3813
الشخص الذي لا يقرأ ليس أفضل حالاً من الشخص الذي لا يعرف القراءة.. فيكن منكبر وبدعمكن منستمر 😻 قناتي التاني @kalbazrak1993 بوت التواصل @Tauasol_bot
وبيوقف مقابيلا
سلطان: ولو مدام ماجدة يعني معقول جايبتيني على بيتك بغياب جوزك وحماتك
بس هيك! ! لانك بدك تحكي معي بموضوع، كان فيكي تجي لعندي، او تواعديني بشي كافيه
بس انتي جايبتيني لحتى تقتليني، هههههه غبية ومفكرتيني غبي متلك
لحتى اوثق فيكي
بقيت بمكانا ساكتة وجمدانة باارضها
عم تتمنا الارض تنشق وتبلعها
سلطان(بااستهزاء): روحي جيبي العصير ليش وقفتي ومتل ماقلتلك كتريه للسم لانو انا سلطان
وسلطان مابموت بسهولة فتحي عينك منيح
ماجدة:....
سلطان(بيضحك بمسخرة):هههه شايفك خفتي يابنت جوز اختي،بس شوفي حقك تخافي
وبتصير نظراتو شريرة
سلطان: لاني انا بخوف كتير. ومابنصحك ابدا تحطي راسك براسي،
لف ضهرو واجا ليمشي رجع التفت لعندها
سلطان: سلام بنت جوز اختي
تركها وطلع من البيت وهو عم يضحك عليها
وبقيت هي متبسمرة باارضها عم تاكل حالها من القهر شدت ع قبضتها بقوة وقعدت على ركبتها
وصرخت
ماجدة: بفرجييييك يااااحقييييييرررر
-------------------------
المسا
ببيت سلطان
كانو قاعدين هو وريما
وعم يلعبو شطرنج
وعم يتحدو بعض
سلطان: حتخسري عم قلك
ريما(بمسخرة): ههه اي منشوف مين رح يخسر
وفجأة حركت ريما احد الاحجار وضربت احجار سلطان
واطلعت فيه بثقة
ريما: وهي كش ملك.شفت شلون خسرتك سيد سلطان
سلطان: حلو والله طلعتي محترفة يابنت
ريما(بغرور): اي لحتى تعرف مع مين عم تلعب
سلطان: ع فكرة انا ماحدا بيغلبني بهاللعبة، بس انتي كيف غلبتيني مابعرف،يافضيحتك ياسلطان العمري بنت غلبتك بلعبة شطرنج
ريما: هههه يعليي كبيرة بحقك مو
سلطان(بوجه مبتسم): كبيرة كتير ، بس رح مشيها لانك مدللة
بتحط ايدها ع خدها وبتسندها عالطاولة وبتتبسم بدلع
ريما: وليش بقا مدللة لاني اختو للبيك الصغير
لمعو عيونو وبلشو دقات قلبو يتسارعو
اطلع فيها بحب ونطق
سلطان: لا لاني بحبك
صابتها الصدمة اول ماطرقت كلمتو بدانها
شالت ايدها من ع خدها وجلست قعدتها وهي شاردة بلعبة الشطرنج وعلامات الصدمة واضحة ع وجها
سلطان: شبك، ليش نخطف لونك
ريما:....
سلطان: ريما عم احكي معك
فاقت من شرودها واطلعت فيه
سلطان: كلامي دايقك شي؟
ريما:...
سلطان: مابحب كرر سؤالي ياريت تجاوبي
ريما(متوترة): مابعرف شو بدي قلك
سلطان : قولي يلي بقلبك
ريما: هو انت عنجد عم تحكي؟
سلطان: اي عنجد، ليش بهالشغلات في مزح؟ !!
ريما:....
سلطان(بعصبية): رجعنا للسكوت ريما؟ !
ريما:بس انت كيف هيك، يعنييي كيف حبيتني؟
سلطان: عادي متل ماكل العالم بحبو،ليش بدايقك هالشي؟!
قامت من محلها ووقفت قدام جام البلور يلي كان بيطل ع حديقة البيت ودارتلو ضهرها
قام من محلو ووقف وراها وحط ايديه ع كتافها
سلطان: ليش عم تهربي من اسالتي،جاوبيني، انتي بتحبيني؟ !
حست بديقة وغصت بالبكي وبلشو دموعها يهرو ع خدودها
ريما: خلص سلطان تركني
سلطان: مارح اتركك جاوبيني شبك ليش عم تبكي
وفتلها لعندو وبلش يطلع بعيونها يلي كانو مليانين دموع
سلطان:قليلي ليش عم تبكي شو يلي مزعلك،مابتحبيني؟ ! قولي احكي
ريما(بتتهرب من نظراتو):تركني مشان الله تركني
سلطان: مابدي انا بحبك ريما بحبك مستحيل اتركك
ريما(تبكي): بس انت مابتعرفني منيح، لوكنت بتعرفني كنت كرهتني ، سلطان انا مابستاهلك، انا وحدة حقير كتير
سلطان: مبلا بتستاهليني، بتستاهليني وكتير كمان،
ريما: لامابستاهلك لو انت بتعرف انا شو عاملة كنت عرفت انو مابستاهلك
سلطان: بعرف بعرف كل شي ورضيان
زاد صدمتها اكتر واطلعت فيه بعدم استيعاب
ريما:شوووو؟ بتعرف؟
سلطان(هز براسه): اي بعرف بعرف كل شي، اساسا انا موجود هون لساعدك، وبدي منك تحكي الحقيقة وتريحي حالك وتريحيني
ريما: بس انت كيف عرفت؟!!
سلطان:بعدين بتعرفي
ريما(رجعت تبكي): بس انا مابقدر احكي شي
سلطان: ليش مابتقدري؟ بتخافي؟ انا معك ماتخافي مارح يئذوكي صدقيني
ريما: مبلا رح يئذوني
سلطان: قلتلك انا معك ومستحيل حدا يقدر يمس شعرة منك طول ماني موجود، انتي بس احكي الحقيقة ووحياة عيونك رح كون جمبك
ريما: مابقدر بخاف
سلطان: لاتكوني جبانة ريما، احكي وخلي هشام يعرف الحقيقة ،احكي ورجعي حق اخواتك هناء وادهم، حرام ريما حرام تضلي ساكتة،ازا بتحبيهن عنجد رديلهن اعتبارهن
ريما: بلكي قتلوني
مسك وجها بحنية وصار يمسح ع شعرها
سلطان: والله العظيم ماحدا رح يسترجي يقرب عليكي، احكي ريما احكي، انا رح كون معك وحياة عيونك
نزلت راسها بالارض وهي محتارة باامرها
ريما:...
رفعلا راسها وثبت عيونو بعيونو
سلطان: لاتسكتي قولي شي
ريما:.....
سلطان: طيب قوليلي انتي بتحبيني؟
ريما:...
سلطان: جاوبي
هزت براسها بهدوء (اي)
وضلت ساكتة
ابتسم ابتسامة رضا
سلطان: معناها ازا بتحبيني عنجد اثبتيلي هالشي،
ريما: على ذوقك مابتفرق
سلطان: وبلكي معدتك ماعجبا ذوقي
ريما: ههه لا لاتاكل هم بيعجبا
سلطان: طيب لكن
وبيأشر باايدو للكرسون
------------------------
عند عماد وصافي
كانو لحالهن ومعلقين من ايديهن
بعد مااكلو ضرب من ادهم لتورم جسمهن
صافي(بتعب): اااااخ الله لايوفقك ياعماد كلو بسببك
عماد: وانا شو دخلني
صافي: مو انت يلي كان بدك ياني اقتل اخوك ياكلب
عماد: صح انا قلتلك، بس ماضربتك عاايدك
صافي: يخرب بيتك شوعملت فيني
عماد: ولك خلص خراس عااساس انا انظم ماانا اكلت ضرب اكتر منك
صافي: ولييي وليي رح موت من الوجع
بيبلش عماد يصرخ
عماد: ياااااجماعة في حدا هون!!فكونا والله تعبنا ببوس ايدكن فكونا
بيجي واحد من الشباب ع صوتهن
--:ليش عم تصرخ ولاه شنتير!
عماد: لك مشان الله فكونا والله ايدينا نشلو
--:ولسا بدك تنشل كلك
عماد: لك ببوس ايدك شو مابدك بعطيك بس فكني كرمال الله
--:نضب احسن مااجي انزع مساك اكتر من مالو منزوع
عماد: لك مشاان الله
--(بصراخ): خلص بقاا ولاه، بديني اذا مابتسكت لخلي دمك حميمك
وبيدير ضهرو الشب وبيطلع وبيقفل الباب
وعماد بيحس بالخنقة واليأس وبيبلش يبكي ويستنجد
عماد:ياربي دخيلك والله ماعاد فيني اتحمل
-----------------------
عند سلطان وريما
بعد ماطلبو العشا
وكانو عم يتعشو
كان العشا عبارة عن شرحات دجاج مشوية
وجمبها انواع كتيرة من السلطات والخضروات
سلطان: شوعجبك العشا
ريما: تمام يسلم ايديك، بس كأنك بتحب الخضرا كتير!!
سلطان: في اطيب من الخضرا، مفيدة ومليانة فيتامينات وبروتينات
ريما: حلو شكلك بتهتم كتير بصحتك
سلطان: اكيد اذا انا ماهتميت بصحتي مين بدو يهتم فيها،اساسا انا اغلب اكلي خضار
بس باكل دسم بالاوقات الاستثنائية
ريما(بفضول): مثلا ايمتا!؟
سلطان(بضحك): مثال وقت بكون عندي عزيمة متل هلق ، او وقت بكون عندكن بالبيت، طبخات اختي بتخليني اخترق القوانين كلها،
ريما: وانا هلق خليتك تخترق القوانين
ترك الشوكة من ايدو وصفن فيها وحكا بهدوء
سلطان: عادي كرمالك بخترق القوانين مابهمني
بتتلبك وبتترك الشوكة من ايدها وبتسند فكها عاايدها
سلطان: مرة تانية
ريما(بتساؤل):شو؟
سلطان: مرة تانية تلبكتي
ريما(بترجع بتنزل راسها):...
سلطان: ع فكرة بحب البنت الخجولة ،هيك بحسها فيها انوثة اكتر
بتضل ساكتة ومتلبكة من كلامو يلي عم تحسو تسميع الها
وبيكمل هو كلامو
سلطان:بس بنفس الوقت مابحب تكون جبانة يعني حلو كمان تكون شوي شخصيتها قوية
مثال : اذا كان حدا مهددها بشي، تتجاهل تهديداتو وتعمل يلي هي بدها ياه، ويلي حاسستو صح
استغربت اكتر من كلامو يلي كانت عم تحسو مفصل عليها ومقصود ومليان الغاز واطلعت بحيرة
شوقصدو عن شو عم يحكي
وهو فهم انو كلامو ضرب عالوتر
وصار بقا بدو يغير الحديث
سلطان(بمكر):شبك ليش عم تتطلعي فيني؟!
اه صح
وصار يأشر بعيونو ع حالو بغرور
سلطان: كيف طالع انا اليوم هيبة ما
وغمزها بعيونو
ريما(بتحاول تبان طبيعي وبتتبسم عالخفيف ): اي هيبة يخزي العين عنك
سلطان: اصلا انا بعرف حالي، بس قلت اسالك اخد رأيك
ريما(بااعجاب): حلوة كتير ثقتك بنفسك
سلطان:اساسا انا مليان شغلات حلوة لسا ماكتشفتيها
ريما: مو مشكلة منكتشفها
سلطان: اكتشفيها، بس كملي اكلك اول
ريما: لامعلش شبعت
سلطان(بااستهزاء): لاعنجد!! لو عصفور بياكل اكتر منك
ريما: انا هيك باكل
سلطان: اي بس تكوني لحالك بتاكلي هيك، وانتي معي بتاكلي ع كيفي
ريما: بالله شو 😕
سلطان(بفخر): اي لكن وقت تكوني مع سلطان العمري بدك تسمعي كلمتو
واشرلا بعينو
سلطان:يلا يابنت كلي
ضحكت بوجهو وشالت الشوكة وقررت تسايرو
ريما: حاضر
سلطان: صح وماقلتلك ، انا بمووت بالبنت المطيعة هي يلي بتقلي حاضر
ريما(بخجل): خلصنا بقا
سلطان: طيب طيب رح اسكت امري لاالله
كملو اكلهن وقضو وقت حلو كتير مع بعض
وتنيناتهن كانو مبسوطين من جوا
وبالاخص ريما كانت عم تحس في شي متل المغناطيس عم يسحبا الو
ثقتو بنفسو شخصيتو القوية كلامو
واسلوبو الرايق
كل الوقت هو عم يحكي وهي عم تسمعو ويزيد اعجابها فيه اكتر
واكتر
ومررررقت فترة
وكان سلطان كل الوقت عم يتقرب منها وعم ينشد الها متل ماهي عم تنشد الو
كانت ريما قاعدة بمكتبها
وعم تظبط شوية شغل
وفجأة رن تلفونها
وكان الاتصال من سلطان
صار قلبها يخفق بسرعة وردت عليه
سلطان: انا تمام مشتقلك كيفك انتي
ريما(بضحك):متل العادة دائما انت الي بتبلش الحكي
سلطان: بحب اختصر
ريما: اممم هيك لكن
سلطان: شوعم تعملي
ريما: ولاشي بالشغل عم وقع شوية اوراق
بدي خلصهن لهشام
سلطان: البيك الصغير لما بتحكي عنو قدامي بتقولي البيك الصغير
ريما: ههههه امرك
سلطان(بحب): بحبا لهالكلمة منك كتير
محمود:قولي كل شي بقلبك وريحيني ماتخليني مستني قليلي انتي بتحبيني؟! انا بعجبك؟ احكي
حتى لو كان جوابك لا رح اتقبلو
ياسمين:...
شد ع ايدها اكتر وعيونو كانت عم تتوسل الها تحكي
مد ايدو التانية ورفعلا راسها
محمود: احكي ياسمين جاوبي بتحبيني؟
ابتسمت بحب يلي كان عم يستناها محمود منها وهزت براسها
ياسمين: اي بحبك
بحلق عيونو فيها متل الاجدب وصار يتلفت يمين شمال ورجع يطلع فيها بعدم تصديق
محمود: شوقلتييي بربك عيديها
حطت ايدها ع تمها وصارت تضحك بنعومة
صفن فيها
محمود: يالله مااحلا هالضحكة، امانة عيدي الي قلتيه
ياسمين: قلت بحبك
حط ايدو ع قلبو وصار يتغما
محمود:ولييي مااحلاها هالكلمة عيديها كمان
ياسمين: هههه لك خلص بقا شبك جنيت !
محمود(بفرح): لككك اي اي جنيت اي عيديه يلا
ياسمين: لا مارح عيدا خلص فضحتنا
رفع ايدها وانحنا وباسها واطلع بعيونها
محمود: ياسمين
ياسمين:عيونا
محمود: يااااا عفوك يارب ولك دخيل عيونها انا اي!؟
ياسمين(بخجل):شوكان بدك تحكي
محمود: كان بدي قلك اني بعشقككك
ياسمين: وانا كمان
محمود(بفرح): يااااااستار استرني لاانجلط من السعادة الي انا فيهاط
ياسمين(عم تضحك): لك بعيد الشر
بيحطلا ايدها ع قلبو
يلي كان عم يعزف سمفونية العشق
محمود: شوفي بربك شوفي قلبي عم يدق كأنو طبل،اقسم بالله واحلا
صارت تتلفت حواليها كانو الناس عم يطلعو عليهن
حست بالخجل وسحبت ايدها
ياسمين: لك يامجنون العالم عم يتطلعو علينا
محمود: خليهن يتطلعو مابتفرق
وبيتلفت حواليه وبيحكي بصوت عالي
محمود: بحبا ولووو ،اشهدو اني بحبا لاام عيون دباحة
حست بالاحراج قامت من محلها وشدتو من ايدو
ياسمين: لاانت فعلا مافي ولافيوز، قومي معي فضحتنا قوم
محمود(بصراخ): شهدووو بحبااا
ياسمين(بتحط ايدها ع تمو): لك خلص هس
قومتو من عالكرسي ودفعت الحساب وشدتو وطلعت
بينما هو عم يصرخ: بحبا وبتحبني
والعالم عم تتفرج وتضحك عليه
-----------------------
عودة عند ادهم
داخلة. بخطوات ثقيلة
عيونها مليانين دموع وقهر
قربت منهن ووقفت بين التنين وهنن تفاجئو فيها
واطلعت فيهن بحقد ونفجرت بالبكي وصرخت
هناء: هااااد انتو ياكلاب، ياوسخين، تفووو عليكن
عماد(بتوسل): هناء مشان الله كل شي بدك ياه بصير قليلو يفكني
هناء: مافشرت ياكلب
قرب لعندها ادهم
وحط ايدو ع كتفها وعطاها الكرباج
ادهم: خدي اختي خدي
تسلي فيهن
هناء: تسلا فيهن انت انا بدي اقعد اتفرج واتلذذ بصوت عذابهن لهالانجاس
ادهم: اي تكرم عينك هنوئتي وحياتك لااسلخ جلدهن
وبيروح لوراهن وبيبلش فيهن ضرب
وهناء بتضل مكانها عم تراقب وتبكي
اول مرة بتكون بهالقسوة
اول مرة بتتحمل تشوف حدا عم يتعذب ويصرخ من الالم لا وبتنبسط
يمكن لانو نجرحت كتير، يمكن لانو الدنيا قسيت عليها
شدت ع ايدها وصرخت فيهن
هناء: بتستاهلو ياكلاب ان شالله بتموتو
-------------------------
ببيت ماجدة
كانت قاعدة مع حالها وافكارها مخربطة
ابنها من ميل. وقصتها مع سلطان من ميل
ساندة راسها عالكنبا وضامة رجليها وعم تبكي
ماجدة: ياربي شوبدي اعمل، مابكفي ابني مو مبين عنو شي، منين اجاني هاد سلطان، لا والي بيقهر اكتر. فداء وعماد مختفيين واحد مسافر والتانية ماحدا عم يعرف عنها شي لاهي ولاجوزها
وينها ياترا
بتشيل تلفونها وبتتصل بصافي
ماكان في رد
ماجدة(بقهر): ياربي شو اعمل لك وينهن هدول ليش ماعم يردو ليش
----
عند ادهم
دخل لعندهن واحد من الشباب
وباايدو موبايل قرب لعند ادهم وعطاه ياه
ادهم: شوهاد
الشب: تلفون صافي ماعم يوقف اتصالات
اخد ادهم التلفون وفتحو
كانت مكالمات من ماجدة وهشام وكل العيلة
ورسائل
فتح ادهم وحدة من الرسائل كانت من ماجدة مكتوب فيها: صافي وينكن مختفيين فداء وينها شبكن صاير معكن شي؟ رد عليي الله يوفقك
بيسكر الرسالة وبيقرب من صافي
ادهم: وينها فداء ولاه
صافي (عم يرجف): م م مابعرف
ادهم: كيف يعني مابتعرف؟ احكي وينها
صافي: الله وكيلك مابعرف
ادهم(بتهديد): متاكد!!
صافي(بخوف): متاكد
بيهز براسو بمسايرة وبيأشر لواحد من الشباب
ادهم: عطيني سيجارة
بيقرب الشب وبيحطلو سيجارة بتمو وبيشغلو ياها
بيمسكها ادهم وبيتطلع بهناء وبيغمزها
ادهم: هنوئتي اشهدي قال مابيعرف
هناء:...
بيقرب من صافي وبيشيل سيجارتو وبيلزقها باايد صافي
وهناء بترتعب وبتدير وجها
ادهم: قلتلي مابتعرف
صافي(بصراخ): اااااااااااخ مشااان الله شيلا
ادهم: مابتعرف وينها ما
صافي(عم يتوجع): لكك بعتها بعتها
بيشيل ادهم السيجارة وبيتطلع فيه بصدمة
ادهم:بعتها؟
صافي: ااااخ لك اي اي بعتها
ادهم: لمين بعتها لك حقير!
صافي:شبكة تجارة اعضاء، هلق بيكونو دبحوها ومشي الحال، الي يومين مسلمها
بتنصدم هناء وبتشهق وبتحط ايدها ع تمها
عاجبتني معناها سبيت !يخرب بيتك عهالمخ
ادهم: لك حاج تعيدا
سلطان:لاحول ولاقوة الا بالله، طيب اختكك مو عاجبتني رتحت هيك
وبيرجع يتطلع بهناء يلي كانت فارطة ضحك. وبيضحك
بتوقف هناء،ضحك وبتحكيه بجدية
هناء: خالو عنجد انت بتحبا لريما!!
سلطان: لا ماوصلت لهون لسا، بس،عجبتني
هناء(بفرح):حلو كتيير، طيب وهي !!
سلطان(بغرور):وهي كمان معجبة فيني
هناء:عنجد! هي قالتلك !
سلطان:لانظراتا قالولي
ادهم (متدايق) :حلو كتير عامليلي فيها روميو وجولييت انت والست ريما 😐
هناء(مستغربة): اي وانت ليش،متدايق ! ليكك بتعرف انو الدكتور عامر بيحبني وماتدايقت
ادهم:لانو هداك بيحبك عنجد ماتدايقت
وبيتطلع بسلطان باانزعاج وبيكمل
ادهم:اما الافندي خالك
بيقاطعه سلطان: لحظة لحظة!! ولاه حيوان! انت مفكرني بدي،اتسلا مع ريما يعني!!
ادهم:والله مابعرف سأل حالك 😐
سلطان(بصدمة):الله لايوفقك شو جحش لاعنجد جحش
وبيعصب وبيدير وجهو عنو
ادهم: خال ازا سمحت لاتغلط
سلطان: اي لا بدي اغلط وكتير
يخرب بيتك كيف فهمتني، لك انا ماكان قصدي شي سيئ ناحية البنت، انت سالتني ليش مهتم بريما وانا جاوبتك بكل صراحة لانها عاجبتني، وانا بالاول كنت رح خليها تحكي بطريقة قاسية كتير، بس لما شفتها رتحتلا وحسيتها فعلا مغلوبة عاامرها
وعجبتني البنت هيك رتحتلا، شوفيها "!؟ بشو غلطت؟
ادهم:....
هناء: خالو انت موغلطان، بس ادهم فهمك غلط
وبتنكش ادهم وبتغمزو بيطلع فيه ادهم
ادهم: حقك عليي خال فهمتك غلط
سلطان: هالمرة سماح،ياويلك ازا بتعيدا 😒 بلكي بعلقك جمب عمك عماد
وبيتطلع بهناء وبيغمزا
وبيكمل:عمك عماد يلي بتشبهو كتير
بتحط ايدها هناء ع تمها وبتحاول تخبي ضحكتا
بيطلع فيها ادهم وبيشدها من شعرها
ادهم: كلو منك يانكاشة الببور
هناء(عم تضحك): هههههه اخ وجعتني تروك شعري
بيقرب سلطان وبيشيل ايدو عن شعرها
وبيقعد جمب هناء وبيحضنا
سلطان: بعد ولاه ياويلك ازا بتمد ايدك ع مدللتي
ادهم: اساسا 😒 انت وبنت اختك نفس التفصيلة مابتفرقو بشي عن بعض 😒
هناء(بغرور): اي الي الشرف اطلع لخالو
ادهم: اي تتهني 😒
قطع حديثهن صوت رنة موبايل سلطان
بعد عن هناء وشال موبايلو وفتح الخط
سلطان: الو نعم
--:كيفك سلطان بيك
سلطان: هلا مين معي!
ماجدة: معك ماجدة
بينقل نظرو عاادهم وهناء وبيبتسم ابتسامة نصر
سلطان:اهلين بمدام ماجدة والله ،طمنيني ان شالله التقا ابنك!؟
ماجدة(بحزن): لا للااسف
سلطان: لاحول ولاقوة الا بالله الله يردو بالسلامة
ماجدة:شكرا يابيك ع كل الاحوال انا اتصلت لااحكي معك بغير موضوع
سلطان: اي تفضلي!
ماجدة:ياريت لو نحكيه وجه لوجه افضل
سلطان: اي ماعندي مشكلة وين بدك نلتقي!
ماجدة: فيني اجي لعندك؟
سلطان: اي يااهلا وسهلا بتشرفي
ماجدة: طيب بعتلي اللوكيشن وانا مسافة الطريق وبكون عندك
سلطان: ماشي ماشي ثواني وبيكون وصلك
ماجدة: اوكي تمام باي
سلطان: الله معك
سكر الخط وبعتلا موقع بيتو
وحط التلفون جمبو
واطلع عاادهم وهناء يلي كانو عم يستنو يخلص المكالمة
ادهم:شوبدها؟
سلطان(بااستهزاء):هه قال بدها تشوفني
هناء: ليش شوبدها منك؟
سلطان: مبينة بتكون حست اني بعرف ببلاويها، ف بدها تجي تسكتني
ادهم: لعما بعيونا مااحقرها
هناء: وشوقصة ابنها كمان!
سلطان: مخطوف من مبارح وماعم يعرفو وينو
بتحط ايدها ع قلبها وبتشهق
هناء: شو هالحكي! كيف؟
سلطان: بعدين بحكيلك
روحو هلق دخلو قعدو بشي غرفة
لبين ماتجي وتروح
ادهم: لاخال بدك تسمحلنا نحن بدنا نمشي
سلطان: خليكن اليوم!
ادهم: لامعلش، خبروني الشباب انهن جابو صافي بدي روح شوفو ونرجع ع طرطوس
سلطان: طيب روح انت وتركلي هناء
هناء: لاخالو بدي روح معو جاي عبالي اشمت بصافي وعماد وبعدين مابقدر ضل، عندي دوام بالمشفى ، بتعرف انا هلق بمرحلة الاختصاص ولازم التزم
سلطان: طيب خالو متل مابدك
قامت من محلها وقام معها ادهم
قربت هناء لعند سلطان وعانقتو وغصت
هناء: بخاطرك خالو دير بالك عالماما وبوسلي ياها
سلطان: تكرمي ياروحو لخالو وانتي كمان انتبهي عحالك
هناء: امرك
بعد عنها ومسكلا وجها ومسح ع راسها بحنية
يتبع.
بعدين بزتها للشباب يشرحوها
بيطالعو منها الي بينباع. والباقي للكلاب
صافي(ب شر) : ههههه روووح الله يهنيك
قاسم:بس يخرب بيتك عهالزوق الي عندك، واللهي مرأة صاروخ ولكك صاروخ ارض ارض
صافي: اي تتهنا حبيبي تتهنا مبروكة عليك،
قاسم: الله يبارك فيك
صافي:يلا لكن. روح شكلس امورك ونبسط
قاسم(بخبث):اي باامرك انا حبيبنا
صافي:سلام معلم
قاسم:الله معك
سكر الخط وحط التلفون من ايدو وقام على حيلو
صفن بالحيط وابتسم بخبث
صافي(بمسخرة):هه ياخطيتك يافوفو على هالعلقة الي علقتيا
مشي بخطوات عادية ع غرفتو
وفتح الباب ودخل
كان في عالتخت شنطة سودا كبيرة
فتحها وصار يطالع من قلبها رزم مصاري ويتصفن فيهن بفرح
ويشمهن ويبوسهن
صافي:ياتقبروني مااحلاكن. ياامي دخيل هالريحة انا، لك والله انتي يافداء حقك دهب، اي والله دهب
وصار يضحك بشكل هستيري قلب ع ضهرو وكمل ضحك وهو متسطح
--------------------
عودة عند فداء
كانت لسا قاعدة ورا الباب وعم تبكي
وفجأة بتسمع صوت حركة عند الباب من برا بتلتفت لوراها وبتبعد عن الباب
بيدخل قاسم لعندها وبيقرب منا بخطوات بطيئة ومرعبة
وكل ماقرب خطوة بتبعد عنو لحد ماتلزق بالحيط
صار قريب منها كتير وعم يتطلع فيها بوساخة
فداء(بخوف):شوبدك مني
قاسم: ولو ياقمر يعني مو مبين شوبدي!!
فداء: ازا بتقرب مني بقتلك
قاسم(بيضحك بصوت عالي):ههههههههه انتي بدك تقتليني!! لا ياحلوة لا مو منيحة بحقك، يعني مرأة متلك قمر بتقتل! ! مابصدق
وبيقرب منها اكتر وبيلزق فيها
بتصرخ فيه فداء: بعددد عنيييي
بيمسكها من كوعها وبيجرها لبرا بقوة
قاسم: امشيي معي
فداء(عم تبعدو عنها); لك عم قلك تركني
قاسم(ب شر): ههه اي ماشي ماشي بتركك بس هلق عاوزك
بيضل ساحبها وهي عم تصرخ
ليوصل لباب غرفة
بيفتح الباب وبيدخلها وبيرميها عالتخت
وبيدخل وبيسكر الباب
---------------------------
باليوم التاني
عند عماد
كان مربط عالكرسي ونايم
صحي على صوت الباب
لما نفتح ودخلو منو شبين
ومعهن حدا تالت رموه بالارض
وضربوه برجليهن
اطلع عماد عالشخص بصدمة
عماد:صافي!!!
رفع راسو صافي بتقل واطلع فيه وهو عم يتوجع
صافي: انت شوعم تعمل هون!!
عماد(بخيبة): متل ماانت عم تعمل ،شكلنا وقعنا يارفيقي
اطلع صافي حواليه بعدم استيعاب ورجع اطلع ع عماد مستني منو يفهمو
عماد: ادهم ياصافي ادهم وقعنا باايدين ادهم
كان عم يحاول يستوعب كلام عماد واول ماوصلتلو الفكرة بلع ريقو بصعوبة
صافي(بخوف): وليييي ازا هالحكي صحي
قربو الشباب من صافي وجروه من ايديه ليربطوه
كان هو لسا مصدوم ومرعوب
ومااصدر اي ردة فعل
---------------------------
ببيت سلطان
كان رجب قاعد ولافف رجل ع رجل وعم يشرب كاسة عصير وماسك مراية عم يتطلع بحالو ويمشط دقنو
دخل رجب لعندو ووقف وراه
رجب:سلطان بيك، ادهم اجا ومعو بنت قال بدو يشوفك
حط المراية من ايدو واطلع ب رجب بحماس
سلطان: دخلهن بسرعة
رجب:امرك يابيك
طلع رجب لبرا ودخل ادهم وهناء
كانت هناء متلبكة ومابدها تدخل
وقفت ومسكت ايد ادهم
ادهم(مستغرب):شبك وليه! خلينا ندخل
هناء: مابدي بخجل
ادهم:هههه لك شوفي بخجل خالك هاد شبك
هناء:من زمان ماشفتو بخجل منو
ادهم: اي دخلي وبلا مياعة. هلق بس تشوفيه بروح الخجل بتعرفي حليوة هو
وبتضل واقفة مكانها ومابدها تدخل لحد مايجي سلطان هو لعندهن
سلطان: شوو بدكن ساعة لتدخلو
بتتلبك هناء اكتر وبتحس بالاحراج بيقرب منها سلطان وهو عم يتطلع فيها ويبتسم
سلطان: بسم الله ماشاء الله ياارض حفظي ماعليكي اي شوهالحلاوة كلا لك خالو هلق انتي هنوئة!
بتنزل راسها بالارض وبتخجل اكتر
ادهم:ههههه لك تركها من غير شي خجلانة قال
سلطان(بضحك): من شو خجلانة !! انا خالك هبلة والله مو عريس بدي اخطبك
واخيرا تشجعت ورفعت راسها
وابتسمت وقرب منو وعانقتو
سلطان:ياحبيبتي مااحلاكي صايرة صبية لك هنو، وقت تركتك كنتي فصعونة لسا
بعدت عنو واطلعت فيه بدلع
هناء: بس حليانة اكتر لسا مو
ادهم: ياحبيبي فك الخجل لحق بقا ع شوفة حال
سلطان: صايرة قمر ياروح خالك، واحلا من كل اخواتك
واطلعو تنيناتهن ع ادهم بجكر
هناء:ييي لك تسلملي ياخالو، والله انت القمر يخزي العين عنك ياريت لو ادهم طالع بيشبهك
بس للااسف طلع بيشبه عمو عماد بكل شي
ضحك سلطان بصوت عالي وصار يطرق ايديه ببعض
بينما ادهم عم يتطلع بهناء وكأنو بدو يدبحا
ادهم: الحق مو عليكي الحق ع يلي جابك معو
اطلع فيه سلطان وهو عم يحاول يوقف ضحك
سلطان: خرجك الله لايقيمك
قربت هناء من ادهم وشدتو من خدو
هناء:اي ولو عم نمزح شبك
ادهم(زعلان):بعدي عني
هناء:اسفة والله ماعاد عيدا سامحني
ادهم:فشرتي 😒
هناء:امانة دودي والله اسفة🥹
سلطان: هههه خلص دخلو تراضو جوا بلا مانضل واقفين هون
بس ضلو ساكتين
بينما ماجدة حاولت تبين طبيعي وتخفي توترها
ماجدة: اي تصلحت الحمدلله
وبيهز براسو (وبيحكي بلهجة اكتر استفزاز)
سلطان: اممم حلو كويس مبروك، بس كأنو سيارتك متل سيارة هشام يلي راحت بالحادث! !!!
وهون ماجدة توترت وحست بالخوف اكتر وفهمت انو سلطان ماسك عليها ممسك
ماجدة(متلبكة): لا ابدا مابتشبها
سلطان: بس انا شفتها، نوعيتها شفروليه ولونها فضي، ههه شكلكن بتحبو تشترو نفس بعض انتي واخوكي البيك الصغير
واطلع بهشام يلي كان ماعم يستوعب شي
تلبكت ماجدة اكتر وقامت من محلها
ماجدة: رح اعملكن قهوة
ومشيت بطريقها ليوقفها سلطان بصوتو
سلطان: ياريت لوتجيبيلنا عصير ليمون، مشان نهدي اعصابنا
بترص عاايدها وبتدخل عالمطبخ
بينما اياد عم يتطلع فيه مستغرب من تصرفو مع ماجدة الي مو مفهوم وكلامو يلي كان مليان الغاز
بالنسبة الو
قرب هشام لعند سلطان وهمس باادنو
هشام:شبك سلطان؟ هلق وقت السيارات!!! مانك شايفها رح تجن عاابنها
سلطان: اي ولو حبينا نغير جو،
هشام:تغير جو قلتلي 😒 بعدين من ايمتا ماجدة سيارتها متل سيارتي، في فرق من السما للاارض بس انت خرفان ومعك عمى
دار سلطان وجهو عن هشام وحكا بهمس
سلطان: والله ياهشام انا ماني خرفان، بس انت حمار ومابتفهم
هشام:لك شو عم تبربر!!
بيندار لعندو
سلطان:سلامتك ابن اختي سلامتك
وبيطلع بااياد وبيرفع صوتو
سلطان: الله يرجعلكن الصغير بخير وسلامة
اياد:شكرا سيد سلطان كلك زوق،،،
بالمطبخ عند ماجدة
كانت حاطة دلة القهوة عالنار
وصافنة بكلام ماجدة وعم ترجف من قهرها
حملت تلفونها باايدين عم ترجف ورنت على عماد
ماجدة(مستغربة): مغلق او خارج التغطية!! وينو هاد ياترا
فصلت ع رقمو واتصلت بفداء
ووقفت قلقانة وخايفة اكتر
لما للمرة التانية طلعلا مغلق اوخارج التغطية
ماجدة:لعما وينهن هدول! لاهي ولاعماد، ياربي شو بدي ساوي بهالمصيبة شووو
وكزت ع سنانها وحكت بقهر
ماجدة: هالكلب الحقيررر الواطي بدو يفضحني
سمعت صوت المي عم تغلي برمت لعندها وصارت تحطلا القهوة ومتل مالقهوة كانت عم تفور وتغلي ماجدة كانت هيك وعم تفكر شو بدها تعمل وكيف بدها تسكت سلطان عنها
غلت القهوة منيح وصبتها بالفناجين
واخدتها ورجعت عالصالون، ،
--------------------
ببيت الدكتور
قاعدة قدامه وحاملة العقود المزورة والحقيقية
وعم تطلع فيهن وتقرأهن وعم تبكي
وقعت الورقة من ايدها
وصارت تمسح دموعها يلي كانو مملين وجها
قرب ادهم لعندها وحضنها وصار يمسح ع شعرها بحنية
ادهم: خلص بكفي بكي بقا
هناء(اشرت باايدها ع الاوراق):هدول هنن هدول يلي خلاني اخدهن من خزنتو للبابا،،هالحقير الواطي،هدول يلي بابا بسببهن مات هدول ياادهم
ادهم(بنظرات حزينة وشاردة) :معلش حبيبتي هيك الله رايد لااعتراض ع حكمو الله يرحمو،
واطلع فيها بحنية وكمل: بكفي تبكي هنو والله مابحب شوف دموعك
هناء(عم تشهق):قلبي محروق يااخي ماعم بقدر وقف بكي
رفعلا وجها وثبت عيونو بعيونو
ادهم: اطلعي فيني وحياة غلاوتك عندي رح ناخد بتارو ورح نحرق قلبهن متل ماحرقو قلبنا وحياة عيونك الحلوين، عماد صار عندي وهلق عم يلعن الساعة يلي جرب فيها يئذينا صدقيني
هناء(بحقد): هالوسخ شو مشتهية اشرب من دموو ياريت لو تخليني اقتلو
ادهم: لاحبيبتي لا مابدنا نوسخ ايدينا فيه بكرا بيحسبوه علينا زلمة
هناء: اااخ اااخ يااخي على ماموتو باايديي
ادهم: خلصنا بقا هنوئتي، قلنا مابدنا نوسخ ايدينا فيه، بعدين هيك واحد حرام يموت لانو ازا مات بيرتاح، هاد لازم يضل عايش عم يتعذب
بتهزلو براسها بهدوء وهي عم تحاول تهدي اعصابها
ضمها وباس راسها
ادهم:يخليلي اختي الحلوة انا ،بتعرفي شو
هناء:شو
ادهم: ابو عضل سالني عنك اليوم
بعدت عنو وابتسمت
هناء:عنجد؟،شو قلك؟
ادهم:قال جاي عبالو يشوفك من زمان ماشافك
هناء:بتعرف وانا جاي عبالي شوفو، شو رايك بس تنزل عالشام تاخدني معك
كان عامر قاعد بعيد عنهن وكل شوي بيتطلع فيهن
اطلع فيه ادهم وضحك بخباثة
ادهم; هو انا ماعندي مشكلة، بس العاشق الولهان شو رح يصير فيه ياحرام لما تروحي
التفتت هناء لمكان ماعم يتطلع ادهم
وشافت عامر يلي كان عامل حالو عم يقرا كتاب
ورجعت اطلعت فيه
هناء: اولتا واخرتا رح ارجع ع بيت اهلي ورح اترك هالبيت
ادهم: هه والله يااختي انا شايف انو رح ترجعي ع بيت اهلك زيارة 😉
هناء(بتساؤول); مافهمت شوقصدك؟!!
ادهم: يعني الزلمة طامس فيكي،بكرا مابنلحق نلتم ببيت اهلنا، بيجي بيخطبك وبياخدك 🥲
ابتسمت وخجلت ونزلت راسها بالارض
هناء:....
ادهم:اي دخيلو الخجول انا،
رفعت راسها ونحرتو ع ركبتو
هناء: خلص حاج غلاظة بقا
ادهم(بضحك): اي باامرك انا ام تيم
بحلقت عينها فيه بصدمة ودقت بخوانيقو
مسك ادهم ملقاط الاركيلة وشال فحمة وقربا قدام عيون عماد
ادهم:بدك تحكي ولاحطها بتمك!!
هههه ولا قلك، بحطها بغير مكان احسن بتتحمس وبتصير تنط ماتحط
عماد(بصوت متعب):ببوس ايدك تركني
ادهم:الك ساعة بتقلي ببوس ايدك
ووقت عطيتك ايدي مابستا، بس مو مشكلة رح خليك تبوس ايدي بطريقتي
وبيرفع ايدو مرة تانية وبيخبطو بوكس ع وجهو بينزلو الدم من انفو
وبصير هو يصرخ ويستنجد
عماد(بصراخ):ولكككك خلاااص مشان الله خلااص
وادهم بينهارو اعصابو وبيبلش يضربو بجنون
ادهم(بحقد):ياحقير ياكلب خلص ما،لك زتيتني بالسجن خمس سنين ظلم ياكلب، تزوجت البنت الي بحبا وحرقتلي قلبي،واخر شي بتقتل ابي وبتنهبو ولسا بتقلي خلص!!! خلص ما ياحيوان
عماد: انااا ماقتلت حدا، ماقتلت حدا انااااا الي قلك كذاب، اي كذاب
وبيهجم عليه وبيمسكو من خوانيقو وبيهزو
ادهم: ولك بتطلع ستين كذاب، قلك مين قلي!!؟ اختي هناء هي يلي قالتلي، لككك اي اي هناء هناء يلي قتلتو ابن اخوها وحطيتو التهمة بضهرا ياقليلين الوجدان
عماد: انا مالي علاقة. انا مادخلني هدول اخواتك
ادهم:اخواتي؟ اخواتي صح، وانت مالك دخل ياحيوان ياحقير
وبصير يرص ع رقبتو اكتر لدرجة انو عماد كان رح يلفظ انفاسو الاخيرة
بيقربو الشباب لعند ادهم يلي كان مو شايف قدامو وبيبعدوه عنو
--:يامعلم شبك. مو اتفقنا نضل هاديين ؟ وماتوسخ ايديك فيه؟
---:ببوس ايدك يامعلم ماتعلقنا مع البيك(سلطان) هو وصانا مانخليك تقتلو
بينفض ايدو ادهم وبيتمالك اعصابو وبيرمق عماد نظرة حقد اخيرة وبيلف ضهرو وبيروح لبرا
بيوقف عالباب بدون مايلتفت لوراه
ادهم: طعموه وشربوه كل ماشفتوه رتاح قومو عملولو فركة ادن، انا هلق رح روح
وبيكمل طريقو وبيطلع
---------------------------
المسا
ببيت فداء
قاعدة على تختها وضامة رجليها ببعض وعم تبكي
الها عهالحالة من وقت ما صافي نزلها الجنين
سمعت صوت الباب عم يندق
اتسندت بصعوبة وقامت لتفتح
واول مافتحت الباب
هجمو عليها شبين مسكوها من ايديها وحطو المسدس براسها
صار قلبها بين رجليها وبلشت تئتئ بالحكي
واول مااجت لتحكي
نحرها الشب بالمسدس
---:اذا بتفتحي تمك لحتى خلص عليكي
بيحط ايدو ع تمها وبياخدوها وبيطلعو لبرا وهنن عم يتلفتو ازا في حدا بيرموها بالسيارة وبيمشو، ،،،،،،
------------------------
يتبع....
واقفة على شباك مكتبها وصافنة بالاطلالة يلي قدامها وفجأة بيندق باب مكتبها
بتلتف لعند الباب
ريما: تفضل
فتحت الباب ياسمين ودخلت لعندها
ياسمين:شو بلاقيكي ماعم تشتغلي شبك ماعااساس عندك ضغط شغل
ريما:موجاي عبالي
قعدت ياسمين وقعدت ريما قدامها
ياسمين: ليش شبك؟ فيكي شي!
ريما(بوجه مكتئب):لامافي شي، بس مابعرف شو صايرلي مدايقة شوي
ياسمين(بقلق):شبك اختي شو مدايقك؟!
حست بحرقة قلب من سؤالها وصفنت مع حالها
ريما(بقلبها):ااخ يااختي شوبدي احكيلك،شوبدي قول قلك اني بعرف مين قتل ابنك، ولاقلك عالمصايب يلي عملوها اخواتك وانا كنت بعرفها وساكتة، شوبدي قول لقول ،وياترا ازا حكيت شو رح يكون مصيري
فاقت من شرودها
ع صوت ياسمين:ريما وين صفنتي؟
ريما: مافي شي اختي ماتشغلي بالك
ياسمين: كيف مافي شي؟ وضعك موعاجبني بنوب
ريما(بنرفزة):خلص اختي مشان الله والله مالي خلق احكي
ياسمين: طيب براحتك، بس قليلي هلق،انتي اليوم وين رحتي مع سلطان؟!
ريما(ابتسامة صغيرة ع وجها): طلعنا عملنا رياضة ركضنا شوي
ياسمين(مستغربة):وانتي من ايمتا بتعملي رياضة ؟! من يوم يومك كسلة ازا بتمشي خطوتين بتتعبي
ريما:شبعرفني هو اصر عليي. اطلع اركض معو، قال شو الركض مفيد
ياسمين(بمسخرة): اصر عليكي قلتيلي؟ صح شفتو عم يضربك مشان تطلعي تمشي معو
ريما:ياسمين بلا تلميحات 😒
ياسمين(بجدية): تلميحات ياهبلة مو، عااساس ماشفتك مبارح كنتي رح تسوحي بالاراضي وانتي قاعدة قدامو
ضحكت وحكت راسها بااحراج
ريما: اي طيب والله حلو ومهيوب شواعمل
ياسمين: واذا حلو بتندلقي فرد دلقة! يقطع عمرك اي
ريما: اي وين شفتيني ندلقت اصلا هو ما نتبه عليي،لو نتبه بقول حقك
ياسمين; مانتبه بس كان رح ينتبه
وبلشو عيونها يلمعو وتبتسم لااراديا
ريما: بس بربك كيف لقيتيه بالله مو جنتل ؟
ياسمين:صح جنتل ،الله يحميه لشبابو
ريما: اميين
غيرت لهجتها وصارت تحكي بجدية
ريما:قليلي انتي شوصار معك
ياسمين:بخصوص شو؟
ريما: بخصوص محمود يعني بخصوص شو
ياسمين:لسا ماصار شي
ريما:ليش طيب
ياسمين(بحزن); مابعرف نفسيتي موجاهزة لااي شي حاليا
ريما: طيب حرام عليكي اختي. لاايمت بدك تضلي زعلانة،الحي ابقا من الميت وهيك الله راد
ياسمين: ونعم بالله. بس والله مابأيدي
ريما: طيب ياسمين انتي شو رايك فيه للشب هو عاجبك؟
ياسمين(متلبكة):يعني مابعرف، بس هو الشب الصراحة كتير لطيف
ريما: طيب ازا شايفتيه مناسب الك عطيه جوا وريحيه، خطي والله الشب باينتو ادمي
ياسمين: ان شالله اختي ان شالله
قامت من محلها وقعدت جمب ياسمين قربت من راسها وباستا
ريما: الله يخترلك الخير ياعمري
ياسمين:ياحبيبتي ويخليلي ياكي ويفرحني فيكي
-------------------------
بمكان تاني
واقف قدام قبر وشارد بنظرات حزينة
رفع ايديه وقرأ الفاتحة وبعد ماخلص
قعد جمب القبر وحط ايدو عالشاهدة
تجمعو الدموع بعيونو وصار يحكي بصوت مليان غصة
ادهم: اشتقتلك يابي ،اشتقت لحنيتك يلي فقدتا من زمان، ياريتك ضليت يابي ياريتك ضليت وعرفت اني مظلوم. وانو اخوك وبناتك هنن يلي ظلموني وخربو حياتي وحياتنا كلنا، سامحني يابي وارضا عليي،بترجاك سامحني،انا والله مظلوم وبحاجة رضاك ،
كانو عم ينزلو دموعو وحدة ورا التانية
وصارت نظراتو وتعابير وجهو تتغير للحقد
مسك حبة من تراب القبر وصار يطلع فيها ويحكي
ادهم:بس وحياة ترابك الطاهر ياابوهشام،لااخد بتارك من اخوك الكلب. وخليه يشتهي الموت، ورحمة ترابك يابي لخليهن يندمو
ترك التراب من ايدو و بوس الشاهدة
فجأة رن تلفونو
طالعو من جيبتو فتحو وحطو ع دانو
ادهم: الو، جبتوه؟،تمام يلا جاي،
سكر تلفونو وقام من محلو
وابتسم بغصة
ادهم:بخاطرك يابي
وكمل طريقو ومشي، ،
--------------------------------
بمكان تاني
كانت ماجدة عم تتمشا بالشارع
قدام محلات الالبسة
وعم تجر ابنها قدامها بالدراجة
وفجأة بتسمع اصوات خناق وصراخ ارتعبت من الاصوات
تركت ابنها بالدراجة وراحت لتشوف شو القصة
كانو شبين عم يضربو بعض والعالم عم يفكوهن من بعض
وقفت لثواني تتفرج عالمنظر وكانت قريبة من دراجة ابنها
ماجدة: يلا دخيلك شو بدي انا
لاارجع عند ابني احسن شي
التفتت لوراها ووقع قلبها لما شافت الدراجة فاضية وكرم مو موجود
ركضت بلهفة عالدراجة وهي عم تحكي بصدمة
ماجدة:ابني،كرم، ابني
واول مااستوعبت انو الولد نخطف
بلشت تصرخ وتضرب ع راسها
ماجدة: ابنييي يااعااااالم ابني،دخيلكن ابني
صارت تركض متل المجنونة وتوقف العالم وتسالهن
ماجدة: كرمال الله، شفتولي ابني؟!! ياجماعة ابني كان هون بالدراجة حدا شافو!؟
ماكان حدا عم يعطيها جواب شافي
انحلو رجليها قعدت عالرصيف وصارت تبكي وتضرب حالها كفوف
ماجدة: دخيلك ياربي كل ش الا كرم، دخيلك ياالله
وسكر التلفون
ريما: في شي؟
سلطان: لا، بس هاد صاحبي بدو مني شغلة
ريما: بدك تروح!
سلطان: هيك المفروض،قلتلو يسبقني لعندي عالبيت
رح روح بدل تيابي وروح لعندو
ريما: طيب
----------------------------
بعد ساعة
وصل سلطان على بيتو
فتحولو الحراس باب الفيلة تبعو دخل بسيارتو وقفها بالممر
ونزل استقبلو زلمتو
---: نورت يابيك
سلطان: كيفك يارجب
رجب: تمام بشوفتك،
سلطان: حدا سأل عني!
رجب: اي مبلا في شب اجا من شوي قال هو اخد موعد منك
سلطان: وينو؟
رجب: قاعد جوا بالصالة
سلطان: طيب روح على شغلك
رجب: امرك يابيك
دخل سلطان لجوا البيت
وتوجه ناح صالة القعدة
واول مادخل ابتسم لما شاف الضيف وفتح ايديه
سلطان: ولك يامية اهلا وسهلا باابو دهيم حلت علينا البركة
قرب لعندو ادهم وعانقو
ادهم: اهلين بالخال والله
سلم عليه وبوسو
صار سلطان يتطلع فيه من فوق لتحت
بااعجاب
سلطان: ماشاء الله ماشاء الله كبران ولك خال ومرجل طالع قبضاي لخالك ماشبك شي، مومتل اخوك الاجدب
ادهم: هههه ولك احلا خال والله
سلطان: تعال تعال لشوف قعود
قعدو مقابيل بعض
طالع ادهم باكيتو ليدخن
وقفو صوت سلطان
سلطان:شوعم تساوي،يخرب بيتك
ادهم(مستغرب):بدي دخن شو عم ساوي يعني!
سلطان: اي ضبو ضبو مابتعرف انو بيضر؟ !
ادهم:ولك دخيلك ،كل شي بهالحياة مضر ضلت عالتدخين
سلطان: ضبو وبلا كتر حكي ولاه. سماع الكلمة
ادهم(بااستسلام): طيب امرك على عيني ابو عضل متل مابدك
وضب الباكيت بجيبتو
سلطان(بغرور):ايوا هيك بدي ياك ،
هات لشوف احكيلي شو صار معك
ادهم: انت يلي بدك تحكيلي شو يلي صار قدرت تعمل شي؟
سلطان : مالحقت اعمل شي
لسا يادوب زرتهن بالبيت بس لاتخاف عيوني عليهن عشرة ع عشرة،ورح ضل وراهن لااكشفهن
ادهم: استعجل خال انا مابقا فيني اتحمل
سلطان: اي بدنا نروق ابو دهيم طول بالك شوي الي صبر كل هالمدة مافيه يصبر فترة صغيرة ، بعدين انا والله من اول يوم حكيت معي فيه وحكيتلي قصتكن انت وهناء وانا عم اشتغل شغلي
وحتى حطيتلهن جواسيس، بسس
وسكت وتنهد
يتبع..
بكافتيريا
ادهم: ليش جبتيني كرفتة من طرطوس شبك شوفي! صار معك شي
كانت بتول قاعدة مقابيلو وشاردة
ادهم: بتول شبك عم احكي معك
اطلعت عليه وعيونها مليانين دموع
بتول: طلع كلامك مزبوط
ادهم:عملتي يلي قلتلك عليه
هزت براسها باايجاب وهي عم تمسح دمعتها يلي نزلت بدون ماتحس
مدت ايدها ع شنطايتها وطالعت اوراق
وعطتو ياهن
اخدهن ادهم وهو عم يتطلع فيها
ادهم: وانتي ليش زعلانة، ؟
بتول(بقهر): زعلانة لاني كنت عايشة مع مجرم ومالي خبر،زعلانة لانو ولادي طل ابوهن واحد حقير محتال،عرفت ليش زعلانة
ادهم: بالعكس،مالازم تزعلي لازم تفرحي انك كشفتيه
بتول: قديش كنت اكرهو،هلق كرهتو بزيادة ،الله يلعنو شو واطي وحقيير
ادهم: اهم شي تكوني تقلتيلو عيار الدوا بالعصير. مشان مايتزكر شي
بتول: ماتاكل هم حطيتلو حبتين بدال الوحدة، منيح يلي مااذوه وفطس،مو ناقصني حطو برقبتي،
فلاش باك:
لما كانو بتول وعماد سهرانين سوا هديك الليلة
عماد: مابدك تنامي؟
اشرتلو بعيونها بدلع (لا):
بتول: لسا بدنا نسهر لاحقين
شالت كاسة عصير من عالسفرة وعطتو ياها
بتول: خود شربلي هالعصير روقلي دمك
اخد الكاسة من ايدها
عماد:انا باامرك ياتاج راسي
وصار يغب بكاسة العصير
وهو مبسوط وفرحان
وبعد ماشرب العصير بنص ساعة
بلش يهلوس ويحكي شروي غروي
وهون بتول عرفت انو اخد مفعول الدوا
مسكتو سطحتو ع ركبتها وصارت تمسحلو ع شعرو
وكان هو عم يغني ويحكي شغلات مخربطة
عماد: على بابي واقف قمرين واحد بالسما
والتاني اغلا من العين بيفهم بالوما
بتول: حبيبي عماد
عماد:على بابي واقف قمرين،
بتول:عماااد
عماد:عيونو
بتول: انت قديش بتحبني
عماد: كتيير كتير
بتول: طيب بتحبو لااخوك مجدي؟
اتقلب واتسطح ع ضهرو وصار يطرق ايد باايد ويضحك بشكل هستيري
ويحكي وكانو عم يغني
عماد:ههههههه مجدي هههههه مجدي مجدي
بتول: شبك،؟ مابتحبو؟
عماد: ههههههه بحبو كتير لدرجة اني خليت صافي يقتلو هههههه ع قد مابحبو
هههه وحطيتلو ابنو بالسجن
واخدتلو كل املاكو هههههه
وبوقتا تاكدت من صحة كلام ادهم وقع قلبها من محلو وحست بوجع وغصة كبيرة
حاولت تخبي غصتها وتبين طبيعي
بتول: لاحبيبي شو هالحكي معقول انت تعمل هيك، انت حدا كتير منيح
عماد:ههههه منيح كتير صح
ورجع يغني من جديد ويهلوس
عماد: حبيبتي افتحي شباكك انا جيت
انا واقف تحت البيت انا عماد انا جيت انا واقف تحت البيت هههههه انا واقف تحت البيت ههههاي
شالت راسه من ع ركبتها وسطحتو عالكنبا
وقامت من مكانها
فتشت بجا كيتو وطالعت علاقة المفاتيح
اخدتها وراحت للغرفة يلي حاطت فيها خزنتو
قربت بخطوات بطيئة ومترردة من الخزنة
صارت تجرب المفاتيح عليها
واحد ورا التاني واخيرا
في مفتاح فتح الخزنة
فتحت الباب وصارت تنبش بين الاغراض الموجودة فيها
كان في اوراق كتيرة
بين هالاوراق لقت ظرف مكتوب عليه مجدي
فتحتو وصارت تقرا الاوراق يلي فيه
كانت اوراق عقود املاك لمجدي بيك
شالت الاوراق من الظرف
وحطت بدالهن اوراق فاضية
وحطت العقود ع جنب ورجعت تنبش
لحتى لقت ظرف تاني
فتحتو وصارت تتفحص الاوراق
كانت اوراق تنازل عن تلات رباع املاك
مجدي بيك لعماد
وهون فهمت انو هدول الاوراق الي
عماد بصم مجدي بيك عليهن
حست بقهر وضيقة
رصت عاالاوراق باايدها بحقد
بتول: الحقيييررر الكلب،لهون وصلت معو
رجعت كل شي لمحلو واخدت اوراق التنازل
والعقود الاصلية
وسكرت الخزنة وطلعت من الغرفة
بااااك
بتول(بندم): انا اسفة ادهم
ادهم(ببرود): على شو
بتول: على كل شي، اسفة لاني ظلمتك وفكرتك مجرم ،اسفة لاني كنت عليك متل ماكانت الدنيا كلها عليك
دار وجهو عنها وصار يحكي بلهجة عتب
ادهم(بقهر): انا ماني حاقد عليكي لسامحك،انا عتبان بس ،كان لازم تشوفي ادلة لحتى تصدقيني يابتول ،مابتعرفيني! بدك مين يعلمك عليي
ورجع اطلع فيها وحكا باانفعال
ادهم:لككك انتي اكتر حدا بيعرفني. انا شكلي شكل حدا بيتاجر بالمخدرات؟
انا يابتول!
وصار يأشر ع حالو
نزلت راسها بالارض
بتول:معك حق شو ماقلت ،بس حتى لو بوقتا صدقتك ،اهلي مارح يصدقوك،يعني بكل الاحوال كنت رح تخسرني
ادهم: ولكك مابهمني يصدقو ولا لا،لك انا بهمني انتي انتي وبس،لو كنتي صدقتيني كان كل شي هان عليي
وضحك بغصة وكمل كلامو
ادهم: بس متل ماقلتي،كنتي انتي والدنيا عليي
بتول: بعتذر ع كل شي
ادهم: عادي ماتعتذري ع شي
بتول: يعني انت مسامحني؟
ادهم: مسامحك
بتول: اكيد؟
ادهم: اكيد بس ع شرط
بتول(بتساؤول):شو هو الشرط؟
كانت مشاعرو عامية ع قلبو ومو حاسس ع حالو شو عم يعمل صارو يلمعو عيونو متل النجوم
وبهدوء قرب ايدو لعندها وحطها فوق ايدها
ادهم: اول ماعماد ينكشف ، بتتطلقي منو وبترجعيلي
ماجاوبتو ب ولاشي
#ابناء_البيك_
بقلم:Amina Thhan(شرقية الهوى)
17 قبل الاخير
ببيت صافي
كانت فداء لسا فاقدة الوعي
حملها صافي وسطحها عالكنبة بعد ماتاكد انها لسا عايشة
وقف قدامها عاجز وخايف
كان عم يروح ويجي جمبها
وماعم يعرف شو يعمل
صافي(بقلبها): لعما هي شكلا كانت حامل،لعما وانا كيف بدي اخلص من هالمصيبة ، لك هي بدها مشفى
هففف لك شوعملت بحالي انا
احسن شي روح جيب العدة الطبية وشوف شغلي انا
حمل حالو وطلع لبرا البيت ركب سيارتو ومشي
------------------------
ببيت مجدي بيك
اياد: يلا نحن صار لازم نمشي،يلا ماجدة.
هشام: قاعدين ولو
اياد: لامعلش تعبان بدي روح ارتاح
هشام:طيب ع راحتك ايادو
وقام وقف واطلع ب،سلطان وقرب،لعندو
اياد: فرصة سعيدة سلطان بيك نبسطت كتير بمعرفتك
قام وقف وصافحو وكانت ماجدة واقفة جمبو
سلم عااياد وهو عم يتطلع عليها بماجدة
سلطان: وانا بالاكتر استاذ اياد
شال ايدو وسلم ع ماجدة
ونظراتو الها كانت عم تدب الرعب بقلبها
حست انو عيونو عم تقلا انا بعرف كل شي ورح حاسبك
ابتسم ابتسامة صفرة
سلطان: فرصة سعيدة مدام
اكتفت باانها تبتسم بوجهو وماترد ب ولا شي
وبعد ماطلعو ماجدة واياد
كان لسا سلطان واقف مكانو
اطلع بمريم
سلطان: يلا اختي انا كمان بتسمحيلي بدي امشي
قامت لعندو مريم ومسكتو من ايدو وقعدتو
مريم: لوين! لاماحزرت بدك تنام هون
سلطان: افف كمان بدي نام!
مريم: اي بدك تنام مافي روحة
سلطان: لااختي الله يوفقك مابقدر، برجع بطل عليكي اطمني مارح اقطعك
مريم: اي لا لامافي مارح خليك
هشام(متدخل): خلص سلطانو سماع الكلمة شبك بدك تكسر كلمة ام هشام؟
سلطان: اي لاماعاش يلي بيكسر كلمة الغالية
وانحنا لعند ايدها وباسها
سلطان: باامرك انا ست الكل متل مابدك
وبينما هنن عم يحكو ويتناقشو
كانت ريما قاعدة معهن وعيونها كل الوقت ع سلطان
نحرت ياسمين يلي كانت جمبها
وقربت لعند ادنها وهي عم تتطلع بسلطان
ريما: ياسمين!؟،
ياسمين(بهمس):شبك
ريما: هلق هاد اخوها لخالتو وين كان، ماكنا نشوفو من قبل
ياسمين:حبيبتي هاد كان باالمانيا من لما كان عمرو 18 سنة. كان عايش عند جدو
ريما: اهااا، اي بس انا ماشفتو من قبل
ياسمين: بجوز شايفتيه بس نسيانة شكلو
لانو كان يجي لعنا من قبل
ريما: اممم بجوز، بس شوبدك بالحكي
واخدت نفس عميق وهي عم تراقبو بااعجاب
ريما: حليوة ومهيوب، اطلعي بربك اطلعي يخزي العين على هالجمال،وانا عم قول اخي هشام لمين طالع حليوة تاري لخالو،،صدق الي قال تلتين الولد للخال،لك بس لسا هو احلا واحلا. اااخ ولي شوحلو
كانت ياسمين عم تطلع فيها مصدومة فيها شدتها من ايدها وهمست باادنها
ياسمين: وليه شو صرلك! يبعتلك حمى الك ساعة بتتغزلي بالزلمة! شبك ندلقتي فرد دلقة نضبي
ريما: لك كيف بدي انضب، ليش يلي بشوف هالهيبة وهالجمال بيقدر ينضب، اخ ولي على قلبي لك اطلعي ع جسمو مااحلاه ولا طولو، ولاعيونو ولادقنو،اخ شوبدك تتحمل ياقلبي لك
وقاطعتها ياسمين قبل ماتكمل حكي وهي عم تكز ع سنونها
ياسمين:لك خلص خرسي هبلة لايسمعك
قومي معي قومي
ريما(عيونها ع سلطان); بربك تركيني اتامل مستأنسة
ياسمين: ولكك قومي لاينتبه عليكي فضحتينا
وبتشدها من ايدها وبتقومها
وبتطلع عالموجودين
ياسمين: يلا عن اذنكن، نحن رح نطلع ع غرفنا
هشام: اذنك معك اختي
كان سلطان عم يتطلع ع ريما
وهي عم تتطلع فيه متل الهبلة وصافنة
اخدتها ياسمين وطلعت بسرعة
وبقي سلطان يراقب ريما حتى ختفت عن نظرو
--------------------------------
بعد نص الليل
كانت ريما قاعدة بحديقة الفيلة
قدام المسبح وصافنة
ريما(بقلبها):شوبدي اعمل ياربي، لاايمتا بدي ضلني هيك ماعم اقدر احكي، هي راح مهند واخي هشام كان بدو يروح لولا ستر الله، لاايمتا بدي ضل خايفة
لاايمتا،
وفجأة سمعت صوت من وراها :بعدك سهرانة
خلاها تفيق من شرودها
التفتت لوراها وتلبكت
سلطان: اسف رعبتك مو بقصدي
ريما: لاعادي تفضل قعود
سحب الكرسي وقعد جمبها
سلطان:شو مسهرك لهلق
ريما(صافنة بالمسبح) : مابعرف ماقدرت نام
سلطان: ولاانا
اطلعت فيه وابتسمت
ريما: بس مايكون ماعجبتك النومة عنا
سلطان: لا والله مو هيك بس قلقت ماقدرت نام
ريما:...
وسكتو شوي
ولاحظ سلطان انو ريما مو ع بعضها
سلطان: شبك صاير معك شي!
ريما(بتوتر): لا ولاشي
سلطان: انتي بتشتغلي مع اخواتك بالشركة ولاعندك شغل خاص؟!
ريما: لامبلا مع اخواتي
سلطان: حلو كتير، يعني اخوكي البيك الصغير مو مخلي حدا يطلع لبرا
ريما:هههه لا ضاببنا كلنا بشركة وحدة
سلطان: اممم حلو الله يخليلكن ياه، باينتو بحبك كتير هشام ها
ريما:ييي وانا كمان بحبو يقبر قلبي
سلطان: الله يخليكن لبعض
ريما:تسلم كلك زوق
ورجعو سكتو وعيونهن صارت ع مية المسبح الصافية
اشرتلو بعيونها بدلع (لا):
بتول: لسا بدنا نسهر لاحقين
شالت كاسة عصير من عالسفرة وعطتو ياها
بتول: خود شربلي هالعصير روقلي دمك
اخد الكاسة من ايدها
عماد:انا باامرك ياتاج راسي
وصار يغب بكاسة العصير
وهو مبسوط وفرحان
وعم يتاملها
عماد(بفرح): ح اشرب القنينة كلها شو مابدك رح اعمل
بتول: هههه صحة وهنا ياعيوني ،،،
-------------------
بمكان تاني
بمطعم مطل ع شاطئ طرطوس
قاعدين هناء وادهم ع احدى الطاولات
ادهم: شو هنوئتي لاايمتا بدك تضلي زعلانة
هناء(بحزن): ماعم اقدر انسا يلي صار بمهند
ادهم:طيب يااختي شو بيطلع بالايد الله يرحمو صار عصفور بالجنة
هناء: ياقلبي عليه والله ماعم يروح من بالي
ادهم: خلصنا بقا هنوئتي هيك الله رايد، لااعتراض ع حكمو
هناء:ونعم بالله، بس انا زعلانة ع ياسمين،شو بكون صار فيها
ادهم: الله بيصبرا اختي
هناء:بتعرف لو كان صار شي لهشام كمان والله العظيم كنت جنيت
ادهم:بعيد الشر عن قلبو الله قدر ولطف
هناء: الحمدلله
وابتسم وطبطبلا عاايدا
ادهم: يلا هلق روقي بقا فرديها موحلوة وانتي زعلانة،ماني متعود عليكي غير هنوئة الشقية
ابتسمت بوجهو بمسايرة
هناء: اي باامرك دودي بيك
ادهم: هههه رجعنا
هناء:مو باايدي بحب قلك هيك
ادهم: ولك بلاها هالكلمة بلاها تضربي عم تصغريني وتقللي هيبتي
هناء: اي لا مابقلل هيبتك ولا شي بعدين ماعم قلك دودي حاف عم قلك دودي بيك لوكنت عم قلك ياها حاف كان حقك
ادهم: هههه اي لا اقنعتيني الصراحة،
طيب قليلي هلق شو جاي عبالك تتعشي مشان اطلبك
هناء: على زوقك باكل دودي بيك
ادهم: اي موتكرم عينك
واشر باايدو للميتر مشان يطلبو العشا
-----------------------
باليوم التاني
ببيت مجدي بيك
كانت الخادمة عم تحضر سفرة العشا
والست مريم عم تشرف عليها
مريم: الله يرضا عليكي ام علاء استعجلي مابقا الا يوصل اخي
ماتنسي الشاكرية، اخي سلطان كتير بحبها
ام علاء(وهي عم تفرد الصحون) : امرك ياخانم كل شي رح يكون ع زوقك
مريم: الله يعطيكي العافية
يلا خلصي مابقا الا يوصل اخي
وبعد شوي الكل اجتمعو ع شرف سلطان
وكانو من بين الموجودين ماجدة وزوجها اياد الا ريما ماكانت موجودة
مريم: لك هشام شو صار معو خالك كانو تاخر
هشام: يلا امي شبك هلق بيجي
مريم: رح يبرد الاكل لاايمتا
اياد(بضحك): شكلا مرت عمي مشتاقة كتير لااخوها ماعاد تصبر
هشام(بغيرة):اي لكن هاد مدللها هلق شوف بس اجا مابتعود بتسال ع حدا حتى انا بتنساني 😐
اياد: ياخطيتنا يارفيقي، شكلنا رح نصفي برا
مريم: اي سكتو انت وياه ، لاتعملو حالكن مظلومين مكانتكن محفوظة
هشام: والله مو هيك،الظاهر ياام هشام 🙂
وفجأة بيقطع حديثهن صوت الخادمة : ست مريم سلطان بيك وصل
قامو الكل وقفو ليرحبو
فيه
دخل عليهن وهو بكامل اناقتو
وعم يمشي بخطوات مليانة ثقة ورجولة
وقف بعد خطوات قليلة عنهن
سلطان: مسالخير ياجماعة
الكل: مساالخيرات
انتبه سلطان لوجود ماجدة وانصدم
وهي اول ماشافتو تزكرت لما شافتو بالكراج وبادلتو نفس نظرات الصدمة
قربت الست مريم عند سلطان واستقبلتو بفرح
مريم: لك نور البيت والله ياميت اهلا وسهلا فيك اخي
سلطان: منور البيت بصحابو يااختي
سحبتو من ايدو ودخلتو لبيناتهن وبلشت تعرفو عالموجودين
صار يسلم عليهن واحد واحد واول ماوصل لعند ماجدة صار يتطلع فيها بنظرات حركت الخوف بقلبها
اشرتلو الست مريم عليها
مريم: وهي ماجدة
مدلا ايده وهو عم يتطلع فيا بنفس النظرات
مدت ايدها وسلمت عليه وهي عم ترجف
ماجدة: اهلا وسهلا فيك سيد سلطان
سلطان(بضحكة مزيفة): اهلين بالست ماجدة والله
شال ايدو من ايدها وبعد عنها ولسا نظراته عليها
الشي يلي خلا ماجدة تحس بالقلق والخوف اكتر
هشام: يلا خلونا نروح نتعشا رح يبرد العشا
راحو كلياتن واجتمعو ع سفرة العشا
وكان كل الوقت سلطان عم يتطلع بماجدة
وماجدة عم تهرب من نظراته المزعجة بالنسبة الها
ماجدة(بقلبها): يالله شبو هاد، معقول يكون متزكر الي شافو هداك اليوم، لك بس شو بدو يعرفو،الله يستر مايكون حاسس ع شي
سلطان(بقلبه): هيك لكن ،طلع احساسي بمحلو،هي يلي ورا حادث هشام،اي شوعليه ياماجدة خانم حسابكن عندي، انا مارح اسكتلكن يابنات مجدي بيك،اذا مابتكون نهايتكم عاايدي مابكون انا سلطان
----------------------
ببيت فداء
رجع صافي من برا
ودخل عالصالون
كانت فداء قاعدة قدام التلفزيون عم تحضر فلم
صافي: مسائو فوفو
تجاهلتو وماردت عليه
الشي يلي دفع عندو الرغبة باانو يستفزا ويزعجا
قرب لعندها وقعد جمبها
صافي: شو فوفيتي، ليش ماعم تردي
فداء:....
صافي: يعني شكلك لسا زعلانة مشان قصة الاوراق
فداء:....
صافي(بمسخرة):هههههه ع فكرة لسا رح تزعلي كتير، لاني ماكتفيت هون، بدي حصتك من ورتة ابوكي
هشام: لككك اخ اخ ياريتني متت معو ياريت،
قربت منو سارة وضمتو وصارت تهديه
سارة: كرمالي خلص هشام لاتحكي هيك بترجاك
هشام: ماعم اقدر، ماعم اقدر سارة مهند خطيتو برقبتي
سارة: لاياروحي لا انت مالك ذنب بشي والله مالك ذنب
مريم: امي خلص الله يوفقك بكفي، موناقصك انت كرمالي ياامي خلص
قعدت مريم ع يمينو
وحطت راسها ع راسو وصارت تمسحلو ع وجهو وتقرألو ايات لحتى يهدا، ،
-----------------------------
بمكان تاني
كانو فداء وماجدة قاعدين مع بعض
فداء(بقهر): شو عملنا نحن معقول وصلت فينا المواصيل لنقتل ابن اختنا يلي هي من لحمنا ودمنا
ماجدة(ببرود): بس نحن ماقتلناه قصدا
فداء: حرام لو كان هشام يلي مات لك نحن كان كل قصدنا نقتل هشام شو طالع مهند معو بالسيارة شو ، لك ياسمين رح تجن على ابنها
ماجدة: الله يرحمو نحن مادخلنا
فداء: .لك كيف مادخلنا الولد بسببنا مات
ماجدة(بنرفزة): هووو علينا فداء كرمال الله خلص بكفيني الي فيني
فداء: ......
---------------------------
المسا
ببيت الدكتور
عامر: هناء شبك من وقت ماجيتي وانتي مو ع بعضك
بتصير تنفخ وبتحكي وهي متدايقة
هناء: مابعرف ياعامر كتيرحاسة بخنقة
عامر: صار شي بينك وبين ادهم زعجك يعني!!
هناء: لك لا بالعكس كتير كنا مبسوطين، بس مابعرف ونحن راجعين شو صرلي كتير تدايقت
حس بالقلق وحط ايدو ع ايدها
عامر:شبك قليلي عم يوجعك شي!
هناء: لا لا اطمن مافي شي بس قلتلك مابعرف مخنوقة،مشتاقة لااهلي مدري مشغول بالي عليهن
عامر: الله لايشغلك بال. ماتخافي ان شالله هنن بخير
هناء: ان شالله يارب والله قلبي متل النار مابعرف ليش
عامر: سلامة قلبك
وبدون مايحس ع حالو قرب لعندها وحضنها ب لهفة ليخفف عنها قلقها
بينما هي كانت مستغربة فيه
عامر: روقي كرمال االله مابحب شوفك زعلانة
وفجأة حس عحالو
وبعد عنها وهو حاسس بالاحراج
عامر: اسف مو بقصدي
هناء(بدون مبالاة): ولايهمك
-----------------------------
باليوم التاني
بالمشفى
هشام متسطح بالتخت ومافي حدا عندو
ندق باب الجناح
التفت هشام لعند الباب بصعوبة
هشام: تفضل
انفتح الباب ودخل لعندو سلطان
وباايدو باقة ورد
قرب لعندو وهو ملهوف وقلقان وقعد جمبو
سلطان:هشام! الف سلامة عليك شبك ابن اختي قلي كيف صار معك هيك !
هشام: اااخ ياخال اخ والله مابعرف شوصار ،بيوم الي زرتني بالشركة بعد ماطلعت من عندي انت اخدت مهند واجينا لنرجع عالبيت كنت عم سوق سيارتي وجيت لاوقفها ماكانت توقف
وضلت هيييك لحتى اصطدمت بشاحنة
وصار يلي صار
وابن اختي توفا وانا شوفة عينك
سلطان: سلامتك هشام سلامتك ماع قلبك شر
صفن شوي سلطان وتزكر يوم الي راح عند هشام
اول مرة
لما كان بكراج السيرات
فلاش باك:
بيوقف للحظات يشوف شوعم يعملو
وبيكون واقف ورا ماجدة والشب
بتلتفت ماجدة لوراها وبتتفاجئ فيه لما بتشوفو عم يتطلع عليهن
ماجدة: خير في شي!!
--: لاسلامتك ولاشي
وبيكمل طريقو وبيمشي عادي
باااك
بيفيق من صفنتو وهو عم يتطلع بهشام بتوتر
سلطان: هشام انت شو نوع سيارتك!؟
هشام: شفروليه،
سلطان: شو لونا! !؟
هشام: فضي، ليش عم تسال
صفن سلطان وصار يفكر بينو وبين حالو
سلطان(بقلبه):لعما لك والله هي هي السيارة نفسها
بس مين هي يلي كانت مع الشب، معقول تكون وحدة من اخواتو! لعماااا ازا هنن
فاق من شرودو ع صوت هشام:سلطان شبك وين شردت؟
سلطان: لا ولاشي ولاشي، وين امك؟ بدي شوفها
هشام: نزلت لتحت شوي هلق بتجي
سلطان: طيب
----------------------------
بعد فترة قصيرة
ببيت مجدي بيك
كان هشام متسطح بتختو
دخلت سارة لعندو وقعدت جمب راسو وصارت تلعبلو بشعرو
سارة: كيفو اميري اليوم
هشام: طول ماانتي جمبي انا منيح
سارة: ياعيوني انت، كيف حاسس حالك
هشام: الحمدلله احسن
سارة: يعني مالك موجوع!؟
هشام': موكتير حبيبتي ماتخافي بلشت اتحسن
سارة: الله يشفيلي ياك ياروحي انت
هشام; ويخليلي ياكي يانبض البي
قامت وعطتو ايدها سندتو وقعدتو مسكتلو وجهو واطلعت فيه بحب
سارة: حبي بدي قلك شي
هشام: قولي حبيبتي
سارة: يوم الي عملت الحادث، تنذكر وماتنعاد، بتتزكر وقتا قلتلك اني بدي خبرك شي
هشام: اي صح تزكرت شو القصة!؟
ابتسمت وحطت راسها ع راسو وهمستلو بفرح
سارة: انا حامل
هشام(بصدمة): عنجد عم تحكي!!
سارة: اي عنجد،
ارتسمت ع وجهو علامات الفرح
هشام: ياعمري انتي هاد احلا خبر بسمعو، ريتو الف مبروك حبيبتي،الله يقوملي ياكي بالسلامة.
سارة: الله يسلمك حبيبي
هشام: قديش صرلك؟!
سارة: قالتلي الدكتورة اني بالشهر الاول
هشام: ياعمري الحمدلله،انتبهي عحالك اي حبيبتي ؟ ماتتعبي حالك ابدا
سارة:خلص ماشي انا باامرك
هشام: مايؤمر عليكي ظالم ياروحي انتي------------------------
هناء: لا عادي 🫤
ادهم: طب خلص هلق، سمعي شو رح قلك
هناء:شو! !
ادهم: ابو عضل بهاليومين رح يروح لعند الاهل
يعني بااذن الله رح يبلش يشتغل شغلو
هناء: ان شالله مايطول 🥲
ادهم: شتقتي لاامك؟
هناء(بحزن):اااخ كتير اكتر من مابتتصور
ادهم(بغصة): وانا كمان اشتقتلا كتير، واشتقت لاابي
بلشو حبات الدمع يتجمعو بعيونها
حطت راسها ع كتفو وصارت تحكي بصوت مليان وجع
هناء: الله يرحمو ويجازي الي كان السبب موتو رح يضل يكسر قلبي لااخر يوم بعمري
ميل راسه ع راسها وكان كتير حزين وصوتو مليان حسرة
ادهم: نيالك ياهناء
هناء: على شو
ادهم: لانو ابوكي مات وهو رضيان عليكي، اما انا ااااخ
هناء: سلامتك من الاخ ياروحي
ادهم:الله لايسامحهن شوعملو فيني، دمرو حياتي وحطمو كل احلامي، وكل كوم وبتول كوم،اخ يااختي اخ لما طلعت من السجن ولقيت عماد متزوجها تمنيت الارض تنشق وتبلعني
هناء(وهي عم تمسح ع وجهو):معلش حبيبي، هاد نصيبك
ادهم: الله لايوفقو مااحقرو، مارح سامحو لصير تحت التراب هالواطي
رفعت راسها واطلعت فيه بجدية
هناء: اخي معلش سؤال!!؟؟
ادهم: اسألي
هناء: هلق اذا نكشفت الحقيقة،وعماد نسجن، شو مشان بتول؟
ادهم: مافهمت؟!
هناء: قصدي يعني بترجعو لبعض؟
ادهم(بيسحب نفس عميق): والله يااختي انا من ناحيتي لهلق بدي ياها،بس هي مابعرف شو مشانا
هناء(مستغربة):بس هي عندها ولدين!
ادهم: اي واذا مابهمني
هناء: بس بتول مستحيل تترك ولادها
ادهم: ومين قلك بدي تتركهن انا مستعد ربيلا ياهن
هناء: وبترضا تربي ولاد عدوك!؟
ادهم:حبيبتي هناء هدول اطفال مالهن ذنب بشي ،وبعدين انا كرمال بتول مستعد اعمل كل شي المهم ترجعلي
صفنت فيه وبحنيتو
وابتسمت بحب
هناء: ولك دخيلو انا العاشق الولهان اي؟
ابتسم واطلع بالبحر وصفن
وعيونو عم يلمعو
ادهم: بس ياترا هي لساتا بتحبني
هناء: ههه اي اطمن دودي بيك لساتها بتحبك ليش انت بتنكره؟
التفت لعندها بحماس
وحط ايديها عاايديه
ادهم:شوعرفك انو لسا بتحبني
هناء:ههههه شبك شبك اهدا،
ادهم:قليلي هي قالتلك انها بتحبني؟
صارت تغمزو بعيونها وتهز براسها باايجاب
دخلت الفرحة لقلب ادهم
وماعاد يعرف كيف يعبر عن فرحتو
قرب عند هناء وانحنا وباس راسها
ادهم: تقبري قلبي
هناء(عم تضحك عليه):هههه لك بعيد الشر شبك شو صرلك
ادهم(بيتنهد):هففف كنت مفكر بطلت تحبني
هناء: هههه اي لا اطمن بتحبك مابتنتسى انت
ادهم: اي الحمدلله يارب
قربت منو وقرصتو من خدود
هناء:ولك يخليلي دودي الوفي انا
بيتنرفز وبيضربا عاايدها
ادهم: بس وليه تضربي شو غليظة عاملة خدودي لعبة،بعدين حاج تقوليلي دودي 😐
هناء(بدلع):هئ ماحزرت بدي قلك دودي ودودي بيك كمان
ادهم:وشلون ظبطت معك هي دودي وبيك
هناء:هههه ظبطت شو بدك شلون انت
ادهم: هههه لك تضربي اي، فكرت بهالغيبة عنك عقلتي تاريكي متل ماانتي دق المي وهي مي
هناء(بفخر): اي الله محي الثابت
شدها لعندو وصار يضربا بمزح
وهي تقاومو
هناء:بس ولاه
ادهم(وهو عم يشدلا شعرها) : ماشتقتي لقتلاتي
هناء: لا ماشتقت تركني يادب
بيمسكها من ادنها وبيشدلا ياها
ادهم: مين دب وليه
هناء: انت 🥲
ادهم: انا دب اي ماشي
بيجي ليشدلا ادنها اقوا بتعضو من ايدو
بيترك دانها وبصير يصرخ من الوجع
ادهم:يخرب بيتك شو متوحشة
بتقوم بتوقف وبتتخنصر
هناء: خرجك دودي بيك بتستاهل، مشان تتعلم تضربني
قام من محلو واجا ليمسكها
هربت من جمبو وصارت تركض
ادهم(وهو عم يركض وراها): تعي لهون وليه
هناء(من بعيد عم تجاكرو): اذا كنت دودي بتمسكني
ادهم: ماشي ياهناء
بيضل لاحقها
وعم يمسكها وتهرب منو
وبيقضو كل الوقت وهنن عم يتضاربو ويتولدنو
ويضحكو
-------------------------
بعيادة الدكتورة النسائية
متسطحة عالتذكرة والدكتورة عم تفحصها عالايكو
الدكتورة(وعينها عالايكو): قديش صرلك موقفة حبوب المنع
سارة:من شغلة تلات شهور
التفت لعندها الدكتورة وتباشير الفرح مرسومة ع وجها
الدكتورة: مدام سارة انتي حامل بالشهر الاول
قامت من عالتذكرة وهي مو مصدقة
سارة(بفرح): عنجد عم تحكي دكتورة 😍😍
الدكتورة: اي عنجد الف مبروك ان شالله
سارة:الله يبشرك بالخير يارب
رفعت راسها للسما واتنهدت بسعادة وحطت ايدها ع بطنها
سارة:الحمدلله يارب
والتفتت لعند الدكتورة
سارة:شكرا الك دكتورة
الدكتورة: العفو
--------------------------
بالشركة عند هشام
خلص شغلو وقام من ورا مكتبو
هشام: يلا خالو خلينا نمشي
مهند:لوين خالو
هشام: عالبيت لوين يعني يلا تعال
مسك ايدو وطلعو من المكتب
ونزلو عكراج السيارات
ركب هشام سيارتو
وقعد منهد جمبو
شغل السيارة ومشي
وبنص الطريق
وكان الاتصال من سارة
فتح الخط ورد عليها
هشام: اي حبيبتي
سارة: وينك انت
تكملة البارت 16
---------------------------------
قاعد بحديقة بيتو
على كرسيه الهزاز
وسارح بخياالو،ماعم تروح من بالو ابدا
كان كل الوقت عم يفكر فيها
وبكلامها
محمود(بقلبه):ياترا ازا اعترفتلا بمشاعري شو رح تكون ردة فعلها ،معقول ترفضني مشان ابنها، ياالله طيب والله عاجبتني كتير، لك ومو بس عاجبتني لك انا بحبا كمان،اوووف بس يارب توافق وماترفض، وانا مستعد ربيلها ابنها واعتبرو ابني،ان شالله ماتعارض يارب
قام من عالكرسي ودخل لجوا
عالمطبخ عبا ركوة القهوة مي وحطها عالغاز
--------------------------------
عودة عند بتول وادهم
نزلت من السيارة وهو لحقها
بتول: يلا انا رح امشي
ادهم: لاتنسي الي اتفقنا عليه
بتول:ان شالله خير يلا سلام
ولفت ضهرها واجت لتمشي
مسكها من ايدها ووقفها
التفتت لعندو كان عم يتطلع فيها وهو متلبك وفايت ببعضه
كانت عندو رغبة انو يضمها بس تذكر انو هي متزوجة
بتول:شبك؟!!!
ادهم:ولاشي انتبهي عحالك
بتول:ماشي وانت كمان
سحب ايدو من ايدها وابتسم بغصة
وهز براسه باايجاب
بتول:سلام
ادهم: الله معك
ولفت ضهرها ومشيت بطريقها
اخدت تاكسي وطلعت
بينما هو واقف مكانو عم يراقبها بحسرة
ضل واقف مكانو لحتى ختفت عن عيونو
اخدت نفسو بصعوبة
ومشي بطريقو وطلع بسيارتو،،،
وصلت بتول عالبيت
دخلت وصارت تتلفت حواليها يمين وشمال
نادت للخدامة
بتول: ياام رؤوف
اجت الخادمة ع صوتها
ام رؤوف: نعم ياخانم
بتول: وين الولاد؟
ام رؤوف: نامو من شوي
بتول: وعماد رجع؟
ام رؤوف:لا والله ياخانم
بتول: طيب روحي ارتاحي ازا خلصتي شغل
ام رؤف: امرك
ونصرفت من قداما
تنهدت بتول براحة وقعدت عالكنبا
بتول: هفف الحمدلله انو مارجع قبلي
موناقصني يعملي قصة
سندت ضهرها لورا وحطت ايديها ورا راسها
-------------------------
باليوم التاني
ببيت الدكتور
عم يندق جرس الباب
كانو جيهان وغادة قاعدين بالصالون
قامت جيهان لتفتح
وقفتها هناء لما طلعت من غرفتها
هناء: انا بفتح خليكي
وراحت بااتجاه الباب
بينما جيهان سالت غادة
جيهان:شو شكلا مستنية حدا
غادة: اي على اساس يجي اخوها
جيهان: اها ونشالله نحلت مشكلتهن؟
غادة: قالتلي انو رح تنحل نشالله
جيهان: ان شالله يارب الله يوفقهن،،،،
برا
كانت هناء ضامة ادهم وفرحانة
هناء:شتقتلك ولاه
ادهم:وانا كمان دبة
بعدت عنو واطلعت فيه بحماس
هناء: يلا احكيلي كل شي شو صار معك
كيف وصلت لبتول ع شو اتفقتو
ادهم: لك شبك شبك طولي بالك خليني اخد نفس
هناء: طيب خود نفس وحكيلي، وقلي لشوف شو صار معك مشان هدوك الكلاب(العصابة)
ادهم: اطمني تركتهن وخبرنا الشرطة عنهن انا ورفيقي، يعني خلص راحو ماعاد في خطر عليي
هناء(بفرح): عنجد عم تحكي!!
ادهم: اي عنجد
هناء: يعني مابقا ترجع لعندهن!!ئ
ادهم: اي اطمني
طارت من الفرحة ورفعت ايديها وقرصتو من خدودو
هناء: دخيلو الي بيسمع كلمة اختو شو بحبو
ادهم(وهو عم يبعد ايديها عنو):ولك بس وليه، مابتبطلي ولدنة
هناء: لا لا ماببطل يلا لشوف تعال حكيلي شو صار
وشو صار مع ابو عضل؟!!
ادهم: طيب خلينا نقعد بشي مكان نحكي
مسكتو من ايدو ومشيت
هناء: تعال نطلع عالشاطئ منحكي ع رواق
ادهم: طيب باامرك امشي خلصيني
مشيو بطريقهن وطلعو لبرا البيت ركبو بسيارة ادهم وراحو
---------------------------
قاعدة بمكتبها وماسكة القلم وصافنة
بالعدم
وعم تفكر بينها وبين حالها
هيما(بقلبها): مفكرة اسكتلك ياماجدة العباس،ولك مابكون هيما ازا ماببكيكي دم، شوعليه، لكن انا تضحكي علي وتاخدي مني اضبارة مشروعي،لا وتهدديني انك رح تخبري عني،طيب ماشي عملي وكتري يابنت مجدي بيك
كان في كاسة قدامها شالتا ورصت عليها بحقد
ورمتها وكسرتها
هيما: رح اكسر قلبك متل ماكسرت هالكاسة يابنت الحرام
-------------------
بالشركة
اندق باب مكتب هشام
هشام(من جوا):ادخل
فتحت الباب ودخلت
ماجدة: كيفك اخي
هشام: اهلين مجودة تفضلي
ماجدة: لامعلش مستعجلة شوي
اخي فيني استعير سيارتك ربع ساعة لانو سيارتي متعطلة
هشام: اي تكرم عينك
ماجدة: يخليلي ياك عطيني المفتاح ،
قربت لعندو اخدت المفتاح منو
ماجدة:مابطول شوي وبرجع
هشام:ماشي اختي
طلعت من المكتب ونزلت لمحل ما بيحطو السيارات وكان في شب هنيك عم يستناها
قربت لعندو وهي عم تتلفت يمين وشمال
وناولتو المفتاح
ماجدة: خلص شغلك بسرعة وعطيني المفتاح
--:امرك ياخانم
وفجأةوبينما هنن عم يشتغلو بالسيارة
انفتحت احد السيارات يلي بالكراج
ونزل منها شب عمرو بحدو ال 36 سنة
طويل وكتافو عراض وعضلاتو بارزة
وجسمو رياضي
عم يمشي بكل ثقة وطالع من الكراج
فجأة بيوقف وبيلفتو نظرو ماجدة والشب
بيوقف للحظات يشوف شوعم يعملو
وبيكون واقف ورا ماجدة والشب
ريما: ....
سلطان: العادة الشهيرة كل مابدي احكي كلمة حلوة
ريما: خلصني هلق شو بدك
سلطان: بدي ياكي
وقع قلبها من مكانو وانصدمت
ريما(بصدمة):شووو
سلطان: تجي لعندي المسا
ريما(بتفهم):هااا ،ليش شوفي عندك؟
سلطان: ولاشي حابب خسرك بلعبة شطرنج
ريما: بالله شو؟ 😒 تخسرني؟
سلطان(بثقة): افكورس
ريما: اي لامارح تخسرني انا شاطرة بالشطرنج كتير
سلطان: بس مو اشطر من سلطان، واصلا ممنوع تكوني اشطر من سلطان
ريما(بنرفزة): لاولو 😒
سلطان(ببرود): اي نعم
ريما(بتحدي): اي لا ياسيدي رح خسرك وبتشوف المسا
سلطان: اي اوكي منشوف. ،ايمتا جاية؟
ريما: انت ايمتا بدك اجي ؟
سلطان: انا بدي بكل وقت
ومتل العادة خجلت وحمرو خدودها
صار قلبها يدق بسرعة وحست بتوتر
سلطان(عم يضحك عليها): وين رحتي ريما الو
ريما:...
سلطان: طيب خلص سحبتا للكلمة بدي تجي ع 8 المسا
ريما(بخجل): ماشي
سلطان: 8 تمام ها!!
ريما: طيب
سلطان: قوليلي هديك الكلمة
ريما(بصدمة): انو كلمة!
سلطان(عم يمسك ضحكتو): قصدي قوليلي امرك
ريما: اي طيب امرك باي
سلطان: باي هيك ناشفة!!!
ريما(بعصبية): وشوبدك معها كمان
سلطان: انتي. بتعرفي، بس عم تتهربي
ريما: خلص روح هلق المسا بشوفك عندي شغل
سلطان(بصوت حنون): مستني ع نار
ريما(متلبكة): اي ماشي باي
وسكرت الخط
بينما هو كان ماسك ضحكتو
واول ماسكرت رما التلفون عالكنبا
وقعد وصار يضحك بصوت عالي
سلطان: ههههههه لك انا قديش شفت بنات، بس متل هالبنت جبانة ماشفت
هههههه
وقف ضحك وصفن فيها واخد نفس عميق
سلطان:بس والله بتنحب اي والله
شال تلفونو واطلع عالساعة وتغيرت نظراتو
سلطان: صار وقت روح عند الست ماجدة،
لشوف شوبدها مني كمان
وقام وقف ع حيلو
ووقف قدام المراي ظبط شعرو واتصفن شوي بحالو
سلطان: دخيل هالجمال لك سلطان اي والله اسم ع مسمى، لك نيال قلبها يلي بدها تاخدك قديش بدها تكون محظوظة
ظبط الكرافة تبعو وزر الجاكيت وشد كتافو بثقة وهو عم يحكي مع حالو
سلطان: بتغزل بحالي شوعليه وماني بعازتك ياريما
وبيرجع بيفرط ضحك وبيسند حالو عالشوفنيرة
سلطان: معشوقتي الجبانة، ماني مصدق ايمتا يجي المسا لحتى شوفها
بياخد نظرة اخيرة ع حالو
بيشيل مفاتيح سيارتو وتلفونو وبيطلع،،
-------------------
عند ماجدة
كانت قاعدة بالبيت لحالها
وحاملة موبايلها عم تتفرج ع صور ابنهايلي لحد الان ماعرفت عنو خبر وتتحسس الصور
وتبكي
ماجدة: ااخ ياامي. وينك انت شوصار فيك ياعيوني، مين يلي اخدك مني مين، والله لو اعرفو لااخد ضو عيونو،
بتحط الموبايل من ايدها وبتصير تبكي اكتر
بتتطلع ع ساعتها وبتتزكر انو سلطان جاي لعندها
بتمسح دموعها
وبتقوم من مكانها
ماجدة: مابقا الا يوصل هالكلب. لقوم شوف شو بدي ساوي معو
وبعد ربع ساعة
وصل سلطان لعندها
وكانو قاعدين مقابيل بعض
سلطان: اي ياست ماجدة هاتي ماعندك شو الموضوع يلي اصريتي اني اجي لعندك حتى تحكيه معي
ماجدة: موضوع كتير ضروري
سلطان: طيب هاتي لشوف احكي فوتي بحديثك ماعندي وقت
ماجدة: على شو مستعجل شوعندك
سلطان(بلهجة مستفزة): عندي شغل انا زلمة شغيل بشتغل وبجمع مالي من تعبي، ماني متل هدول الناس يلي بيقتلو وبيوسخو ايديهن مشان يلمو مصاري
ماجدة(بغيظ): حلو الله يوفقك ،رح قوم جيب كاستين عصير وارجع
سلطان(بتأمر):ليمون ازا سمحتي
ماجدة: تكرم عينك
وبتقوم ماجدة من محلها
وبتتوجه عالمطبخ وهي عم تفور وتغلي
بتطالع قنينة العصير وهي عم تحكي مع حالها
ماجدة:يخرب بيتو شوحيوان وحقير
انا بفرجيك ياسلطان الكلب
جابت كاستين وصبت بوحدة كاسة عصير ليمون
والتانية عصير برتقال
ماجدة: لحتى عدمك حياتك ياصرماية
طالعت من الخزانة كيس بودرة
وفضت منو بكاسة الليمون
جابت معلقة وحركتو وهي صافنة فيه بحقد وغل
ماجدة: بفرجيك ياكلب ياسافل
حطت الكاسات بالصينية
واخدتهن وطلعت لعندو
انحنت ونزلت الصينية قدامو
ماجدة: اتفضل
اخد الكاسة منها
وابتسم بخبث
سلطان:شكرا
اخدت كاستها وقعدت مكانها وصفنت وصارت تشرب
ماجدة(بقلبها); اشرب ياكلب اشرب وخلصني منك ومن قرفك
وفجأة بتفيق من صفنتها على صوت وقعة الكاسة من ايد سلطان
سلطان: انا اسف وقعت من ايدي بدون قصد
ماجدة(بتحاول تخبي غيظها): مو مشكلة
قامت من مكانها وقربت لعندو
لمت القزاز وحطتو بالصينية
بينما هو عم يراقبها بشماتة
سلطان: اوعك تجرحي ايدك
اكتفت باانو تضل ساكتة وتكمل جمع القزاز
كان في كسرة قزاز تحت رجلو
شال رجلو واشرلا
سلطان: بقي هي
كزت ع سنانها بغيظ وشالتها وقامت
ماجدة: رح جبلك غيرها
وبتدير ضهرها وبتتوجه ناح المطبخ
بيوقفها صوت سلطان
سلطان: لاتنسي تكتريلي السم
بتلتفت لعندو وهي مصدومة
ماجدة:سم شو؟ !!
بيقرب سلطان لعندها
ادهم(ببرود): حلو يعني حتى ع بعضكن اندال
صافي:...
ادهم: بس يلا ازا دبحوها بتكون كلبة وفطست، ولو اني كنت حابب خليها تتمنا الموت
صافي(عم يبكي ويتوجع): كرمال الله ياادهم بيك خليني روح ببوس ايدك انا والله مالي ذنب عماد هو ورطني
راسو بالارض وعم يلعب بدقنو
ادهم: ورطك عماد لكن
عماد: انا ماورطت حدا عرضت عليه ومارفض
رفع راسه وصرخ بوجهو
ادهم: طبيعي مايرفض، لانو زبالة متلك
صافي: بترجاك تركني روح
ادهم: سد حلقك ولاه بلا ماسدلك ياه بصرماية
بيفتح تلفونو لصافي
وبيحط عااسم ماجدة
ادهم: رح اتصل بهي الكلبة هلق
اول ماتفتح الخط بتقلا انكن مسافرين فترة ، فهمان!!
صافي(هز براسه):فهمان فهمان
ادهم(بلهجة تهديد): واوعك تجرب تحسسها بشي، والله العظيم بحطلك السيجارة بنص عينك
صافي(بخوف): امرك امرك
وبيضغط ع زر الاتصال وبيحط التلفون ع دان صافي
وبعد اول رنة
ماجدة: صافي وينكن انتو، من مبارح عم اتصل
ادهم(بهمس): خود احكي
صافي: اي ماجدة،نحن مسافرين عندي شغل ببيروت سافرت واخدت فداء معي
ماجدة: شوقصتكن مع السفر! عماد كمان مسافر
صافي: مابعرف بالنسبة لعماد بس انا عندي شغل
ماجدة: طيب فداء ليش ماعم ترد ع تلفونا!!
صافي: ل لاانو مامعها شريحة لبنانية
ماجدة: طيب زكاتك بس تكون جمبك عطيني حاكيها بدي ياها ضروري
صافي: ماشي ماشي لشوفها بعطيكي تحاكيها
ماجدة: اوكي
صافي: يلا بدك شي
ماجدة: سلامتك انتبهو عحالكن
صافي; ماشي يلا باي
وبيسكر الخط ادهم وبيشيل التلفون
ادهم(بمسخرة): حلو فنان بالكذب ماشالله
صافي:...
بيمسكو ادهم من دقنو وبيخبطو كف
ادهم: يلعن منظرك شو مقرف
---------------------
عند سلطان
بيمسك تلفونو وبيتصل ع ريما
واول ماتفتح الخط
سلطان: رح تقوليلي الو رح قلك كيفك رح قلك الحمدلله كيفك انتي رح تقوليلي ماشي الحال
ريما: هههه حافظ السيناريو
سلطان: اي اكيد
ريما: طيب كيفك
سلطان: من انو ناحية بدك
ريما(مستغربة): من كل النواحي
سلطان: عال العال انتي كيفك
ريما: منيحة
سلطان: شوعندك المسا
ريما: ولاشي ليش؟
سلطان: لا ولاشي بس قلت بعزم حالي وبعزمك ع العشا بشي مطعم
ظهرت عليها علامات الانبساط
وارتسمت ابتسامة ع وجها
سلطان: شايفك سكتي! ليكون مابدك، ليكي ازا مابدك خلص مابعزم حالي بعزمك الك بس
ريما: ههههه بالله شو، شو هالعزيمة هي بقا
سلطان: طيب شو اعملك ماقبلتي تتعشي معي تعشي لحالك
ريما: لا مين قلك ماقبلت، موافقة
سلطان(بفرح): حلو كتير يعني بشوفك المسا؟
ريما: ان شالله بس وين وايمتا؟
سلطان: عالساعة 9 بمطعم ال**** منيح؟
ريما: اي تمام
سلطان: يعني رح تجي!!
ريما: اي رح اجي
سلطان: طيب معناها بشوفك المسا باي
ريما: الله معك
سكرت الخط ورمت التلفون
كان قلبها طاير من الفرحة صارت تضحك مع حالها لفت رجل ع رجل وصفنت لثواني وصارت تلعب بشعرها
فاقت من صفنتها وركضت ع خزانتها
صارت تشوف الفساتين يلي عندها
وتطلع فيهن بحيرة
ريما: شوبدي البس ياالله
نبشت بين الاغراض
وطالعت فستان كحلي لعند الركبة الو نفشة خفيفة
ريما: حلو كتير هاد بجنن
حطتو. ع جنب وسكرت الخزانة ورجعت قعدت ع تختها وصفنت وصارت تاكل اضافرها
------------
المسا
بمطعم فخم اطلالتو ساحرة
قاعد سلطان وعم يستنا ريما
وكل شوي يتطلع ع ساعتو كانت الساعة9 و5
سلطان: تأخرت هالجبانة! ههه بتكون عم تسوق عالبطيئ خايفة تعمل حادث 🤣
واخيرا لمحها دخلت من باب المطعم وعم تتلفت حواليها
كان واقف واحد من رجالو عند الباب
حكا معها ووصلها لعندو
واول ماوصلت وقف سلطان ع حيلو وصفن فيها بااعجاب
ريما: مسا الخير
سلطان: مسا الورد
مدتلو ايدها وسلمت عليه
رفع ايدها وباسها
اتلبكت وفاتت ببعضها وحطت راسها بالارض وسحبت ايدها
وهو حاول يبررلا الي عملو
سلطان: فن الاتيكيت
ريما:...
قرب لعند كرسيها وسحبها
واشرلا باايدو
سلطان: تفضلي قعدي
قعدت ودفشلها الكرسي لقدام
ريما(مبتسمة):شكرا
قعد محلو واتصدر لورا
سلطان: تاخرتي
ريما: موكتير خمس دقايق
سلطان: خمس دقايق قليل؟ دقيقة مالازم تتاخري
ريما: افف كل هالقد ماشي نظامي!
سلطان(بثقة): طبعا انا نظامي بكل شي الحمدلله
ريما: حلو كتير،بس مالازم تدقق ع هيك تفاصيل
سلطان: بالعكس هدول التفاصيل اهم الشي
ريما: هههه طيب المرة الجاي بوصل عالوقت
سلطان: وهاد المطلوب
ابتسمو تنيناتن وعم السكوت
وبعد سكوت
سلطان: طالعة حلوة ترا
ريما(بخجل): شكرا كلك زوق
سلطان: وعيوني الحلوين
ريما(عم تطلع فيه مستغربة):.....
سلطان: واثق بحالي كتير ما
ريما(هزت براسها): ما
سلطان: قلت ماحدا عم يتغزل فيني بتغزل انا فيني
ريما: حلو يعني مانك بحاجة حدا
رفع عيونو لفوق
سلطان:تسؤ
ريما:...
سلطان: شو بتحبي تتعشي
تكملة البارت 18
سلطان : لاتضلي تقهري حالك وغلاوة امك عندي كلها فترة صغيرة وبترجعي معززة مكرمة ع بيت اهلك
هزتلو براسها (باايجاب) وابتسمت
قرب من جبينها وباسها ودقلا ع كتفا
هناء:باي خالو
ادهم: خاطرك خال
سلطان: الله معكن باامان الله
-------------------------
بمكان تاني
قاعدة ع تخت وضامة رجليها وحاطة راسها عليهن تيابها مخزقة وحالتها حالة
رفعت راسها وبين اثار الضرب والكدمات ع وجها
وكانو دموعها عم ينزلو ع خدودها بغزارة
فداء(بقلبها): يااالله وين كنتي ووين صرتي يافداء، انمسحت فيكي الاراضي وانتي يلي كان ماحدا يسترجي يقلك لا، ياربييي ليش هيك صار فيني ،اكيد هاد عقاب، عقاب ع كل شي عملتو ،اااخ لو يرجع فيني الزمن، والله لحتى صلح كل اغلاطي ،
وبتصير تتلفت يمين وشمال وتطلع ع حالتها
بتحس بقهر وحرقة وبتضرب حالها كفوف
فداء: الله لايوفقك ياصافي الوسخ، الله لايوفقك لوين وصلتني
----------------------------
عودة عند سلطان
بعد مااجت ماجدة
سلطان: اي ياخانم هاتي لشوف شو الموضوع يلي كنتي بدك تحكيه معي!
اطلعت فيه ماجدة بنظرات كره
وحطت ايديها ببعضهن
ماجدة :شو بدك لحتى تسكت عن يلي شفتو هداك النهار؟!
بيقلب لورا وبيصير يضحك ويطرق ايد باايد
سلطان: هههههههه بربك؟
ماجدة: انا ماحكيت شي بضحك لتضحك، قلتلك شوبدك لتسكت عن يلي شفتو
بيوقف ضحك وبيتطلع فيها بااشمئزاز
سلطان: هو انتي جاية تشتري سكوتي يعني!
ماجدة: اي نعم جاية اشتري سكوتك خلصني قديش بدك ؟
سلطان: لك انتي مجنونة شي؟ في شي بعقلك؟
اطلعي حواليكي
وبيأشرلا باايديه على بيتو يلي كان متل القصر
سلطان: شايفتيني بحاجة مصاري؟!! لحتى عم تقوليلي قديش بدك!
ماجدة: طيب لكن شو بدك شو غايتك انت
سلطان: ماعندي غايات، غير انو اكشفك قدام الكل
اطلعت فيه بنظرات تحدي ولفت رجل ع رجل
ماجدة(ببرود): انت عم تهددني يعني ؟
سلطان: اي نعم عم هددك وانا رح ضل وراكي لاافضحك انتي وكل مين وراكي
وبتهز براسها ببرودة اعصاب وبتحاول تبينلو انها مو خايفة بينما هي قلبا رح يوقع
ماجدة:تسؤ تسؤ تسؤ، مابنصحك يابيك
سلطان(بااستهزاء): بالله شو ليش؟ شو رح تعملي فيني يعني! بدك تشيلي فرامات سيارتي؟ ولابدك تحطيلي سم بالحليب. ههههههه
وبيضحك بصوت عالي وبيرفع راسو لفوق
وبيرجع بيتطلع فيها بحقد وبكمل
سلطان: ولا بدك تقتليني باابرة متل ماقتلتو ابوكي انتي وجماعتك
وهون ماجدة قلبها بيوقع من محلو
من الصدمة وبتسألو وهي مومستوعبة
ماجدة: مافهمت شو قصدك؟!! بعدين شو هي قتلنا ابي!!نحن قتلنا ابي؟!! انت شو عم تخبص؟ !
سلطان; هه اي عملي حالك مابتعرفي
ماجدة(بصراخ):لككك عن شوعم تحكي عن شووو
سلطان: انا مارح قلك شي،شكلك انتي عنجد مابتعرفي كيف مات ابوكي، روحي سالي عمك عماد وهو بيحكيلك كيف مات
وهلق بعد اذنك عندي شغل
وبيقوم بيوقف ع حيلو
وبتقوم هي كمان وبتمشي وهي مو مستوعبة ولافهمانة شو القصة
بتطلع من الباب وبيضل هو عم يراقبها بحقد
-------------------
عند ادهم
كان قاعد ولافف رجل ع رجل وماددهن عالطاولة الي قدامو وعم يدخن ويتفرج ع عماد وصافي كيف عم يضربوهن الشباب
وعم يضحك ع صوت صراخهن
بيرفع ايدو وبيأشر للشباب
ادهم: وقفو شباب وقفو
بيحط السيجارة بالطبق
وبيقوم لعندهن
ادهم: الله يسامحكن ياشباب شو هالضرب هاد
عم تنفضولهن الغبرة!!
وبيمد ايدو للشب
ادهم: عطيني هالكرباج
--:تفضل معلم
بياخد ادهم الكرباج وبيوقف ورا صافي وعماد
وبيرفع ايدو ليضربهن
ادهم ل عماد وصافي: جاهزين لضرباتي شباب 😎
عماد (بصراخ): الله يوفقك لا ااااا
صافي: مشان الله ياادهم خلاااص
بيطلع ادهم ع صافي وبيضربو ع ضهرو بالكرباج بقوة
ادهم:قول ادهم بيك ولاك
صافي(عم يتوجع) :اااخ خلص خلص ادهم بيك
وبيرجع بيضربو
ادهم: تاج راسك
صافي: يااربيييي،،تاج راسي خلص
وبيكرر الضربة
ادهم: برافو
وبيبعد عنو
وبيقرب عند عماد
ادهم:اهلين بالعميم والله
وبيبلش فيه خبط بكل قوتو
عماد: اااااخ لك تركني
ادهم(بمسخرة): لا والله مابتركك بدي دللك مو انت عمي هههه لك ان شالله بكفنك شو بحبك
وبيصير يضربو مرة الو ومرة لصافي
وصراخهن بيرجع بملي المكان
وبينما هو عم يضربهن بيأشر لواحد من الشباب
ادهم: روح جيبا خليها تتفرج
--:باامرك يابيك
---------------------------
بمكان تاني
على مقعد من مقاعد الكافتيريا
محمود: انا كتير نبسطت باانك قبلتي عزيمتي
ياسمين : الي الشرف اني اقبلها
بلشو عيونو يلمعو ومد ايدو ع ايدها
محمود:طيب وطلبي يلي طلبتو من فترة؟ !
اتلبكت ورفعت شعرها لورا ادنها
وخدودها صارو حمر وبقيت ساكتة
محمود: جاوبيني ياسمين ماتضلي ساكتة
ياسمين(بخجل):يعنيي مابعرف شو بدي قلك
--------------------------
قدام شباك غرفتو
عم يروح ويجي متوتر ومعصب وماسك تلفونو باايد وايد التانية بجيبتو
دخلت سارة لعنده واستغربت لما شافتو هيك
سارة:شبك حبيبي فيك شي!!
هشام:هففف مافي شي بس معصب شوي
قربت لعندو وحطت ايدها ع كتفو
سارة:من شو معصب! مين زاعجك!
بيشيل ايده من جيبه وبيحط تلفون من ايدو
هشام:لك عماد مامبين من مبارحة
عم اتصل فيه ماعم يرد، حكيت مع مرتو قالتلي مسافر فورلي دمي
سارة:طيب يسافر شو بدك فيه
عماد:لك كيف شو بدي فيه! كيف بسافر بدون مايخبرني! وشو مشان شغل الشركة المتراكم؟!
لك حتى فداء مومبينة
والخانم عم اتصل فيها ماعم ترد اتصلت بجوزها كمان مافي رد،تقولي تبخرو
استغربت سارة وصفنت
هشام:شو وين شردتي!
سارة(بشرود):انو مابعرف حسيت في شي غريب
هشام:شو هو الغريب!
اطلعت فيه وكملت
سارة: انو غياب صافي وعماد وفداء بنفس اليوم! ! ماحسيت وراه لغز
صفن هشام وصار يفكر
لمبرر لغياب التلاتة سوا
بس مالقا اي شي يبرر غيابهن
فاق من صفنتو وحط ايدو ع حرف الشباك والتانية ع خصرو وتنهد
هشام:مابعرف بجوز صدفة
سارة: بس انا حاسة انو في شي
هشام(بملل):لك شو بدها تكون القصة خلص سارة الي فيني مكفيني
سارة:طيب حبيبي هدي اعصابك خلص
اطلع فيها وابتسم ورفع حاجبو
هشام: هيك حاف بدون شي!!
قربت من خدو وباستو
واطلعت بعيونو بحب
سارة: لااكيد مو حاف
حاوطت رقبتو باايديها وحطت راسها ع كتفو
سارة:بحبك بموت فيك بتنفسك انا اي
هشام:وانا كمان ياروحي
سارة:دخيلو انا
هشام:كيفو ابني الحلو
بعدت عنو ومسكت بطنها
سارة(بدلع):مجنني متل ابوه
قعد ع ركبتو وحط راسو ع بطنها
هشام: سمعيني لشوف عم يتحرك،بابا حبيبي لاتعذب ماما ها! بزعل منك بعدين
مسكتو من كتافو وهي عم تضحك وشدتو لفوق
سارة:هههه عااساس فهم عليك قوم بقا بلا جنان
بيقوم لعندها وبيرجع بيضمها وعيونو عم يلمعو
هشام:يالله ياسارة ماني مصدق ايمت يجي عالدنيا احملو بين ايديي واسمع صوتو وهو عم يبكي
سارة:الله كريم حبيبي بتهون كلها كم شهر وبصير بين ايدينا
رفع راسو للسما وحكا بلهفة
هشام:يارب يارب الله يكملا معنا ياروحي
سارة:امين حبيبي
وبيبعد عنها وبيحكي بجدية
هشام:يلا انا رح روح عالشركة،وانتي حملي حالك وروحي عند ماجدة،خليكي جمبا المسكينة قلبا مكسور
سارة:ماشي باامرك انا
هشام:دخيلو انا الي باامري، يلا سلام
سارة: الله معك ياعيوني ميسرة
وحمل حالو وطلع من الغرفة
---------------------------
عند سلطان
هناء: اي خالو قلي كيفا الماما وهشام ومرتو ياسمين ريما، الكل شواخبارهن
سلطان:مناح الحمدلله، امك الله يعينها مكسور خاطرها ع غيابكن، بس عم تكابر وتعمل حالها قوية
هناء(بحزن):ان شالله بتقبر قلبي شو اشتقتلا
سلطان:هانت خالو هانت فترة قصيرة وبتصيري بحضنا
هناء:ايمتا بقا خالو والله قلبي نطف
سلطان: هدي شوي خالو والله فترة قصيرة
هناء:طيب ليش شو السبب، ماكل الادلة صارت باايدنا، شو لسا مستنين
سلطان: ازا انا حكيت وفضحت كل شي ريما رح تروح بجريرتهن، ف لهيك انا عم استنا ريما لتحكي وتنطق بقا
هناء: ريما مارح تحكي خالو، ريما بتخاف
اطلع فيها بثقة وابتسم
سلطان: لاوحياتك رح تحكي انتي بس ستني عليي
كان ادهم باايدو فنجان قهوة بيحطو من ايدو وبيطلع فيه بتساؤول
ادهم:خال هلق انا بدي اسالك،
سلطان:سأل
ادهم:انت ليش مهتم بريما كل هالقد!!!
سلطان: ولو ادهم، مو انت من الاول قلتلي انك مابدك ياها تتبهدل معهن لانها مالا ذنب وانو هنن يلي ورطوها !!!
ادهم:صح انا حكيت هيك، بس انا حاسك انت مهتم فيها زيادة
بيحك دقنو بتوتر وبيحاول يبين طبيعي
سلطان: لاموقصة مهتم فيا، بس اناحسيتا مظلومة لهيك تعاطفت معها
وبيضل ادهم عم يتطلع فيه نظرات شك
وسلطان متلبك من نظراتو
وهناء عم تنقل نظرها بيناتهن
سلطان:شبك ولاه!! ليش هيك عم تطلع
ادهم(بنظرة خبث): سلامتك خال، قلتلي حسيتا مظلومة لكن!
سلطان(متلبك):اي مظلومة، ولا قلك
وبيلف رجل ع رجل وبيتصدر لورا وبيضم ايديه ببعض وبيتطلع فيه بثقة وقوة
سلطان:البنت عاجبتني عندك مانع! !!
بيطلع ادهم بهناء يلي كانت مصدومة متلو وبيرجع بيتطلع ع سلطان
ادهم(بعدم استيعاب):كيف يعني مافهمت!شو عاجبك فيا بالظبط!!
سلطان:اكيد مو جبنها، عاجبتني ك شكل ك انثى ، ك روح
ادهم(بصدمة):وعم تقولا هيك !!ومانك خجلان مني!!
سلطان:وليش حتى اخجل منك! ليش انا شوعم احكي!؟ عم قلك عاجبتني
ادهم: لا وبيعيدها كمان!!
سلطان:شه! شو عم سبك يعني!! ليش نزعجت شوفيها ازا قلتلك عاجبتني اختك
ادهم(بعصبية):خال لاتسب
وهون بتفقعا هناء ضحكة
بيتطلع فيها سلطان وبيضحك
وبيوجه كلامو لاادهم الحمش 🤣
سلطان:لك يخرب بيتك ايمتا سبيت! !! ازا قلتلك اختككك (وبيحكيها بلهجة مستفزة)
هناء:بس ولاه بقتلك خراس
ادهم:ههه ليش عصبتي اولتا واخرتا رح تصيري امو لتيم، ياحرام هالولد كمان طامس فيكي متل ابوه خلص ازا ماصار نصيب ع ابوه استني تيم ليكبر وتزوجيه
هناء(صارت تقرصو من ايده): لك خلص خراس نضب تضرب شو بايخ
ادهم(عم يبعدها عنو): ههههه لك اي وليه شو حكينا عم نلطف جو
هناء: تضرب ماازنخك بس تتزانخ 😶
وبيقطع حديثهن صوت تلفون ادهم
بيلتفت لعندو وبيحملو بيشوف اسم المتصل وبتتغير نظراتو
هناء: مين؟
ادهم :بتول
هناء(بخبث) : اهاا شوبدها
بيلتفت لعندها بجدية وبنظراتو شي من القهر
ادهم: اطمني ماشتاقتلي، بجوز بدها تسال ع عماد
وبيفتح الخط وبيرد عليها
ادهم: ايوا بتول
بتول: شو صار معك
ادهم:بخصوص شو
بتول:بخصوص عماد مانك ناوي ترجعو!
ادهم: ليش انا ايمت قلتلك بدي رجعو
بتول:يعني رح تتركو عندك!
ادهم: ليش شتقتيلو؟!
بتول: لاماشتقتلو ينباع بالعزا بس عم اسال، ازا الناس سالوني عنو شو بدي قلهن
ادهم:قولي مسافر في الف حجة تخترعيها ست بتول
بتول: اي طيب لكن تصبح ع خير
انقهر و شد عالتلفون بقوة
ادهم: وانتي من اهلو
وفصل الخط ورما التلفون بعصبية
هناء(مستغربة):شبك ليش عصبت!
ادهم: عصبت من برودة اعصابها
هناء: معلش اخي بدك تطول بالك
بيهز براسو وهو شارد بالعدم
وبيحكي بمسايرة
ادهم:اييه منطول بالنا،لنشوف شو اخرتا
--------------------
بمكان تاني
كانت هيما قاعدة قدام شاشة التلفزيون وعم تحضر فلم كوميدي وعم تضحك وتقلب لورا
بيرن تلفونها بتوقف الشاشة
وبتحمل تلفونها لبتفتح الخط وبترد
هيما:الو، اي حبيبتي اي فروحة، وصلتك الامانة؟! اي نشالله الف مبروك، انتبهي عليه ياعمري خطي الولد يتيم ومالو حدا ،اوكي حبيبتي باي
حطت التلفون من ايدها وضحكت بصوت عالي ضحكة شريرة
هيما: ههههههههه، ياحرام ياماجدة هلق بتكوني رح تفقعي قهر عاابنك، هههه بس يلا هلق هو باايد امينة ورح يكون مرتاح اكتر مع هدول الناس، وماحدا غيرك رح يحترق قلبو، ايه بتستاهلي ماحدا قلك لعبي معي
وبتصفن وبترجع فيها ذاكرتها لقبل كم يوم:
فلاش باك:: كانت هيما بمكتبها وعندها ضيفة
هيما:سمعيني فروحة ،انا بعتت وراكي لحتى حاكيكي بموضوع كتير ضروري
فرح:اي تفضلي ست هيما احكي
هيما:في عندي جماعة اقربائي من فترة شهر توفو بحادث سيارة ياحرام، وهنن عندهن ولد صغير عمرو حوالي السنتين وهالولد صفا يتيم الام والاب يعليي وماضللو حدا
واصلا امو وابوه الله يرحمو مالهن حدا حتى
هنن تزوجو بعض عن حب وبدون رضا اهلهن
فاانا قلت بماانك انتي ماعندك ولاد
اقترح عليكي تاخدي الولد تربيه
كانت فرح متفاجئة بطلب هيما الغريب
اطلعت فيها بشك وحكت
فرح:هلق عنجد الولد مالو حدا!!
هيما:اي مالو حدا ليش مستغربة!
فرح:انو مدري معقول مقطوع من شجرة
هيما:ياروحي قلتلك اهلو اخدو بعض بدون رضا اهاليهن
فرح:يعني،الولد مانو ابن حرام!
هيما(عضت ع شفايفها ): بزعل منك فروحة شو هي،ابن حرام !
فرح:طيب ليش ماانتي تربيه! ماهو بيقربك؟
هيما:صح حبيبتي، بس شوفة عينك
واشرت بعيونها على مكتبها
هيما:انا ماعندي وقت ودائما مشغولة مارح افضا الو ابدا،بعدين يافروحة،انا قلت لحالي منو بفرح قلبك ومنو بأمن الصبي عند ناس بوثق فيهن، لانو خطي يعلا قلبي عليه والله بيحرق القلب
فرح:انا ماعندي مشكلة مدام هيما،بس انا الي مخوفني انو يكون ابن حرام، يعني لاتواخذيني قصة هالولد ماعم تفوت بمخي
هيما: له يا فوفو! عم تشكي فيني
فرح:اسفة مدام، بس بدي دليل انو الولد مافي وراه قصة
هيما:لعيونك وحقك
بتفتح الدرج يلي جمب مكتبها وبتطالع ورقتين
وبتعطيهن ل فرح
هيما:خدي اقرأي هي شهادة الولاة تبع الطفل(مزور)
وعقد زواج امو وابوه(مزور)
بتاخد فرح الاوراق وبتقرأهن
وبوقتها بتصدق انو الولد مانو لقيط
بتعطي الاروراق لهيما وبتبتسم
فرح:طالما هيك انا موافقة، بس بالاول بدي شاور زوجي
هيما(باابتسامة نصر):اي شوعليه شاوريه حبيبتي حقك
فرح:طيب بالاذن مدام
هيما: اذنك معك
بااااااك
هيما(بشماتة): ايه ياحرام ياماجدة شوعملتي بحالك روحتي ابنك بجريرة فعايلك، ياحرام عنجد ياحرام
-----------------------------
ببيت صافي
كان قاعد ولافف رجل ع رجل وعم يشرب سيكارة
وقدامو قناني المشروب والمكسرات عم يضحك ويحكي مع حالو متل المجنون
صافي: هههههاااي راحت الغالية بنت الغالي، راحت ام الفوف راحت، اختفت اكلها العو ههههههههاي
مد ايدو لجمبو وحمل تلفونو وضرب رقم واتصل عليه
وبعد كم رنة
صافي:عوافي معلم قاسم،
قاسم:ياهلا بحبيبنا والله
صافي:شووو كيف البضاعة عجبتك
قاسم:شي ناهي والله يسلم ايديك
صافي: ولو بدنا خدمة تحرز،قلي لشوف شوعملتو فيها؟
قاسم: اممم للصراحة لسا ماعملنا شي، لانو المدام عجبتني بدي شوف شغلي معها
#ابناء_البيك_
بقلم:Amina Thhan(شرقية الهوى)
البارت 18 قبل الاخير
ببيت اياد
كانت قاعدة وعم تندب حظها وتبكي
واياد قاعد ع جنب وعم ياكل حالو من القهر
بعد مابلغو الشرطة عن اختفاء الولد
ماجدة: اااخ اخ شوعملت بحالي ياريتني مارحت ياريتني ماتحركت وتركتو
اطلع فيها اياد بعصبية وصرخ فيها
اياد: لحتى تعرفي انك مستهترة، ولد بهيك عمر بينترك! !!
ماجدة: والله مابعدت عنو والله
اتدخلت ام اياد يلي كانت عم تهدي ماجدة كل الوقت
ام اياد: اياد ابني حرام عليك مرتك موناقصها
اياد: موناقصها ما؟ ،وبيطلع ع ماجدة
اياد: ازا الولد مابيرجع ماتلومي الا حالك
ماجدة:لك مشااان الله تركني بحالي تركني، لككك انت احن مني عاابني ولالتكون بتحبو اكتر مني، فكرك انا مبسوطة ب الي صار
وفجأة بيقطع حديثهن صوت جرس الباب
بيتطلع اياد بماجدة بعصبية
وبيقوم بيفتح الباب
اياد:اهلين هشام، اهلين سارة تفضلو
بتدخل سارة وهي ملهوفة ووراها هشام
سارة:طمنونا عرفتو شي عن كرم!؟
بيهز براسو بالنفي
اياد:للااسف لا، دورنا بكل مكان وماكنا نلاقيه
هشام:طيب الشرطة شو حكو؟
اياد:لسا مابين شي معهن عطيناهن صورتو
وهلق هنن عم يدورو عليه
هشام:لاحول ولاقوة الا بالله، من وين اجت هالمصيبة
اياد(بياخد نفس عميق) :دخلو لاتضلو واقفين عالباب
دخل هشام وسكر الباب
هشام:سلطان جاية ورانا خبرتو وكتير انقهر ونشغل بالو
اياد: اي شوعليه اهلا وسهلا فيه الله لايشغلو بال
ودخلو لجوا
----------------------
بمكان تاني
غرفة تحت الارض
حيطانها مليانة دم وكأنها مسلخ
جابوها ورموها بين رجلين المعلم
الي كان شكلو كتير مرعب
اصلع ودقنو طويلة
وعينو كريمة ومحطوط عليها شاش
وبتمو الغليون
كانت لسا مو مستوعبة شوعم يصير لحد ما شافتو قام من محلو وعم يقرب منها بخطوات كانت مرعبة بالنسبة الها
صار قريب كتير منها نزل لعندها ع ركبتو ورفعلا راسها
قاسم:اوووه والله مبينة محرزة هالشروة
فداء(بخوف):انت شوبدك مني
قاسم:كل خير ياحلوة كل خير
وبيرفع راسو وبيتطلع برجالو
قاسم:خدوها من وجهي هلق بعدين منشوف شوبدنا نعمل فيها
بيجو الشباب بيجروها من ايديها
وبتبلش هي تقاومهن وتصرخ
فداء:تركوني ياولاد الحرام، لك مين انتو شو بدكن فينيي ياولاد الكلب
واحد من الرجال:سدي حلقك وليه
فداء(عم تدفشهن عنها); لك تركوووني بعدو عني انتو لسا مابتعرفوني منيح، بئذيكن وحياة ربي
---:هههههه اي هدي هدي خانم
وبيضلو جارينها ليوصلو لغرفة صغيرة ومعتمة بيرموها فيها وبيسكرو الباب
بيروح واحد من الشباب
وبيضل التاني واقف عالباب عم يحكي معها من الطاقة
فداء(تبكي):لك مشان الله طالعوني، شوبدكن مني ببوس ايدكن
--:خرسي ونضبي وليه مابدي اسمع صوتك
فداء:لك بس قولولي مين انتو ،ليش جايبيني لهون ليش ،شوبدكن مني
-(ب شر );بدنا كتير شغلات ،
فداء:لككك طالعوني من هون طالعونيييي
--:والله للااسف مامنقدر نطالعك من هون، مانحن دافعين حقك مصاري ههههه بلاوي زرقا
فداء(بعدم استيعاب):كيف يعني دافعين حقي مصاري كيف
---:جوزك باعنا ياكي ب700الف دولار ههههه تخيلي،
فداء(بصدمة):كيف يعني !! مشان الله فهمني
صار الرجال يضحك بصوت شرير ويصفق
وقف ضحك واطلع فيها بجدية
---:يعني نحن شتريناكي منو ودفعنالو حقك 700 الف دولار ،رح تساليني شو منستفيد؟ رح جاوبك منستفيد كتير، لانو انتي ياحبابة بمسلخ لتجارة الاعضاء البشرية، ف لهيك بحب قلك، تودعي من حياتك بهالغرفة المظلمة، لانو اجلك قريب وقريب كتير
وتغيرت نظراتو للشر وكشر عن نيابو
وومالا باايدو
--:يلا سلام ياحلوة
ومشي،بطريقو
بينما هي عم تحاول تستوعب حكيو يلي كان بيصدم
واول ماستوعب انو حياتا قربت تنتهي جن جنانها وصارت تضرب ع حالها وتصرخ وتولول
فداء:لاااااااااا مشااان الله لا دخيلك ياربي لا مابدي موت. مابدي مووووت مابدي
قامت من محلها وركضت لعند الباب صارت تخبط بقوة وتصرخ
فداء: فتحووولي مشاان الله فتحو، ببوس رجليكن فتحو
بس ماكان في جواب
ضلت عم تصرخ وتضرب الباب لحد ماهلكت ووقعت باارضها ،،،،
---------------------
ببيت اياد
وصل سلطان لعندهن
وكانو قاعدين كلهن وعم يستنو خبر عن كرم
الكل متوتر وبالو مشغول
وماجدة قاعدة ع نار وبس عم تبكي
اخترق سلطان الهدوء يلي بالقعدو
واطلع بماجدة بخبث وحكا
سلطان: مدام ماجدة شو صار بسيارتك الي كانت متعطلة؟
رفعت راسها ومسحت دموعها واطلعت فيه بقلق
ماجدة:عفوا!! عن شو عم تحكي؟
سلطان(بلهجة مستفزة): اه شكلك نسيتي ،بيوم الحادث يلي صار مع هشام، انا اجيت لعندو ع الشركة، وشفتك بالكراج واقفة مع شب عم يصلحلك فرامات سيارتك، شو صار فيها تصلحت؟
الكل صار يتطلع فيه مستغرب
من حديثو يلي ماكان بوقتو ابدا
حملت تلفونها وايديها عم يرجفو
ضغطت ع رقم اياد
واتصلت فيه
ماجدة: اياد مشان الله لحقني،ببوس ايدك كرم نخطف يااياد
---------------------------
مكان مظلم ومجهول
وحيطانو مرطبة والفيران عم تتراكض بكل مكان
محطوط ومربط وعم يصرخ بااعلى صوتو
---:لك طالعونيييي ياكلاب ،مييين انتو، شو بدكن مني
وفجأة بينفتح الباب
وبيظهر نور الشمس من برا
ومن الباب بيدخل ادهم
وهو عم يمشي بثقة
بيقرب شوي شوي من الشخص المربط وبيشغل كشاف وبيضربو بوجهو
وبيبتسم ب نظرة مخيفة
ليتفاجئ فيه الشخص المربط
وينصدم،بحلق عيونو فيه وبلع ريقو بصعوبة
---:انت؟ !!!!
ادهم: اي انا، شبك تفاجئت لك عمادو؟ !!
عماد: انت شوبدك مني
بيقرب منو ادهم بخطوات بطيئة وهو ماسك الكشاف باايد
والايد التانية حاطتها بجيبتو
وبصير يتفتل حواليه
ادهم: سلامتك عميم بدي منك كل خير، لاتخاف
عماد(بصوت خايف): انت مو كنت مختفي ،شو جابك، ليش اجيت
بيقرب لوراه ادهم وبيخبط ايدو ع كتفو بقوة
ادهم: اجيت صفي حسابي
بيزداد القلق بقلب عماد وبصير ينطق بصعوبة
عماد: ح ح حساباات شوو
ادهم:ولو ياعميم، مابتعرف حسابات شو ولاعم تغشم حالك
عماد: مابعرف عن شو عم تحكي، فكني وطالعني من هون
بلش ادهم يضحك تدريجيا ويطرق ايديه ببعض
قرب لعندو لقدامو ومسكلو وجهو بقوة ورفعلو ياه
ادهم:قلتلي مابتعرف عن شو عم احكي ما؟،طيب بسيطة، هلق بس يجو الشباب لحالك بتعرف عن شو عم احكي انا، وبتكر كل شي بقلبك
وترك وجهو وطلع فيه بكره وصرخ
ادهم:ياشباب
اجو تلات شباب ضخمين كل واحد مابيفوت من الباب ووقفو وراه
--;امرك معلم
اطلع بعماد بحقد واشرلن عليه
ادهم: دللولي ياه ،
بدي اقعد اشرب اركيلة على صوتو
---:باامرك معلم
كان عماد خايف ومقطوع قلبو
اول مابلشو الشباب يقربو منو صار يصرخ بصوت عالي ويخبط عالارض برجليه
عماد:لاا لا ياشباب طولو بالكن
ادهم:هههه خايف عمادو؟ لاتخاف حبيبي لاتخاف لسا الي جاي احلا
عماد:ياادهم ببوس ايدك خلص بكفي، لك شوعملتلك لتعمل معي هيك
بيقرب منو وبيطلع فيه بحقد وبيمسكو من رقبتو
ادهم: مابتعرف شو عملتلي مو يااحقير ياكلب
عماد(عم يختنق):لك ادهم مشان الله خلص ببوس ايدك خلص
ادهم(بسخرية): والله جد؟ بدك تبوس ايدي ؟ اي طيب خود بوسها
وحطلو ايدو ع تمو وشدو من رقبتو اقوا
ادهم:بووس ولاك حقير
كان عماد ساكت وماعم يأتي بااي حركة شال ادهم ايدو وضربو فيا كف بالمقلوب ع تمو طالعلو الدم
ترك رقبتو واشر للشباب
ادهم: رح اطلع جيب اركيلتي واجي لبين مااجي بدي اسمع صواتو لبرا مفهوم؟
الشباب:مفهوم معلم
وطلع ادهم لبرا
والشباب هجمو ع عماد فكوه وشدو من ايديه وهو عم يصرخ
عماد: دخيلكن تركوني ببوس ايدكن
ماكانو عم يردو عليه
مسكولو ايديه ورفعوهن وعلقوهن بجنزير
بينما هو عم يصرخ ويقاومهن
جابو الكرباج وبلشو فيه ضرب
لحتى صوت صراخو عبا المكان
---------------------------
عودة عند ماجدة
كانت لسا مكانها وعم تستنا اياد
وفجأة لمحتو جاي من بعيد بسيارتو قامت من مكانها وركضت لعندو ملهوفة طفا السيارة
ونزل لعندها
اياد:شوفي ماجدة؟ وين الولد؟!!
ماجدة(تبكي):مابعرف يااياد مابعرف ابني اختفى بغمضة عين
اياد: لكك طيب كيف هيك صار كيف؟ وين كنتي انتي!!!!
ماجدة: سمعت صوت خناقة قوية كتير خفت، من رعبتي تركتو ورحت لشوف شوفي غطيت ثواني اجيت مالقيتو
اياد(بصراخ):لك مجنونة انتي مجنونة!!!! كيف بتتركيه وبتروحي كيف!!!
ماجدة(عم تضرب حالها وتبكي): والله مو بقصدي والله ماحسيت كيف تركتو
اياد: ماسالتي الناس عليه!!
ماجدة: سالتهن ماحدا بيعرف ماكلن كانو عم يشوفو الخناقة
حاول يتمالك اعصابو
ومسكها من ايدها وسحبها عالسيارة
اياد:طيب تعي معي لنخبر الشرطة،
ماجدة:لشو الشرطة!!
اياد:شو لشو الشرطة!! اكيد الصبي نخطف
صارت تضرب عحالها اكتر وتصرخ وتولول
ماجدة:ولييي يااربي دخيلك
اياد: امشي معي امشي، والله ياماجدة ازا مابيلتقا الولد لتشوفي مني شي مابيعجبك
وبياخدها عالسيارة
وبيركب جمبها، بيشغل السيارة
وبيمشي
---------------------------------
عودة عند ادهم
كان قاعد مقابيل عماد يلي كان عم يضربوه رجالو
ولافف رجل ع رجل وعم يشرب اركيلة
وعم يسمع اصوات صراخ عماد يلي ماكانت عم تهدا وعم يتطلع فيه بشماتة
بيرفع ايدو وبيأشر للشباب
ادهم:هههه خلص شباب خدو استراحة ازا تعبتو
بينزلو الكرباج من ايديهن وبيقربو لعندو وبيقعدو بينما عماد لسا عم يصرخ ويتلوا من الوجع
قام ادهم من محلو وشال اركيلتو وقرب لعند عماد
حط نربيج الاركيلة بتمو واخد سحبة
ونفخ الدخان بوجه عماد
ادهم(ببرود): اي عمودتي، اي ياعامودي الفقري انت، اي يااصبع رجلي ،احكيلي لشوف ليش قتلتلي ابي؟!!
كان عماد منزل راسو بالارض وعم يأن من الوجع
تكملة البارت 17
ادهم(بقلق):بس شو خال؟
سلطان: في شغلة مانتبهت عليها للااسف لبعد ماصارت
ادهم:شوهي احكي شغلت بالي
سلطان: الحادث يلي عملو هشام ماكان قضاء وقدر
بينت ع وجه ادهم علامات الصدمة وعدم الاستيعاب
ادهم:كيف يعني!!!!؟؟
سلطان:يعني الحادث كان بفعل فاعل، والفاعل هو اخواتك نفسهن
انفعل وقام من محلو وقرب لعندو قعد ع ركبتو قدامو
ادهم:شو هالحكي! انت كيف عرفت
سلطان: انا بيوم الحادث كنت مارق من جمب الشركة
قلت انزل سلم ع هشام
صفيت سيارتي بالكراج ونزلت
وانا بالكراج شفت ماجدة ومعها شب
كان عم يشتغل بالسيارة ويلعب بالفرامات حسب ماشفت،مااخدت الشي بالشي فكرت سيارتها وعم تصلح فيها شي
وبعد ماخبرت بحادث هشام رحت لعندو
، تزكرت يلي شفتو
سالت هشام عن نوع سيارتو ولونها طلعت السيارة نفسها سيارة هشام
تغيرت تعابير وجه ادهم للقهر شد ع قبضتو بقوة
وحكا بصوت مليان حقد
ادهم:يعنييي كمان هنن السبب؟ !!!
سلطان: واضحة الشغلة مابدها تنين يحكو فيها
ادهم: الكلااااب قليلين الضمير
طبطبلو سلطان ع كتفو محاولة منو يهديه
سلطان: طول بالك خال وحياتك رح يتحاسبو ورح نحطهن بالسجن كلن
ادهم: لك والله لوما خايف وسخ ايديي فيهن وارجع انلحش بالسجن،كنت ارتكبت فيهن مجزرة
سلطان: لا ادهم بدك تطول بالك اوعك!
ادهم:صحي بدي قلك كرمال عماد
سلطان;شبو!؟
طالع من جيب جاكيتو اوراق وعطاه ياهن
ادهم: جبت الاوراق تبع الملكية
سلطان(بفرح): منيح كتير انو رجعتهن،صار عندنا دليل قوي
ادهم: بس انا عم اصبر بدي ريما تحكي، لحتى ماتروح بين الرجلين
سلطان: طول بالك عليها،رح تحكي نشالله وانا رح ساعد بهالشي
ادهم: وكيف بقا
صفن سلطان مع حالو
وتزكر نظرات ريما الو المليانة اعجاب
وكمل كلامو
سلطان: خلص انت شوبدك تركها عليي
ادهم:بدك تخوفها بشي؟!
هزلو براسه بالنفي
سلطان: خلص بقا ادهم قلتلك تركها عليي
وماجدة كمان تركلي ياها اتسلا فيا
وان شالله فترة زمان رح يكونو كلهن بخبر كان
ادهم: ومشان الباقي؟!
سلطان: قصدك صافي وعماد وفداء
ادهم: ومين في غيرهم
سلطان: هدول عاطيك الصلاحية الك عمول فيهن الي بدك ياه، بس اوعك تتهور!!!
ادهم(بحقد); هه مابوعدك
سلطان: ادهم بلا جنان الله يرضا عليك
ادهم: ان شالله.بس هلق انت قلي شوفي براسك؟
موعااساس اتفقنا تراقب كل تحركاتهن
وتمسك عليهن مستمسكات بالشغل ؟!
لتبتذهن؟
سلطان: اي بس هلق غيرت رأيي
ادهم: وشو يلي غير رأيك؟
سلطان: ولك ادهم شبك قديشك فضولي! عم قلك تركها عليي وانا رح ظبط كل شي
ادهم: طيب بس قلي كمان من حقي اعرف
سلطان(بملل وتئفئف): لاحول ولاقوة الا بالله. اخي صار معي شي، خلاني غير خطتي كلها، والباقي بعدين بتعرفو
ادهم(بااستسلام): طيب متل مابدك ،ولو اني حابب اعرف شوفي براسك
سلطان: بعدين بتعرف، قلي هلق
كيفا هنوئة
قام من مكانو وقعد جمبو
ادهم: منيحة بتسلم عليك
سلطان: الله يصلحك ليش ماجبتا، والله مشتهي شوفا،ماشفتا من لما كانت فصعونة
ادهم: اي لاحق تشوفا
سلطان: هلق قلي انتو كيف التقيتو؟!
ادهم: هوهو هي قصة طويلة،بحكيلك ياها المرة الجاية، مستعجل بدي امشي
سلطان:لوين!
ادهم: عندي مشوار ضروري
وقام من محلو واستعد ليمشي
سلطان: طيب على راحتك، دير بالك ع حالك وعااختك
ادهم: ان شالله خال،يلا بخاطرك
سلطان: ميسرة الله معك
قرب منو وسلم عليه وودعو
ادهم:بخاطرك
سلطان: مع السلامة
فلاش باك ;
لما اجا ادهم اول مرة لعند. هناء
هناء:شو ناوي تعمل؟
ضل ساكت وعم يفكر بينو وبين حالو
شو بدو يعمل وكيف بدو يكشف اخواتو وبعد وقت
ابتسم وحكا بحماس
ادهم:لقيتها
هناء:شووو؟
ادهم: وين الابتوب تبعك؟صفحتك عالفيس بوك شغالة؟
هناء:لاموشغالة بس عاملة صفحة تانية
ادهم: المهم تكون شغالة
هناء:طيب ماعم افهم عليك فهمني شو بدك تعمل؟ !!
ادهم: هلق بتعرفي جيبيلي الابتوب
قامت وجابتلو الابتوب
وقعدت جمبو
شغل ادهم الابتوب ودخل عالفيس بوك
على محرك البحث
وكتب اسم: سلطان العمري
وبتكون هناء قاعدة عم تراقب
هناء:مين هاد؟ !!
ادهم(عينيه عالابتوب):خالك نسيتي اسمو
هناء(مستغربة):وخالك شو دخلو بموضوعنا!؟
ادهم: بدي احكي معو واعطيه رقمي خليه يحاكيني وفهمو كل القصة وخلي هو يتصرف عالمخفي
مافي غيرو بيقدر يساعدنا
هناء: اي بس هو باالمانيا شو بدو يجيبو لهون
ادهم: بيجي لازم يجي كرمالنا
هناء:مابعرف ازا انت شايف هو خرج يساعدنا توكل ع الله
ودخل ع صفحتو
وكتبلو رسالة
مرحبا خال انا ادهم ابن اختك
بترجاك اول ماتشوف رسالتي اوعك تحكي لااي مخلوق اني حكيت معك
رح اكتبلك رقمي واول ماتفتح الرسالة ثبتو عندك وحاكيني واتساب
خلص كتابة الرسالة وبعتها
بااااك
----------------------
ببيت مجدي بيك
وصارت تتطلع فيه بنظرات غريبة
سحبت ايدها من تحت ايدو بعصبية
وقامت من محلها
بتول: عن اذنك
ومشيت
قام من مكانو ومسكها من ايدها وقفها
ادهم:لوين رايحة ؟
نفضت ايدها من ايدو بعصبية واطلعت فيه بعصبية
بتول: حل عني ادهم تركني بحالي واعك بقا تفرجيني وجهك ماشي؟
ادهم:بتول شبك زعلتي؟ ماحكيت شي غلط، عماد اولتها واخرتها رح يدخل عالسجن،ولك هي ازا ماهشام قتلو لما يعرف الحقيقة
بتول:اها والله! وانت هلق عم تحجزني مشان ماطير من ايدك؟!
ادهم: بتول خلص بقا الشغلة مابدها هالتعصيب
لك مجنونة انا لساتني بحبك لهاللحظة، ولايوم نسيتك او شلتك من بالي
بدك ياني اتركك تروحي من ايدي من جديد!؟،مستحيل بتول مستحيل، لك انا بتنفسك فهميني بتول مشان الله
بتول: بس انا مافيني اتخلا عن ولادي، ولادي يلي هنن كل حياتي مستحيل اتركهن كرمال اي حدا، حتى كرمالك ادهم، مافيني اتركهن بموت بلاهن
حط ايديه ع كتافها وحكاها ب لهفة
ادهم: انا بربيلك ياهن مستعد ربيهن وحطهن بعيوني، انتي بس قوليلي اي عطيني امل
بتول: مارح تقدر تتقبلهن،ماهنن ولاد عدوك، اكيد رح تظلمهن
ادهم: لا لا وحياة عيونك، مارح اظلمهن رح عاملهن احسن من ولادي
بتول: خلص بقا ادهم تركني روح
ادهم: مارح اتركك بترجاكي عطيني امل
هزتلو براسها بالرفض
وبهدوء مشيت بطريقها
وراحت
بينما هو واقف مكانو عم يراقبها بقهر
ركد لعندها ليلحقها
كانت صارت برا الكافتيريا
صرخ فيها ووقفها بمكانها
ادهم: خليكي عم تهربي مني،بس انا مارح مل ورح ضل حاول لترجعيلي
غصت بالبكي وحطت ايدها ع تمها وركضت
دخل ادهم عالكافيه
حط الحساب عالطاولة واخد الاوراق ومشي
--------------------
عند سلطان وريما
كانو لسا عم يركضو بالغابة
كانت ريما طول الوقت عم تطلع فيه بااعجاب
انتبه عليها وحكاها بمزح
سلطان: طلعي بطريقك يابنت ح توقعي
ريما(وهي عم تلهث): ماتعبت؟!
سلطان: انا مابتعب بسهولة
ريما(بملل): اففف بس انا تعبت
سلطان(بمزح): موعيب بنت بعمرك تقول تعبت، لساتك صبية شبك المسنين ماحكو هيك
ريما: ههههههه مين قلك اني صبية انا ختيارة
سلطان: والله ازا بتقوليلي عمري 90 سنة مافي توقفي ركض لوقف انا،
ريما(بزعل): ياالله طب ليه 😭
سلطان: هيك مخ، انا يلي بدو يمشي معي بدو يسمع كلمتي ايوا 😎
ريما(بااستسلام): طيب ماشي امرك سيد سلطان
وكملو طريقهن وهنن عم يركضو
وكل شوي ريما تطلع فيه بااعجاب
حركاتو وحكيو الحيوية يلي فيه والروح
عم يخلوها تنشد الو وتضل طول الوقت عم تراقبو وعيونها عليه لدرجة انو تفركشت بنص الطريق ووقعت
مسكت رجلها وصارت تصرخ
ريما: اااخ رجلي
وقف سلطان ركض ونزل لعندها ملهوف
سلطان: سلامتك شو صرلك
ريما(عم تتوجع): مابعرف كيف وقعت موجوعة كتير
سلطان: وين عم يوجعك، كيف صار هيك، قلتلك اطلعي قدامك، عجبك هيك
ريما: اااخ والله كنت عم اطلع،بس مابعرف كيف وقعت
سلطان:طيب قليلي وين عم يوجعك
حطت ايدها ع كف رجلها
وقالتلو بصوت متعب
ريما: هون
سلطان: طيب طيب سلامتك تعي معي
قرب منها وحملها بين ايديه
حاوطت رقبتو باايديها
ريما:لوين اخدني
سلطان: رح نقعد بمكان داويلك رجلك
رفعت راسها واطلعت فيه
واول ماصارو عيونها بعيونو نست كل الوجع وماعاد حست بشي
اتمنت للحظة انو يوقف الوقت هون
ومايتغير الوضع يلي هي عليه
كل الوقت كانو عم يتبادلو النظرات
يلي ماحدا منهن عم يعرف يفسرها
او يلاقيلها مبرر
اخدها لمكان قريب
وقعدها عالعشب مدلها رجلها وصار يدلكها بهدوء
سلطان: لساتها عم توجعك
ريما(صافنة فيه):....
رفع راسو واطلع فيها
سلطان:شو عم توجعك؟!
ريما(صرفت نظرها عنو):لا احسن شوي
سلطان: طيب بتقدري تمشي!
ريما: مابعرف بجرب
قام على حيلو ومدلها ايدو
سلطان:عطيني ايدك لنجرب
عطتو ايدها وتسندت عليه وقامت
سلطان: جربي تمشي
صارت تمشي شوي شوي
اطلعت فيه باامتنان وتركت ايدو
ريما:شكرا كتير بقدر امشي لحالي
سلطان: الحمدلله ع سلامتك، انتبهي مرة تانية
ريما: اوكي
وغمزها بعيونو وهو عم يبتسم
سلطان:يلا عالبيت يابنت
ريما: باامرك
انبسط من كلمتها حطلها لايك باايدو
سلطان: برافو عليكي ،هيك بدي ياكي مطيعة
ريما:هههه
ابتسم ابتسامة عريضة واشرلا بعيونو (يلا)
مشيو بطريقهن راجعين عالبيت
وفجأة بيرن تلفون سلطان
بيطالع التلفون من جيبتو وبيشوف اسم المتصل وبيتلبك وبيوقف مكانو
ريما(مستغربة):ليش ماعم ترد ؟
بيتجاهل سؤالها وبيفتح الخط
سلطان: ايوا نعم
--: كيفك
سلطان: تمام كيفك انت في شي ضروري؟
--(بتفهم): اممم كانو في جمبك حدا!
سلطان: هيك شي
--:طيب كان بدي قلك اني بالشام، فيني شوفك قبل مااطلع؟
سلطان: طيب شوي وبكون بالبيت سبقني
----:ماشي عم استناك سلام
سلطان : الله معك باامان الله
سلطان:طيب ممكن سؤال
والتفت لعندها
ريما:اي تفضل!
سلطان:شو يلي عملتو هناء بالضبط لحتى هشام قلعها
استغربت من سؤالو وتلبكت
وبلشت تئتئ بالكلام
ريما: اااا ،ليش عم تسال؟ سلطان بيك؟
سلطان: ولاشي،بدي اعرف شو يلي صاير بيناتهن
ريما: ليش هشام ماحكالك؟
سلطان: مبلا حكالي،بس بدي اسمع من حدا تاني،
هلق هو قلي انها قتلت ابنو، بس انا ماصدقت انو هناء تعمل هيك شي ، بقا انتي قليلي مظبوط هالحكي
ماعاد عرفت شو تجاوبو
واكتفت انو تسكت
سلطان: مستني جواب انا
ريما:انا مابعرف شي انا كل الي بعرفو انو السم التقى بغرفة هناء وهشام وقت شافو جن جنانو وضربها وقلعها
سلطان: وانتي شو بتقولي، معقول هناء هي يلي قتلت الصبي؟
ريما: بصراحة انا مابصدق هالشي عن اختي، وحاسة انها بريئة
سلطان(بلهجة مستفزة): حاسة ولامتأكدة
انصدمت وزاد توترها اكتر
واطلعت فيه نظرات استفهام
ريما: مافهمت عليك سيد سلطان؟!!
سلطان: لا ولاشي، يعني انتي بتحسي انها بريئة
نزلت راسها وهزتو باايجاب
ريما: اي انا هيك احساسي
سلطان: طيب ازا هي ماعملت هيك، مين الو مصلحة يعمل هيك بطفل صغير؟!!
حست بالقلق من سؤالو يلي كان اصعب عليها من الي قبلو وصار بدها تتهرب
ريما: مابعرف سيد سلطان،ياريت لو بعرف
وقامت من مكانها واجت لتمشي
ريما: عن اذنك سيد سلطان، انا نعست وبدي نام تصبح ع خير
سلطان: وانتي من اهلو انسة ريما
ومشيت بطريقها وهي متلبكة وخايفة
ضل عم يراقبها سلطان لحتى دخلت لجوا
سلطان: باينتا كتير جبانة،مجرد ماجبتلا السيرة خافت
وضحك وحكا بثقة
سلطان: هههه، اي بس انا سلطان ،مارح حل عنها لتحكي ..
-------------------------------
تاني يوم
فاقت لقت حالها بتختها
حست بوجع بكل انحاء جسمها
حاولت تقوم بصعوبة
جلست حالها وقعدت وهي عم تتلوى من الوجع
كانت حاسة بوجع راس وتقل
وحطت ايدها ع راسها
دخل لعندها صافي وباايدو صينية اكل
قعد قدامها وبلش يستفزها
صافي: صباحو مرتي الحلوة،هههه بلاقيكي لهلق ماعملتيني عبرة
شومستنية؟ !!
فداء(بتراقبه ب غل ):.....
صافي: اممم مابدك تحكي معي بفهم منك
فداء:....
صافي: هههه عااساس عم تعاقبيني يعني ،
سمعيني بيبي
ومسكها من فكها
خلاها تصرخ من الوجع
صافي: حصتك من ورتة ابوكي بدي ياها
بالذوق بالغصب بشو مابدك المهم بدي ياها
واوعك يافوفو الحلوة تتزاكي وتروحي تخبري الشرطة او تخبري حدا من اخواتك ب يلي صار بيناتنا
لانو وقت رح تعملي هالشي رح يكون هاد اخر يوم بعمرك مفهوم بيبي؟
كانت عم تطلع فيه بخوف ودموعها عم ينزلو وحدة ورا التانية
وترك وجها ودفشها
وقام من محلو وهو عم يتطلع فيها بكره واشمئزاز
صافي: يقطع عمرك
مشي بخطوات بطيئة عند باب الغرفة
ووقف قدامو والتفت لعند فداء
صافي(بااستهزاء): بالمناسبة،انتي كنتي حامل، بس للااسف سقطتي الجنين هههههههههه
ولف ضهرو وطلع من الغرفة وهو عم يضحك بصوت عالي
بينما هي انهارت اكتر وصارت تضرب عحالها وتصرخ
فداء: ياابن الحرام ياابن الكلب يااواطييييي لهون وصلت معك يااااااااحقير
حطت ايدها ع بطنها وصارت تصرخ بصوت عالي
فداء: لااحرمك نور عيونك ياصاااافي الوسخ ..
------------------------
ببيت مجدي بيك
كانت الساعة حوالي ال 11 الصبح
فاقت ريما متنشطة
ونزلت ع حديقة الفيلة
كان الجو كتير حلو ومنعش
واصوات العصافير عم تزقزق
والهوا هادي ولطيف
قعدت متل العادة مقابل المسبح
واخدت نفس عميق واسترخت
وفجأة اجا سلطان وهو لابس بيجامة الرياضة وعم يركض
وقف جمب منها وهو عم يركض بمكانو ويحرك ايديه يمين شمال
سلطان:يعني المسا لقيتك هون، وهلق لقيتك هون،شو عشقانتيا لهالقرنة هي
فاقت من صفنتها الطويلة
وابتسمت وهي متفاجئة
ريما: انت من ايمتا هون؟
سلطان: كيف بدي حددلك ماانتي من اول ماجيت ثابتة متل الصنم ماعملتي ولا حركة لقلك عند اي حركة جيت
ريما: ههههه اي حقك، طيب قعود ليش هيك ماعم تهدي!
سلطان: لا لا مافيني، بدي روح اركض
وتزكر انو ماصبح عليها وضحك
سلطان: اه صح ماقلتلك صباح الخير
حطت ايدها ع تمها وضحكت بنعومة
ريما: هههه اي لاولو مبكر ،طيب بعدين بتركض قعود طلبت من ام علاء تعمل قهوة بتشرب معي
سلطان: لا لا مابقدر بدي اطلع
شو رايك تطلعي معي
ريما:شوبدي اطلع اعمل!
سلطان: ركضي معي، الركض منيح عالصبح
وفي الو كتير فوائد
هزت براسها بالنفي
ريما: لا مابدي بتعب فورا
سلطان: لا مابتتعبي قومي بلا كسل
قرب لعندها ومدلا ايده
بينما هي كانت مترددة
سلطان: يلا يابنت
ريما: مصر يعني!
سلطان: اي اي مصر. يلا سمعي الكلمة
واستسلمت لرغبتو وحطت ايدها باايدو وقامت معو
طلعو لبرا الفيلة وصارو يمارسو رياضة الركض
-----------------------
بمكان تاني
بتلتفت لعندو وبتطلع فيه بحقد وغل
فداء: عم تحلم تطول فرنك ياكلب
صافي(ببرود): ليش الشغلة ع كيفك ليكون!!
فداء: طبعا ع كيفي. والله العظيم بقتلك قبل ماسلمك شي ياحيوان ياحقير ياتافه
بينزل راسو بالارض وبيحط ايديه ببعض وبيهز براسه لتحت
صافي: لاانتي لسانك كتير طولان وصاير بدك ترباية
قامت من جمبو ووقفت قدامو وهي عم تشد ع قبضة ايدها
فداء: ولك واحد متلك بدو ترباية ياقليل الزوق، ليك ولاه املاكي رح ترجعلي ياهن متل الشاطر،والا والله ياصافي ببهدلك بهدلة الكلاب، انا فداء اذا لسا مابتعرفني،بعمل فيك العمايل والله
بيقوم من محلو بخطوات بطيئة بيقرب لعندها وبيضم ايديه ببعض وهو عم يتطلع فيها بااستهزاء
صافي: اها وشو بدك تعملي فيني! ؟ نورينا
فداء: فيني اعمل كل شي لحتى ذلك وامسح فيك الارض وخليك عبرة
صافي: اممم يعني انتي هلق يافوفو بدك تخليني عبرة لكن
فداء: ولك وبخليك تشتهي الموت كمان
صافي(بيهز براسه): مفهوم مفهوم
وبدون سابق انذار بيمسكها من تيابها وبيرميها بالارض بقوة وبصير يضرب فيها ويرفسها برجلو
وهي تصرخ من الوجع وتحاول تهرب منو
صافي: لكن بدك تخليني عبرة يابنت الكلب قلتيلي
فداء(بصراخ): تركني ياابن الحرااام ياواطي
صافي: بدك تخليني عبرة ما، اي شوعليه
وبيزيد ضرب فيها
واخر شي بينزل لعندها بيشحطها من شعرها
وبيرجع بيرميها عالارض بقوة
بيجي بطنها ع حرف الكنباية وبتوقع
غميانة وفاقدة الوعي
وبيبلش الدم يسيل على رجليها،،،،،
------------------------
عودة لبيت مجدي بيك
بعد ماخلصو عشا وقعدو بغرفة القعدة
مريم: شو اخي كيف لقيت الاكل
سلطان: والله شي ناهي غير شكل، يسلم ايديكن
مريم: ان شالله الف صحة وهنا ياتقبرني
سلطان: على قلبك اختي
هشام(بغيرة):شو سيد سلطان كأنك صرت الكل بالكل
سلطان(بثقة): والله يابيك صغير، انا من يوم يومي الكل بالكل ماتغير شي
هشام : اي دخيييلك بيسلم عليك مداح نفسو
سلطان: اي الله يسلمك ويسلمو
مريم(بتحاول تغيظ هشام):اخي هاد هشام عم يغار منك ها دير بالك منو
سلطان: ستي اصلا بعرفو ابنك، من طول عمرو بغار مني، وللصراحة مابلومو يعني
هشام: اي حاجتك بقا تنفش بحالك 😒 مين صرت يعني
سلطان: هههه كسار راسك ولاه
هشام(بغرور): موخسا تكسر راسي،هشام انا ولك سلطان فتح عينك منيح
سلطان(بمسخرة): اي والنعم هههههه
وفجأة بتقطع حديثهن ريما
لما بتدخل عليهن
ريما: مرحبا ياجماعة
هشام: هلا والله برمروم،تاخرتي
ريما: اي هلق لحتى خلصت
وبتدخل بتسلم على ماجدة واياد
وبتوصل لعند سلطان
بيقوم من محلو وبيمدلا ايدو
بيقرب هشام وبيعرفها عليه
هشام: رمروم هاد خالي سلطان
وبيطلع ب سلطان وبيأشر ع ريما
هشام: ريما اختي المدللة
بتبتسم بوجهو وبتمدلا ايدو
وبتصفن فيه وبااناقتو وملامحو الرجولية وهو بيكون عم يتطلع فيها بااعجاب
سلطان: تشرفت بمعرفتك انسة ريما
ريما(متلبكة من نظراته): وانا كمان الي الشرف
وبيضلو ع وضعهن لثواني
هشام(بيتطلع فيهن مستغرب): مابدكن تقعدو؟
بتحس ع حالها ريما وبتسحب ايدها من ايدو وبتقعد بالكرسي الي مقابيلو
-----------------------
ببيت عماد
كانت بتول قاعدة لحالها
ومتوترة شاردة ونظراتها مليانة قهر
كان في قدامها كاسة مي مسكتها بعصبية شربت منها رشفة وضلت ماسكتها وعم ترص عليها لثواني
حملت موبايلها يلي كان جمبها
وصارت تدق رقم
حطت التلفون ع دانها وبعد شوي
بتول: الو ادهم. بدي شوفك ضروري كتيرر
------------------------
يتبع......
بحديقة الفيلة
كانت ياسمين قاعدة هي ومحمود قدام بعض
محمود: انشغل بالي عليكي،قلت اجي اطمن
ياسمين: الله لايشغلك بال بتشرف بااي وقت اهلا وسهلا فيك
صفن بملامحا الحزينة ووجها الشاحب وعيونا المورمة من البكي
وحكا
محمود: لاايمتا بدك تضلي عهالحالة ياسمين!؟
ياسمين(بحزن): ليفرجها ربك
محمود: ياسمين خلص بكفي رحمي حالك،ليكي عيونك كيف صايرين من البكي، شوفي وجهك كيف صاير شاحب وجسمك نحفان،حرام يلي عم تساوي بحالك
ياسمين(تبكي(: موباايدي يامحمود،هاد ابني، احترق قلبي عليه
محمود: بعرف والله بعرف ومقدر انو الضنا غالي،بس الحي ابقا من الميت، لازم بقا تبلشي ترجعي لحياتك
ياسمين: ماعم اقدر،موت ابني كسر ضهري وقلبي
محمود: ّسلامة قلبك ،خلص ياسمين بكفي،هي ارادة الله وهيك الله بدو، طولي بالك واستهدي بالله
هزت راسها بحسرة واخدت نفسها
ياسمين: لااله الا الله
كان محمود قاعد قدامها ومتلبك بهدوء حط ايدو ع ايدها
وصار يتلفت حواليه
همسلا بصوت حنون
محمود:ياسمين
رفعت راسها واطلعت فيه وانتبهت انو ماسك ايدها
محمود: انا بعرف انو هلق مو وقتها وانو لساتك مجروحة، بس
وتوتر اكتر وسكت
ياسمين:بس شوو؟
محمود: بس انا بدي قلك شي
ياسمين:احكي محمود شبك!؟
كان متوتر كتير وعم يتردد يحكي ولا لا بس اخيرا
محمود:ياسمين بصراحة انتي كتير عاجبتيني، وانا بدي ياكي
اتلبكت وسحبت ايدها من ايدو
ودارت وجها عنو
ياسمين: محمود مو وقت هالحكي هلق. انا نفسيا مو جاهزة لهيك شي ابدا
محمود: بعرف والله بعرف،بس انا بدي منك جواب بدي اعرف ازا انتي بتبادليني نفس المشاعر،ياسمين انا حبيتك، ومن اول ماشفتك عجبتيني، وكنت بدي افتح معك الموضوع قبل مايتوفى ابنك، بس ترددت لانو انتي قلتيلي مابتتزوجي كرمالو خفت ماتوافقي
دمعو عيونا وحكت بحسرة
ياسمين:صح ماكنت رح وافق
محمود: طيب وهلق؟
ياسمين(ببرود): هلق شو؟
محمود:بتوافقي؟!
ياسمين(بحزن):قلتلك ماني جاهزة لهيك شي
محمود: وانا ماني طالب منك شي هلق،،حااتركك فترة لبين ماتتحسن نفسيتك
ولوقتا بترديلي خبر وانا رح كون عم استناكي ع احر من الجمر اتفقنا
ياسمين(شاردة):.....
محمود:ياسمين اتفقنا؟!!
فاقت من شرودها وهزت براسها باايجاب
ياسمين:ان شالله خير
ابتسم وقام من محلو
وقرب لعندها ومدلا ايدو
محمود: عن اذنك هلق صار لازم امشي
قامت وقفت وحطت ايدها باايدو
ياسمين: اذنك معك محمود
محمود: انتبهي عحالك
ياسمين: ان شالله
محمود:سلام
ياسمين: الله معك
--------------------
ببيت عماد
كان عماد راجع من برا
دخل دغري ع غرفتو
واول مافتح الباب تفاجئ
لما شاف سفرة العشا محطوطة بالغرفة
ومليانة بااطيب انواع الاكل
والمشروبات
ومزينة بالشموع
كانت اضائة الغرفة خافتة
والغرفة مزينة بالشموع بكل مكان
كانت بتول قاعدة عالتخت ولابسة ومتجهزة
وعم تستناه
دخل بخطوات بطيئة عالغرفة
وقرب لعندها
قامت هي من مكانها
وقربت لعندو حاوطت رقبتو باايديها
بتول: الحمدلله ع السلامة حبيبي
كان عماد لسا مستغرب من تصرفها يلي ع غير العادة
عماد:شوفي؟!!
بتول:ولاشي حبيبي شتقتلك وحابة نسهر سوا فيها شي؟
عماد: اي بس مافي بالعادة شبك بتول سخنانة شي اكيد مالك بوعيك
وبلش يلمس ع جبينا
بتول(بدلع): ابدا ،بالعكس انا هلق بكامل وعيي
شالت ايديها عنو وشلحتو الجاكيت ورمتو عالكرسي وباستو وسحبتو من ايدو
بتول: يلا تعال نتعشا
قعدتو عالسفرة وقعدت جمبو
وصارت تطعميه باايدها
كان مستغرب من تصرفها بس بنفس الوقت فرحان
ودايب بجمالها وانوثتها
وبينما هي عم تطعميه مسك ايدها وهو صافن بجمالها
عماد: بتول
بتول: ياعيون بتول
عماد: انتي احلا مرأة بشوفها بحياتي انا كتير بحبك
بتول: ياعمري وانا كمان بحبك كتير
عماد(متفاجئ): عنجد عم تحكي!!
بتول: اي عنجد لكن بدي اكذب عليك
عماد: وادهم؟
بتول:ادهم مين والناس نايمين شبك حبيبي مابقينا نخلص من سيرتو، ؟ اصلا انا من زمان بطلت فكر فيه، بس انت بتضل تشك فيني وبتظلمني
عماد:يعني مابتحبيه؟!
بتول(بنزفزة):يووو عماد قلتلك من زمان بطلت حبو شو بدي فيه واحد مجرم،انت زوجي وابو ولادي انا بحبك الك
عماد:لكن ليش لما كنت اسالك ازا بتحبيه تسكتي
بتول(بزعل):اي لانك كنت تضربني وتقسا عليي، لهيك كنت اسكت مشان اقهرك
ارتسمت ع وجهو علامات السعادة وحكاها بصوت مليان حب
عماد:بتول انا بموت فيكي
اطلعت فيه بحب
وقربت منو وهمست باادنو بدلع
بتول: وانا كمان
انحنا لعند ايدها وباسها
واخدها لحضنو وحط راسو ع كتفها
وبلش يشم ريحتها ويدوب اكتر
عماد: ياالهي مااجملك ،لك انتي ناوي تموتيني
بتول: بعيد الشر ياعمري، ان شالله الموت الي
بعد عنها واطلع بعيونها
عماد: مابدك تنامي؟
هشام:انا عالطريق راجع عالبيت حياتي
سارة(بدلع): اي ستعجل شوي ستعجل
هشام(بحب):شتقتيلي؟
سارة: كتيير، ومو بس هيك، في خبرية حلوة بدي خبرك ياها
هشام: خير نشالله فرحينا
سارة: اي لا لتوصل بخبرك، وجه لوجه احلا
هشام: طيب ماشي ياعمري ،شوي وبجي مهند معي رح انزل اشتريلو شوية شغلات وجايين
سارة: طيب ماشي لاتطول عليي
هشام(وكان عم يوقف السيارة): انا باامرك ياقمر
ضل يحاول يوقف السيارة ماكانت توقف
استغرب وحس بالقلق
هشام(متوتر) :يالله ليش هي ماعم توقف
سارة:شوفي حبيبي!!
ضل يحاول يوقفها وماتوقف
زاد قلقو وتوترو وصار يصرخ
هشام:ولككك وقفييي وقفييي
حست سارة بالقلق وكررت سؤالها
سارة:هشام شبك شو عم يصير
هشام:لك السيارة ماعم توقف
مهند: خالو يعني نحن رح نموت
هشام(بخوف): لاحبيبي بعيد الشر شو نموا
سارة(عم تصرخ):هشام نتبه ببوس ايدك
وفجأة بتسمع صوت شحطة قوية
وتكسير بلور وبيختفي صوت هشام تماما
قلبها بيوقع من مكانو وبتصير ترجف من الخوف
سارة:هشام حبيبي وينك! هشام عم تسمعني!!!!
ولما ستوعبت انو صار معو شي وقع الموبايل من ايدها
وصارت تصرخ بصوت عالي
سارة: لااااااا دخيلك يارب لا
طلعت من غرفتها وركضت لبرا
وهي عم تصرخ وتبكي...
----------------------
عند ادهم وهناء
كانو بالسيارة
وادهم عم يسوق
وفجأة بتحس هناء بخنقة فظيعة
وبتحط ايدها ع قلبها
وبتسحب نفسها بصعوبة
هناء: ادهم
التفت لعندها
ادهم:شبك!!؟
هناء: مابعرف شو صرلي فجأة تدايقت
ادهم: بدك وقف السيارة؟
هناء: لا لا وصلني عالبيت دخيلك كتير تعبانة
ادهم(بقلق): اختي شبك هلق ماكان فيكي شي !
هناء: مابعرف ادهم مابعرف كتير مدايقة،
ادهم: لاحول ولاقوة الا بالله صلي عالنبي اختي
هناء: اللهم صلي عالنبي، ياربي دخيلك رح اختنق
ادهم: الله يهدي بالك ياروحي اهدي حبيبتي استهدي بالله قربنا نوصل
-----------------------
بعد ساعة
بالمشفى
كانو الست مريم وياسمين وسارة واقفين قدام غرفة العمليات وعم يبكو ويستنو الدكتور يطمنهن
وكانو فداء وماجدة وعماد واقفين بعيد عنهن وعم يحكو بصوت اقرب للهمس
ماجدة: لك شوهالمصيبة كيف ماحسبنا حساب يكون في حدا مع هشام بالسيارة
فداء: ادعي لربك مايكون صار شي لمهند
عماد (بقلبه):تضربو كلكن ببعض ، انا ازا بتموتو كلكن برتاح وبنبسط ،،،
كانت ريما قاعدة بعيد عن الكل وعم تبكي
وحاسة بحرقة قلب وعجز
ريما: يارب دخيلك تشفيهن ولاتضرهن والله ماعاد ائذي حدا والله بس شفيلي اخي وابن اختي ،
بعد دقايق طلع الدكتور
ركدو لعندو بلهفة
سارة: طمنا دكتور
مريم: الله يخليك دكتور خبرنا
الدكتور: اطمنو قدرنا ننقذ الشب ، بس للاسف الولد يلي كان معو عطاكن عمرو ،
اطلعت فيه ياسمين بصدمة وعدم تصديق
ياسمين : شوووو ابني مااات لا لا انت اكيد عم تكذب
فداء: طولي بالك حبيبتي الله يوفقك ،
قعدت ياسمين بالارض وصارت تضرب حالها وتبكي
واتجمعو حواليها ريما وسارة ومريم
ياسمين: ابني مامات مامات يالله
خالتي ، فداء ريما
قولولو لايكذب عليي ابني مامات موهيك
ريما: اي مامات خلص اهدي اختي بترجاكي
اخدتها لحضنها وصارت تبكي بحرقة
ريما(بقلبها):الله لايسامح يلي كان السبب ،
ضلت ياسمين تبكي وتصرخ وتضرب حالها لحتى اغمى عليها ..
وبعد ساعات طويلة كان هشام طلع من غرفة العمليات ونقلوه عالغرفة
كان متسطح ع تختو والسيروم باايدو
وعم يأن من الوجع
وسارة ومريم جمبو
سارة(تبكي): سلامتك ياالبي ياريتني انا ولاانت
مريم: الحمدلله على سلامتك ياعمري
التفت لعند امو بصعوبة وسألها بصوت متعب
هشام: وينو مهند شوصار فيه
مريم تلبكت وماعرفت شو تقلو
مريم: حبيبي انت هلق اهتم بصحتك وشد حيلك
هشام( بخوف) : امي سالتك شوصار بمهند؟
سارة: منيح حبيبي ماتاكل هم
هشام: ليش حاسسكن عم تكذبو عليي لوكان منيح كانو حطوه معي بنفس الغرفة احكو مهند فيو شي!؟ مشان الله لاتخبي عليي ببوس ايدك
استسلمت وحكتو بصوت مليان غصة
مريم(تبكي): امي مهند عطاك عمرو
تحرك من مكانو بصعوبة
هشام(مصدوم): لك انتو شو عم تحكو ماات لك كيف مات كيف
مسكتو سارة من ايدو ورجعت سطحتو
سارة: اهدا حبيبي الله يخليك مابصير تعصب مشان صحتك
مريم: ياعمري انت خلص عمرو الله يرحمو
هشام(بقهر): انا السبب انا يالله ياريتني مااخدتو معي
مريم: شو دخلك انت ياقلبي هيك الله مقدر
هشام: اخ لك شوبيكون صار بياسمين شوو اكيد جنت،
مريم: الله يعينها ويصبرها
تجمعو الدموع بعيونو وصار يضرب ايدو ع التخت
هشام: يالله ماعم صدق ، لك كان قلبو حاسوو انو رح يصرلو شي ، كنت عم حاول وقف السيارة وماعم توقف ، سالني خالو نحن رح نموت؟
ياللله دخيلك ،ياربي
مريم: ببوس ايدك ياامي روق مابيسوا كرمال صحتك
بتلتفت ماجدة لوراها وبتتفاجئ فيه لما بتشوفو عم يتطلع عليهن
ماجدة: خير في شي!!
--: لاسلامتك ولاشي
بيلف ضهرووبيكمل طريقو وبيمشي عادي
بتلتفت ماجدة لعند الشب
وبتحكي بتوتر
ماجدة: خلصني بسرعة
---------------------------
عند هشام
اجت ياسمين لعندو ومعها ابنها مهند
ياسمين: مرحبا اخي
هشام: اهلين ياسمين
ياسمين: اخي زكاتك عندي اجتماع ضروري
واخواتك كلهن رح يضلو معي
وهاد الازعر مهند اليوم اجا معي عالشغل
زكاتك معلش بس تخلص شغلك ترجعو معك عالبيت
هشام: اي شو عليه تكرمي من عيوني
ياسمين: يخليلي عيونك ، يلا رح اتركو عندك وروح ع شغلي
والتفت لعند مهند
ياسمين: يلا فوت عند خالو
هشام:موفقة اختي، يلا خالو تعال
قرب مهند لعند هشام وقعد عالكرسي يلي قدام المكتب
اطلع فيه هشام وضحك
هشام: ولاه مشراني،انت شوجابك لعنا عالشركة مابتعرف انو ممنوع
مهند:هيك حبيت اجي بدي شوف الشغل
هشام: اها وليش بقا ياهنودة بيك حابب تتوظف عنا
مهند: موهلق بس اكبر بدي صير مدير متلك
هشام: ههههه ولك دخيل الي خلقك انا ان شالله رح تصير احلا مدير
اشتغل الانترفون وحكت السكرتيرة: هشام بيك في ضيف قال بدو يشوفك
هشام: ماقلك مين هو؟
وفجأة نفتح باب المكتب
--: والله وكبرت ياهشام وصرت بيك وصار بدنا اذن لنشوفك
اطلع ناح الباب بفرح وعدم تصديق
وقام من محلو متحمس
هشام: سلطااان؟ !!! ولك اهلين بالخال والله شوهالمفاجئة الحلوة هي
قرب لعندو وعانقو وهو فرحان ومو مصدق عيونو
سلطان: كيفو الحب
هشام: لك مشتقلك والله العظيم، لك اهلين باابو السلاطين والله
بعد عنو وصار يتفحصو من فوق لتحت بعيونو
الشي يلي خلا هشام يستغرب من نظراته اله
هشام:ع شو عم تطلع؟
سلطان: شو وين العضلات وين الجسم؟!! ليش ماعم تهتم بحالك ولاه ؟
هشام: هههه لك بشرفك انا فاضي لهيك شي ؟!
سلطان:لكن لشوفاضي للنسوان والسهر
هشام: هه اي لا اطمن مافي هيك شي،
فوت هلق فوت خلينا نقعد، يالطيف شو مشتقلك،لك قديش صرلنا ماشفنا بعض ،وربي لو مابتواصل معك عالسوشال ميديا كنت نسيت شكلك
بيروح هشام بيقعد على الكرسي يلي مقابيل مهند
وبيخلي الكرسي فاضي لسلطان ليقعد عليها
بيقعد سلطان وبينتبه لوجود مهند
سلطان(مستغرب):لمين هالصبي ماشالله؟!!
هشام:هاد ابن اختي ياسمين
سلطان: ايوا، اي بس مااجا سلم عليي!!
بيطلع هشام ع مهند يلي كان خجلان من وجود سلطان
هشام: هنودة حبيبي قوم سلم ع خالو
بيقوم مهند وبيروح ناح سلطان وبيمدلو ايدو
بيبتسم بوجهو سلطان وبشيلو وبيقعدو بحضنو
سلطان:شواسمك ياشاطر
مهند: مهند
سلطان:اووه شو هالاسم الحلو هاد
مهند:شكرا خالو
بيقرب من راسو وبيبوسو وبيطلع بهشام
سلطان: اي يابيك صغير،كيفا امك هالايام
هشام(تغير وجهو):بخير الحمدلله
سلطان: لكك اخ شو مشتقتلا اخ
هشام:اي لكن هلق منشرب قهوة ومنروح لعندها
سلطان: لا لا هشام غير مرة ماني فاضي ابدا اليوم، بس مرقت من جمب شركتكن قلت اجي سلم عليك
هشام(بعتب): وانت شلون مابتخبرني انك جاي من المانيا؟!
سلطان: لاني بدي اعملا مفاجأة لاامك ليك اصحك تقلا شي ها
هشام: اي ماشي مارح قلا،بس ايمت ناوي تشرفنا ب زيارة؟!!
سلطان: بكرا ان شالله من كل بد
هشام: اي بتنورنا سلطانو، لك دخيل هالهيبة انا
سلطان: اي بس بس حاجتك زعبرة وكولكة
هشام: ههههه الله يسامحك بس هلق انا عم كولك!سلطان: كتير ماانت الكولكة بدمك
هشام: اي ماشي مقبولة منك بتمون خال بتمون
سلطان:بالله عليك بلاها هي خال، تضرب كل الي بيني وبينك سنة وكم شهر
هشام: ههه هاد فوق ماعم وجبك
سلطان: لاتوجبني مافي داعي للرسميات
هشام: اي بتأمر سلطاني متل مابدك
سلطان: مايؤمر عليك ظالم
----------------------
عند ادهم وهناء
قاعدين على شط البحر وعم يحكو
هناء: قولتك يعني بيطلع باايدها بتول تساوي شي!!
ادهم: ان شالله هنوئتي انتي بس قولي يارب
رفعت راسها للسما وتنفست
هناء:يارب دخيلك
نزلت راسها والتفت لعند ادهم وابتسمت بخبث
قربت منو ونحرتو بكتفا
هناء: دودي؟!
التفت لعندها مستغرب
ادهم:منين جبتيلي ياها هي دودي!!
هناء: هههه اي ولو هاد دلع
ادهم(بنرفزة):دخيلك انتي ودلعك قال دودي قال
ضربت عينها عالبلاك يلي باايدو مكتوب عليه حرف B
وهوانتبه عليها
ادهم: على شو عم تطلعي!!؟
هناء(بخبث): حلو كتير هالبلاك،من زمان وانا حاطة عيني عليه
اتلبك ورفعه خباه تحت كم القميص
وسكت
قربت منو هناء وغمزتو وهمست باادنو
هناء: لساتك بتحبا؟ !
ادهم: وانتي شو دخلك 😐
هناء: قلي امانة
ادهم: مادخلك وليه مارح قلك
هناء: امانة ولو دودي مو انا اختك
ادهم: 😒رجعنا لدودي اي مارح قلك لو بتطقي وهه
هناء(بزعل): تضرب صحي 🥹
التفت لعندها بحنية
ادهم: زعلتي؟
هناء: يالله منك ياادهم بلكي حس عماد ع شي
ادهم(بعصبية):هناء ماتجننيني قلتلك مارح يصير شي فهمي، انا بعرف شو عم اعمل، خدي احكيلا
ووجه التلفون لبتول
ادهم: خدي خليها تحكيلك
اخدت بتول التلفون من ادهم
وبلشت تحكي
بتول:الو هناء انتي وينك مختفية كل هالمدة حكيلي شو صاير
هناء(بلهفة): بتول بتول مشان الله سمعيني
بتول: احكي عم اسمعك
هناء(وهي عم تبكي): بتول رح احكيلك كل شي بس بترجاكي ماتوصلي شي لعماد،
بتول: طيب احكي فهميني والله ربطو ايديي شو القصة
هناء: بتول يلي حكالك ياه ادهم كلو مزبوط،عماد قتل بابا وبصمو عااوراق
وكمان خلاني اسرق من خزنة بابا اوراق وسندات مهمة واعطيه ياهن، لك الله لايوفقو هو وفداء وماجدة خربو الدنيا ،كل شي صار فينا من تحت راسهن ومو بعيدة يكونو هنن يلي قتلو ابن هشام
بتول: لك هناء مشان الله انا والله ماعم استوعب شو عم تحكو ،لك معقول معقول عماد يطلع بهالوطاوة! !
هناء: اي اي معقول، والله هنن يلي عملو هيك هنن،وحتى هنن يلي دخلو ادهم عالسجن،انا سمعت كل شي بداني برحمة ابي يلي حترق قلبي ع غيابو انو هنن ورا كل شي
بتول: وليش ماحكيتي من اول ماسمعتي!!!
هناء: لانو عماد هددني ازا بحكي رح اخسر اخواتي،وانا بوقتا حكيت لريما وبالصدفة ماجدة سمعت الحديث،وبوقتا بتعرفي شو صار؟
بتول:شو صار!
هناء: اخي هشام نخطف وعماد هددني ينقتل ازا صرلو شي، بقا كيف بدك ياني احكي كيف
اخدت نفسها بصعوبة
وكملت
بتول:وشو الدليل على حكيك!!
هناء: الدليل اوراق الملكية تبع بابا الله يرحمو،عماد اخدهن مني
نبشي عليهن بالبيت، حاولي تاخدي باسوورد خزنة عماد
وساعتها رح تتاكدي انو كلامي صح
او ازا بدك راقبيه وتجسسي ع مكالمتو ورح تعرفي انو كلامنا صح
بلشت تظهر ع وجه بتول علامات الصدمة
وتجمعو بعيونها الدموع
وهزت براسها
بتول: طيب انا رح اتاكد، وازا بيطلع كلامكن كذب مارح يصير خير بنوب
اخد ادهم التلفون من ايد،بتول يلي كانت صافنة ب،صدمة.
وحكا
ادهم:،طيب هناء،سكري،هلق انا بكرا بشوفك
هناء: انتبه ع حالك ادهم
ادهم: طيب طيب،تصبحي ع خير
سكر التلفون ورماه عالتابلوه واطلع ب بتول،يلي كانت صافنة،بكلام هناء
حط ايدو ع ايدها
ادهم:شبك لسا مو مصدقة!!
بتول(بشرود): مابعرف
ادهم: انتي مرته لعماد. واكتر وحدة بتعرفو معقول ماعم تصدقي عنو هيك شي!!
بتول:ماعم صدق انو هو حقير لهالدرجة،
ادهم: بتحبيه؟!!
بتول:قلتلك اني مابحبو،بس ماعم اقدر اتحمل فكرة انو ابو ولادي،يطلع مجرم
قرب منها وحط راسو عكتفها
الشي يلي خلاها تدايق وتحس بخنقة
ادهم: طيب وانا، لساتك بتحبيني ولانسيتيني؟
حست بغصة و دمعو عيونها من سؤالو وضلت ساكتة
ادهم : ليش ساكتة جاوبيني امانة ماتضلي ساكتة، يالله شو شتقت لااسمع منك كلمة بحبك
انفعلت وبعدتو عنو وصرخت بوجهو
بتول: خلص بقا ادهم ستحي ع حالك
ادهم(بااحراج): انا اسف.ماحسيت عحالي
بتول: شو لسا بدك مني انا بدي روح تاخرت ع ولادي
ادهم: بدي تساعديني اني رجع املاك العيلة من عماد
بتول: وكيف هيك؟
ادهم: رح قلك كيف، ركزي معي
يتبع...