1640
عيونك زرازير البراري بكل فرحها بكل نشاط جناحها بعالي السحر قناة خاصة لتدويــن اجمل ما كتبهُ شعراء العراق حديثاً وقديماً المنشئ ( @Tlbud ) قناتنا الثانيه @N_nm11
تمرضت وأنت بعيد وماكو صحة وعافية
وطلعت صورتنا ذيچ والصورة مو كافية
على روحي شكد بجيت وأبجي بيني وبينها
متت كدامك شبيك ، جا دمعتك وينها؟
علي طالب 💜
ويلاه والله حلم بالبوس طرزني
لا طال عمرة الذي من نومي فززني
عبد الكريم القصاب 💜
عود مترهي وبعد ميهزني شي
وبس كلتلي تلوگلي الدمعة بجيت
جاي أودعك مو أحبك من جديد
شو حلتلي الكعدة بالگذله التهيت
عزت عباس 💜
الجنت من أختفي متنام ..
گامت تختفي لو ردت أحاجيها
مو زعلانه مني ..!!
لا كلبها نباگ ، لو زعلانه أراضيها
محمد صلاح 💜
ليش تكسر خاطري ، چي مشتريك؟
وأنا لأجلك روحي ما حاجيها
كتلك أمسح عيني غركت بالدموع
ما كلتلك حط أصبعك بيها
ميثاق الهلالي 💜
ما ينقبل عذرك چا تقبلته
الحقد مو ثوبي بس منك تعلمته
اللغم ما سوه شي داسوا أبطنه وثار
كتلك هذا كلبي .. وعاندت دسته
كرار صاحب 💜
بعدني أبجي وبعدني من اذكر أتلوة
دمع بارد نزل ع الخد المچوة
لگيت البيت ظلمة الكطن ما ينشاف
مو محترك كلبي شلون ما ضوة؟
عباس طالب 💜
شكد رخيص بگد جمالك
أني بصحراء و زارعلك حديقة
تروح للوردة أشترالك .. شمالك؟
يونس محسن 💜
ما تمشيني خطوتين الصور …
حاسبها شوفة؟
تدري حتى اليذكر أسمك
كلبي ما ينطيني أعوفة
عزت عباس 💜
رجعت مدنگ بكل درب بي ماشين
بلگت حلم ضاع هنا
ومثل ثلاجة الموته أدورة وما أريد الگاه
باهر الجنديل 💜
منين ما تندار أحبك
بحر ويحاوط جزيرة
يا طموحاتي الأخيرة
يا معاناتي الجبيرة
أني باقي وياك
للحلقة الأخيرة
محمد الطلقاني 💜
يمكن عليه بشوفتك مستكثر
من تدير وجهك لو مدنك تعبر
نفسك هذاك وما تغير شي بيك
لو ما عيونك چا كلت كلك مرر
عصام كريم 💜
عفيتك مرة ، مرت الثانية أجويك
اذا يطلع الماضي تعيش ندمان
غراب وكلت نورس ردت أحليك
أول مرة أجامل زلة اللسان
نور اللامي 💜
أنت وينك؟ فگلي أدينك
هذا أني …
أنت نفس الموت فد تتشابهون
ثنينكم محد خذاني
فاطمة محراب 💜
تعيريني چي مشتاكلج
والله اني عفتج وانتهت بس سولتي الحنية
وما اريد اغثج بس صدك مشتاكلج
قبل الجرح من جنتي خوش بنية
رائد ابو فتيان 💜
تحبني؟؟
مو كل وكت …
مرات أحسك عدو
بس أختل بسدة
رائد ابو فتيان 💜
ما اكدر أرجع قوي …
وأتعود أستوعبك ، وأنساك واتخطه
يم أهلي أضحك جذب …
بس والله أشبع بجي من أرجع اتغطه
مصطفى جواد 💜
شبر عن الكرامة ، ودست راس الشوگ
مو انا التذلني الدنيا بغيابك
عكازة مصوب بس أطيب أنساك
من أولها جنت ما حاسب حسابك
محمد شهد 💜
سميتك محنة ، وعاطفة ، وأشواگ
لهوو ، تگضي وكت ، شتريد سميني
وأخذ شتلت غرامك يا عشك يا شوگ
بس عاگول صدك ينبت بطيني
سمير صبيح 💜
أذكر مره كتلي أرتاح شو نعسان
كتلك روح ليل مهنه التنامة
إمسحرجي أجه واركض وراه بحجار
خافنه ويزعجك صوته دمامة
حسن الخيكاني 💜
بهاي اللحظة دمعك گوه ميطيح
الدمع صاحب فضل من يبقى خاتل
صح دمعك يظل بس گلبك يطيح
گلبك مو دمع وتشوفه نازل
ليث ماجد 💜
بنفس الحظة تكتلني ..
وتحب غيري يا وكحك؟
شبسرعة ولگيت أنسان؟
أنا ما لاگي دوة لجرحك
علي جواد 💜
زرت السادة والخيرين ما فاد
كل ليلة نفسها الخنكه تنعاد
أشرد وين من يخنكني طاريك
أذا على غرفة هينه تضيگ بغداد
ديار الربيعي 💜
الليلة شابع هظم
ومرخوص أكض تفگتي وأگضي السلف كله
نار البكلبي أذا حطيتها بموگدك
تزرف گفه الدله .
حسين الذهبي 💜
طلسم كاتبك بيدي افتهم معناك
وغيري يشوفك مخربط
عزاره الجياشي
الله الله
عقلي يمك وأنا قابل
مخبل وما أريد أصحة
صرت لمن شفت عينك
أعزل الناس على صفحة
حسين الصباح 💜
لا تنطيني أمل جذاب …
مرات الأمل كتال مو الصواب
السجن لو كله حيطان ، أسهل يعيشون
مشكلة السجن بي باب
صفاء الصمت 💜
وديتلك روحي بكزازة
رديتها أحبال بجنازة
يا عازتك بليل عازة
علي طالب 💜
هواي تحملت بس هاي متعدي
موضوع الكرامة شوي صعب عندي
لهنا والكلب يستاهل السجين
وذا حبه وذا لون الوجهه وردي
وصلت للكرامة وي أهلي واختاضيت
وعزلت الوحدي من جنت ما عندي
مصطفى العقابي 💜
اتحمل شكد حجي من ناسك وناسي
ومن باوعت للسمه ما جنت امشي بفخر
خايف يطيح لدمع …
ما نزلت راسي !!
علي طالب 💜