Azattyq - Азаттық

14 June 2023 15:27

Асығыс парламент, Қадыровтың "жаралы" серігі - AzatNews | 14 маусым 2023

📌 Мәжіліс "Заңсыз алынған активтерді қайтару туралы" заң жобасын қабылдап, сенатқа жіберді. Депутаттардың бірі заңды парламент жазғы демалысқа дейін жылдам іске қосуға асығатынын айтты.

📌 Қаңтар қырғынында туыстары қаза тапқан бір топ адам бас прокурормен кездестіруді сұрап, Астанаға жиналды. Берік Асылов ешкімді қабылдамады. Арызданушылар тергеу, сот істеріне күмән келтіреді.

📌 Украинадағы соғыста Шешенстан президенті Рамзан Қадыровтың оң қолы, Ресей думасының депутаты Адам Делимхановтың жараланғаны туралы ақпарат тарады. Кейбір телеграм арна оның қаза тапқанын жазып жатыр.

🔗КӨРУ

t.me/azattyq

Azattyq - Азаттық

14 June 2023 13:32

Ақмола облысындағы Бестөбе кентінде екі белсенді “заңсыз жиналысқа шақырғаны үшін” 10 тәулікке қамалды

Сот Бестөбе тұрғындары Қанат Байысов пен Қайыржан Есмағанбетовті 12 маусымда "халықты жиналыс өткізуге белсене шақырғаны, онысын әкімдікке ескертпегені" үшін кінәлі деп таныды.

Жергілікті қауымдастық өкілдері сот шешіміне келіспейді.

Бұған дейін Бестөбеде кеншілер алтын өндіретін шахтадан жерасты суын сорғызып, кен өндірісін іске қосуды, ауыл маңындағы зиянды жаңа фабриканы басқа жаққа көшіруді талап етіп наразылық жасаған. Компания талаптарды ішінара орындауға дайын екенін айтқан. Тараптар келісімге келе алмаған.

Наразылар Абай облысындағы өрттен қаза болған орманшыларға байланысты қаралы күн жарияланған кезде тараған.

t.me/azattyq

Azattyq - Азаттық

14 June 2023 11:49

Азаттық "активтерді заңсыз иеленді деген тұлғалар тізімі неге құпия болады?" және оған "экс-президент пен отбасы ене ме?" деген сұрақты мәжіліс спикері Ерлан Қошановқа қойған еді. Қошанов "ол тізімде кім болатынын білмейтінін" айтты және "заң бұзып, шетелде қаржысы анықталғандардың барлығы тізімге енеді" деді.

Қаңтар оқиғасынан кейін "қоғамның талабы негізінде" әзірленді деп айтылған құжат халық несібесінен желінген байлықты орнына қайтара алатынына күмәнданатындар көп.

t.me/azattyq

Azattyq - Азаттық

14 June 2023 10:28

Ақтөбеде “қаржы пирамидасын құрды” деп сотталғандар аштық жариялады

Сотталушылардың туыстарының айтуынша, 14 маусымда 20 шақты адам Ақтөбедегі тергеу изоляторына барып, туыстарының жағдайын білген.

“Балама кіріп шықтым. Денсаулығы жақсы болған. Бір күнде 1,5 келі салмақ тастадым деді. Іште жүрегі қысылғандар да бар деді. Комиссия жүр, қайта-қайта тексеріп жатыр деді. Құрғақ аштық жариялаған” деді бірінің туысы Бекзада Мырза.
Сотталушылардың бірінің туысы Маржан Бақасованың айтуынша, түрмедегілер бірінші инстанцияда шыққан “әділетсіз үкімге” қарсы.
“Қоғамдық резонанс туғызды деп судья кінәсіз адамдардың бәрін 9-18 жылға соттап тастады. Кінәсіздігін дәлелдейтін айғақтардың ешқайсысысын ескерген жоқ” деді ол.

Ақтөбедегі № 70 мекемесі үкімге келіспеген 33 адам аштық жариялағанын растады. “Сотталушыларды Ақтөбе облыстық прокуратурасы мен қылмыстық атқару жүйесі департаментінің басшылығы жеке қабылдады. Қазір төртеуі тамақ іше бастады. 29 адам медицина қызметкерлерінің бақылауында” деп жазылған хабарламада.

Azattyq - Азаттық

14 June 2023 08:13

Бас прокуратура Қаңтарда қаза болған 4 жасар Айкөркемнің өліміне байланысты қозғалған іс жуырда сотқа жолданатынын айтты

“Бұл қылмыстық істің аяқталғандығы туралы хабарым бар. Ол жерде оқ атуға бұйрық берген батальон командирінің іс-әрекеті сараланып, сол батальон командирі кінәлі деп танылды. Сол лауазым иесінің үстінен қозғалған қылмыстық іс аяқталып, сотқа жолдану жоспарланып отыр” деді Азаттық тілшісінің сұрағына жауап берген бас прокурордың орынбасары Жандос Өмірәлиев.

Бұған дейін Қаңтарда қаза болған 4 жасар Айкөркемнің әкесі мен Қаңтарда оққа ұшқан Думан Қанатбектің әкесі прокуратураға барып, істі қайта тергеуді талап еткен еді. Өмірәлиев олардың кездесуі жөнінде жергілікті прокуратура білетінін айтты.

Бұған дейін жәбірленуші жақтың адвокаты тергеу органдары кішкентай қыздың өліміне жауаптыларды жазадан құтқарғысы келетінін айтқан. Балалар отырған көлікке оқ жаудырған адамдар бұл істе куәгер ретінде өтіп отыр. Ақпаратқа қарағанда, бұл істе бір ғана күдікті бар. Жәбірленуші жақ күдіктінің “адам өлтіру” емес, “билік өкілетін асыра пайдалану” бабы бойынша тергелгеніне наразы.

t.me/azattyq

Azattyq - Азаттық

14 June 2023 07:26

Жаңаөзенде “БерӘлі Маңғыстау company” мекемесінің бұрынғы мұнайшылары наразылықты тоқтатты

Жаңаөзенде мұнай-газ саласынан тұрақты жұмыс талап етіп, сәуірдің басынан бері наразылық білдірген "БерӘлі Маңғыстау Company" кәсіпорнының бұрынғы жұмысшылары ереуілді тоқтатты. Бұл жөнінде Азаттыққа мұнайшылардың бірі Есенжан Әбдірахимов хабарлады.

Сейсенбі күні кешкісін "Өзенмұнайгаз" компаниясы наразы мұнайшылар "Мөлдір Мұнай Сервис" компаниясына жұмысқа тұруға келіскенін хабарлаған еді.

Мұнайшылардың сөзіне қарағанда, бұған дейін қойған талаптарының 90 пайызын орындау жөнінде уәде берілген.

– Жұмысты 20 маусымнан бастаймыз деп отырмыз. Егер алдап кетпесе, талаптарымыздың 90 пайызын орындауға уәде беріп отыр, – деді сәрсенбі күні таңертең Есенжан Әбдірахимов Азаттыққа.

t.me/azattyq

Azattyq - Азаттық

14 June 2023 05:30

Путин: Ресейдің адам шығыны 10 есе аз, жаңа мобилизация керек емес

Ресей президенті Владимир Путин Ресейдің блогерлері мен әскери тілшілерімен кездесу кезінде Украинаға шабуыл жасағалы бері "орыс армиясының шығыны Украинадан 10 есе аз екенін, Украина еш жерде жетістікке жетпегенін" айтты.

Алайда ол қайтыс болғандар мен жараланғандардың нақты санын айтпады. Оның сөзінше, Ресей әскері 54 танкісінен айырылған. Ал Украинаның жойылған танкілері 160-тан асады және 360 беренді машинасы атқыланды деді. Путиннің айтуынша, бұл – шетелден келген техникалардың 25-30 пайызы.

Украина президенті Владимир Зеленский таяуда, керісінше, орыс әскерінде көп шығын болғанын мәлімдеген.

Ресей президенті Мәскеу Каховка СЭС-ін жаруға мүдделі емес екенін айтып, Украинаны айыптады.

"Дұрысы олар сол жерде шабуыл бастауы керек еді. Біз үшін бұл ұтымды, олар үшін тиімсіз болды. Енді мынадай тасқыннан кейін шабуыл болмады" деді ол.

Ол сонымен бірге бүкіл елге әскери жағдай енгізудің қажеті жоқ екенін айтты. Оның сөзінше, әскери міндетін өтеп жатқандарды соғысқа апарудың реті жоқ. Бірақ ол әскери міндетін өтеп жатқандар Белгород және Курск облыстарында екенін айтып, олар "отан алдындағы міндетін орындауға тиіс" деді.

Путин сонымен бірге "қазіргі кезде қосымша мобилизацияға мұқтаждық жоқ" деді.

"Арнайы операцияның мақсаты өзгере ме?" деген сұраққа Путин жағдайға байланысты өзгеруі мүмкін, бірақ толығымен өзгеріссіз қалады деді. Ол "денацификация" деген сөзді айтқанда, Степан Бандера мен "Украина билігіне келген-міс неонацистер" туралы тезисін қайталады.

t.me/azattyq

Azattyq - Азаттық

13 June 2023 15:25

Тракторшының мәйіті табылды, экс-министрдің әйелі жылады - AzatNews | 13 маусым 2023 жыл

📌 Абай облысында өрт сөндірушілерге көмекке барып, жоғалып кетті делінген тракторшының мәйіті табылды.

📌 Ішкі істер министрі Марат Ахметжанов орманшылардың қазасы мен өрттің шығуына байланысты қозғалған қылмыстық істердің аясында экс-мниистр Илья Илин де тексерілетін мәлімдеді.

📌 Экс-министр Арыстанбек Мұхамедиұлының соты аяқталуға жақын. Сотта ол суицид жасамақ болғанын айтты. Мұхамедиұлының әйелі көз жасына ерік берді.

🔗КӨРУ

t.me/azattyq

Azattyq - Азаттық

13 June 2023 14:43

Қазақстан Абай облысындағы өртті сөндіруге басқа елдерден көмек сұраған жоқ. Дегенмен Түркия және Өзбекстан көмектесуге дайын екенін айтқан.

Бұл туралы сыртқы істер министрлігінің ресми өкілі Айбек Смадияров 13 маусымда журналистерге өткізген брифингте мәлімдеді.

«Егер апаттың масштабы өте үлкен болып, мемлекет өзі жағдайды реттей алмаса басқа елденден көмек сұрауға туралы келеді. Президентпен және сыртқы істер министрімен сөйлескен Өзбекстан және Түркиядағы әріптестер көмектесуге дайын екендерін айтты» дейді Смадияров.

Абай облысындағы өрт 60 мың гектер жерді шарпып, 15 адам қаза тапты.

t.me/azattyq

Azattyq - Азаттық

13 June 2023 14:31

Өзбекстанның тұңғыш президенті Ислам Каримовтің ұлы Петр Каримов өгей шешесі Татьяна Каримованы сотқа берген.

Оның талап арызы Ташкенттегі Яккасарай ауданаралық сотында қаралады. Бұл жөнінде Азаттықтың Өзбек редакциясы хабарлады.

Ташкент қалалық сотының сайтындағы мәліметке қарағанда, талап арызға мұраға қалған мүлік дауы себеп болған.

Петр Каримов 1969 жылы туған. Ислам Каримов пен Петр Каримовтің анасы Наталья Кучми сол жылы ажырасқан. Наталья Кучми 2008 жылы Ташкентте қайтыс болған.

t.me/azattyq

Azattyq - Азаттық

13 June 2023 13:18

Орман өртеніп жатқан Абай облысындағы Қаштақ ауылында тұрған полиция бүгін, 13 маусымда сақтық үшін Семейге қарай бес шақырым шегінді деп хабарлайды Азаттық тілшісі. "Бүгін сағат 11-12 кезінде өрт қаттырақ болды, кейін Қаштақ маңында өрт сөндірілді деп хабарланды" дейді Азаттық тілшісі.

Azattyq - Азаттық

13 June 2023 11:43

Абай облысындағы өрттен соң Семейге эвакуацияланған тұрғындар не дейді?

Азаттық тілшісі Семейдегі электротехникалық колледждің жатақханасында жатқан. Ол Половинка, Талица, Қаштақ ауылдарының тұрғындарымен сөйлесті. 72 адам орман өртіне байланысты қалаға эвакуацияланған.

Azattyq - Азаттық

13 June 2023 10:28

"Ресей Ираннан камикадзе-дрондарды Каспий теңізі арқылы алып жатыр". Бұл туралы Британияның әскери барлау қызметі Украинадағы соғысқа байланысты күнделікті жариялап жатқан есебінде айтты.

Ағылшын барлаушылары "Ресей бұған дейін Ираннан дрондарды ұшақ арқылы тасыған еді, қазір Каспий теңізі арқылы алуды жолға қойды. Теңіз жолы ұшақпен салыстырғанда көп дрон тасуға мүмкіндік береді" деп жазады.

Ұлыбритания қорғаныс министрлігі "қазір Ресей Иранның камикадзе-дрондарын өз аумағында жасауға тырысып жатыр, бұған Иран мамандары көмектесіп жатқан сияқты" дейді.

Британиялық барлаушылар "Ресей өзінде бар қанатты ракеталардың басым бөлігін қолданып тастаған соң осындай арзан дрондарға арқа сүйеп отыр" деп топшылайды.

t.me/azattyq

Azattyq - Азаттық

13 June 2023 09:43

Бас прокуратура бұрынғы төтенше жағдай министрі Юрий Ильиннің үстінен "қызметіне салғырт қарау я міндетін дұрыс атқармау" фактілері бойынша тексеріс жүргізбек.

Ішкі істер министрі Марат Ахметжановтың айтуынша, Ильиннің үстінен тексеріс жүргізуге Абай облысындағы орман өрті себеп болған.

– Президент Бас прокуратураға тапсырма берген, соның негізінде тексеріс жүреді. Орманның өртенуі – төтенше жағдай, адам шығыны болды, сондықтан қылмыстық іс кезінде тексеріс болып, неге уақытылы шара қабылданбағаны, салғырттық, қызметін дұрыс атқармау фактілері тексеріледі, – деді министр.

Ахметжановтың айтуынша, Абай облысындағы өрттің шығуына от қою, салғырттық немесе найзағай себеп болуы мүмкін. Министрлікке бұл жағдайды тергеп-тексеруге екі ай уақыт берілген.

Абай облысындағы орман өрті 60 мың гектар жерді шарпып, 14 орманшы қаза тапты. Қазір тағы бір адам іздестіріліп жатыр. Төтенше жағдайлар министрлігі өрт аумағы 60 мың гектардан 43 мың гектарға азайғанын хабарлады. Өрт шарпуы мүмкін деген ауылдардың тұрғындары Семей қаласына эвакуацияланды.

Azattyq - Азаттық

13 June 2023 06:24

Зеленский Жеңіс күнін 9 мамырдан 8 мамырға ауыстыратын жарлыққа қол қойды

Украина президенті Владимир Зеленский Жеңіс күнін 9 мамырдан 8 мамырға ауыстыратын жарлыққа қол қойды.

Жарлық бойынша, совет кезінен бері Жеңіс күні аталып келе жатқан мереке бұдан былай "1939-1945 жылдардағы Екінші дүниежүзілік соғыста нацизмді жеңген күн және еске алу күні" деп аталады, демалыс күні болады. 9 мамыр жұмыс күні саналады, алайда бұл күнді "Еуропа күні" деп атап өтеді.

Зеленский бұған дейін Жеңіс күнінің атауы мен уақытын өзгерту туралы ұсыныс жасағанда "әлемнің көптеген халқы 8 мамырды нацизмді жеңген күн ретінде еске алатынын, өйткені 8 мамырда вермахт сөзсіз капитуляция туралы қол қойған акт күшіне енгенін" айтқан.

Зеленский "Бұл – жалпы Еуропа дәстүрі, Украина бұл күнді өркениетті елдермен бірге атап өтуге тиіс" деген болатын. Батыс Еуропа мен АҚШ гитлерлік Германияның жеңген күн ретінде 8 мамырды, ал постсоветтік елдер мен Шығыс Еуропаның кейбір елдері 9 мамырды белгілеген.

t.me/azattyq

Azattyq - Азаттық

14 June 2023 15:15

Украинаның қарымта шабуылы қалай жүріп жатыр?

Украина әскері маусымның басынан бері қарымта шабуылға шығып, Ресей оккупациялап алған жерлерді қайтаруға тырысып жатыр. Ресейдің бұған берген бағасы әртүрлі. Украина бірнеше ай дайындалған қарымта шабуыл қалай жүріп жатыр?

t.me/azattyq

Azattyq - Азаттық

14 June 2023 12:44

Қазақстаннан босқын мәртебесін ала алмаған Шыңжаң қазағы Қайрат Ерлібек Түркияға кетті

Бұл туралы құқық қорғаушы, «Халықаралық құқықтық бастама» ұйымының жетекшісі Айна Шорманбаева хабарлады.

– Қазір ол қолындағы құжатына штамп басқызып, шекарадан өтті. Енді оған Түркиядан босқын мәртебесін алып беру үшін көмектесетін адвокат іздеп жатырмын. Бұл іс менің тікелей араласуыммен шешілді, - деді 14 маусымда түсте Айна Шорманбаева Азаттық тілшісіне.

Бұған дейін Қазақстаннан Түркияға ұшып барған Қайрат Ерлібек өзін әуежайдан әрі қарай өткізбей тұрғанын хабарлап, көмек сұраған еді.

“Мен Қытайдан келген қазақпын. Ұлтым да қазақ. Президентім де қазақ. Бірақ Қазақстаннан ешқандай статус ала алмадым. Пана іздеп Түркияға келіп едім, ары қарай кетіп қалуға мүмкіндік болмады” деп мәлімдеген еді.

t.me/azattyq

Azattyq - Азаттық

14 June 2023 11:06

Алматы қалалық денсаулық сақтау басқармасы орталық қалалық клиникалық ауруханасында үш адамға ВИЧ жұққанын хабарлады.

Басқарманың баспасөз қызметінің хабарлауынша, вирус қайдан жұққанын зерттейтін комиссия құрылған.

Комиссия донорлар мен медицина қызметкерлері және олармен байланыста болған тұлғаларды тексерген. Олардан ВИЧ анықталмаған.

Алматы қаласының санитарлық-эпидемиологиялық қадағалау департаменті аурухананы тексеріп жатыр.

t.me/azattyq

Azattyq - Азаттық

14 June 2023 09:00

Алматы орталық қалалық клиникалық ауруханасында бес науқасқа ВИЧ жұққан. Ақпаратты денсаулық сақтау вице-министрі Вячеслав Дудник BES.media басылымына растады.

Әзірге аурухананың ресми сайтында ешқанда хабарлама шыққан жоқ.

Ақпаратқа қарағанда, қазір эпидемиологиялық зерттеу жүргізіліп жатыр. Нәтижесі дайын болған кезде науқастарға ВИЧ қалай жұққаны анықталады.

t.me/azattyq

Azattyq - Азаттық

14 June 2023 08:03

Бас прокуратура Абай облысындағы өртке байланысты қозғалған іс аясында Ильин, Сүлейменова, Ұранхаев және Ахметовті тергейді

Бас прокурордың орынбасары Жандос Өмірәлиевтің айтуынша, Абай облысындағы өртке байланысты екі қылмыстық іс қозғалған: "екі немесе одан да көп адамның өліміне әкелген өрт қауіпсіздігі ережелерін сақтамау" және "салғырттық". Ол өртке қатысы бар барлық лауазымды тұлғадан жауап алынады деді.

“Қазір екі істі Бас прокуратура тергеп жатыр. Тергеу аясында өз міндетіне салғырт қараған, соның нәтижесінде әрекеті қайғылы оқиғаға себеп болған лауазымды тұлғалардың барлығы анықталады... Лауазымды тұлғалардың әрекетіне әзірге баға берілген жоқ. Барлығы жауапқа тартылады” деді Жандос Өмірәлиев.

t.me/azattyq

Azattyq - Азаттық

14 June 2023 07:22

Полиция Абай облысында сүйегі табылған тракторшының өліміне жүрек ауруы себеп болған дейді. Долон орманшылығының жетекшісі оның өрт сөндіруге қатысқанын айтты.

"10 маусымда жоғалып кеткен Бесқарағай ауданы Долон ауылының тұрғыны жүрек жеткіліксіздігінен қайтыс болды" деп жазылған полиция хабарламасында.

Абай облысында өрт кезінде жоғалып кеткен тракторшы Сергей Архиповтің сүйегін полиция бір күн бұрын өрт болған аумақтан 50 шақырым жерден тапқанын айтқан.

Долон орманшылығының жетекшісі Балтабек Кудранов BES.media-ға берген сұхбатында тракторшы өрт сөндіруге қатысқанын айтқан.

“Ол өрт сөндіруге кеткен. Өрт кезінде түтінге қақалып, жағдайы нашарлаған сияқты. Тракторында рация болса да, қайда барарын білмеген тәрізді. Абыржыған да болуы мүмкін. Бұл – менің пікірім. Бірақ өртті сөндіруге қатысқаны рас” деді Кудранов.

t.me/azattyq

Azattyq - Азаттық

13 June 2023 16:06

Беларусьтегі билікті уысында ұстап отырған Александр Лукашенко Ресей президенті Владимир Путиннен Минскіге ядролық қаруды "қайтаруды сұрағанын" айтты.

Лукашенко "қазірше тактикалық зымыранды орналастыру жайлы айтып отырмыз, бірақ Беларусь стратегиялық ракеталарды орналастыру үшін алаң дайындап жатыр" деген.

Лукашенконың бұл сөзін БелТА агенттігі жариялады.

Беларусь аумағына Ресейдің тактикалық ядролық ракеталарын орналастыру туралы сөз биыл наурызда шыққан. Сол кезде Ресей президенті Путин Минскіге ядролық қару беру емес, орналастыру жайлы сөз болып жатқанын айтқан. Ал Лукашенконың сөзіне қарағанда, Беларусь ядролық қаруды қайтарып алмақ. Ядролық қару Беларусь аумағында 1996 жылға дейін болған.

"Басында Путиннен жай ғана сұрадым, кейін дос ретінде "әзірге тактикалық қаруды қайтар, маған сол жетеді" дедім. Қаруды Ресей ұсынған жоқ, бұл менің талабым болды" деді ол.

Лукашенко "Беларуське қандай да бір агрессия жасалса, бұл қаруды қолданудан тайынбаймын" деп сес көрсетті.

Беларусь пен Ресей – Ядролық қаруды тараптау туралы келісімнің мүшелері. Екі ел мұндай қаруды басқа елдерге және бір-біріне бермеуге тиіс. Совет Одағы ыдырағаннан кейін Беларусь, Қазақстан және Украинамен бірге ядролық қарудан өз еркімен бас тартқан. Осыдан соң Беларусьтің ядролық қарулары Ресейге берілген, бұл жұмыс 1996 жылы аяқталған еді.

t.me/azattyq

Azattyq - Азаттық

13 June 2023 15:01

Шымкент соты президент сайлауындағы тәуелсіз байқаушының шағымын қанағаттандырмады

2022 жылғы 20 қарашада өткен кезектен тыс президент сайлауында тәуелсіз байқаушы болған жергілікті белсенді Жарқынбек Сейтінбек "байқаушының жұмысына кедергі жасады" деп 227-сайлау учаскесінің төрайымы Гүлнұр Құрманбекованың үстінен сотқа шағым түсірген. Сот Гүлнұр Құрманбекованың іс-әрекетінде қылмыс жоқ деген тұжырымға тоқтады.

t.me/azattyq

Azattyq - Азаттық

13 June 2023 14:39

Алматыда еріктілер тобы Абай облысындағы өрттен зардап шеккендерге арнап гуманитарлық көмек жинауға кіріскен.

Қала тұрғындары ұзақ сақталатын азық-түлік пен гигиена заттарын жинап жатыр.

Көмек жинаумен шұғылдан жүрген "Қамқор" еріктілер тобының өкілі Айнұр Трайсбаеваның айтуынша, кеше басталған қайырымдылық шарасы бүгін қарқын ала түскен. Бұл істі Алматыдағы басқа да бірнеше еріктілер тобы қолдаған.

t.me/azattyq

Azattyq - Азаттық

13 June 2023 13:32

Украинаның Кривой Рог қаласындағы бесқабатты тұрғын үйге түскен зымыраннан қаза тапқандар 11 адамға жетті. Бұл туралы Днепропетровск облысының басшысы Сергей Лысак хабарлады.

Шабуылды Ресей әскері жасағаны айтылған.

Azattyq - Азаттық

13 June 2023 13:07

Шенеуніктер парламент депутаттарын неге менсінбейді? Бірнеше депутатты «қартайтқан» қазақ тілі

Депутат Қазыбек Иса Қазақстан парламенті – Ресей думасы емес екенін дәлелдеумен әлек боп жүр. Шенеуніктер депутаттарды жүре тыңдайды. Кейбірі мәжіліске де келмей, қонақ күтуге кете салады. 1990 жылдардағы депутат «Бізбен Назарбаевтың өзі байқап сөйлесетін» дейді. 1986 жылы Желтоқсан оқиғасынан кейін «Республикада қазақ тілін оқып-үйренуді жақсарту туралы» деген қаулы шыққан. Билік оның жанына «Республикада орыс тілін оқып-үйретуді жақсарту туралы» дейтін қаулыны да қосып қойған еді.

КӨРУ

Azattyq - Азаттық

13 June 2023 11:27

⚡️Абай облысында өрт кезінде жоғалып кеткен тракторшы Сергей Архиповтің сүйегі табылған. Бұл туралы ішкі істер министрлігі хабарлады.

Бесқарағай ауданы Долон ауылының тұрғыны Сергей Архипов 9 маусымда тракторымен Қаштақ ауылына өрт сөндіруге кетіп, онымен байланыс үзілген. Бүгін, 13 маусымда таңертең оның тракторы табылғаны хабарланған еді.

Семейдегі орман өртінен қаза тапқандар саны 15 адамға жетті.

Azattyq - Азаттық

13 June 2023 10:11

13 маусымда Ресей әскері Украинаның Кривой Рог қаласындағы бесқабатты тұрғын үйге зымыран тастады. Алты адам қаза болды. 25 адам жараланды, оның 19-ы ауруханаға түсті. Бұл туралы Днепропетровск облысының басшысы Сергей Лысак хабарлады. Құтқару жұмысы жүріп жатыр.

Azattyq - Азаттық

13 June 2023 09:19

Абай облысындағы өрт кезінде жоғалған тракторшының тракторы табылған, өзі жоқ.

Бұл туралы 12 маусымда кешкісін жергілікті БАҚ облыстық полиция департаментіне сілтеп хабарлады.Абай облысының полиция департаменті Бесқарағай ауданы Долон ауылының 36 жастағы тұрғыны Сергей Архиповті екі тәуліктен бері іздеп жатқанын хабарлаған. Архиповтен 10 маусымнан бері хабар болмаған.

"12 маусымда Дмитриевка селосынан бес шақырым жерде, Бородулиха ауданының Ауыл станциясына қарай тасжолдан 1 шақырым тұстан трактор табылды. Трактор бұзылмаған. Архиповтің өзі іздестіріліп жатыр" деп хабарлады полиция департаменті.

Бұған дейін "Семей орманы" табиғи қорығы бөлімшесінің қызметкері Сергей Архипов 9 маусымда өрт сөндіруге шығып, хабар-ошарсыз кеткені мәлім болған.

Өткен аптадан бері Абай облысының Бородулиха ауданында мыңдаған гектар орман өртеніп жатыр. Өрт кезінде 14 адам қаза болған.

12 маусымдағы ақпаратқа қарағанда, өрт әлі де тоқтамаған.

t.me/azattyq

Azattyq - Азаттық

13 June 2023 05:44

Ресей оқу орындарындағы тексеріс: оқытушылардың сабағы биліктің көзқарасына сай келуге тиіс

Ресейдің оңтүстігіндегі университеттер оқытатын тарих пәнін бақылауға министрлік өкілдері келетін болған. Олар оқытушылардың сабағы биліктің көзқарасына сай келе ме, жоқ па – тексеруге тиіс. Бұл жөнінде Ресей жоғары оқу орындарындағы мәліметтерге сүйенген The Moscow Times жазды.

Краснодар өлкесі оқытушысының журналистерге айтуына қарағанда, шенеуніктер лекция кезінде болсын, басқа уақытта болсын, билікті, "патшаны" сынауға тыйым салған. Тарихтағы кейбір даулы мәселелерді ешбір сынсыз, құрғақ факті ретінде айта салуды ұсынған. Басылым сөйлескен Самара университетінің оқытушысы тарих туралы мақаласы үшін әріптесін жұмыстан шығарып жібергенін айтқан.

Бұған дейін Ресей президенті Владимир Путин "Ресей жастары ақпарат шабуылына ұшырады, сондықтан оларға дұрыс ақпарат беріп, тойтарыс жасау керек" деген еді. Путин тарих пәні бойынша академиялық курс ашып, "ұрпақтар сабақтастығын терең мазмұнмен байытуды" тапсырған.

t.me/azattyq