قصيدة بحق القائد الشهيد السيد الخامنائي
-
يا محلى الشهادة تريد راعيها
سيد وابن سيد لايگ اعليها
----
يابيرغ عراضه طيحتك كلفة
جرحك بالكلب هيهات مايشفه
وكل شيعي تشب نيرانه ماتطفه
وتريد الثار من اعداك متلهفة
مصيبة وفاجعة هاليوم نرثيها
-----
يانسل النبوة وبيك نتباهه
وشلون الشريعة واكع الواها
كلف وادلالنا بفگدك چفيناها
عمت عين العملها وبيك سواهه
ياشجرة محمد وانت تاليها
يامحله الشهادة تريد راعيها
-----
تنعاك وعليك الدنيا حزنانه
نلطم عالوجه ونريد عوانه
راح البي حميه مشه وخلانه
على الدنيا العفى بعدك يمولانه
ياحسرة وهضيمة راح واليها
يامحلى لشهادة تريد راعيها
--
قائد وولقيادة تلوگ اله وتندل
مثل جده الصميدة بالحرب زلزل
بوجه اعداه واكف ماقبل ينذل
ساتر بالحرب ظل وحدة اتكفل
ولجل الدين روحه اليوم يفديها
يامحلى الشهادة تريد راعيها
---
يعلم السوء مصباحه صعب واكشر
مانحمل غيابك والگلب وجر
شلون تطيح وانت الحيد المشكر
ياضرغام يالجدك قلع خيبر
سود اثيابناوالحزن غاطيها
يامحلى الشهادة تريد راعيها
--------------++++
خادمة اهل البيت
امل فلوحي الموسوي
جرحك ياعلي مو جرح خله جروح
ودم من السمه تنزف عليك تنوح
نثلم دين الله ونصاب
وگع والينا ابو اتراب
ودم من السمه تنزف عليك جروح
واماماه. ..واماماه
--------
الليله ابلايه حس زينب تون سكته
ومثل طير الحمام تحوم وي ونته
تمسح بالجرح وتبلل ابشفته
صعبه اعله الابو يعوفها البنته
شلون اگضيها الايام
ونته بگبرك تنام
دم من السمه تنزف عليك تنوح
------
يبويه اگعد دخليك وافتح عيونك
اباب الدار بويه ايتام يردونك
تهل ادموعهم بويه ينادونك
وبدموع الحزن رادو يضمدونك
گوم وفرح الدار
يحامي الدين ولجار
دم من السمه تنزف عليك تنوح
--------
يابهجة حياتي وعمري وسنيني
شلون تروح بويه يكثر ونيني
ماصدگ يبويه علي تخليني
بعدك ياعلي الدنيا توليني
الليالي تكضي صعبات
تخلص بويه صدمات
دم من السمه تنزف عليك تنوح
-------
ايدك حطها بيدي وخل اسندنك
يابعد العمر خليني اضمدنك
واعصبك بويه بيدي خل اشمنك
اخافن بعد ماشوفك وفگدنك
منك تنزف ادموم
گلبي اعليك مهموم
دم من السمه تنزف عليك جروح
------
شسوي لورحت من عدي ياغالي
بعدك منهو اليه بويه يبرالي
اضل امحيره ويصعب علي حالي
يتيمه بلا اهل ومنغير هم والي
ي بويه وبعد العيون
دگلي افراگك اشلون
دم من السمه تنزف عليك جروح
-------
امل فلوحي الموسوي
غمضي عينج.. وداعت الله يالحزينه
غمضي عينچ.. گلبج يسكن انينه
غمضي،… عينچ
**
غمضي يازينب وخل العين تغفه
عمرج يگطر عذاب وماله وسفه
هايهيه والجرح ماضنه يشفه
وينج اوين الهضم مو انت ترفه
غمضي عينچ… الگمر لاتنطرينه
غمضي عينچ..وداعت الله يالحزينه
گلبج يسكن أنينه
**
غمضيهه العين ونتي بالمنيه
بعد لاخيمه توج ولا سبيه
هايهيه كل عذابج هايهيه
ماتلوذ اطفال سدچ يالوفيه
غمضي عينچ..والعتب لاتعتبينه
غمضي عينچ .وداعت الله يالحزينه
گلبچ يسكن أنينه
****
لاتنوحين الدمع بلل حجابچ
خلصت ايام السبي البيها مصابچ
خلي روحچ لاتضل توگف ابابچ
تنتظر جيت الحبايب تعب حالچ
غمضي عينچ…والدهر يغدر سنينه
غمضي عينچ.. وداعت الله يالحزينه
گلبج يسكن أنينه
*
بعد،لاسوط اليورم بيه متنج
ماتشوفين الشمر بصوته يزجرچ
والعده ماتحدي،بيج ولا تجرچ
ومايسلبونه بعد يالحره خدرچ
غمضي عينچ… والقصر ماتطبينه
غمضي عينچ .وداعت الله يالحزينه
گلبج يسكن أنينه
****
ماتشوف عيونج ازنود ومناحر
ولايطك صوت الضلع من الحوافر
ومايشتمونج يزينب بالعساكر
عفيه گلبچ عالهضم والقهر صابر
غمضي عينچ..اتطمني ونتي الحنينه
غمضي عينچ وداعت الله يالحزينه
گلبچ يسكن انينه
******
رايح اوداعچ يزينب راح وكته
من علناگه تركتي حسين جثته
شبحت عيونه تودع اثر اخته
غيمت عينچ حزن تمطر بسكته
غمضي عينچ. صار الموادع ونينه
غمضي عينچ. وداعت الله يالحزينه
گلبج يسكن أنينه
*****
الشاعره العلويه امل فلوحي الموسوي
بعلم سبع الكنطره
الليله لفو حيدره
يبو فاضل .يبو فاضل. يبو فاضل
--------------
انه زينب ياكمر كوم بعجل
وكع حيدر كرب اعليه الاجل
برايتك لفه بعد مابيه امل
طايح بمحرابه ودمومه تهل
راح ابونه المفخره
الليله لفواحيدره
يبو فاضل .يبو فاضل.. يبوفاضل
--------
الليله هاي الليله مامنها بعد
راح حماي الحميه ومايرد
ياكمر تجيله زندك يستند
كوم ياعباس كلبي منمرد
هذا ابونه اعله الثره
الليله لفو حيدره
يبو فاضل .يبو فاضل .يبو فاضل
--------------
كوم ليه وروحي نار وتستعر
خويه كوم الوالي عباس انطبر
كوم يوصيه الزجيه والذخر
خويه كوم وياي يابعد العمر
حسين خبره بالجره
الليله لفو حيدره
يبو فاضل .يبو فاضل .يبو فاضل
------------
خويه عوف دموعي هسه يالحنين
انه من زغري تعودت الونين
تيتمت من امي خمس من السنين
وهسه ابوي وطبرته تفكس العين
دمعي عوفه انثره
الليله لفو حيدره
يبو فاضل .يبو فاضل. يبو فاضل
---------
خويه جيبه الداره الموداع اخير
خل ابونه بيته يتوفه الامير
يدير عينه البته زينبكم تدير
خلص صبري ياگمر شنهو اشٱصير
زينب انه محيره
الليله لفو حيدره
يبو فاضل .يبو فاضل .يبو فاضل
-----------
امل فلوحي الموسوي
قصيده لاستشهاد الامام علي (ع)
-----------------------
زنجيل .. ع وزن البحر الطويل
------------------------
بطبره وبوسط محراب رحل ينزف علي الكرار
تهل دموعها وتنوح زينب والكلب شب نار
1
بطبره يرحل الكرار وزينب تنحب بعبره
مره اتصيح يابويه ومره اتصيح يالزهره
زغيره ومرمراها البين وكل يوم بالف سطره
نادت والگلب نصين اوداع الليله يالمغوار
2
صاحت زينب بدمعات واتعاين لبوها بعين
لاترحل يبويه ارجوك مايرحم تراهو البين
بويه بحاجتك تدري مدللتك يابو الحسنين
تريدتعوفني وتروح خمسه من العمر ماصار
3
اصبر عمري من ترحل تراني بعدك ابدمعه
وصدگ يابويه من تروح صوتك بعد ماسمعه
شلون اگضي الليالي شلون وانت مالك رجعه
شالو نعشك ورديت صعبه دخلتي للدار
4
ما ادخل بعد للدار مكانك وحشه ياحيدر
بويه الشوگ يخنگني ظلمه عليك وتحسر
مكانك خالي لو صديت يرعب وانه مااگدر
بويه شلون حاچيني ياهيبه واليه اسوار
------------
5
ريت وياك تاخذني مااهوه العمر ماريد
مره ابدونك ايامي ناري ماطفت وتهيد
زغيره ويتماني البين وشعده يجيني العيد
عزيه العيد من دونك دمعاتي تبجي الجار
6
راح اختم حياتي هموم بويه وسلمت امري
راح اتسله بالدمعات عمري ويا بعد عمري
بويه تروح الله وياك مودع والدمع يجري
دمع مو ماي ارشنه بلكت بويه الي تندار
امل فلوحي الموسوي
عندما دفنو الامام امير المؤمنين عليه السلام ماذا كان حال سيدتي ومولاتي زينب عليه السلام
----------------------
غمضت عينك يحيدر وايست منك بعد
وهاي سفره وللمگابر رجعه مامنها ابد
غمض عيونك ونام
بويه عالدنيا السلام
وهاي سفره وللمگابر رجعه مامنها ابد
----------------
غمضت عينك يوالي وبعد شنهي دنيتي
غفت بجفونك حياتي ودفنتها بسمتي
من الگبر رديت بويه گابعه بهم حسرتي
شلون هاليله يحيدر چنها ليله وحشتي
دموعي مو چنها دمع
عالوجه ذابت شمع
هذا بويه تراب گبرك بيدي اتراب الحد
هاي سفره وللمگابر رجعه مامنها ابد
-------------
شلون ردتي ياحبيبي وعايفه روحي وراي
راجعه وضاعت امالي وضاعت بدونك رجاي
انكت اثيابي يبويه تراب گبرك يامناي
شنهو يابويه وشسوي الگبر رشيته ماي
طفته يابويه الگبر
وحشتك ليله قدر
بويه ماخلوني اوسدك بالگبر روحي امد
هاي سفره وللمگابر رجعه مامنها ابد
-----------
روحي صلفه بويه صلفه تجرعت مر الحياة
وشفت من امي وضلعها شفت كل النايبات
وهسه يهظمني زماني بوالدي هاليله مات
شلون اعوفك بويه گلي تراب حار وبيه تبات
وياك اخذني للگبر
بعد ماريد العمر
ولله يابويه نگظته حيلي مابيه اشد
هاي سفره وللمگابر رجعه مامنها ابد
-------------------
بويه مو بيدي تراني راجعه وضاع الصبر
ردت يمك يم حنانك ابقه يا روح العمر
بويه ماخلوني ساعه اگعد بكتر الگبر
بويه جروني اخوتي بگلبي خافو ينكسر
بويه ما احمل بعد
ترجع وكونك ترد
وانه من طبره جبينك روحي ممروده مرد
هاي سفره وللمگابر رجعه مامنها ابد
--------------
شلون عفتك بالترابه شلون گلبي انه يهيد
هايهيه من فرحتي شعده لافيني العيد
ولله مابدلك يالسود ولا اشوف انه الجديد
ادفنت هاليله عمري وگلبي قربان وشهيد
بويه ياعيد اليجي
بعد شنهو الارتجي
والابو ميحل مكانه بغيبته منهو اليسد
هاي سفره وللمگابر رجعه مامنها ابد
----------------------
امل فلوحي الموسوي
اسالكم الدعاء
والرحمه لوالدي
لاستشهاد امير المؤمنين ع (وزن العگيلي)
-------------------------------
زينب هاليله تجر ونه
رايح حيدر ومفارگنه
-------------
نادت اكعد ياغاليها
زينب جتك ياواليها
افتح عينك ونظر ليها
لاترحل بويه تضيعنه
------------
اسمعني وشاهد بعيوني
يابويه زغيره تيتموني
بحزاني وهمي تهظموني
اسود ثوبي مابدلنه
---------
ثوب الهم صاير جلبابي
متعوده اسودكل اثيابي
مصاب الطبره هو مصابي
رايح هاليله وتفجعنه
----------
تفجعنه وترحل يالغالي
ضاعت ياحيدر امالي
منغيرك متسر احوالي
هيهات الدنيه ترحمنه
---------------
تهضمنه وماترحم بويه
اكعدلي وعاينلي شويه
افتح عينك رد اعليه
بويه افراگك ماحملنه
----------
جرحك ينزف بويه هوايه
شلون اتصبر گلي بهايه
باالروح اسهامك رمايه
يابويه امصابك لوعنه
-------------------
تلوعنه وبگليبي الخوفه
وجهك ماصدك ماشوفه
هلت دمعاتي المذروفه
الليله شگد صعبه تودعنه
------------
امل فلوحي الموسوي
( ابوذيات لاستشهاد امير المؤمنين)
-------------------
الليالي تغير ارسومي..ولوني
گبل حيدر متت كوني ..ولوني
يبويه الدهر من ايدي ..لواني
(وخذك مني يحماي الحميه)
------------/-///---------
ردت يومك سلامه والي ..يعداي
وضل امخدره وتنغاض .يعداي
يريت الطبره بويه مرض يعداي
(وموت وياك يابويه سويه)
-----------------
جروح الگلب تنزف من..يلمها
طبرتك صارت بروحي ..ولمها
يتيمه بلا ابو تالي… ..ولمها
(تذوب الحجر دمعاتي الجريه)
----------------------
يكاس الصبر ماضلي ..وشل بيك
نزف گلبي شتضن ينفع..وشل بيك
يدهري شبيك ماترحم ..وشل بيك
(تجيب احزان وتكوم عليه )
------------------
يهلال اليتم لاشفتك .و.هليت
صباحك مكدر ودمعات ..هليت
بكترك بس هظم وحزان ..هليت
لوبيدك فرح ماجيت اليه )
---------------
شلون تروح وانه شلون.. بعداك
يهظمني الوكت لو رحت. ..بعداك
دبسك يادهر شتريد،… ....بعداك
(طرگ دمعاتي ضلن بس اليه)
----------------
امل فلوحي الموسوي
القصيده المشتركه بحق الامام علي (ع)
----------------------------
الدمعه محتاره عليك بعيني
وخطوه مابينك احس وبيني
اني اسأل ياعلي
الليله ترحل ياعلي
وخطوه مابينك احس وبيني
1
الدمعه محتاره عليك
ياعلي واني ادري بيك
الليله رايح
انت من ترحل اليوم
گلبي يبقه للهموم
وللنوايح
ارد اسألك عدمن امخليني
وخطوه مابينك احس وبيني
اني اسأل ياعلي
الليله ترحل ياعلي
وخطوه مابينك احس وبيني
2
طبرتك تنزف دموم
الموت هالليله يحوم
بويه تدري
واشبقالي من العمر
لو رحت شنهو الامر
خلص صبري
وانه أشوفن طبرتك تاذيني
وخطوه مابينك احس وبيني
اني اسال ياعلي
الليله ترحل ياعلي
وخطوه مابينك احس وبيني
3
بويه اشوفك منطرح
ونايم براسك جرح
مو عجببه
وانته حماي الحمه
راسك وينزف دمه
بهل مصيبه
انه يمك زينب وحاچيني
وخطوه مابينك احس وبيني
اني اسال ياعلي
الليله ترحل ياعلي
وخطوه مابينك احس وبيني
4
بيدي اشده وبالدمع
جرحك بگلبي وجع
بويه ساكن
ناري ضلت تستعر
وكسري لا ماينجبر
عيوني شافن
بويه بعدك زايده بونيني
وخطوه مابينك احس وبيني
اني اسٱل ياعلي
الليله ترحل ياعلي
وخطوه مابينك احس وبيني
5
گلبي بالهم مبتلي
وراح اودعك ياعلي
وبدمعتي
خلصت العشره بعد
وهذا المقدر وعد
ياحسرتي
ياهو بعدك ياعلي ايسليني
وخطوه مابينك احس وبيني
اني اسٱل ياعلي
الليله ترحل ياعلي
وخطوه مابينك احس وبيني
امل فلوحي الموسوي
لاستشهاد امير المؤمنين علي ابن ابي طالب عليه السلام
---------------------
تانيني تانيني… يالشايل التابوت تانيني تانيني
ارحم دمع عيني رايح ولينه اليوم ..ارحم دمع عيني
يالشايل التابوت تانيني تانيني
----------
يالشلته هون بيه خليني اودعه
تركض ركض شو بيه صوتي دسمعه
ناديت ياكرار وتهمل الدمعه
رايح يابو الحسنين وماألك رجعه
خليني خليني بس الزم التابوت خليني خليني
يالشايل التابوت تانيني تانيني
------------
اتعاتب انه وياه واكعد بكتره
خليني يا جناز بالحاله اخبره
وبچي بدمع مذروف وذكر الزهره
وحچيله حزني اليوم مخنوگه عبره
تاذيني تاذيني والحسره بالدلال تاذيني تاذيني
يالشايل التابوت تانيني تانيني
----------------
اركض وراك شبيك ريض يشيال
نزل النعش خليه ورحملي الحال
خليني اشوفه زين رايح للرمال
وداعيه بس اليوم زاد الحمل مال
فاجعني فاجعني موتك يحامي الجار فاجعني فاجعني
يالشايل للتابوت تانيني تانيني
---------
نزله دخله وياي ساعه مو اكثر
خليني اشمه انوب للعزه اتحظر
رايح ابوي شبيك گلبي تفطر
نزل النعش بهداي خل بيه يشعر
هاظمني هاظمني الدهر دومه وياي هاظمني هاظمني
يالشايل التابوت تانيني تانيني
-------------
تتعده اشوفك ليش شنهو القضيه
خليني احجي وياه حامي الحميه
واسال سؤالي نوب شوصيت بيه
لو رحت يا كرار وماتدري بيه
عايفني عايفني چنك يبوالايتام عايفني عايفني
يالشايل التابوت تانيني تانيني
------------
شهالقساوه البيك ماتنصف اشصار
بغالينه تمشي بساع لاحگ رملها الحار
ارحم گلب مكسور وصاير جمر نار
خليني اودعنه گلبي بعذابه احتار
ياحزني ياحزني صايرلي كيف وناي ياحزني ياحزني
يالشايل التابوت تانيني تانيني
---------------
چاوين تمشي بيه خليني اشوفه
خليني ابوس الراس واشتم چفوفه
خليني امشي وياك وسكن الكوفه
وكلما صدعني الشوگ كل لحظه اطوفه
باليني باليني يادهري بالونات باليني باليني
يالشايل التابوت تانيني تانيني
امل فلوحي الموسوي
قصيده لاستشهاد اميرالمؤمنين ع
----------------
ياعلي راسك بهاليله انشطر
ولسماء تنادي مذبوح الفجر
ماكشف مصباح الله ولابدر
ظلمه والدنيا افگدت واليها
--------------------
ياعلي الاملاك تنحب كلها ليك
والافلاك السبعه تبچي بس عليك
كلها چانت طايعه ومابين اديك
هسه تنحب كلها ومبچيها
--------
ياعلي عرش الله ينزف بالدمه
واعلياه صوت ناده من السمه
طاح حيدر والاركان امهدمه
نهدمت اركان الهدى البانيها
----------
ياعلي الدنيه عليك امكدره
اليوم ترحل ياصهر خير الوره
والملائك كلها نادت حيدره
بطيحتك بس تنحب امخليها
-----
ياعلي جرحك بعد مايندمل
هامتك منشطره ياخير العمل
والدموم تسيل من عدهاوتهل
وضربتك حاير طبيبك بيها
------
ياعلي من دونك الدنيا دمع
الليله كل شيعي ينوح ومنفجع
شايل الكرار من عدنه ضلع
والضلوع الباقيه مكسريها
---------
ياعلي كل ضلع بينه منكسر
بيوم طبرو هامتك وكت الفجر
كون ماشفنه الصبح ردنه ويطر
وهامتك منشوفها مطبريها
---------
امل فلوحي الموسوي
20 رمضان
26/5/2019
لاتديرون الوجه ونتم نجاة
ياسفينه شراعكم حاشه ايهدنه
حسين ياثمره دنيتي بالحياة
انتو سادتنه واملنه وكل اهلنه
ننطرد من بابكم وسفه نگول
منهو يشفع غيركم ويباوع النه
ليش يامولاي مانحمل زعل
ورحمة الله انسدت البيبان منه
وليش بابك ليش مسدود وحزين
ندري من ذنوبنه اوجهك يصدنه
تحله بس الكم دموع النايبات
والطم ميجوز بس لحسين جنه
بغفله ماندري وزلك جدم النعيم
وهسه حسينه بذنبنه من بعدنه
لوعه الفرگه تحز تحت الضلوع
وصفعه التأديب حيل تاذي خدنه
نعتذر تقصيرنه زاد الحدود
ردنه لحضانك يبو الشدات ردنه
ابابكم سائل واتوب انه اجيت
ونتو باب المغفره واهل المحنه
&&&&&&&
امل فلوحي الموسوي
الكافل جا وين
جا وين حسين
يغمضون العين
زينب بفراش،الموت
الليله اوداع ابلا صوت
الكافل چا وين
------------
انادي بصوت يخواني اريدنكم
اغمض العين لو گلبي يتانيكم
تغيب الروح نوبه تفز تحن ليكم
تدنه الموت خاف احجي واذيكم
زينب بفراش الموت
الليله اوداع ابلا صوت
الكافل چاوين
*
الاخت تنهاب كل الهيبه بخوتها
شحلات سباع لو حملو جنازتها
بيارغ عالنعش مهيوبه دفنتها
حسافه بت علي اغراب شالتها
زينب بفراش الموت
الليله اوداع بلا صوت
الكافل چا وين
*-***
بعد هيهات توصل الهم اخبارج
يزينب مابقه واحد يجي الدارج
هضيمه بالارض مدفونه اقمارچ
وصفيتي بلا اهل بالغربه يانارچ
زينب بفراش الموت
الليله اوداع بلا صوت
الكافل چاوين
*
استراحي وغمضيها العين يازينب
حترگ گلبج يبت حيدر يوج يلهب
شتنطرين ودمع عينچ جره ويصب
دكافي من العتب والروح تتعذب
زينب بفراش الموت
الليله اوداع بلا صوت
الكافل چاوين
شتنطرين ودمعتج من تهل جمره
وصوت الموت گرب ونتهى امره
وتدور عينج اعله الگمر تنتظره
وتحن الروح لمچ فاطمه للزهره
زينب بفراش الموت
الليله اوداع بلا صوت
الكافل جاوين
اريدنكم يخوتي بهاي ساعاتي
تحظروني ويريت اسكن بوناتي
صب عرگ المنيه وشفت مأساتي
مصاب الطف ذكرت وحرگ خيماتي
زينب بفراش الموت
الليله اوداع بلا صوت
الكافل چاوين
**
امل فلوحي الموسوي
قصيده بحق الامام علي (ع)
عندما كان يوصي ابنه العباس
------------------------
على افراش المرض وبأخر الانفاس
ناده بدمعه حيدر خل يجي عباس
اله عندي وصيه
عينه اعله السبيه
ناده بدمعه حيدر خل يجي عباس
1
حضر عباس يم حيدر بدمع العين
وزينب حاضره ويمها الحسن وحسين
صب عرگ المنيه والنفس بونين
ناداهم يبويه وسابل الايدين
جر ونه خفيه
وعينه اعله السبيه
ناده بدمعه حيدر خل يجي عباس
2
رغم جرحه الچبير وينظر بعبره
حس بهضم زينب خنگته العبره
نسه جرحه علي والالم والطبره
ناده ياكمر اوصيتي بالحره
ودمعاته جريه
وعينه اعله السبيه
ناده بدمعه حيدر خل يجي عباس
3
زينب كون محد ما يصل الها
من ايدي الاديك وهاي تكفلها
هاي اوصيه بويه بمهجتك خلها
لايوگع تخليه شيل محملها
شمعظم هالرزيه
وعينه اعله السبيه
ناده بدمعه حيدر خل يجي عباس
4
نظر عباس لاخته وحيدر اينضره
گال انه الكفيل وحيل دگ صدره
توصيني شتضن بوصية الزهره
لو امي ذخر ذخرتني مبتشره
ترضيها الزجيه
وعينه اعله السبيه
ناده بدمعه حيدر خل يجي عباس
5
انه المنذور الها وابقه خادمها
بدويه انه امي الزهره هي امها
شحده الي گرب ياعلي من يمها
مارايد حياته الراد يهضمها
چفوفي الها واديه
عينه اعله السبيه
ناده بدمعه حيدر خل يجي عباس
6
راح ارخص حياتي الها واسنيني
وفوگ اعله النهر راح انطي چفيني
يبويه الاجل زينب لا توصيني
وخل سهم الغدر يعميني ابعيني
واحمي الفاطميه
عينه اعله السبيه
ناده بدمعه حيدر خل يجي عباس
7
ادري ماتقصر ولله بيك ادري
وبدمك الغيره ياگمر تسري
گدها للكفاله وسلمت امري
ياعباس ادري توافي ياذخري
لچن بويه المنيه
وعينه اعله السبيه
ناده بدمعه حيدر خل يجي عباس
---------------------
الشاعره امل فلوحي الموسوي
غمضت عينك يحيدر وايست منك بعد
امل فلوحي الموسوي
باب العلم مطبور…الليله تحزن الطور
على الدنيا السلامه.. تون هاي اليتامه
باب العلم مطبور
-------------
نهدم باب الشريعه تنوح الاكوان
والعروى الوثقى وكل الاركان
فاز بطبرته ومنها اعتلى شان
حبيب المصطفئ وحجة القرٱن
بمحرابه سطع نور.. الليله تحزن الطور
بعد راحت ايامه.. تون هاي اليتامه
باب العلم مطبور
--------------
وگع جف الكرم ناصر المظلوم
مطبور الولي ومتغير الرسوم
ايتامه تنوح بدمعه وهموم
محبوب الفقير الراس مدموم
دمه يجري ويفور.. الليله تحزن الطور
ياوسفه وندامه… تون هاي اليتامه
باب العلم مطبور
------------
مطبور الفجر هالليله وينوح
وزينب بالحزن مكسورة الروح
نادت ليش دم الغالي مسفوح
ياجرح الاضمده هواي الجروح
ومن زينب وگع سور… الليله تحزن الطور
نكسر جنح الحمامه…تون هاي اليتامه
باب العلم مطبور
-----------
ضلت للصبح سهرانه الجفون
هاي الليله تتحب كل العيون
جرح الوالي بيه كامو يضمدون
ويابويه تنوح عياله وشلون
تنوح اعليه وتدور… الليله تحزن الطور
علي تنزف الهامه… تون هاي اليتامه
باب العلم مطبور
------------
شلون العيد اقبل يا ابو حسين
وانت بالتراب وغربه البين
ايتامك تضل بس دمعه وونين
تنادي والگلب مفطور نصين
دارك جان معمور… الليله تحزن الطور
اليوم اعلن ظلامه… تون هاي اليتامه
باب العلم مطبور
----------------
امل فلوحي الموسوي
علي علي علي علي
يون اعليك يابو حسين محرابك
وتنوح ايتام ياحيدر علي ابابك
علي علي علي علي
1
على بابك تنوح ايتامك بحسره
تريد تشوفك وبعيونها العبره
بلكي بأيدها تمسحلك الطبره
مو هين عليهم ياعلي غيابك
علي علي علي علي
2
تنادي بصوت ياحيدر علي احبابه
يا طبره جبينه الليله ومصابه
تون وتنوح كعدت تحن يم بابه
شتضن تنساك ياكرار احبابك
علي علي علي علي
3
هالليله بدمعها الفقره تنتظرك
تريد اتشوفك وتتطمن اعله امرك
تلگاهم يبوهم ضمهم الصدرك
طمنهم عليك اتنوح بعتابك
علي علي علي علي
4
راح اتودعك هالليله يابو حسين
ايتامك حزينه وتهل دمع العين
مايدرون راسك منطبر نصين
وميعرفون لوعت ياعلي اصوابك
علي علي علي عل
5
مايدرون نعشك ياعلي يطلع
اسمع ياعلي بصرخاتهم اسمع
كلها اتصيح ارجع ياعلي ارجع
تنطر رجعتك ومتانيه اجوابك
علي علي علي علي
------------------
امل فلوحي الموسوي
نسٱل الله القبول
قصيدة بحق الامام علي (ع)
----------------------
راح اشرح احزاني بدمع
لمن عفتني
دمعي يصب مثل الشمع
من ودعتني
حيدر يغالي -- شاهد احوالي
واماماه -- واماماه
1
ارحم بحالي يبويه وحن عليه
لو تضل وياي لو نمشي سويه
صعب اتحمل افراگك والزچيه
راح اضل انحب و ون ونه شجيه
مكتوب اضل بلوعتي
وتهل العيون
ماتخلص اتضل حسرتي
يابويه وشلون
هذا الجرالي -- شاهد احوالي
واماماه -- واماماه
2
بويه نعشك من مشه دوهن احوالي
اركض ابلايه وعي ونحب يغالي
صدك عايفني بدمع وتشوف حالي
بويه رفعة راسي ياذخري ودلالي
يابويه ماريد العمر
خليني وياك
ايامي ماتسوه التمر
صعبه بلياك
ضاعت امالي… شاهد احوالي
واماماه… واماماه
3
تدري ما احمل افراگك ليه اگرب
انطاك گلبك من مشيت اتعوف زينب
بعد موتك گلي بويه شبعد اصعب
راح اضل كل عمري ابچي اعليك وانحب
راح ابقه انحب بالدمع
ما اگدر انساك
وابچي عليك وعالضلع
ما احمل اجفاك
عايش ابالي -- شاهد احوالي
واماماه… واماماه
4
بويه يانسمه هوه لو رحت صعبه
بعدك يضيك النفس ويضيع دربه
نار يادمع العيون اعليك اصبه
دارك اظلم ياعلي وشلون اطبه
ناديت بويه ياعلي
ارحم دليلي
والهم ثگل ماينجلي
مانام ليلي
رايح دلالي… شاهد احوالي
واماماه ..واماماه
5
راح اصبر روحي واتحمل عذابك
ساكنه بگلبي تضل لوعت مصابك
فرگتك موهينه يابويه وغيابك
الليله كلها تنوح ياحيدر ابابك
راح ابقه بدموع الحرن
ما انسه يومك
كل العمر ابچي و اون
واذكر ارسومك
مره الليالي -- شاهد احوالي
واماماه ..واماماه
امل فلوحي الموسوي
نسأل الله القبول
قصيده بحق سيد البطحاء
ابي طالب (ع)
----------------------------------
يابو طالب ياجرح فوگ الجروح
بدمعه ابنك علي هالليله ينوح
مايبطل اونينه
علي الله يعينه
بدمعه ابنك علي هالليله ينوح
1
علي هالليله يبو طالب حزين
على فراگك حاير وتدمع العين
يبو طالب گلبه ذايب بالونين
وين يلگه ابو مثلك گلي وين
بس يدير بعينه
علي الله يعينه
بدمعه ابنك علي هالليله ينوح
2
الليله گلبك ياعلي جرحه عجيب
فاگد الليله الابو وضعه غريب
الحزن غيم وكل ونه بنحيب
مايسر حاله علي وعايش كئيب
راحت احلا سنينه
علي الله يعينه
بدمعه ابنك علي،هالليله ينوح
3
ياعلي الليله الدمع عالخد يسيل
الليله يتفارگ الخل وي الخليل
ابو طالب ياعلي ماله بديل
ومستحيل احد يعوضه مستحيل
شكوته البارينه
علي الله يعينه
بدمعه ابنك علي هالليله ينوح
4
الليله ظلمه الدنيا حزنانه السمه
نواسي بالدمعات حماي الحمه
گلب حيدر ينزف الليله دمه
والنبي المختار والد فاطمه
جرحه اثر بينه
علي الله يعينه
بدمعه ابنك علي هالليه ينوح
5
اخر اللحظات صعبه يالولي
لان همك بالحزن ماينجلي
يرحل الليله ابوك ومبتلي
بالهموم وعايش انته ياعلي
حاير امخلينه
علي الله يعينه
بدمعه ابنك علي هالليه ينوح
-----------------------------------
قصيده بحق سيد البطحاء ابي طالب (ع)
امل فلوحي الموسوي
انه زينب ..وين رايح ياعلي بويه هظيمه
انه زينب .بعد جرح الباب والقصه الاليمه
انه زينب… .انه زينب
--------------
مانسيت الظلع بويه ودفعه الباب
لوعة امي مانسيت الصدر منعاب
وهسه ياكراربويه تچمل الصوب
وين رايح ياعلي ارجع يبو تراب
انه زينب.. ليش بصباي وتخليني يتيمه
انه زينب.. بعد جرح الباب والقصه الاليمه
انه زينب… انه زينب
--------------------------ـ
وين رايح ياعلي عايفني انوحن
والدمع ماجف حنينه بيك اهمن
انكسركلبي واصد يابويه المن
بفگدك اسهام بدليلي وروحي يرمن
انه زينب. من بعد عينك اشوف الدنيا هيمه
انه زينب. بعد جرح الباب والقصه الاليمه
انه زينب…. انه زينب
-----------
مو وكت بويه رحيلك چن حلالك
تعوف زينب ونحرم منه دلالك
الموت مستانس ومشتاگ واجالك
ريته اجاني لا وصل ليك عتنالك
انه زينب. ياهواي وومنك اتفس نسيمه
انه زينب. بعدجرح الباب والقصه الاليمه
انه زينب… انه زينب
----------------
روحي ونت مثل ناي يدك ونينه
كيف صار النوح اليه ياولينه
لوتناشدني السنين الغالي وينه
وين حيدر وين عافچ ياحزينه
انه زينب. رحت وشضنيت روحي تضل سليمه
انه زينب. بعد جرح الباب والقصه الاليمه
انه زينب… انه زينب
------------------
نعشك نشال وسمانه تگطر ادموم
وناده المؤذن وكبر ياعلي اليوم
اشهدن مات حيدر بسيف السموم
ضامي كل ضن العقيله يتمم الصوم
انه زينب. العيد اجانه وراح ابونه ياحريمه
انه زينب .بعدجرح الباب والقصه الأليمه
انه زينب.... انه زينب
----------
امل فلوحي الموسوي
