Azattyq - Азаттық

24 June 2023 08:42

Песков: Путин "сәлден соң" мәлімдеме жасайды

t.me/azattyq

Azattyq - Азаттық

24 June 2023 08:29

Сәтпаев: Қазақстан солтүстік көршідегі кез келген сценарийге дайын болуы тиіс

Саясаттанушы Досым Сәтпаевтың пікірінше, бұл демарш Ресейдің өз ішінде билік беделінің жоғалуына ықпал етеді. Мұнда соғысты қолдайтындар әлі де көп. Путинді әлі де “ұлы стратег” санайтындардың алдында бұл оның беделіне жасалған соққы деді сарапшы.

“Бірақ енді оның тіпті айналасындағылардың өзін бақылай алмайтыны белгілі болды” деді саясаттанушы.

Сарапшы “Қазақстан қазірден бастап солтүстік көршідегі кез келген сценарийге дайын болуы тиіс” деп жазды.

t.me/azattyq

Azattyq - Азаттық

24 June 2023 08:21

Пригожинге жақын AP Wagner телеграм-арнасы “Вагнер” әскери тобы Воронеж қаласына кіргенін жазды. Әзірге бұл ақпараттың рас-өтірігі белгісіз.

t.me/azattyq

Azattyq - Азаттық

24 June 2023 08:10

Ростовта ғимарат қақпасынан өте алмай, тұрып қалған танк

Видео: RostovGazeta

t.me/azattyq

Azattyq - Азаттық

24 June 2023 08:04

Мәскеу қаласы мен облысында контртеррористік режим енгізілді - Ресей ұлттық терроризммен күрес комитеті.

t.me/azattyq

Azattyq - Азаттық

24 June 2023 07:26

“Фонтанка”: Петербургтегі "Вагнер орталығына" күштік құрылымдар келді

Журналистер Петербургтегі "Вагнер орталығында" тінту басталуы мүмкін екенін хабарлады. Орталыққа арнайы жасақ және Росгвардия жасағы мінген екі автобус келген. Ғимаратқа әскери форма киген адамдар кірген.

Azattyq - Азаттық

24 June 2023 06:58

Қазақстанның Ресейдегі елшілігі сол жақта жүрген қазақстандықтарды Украинамен шекаралас аймақтарға бармауға үндеді

“Ресейдің Украинамен шекаралас аймақтарына қатер төнуіне байланысты ол жаққа бармауларыңызды сұраймыз. Ресейде жүрген қазақстандықтар әсіресе, Украинамен шекаралас аймақтарда жүргендерді консулдық тіркеуге тұруларын сұраймыз”

Azattyq - Азаттық

24 June 2023 06:24

Қазақстан билігі әзірге Ресейде болып жатқан оқиғаларға реакция білдірмеді. Қазақстан-Ресей шекарасында бақылау күшейгені туралы да хабар болған жоқ. Дипломаттар “алаңдаушылық” білдірмеді.

Azattyq - Азаттық

24 June 2023 05:34

Ростовтағы 161.ru сайты оқырмандардан келіп түскен сурет пен видеоларға сүйене отырып, камуфляж киген белгісіз топ төмендегі ғимараттарды қоршап алғанын хабарлады:

– Оңтүстік әскери округ штабы;

– Буденнов полиция бөлімшесі;

– ІІМ бөлімшесі;

– ФСБ басқармасы;

– Ростов әкімшілігі.

t.me/azattyq

Azattyq - Азаттық

24 June 2023 05:13

Ресейдің Ростов қаласының орталығында қарулы адамдар мен әскери техника тұр. Бұған дейін "Вагнер" әскерінің қалаға кіргені хабарланған

Видео: Sota

Azattyq - Азаттық

24 June 2023 00:46

Ресейдің мемлекеттік Бірінші арнасында шұғыл жаңалықтар хабары көрсетілді. Жүргізуші Екатерина Андреева Евгений Пригожиннің «Вагнер» тобын Ресей әскері шабуылдады деп көрсеткен видеосын фейк деп атады. Бұдан соң Ресей қорғаныс министрлігінің ресми мәлімдемесі мен ФСБ-ның ұстанымын оқып берді.

Azattyq - Азаттық

24 June 2023 00:33

"Вагнер" басшысы бүлікке шақырды, Ростовта әскери техника көбейді

Ресей Федералдық қауіпсіздік қызметі қарулы бүлікке шақырғаны үшін "Вагнер" жекеменшік әскери компаниясының жетекшісі Евгений Пригожиннің үстінен қылмыстық іс қозғады. Бұл жөнінде Ресей Бас прокуратурасы хабарлады. Бұл бап бойынша ең жоғарғы жаза – 20 жыл.

Жұма күні Евгений Пригожин "Вагнер" жауынгерлерін артиллерия мен әскери тікұшақ көмегімен атқылап жатыр деп Ресей қорғаныс министрлігін айыптаған. Оның айтуынша, осының кесірінен оның әскерилері қаза тапқан.

Жұма күні кешке Пригожиннің телеграм-арнасында дауысы сонікіне ұқсайтын адам "елдің әскери басшылығына қарсы" бүлік бастап, "әділдік орнататынын" мәлімдеді. Ол жұртты "қарсылық білдірмей берілуге" шақырды және қарамағында 25 мың сарбаз бар екенін ескертті.

Бірақ елдің саяси басшылығын басып алу ойы жоқ екенін, "президент билігі, ішкі істер министрлігі, үкімет және басқа да құрылымдар бұрынғы қалыппен жұмыс істей беретінін" айтты.

Азаттықтың Орыс қызметінің хабарлауынша Мәскеу мен Дондағы Ростовта "Бекініс" жоспары басталған. Ростов көшелерінде әскери техника жүр, кей көшелер жабылған.

ВВС-дің хабарлауынша Мәскеуде ФСБ басқармасы мен әскерилер дабыл бойынша жұмылдырылған. Мәскеу мен Ростов арасындағы федералдық трассаға блокпосттар қойылған. Ресей астанасындағы мемлекеттік мекемелердің маңына күзет қойылды деген деректер бар. Кей сарапшылар Ресейде "азамат соғысы басталды" деген де пікір жазып жатыр.

Azattyq - Азаттық

23 June 2023 15:37

Әкім кейде "осы нәрселерге ашуланып", желідегі пікірлерден есеңгіреп қалатынын айтқан. Ол әлеуметтік желілерде тіл тигізіп, қорлайтын пікір жазатын адамдардың “дені сау ма” деген де ой келетінін жеткізген.

"Кімде-кім қорлағысы келсе, мен бәрінің аты-жөнін білемін. Бүгін полицияға істі тапсырып, жауапқа шақырамын. Сондықтан, құрметті азаматтар, пікір жазбас бұрын сол саланың маманысыз ба, мәселеден хабардарсыз ба, соны ойласаңыздар. Жақсы білмесеңіз, жазбағаныңыз жөн" деді әкім.

Әкім қорлайтын пікір жазатындардың бәрін әкімдікке кездесуге шақырды.

t.me/azattyq

Azattyq - Азаттық

23 June 2023 15:26

Ұсталған белсенділер, тіркелмеген көліктер, аш қалған ит-мысық - AzatNEWS | 23.06.23

📌 Қазақстанда шетелдік көліктерді тіркеу мәселесі тағы да дауға айналып барады. Тұрғындар 2022 жылдың қыркүйек айынан кейін әкелінген машиналарды да жеңілдетілген тәртіппен заңдастыруды сұрайды.

📌 Журналист, белсенді Думан Мұхамедкәрім 2 айға қамалды. Оны полиция Талдықорған қаласындағы тергеу изоляторына жеткізді. Көкшетау қаласында да жергілікті билікті сынаушы Мәлік Ахметқалиев ұсталған. Белсенділердің жақтастары бұл істердің саяси астары бар деп есептейді.

📌 Шымкентте қараусыз қалған үй жануарларын ұстайтын орталықта ит-мысық қырылып жатыр. Еріктілер оларды құтқарып қалу керегін айтып, дабыл қағады.

🔗КӨРУ

t.me/azattyq

Azattyq - Азаттық

23 June 2023 13:45

"Біздің көлігімізді де заңдастыр!". Алматыда бір топ адам халыққа қызмет көрсету орталығына жиналды

Жұма күні жиналғандар елде 2022 жылдың 1 қыркүйегінен кейін әкелінген 200 мыңға жуық көлік барын айтып, оларды да заңдастыруды талап етті. Былтыр 5 қыркүйекте Армениядан жеңіл көлік әкелгенін айтқан Таласбек Жанарбекұлы енді машинасын айыппұл тұрағына қойып қоя ма деп қорқады.

"3 қыркүйек, 5 қыркүйек, сол қыркүйектің аралығында кірген машиналар бар. Кейін кірген машиналар бар. Оның бәрін кіргізді. Сақтандыру полисін жазғыздық. Айыппұлын да төлеп жатырмыз. Енді сол көліктерді заңдастыруды талап етіп келіп отырмыз. Егер біздің көлікті заңдастырмайтын болса, онда былтыр 1 қыркүйектен кейін шекараны жауып тастауы керек еді" дейді Жанарбекұлы.

Құзырлы орган өкілдерінен жиналғандарға ешкім келмеді. Өзін "процесстік орталықтың бастығымын" деп таныстырған азамат оларды оңаша шақырып, арыз жазуға кеңес берді.

🔗Сілтемеден өтіп оқыңыз

t.me/azattyq

Azattyq - Азаттық

24 June 2023 08:39

Ростов көшесіндегі әскер. Олардың қайсысы “Вагнер” жағында, қайсысы қорғаныс министрлігі жағында екені белгісіз.

Қала көшелерінде өзін республика жариялап алған “ДХР” нөмірін ілген жүк көліктеріне мінген солдаттар да байқалды.

t.me/azattyq

Azattyq - Азаттық

24 June 2023 08:29

“Базаның” хабарлауынша, мына танк қақпадан өте алмай тұрып қалмаған, цирк ғимаратына кіретін жолды осылай әдейі бөгеген. Бұл ғимараттың қасында Ресей Оңтүстік әскери округінің штабы орналасқан. Пригожин сол штабты бақылауға алғаны хабарланған.

t.me/azattyq

Azattyq - Азаттық

24 June 2023 08:17

Ресей қорғаныс министрлігі “Вагнер” жалдамалы әскеріне мәлімдеме жасады

Ведомствоның айтуынша, жалдамалы әскерді “Пригожиннің қылмыстық авантюрасы мен қарулы бүлігіне алдап тартқан”;

Қорғаныс министрлігінің айтуынша, “Вагнердің” кейбір жауынгерлері “қателік жасағанын түсініп”, көмек сұраған.

Ведомство “Вагнер” тобын ақылға келіп, Ресей қорғаныс министрлігі немесе құқық қорғау органдарына байланысқа шығуға шақырды.

t.me/azattyq

Azattyq - Азаттық

24 June 2023 08:09

Воронеж облысында да терроризммен күрес режимі енгізілді.

t.me/azattyq

Azattyq - Азаттық

24 June 2023 07:49

⚡️⚡️⚡️Кремльдің баспасөз хатшысы Дмитрий Песков: Владимир Путин сәлден соң мәлімдеме жасайды

t.me/azattyq

Azattyq - Азаттық

24 June 2023 07:09

Пригожин Шойгудың орынбасарларының бірімен кездесті, деп хабарлады “Вагнер” тобына жақын Телеграм-арналары

Жарияланған видеода Пригожин Ростовтағы оңтүстік әскери округта отырғаны және қорғаныс министрінің орынбасары Юнус-Беко Евкуровпен келіссөз жүргізіп жатқаны көрінеді. Ақпаратқа қарағанда, “Вагнер” жетекшісі бас штаб жетекшісі Герасимов пен қорғаныс министрі Шойгуды келіссөзге шақырған.

Пригожин сонымен бірге жалдамалы әскер Дондағы Ростовтағы әскери нысандарды, оның ішінде аэродромды да бақылауға алғанын айтқан. Соңғы мәлімдемесінде Пригожин [Украинадағы соғыста] кейбір күндері адам шығыны мыңға дейін баратынын айтқан.

“Көп жерден айырылдық. Өлген солдаттар саны жоғарыға жіберілетін құжатта көрсетілетін көрсеткіштен үш, төрт есе көп” деді Пригожин.

Azattyq - Азаттық

24 June 2023 06:52

Conflict Intelligence Team: Ростовтан тараған видеолардағы әскери қызметкерлер вагнерліктер емес – қорғаныс министрлігінің қызметкерлері

Conflict Intelligence Team (CIT) зерттеу жобасының негізін қалаушы Руслан Левиев Ростовтан түсірілген видеоларда автомат асынып, камуфляж кигендер “Пригожин жалдамалылары емес” екенін мәлімдеді. Оның сөзінше, бұл Ресей қорғаныс министрлігінің әскери қызметкерлері.

Левиевтің айтуынша, әскери қызметкерлер қаладағы негізгі ғимараттарды қорғаныс мақсатында қоршауға алған.

Бұған дейін желіде видеолар жарияланып, Пригожинның жалдамалы әскері “Ростовқа кіргені хабарланған еді”.

Azattyq - Азаттық

24 June 2023 05:51

Михаил Ходорковский Пригожиннің бүлігін қолдады

Бұрынғы ресейлік саяси тұтқын, "ЮКОС" компаниясының бұрынғы жетекшісі Михаил Ходорковский Телеграм арнасында “Қазір біз жұртқа әзірге шындықты айтып тұрған Пригожинді естуіне көмектесуіміз керек. Егер ол Мәскеуге барса, оны тоқтатуға тырысқандарға кедергі жасау керек, себебі біздің жауымыз ортақ...” деп жазды.

Ресей оппозициясы өкілдерінен әзірге Ходорковскийден басқа ешкім мәлімдеме жасаған жоқ.

Украина жағында соғысып жүрген “Орыс еріктілер корпусының” жекткшісі де “Вагнер” басшысын қолдады.

Azattyq - Азаттық

24 June 2023 05:20

Мәскеу мэрі Сергей Собянин “түсіп жатқан ақпараттарға байланысты Мәскеуде қауіпсіздікті күшейтуге бағытталған терроризмге қарсы шаралар жүріп жатқанын” хабарлады.

Оның айтуынша, жолдарға қосымша бақылау қойылған. Қоғамдық шаралар өткізуге шектеу қойылуы мүмкін.

Azattyq - Азаттық

24 June 2023 01:13

Пригожин өз әскері Ресейдің мемлекеттік шекарасынан өтіп, Ростов қаласына «кіріп бара жатқанын», оларға қорғаныс министрлігінің әскері қарсылық көрсетпегенін мәлімдеді. Әзірге оның сөзін дәлелдейтін бірде-бір видео не фотоайғақ жоқ. Тек «Вагнер» басшысының аудиомәлімдемелері ғана бар.

Azattyq - Азаттық

24 June 2023 00:42

«Путин Пригожин төңірегіндегі жайттан хабардар, тиісті шаралар қолға алынып жатыр». Кремль «Вагнер» басшысы Евгений Пригожиннің елде «әділдік орнату» мақсатында бүлік бастау жөніндегі мәлімдемесіне осындай жауап қатты.

Azattyq - Азаттық

23 June 2023 16:21

23 маусымда не болды? Негізгі жаңалықтар:

📌 Журналист Думан Мұхаммедкәрім 2 айға қамалды

📌 Көкшетауда қоғамдық кеңес мүшесі Мәлік Ахметқалиев ұсталды

📌 ҚМГ "Өзенмұнайгаз" бен оның мердігер компанияларын тексеріп біткенін хабарлады

📌 "Біздің көлігімізді де заңдастыр!". Алматыда бір топ адам халыққа қызмет көрсету орталығына жиналды

📌 Қаңтарда оққа ұшқан отбасының өліміне қатысты сот: прокурор айыпталушыға 7 жыл түрме сұрады

📌 Қытай ұшақ құрастыру жобасынан Ресейді шеттетті

t.me/azattyq

Azattyq - Азаттық

23 June 2023 15:36

Рудный әкімі тұрғындардың интернетте жазған пікірлерін қағазға шығарып алып, "желіде қорлағаны" үшін жауапқа тартатынын айтып, қоқан-лоқы жасады

Қостанай облысы Рудный қаласының әкімі Виктор Ионенконың тұрғындармен кездесуінен видеоны Press.kz сайты жариялады.

Видеода әкім Рудный тұрғындарының ағаштарды кескені үшін шенеуніктерді балағат аралас сөздермен сынап жазған пікірлерін қағаз түрінде көрсетеді.

"Міне, осындай қорлайтын пікірлер көп. Оларды зерделей бастасаң, бәрінде сұрақтар болмай шығады. Сондықтан пікір жазбас бұрын, оның себебінін анықтап алсаңыздар. Екіншіден, не туралы айтып жатқаныңды білу керек. Ағаштарды кесер кезде оны қалай жасау керегін бес рет ойладық. Адамдардың көбі не болып жатқанын білмей жатып қорлайды, кейін олар бұның мәжбүрлі шара екенін түсіне бастағанда әңгімелеспейді" деді Ионенко.

Видео: Press.kz

t.me/azattyq

Azattyq - Азаттық

23 June 2023 14:06

Қаңтарда оққа ұшқан отбасының өліміне қатысты сот: прокурор айыпталушыға 7 жыл түрме сұрады

Бұл жөнінде құқық қорғаушы Бақытжан Төреғожина хабарлады. Сот Алматы гарнизонының әскери сотында өтіп жатыр.

Прокурор "билік өкілетін асыра пайдаланды" деп айыпталған Алматы облысындағы 18 404 әскери бөлімінің қызметкері, қатардағы жауынгер Данияр Егембаевты 7 жыл бас бостандығынан айыруды сұрады.

Былтыр 8 қаңтарда Нұрболат Сейітқұлов пен Алтынай Етаева және олардың 15 жастағы қыздары Нұрай Оразыхан Талдықорған қаласында кешкі тоғыздар шамасында жеке көліктерімен кетіп бара жатқанда арнайы жасақтың оғынан қайтыс болған. Данияр Егембаев Нұрболат Сейітқұлов пен оның қызы Нұрай Оразыханның өліміне қатысты істе айыпталушы танылған. Алтынай Етаеваның өліміне қатысты іс жеке өндіріске шығарылған.

t.me/azattyq

Azattyq - Азаттық

23 June 2023 13:03

📱 "Тиктокта өте көп отырамын. Не істеймін?" Интернетке тәуелділікті жеңудің алғышарттары

Азаттықтың "Жаншипа" психологиялық подкасының 15-эпизодында интернетке, әлеуметтік желіге тәуелділік мәселесін талқыладық. Желіге тәуелділікті қалай жеңеміз? Бала интернетке тәуелді болса, ата-ана не істеу керек? Желіге тәуелділіктің белгілері қандай?

Міне, бұл сұрақтарға 20 жылдан аса тәжірибесі бар психолог Алтыншаш Матаева жауап берді. Эпизодты мына платформалардан тыңдай аласыз 👇🏻

🎙Apple podcasts
🎙Google Podcasts
🎙Spotify
🎙YouTube
🎙Азаттық сайты

t.me/azattyq