси намунавий ўқув-тажриба томорқасига айлантирилади. Жамғарма томорқани намунавий ўқув-тажриба томорқасига айлантириш мақсадида сарфланадиган маблағларни "Камбағаллик ва бандлик соҳасида лойиҳаларни бошқариш маркази" МЧЖ билан тўғридан-тўғри шартнома тузган ҳолда тўловларни амалга оширади. Шундай ваколати борми Вазирликни!)
▪️Деҳқон хўжалигининг ерларида намунавий ўқув-тажриба ер майдонларини ташкил этиш билан боғлиқ харажатларни қоплаш учун БҲМнинг 200 бараваригача миқдорда субсидия ажратиш тартиби;
(Деҳқон хўжаликлари ерлари намунавий ўқув-тажриба ер майдонига айлантирилади. Жамғарма деҳқон хўжаликлари ерларини намунавий ўқув-тажриба ер майдонига айлантириш мақсадида сарфланадиган маблағларни "Камбағаллик ва бандлик соҳасида лойиҳаларни бошқариш маркази" МЧЖ билан тўғридан-тўғри шартнома тузган ҳолда тўловларни амалга оширади. Шундай ваколати борми Вазирликни!)
▪️Уста деҳқонлар томонидан қисқа муддатли ўқув курсларини ташкил этиш билан боғлиқ харажатларни қоплаш мақсадида ҳар бир курс учун субсидия ажратиш тартиби;
(Маҳалла еттилиги юқори даромад олаётган уста деҳқонларга ҳар бир ўқув курсда камида 15 нафар тингловчиларни жамлаб ўқув курсларини ташкиллайди. Бунинг учун БҲМнинг 15 баравари миқдорида субсидия ажратилади. Маблағ уста-деҳқоннинг пластик картасига ўтказиб берилади)
▪️Камбағал оила хонадони кўча ва ички томорқасини узумчилик (ток сўриси) ташкил этиш билан боғлиқ харажатларни қоплаш учун субсидия ажратиш тартиби;
(Маҳалла еттилиги талабгорлар рўйҳатини шакллантиради ва БҲМнинг 20 баравари миқдорида субсидия тўланади. Маблағ узумчилик ўрнатиб берувчи ташкилот ва камбағал оила аъзоси ўртасида шартномага асосан ўша ташкилотга ўтказиб берилади)
▪️Маҳалладаги 50 фоиз хонадонларнинг томорқасида экспортбоп маҳсулот етиштиришни йўлга қўйиб берган уста-деҳқонларга 100 млн сўмгача субсидия ажратиш тартиби;
(300 тадан кам хонадони бўлган маҳаллаларнинг 50 фоизи учун 50 млн сўм, 300 тадан 500 тагача бўлса 75 млн сўм, 500 та ортиқ бўлганда 100 млн сўмгача субсидия ажратилади. Маблағ уста-деҳқоннинг пластик картасига ўтказиб берилади)
▪️Қишлоқ хўжалиги маҳсулотларини етиштириш, уларни қайта ишлаш, қуритиш, сақлаш ва қадоқлаш лойиҳалари учун кредит ажратиш тартиби;
(Ҳоким ёрдамчисига мурожаат қилинади, маҳалла еттилиги коллегиал қарор қабул қилади. Тегишли тижорат банки 2 йилгача имтиёзли давр билан 7 йилгача муддатга асосий ставкадан 4 фоизлик пункт юқори ставкада БҲМнинг 2500 бараваригача кредит ажратади.)
▪️Аҳоли томорқалари ва ижара ерларида ихчам музлаткичли омборхоналар, қадоқлаш, қуритиш ва қайта ишлаш ускуналари, тайёр ҳолдаги иссиқхоналарни лизинг (молиявий ижара)га бериш тартиблари белгиланди.
(Ҳоким ёрдамчисига мурожаат қилинади, Маҳалла еттилиги коллегиал қарор қабул қилади. "Камбағаллик ва бандлик соҳасида лойиҳаларни бошқариш маркази" МЧЖ 24 ойлик имтиёзли давр билан 5 йилда бўлиб тўлаш шарти асосида асосий ставкадан 4 фоиз юқори ставкада БҲМнинг 1000 бараваригача лизинг ажратилади)
👉 @bankirkundaligi 👈
#Бизга_ёзишмоқда (@bankirmanbot)
ТАШҚИ КЎРИНИШИГА ҚАРАБ МУОМАЛА ҚИЛИШДИ
Мени исмим У.Р.М., Фарғона вилояти, Қўқон шахариданман. Сизга 20 март куни Капиталбанк Қўқон филиалида бўган жуда бир кўнгилсиз холатни ёзмоқчиман.
2025 йил 20 март (иш) куни соат 14:10 атрофи Капиталбанк Қўқон филиалига 2 та 50 грамлик қуйма тилло олиш учун бордим. Наврўзга онам билан аёлимга совға қиламан деб. Сал кам 9 ойдан бери пластик картамга пул йиғиб юргандим.
2-кассадаги кассир манга "Тиллони картага сотмаймиз, пулингизни банкоматдан нақдлаштириб келинг" - деди. "1% хизмат ҳақи йўқотаманку" - десам, "Йўқ услуга олмайди" деди.
Чиқиб 100 000 сўм ечиб кўрсам 1% оляпти, кейин бошқа банкоматларгаям бордим, барибир хизмат ҳақи оларкан.
"Э нима бўса бўлди, онам билан аёлимга совғаку" - деб 1%га ечиб, пулни кўтариб банкка борсам соат "17 бўлиб қолди, энди сота олмаймиз" - дедида.
Бошқарувчи ўринбосарини олдига кирганимдан кейин мендан кассир ходима кечирим сўраб "Узр биринчи сафар келганингизда сизни олмайди, шунчаки сўраяпти деб ўйлапман" - деб жавоб берди.
Тўғри, уйда иш қилиб турганлигим сабабли оддий кийимда боргандим, тилло олиш учун костюм шимда бориш шартмаску. 1% банкомат хизматию душанба куни тилло нарҳи яна ошишиям майли, лекин одамни менсимасдан, ташқи кўринишига қараб муомала қилиши жуда дилими оғритди, яқинларимга совға хам ололмадим.
Илтимос шуни ёритиб беринг, бўлмаса бошқаларгаям шунақа қўл учида қарайдиган бўлади булар.
👉 @bankirkundaligi 👈
RASMIY DAROMADSIZ 300 MILLION SO‘MGACHA KREDIT! 💵
🔥 Zudlik bilan naqd pul kerak, ammo rasmiy daromadingiz yo‘qmi? ANORBANKda bu muammo emas!
💵 Biz nimani taklif qilamiz?
✅ 300 million so‘mgacha naqd pul
✅ Ortiqcha hujjatlarsiz
✅ Muddat 60 oygacha
✅ O‘sha kunning o‘zida pul qo‘lingizda bo‘ladi
💳 Foiz stavkasi – 43,99%
🏡 Garov – ko‘chmas mulk yoki avtomobil
📌 O‘zini o‘zi band qilganlik sharti asosida!
💨 Ariza qoldiring.
Batafsil ma’lumot.
👉 @bankirkundaligi 👈
ТОЗАЛИК КУНИ
Пахтачи тумани, Тиббиёт бирлашмасига қўйилган Микрокредитбанк банкоматидаги ҳолат. Видео 2025 йил 19 март - иш куни олинган.
Хабарингиз бор, ҳафтанинг жума кунини каналимизда "Тозалик куни" деб эълон қилганмиз.
👉 @bankirkundaligi 👈
🌺НАВРЎЗ АЙЁМИНГИЗ МУБОРАК БЎЛСИН
Энг яқин инсоним!
Яшариш ва янгиланиш айёми сизга ва оилангизга, жамоангизга қутлуғ бўлсин. Янаги Наврўзларгача соғ ва саломат бўлинг. Тинчлигимиз ва тотувлигимизга кўз тегмасин, абадий бўлсин.
👉 @bankirkundaligi 👈
🏦 Туронбанк барча турдаги ипотека кредитларни таклиф қилмоқда!
⏺Уй-жойни таъмирлаш учун:
◦ Фоизи - 25%
◦ Муддати - 10 йил
◦ Бошланғич тўлов - талаб этилмайди
◦ Миқдори - 170 млн сўмгача
Батафсил маълумот
⏺Яшил таъмир ипотекаси - уй-жойни таъмирлаш учун:
◦ Фоизи - 23%
◦ Муддати - 10 йил
◦ Бошланғич тўлов - талаб этилмайди
◦ Миқдори - 140 млн сўмгача
Батафсил маълумот
⏺Файзли маскан ипотекаси (бирламчи ва иккиламчи):
◦ Фоизи - 25%
◦ Муддати - 10 йил
◦ Бошланғич тўлов - 26%
◦ Миқдори - 800 млн сўмгача
Батафсил маълумот
⏺Ипотека(Бирламчи):
◦ Фоизи - 17.5%
◦ Муддати - 20 йилгача
◦ Миқдори - 420 млн сўмгача
👆Расмий даромад манбаига эга фуқаролар учун бошланғич бадал 15 %;
👆Расмий даромадсиз мижозлар учун бошланғич бадал 30 % дан бошланади
Батафсил маълумот
⏺Ипотека (ПФ-26 бирламчи):
◦ Фоизи - 19.5%
◦ Муддати - 20 йил
◦ Бошланғич тўлов - 25%
◦ Миқдори - 800 млн сўмгача
Батафсил маълумот
⏺Янада осон ипотека (бирламчи ва иккиламчи бозордан):
◦ Фоизи - 26%
◦ Муддати - 10 йилгача
◦ Бошланғич тўлов - 25% дан бошланади
👆Расмий даромад манбаи талаб этилмайди
Батафсил маълумот
☎️Мурожаат учун: 1220
👉 @bankirkundaligi 👈
АСОСИЙ СТАВКА КЎТАРИЛДИ
Марказий банк Бошқаруви 2025 йил 20 мартда асосий ставкани йиллик 0,5 фоиз бандга ошириб, йиллик 14 фоиз даражасида белгилаш тўғрисида қарор қабул қилди.
Пресс-релиз.
Асосий ставкани кўриб чиқиш бўйича Марказий банк бошқарувининг навбатдаги йиғилиши 2025 йил 24 апрель кунига белгиланган.
👉 @bankirkundaligi 👈
“ТРАСТБАНК” ВА ХАЛҚАРО ИСЛОМ САВДО-МОЛИЯ КОРПОРАЦИЯСИ ЎРТАСИДА 20 МЛН АҚШ ДОЛЛАРЛИК БИТИМ ИМЗОЛАНДИ
Президентимиз раислигида 2024 йил 16 декабрда бўлиб ўтган видеоселектор йиғилишида банклар иштирокида маҳаллаларда аҳоли бандлигини таъминлаш ва даромадли қилишга қаратилган устувор вазифалар белгилаб берилган эди. Қолаверса, ташқи манбалардан 6 млрд доллар жалб қилиши муҳимлиги таъкидланганди.
“Трастбанк” бу борада зарур чора-тадбирларни амалга ошириб, мижозларнинг лойиҳаларини молиялаштириш учун қўшимча имкониятлар тақдим этмоқда.
Бугун Саудия Арабистонининг Жидда шаҳрида “Трастбанк” ва Халқаро Ислом савдо-молия корпорацияси ўртасида 20 миллион АҚШ долларлик битим имзоланди.
Унга кўра, банк хизматлари кенгайтирилади, тадбиркорлик ва кичик бизнес ривожлантирилади. Ушбу маблағлар озиқ-овқат, текстиль, фармацевтика, умумий овқатланиш, хизмат кўрсатиш ва бошқа шу каби соҳаларга йўналтирилади. Бунинг натижасида эса нафақат бу тизимлар янада равнақ топади, балки янги иш ўринлари яратилади.
Батафсил
👉 @bankirkundaligi 👈
БАРЧА ДАВЛАТ ИДОРАЛАРИ БИТТА КЎП ҚАВАТЛИ БИНОГА КЎЧИРИЛАДИ
Бугунги учрашувда юқори технологияли маҳсулот яратадиган тадбиркорларга 10 минг квадрат метргача бўлган давлат объектлари 5 йилга бепул ижарага берилиши белгиланди.
▪️Шу билан бирга, бу борада янги тизим жорий қилинади: 15 та туман ва шаҳарда барча давлат идоралари туманлар марказидаги битта кўп қаватли бинога кўчирилади. Янги биноларнинг 1-2-қаватлари тадбиркорларга сотилади.
▪️Ушбу туманларда давлат идораларидан бўшайдиган 150 та бино аукционда тадбиркорларга таклиф қилинади.
Бу йил кичик ва ўрта бизнес лойиҳалари инфратузилмасига ажратилиши белгиланган 1 триллион сўмга қўшимча 500 миллиард сўм ажратилади.
👉 @bankirkundaligi 👈
ПРЕЗИДЕНТ СОҲА УЧУН ЯНГИ ТАШАББУСЛАРНИ ИЛГАРИ СУРДИ
Жумладан, кичик ва ўрта бизнесни ривожлантириш бўйича хорижий экспертлар билан катта дастур ишлаб чиқилди. Бунга 2025 йилда барча манбалар ҳисобидан 10 миллиард доллар ажратилади.
"Бу йил кичик ва ўрта бизнесга 120 триллион сўм ресурс берилади. Бунча катта маблағ илгари ҳеч қачон бўлмаган", - деди давлатимиз раҳбари.
Хусусан, аҳолини тадбиркорликка жалб қилиш учун 22 триллион сўмлик имтиёзли ресурс ажратилади. Шундан 2,5 триллион сўм ёшларга, яна шунчаси аёллар тадбиркорлиги лойиҳалари учун йўналтирилади.
Аёл тадбиркорларга кредит ставкаси бошқаларга нисбатан 2 фоиз арзон бўлади.
"Уй-рўзғор ва фарзанд тарбиясидан ортиб, тадбиркорлик билан одамларни ишли, даромадли қилаётган аёлларимизга ҳар қанча раҳмат айтсак, арзийди", - деди Президент.
Бу йилдан кичик бизнесга 300 миллион сўмгача кредит бериш бошланди. Эндиликда бир йилда йириклашиб, кичик ёки ўрта корхонага айланган тадбиркорларга шуни 150 миллион сўми гаровсиз берилади. Худди шундай, оилавий тадбиркорлик бўйича ҳам 50 миллион сўмгача гаровсиз кредит берилади.
Мутасаддиларга олдинги кредитидан кечиккан қарзи бўлмаган тадбиркорларга янги имтиёзли кредит олиш имконини яратиш топширилди.
👉 @bankirkundaligi 👈
Octobank Ўзбекистонда энг кўп ёритилган 5 та банк қаторидан жой олди
Index маркетинг агентлиги 1 январдан 15 мартгача Ўзбекистон интернет ОАВларида банк фаолияти бўйича эълон қилинган мақолаларни таҳлил қилди. Тадқиқот натижаларига кўра, Octobank барча хусусий банклар орасида ОАВдаги нашрларда энг кўп ёритилган 5 та банкдан бири бўлди. Банк ҳақида интернет нашрларда жами 107 та мақола чоп этилган.
Octobank Ижро аппарати раҳбари Комилжон Саидов бу натижани шундай изоҳлади:
«Биз учун ОАВ ларда эслатиб ўтилган маҳсулотлар мижозлар учун қанчалик қизиқарли ва фойдали эканлигининг кўрсаткичидир. Бу рейтинг бизга етакчилар, мамлакат бизнес ландшафтини шакллантирганлар орасидаги ўрнимизни баҳолашга ва улар орасида қаерда туришимизни тушунишга ёрдам беради. Биз мижозларимизнинг ҳаётини янада қулайлаштирадиган банк яратмоқдамиз ҳамда биз ҳақимизда интернет маконида қайдлар ошиб борган сари, одамлар биз ва маҳсулотларимиз ҳақида шунчалик кўп маълумотга эга бўлишади».
⚡️30 МАРТ - ЯКШАНБА РАМАЗОН ҲАЙИТИ. ДУШАНБА ЭСА БАРЧА УЧУН ДАМ ОЛИШ КУНИ
Бу борада Президентнинг қарори қабул қилинди. Унга кўра, мамлакатимизда 2025 йил 30 март куни Рамазон ҳайити байрами сифатида кенг нишонланади.
Меҳнат кодексининг 208-моддасига мувофиқ:
- ишланмайдиган байрам куни ҳисобланувчи Рамазон ҳайитининг биринчи куни 2025 йилда якшанба – дам олиш кунига тўғри келиши муносабати билан ушбу дам олиш куни 31 март – душанба кунига кўчирилди.
👉 @bankirkundaligi 👈
🏠 ХАЛҚ БАНКИ БИЛАН ЎЗ УЙИНГИЗГА ЭГА БЎЛИНГ!
Банк "Farovon" ипотека кредитини таклиф қилмоқда. Кредит бирламчи бозордан хонадон харид қилиш учун ажратилади.
☑️Шартлари:
▪️муддати: 20 йилгача
▪️бошланғич тўлов: 15%дан бошлаб
▪️йиллик фоизи: 17%дан бошлаб
▪️имтиёзли давр: мижоз хоҳишига кўра 6 ой
☑️Кредитнинг максимал миқдори:
▪️Қорақалпоғистон Республикаси ва вилоятлар учун – 330 млн. сўм
▪️Тошкент шаҳри учун – 420 млн. сўм
Ипотека кредитини субсидия асосида расмийлаштириш учун Халқ банкига мурожаат қилишингиз мумкин.
☝️🏻Халқ банкининг ипотека кредити билан кўп қаватли уйдан хонадон харид қилсангиз, уй-жой гаров суғуртасига харажат қилмайсиз.
Бу хабарни уй олиш истагидаги яқинларингизга юбориб қўйинг.
Батафсил
👉 @bankirkundaligi 👈
МИКРОКРЕДИТБАНКДА ХОТИН-ҚИЗЛАР ТАДБИРКОРЛИГИ УЧУН КРЕДИТЛАРНИНГ ФОИЗЛАРИ ТУШИРИЛДИ
🇺🇿Президентимиз томонидан Халқаро хотин-қизлар кунига бағишлаб ўтказилган байрам тадбирида берилган топшириқлар ижроси доирасида Микрокредитбанкда хотин-қизлар учун имтиёзли кредитлар ажратиш шартлари ўзгартирилди.
☑️Асосий ўзгаришлар:
▪️"Ҳамроҳ" кредити ставкаси 3 фоизга; Батафсил
▪️Аёллар раҳбарлигидаги тадбиркорлик субъектлари ва камида 3 та хотин-қизни иш билан таъминлаган бизнеслар учун 300 млн сўмгача кредит ставкалари 2 фоизга; Батафсил.
▪️"Водий тадбиркор аёли" кредити доирасида 5 та хотин-қизни иш билан таъминлаган тадбиркорлар учун фоиз ставкалари 1 фоизга; Батафсил.
▪️"Истиқболли аёл" кредити ҳам 1 фоизга ТУШИРИЛДИ! Батафсил.
👉 @bankirkundaligi 👈
⚡️Эртага, 2025 йил 25 март куни соат 17:00да сўровнома якунланишини эслатиб ўтамиз.
Айни пайтда, энг кўп овоз Тошкент шаҳри, Самарқанд ва Сурхондарё вилоятларида. Энг кам овоз эса, Қорақалпоғистон, Тошкент ва Сирдарё вилоятларида.
Айримларда вилоятдаги банкирлар сонидан ҳам кам овоз тўпланган.
👉 @bankirkundaligi 👈
Камбағалликни қисқартириш ва бандлик вазирлиги тузилмасида "Томорқа ер эгалари ва деҳқон хўжаликлари ерларидан самарали фойдаланишни ташкил этиш бошқармаси" ва "Деҳқон хўжаликлари ва томорқа ер эгаларини қўллаб-қувватлаш жамғармасини мувофиқлаштириш бўлими" ташкил этилди.
Ўша гап...
👉 @bankirkundaligi 👈
МУНОСАБАТ
Каналимизда эълон қилинган ҳолат юзасидан масъуллар ўша кунни ўзида тегишли чора-тадбирларни кўришибди.
👉 @bankirkundaligi 👈
⭐️ Bank ilovasi orqali debet, virtual yoki kobeyjing turidagi kartani bir necha daqiqa ichida oching.
Tezkor, qulay va bank filialiga tashrifsiz — barchasi sizning qulay moliyaviy boshqaruvingiz uchun!
Finlit.uz bilan moliya olamini o‘rganing
ҒОЛИБ ЛОЙИҲАЛАР РЎЙХАТИ ЭЪЛОН ҚИЛИНДИ
▪️10 млн 450 мингта овоз берилди.
▪️3,2 трлн сўмлик 2 369 та лойиҳа ғолиб деб топилди!
Ғолиб бўлган лойиҳалар рўйҳати
👉мана бу ерда.👈
👉 @bankirkundaligi 👈
БУГУН ИШДАН БИР СОАТ ЭРТАРОҚ КЕТИШГА ҲАҚЛИСИЗ
Эртага 21 март – Наврўз умумхалқ байрами.
Меҳнат кодекси, 187-моддасига асосан:
Ишланмайдиган байрам кунлари арафасида ҳар кунлик ишнинг (сменанинг) давомийлиги барча ходимлар учун камида бир соатга қисқартирилади.
Байрамдан олдинги куни ишнинг (сменанинг) давомийлигини қисқартириш имкони бўлмаган узлуксиз ишлайдиган ташкилотларда ва айрим турдаги ишларда ортиқча ишлаганлик ходимга қўшимча дам олиш вақти бериш ёки ходимнинг розилиги билан иш вақтидан ташқари иш учун белгиланган нормалар бўйича ҳақ тўлаш орқали компенсация қилинади.
👉 @bankirkundaligi 👈
Жуда кўп миқдордаги хорижий валютанинг мамлакатимиздан ноқонуний олиб чиқилишига чек қўйилди
ДХХ ходимлари томонидан божхона идоралари билан ҳамкорликда Тошкент вилоятининг Тошкент туманида жойлашган “Навоий” чегара-божхона постида тезкор тадбир ўтказилди.
Тадбир жараёнида мамлакатимиздан қўшни давлат томон ҳаракатланаётган “Ласетти” русумли автомашина тўхтатилиб, холислар иштирокида кўздан кечирилганда, унда йўловчи сифатида кетаётган, Тошкент туманида яшовчи, 1978 й.т. фуқарога тегишли целлофан пакетда 874 минг АҚШ доллари борлиги маълум бўлди.
Аниқланишича, у мазкур пул маблағини декларациясиз, божхона назоратидан яшириб, Қозоғистон Республикасига олиб ўтмоқчи бўлган.
Шунингдек, тезкор тадбир давом эттирилиб, ушбу хорижий валюталарни Тошкент шаҳридаги бозорларда савдо қилувчи шахслардан йиғиб, мазкур аёлга берган – пойтахтда истиқомат қилувчи, 1989 й.т. фуқаронинг Тошкент туманидаги вақтинча яшаш хонадони кўздан кечирилганда, келгусида Қозоғистон Республикасига олиб ўтиш учун тайёрлаб қўйилган 399 минг 170 АҚШ доллари борлиги ҳам аниқланди.
Ўтказилган тезкор тадбир давомида жами 1 млн. 273 минг 170 АҚШ доллари ашёвий далил сифатида олинди.
Ҳозирда мазкур шахсларга нисбатан Жиноят Кодексининг 25,182-моддасининг 2-қисми “а” банди билан жиноят иши қўзғатилиб, қамоқ эҳтиёт чораси қўлланилди. Тергов ҳаракатлари олиб борилмоқда.
P.S.: 1 млн. 273 минг 170 АҚШ доллари 16,5 млрд сўмга яқин маблағ бўлади.
👉 @bankirkundaligi 👈
"ТАШАББУСЛИ БЮДЖЕТ” ЖАРАЁНЛАРИНИНГ 2025 ЙИЛДАГИ 1-МАВСУМИДА ОВОЗ БЕРИШ БУГУН СОАТ 23:59 ДА ЯКУНЛАНАДИ
Ғолиблар рўйхати эртага 21 март — Наврўз байрами куни эълон қилинади.
Агар ҳали овоз бермаган бўлсангиз, қандай овоз бериш мумкинлиги ҳақида 👉мана бу ерда👈 ўқишингиз мумкин.
👉 @bankirkundaligi 👈
Халқ банки хотин-қизлар тадбиркорлигини ривожлантириш учун 1,5 миллиард сўмгача кредит таклиф қилмоқда
Бизнесингизни бошлаш ёки кенгайтиришга маблағ зарурми? Янги иш ўринлари яратиб, фаолиятингизни янада ривожлантиришни истайсизми?
Халқ банкининг "Hamroh" кредити сизга ишончли молиявий таянч бўлади.
Кредит шартлари:
🔵 Муддати: 84 ойгача (айланма маблағлар учун 24 ойгача)
🔵 Имтиёзли даври: 24 ойгача (айланма маблағлар учун 6 ойгача)
🔵 Йиллик фоизи:
🟢 асосий воситалар учун – 20%
🟢айланма маблағлар учун – 21%
🟢 Маблағ миқдори:
➡️ камида 2 та иш ўрни яратадиган лойиҳалар учун – БҲМнинг 1 000 баробаригача
➡️ камида 5 та иш ўрни яратадиган лойиҳалар учун – БҲМнинг 4 000 баробаригача
Батафсил.
👉 @bankirkundaligi 👈
МАРКАЗИЙ БАНК РАҲБАРЛАРИ ТАДБИРКОРЛАР БИЛАН ДОИМИЙ УЧРАШУВЛАР ЎТКАЗАДИ
Бугунги бўлиб ўтаётган учрашувда, Президентимиз Марказий банкнинг Бош бошқармалари бошлиқлари доимий равишда ижтимоий тармоқларда ва телевиденияда тадбиркорлар билан учрашув жойларини эълон қилади ва учрашувлар ўтказиб боради.
Бу йўналишда тадбиркорлар мурожаатлари билан ишлаш бўйича алоҳида платформа ишга туширилади.
Энди ушбу раҳбарларни танимайдиганлар ҳам таниб олишади.
👉 @bankirkundaligi 👈
2025 ЙИЛ УЧУН СОҲАДАГИ АСОСИЙ МАҚСАД ВА ВАЗИФАЛАР ЭЪЛОН ҚИЛИНДИ
☑️Президентимиз бугунги учрашувда 2025 йил учун соҳадаги асосий мақсад ва вазифаларга тўхталди. Булар:
▪️кичик ва ўрта бизнеснинг иқтисодиётдаги улушини 55 фоизга кўтариб, 70 миллиард долларлик қўшилган қиймат яратиш;
▪️янги бозорларга кириб боришда транспорт, сертификат ва стандарт масалаларига кўмаклашиб, кичик бизнес экспортини ўтган йилги 9 миллиарддан 12 миллиард долларга олиб чиқиш;
▪️ичимлик суви, канализация, йўл, қурилиш, коммунал хўжалик, етказиб бериш, утилизация, миграция, маданият ва ижтимоий хизматларда кичик бизнес улушини 2-3 карра ошириш;
▪️1,5 миллион доимий иш ўрни ташкил қилиб, соҳада банд аҳоли улушини 75 фоизга етказиш;
▪️100 нафардан кўп ишчиси бор корхоналарни 4 мингтага олиб чиқиш;
▪️кичик бизнесда янги 100 та бренд маҳсулот чиқаришни йўлга қўйиш;
▪️кичик бизнес иштирокида 200 та стартап лойиҳаларни молиялаштириш.
👉 @bankirkundaligi 👈
