1640
عيونك زرازير البراري بكل فرحها بكل نشاط جناحها بعالي السحر قناة خاصة لتدويــن اجمل ما كتبهُ شعراء العراق حديثاً وقديماً المنشئ ( @Tlbud ) قناتنا الثانيه @N_nm11
ما أفرح بعيدي بكثر ما أفرح بشوفتها
جا هوه عيد الله شنو عود احلى من ضحكتها؟
مصطفى جواد 💜
اني منك ما ردت شي وأنت تدري
لزمه أيدك جانت اكبر أمنياتي
بس أريد أفتهم منك ...
أنت اذا ناوي ع فرگه ليش طبيت بحياتي؟
سجاد المحمداوي 💜
بخير اني لان هلفترة مو يمك
من على الجكاير كمت...
أقره الامراض انصدم من ماكو بيها أسمك
محمد قصي 💜
تعال أشتاقلي بكدي
اذا ما أرسم عيونك على الشباج
هذا الليل ميعدي ...
لأن ما عندي غيرك أشكي حزني وياه
جنت أبجيلك الوحدي
أدهم علي 💜
مرات تلكاك جرح
بس بي الخنجر ينحد
الجانت اغله من النفس
نزلت دمعة على الخد
أيهاب المالكي 💜
أرتاح ماكو حضن يمه أفتح العبرة
وبيه الك ذاك البجي بس صدرك تبرة
يلـ خوش تتبره ..
شحجي وشعلم بعد هوه الوفه شمرة
وشقابض من الشكل ..
هذا أنت شگلگ حلو بس عشرتك مرة
رائد أبو فتيان 💜
منو يسأل علينا أحنا البعيدين!
ومنو يسأل علينا لمن نغيب!
أحنا المحد النه ومدري منين
مكتوب بجناسينا غريبين
وين اهلي علي مادگوا الباب
تره صحتي عليله وكلبي مو زين
كاظم أسماعيل الكاطع 💜
بس وحكك ، باجر يعوفوك كلهم
وحدك ترجعلي ذابل ...
باجر أثار الغرب هوسة على خصرك
أكثر من أثار بابل !!
حيدر هواد 💜
ما أهمك أحس بس مدري شتريد
تحيني بـ لهفه بس تروح بارد
تكلي أنتضر يمك وأنت ما جاي
المصيبة أنتضرك انا لهسه كاعد
حسين الصباح 💜
أعاشر غيرك ، وأطلع وأطب وأشتاك
ما أكلك وفه بس روحي محرومة
شفت الأحلى منك ، والأحب ، وزين
وأهتموا بروحي وبقت مهمومة
رائد أبو فتيان 💜
هواي تعرضت لجروح ما حسيت
بس هلمرة كلبي من الألم خاوي
مو من ينجرح يتألم الانسان
من يشعر بعد ما يكدر يداوي
مرتضى الميالي 💜
منا وأنتهت كل واحد بدربة
البلم يمشي عوج من تسحك اعله الراگ
بس يچر عدل من تسحك بكلبة
كاظم حايف 💜
بعد ما شلع كلبي .. وعافني بـ كلبة
دارت الدنيا ، واتلاگينه يم دربة
أنا توقعت ع أقل نظرة شوك
وعلي باوعلي مثل مباوع الغربة
علي تالي 💜
بارد يكولون عني وما رضيت
أسمع شيحجون بس ساكت بقيت
أني مو بارد مشاعر من زمان !!
أني ضليت أحترك حد ما طفيت
محمد صلاح 💜
أذا تنسانه هم ننساك
انا وكلبي موش كبور خاطر نحتفظ بالمات
عمار سالم 💜
ولك لا عندي زعل لا عتب لا عركة
أنسه الصار ؟ ما ينطي الوجع فگة
ولك خليتلك مغرور يتشگة
علي مهدي 💜
يمر أسمك وأحس حرورتك بالراس
وأذب روحي بنهر يومين ما أبرد
جواد الحمراني 💜
تعال أشمر حجايه وكول مشتاك
لتحسسني عندك مالي قيمة
لتخليني أتاني وجرحي مفتوح
مثل فطر الحياطين القديمة
مهند العزاوي 💜
أني أدري راح أنجرح
بس أبد مو منك ...
أسف لأهلي !!
الجنت أحجيلهم عنك
محمد قصي 💜
وانا من شفتك خنتني .. تفاجئت
ما نشف دمعك عليه .. وعاشرت !!
محمد صلاح 💜
ما شفتك اليوم أستعجل تنام
أنا قبلك نمت نتشاوف اطيوف
يوسف الدراجي 💜
بعد ما نرهم ...
وصعبة اليبدي يفكر بعقلة
ينسى شصاير بكلبة
أدهم علي 💜
كلبي يسئلني عليك
وما أعرف كلبي شگله ..
سهلة تبعد يا حبيبي
وهاي أصعب شغلة سهلة
علي طالب 💜
شكم غلطة الك عبرت ...
وكلت أنچفه شرها
مشكلتي بالمشكلة الما جنت أكبرها
المفروض أكبرها .
محمد صلاح 💜
كلشي بيه يبوسك من أتلاگه بيك
الرجفة البروحي من أشوفك ...
تنتهي بلمسة من أديك
زيد الهاجري 💜
ما حاجة تطعن بعد طعناتك مكفية
وكلهن بكلبي أجن ما تشتبه عفية
خليتني بموقفي مثل اليدبر الدوة
الامة المريضة ويجي ويلگاها متوفية
علي جواد 💜
أنا مو زعلان ...
ميت ، وأكو بكلبي هوايه ليش؟
العافني عايش حياته
أنا مو من حقي أعيش !!
عزام الشمري 💜
أنا تعبان ، جاي أدفع ثمن غلطة
وأبد ما جاي أسيطر من أحس مشتاك
وأكبر غلطة من تشتاك للغلطة
أحمد هاشم المالكي 💜
من سلمت بايدك كلت هذا اوداع
من ضليت تسحب وانا ما اهدها
كل الجنت أريده من عصرت أيديك
شكد ما أكدر أخذ عطر من عدها
باهر الجنديل 💜