31298
@arabicuz_nahv (nahv-sarf kanal) @arabicuz (hikmat-kanal) @arabicuz_matn (hikmat-matnli kanal) @arabicuz_bot (hikmat-bot) - arabic.uz hikmatlari @arabicuz_nahv_hikmat (sharhli hikmat)
12710. Кимнинг нафс ҳавоси ғолиб келиб (шаръий жиҳатдан) унинг қатъий ҳаром эканига билиттифоқ келишилган ишларни қилса, сўнгра (ўша ҳаром амални) мумкин, бўлади дея далил-исбот қидиришга уринмасин.
Чунки бу ҳолда у инсон осий мўмин мартабасидан фожир кофир даражасига тушиб қолиши мумкин. Аллоҳ асрасин!
(Унинг ўрнига тавба ва надоматга шошсин).
Башир Исом Марокаший.
@arabicuz
iOS | Android
Instagram | Facebook | Twitter | arabicuz">Tiktok | Youtube
Сийрат
📜Абдуллоҳ ибн Ҳорис ибн Жаз розияллоҳу анҳудан ривоят қилинади: “Расулуллоҳ соллаллоҳу алайҳи васалламдан кўра кўпроқ табассум қиладиган бирор кишини кўрмадим”, Имом Термизий ривояти.
Бошқа ривоятда: "Расулуллоҳ соллаллоҳу алайҳи васалламнинг кулгилари фақат табассумдан иборат эди", дейилган. Имом Термизий ривояти.
▫️Изоҳ: Жарир ибн Абдуллоҳ розияллоҳу анҳудан ривоят қилинади: “Мен мусулмон бўлганимдан кейин қачон Расулуллоҳ соллаллоҳу алайҳи васалламни кўрган бўлсам, албатта юзимга табассум билан қараганлар”, Имом Бухорий ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
Ҳаж мавсуми яқин
🕋 Ҳажнинг муҳим амаллари
Улар зулҳижжанинг 8-кунидан 13-кунигача давом этади.
◽️1. 8 зулҳижжада ҳаж нияти билан эҳромга кирилади. Бу ҳажнинг муҳим 1- фарзидир.
◽️2. 8 зулҳижжада Минода биринчи туриш ва ўша ерда тунаш. (Суннати муаккада)
◽️3. 9 зулҳижжада Арафотда туриш. Бу ҳаж амалининг муҳим 2-фарзи. Арафотда пешин ва аср намозлари жамлаб ўқилади. Ким Арафотда турмаса, ҳажи ҳаж ҳисобланмайди.
◽️4. 10 зулҳижжада шом ва хуфтон намозини Муздалифада жамлаб ўқиш. Бу ҳажнинг вожиб амалидир.
◽️5. 10 зулҳижжада Муздалифада тунаш. Бу вожиб амал. Бомдод намози вақти киргандан сўнг ҳам бир муддат туриш. Бу суннати муаккада.
◽️6. 10 зулҳижжада Муздалифада туриш. Бу ҳажнинг вожиб амали.
◽️7. 10 зулҳижжада Жамротул Куброга, яъни катта шайтонга тош отиш. Бу ҳажнинг вожиб амалидир.
◽️8. 10-11-12 зулҳижжада Минода иккинчи бор туриш. Бу суннати муаккада.
◽️9. 10 зулҳижжада қурбонлик қилиш. Бу амал таматтуъ ва қирон ҳажини қилувчиларга вожиб, ифрод ҳажини қилувчиларга мустаҳаб.
◽️10. 10 зулҳижжада сочни тагидан олдириш ёки қисқартириш. Бу ҳажнинг вожибларидан бўлиб, эҳромдан чиқиш учун шартдир.
◽️11. 10 зулҳижжада зиёрат тавофини қилади. Бу ҳажнинг 3-фарзи. Бу тавофни 11-12 зулҳижжада қилса ҳам бўлади.
◽️12. 10 зулҳижжада Сафо ва Марва орасида ҳаж ниятида саъй қилади. Бу ҳажнинг вожиб амали. Агар аввалги кунларда саъй қилмаган бўлса, тавофдан сўнг саъй қилади.
◽️13. 11-12 зулҳижжада Жамротул Кубро, Жамротул Вусто, Жамротус Суғрога (3 та шайтонга) еттитадан тош отилади. Бу ҳажнинг вожиб амали. 13 зулҳижжада 3 та шайтонга тош отиш мустаҳаб.
◽️14. 12 зулҳижжада видолашув тавофи амалга оширилади. Бу тавофни хориждан борганлар бажаради ва бу ҳажнинг вожиб амали. (манба: islom.uz)
🕌 Расулуллоҳ соллаллоҳу алайҳи васаллам: «Мабрур ҳажнинг мукофоти фақат жаннатдир», дедилар.
Муттафақун алайҳ.
Аллоҳ таоло айни дамда бутун оламдан Маккаи мукаррамада жамланиб ҳаж амалларига киришаётган ҳожиларни ибодатларини қабул айласин!
@arabicuz
iOS | Android
Instagram | Facebook | Twitter | arabicuz">Tiktok | Youtube
Холислик
📜Имом Ибн Абдулбар раҳимаҳуллоҳ: "Айтишадики: «Сени севган киши сенга насиҳат қилади,
Сени ёқтирмаган киши эса сени алдайди", дедилар.
Ибн Муфлиҳнинг "Адабуш шаръия" асаридан.
Изоҳ: "Сени севган киши сени насиҳат қилади». Яъни, ҳақиқий муҳаббат ўз ичига ғамхўрлик ва яхшиликни ҳам олади. Агар бир инсон сизни яхши кўрса, у сизни хатолардан қайтаришга, сизга тўғри йўлни кўрсатишга ҳаракат қилади. Баъзан бу танқид ёки қаттиқ гап бўлиши ҳам мумкин, аммо бу сизнинг яхшилигингиз учун бўлади. Насиҳат — муҳаббатнинг самарасидир.
«Сени ёқтирмаган киши эса сени алдайди». Бошқа томондан, кимки сизга нисбатан ҳақиқий муҳаббатга эга бўлмаса, у сизни хафа қилишдан қўрқиб, ёки ўз манфаати учун сизни алдаши мумкин. Сизнинг хатоларингизни яширади, мақтайди, гўё сизга яхши кўринади, аммо аслида сизни ҳалокатга етаклаётган бўлади.
Ҳасан Басрий раҳимаҳуллоҳ: «Мўмин – насиҳат қилувчи дўстдир, фожир – алдагувчи маккордир», деди.
@arabicuz
iOS | Android
Instagram | Facebook | Twitter | arabicuz">Tiktok | Youtube
12705. Амр ибн Қайс айтади: “Бир аёл Қиёмат кунида Аллоҳнинг ҳузурида эри билан хусуматлашади ва: “У менга одоб бермаган, менга ҳеч нарсани таълим бермаган, фақат бозордан нон олиб келарди холос” дейди”.
Самъоний тафсиридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
Ҳаётий воқеа
📜 Менинг онам эканликларини Роббим билади...
Саудиялик бир шифокор аёл ҳикоя қилади: "Муҳаммад исмли ёши тахминан ўттизларда бўлган бир йигит қабулимга келди. Унинг ёнида онаси бор эди — у ундан қочмоқчи бўлар, у эсa уни бағрига босарди.
Онаси рўмолини улоқтирарди, у эса қайтадан жойига тўғирлаб қўярди. Унинг қўлларини тишлар, тирнарди, юзига туфларди — у эса жилмаярди.
Онаси шифохонага кирди-ю, рўмолини улоқтириб, ақли йўқ мажнун одам каби кулиб, шифокорнинг столи атрофида югуриб айлана бошлади.
Шунда мен сўрадим:
— Бу ким?
— Онам, — деди у.
— Унга нима бўлган?
— Улар шу ҳолларида, ақлсиз туғилганлар, — деди у.
— Ундай бўлса, сиз қандай туғилгансиз?
— Бобом уларни отамга олиб берган эканлар, шояд фарзандли бўлар деб. Отам бир йилдан сўнг уларни талоқ қилган эканлар. Бу вақтда онам менга ҳомиладор бўлган эканлар. Сўнг мен туғилганман.
— Қачондан бери уларга қарайсиз, парвариш қиласиз?
— Ўн ёшимдан бери. Уларга овқат тайёрлайман, қарайман. Ухламоқчи бўлсам, чиқиб кетиб қолсалар қидириб юрмайин деб оёғимни оёқларига боғлаб ухлайман...
— Нега бугун бу ерга олиб келдингиз?
— Уларнинг қон босимлари юқори, қандли диабет касаллари бор.
Онаси кулиб:
— Картошка бер, — деди.
У берди. Онаси юзига туфлади. У кулиб, юзини тозалади.
Шунда мен сўрадим:
— У киши сизга она эканларини биладиларми, сизни танийдиларми?
— Йўқ, валлоҳи, мен ўғлилари эканимни билмайдилар. Лекин Яратган Роббим биладики, у зот менинг онамдирлар.
Онаси қараб туриб:
— Эй ўғлим, сен ёлғончисан! Нега мени Маккага олиб бормаяпсан? — деди.
У эса:
— Пайшанба куни олиб бораман деб айтмадимми, онажон? Пайшанба куни борамиз — деди.
Мен сўрадим:
— Унинг зиммасидан (ақли жойида эмаслиги сабаб) соқит бўлса, Маккага олиб бориш керакми?
У жавоб берди:
— Опа, онам билан Роббимнинг ҳузурига ҳисобда турганимизда: “Муҳаммад, нега мени Маккага олиб бормаган эдинг?” — дейишини хоҳламайман.
Мен Роббимга қарата: “Роббим, мен онамни елкамда опичлаб кўтардим, тавоф қилдирдим, замзам ичирдим, Каъбага қаратиб қўйдим”, дейишни хоҳлайман.
Яна: “Аллоҳим! Гарчи уларнинг ақллари бўлмаган бўлсада, менинг онам эканларини албатта Сен билгувчисан!”, дейишни истайман”, деди.
Мен жим бўлиб қолдим, кўзим ёшга тўлди. Сўнгра унга:
— Онангга кўрсатган бу эҳтироминг учун Аллоҳ сенга ажру мукофотлар ато этсин! Бугунгидай ота-онага яхшилик қилишни кўрмаганман.
У эса жавоб берди:
— Мен бу ишимни (куни келиб) фарзандларим ҳам менга шундай муомала қилишлари умидила қилаяпман. Чунки биррул волидайн (албатта қайтадиган) қарздир".
P.S. Сурат интернетдан, аслий эмас
@arabicuz
iOS | Android
Instagram | Facebook | Twitter | arabicuz">Tiktok | Youtube
12703. Ибн Қоййим раҳимаҳуллоҳ: “Неъматлар Аллоҳдан тақвони тарк қилиш ва одамларга ёмонлик қилиш сабабли олиб қўйилади”, деди.
@arabicuz
iOS | Android
Instagram | Facebook | Twitter | arabicuz">Tiktok | Youtube
Жума намози
▫️Халифа Ҳишом ибн Абдулмаликнинг бир ўғли уловим ўлиб қолиб, пиёда кела олмадим деб, жума намозига келмаган эди, унга бир йил улов минишни тақиқлаб қўйди.
@arabicuz
12701. Расулуллоҳ соллаллоҳу алайҳи васаллам: “Албатта Роббинг бир бандаси: “Роббим гуноҳларимни кечиргин. Уларни Сендан ўзга ҳеч ким кечирмайди”, деганини яхши кўрди, ажабланди”, дедилар.
Имом Термизий ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
Йўл
📜 Ибн Қоййим раҳимаҳуллоҳ: "Албатта банда сафар қанотидадир: (Унинг бу сафари) ёки жаннатга, ёки дўзахга (етишиш билан якун топади)", дедилар.
"Фавоидул фавоид"дан.
Изоҳ: "Сафар қанотидадир..." Қанот — тез ҳаракатни, парвозни англатади. Яъни инсон ҳаёти жуда тез ўтиб кетади, вақт тўхтамайди. Инсон ўз сафарини тўхтатмай, ўлим сари юришда давом этади, маъносида.
@arabicuz
iOS | Android
Instagram | Facebook | Twitter | arabicuz">Tiktok | Youtube
Аллоҳни кўриш
📜 Жарир розияллоҳу анҳудан ривоят қилинади: «Набий соллаллоҳу алайҳи васалламнинг ҳузурларида эдик. Бир кеча - ой тўлган кечани назарда тутмоқда - у зот ойга қараб туриб: «Сизлар Роббингизни мана шу ойни кўргандек кўрасиз. У Зотни кўришда бир-бирингизга қийинчилик туғдирмассиз...", дедилар.
Имом Бухорий ва Муслим ривоятлари.
▫️Изоҳ: Ҳасан Басрий раҳимаҳуллоҳ: «Жаннат аҳли Аллоҳ таолога қараганда жаннат неъматларини унутиб қўядилар", деди.
"Равзатул муҳиббийн"дан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12697. Набий соллаллоҳу алайҳи васалламга кўп саловот айтиш у зотга муҳаббатнинг аломатидир.
Қалбда пайғамбар муҳаббати зиёдалашгани сайин у зотнинг хулқлари билан хулқланиш, иш-феълларига эргашиш, тақлид қилиш ҳам ортиб бораверади.
Аллоҳ таоло айтади: “...Агар унга итоат қилсангиз, ҳидоят топурсиз”, Нур сураси, 54-оят.
@arabicuz
iOS | Android
Instagram | Facebook | Twitter | arabicuz">Tiktok | Youtube
12696. Охиратнинг маҳри жуда енгилдир:
1. Ихлосли қалб.
2. Зикр қилувчи тил.
"Баҳруд думуъ" китобидан.
@arabicuz
iOS | Android
Instagram | Facebook | Twitter | arabicuz">Tiktok | Youtube
Биррул волидайн
📜 Имом Нававий раҳимаҳуллоҳ: "Кимки (вафот этган) ота-онасига яхшилик қилишни истаса, уларнинг номидан садақа қилсин. Албатта садақа майитга етади ва мусулмонлар орасида ҳеч бир ихтилофсиз ундан манфаат олинади", дедилар.
"Шарҳи Нававий ъала Муслим" асаридан.
▫️Изоҳ: Барча уламолар маййитнинг дуо, истиғфор, садақа ва ҳаж каби баданий-молиявий ибодатлардан манфаат олишига иттифоқ қилганлар.
Садақанинг турларига масалан, пул садақа қилиш, егулик, таом тарқатиш, масжид ёки хайрия ташкилотига ёрдам бериш, Қуръон ўқиб бағишлаш ва дарахт ёки қудуқ қазиш каби ишларни санаб ўтиш мумкин.
Вафот этган ота-она ва бошқа яқинларимизнинг ҳақларига садақа қилиш улар учун катта манфаат келтирадиган ва биз учун ҳам савобли ишлардандир. Бу улар билан бўлган алоқаларимизни узмасликнинг бир йўли ҳамдир.
@arabicuz
iOS | Android
Instagram | Facebook | Twitter | arabicuz">Tiktok | Youtube
قال الشّيخ الرباني محمد صالح الفرفور (ت1407) رحمه الله -:
«لقد قل وجود العلماء العاملين المخلصين , الذين أفنوا أعمارهم في طلب العلم ونشره , ولقد كان في دمشق وحدها أكثر من أربعين عالماً عاملاً , ينشرون العلم على طريقة السلف الصالح , وعلى رأسهم المحدث الأكبر الشيخ محمد بدر الدين الحسني , والسيد محمد بن جعفر الكتاني , وأمثال هؤلاء , وقد ذكر لي شيخنا العلامة الشَّيْخُ صالح أسعد الحمصي رحمه الله تعالى قال : لقد أدركت ثلاثةً وأربعين حلقة علم في جامع بني أمية , ماعدا باقي جوامع دمشق , ولم يبق الآنَ إِلَّا النَّزْرُ اليَسِيرُ , فلا حول ولا قوة إلا بالله».
((من رشحات الخلود)) ، ص 79 .
📜 Раббоний олим Муҳаммад Солиҳ Фарфур (ҳ. 1407/ м.1987 й. вафоти) раҳимаҳуллоҳ шундай деганлар: «Ихлосли, амал қилувчи ва умрларини илм талаб қилиш ва уни тарқатиш йўлида ўтказган уламоларнинг сони камайиб кетди. Биргина Дамашқ шаҳрининг ўзида камида қирқта амалли олим бор эди.
Улар илмни солиҳ салафлар услуби, йўли асосида ёйишар эди. Уларнинг энг бошларида эса буюк муҳаддис шайх Муҳаммад Бадриддин Ҳасаний ва шайх Саййид Муҳаммад ибн Жаъфар Катаний эдилар.
Уларнинг мисолларини менга аллома шайх Солиҳ Асад Ҳимсий раҳимаҳуллоҳ айтиб берган эдилар:
«Мен бир вақтлар Дамашқда, бошқа масжидларни айтмаса, биргина Бани Умайя масжидида қирқ учта илм ҳалқалари бўлганини эслайман. Аммо ҳозирги пайтда бу ҳолат камёб бўлиб қолди. Ла ҳавла ва ла қуввата илла биллаҳи».
"Рашаҳотул хулуд" асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12709. Наузубиллаҳ!
Абдуллоҳ ибн Амр розияллоҳу анҳу: “Агар жаҳаннам аҳлидан айрим кишиларни дунё ҳаётига қайта чиқарилса эди, уларнинг кўриниши, манзарасининг ваҳшати (нақадар аянчли, қўрқинчли экани)дан ҳамда уларнинг (ўта ёқимсиз, бадбўй) ҳидидан дунё аҳли ўлиб қолган бўлардилар”, деди.
Ибн Абу Дунёнинг “Ар-риққату вал букаи” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12708. Тасаввуф нима?
Тасаввуф - мусулмон киши у ила эҳсон мартабасига кўтариладиган руҳий, сулукий тарбиядир.
У ҳақида Набий соллаллоҳу алайҳи васаллам шундай таълим берганлар: “Эҳсон Аллоҳга худди Уни кўриб турганингдек ибодат қилишинг. Гарчи Уни кўрмасанг-да, У сени кўриб турур».
@arabicuz
iOS | Android
Instagram | Facebook | Twitter | arabicuz">Tiktok | Youtube
12707. Ғариб диёрлар (ватани) ундан узоқда бўлган киши эмас.
Балки ҳақиқий ғариб ўзи яқин бўлиб, лекин исталмаган, (яқинлари томонидан севилмаган) кишидир.
Шариф Розий.
@arabicuz
iOS | Android
Instagram | Facebook | Twitter | arabicuz">Tiktok | Youtube
12706. Битоқа ҳадиси
Абдуллоҳ ибн Амр ибн Осс розияллоҳу анҳумодан ривоят қилинади: «Расулуллоҳ соллалоҳу алайҳи васаллам шундай дедилар: «Аллоҳ Қиёмат куни барча махлуқотлар олдида менинг умматимдан бир кишини танлаб олиб, унга тўқсон тўққизта дафтар очади. Ҳар бир дафтар кўз етадиган масофача бўлади.
Сўнг У Зот: «Мана булардан бирортасини инкор қиласанми? Котиб фаришталарим сенга зулм қилишдими?» дейди. У: «Йўқ, Роббим», дейди. У Зот: «Узринг борми?» дейди. У: «Йўқ, Роббим», дейди.
Шунда У Зот: «Бироқ ҳузуримизда бир яхшилигинг бор, бугун сенга зулм йўқ» дейди. Сўнг «Аллоҳдан ўзга илоҳ йўқ деб, Муҳаммад У Зотнинг бандаси ва расулидир деб гувоҳлик бераман», деб ёзилган варақча чиқади.
У Зот: «Мезонингга яқин кел», дейди. У эса: «Ё Роббим, мана бу дафтарлар олдида шу варақча нима ҳам бўлар эди?» дейди. У Зот: «Сенга зулм қилинмайди», дейди.
Сўнг дафтарлар бир паллага, варақча бошқа паллага қўйилади, дафтарлар енгил келиб, варақча оғир келади, чунки Аллоҳнинг исми қаршисида ҳеч нарса оғир келмайди».
Имом Термизий, Насоий, Ибн Ҳиббон, Ҳоким ривоят қилганлар.
@arabicuz
iOS | Android
Instagram | Facebook | Twitter | arabicuz">Tiktok | Youtube
قصة واقعية
طبيبة سعودية ..تقول دخل علي رجل يسمى محمد في 30 من عمره ، و معه أم يحضنها لأنها تريد ان تهرب منه..و ترمي خمارها فيعدله..و تعض يده و تخدشها..و تبصق في وجهه و هو يتبسم، دخلت في العيادة أمه ..ثم رمت خمارها و بدأت تضحك ضحك المجنون الذي لا عقل له .. و تدور على طاولة الطبيبة ..
سألت الطبيبة من هذه:
قال أمي ......
ما بالها؟
قال ولدت بلا عقل، كيف انجبتك؟
قال: زوجها جدي لأبي عسى أن ترزق بولد، فتزوجها أبي فطلقها في العام الأول..و حملت بي..و أنجبتني..و منذ أن كنت في 10 و أنا الذي أخدمها
أطبخ لها.. إذا أردت أن انام اربط قدمي في قدمها، أخشى أن تهرب و لا أجدها..
لماذا أتيت بها؟..
قال: بها السكر و الضغط..
و الام تضحك و تقول اعطني بطاطس؟: فيعطيها..تبصق في وجهه فيضحك و يمسح بصقتها..
ثم قالت له: هذه أمك لا تعرفك؟
قال: لا والله ما تعرف أني ابنها..لكن الذي خلقني يعرف انها أمي..
ثم قالت: بني و تناديه أنت كذاب ليه ما توديني مكة؟
قال: الخميس يا أمي، أما قلت أني سأذهب بك الخميس؟
فقالت الطبيبة: اتذهب بها و قد زال التكليف عنها؟ ....
قالت الطبيبة: أتذهب بها إلى مكة وقد زال عنها التكليف؟!
فقال محمد:
"يا دكتورة... أنا لا أُريد أن تُحاسب عند الله وتسأل: لماذا لم تأتِ بي يا محمد؟
أُريد أن أقول لله: يا رب... حملتها على ظهري، وطفت بها، وسقيتها زمزم، وجعلتها تنظر للكعبة، وكنت أقول: اللهم إن كانت لا تعقل، فأنت تعلم أنها أمي..."
فسكتت الطبيبة، واغرورقت عيناها بالدموع، ثم قالت له:
"جزاك الله عن أمك خير الجزاء، ما رأيت بارًا مثل هذا اليوم..."
فقال:
"أنا لا أفعل إلا ما أرجو أن يفعله أبنائي بي، والبر دين
@arabicuz
iOS | Android
Instagram | Facebook | Twitter | arabicuz">Tiktok | Youtube
12704. Ибн Ражаб раҳимаҳуллоҳ: “Мискин ва фақирларни яхши кўриш Аллоҳ учун кўришнинг аслидир.
Чунки мискинларда унинг учун яхши кўришни тақозо қиладиган мол-дунё йўқ.
Уларни фақат Аллоҳ азза ва жалла учун яхши кўришади.
Аллоҳ учун яхши кўриш эса кишидаги иймонни асл ҳолида кўрсатадиган нарсадир.
У шунингдек, иймон лаззатининг аломатидандир. У айни иймондир, у иймоннинг афзалидир”, деди.
@arabicuz
iOS | Android
Instagram | Facebook | Twitter | arabicuz">Tiktok | Youtube
12702. Раббоний бўлинглар. Чунки раббонийлар фақат Роббиларидан сўрашади. Улар бирон ажр мукофот талаб қилишмайди. Уларнинг ажр, ҳақлари Аллоҳнинг динини таблиғ этиш, етказиш бўлади.
Шайх Аҳмад Фатҳуллоҳ Жомий.
@arabicuz
iOS | Android
Instagram | Facebook | Twitter | arabicuz">Tiktok | Youtube
Онага эҳтиром
📜 Ибн Аббос розияллоҳу анҳунинг ёнларига бир киши келиб:
"Мен бир аёлга совчи қўйдим. У мен билан никоҳланишдан бош тортди. Бошқа бир киши совчи қўйган эди, у билан никоҳланишни маъқул кўрди. Рашким келиб, у аёлни ўлдириб қўйдим. Менга бирор тавба қилиш (имкони) борми?", деди.
Шунда у зот: "Онанг ҳаётми?", дедилар.
У: "Йўқ", деди.
У зот: "Аллоҳ азза ва жаллага тавба қил ва Унга яқин бўл", дедилар. У киши кетди.
Ато айтади: Ибн Аббосдан у кишининг онасининг ҳаётини нима учун суриштиргани сўрадим. У зот: "Мен онага яхшилик қилишдан кўра Аллоҳга муқарраброқ бирор амални билмайман", деб жавоб берди.
Бухорий "Адабул муфрад"да ривоят қилган.
@arabicuz
12700. Ризқнинг шакллари, кўринишлари
▫️Оила;
▫️Мол-дунё, бойлик;
▫️Омонлик, тинчлик;
▫️Қабул этилиш;
▫️Илм;
▫️Содиқ дўстлар;
▫️Фарзанд, болалар;
▫️Ейиш-ичиш;
▫️Гўзаллик, кўркамлик;
▫️Амал;
▫️Жуфт;
▫️Севги-муҳаббат;
▫️Офият, сиҳат- саломатлик;
▫️Етуклик, камолот;
▫️Хулқ, аҳлоқ.
Изоҳ: “Ризқ” сўзи луғатда “улуш”, “инъом” каби маъноларни англатади.
Истилоҳда, Аллоҳ таоло жонзотларга етказган ва улар истеъмол қилган нарса ризқдир.
Бошқа таърифда: “Жонзотлар манфаат олган дунё ва охиратга оид барча нарса ризқ”, дейилган.
@arabicuz
iOS | Android
Instagram | Facebook | Twitter | arabicuz">Tiktok | Youtube
12699. Солати Иброҳимия – мўъжизалар эшигидир.
Солати Иброҳимия – кароматлар эшигидир.
Солати Иброҳимия – дуолар ижобати эшигидир.
Солати Иброҳимияга шўнғинг, Аллоҳ азза ва жалла сизни ёрдам, ғалаба, шифо, ризқ, хотиржамлик ва сакинатга шўнғитиб, ғарқ қилиб қўяди.
Изоҳ: Намозда ташаҳҳудда ўқиладиган “салоти Иброҳимия” шудир: “Аллоҳумма солли ъалаа Муҳаммадин ва ъалаа аали Муҳаммадин, камаа соллайта ъалаа Иброҳийма ва ъалаа аали Иброҳима иннака ҳамиидун мажиид. Аллоҳумма баарик ъалаа Муҳаммадин ва ъалаа аали Муҳаммадин, камаа баарокта ъалаа Иброҳийма ва ъала аали Иброҳийма. Иннака ҳамиидун мажиид”.
@arabicuz
iOS | Android
Instagram | Facebook | Twitter | arabicuz">Tiktok | Youtube
12698. Имом Жунайд раҳимаҳуллоҳ: “Агар Аллоҳга содиқ бўлсанг, у садоқатинг ичингда махфий бўлсин. Албатта У зот Иблисга барча нарсада йўл топиш имконини берган. Фақатгина сирларнинг чин-содиқ бўлгани бундан мустаснодир”, деди. Яъни шайтон содиқлигини сир тутган кишиларни алдашга ва васваса қилишга йўл топа олмайди".
Изоҳ: Абдулвоҳид ибн Зайд: «Сидқ Аллоҳга амал ила вафо қилишдир», деган.
Иброҳим ал-Хаввос айтади: «Содиқни фақат фарзни адо этаётганини ва фазлга амал қилаётганини кўрасан».
Жунайд раҳматуллоҳи алайҳ: «Сидқнинг ҳақиқати ёлғондан бошқа нажот бермайдиган ерда рост гапиришдадир», деган.
Сидқнинг фойдалари:
1. Сидқ аброрларнинг жаннатга борадиган йўлидир.
2.Содиқлар Аллоҳнинг муқарраб аҳбобларидир.
3. Содиқларни одамлар яхши кўрадилар, уларга ишона-дилар ва омонатларини топширадилар.
4. Содиқларнинг жамиятда иззати бўлади.
5. Содиқлик амалларни кўтаради ва шаънини улуғлайди.
6. Содиқлик қувватнинг аломатидир.
7. Содиқлик ўзига ишончнинг белгисидир.
8. Содиқлик нажотдир.
9. Содиқлар набийлар, шаҳидлар ва солиҳлар билан бирга тириладилар.
@arabicuz
iOS | Android
Instagram | Facebook | Twitter | arabicuz">Tiktok | Youtube
Тақдир
📜Ибн Қоййим раҳимаҳуллоҳ: "Албатта синов ва имтиҳонларни Одам болаларининг умр(ёш)лари каби умрлари ва (белгиланган) ажаллари бўлади. Ва у албатта интиҳо топади", деди.
"Мадорижус соликийн" асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube
12695. Нафсим ўрган...
Ижтимоий тармоқларда бирон пост ёки видео кўрсангиз-у, у сизга ёқмаса изоҳ (комент)ларда сўкиш ва одобсизлик қилишга ўтиб кетманг.
Биринчидан: Одамлар ақл ва фаҳмда турличадирлар. Сизга ёқмаган бирон сўз (мавзу) бошқага маъқул келиши мумкин.
Иккинчидан: У инсон постни ўзининг шахсий саҳифасига жойлаган ва бу унинг эркинлигидир. Ҳеч ким сизни унинг саҳифасига аъзо бўлишга мажбурламаган.
Учинчидан: У инсон маъсум яъни, хатодан холи эмас. Инсон сифатида хатоларга йўл қўйиши мумкин.
Мажид Закий.
@arabicuz
iOS | Android
Instagram | Facebook | Twitter | arabicuz">Tiktok | Youtube
12694. Иймон қувватининг аломатларидан бири, киши Аллоҳнинг зикрини тарк қилган вақтда ёлғизликни ҳис қилишидир.
Шунингдек, қалб ёлғизликни ҳис қилганда Аллоҳнинг зикрини ёдга олиши, худди бадан очликни ҳис қилганда таомни эслаб қолишига ўхшайди.
@arabicuz
iOS | Android
Instagram | Facebook | Twitter | arabicuz">Tiktok | Youtube
12693. Ибн Қоййим раҳимаҳуллоҳ: «Қачонки банда тонг оттирса ҳам, кечга кирса ҳам бутун эътибори ва ғами фақат Аллоҳ бўладиган бўлса, Аллоҳ унинг барча ҳожатларини зиммасига олади.
Унга муҳим бўлган барча нарсага кифоя қилади. Қалбига Ўзининг муҳаббатини жойлаб, тилини доим Ўзининг зикрида ва аъзоларини Ўзининг тоатида қилиб қўяди», деди.
“Фавоид” асаридан.
@arabicuz
iOS | Android
Instagram | Facebook | Twitter | arabicuz">Tiktok | Youtube