639
كل الخدم تنهان شفناها بالعين بس بكرامة تعيش خدام الحسين
نزله
نعزيچ يافاطمه
___________________
اليــوم خـلونه نــعزيـــها البـتول
بذكرى أستشهاد هادينه الرسول
والعلـــي نـرفــع تـعازينه ونـگول
نواسي لحامي الحمه
نــعزيچ يـــافـــاطمه
______
عظم الله أجرچ يبنت المصطفى
شگد صعب فـگد العزيز ونعرفه
آه يــاجـــرح الأبــو الماله شــفه
هالمصاب ماأعضمه
نــعزيچ يـــافــــاطمه
______
مـن بعد فگد الأبو أم الحَــسن
راح تنظر ضيم وأحزان ومـحَن
من عصابه مجرمه عبدت وثن
عالأحزان متعلمه
نعزيچ يـــافاطمه
______
فاطمه من هسه حـست بالكسر
وچنها خـلف الباب باچـر تنعصر
وچنه خدها بچف منافق ينسطر
وره الباب متئلمه
نــعزيچ يـافاطمه
______
من وفاة النبي تبدي المعضله
للـــزچــيه والعلــي والمــقتله
والمصيبه الكـبرى تبقى كربله
بقه يسيل مجره الدمه
نــعزيــچ يـــافــاطــمه
______
ألــف لـعنه تنزل أعـــله أم الجمَل
هيه اساس الفتنه ضد خير العمَل
كــله مـــن تدبيرهـا هــذا الحصَل
والجروح متراكمه
نعزيچ يــافـاطمه
_____________________
الشاعر (أسعد قاسم الگريعاوي)
وحشه گبره بلا عزاء/طه خاتم الأنبياء
نادوا ياناس/يامحمد
______________________
طه الله الخالق الدنيا أعله موده
بليلة أستشهادة نكروا كل جهوده
ماكو مجلس تعزيه لا رايه سوده
أبن أبو سفيان يم گبره وجنوده
ليش كل هذا الحقد/ذبحوا أبگبره الورد
وذبحوا الياس/يامحمد
نادوا ياناس / يامحمد
____
من عمت عين الوكت يابو الزچيه
الخله گبرك بيد ملّه ناصبيه
والله لو تأذن نجيك المرجعيه
چان جيناك بشجاعه حيدريه
ونرفعه صوت الآذان/بسم مفتاح الجنان--->(علي)
وأحنه حراس/يامحمد
نادوا ياناس/ يامحمد
____
يابو گبه زاهيه خضره ومناير
بحضرتك تحله يبو الزهره الشعائر
خرسه ليش بمرقدك ذيچ المنابر
أحنه مانعتب على الباع الضماير
من أسمنه يرعدون/ومن لطمنه يرجفون
وحگ عباس/يامحمد
نادوا ياناس/يامحمد
____
محد إيواسيك مولاي أبوفاتك
بموتتك مظلوم أنته وبحياتك
من رضاتك هالوضع مو من رضاتك
بيك حاطت هالعده من كل جهاتك
منعوا اليبچي عليك/چنك أمگيد بديك
جرحوا أحساس/يامحمد
نادوا ياناس / يامحمد
____
والله لو مو هالعده الحايطه بكترك
چان سوينه عزه يلوگ أعله قدرك
وچان مثل حسين مشايه نحضرك
يبو القاسم ليش ماواحد ينصرك
يارسول الله وعلي/البينه يندگ يبتلي
راسه ينداس/يامحمد
نادوا ياناس/يامحمد
____
يحللون بكيفهم والله ويحرمون
كفروا حتى الذي بگبرك يبوسون
ماأصدگ ذوله للباري يعبدون
لو بديهم گبرك الطاهر يهدمون
أمهم الگادت جمل/ضد علي خير العمل
ملة أرجاس/يامحمد
نادوا ياناس /يامحمد
____
عدنه يمك حاجه ياسيد البريه
أنته حلها يل تحل أكبر قضيه
وينه أبنك صاحب الطلعه البهيه
هوه بس يندل گبرها للزچيه
خاف يخلص هالعمُر/ومانشوفلها گبُر
لآخر أنفاس/يامحمد
نادوا ياناس/يامحمد
______________________
الشاعر(أسعد قاسم الكريعاوي)
جبريلُ مابينَ السماءِ ردْد
ماتَ النَبيُ المُصطفىْ مُحَمْد
فاطمُ عالخد لاطمه/من ذا يواسي فاطمه
يامُحَمّد / يامُحَمّد
______________________________
هذا صوت إيردد أبين السموات
تسمعه الأحياء كلها وحتى الأموات
والكواكب بالسمه وحتى المجرات
كلها تصرخ هالمسيه المصطفى مات
حتى الأذآنُ النَحِيبِ كبّر
ماتَ مُحَمداً اللهُ أكبر
فكلُ شيءٌ كلمه/من ذا يواسي فاطمه
يامُحَمّد / يامُحَمّد
___________
إلي صلى الباري أله وعليه سلم
بحال بنته فاطمه بس الله يعلم
وأبن عمه المرتضى هوايه تألم
الدفنته ياأبالحسن گوم وتحزم
قُم ياعليً وأدفن الرسولِ
وواسي ياحيدرةّ البتولِ
يبكيهِ حماي الحمه/من ذا يواسي فاطمه
يامُحَمّد / يامُحَمّد
____________
وصّه طه المصطفى حامل حميه
يدفنه ويغسله وحده وهاي هيه
وتوكف أعله المغتسل بنته الرضيه
وسيدين الجنه من نسل الزچيه
بالحسنين والبتولِ وصّه
فقصةِ الآلِ معاهُ قِصه
هذي حكايه مُؤلمه/من ذا يواسي فاطمه
يامُحَمّد / يامُحَمّد
____________
ياعلي غسل النبي من دمعة العين
وبالكساء چفن مُحمد يا أبو حسين
فاطمة عد راسه خلها أم الميامين
والحسن وحسين عن أيساره ويمين
لو أن طه المصطفى لقاهم
تَعودُ روحهُ إذا رئاهم
في موتهِ تألمه/من ذا يواسي فاطمه
يامُحَمّد / يامُحَمّد
____________
كل موالي بصوت حزنه الليله ردد
من يصدگ مات أبو الزهره محمد
إي نعم مات وبعد للدنيا مارد
وبالگبر جسمه أبو القاسم توسد
فكُلنا للقبري قد نسيرُ
لا سيداً يبقى ولا نذيرُ
خلفهُ فاطم قادمه/من ذا يواسي فاطمه
يامُحَمّد / يامُحَمّد
____________
كل نبي وكل مرسل أتعاله ضجيجه
وحتى بيت الله نعه لجله وحجيجه
بالحزن هذا الصباح أنفتح ريجه
بجنة الفردوس تنتظره خديجه
اللهُ قد حَب النبي ورفعه
وقبرهُ من الجنانِ قِطعه
هكذا ربُكَ أكرَمه/من ذا يواسي فاطمه
يامُحَمّد / يامُحَمّد
_____________________________
الشاعر( أسعد قاسم الكريعاوي )
نزله
آنه زينب بت علي
راسي يبقى معتلي
والفخر كله إلي
بزود أخوتي أمدلله/كربله ياكربله
____________________
آنه حيل أتعذبت
وبالمصيبه أتمرمرت
وكلشي بعيوني شفت
لاچن أبقى مواصله/كربله ياكربله
_____
صعبه كلش بلوتي
ولله چانت شكوتي
حين ذبحوا أخوتي
صبري بالله أتوسله/كربله ياكربله
_____
ريت لا طال العمر
ولاشفت ذاكه الظهر
من رجع خالي المهر
وسرجه من عنده خِله/كربله ياكربله
_____
أشصار بيه وأشجره
أبقى حره وصابره
أحمد الله وأشكره
كلشي منه قابله/كربله ياكربله
_____
مخدرت فحل الفحول
وآنه بت أمي البتول
حيرت كل العقول
بكربله شاني عِله/كربله ياكربله
_____
محد المسلي طرف
والعدو بهذا أعترف
آنه عنوان الشرف
خدري منهو يوصله/كربله ياكربله
_____
آنه ستر الله العلي
وعرشه بالطف محملي
ومشيتي بظل كافلي
بعينه خدري شايله/كربله ياكربله
_____
آنه أخت راعي اللوه
عشنه وكبرنه سوه
ضوه ومرافگ ضوه
عگبه صرت الكافله /كربله ياكربله
_____
بت علي وأخت الشهم
أهزم وما أنهزم
خورست كل الزلم
حرز حيدر حامله/كربله ياكربله
_____
زينب آنه أم الخدر
زلزلت ذاكه القصر
بخطبتي جبت النصر
والعدو بيه أبتله/كربله ياكربله
____________________
الشاعر (أسعد قاسم الگريعاوي)
https://youtu.be/l2RvSzmB30I?si=gF8QOTrpzIYYxhD0
Читать полностью…
https://youtu.be/WNN-X6S6T-w?si=f-35JAFOcSGBucGd
Читать полностью…
ليلة الحادي عشر
أساسية
زينب مع الأملاك
يزينب وحّــدچ والـدنيه ليل
يزينب وأنتي حرمه بلا كفيل
ظلمه صارت دنيتچ / وين طاحوا أخوتچ
يزينب يزينب
________________________
ليلة الحــادي عــشر ظـــلن وحدهن
زينب وكــل الحــرم مـــاوالي عدهن
ذبــحوا الأخـــوان وأنــذبحوا ولدهن
وبهذاك الليل بس دمعه عله خدهن
يزينب حـايره بعيله وحـــرم
يزينب وحرگوا أعليها الخيم
حين حرگوا خيمتچ / وين طاحوا أخوتچ
يزينب يزينب
_________
نزلت أملاك السمه بليلة المقتل
لن أجه الزينب ملك ينعه إيتوسل
يگلها جيت أحميچ وبخدرچ أتكفل
دگــله للــعباس روح أترخـص أول
يزينب صح ملك اني لچن
يزينب أرتـعد مـــنّه وأون
خاف أجيبن سيرتچ / وين طاحوا أخوتچ
يزينب يزينب
_________
يگلها يازينب دخيل الله ودخيلچ
ماأروحن وحـدي أنـه يـم كفيلچ
أمــشي ويايه يــزينب وأنـدعيلچ
لو عـلگ تنطيني لو شيلة عليلچ
يزينب أنـــه خــليني وراچ
يزينب دخلچ آنه وبحماچ
وشحيني برايتچ / وين طاحوا أخوتچ
يزينب يزينب
_________
كل ملك منهم نزل يحمل مهمه
ذاك غطه بجنحه جثت أبو اليمه
واحد يدور على أوصاله ويلمه
وذاك نام بطوله وبنحره يشمه
يزينب شلون شاهدتي أنبتر
يزينب مـن الــحسين النحر
عاري بالحَر عزتچ / وين طاحوا أخوتچ
يزينب يزينب
_________
فـــطرس اللــيله نــزل لــحسين عـــناي
غطه جسم حسين من حّر الشمس هاي
وصــــــار مــيكائيل للأيــــتام حـــــــماي
ونـــزل جــــبريل الرقـــيه جـــايب الماي
يزينب چف رجلها محترگ
يزينب بخيلهم لا تنسحگ
من رقيه نادتچ / وين طاحوا أخوتچ
يزينب يزينب
_________
لو مشت بالليل زينب يم أخوها
يمشن أوياها الملائك يـسندوها
يمدن الجنحان لــمّن يضربوها
لإن لا يـــمها مُــحامي ولا أخوها
يزينب بعد ساعه وتذهبي
يزينب أنـتي وعيالچ سـبي
صيحي وأنتي بغربتچ / وين طاحوا أخوتچ
يزينب يزينب
______________________
الشاعر( أسعد قاسم الكريعاوي )
لمة عزه
نـفتتحُ الـــعَزاء بـالنوحِ والأنين
ونلطمُ الصدور عَليكَ ياحُسين
_________________________
هذا شهر الدمعه هذا حسين هاي أيامه
ويــحترگ لجله گـلبنه مـثل حرگ خيامه
وبــمثل هـــاي اللــيالــي تنولــــي أيتامه
وتنذبـــــح أولاده كـلها وأخــوته گــدامه
في أرضِ كربلاء تبكيكَ كُل عين
ونلطمُ الصدور عليكَ ياحُسين
_______
هذا شهر الحزن جانه والدمع والفاجعه
ظهر أبو السجاد باچر ينكسر عالمشرعه
وجـثت العباس ظــلت عـالنهر متگطعه
وتفگـد أم عــباس بالطف ألبنين الأربـعه
فــحاملُ اللـواء مُـقطّع اليدين
ونلطمُ الصدور عليكَ ياحُسين
_______
شهر لوعات ومصايب والحزن بي واضـح
ليلى شافت علي الأكبر عـالثره مـن طايـح
يعينـها الباري تـعالــى الـمنها أبــنها رايـح
وشاهِدت بالعين رَمله بدمه جاسم سابح
بكفكَ الشباب قضوا مُستشهدين
ونـلطمُ الصدور عـليكَ ياحُـــسين
_______
شـهر بـي عـبد الله چبده ينفطر من الضمه
وبـسهم مـن أبـن كاهل هالطفل نحره نرمه
حسين الله يعين گلبه الهل مصيبه المؤلمه
ترس چفه مـن وريـده وشـالها الرب السمه
طفلٌ قضى صريع والسَهمُ بالوتين
ونـلطمُ الصـدور عـليكَ ياحُــسين
_______
شهر حُرگه وشـهر دمعه وشـهر ونّـه ولـوعه
زحمه من فاطمه الشيعي لو ينّشف أدموعه
حـسين فوگه خيول عـشر عالصدر مجموعه
وچــل قـواريـر إيتكـسرن أبــو الـيمه ظـلوعه
وزيـــنبٌ تـراك وتلـطمُ الجبين
ونلطمُ الصدور عليكَ ياحُسين
_______
كُـل عزيز بگلب زينب هـالمسيه بـلحظه راح
بعينها شـافت أهـلها جـسومهم تنزف جـراح
طــعن بــسهام وخـناجر وبـسيوف وبـالرماح
وزينب أمست بعد أهلها طير مكسور الجناح
سـيدةُ الـنِساء مـنظرهُا حَـزين
ونلطمُ الصدور عليكَ ياحُسين
_________________________
الشاعر (اسعد قاسم الگريعاوي)
حوار أم الرضيع مع ولدها
أناغيك / وتناغيني
أحاچيك/وتحاچيني
السهم فُطمك/يبعد أمك/يعبد الله
____________________
يازهرة زماني ويانظر عيني
يعبد الله عسى لا طالت سنيني
غبت عني بغيابك من يواسيني
صفگت إيساري يبني أعليك ويميني
الدهر غدرك/وخلص عمرك
أنحفر گبرك / بگطِع نحرك
نحت يمك/يبعد أمك/يعبد الله
____
حسبتك تكبر وبالشده تبرالي
لاچن خابت أبفرگاك آمالي
سهم نحرك يريته بعيني ياغالي
ولاشوفن يعبد الله المهد خالي
بچه مهدك/على بُعدك
ذبل وردك /وحگ جدك
أختفه نجمك/يبعد أمك/يعبد الله
____
يمن ضميتك بروحي وحميت أسمك
وأخاف أعليك لو مر الهوه يمك
أذا أسمع بچاك الصدري أنه ضمك
وسف يوليدي أشوفك سابح بدمك
تناديلي / وكت ليلي
صحت ويلي/نهدم حيلي
رحل رسمك/يبعد أمك/يعبد الله
____
يعبد الله عگب عينك شلي بدنياي
أريد أتوسد بكترك يضي عيناي
أصيح بصوت وتگطع هرش چبداي
آنه أم الرضيع الماتهنه بماي
رحت مني/وكثر وني
تعذبني / وتشيبني
شكبر همك/يبعد أمك/يعبد الله
____
أشحال حسين من شاف الطفل ودماه
تغير وجهه حيل ودم تهل عيناه
يهوميله الرضيع بيسرته ويمناه
سمعت حسين صاح بصوت واويلاه
أبو اليمه / نظر دمه
صرخ بسمه/ونِعه يمه
ندب أسمك/يبعد أمك /يعبد الله
______________________
الشاعر (أسعد قاسم الكريعاوي)
نعي أو لمة عزة ليلة العاشر
ليلة وداع وآحُسينا وآحُسينا
____________________
ليلة العاشر أبو اليمه فلا نام
گاعد ويتفگد ويفتر عالأخيام
هوه والعباس والأكبر أوجسام
يبعدون الشوك عن رجلين الأيتام
ليلة وداع وآحُسينا وآحُسينا
_____
يگله للعباس أبو اليمه أخيه
تدري هذا الشوك شيسوي برقيه
زغيره رجليها يبو فاضل خطيه
بنتي ماتحمل ولا شافت أذيه
ليلة وداع وآحُسينا وآحُسينا
_____
گبال عيني باچر أنظركم ضحايه
توگع أنته وتوگع بكترك الرايه
والحرم كلهن تره يروحن سبايه
وتصبح أمصيبتنه ماألها نهايه
ليلة وداع وآحُسينا وآحُسينا
_____
باچر أنظر جاسم وأنظر للأكبر
عالأرض وبدمه واحدهم تعفر
حتى عبد الله بسهم ياخويه ينطر
هالطفل من الضمه لسانه إيتفطر
ليلة وداع وآحُسينا وآحُسينا
______
تنچتل كل الزلم باچر يعباس
جسمي بخيول آل أميه خويه ينداس
وعالخيم تهجم يبو فاضل الأرجاس
وبجسمنه مايظل ياخويه هالراس
ليلة وداع وآحُسينا وآحُسينا
______
مايرحمون العده أطفال الحسين
لاشرف لاغيره عدهم عالنسواين
زينب وكل الحرم تدخل دواوين
لن يزيد إيگلها چاوين الگمر وين
ليلة وداع وآحُسينا وآحُسينا
___________________
الشاعر(أسعد قاسم الكريعاوي)
لمة عزه للأكبر ع
عالأكبر دم تجري عيوني
عالأكبر دم تجري عيوني
_______________
آنه أم الأكبر عينوني
بمصابه الليله واسوني
شفت أوليدي بهاي عيوني
عالغبره ومنّه حرموني
عالأكبر دم تجري عيوني
_____
شفت بعيني براسه الطبره
وطاح الأكبر فوگ الغبره
وشفت الظالم من حز نحره
ياريت بداله ذبحوني
عالأكبر دم تجري عيوني
_____
عطشان وذبحوا گدامي
وذبحوا وياه كل أحلامي
من بعده شلي أب أيامي
ماعيش بدونه يدروني
عالأكبر دم تجري عيوني
_____
بدموعي وسهري ربيته
وبعيوني وگلبي خليته
من طاح بحزني ناديته
عدوانه بعده تولوني
عالأكبر دم تجري عيوني
_____
ماعيش ولا أصبر دونه
أبني وچا ليش يذبحونه
لابيدي وغمضّت عيونه
مسبيه من عنده أخذوني
عالأكبر دم تجري عيوني
_____
يامحبوبي وصعب فراگه
تدريني الحضنك مشتاگه
راسك گدامي أعله الناگه
مكشوف وبيك إيئلموني
عالأكبر دم تجري عيوني
_____
لجل الدين ولجل حسينك
يالأكبر ضحيت سنينك
ومثل حسين أنته مگطعينك
لو أبچي إعليه لتلوموني
عالأكبر دم تجري عيوني
___________________
الشاعر(اسعد قاسم الگريعاوي)
نزله
هذا الأكبر لو علي/
هذا الأكبر
___________________
شجاع الأكبر أبن حسين ياناس
عمره أثمنطعش ومحير الأرجاس
شتريده يكون گلي العمه عباس
وعلي متروس غيره وكله نوماس
الضده يوكف يبتلي/
هذا الأكبر لو علي/هذا الأكبر
_____
كبار أمن الفوارس چانت دگول
علي رد أنبعث هذا ممعقول
نشوفه بكربلاء إيصول ويجول
علي بحملاته رجف حتى الأخيول
صوت بالطف يعتلي/
هذا الأكبر لو علي/هذا الأكبر
_____
صفن عزريل من شاهد هل أفعال
شاب أزغير بس ذل قاده أبطال
يروحون آل أميه كلها الأنذال
العلي الأكبر فده والشسع الأنعال
يادفاتر سجلي /
هذا الأكبر لو علي/هذا الأكبر
_____
رغم ثقل الحديد ونار چبده
أجو عشرين ألف ياناس ضده
وعلي الأكبر يقاتل چان وحده
قتال المرتضى الكرار جده
حاشه لنه ينولي/
هذا الأكبر لو علي/هذا الأكبر
_____
نشاهد وگفته وگفت أبو حسين
شجاع ويشطر العدوان نصين
يواجهم علي صفين صفين
أبوه حسين شافه وتدمع العين
ناده ودموعه تهلي/
هذا الأكبر لو علي/هذا الأكبر
_____
من الخيمه عليه أدموع تنصب
مدامع ليلى أمه وعمته زينب
ودليل حسين عل أكبر تعطب
من شاهد أوليده بدم تخذب
صاح لأمه أتحملي/
هذا الأكبر لو علي /هذا الأكبر
___________________
الشاعر (أسعد قاسم الكريعاوي)
لمة عزه
يبني علي/ماينجلي/حزنك ييمه بيه
_________________________
عنك مشيت ميسره/وعالغبره مرمي عفتك
جثتك ييمُه أمطشره/بعيوني هاي شفتك
تعبي وسهر ليلي وجمال إعيونك
بلحظه أجني بساعة الذبحونك
بعدك شباب بيا ذنب چتلونك
مو تدري ماأگدر أعيش أبدونك
دمك جره/فوگ الثره/وآنه رحت سبيه
يبني علي/ماينجلي/ حزنك ييمه بيه
______
جسمك بقه فوگ الترُب/وبرمح شالوا راسك
ومن الرمح دمك يصُب/فدوه رحت لأنفاسك
طول الدرب أسمع ييمه ونينك
تنظر عليه وماتغمض عينك
ليش برمح عالي العده أمخلينك
راسك أمامي يبني ومكشفينك
جرح الگلب/كلش صعب/مايشفه للمنيه
يبني علي/ماينجلي/ حزنك ييمه بيه
______
سوده عليه بكربله/ عطشان مات أوليدي
ملعون شمر وحرمله/ذبحوا فرحتي وعيدي
ميته عسه ولا أنظره بهل حاله
دارت عليه من كل جهه الخياله
صاروا زلم عالأكبر الچتاله
لو مالعطش محد گدر يدناله
أبني سبع/وبلا درع/يسحگ جيوش أميه
يبني علي / ماينجلي/ حزنك ييمه بيه
______
يشبه رسول الله النبي/ياعالم أبني الأكبر
مات ومشت أمه بسبي/وي عمته والخدر
مثلي مره بكل النسه ما توجد
عدها ولد طبق الأصل مُحمد
صوت وشكل هيبه وجماله تجسد
بس ياوسف فوگ التراب اتوسد
شينفع بعد/راح الولد/وميرد بعد إليه
يبني علي /ماينجلي/حزنك ييمه بيه
______
من بين أديه يل رحت/وأصفگ أثنين أديه
وياك يوليدي ردت / تلفي إلي المنيه
يل تشبه الهادي محمد جدك
شلّي بحياتي يالولد من بَعدك
ماأگدر أتحمل يالأكبر بُعدك
يلّي رحت مني وبعد شيردك
يل مبتسم/مرلي بحلم/أمك تره خطيه
يبني علي / ما ينجلي /حزنك ييمه بيه
_____________________
الشاعر ( أسعد قاسم الكريعاوي )
الليله التاسعه
نزله
شجاعة علي الأكبر ع
هذا الأكبر هذا الأكبر
ما يتعذر هذا الأكبر
________________
طب للحومه ويسعر جبده
يسحگ هذا العسكر وحده
منهو يگدره وحيدر جده
حاشه يخاف وجده حيدر
هذا الأكبر هذا الأكبر
ما يتعذر هذا الأكبر
___
من حيدر وارث كل عزمه
وراث صولاته وحتى إسمه
والعباس الضيغم عمه
وشحجيلك يالسامع أكثر
هذا الأكبر هذا الأكبر
ما يتعذر هذا الأكبر
___
شافه العباس وهد بيهم
ناداه ها ياعمي أعليهم
زلمه اليشرد من أيديهم
واليوگع عدهم يتوذر
هذا الأكبر هذا الأكبر
ما يتعذر هذا الأكبر
___
شد عاليمنه وشد عاليسره
صاير چبده مثل الجمره
وحسين أمن بعيد أينظره
والأكبر يسحگ عالعسكر
هذا الأكبر هذا الأكبر
ما يتعذر هذا الأكبر
___
ماهاب الجيش ولاخافه
إنه أشبه جدي بأوصافه
ليه إيصد كلمن ماشافه
نفس الصوره ونفس المنظر
هذا الأكبر هذا الأكبر
ما يتعذر هذا الأكبر
___
منكم هاليوم آخذ حيفي
وفرسان أتصيدهه بكيفي
وبكرابه مايرجع سيفي
وأجعلها الطف تشبه خيبر
هذا الأكبر هذا الأكبر
ما يتعذر هذا الأكبر
___
كل ظالم هاليوم أنكله
من عدنه هيهات الذله
لحسين شحدك توصله
خل يسمع كلمن يتجسر
هذا الأكبر هذا الأكبر
ما يتعذر هذا الأكبر
____________________
الشاعر (أسعد قاسم الكريعاوي )
نزلة للقاسم عليه السلام
يعريس يعريس أمك نادتك
يعريس يعريس الليلة حنتك
_________________________
رمله يمه صاحتك/يبني هذي ساعتك
شد يجاسم همتك/حسين يوليدي غريب
أنصر حسينك أريد/وأبد لتعوفه وحيد
أصرخ وألعن يزيد /ويه عابس وي حبيب
أريدك أريدك ترفع هامتك
يعريس يعريس الليلة حنتك
_______
أنطيني يمُه لامتي / ولبَسّيني إعمامتي
خلي أرفع هامتي / وهامتچ يم الحُسين
آنه صح عمري زغير/لاكن الموقف چبير
الموت أولها وأخير/ منين أحنه خائفين
يجاسم يجاسم طفوا شمعتك
بعريس بعريس الليله حنتك
_______
گلها يُمه أدللي /ماأرد آنه وعلي
فرحي بيه وهلهلي/لمن أوگع عالتراب
دگله أعرف ماترد/وللشهاده مستعد
يبني أحصدهم حصد/يبني يازين الشباب
شفتها شفتها صعدت غيريتك
يعريس يعريس الليلة حنتك
_______
أنه بثياب العرس/أرد اضحي بالنفس
وللعدو ما أنتكس / حتى باچر أنذِكر
عَليّ بيه هامتچ / نشفي يمه دمعتچ
حزميني أبرايتچ / حتى بيها أنتِصر
ثجيله ثجيله ييمه مصيبتك
يعريس يعريس الليلة حنتك
_______
بيك أنه متنومسه/وجهي أبيض هالمسه
بيك يم خير النسه /وراسي عالي ومانزل
يبني ياتعب السنين/ أنه أعرفك ماتلين
قَبِل چفوف الحُسين/وقَبِل إيدأبو الفضل
عمامك عمامك باسوا جبهتك
يعريس يعريس الليلة حنتك
_______
يگلها قبل أمنيتي/هاچ أسمعي وصّيتي
هلله هلله بعمتي/إعليها گلبي منخطف
من تشوفين النذل / يربط أيديها بحبل
أصرخي ياأبالفضل/ يعتني ألها زحف
غريبه غريبه آنه وعمتك
يعريس يعريس الليله حنتك
_______________________
الشاعر (أسعد قاسم الكريعاوي)
نزله
قرآن گال وگال معصوم
مات النبي المختار مسموم
_____________________
عدنه المصادر والروايات
كلها صحيحه ومو خرافات
إن النبي مسموم قد مات
والشكوى للخالق القيوم
مات النبي المختار مسموم
___________
أتعرض قبلها لأغتيالات
ونجّاه الله وأبو الحملات
يوم الذي بفراشه من بات
بالدار لمن هجموا الگوم
مات النبي المختار مسموم
___________
الدست إله سم بطعامه
چانت خبيثه أبلا كرامه
من عدها ماعاش بسلامه
بشرت ربعها الباغيه اليوم
مات النبي المختار مسموم
___________
لا تعتجب من هاي الأخبار
لو شاهدت نسوان أشرار
بعض النسه غدرن بالأطهار
القتلن زوجهن زيدن أهموم
مات النبي المختار مسموم
___________
من أم الجمل عوفونه منها
أستغفر الله أمن أحچي عنها
مو مستحب واجب لعنها
مو بيدي ماحبنها للدوم
مات النبي المختار مسموم
___________
تجبرني جعده من أسبها
ذاك الحسن ماتت بسببها
من دست السم أبعنبها
وچبد الحسن من عدها مخذوم
مات النبي المختار مسموم
___________
وأم الفضل من بني العباس
حقد إلي بيها چان دساس
سمت جواد العتره ياناس
وقفلت عليه الدار ويحوم
مات النبي المختار مسموم
___________
أبيت الله لو صارن حجيجه
من هل نسه ماكو نتيجه
مايوصلن لأظفر خديجه
ألمن تعاتب وألمن أتلوم
مات النبي المختار مسموم
________________________
الشاعر(أسعد قاسم الگريعاوي)
اليوم أبو الزهراء وآفاه الأجل
روحه للباري عِـلت عـزّ وجل
___________________
فـــاطـــمه الله يـكــون بـــعونها
بــعينها الـــدنيه تــغيرت لــونها
أنگطعت أبتوت الگلب وضنونها
مات أبوها ومات من عدها الأمل
روحـــه للباري عِــلت عـزّ وجـل
_____
ياعــلي واسـي الزچيه فـــاطمه
عـالحزن هــاي العزيزه أمعلمه
من خديجه أمها بزغرها أميَّتمَه
والگلب مليان من صغره علل
روحـه للباري عِـلت عـزّ وجل
_____
مات أبو أبراهيم ياناس بصفر
وبالمدينه گبره هـاليوم انحفر
وماتت الزهره عليه من القهر
نادتـه مـني رحت بويه بعجل
روحه للباري عِــلت عزّ وجل
_____
بيش أصَبر روحي بعدك يالأبو
ياحنين إعليه مـثلك ويـن أكو
يلي صدرك مملي حنيّه ودفـو
الچان خيمه عليه هالليله رحل
روحه للباري عِــلت عــزّ وجل
_____
شـلون ماأبچي على فراگك وون
وبيتي مظلم بعدك وكـله حِـزن
شيبقه بالزهره إذا مات الغصِن
بدون ماي الورد حگه لو ذبل
روحه للباري عِــلت عزّ وجل
_____
الـوالـدي بهيده عــليّ ياحـامـلي
قــبل لا تــدفن أبـــويـه يــاعــلي
رايده أشبع شوف من عند الولي
ريت هذا نعشي لانعشه نحمل
روحـه للباري عـــلت عـزّ وجل
____________________
الشاعر ( أسعد قاسم الگريعاوي )
نزله
آنه زينب بت علي
راسي يبقى معتلي
والفخر كله إلي
بزود أخوتي أمدلله/كربله ياكربله
____________________
آنه حيل أتعذبت
وبالمصيبه أتمرمرت
وكلشي بعيوني شفت
لاچن أبقى مواصله/كربله ياكربله
_____
صعبه كلش بلوتي
ولله چانت شكوتي
حين ذبحوا أخوتي
صبري بالله أتوسله/كربله ياكربله
_____
ريت لا طال العمر
ولاشفت ذاكه الظهر
من رجع خالي المهر
وسرجه من عنده خِله/كربله ياكربله
_____
أشصار بيه وأشجره
أبقى حره وصابره
أحمد الله وأشكره
كلشي منه قابله/كربله ياكربله
_____
مخدرت فحل الفحول
وآنه بت أمي البتول
حيرت كل العقول
بكربله شاني عِله/كربله ياكربله
_____
محد المسلي طرف
والعدو بهذا أعترف
آنه عنوان الشرف
خدري منهو يوصله/كربله ياكربله
_____
آنه ستر الله العلي
وعرشه بالطف محملي
ومشيتي بظل كافلي
بعينه خدري شايله/كربله ياكربله
_____
آنه أخت راعي اللوه
عشنه وكبرنه سوه
ضوه ومرافگ ضوه
عگبه صرت الكافله /كربله ياكربله
_____
بت علي وأخت الشهم
أهزم وما أنهزم
خورست كل الزلم
حرز حيدر حامله/كربله ياكربله
_____
زينب آنه أم الخدر
زلزلت ذاكه القصر
بخطبتي جبت النصر
والعدو بيه أبتله/كربله ياكربله
____________________
الشاعر (أسعد قاسم الگريعاوي)
قريبا سيتم نشر قصائد المشاية للاشتراك بالقناة
/channel/al_hassanen
https://youtu.be/9FDYmSKk7Mo?si=n1zONkmFBjFJqMF7
Читать полностью…
ليله الحادي عشر...
لمة عزه
ليلة أوداع ومصيبه
بين محبوب وحبيبه
ياحبيبي ياحسين/نور عيني ياحسين
_____________________
آنه جيتك خويه والنار بعباتي
خويه والدخان غير كل صفاتي
من گلتلي سلمّت بيدچ بناتي
وبوكتها آنه حــسيت أبمماتي
آنــه زيـنب تــعرفوني
العيله أخليها بعيوني
تدري گلبي شگد حنين/نور عيني ياحسين
_______
من بناتك خويه عندي ودعتهن
ساعة الحرگوا خيمنه جمعتهن
خويه وأعله النوگ بيدي ركبتهن
والله وبـطول الـدرب مافارگتهن
حاضنه سكنه ورقيه
أيدي بيديهن سـويه
من مشينه ميگيدين/نور عيني ياحسين
_______
خويه أمشي عليك ضلع أمي الزچيه
ليــش أصــيح ومــاترد أنــته عـــليه
آنـــه راح أمــشي يــبو إلــيمه ســبيه
بس ردت چـلمت وداع وهـاي هـيه
ردت أودعه ولو مره
قبل ليگطعون نحره
ردت أبوسه من الجبين/نور عيني ياحسين
_______
آنه شــحمل يا رزيـه ويا مـصيبه
بعيني أشاهد جثتك خويه سليبه
والگمر يم النهر جثته خضيبه
وآنه بين أعداي محتاره وغريبه
هــل دهر باليني بلوه
عالمصايب ذبني گوه
بالحزن عشت السنين/نور عيني ياحسين
_______
رحتوا عني وأصــفگ يساري باليمين
زيــنب آنــه أويني أو وين الدواوين
شــاهدت مـوقف فلا تنساه هالعين
گبال عيني يزيد يضرب ثغر الحسين
بالعصه كسّر سنونه
والـيتامــه يــنظرونه
وأرتفع صوت الونين/نور عيني ياحسين
________________________
الشاعر(أسعد قاسم الكريعاوي)
فزاعي يوم العاشر
وآويلي على المظلوم
_______________
يـــوم العاشـر بعاشـور
ناديت بـگـلب مـجمور
من شفت الأخو منحور
ومن نحره يفيض دموم
وآويــلي عــلى المظلوم
______
حـــرت ألمن أدير العين
من ذبحوا أخويه حسين
والكـــافل بـــلا چــــفين
ناديت بگلب مهموم
وآويلي على المظلوم
______
زينب آنـــه ياهــل ناس
طحت أبوليت الأرجاس
چــا وينه البطل عـباس
نـاديته يـخويه گــوم
وآويلي على المظلوم
______
گوم ألحگ يوالينه
مـارحمونه أعادينه
لا ترحل يبو سكينه
گلبي من الحزن مجسوم
وآويـــلي عــلى المظلوم
______
بدمعه نادته أرقيه
بويه ألــحگ إعليه
باگـوا مــني ترچيه
ومن أذني جرت الأدموم
وآويــلي عـــلى المظلوم
______
راســك عـالرمح رفــعوا
وجسمك بالحقد داسوا
يــحسين الـخدر ســلبوا
مارحمتنه هاي الگوم
واويلي على المظلوم
______
من ماي العذب حرموا
وبــطف كــربله نــحروا
هــذا أحسينكم ذبـحوا
من ماي العذب محروم
وآويــلي عــلى المظلوم
______
ياويلي أنـذبح عـطشان
ونـايم عــاري عـالتربان
ويمّه الصحبه والخوان
وخيول الإعادي تحوم
وآويلي عـلى المظلوم
______
مــثلوا بالأخـــو تمثيل
رضـــوا جــثته بالخيل
ماظل عند أخونه حيل
صدر ياخلگ مهشوم
وآويلي على المظلوم
______
كون أتشاهده الزهره
من حز الشــمر نحره
ومتربع عــلى صــدره
هذا الطاهر المعصوم
وآويلي عــلى المظلوم
___________________
الشاعر (اسعد قاسم الگريعاوي)
نزلة
للطفل الرضيع ع
أستعدي للمصاب~~~~هلله هلله يالرباب
مات عبدالله الرضيع/مات عبدالله الرضيع
__________________________
شاله أبوه حسين بيده
وناده ماي الأبني أريده
وحرمله صابه بوريده
وللحياه بعد أشيعيده
رمش عين حسين شاب/هلله هلله يالرباب
مات عبدالله الرضيع/مات عبدالله الرضيع
_____
بكربله أول مصيبه
سهم عبد الله يصيبه
زاد أبو اليمه نحيبه
وصارت الدنيه كئيبه
شلون يحمل هالغياب/هلله هلله يالرباب
مات عبدالله الرضيع/مات عبدالله الرضيع
_____
شافته سكنه ورقيه
ودمعه من عدهن جريه
وأصرخن سوده عليه
ريت سهم البين أليه
وتسلم أنته من الصواب/هلله هلله يالرباب
مات عبدالله الرضيع/مات عبدالله الرضيع
_____
يعينها الله شلون أمه
شاهدت من نحره دمه
منذبح بيد أبو اليمه
صاحت بلهفه ييمه
يمُه ماأحمل عذاب/هلله هلله يالرباب
مات عبدالله الرضيع/مات عبدالله الرضيع
_____
چم مصيبه آلي سبنها
للرباب أو عذبنها
شحالها من غاب أبنها
ظل يدُر إعليه لبنها
بهذا ماحاسبه حساب/هلله هلله يالرباب
مات عبدالله الرضيع/مات عبدالله الرضيع
_____
طفل ست أشهور عمره
وگلبه من العطش جمره
هل ضمّه للسانه فطره
وأنگطع عبد الله نحره
گلبه من العطش ذاب/هلله هلله يالرباب
مات عبدالله الرضيع/مات عبدالله الرضيع
_____
بيا ذنب عبد الله ذبحوا
وأعله راسه الرمح رفعوا
گبال أمه وأهله شالوا
جسمه هم ياناس سحگوا
وأندفن تحت التراب/هلله هلله يالرباب
مات عبدالله الرضيع/مات عبدالله الرضيع
_________________________
الشاعر (أسعد قاسم الكريعاوي)
أساسية للطفل الرضيع ع
إلى أصحاب الحوائج وطلب الذريه أهدي هذه القصيدة لهم...
هذا صبرك مايضيع//أنخه عبدالله الرضيع
أطلب ومد الأدين // مايردها والحسين
__________________________
لو ردت تتشافه علتك أله صلي ركعتين
توجه وأهدي صلاتك هذي الطفل الحسين
بس گبل لتصلي أقره فاتحه لأم البنين
فاتحتها أمجربيها وعدنه ياعالم يقين
يلي ذريه تريد // مطلبك ماهو بعيد
لو ذكرت أم البنين//مايردها والحسين
_______
يالذي علتك چبيره وأيست من كل طبيب
أنخه عبدالله واندبه بجاها ظنك مايخيب
وگله ياعبد الله آني خادم حسين الغريب
أي مهد لمن أشوفه حيل أفجع بالنحيب
بجاه ابو أليمه عليك//حط على راسي أديك
من تحطها عل جبين// مايردها والحسين
______
صح طفل عبدالله لاچن يمتلك شئناً عظيم
مو عجيبه بفضل ربه هالطفل يشفي العقيم
أنته أدره يآ ألآهي وانته بالعندي عليم
ربي ألك مديت أديه أدري بيك انته كريم
رافع أيدي للسماء// ألعلتي رايد شفاء
العله صارلها سنين//مايردها والحسين
______
نذر ياعبد الله أنذر لو تفّرح مهجتي
راح أسميه أعله أسمك وراح أحضنه بلهفتي
نفسي أأذن بذنه وأفراح نفسي أخبّر صحبتي
بجاه عبد الله يربي لا تردني بطلبتي
طفل لو عندي يصير//أنذُره خادم زغير
وعد والحر وعده دين//مايردها والحسين
______
لو جريت أدموع عينك والطفل من تذكره
شلون أبوه حسين شاله ونار گلبه موجره
گماطه عبدالله تگطع حين صابوا منحره
مارعوا حاله يويلي بچف أبوه دمه جره
رفرفت روح الرضيع //ومنحره أصبح قطيع
لو بچت لمصابه عين//مايردها والحسين
______
تدري عبدالله شجراله من العطش گلبه أنجسم
عمره ست أشهر يعالم بسهم مسموم أنفطم
وتدري هم حزوا وريده وسفه منهم ماسلم
وبرمح رأسه تعاله چبير نحره أعله السهم
جثته فوگ التراب// شافته عيون الرباب
حلفه بگطع الوتين//مايردها والحسين
________________________
الشاعر(أسعد قاسم الكريعاوي )
الليله العاشره...( نعي )أو لمة عزه
بمزج التراث لمة عزه
ليلة أوداع ومصاب/والصبح يبدي العذاب
والفرح ضاع/بلحظة وداع
__________________
ليلة العاشر فلا تحصل مثلها
زينب بهذا المسه تودع أهلها
باچر أمن الزلم محد يبقى ألها
لا أبو اليمه ولا حتى الكفلها
ياليل طول ساعاتك / ياليل أحمل آهاتك
لو ودعت الوليان / تتولاني العداون
وين أروحن خويه وين/گلي بعدك ياحُسين
والفرح ضاع/بلحظة وداع
_____
ودعيهم يالعقيله ودعيهم
ومن مناحرهم يحره قبليهم
أخوتچ عالگاع باچر تنظريهم
خيل أميه بلارحم تسحگ عليهم
يامحلى الوداع أبهل مسيه
وعلوم المنيه
بين الفاطمي والفاطميه
كلشي بحسين أنتهه/مابقت راحه وهنه
والفرح ضاع/بلحظة وداع
_____
خلي أبو اليمه المسه يودع بناته
آخر الساعات هذي في حياته
خل يبوسن چفه ويطلبن رضاته
من العطش باچر تره تنشف لهاته
~
گومن بنات النبي خيطن خيمچ عبي
هاي الزلم ماتظل /باچر وراچن سبي~
باچر أخيول العده/للحُسين أتفرهده
والفرح ضاع/بلحظة أوداع
_____
وخلي أم عبد الله هالليله تودعه
من صدرها الطاهر وخلي ترضعه
هالطفل باچر تره يختلف وضعه
حرمله بسهمه تره نحره يگطعه
~
أهز مهدك يعبد الله
وأعاين عالمهد خالي/يبني وثمر دلالي
أهز مهدك يعبد الله~
يالرباب أبنچ تره/بسهم ينطر منحره
والفرح ضاع/بلحظة أوداع
_____
ليلى خليها تودع علي الأكبر
هايه أم وحقها لو مدمعها يكثر
تشوفه باچر الأكبر وراسه مطبر
وصله وصله عالثره جسمه تطّشر
~
يالعايش بعيوني وروحي
من بعدك شيداوي جروحي
شلون أتصبر / آه يالأكبر ~
ليلى لازم تستطبُر/من تشوفه منطبُر
والفرح ضاع/بلحظة أوداع
_____
ورمله خلي الجاسم تودعه بلهفه
وخلي تعجن حنته وتحني چفه
وعمه الحسين وأبو فاضل يزفه
عالأرض باچر تره تشوفين نزفه
~
جسام ياضنوتي رايح رايح أمن عيوني
مارحمني الدهر/ أنته نور البصر
رايح رايح أمن عيوني~
رمله باچر تنظره/محنه من دم منحره
والفرح ضاع/بلحظة أوداع
____________________
الشاعر (أسعد قاسم الكريعاوي)
لمة عزه
حوار الأمام الحسين مع ولدهُ علي الأكبر عليهم السلام
واويلاه طاح الأكبر/واويلاه گلبي تحير
_____________________
هذا الأكبر نور عيوني
سل سيفه وطب للميدان
ظليت أنظر عيني بعينه
چن گلي بويه عطشان
هاك أشرب من دمعة عيني
حتى المدمع هم خلصان
گلبي وگلبك مثل الجمره
يوليدي ومثلك لهفان
واويلاه لسانه تفطر/واويلاه گلبي تحير
_____
رد لحسين وضمه الصدره
آخر مره يودعه حسين
يوليدي لو ترحل عني
وين الگه مثلك لا وين
طُب للخيمه أو ودع أمك
ودعها وبوس الچفين
خلها تضمك خلها تشمك
خل تشبع منك هالعين
واويلاه تصيح الخدر/واويلاه گلبي تحير
______
ودع أمه ولنها دگله
يالأكبر لتظن أنساك
كل تعبي وكل ليل أسهرته
بهاي اللحظه راح أوياك
يامن ضميتك بعيوني
ومابين الرمشين أغطاك
لحظات وراح أنظر جسمك
متخظب من فيض دماك
واويلاه بيش أتصبر/واويلاه گلبي تحير
______
طب للحومه وظلت أمه
تدعي للباري المعبود
ياربي أحفظلي الأكبر
سالم ريت الساعه أيعود
ياجامع يوسف وي أهله
ردلي الأكبر ليه ردود
ناديتك وأنته إلي تعلم
بحالي وبگلبي الممرود
واويلاه لو مايحضر/واويلاه گلبي تحير
______
لحظات ولن عاد الأمه
عطشان ويتمنى الماي
قطرة ماي أشرب وأتعنه
أتقوه بيها أعله أعداي
يايمه الحر هدم حيلي
جيتچ وأتخطه بجدماي
دگله أشرب من ماي عيوني
ياضي عيني وهاي وهاي
واويلاه حاله تغير/واويلاه گلبي تحير
______
رد للحومه وبين العسكر
لصوبه حسين تصد عيناه
لحظات ولن طاح الأكبر
وتخظب من فيض أدماه
الله يساعد گلب حسينك
وشكبره صبره والله
چم محنه چم صوره يشاهد
چم حسره بصدره وچم آه
واويلاه نايم بالحر/واويلاه گلبي تحير
_____________________
الشاعر (أسعد قاسم الكريعاوي)
نزله لعلي الأكبر ع
يبويه/ راح أطبن للحرب
يبويه/وآنه عطشان الگلب
___________________________
بويه يحسين أندعيلي يل دعائك مستجاب
حتى أسحگ عالأعادي وأگطع بسيفي الرگاب
آنه وارث هالشجاعه من علي داحي الباب
وآنه أشبه أبو فاضل بس بعدني بويه شباب
يبويه/ والله لأگلبها گلب
يبويه/وآنه عطشان الگلب
_____
آنه ترباتك يابويه ومايخوفني يزيد
تحت أجدامي أدوسه هوه وجيوشه أريد
آنه الأكبر آنه بويه وعمي ذو بأساً شديد
أحنه أسياد الهواشم والله مانصبح عبيد
يبويه/والله لسحگهم غصُب
يبويه/ وآنه عطشان الگلب
_____
بويه أسمحلي أقاتل وأنتصر عالظالمين
والله ماأگدر أشوفك حاير وگلبك حزين
أنطيني راسك خل أقبله وخل أقبلها الأدين
خل أكون أول شهيد الطايح بچف الحسين
يبويه/لا دمع عينك يصُب
يبويه/وآنه عطشان الگلب
_____
بس طلب عندي يبويه لو أطيح أعله الترُب
بويه لاتحزن عليه ولا دمع عينك يصُب
أدري فگد أبنك يبويه عالگلب كلش صعُب
خلها تاكلني السيوف ولا أظل ضامي الگلب
يبويه/خلي راسي ينضرُب
يبويه/وآنه عطشان الگلب
______
بويه خليني أودعك ضمني حيل أعله الصدُر
يل لسانك بويه يابس وآنه گلبي منفطُر
العطش هد حيلي بويه وأشعر بگلبي جمُر
مالي طاقه أصبر يبويه وأنظر جيوش الكفُر
يبويه/مايصح ماي الشرُب
يبويه/وآنه عطشان الگلب
______
بويه أمي شلون بيها من تشاهدني تريب
ماأظن تصبر يبويه لو لگت جسمي خضيب
أمي راح أتظل بعدني للمناحه والنحيب
بويه ماوصيك بيها خلها تصبر يالحبيب
يبويه/موادعي كلش صعب
يبويه/وآنه عطشان الگلب
_________________________
الشاعر ( أسعد قاسم الكريعاوي )
نزله
لعلي الأكبر عليه السلام
هذا عباس البطل
لو علي الأكبر نزل
عنه خبرونه بعجل
شو خذها بالسره/چنه جدة حيدره
____________________
هذا منهو إلي أرتجز
من بني هاشم برز
والعدو شافه وعجز
يگول ياهو الينظره/چنه جدة حيدره
_______
سوه بالطف زلزله
وصوته عالحومه عله
وينه شمر وحرمله
وسيفه بيده يشهره/چنه جدة حيدره
_______
بجيشه ناده أبن سعد
يعني نخلص من أسد
يطلع الثاني أشد
مثل سبع الگنطره/چنه جدة حيدره
_______
بيده سيفين وهجم
والشمر شافه أنهزم
بعد متشيله الجدم
ياشمر الأكبر تره/چنه جدة حيدره
_______
سوه خوفه بالزلم
وگله ياشمر أفتهم
أستاذي عباس الشهم
حدنه بالك تعبره/چنه جدة حيدره
_______
هاشمي أباً وجد
وبجماله ماكو احد
أحلى من يوسف بعد
مُخ زليخه إيحيره/چنه جدة حيدره
_______
للحرب لمن يطُب
مثل أبو فاضل صعُب
وچان يگلبها گلُب
الميمنه عالميسره /چنه جدة حيدره
_______
بكر أبن غانم نزل
يم الأكبر بس وصل
بل عجل راسه أنفصل
وطوه الأكبر دفتره/چنه جدة حيدره
_______
بيده شايل ذو الفقار
يدور القاده الكبار
وما يدور عالزغار
البيده يوگع يشمَره/چنه جدة حيدره
_______
الدم تطاير للسمه
بلحظه لنها مغيمه
ومطرت أعليهم دمه
عاد حملة خيبره/چنه جدة حيدره
_______
عمره چان أثمنطعش
فطّر السانه العطش
وجسمه عالگاع أنفرش
وهامته مطّشره/چنه جدة حيدره
_______
وحده الأكبر بالطفوف
ودارت أعليه الألوف
بالرماح وبالسيوف
شلون أوصف منظره/چنه جدة حيدره
_______________________
الشاعر ( أسعد قاسم الگريعاوي )
أساسية للقاسم ع
آه يوليدي / ياجسام
رحت أمن أيدي/ياجسام
يايمه شگد داريتك/تتركني ماظنيتك
_________________________
يامحلى طولك جاسم ويامحلى رسمك
وعين الله من شر الحسد هيه التحرسك
يوليدي أخاف أمن العده تطفيلي شمسك
وهذا الشمع يصبح دمع وأنحب أبعرسك
خاف الشمعه /ياجسام
تصبح دمعه / ياجسام
بيوم العرس حنيتك/تتركني ماظنيتك
______
تتمنى كل أم يكبر الإبن وتنظره
تفرح بعرسه وسوره الوسواس تقره
ليش أبني بيوم العرس ينگطع نحره
وراسه على رأس الرمح رفعوا وانظره
شفته وگتله/ياجسام
أمك رمله / ياجسام
تنظُر ليها تمنيتك/تتركني ماظنيتك
______
كل ظني تكبر يبني وبعيني أشوفك
أفرح أبعرسك وأنظر الحنه بچفوفك
ياشمعة سنيني شكثر حلوه حروفك
أتمنى وياك أندفن ماريد أعوفك
بعدك تدري/ياجسام
شلي بعمري/ياجسام
تدفني بيدك ريتك/تتركني ماظنيتك
______
ياما تعبت وساهرت متنام عيناي
وبعيني ضميتك ييمه بهاي وبهاي
يافرحتي أنته الوحيد بهاي دنياي
ياوسفه راحت فرحتي وكل تعبي ورباي
گلبي كسرته/ياجسام
من فارگته / ياجسام
بعيوني يل ضميتك/تتركني ماظنيتك
______
يم الولد راح الولد منچ يا وسفه
من دم وريده ومنحره حنيله چفه
شمع الفرح هذا المسه خليها تطفه
وخلينه بدموع وحزن جاسم نزفه
أزغير بعدك /ياجسام
نمت أبلحدك/ياجسام
من دمعاتي رويتك/تتركني ماظنيتك
______
رحت ورحل كل التعب يوليدي وياك
جدك محمد بالحشر هوه إيتلگاك
وآنه يجاسم لاتظن فد يوم أنساك
وداعت شبابك للمنيه أبقى أنعاك
عشت بروحي/ياجسام
يا مذبوحي /ياجسام
واسيني يل واسيتك/تتركني ماظنيتك
______________________
الشاعر (أسعد قاسم الكريعاوي)
نزله أو لمة عزة
يامهجتي وروحي
يادمعتي ونوحي
يابلسم جروحي
ياضنوتي/ياضنوتي
__________________________
بيضت وجهي ومشيت/ عفيه بوليدي السبع
أگبال أبو اليمه بقيت. / راسي عالي ومرتفع
شمعت سنينك طفيت/أنته أحلى من الشمع
يامن العمك حميت/صرت إلـه مـثل الدرع
عفيه يبعد أمك
موت أعله چف عمك
وأتحنه من دمك
ياضنوتي/ياضنوتي
_______
أعترفلك من تروح/راح أظل بس للنحيب
يمتلي گلبي جروح /من أشوفنك خضيب
روح للعطشان روح/أنصره حسين الغريب
والعمر كله يروح /فدوه لحسين الحبيب
ياشمعة أسنيني
يبني ونظر عيني
بعُدك يبچيني
ياضنوتي/ياضنوتي
_______
ياتعب ذيچ السنين / يلي رباك الحسن
رادك تعين الحُسين /لمن إيطيح أبمحن
حان وكتك يالحنين / أبرز العمك لإن
حاير وحيده وحزين/ظل غريب أبهالوطن
نادي أنه حاضر
لتظل يعم حاير
آنه ألك ناصر
ياضنوتي/ياضنوتي
_______
يبني ياجاسم أريد/من تطب سوح الحرب
لا يهم ثگل الحديد / عالدرع خلي الگلب
لا ترد ليه وحيد / الخيمتي سالم تطب
أرد أشوفنك شهيد/ودمك أيصب عالترب
أرد أنظر أدمومك
متلطخه بهدومك
حتى أنحب اليومك
ياضنوتي/ياضنوتي
_______
يلي فضّلت الممات/يبني عن يوم العرس
بالوفه والتضحيات/ أنطيت للعالم درس
ماتحجبه الذكريات/الينطي لحسين النفس
بدون أبو اليمه الحيات/والله ماتسوى فلس
هنياله اليخدمه
وإلي نطه دمه
لحسين أبو اليمه
ياضنوتي/ياضنوتي
_________________________
الشاعر(أسعد قاسم الكريعاوي)