1640
عيونك زرازير البراري بكل فرحها بكل نشاط جناحها بعالي السحر قناة خاصة لتدويــن اجمل ما كتبهُ شعراء العراق حديثاً وقديماً المنشئ ( @Tlbud ) قناتنا الثانيه @N_nm11
نويت اتبيع حبنه؟
ماشي بعنه
لجن والله منك ما شبعنه !!
أياد عبدالله الاسدي 💜
الك كلبي فتحته ، وردتك تفوت
وكفت أنت اعلى صفحة وخنجرك فات
فاضل كريم 💜
نزل دموعي وغفه
ويا يابه من بالغلط نزلت دمعاتة
نفسية الينتحر بأخر ربع ساعة
عايشها من لصبح لليل باوداعة
يونس محسن 💜
انا اتمنى اكلك عايش بخير
بس المشكلة مبين عليه
عصام كريم 💜
احجيهن بوجهي سالفتي محلوله
مليت من الحجي البعيونك دكوله
مخلد قاسم 💜
كطعت لساني خاطر لا احاجيك
وخاطر ينتهي البينك وبيني
لكيت انوب عيني تسولف وياك
يعني شلون أكص السان عيني؟
عامر العيثاوي 💜
ممكن تخليني انام وانا ما زعلان منك؟
المشكلة مفتاحي بايدي بس بعد حبيت سجنك
علي تالي 💜
هذا انا الخسر كلشي
واصل مرحلة من الخوف
ادگ بسمار بفراشي
اخاف يعوفني ويمشي
زين العابدين العطار 💜
أحذرك من تريد تسوي عركة وياي
ما تعرفني حقك لمن اتعارك
أشگ حلكك أبوسة ومنك اخذ ثار
بلگي تهد عليه وتاخذ بثارك
نهاد طارق 💜
غلطنه ورد فعلكم جان قاسي
انا مصدوم من عدكم يناسي
رشيناكم بمي نمزح نريد
صبيتوا جهنم فوگ راسي
مرتضى الميالي 💜
كلب ثاني جبت حتى اكدر انساك
صارت كارثة وحبك الثاني
عليك تعاركوا هذا گتل ذاك
زعل كلبي وي يكلبي وموتاني
أحمد الذهبي 💜
خاطر مالي يمك من رحت سكته
وطلع من صدري ، كلبي وأنت ما شفته
شسولف والحجي بعيوني صاير ماي
هذاك اليوم حتى الليل ما نمته
زين العباد 💜
هذا گليبي ورطني
محد سوه هاي سوايته ودگته !
بعد ما قررت الاوداع
نزل من القطار وكلي روح أنت
عزت عباس 💜
ما ناسيك بس والله الظروف هواي
واحس بثنينهن مشتاك ومقصر
انا لو عايفك ما جان افز بليل
وأشبگ صورتك وثنينه نجمر
زيد السومري 💜
واصل مرحلة من تنام
كل شويه تكعد فاز
وتركض على رسايل داز لو ما داز
من ما تلكه اي مرسال
ترجع للمخدة بصيغة المحتاز
وما تكدر ترد تنام
اذا تكدر ترد تنام هذا انجاز
حسين الصباح 💜
حسيت المطر بي نقص هلمره
مو نفس الشعور القبل هالفترة
اول مره اعبر من ضباب الچام
لا اسمك كتبته ولا عفت ذكرة
سفيان الحمداني 💜
بلايه كلمة لمه عينج
ودت العيني سلام
بلايه كلمة ومن يمر بالليل طيفج
يحرم عيوني المنام
غني محسن 💜
بكثر ما ضاحك جذب باجي عليك
حساسي يمك ماي واحساسك حجر
انت والنورس صدك تتشابهون
تنسه روحك وين ما صحلك نهر
عقيل العرد 💜
اذا من دون علمي وباسك الغير
وي لمسة شفافك كلبي ينداس
كون الله بكثر ما رقة منطيك
مخليلك ضمير وذرة احساس
الف مره كلتلك كلبي مو زين
يوجعني اذا بطيف تنباس
اذا ما بيك وجهي تبيضه فد يوم
انا اترجاك كافي تبيض الراس
فاضل كريم 💜
وشاماتج الما تنعد !!
اللو ارسم رسم هم ما احط هلكد
علي مهدي 💜
الما بيهم محنة وما يمرون
ناخذ بابنه وندك اديهم
علاء عبد 💜
انا انسان بس مشكلتي يفلانه
غيرج ما أحس تلوگلي انسانه
أنخلقتي انتي وبقت من طينتج طينه
خلقها الله وطلعت انا
حسين المرياني 💜
اليوم جابتني المحنة
وگمت اغني گبال بيتك
عود گلتلهم نسيتك
كريم البغدادي 💜
سئلوني على كلبي وگلت خالي
وعشت احساس واحد لا ابالي
بس ما طولت عرفوني مشتاگ
من فكرت بيك بصوت عالي
عصام كريم 💜
عشت عمري بقلق وياك
الرسايل من تجيني الغام
اذا وصلن بتالي الليل
لا افتحهن ولا نام
كرار وميض 💜
تعال احجيلي شيحلها؟
عيونك ما تحبني الفدوه اروحلها
باهر الجنديل 💜
يا صنم طولك بيدي من صب
مالك ذنب لمن صرت رب
علي مهدي 💜
الحيره شلون أوصفها؟
وشلون وياك أتخارب
وهسه أتمنى ياهو يفوز
اذا وي نفسي أتحارب
حسين الصباح 💜
من طال النظر بيه فرحت هواي
شمدريني جنت تختار !!
محمد فرات 💜
يا حبيبي الليل حلفني بضحكتك يله نمته
مره كتلي الدنيا شنهي وكتلك انت
باهر الجنديل 💜