759
﷽ اَربـابَـــم حُسِـــین ♡ https://t.me/joinchat/AAAAAEAncDIfIWCWrS_fJA ️بزرگترین رسانه مداحی ترکی و فارسی و عربی آرشیو تمام مداحی جدید و قدیمی ساخت تراکت مذهبی ️انتقاد_پیشنهاد_تبادل 🆔 @Galeshi1176
گئدوب گون مغرب یوم بلادن
اوجالدی ناله دشت نینوادن
فلک لردن ملک لردن سمادن
قلمدن لوحدن عرش خدادن
مه و خورشید و انجم دن فضادن
دوشوب آفاقه وحشت بو صدادن
حسینیم وای حسینیم وای حسینیم
گروه انبیا و اتقیادن
تمامی اولیا و اوصیادن
خواتین حریم کبریادن
پریدن إنس و جنّ و ماسوادن
چخوب نی تک نوا یئردن هوادن
خصوصاً قتلگاه کربلادن
حسینیم وای حسینیم وای حسینیم
دوه لر صیحه سی آت شیحه سیندن
فراتون جنبشیندن نعره سیندن
نیستانون سیزیلتی نعره سیندن
گئجه نون عالمی آهو سسیندن
حسینون غارت اولموش خیمه سیندن
دولوب صحرا سکینه ناله سیندن
حسینیم وای حسینیم وای حسینیم
گئجه اون بیر گئجیدی ماه تابان
گونوز طوفان گئجه شام غریبان
داغیلمیش حربگاهه تیر و پیکان
پاریلدار اسلحه باخدوقجا میدان
چخوب بیر قیز یاری یانمیش چادردان
قویوب یوز قتلگاهه دیده گریان
حسینیم وای حسینیپم وای حسینیم
گئچردی هی جنازه دوره سیندن
اوخ اوستن یا که خنجر پاره سیندن
ائدر انسان هراس اوز کولگه سیندن
گلوب بیر سس بیابان گوشه سیندن
قیزیم گل سینمه اوپ یاره سیندن
منه آغلا دئ زهرا نوحه سیندن
حسینیم وای حسینیم وای حسینیم
ایکی بازوسی اول شاهون اوجالدی
یتیمه دخترینون گویلون آلدی
یارالی قولّارین بوینونا سالدی
دئدی سنسیز بابا باغریم قرالدی
سنی گوردوم بیر آز دردیم آزالدی
بابا ئولسون سکینه بو نه حالدی
حسینیم وای حسینیم وای حسینیم
موثّر بیر مصیبت یاده گلدی
همان شب چوخلا اول اثناده گلدی
گئدوب بجدل پیمبر داده گلدی
دئیولّر ساربان اثناده گلدی
زمین قتلگه فریاده گلدی
اوغول دیدارینه زهراده گلدی
حسینیم وای حسینیم وای حسینیم
تاج الشعرا مرحوم یحیوی
راه شام
زبانحال حضرت رباب سلام الله علیها
دیار شام عازمم قوجاقی خالی اصغریم
گزیب مناده تاپمادیم سنی یارالی اصغریم
اورگی غملی بلبلم کی گولدن آیریلانمورام
آییرسالاردا جبریلن گوگولدن آیریلانمورام
سوزومی قوی آچیق دیوم بو چولدن آیریلانمورام
اولوبدی گور نه نوعیله باشیم بلالی اصغریم
دونن گون اورتیا کیمی خزان اولوب گولوم باغیم
ئولوبدی سود امر بالام یانان ئورکده وار غمیم
سو ایچمیشم دوشوم دولوب گیدوب هایاندا سود ساغیم
منه گلوبدی عالمین غم و ملالی اصغریم
یاتوبسان هانسی سمتیده قوجاقیمه گل امدیریم
دولی دوشوم یارالیدی یاواشجا قوی ال امدیریم
یوروبدی اوچ پر اوخ سنی بیر آزجا دینجل امدیریم
گنه زیارت ایلیوم او مه جمالی اصغریم
بَیَنمدون قوجاقیمی که فاطمه صفالیدی
بهشتیده قوجاقینه آلار سنی وفالیدی
سینه سی اوسته قویما باش بویوک ننون یارالیدی
دوشر فشاره یاره سی دولانار حالی اصغریم
فلک منی جهانیده اوغولسوزا تای ایلدی
یاشارسام هر دیاریده ایشیمی ایوای ایلدی
اوغول بویوتدوم آلتی آی امگیمی زای ایلدی
الی ئورکده قالمیشام ئوزوم عزالی اصغریم
خانیم لیقیمی نیلیوم ویروب گوزو گوتورمدی
ایویمی یخدی گورنجه هئچ آرزیما یتورمدی
هواده اوچ پر اوخ نیه علی یولون ایتورمدی
بویادی قانه سن کیمی گوزل مارالی اصغریم
✍رسول چهارمحالی
زبانحال حضرت رقیه (س) در خرابه شام
بیر بلبلم خزانه گئدوب گلشن آغلارام
هیچ بلبل آغلاماز بو قدر که من آغلارام
خیمه م یانوب ائلیم داغیلوب قارداشیم ئولوب
زنجیره باغلیوب قولومی دشمن آغلارام
گون ایسّی بوینوما غل آهن ووروبدی شمر
من آغلارام بو حاله یانوب آهن ، آغلارام
بیر یوسف مدینم ئولوب یوخ نشانه سی
اگنینده قویمیوبدوله پیراهن آغلارام
قارداش قسم او جانیوه شیون ائدنده من
هر ناقه ایلدی منیلن شیون آغلارام
باشون گتوردی شامده باشی آچوخ قویوب
بیر گلمدون خرابیه قارداش سن آغلارام
دردون علی خرابه ده دیلدن سالوب منی
بو شام اهلی سالمادیلار دیلدن آغلارام
توپراقلار اوسته ئولمگیمون مشقین ایلرم
یوخدور چراغ تا ایلیم روشن آغلارام
قول باغلو آج سوسوز ویرورم جان خرابه ده
عمه م قوجاقلیوب آنام آغلار من آغلارام
بوللم هامی گئدر وطنه من گئدنمرم
کنج خرابه نی ائدرم مسکن آغلارام
هر وقت سو گورنده دوشرسن خیالیمه
چون جان وئرنده ایچمه موسن سو سن آغلارام
(( واقف )) حسینه آغلیان عقباده آغلاماز
ذکر مصیبتون اولی مستحسن آغلارام
**
مرحوم میرزا جواد واقف سرابی
نوحه راه شام
سبک #سن آت اوسته پای پیاده من
سن عمه مین جانی بیر دایان
بابا من وفالی رقیه وم
الورم دوداقه یتبدی جان
اورگی یارالی رقیه وم
باشمین بلاسی نه حده دور
سنه بیر به بیر سویلورم بابا
ایله آت دوشونده یورولموشام
الورم بابا الورم بابا
فلک ایله بو غم و غصه نی
دیممیش اوزوم بولورم بابا
هله بولمورم که یریم منیم
هارادی هارالی رقیه وم
گجه نین زمانی بو کاروان
بیزی استراحته سالدیلار
قولی باغلی اهل و عیالیوی
بابا دوره سین قوشون آلدیلار
حرکت ایدنده قوشون بابا
منی ناقه دن یره سالدیلار
او قدر هرایه چاغرمشام
دیمشم آرالی رقیه وم
او قدر بو قورخلی چوللری
بابا یانه یانه دولانمشام
منی آختاریب تاپان اولمیوب
ایله آتش غمه یانمشام
همی قورخوب همده یورولموشام
بابا جانی جانه اوسانمشام
سنه شرح حال ایدورم که چوخ
باشی ماجرالی رقیه وم
بابا زجر شوم و دنی غرض
منه تازیانه ویرا ویرا
اونا آه و ناله ایدنده من
او باخیدی یانه ویرا ویرا
منیم التماسیمه باخمادی
چوخ ایدوب بهانه ویرا ویرا
توکورم او علته ای بابا
یوزه اشک و آلی رقیه وم
اجلین پیاله سین آلمشام
اله مرگ و میره گیدم گرک
گجه لر مثالی ایشیق گونوم
اولوب ایندی تیره گیدم گرک
داخی رحم قالمیوب آی بابا
ایده لر اسیره گیدم گرک
هامی ایشلریمدن اولوب بو گون
او "امینی" حالی رقیه وم
راه شام
از ناقه افتادن -زبانحال حضرت رقیه (س)
آهنگ : قدم قدم با یه علم
حاج علی زلفی تبریزی
قدم قدم بو چوللری
دولانموشام نوالی اما یول اوزاق
یوخومدی یار و یاوریم
ترحم ایله عمه جان ساخلا ایاق
باشیم دوشدی عجب غوغایه
یول سالدیم قورخولی صحرایه
قاچماقا تاب یوخدور دیزده
یالواررام خالق یکتایه
باخ عمه یوزده کی قان یاشه
غملر یوز ویردی بو کولباشه
گر یتسم کاروانه وار سوز
نیزه اوسته او قانلی باشه
قدم قدم قورخولی چول
بلا دیاری بس که تیره خوفناک
ایاقلاریم آبله دی
یاخوندی عمه قورخودان اولام هلاک
غارتده اوت دوتوب دامانیم
نار هجره یانوبدور جانیم
همدمیم خار مغیلاندور
ایکاش اکبر بولیدی حالیم
ایلیوب خار ایاقیم یاره
فاش ایتمم نجه یاندیم ناره
گلسیدی بیر گورردی اکبر
غارت اولدی آلان گوشواره
قدم قدم چول آراسی
سسیمه سس آی عمه وئرموسن ندن
گور ایندی ناقه دن یره
دوشوب پری سنان قوشام بو چولده من
شاهد سن عمه علی اکبر
اوز جانیندن منی چوخ ایستر
ویر خبر قالمیشام چوللرده
بس هردا قالمیسان خوش منظر
کاسه چشمیمی دولدوررام
خوف ایتمرم دایانام دوررام
اکبر گلسه اگر پسشوازه
ایاقلارینا بوسه ویررام
قدم قدم دیده ترم
آدیمدی ( زلفی) اهل بیته نوکرم
قرا لوایه عاشقم
خانم رقییه ئوزوم کلب درم
روضه حضرت رقیه(س)
(زینب دییر رقییمی آخشاما کیمی نقدر وردولار دینمدی اما اله کی گجه گتدی یوزون قویدی اویارالی سینیه دیدی بابا دویولموشم بابا سویولموشام بابا )
بابا من شمری قویموشام یوخودا دوشموشم یولا
قوخدوم گله دالمجا باخردم ساغا صولا
بارماقلاریم توخاندی مغیلانداکی کولا
دوردوم یخلدم ئولمه میشم زنده گلمیشم
فکر ایلدیم گیدیم گجه نین عالمی هارا؟
گزدیم دولاندم تاپدم عجب باغ باصفا
ای باغبان یاتوبسان اولوب گلرین فنا
بیر بلبلم گلم دیله گلشنده گلمیشم
(گونوز نقدری ورسالار دا قیز اوشاقی دینمز گوزلر گجه آتا گله ایوه )
اوت ویردولار گونوز ایویمیز یاندی آی بابا
اوت دوتدی دامنیم چوله قاچدیم یانا یانا
سوندوردی بیر عرب اوتی ایتدیم اونی دعا
گورستمگه یانان یری دامنده گلمیشم
😭😭😭😭😭
بانوای استاد مداح اهل البیت حاجی تمدن 🏴
#عبرت‌نامه3
🍁هر شب جمعه گئدین ساحت قبریستانه
🍁توپراق آلتیندایاتان سائل و سلطانه باخون
🍁عرض وطولینده بیر آزفکر ائیلیین قبرلرین
🍁جُرم حبس ابده ، تنگی زندانه باخون
🍁ناز بالیشده یاتان گونلرینی فکر ائلیین
🍁داشاپَرقو یئرینه باش قویان انسانه باخون
🍁بو همان شخصیدی قویمازدی قونا توز
باشینا
🍁توپراق آلتیندا یاتیب گورنه ذلیلانه باخون
🎤سلطان الذاکرین استادحاج سلیم موذن زاده
✍#شعراز:شاعرعاشورایی استادمنزوی اردبیلی
#آهنگ:اورتا سه گاه،اشاره به ماهور،چوبان بایاتی،وشکسته ماهور
🍁احوالات راه شام
🍁کوفیان گورنجه یاندردی منی
🎤 استادحاج سلیم موذن زاده اردبیلی
✍شعراز:استادسیفی
✔️احوالات راه شام _منزوی
*****
قویوبلا چولده آی بابا آنام باجیم ملرمنی
سالوبلا ئوزگه لر کیمین گوزیندن عمه لرمنی
* * * * * *
نجه ئوزین ورار سودا ساقا صولا سنق گمی
او حاله قالمیشام باباگوزوم گورنده کولگمی
نه آی چخور نه کهکشان ایتورمشم دوشرگمی
اجل بهانه آختارور سراغ ایدوب گزر منی
* * * * * * * * * *
قویوب گور ایندی بو گجه فلک کیمیله باش باشا
بیر اوچ یاشندا قورخولی قزی سالوبدی داغ داشا
ایاق یارالی چاتمور ال نه باجیا نه قارداشا
من ئولمسمده ئولدورر مشقت سفر منی
* * * * * * * *
بو آیدا چخمور از قضا بیر آز ایشیقدا آغلیام
ایاقمون تیکانلارین چکوب جهانی داغلیام
آچوب بو کهنه معجری بولوب یارانی باغلیام
اورکده چوخدی طاقتیم ایاقیم اینجدر منی
* * * * * * * * *
ئوزوه مسند ایتموسن اوجادا نوک نیزه نی
ایاقون آلتدا گورموسن ایاقلانان ضعیفه نی
گوزوندن اشگ تک دوشن بالون گنه گزورسنی
یتش هرایه بوشلامور سیاهی خطرمنی
* * * * *
غرض قضائیلن قدر سالوب اله بهانه نی
گجیله زجر بیحیا تاپوپ او نازدانه نی
سلام وردی تتردی گورنده تازیانه نی
دیدی گوزتله ورما ایلعین فتنه گر منی
* * * * * * *
قلم الیمده ایستمور سوزی سوزه هدر قاتا
رقیه تک هوسلنور او کاروانه تز چاتا
گیدور که تیر غمزه سین گوزیله نیزیه آتا
دیه دوشنده ناقه دن گوزتله مختصر منی
* * * * * * * *
دینمرم نه لر چکوب بو کاروانه گلمشم
بو داشلقی تیکانلقی گلینجه جانه گلمیشم
فقط یارالی باشوی ایدوب بهانه گلمشم
دیدیم جداده سیر ایدن یارالی چوخ سویر منی
* * * * * * * * * *
ئوزومی موج محنت و غم و بلایه ورمشام
گزوب تاننمیان یولی بو خسته جانی یورمشام
قوولمشام یخلمشام گنه دوباره دورمشام
بو فکریلن که زجر دون یوبانسام ئولدوررمنی
* * * * * * * *
بیور دمشقه بویولون نقدر وار مسافتی
اگر یوخوندی ویرمیوم بو کاروانه زحمتی
اوزاخدی تاپشور عمه مه دوباره بو امانتی
دی کوچ ایدنده ایلسون اققلی باخبر منی
* * * * * * *
تیکان باتوب ایاقمه گل آچدی بلبل آغلادی
دوزنمدی فراقوه یانوب شیرین دل آغلادی
اولوبدی فاطمه آنام دچار مشکل آغلادی
یتشدی باسدی باغرینا او زار دیده تر منی
* * * * * *
دوشور منیم خیالمه وطنده کی مناظریم
قبیله قونشی تای توشوم مقابلیم مجاوریم
او عزتیم بو ذلتیم او اولیم بو آخریم
مدینه لی ئوپر منی بو کوفه لی دویر منی
* * * * * * * *
مدینه ده دائیلاریم ایدنده خواهش عجزیله
ئوزوی راضی ایتمدون گجه گیدم دائیم گیله
نجه دوزرسن ایندی سن قزوون بابا دوشه چوله
حسینه سویگلی بلن ایاقلیوب گچر منی
* * * * * * * * *
آنام دیردی هی منه اوزاقه گیتمه گوزدیر
گوزیلن اوخلار آی بالا گوزل جمالی بدنظر
گوزل لیگون طراوتین خزانه ویردی قمچیلر
بونیلی صورتیم داخی یتیمه بنزه درمنی
* * * * *
رقیه جان ضریحوه رواقوه فدا اولوم
سپنمدیم مزاروه گوزوم یاشین دولوم دولوم
دیر همیشه "منزوی "او قبره دوشمدی یولوم
اقللی جان ویرن زمان سن ایله مفتخر منی
#حاج_محمدباقر_منصوری
#امام_سجاد_ع
ماجرای صیاد
احوالات یتیم
غروب اولاندا گیدر قلبیدن قراری یتیمون
قرا گیینده هوا قالماز اختیاری یتیمون
شفق رنگ طلایی گییر لباس شبانه
توکر سرشگی ایکی چشم اشگباری یتیمون
هزار هزاریه نسگل اولور سرود عزاسی
هزار درده دونر دردی از هزاری یتیمون
ائدر یول اوستونی دیواریلر کنارینی ماوا
گر اولماسا ایوی آرتیق اولار فشاری یتیمون
ساتار گلیب گیدنه در اشگینی آلان اولماز
عیاریدن کم اولار در پر عیاری یتیمون
گوتورور عکسینی عکاس عالم ملکوت
پوزار ملکلریده غملی یادگاری یتیمون
یوخوسی گلسه قولون بالش ایلیب گیدر هوشه
دوشر نظردن ایکی نرگس خماری یتیمون
دارار قرا تللینی لای لای دییر قره یللر
یئل اسدیقیجا گیدر طره دن غباری یتیمون
اوجا سسی ائشیدر دیسگینر دورار یوخوسوندان
ئورکده وحشتی آرتار بلا دچاری یتیمون
گینه ده اوغلان اوشاقی اولا نه غصه سی واردور
دوزر بلایه اولار غمله سازگاری یتیمون
آتاسی ئولسه اوغولدان قیزا موثر اولار چوخ
آنا باجینی کباب ایلر آه و زاری یتیمون
دوشر نه حاله بو قیز ساربان قویوب گیده چولده
اوزه الیندن الین بوش قالا کناری یتیمون
گوزون آچوب یوخودان پهن دشته ائتدی یتیمون گوروبدی کوچ ائلیوب مقصده قطاری یتیمون
اگر چه آج سوسوزیدی غذاده چیخدی یادیندان
مدار غصه ده تنگه دوشوب مداری یتیمون
صاقا صولا نچه یول عمه عمه سسلدی قاچدی
دیدی هایانداسان ای غم گونونده یاری یتیمون
سسینه اولمادی سس ئوز سسین ایشیتدی او چولده
ئوزون یوروب آزالیب قدرت فراری یتیمون
قدم آتیب بو قیزون نیش خار ایاقینی ئوپدی
اورک قانی ایاقیندان اولوبدی جاری یتیمون
کسیلدی چاره او یورقون بالا یول اوسته اوتوردی
دوشوب خیالینه ئوز شهری ئوز دیاری یتیمون
گویول قوشی پر آچوب اکبرین اتاقینه گیتدی
گوروبدی اوردا دگول قاره گوز نگاری یتیمون
کمال یاأسیله یوز دوندریبدی راه دمشقه
دیدی گیدیب بو یولی شامه غمگساری یتیمون
هایانداسان علی ایستکلین اولدی چوللر اسیری
نه قورخولی یئره گل گور دوشوب گذاری یتیمون
آتام بابام کیمی سنده علی یتیمه نواز اول
محبته واریدی سندن انتظاری یتیمون
بیبی لریمه گلایه ایله منیم عوضیمدن
آزالدی تئز نه سببدن گور اعتباری یتیمون
اوزوم یوخودان اویاندیم نه چاره بختیم اویانمور
اویانسادا دی گوروم بختینون نگاری یتیمون
اثر ایدیبدی سوزی پهلو شکسته فاطمیه
پوزوبدی حالتینی حال انکساری یتیمون
گلوب بو خیردا قیزون باشینی دیز اوستونه آلدی
اوپوبدی لبلرینی مادر کباری یتیمون
جمالینه توکولن تللرین اویان بویان ایتدی
مجسم اولدی نظرده صولان عذاری یتیمون
دچار ثانی اولوبسان بویوک ننه ن کیمی سنده
اونا چتین یتیشه تیره روزگاری یتیمون
گوزوندن اشگیوی سیلم بو چولده همدمین اولام
دوزنمرم قالا تنها سینا وقاری یتیمون
بالا داریخما شامه گیدنلر گلر سراغیوه الان
که چوخدی غافله ده یار هوشیاری یتیمون
بو خردا قیز او خانوم عورتین ائشیتدی کلامین
دیدی گمان ایدیرم آرتدی افتخاری یتیمون
بی بیم کیمی بوخانیم دم بدم اوپور دوداقیمدان
ایکی گوزوندن ایدیر اشگین نثاری یتیمون
بهشت عطری گلور حوریدی گلوبدی بودشته
ملکدی یا کی گلوب اولدی یار و کاری یتیمون
اگر بو حور و ملکدور نیه قرا گییونوب
عجیب غصه لیدور مونس فکاری یتیمون
غریب آتامون آدین ازبر ایلیوبدی دیلینده
چوخ آشنادی بونا باب تاجداری یتیمون
گوزلدی گوزلری عینا بی بیمه بنذری واردور
باخاندا گوزلرینه قالمور اختیاری یتیمون
اولما مدینه اهلیدی اولما دوشوب گذاری بوچولده
عجب کمک یتیروب آفریدگاری یتیمون
تانیمورام ولی بو دیندیریر منی ئوز آدیملا
نه غصه سی وار اولا بیله غصه خواری یتیمون
اورکلنوب دیدی بیردن خانیم گلورسن هایاندان
فدا بو گوزلریوه قلب پر شراری یتیمون
سنون بو یاخشیلیقون لازم هدیه دی نیلوم
نه واردی قولباقی نه واردی گوشواری یتیمون
بیزیم قبیله میز اهلی سخادی ایش بیله دوشدی
اولان بو گوز یاشیدور یوخدی آیری واری یتیمون
من آغلورام بابامین باشینی ووروبلا جدایه
آتاسی ئولسه اولار اوخشاما شعاری یتیمون
سنون ئولوبدی کیمون آهون اوستن آه چکیرسن
باخور سنه چوخالور درد بیشماری یتیمون
نفسون اوتلیدی قدین خمیده ساچلارین آغدی
قرا گونون قره ائتمه به حق تاری یتیمون
جواب وئردی منه فاطمه دییللر عزیزیم
شریک محنتیوم جداً آری آری یتیمون
بالام حسینه جگر گوشه سن بویوک ننووم من
منه موثر اولار بزم سوگواری یتیمون
✍مرحوم انور
سبک شعر استاد داود علیزاده اردبیلی
😭😭😭😭😭
✔️احوالات کوفه
قران اوخیان باش یارالی باشوا قربان
باش باشه چاتان اوغلووا قارداشوا قربان
گل گوزلریوون قاننی اشگیم له سیلیم من
آیات اوخین دیللره قربان کسیلیم من
حاشا بو منور باشی تشبیه ایدم آیه
آی نیزه ده قران اوخوماز آیه به آیه
آیات مبین دور بو باش آیات خدایه
باشدان ایاقا عشقله پرشوردی بوباش
پیغمبرون آنّندان اولان نوردی بوباش
وار بو یارالی باشون عجب حُسن لقاسی
خون گرم دوداقلاردا حزین طرز اداسی
حق کامه سی کهف آیه سی جان بخش صداسی
ای وای بوباش قارداشیمون باشینه بنزر
بیر صورت زیبادی که نقاشینه بنزر
بو جاذبه لی سسده بویوک بیر هیجان وار
دنیا دولوسی جان یارادان جوهر جان وار
زینب کیمی قلبونده مگر سوز نهان وار
اود دوتدوم آلیشدیم بو یانقلی نفسوندن
جان یولدی گیچن گونلریمون نقشی سسوندن
عطشان کسیلن باش لب شادابی نشان ویر
لعل لب آرا لؤلؤ نایابی نشان ویر
کهف آیه سی تک آیت اعجابی نشان ویر
دور کرب و بلا سمتینه اعجازیوی گوستر
کهفنده یاتان پیکر جانبازیوی گوستر
ای باشی سرافراز ایلین نوک جدانی
دلکش سسیله لرزیه سال موج فضانی
تیترت یری افلاکی بوتون کون و مکانی
قوی دولدورا آفاقی کمال کلماتون
عالم گوره یکساندی حیاتونله مماتون
قران اوخی قران اوخوماق ذکر جلیدور
گورسونله بو باش صاحبی نور ازلیدور
دردانه ی زهرادی حسین ابن علیدور
تحصیلینی تکمیل ایلیوب دوش نبی ده
تفسیر یازار نیزه ده قران مجیده
حسرت چکرم نیزه نون احوالینه قارداش
اوپدی بوغازوندان یتوب آمالینه قارداش
افسوس باجون زینبون احوالینه قارداش
دشمنلر الینده گزر الدن اله باشون
گویمازلا منیم یانیمه بیردم گله باشون
قان قطه سی مرجان کیمی مژگانه دوزولموش
جان رشته سینه گوهر شادانه دوزولموش
افروخته مشعلدی نیستانه دوزولموش
دلخون جگریم پارچالانوب پاره سی دور بو
بیر داغ درونون باش آچان یاره سی دور بو
اوّل باشینی باشدان ایدر شمع شبستان
روشن اولور اوندان صورا خلوتگه جانان
سن عشقده سرخیل وفاسن، سنه قربان
باش سهلدی سن حق یولونا واریوی وردون
دوتدون قولونی قولسوز علمداریوی وردون
بیر باش که ایدر ناز اونون جلوه سی نوره
بیر باش که باشین قویمازیدی سینه حوره
خولی نه جثارتله اونی قویدی تنوره
سن ایگل رعنا نیه توپراقه باتوبسان
یوخسا گیجه کول اوسته تنو ایچره یاتوبسان
بولدوم بو اوزاق یولاری قارداش نیه گلدون
باش چکماقا با سیزلارا بو کوفیه گلدون
لیلانون اوغول وای سسنه وای دیه گلدون
خوش گلدون عجب وقتده سالدون بیزی یاده
گل قویما گیداخ بزمگه اِبن زیاده
ای پادشهیم قبله گهیم بنده نوازیم
زنجیر ستم گردن بیماره نه لازم
آرتار اونا باخدوقجا منیم سوز و گدازیم
وار گور یری باشین آچا زلفون یولا زینب
قانه بویانان باشوا قربان اولا زینب
بیر عائله نون مسکن آبادی یخیلدی
تاراجه گیدن لانه ی یبربادی یخیلدی
طوفان بلاخیزیله بنیادی یخیلدی
حسرت کشم آخرنه اولور یانیمه گلسن
ای روح و روان، روح گلور جانیمه گلسن
افسوس گل نازیمی دست ستم آلدی
بلبل باش آلوب گیتدی گلستانی غم آلدی
بیر قاره بولود چیخدی بیابانی چم آلدی
گل گیتدی خزان گلدی چمن ایللره قالدی
گرمیّتِ جمعیّتیمیز محشره قالدی
گوردوم یارالی باشوی باش محمله چالدیم
بنزتدیم او باشه باشیمی کام دل آلدی
سن سیز آنام اوغلی نه یامان گونلره قالدیم
صد شکر باشون سایه سی دوشدی باشیم اوسته
آرتیخ منی وورمازلا آخان گوز یاشیم اوسته
هر یانه گیدم منله گلیر جور زمانه
خوش مونس دلسوزدی وار منّتی جانه
کیم گوردی یاناندا گَلَه پروانه فغانه
عشقونله سنون گوگلومی قارداش غمه ویرمم
عشق عالمنون عالمینی عالمه ویرمم
کیم کعبه مقصودی گوروبدور چخا سیره
سیرینده بوتون خیر ویره یاریله غیره
بو سیر برادر چکر آخر سنی دیره
گوزلر یولووی ایمدی در دیرده عیسی
یوز قبلیه سجّاده آچوب راهب ترسا
ای پایه ارشادی سماواته چخان باش
گلدسته ی یعرش اوسته مناجاته چیخان باش
یالقوز باشنا گردش شاماته چخان باش
شامون یولی چوخ قورخولیدی تک باشا گیتمه
گیتمه بو باشین زحمتی باشدان آشا،گیتمه
دائم باشون آردینجا گلور محنت ایام
گورسون بو باشون امری تاپار هاردا سرانجام
من تک سورونور یرده باشون سایه سی تا شام
ذرات گزر سیرده خورشید دالنجا
منده گزرم سایه ی امّید دالنجا
حسرتله اولور ساکن ویرانه رقیه
ویرانه نی ایلر بیزه غمخانه رقیه
طوفان مصیبتده دویار جانه رقیه
شام ایچره غریبانه قالیر مهد مزاری
دائم او مزار اوسته گزر ناله زاری
هندی ندی بو سنده اولان حرص اضافی
ترک ایله سخنگولره میدان مصافی
هر فرده بو بازاریده کافیدی کلافی
شاه شهدا چون آچار ابواب جنانی
البته سالور یاده بوتون نوحه یازانی
📝 هندی
#احوالات_کوفه
(قرآن اوخی سن ناطق قرآن سان حسینیم)
شاه بیت شنیدنی از سلطان الذاکرین استاد سلیم موذن زاده اردبیلی
1348
روح استاد قرین رحمت
🏴 شهادت امام کاروان اسرای کربلا
نگین آرامش قلب اهل حرم
یعقوب کربلا،ابن الارباب
بزرگ مرد مناجات حضرت سجاد(ع)
رابه امام زمان وهمه عاشقانش
تسلیت عرض میکنم.
🌙 #شب_جمعه
♨️امام حسین (ع) واسطه رحمت الهی
👌 #سخنرانی بسیار شنیدنی
🎙حجت الاسلام #انصاریان
📡حداقل برای☝️نفر ارسال کنید.
🔴بهترین #سخنرانی های روز
مجلس یزید
تقائی اردبیلی
گلمیشم فغانه، یانه یانه عمّه
گوزلریم ساتاشدی، خیز‌رانه عمّه
عمّه بیر علاج ائیله
بو یزیده سن سویله
وورماسین بابامی (2)
قلبیم اودلانیبدیر، آتش فراقه
کیم ویرار بو نوعی، خیز‌ران دوداقه
گوزلریم فدا اول، قان آخان دوداقه
یانمیشام فراقیندان
قان آخیر دوداغیندان
ویرماسین بابامی (2)
ظلمیلن تالاندی، خانمانیم عمّه
قانینه بویاندی، باغبانیم عمّه
یاندی ظلم الیله، آشیانیم عمّه
طشت زرده قان داشدی
فاطیمه باشین آشدی
ویرماسین بابامی (2)
وئر اجازه عمّه، بو غریب و زاره
یالواریم یزید شوم بد شعاره
بو شیرین زبانه، ائلسه نظاره
ظلمیله بئله دورماز
شاهه خیز‌ران ویرماز
ویرماسین بابامی (2)
سینیم آزدیر عمّه، غرق نیسگیلم من
کشتی بلایه، امن ساحلم من
رحم ائدر دانیشسام، چون شیرین دیلم من
گورسه زلفیمی افشان
رحم ائدر او بی‌ایمان
ویرماسین بابامی (2)
مرحوم حاج محمد باقر منصوری اردبیلی
زبانحال حضرت زینب (سلام الله)
در راه شام
قارداش بو باشسیز عترتین شامه یولارگیسو گیدر
باشین دالینجا بیرسوری گویا دوشوب آهو گیدر
زینب باشیندا جذبه عشقونده بیر تاثیره باخ
ال چکموری الدورسه لرسندن بو گون تقدیره باخ
قلبیم یانورعریان دوه بوینومدا بو زنجیره باخ
آردینجا ایمدی یوز قویوب قارداش دیوب هریان گیدر
قارداش مبادا انجیه بو خاطرین مندن بوگون
آخر دویونجا من سنه چون ایتمدیم شیون بوگون
ایمدی الیمدن بو گلور آیرلمادیم سندن بوگون
اولموش شکسته قلبیوه زینب بو گون دلجو گیدر
گونلر ایونده نیزه ده چوخ یول گلوبسن خسته سن
گاهی گیدوب گاهی دوروب آیا کیمه دلبسته سن
بو گل یوزیوی توز باسوب یا یاتموسان کول استه سن
ابر شفق التندا گور قالموش او ماه رو گیدر
قربان او قانلی گوزلره آزباخ من محزونیوه
باخدوقجا قلبیم قان اولوربو دیده پرخونیوه
چوخ تشنه سن سو دگمیوب بلم لب گلگونوه
زینب گوزینده ساخلیوب وارسندن اوتری سو گیدر
من تابعم قارداش سنه هرنه بلا یتسه منه
اوز باشیمی سیندورموشام همرنگ اولام تا که سنه
صبر ایلرم سن تک حسین جور و جفای دشمنه
ایتموش اسیر ایمدی منی اول شمر کینه جو گیدر
دار جداده عالمه عیسی کیمی سن ویرنفس
قوم یهود ایتسون منه قوی طعنه و آزار بس
من آغلارام دشمن گلرباخ چولقیوب دنیانی سس
فریاد و افغانیم اودور تا قبه مینو گیدر
موجه گلوب درد و بلا باشدان آشوب دریا کیمی
بو قبطیان شام آلوب دور و برین موسا کیمی
ایلوب تجلا شعله آهون ید بیضا کیمی
محو رخ آلون اولوب بو فرقه جادو گیدر
السون باجین باخ بیر منیم باشیمده کهنه معجره
خوار و غریب اولدوم حسین دوشدوم بو قاره گونلره
بلمزلر آخر من کیمم قارداش یتوشسم هریره
باجون کنیزه اوخشادوب هیچ کیم دیمز بانو گیدر
واردوریری عالم بلورعرش احتجاب اولسون منه
گون باشیم استه سایه تک جزو حجاب اولسون منه
انصافیدور ایمدی بیله زلفیم نقاب اولسون منه
من دلغمین آلعلی یکسر پریشان موگیدر
(غمناک)ال چک قصه جانسوزراه شامیدن
زینب نه چکدی کیم بلوردرد و غم ایامیدن
آگاهیدور بیر تک حسین باشی او سرانجامیدن
افلاک قدین ایمدیده خم ایلوب او ل ابرو گیدر
مرحوم غمناک تبریزی
نوحه بازگشت هنده با شعری از مرحوم یحیوی اردبیلی
هنده بیر صاحب اخلاق و کمال عورتیدی
بنت عبدالله عامر، نجبا نسبتیدی
سابقاً شاه ولایت ائوینه كلفتیدی
خدمت ایلردی خانم زینب کبرایه مدام
سوپوروب صحن شریفین ائلدی کسبه مقام
اونی آزاد ایلدی بانوی فرخنده لقا
شامه گلدی او زن پاک دل و پاک نما
مطلع حسن و جمالیدی بدیع السّیما
ازدواج ائتدی او گنجینه عصمتله یزید
حرمه قیلدی حرم باشی محبتله یزید
نئچه مدت که سراپرده ده اول زهره جبین
حکمفرمائیدی شام اهلینه مغرور و متین
تخت تالار حرمده ملکه صدر نشین
اهل حاجت اونا آد قویموشیدی باب امید
ائله محبوبیدی امرین یئره سالمازدی یزید
ناگهان گردش ایام ایلدی ترسه مدار
اولدو اقبال یزید اسب مراد اوسته سوار
قیلدی طاووس رسول اللهی مکریله شکار
بیر گون عرضینده بنی هاشمی مظلوم ائلدی
ابدالدهر اوزینی لعنته محکوم ائلدی
دهم ماه محرم او سیه روز عزا
گل ورقلندى خزان اولدی بهار زهرا
قطعه قطعه ائلدی جسم حسینی اعدا
اهل بیتی باش آچوق ناقه سوار ایلدیلر
آپاروب شامده ویرانه ده خوار ایلدیلر
نئجه ویرانه اوچوق مسجدیدی کهنه حصار
نه اونون سقفی نه دروازه سی نه غرفه سی وار
هر طرفدن یئل اسنده بوره یور گرد و غبار
نجه گور زینبه تنگ اولدی او وسعتده جهان
بیر بیله یرده او بانوی ادب قیلدی مکان
او فشاریله خانم وئرمدى الدن ادبین
بیر گئجه قویمادی فوته گئده اعمال شبین
اوتوروب قیلدی نمازین خبر آلسان سببین
چون كفایت قدری وئرمدیلر نان و طعام
دیزده اولسیدی اگر قوتی ایلردی قیام
گئجه نی اوچ یئره بولمشدی او گردون خدمه
اوّل شبده پرستاریدی اهل حرمه
نصف شب سجده ائدردی حق صاحب کرمه
آخر شبده یواش نوحه دیوب آغلاردی
باشی دالدان کسیلن شاهه عزا ساخلاردی
شمع ماتم اوره گینده گئجه لر حال نیاز
اریوب قلبی تک ایلردی اونون سوز و گداز
یانوب اول شمعه گئدردی آرادان پرده راز
صحنه کرب و بلا ظاهر اولوردو گؤزینه
شهدا نعشی گوروردی یخلوب یئر ئوزینه
هر زنانی کی گلوردی اولارون خدمتینه
زینبون واله اولوردی ادبی صحبتینه
صبرینه رافتینه عفتینه عصمتینه
اولماز عالمده دیردیله بو قدرتده خانم
بو فصاحتنده بلاغتده رشادتده خانم
واریدی نطق و بیانینده اونون بس که اثر
قیلدی عورتلره هر لفظی تجلای هنر
حرکات و سکناتی ایلیوب جلب نظر
نفسی عالی دی حقارت صفینه وورماز اؤزون
روزگاریله کشاکشده دی سندیرماز اؤزون
شامده ایو یوخیدی اولمیا اوندا تقریر
که گلوب شهره بیر عده نجبا زاده اسیر
آسمان شرف و عزته خورشید منیر
دختران ادب آموخته، با فضل زنان
گنج تک حیف اولا ویرانه نی ایتمیشله مكان
بیر گئجه خوش دلیدی هنده یزیدون حرمی
عیشه مشغولیدی دورینده کنیز و خدمی
ضمن صحبتده کنیزون بیری اول ذی حشمی
ماجرای اسف انگیزه خبردار ایلدی
خاک ویرانه ده گوردوکلرین اظهار ائلدی
ای حرمخانه سفیانیده بانوی کبیر
گورمیشم مسجد ویرانه ده بیر عده اسیر
ننچه خاتون مجلل نچه اطفال صغیر
درگه حقه مناجاتیده گؤردوم اولاری
سیرت اهل سماواتینه گؤردوم اولاری
بیر جوان سید نورانی نماسی مدنی
آهنین سلسلیه باغلیدو ناخوش بدنی
لحن قرانی سالور حیرته یولدان گئدنی
لهجه اهل حجازیله او شیرین دانیشور
هر کسه سالسا نظر، سرّ ضمیرین دانیشور
خردا قیزلار سولشوب چون گل نسرین توكلوب
یره گوگدن دیه سن خوشه پروین توکولوب
توز باسوب زلفلرین چگننه چین چین توکولوب
گرک اول زلفلر آرسته اولا شانه ئیلن
نه که آشفته لنه صرصر ویرانه ئیلن
بیر رشیده خانمی گؤردوم اوجاقامتی وار
هامی عورتلره قیزلاره مدیریتی وار
اگلشوب دورماقا دستور ویرور حرمتی وار
اوندان هر قیز کی طعام ایستسه رنگی سارالور
ال چکر زلفینه اشکین سیلر آغوشه آلور
هندیه وئردی کنیزون بو مقالاتی تکان
دوشدی بو فكره گؤره کیمدی او معقوله زنان
امر ایدوب خواجه سرالر گتوروب تخت روان
بوینونا سلسله درّ و جواهر سالدى
معجر اوستن باشا چادر شب فاخر سالدى
خط سیرینده دوشندی یئره قیمت لو فراش
یریور دورده نظمیله کنیز و قره باش
باشی اوسته آچیلوب چتر زراندود قماش
قباقیندا دوزولوبدور نئچه فانوس طلا
پرتو شمع ویرور طوق زر افشانه جلا
گئجه نون عالمى ظلماتیدی دارالاسرا
شمع لردن ایشیق الدی در ویرانه سرا
موکب هنده نون عکسی دوشوب اول مجلس آرا
او قرانلوقدان حسینون باجیسی سالدی نظر
اؤز کنیزین تانیدی وئردی اسیرانه خبر
دئدی اهل حرمه فوری منی دوره لیون
زلفله پرده چکون تا منی پنهان ایلیون
سیز منی زینب آدیلا چاغیروب سسلمیون
گؤرمسون هنده کنیزیم بو مصیبتده منی
قوری یئرده باش آچوق منزل ظلمتده منی
یئتشوب هنده به تشریف، و به اجلال تمام
یئره بیر صندلی قویدی در مسجدده غلام
او قیزیل صندلون اوستونده دوتوب هنده مقام
دیه سن تخت سبا بزم سلیمانه گلیب
بوراخیب اهرمنی ساحت سلطانه گلیب
ال ال اوسته دایانوب دوره ده خدام و کنیز
عود مجمرده یانور عطری اولور رایحه خیز
صاحب عزت اولوب خوار کنیز اولموش عزیز
تف بئلهاغلادیلار
سیر ایله هنده یزیدون بیزیلن کج روشین
اولمشوق ایندی همین شامده ویر
زبانحال امام حسین ع در بالین حضرت علی اصغر ع
✍حاج غلامرضا هادی اردبیلی
الهی شیر خواره می قویوب مزاره آغلارام
الیمده قوش تک اوخلانان گوزل شکاره آغلارام
سو تاپمادی قالوب سوسوز سارالدی غنچه لر کیمی
دوداقی اولدی خشک اولان چمنده برگ تر کیمی
سولوب سارالدی صورتی ستاره سحر کیمی
سحر ستاره سی سوزوب باتان مداره آغلارام
مزارون اوسته آغلیوب بونی چوخ اینجدنمرم
ترابه اصغری قویوب دوشوب یولا گئدنمرم
ئوزون عنایت ایتمه سون بو طفلی دفن ایدنمرم
آناسین آگه ایلیوب گلوب دوباره آغلارام
نمازه باشلادی غرض او سرور جهانیان
گوزونده اشگ حسرتی النده قان یوزونده قان
نمازی قورتاروب دیدی اَیا خدای لامکان
سنون رضایتوندی چون بو جان نثاره آغلارام
سنوندی داغلانان اورک دولوبدی سوز و سازیلن
شکسته دل ال آچمیشام حضوریوه نیازیلن
تحمل ایت منه عطا بو قیلدیقیم نمازیلن
که طاق اولوبدی طاقتیم چکوب شراره آغلارام
حسین نه کاره دور خدا صدف سنون گهر سنون
شکسته دل سنون کیدور بو اوتلانان جگر سنون
سوسوز قالانلاریم سنون بو اوخلی صودامر سنون
قنادی قانلی بلبله ایدوب نظاره آغلارام
بلا اوخی بوغازینه ایله اوتوردی بلمدیم
قانا بلشدی قوش کیمی یوزین گوزونده سلمدیم
گر ایستسون ننه م کیمی علامتینده گزلدیم
که اللی ایلدی روز و شب ایتن مزاره آغلارام
کوسوبدی گاهواره نون اوزی داشین آتوبدی بو
بشیکدن اینجیوب گلوب مزاریده یاتوبدی بو
ستاره سحر کیمی چیخوبدی تیز باتوبدی بو
باتان ستاره اوستونه توکوب ستاره آغلارام
نوحه بازگشت هنده با شعری از مرحوم یحیوی اردبیلی
هنده بیر صاحب اخلاق و کمال عورتیدی
بنت عبدالله عامر، نجبا نسبتیدی
سابقاً شاه ولایت ائوینه كلفتیدی
خدمت ایلردی خانم زینب کبرایه مدام
سوپوروب صحن شریفین ائلدی کسبه مقام
اونی آزاد ایلدی بانوی فرخنده لقا
شامه گلدی او زن پاک دل و پاک نما
مطلع حسن و جمالیدی بدیع السّیما
ازدواج ائتدی او گنجینه عصمتله یزید
حرمه قیلدی حرم باشی محبتله یزید
نئچه مدت که سراپرده ده اول زهره جبین
حکمفرمائیدی شام اهلینه مغرور و متین
تخت تالار حرمده ملکه صدر نشین
اهل حاجت اونا آد قویموشیدی باب امید
ائله محبوبیدی امرین یئره سالمازدی یزید
ناگهان گردش ایام ایلدی ترسه مدار
اولدو اقبال یزید اسب مراد اوسته سوار
قیلدی طاووس رسول اللهی مکریله شکار
بیر گون عرضینده بنی هاشمی مظلوم ائلدی
ابدالدهر اوزینی لعنته محکوم ائلدی
دهم ماه محرم او سیه روز عزا
گل ورقلندى خزان اولدی بهار زهرا
قطعه قطعه ائلدی جسم حسینی اعدا
اهل بیتی باش آچوق ناقه سوار ایلدیلر
آپاروب شامده ویرانه ده خوار ایلدیلر
نئجه ویرانه اوچوق مسجدیدی کهنه حصار
نه اونون سقفی نه دروازه سی نه غرفه سی وار
هر طرفدن یئل اسنده بوره یور گرد و غبار
نجه گور زینبه تنگ اولدی او وسعتده جهان
بیر بیله یرده او بانوی ادب قیلدی مکان
او فشاریله خانم وئرمدى الدن ادبین
بیر گئجه قویمادی فوته گئده اعمال شبین
اوتوروب قیلدی نمازین خبر آلسان سببین
چون كفایت قدری وئرمدیلر نان و طعام
دیزده اولسیدی اگر قوتی ایلردی قیام
گئجه نی اوچ یئره بولمشدی او گردون خدمه
اوّل شبده پرستاریدی اهل حرمه
نصف شب سجده ائدردی حق صاحب کرمه
آخر شبده یواش نوحه دیوب آغلاردی
باشی دالدان کسیلن شاهه عزا ساخلاردی
شمع ماتم اوره گینده گئجه لر حال نیاز
اریوب قلبی تک ایلردی اونون سوز و گداز
یانوب اول شمعه گئدردی آرادان پرده راز
صحنه کرب و بلا ظاهر اولوردو گؤزینه
شهدا نعشی گوروردی یخلوب یئر ئوزینه
هر زنانی کی گلوردی اولارون خدمتینه
زینبون واله اولوردی ادبی صحبتینه
صبرینه رافتینه عفتینه عصمتینه
اولماز عالمده دیردیله بو قدرتده خانم
بو فصاحتنده بلاغتده رشادتده خانم
واریدی نطق و بیانینده اونون بس که اثر
قیلدی عورتلره هر لفظی تجلای هنر
حرکات و سکناتی ایلیوب جلب نظر
نفسی عالی دی حقارت صفینه وورماز اؤزون
روزگاریله کشاکشده دی سندیرماز اؤزون
شامده ایو یوخیدی اولمیا اوندا تقریر
که گلوب شهره بیر عده نجبا زاده اسیر
آسمان شرف و عزته خورشید منیر
دختران ادب آموخته، با فضل زنان
گنج تک حیف اولا ویرانه نی ایتمیشله مكان
بیر گئجه خوش دلیدی هنده یزیدون حرمی
عیشه مشغولیدی دورینده کنیز و خدمی
ضمن صحبتده کنیزون بیری اول ذی حشمی
ماجرای اسف انگیزه خبردار ایلدی
خاک ویرانه ده گوردوکلرین اظهار ائلدی
ای حرمخانه سفیانیده بانوی کبیر
گورمیشم مسجد ویرانه ده بیر عده اسیر
ننچه خاتون مجلل نچه اطفال صغیر
درگه حقه مناجاتیده گؤردوم اولاری
سیرت اهل سماواتینه گؤردوم اولاری
بیر جوان سید نورانی نماسی مدنی
آهنین سلسلیه باغلیدو ناخوش بدنی
لحن قرانی سالور حیرته یولدان گئدنی
لهجه اهل حجازیله او شیرین دانیشور
هر کسه سالسا نظر، سرّ ضمیرین دانیشور
خردا قیزلار سولشوب چون گل نسرین توكلوب
یره گوگدن دیه سن خوشه پروین توکولوب
توز باسوب زلفلرین چگننه چین چین توکولوب
گرک اول زلفلر آرسته اولا شانه ئیلن
نه که آشفته لنه صرصر ویرانه ئیلن
بیر رشیده خانمی گؤردوم اوجاقامتی وار
هامی عورتلره قیزلاره مدیریتی وار
اگلشوب دورماقا دستور ویرور حرمتی وار
اوندان هر قیز کی طعام ایستسه رنگی سارالور
ال چکر زلفینه اشکین سیلر آغوشه آلور
هندیه وئردی کنیزون بو مقالاتی تکان
دوشدی بو فكره گؤره کیمدی او معقوله زنان
امر ایدوب خواجه سرالر گتوروب تخت روان
بوینونا سلسله درّ و جواهر سالدى
معجر اوستن باشا چادر شب فاخر سالدى
خط سیرینده دوشندی یئره قیمت لو فراش
یریور دورده نظمیله کنیز و قره باش
باشی اوسته آچیلوب چتر زراندود قماش
قباقیندا دوزولوبدور نئچه فانوس طلا
پرتو شمع ویرور طوق زر افشانه جلا
گئجه نون عالمى ظلماتیدی دارالاسرا
شمع لردن ایشیق الدی در ویرانه سرا
موکب هنده نون عکسی دوشوب اول مجلس آرا
او قرانلوقدان حسینون باجیسی سالدی نظر
اؤز کنیزین تانیدی وئردی اسیرانه خبر
دئدی اهل حرمه فوری منی دوره لیون
زلفله پرده چکون تا منی پنهان ایلیون
سیز منی زینب آدیلا چاغیروب سسلمیون
گؤرمسون هنده کنیزیم بو مصیبتده منی
قوری یئرده باش آچوق منزل ظلمتده منی
یئتشوب هنده به تشریف، و به اجلال تمام
یئره بیر صندلی قویدی در مسجدده غلام
او قیزیل صندلون اوستونده دوتوب هنده مقام
دیه سن تخت سبا بزم سلیمانه گلیب
بوراخیب اهرمنی ساحت سلطانه گلیب
ال ال اوسته دایانوب دوره ده خدام و کنیز
عود مجمرده یانور عطری اولور رایحه خیز
صاحب عزت اولوب خوار کنیز اولموش عزیز
تف بئلهاغلادیلار
سیر ایله هنده یزیدون بیزیلن کج روشین
اولمشوق ایندی همین شامده ویر
به مناسبت هفتمین روزشهادت امام حسین(ع)
یدی گوندی باجیون حالی پریشاندی حسین
یدی گوندی دولانور کوفه نی گریاندی حسین
یدی گوندی سنی مقتلده گوروب یاندیم حسین
نیزه اوخ داش وورانون لشکر عدواندی حسین
یدی گوندی باشیوی شمرلعین کسدی سنون
نیزه یه خولی ووروب کوفه ده مهماندی حسین
یدی گوندی سویولوب عترت طاهایارالی
گوشواره آلونوب چوخلی قولاخ قاندی حسین
یدی گوندی سنی ئولدوردی اخا کوفه لیلر
امرائدوب شمرلعین خیمه لرین یاندی حسین
یدی گوندی یانورام شبه پیمبر بالاوا
اکبره آغلویورام ظلمیله دوغراندی حسین
یدی گوندی اوخ آتوب حرمله دیلسیز بالاوا
سودوئروب اوچ پراوخی اصغرین اوخلاندی حسین
یدی گوندی داغلوب چوللره عطشان بالالار
ریسمانیله اوگون اللری باغلاندی حسین
یدی گوندی سنه بوکوفه ده حسرتدی باجون
آغلوری اوخشویوری منزلی زنداندی حسین
یدی گوندی سویولان پیکریوه اوخشویورام
اون نفرله داغیلوب جسمیوی، عریاندی حسین
یدی گوندی داغیلوب قربان اَتی مثلِ بدن
گوئیا پخش اولونان چوللره قرباندی حسین
یدی گوندی بالالار سویلوری هارادا باباموز
قمچی دگدی باشیما قولاریمایاندی،حسین
یدی گونی یارالار قانی آخوب فتلگهه
باجون ئولسون یارالی،غسلون ائدن قاندی حسین
یدی گوندی یانورام اوغلوما قارداشلاریما
باجون ئولسون یاراوی،جسمیده بی ساندی حسین
یدی گوندی دوشوری،یادیمه علقم یانورام
دوشوب عباسی یره جسمیده پیکاندی حسین
یدی گونی سالونوب نخلیده صاق وصولونی
باش سئنوب مشکی دوشوب یوخدی سو،نالاندی حسین
یدی گونوی منیله صاحبیموزآغلویوری
آنام اوغلی،یازوری،الده چوخ عنواندی،حسین
✍ باالتماس دعا-حاج عباسعلی دهقان(صاحب)۱۴۰۲/۵/۱۱
روضه راه شام
شهدا باشی کسیلدی ورولوب نیزه لره
اسرا دوشدی یولا دلده فغان چولرده
کوفه دروازه سینه قافله آخشام چاتدی
یاتدی قیزلار گجه نی اشک فشان چولرده
ای قلم کوفه نی رد اول دیمه صبح اولدی نلر
یاز گوروم قالدی رقیه نه زمان چولرده
کاروان سرعتیلن باشلادی یول شامه طرف
دوش نسوانه دوشوب بار گران چولرده
سعی ایدور زینب کبری بالالار اینجیمیه
ساربان تند گیدور ویرمور امان چولرده
ام کلثوم گوزی قولسوز ابوالفضلی گزیر
هی دیور یوخ باجیوی یاده سالان چولرده
یتجاخ هرمنزله وقتی که یاتور توز تپراق
باخوری بیر بیره قیزلار نگران چولرده
هرکس ایستور یاتا فورا اوجالور بانگ رهیل
یول اوزاقدی تلسور شمر و سنان چولرده
حرمله غملی ربابین گوزونه گورسنمیر
گیزلدیب تیرو کمانین اوخ آتان چولرده
تند یلر که اسور دیسگینور اصغر آناسی
آختارور اوغلونی دلده ضربان چولرده
غم مسافرلری عریان دوه لر اوسته گیدور
یوخ رقیه تلینه شانه وران چولرده
غرق ایدوب لیلینی ئوز دردی خیال عالمینه
باخور اکبر باشینا وقت اذان چولرده
دیور ای آهو باخشلی بالا آچ بیر گوزوی
سنه خاطر قالوب آواره آنون چولرده
ایستوری فاطمه بیر نامه یازا صغرایه
نیلسون یازسادا یوخ نامه رسان چولرده
یوز دوتوب یثربه سسلور باجی جان خوش حالوا
گر گلیدون دیری قالمازدون اینان چولرده
قاسمین داغی سریه اورگیندن چخمور
اوخشور آهسته اونی سینه زنان چولرده
کیم ئولور اوستونه فورا قالانور تپراقلار
لااقل قبرینه قویمولا نشان چولرده
هانسی راویدی الینده اولا آمار دقیق
کیم بولور کیمدی ئولن کیمدی قالان چولرده
او ایتن قبریلری بیرگونی مهدی تاپاجاخ
گوزی یاشلی گزور العاندا همان چولرده
بیر شیرین دل بالانی لیک ایتیره بولمدیلر
اونا خاطر گورونوب معجز عیان چولرده
او گجه یولدا بلا قافله سی لنگ اولدی
اوجالوب همهمه سندی خفقان چولرده
نیزده دوردی حسین باشی باخدی پشت سره
(گوردولر امام حسینین یارالی باشی حرکت المیر واغردلار امام سجاد آقانی ، آقا سن بولرسن باخدی باباسینین قان دولان گوزلرینه بولمورم نه اشاره آلدی باباسینان یوزون دولاندردی عمه سینه ، عمه قیزلاری سایبسان؟ بیر بیر بالالاری چاغردی خانم زینب ایکی الی وردی باشنا رقیم چولده قالب)
سبک بانوای کربلایی حسن نعمتی اردبیلی
👇👇
یخلب عباسی نهر فرات اوسته
بلم سندی زینب
علمدار اولدی
التماس دعا🙏
#ترکی
گروه عاشقان کربلا (یاثارالله )
خرابه ده منه یوخ کیمسه دادرس قارداش
ویره فغانه گَلنده سسیمه سس قارداش
انیس و مونسیم آه سحردی ناله ی شب
منه خیالون اولوب یاخشی هم نفس قارداش
مگر یوخوندی خبر سندن آیریلان گوندن
اوچوبدی روح، قالوب بیر قوری قفس قارداش
کسوب علاقوی سالدون نه تیز منی گوزدن
دیَن کیم اولدی باجوندان علاقه کس قارداش
باشیم اوجالیقی، باشیم آچوق قالوب سن سیز
باشیما سایه سالان یوخدی بیرجه کس قارداش
دونوب خزانه بهاریم، سولوب گُلیم چمنیم
آلوبدی دوره می بی رحم خار و خس قارداش
یزیده ناله ی شبگیریم ایلیوبدی اثر
قویوب خرابه ده اطرفیمه عسس قارداش
ایدنده ناله منه تازیانه وورسونلار
بو وورماق آغلاماقا آرتورور هوس قارداش
گَلنده شامه دوگولماقه عادت ایلمیشم
ز بس ووروبدی منی زاده ی اَنَس قارداش
من آغلیاندا قطاریله ناقه آغلاردی
ویرردی نالمه سس دم به دم جرس قارداش
اولوردی ملتمِس عمَّم که دوگمسونله منی
یاناردی ملتمِس آغلاردی ملتمَس قارداش
حسینی باطناً عنقای قاف وحدتدور
گورولّه خلق ولی ظاهراً مگس قارداش.
سعدی زمان
🆔
مداحی بسیار زیبای ترکی
حاج نادر جوادی من حسین شیداسیم
قرآن اوخیان باش یارالی باشوه قربان
☝️☝️☝️😭😭
زباحال حضرت زینب علیهاالسلام
⚫️روضه جانسوز امام سجاد علیه السلام👆
▪️گریه کن کربلا یا زین العابدین😭
🌹🌹🌹🌹🌹🌹🌹
(آهنگ تک سینه)
کـوچ اهلبیت(ع)از قتـــلگاه
دورای کسیلن باشی قفادن آنام اوغلی
زینب گئدوری کرب وبلادن آنام اوغلی
🌹🌹🌹
ای عالمی حـیرتده قویان کرب و بلاسی
عرش اهلینی مجذوب ائلین ذکرو دعاسی
افـلاکه چاتوب زینبـوون
آه و نواسی
غارتده کئدوب ظلمیله خلخال و اباسی
دوندی گـونوزی شامه نوادن آنام اوغلی
🌹🌹🌹
بوچولده سنی ظلمـیله الدوردله عدوان
باخدیم اوجفاپیشه لـره ایلدیم افغان
قــول باغلی گیدور شامه باجون خسروخوبان
دورگــورنجه مقتلـده ائدورچـاک گریبان
آل گوگلونی بیرصدق وفادن آنام اوغلی
🌹🌹🌹
دیندیـرمنی قارداش یورولان
جیسمیمه جان وئر
غملـرآلوب آرامیمی دور
تاب وتوان وئر
اعجازوی شام اهلینه بویرده نشان وئر
عازمدی باجـون شامه یارالی دور اذان وئر
محروم ائلمه فیض دعادن آنام اوغلی
🌹🌹🌹
ای دوغــرانان اعضاسی سوسوز کرب وبلاده
تاراجه گئدن خیمـه لری روز بلاده
صبـرعالمی یوخدورسنه تای اهل ولاده
شاید یارالـی یول دوشه بیرده بو بلاده
کام آلام اوگـون سوزوبکادن آنام اوغلی
🌹🌹🌹
چوخـدور بولوسن دلده ملالیم هله قارداش
مقتلده گوزوم دوشدی کسیلمش اله قارداش
آخدی گوزومون بارشی دوندی سله قارداش
اوت ویــردی دوبـاره بوملالون دله قارداش
دشمنده اثر یوخدی حیادن آنام اوغلی
🌹🌹🌹
شرم ائتمـدی زهرادن او نـامـرد زمانه
جنــاتیـده گتـدی آنـامی داد و فغــانه
بیربند زراوسته گتوروب ظلمیون عیانه
گوداله گلـوبدور او ستم پیشه شبانه
خوف ایلمیوب قهرخدادن آنام اوغلی
🌹🌹🌹
ابدان شهیدان داغلوب دشت بلایه
لاله مثلی زینت اولوب
بــاغ ولایه
ظلم اهلی ویروب باشلارینی نوک جدایه
بـومنظـره دن غم شرری چخدی سمایه
تاب آلدی بوغم اهل ولادن آنـام اوغلی
🌹🌹🌹
اهـل حرمی بیـربیـرینه باغـلادی اعدا
ایلوله شقاوتلــــه زبس اونـلارا ایذا
ایمائیله سسلـوربالاسین دادینه لیلا
سرنیزده باخدوقجا یارالی باشا گویا
آگاه ائلیـور درد جــفادن آنام اوغلی
🌹🌹🌹
کویونده(جوانی)ائدوری نالـه و زاری
سسلورمین امیدیله سنی لیل و نهاری
ایستورصله وئرقویمااولا گوزیاشی جاری
شرمنده دی یوخ خیرعملی لطف ائله باری
وارقورخوسی محشرده جزادن آنام اوغلی
🌹🌹🌹🌹🌹🌹🌹
✅ ترنم عاشورا
✍ موسی جوانــی تبریزی
تحفه ای از شـاعـــر عــاشــورائی
✔️(پــــر یشــــــــــــــــان)
نوحه روز سوم محرم
________________________________
کوچ از قتلگاه
در آهنگ (بو ائو بو سن بو بالالار آغلاماخداحافظ)
________________________________
امانـدی یاتما اویـان حسیـن شامه یولانور زینب
دوشنده گوز قانلی باشیوه اوت توتوب یانور زینب
حرملـرون باغـلانوب اخـا قـول قولا طنابیله
نفس چکور خیردا قیزلارون خوف و اضطرابیله
اَقلّی لطف ایلـه بیر دانیـش هَمسرون ربابیله
اولوبدی ذکری اوغول علی – گور نه اوتلانور زینب
دوشـوبدی درد و بـلالـره بو باشیـم خدا حافظ
دونوبدی قانه اینان حسین گوزیاشیم خداحافظ
بو سـن بو کـربوبلا چـولی قارداشیم خداحافظ
قـدم گوتـوردوخجـه نـاقـه لر نـه اَلولانور زینب
هُمای دین سن سینوب سنون شهپرون باجون ئولسون
قالـوبدی تپـراقلار اوستـه بو پیکرون باجون ئولسون
نـه بـاش قـالـوب پیکـرونده اللرون باجون ئولسون
هایـاندادی بـاشـون اللـرون هی سُراخلانور زینب
بو گل جنازه سنونکیدی دشمن ایلیوب پر پر
ائدوبـدی قمچی یارالاری اهل بیتیـوی مضطر
قولاخ یـارالی بـدن یارا ؛ ال ایـاق یارا یکسر
بو وضعیلـه کوفیـه گئدور قلبیـدن یـانور زینب
سولوبـدی گلـزاریون بهاری گئدور باجون زینب
یولا دوشوب درد و غم قطاری گئدور باجون زینب
بو سـن بـو کربـوبلا دیاری گئدور باجون زینب
قـدم قـدم لحظه لحظه سنن اوزاخلانیور زینب
پریشان