بـقـايـا قـــلمے~✎

30 January 2021 18:37

بداخلي.هلكد اتحبي؟ ليش المرة اتحب الرجال اكثر وعدها استعداد اتموت علمودة وبالمقابل الزلم ماعدهم غير الخيانة والاهمال اووف يا الاهمال يقتل اكبر حب وعشق بس منو يهتم لهذا الكلام..

رحت ارتب المطبخ..غسلته وكملت كعدت بالحديقه اختنكت حيل ضايجه خلي افتح جهازي اشوف الدنيا اشصاير بيها..
هاي اشعدهه جنة ١٣مكالمة يا ستار اشبيها..
اتصلت بيها...

ما صدكت ونس دكت عليه وبنفس الوقت ضجت لن راح اخلي نفسي ابموقف سخيف راح ابقى طول عمري متندمة عليه..بس شسوي مجبورة..

_هلو جنة اشلونج عذريني والله اني ابيت عبالي وما ادري بجهازي خير خو ماكو شي
_هلا يكلبي والله بالي يمج ورحتلج للبيت دكيت وانتو ماكو خير اشبيهم عيالج
_رجل حماتي مصوب وبالعناية واحنه هنا مربوثين وحالتنه حاله
_ها الله يساعدكم ان شاء الله يطلع بالسلامه
_اي والله ادعيله ميستاهل الموت
_لا ان شاء الله مابي شي اكلج انتي ابوحدج كاعدة
_اي ليش
_شوفي ونس لتستغربين كلامي واسمعيني للاخير
_شكو احجي
_اني اعرف بعلاقتج انتي وسراج وادري الصوج بابن خالتي هو لاحكج وراكض وراج اني ما أدخلت بالبداية لن كلت ونس هيه راح اتردة ومستحيل تنطي وجه بس للاسف طلع توقعي غلط وانتي انطيتي مجال يدخل لحياتج والامور اطورت صرتو تتراسلون وتسولفون مراح انصحج واكلج هالشي غلط وحرام لن انتي مو ازغيرة اني جنت خايفه عليكم اثنينكم لن الموضوع اذا انفضح احسبي نفسج ميته انتي وسراج لذلك قررت ابعدج عن سراج ابطريقتي وكتلج هو مرتبط حتى تنتهي علاقتكم وتخلص قصتكم قبل لا تبدي..بس سراج فاجئني كلب الدنيا عليه وصار يهددني اذا ما رجعتي اله راح يطلكني من حسام واني كلشي اتوقع منه
_وليش يريدني ارجعلة ماكو شي بيني وبينه لا اعرفه ولا يعرفني وكوليله ونس تكول نظف دماغك من هاي الاوهام..
_ونس حبابه ميفيد اني احجي ميصدك بيه حاجي انتي
_لا اله الا الله انتي تدرين هسه اني ما اعرف راسي من رجليه بس الله اليعلم بحالنه وانوب ترديني احجي ويه ابن خالتج
_حبابه ساعديني والله سراج يدمرني بس هالمرة فدوة..
_هسه اشلون اني ما اكدر اراسله ماسحة الانستا اشلون احاجي
_ادزلج رقمة وبعدين امسحي
_يلا ماشي دزي
_اشكرج اهواي واني اعتذر منج اخاف جرحتج بكلامي
_لا عيني حجيتي الصدك وحاليا اني ما احس ابشي من كثر الصدمات
_الله يريح بالكم. راح ادزلج رقمة
_اوكي

اكتب ارقامه وكلبي ينعصر بداخلي ما اريد ادزلها الرقم دست على نفسي ورسلته الها..عصبت كلش وبدون تفكير خابرت سراج...

اول ما فتحت الخط اجاني صوت جنة العصبي وهيه تحجي ابحركة ومقهورة...
_دزيتلها رقمك رايد مني شي ثاني..
_واشبيج عصبية
_باي وسديت الخط ابوجه

هاي اشبيها؟؟

وصلني الرقم جان سهل حفظته بذاكرتي للابد..
هسه لازم ارتب الوضع واتصل بي...

دخلت الهول فارغ جانت عمتي وندى بغرفتهم وكيان نايم يمهم وعباس طالع...

_عمة تردين شي راح اصعد فوك اسبح
_لا عمة براحتج روحي
_ماشي

صعدت للطابق الثاني ودخلت غرفتي القديمة سديت الباب..دكيت رقم سراج...

بعدهه الطوط ما كاملة😂😂 رفعه...اجاني صوته واختلف كلشي واتغيرت كل الموازين...صوت رجولي وبنفس الوقت اتحسة بعدة شاب ازغير..تركيبه حلوة
_بصوت هادئ كال الوو
_اشلونك سراج اني ونس
_جرر حسرة اشكبرها وكال يا هلا بسورها وبنورها اني زين اذا انتي زينة
_لا ان شاء الله وضعك احسن من وضعي المهم اجيت احجي وياك بموضوع جنة
_قصدج جهنم
_ضحكت هههههه
_اكلج اريد اعترفلج ابشي
_هنا اني كمت ارجف وكلبي راح يطلع من مكانه..اتفضل
_صوتج ايموت بالموبايل والضحكة اويلي يابه تشك شك..
_كمت اضحك ههههه(متت من الخجل وبنفس الوقت مرتاحه وفرحانة بأهتمامة)
_هسة شنو راح انكضيها ضحك اكلج انتي وين جهنم اتكول ماموجودة ابيتج
_اي اني يم عيالي عدنة ضرف وملتهين
_شنو هذا الضرف
_يعني لازم تعرف ههه
_اي طبعا
_سولفتله بختصار عن الصار ويه زوج ندى
_خطية الله يشافي لتخافين يصحى باجر
_صدك الله يسمع منك
_باعي هذا نوع جديد من القنابل المسيلة للدموع يشل الاعصاب فترة وكلمن وبنية جسمة اكو يتحمل ساعات ويصحى واكو ياخذله يومين الثالث يصحى
_يعني ميموت
_لا ان شاء الله ماكو شي..
_يارب
_مشتاقلج
_سراج شتريد مني
_كلشي يخطر على بالج
_سبق وكتلك اني متزوجة ونهيت العلاقه قبل ما تبدي اترجاك لتضغط عليه
_اني اسف مو بيدي والله قفلت عليج لو انتي لوما اريد مرة بحياتي
_انته تفهمني لو لا كتلك مزوجه وعندي رجال يعني شنو اخذك على رجلي ترى مترهم كلش
_لا اطلكي منه واني اخذج
_معقولة لهاي الدرجة وصلت بيك الوقاحة
_لا مو وقاحة اسمهه صراحه
_اخر الكلام سراج اني ما افيدك وعوفني بحالي وان شاء الله رب العالمين يرزقك ابوحدة احسن مني اتحبك واتحبها.
_ما اريد غيرج
_واني حجيت العندي وخلصت مع السلامة
_ما اعوفج لو تنكلب الدنيا خليها ترجية بأذنج باي

سديت الخط وكلي خوف من الديصير هذا سراج طلع مو هين وصدك امخبل على كولت جنة يارب دخيلك استرنا..اووف منين

بـقـايـا قـــلمے~✎

30 January 2021 18:37

.
_ولج احجي شكو وكعتي كلبي اشبيج
_ونس رجلي راح رجلي عافني
_ياا وين راح
_انضرب وهسه بالمستشفى حالته خطرة
_سودة ابجهي ولج اشلون صار هيج وهسه انتي وين
_ابيتي ومحد يدري من اهلي. ولج رجلي راح يموت راح يعوفني ويعوف بنته 😭😭
_اسم الله لتكولين هيج هسه جايج حبابه لتبجين ماكو شي والله..

سديت الخط من ندى و اتصلت ابماجد كلبي يرجف والعبرة خانكتني خطية ندى متستاهل ان شاء الله يطلع مابي شي دخيلك يا ربي..امنين اجتنه هاي المصايب..

_الوو وينك ماجد
_اشبيج اترجفين شكو
_الحك رجل ندى بالمستشفى مدري اشبي وندى اتفرفح وتبجي ابيتها وحدها
_شنو..اشبي
_ما ادري اتكول انضرب وحالته خطرة
_لا اله الا الله اني رايحلها
_لا فدوة تعال اخذني ما اكدر اعوفها بوحدها
_يلا اتحضري ابسرعه
_تمام

مسحت الانستغرام وكلشي بي للاحتياط اخاف واحد يفتح جهازي..

دخلنة انذار كلنه نركض وخايفين على ندى وزوجها..كلنه انحبه ومعتبري واحد منه شاب فقير وشهم ماله اذيه على واحد وجهه بس يضحك ودومة يساعد غيرة ويحب الخير طلع حاله حال الشباب شالته الغيرة والشهامة على بلدة بس اشحصد كان الثمن غالي..

اخذنه ندى لبيت عمتي حالتها تصعب على الكافر حاضنه بتها وتبجي..وماجد ايلومها ويزيد بنارهه
_هسه كم مرة حجينة وفهمنا يعوف المظاهرات وهاي السوالف التعبانة ما منها فايدة يلا كوليلي هسة اشحصل هو او غيرة الي اتعوق والي خسر حياته وبعدين منو راح ايعوضهم زين اذا انذكرت اسمائهم بعدين
_عوفها يمة لا تلومها البيها امكفيها رحت شفته اشلونه هسه..
_يم الله بعدة فاقد الوعي ومختنك وصاحبة الويا استشهد..
_كامت تلطم على وجها يا منو منهم
_ما ادري واحد اسمة اسلام...
_يا عزااا هذا وحيد امة واهله ناس فقرة كلش بعدة ازغير وكامت تبجي يمة هسه يموت وعوفتي هسه يموت مثل اسلام..
_لزمناهه ونسكت بيها حبابه مابي شي كولي يا الله اكعدي ادعيلة لتفاولين عليه بالمو زين..

ماجد ما اتحمل خلا وطلع برة..لحكته .وصحت وراه
_ماجد...
_ها
_اشلونه صدك حالته خطرة
_الضربه مو قويه جايه ابصدرة بس المشكلة مختنك بالدخان واعصابه كلها مشنجة الاطباء كالو اول مرة تجينه هيج حاله وحاليا تحت المراقبة والله كريم
_خطية متستاهل
_اي والله عباس وين ما شفتي
_لا سألت عمتي كالت يم اصدقائة
_استغفر الله اعرف اسوالفه هذا الا اروح اسحله من نص الساحه واشبعه كتل يله يجوز من روحت المظاهرات. اني اله بسيطة

لازمين القران والسبح وندعي لزوج ندى يصحى..
ماجد ما تركة يروح ويرجع للمستشفى..
خابرت امي وحجيتلها حيل انقهرت عليه كلنا انحبة وصعب علينة نسمع عنه خبر مو زين بقيت بايته يم عيالي..اشتغل واطبخ الهم عمتي حاطة بتها وتبجي حالتهن اتبجي الصخر..

دكت عليه جنة واني ملتهية ما رفعت عليها خط مالي خلك اسولف وياهه واشرحلها الصار خليته صامت وما رديت...

فرشت السفرة مال العشة ونتوسل ابندى تاكل متقبل بس تبجي
_ولج يمة باعي وجهج اصفر اشحالج راح توكعين علينه حطي لكمه ابحلكج
_كلشي ما اريد جيبولي رجلي (زوجي )اريد رجلي 😭😭
_سودة ابجهي عليج وعلى حضج
_كلنا بجينة وياهه وانكسرت كلوبنة عليها بس شنسوي ما بيدنا شي...بس الانتظار..

_سراج حباب لسوي شي والله كاعد ادك عليها مترفع خط
_اليوم الدنيا احركها على راسج اشبيج متي قهر وكتلتج الغيرة هيج ونس داقتج وشاعله شيب الخلفج..

كبرنا اهواي واحنا اصغار ..

وكل دمعه ابكبر خدنة ..

چا والليل چا والشوك..

چا والشيب...

باگ اهواي من عدنة....

يتبع...

بـقـايـا قـــلمے~✎

30 January 2021 18:37

#سراديب_الهوى

للكاتبة بان الأعرجي

البارت 10

جنه..
ونس اول ما شافتني اختفت ضحكتها حسيتها اتفاجئت بيه وجان واضح عليها علامات الاستفهام اتريد تعرف ليش جايتها بهذا الوجه المكلوب...
قدمتلي الماي وكعدت مقابيلي وعيونها اتسولف؟
_اتفضلي
_زاد فضلج..شربت اشويه من الماي ورجعته..
جيت اشوفج واطمن عليج يلا عادي كلشي ايصير بين المرة والرجال..
_اخجلت وكتلها كلمن وقسمته شسوي
_اي هية حظ وبخت
_خو مابيج شي دا احسج مو على بعضج وما مرتاحه صاير شي
_انتي اشعندج ويه سراج..

استقبلت جنة ابيتي بكل حب ومودة لكن قابلتني بالعكس تماما ..وجانت ضايجة وعصبيه حاولت اعرف اشبيها وشنو سبب توترها...بس جوابها جان صدمة الي..حاولت استجمع قوتي وما ابين شي..
جاوبتها..
_شنو اشكلتي؟ شنو سراج شنو اشعندي ويا ترى مجاي استوعب كلامج..

_خفت..اي خفت منها ومن ثقتها العاليه وتلاحكت نفسي بلي اكدر عليه وكسرتها ابضحكة..
ههههه اشبيج اشاقه وياج بله صدك جذب شنو هذا الصار بسيارة ابو كيان والله شغله اصفن..

تحجي وياي وعيونها مليانه حقد كل كلمة تنطقها بلسانها تخالفها عيونها احس بكلبها كومة حجي بس متكدر تحجي شي..
_لا اتصفن ولا اتحير ترى اثنينة نعرف منو سواهه

بقيت صافنه ابوجهه وهي تحجي وياي ابخشم عالي
_منو
_هههههه ماشي ابن خالتج سراج
_وشدكولين السواه صحيح؟
_هذا الشي راجع لسراج ما كو واحد جبرة وكله سوي هيج وهيج كل الصار بدوافعه ومن كيفه
_بس هو سواه علمودج
_علمودي؟ليش وهو شعلي بيه ..
_حصرتني بالزاويه بعد ما اعرف شجاوبها..لا ما له دخل بيج اقصد انقهر عليج..
_هههههه اي صح

اعرفت من خلال كلامها هيه تعرف بعلاقتي اني وسراج وجاية هدادة بس ليش؟؟ المهم عرفت اشلون اردها واسكتها وما انطيتها مجال تحجي لبكلبها..فريت السالفة عليها وطلعت اني منها.
_لن سراج شهم وصاحب غيرة موو على العموم اني وانتي مالنه دخل كل شخص مسؤل عن تصرفاته

اشكد لوتية وتريد اضيع السالفه اخ لو عندي دليل جان عرفت شحجي وياهه..
_اي والله واريد اكلج شي لتفهمين سراج غلط ترى ما عندة شي صدكي واصلا هو مرتبط توة متعرف على وحدة وامبين حابها هههه 24ساعه يخابر وياهه اكوله شنو ميخلص حجيكم متعبون..

_حسيت طلقه فاتت ابصدري واني اسمع كلامها..جنه تسولف وتضحك واني صافنه عليها ومصدومة ..ما رديت عليها..
_يلا عيني اني اترخص عايفه الجهال ابوحدهم بالبيت..
_بعدج ابقي اشويه
_لا عيني كليلي روحي .ضلت يمج العافيه مع السلامة
_الله وياج.

راحت جنة وعافتني بجحيم يحركني على البطيئ
ضليت افكر بكلامها واقيسه ابتصرفات سراج..
اذا ايحب وحدة...لعد اشعندة وياي وليش مهتم بيه والي سواه بسيارة ماجد شنو معناه؟؟؟ عقلي امشوش وما اعرف افكر..

دخلت بيتي ابوجه يضحك..ومرتاحه بعد هذا الكلام ونس راح اتعيد احساباتها بعلاقتها ويه سراج..
وسراج مستحيل يعرف شي عن السويتة لن ونس اكيد مراح تحجيله ما دام علاقتهم بالبداية وماكو بينهم ميانة...ااااه ارتاحيت

صاعد بالسيارة وافكر بيها وابتسم على تصرفاتها الطفولية كل اشويه واذكر منظرها 😅😅 امطلعه بس عينها وفوكاهه سدت الباب ابوجهي... اشتاقيتلها
فتحت الانستغرام اترددت اراسلها..اني ما خايف من ماجد العار لا والله خايف عليها لتتأذى ابسببي ماكو غير الستوري..خليت حالة رومانسية على أغنية قافل
(مكتوبتلك تبقى اليه )

هالمرة شخصين كانو ينتظرون هذا الستوري بفارغ الصبر(جنة و ونس)...

اخذت جهازي حتى اراسله وكطع علاقتي بي نهائيا ابتسمت بأستهزاء يا علاقه وهو شنو الصار ابينة حتى اعتبرها علاقه..بله اشلون ابدي واوصلة كلام جنة..
هاي شنو خوش والله امبين الرومانسية فوول اليوم ضجت كلش وكمت اغار حتى ما كملت المنشور مالته كتبتله..
(الله يخليكم لبعض)
(اشكرج بس اني ومنو)
(انته وحبيبتك غير )

ابتسمت..على كلامها اكيد اتريد تعرف عندي وحدة بحياتي لو لا..ما اكدر العب ابمشاعرها واضوجها اشگ گلبي ما اتحمل ..كتلها
(ما عندي حبيبة كفيلج الله حديقه)

باع الجذب مالته همزين كشفته على حقيقته ليگدام بس اشلون احجي ويا...هففف
(الله يسعدكم واني اعتذر لن ادخلت بخصوصياتك )

(هاي اشبيج ونس يا خصوصيات دا اكلج ما عندي وحدة بحياتي بس انتي )
(فرحت بداخلي وكلبي يدك حيل..بقيت ساكته
(لصفنين اي بس انتي بحياتي وداعت امي وبعدين تعالي ليش احسج ضايجة وجايه تتعاركين وياي بس تستحين احجي شصاير)
(ماكو شي )
(لخاطري احجي )
(قبل اشويه اجتي جنة وحجت كدامي اشياء )
(شنو هاي الأشياء )
(كالت انته مرتبط وتخابر حبيبتك للفجر وعادي ترى غير انته شاب ومن حقك اتحب وتصادق ما اعرف ليش سويتها فد مشكلة )
(طبعا اسويها مشكلة لن هذا الكلام تلفيق وكلة جذب )
(هذا الكلام مو مني من اقرب الناس الك)
(حقج اني اعرف شلون احاسبها)
(ممكن متراسلني بعد)
(ليش )
(مراسلتك راح اتسببلي مشاكل وي زوجي والعاقل يفتهم )
(صار بعد ما اراسلج )
باي

متت قهر واني اكتبله ايعوفني ..ما جمعتني بي اشياء اهواي بس مواقفه ونظراته

بـقـايـا قـــلمے~✎

30 January 2021 18:36

أبعد الحدود ولا عبالك اكو مصيبة وراح توكع على راسة..

_خوش لعد عرفتوهم
_لا كلشي ما امبين بعيد والشجر امغطي السيارة بس خيال كلشي ما واضح
_خطية الله ايعوضه
_اي والله كلش مقهور و من الصدمة بعد ميعرف شيسوي تالي خابرت إخوته وكتلهم بالسالفه وجابوو سيارة وسحلتها و اخذوهه للصناعي..
_يشتري غيرها المهم هو وعائلتة بخير كلشي يتعوض
_اي بالحديد ولا بالعزيز....بس هو خطية ما عندة هالايام الشغل مو زين تعرف سالفه المظاهرات وكل يوميه امعزلين وباقين على الاتصال عود يجينة حجز
_الله يساعدكم هو الوضع امخربط ابكل مكان
_سمعت راح يكطعون النت همين
_اي صح حتى يمنعون استمرار الشباب لن ديصير عدهم حماس ابسبب المنشورات وديطلعون وينزلوت للساحات..
_الله يستر عليهم ويحفظهم انته اليوم تلتحق
_اي ان شاء الله
_توصل بالسلامة
_الله يسلمك حبيبي..


طلع حسام..لشغله..
كعدت صافنه على سراج...
_اشبيج ما شايفه حلوين 😂😂
_صدك تحجي؟ ولك شنو هذا البرود العندك عليك الله ما خفت
_وليش اخاف شمسوي...
_عزة ابعينك كل هذا وما امسوي شي ولك اني كاعدة واعظامي تتراجف من الخوف كل اشويه وكلت هاي هيه انفضحنا..
_لصيرين جبانه ماكو بشر راح يعرف شي بس اسكتي...

دنسولف وهو عينه عالجهاز مدري اشيكتب...
_امبين مشغول ويامن بله..
_ماكو شي دا اكلب بالمنشورات..
_اي...(حجيتها ابمياعه)

صار عندي شك وشعور ما اكدرت افسرة ضايجة او مقهورة ما اعرف كلما تجيني فكرة سراج يحجي ويه ونس اضوج وانقهر بس عليمن ما ادري..

بقيت امراقب صفحتها كل اشويه تدخل وتختفي اشلون افتح وياهه موضوع..
قررت اخلي استوري واكيد راح اترد عليه وبعدها احجي وياهه..
نشرت استوري ..صورة الي داخل ساحة الثورة والعلم العراقي على جتفي...وكاعد انتظرها اترد..

ونس ...كلما ادخل على الانستا الكاه نشط ما شاء الله الضاهر مشغول جدا..
اشتغل بالبيت وفكري يمة ..حالي مثل المتيهة ومتندل دربها بحيث الصالة اكنستها ثلاث مرات وما ادري ابنفسي 😅..بس افتر بمكاني..

بعد ما اتحملت ..فتحت الانستغرام صار ابوجهي حسابة اول واحد...
ما اعرف شصار بيه كلبي رجف وخفت 😅..هاي فرصتي..وجنت امقررة لو ناشر بس نقطة..همين راح ارد عليه 🙂..

اخذتلها سكرين وحفظت صورته يمي اريد ادقق بيها بعدين.😁.كتبتله ( امنور ربي يحفظكم)..

بالثواني رد..

( نورج وردة )
(شكرا )

بقينا صافنين منعرف شنو نكتب بالرغم ابداخل كل واحد من عدنا الف سالفه وسمرة ..

(اليوم التحق)
(الله يحميك توصل بالسلامة )
(الله يسلمج..اكدر اشوفج قبل ما اروح )

جفلت من كلمتة حسيته يقصد غير شي ونيتة سوء ويايه..
(عفوا..اشتقصد)
(لا. ارجوج لتفهميني غلط...اني بس اريد اشوف وجهج قبل ما اروح ..اتكدرين اتمدين راسج من الباب ما اريد منج غير هذا الشي وانتي ابكيفج ما اضغط عليج)
(ليش اتريد اتشوفني)
(اريد احفظ ملامحج حتى ما انساج)
(انته اهواي جريء )
(انتي السبب)
(من رخصتك..باي)
(انتظرج ..بعد ساعه راح اتوكل واطلع)

بعد ما رديت عليه كلامة كلش وقح وجريء مرات انجذب اله ومرات اجفل واخاف منه بقيت عايشة بهذا الصراع..واخذت قراري..مراح اطلع واشوفه مستحيل اذا طلعت معناهه انطيته الضوء الأخضر حتى يستمر بهاي العلاقه ..لا مراح اشوفه احسن الي

جنة..

اسولف ويا وهو رايح ابغير دنيا..امركز بالموبايل ويكتب..ساعه يبتسم ساعه يكلب الوجه..
_ها خبالو اشبيك..ويامن تتعارك
_ماكو شي

بعد ما ردت معناهه مراح تطلع واشوفها😒

هاج جهازي خلي على الشحن راح اروح احضر غراضي واسبح حتى اطفر..
_خوش براحتك..

اول ما انطاني جهازة جان ما مقفول خليت اصبعي على الشاشه حتى متنقفل وبعد ما اكدر افتحه لن بي رمز... ما شاقيته ولا حجيت اريدة بس يروح حتى اشوف لبالي صحيح لو اني متوهمة..

اول ما راح دخلت الانستغرام وشفت المراسلة ابينهم..انصدمت وحيل اتأثرت بحيث جنت لازمة الموبايل وايدي ترجف..وكلبي مستعر ناررر..قريتها كلها لحد اخر طلب...
سديته وخليته عالشحن..
كعدت وايدي على خدي وعيوني تجري ادموع..ليش ما اعرف..اكول بيني وبين نفسي واني شعليه بيهم قابل اني الدا اخون بزوجي..لو سراج زوجي وخايني ليش شايله همهم طبهم مرض اثنينهم ان شاء الله ينكشفون ويضيعون ومحد يرحمهم..
كاعدة وادعي عليهم ابكلبي..صحيت على صوت بنتي...ماما ليش تبجين..

_صفنت على سؤالها ..صدك اني ليش ابجي؟؟؟
مسحت ادموعي بيدي...
_لا ما ابجي هاي من البصل حبيبتي ماكو شي ..
_بعد لسوين بصل حتى متتأذين
_ابتسمت على برائتها وكتلها ماشي ماما روحي يم اختج لتخلي شي ابحلكها
_صار ماما

ما كدرت اتجاوز هاي الصدمة اني متفاجئة ب ونس
ما اتوقعتها اتسويها واتخون ماجد حب طفولتها ..
ابتسمت بأستهزاء 😏 حيل منسجمين هيه وسراج حتى اكثر مني

اباوع ابصورته واتمعن بتفاصيل ملامحه وتقاطيع وجهه..ماجد احلى من عندة😅🤭 هو حلو بس ملامح ماجد احلى لكن شخصيته ورجولته العاليه غالب ماجد بيها..عندة شي خاص وجذاب ابنظراته يعني مستحيل هاي النظرات ما اتأثر ابوحدة

بـقـايـا قـــلمے~✎

30 January 2021 18:36

الجكارة على الكاع وكال..خرب روح جدة احتركت عشيرتة من ازغيرهم لجبيرهم بس خلي الزمة الا اكسر اديه ورجليه ابن السكط..
_صدك جذب ولك هاي العالم والشباب الحلوة دتروح هيج بلا ذنب والامة مكلوبة وانت حاير بهاي السالفة الغمة..اسمع سراج تنجب وتسكت لا تدنك بالرجال روح فشش تايرات سيارته وفوخ كلبك..

صفن اشويه وكال..الجيران هنا عدهم كامرات لو لا ؟

_اي بس بعيدين مو يمنة براس الشارع..ليش؟؟

_حلو...راح لغرفتة وطلع املثم بس عيونة طالعه..
_يمة ولك شراح اسوي اصخام ابوجهك...
_انطيني حديدة بوري اي شي اثكيل..
_ياااا والنبي هسه اكعد حسام اذا متحجيلي ولك اتريد تبلينة واتضيع نفسك..
_ما اسوي شي لتخافين مراح اكتل العار ابن العار بس اعرف اشلون احرك كلبة واخلي يحرم يلمس شعرة من راسها..

اخذ شيش مال حديد ..وطلع واني بقيت اباوع عليه من ورى الباب اشراح ايسوي...

طلع وهو يتلفت يمنة ويسرة ويتأكد الشارع فارغ ومحد يشوفه..شال الحديدة وركعها بالسيارة مال ماجد وفلش الجام مالتها وطشرة ابكل مكان.. وكسرها اتكسر ما خله جامه صاحية بيها..وشخطها وجلخها شلع صبغها 😂😂 ..

_ولك تعال ادخل مدري اضحك مدري ابجي خرب يومك ليطلعون الجيران ويلزموك هههه
_دخل وهو يضحك ههه امشي جيبي سجينة
_يا شسوي بيها كافي حباب ولله وفيت وكفيت. اخذت ثارها ثالث ومثلث .
_ما اسوي شي اريد افشش تايراتها..لو عوفيها ميحتاج..
راح يم السيارة وكعد قرنص نفسة وبدة يفتح الولف مال الهوى وفشش التايرات..گعدهن اربعتهن..والسيارة سكطت بعد متفيد صارت سكراب..
دخل فرحان ويضحك منتعش..
_ها هسة ارتاحيت...
_اي والله بس ما برد كلبي اذا ما اشوفه امدد اكبالي

_هههه والله ضحكتني دا اتخيل شكل ماجد من يكعد الصبح ويشوفها..
_ ابتسم وكال..باجر التحق كون اشوفها قبل ما اروح
_اختفت الضحكة من وجهي..ما حجيت شي..
يلا اروح انام نعست وانته هم كوم نام كافي طلايب
ومداهمات تالي الليل..
_ماشي يلا رايح انام..

نمنا وكل واحد اباله الف حسبة وحسبة...

الله هسة ارتاحيت اشكد متحمس اشوف النظرة على وجها..لمن تشوف السيارة 😅..
فتحت الانستغرام ودخلت على صفحتها افتش بيها
اوففف اخاف اراسلها وذاك العار يمها وانوب تتأذى ابسببي..لازم اصبر وانتظر الفرصة المناسبة وما اجازف..هالمرة..

ونس..كعدت على عياط ماجد وهو يخابر مدري منو ويصيح ويغلط گلب البيت علينا ... كمت وجسمي يوجعني وجهي ازرك من الضرب..فتحت الباب على كيفي دا اسمع الحجي...
_لك ما ادري كعدت الكيتها امكسرة صايرة بوذة وما دا استوعب شلون صار هيج واني ما حسيت ولااسمعت صوت..
_هاي شنو المكسر خلي اطلع وافتهم..

_صرنا وجه ابوجه ما حجيت ويا بقى يباوع عليه من فوك ليجوة..
دا اروح لزمني وكال...انتي هم خابرتي واحد من اهلج وشكتيله مني..
_لا ليش اشصاير هم تريد ادخل اهلي بالموضوع
_والله لو انتي اتشورين لو امخاوية جني
_شنو؟؟شكاعد تحجي
_تعالي..فتح موبايله وراواني صورة السيارة ي
انصدمت وبقيت صافنه..هاي سيارتك...
_الباقي منها..
_حاصرتني الضحكة..كتله منو سوة بيها هيج
_مدري يا نغل وابن حرام لج عقلي راح يوكف راح اتخبل...كل اشويه يباوعلي بنظرات غريبه ..
هههه الله اليعلم ابشنو ايفكر بس الاكيد خايف مني وعباله بيه جني وانتقم منه 😅😅😅

ما خله واحد ما خابرة والجيران سألهم والناس مصدومين حالهم من حالنه واحد ايكله المتظاهرين وواحد ايكله مخربين وحرامية..
_بس الغريب مامأخوذ منها شي يعني الغاية مو سرقه احتمال بس اذيه هم عندك عداوة ويه واحد

_لا والله ما عندي هيج شي..

شافو الكامرات بس مجان امبين شي كلش بعيد والشجر مال الجيران مغطيات السيارة..
وماجد طكت خبالاته ومات الا اشوية...

كعدت الصبح مليان طاقه...وحيوية فتحت الموبايل اشوف ساعه بيش...

وجان اشوف رساله من ونس رجف كل عظم بيه

(هاي انته سويتها مو؟؟)

ملاحظة..جدا اعتذر النت انقطع عندي واتاخرت بالنشر..


مثل طحن الرحى ..

يطحن بروحي اجفاك.
لا انته العفتني ولا خذتني وياك.

يتبع

بـقـايـا قـــلمے~✎

30 January 2021 18:36

#سراديب_الهوى

للكاتبة بان الأعرجي

البارت 8

جنة...

طلع سراج يشوف منو بالباب ورحت وراه الوضع ما عجبني واني من غير شي كلبي ناغزني وارجف من الخوف..

فتح الباب..وصوت ماجد سبق صوته وهو يسألة عن ونس..جان صوته يخوف مال واحد متهستر كوة لازم اعصابة..حتى ما سلم على سراج..

_مرتي يمكم؟؟؟

جنت خايفة من سراج ادري بي ميعرف يصرف وعصبي لازم اصيح ونس ابسرعه حتى تطلع قبل ما اتصير مصيبة لا على البال ولا على الخاطر.وننفضح

هاي اول مرة يلتقي سراج ويه ماجد يا ترى شنو كان شعورك؟؟

اول ماشفته شبت نارر ابكلبي وعبالك الي واكف كدامي عدو واطلبه ثار كلش غالي..حاولت اشكد ما اكدر اضبط نفسي..بدون سلام ولا كلام جان وجهه ميتفسر وعيونه طايرة بكل مكان ابصوت مليان توتر
كال..مرتي يمكم؟؟
ضبيت ايدي وفتحت عيوني..ابلحظة نسيت نفسي
وتخيلت ونس مرتي الي وماجد هو الغريب وجاي يسألني عليها. غرت عليها صرت جمر وشرار يجدح اريد الزمة اشرب من دمة واخلي طشاررر
وكملت وياي لمن طلعت ونس!!!


اتلاحگت الموقف ودخلت لونس وحالتي حاله عبالك رجلي طاب عليه واني ابفضيحه ...
_ونس ماجد بالباب ايريدج..

طفرت من سمعت اسمه وعبالك جنت ابغير عالم وهسة صحيت على نفسي..ضربت على خدي وصحت ماااجد عزا العزاني اشلون نسيته ..
_شنو نسيتي يمعودة فهميني اني هم كمت ارجف وياج
_ولج ما كتله طالعه من البيت
_يمة ولج وكعتي كلبي عبالي موبايلج عفتي بالبيت.
_رفعت عيني عليها ابحده..(معقولة تقصد موضوع سراج..هسة مو وكتها افكر اخذت غراضي وطلعت

اول ما شافني..اتخبل خزرني خزرة بعد اريد امشي ما اعرف..لوةبيدة يسحلني من شعري للبيت..
اجت عيني على سراج جان وجهه دم كوة لازم نفسة وعيونة امثبته علية ..بس ساكت ما حجة ولا كلمة

اتقربت من ماجد وكتله ها عيني اشلونك..
ما اشوفه غير لزمني من زندي وعصرني حيل..جرني وهو ايعت بيه واخذني للييت..دفر الباب برجله دفعني لداخل وركع الباب ابقوة..

جنة..
لزمها ماجد لو سراج اتحول اسد مفترس جان يتقدم على ماجد يريد ايهد ويضارب وياه ..بس شفته اتحرك بدون مينتبهون لزمته من ايدة حيل وجلبت بي..باوعلي اتوسلت بعيونه لا اتسوي شي..

بس طلعو جان يدفع ايدي ويركض على حايطهم وهو دافع جسمة وامخلي اذنه حتى يحاول يسمع صوت ونس ويفهم الديصير وشراح يسويلها ماجد

_سراج عليك الله فوت جوة احنه ما علينة رجال ومرته لتدخل بيناتهم يلا امشي فدوة.
_اسكتين لا احرك البيت على راسج وراس الكواد ذاك..والله والله اذا اسمعتها صاحت وضربها لا ادرعه بالسچينة من الطول لطول..
_ضربت على صدري..يمة دخيلك ربي بعد مابيه يا إلهي انهاريت كعدت بالكاع وكمت ابجي وجهالي يمي مستغربين كلشي ما فاهمين..
_ماما اشبيج
_امسحت ادموعي ماكو شي ماما روحو فوتو جوة العبو هسة اجيكم..

صرفت جهالي ما اريدهم ينتبهون على شي..اما سراج..رايح بعالم ثاني ولا يمي عقلة طاير وامعصب صاير نار جهنم..وهو يراقب بيت ونس..

ونس..

اخذني سحل من ايدي للغرفه..وكيان بيدي همزين ماوكع مني..

_اخ..اخ..اشبيك ايدي راح يوكع ابنك على كيفك اشصاير..
_اتسألين اشصاير لج متستحين مو عيب عليج اتسوين هيج عود هاي انتي ام الأخلاق والدين واتعرفين الحلال والحرام جا اشخليتي لبنات الشوارع بعد..

اباوع على ماجد صاير اعصاب وشايط معقولة عرف وشنو قابل اني ما عندي شي وما امسوية شي واصلا ما خليت وراي دليل..ليش اخاف..بلعت ريگي .وقويت كلبي...وعطت

_شنو شمسوية اشو متعرف تحجي وعيب عليك هذا الكلام اني مرتك يعني عرضك واليمسني ايمسك انتقي الفاضك واحجي عدل .
_لج انجبي لا اشك حلكج لتجاوزين اشلون اطلعين من البيت بدون اذني هااا

_احس ثلج ونزل على كلبي عبالي عرف شي عن سراج ويريد يجر لساني..بقيت ساكتة اريد اجر نفس من الهبطة الكلتها..
_اشو ساكته مالج عين اتردين مو..لج رجعت للبيت اباوع خالي دكيت عليج الموبايل حرگتة متردين عقلي طار خابرت اهلج واهلي ماردت اخوفهم سويت نفسي اسئل عليهم ومحد جاب طاريج وهمة سألوني عنج..اتخبلت والف حسبة اجت ابالي اخر شي سالت بيت حسام لج ادبسز متكولين عندي زمال ولازم اكولة قبل لا اطلع هاااا

_حسيت قوة بداخلي واحساس رفض لكلام ماجد ما جان عندي هالشعور ولا بيوم من الايام مريت بي..
فتحت عيني عليه ورفعت حاجبي ابصلافه وكتله..
هو هذا الخابص نفسك وخابصنة عليه شنو اشصار يعني واذا طلعت وماكتلك قابل وين اولي واروح هو لو عد جنة لو عد اهلي سويتها مخطوفه ودخلتنا ابوادي الذئاب..والله عبالي صاير كارثة مصيبة وفوكاهه طلعني كح......الا اشوية متستحي مو عيب عليك...

ما جاوبني..بعدها عيني ما رمشت ما اشوف غير ايد ماجد انسطرت على وجهي...وجانت هاي اول مرة ايسويها ويمد ايدة علية..
ضربني راشدي فر راسي فر..خليت ايدي على وجهي وغمضت عيوني من الألم...
_اتمد ايدك عليه ؟؟؟

بعدني ما كملت كلامي سحبني من شعري وركع راسي بالكنتور وبالباب وهو يفشر ويغلط علية وعلى اهلي..واني كمت اصيح.. وكيان ايصرخ بالنص ويبجي

بـقـايـا قـــلمے~✎

30 January 2021 18:35

ناعمة وملامحها طفوليه شعرها اسود طويل امسويته ضفيرة وصدريتها الطبيه صايرة سودة من الدخان والطين...

غسلت وجهي بمغذي ما ادري شنو المهم كدرت اشتم هوى بس عيوني تحركني حيل...

_اشلونك هسة يا بطل
_ابتسمت ودنكت..احسن بس عيوني تحرگني
_بسيطة..افتح اعيونك اتقربت مني وخلتلي قطرات بعيوني انتبهت عليها لابسة الصليب يعني مسيحيه..
هالشي كلش اثر بيه ومتحملت نزلت ادموعي..احنا كلنا ايد وحده وكت الشدة الله يلعن كلمن يفرقنا ويسوي طائفية بينه.. كمت امسح عيوني بيدي
_ها شنو اذيتك؟
_لا عيوني ادمع وحدها ..
_شنو اسمك
_سراج
_اسمك تاريخي وامبين عليك بطل وسبع وابو غيرة
_اشكرج والله بصراحه انتن البطلات الشي الدتقدموه يرفع الراس
_الوطن اهم من كلشي ولو اكلوبنة تحترك على الشباب الديروح دمها هدر بس ماكو ثورة بدون تظحية
_صحيح ان شاء الله يتغير الوضع ونحقق احلامنا واحلام الشهداء..
_البركة بيكم انتو املنا..
_ان شاء الله..كمت اريد اروح..
_لحظة ايدك مجروحه خلي الفها الك..
_لا عادي مو ضروري
_لا ميصير تتلوث..
اخذت باندج وعقمتها وبدت اتلفها..دخل للخيمة كذا شاب وياهم اصدقائهم شايلينهم جانو مختنكين وجروح بسيطة..سحبت نفسي وكتلها اشكرج هذا هو اني الفها شوفي الشباب مختنكين...
_ابتسمت..اوكي...اني اسمي ياسمين..
_ابتسمت واشرت براسي(اي ) ورحت...

كاعد يم الشباب ادخن وكل واحد بيهم يحجي ويسولف ..ههههه الشي الحلو...بعد كل الصار نلتم ونكعد انسولف ونضحك على المواقف الصارت ويانه 😅

واكو لا غيرنا يبجي وحزين لن فقد اخ او صديق الله يرحمهم جميعا💔💔

فتحت جهازي ونشرت صور على الانستغرام ...
ابد ما راحت عن بالي...وكلبي يمها..بلكت اتشوف الاستوري مالتي وتحجي وياي اوووف..

ونس..

صار المغرب..ماجد كعد من النوم..غسل وفتح الثلاجه طلع تفاحه واكلها كل اشويه ايباوعلي لو يفتح الكدور ويسدها ايريدني احجي ويا متخبل لن مدايرة بال 😅..سمعته يخابر حسام..
_شنو يعني حتى اليوم طالعين والله ذول بطرانين منو راح يسمعهم...اكلك اني جاي للشركة اذا شفنه الوضع مو زين انعزل اخاف يكسرون الجام يحركون ذول مراهقين ومزعطه مدارس وسدوها كلشي اتوقع منهم...يلا جاي مع السلامة..

بقيت بمكاني العب ويه كيان ومبتسمة..
بالعادة اني البسه ملابسة لماجد حتى حذائة جنت ادنك واسويله القيطان لهاي الدرجه جنت خادمته وبدون مقابل بس اريدة ايحبني ويقدرني لا اكثر ..بس للاسف ما شفت منه هذا الشي...

طلع من الغرفه وكال...احم..احم....
تردين شي
_بدون ما اباوع بوجهه كلت لا..

باس كيان وطلع..

ما اعرف ليش هيج صرت ما اهتم لماجد ولا اخاف منه يتركني...معقول الخيانة اتموت الحب والمشاعر هيج؟؟

فتحت الانستا..ودخلت على صفحته رفعت الحضر عنه وما اعرف ليش عبالك وحدة ثانية تتحكم بيه
شفت اشارة استوري..دخلت عليها..
صورته ويه اصدقائة طالع شكله حلو وامرتب وبعدها فديوات يركض ويعيط واصوات ضرب ودخان كلشي ما افتهمت من الفديو وراهه صورة لابس البدي على وجهه بس عيونه طالعه والاخيرة صورة لايده امضبره وكاتب(فدوة الك ❤)

رديت سلامات؟؟؟

وما رد عليه...👈😁💔

جنة..
شفت استوريات سراج ولطمت على وجهي...
_والله عرفتك هسه اتأذي نفسك وتلعب شاطي باطي اووف اتعلمني بيك بس يريد يتعارك ويضرب ااخ خالتي بيمن متنسية متكليلي اشلون خلفه هاي..
راسلته ما رد عليه خفت علي كلش.. اتصلت بي

_الوو وينك ليش مترد
_شكو منو مات
_اشبيها ايدك هسه يوصل الخبر لخالتي وتكلب الدنيا تعال ارجع للبيت
_اهووو اشلون راحت عن بالي هاي السالفه
_اي لعد وين جان بالك لمن نشرتها
_يمها والله علمودها أنشرت عبالي اتشوفها وتحجي وياي..
_ياا صدك عود وتالي؟
_لا حظت برجيلها ولا خذت سيد علي..النت خلص عندي وامي هسه تجي طايرة تكابلني وتبجي وتعال جيب اليقنعها سراج مابي شي
_ههههههه حيل تستاهل وكعت ابشر اعمالك..
_اشمتي اشمتي الله جابلج
_يله اشوكت تجي
_جاي بالطريق..
_خوش

كل اشويه افتح الانستا لا شاف الرسالة ولا رد عليه
ضجت و اتوترت حسيت نفسي ابموقف سخيف..
بعدين فكرت مابيها شي واذا ما رد عليه بالنهاية اني ما كاتبه شي بس رد..بقيت اقنع ابنفسي..
واجت ابالي فكرة..اخاف خطفوه لو اخذو الشغب..
هففف واني شعليه شكو افكر بي..ابشنو ايخصني..

بقيت اروح واجي ابمكاني...جنة..ماكو غيرها خلي اروح يمها اكيد تعرف كلشي...

لبست فستان جوزي وحجاب وجريت عيني بالكحل والمسكارة طوخت حمرتي ..رشيت عطري الخاص..وبدلت لكيان وطلعت لجنة وهاي اول مرة اجيها بلا موعد..

منوووو
فتحت الباب وشفت ونس كدامي..كلش اتفاجئت بيها باوعت ابوجهي وابتسمت اشلونج جنة..

_هلا..هلا حبيبتي..
_هههه اعرفج متفاجئة ابجيتي بس حبيت اسويها الج مفاجئة واردلج الزيارة
_لا لا بالعكس البيت بيتج اتفصلي عمري..

دخلت وتمشي جنها بطة..الجذبني نظراتها..تمشي وعيونها اتدور على شي....
حسيتها ما مرتاحه..
اتفضلي..خلي اسويلج عصير...
_لا عليمن لزحمين نفسج...
_لا شنو السالفه تعبج

بـقـايـا قـــلمے~✎

30 January 2021 18:35

وألمنشورات القديمة اكثرها ينشر صور اله..بقيت اباوع على صورة كله طاقه وشباب شكلة ما عايز شي بالعكس مهتم ابنفسة وجسمة امعضل وسط..وامبين سبع وشهم عندة صور بالعسكرية وكله تراب وحاله مكلوب وكاتب( اما النصر او الشهادة)

لعب ابدماغي الشيطان...وانطيته قلب (اعجاب)

ثواني لا مستحيل اقل بلحظة جان يراسلني ويكتبلي
شكرا..

كلبي يدك حيل خايفه وارجف...شفتها وما رديت
_طاحضني امداني هسه شكو انطيته اعجاب خرب يومي...
كتبلي..(ليش اتفتشين ابصفحتي)
_بلحظة عقلي سكت وكلبي صار يتحكم بيه...ورديت عليه(اعتذر مو قصدي )
_لا اشاقه وياج فتشي براحتج..الصفحه وراعيها كدامج..
_اشكرك..الصورة عجبتني وبس
_اي اني هم كلش احبها لهاي الصورة ومميزة عندي
_اي لاحظت ماكو مثلها ابصفحتك
_خلي احجيلج قصتها..
بدة سراج يحجيلي اشلون جان الوضع خطر ابوقتها وجان ممكن يموتون لن الهجوم ليل ونهار عليهم وجان بيها الجو تراب بحيث طمهم طم حتى ملامحهم اختفت وجان متوقع نفسة يستشهد باي لحظة )
_انكتبلك عمر جديد
_ااخ جنت اتمنى استشهد بس امي جانت واكفه ابعيني وجنت اتحذر لمن يصير هجوم بس همين اتصوبت اكثر من مرة وجنت ما انزل ابقى لحد ما اصير زين يلا ارجع لبيتي اخاف على امي اذا اتشوفني ابهيج حاله توكع واتموت..
_الله يحفظها الك
_تسلمين اني اسف اخذت من وقتج ودوختج بسوالفي
_لا بالعكس

_خليت جهازي على الميز وايدي ترجف واتنفس سريع...هاي شنو اني اشسويت ابنفسي؟؟؟؟؟

محتاجة لحضن مابي عطر شمات....

محتاجة لحنان وشوگ يجويني.....

محتاجة لنهر مابي ولا سابوح...

اموت بداخلة وبلهفة يحيييني...

يتبع

بـقـايـا قـــلمے~✎

30 January 2021 18:35

هذيج المشكله بس علاقتنه طبيعي احجي ويا ونطلع وانسير..رحت لعمتي واعتذرت منها رغم اني مالي ذنب ابشي بس هاي جانت رغبة ماجد وبنفس الوقت اني احبها لعمتي وما اريد اخسر محبتها الي ولابني...صلحت علاقتي بيها ورجعنا مثل قبل...

ندى كلش خايفه على رجلها لن الوضع صار كلش خطير..الشباب كدرو ياخذون احد البنايات الجان مستقر بيها القناصين والشغب ..سيطروا عليها بالكامل..واخذوها وما تركوها صارو ينامون ويصبحون بيها اكلهم وشربهم بيها..ورجل ندى وعباس حماية مستقرين بيها حالهم حال الشباب .

ماجد وعمتي اشكد حجوا عليهم ومنعوهم لكن ماكو فايدة وبيوم من الايام...

جابولنه عباس امصوب وراسه امضبر..ومختنك..

وعمتي كلبت البيت بالصياح واللطم..
يمة ابني مات...راح من ايدي..كتلو اخوك يا ماجد..
_يمة صلي على محمد ولتخبصينة هياته كلشي مابي انضرب بوري ابراسة وماكو شي خطير بس ارحمينا وسكتي ..
_حضنت عباس وكامت تبجي و هو يكلها مابيه شي لتخافين ابصوت مخنوك..
_سودة ابجهي عليكم الله لا يوفقهم كتلو ولدنة عساهه ابولدهم كون بحق الحبيب محمد..

ندى تبجي على اخوهه وعيونها تتوسل زوجها حتى يكعد ويسكت ويترك المظاهرات
لكن صار العكس..
_انته هم يمة اكعد ولا تطلع بعد هاك شوف اخيك اشصار بي لوما رحمة الله جان راح مني واني ابساعيتها شكول وشحجي..بداعت بنتك اكعد بالبيت
_خالة اشلون نكعد والشهداء القدمناهه ودمهم الراح هدر هيج بهالسهولة نتخلى عنهم..اشوكت ما يرجعون الشباب ارجع وياهم..
_ما كولك شي غير الله ايحرسك يمة..

ماجد صار عصبي على اخوه ومنعه الطلعه من البيت
وكاله..
_بعد ممنوع تطلع من البيت افتهمت كافي اسوالف المزعطة هاي مو اطيناك مجال..اسمعي يوم بس يطلع خابربني واني اعرف اشلون اسحلة واجيبة..

جنة..
اليوم نزلت سراج من الدوام..وخابرني..

_الوو انتي بالبيت
_اي بالبيت وصلت
_اي نزلت براس الشارع..
_خوش هلا بيك
_بااي
_شنو ماما اجه عمو سراج
_اي ماما براس الشارع
_حبابه خلي اطلع اوكفله بالباب..
_ماشي مو تروح ابعيد ابقى يم الباب واخذ خواتك وياك
_اي..
طلعو الجهال يتراكضون وكفوا بالباب وهمة ينتظرون سراج ابكل لهفة وفرح..

ونس..
روتين حياتي بين ابني وشغل البيت..اليوم غسلت البيت كله عندي عمل شعبي. جنت لابسة ثوب بيت فيزون لونه اسود وبي ورد اكبار لونهن اصفر و امخصر عليه وبارز صدري ومفاتني...خليت شال اسود على راسي ذبيته بأهمال طالع خصلات من كذلتي..سحبت الصوندة مال الماي وطلعت اغسل الباب مال البيت والرصيف اليم بيتنا..مديت راسي شفت الشارع فارغ..بس جهال جنه يلعبون..
_ها اشلونكم
_هلو باجي.. وين كيان
_هلو حبايبي نايم كيان
_حرامات لمن يكعد كوليله يلعب ويانه
_صار من عيوني..

دنكت ارش ماي واغسل الكاع بالمكناسة جان يعيطون الجهال ويركضون..
_اجة عمو سراج.....اجة عمو سراج

بلحظة فزز كلبي واتخربطت احوالي..كمت اعدل بحجابي..رفعت عيني وشفته جاي من بعيد..وجهال جنة يتراكضون عليه ويتلكوه ابكل حب..

لابس ملابسه العسكريه والجنطة على ضهرة ولابس نظارات شمسية...

اغسل بالباب وكل اشويه ارفع عيني عليه
بوس جهال جنه وحضنهم وشال بتها الزغيرة..ويمشي باتجاهي..وصل يمي جنت امدنكة..
كح..وباوعلي..حسيته يريد يحجي...بقيت امغلسه وما درتله بال...دخل هو و جهال جنة للبيت بس بقى الباب مفتوح ..
جان اسمع صوته وراية...

_ذبي المكناسة ودخلي لبيتج...
_وكفت عدل و درت وجهي عليه ...جان فاتح عيونه بعصبية والوجه مكلوب وحيل ضايج..
_عفواا ليش؟؟
_لن عيب وزحمة المرة تطلع بالشارع وتكنس بهذا المنظر وهذا شغل الزلم مو النسوان انطيني اني اكمل عنج..
_اخجلت من كلامة..ما رديت عليه...اخذت المكناسة والصوندة وطبيت للبيت قبل لا اسد الباب..كتله..
اني اريد اشكرك لن ساعدتني هذيج المرة ولوما انته جان رحت بيها اني وابني..
_باوعلي ورفع حاجبة وكال..علساس ايغزر بيج ودار وجهه وراح ..
_سديت الباب واني مبتسمة وكلبي يرجف ويدك الف بالثانية..بعدين صفنت على روحي ليش هو شنو كال حتى اني هيج فرحانة بالعكس هو رزلني ما مدحني اشديصير ٠😩..

دخل سراج وبيدة جهالي بس شكله مكلوب وصاير نارر امجمرة..
_ها شكو اشبيك..وجهك مكلوب ابكرك..

_هسة اجي الزمي جهالج لتطلعيهم..
_ولك شكو...

لمن دخلت الشارع واتلكوني جهال جنة حيل فرحت ابشوفتهم..لمحت ونس من بعيد...بعدين كلت لا مستحيل هيه متطلع من البيت وانوب تكنس وتغسل..صرت قريب واتاكدت هاي ونس جانت اتعدل ابشالها باوعتلي كذا مرة واتهربت بعيونها..
لمن شفتها شطت لله ومتت من القهر ابالي الزمها واكطع المكناسة على ضهرها على هاي الطلعة..غرت عليها ابشكل مو طبيعي وعبالك مرتي ويباعون عليها مدري شلون لزمت اعصابي وحجيت وياهه ابهدوء
ماردت علية اكتفت بالطبة لبيتها وقبل لتسد الباب حجت وياي واتشكرت مني حسيت بيها خجلانه وصوتها يرجف..عاد اني ما قصرت زدت احراجها متعمد وكتلها علساس ايغزر بيج...

طك كلبي فرح وشع النور ابروحي مثل الوردة الذبلانة ورجعتلها

بـقـايـا قـــلمے~✎

30 January 2021 18:34

#سراديب_الهوى

للكاتبة بان الأعرجي

البارت السادس..

جنة..
استغربت سؤال ونس عن سراج وبنفس الوقت صار عندي فضول قوي اريد اعرف نظرتها لسراج شنو..كتلها..
_اشبي؟؟
_ لا مو قصدي بس اني اذكر قبل لا افقد الوعي شفته اجاني يركض اريد اعرف هذا الشي صحيح لو اني متوهمة ..
_لا ما متوهمة. ونس لوما سراج جان احتركتي انتي وابنج..
_اشسوة..
_كولي شنو ما سوة..اتخيلي سراج طفر على بيتج وطلع دبة الغاز وهي مشعولة نار شالها على جتفة وشمرها بالشارع وجان بيا لحظة تنفجر علينه..واخذناج ركض للمستشفى..

جنة تسولف واني اتخيل كل موقف تحجي إلية وهالشي خلق بداخلي اهواي افكار وتساؤلات..
ليش اني بالذات..
وليش هيج مهتم لامري بحيث طب ابنص الموت علمود ينقذني ويخلصني..وما اهتم وجان بيا ساعه يموت وتنتهي حياته..
ليش مستعد يموت كدامي؟
شنو معناهه؟؟

اعوذ بالله من الشيطان الرجيم..

اتعوذت من ابليس ومصايدة..وكتلها

_الله يحفظة لشبابة ويخلي لمرته وجهالة. لو ما متزوج..وابتسمت
_لا خية منفصل..
_معقولة ليش؟؟
_خالتي خطبتها وكتلت نفسها عليها وسراج ما كلها لا
زواجهم كله سنه وكم شهر طول هاي المدة وهمة عايشين ابجحيم يومية مشاكل وعركات على اتفه الاسباب وهيه اتريد سراج يمشي على مايهه كون شتكله يكلها امرج..و سراج النعرفه وين تمشي ويا هاي السوالف جان يشبعها كتل و اخر مرة ضربها وشك راسها وسبع خياطات واجو اخوتها وعمامها هدادة على بيت سراج..

_يا عززة

_جا اشعبالج سراج يسكتلهم اول ما وصلو باب بيتهم..وجان يطلعلهم بالرشاشه وخرطهم خلص الشاجور عليهم وصار طفارهم ماله والي ناس تربد بناس كلها شردت وبقت بس نعالاتهم بالشارع
_ههههه والله ابن خالتج ماعندة تفاهم
_ يبووو سراج ابد ميتفاهم وعصبي كلش بس شنو ماكو مثل طيبة كلبة وحنيته لو تلفين الدنيا كلها .
_الله يخلي الكم وشلون انفصلو..

_خالتي بقت اتلح على سراج حتى يرجعها وهو جان ايطفر ويتخبل من واحد يحجي ويا بهذا الموضوع يكسر البيت عليهم جان رافض رجعتها نهائياً الى ان بيوم من الايام اجه وكال طلكتها وانطاهه كلشي مهرها وذهبها حتى غرفتها ما خلالها اثر بحياته..

_يا خطية
_باع هاي يا خطية..يمعودة لو شايفتها فد وحدة مغرورة وشايله خشمها ومتكبرة خو اني اتموت مني لن اضحك واشاقه وي سراج وتردين الصدك والله من طلكها يلا ارتاح وكام يطلع ويسولف ويضحك بس خالتي الله يسلمها اتحبها لذيج ودوم تمدح بيها

_الله يهديهم..وان شاء الله رب العالمين ايعوضة بالاحسن منها
_ان شاء الله يارب العالمين (بس كون مو انتي حجيتها بداخلي)
_والله ما اعرف شلون اجازيكم انتو خلصتوني من الموت..
_لا لتكولين هيج انتي منا وبينا جا غير انتي اخيتي وصديقتي
_ اي الله الشاهد.. اكلج سراج بعدة ابيتكم؟
_صفنت ومستغربة..لا راح التحق بدوامة ليش؟
_فشلة اريد اتشكر منه الي سواه اليه مو قليل..
_لا جا انتي غريبه حالج من حالي وهذا سراج معروف بمواقفة وكلها تشهدله..
_والنعم منه..شنو يعني هو بالجيش
_اي منتسب(بغير محافظة )
_ها..يرجعلكم بالسلامة ان شاء الله..
_الله يسلمج عيوني يلا خية اني اروح دوختج انتي هم تردين اتنامين بس والله بالي يمج ومن سمعت صوتج ما اتحملت واجيت اشوفج
_بعد كلبي ام امير متقصرين واني اشكرج اهواي على وكفتج وياي لوما انتو جان الله اليعلم شصار بحالي..
_يا على بختج بيج خير وتدللين عندج العافية مع السلامة
_الله يسلمج كل الهلا بيج..

سديت الباب ودخلت لغرفتي..
باوعت على ماجد جان نايم ابعمق ومخلي ايدة على عيونة.. باوعتلة وابتسمت يا الله اشكد مشتاقتلك.
فتحت كنتوري ولبست ثوب نوم وبقيت اطكطك بهدوء واخلي مكياج وعطور..
رتبت نفسي على اخر تكة..

اتقربت من ماجد ووخرت ايدة ابهدوء وصرت اشمة بركبته وابوس بي بوسات خفيفه..
فتح عيونة ابنعاس..وكال
_ها حبيبتي اشبيج
_مابيه شي بس مشتاقتلك وما هان عليه تبقى زعلان مني..
_لا ما زعلان كيان نايم مو
_اي

وهو ديتقرب مني شفت على زندة (جتفه ) اثر ازرك
متحملت دفعته واني صايرة اعصاب وعيوني ناطة شرار..كتله هذا شنوووو
_هاي اشبيج شكو اتخبلتي؟؟
_هاي شنو على ايدك جاوبني
_لج اشبيج هاي ضربة هناك انضربت اباب الفندق وصار مكانها ازرك..يلا لتخربين ليلتنه بهاي الاوهام
_لا مستحيل هاي مو ضربه احجي ماجد هاي شنو؟
_كافي ونس صمي حلكج عيب دنيا ليل ومنا العالم ليسمعون صوتج..
_ما عليه هسه تحلفلي بالقران هاي ضربة..

_دروحي والله مو صوجج صوجي اني كاعد اشرحلج وابرررلج طبج مرض صدكتي والما صدكتي بالطكاك..تريدني احلف المتستحي شنو بايك ورث الجابوج واحلف..

تركني ولبس ملالسة وراح للحمام..

غطيت نفسي وخليت راسي بين رجلية وكمت ابجي ابحركة ..الموقف كلش صعب ومشاعري متنوصف جنت احس ابوجع والم ما اكدر اشرحه لاي بشر مقهورة حيل واحس خناجر اتمزك ابصدري وكلبي ينزف الم..وما بيدي شي غير ابجي واطفي نار روحي بالدموع...
باوعت على نفسي بالمرايا..واكول اشناقصني وليش هيج ايعاملني شنو العيب البيه لو

بـقـايـا قـــلمے~✎

28 January 2021 20:09

هسه صار بس ماجد اليطلع..
_ماما كافي اسكتو اترجاكم..دايخه ومالي خلك لتزيدوها عليه..
_ام كيان..براحتج ابقي يم اهلج واشتردين احنه حاضرين بيج خير وادللي
_رحمه الله والديك خويه متقصر ما اريد شي بس سلامتكم..

جان كاعد على الكرسي ويفرك وجهه ابتعب..باوعت حسام ما موجود يمة..
_ها
_ اشلونها رجعت لوعيها..
_اي زينة مابيها شي..سراج امشي حباب خلي نرجع كلش خايفه
_امنين خايفه ليش شكو
_ما ادري اخاف ينكشف كلشي وهاي عمتها عرمة ومتنجرع..اكسر الشر وخلي انروح حباب..
_لتخافين ما بقى شي ينكشف..ما دام امنت عليها وصارت صحتها ابخير هاي هيه يلا امشينا انروح.
_اي عفية فدوة لوجهك لتضيع نفسك وتضيعنا وياك. حبيبي انته عاقل وتفتهم يلا امشي...

دنطلع..صادفنه حسام ..

_ها وين
_للبيت انته نسيت الجهال ابوحدهم
_صدك وين خليتيهم
_يم الجوارين..
_يلا امشي اوصلج خو مابيج شي ترحين للدكتورة اتشوفج..
_لا مابيه شي تعبانه من الهبطة الصارت
_الحمد لله على سلامتج عمري..

سراج تركنا ومشى..صاح وراه حسام..
_ها وين رايح
_لبيت اهلي..
_تعال ويانه ارتاح يمنه وبعدين روح لاهلك
_لا ما اكدر باجر التحق..يلا من رخصتكم
_الله وياك..
_سراج انتبه على نفسك لتسوق سريع حباب
_هز براسه..نعم..وراح

اعرف سراج عايش ابصراع داخلي بين عقلة وقلبه
ومابيدي شي اسوي خلي يتعذب كم يوم وراهه ينساهه ونخلص عذاب ساعه ولا عذاب كل ساعه والله اليعلم شنو ضامتلنا الأيام..يارب اطلعها من كلبه وينساهه..
_اشبيج جنة احسج هاي الايام مختلفه مو جنه الاعرفها
_يعني اشلون
_دومج شاردة واعيونج بيها خوف حتى ضحكتج مو مثل قبل احسها ضحكه حزن..
_اويلي السيد حسام الشاعر المتنبي
_هههههه ولج شنو هذا الخرط..
_اني ادري شوف اسوالفك مدري اشتحجي حبيبي لتخاف مابيه شي لتخاف
_فدوة رحتلج انتي الهوى الاتنفسة
_عمري وروحي...سحب ايدي وباسها....

عمتي وحماي اتصلو ابماجد وحجوله الصار..

جنت ابيت اهلي توني واصله اتصل بيه ماجد..
كلبي رف على صوته حيل محتاجة وجودة يمي..

_الووو حبيبتي شنو هذا السمعته احجيلي بيج شي كيان بي شي احجي

_ابتسمت..وكتله لا ما بينه شي قدر ولطف
_متكليلي ليش هيج سويتي
_شنو اشسويت
_اني اعرف هاي اسوالف النسوان بس كليلي هسه شنو استفاديتي
_هاي اشبيك ماجد شنو دتحجي ترى ما افهم
_على العموم اطمئني اني راجع باجر باليل
_عصبت وكتله ترجع مترجع الله وياك وسديت الخط ابوجهه..

ها اكيد عمتج الحية دافعته عليج..
_كمت ابجي..
_اشكلج احجي
_ما افتهمت يكلي هاي اسوالف نسوان..
_يااا شنو عود انتي احركتي نفسج علمود يرجع الهيبة من الخوارة مالته..
بسيطة خلي يرجع واني اعلمة الا اخلي يمشي مثل الساعه انطيناه اهواية مجال...وسكتناله وانكول ما ندخل رجال ومرته وهمة متصافين بينهم بس لهنا وكافي وصلت حدها بعد....

سراج...

ودعت كلشي..واتنازلت عنها..خليها بعيدة عني اني حلمت بالمستحيل وخالفت القوانين واستحق العقاب ..البارحه اكتشفت اني و ونس مستحيل ننجمع ونس عدها اهل وعيال ايحبوها ويخافون عليها..ومراح تخسرهم في سبيل اي شخص الصورة حلوة بس اني ما موجود بيها..

عقلي اقتنع..بس گلبي ااخ💔 شيقنعه..
محروك كلبي عليها ..اريد اخلي راسي ابحضنها وابچي ..تيهت روحي..واحاول اقنع كلبي بالصبر..

التحقت بالفوج مالتي..وكلي امل انساهه...صفنت على روحي...
ليش اني صارلي اشكد اعرفها وهيج ميت عليها..
ومتعلق بيها مثل الطفل...لا اكل ولا اشرب بس صورتها ابدماغي..واحرك بروحي ويه شعلت الجكارة اااخ ..
الطريق طويل..فتحت موبايلي واگلب بي شفت رسايل من البنات الي جنت مصادقهن..
ابتسمت...

عبير وزهراء واميرة ونور....

ههههه كلهن احجي وياهن وامصادقهن ووحدة متعرف بالثانية..وكل وحده منهن تتمنى اعترفلها بالحب بس ولا مرة حسيت بهاي المشاعر الوحده بيهن بس اعجاب.. وصدااقه..

دخلت على رسايلهن كل وحده كاتبتلي جريدة لن ما ارد عليها ...من يوم العرفت ونس واني طلگت الدنيا وما بيها...

هههههه الحلو بالموضوع كلهن كاتبات نفس الرسالة بالاخير..

(( اعتبر كل البينة انتهى ))

لزمتهن وحده ورى الثانيه بلوك...بلوك..
من كل البرامج حتى الاتصال.
دروحن انعل ابو الرباجن...وجه الفگر..

خليت استوري..كتبت(ادعولي....اموت )

ونس يوم جديد...

اليوم وضعي احسن بس دوخه خفيفه امي وابوية ما قصروا وياي اكل وعصاير وحلويات بس يردوني اصير زينة..
ماجد اليوم يرجع من السفر رغم كل الاذية..بس مشتاقتله وملهوفه عليه ما مصدكة راح اشوفه واحضنة..واشم عطرة..

كعدت احجي ويه امي واقنعها ما تحجي شي ويه ماجد ما اريد مشاكل وعمتي هم مراح تسكت واني ما اريد يصير خراب ابينة..

_هو خل يجي ويفتح حلكة بحجاية واني اعرف شنو ارد عليه
_ماما فدوة ما اريد مشاكل
_جا شنو عاجبج هذا وضعج يوميه طالع ومسافر وانتي كاعدة ابين اربع حيطان..كلشي ميدري عنج
_لا ماما غير شغله ماجد ما امقصر وياي ابشي هو ايحبني ومدللني
_ان شاء الله يطلع هذا الكلام صحيح
_اشبيج

بـقـايـا قـــلمے~✎

28 January 2021 20:08

#سراديب_الهوى

للكاتبة بان الأعرجي

البارت الخامس

سمعنا صوت انفجار من بيت ونس..سراج اعيونه صارت براسة ووجهه اصفر مات من الخوف..ركض بلا وعي وصعد البرميل وطفر على بيت ونس..
بقيت اصيح وارجف...
_ياربي دخيلك ..كون مابيها شي..طلعت وكفت بالباب الجيران الي يمنة كلهم طلعو على الصوت...
خير اشبيكم هذا الانفجار ابيتكم..
_لا خويه ابيت ماجد ابوكيان وما اعرف شنو القصة عفية كسروا الباب وشوفوا اشبيهم لحگو عليها ..وكمت ابجي..

فزعو الجيران وركضو حتى يكسروه.جان تنفتح الباب واشوف سراج شايل دبة الغاز على چتفه والمنظم مشعول نارر..لطمت على خدي وعطت ياااا علي دخيلك.. راح تنفجر ولك سراج ذبها راح اتسويك وصل وصل ولك ذبها...الشباب كلها اتراجعت خايفين وهيه تعيط على سراج ذبها راح تنفجر..

شمرها ابنص الشارع..والكل يحجي ويصيح خابروا الاطفائية وميعرفون شيسون واني املخ ابروحي وبناتي يصارخن..
ركض رجال جبير هو وابنه جان بيدهم قطعة قماش مدري تشيرت امبلل بالماي وخلوه على راس دبة الغااز وانطفت ..والتمو عليها بالرمل وبطفايه الحريق

ما اعرف بعدها شصار ...دخلت ركض على ونس يمة اشصار بيها كمت اعيط بعلو صوتي سراج ولك احتركت اشصار بيها جاوبني...

ونس...
ناررر شابة ابجسمي..محترگة روحي من سراج والسواه وياية والي زاد الطين بلة هو ماجد وقهرة..كلهن التمن عليه وصرت اعصاب واتخبلت اريد اتعارك كوة ...وفرغت كل غضبي وعصبيتي بسراج وجنة...دخلت لبيتها هدادة رزلتها ورزلت ابن خالتها واني اعرف اشلون اغث البشر وخصوصا اذا جان رجال اعرف كلشي ولا العرض وأصعب كلمة عالرجال لمن واحد يجيب طاري عرضة بالموزين..
واني ما قصرت وياهم...وحجيت على عرضه الشي الغريب رغم اشكد جنت عصبيه واغسلتهم غسل ما فتح حلكة ابكلمة بالعكس جان هادئ ومثبت عيونه بعيوني عكس جنة البقت تتوسلني حتى اسكت وما افضحهم..

بردت گلبي بيهم وطلعت..فتحت باب بيتي ودخلت المطبخ اشتم ريحة غاز..رحت عالطباخ ما بي شي..اصلا الدبة جانت اتنفس..خلي افتح الباب والشبايك حتى يطلع الغاز..
صدك حسيت براحة لمن حجيت لبكلبي..بدلت ملابسي وكيان كام يبجي..اكيد جوعان خلي اسويلة حليب..اباوعلة وابتسم يمة وليدي ونظر عيني خليته بالصالةة وحطيتله العاب وهو بعدة يبجي ويصيح ممة...ممة..
_اتريد ممة اكعد هنا العب هسة راح اسويلك حليب عفية ابني حبيبي..

اخذت الماي ريحة الغاز بعدها قويه فتحت النار وخليته على النار...

طلعت من المطبخ للصاله ما حسيت غير صوت قوي وانشمرت على ابني من قوة الصوت بعد ما اسمع شي اذاني انسدت..فتحت عيني على المطبخ وشفت النار مشعولة بدبة الغاز..اريد احرك ايدي اريد اطلع صوت ما اكدر طاقتي انتهت ورجليه ثكلت..ومن بين الدخان الابيض..وبذاك الرعب كنت بامس الحاجة لشخص ينجدني ويسعفني اني وابني طلعلي سراج
ما اسمع شنو يحجي...اتقرب مني وخلاني بين اديه اذكر ملامحه جان يعيط ويضرب على خدي..اريد اجاوبة ما اكدر لساني ثكيل وما اسمع شي بدت تختفي صورته وصارت الدنيا ضلمة وبعد ما اعرف شنو صار...

سراج..

اول ما عبرت على بيتهم جانت الگاع كلها كزاز امكسر دست عليه ودخل برجلي وما اهتميت اني بلا روح وعقل ما ضل بيه كل فكري ونس احتركت..دخلت واصيح بأسمها ...ونس...ونس...لج وينج جاوبيني..ونس..اباوع بكل زوايه بالمطبخ رغم الدخان والغاز مشتعل بيا ساعه وينفجر وكلنه نروح بيها جان كل همي ونس..
صوت ابنها يصرخ دخلت عليهم واشوفه واكعة على ال گاع بمسافه عن ابنها...رفعتها وخليتها ابحضني.
_ونس..ونس...فدوة احجي..ونس
صرت اضرب على وجهه جانت فاتحة عيونها بس متحجي ولا تتحرك...انوب ذابت روحها بين ادية.. متت عليها لازم اخذها للمستشفى ركض..
تركتها..ورحت فصلت الغاز عن الطباخ وشلتها على جتفي وطلعتلها برة البيت وشمرتها بالشارع ورجعت ركض لونس ودخلت وياي جنة تلطم واتصيح احتركت البنية...

جنه...
دخلنا وكيان فحط من البجي..شمرت نفسي عليها..واني اكلبها جسمها واتفحصها ابخوف لا محترگة الحمد لله كلشي مابيها الله قدر ولطف...
سراج امخلي ايدة جوة ضهرهه ورافعها ايحاول ايگعدها بلكت تصحى..
_ونس اصحي فدوة سودة عليه..ذبيت عليها ماي وصرت اضرب على وجها..
دفع ايدي سراج وصاح بيه..
_وخري عنها خرب دي...لتخليني اكفرر بيج هسه ..

_متشوفها فاقدة الوعي ولك راح تموت البنية..
_امشي جيبي حجابها خلي ناخذهه للمستشفى..
_يلا..يلا راح اخابر حسام..

خليت الحجاب عليها اشلون ما جان وشالها سراج وطلع يركض بيها للسيارة..بهاي الاثناء دخلو نسوان الجيران..وهمة يسئلوني..
_ها خو مابيها شي..
بعدني ما جاوبتهم واسمع سراج يصيح ابعلو صوته لج جنة اشتعلت عشيرتج...جيبي ابنها وامشيييي..

جيت...جيت...
اخذت كيان..وطلعت..فدوة اخذي جهالي يمج وسكتيهم ..
_اي عيني روحي روحي الله يساعدكم ان شاء الله مابيها شي وتكوملكم بالسلامة
خليت حجابي واخذت موبايلي وابن ونس وصعدت بالسيارة..سراج مثل المخبل طاير بالسيارة ما خله كفرة ولا غلطة يمشي سرعه وياهو اليطلع ابوجهه

بـقـايـا قـــلمے~✎

28 January 2021 20:08

ويا لبيتي
_زين اني هم راح ارجع اليوم لبيتي اخابر اخوية يجي عليه..
_ليش يمة خليج هنا شسوين ابيتج وحدج ابقي هنا
لحد ما يرجع زوجج
_لا عمة مشكورة خلي ارجع لبيتي احسن وكيان هم ما نام البارحة متعود على مكانه
_يعني شنو تبقين وحدج شلون حجي هذا
_لا راح اخلي اخوية يبات يمي
_عليمن هذا العناد ابقي هنا شكو عليج
_ماما تركيها براحتها وين متريد تبقى تبقى كلها بيوتها..
_اشكرج ندوش..
_العفو ولتخابرين علاء احنة انوصلج بطريقنه
_ماشي

عمتي بقت ضايجة وكالبه وجهه لن راح ارجع لبيتي
مشيت الامور طبيعي لن بس اريد ارجع لبيتي واحل المصيبة العندي قبل ما اصير بخبر كان..

التمينة على السفرة..وكيان ابحضن عمتي اتوكلة..
والولد يسولفون على المظاهرات والاعداد ازدادت عن قبل وحته ولدنة صار عدهم حماس ونخوة ويردون يطلعون للمظاهرات...
_يا يمة اشعدكم طالعين فدوة اروحلكم مابيه انفجع بواحد منكم الله لا يگولها
_خالة..أنريد وطن
_يا يمة جا وينة الوطن ؟؟
_هههههه باگو الحرامية وراح انرد الوطن للوطن
_هذولة شنو ديحجون..يمة اكعدو وسكتو والله ما تحصلون شي وكول كالتها ام ماجد..
_ليش هيج اتهبطين معنوياتنه خلي عندج امل...
_ولكم هذا العراق ما يصفى ما دام وادمنة مو گلب على گلب هيج تغيير يرادلة ناس ايد وحدة مو كل
واحد يصفك لحزبه...
_لا ان شاء الله ايد وحدة..

بقت عمتي تناقشهم وهمة يردون وبالاخير محد اقتنع بكلام الثاني...

حضرت غراضي وسلمت على عمتي الجان سلامها وياي جاف مالي خلك حتى اسولف...ودعناهم وطلعنه ...واحنه بالطريق انشوف الشباب والبنات كلها طالعه ورافعة الاعلام بيدها وهي تتجه الى ساحة المظاهرات..
كل اشويه واكفه السيارة بسبب الطرق المقطوعه ما انكر الوضع جان يخوف وما يبشر ابخير انگول الله الحافظ...

جنة...
كعدت من النوم على صوت جهالي..جان حسام طالع..بيش الساعه اخذتني النومة..
_هاي شنو ساعه ب11...
_ماما ليش نايمة..
_يا حبيبي جوعانين هسه اسويلكم ريوك ليش ما گعدتوني من النوم..
_لا ماما اتريگنا ..بابا سوالنه ريوگ
_ياا خوش وعمو سراج طلع
_لا بعدة كاعد بالحديقه يشرب جاي..
_هففففف

غسلت وبدلت لبست تراك وربطت شعري..طلعت للمطبخ والباب مفتوح ‌...صحت..
_صباح الخير..
جان يجيني طاير يلا خابريها ..
_صدك جذب دكول صباح اللطام شي
_صباح اللطام يلا خابري..وهو يخزرها..
_اللهم طولج يا روح...
اخذت جهازي واتصلت بيها..انطتني رفض..
_عزااا شنو صاير حتى ونس مترد عليه شفت افعالك لوين وصلتنه..

انگلبت احوال سراج كلش..احس نفسة صار ثكيل وكام يكح...
_دشوف شصاير بحالتك الكفشة جنها كفشت مغولي
وبس تحرك دمك بالجكاير وبدت الخنكة ترجعلك..متكلي ليش هيج امسوي ابنفسك
واني كاعدة ارزل بسراج اندك بابنة...
_امير افتح الباب...
_سراج عيب عليك هاي التصرفات

اي..اي فهمي العيب شنو لابن خالتج الما متربي وخلي ابالج جنة انتي السبب ابكل الصار...

دا ارزل بسراج ودخلت علينة وناس وهيه اتعيط ابعلو صوتها واتهدد..صايرة نار كبرة وهاي اول مرة اشوفها بهيج حالة..متعودة عليها دوم هادئة

وكفت مقابيل سراج وهيه اتهددة ابكل احدة..
_اسمع لك هاي آخر مرة تتعدة حدودك وياي والله وامانه اوصلها لرجلي ولخوتي واخليهم يفصلون راسك عن جثتك اشعبالك لك اني مثل خواتك لو كرايبك واصادق على رجلي لو احجي وياك بس مكيولة كلمن يشوف الناس ابعين طبعة..
_ام كيان فدوة على كيفج والله اني راح اطيح حضة واشحدة يتقربلج بعد بس حبابة لتوصليها للزلم عليج الله..
_هالمرة راح اسكت و مو علمودكم انتو متسون فلس عندي بس لن عندي زلم تسوة روسكم ..وانتي ام امير ما اتوقعتها منج ويا ريت اتگطعين علاقتج وياي وحتى رقمي اتمسحي
_ياا واني شعليه
_لوما انتي هذا الواكف يمج ما وصلني وكدر يراسلني...

درت ضهري وطلعت...

جنة كمت الطم على وجهي واعيط على سراج الواكف وهو ما حجة ولا حرف...
_الله لا ينطيك ان شاء الله خربت بيني وبين صديقتي ادري شنو من بشر انته كلي عجبك كلامها هاي جبتلنه السمعه وانطيتها الحق تحجي على عرضك بس كولي خلصت النسوان وراكضلك ورة مرة متزوجة..
_اسكتين لا اكفر ابدينج..

هاي بس كدرتك عليه متحاسب نفسك وتعترف بغلطك..

دخل سراج للمطبخ ولزم اماعيني سواهن طشار ايشيل ويرگع بالكاع..كسرهن وخلاهن ارماد..

اجيت اركض على جهالي حضنتهم والبنات يبجن..اخاف عليهن ليتأذون بالكزاز..
_كافي سراج كافي...متكلي اشبيك بروح ابوك اهدء..

بـقـايـا قـــلمے~✎

28 January 2021 20:08

#سراديب_الهوى

للكاتبة بان الأعرجي

البارت الرابع

يبس الدم بعروگي وكمت اطك سن ابسن من الخوف خرب يومك ولك اشجابك عليه...
يمة ليشوف المراسلة واحد من عيالي شكول وشحجي صخام ابوجهج ونس....
ايدي ترجف والموبايل بيدي واني بهاي الحالة دخلت عليه عمتي...
_ها يمة بشري خابرج ماجد..
_عبالك شفت ملك الموت مو عمتي.. بقيت صافنه ابوجها بلعت ريگي وكتلها..
_لا مو هو قصدي لا ما خابرني هاي امي..امي تسأل عليه..
_ها ...اووف منك ماجد ليش هيج اتسوي بينه متكول اهلي يخافون عليه خلى اطمنهم عني..استغفر الله
_عمتي تحجي واني اباوع بجهازي ما اعرفت افكر بهذيج اللحظة ما كو كدامي حل غير امسح التطبيق(الانستغرام)..مسحته وسديت موبايلي وكعدت يم عمتي تسولف واني رايحه ابغير دنيا هذا اشجابه عليه منين عرف حسابي وليش ديحجي وياي وهو يعرف بيه مرة متزوجه وعندي طفل.. وقبلها تصرفاته الوقحة..بهاي اللحظات صرت بركان ويريد يثور وانفجر على جنة وهذا السافل ابن خالتها بسيطة خلي ارجع لبيتي لا افضحهم فضيحة حتى لحسام اريد اوصلها...

سراج وهو يسحب نفس الجكارة..وعيونه تترقب جهازة وهو يتمنى حرف ينكتبله من ونس...لكن؟؟

جنه..
بقيت اتصل بسراج واراسله ميرد عليه ولا يشوفهن اصلا..
_اشبي هذا زعل..واني شكو ..اووف كعدت افكر بكلام سراج...معقولة ايحبها؟
صحيح ونس حلوة وشخصيتها بعد احلى ثكيله ورزنه وتنحب بس مو هسه...هيه مرة متزوجه اشلون يحبها سراج ويدخلها بدماغه...صرت اتخيل اذا واحد عرف بالسالفه...يمة سراج ينكتل مستحيل ماجد يخلي عدل..وموقف ونس مبهم لحد الان ما اعرف اذا عرفت بهذا الخبال شنو راح يكون موقفها بس اكيد مراح تسكت لن ادري بيها وبأخلاقها والاهم هيه اتحب رجلها بجنون...سراج طول عمرك تمشي اعوج اووف...

قطع افكاري صوت حسام...

_جنه...جنه....وهو يحرك ايدة مقابيل وجهي...
_بأنتباه..ها..حسام اشوكت اجيت
_ خوش ضاربتلج صفنه هاي اشبيج خير
_لا ماكو شي..سرحت اشويه خير شو راجع من وكت
_اي سديت الشركة الوضع مخربط برة
_يا ستار شكو..
_مظاهرات والدنيا محتركة
_يا صدوك عبالي يطلعون كم يوم ويرجعون يعني استمروا
_اي والله هالمرة تختلف مو مثل كل مرة حتى الاعداد اهواية والناس مصممة عالتغيير
_ ههه والله اذا كدروا يغيرون شي اگص ايدي..
_ما قاهرني غير هاي الشباب الطالعه وهمه ازغار كلشي ميعرفون ماخذين الموضوع لعبة بوبجي عبالهم اليموت يرجع حسبي الله ونعم الوكيل..
_لبنان هم مظاهرات
_اي
_وماجد شيكول
_ماجد مو يم المظاهرات كال راح ارجع كلشي ما افتهمت من السفرة..الطرق مقطوعه وباقين بالفندق
_ومرته خابرها..
_ما ادري اني كتله مرتك كالبه الدنيا عليك خابرهه وكال هسه راح اخابرهم..
_ينطي جوز للماعندة أسنون حمد لله والشكر..
_سراج وينة نايم
_اتهربت بعيوني وكتله لا راح لبيتهم..وكمت افرغ الماعين وارتب المطبخ..
_اشعجب بعدة مصار وكت التحاقه حتى يروح لبيتهم..
_خلي هناك احسن للكل
_ما فهمت
_حسام مالي خلك اعيد الكلام حباب روح يم الجهال بين ما اكمل شغلي..
_يله ماشي اني هم تعبان راح انام
_براحتك
_محتاجة شي حبيبي
_ابتسمت لا عمري تصبح على خير
_باسني بالهوى وراح 😘 لغرفتة

ونس..

ما ادري بالدنيا طشت لو رشت ميته من الخوف وداخلة ابحالة رعب وعبالك امسويتلي مكسورة وبالحقيقه اني ما امسوية شي وبريئة ..دك موبايلي وجان اطفر واوگف على طولي وضميت الموبايل لصدري واباوع بوجوه عيالي...

ندى..
يا ستار اسم الله اشبيج ونس
_ام كيان صلي على النبي شجاج
_سلام قول من رب رحيم يا يمة شكو

اتمالكت نفسي وكتلهم ماجد....ماجد دك
حماي صار يضحك عليه..وكال..
صدك تحجين عمي شايفه حالتج شلونها...

عين على حماي وعين عالجهاز يا رب يطلع كلامي صدك والگة ماجد المتصل بيه..
رفعت الشاشه واني اشوف ماجد يتصل بالواتساب نزلت دموعي...بس هالمرة مو على ماجد لا من الخوف والرعب الجنت بي..

رفعته واني اشهك من البچي...حبيبي ماجد..اشلونك😭..
_زين انتي اشبيج شكو تبجين كيان بي شي
_لا مابي شي مشتاقتلك ..
_خوفتيني عبالي بيكم شي رحتي يم اهلي
_اي اني يمهم
_اي خوش..ليش كالبه الدنيا عليه..
_خفت هاي صار اشكد ادك عليك ويطلع مغلق
_لا اله الا الله..لج ليش متفتهمين انتي غير رقمي عراقي يعني ابغير دوله بعد يتفعل كون اشتري سيم كارت دولي وافعل انترنت واحجي وياج
_ما اعرف..بس انته متصل بحسام اول ما وصلت اذر بيجان.
_ها..اي هذا موبايل واحد من اصدقائي اشترى سيم كارت من المطار وفعل النت كلت خلى اطمن حسام
_واني ليش متصلت بيه
_باع هاي اشبيج انتي ثولة اكلج رقم صاحبي تردين احاجيج منه خوش سالفه هاي..اكلج اني مالي خلك انطيني امي اسلم عليها ويلا ولي..

الدمعه بطرف عيني بس ما اريد ابين لواحد انكساري وقهرتي..ابتسمت وگلبي صاير نصين..انطيت الموبايل لعمتي وبقت تحجي ويه ابنها..

طلعت اغسل وجهي..بالمغسلة بس رفعت عيوني وشفت وجهي بالمراياا...متحملت كمت ابجي واناشغ مثل الطفل..اغسل بدموعي وينزلن

بـقـايـا قـــلمے~✎

28 January 2021 20:07

بكلامج
_شنو بله
_عرفت اسمها...ونس.....ههههه بله هذا شنو من اسم كلش غريب...يحجي وهو ذايب ومبتسم..حتى اسمها حلو وناعم مثلها ونس...وناسة...ههه

امخليه ايدي على خدي وصافنه على هذا الولد الطار عقله وصار امخبل ..ياربي استرنا هذا ديحفر قبرة بيدة وما يدري وما هامة شي..شسوي ااخ منك سراج

_المهم باعي هيه اجتي لهنا ودكت الباب وطلعتلها كتلها جهنم نايمة يمكن جانت رايدتج ابشغله امشي روحي شوفيها شنو اتريد..
_صفنت ابوجهه وكالت...جهنم منو
_انتي ههههههههاي بله بربج هذا وجه وحدة اسمها جنة
_خف علينة مهند..دروح باوع وجهك بالمرايا جنك سمج مسكوف متعرف ضهرة من بطنة...
_هههههه انجبي والله حلو والبنات ميتات عليه..
_جان اتصيح مثل الغركان ولزم بگشاية..اييي خوش صدك هسه انته مو كلت بلسانك البنات ميتات عليك وموبايلك امقبط مدتلحك اتحك راسك..خلاص اترك ونس وطلع كل الي براسك..
_ اااه....ولج انسدت نفسي من كل النسوان والله والله بعد عيوني متشوف بعدها ومتحلالي بالدنيا مرة غيرها ..
_وهيه تفرك ابوجها...سراج اسمعني..زوج ونس شريك حسام وصديقه من الجامعه يعني الروح بالروح..واكلك شغله ماجد مو رجال عادي جمال وشخصيه وفلوس وونس متزوجته على حب وها هو يصير ابن عمتها....وانته قيس بعد من كل عقلك ونس اتعوف هذا كله واتباوع عليك انته..

_اتباوع وداعتج راح اتباوع....ديلا كومي شوفيها شتريد...
_ما بيه حيل اروح اشوفها خلي اتصل بيها وشوفها شتريد
_زينة الامور..
_سراج اذا خذت رقمها من جهازي افضحك لهنا وكافي لتلعب بالنار
_ديلاا اتهددني ام كرون..ولو اريد الرقم اعرف اشلون اجيبه لتحجين ابوحدج مفهوم..

استغفر الله شنو من اصباح هذا...

اتصلت بيه ندى...
_الوو اشلونج ونس حبيبتي
_هلو بيج حياتي مشتاقتلج
_والله اني اكثر ومحضرتلج كومة سوالف يلا حبي حضري نفسج اشويه ونجي عليج وانروح لبيت اهلي
_يعني انتي اتباتين ابيت عمتي
_اي كم يوم على واهسج ابقى
_ورجلج فشلة منه
_لا مجبور يتحمل هههه
_الله يخلي الج حبيبتي
_تسلمين الغالية يلا اشوفج بعد اشوية
_ان شاء الله. مع السلامة

هففف بعد ما بيه طاقه اشلون اطلع من البيت واني ما عندي خبر عن ماجد..

بيت جنة

_مشغول....مشغول يا امة اللاسلام اشبيك اكلت راسي دگي ودگي ....انطيني صبر اشبيك شايط هسة يجوز البنية دتحجي ويه زوجها ..حجت ابمياعة..😌
_فتح اعيونة ابغضب وضب ايد وكال...جنة اليلعب بالنار يحترك ديربالج..

سكتت وما جاوبته..رحت اسوي الريوك وسراج يشرب بهالجكاير وماكو يمكن خلصله باكيت من الصبح وهو كلشي ما ماكل...

دك جهازي واني امخليته فوك الثلاجة..ما اشوف غير سراج انكلب شاذي وطفر على موبايلي آخذة وهو يباوع ابتمعن بالاسم ..._ابتسم وكال هية ...

_ديلا جيبة..خلي ارد عليها..
فتح الخط وخلاه اسبيكر...ولازم الموبايل بيدة قربه مني حتى احجي وياهه..
باوعت عليه وكلبت وجهي من تصرفه هذا الغير مقبول....وهو ولا مهتم
_الوو ام امير شلونج حبي
_هلو عيوني الحمد لله انتي شلونج
_زينة داكة عليه اسفه والله جنت احجي ويه حماتي

مباشرة سراج ابتسم ورد الدم ابوجهه..

_اي عيني..سراج كال اجيتي لبيتنه واني جنت نايمة خير محتاجة شي
_اي صح اجيت وطلعلي ابن خالتج الساقط..

واحد باوع ابوجه الثاني..مستغربين..كتلها ها..

_صوت انفاسها العالي وهيه تاخذ نفس ..سحبت روح سراج وياهه...وكالت...العفو منج مو قصدي
_جنة عرفت الموضوع شنو اكيد سراج لايصها..اتهربت من السالفه وكالتها...اتفضلي شنو ردتي بالي يمج..
_اي والله ام امير ماجد مسافر وكلما اتصل عليه جهازة مغلق بلكي اتشوفيلي زوجج اذا يعرف عنه شي يطمني كلش خايفه عليه
_ابتسمت ابمكر وكالت صار من عيوني هسه اجيبلج الخبر طياري..
_فدوى لعمرج منتضرتج
_تدللين..

سدت الخط وهيه اتباوع على سراج من فوك لجوة و هو يريد ينفجر من الضوجة..
شفت سمعت بأذنك اشلون اتحبة واتخاف عليه..لتلح بعد..
_دخابري خابري رجلج خلي نشوف الباشا وينة..

اتصلت بحسام وبقى ساكت...
_شنو اشبيك اصفنت ماجد بي شي..
_لا ماكو شي هسة اشوفه
_حسام اني جنة احجي اشبي ماجد

سراج وهو يرفع ايدة بالدعاء ويهمس يارب ان شاء الله ميت يارب ايموت
ابهمس اششش ولك فضحتنا...

_جنة ما اريد الخبر يوصل لمرته ترى اموصيني وامحلفني ما اكول بس الج كسرت حلفاني..مفهوم
_خوفتني اي ما احجي كول وين الزلمة
_ماجد امفهم مرته علساس رايح ويه اصدقائة لاذر بيجان وهو رايح بوحدة للبنان يرتاح كم يوم ويرجع

سراج كام ايهز جتف لمن سمع الكلام..

_وليش ميفتح جهازة امنين خايف
_كم يوم ويفتحه هو لمن وصل ب٨خابرني وطمنت عليه..
_عزى العزاه وهاي المكرودة شكلها هسه..؟؟
_كوليلها ماكو شبكة وهو اتصل بحسام وطمنة وصل بسلامة..
_اوف يلا ماشي...حسام
_ها
_ياويلك اذا اتسوي مثله والنبي اخليك عبرة لكل الزلم
_هاي اشبيج يمعودة اني شعلييييه
_اي دربالك اني حذرتك
_صار على هالخشم جنتي
_حبيبي وابو بيتي

سديت الخط ها ارتاحيت هسة..
_اي والله

بـقـايـا قـــلمے~✎

30 January 2021 18:37

#سراديب_الهوى

للكاتبة بان الأعرجي

البارت 11

جنة ..

جنت خايفه من سكوتهم ودخلت انذار يا ترى ليش ساكتين...بعدني افكر وجان يتصل سراج الطيب عد ذكره😅🙂..بسم الله الرحمن الرحيم يمة شراح يسوي بيه..والله خلي يحجي منا للصبح المهم خلصته من ونس...

_الو ها عيني اشلونك
_عمت عينج ان شاء الله قندرة
_هههههه اشبيك عصبي مو زين عليك سوسو
_لج جنة اتلعبين وياي مو انتي اتعرفيني اني شنو واذا اريد اشد الحقارة وياج اكرهج ابعيشتج واخليج اتكرهين الساعه الشفتيني بيها
_على كيفك اشبيك انهديت بيه شمسويتلك اني
_لتغشمين نفسج واتبيعين عليه هاي السوالف التعبانه كليلي ليش هيج سويتي ها ليش جذبتي على ونس
_(سؤال صعب عليه وما اكدر اجاوبه اضطريت اكذب وما احجي الحقيقه ) جذبت عليها حتى اخلصك من البير الذبيت نفسك بي لك انته معمي على عينك ومتعرف تصرف افهم سراج ونس عدها رجال واذا عرف ابعلاقتكم اثنينكم تنقتلون والله
_ميهمني حتى لو اموت فدوة لتراب رجليها
_لهاي الدرجة حابها
_لا مو حابها اني عاشقها وما اتخيل نفسي وي وحدة غيرها..
_كلماته حيل اتأذيني يحجي واني ادموعي تنزل وتجوي خدودي
_ها شو ساكتة انبلع لسانج..اسمعي لعد اذا ما رجعت ونس اليوم وحاجتني اني راح احجي كلشي لحسام
_شنو اشتحجيله؟
_اكله اني الكسرت سيارة ماجد وجنة ساعدتني وجانت هاي فكرتها حتى تنتقم لصاحبتها ونس
_ششنو اتخبلت انته والله يطردني لبيت اهلي
_ميهمني مثل ما خسرتيني ونس الا اخسرج حسام
_حرام عليك لك اشبيك كمت حتى من الله متخاف
_هذا بيني وبين ربي ويله لصيرين خيرة ابراسي كتلج الكلام العندي والج مهلة منا 12بالليل اذا ما ردت ونس احسبي نفسج بالشارع
_اني مصدومة بيك ولك اشغيرك انته مو سراج الاعرفه
_اي يلا اتغيرت دقيقه اذا عبرت الموعد احسبي نفسج انتهيتي..سلام..
_الوو...لك رد الوو

انهاريت وكمت ابجي لا مستحيل هذا مو سراج الطيب الحنين انكلب شخص ثاني معقولة الحرام ايغير البشر بهاي السرعه؟
هسه شسوي خلي اروحلها واحجيلها كولشي بعد مابيها مجال...لبست حجابي وطلعت وكفت اكبال بابها واحس جبل على صدري يصعب عليه اجمعها ابسراج واني الانتظر يوم يوم يتفاركون وتنتهي هاي المزهلة بس شسوي مجبورة سراج بعيونه شر وكلشي اتوقع منه بعد ما شفت السواه بماجد كمت اخاف منه عقله مو ابراسة مجنون بيها وكلشي يسوي علمودها جريت نفسي ابحسرة ودكيت الباب مرة ومرتين وثلاثه ماكو...الضاهر طالعين...رجعت لبيتي ودزيتلة رساله وكتبتله..(رحتلها ودكيت الباب محد طلعلي يمكن ما موجودين بالبيت )

_(خابريها)

قفل بعد ميفيد ويا وجان اتصل عليها ولن حضي واكع من السطح ونس ما رفعت خط وبقيت ادك عليها وارجع ليورة وما شالته وسراج خبلني اكل كلبي وكاعد ويهدد بيه كمت ابجي واعيط عليه
(كافي..كافي كتلك مترفع خط صورتلك المكالمات وبعدك ما امصدكني ليش امحملني المسؤلية وكاعد اتهدد بيه نسيتني اني منو لك اني بت خالتك وصديقتك واقرب وحدة الك شبسرعه بعتني لك مو عيب عليك اتسوي بيه هيج...وكمت ابجي بصوت عالي...

اشكد ضايج منها وكلبي اموجر..بس قهرتني لمن كامت تبجي وتعاتبني..(يله كافي لتبجين واذكري انتي الاذيتيني وخربتي بيني وبينها اني ما دستلج على طرف الج اليوم كله اترجعيها وباجر ايصير خير مع السلامة .)

مشكور يا ابن خالتي..

ونس..
البيت كئابة وخيم الحزن بوجوهنا..اليوم الثاني وزوج ندى ما صحه بعدة فاقد الوعي..واهله يكسرون الكلب..عباس وماجد علاقتهم متوترة كلما يكعدون سويه يتعاركون ماجد خايف على اخو وعباس مراهق وماخذته الغيرة على الشباب وميتقبل انتقاد او كلمة من ماجد وضالين مثل الديوجة امعارك 24ساعه..
_ندى حبابه صارلج يومين لا اكل ولا شرب فدوة لخاطري عل على الاقل خلي اسويلج عصير وشربي عاد اشويه ايرد الدم ابوجهج
_اشرت براسها اي
_بستها بخدها فديت المتردلي طلب هسه ثواني واجيبلج العصير.

رحت للمطبخ وطلعت برتقالات وبديت اعصرهن بيدي لندى..دا اشتغل وحسيت صوت ناصي واحد يحجي ايبسبس كلشي ما افتهمت..غسلت ايدي وطلعت للحديقة..لكيت ماجد يخابر ويحجي بصوت ناصي اتقربت منه ما ادري اشلون انتبه عليه وابسرعه سد الجهاز والتفتلي. صاح..ها
_ويامن تحجي
_وانتي شعليج وبعدين شنو هاي النبرة احترمي نفسج
_ليش تحجي بصوت ناصي ولمن شفتني سديت الجهاز
_لج اشبيج شنو هذاا الكلام جنت احجي وي المستشفى
_وشكالو
_بعدة وباجر اخر امل النة اذا صحى يعني عدت على خير واذا ما صحى هاي هيه نعتبرة ميت سريريا ً
_ضربت خدي يااا صدك
_اشششش صوتج نصي وما اريد بشر يعرف بهذا الكلام مفهوم وخصوصا امي وندى
_لا اشلون احجي غير تروح بيها ندى نزلت دموعي عليها وعلى حالتها..
دك جهاز ماجد باوعله وراسن طلع...مستعجل
_يله اني طالع عندي شغل انتبهي لكيان
_ماشي الله وياك..

رجعت اكمل العصير وافكر بزوج ندى يا رب يصحى باجر والله اثنينهم فقرة وميستاهلون يا الله تردة بالسلامة...

اخذتلها العصير كوة تشرب صارت جثة بلايه روح صفنت عليها واكول

بـقـايـا قـــلمے~✎

30 January 2021 18:37

ما اكدر اجاوزها اكو اهواي نقاط مشتركة بينة خلتني ارتبط بي بهاي السرعه احزنت واتكدرت وبقيت طول اليوم مالي خلك وكلماته الاخيرة ما فاركت ذاكرتي...

بس اريد اوصل للوحدة مالتي حتى اعرف اتصل بهذيج الجلبة واريد اشوف على يا اساس اتسوي هيج وبيا حق اتخرب بيني وبين ونس والله يا جنة الا اخلي حياتج جحيم اذا عافتني ونس اني هالمرة انسحبت لن هاي رغبتها وما اريد اضغط عليها...اني الج يا جنة بسيطة..

رجع ماجد امبين عليه بعدةضايج مالي خلك احجي ويا..هو ساكت واني ساكته
_اكلج سويلي اكل جوعان
_اي

دا احضر بالاكل..وماجد يخابر بعمتي...
_لا فدوة خلي اتولي بس اني الكاتلني اريد اعرف منو سواهه واشعندة وياي بس لو الزمة الا اشنقة
_اشلونها ونس
_هاي يمي اتسلم عليج
يباوعلي ويخزر بيه واني متأكدة هو شاك بيه بس ما امصدك اني اكدر اسويها😅
_ان شاء الله كم يوم ونجيكم..

صبيتله الاكل وكعدت يمة احرك بالخاشوكة وما اكل
بالي مشغول بسراج..
_اشبيج متاكلين بيمن صافنه
_ها....لا ماكو شي دا اكل
_اي اكلي لتلعبين بنعمة الله
_دنكت واكلت غصب ما اريدة ايشك ابشي

جنة..
كاعدة يم حسام واضحك واسولف نفسيتي مرتاحه
_حييل صار اشكد ما سامع ضحكتج ما اعرف اشبيج هذيج الفترة لا اضحكين لا اسولفين
_حبيبي فدوة الك فديت المراقبني
_ههههه مدري امنين اجيبين هذا الحجي
_هذيج الفترة حيل تعبت نفسيتي
_شنو الصار ليش متحجيلي
_ها لا ماكو شي بس اني ما اعرف اشبية دائما مختنكة وضايجه من الوضع وانت دشوف يوميه خبر وهاي اخر شي كامو يسدون المدارس والدوام اتعطل دم وموت ابكل مكان اشلون متريدنة نتأثر
_حقج حبيبي بس اشبيدنا هذا واقعنا ولازم نتقبله ندعيلهم الله يحرسهم واتعدي هاي الأزمة على خير

كاعدة ابحظن حسام وموبايلي دك..ما اهتميت وعفته دك مرة ثانية.
_اوف هذا منو يدك كومي شوفي ..
_ما اريد خلي الدنيا تحترك المهم ما اترك حضنك

الجهاز احترك مكالمات ومسج
_ شنو السالفه لو اتردين لو اتخلي صامت
_اذا ما طلعت اختك اكص اديه
_الله يطيح حضها اذا صدك ما لكت الا هذا الوقت تتصل بي.

فتحت الجهاز وصار ابوجهي اسم سراج يتصل..كمت ارجف 9مكالمات ومسج فتحته كاتبلي..
(ردي اليوم ما اعوفج الا احركج حرك كلبة)
مسحت الرساله وخليته وضع الطيران..وطفيت الواي فاي وخليته صامت سديت كلشي...
بداخلي(عزة معقولة ونس حجتله ...لا مستحيل متكدر..واذا حجتله يعني شنو قابل شيسوي..)
خايفه من سراج وشراح ايسوي بيه هذا امخبل وكلشي اتوقع منه..
_ها منو اشبيج ضجتي
_لا ماكو شي هاي صديقتي اخوها بالمظاهرات ومختفي صارله يومين وكاعدة تشكيلي خطية
_واحنه شعلينة شو تعالي..

سحبني لحظنة ويبوس بية واني جامدة مثل الخشبة ولا حركة ولا احساس ..بس حسام ما اهتم
بقى يتلذذ بمشاعرة وياي😅

ونس..

بقيت للصبح ما نايمة احس كلبي مكسور وابعيني دمعة متقبل اتطيح .اتكلب بفراشي انداريت على جهة ماجد جان نايم ومندار عليه..
اصفنت على روحي اشلون هيج اتغيرت حياتي وانكلبت كل الموازين..احلامي ومستقبلي الجنت امخططتله اني وماجد وكيان كله اختفى وصار عبارة عن شخص جديد اسمة سراج دخل حياتي واخذ كلشي مني..ركزت ابوجه ماجد..وملامحه...صرت اتخيله سراج...مديت ايدي اتلمس لحيته ابخفة واني اتخيل نفسي بأحضانة واتلمس وجهه ولحيته الاحبها غمضت عيوني مبتسمة فجئة حسيت ابوسه خفيفه على جف ايدي فتحت اعيوني مفزوعه وصحت منو..
_يعني منو اشبيج حلمانه
_اي..ما ادري
_ههههه تعالي..
_حيل يمكن صارله خمس ايام ما متقربلي سلمت نفسي لماجد اهواي اشياء اختفت جنت اجي يمة ابكل لهفة واذوب لمن يتقربلي هسة صارت شغله عاديه باردة وبدون مشاعر بس اريدها تنتهي وتخلص..

صباح جديد...

كالبة وجهي من الصبح وضايجه بدون سبب ماجد ما شفته كعدت ولكيته طالع روتين ممل كاعدة وايدي على خدي..فتحت الانستغرام فارغ ماكو رساله منه معناهه كلام جنة صحيح لو صدك مثل ما كال بس اني بحياته جان حاول حتى نرجع سوة مو من اول كلمة اتخلى عني وعافني .يلا بعد احسن خلي ايروح...

لسه خايفة افتح جهازي واني اعرف بي اذا ما احجي ويا وارد عليه راح يكلبها على راسي...هسه اشلون شسوي...خلي افتحه والله كريم...
كعدت بيني وبين نفسي احضر الكلام المناسب لسراج حتى اسيطر عليه لا يسويلي كارثة.

جنت طالع ابواجب وهاي الكلبه ماردت عليه حيل نعسان سهران ولازم حراسة الليل كله ومنا ضايج وكلبي محروك..احضنت المخدة وجريتها نومة....

صار المغرب وسراج لا حس ولا خبر..اشعجب عافني وما طلع اجنونة علية وهاي هم خانسة حتى حسابها مسدود..عزاا بس لا متفقين عليه وراح يكتلوتي..
والله كلما اذكر سيارة ماجد اكوم اطك سن ابسن وارجف من الخوف هذا امخبل هسة يشمرني من السطح..

ونس...
هاي هية سراج انتهت قصته وياي راح وما يرجع بعد
هسه غير اتقبل الموضوع وانسى اوووف..
كاعدة اصلي...دك جهازي كطعت الصلاة وركضت عليه وابالي هذا سراج المتصل عليه...طلعت ندى

هففف فتحته الووو اجاني صوتها وهيه تشهك وتبجي.

بـقـايـا قـــلمے~✎

30 January 2021 18:36

بقيت كل اشويه ارجع واباوع عليها وهنا بديت انعجب ابسراج ...

مرت ساعه وسراج ايجهز ابنفسة حتى يطلع...لابس بدي اسود بي حروف انگلش ابيض وبنطرون كابوي وساعه واكف على المرايه ايمشط لحيته واشواربه
ويشسور ابشعره...

_شنو رايح لعرس وهيج كاشخ
_يا عرس بهذا الزللك ما اتشوفين الدنيا محتركة
_اي والله...

اخذ شيشة العطر..ورش نفسه من فوك لجوة حتى على شعرة وغمض عيونه ورش على وجهه...
_يا صدك جذب..اشبيك هاي اول مرة اشوفك هيج تهتم ابنفسك قبل لا تلتحق هاااا المن امواعد اعترف

حجيتها بالشقى لو ابتليت على عمري..فتح عيونه عليه وخزرني..
_ما امواعد احد يعني حرام اخلي عطر قبل لا اطلع
_لا بس اول مرة هيج اتسوي ابنفسك سراج اني جنه خابزتك وعاجنتك احجيلي شكو..
_جنة اهتمي ابرجلج وبيتج وعوفيني..ماشي..حط عينه ابعيني وهو يحجي هذا الكلام وحسيته ايريد ايوصلي رساله..
_على كيفك واني اشكلت وهيج ضجت غير كاعد اشاقه وياك..زعلت ودرت وجهي دا اطلع..
لزمني وباس راسي..غرغرت الدمعة ابعيني..
_لزعلين مني بس هاي خصوصياتي وما احب واحد يدخل بيها..
_ومنو المدخل عيني براحتك بعد ما اسئلك على شي..
طلعت من الغرفه وكاعدة بالمطبخ وكلبي محروك ومهضومة حيل..

طلع وهو شايل جنطته على ضهرة ومبتسم..
_ها ام خشم يلا رايح ابربلي الذمة خاف استشهد
_حجيت ابهدوء اسم الله عليك امحلل عيني دربالك على نفسك
_محتاجه شي
_سلامتك
_يلا تعالو ابوسكم واحد واحد وابقو هنا لحد يطلع وراي ماشي
_ليش عمو
_اكو حرامي يفتر بالشارع ياهو اليطلع ايبوكه
_ابتسمت..ليش خليهم ايوصلوك مثل كل مرة
_لا الوضع مو زين لتخليهم ايطلعون..
بوسهم وانطاهم فلوس وطلع...

سد الباب وركضت وراه وكفت على الباب واتنصت واراقب معقولة ونس راح تطلع ويشوفها...

طلعت وكلبي يرجف..عيني على باب بيتها..بس الباب جان مسدود يعني متريد اتشوفني ...انقهرت وانكسرت احس الدنيا اسودت ابعيني...مشيت ابخطواتي وعبرتها...صوت حركة بابها رجعني للحياة..التفتت ابلهفة...
وجان اشوف بابها انفتح على النص لا والله اقل ونص وجهه طلعته وابسرعه شردت وسدت الباب...
كلشي ما شفت منها بس عين وحده😂..
امشي واضحك عليها خرب يومج على هاي الدكة..

سمعت صوت بابها انفتح وانسد...وي صوته اضربت على رجلي حيل..ااخ شافها وشافته..يعني اكو بينهم شي و ونس مو خالية لو ما عدها مشاعر لسراج جان ما نفذت الطلب...انمرد كلبي وادمرت نفسيتي حيل

ونس..
صورته غيرت قراري رسايله الي كل دقيقه اشتاقلها وارجع اقراهن كلهن اهتمامة كل هذا خلاني انسى نفسي وربي..انقاديت بأتجاه سراديب الخطايا..وما فكرت بالعواقب المشكلة جنت سعيدة وفرحانه لدرجة وهاي السعادة جنت افتقدها بحياتي مع ماجد
رسمت عيوني بالكحل وكثفت ارموشي..لبست شال اسود..وبقيت انتظر بالحديقه واذني على بيت جنه سمعت صوت الباب انفتح..وكفت وايدي ترجف اقربها على يدة الباب وارجعها ابخوف..جنت مترددة افتح الباب واشوفه..انفاسي سريعه وخطواتي ثكيلة إحساس ابداخلي يدفعني لسراج ابكل قوة...بلا وعي فتحت الباب وشفته ديمشي خطوات عن بيتي..اول ما فتحته التفت عليه ابقوة مذهول ورافع حاجبة ابتسم واحس الضحكة من نص كلبه...بس التقت عيني ابعينه متحملت شردت وسديت الباب ابوجهه 😅
رجعت وايدي على حلكي واضحك هاي شنو اشديصير..جنت سعيدة كلش..اباوع على وجهي اشلون صاير احمر من الخجل..لزمت كيان وشبعته بوس وحضنات...

جنة..

اروح وارجع ابمكاني وصايرةة اعصاب اليحجي وياي اركع راسة بالحايط..والجهال الي اسمع صوته اعيط بي ..همه همين خافو مني وختلو ابغرفتهم..

ما اتحملت لبست حجابي و اريد اروح لبيتها واحاجيها واكشف كلشي وحتى اهددها واخليها غصب عنها تترك سراج...

_امير اني رايحه لبيت ام كيان ابقى هنا ودربالك على خواتك
_حبابه خلي انروح وياج
_عطت بصوت....لااااااا انجب اكعد هنا واسكت هسة ارجع..
عفته امبرطم ... ركعت الباب وطلعت

اندكت باب البيت..

معقوله رجع يبوو عليه...منو
_اني

صوت جنة فتحت الباب مبتسمة..قابلتني جنة ابوجه مكلوب وعاقجة حواجبها امبين عليها ضايجه ومقهورة...

امانينا نضل على البال...

ولا فد يوم تنسونا...

اذا مرة وحشناكم...

الف مرة وحشتونا...

يتبع

بـقـايـا قـــلمے~✎

30 January 2021 18:36

البارت 9

ونس..
بالبداية ما اهتميت ولا اخذت الموضوع ابجدية بالعكس بداخلي شبعانة ضحك وما انكر جنت مشمته ابماجد واني اشوفه شايط ويشيل روحه ويركعها على الصار بسيارته..
بقى رايح جاي من الشارع للبيت كل اشويه يطلع يباوعلها ويرجع محترك دمة وعيونة براسة بس يريد يتعارك..ومن يدخل للبيت يبقى يباوع عليه وصافن..
واني كلما اشوفه هيج تحصرني الضحكة..

دك جهازة وبقى يسولف ويه اخو...
_يا عداوة ها اشبيك انته امخبل اشفتني يومية ابعركة وكاتلي واحد...

هذا الكلام فتح عقلي وبقيت افكر صدك منو سواهه وليش ؟؟؟.ماجد ما عندة عداوة ويه واحد ..لحظة
معقولة لبالي...زين ليش...لا ما اعتقد..
حاولت ابعد من راسي فكرة انو سراج عمل هاي المصيبة ..بس ما اكدرت كل الشكوك اتأكد ان سراج وراهه..
حاليا كلشي ما اكدر اسوي وماجد هنا..انتظر الفرصة ما اريد اوكع بسالفه جديدة..

جنة..

سمعت هوسة بالباب...باوعت على حسام ما موجود
طلعت اشوف شنو السالفه..
جانو الجيران ملتمين على سيارة ماجد ويردون يعرفون اشصاير بيها..

انتبه حسام عليه واكفه ورى الباب ..رجع ومد راسة
وكال
_ها شسوين هنا
_ارد اشوف شكو خير شنو صاير..
_ادخلي جوة هسة اجي ..
_ماشي..

خلي اشوف هذا وينه بعدة لسه نايم ابو المصايب..
دكيت الباب عليه...
_رد بصوت نعسان روحي هسة اجي..
_يلا ابسرعه ولك العالم ملتمة بالباب..ساعه وننكشف ويسحلوك من البيت للمركز..
_روحي...
_ههههه يلا ابسرعه كوم..

ونس..
اجه رجل ندى وحمويني..ضميت نفسي ما اريدهم ايشوفوني ووجهي عليه اثار الضرب..
وماجد هم صار لوتي بعدهم اباب البيت اخذهم وطلعوا ما اعرف وين راحو...
اتاكدت من الباب وزلجتة اخاف يرجع ماجد ويفتحه بالمفتاح ويلزمني احجي ويه سراج .
راسلت سراج بدون مقدمات كتبت(انته سويتها مو)

قريت الرسالة وكلبي يرجف انرسمت على شفافي ابتسامة خفيفه..وبديت اكتب وياهه..

(شنو قصدج )
(تعرف قصدي )
(اي اني سويتها)
(ليش)
(يعني انتي ضجتي من تصرفي هذا)
(هذا مو موضوعنا ما جاوبتني على سؤالي ليش سويت هيج )
(لن طخج ومد ايدة عليج والله والله لو لازمة الا اكتلة واشرب من دمة)

ونس..

كلبي صار يدك حيل..واتنفس ابقوة طريقة كلامة الرجولية جذبتني حيل وصار عندي شغف ورغبة اسمع منه كلام حلو واهتمام ايحسسني اني شي غالي والي قيمة بحياته..ما انكر كلامة حيل اثر بيه وجانت بداية علاقتي بسراج هيه هاي المحادثة..

(شو ساكته )
(شنو احجي بعد هذا الكلام )
(يعني ما راح اتغلطين عليه وترزليني مثل العادة)
(هههه لا حشاك بالعكس )
(قصدج عاشت ايدي زين سويت مو )
(والله ما ادري شنو اكلك )
(بداعت ابنج شنو ردة فعله من شافها صايرة سكراب وامكسرة)
(هههههه طكت فيوزاته واتخبل وصار يخاف مني يكولي انتي لو اشورين لو بيج جني..
(ههههههههههه متت )
(ونس)
(ها)
(انتي غاليه عندي واليطخج ابوردة ارشة ابدم)

اول مرة اسمع هيج كلام حلو..مشاعري امخربطة بس حيل منجذبة لسراج ومتأثرة بأهتمامة..

(شكرا )
(خادم الج اني )
(من رخصتك )
(وين)
(اكمل شغلي ليش؟
(لا براحتج بس خلي الجهاز يمج خاف اهلج يراسلوج خطية )

ههههه ادري يقصد على نفسة 😅🤭 غلست سويت نفسي ما فهمت وكتله
(اوكي باي )
(باي )

اكتب واكول بداخلي باي يا عمري باي يا روحي
اووف ما امصدك دنحجي سويه ااخ يا رب كون تبقى هيج وتقبل اتحاجيني انته شاهد عليه ما عندي وياهه نية سوء ابد. واتمناهه اتصير الي من كل كلبي .

طفرت من فراشي..ابنشاط وحيوية وكفت مقابيل المرايا واباوع على نفسي واضحك من الفرحة .

اجه امير وصاحني اتريك وياهم..
_عمو ماما اتكول يلا تعال اتريك..
_اي جاي..

اشتغل وعيني على الجهاز ..وبداخلي انتظر منه يراسلني...

هفففف وجع وجع ونس اصحي على نفسج انتي اشدسوين ولوين تردين توصلين..جنت احاول مع نفسي حتى اطلع من اول سرداب للخطيئة بس محاولات فاشله بالاصل وكعت بسرداب الهوى وانقفل عليه ما دام راسلني وراسلته ما راح تنهتي الى هذا الحد...

جنه..

حسام كاعد يمي وهو يحرك الشاي بالخاشوكة(ملعقة) ابكل هدوء احس باله مو يمي وديفكر ابشي تركته براحته اصلا اني كاعدة على نار اخاف واحد ايحس ابشي وكلنا ننفضح..

دخل سراج...
_صباح الخير ...ووجهه متفح ويضحك..
_صباح النور..

باوعلي شافني ارجف ومو على بعضي..غمزلي بعينة
اشبيج؟؟

درت وجهي وكملت الريوك..صبيتلهم وكعدنة ناكل سويه سراج كلش مرتاح عكس حسام الي سكوته امخوفني حيل ..

_سراج...خير اشصاير شنو الهوسة بالشارع..
_والله سالفه اتعجب وكلنا حايرين بيها
_خير يا ستار شكو
_صاحبي ماجد اكيد اتعرفه ابو كيان ..
_اي اشبي
_كعدنه الصبح لكينة سيارته امكسرة وامجلخه وما نعرف منو سواهه وليش
_ اكيد عداوة ماكو غير شي
_والله ما ادري بس ماعندة هيج شي اني اعرفه من زمان و24 ساعه سويه ماعندة اذيه على واحد ولا عندة خلافات ويه احد .
_ما شفتو الكامرات سألتو الجيران بلكي اكو واحد شاف شي ايفيدكم..
_شفناهه

هنا اني ايبست بدمي هاي هية رحنا بيها..الغريب سراج بارد الى

بـقـايـا قـــلمے~✎

30 January 2021 18:36

_لج حيوانة ساقطة اريد اعرف منو امطلع عينج وامخبلج هيج اليوم اربيج من جديد اتردين ابجهي لج منو انتي منو يا سايبة...وطاحلي ضرب على وجهي ودفرات ابطني وضهري..واني اركع ابصوتي..

جنة..
سمعنا عياط ونس وصياحها ..اطفرت قبل سراج فتحت اديه وكفت على الباب احاول امنع سراج يطلع..
_بروح ابوك لتطلع احنه ما علينة عليك القران لتدخل
_وخرررررري لا اكفر والله اشلعج انتي والباب لج راح يكتلها متسمعين صوتها..وخرررري
_شسوي بس كولي..والله اخليك تطلع..

_كلما يسمع صوت ونس يزيد بنارة ويتخبل بالزايد صار انسان متوحش بس يريد بهجم ويضرب..لزمني لوة ايدي ودفعني بالكاع. وفتح الباب..
_هاي هية انتهينا اليوم سراج يبات بالسجن...ركضت وراه..وابمعجزة اول ما فتح الباب صار ابوجهنا حسام الله جابك 😩💔..

بقى صافن ومتعجب من حالتنة..
شكو الجهال بيهم شي احجو..شكو

سراج دفعه و راح على بيت ونس دك الباب حيل ضربها ضربتين قوية...
حسام..لك شكو فهموني...
_جيبة ابسرعه اركض سحلة وجيبة ليطلع ماجد بعدين افهمك..
_راح وسحلة كوة دخلة البيت لك اشبيك ما اسوي شي بس افك البنية من ايدة خرب ديناركم وخرو انعل ابو الساعه الجابتني يمكم هدني ابو امير..
_لك يا ابنية احجي انتي شنو القصة...
_ارجف ووجهي اصفر...ها ماجد اتعارك ويه مرته وضربها والبنية صياحها عبة الدنيا وسراج يريد يروح يخلصها واني ما اقبلت ادري بي ميتحمل وهسة يضربه ونبتلي...

_ماجد معقولة؟؟؟ليش
_ما ادري..
_لا حول ولا قوة الا بالله رجال ومرته شعلينة..

سراج كاعد ويشرب جكاير وحدة ورى الثانية ووجهة مطعون من القهر والعصبية...

حسام ايباوع عليه وهو مستغرب وضعه بس ما حجة شي..

_حبيبتي غسلي وجهج شجاج ليش هيج اترجفين قابل اشصار احنه شعلينة.
_والله خفت على هاي المسكينة ليصير عليها شي
_والله اتفاجئت لمن كلتيلي ضربها بالعكس ماجد مو هيج طبعه ولا يوصل لهيج مواصيل لو شما يصيرر الله اعلم شنو السالفه البيوت اسرار..
_بقينة اني وسراج وعيونه تجدح واحد ايباوع ابوجه الثاني...

سراج دخل غرفته طفه الضوة وسد الباب و بعد ما طلع...

ونس ..

لزمني وكطعني من الضرب جنت بس اريد واحد يخلصني منه وكلما اعيط بصوتي ايزيد بضرباته عليه اتحول شخص ثاني..ما اعرفه...
انضرب باب البيت ضربات قوية..و.هو جفل و ابسرعه تركني وبقى واكف اباب المطبخ يتنصت بدون ما يشوف منو بالباب...فجئة الصوت اختفى وما عرف منو جان بالباب...
ياهو الجان المهم هو الشخص الي خلصني وفكني من ايدة..استغليت انشغالة..وسحبت نفسي كوة كمت ازحف جسمي امكسر ما اكدر امشي..اخذت ابني لحضني..وسكته..سندت نفسي كوة وايدي على الحايط دخلت غرفتي وقفلت الباب عليه..خفت لا يرجع يضربني...

بعد ساعات..

جنة..
بالي يم سراج حتى اكل ما قبل ياكل..ساكت وهذا سكوتة امخوفني..اكيد حاط شي ابالة وديخططلة والله مرمرتني وياك ساعه السودة الكتلك بيها تعال عيش ويانة. كله منجن امي وخالتي ااخ..

سويت نفسي نايمة..خطيه حسام حاول وياي كلشي ما انطينة نفسيتي تعبانه والوضعية خريطي وكلش مو وكتها..
_ماشي حبيبي براحتج
_حبيبي اعوضك والله مالي خلك هسة
_مممم طبعا اتعوضيني ودبل خوش؟
_صار تدلل موواح..😘
_انام احسلي تصبح على خير يا حلو
_وانت من اهل الخير حبيبي..

كعدت من النوم باوعت حسام نايم ويشخر..لبست روبي وطلعت امشي بهدوء..رحت على غرفة سراج فتحتها..ضلمة وهندس كلشي ما اشوف...همست
_سراج بعدك كاعد؟؟؟

ماكو لا حس ولا نفس..فتحت الضوة..وچان اشوف افراشة فارغ وسراج ماموجود بالغرفة..عزاا وين راح بس لا عبر عليهم..ماكو غيرها اكيد سواله امصيبة..طلعت اريد اروح لغرفتي و اجيب موبايلي واتصل بي اشوفه وين راح..
جان ينزل من الدرج...
خفت رجعت ليورة..بسم الله الرحمن الرحيم
هاي وين جنت شسوي بالسطح..
مارد عليه كالب وجهه والجكارة بيدة يمشي وعاكد حواجبة..كعد بالمطبخ..

صبيتله ماي وكعدت يمة..
_هاي كم باكيت شربت اليوم...احجي شنو جنت اتسوي بالسطح..
_الكلب ابن القندرة حتى باب السطح قافلة..
_يااا عبرت عليهم ولك اتخبلت لو شايفك واحد من الجيران بله شنكول واشنحجي..
_اخر همي..
_اهدئ واحجيلي يعني لو الباب مفتوح على شنو جنت ناوي ؟
_ابتسم بأستهزاء 😏 وكال اكتلة..
_صفنت عليه..صدك تحجي؟؟لهاي الدرجه اتحبها..ابصراحه جنت معتبرتها نزوة واعجاب وكلت ياخذله يوم يومين ويعوفها بس هاي اول مرة اشوفك بهاي الحاله صاير جنك امخبل عليها..باع حالتك تريد اتموت من القهر....معقولة حبيتها؟
_اي حبيتها وعشقتها بجنون ولو هيه لوماكو غيرها بحياتي..ااخ لو تدرين شديصير بيه من وراهه موتتني راح اتخبل وعلي..ما اكدر اطلعها من دماغي انام افكر بيها اكعد اشوفها اكبالي لج لو اعرفها وتعرفني جان كلت امسويتلي سحر والله..
_بس هية متزوجه مترهم..
_اتصير وداعتج وترهم..
_ترى متزوجه يعني عدها رجال وشفته اليوم اشسوة بيها على غلط بسيط سراج لتخش ابخطية ونس البنية فقيرة ومعايزة قهر ..
_هو سمع اسمة لو اتخبل وكف على حيلة وشمر

بـقـايـا قـــلمے~✎

30 January 2021 18:35

راحه..

ادري بيها عليمن جاية لا...لا ما معقولة استغفر الله العظيم...انقهرت كلش وما اعرف ليش كلبي ما مرتاح

جنة راحت للمطبخ والجهال كاعدين يلعبون وي كيان
وبقت عيوني ادور على سراج ابكل مكان..
كمت احوص بس اريد اعرف بالبيت لو لا ..

جابت العصير وخلته كدامي...
_زارتنا البركه والله فرحت ابشوفتج..
_كلبي انتي فدوة لعمرج ..
اشرب بالعصير والسكوت عم المكان...
_اي شخباركم ويه المظاهرات حسام همين ايروح
_لا والله تدرين برجولتنه مو يم السياسة
_هههه اي صح..واهلج هم اخوتج يرحون
_اي يرحون ويه ولد خالتي وامي تدك و تطلم بس شسوي منو يكدر يمنعهم
_اي والله هالجيل كولش عنيد اني هم اخواني اثنينهم واحموني ورجل حماتي كلهم بالساحه واشكد
نحجي وياهم اريدهم ايكعدون ميفيد وياهم ولا يسمعونه اصلا..
_الله يحفظهم ان شاء الله شنسوي هذا العراق ما مكتوب النه انعيش براحه
_الله كريم..

ادري بيها بس اتريد طرف خيط على سراج..ومراح اتحصل مني شي..

كاعدين وجان يندك الباب لزمت كلبي هذا اكيد سراج
ونس رفعت عينها مباشرة وكالت شنو منتظرة ضيوف...
سبقني ابني بالكلام وكال...
_اجه..عمو سراج...وراحو يركضون للباب...

_يا فشلة اجه ابن خالتج..

_😑😑...لا قابل شنو ومنو يكول هوة...(كوة لازمة نفسي)

دخل سراج البيت واتلكوه اطفال جنه...
_هاي شنو عمو جنت بالمظاهرات وضربوك
_اشحدهم يضربوني اني اضربتهم هاي هيج اتعورت بالسيارة
_اي عمو انته بطل وشجاع اني لمن اكبر اصير مثلك
_اي هلا مو تطلع مثل امك الغبرة...
وصارو يضحكون بصوت ناصي وياشرون على بعض اششش..
_منو هنا
_ام كيان..وابنها صديقي بس بعدة ازغير..

جمدت بمكاني..وكلبي كام يدك ابسرعه..دخلت وروحي تركض عليها مشتاقلها ..وحسيت ابخجل لاول مرة ابحياتي اضعف كدام وحدة ....

_السلام عليكم..عفت الدنيا ومابيها..ما اباوع على شي بس عليها..

دخل سراج شكله تعبان وصاير اسود من الدخان وعيونه حمر ..بس رجولتة طاغية على كلشي..
اول مشافني بقى يباوع عليه..واستغربت جنة اول ما سمعت صوت سراج طفرت من مكانها واتوترت..
رديت السلام ودنكت..مبتسمة..
_وعليكم السلام..ها

_شنو ها
_قصدي اشلونك خطيه اكيد تعبان فوت لغرفتك ارتاح..
_لا ما بيه شي..(كح..اح..اح)
_هاي اشصاير بحالك مختنك مو.. متكلي اشعندك رايح
_واجبنة هذا لعد اشلون انخلي الشباب لوحدهم ميصير..
_اي...واني اباوعله ابمكر..و هو افتهم نظراتي وخزرني..
_وايدك اشبيها..
_لا هاي بسيطة جلخة ازغيرة..

اشتغلت الاشعارات ابجهازة لن كنك الواي فاي
هنا اني متت عزاا خلي اشرد لبيتي قبل لا يشوف رسالتي....
_من رخصتكم اروح ابدل..

_اي الحمد لله همزين راح...نص يكولي ابقي عندي رغبة احب اشوفه بعد اكثر..ونص وبعدها انتفض بخوف ولازم اطلع نفسي من هاي الدوامة..

دخلت فرحان و اريد اركص واهلهل😂👌...
شطالعه خرب يومها آية من الجمال والجسم ااخ الله يجنن يشك شك ...

خلي ابدل ابسرعه قبل لتطلع وما الحك عليها..
لبست تراك ابيض واسود الجو بارد.
باوعت بالمرايا....
_ايع باع وجهي...هسه حضي جابج اليوم من امصخم وعيوني جنها اعيون سكران خرب هبل

طلعت وبيدي جهازي ..باوعت عليها...ولا اتباوعلي بس تجي عيني ابعينها ادنك وبعد مترفعها ابد

رحت للمطبخ دا اغسل...

طلع من غرفته وبقى يباوع عليه ورافع حاجبة هاي الحركة موتتني😩 لمن يسوي هيج اكوم ارجف واخاف منه...دنكت...سمعت صوت جنة
_من رخصتج حبيبتي هسة اجي ..
_براحتج عيني

دخلت على سراج جان ايغسل بالمغسلة..
_انته شدسوي..
_اغسل
_لصير كوميدي مو وكتك شنو معناهه هاي التصرفات اتباوع وحركاتك متستحي
_اشش لتجاوزين ما امسوي شي
_لا ابد.....وهاي هم كاعدة مالها نية اتروح اليوم
_جنة لزمي السانج واحترمي نفسج لتحجين عليها
_خوش والله ايدافعلها

خزرني وكال لتتخبلين مفهوم..

رجعو وسراج كعد مقابيلي ..وجنة حسيتها ضايجه وما مرتاحه..احتمال متعاركة ما افهمت.اشبيها...

فتح موبايله.ويگلب بي..عزاا متت بس لا راح يشوف رسالتي الاحراج مينوصف استاهل اجتني فرصة وما طلعت امداني اشكد عيب..

كاعدة متوترة وعيني على سراج..

اريد التهي ابشي حتى متنحرج امبين عليها مستحية وما اريدها تطلع وتروح لبيتها..ماكو غير الموبايل اشغل بي نفسي...

واني افتح البرامج شفت مراسلات اهلي وأصدقائي كلهن ما فتحتهن بس رسالتها..ما امصدك...ابتسمت ورفعت عيني عليها وهيه كامت تنطي الوان كامت ترجف 😂😂...
_كتبت (اشكرج وردة )

اكلج جنة ما خابرتج امي ترى ما جان عندي نت وما ادري بيها اشلونها عرفت بيه لا
حجيت هيج متعمد حتى تعرف اني ما اتجاهلتها..

_لتخاف هسة تجي وتقتحمنا

حسيت هذا تبرير من سراج..ما اعرف يمكن!!

جان تندك الباب ابقوة...كلنا فزينا
_يا ستار شكو
_هاي منو...ابقو هنا لحد يطلع

_معقوله خالتي؟؟

طلعو يشوفون منو بالباب....
جان تجي جنة وهيه خايفه.....
ونس...ونس الحكي ماجد بالباب ايريدج...

اشتاكيتلك وكت الفجر

لا هو ليل وينسهر

ولا بيه اكمل نومتي

يتبع

بـقـايـا قـــلمے~✎

30 January 2021 18:35

#سراديب_الهوى

للكاتبة بان الأعرجي

البارت السابع

ونس..
كلش اتندمت على السويته وكرهت نفسي..لكن الضلال يبدي بخطوة...كانت لحظات ندم وبعدها..اتسللت خيوط الشيطان لافكاري رجعت فتحت المحادثه وقريتها حرف حرف واني مبتسمه و انتبهت على كمية الانسجام البيني وبينه وشلون مرتاحين بالكلام وعبالك اعرفه ويعرفني من اسنين هاي الكيميا ما جانت موجودة بيني وبين ماجد..

ومرة اضوج وارفض هاي الافكار والوم ابنفسي..
.وبقيت ابقلق اخاف يرجع يراسلني وماجد يشوف المحادثة.. حضرته ومسحت كلشي..

هففف خلي الهي نفسي بالشغل تعبت نفسيتي..

جنة..
سراج خاتل ابغرفتة وماله حس وهالشي كولش امخوفني.. مادام خانس يعني اكو مصيبة جايتنه بالطريق..
اتكدر خاطري وضجت دا احضر للطبخ واشتغل دخل عليه سراج يركص ويطك اصبع ويتمضحك...فرحان عبالك يوم عرسة...
_ياا شكو شنو يوم عرسك واني ما ادري ..اشبيك اتخبلت
_ الله يسمع منج. ولج اه فررررحان فرحاااااان
_لزمت كلبي وحسيت ونس الها يد بالموضوع..فرحني وياك؟؟
_لج حاجتني ونس حجت وياي يا الله ما امصدك
_مباشرة طاح الجفجير من ايدي وفتحت عيوني مستغربة...صحت شنو راسلتك اشلون يعني..
_اشبيج..اسمعي جنة اذا اتنفستي نفس وحجيتي احجاية ماصخة والله كلشي ينتهي بينه لا اعرفج بعد ولا تعرفيني..
_ضربت ايدي ابرفض ..شنو حجيتوا سولفلي لتخاف ما راح احجي لواحد..
_اني ما خايف من واحد افتهمتي وقصدي جان لتحجين وتكدرين خاطري واطيرين فرحتي.. اه لج جنة متصدكين من اول كلمة ارتاحيت الها..لج ااخ وين جانت عني احس ونس هيه نصي الثاني..
_ابتسمت ما امصدكة تصرف ونس...حلو بله خلي اشوف المحادثة..
_شسوين بيها
_اشوف الانسجام واقدر علاقتكم
_ههههه يلا ماشي هاج شوفيها...


💔💔ابد ما اتوقعتها من ونس على الاقل جان عندي امل بيها واكول هيه راح اتصد سراج واتبعدة عنها...انهاريت وما اعرفت شنو احجي..رجعتله الجهاز وكملت شغلي..

_اشبيج جنج بومة وكالبه وجهج وبعدين انتي ليش رافضه علاقتنا قابل اني رجلج وجاي اخونج انتي شعليج بينه..
_اي هو ما عليه بيكم لو اشوفكم تحتركون كدامي ما ادخل ولا احرك ساكن..
_وهو هذا المطلوب منج تبقين هيج بعيدة بس تتفرجين وخليها ابالج ونس الي وراح اخذها غصبا عن الدنيا كلها..

ونس..
اجه ماجد وكالب الوجه ميحجي وياي..

اني هم قللت كلامي ويا..
_اصبلك غدة
_لا

لاول مرة ما انقهر منه بالعكس كلبي بارد...مو مثل قبل جنت لمن يزعل مني ابقى اتوسل بي واركض وراه حتى يصالحني وجان دائما يذلني ويتكبر عليه ويكسر كرامتي..لحد ما صارت عندة عادة كلما زعل يبقى ميصالحني لحد ما يذلني ويكسر عيني ويفشلني يلا ايعدي الموضوع ويرجع يحجي وياي

عفته ولا وصلت يمة صبيت اكل وكعدت اتغدة اني وكيان..

حسيت برغبة اريد احجي وياهه بعد...بس اشلون..
اتصلو بيه اصدقائي..وطلبوني اروح وياهم لساحه المظاهرات..بدلت وشسورت شعري وطلعت

_ على وين هاي الكشخه...
_عرس امي....رايح للمظاهرات..اصدقائي منتظريني
_يمعود انته متكعد راحه هسة ياخذوك ابقى لتروح مالنه خلك المصايب ..
_لا اشبيج قابل شنو اشراح اسوي اكعد عاقل..
_سراجو ولك اتعلمني بيك دربالك لتختنك البس كمامه..
_لا عدهم قناع دخان وخوذة كلشي امحضرين خير من الله..
_بله اشعجب رايح للمظاهرات اول تالي ادخل نفسك بالسياسه
_حالي من حال الشباب نازل اخذ حقي.
_عشتو ايدور حقوق انوب
_انتي ما منج فايدة باعي راح امر اشويه لاهلي اشوفهم واطلع مناك اذا خابرتج امي بأي وقت كوليلها نايم ابيتي تمام
_ماشي انتبه على نفسك لتختنك...
_اي يلا في امان الله..
_امودع بالله

دخلت ساحه المظاهرات والإعلام العراقية اترفرف بكل ايد ابطال تجمعهم احلام بسيطة هنا لمت شباب اتغني للوطن واهناك لمت بنات اتشجعهم وهناك احلام شهيد وهنا يتيم شايل صورة ابوه اهناك امهاتنا متحزمة وتطبخ بكل حب وحنان ...
كان الكل ايد وحدة وهدف واحد..نريد وطن...

واكف ويه اصدقائي اهتف بصوتي وارسم اجمل صورة للسلمية لازم جهازي واصور واني فرحان ويه اخوتي...

_لك اركضو.....اركضو...ابسرعه
_جيبو إسعاف...تك تك...اي شي لحكو راح ايموت..

فجئة اتغير الوضع ابسبب المخربين والمندسين..صار اطلاق نار منعرف امنين ركضنا وكل واحد احتمى وختل ورى حاجز او حايط البنات اتصرخ الاطفال تبجي والشباب تهتف بالنجدة..نزل الجيش الجان بدون سلاح مستعدين يحمون الشباب بأرواحهم صاروا دروع بشرية داخل الساحه. 💔..والاطلاقات مستمرة..والضحايا توكع كدامنا وكل دقيقه يستشهد شاب مثل الوردة والقاتل مجهول!!!
انترست الدنيا دخانيات اختنكنه..
ما اكدرت اترك الشباب وارجع حاولت اساعدهم ..

_شباااااب....ورى الدنك اختلو لحد يطلع ..
كل واحد ينزع ملابسه يخليها على وجهه طلعوا بس عيونكم حتى ما تختنگون ...

_اصوات قويه دم يجري ودخان اسود دموع وحزن هيج صارت ساحتنة الحلوة💔 ادمرت لاسباب مجهولة..

اختنكت وايدي انجرحت..دخلت لخيمة الاسعاف..
جنت كوة اجر النفس..
اتقربت مني الممرضه ابنيه

بـقـايـا قـــلمے~✎

30 January 2021 18:35

الحياة..

جنة..
سمعت كلشي..بس ما بينت لسراج..دخل يضحك وطاير.من الفرحة .
_شنو السالفه متكلي اشبيك..مرة تدخل كالب وجهك ومرة شاك الحلگ وتضحك..فهمني اشصاير..
_كلشي ماكو..اشطابخة ميت من الجوع..راح اطب اسبح حضريلي الغدة..

يا خوفي من سراج بدة يضم عليه وهالشي مو ابصالحنة لازم اعرف الديصير حتى اكدر اسيطر عليهم وامنعهم لا يوكعون باكبر غلطة ابعمرهم..

ونس..
صورته انطبعت ابالي وكل اشوية واذكر مواقفه وابتسم...ومرات ابعد نفسي عنه بالكوة واكول ونس شنو هذا اصحي على نفسج استغفر الله العظيم واتوب اليه...

سراج ياكل ويوزع ابتسامات واني صافنه عليه..هاي بالبداية وهيج ذبت ورحت ابغير عالم..الله اليستر من الجايات..

حاولت ما افكر بسراج....بس ما كدرت كل المواقف انعادت كدامي من اول يوم شفته ابيت ونس ونظراته اليه اشويه اشويه بديت افتح عيوني على سراج وافكر بي ..انقسمت نصين نص خايف ورافض الموضوع تماما ونص لا يكولي فكري ابنفسج وسعادتج كضيتي عمرج اتحبين واتضحين بس ماكو واحد حبج واهتم بيج وضحى علمودج كافي عيشي شبابج افرحي واتهني...

عشت صراع داخلي ردت اتخبل الا اشوية..

فتحت جهازي واكلب بالبرامج..بين الفيس واليوتيوب..جنت متابعه فلوگات لثنائي محبوب ومشهور باليوتيوب .اشكد حلوين ومتفاهمين واشلون يحبها واتحبة...ولمن تزعل يكعد يراضيها..
صفنت على نفسي..ليش اني ما عندي حظ عود متزوجه على حب بعد عيني 😏🤦🏽‍♀️ ..هسه اني اشرايدة منك غير اتحسسني بالحب ااخ منك ماجد

بعد فترة..
جان عندي شك ابماجد ديخوني..هذا الشي ابد ما جان ابالي لحد ما شفت الاثر بيدة..ضليت أفتش بملابسة حتى احذيتة كلشي ما لكيت بقى عندي بس موبايلة..حاولت افتح الرمز ما اكدرت انتبهت جهاز ماجد ينفتح رمز او بصمة..جان نايم سحبت ايدة وخليت بصمة اصبعه على الموبايل وانفتح 👈😜

دخلت على الوتساب والماسنجر الفيس للانستا فلستهن تفليس و ساعتين اني أفتش جهازة وكلشي ما لكيت ولا دليل..دخلت معرض الصور..
صورة كلهن عاديات لو وحدة لو ويه اصدقائة بقيت اكلب بيهن لحد ما شفت صورة قديمة من سفرته كاعد ابكوفي ويشرب نرگيله لابس شفقه ونظارات اللي لفت انتباهي الصورة مگصوصه اكو اثر قريب من ماجد عبالك شعر مال ابنية هيج لونة ينطي للابيض الثلجي. وزرها امبين بنطرون اسود..يعني هاي التفاصيل متبين الا لمن ادقق بالصورة واكبرها
شصار بحالتي شبيت نارر ومتت من القهر وكلت لازم اواجهه باجر رسلت الصورة لجهازي..ورجعت جهازة لمكانة والصباح رباح....

سراج نايم و امثبت عيونة عالسگف..يشرب جكارتة ابهدوء وراحه و ميريدها تخلص ..جانت عيونة على صورة ونس المطبوعه ابخياله نظراتها حركاتها الخجولة ضحكتها ..جان يتمنى ينعاد الموقف ويرجع يحجي وياهه واترد عليه وتبتسم..سراج جان عايش بعالم خيالي...

جنه..
دخلت على سراج وحطيت يمة العصير..
_اتفضل اشرب..اكلك مو كافي جكاير والله خنكتنا..
ماكو رد
_يااا هاي اشبيك وين صافن ويامن احجي ويا الحيطان..
_فز..بسم الله..ولا يخلون واحد مرتاح اشويه..
_ممممم وين سرحان بيمن اتفكر
_ههههه ماكو شي...واخذ عصير وشربه
_سراج ترى اسمعت كلشي واعرف بيك حجيت ويه ونس وهالشي ما عجبني..انته مو كلت هاي هيه بعد ونهيت كلشي وطلعتها من بالي..
_ضاج من كلامي..وكلب وجهه وكال هالشي خاص بيه واني ما اكدر اتحكم بعواطفي لضغطين عليه
_ سراج المشكلة انته ابد متفكر اب ونس بس اتفكر بنفسك..بس كلي متخاف عليها..
_اوووه اكلج لدوخيني ديلا هسة اني شمسوي وياهه اليسمعج يكول يومية طافر عليها وطباتنه وطلعاتنه ما اسكتين بله ..

_ماشي بس خليها ابالك طلعني من هاي المصيبة ولدخلني طرف بيها باجر مفهوم..
_كرمينا ابسكوتج كلشي منريد منج..

ونس..كوة لازمة اعصابي اريد احجي واعيط واطلع لبكلبي..كعدت وابحضني كيان اوكلة ..كتله
قبل لا تطلع عندي وياك موضوع
_خير گولي
_فتحت جهازي وطلعت الصورة وخليته مقابيل وجهه كتله ممكن تشرحلي هاي شنو منو هاي الكاعدة يمك وانته كاصها
_اتخبل وعيونة صارت براسة..سحب موبايلي وكال امنين جبتيها منو دزها الج
_اخذتها منك محد دازلياهه
_متستحين شنو هاي التصرفات مو عيب عليج اتفتشين بجهازي وبعدين يا مرة هاي التحجين عليها لج بابا هذا صاحبي طكلي الصورة واصبعه صار على الكامرة اشلون تفكير عدها كبل راحت سوتها طاك صورة ويه وحدة..
_بقيت ساكتة وما جاوبت
_بس لو افهم انتي اشبيج هاي الايام صايرة بس اتشكين بيه ماجنتي هيج شنو الصار وهيج اتغيرتي
_اسال نفسك
_اسف ما عندي مجال اسأل نفسي كلش مستعجل في امان الله..

كعدت ودمعتي تلالي ابعيني..شسوي ما اعرف داحس بضغط نفسي وماعندي احد اشكيله حتى امي ما اكدر احجي وياهه لن اعرفها ماعدها تفاهم بس تعرف بمشاكلي ويا ماجد راح اتوصلها للزلم وتطلكني منه.. اووف

اشتاقيت للانستا...رجعت نزلت حسابي وفتحته
رحت على رسالة سراج..واني اعيد قرايتها خفت وكمت ارجف..وابسرعه مسحتها..
دفعني الفضول ودخلت على بروفايله اول منشوراته فراك وحزن.

بـقـايـا قـــلمے~✎

30 January 2021 18:34

بشنو قصرت ويا ترى المرة اتحس بالخيانة عكس الرجال ولو مو ينكر ماجد اني متأكدة هذا الاثر مو مال ضربه...

غطيت راسي ونمت بدموعي 😭😭💔

مطر اليوم والجو كلش حلو بس الاخبار مو حلوة

الشباب ماتت بالمظاهرات وبطريقة بشعة عن طريق قناص مينعرف امنين الشباب واكفه على ساعه كامت توكع مثل اوراق الشجر والسبب طلقة قناص بالرقبة وبالراس..الي فقد صديقه واكف ابصفه والي فقد اخوه والي واكف لابيها ولا عليها جاي ابكل سلمية ينضرب براسه بطلقة من قناص الموت..

اندكت باب البيت...
اجتني ندى..تطمن عليه بعد الحادث.
_يا حبيبتي والله متت عليج من الخوف ولج لو محتركة متكليلي شجاكم اشلون صار هيج .
_هاي بعد الله قدر ولطف الحمد لله والشكر
_اي والله ستر الحمد لله على سلامتكم يا روحي
_الله يسلمج..
_ماجد اهنا ما شفته لمن رجع من السفر
_اي نايم راح اكعدة
_لا انتي كملي ريوك اني اروح اكعدة مشتاقتلة..
_ابتسمت براحتج عيني..

راحت واني دا اخلط البيض على الهيتر الحراري..اتنصت على باب المطبخ اريد اشوفها اشلون اتكعدة...

دخلت الغرفه وفتحت الضوة وهالشي كلش اينرفز ماجد..صاح
_هاي شنو طفي الضوةة
_لا ما اطفي كوم..يلا كوم مشتاقتلك اخي العزيز
_هاي انتي..وهو يفرك بعيونه...شلونج شوكت اجيتي
كعدت يمة ومدت ايدها...سلام..
مد ايدة وصافحها وكالت الحمد لله على سلامتك شنو جبتلي هديه ابسرعه ابسرعه طلعها
_ها يعني انتي جاية علمود الهدية مو علمودي..
_والله ابصراحة لا هاي ولا هاي اني جاية علمود ونس وبس
_دكومي يلا لعد كلشي ما الج
_ههههه لا مستحيل اخويه الحنين اعرفك متسويها
_اووف منج لوتيه اتعرفين اشلون تاخذين التردي
_تربيتك يا مان
_ابنيتي البعيرة
_ههههه

ابتسمت واني اسمع شقاهم وضحكهم.

اصب الجاي بااكوب واحجي ويه نفسي ..
ليش ميضحك وياي هيج ليش دائما يحاول يخلي علاقتنه رسمية ..معقولة الصوج بيه واني باردة ودمي جامد لا اضحك ولااشاقه...لا لا...لازم اعدل من نفسي واصير اجتماعية اكثر واشاقه ويا بلكي تتحسن علاقتنه..

كاعدين عالريوك واجه رجل ندى وحماية وكلهم التموا على الاكل..وكاعدين ويحجون على المضاهرات ودمهم فاير على الشباب الراحت..
الا ماجد جان ماله دخل ابشي...
_اني اشوف لو كلهم ايرجعون لبيوتهم احسن لن اغلبهم ازغار بالعمر وكلشي ميعرفون عن الحكومة والشغب ذول يتحارشون بيهم وهمة يردون عليهم وصايرر الكتل ابفلسين..
_شلون نرجع لبيوتنه تحجي صدك والشهداء لقدمناهم يسون اكبر راس بيهم..
_لتندفعون الوضع خطر ومندري شيصير بالايام الجاية وانته عباس بعد لتوصل للساحه
_ليش جماعتي كلها اهناك شيكولون عليه عفتهم ورجعت لن خايف على روحي وما افكر بيهم ..
_ لك بابا انتو ليش متسمعون النصيحه تدري اليلزموه شيسون بي واليدخل عدهم بعد ما يطلع الله اليعلم بيا طامورة ايذبوه..
_شوف ابو نسب لو اشما ايسون رجعه مراح نرجع قبل منحقق كل مطالبنه..
_لج هيووو انتي ما تلزمين رجلج ليروح بيها
_والله ياخوية يوميه نحجي وندك ونلطم وهو على هذا عنادة يوميه بالمظاهرات ويرجعلي امصخم ومختنك كلنة نحجي ويا ميسمعلنه
_لا ما يعلى صوت على صوت الوطن
_هاك استلم
_ههههههه شسوي خويه الله يعينج..
ونس..الله يحفظكم ان شاء الله بس هم الواحد لازم ينتبه على نفسه لتنسى انته عندك مرة وطفل وهم فكر بيهم
_كلامج درر أم كيان...(بس اشلون أنريد وطن)..حجاهه ابصوت عالي...وكلنا ضحكنة..عدا ماجد كاعد ويخزر بيه..

طلعو ندى ورجلها وعباس حمايه..

كاعدة دا ارتب المطبخ...
_اي نظفي حتى اجيب العمال علمود الجام والطباخ..
_سكتت وما جاوبته..
_اشبيج ساكتة مو دا احجي وياج
_سمعت
_جا متحجين مو قبل اشويه لسانج واسولفين واضحكين ويه رجل ندى ويمي كالبه الخلقة حضرتج

اول مرة ماجد ايغار عليه حسيت ابفرحه الانتصار واستغليت الوضع بسكوتي وما رديت عليه بقيت اشتغل ولابسته..

هو خلا وطلع..

جنة..

حايرة اكول لسراج ونس اتريد تشكر منك لو لا..
اخاف اكوله ويرجع لمشاعرة ما صدكت طلعها من راسة وخلصت..لا ما راح احجي خليهم هيج احسن

باع الاثول شلون استوري امخلي..(ادعولي..اموت)

رديت عليه وكتبت..(العار ميموت🙂)

رد..(وانتي بت خالتي ويربطني بيج دم يعني دمي ودمج واحد اذا انتي هم عار)
(خوش صاير مفكر ودكتور)
(🥺💔 لتشاقين مالي خلك )
(ليش اشبيك )
(ما اكدر ابعد تفكيري عنها اشلونها رجعت لبيتها )
(اي رجعت هيه ورجلها وزينين مابيهم شي )
(يا الله )

انقهرت على حالته كلش وكسر كلبي ما اعرف بلحظة غباء مني حجيتله!!!

(سألت عليك)

يكتب..... بقت هاي الاشارة تروح وترجع اخر شي سجل بصمة صوتية 😅😅 للضاهر سراج بعد ميعرف شنو يكتلبي..من الفرحه

(عليج الزهرة شنو حجت واشكالت يعني فهميني اشلون سألت عليه)ابنبرة كلها فرح وحماس..

وتاليها وياك يا سراج...كتبتله(عادي سؤالها كالت اريد اشكر منه على وكفتة وياي ..وبس)
_💔😩
_ههههههه اي ابجي ابجي
_يلا ولي عندي شغل..

مرت الايام وعلاقتي بماجد نفسها يحكمها البرود صح مانسيت

بـقـايـا قـــلمے~✎

28 January 2021 20:09

ماما وليش اجذب عليج

شسوي حاولت اهدي الامور ما اريد السالفه تكبر..

لليل خابرني ماجد وكال اني جاي اخذج..

حضرت غراضي وبدلت وخليت مكياج وكعدت ..
دخل ماجد..اول مشفته ركضت لحضنه مثل الطفل حيل مشتاقتله
بس حسيت وجهه اثكيل خله ايده على ضهري ابخفه وبعدها...وكال وين كيان..

فشلني..😒..شال ابنه ويضحك ويا ويبوس بي.

_الحمد لله على سلامتك
_الله يسلمج عمة...يلا ونس ترحين
_اشدعوة اكعد ويانه اشويه
_لا والله مستعجل..يلا ونس

حسيت ماجد متشنج من اهلي حتى ملگاه وياي ناشف وحسيته ضايج مني..

ودعت امي ورحت..

بالسيارة...
_اشلونك
_ساكت ميجاوبني
_اسفه خربت سفرتك ليش اجيت جان بقيت ويه اصدقائك واني ايطبني مرض مو مهم..
_كافي سوالف المزعطة .بطليها
_ممكن تحجي وياي ابوضوح مرة تكول اسوالف نسوان وهسة اتكول سوالف مزعطة فهمني اشتقصد
_عن العيارة..ترى كلشي اعرف..
_كمت ارجف..وكتله اشتعرف
_دبة غاز طكت صحيح حقج اتخافين وتبجين بس مو اتسوين نفسج ميته وبالانعاش وخابرولي ماجد خلي يجي وامج مادة لسانها على امي وطلعتوني گوا.... وما عندي غيرة..ومخلصها ونسة وطلعات ويجوز اجلد بيج يوميه واني ما ادري..

بقيت مصدومة من كلامة...
صدك تحجي...يعني اني جذابه
_والله اكبر جذابة وعيارة منو يكدرلجن انتن النسوان..
_شنو اجاوبه وشنو ارد...بقيت ابجي طول الطريق وهو ولا يمة ولا مهتم....

دخلت بيتي لسه مرعوبه من الصار..

وكلشي على حطيته الكزاز والصخام..
_نظفي البيت باجر اجيب عمال يركبون جام جديد واشتريت طباخ ليزر حتى نخلص من هاي السوالف..
راح دخل غرفته ونام...

بقيت انظف وابجي...غسلت البيت ومسحته..جان اسمع ضربات على الحايط..

اتقربت اسمع صوت جنة..ونس...ونس
_ها جنة
_هلو اشلونج رجعتوا
_اي والله ودا انظف
_افتحيلي باب البيت جايتج
_هلا بيج تعالي...

فتحتلها الباب...
حضنتني وسلمت عليه..
_يمة ما صدكت شفتج الحمد لله على سلامتج
_الحمد لله قدر ولطف
_ماجد رجع مو
_اي نايم جوة
_والله من سمعت صوت الغسل فرحت كلت بلكي رجعتي لبيتج..
_رجعت وين اروح...وبديت اشتغل واغسل الحديقة وجنة اتسولفلي بالحادث وشنو صار...

_جنة
_ها
_ وسراج....

منو الياخذ حلم..

من ينطي زايد بي..

حلم كلش جديد وما استعملته...

ابيعه لغير واحد مثل ما سويت...

انته وحنينك للغرب بعته....

يتبع..

بـقـايـا قـــلمے~✎

28 January 2021 20:09

يسبة ويغلط عليه..وكل اشويه والتفتت عليها وكال ضربي على وجها صحيها...
اول مرة اشوف سراج بهذا الضعف. والخوف
_اشبيك سراج انطيني مجال خليت الطفل يصرخ متشوف حالتنه لتشدهنة رحمة لابوك ركز بالطريق لتسويلك حادث وانموت كلنة...

اتصلت ابحسام وبلغتة...
_صدك تحجين يله..سدي اني جاي وراكم..
_خابر اهلها حسام اني ما اعرف ارقامهم
_يلا ماشي لا حول ولا قوة الا بالله العلي العظيم. دقايق وتلكوني يمكم..

فتحت عيونها بتعب وهيه اتون..مممممم..ونفسها يصعد وينزل ابقوة..ابني..وينة ابصوت ناصي..

اول ما سمعت صوتها..وكفت الدنيا عندي..متحملت دست بريك بكل قوة و وكفت السيارة وانداريت عليها ابلهفة..

بسم الله الرحمن الرحيم ولك اشبيك اتخبلت سراج انعل يومك طيرت خشمي..
_فتحت عيونها وحجت...(يحجي والدمعه تلالي ابعينة كلش خاايف عليها)
_اي...ميخالف امشي ناخذهه للمستشفى يلا..

_ونس حبيبتي خيه غدة الشر الحمد لله على سلامتج هذا ابنج مابي شي الله ستر بس يبجي عليج..
_ممممم..ممممم

تفتح عيونها وتسدها ماعدها طاقه تحجي ويانه..
_سراج يمشي سرعه جان نوصل مجموعه من الشباب كاطعين الطريق علمود المظاهرات وميخلون واحد يعبر..كدامنا سيارة واكفه..وسراج كلب الدنيا بالهورن مالته..طووووووط. طووووووط..😅😅
وكلها اتباوع علينه..
اني لزمت كلبي وكلت هاي هيه اليوم سراج يبات بالسجن..لو يدعمنا لو يكتله واحد..
نزل من سيارته...

ما صدكت ونس فتحت عيونها وحجت .. من فرحتي كمت امشي سرعه بس اريد اوصلها للمستشفى واطمن عليها..

وجان توكف السيارة ..واسمع مجموعه واكفين ويصيحون محد يعبر منا ممنوع...اني دمي فاير وما ضل عقل براسي جان انزللهم من السيارة ..

_افتحو الطريق اريد اعبر
_ممنوع
_شنو الممنوع عندي مريض واريد اعبر للمستشفى
_شوف غير طريق روح اعبر مناك تشوف هذاك الاسواق اكو استدارة

بعدة ما كمل كلامة وجان الزمة من قمصلته وركعته كله وشمرته بالكاع ورحت على الشريط والتايرات لمخليها وشلتها وشمرتها التمو جماعه الولد وحاولو يتلازمون وياي ويضربوني جان يدخل واحد من الكبار وكلهم كافي خلو يعبر هاي حاله انسانية..تركت الهوسة وراي وطلعت بسيارتي..

_انته تحجي صدك محل عرك ومضارب هسة ما تشوفنه بيا حال
_واني شكو ما شفتيهم ميخلوني اعبر
_جان شفتلك غير طريق الا تتعارك يعني
_واني ابقى افتر بالشوارع ولله شنو مجموعه مزعطة كاطعين الطريق بله ما اتسكتين انتي..
_يامن ايوصلنه المستشفى عايشين مو امكاسير..

حسام اتصل بأخو ماجد وخبرو بالصار..اجو للمستشفى كلهم ام ونس وعمتها وحماها واخوها..
خطية امها جانت تلطم واتملخ بخدودها..بنتي راحت احتركت اوحيدتي. وام ماجد جانت تبجي واتهدي بيها..
_خاله والله كلشي مابيها بس من الهبطة وكعت علينة..
_لا..بنتي راحت من ايدي..احتركت وانتو ضامين عليه متحجون..
_وداعت جهالي ما بيها شي وهسه تشوفيها ابعينج..

عيني على سراج وكل اشويه اخزرة..اريدة يسيطر على نفسة لا يفضحنا وانصير ابخبر كان..

اشكد ما حاول يخفي خوفه على ونس عيونة فاضحاته..

اتقرب منه علاء اخو ونس وسألةشنو الصار..بعد ما حجالة الموقف ...
_والله ما اعرف اشلون اجازيك واتشكرك لوما انته جان هسه اختي ميته
_لا خويه هذا واجبي..
_ا انته ابن اصل ورجال وهذا موقفك مشرف ويرفع الراس..الله يحميك لشبابك ويكثر من امثالك
_رحمه الله والديك ان شاء الله تكوم بالسلامة وهذا اهم من كلشي..
حسام..
هذا سراج البطل كلها تشهدله ابمواقفه مو جديدة عليه..
_اشكرك ابو امير
_والنعم منك..

دخلنة انشوف ونس..الحمد لله صحت ورجعت لوعيها ..امخليلها مغذي..صار عدها هبوط حاد بالضغط والسكر..اول ما شافتها امها حضنتها وكامت تبجي..

_الحمد لله عدت على خير والله ستر ابني وينة خو مابي شي..
_هياته يمة يبجي عليج سودة ابوجهي ليش ما كلتي رجعت لبيتي جان اجيت وكعدت يمج..
_شفتي كله من عنادج كتلج ابقي يمي يبستي راسج الا ترحين لبيتج
_على كيفج ام ماجد شنو هذا الحجي وليش متكولين ابنج لمكضيها سفرات منا ومنا وعايف بتي ابوحدها عديم المسؤلية..
_ياا وابني شعليه هذا قضاء وقدر
_وبنتي هم مالها ذنب ماكو داعي تلومين بيها ..

بقت أم ماجد كالبه وجهه وضايجه بس حيل بيها اخذت الجواب المناسب وتستاهل..

لشويه دخلو الولد ما عدا سراج...تركتهم وطلعت برة..

_الحمد لله على سلامتج الله دفع البلاء
_ليش هيج ما خابرتيني اجي عليج اشلون تبقين وحدج بالبيت..
_لا خويه اني اليوم رجعت ما صارلي ساعه ابيتي وطك عليه الطباخ همزين ما احتركت اني وابني
_الله دفع ما كان..وهسه بس ترتاحين اترجعين ويانه ويصير خير..
_لا ام كيان يمنه بعد ما انخليج اترجعين لبيتج
_لا مشكور ونس تبقى ابيت اهلها لحد ما يرجع رجالها..حجاهه بنتر..
_شجاكم هسة ماجد شعليه غير هيه كتلت نفسها الا ترجع للبيت وشنو ذنبنا اذا هيه عايفه الغاز مفتوح..
_وليش ابنج ميكابل بيته ويكعد ما شبع ونسة وسفرات يوميه ابمكان..
_شنو بس ابني اليسافر هاي الشباب كلها يوميه ابمكان

بـقـايـا قـــلمے~✎

28 January 2021 20:08

توة سحب الكرسي وكعد..جان نسمع صوت كلش قوي مثل الضربة والصوت من بيت ونس..

_عطت بسم الله الرحمن الرحيم يمة هاي شنو انفجر

طلع سراج يركض وعينة على بيت ونس شفنه الجام مال بابهم امكسر..
جان اكو برميل مال نفط يم حايط بيت ونس

ما انتبهت غير سراج صعد البرميل وطفر على بيت ونس...










لا تحزن بعد وتبجي على الراح..

وعوف ادموع عينك لا تبجيها..

ووكف عالجرح لا تصرخ وياه...

وراح اكتب قصيدة والك اهديها..

مدينة الم روحي لا تضن ارتاح..

وانة ابن المدينة وتيهت بيها...

يل عندك جرح واتكلي مجروح..

انة اجروحي فاضت وين اوديها...

يتبع..

بـقـايـا قـــلمے~✎

28 January 2021 20:08

بحرارة على خدودي..بقيت هيج لحد ما صارت عيوني دم...

ندى..

اشبيج ونس حبابة لتخوفيني عليج صاير شي بينج وبين ماجد باعي وجهج اشصار بي من البواچي لتعتبريني حماتج ونس اني ندى صديقتج وبت عمتج قبل لا اكون اخت رجلج..
_ابتسمت وكتلها بصوت تعبان..تدرين بيه ما ادور هاي السوالف مال الچنة والحماة..

_لعد اشبيج احجيلي ولضمين عليه كلنا خايفين عليج الله شاهد..
_ماكو شي اني مشتاقه لماجد كلش..وهو حجة وياي بأسلوب مو حلو وقاسي..استهضمت وما اتحملت..
_يا صدك معقولة شجاه بسيطة اني اعرف شلون اخلي امي اترزلة..
_لا ندى لتخليني اتندم لن حجيتلج لتوصليها لعمتي عفية ..

_بصراحة استغربت كلامج عن ماجد صاارله ساعه يحجي ويانه ويضحك وفتح كامرة ويانه وشاف ابنة.وضل يشاقي ويضحكة..
_اي هاي مو ونس حتى يكلب وجهه ويذب حجايات مثل السم
_على كيفج ونس ميخالف اعذري لتنسين هذا حبيبج ماجد هذا الحب والعشق..
_كمت واني انفض ثوبي لا مو مثل قبل...وعفتها ودخلت للجوة...

ما اعرف شلون حجيت هيج بس الاعرفة اني صدمت ندى بكلامي..

والليل اشطولة اعلى العاشگ...

جنة خبلت سراج كل شويه ودگت عليه وميت رساله دزتلة وهو مارد عليها...
بقى مراقب صفحة ونس..وشاف اخر نشاط الها وبعد ما فتحت الحساب ..وهالشي سببله قلق وبدت الأفكار السلبية تتسلل لدماغة..

معقولة احد غيرها شاف الرسالة وراحت بيها ونس
اشكد غبي اني ااخ مني اشلون ما فكرت بيها..متت من الخوف عليها وصرت الوم بنفسي اشلون تصرفت هيج..
باوعت الساعه بالوحدة ونص باليل..
اخذت سويجي وطلعت لبيت جنة هيه الوحيدة لتبرد كلبي ما اتحمل ابقى للصبح واني ما اعرف ونس اشبيها....

نمت بفراشي وكلي خوف وحزن..ما اعرف هذا سراج امنين طلعلي وشنو يريد مني..وماجد..ليش هيج يعاملني واني الي شاريته بروحي ومستعدة اموت گدامه معقولة اهتمامي الزايد خلاه يشوف نفسة عليه..لو هو ميحبني؟؟.
ندى ماحجت وياي بعد اعرفها ضايجة من كلامي اني مالي خلك حتى نفسي وباجر هيج وهيج راجعه لبيتي لازم احجي ويه جنة وافضح سراج حتى يلزم حدودة وياي..

جنة..اندك الجرس..فزز حسام من النوم..
_يا ستارر هاي منو جاينه ابنص الليل..
_خير شكو منو بالباب
_ما ادري طالع اشوف منو..

طلع حسام لبست روبي ورحت وراه..

فتح الباب وشاف سراج وهو متوتر..استغرب شوفته بهذا الوقت...
_سراج؟؟ ها خير خوماكو بيك شي
_اسف كعدتكم من النوم اجيت ابات يمكم
_هلا بيك البيت بيتك اتفضل
_اشكرك خوية..

بقيت واكفه بالمطبخ واسمعت كلام سراج واني لازمة گلبي هاي جيتك مو خالية يا ابن خالتي شنو اليدور براسك...
دخل سراج وعيوني عليه وبيها الف سؤال..
_السلام عليكم
_وعليكم السلام اتفضل اسويلك عشا
_لا متعشي اشكرج راح ادخل انام وغمزلي ..
_ما فهمت شي..عبرني ودخل لغرفه الضيوف..

سحبني حسام وكال..
_اشبيكم واحد ايخوزر بالثاني اكو شي اني ما اعرفه
_شنو يعني اشتقصد
_اقصد هاي اول مرة اشوفج تلتقين انتي و سراج وواحد كالب خلقته عالثاني..
_لا ماكو شي اني نعسانة اريد انام
_امشي انام..

سراج وهو بغرفته..بس هدئت الاصوات رمشت لجنة اريدها تجي وكون تفتهم هاي الثولة..

وفعلا ما فهمت راسلتني..
_ها شتريد
_اشبيج لج احجي عدل
_سراج راح اصير ال2بالليل اريد انام انته صدك تحجي كول شصاير
_رجلج نام
_اي
_اني غلطت ويه ونس 😔
_شنو..

ذبيت الموبايل وطلعت على كيفي الشغلة صارت مو مال مراسلة..شلون غلط وياهه او وين شافها..

فتحت الباب على سراج ولگتة كاعد ابمكانة ويشرب جكاير واحواله متخربطة..
ولك احجي اشصخمت اشسويت الله ياخذك ان شاء الله..

اتصلي ب ونس شوفيها وينها واشلونها
_ولك لتخبلني احجي شنو غلطت ويه ونس..

سحب الموبايل وفتحه وانطاه لجنة...

شنو هذا شسوي ابموبايلك اني..
_لصيرين مطية وشوفي ..

باوعت بجهازة وشفت المحادثة ..هذا حساب ونس
ولك اشسويت اشلون تراسلها ولك بلكي واحد شاف المراسلة لا والغبي كاتب اسمة يا ربي صبرني على هاي المصيبة..وهسة شنو راح اتسوي..

_ما ادري لج راح اتخبل اخاف صار عليها شي
_لعد ما فكرت ببيها لو بس اتفكر بنفسك
_اتصلي بيها وشوفيها وين
_انته امخبل شتكول عليه المرة واني داگة عليها بنص الليل
_شنو يعني انعوفها هيج
_اني ما راح اساعدك ابشي وانته تتحمل نتيجة اغلاطك اصبر للصبح ولتسوي شي اني باجر اخابرهه والله ياخذك ويخلصنه منك
_ان شاء الله اموت واخلص من هاي الحياة الغبرة..

طلعت من غرفته واني امعصبة..ما كدرت انام بس اتگلب وافكر بتصرفات سراج...

سراج هم ما گدر ينام للصبح بس يشرب جكاير ومكابل حسابها بلكت تفتح نت..

عبالي الگة الحل يم جنة طلعت هية ساس البله ولسانها اشطولة ماشي اني الج استقويتي عليه جا شفتيني محتاجلج بسيطة بس خلي الزم طرف الخيط واني اعلمج..

كعدت الصبح..لكيت عمتي دسوي الريوك
_صباح الخير
_هلا يمة صباح النور
ندى جانت تساعد امها باوعتلي وابتسمت وكلشي ما حجت

شنو عدنا خطار شو هواي امسوين اكل
_اي رجل ندى بالهول ويه الولد
_ها
_اي اريد اروح

بـقـايـا قـــلمے~✎

28 January 2021 20:08

راحه نفسيه بحيث متت متت من الجوع
_لحظة اخابر ونس واكلها على رجلها

واخيرا...ها بشري اشكال
_اي حبي اول ما وصل بسلامة خابر حسام وطمنه واصلا الخط انكطع لن شبكة ماكو بس ايرتب امورة يحجي وياكم..
_ايي الف الحمد لله والشكر والله ما اعرف اشلون اجازيج بردتي گلبي هسة يله ردتلي الروح
_اويلي هنيالك يا ماجد على هذا الحب
_ههههه حب عمرى هذا...

سراج دار وجهه وطلع من المطبخ حتى ما لحكت اشوف ملامحه😂😂

اجتي ندى عليه...

جنت امجهزة كل غراضي اخذت ابني وطلعت من البيت اجه رجل ندى وسلم عليه..اخذ الجنطة مني وصعدها بالسيارة...واني دا اقفل باب البيت انتبهت..سراج طالع بالشارع وكاعد ليغاد اشويه عن بيتنه..وعينة على رجل ندى...حتى الي ما باوع ولا شافني اعتقد جان متعمد...ركبنا السيارة وطلعنه اتعدت السيارة من يمه وصار على جهتي...
ما باوعتله ولا انطيته مجال بقيت مندمجة بسوالف ويه ندى ورجلها واضحك وياهم ...لحد ما طلعت من الشارع...

جنه ..جنة
ها شكو
_وين راحت
_منو امي
_لج ونس طلعت من البيت اجو عليها رجال ومرة واخذوها وراحو..
_اي اشبيك ايجوز اهلها اشلون لعد تبقى وحدها بالبيت ورجلها امسافر
_لا لتكوليها يعني مترجع بعد..

اول مرة اشوف سراج مقهور هيج ومتأثر حيل ..كعد ابوحدة مثل الطفل اليتيم ..لا يحجي ولا يضحك

_سراج الديصير اكبر غلط عليك الله لتتعلق ابشي مستحيل ايصير حتى بالأحلام...ترة محد راح يتأذة غيرك...ونس مستحيل اتحبك لو تصير من نصيبك بيوم من الايام..لانها متزوجة وعدها طفل وبيت ورجل افهمها😔...

راح للغرفه لم ملابسة وطلع..صحت وراه ما رد عليه ابكلمة ركع الباب وطلع...

ونس..

بقيت ابيت عيالي..سوالف وضحك بس بالي مشغول بماجد..حتى عمتي..وكلنه منتظرين اتصال منه..
اووف من هسة اشتاقيتله..

صعدت لغرفتي القديمة.جانت.فارغه الله اشكد جان الي ذكريات بهاي الغرفه حلوة ومرة..هنا ضحكت وهنا ابجيت...
فرشت بالكاع واتمددت واني استرجع كل ذكرياتي وايامي ويه ماجد نزلت دمعتي حسيت بأيد حنينة تمسح دموعي..
ندى!!
_ليش تبجين حبيبتي
_لا اذكرت ماجد وذكرياتنا بهاي الغرفه كلش مشتاقتله...
اتمددت ندى ابصفي..وكالت...اي تذكرين ايام حبج هههه صدك من اشوكت حبيتي ماجد
_من اول يوم شفته ابيتنه وجان عمري 13سنة
وبقيت استرجع الدموع والذكريات واحجي لندى ابكل شغف ورغبه..
_هنيال ماجد عليج
_بس هو ما حبني
_لا لتكولين هيج ماجد ايحبج بس هو حجارة ميعرف ايعبرلج
_هههه صحيح
_اي ايجوز اخويه افعال مو كلام وهي تغمزلها..
_ها...ههههه...اي

(اي خلينا ساكتين..هاي من عندي ترى بان الأعرجي 😂😂👍)

سوينا العشه ودنفرش السفرة اجتني اشعارات على الانستغرام..رحت ركض اكيد ماجد راسلني...

دخلت لكيت متابعه من حساب ما ركزت بي شاب لابس عسكري وقناع جمجمه..اني حسابي عام ما اهتميت...اووف عبالي ماجد..
وراهه اشتغلت الاشعارات جان ينطي اعجاب لكل منشور ناشرته الاخ نايم بالصفحة مالتي..
انحرجت من عيالي..طفيت النت وكعدت وياهم..

دا اغسل اماعين...اذكرت اني مطفيه النت اخاف ماجد راسلني واني ماكو...

_ها وين رايحه
_هسه اجي اجيب موبايلي خاف يتصل ماجد
_ماشي

اول ما فتحت النت شفت اشعارات الانستغرام فوول
شنو السالفه..
دخلت على حسابي اول شي شفت مراسله..

فتحت الطلب....
جان من نفس الحساب..كاتب

هلو

اني اسف واعتذر منج
على الصار اليوم..

اني سراج....

يبس الدم بعروگي ..كمت اطك سن ابسن من الخوف خرب يومك ولك اشجابك عليه...
يمة ليشوف المراسلة واحد من عيالي شكول وشحجي صخام ابوجهج ونس....

بوسلي روحك يمين الله عليك...

واعتذرلي خاف ما اكدر اجيك...

بيني وبينك مسافات وحدود وانته عندي اغلى من كل الوجود..

حلم بالنسبة الي لمسة اديك...

بوسلي روحك يمين الله عليك..

يتبع...

بـقـايـا قـــلمے~✎

28 January 2021 20:07

#سراديب_الهوى

للكاتبة بان الأعرجي

البارت الثالث

فتح الباب سراج وهو يفرك بعيونه ولمن شافني مباشرة رجع ليورة وبقى ايعدل ابكفشتة..

لمن شفته استحيت دنكت وكتله صباح الخير ام امير كاعدة..

صباح النور...خير صاير وياج شي تردين مساعدة
_لا مو ضروري بس جنت رايدتها ابشغله يلا مو مهم لمن تكعد اجيها اسفه على الازعاج..
_ لا بالعكس ماكو اي ازعاج تعالي فوتي اني راح اگعدها الج
_لا لا خليها نايمة اني اشويه واجيها..
_براحتج...وبقى يباوع ابوجهي بنظرات جريئة اني هم الثولة بقيت اباوع عليه بدون قصد بس مستغربه افعاله..درت وجهي اريد اروح..
جان يكول...

_اويلي منجن النسوان كله غش ابغش وين ترحن من الله باجر ايسلكوجن سلك ابجهنم..

_عفوا ويايه؟؟؟ حجيتها ابحدة

_ابتسم وملامح الخجل واضحه عليه..اقصد المكياج شتلعبن ابخلقجن..زين انتي مو البارحة جانت عيونج ملونه اخظر مدري اصفر..وين اختفت وهو يضحك بصوت هادئ هههه
_صفنت على هاي الجرئة والميانة امنين جايبها...كلش ضجت منه...وخزرته ابقوة ومشيت..

_ والله بالطبيعة احلى
_انته ليش متستحي ومو محترم..واهي تحجي ابعصبيه..
_والله مو بيدي..
_صدك الي استحو ماتو..ودرت وجهي وطبيت لبيتي.

دخلت ونس لبيتها وهيه امعصبه وترجف من العصبيه..اخذت كلاص الماي وهيه تشرب شي قليل واتفر بكلاص الماي وهو بيدها ..واتفكر بالموقف الصار...

_يعني هيج انسان بلا اخلاق وقمة السفالة اني ما شايفه اشكد وقح وادبسز..
كعدت وايدي على خدي..هسه وين اروح اني المن اسئل اووف منك يا ماجد..اخذت جهازي وجربت اتصل عليه..ونفس الشي الجهاز مغلق..

جنة جانت نايمة ابغرفتها...فجئة اندك باب غرفتها ابقوة وهي تسمع صوت سراج يصيح بأسمها جنة...جنه..اكعدي لخاطر الله شنو تنبل انتي..

_يا ستار..ولك شنو ديج وكاعدلنه من الصبح امشي روح اريد انام
_باعي راح افتح الباب وافوت والله...

_هههههه اجيت انتظرني بالمطبخ امخبل.. اكيد امسويلك بلوة..
_ابسرعة استعجلي..

كوة دفرت البطانية وكمت..واني العن ابسراج اشلون كعدني من عز نومتي..لبست روبي وطلعت ما البس منه حجاب حاسبته مثل اخوية...

_ها ولك اشبيك اتسودنت من الصبح هاي ابدال متجيبلي الكيمر والكاهي واتكعدني ابهدوء وتكول كومي جنة حضرتلج الريوك..
_ طلع جكارة وشعلها وهو يسحبها بأنتقام...هاي السوالف حسام ايسويها مو اني كعدي اريد احاجيج
_يا ستار اشبيك امبين عليك ضايج وشلون تشرب جكاير على ريكك وانته كلشي ما ماكل..
_اكعدي جنة
_كعدت..كول شصاير
_دافع راسه على الحايط ويشرب جكارة وصاير نارر من العصبية
جنة لمن شافت حالته هيج تركت الشقه والضحك وخافت على وضعه صارت تحجي ويا ابجدية..
_سراج خوفتني عليك الله اشصاير لضم عليه ابروح ابوك...
_غمض عيونه ابهدوء..وطفه الجكارة..اخذ نفسه ابحسرات..وكال اسمعي جنة راح احجيلج حرف زايد متحجين وان طلعت السالفه لو واحد شم خبر احسبي كلشي انتهى بينه ولا اعرفج ولا اتعرفيني وتنسين واحد اسمة سراج..
_يااا دخيلك ربي لهاي الدرجة السالفه خطرة ولك احجي وكعت كلبي...
_ جيرانج ام كيان
_يا اشبيها
_اريدها

بقت فاتحه عيونها ومصدومة بعدها ما مستوعبة الكلام السمعته 😳😳
_سراج انته صاحي واعي على نفسك شنو هذا الكلام..ترى شبجت عندي وكلشي ما دا افهم منك..
_اسمعي اشتردين تحجين احجي غلطي سبيني ما ايهمني لج اول ما شفتها اتخبلت اخذت كلبي وعقلي لج الليل ما نمته بس افكر بيها..لج اعيونها خرب دينارهه وهو يخلي اديه على وجهه اااخ الله لو ضحكتها الهادئة خوب الجسم اشردددد كارثة وربي الخالقها ..

جنة ساكته وتباوع على سراج وما حجت ولا حرف
_ها شو ساكته..
_شحجي يعني هو انته خليت بيها كلام صدك جذب سراج أصحى على نفسك
_مو بيدي والله ادري هذا الشي غلط بس ما اكدر ما اكدر..
_لا مو سراج الي يخلي اعيونه على اعراض العالم ولك نسيت انته الي طبيت ابنص الموت علمود تحمي اعراض العالم من الدواعش نسيت كم مرة اصوبت بالموصل ورجعت وجنت اتكول اعراض العالم انهتكت اشلون ابقى بمكاني وخاتل ابحضن امي ها سراج حجيي صدك لو جذب ..

_طلع جكارة وشعلها
_هاي الجكارة الشكد الخامسة لو العاشرة
_ضرب بيدة على الميز وكال..جا اشتردين شنو اسوي حاطة روحج ابكلشي يلا شو انجبي ولتدخلين بيه ان شاء الله اموت احترك انتي ما عليج خووش

كان لازم اتصرف بهدوء ويه سراج حتى اعرف ابشنو ايفكر وشيريد ايسوي لن اني اكثر وحدة تعرف سراج اذا خلا شي ابراسة ايسوي وما ايهمة واحد و يحرك الاخضر واليابس .ويروح بيها...
_اني اسفة حجيت وياك هيج كلام بس انته تعرف كلامك هذا ميقبله لاالعقل و لاالمنطق سراج ونس متزوجة وعلى ذمة رجاال وحرام عليك تنظرلها ابهيج نظرة ورب العالمين ما يباوعلك ابيوم القيامة ابعين الرحمة لان عينك جان للحرام امسلطة..
_والله خوش جنة صايرة خيرة وام الديانة ابراسي ترى اني اعرف الحلال من الحرام مو زعطوط لو جاهل وما اعرف شي عن الدين..
_ها هسة صار كلامي مو حلو وما عاجبك
_تدرين شنو احلى شي