31298
@arabicuz_nahv (nahv-sarf kanal) @arabicuz (hikmat-kanal) @arabicuz_matn (hikmat-matnli kanal) @arabicuz_bot (hikmat-bot) - arabic.uz hikmatlari @arabicuz_nahv_hikmat (sharhli hikmat)
2704. «Аллоҳ яхшилик қилувчиларни севади» (Бақара сураси, 195-оят)
Одамлар билмаяпти деб, қилган яхшилигингга асло қайғурма!
Ерда сени тақдирлайдиган йўқ бўлса, юқорида сени олқишлайдиган Зот бор!
@arabicuz_matn
2702. Каҳф сурасини ўқиб, шунга ишонч ҳосил қилдимки, асҳобул Каҳфни 309 йил вафот қилдириб, сўнгра тирилтирган Аллоҳ ушбу умматни ҳам, бизнинг ғафлат уйқумиз ҳар қанча чўзилмасин, албатта тирилтиришга Қодирдир.
@arabicuz
2700. Шоир деди:
Барча гуноҳларни кечирар Аллоҳ,
Мадад берса сенга ихлосу иймон.
Ҳар қандай синиқни ямар Аллоҳ, лек
Дин қаноти синса, йўқ унга имкон.
@arabicuz
2698. Олим (шифобахш) қайнарбулоққа ўхшайди. Узоқдагилар у томон ошиқадилар, яқиндагилар эса ундан юз ўгирадилар.
@arabicuz
2615. Донишмандлардан бири деди: «Киши ақлини ишлатмасдан топган мартабасига ва ҳеч бир фазилатсиз эгаллаган юксак манзилига хурсанд бўлмаслиги керак. Шубҳасиз, жоҳиллиги унинг бу мартабасини йўққа чиқаради, юксак манзилидан туширади. Унинг айблари юзага чиқиб, гуноҳлари кўпайиб, уни мақтовчилар танқидчига, дўстлари душманга айланганидан сўнг у ўз ўрнига тушади, асл қийматига қайтади».
«Унванул байан» китобидан.
@arabicuz
2613. Ўз нафси билан бўлган курашда енгилган киши барча кураш майдонларида мағлуб бўлади!
Мустафо Маҳмуд
@arabicuz
2611. Восила ибн Асқаъ розияллоҳу анҳудан ривоят қилинади:
«Расулуллоҳ соллаллоҳу алайҳи васаллам бир мусулмоннинг жанозасида қуйидаги дуони ўқидилар: «Аллоҳумма, инна Фулаан ибн Фулаан фий зимматик, ва ҳабли живаарик, фа қиҳии фитнатал қобри ва ъазаабан-наар, ва анта аҳлул вафаа вал ҳамд. Аллоҳумма, фағфир лаҳу, варҳамҳу, иннака антал Ғофурур Роҳийм» (Аллоҳим, Фалончининг ўғли Фалончи Сенинг зиммангда ва ҳимоянгдадир. Уни қабр фитнаси ва дўзах азобидан сақлагин. Сен вафо ва ҳамд аҳлисан. Аллоҳим, уни мағфират қил, унга раҳм қил, ахир Сен кечирувчи, раҳмли Зотсан).
Абу Довуд ва Ибн Можалар ривояти.
@arabicuz
2609. Тадқиқотчиларнинг аниқлашича, бир ҳафтада икки кун овқатланиш тартибига жиддий амал қилиш вазн ошиб кетишининг ва кўкрак саратони касаллигининг олдини олишдаги, шунингдек қон босими, қанд касаллиги ва холестерин зиёда бўлиши билан боғлиқ касалликлардан сақланишдаги энг яхши воситадир. Набийимиз Муҳаммад соллаллоҳу алайҳи васаллам ҳафтанинг душанба ва пайшанба кунлари нафл рўза тутишни шариатга киритганлар. Ушбу набавий суннатга амал қилиш орқали тиббий фойдалар ҳам кўзга ташланмоқда.
Субҳаналлоҳ!
@arabicuz
2607. Мусулмонларнинг шон шавкати синиб, кучсизланишига қарамай, Ғарбда Исломга кирувчилар сони кундан кунга ортиб бормоқда. Бу тушунарсиз ҳолат.
Бунда бир ҳикмат бор!
Аллоҳ Ўз ҳужжатининг мусулмон бўлмаганлардан устунлигини кўрсатиб қўймоқда. Зеро, Аллоҳнинг ҳужжати етукдир!
Ушбу оғир ҳолатда Исломнинг тарқалиши ва унга қизиқувчиларнинг кундан кунга ўсиб бориши ақлга зиддек кўринади. Аммо аслида бу етук ҳужжатдир, заиф қалбларга хотиржамлик улашувчи илоҳий раҳматдир. Гўёки Зот хорланган мусулмонларга: «Мен сизлар билан биргаман, хор бўлманглар, заифлашманглар, аслида сизлар олийсизлар» деяётгандек…
Эй Роббимиз! Ўзингдан бошқа илоҳ йўқ, Ўзинг олийсан!
Доктор Мустафо Маҳмуд
@arabicuz
2605. Нақднинг ози насиянинг кўпидан яхшироқ.
«Унванул байан» китобидан.
@arabicuz
2603. Ҳиссиёт бир ойлик, ақл эса бир умрлик истиқбол ва ишончдир.
@arabicuz
2601. Авф ибн Молик розияллоҳу анҳудан ривоят қилинади:
«Расулуллоҳ соллаллоҳу алайҳи васалламниг жанозада ўқиган дуоларини ёдлаб олдим. У зот шундай деган эдилар: «Аллоҳуммағфир лаҳу, варҳамҳу, ва аъфиҳу, ваъфу анҳу, ва акрим нузулаҳу ва вассиъ мудхолаҳу, вағсилҳу бил мааи вас-салжи вал барод, ва наққиҳи минал хотойаа камаа наққойтас-савбал абйадо минад-данас, ва абдилҳу даарон хойрон мин даариҳи, ва аҳлан хойрон мин аҳлиҳи, ва завжан хойрон мин завжиҳи, ва адхилҳул жанната ва аъизҳу мин ъазаабил қобри ва мин ъазаабин-наар» (Аллоҳим, уни мағфират қил, унга раҳм қил, уни офиятда қил ва авф этгин. Тушадиган ерини мукаррам, кирадиган ерини кенг қилгин. Уни сув, қор, дўл билан ювгин. Оқ кийимни кирдан тоза қилганинг каби, уни ҳам хатолардан поклагин. Унга ўз ҳовлисидан яхшироқ ҳовли, ўз аҳлидан яхшироқ аҳл, ўз жуфтидан яхшироқ жуфт бергин. Уни жаннатга киргизгин, қабр ва дўзах азобидан сақлагин).
Ўшанда «Қанийди ўша маййит мен бўлсам» деб юборганман».
Имом Муслим ривояти.
@arabicuz
2599. Дунё ва охиратнинг мисоли худди икки хотинли эркакка ўхшайди. Бирини рози қилса, иккинчиси ғазабнок бўлади.
Читать полностью…
2597. Суратдаги булутнинг шакли тоққа ўхшайди. Унинг баландлиги бир неча минг метрга етади. Ушбу булутни ўрганган олимлар ундан дўл ёғишини аниқлашди. Бизга маълумки, дўл шакли тоққа ўхшаган булутдан тушади. Ушбу ҳақиқатни Қуръон ўн тўрт аср муқаддам ушбу оятда исботлаб қўйган:
«У зот осмондан, ундаги тоғлардан дўл туширур» (Нур сураси, 43 оят).
Субҳаналлоҳ!!!
2595. Одоб – бойликдир, уни ишлата билиш – комилликдир. Ақл билан ҳар бир иш ислоҳ қилинади, ҳилм билан ҳар бир ёмонлик кесилади.
«Унванул байан» китобидан.
@arabicuz
2703. Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам шундай дедилар:
«Аллоҳ таоло: «Одам боласининг ҳамма амали ўзи учун, фақат рўза Мен учундир ва унинг мукофотини Ўзим берурман», деди. Рўза сақловчидир. Қай бирингиз рўзадор бўлса, фаҳш гапирмасин, бақир-чақир қилмасин. Кимдир у билан сўкишмоқчи ёки уришмоқчи бўлса, «Мен рўзадорман», десин. Муҳаммаднинг жони қўлида бўлган Зот ила қасамки, рўзадорнинг оғзидан келган ҳид Аллоҳнинг наздида мушкнинг ҳидидан хушбўйроқдир. Рўзадорга икки хурсандлик бордирки, иккисини ҳам яшагай: ифтор қилганда хурсанд бўлгай ва Роббига етишганда рўзаси ила хурсанд бўлгай».
Имом Бухорий ривояти
Эътибор беринг! Аллоҳ таоло: «Одам боласининг ҳамма амали ўзи учун, фақат рўза Мен учундир ва унинг мукофотини Ўзим берурман», демоқда. Баъзи шориҳларнинг айтишларича, рўзадорга қанча савоб беришни Ўзим биламан дейишига сабаб шуки, рўзага бериладиган савобнинг миқдорини инсоннинг ақли қамрай олмас экан, чунки у бу дунёга сиғмас экан.
«Рўзадорнинг оғзидан келган ҳид Аллоҳнинг наздида мушкнинг ҳидидан хушбўйроқдир» дейилган сўзга ҳам эътибор беринг. Аллоҳ рўзадорни ҳимоясига олиб, ҳиди туфайли рўзадорни малол кўрадиганлардан муҳофаза қилмоқда. Валлоҳу аълам!
@arabicuz
2701. Жобир ибн Абдуллоҳ розияллоҳу анҳудан ривоят қилинади:
Расулуллоҳ соллаллоҳу алайҳи васалам Бавок деган жойдан келиб, шундай дедилар: «Аллоҳумма! Асқинаа ғойсан муғийсан, мариййан, сарийъан, нофиъан, ғойро зоррин, ъаажилан, ғойро аажилин» (Аллоҳим! Бизга ёқимли, тез, фойдали, зарарсиз, кечикмайдиган ёмғирни ёғдириб, у билан бизни сероб қил). Шунда ёмғир ёғди.
Абу Довуд ривояти
@arabicuz
2699. Бугун кечқурун қаерга борасан?
Абу Ҳурайра розияллоҳу анҳу ва у зотнинг асҳоблари рўза тутишса, масжидда ўтириб, «Рўзамизни поклаймиз!» дейишар эди. Булар қаерда-ю, ойнаижаҳон олдида ёки ғийбат ва номақбул мажлисларда ўтириб олганлар қаерда…
@arabicuz
arabic.uz (nahv-sarf)
Arab tili nahv-sarf darsliklari
@arabicuz_nahv (nahv-sarf kanal)
@arabicuz (hikmat-kanal)
@arabicuz_matn (hikmat-matnli kanal)
@arabicuz_bot (hikmat-bot)
/channel/arabicuz_nahv
2614. «Эй мўминлар! Аллоҳнинг сизларга берган неъматини — сизларга (қарши турли гуруҳлардан иборат) қўшинлар келган пайтида Биз уларнинг устига шамол ва сизлар кўрмаган қўшинларни (яъни фаришталарни) юборганимизни эсланглар!» (Аҳзоб сураси, 9 оят)
Кушойишнинг (яъни тушкунликдан очиқликка чиқишнинг) келаётганини кўришинг шарт эмас, кушойиш сенга махфий ҳолда келади, сен уни сезмай қоласан.
@arabicuz
2612. Тоғли минтақалар хусусида фикр юритадиган бўлсак, ушбу тоғлар яқинида чучук ва мусаффо сув борлигини кўрамиз. Олимлар ҳам энг мусаффо сув тоғлар остида эканини айтишади. Демак, чучук сувлар билан баланд тоғлар орасида алоқа борлиги келиб чиқади. Аллоҳ таолонинг китобида ушбу икки ҳолат орасида нозик боғлиқлик борлиги баён қилинган.
«Яна Биз (ер устида) баланд тоғларни пайдо қилдик ва сизларни (ўша тоғлардан оқиб тушадиган) чучук, тотли сув билан суғордик» (Мурсалат сураси, 27 оят).
Савол: Ушбу оят биз суратда кўриб турган манзарани нозик иборалар билан баён этмаяптими?
Расулуллоҳ соллаллоҳу алайҳи васаллам яшаган саҳро муҳитида бундай манзара бўлмаган ку! Агар Аллоҳ томонидан юборилган пайғамбар бўлмасалар, у зот бу каби илмни қаердан олиб айтганлар?
@arabicuz
2610. Сўнгра шуни билгилки, дунё кўпинча нодонга юзланади, олимдан эса ҳақли равишда юз ўгиради.
@arabicuz
2608. Ёш болани гапга солиб, унинг уйидаги сирларни билиб олиш ҳаром қилинган жосуслик бўлиб, мусулмонларнинг айбини қидириш сирасига киради.
@arabicuz
2606. Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам жаноза намозида шундай дедилар: «Аллоҳумма, анта Роббуҳаа, ва анта холақтаҳаа, ва анта ҳадайтаҳаа лил ислаам, ва анта қобазта рууҳаҳаа, ва анта аъламу бисирриҳаа ва ъалаанийятиҳаа, жиънаа шуфуъаа’а фағфирлаҳу» (Аллоҳим, Сен унинг Роббисан, Сен уни яратдинг, Сен уни Исломга ҳидоят этдинг ва Сен унинг руҳини олдинг. Унинг сирию ошкорасини Ўзинг биласан. Биз унга шафеъ бўлиб келдик, унинг гуноҳларини кечир).
Абу Довуд ривояти.
@arabicuz
2604. Уч нарса сабрдандир:
1. Мусибатинг ҳақида гапираверма.
2. Азиятингни изҳор қилаверма.
3. Ўзингни оқлайверма.
Суфён Саврий.
@arabicuz
2602. Ушбу суратда электрон микроскоп орқали тери устидаги миллиардлаб бактерияларни кўриб турибсиз. Бактерияларнинг бир неча турлари бор. Аммо ажабланарлиси шуки, ҳатто шу кўзга кўринмас зарраларнинг ҳам ўзига хос микроби бор экан. Олимлар ушбу бактерияларнинг ривожланишини, турли физиологик ўзгаришлар натижасида бир ҳолатдан иккинчи ҳолатга ўтиб, шакли ўзгаришини аниқлашди. Шундан келиб чиқиб, нима учун Аллоҳ бизни ҳар намоз олдидан таҳорат қилишга амр этганининг ҳикматларидан бирини англагандек бўламиз. Зеро, сув ва таҳорат таъсири остида уларнинг сони ниҳоятда камайиб, зарар берувчи ҳолатидан манфаат берувчи ҳолатига ўтар экан.
Роббимиз бу ҳақда: «Аллоҳ ўзларини мудом пок тутгувчи зотларни севади», деган (Тавба сураси, 108 оят).
Субҳаналлоҳ!
@arabicuz
2600. «Илмнинг доимо бизда, мол-дунёнинг эса жоҳилларда бўлишига розимиз, чунки мол-дунё тез йўқ бўлади, илмга эса завол йўқ».
«Унваанул байаан».
2598. Бир даҳрий Аҳмад Дийдотдан «Ўлсанг-у, охиратнинг ёлғон эканини кўрсанг, ўзингни қандай ҳис қиларкинсан?» деб сўради. Дийдот: «Ўзинг ўлсанг-у, охиратнинг ҳақиқат эканини кўрганингчалик ёмон ҳис қилмайман», деб жавоб қилдилар.
Читать полностью…
2596. Агар маййит ёш бола бўлса, дуо қуйидагича ўқилади:
«Аллоҳуммажъалҳу лаҳумаа фаротан, важъалҳу лаҳумаа салафан, важъалҳу лаҳумаа зуҳрон, ва саққил биҳи мавазийнаҳумаа ва африғис-собро ъалаа қулубиҳимаа, ва лаа тафтиннаҳумаа баъдаҳ, ва лаа таҳримҳумаа ажроҳ» (Аллоҳим, бу гўдакни улар (яъни ота-онаси) учун ажр, фазл ва заҳира қил. У сабабли уларнинг тарозиларини оғир қил, қалбларига сабр ёғдир. Ундан кейин уларни фитнага солма ва уларни унинг ажридан маҳрум қилма).
Сўнг «Аллоҳу акбар» деб, икки томонга салом бериб, жаноза намози тугатилади.
2594. Ким (бардавом) Қуръон ўқиб юрса, ёши юзга етган бўлса ҳам ақлидан ҳузур ва роҳат олади.
Муҳаммад ибн Каъб роҳимаҳуллоҳ.
@arabicuz