Telegram-канал atronosee - አትሮኖስ: Unsorted

አትሮኖስ

11 January 2025 22:45

ከነዚህ ዉስጥ የማን ደጋፊ ኖት?

አትሮኖስ

11 January 2025 16:00

የታመመ ሰው ልናመጣ ነው የምንሄደው ሲለው ሆዱ እንደመራራት አለ ሹፌሩ፡፡

እሽ አሁን "ፍጠኑና ውጡ አላቸው፡፡

እረፍዶባቸውም ቢሆን አዳማ ደረሱ፡፡ ከመኪናው ወርደው እየተቻኮሉ ወደ አቶ ላንቻ ቡቲክ አመሩ፡፡ ቡቲኩ አልተከፈተም፡፡ ያሬድ በተዘጋው ቡቲክ ላይ ሁለት አይኖቹን ተክሎ ሳይነቅል ቆየ፡፡ መብረቅ እንደመታው እንጨት ክው ብሎ ቀረ፡፡

ተመስገን አልመጡ ይሆን ወይስ መጥተው ተመልሰው ሄደው ይሆን? አለ፡፡

"እስካሁን መቼ ይቆያሉ፡፡ ስንቀርባቸው ጠብቀውን ሄደው ይሆናል አለ፡፡ ራሱን እየነቀነቀ፡፡

"ለማንኛውም ደንበኛቸውን እንጠይቀው ተባብለው ወደ ቢያድግልኝ የጅምላ ማከፋፈያ ሱቅ ተጠጉ፡፡

ከቢያድግልኝ ጋር የእግዚአብሔር ሰላምታ ተለዋውጠው "አቶ ላንቻ ዛሬ አልመጡም እንዴ"? አለ
"እስከ አሁን አልመጡም፡፡ እቃ አምጡልኝ ብየ እየጠበኳቸው ነበር፡፡ ምን ነክቷቸው እንደሆነ ዛሬ አርፍደዋል፡፡ እንደው ደህና ባይሆኑ ነው እንጅ ፤ ደህና ቢሆኑ እስካሁን አይቆዩም ነበር አለ ቢያድግልኝ፡፡

ያሬድ ግራ ተጋባ፡፡ የሚሆነው ጠፋበት፡፡ "እና አሁን ምን ይሻለኛል"?

"ምን ታደርጋለህ ፤ትንሽ ጠብቃቸው፡፡ ካልመጡ ወደ ድሬ መሄድ ነው፡፡ ወይም ወደ ቤትህ ተመልሰህ በሌላ ጊዜ መምጣት ነው የሚሻለው፡፡ ለማንኛውም የአንተ አማራጭ ነው አለ ቢያድግልኝ፡፡

"እሱማ ልክ ነህ፡፡ አሁን ወደ ቤት ብመለስ መቼ እንደሚመጡ አውቃለሁ፡፡ ትንሽ ጠብቀን ፤ ካልመጡ አድረን ነገ ሄደን ምን ሆነው እንደቀሩ ማወቅ ይኖርብናል፡፡ ብሎ ከቢያድግልኝ ጋር ተሰነባብተው ወደ አንድ ካፌ ጎራ አሉ፡፡

በጥዋት የለከፋቸውን ጋኔል ፤ ረፋድም ሳይፋታቸው ፤ አቶ ላንቻ ሳይመጡ ቀሩ፡፡ ተመስገንና ያሬድ አዳማ አድረው በጥዋት የሚወጣውን የድሬ መኪና
ተሳፍረው ጉዟቸውን ወደ ድሬ መጓዝ የግድ ሆነባቸው፡፡

ተመስገን ገና ከቤት ተነስተው ሲወጡ የገጠማቸውን አንድ ጥቁር ሰው እንደማይቀናቸው ሆዱ ጠርጥሮ ነበር፡፡

ታዲያ ሁለት ቀን ሙሉ እንቅልፍ አጥቶ ማደሩም ፤ ጭንቀቱን አባብሶታል፡፡ ወደ ድሬ ለመሄድም ደስተኛ አልነበረም፡፡ አይናገር ፣ አይጋገር እንደማር ቆራጭ ፎጣውን ተከናንቦ በዝምታ ተውጧል፡፡

"ምን ሆነህ ነው ዝም ያልከው? አለ ያሬድ፡፡

ተመስገን ውስጡ ተረብሿል ፡፡ ለመናገር አልፈለገም፡፡ "አይ! ምንም አልሆንኩም ብርድ ብርድ ስላለኝ ነው፡፡

"አየሩ ሲቀያየርብህ ይሆናል ፤ ብርድ ብርድ ያለህ፡፡ ለማንኛውም አሁን እየደረስን ነው ብሎ...ድንገት የተሳፈሩበት መኪና ከመኪና ተጋጨ፡፡

በአደጋው ስድስት ተሳፋሪዎች ላይ ቀላል የመቁሰል አደጋ ደረሰባቸው፡፡ የተቀሩት ተሳፋሪዎች ያሬድንና
ተመስገንን ጨምሮ ምንም አይነት ጉዳት ሳይደርስባቸው ተረፉ፡፡

ራሱን የመሳት ያህል ደነገጠ፡፡ እውነት ነው እንዴ? ገና ከትላንትና ጥዋት የለከፈን አክላፋ ምን አይነት ነው አለ ያሬድ፡፡

"እንኳን ዘንቦብሽ እንዲያውም ጤዛ ነሽ" እንደሚባለው ተመስገን ድሮም ወደ ድሬ እየፈራ መጓዙ አልቀረም ነበር፡፡ ታዲያ የፈራው አልቀረም፡፡

በፍራት ላይ ፍራት ሆኖበት ዝናብ ደብድቦት እንደሚንቀጠቀጥ ሰው ተንዘፈዘፈ፡፡ አይኖቹ እርግብ እርግብ አሉ፡፡

ያሬድ ተጨነቀ ፡፡ ምነው ይዠው ባልመጣሁ ኖሮ ፤ አሁን እግዚአብሔር አትርፎናል፡፡ ከዚህ የባሰ ባልመጣ ብቻ ፤ አንዴ እቤት መልሸው እስከምገባ አለ፡፡ እየለመነና ለምን ይዞት እንደመጣ እራሱን እየወቀሰ፡፡ ሌላ መኪና መጥቶ ወሰዳቸው፡፡

ድሬ አምሽተው ሶስት ሰዓት አካባቢ ደረሱ፡፡ ወደ አቶ ላንቻ ቤት ለመሄድ ቀኑ መሽቷል፡፡ ለአልባሳት መግዣ የያዙትን ገንዘብ ሌባ እንዳይዘርፋቸው ለመንቀሳቀስ አልፈለጉም፡፡ አልጋ ለመያዝ አሰቡ፡፡ ከመነሃሪያ ላለመራቅ ፊት ለፊት ወደ ሚገኝ አንድ ሆቴል አምርተው አልጋ ጠየቁ፡፡ ከቤታቸው ሲነሱ የገጠማቸውን ሰው የሚመስል ከሆቴሉ ወጥቶ አልጋ አልቋል አላቸው፡፡

ያሬድ "ወይ! የዛሬና የትላንት ቀን የምን ምቀኛ ነው፡፡ ከወጣን አንስቶ አንዴም ሳይቀናን እያለ አልፎ የሚቀጥለውን አልጋ ቤት ጠየቀ፡፡ ተመሳሳይ መልስ ሰጧቸው፡፡ ለነገሩ መነሃሪያ አካባቢ ስለሆነ በጊዜ ስለሚያዝ እዚህ አናገኝም፡፡ ወደ ታች ዝቅ እንበልና እንጠይቅ ብለው ትንሽ ዝቅ አሉ፡፡

አንድ ከአካባቢው ለየት የሚል ሆቴል አገኙ፡፡ አንድ አጠር ያለች የወንድ ሱሪ የለበሰች ወጣት ሴት ከሆቴሉ ወጥታ አለ አለች፡፡

"እስኪ አሳይን ብሏት ተከታትለው ገቡ፡፡

አንድ ነው ሁለት የምትፈልጉት አለች አከራይዋ፡፡

ኧረ ! አንድ ይበቃናል አለ ያሬድ፡፡

"እሽ የቀረውም ሁለት አልጋ ስለሆነ ከሁለት አንዱ ምረጡና ያዙ አለች፡፡ የሚሻለውን አልጋ መረጡ፡፡

"ምግብ ነገር ይኖራል እንዴ ? አላት ያሬድ፡፡

"አዎ፤ አለ" አለች፡፡

"እሽ እንመጣለን፡፡ ብሏት የአልጋ ሒሳብ አስር ብር ሰጥቷት ሄደች፡፡

ተመስገን በድንጋጤ የተነሳ ሰውነቱ የሚንቀጠቀጥበት አለቀቀውም፡፡ ምነው አምላኬ አሁን ደግሞ መሽቷል፡፡ ምን ልታሳየኝ ይሆን? ከሞት አፋፍ ላይ የመለስከኝ አይበቃም እንዴ ? እያለ ፈጣሪውን በውስጡ ይማፀናል፡፡

"ምነው ድንጋጤው አልለቀቀህም እንዴ? አለው ያሬድ::

"ኧረ ! አለቀቀኝም፡፡ የባሰ ከቅድሙ አሁን የባሰብኝ መሰለኝ፡፡

"በቃ! እንግዴህ አትጨነቅ እግዚአብሔር እንኳን ከሞት አፋፍ መለሰን እንጅ፡፡ አሁን እንግዴህ ይህንን ቀፎ ቆራጭ ያስመሰለህን ፎጣ አውርደውና ከተሜም ባንመስል ነቃ ያልን ባላገር እንምሰልና ወደ ሆቴሉ እንግባ ፡፡ እራታችንን በልተን አንዳንድ ቢራ ስንለቅበት ጭንቀቱና ድብርቱ ለቆን ይጠፋል፡፡......

✨ይቀጥላል✨

#Share #like and #subscribe እያደረጋቹ።

👇Sebscribe

YouTube link👇
atronose" rel="nofollow">https://www.youtube.com/@atronose

ZOO አዲሱ ፕሮጀክት... 20 ቀን ብቻ ቀርቶታል ቢያንስ ገባ ብላችሁ እዩት አጭር ግዜ ነው የቀረው..ይመቻቹ

ለመጀመር 🦒👇
t.me/zoo_story_bot/game?startapp=ref405867113