737
للتواصل @aqeelalkadhmi قصائد مدح ورثاء اهل البيت الاطهار عليهم السلام
بأنفاس الشاعر والرادود القدير الحاج ابو زينب الكعبي
في ولادة مولاتنا الزهراء عليها السلام
گلب الرسول ابتشر ابشر يحامي الحمة
نور الوديعة لمع. وعله البريه سطع
ابشر يحامي الحمة
......
عقيل الكاظمي
لا تنسوا والدتي بالدعاء والفاتحة جزاكم الله خيرا
❇️ ابوذية لولادة السيدة فاطمة الزهراء عليها السلام
إباء الدين والعزة إباها
ومصيره في سقر كل من إباها
أبوها النبي وصارت أم أباها
أبو الاكوان منهو تكون هيه
عقيل الكاظمي
في كربلاء المقدسة شكرا لسماحة السيد مهدي الاعرجي
Читать полностью…
❇️ ابوذية لاستشهاد السيدة الزهراء عليها السلام
يبو ايمين القلع خيبر فدكها
جاوبني واخذ روحي فدكها
شلون اصبرت من غصبوا فدكها
شلون بايدك دفنت الزجية
عقيل الكاظمي
❇️ ابوذية لاستشهاد السيدة الزهراء عليها السلام
بنت من أم من حليلة من ؟
ويل لمن سن ظلمها وأذاها
لأحد الشعراء
الكرم والجود والعز منبعلها
وابوها اشرف الوادم منبعلها
بنِتْ مَنْ والدة مَنْ، مَنْ بعلها
الويل الويل للآذه الزجية
****
شاعر الكاظمية الخالد المرحوم ملا حسن الكاظمي
يوم استشهاد الصديقة الطاهرة #فاطمة #الزهراء عليها السلام.
مساجلة #ابوذيات متواضعة مع العم العزيز #الشاعر و #الرادود القدير الحاج ابو زينب الكعبي حيث كان لي شرف زيارته في داره المباركة في #الحلة..
كل الشكر لحفاوة الاستقبال وجمال الملتقى ونسأل الله ان يديم علينا #خدمة #محمد وآله الطيبين الطاهرين
❇️ قصائد ولادة آية الصبر والعفاف زينب صلوات الله على صبرها
وحي الصبر
-----------
صوت الحزن صاح بإذنهه اليمنه = وحي الصبر كبّر بِذِنهه اليسره
اصبحت اكبر من كيان الاحزان = ولهاي سموهه العقيله الكُبره
من گبُل ما عالدنيا يسطع ضيهه = وجور الحياة اعليهه يطلع فجره
عالم الارحام الذي گيّدهه = غذّاهه دم حريه طلعت حُرّه
شكلين الهه امن الرضاع اتعيّن = من صدِر امهه وجِفِن امهه ودَرّه
صدر امهه غذّاهه ابحليب العِفّه = والجِفِن غذّاهه بدمع من سِرّه
اوسِر الدمع ظل كامِن ابمُقلَتْهَه = وانكشف، يوم حسين گطعوا نحره
ما گمّطوهه بثوب ابيض لاچن = ربّ العفاف اعليهه أنزل خِدره
ابسِتر الله محجوبه وكِذَب كل من گال = يوم الطفوف الگوم سِلبوا سِتره
مفتوح چفهه امن المهد ما ينسَد = لچف الكفيل اعلى العهد تنتظره
مِن گبُل ميلاد الكفيل العباس = ابفِكر العقيله انولد، أروع فِكره
تتبسّم امن تشوف هيبة حيدر = لاچنهه تتخيّل براسه الطبره
تضحك اذا أزهر جمال الزهره = وتتخيّل الضِلْع او تِنوح لكَسره
اتشوف الحسن، تشعر بلوعة سمّه = تشوف الحسين، تشوف گَطْعة نَحره
حفّتهه أفراح الأهل لاچنهه = ما بين افراح اوكِدَر متحَيْره
مولود ويّاها اوصُبَح توأمهه = والَف مشاعرهه الحزن من زُغره
وتربّه بحشاها وكُبَر وتعلم = منهه، اوصُفَت امّ الحزن عالفطره
حتى الفرح هم تختلف ألوانه = بعيون زينب لونه لون الحسره
حتى الدمع يتغيّر ابوجَنتْهه = دمعتهه بيضه اليوم، باچر حَمره
حتى الحلم بيه الصور مختلفه = اوگاع الجنان البيه تصبح صَحْره
حتى الألم من المهد للمرقد = يتجدد واسبابه صارت كَثره
بس الصبُر ما يوم عنهه اتخَلّه = عالمُرّه عاش وياها واعلى المُرّه
والامل صار اويه الصبر عون الهه = ليوم الظهور بهالأمل تنتظره
------------
عقيل الكاظمي
لا تنسوا والدتي واخوتي بالدعاء والفاتحة يرحمكم الله
❇️ ابوذية استشهاد سيدة نساء العالمين مولاتنا فاطمة الزهراء عليها السلام
ابمهجتها چثيرة اسيوف بردن
وجمرات الهضم ما يوم بردن
غدت تمسح دموع الحزن بردن
على اللي طاح منهه للمنية
عقيل الكاظمي
مدونتي instagram
❇️ قصائد استشهاد السيدة الزهراء عليها السلام
كعدة
انصر جروحك ولا تطلب مناصر
واكتب احزانك قصيدة بقلم شاعر
شما تعاني من وضع * كلهه من يوم الضلع * والمناحر
------------
شما تعاني من مصيبه كلهه من مصيبة الباب
كل غدر بالدنيه اصله فرع من غدرة الاصحاب
دفعوا اعلى الزهره باب اندفع بيهه اعلى الزمن باب
واللي تعلّم عل غدر * ميهمة خاطر ينكسر
ميهمه لو يطحن صدر * حتى لو گلب النبي انصاب
هذا واقع بينه كل لحظه نعيشه
شما جمع ظالم على المظلوم جيشه
ولو تعده اعلى الشرع * كلهه من يوم الضلع * والمناحر
------------
ابگلبك تعيش المرارة ابعينك امن المدمع دهور
العصرت الزهره وصدرهه بيهه صدر الكون معصور
اختنگت الدنيه وضلعهه لحد هذا اليوم مكسور
من عدهه وتوالت محن * طبرة علي ، سم الحسن
وبسيوف غدّاره وفتن * بالطفوف انحزّت انحور
لولا ضلع الطاهره الما يطفه جمره
ما نزف دم الحسين وغاب فجره
وذاك نحره المنگطع * كلهه من يوم الضلع * والمناحر
------------
اول ارهابي تجرّأ وجّر النيران عالدار
منّه كل مجرم تعلّم ايروّع الاطفال بالنار
اوكل جنين ايموت صبرا على المحسن عينه تندار
وكل ضلع لمن ينكسر * يمّه الوديعه تنذكر
وكل راعي حگ من ينغدر * تنذكر محنة الكرار
اول ارهابي انولد يوم السقيفه
واصبح بكل مرحلة اينصّب خليفه
لهل جذر داعش فرع * كلهه من يوم الضلع * والمناحر
------------
من هِجَم جدّ الدواعش هناك بالدار الحشد چان
ابو ذر وابن ياسر وابن الاسود ويه سلمان
لاچن ابيَدهم وصيه چتفتهم عن الميدان
ولهالسبب داعش فِتَك * من شاف خالي المعترَك
كسروا ضلع غصبوا فدك * ما رعوا حرمة الانسان
صاحوا اصحاب المفاسد والمطامع
يا علي لو نمحي بيتك لو تبايع
صوت لسّا ينسمِع * كلهه من يوم الضلع * والمناحر
------------
انتفض حشد الله ابزمنّه ايحارب بكل الميادين
شافوا ابكل جرح زهره وكل يتامه حسن وحسين
نصروا دموع البراءه أمّنوا ورد البساتين
للتضحية رسموا صور * تتخلّد بطول الدهر
ولو ردنه نحفظ هل اثر * هل اثر يحتاج تدوين
عدنه اقلام وندوّن هل مسيره
حتى لا ينسى الذي بايِع ضميره
بالوهم من ينخدع * كلهه من يوم الضلع * والمناحر
------------
هذي محنتنه وجرحنه وابد ما ننسى الذي صار
دموعنه التجري قصايد نكتب التاريخ باشعار
حتى لا يخفي الحقيقه ظالم وحاقد وغدّار
حتى لا ينسى الزمان شلون عالزهره الظلم دار
حتى لا تنسى مهجنه اشظلت ابمهجتهه آثار
حتى لا ننسى ابمتنهه من سياط الحقد تذكار
لازم انذكر العالم باللي طاح ابعتبة الدار
يمكن امن الرعب روحه طلعت بعالم الاخطار
لو عدل بس ما تحمّل ايشوف امّه اگباله تنهار
مات الجنين ابحسرته
وروحه اطلعت وي غيرته
وفضه اجت وتلكته
ابصدره شافت اثر بسمار
--------
عقيل الكاظمي
يهدى ثوابها الى روح والدتي و الشهيد السعيد #درة_لبنان_الساطعة
❇ قصائد استشهاد السيدة الزهراء عليها السلام
#رئيسية
يالتنشد عليمن دمعي يهمي * دمعي المانشف لمصيبة امي
أشرحلك وضعهه ** من كسروا ضلعهه
------------
اجه لزينب مسح دمعة جفنهه
عباس اوغده ايونّ اعلى ونْهه
نِشَدهه عن سبب همهه وحزنهه
اوبِدَت حسراتهه تشرح محنهه
يل تنشدني عن همي وعذابي * هاك اسمع يبو فاضل جوابي
والقصه استمعهه ** من كسروا ضلعهه
-----------------
ابمثل هل يوم اجانه الموت زاير
علينه حرم اصوات البشاير
بس النوح چان اويانه حاضر
ونار الفاجعه وسيل المحاجر
الزهره امن النبي اعظم أمانه * ماتت من غدر أهل الخيانه
والخالق رفعهه ** من كسروا ضلعهه
-----------------
هِتَف وبصدره حسره تزلزل الطود
اومثل دمعة حزنهه ابعبرته ايجود
امچ زهرة الخالق المعبود
شلون تموت واهيه بعمر الورود
وليش اعلى النحب تگضي نحبهه * اوتغفه وجمرة النوح بگلبهه
ويخمد ضي شمعهه ** من كسروا ضلعهه
-------------
صاحت زينب ومنهه الگلب ذاب
خمس سنين عمري وشفت الاجناب
على امي تجسّروا من دفعوا الباب
وصابوهه بكسر للموت ما طاب
عصروهه وسگط منهه حَمِلهه * محسن وانگطع منَّه أملهه
وهل موقف فجعهه ** من كسروا ضلعهه
----------------
الباب احترگت بنار الرزية
اوكِسَر ضلع امي بسمار المنية
ومن گيْدوا علي طلعت سبية
أبونا الچتّفت عزمه الوصية
بتراب اللحد حجّب بدرهه * وعن أهل الغدر غيَّب گبرهه
وغسّلهه بدمعهه ** من كسروا ضلعهه
-----------
سمع عباس حرگة باب الاسلام
تراواله الطفوف وحرگ الخيام
وبوادي المحن منه الفكر هام
تِخَيَّل سبية اخته لديرة الشام
حط ايده اعلى سيفه وگلبه يلهب * مرة اعلى الضلع مرة اعلى زينب
صار الون طبعهه ** من كسروا ضلعهه
-------------
عقيل الكاظمي / بغداد
🟣 الولادات الربيعية المباركة
قال الرسول الأعظم (ص وآله): إن علماء شيعتنا يُحشرون فيُخلع عليهم من خِلَعِ الكرامات على قدرِ كثرة علومهم وجدهم في إرشاد عباد الله، حتى يُخلع على الواحد منهم ألف ألف خلعة من نور
📚 المصدر/بحار الأنوار
قال الإمام الصادق ع: علماءُ شيعتنا مرابطونَ بالثغرِ الذي يلي إبليسَ وعفاريتِه، يمنعونَهم عن الخروج على ضعفاءِ شيعتنا، وعن أنْ يتسلط عليهم إبليسُ وشيعتُه
📚 المصدر/الاحتجاج
قال السيد الشهيد الصدر "قدس": إنه (ص وآله) أولُ النبيين ميثاقاً وآخرُهم مبعثاً. أمّا إنه أولُهم ميثاقاً فلأنه هو أولُ من قال بلا في عالم أخذ الميثاق. حين قال الله سبحانه لخلقِه أَلَسْتُ بِرَبِّكُمْ؟ وقد سبق (ص وآله) بذلك كل الخلق حتى الأنبياء والمرسلين.
📚 المصدر / ما وراء الفقه، ج6
❇️ ولادة النبي الحبيب المصطفى محمد صلى الله عليه وآله وسلم
وُلِـدَ الليلةَ خيرُ الكائناتْ * فارْفَعوا أصواتكُمْ بالصلـواتْ
كل محب هل يوم ردد * صلـوا عل هادي محمد
صلــوات
--------
موطنه ابگلب اليودّه وشانه من شأن الجليل
ما حوت وصفه القصـائد عجـزت اوزان الخليل
مَــوْسَقِتْ كل القوافي الراقصه بلحني الجميل
وصدح صوت المنشدين بچلمة الشـاعر عقيل
أيُّها السّـامِعُ الحانَ الغرامْ * هَـبَـطَ الوَحْـيُ بِإلهـامِ الكَـلامْ
وبيهه صوت المحب غرد * صـلوا عل هادي محـمـد
صلوات
--------
يا قلم بـاللوح إكتب مـيم حـاء وميم دال
كل حرف يحمل معاني آيه مـن وحي الكمال
وارسم بلوح القـداسه صوره للحب والجمال
بمولد الهادي محمـد(ص) واسمع العاشگ شگال
هامَتِ الروحُ بِآفاق الوِدادْ * خَفَـقَـتْ بالحبِّ أركانُ الفـؤادْ
بمولد الحق الممجَّدْ * صـلوا عل هادي محمد
صلوات
---------
كل حرف قنديل أصبح يسطع بعرش الإله
يحمل اسـرار وعـوالم بيهه عقل المحب تاه
فاز من سار ابطريقه وتبَع نفس الاتجاه
تُستجاب الدعوه باسمه وما يخيب اللي رجاه
شَمسُ طه فرعُ أنوارِ الإله * هكذا من ربَّهِ أضـحى عُلاهْ
وبيه دين الله تأيّدْ * صلوا عل هادي محمد
صلوات
--------
يا گمر احجب جمالك عـن سمانه يا گمر
ويا شمس كفّي شُعاعچ عنچ استغنه البشر
أشرقت شمـس الرساله وضيهه عل كون انتشر
اليوم وجه الهادي ضوّه وبيّض اجبـين الدهر
ذا وليدٌ وَلَدَتْهُ المعجـزاتْ * ليسَ للنورِ ظِـلالُ أو جهاتْ
ابهل مثل شخصه تفـرّد * صلـوا عل هادي محمد
صلوات
---------
كائن بخَلقه المثالي ما يرافگ جسمه ظِل
نور مـن أقدس مشارق بل مغارب متّصل
اسمه ما بين الوجود وخـالقه همزة وصل
فرد واحد ماله ثاني وأصبح لكل محب خِل
هُـوَ في أَوْصافِهِ فَذٌّ فـَريدْ * هُـوَ لي أَقْربُ مِنْ حَبْلِ الوريدْ
وِبْسِمه العشاگـ فرقدْ * صلــّوا عل هادي محمد
صلوات
---------
يا گلب خلّي المشـاعر ترسل بأوسع مجال
وانصـب انترنيت حبّي وشبكات الاتصال
وبِث على الأقمار كلهه صوت هذا الاحتفال
خلّي كل الناس باسمه تتجه للابتهال
إِرْفَعوا أيْديَكُمْ نَحْوَ السماءْ * وَأَنا أسأَلُكمُ هـذا الدُّعـاءْ
والأمل مـنَ نوره يمتد * صلوا عل هادي محمـد
صلوات
--------
#عقيل_الكاظمي
❇️ قصائد الامام الحسن العسكري عليه السلام
#رئيسية
جيت اقره قرآن العشگ بيدي سلاحي
ثوب الوفه بسوح الحرب أصبح وشاحي
جندي بحشد حبك صرت ناذر دمائي
-----------
شبّت على حدود الوطن نار الخيانه
باعوا ترابه وخانوا حگوگ الأمانه
والأرخصوا هذا الوطن
خانوه بالسر والعلن
بالطائفية وبالفتن هزوا كيانه
شنوا حرب عل معتقد واضح هدفهم
دين الضغائن والغدر مبدأ سلفهم
وآنه اعلى دين المصطفى صار ابتدائي
جندي بحشد حبك صرت ناذر دمائي
----------------
راياتهم تشبه ضمائرهم مظلمه
ووجوههم صفره وأبد ما بيهه رحمه
اسم الله عل رايه انحمل
بس بسرائرهم هُبل
بسوء النَوايا والعمل عقدوا الهمّه
من سيرة ابن النابغه درسوا السُنه
وآنه اعلى منهاج النبي ما مِلِت عنه
سيرة الهادي والوصي هو الروائي
جندي بحشد حبك صرت ناذر دمائي
---------------
شنّوا حربهم بالحقد ضد الشريعه
وبدمهم الخسّه وجرائمهم شنيعه
مره بقتل مره بنحِر
وسبايكر شاهد عصِر
ويصرخ نزِفنه المستمر ذوله احنه شيعه
ولمّن وصل يم مرقدك جيش المطامع
رادتني ساحات الشرف عنك أدافع
ولبّيت والعالم سِمَع صرخة ندائي
جندي بحشد حبك صرت ناذر دمائي
-------------
حشّدني حبك والحرب بهواك عيدي
بسمك أحفّز همتي وذكرك نشيدي
ناذر بدربك منحري
وجرحي انتفض يل عسكري
وصرت بغرامك عسكري وسلاحي بيدي
يصعَد غُبار الملحمة وتصعد الغيره
وأعلِن هجومي والعدو يعلِن نفيره
يَسقط لواءه ويرتفع بالحق لوائي
جندي بحشد حبك صرت ناذر دمائي
-------------
أول سلفهم صاب بالمحراب جدك
وآخرهم بسم الخيانه صاب چبدك
المعتمَد صوب چبدتك
واحفاده هدموا گبتك
ولليوم ظلت غربتك وجروح فگدك
كلما أثور اعلى الخصم وبگلبي ناري
منهم أريد لچتلتك آخذ بثاري
واستشهد بسوح العشگ لجلك رجائي
جندي بحشد حبك صرت ناذر دمائي
--------------
بحِجر الشهادة من طحت يل غالي لجلك
ميت وعيني اعلى الدرب منتظره شبلك
وجروحي تنخه المنتظر
يا ساعه تظهر يا گمر
الدنيه انملت جور وخطر محتاجه عدلك
يل عسكري وتحت اللحد من صار أمري
ظليت اناطر والأمل تحضر بگبري
بيك ابتديت ويمّك ايصير انتهائي
جندي بحشد حبك صرت ناذر دمائي
-----------
عقيل الكاظمي / بغداد
❇ قصائد استشهاد الرسول النبي الأعظم محمد صلى الله عليه وآله وسلم
طلَعَ الحُزنُ علينا وشَعَرنا بالضياعْ
وَجَبَ الدمعُ علينا ونُناديكَ الوداعْ
جِئْتَ بالقلبِ الرحيمْ * وفقدناكَ عظيمْ
يا محمد
----------
مثلَما كانَ شذاكَ المُرتَجى عِطرا
ظَهَرَ الحُزنُ على أجوائِنا نَشْرا
يا أباً للدينِ والدنيا وللأُخرى
قد نعاكَ الحقُ يا آيَتَهُ الكبرى
أيُها المبعوث فينا صاحبَ الأمرِ المطاعْ
يثربٌ تبكيكَ دَمعاً ودَمَاً يا خيرَ داعْ
كنتَ للأمرِ زعيمْ * وفقدناكَ عظيمْ
يا محمد
----------
طَلَعَ البدرُ علينا اليومَ ينعاكا
وفؤادُ الشمسِ قد طَلَّقَ دُنياكا
غابَ مَعناكَ فَوَارى الهمُ مَغناكا
أيُ نورٍ شعَّ في الأكوانِ لولاكا
أنتَ نورُ اللهِ فينا والى اللهِ تعودْ
قلبُكَ اللاهوتُ فيهِ سرُ أسرارِ الوجودْ
إنَكَ النورُ القديمْ * وفَقَدْناكَ عظيمْ
يا محمد
---------
كفُ أهلِ الغدرِ سلَّتْ سيفَ أحقادِ
طبعُها الغدرُ وإرثُ الطبعِ من عادِ
طَعَنَتْ قلبَ الهُدى في فِعلِ أوغادِ
أيُها المُنذرُ أبكى فقدُكَ الهادي
إنَّما أنتَ نذيرٌ بَعدَك الكرارُ هادْ
هل سيهدي قومَ عادٍ إرمٍ ذاتِ العمادْ
والهدى أضحى يتيمْ * وفقدناك عظيمْ
يا محمد
-----------
بعد أنْ قد جرَّعَتْكَ السُمَ بالغدرِ
بعد ما أوْرَتْ بهِ أحشاكَ من جمرِ
أمةُ السوءِ رمَت علياك بالهَجْرِ
لعنَ اللهُ إمامَ الغيِ والكُفرِ
نَذِرَ الأمرَ فأضحى حائلاً دونَ الكتابْ
عينُهُ العمياءُ لم يُبصِرْ بِها عَينَ الصوابْ
فقد اختارَ الجحيمْ * وفقدناك عظيمْ
يا محمد
----------
جرّعوكَ السُمَ والآلامَ والهمَّا
وأصابوكَ بما قد هوَّنَ السُّمّا
أحرقوا قلبكَ بالداهيةِ العُظمى
كسَروا ضِلعَ التي كانت لكَ الأُمّا
أسقطوا منها جَنيناً أفجعوها مرتينْ
ضربوا رأسَ عليٍ قَتَلوا الريحانَتَينْ
حاربوا الدينَ القويمْ * وفقدناكَ عظيمْ
يا محمد
----------
وَرِثوا من سُنَنِ الماضينَ أمثالا
أوْرَثوا حِقْدَهُمُ والغدرَ أجيالا
جرَّأوا كُلَّ لئيمٍ قال ما قالا
فحباكَ اللهُ إكراماً وإجلالا
يا عظيمَ الشأنِ مهما قال عنكَ المُلحدونْ
رَفَعَ اللهُ بكَ الدينَ وخابَ المُبطِلونْ
يا صراطاً مستقيمْ وفقدناكَ عظيمْ يا محمد
----------
عقيل الكاظمي
لا تنسوا والدتي من دعائكم والفاتحة
❇️ ابوذية لولادة السيدة فاطمة الزهراء عليها السلام
يشع نور الجلاله من ولدها
فرع منها واصلها من ولدها
اذا هيه ام ابوها من وِلَدها؟
واذا من قبل آدم، منهو هيه؟
------
عقيل الكاظمي
لا تنسوا والدتي واخوتي بالدعاء والفاتحة
#فاطمة #الزهراء #ام_ابيها #سيدة_النساء
❇️ زهيري لولادة مولاتنا ريحانة ابيها العظيم فاطمة الزهراء صلوات الله عليها
أبدع دليل المحب ابحبه وظهر فنّاه (الفن)
لبضعة الهادي النبي بادي العمر فنّاه (البداية والنهاية)
واللي يضدهه الإله ابقدرته فنّاه (الفناء)
ويا تعس حظه الذي لبغض الطهر باديه (اظهره)
لو عمل ملء البحر وما أوسعت باديه (الأرض الواسعة)
من حيث هيه الفضل والبالفضل باديه (البداية)
والما يودهه يصل جنة الخلد فنّاه
-------------
عقيل الكاظمي
❇️ ابوذية لاستشهاد السيدة الزهراء عليها السلام
يبو ايمين القلع خيبر فدكها
جاوبني واخذ روحي فدكها
شلون اصبرت من غصبوا فدكها
شلون بايدك دفنت الزجية
عقيل الكاظمي
قصيدة الزهراء عليها السلام
لشاعر الكاظمية الخالد المرحوم ملا حسن الكاظمي
بحر سريع
وارَه الوديعة حيدر اومدمعه
يسچب دمه اوعدها الگلب ودعه
****
ايده نفضها من تراب اللحد
وبمهجته ورّثَت نار الچبد
هيهات ناده يالوديعة اجد
راحة وعليّه ارماحها مشرعه
****
يا بنت سيد جانها والإنس
داري بگت موحشة اومالي ونس
من غاب نورچ غاب نور الشمس
بوجهي طفت انوارها الساطعة
****
الله يا خيرة نساء العرب
كسر الضلع ناره ابدليلي تشب
اوبسمار صدرچ صاب هرش الگلب
مصابچ لعد هرش الگلب گطعه
****
ما يالوديعة اعليچ يغني الدمع
اوكثر اللطم والنوح ما بي نفع
مِن اذكُر سواد المتن والضلع
ابعتبة الدار اجنينج اومصرعه
****
حّول ابوجهه اودمع عينه يهل
اوناده برفيع الصوت سيد الرسل
هاي الوديعة وافتك بالوصل
والجره اعليها من امتك تسمعه
****
اهل الغدر كسروا ضلع فاطمة
والسامري ابسوطه المتن ولمه
صلت عليك اهل الأرض والسمه
جبريل ولغيرك ابد ما نعه
****
لشاعر الكاظمية الخالد المرحوم الحاج ملا حسن الكاظمي
❇️ ابوذية لاستشهاد السيدة الزهراء عليها السلام
الصبر ما ريده يالزهرة وئن صاح
اريد انحب على مصابج وئن صاح
ذكرت الطاغية ابابچ وئن صاح
وكسر گلبج وضلعج يالزجية
عقيل الكاظمي
❇️ قصائد استشهاد السيدة الزهراء عليها السلام
سجل البسمار * عالضلع تذكار
لحيدر حنه ضلوعه * وظلت من ادموعه
عالضلع تذكار
------------
اجه بحقده وظلامه وجاهليته تفور
عُبَر كل الحدود لحد ملاذ النور
البسمار وطلع من عنصره مذعور
لمن شاف طوفان الضوه المهدور
تتصاعد النار * بمنزل الكرار
والزهره مفزوعه * وظلت من ادموعه
عالضلع تذكار
------------ 1
غفه البسمار فوگ الضلع المهشّم
والمحسن غفت عينه اعلى نار ودم
ابگلب حيدر على الزهره الحزن غيّم
صفه بموسم لهيب اجروحه يمطر هم
آلامه أمطار * وجروحه انهار
بجفونه مجموعه * وظلت من ادموعه
عالضلع تذكار
-------- 2
عاشت فاطمه الزهره بضلع مكسور
وحيدر عاش ويّاهه ابصدر مجمور
اذا صاحت ، ابچفه ذولفقاره ايثور
واذا ناحت ، تمر بي لهبه من عاشور
بروحه الجرح صار * خيمه بوسط نار
واختنگت شموعه * وظلت من ادموعه
عالضلع تذكار
-------- 3
بنه بيت الحزن الهه ابّگايه الحيل
حتى اتهل مدامعهه ابنهار وليل
تودع الشمس وتبات اويه نجم اسهيل
اويواسيها علي وعبراته شبه السيل
دمعاته احبار * وجروحه اسفار
للحزن موسوعه * وظلت من ادموعه
عالضلع تذكار
--------- 4
نشف منهه الدمع ساعة نزاع الروح
مثل موت النده بزهرة عمر مذبوح
دفنهه بليل ، شاف العالم بلا روح
رجع وبگلبه أيوب المآسي ونوح
اومن ليل الافكار * ما يطلع انهار
ساعاته مفجوعه * وظلت من ادموعه
عالضلع تذكار
--------- 5
الچان بنظره من عينه يشلّ احروب
الچان بعدله يقلع للمظالم بوب
عليه صار الحزن طول العمر مكتوب
مكسور الگلب بس ماتمه منصوب
وبسمع الاقدار * بغياب الانوار
آهاته مرفوعه * وظلت من ادموعه
عالضلع تذكار
------ 6
عقيل الكاظمي
قصيدة استشهاد الزهراء عليها السلام
وحي جرحي
وحيُ جُرحي * رتَّلَ الحُزنَ المبينْ
صارَ دمعي * آيـةً للعالمينْ
الرادود جليل الكاظمي
الشاعر عقيل الكاظمي
❇️ قصائد استشهاد السيدة الزهراء عليها السلام
من يوم ضلع أمك يمهدينه تكسّر
لليوم وجروحك نَزِفهه ما تخثر
--------------
ما شفت بعيونك يغايب ذاك المصاب
ولا غيِرَت أنوار وجهك حرگة الباب
لكن عشتهه من گبل عالم الأصلاب
هل جَرِح عاش بمهجتك من عالم الذر
-------------
انعرضت صور هذا الجرح والباري راواك
من عالم الذّر سيدي ما فارگ احشاك
منك اخذ عهد الصبر يل مهدي ونطاك
ميعاد تاخذ بيه ثـــارك يوم تظهر
-------------
بهاي الصور شفت الهجوم الصار عل دار
وظلت بصدرك يا بو صالح كل الاسرار
اسمعنه بضلعهه وبل جنين ولهبة النار
يل مهدي لاچن ما لفتنه اخبار اكثر
--------------
هل نار يمكن نثرت اعلى امك جمرهه
ومو بس ضلع يمكن تهشم كل صدرهه
ولهل سبب ماتت وهي بزهرة عمرهه
وجمره بگلبهه اعلى الجنين الطاح تسعر
--------------
ما گول ريتك حاضر بهاي الفجيعة
جدّك علي هو الأمين اعلى الوديعة
شاهَد خريف الفاجعه ذبَّل ربيعه
لاچن وصية المصطفى گيدت حيدر
--------------
جدّك تگيّد بل وصيّة وتدمع العين
وما من وصية اتگيّدك يبن الميامين
يوم اللي تظهر يا غيور لنصرة الدين
ما غيرك لكسر الضلع يل مهدي يثأر
-------------
عقيل الكاظمي
❇️ ابوذية لولادة النبي محمد صلى الله عليه وآله وسلم
حازَ مِن جَوهرِ التقدُسِ ذاتاً = تاهتْ الانبياءُ في معناها
الشيخ كاظم الازري رحمه الله
ارتوت روحي بشهد عشكه ولاذات
ابوداد المصطفى سكنت ولاذات
اله التقديس من الله ولاذات
الرسل تجهل معانيها الخفية
عقيل الكاظمي / الشارقة 2005
❇️ قصيدة ولادة النبي الحبيب المصطفى محمد صلى الله عليه وآله وسلم
بيدك أغلى مفتاح
حبك يخطف ارواح
يا آية كمال يا نور الجمال
بينه تعيش حروفك بالدم
------------
يا رسول الله غرامك عايش ويانه
ضي كراماتك على المعبود دلانه
يا نظر عين الجمال ومنبع الوانه
الباري تمم بيك امره وفكرة اديانه
باسمك كل محب صاح
حبك يخطف ارواح
يا شمس الجلال يا نور الجمال
بينه تعيش حروفك بالدم
-----------
اسمك الطاهر سحرنه بكل معانية
ميم حاء وميم دال حروف الهية
كوّن المعبود صورتها المثالية
وبيهه تمم نور الاديان السماوية
نورك للعقل لاح
حبك يخطف ارواح
بيك اعظم خصال يا نور الجمال
بينه تعيش حروفك بالدم
---------
الميم ماي الله الجعل كل شي عذب منه
الحاء هذا انت الحياة البيهه نتغنه
الميم مصباح الهداية ودرب للجنه
الميم ميزان العدل للانس والجنه
دالك دين الاصلاح
حبك يخطف ارواح
عصمه من الضلال يا نور الجمال
بينه تعيش حروفك بالدم
---------
سيدي بمولد ضواك انولدت الفرحه
والأمل لو ما جمالك ما طلع صبحه
ياللي عدل الله بوجودك مرتفع صرحه
تدري حبنه لغير گاعك ما خفگ جنحه
فجرك أحلى مصباح
حبك يخطف أرواح
يا ضي الهلال يا نور الجمال
-----------
يا نبي الله نهارك من طلع فجره
بدد الليل وظلامه وانتشر عطره
زلزلِت إيوان كسرى وأرعبت كسرى
وحسّت إسرائيل حالتها أصبحت خطره
ذكرك ضدهم سلاح
حبك يخطف أرواح
لو أذن بلال يا نور الجمال
-----------
عقيل الكاظمي
لا تنسوا والدتي من دعائكم والفاتحة
❇️ ابوذية ولادة النبي الحبيب المصطفى محمد صلى الله عليه وآله وسلم
واخضرارُ العَصا بيُمنى يديهِ
كاخضرارِ الآمالِ في يُسراها
الشاعر الكبير الشيخ كاظم الأزري رحمه الله
على الكون انهمر جوده بيمناه
استقر مسراه بالهادي بيمناه
مثل العصا امن اخضرت بيمناه
ابيساره اخضرّت آمال البرية
#عقيل_الكاظمي
قصيدة
جيت اقره قرآن العشگ بيدي سلاحي
الرادود جليل الكاظمي
كلمات الشاعر عقيل الكاظمي
❇️ قصائد استشهاد الامام الحسن العسكري عليه السلام
ذا نِدائي * بِوَلائي لستُ انساكَ يبنَ محمدْ
صوتُ قلبي * سَيُلَبّي لستُ انساكَ يبنَ محمدْ
صرخةٌ في ذاتي رتَّلَت آياتي يا إمامي
-----------
صرخة من ذاتي وصداها يردد اسمك
رتِلَت آيات من قرآن همّك
اذكرِت چبدك سيدي ومصاب سمك
اوعلى فراش الفاجعة اتصوّرت جسمك
بأنيني * وحَنيني وفؤادٍ بحُزنٍ توقَّدْ
هاجَ حُزني * ذابَ جَفني لست انساك يبن محمدْ
صورةُ المأساةِ رَتَّلَتْ آياتي يا إمامي
------------
سيدي بدار الغرب خلصت سنينك
او لا حصل واحد على همومك يعينك
جمرة السم خمّدت جمرة ونينك
چف مماتك غمّض اعلى النوح عينك
بِرِثائي * وبُكائي سوفَ أنعاكَ دَهراً مؤبَّدْ
جمرُ وجدي * خَطَّ عهدي لستُ انساكَ يبنَ محمدْ
واستَمِع آهاتي رتَّلَتْ آياتي يا إمامي
-----------
سيدي يل عسكري يبن الأطايب
سنين عمرك خلصت آلام ومصايب
حتى شبلك غاب من غدر النواصب
سيدي ولا زال عن كل عين غايب
غابَ صبرا * صارَ فجرا بانتظارِ الظهورِ المؤيَّدْ
وشِعاري * بانتظاري لستُ انساكَ يبنَ محمدْ
ساكباً دمعاتي رتَّلَتْ آياتي يا إمامي
-----------
غاب مهدينه ولواء الثار بيده
وبفؤاده تنزف جروح العقيده
كَسِر ضلع الزهره وحسين او وريده
اوياه سكنت دار الاحزان البعيده
وَالبلايا * وَالرزايا بينَ أحشائِهِ تتجدَّدْ
فهْيَ تَسعى * وهْوَ يَنعى لستُ انساكَ يبنَ محمدْ
وجراحُ الآتي رتَّلَتْ آياتي يا إمامي
-------------
ياللي چبدك من لهيب السم تفطر
وبدياجير اللحد نورك تستر
خصمك بهل يوم رد باحقاده أكثر
واعلى گبرك جمع حشوده ونوه الشر
وَاعتقادي * بالجهادِ أُرخِصُ العمرَ واللهُ يَشهَدْ
في حياتي * ومماتي لستُ أنساكَ يبنَ محمّدْ
رافعاً راياتي * رتَّلَتْ آياتي ** يا إمامي
---------------
عقيل الكاظمي / بغداد
❇️ ابوذية ولادة الامام المهدي عجل الله تعالى فرجه الشريف
متى تظهر يغايبنه ولك نار
وعلى العالم يهل بدرك ولك نار
الك فوك النهر راية ولك نار
ابدليلك سرت وي نار الثنية
------------
عقيل الكاظمي
سطع نوره مله الآفاق ناره
العذول ابمولده تلتهب ناره
المهدي للهُدى مصباح ناره
بيه اتنوّرت كل البرية
-------------
عقيل الكاظمي
گصه جوع المفارگ منتضرنه (تضورنا جوعا)
ولا نعرف التنفع من تضرنه (الضرر)
نصيح العجل وانت منتضرنه (الانتظار)
نصير اسباب للطلعه البهية
----------------
عقيل الكاظمي
نوِج كل ساعه يالغايب بلا نار
وبكينه نخبط بظلمة بلا نار
ننظر لعد واقعنه بلا نار
لجن لو نحجي تبرانه المنية
------
عقيل الكاظمي