630
الراد ينعد عالزلم يبجي عليك وانت بس ذكراك لمبجيني حسين كلشي يولي بس طرواك اريد انا ميت وانت لمحييني علي غسان للتواصل @ali_ghassain
ياسيد الماء
في كربلاء
بعد التحيه والسلام
حتركت علينه الخيام
*'****
مشتاكه اشوف اعيونك .. الماغفت كبل عيوني
مشتاكه اشوفن هيبتك .. عباس بعد اضنوني
مامقصر حتى اوديلك عتاب
ارتاح خويه ابخير ماطاح الحجاب
يابعد عيني على عيونك تراب
الهوه شامت ليه منك ريحه جاب
الهوه المنك جاي كون بصدري اضمه
حتى لو بعدوني عنك خويه اشمه
حيل عدوانك ابد مابيها رحمه
*****
تذكر لمن جنت بصبه .. وفوكي تحط جفوفك
منها وعرفت انا الك .. تكفلني يوم طفوفك
عباس وعيونك الك مشتاكه
خويه مغصوبه وصعدت الناكه
وين كلي وشوكت نتلاكه
عازت النشمي يذل افراكه
النوك هزله وخويه ماضل عدي حيل
ليل المناطر صعب مامثله ليل
جرح اشده وجرح نده وجرح ويل
***
يامحله جلمه خوه الك محلاها الك مكيوله
من اندهك تركض تجي وتكلي يامدلوله
تذكرتها خويه من صعدوني
والشماته على النهر مروني
الهضمه من كدامك وعبروني
غمضت عيني لجن شافوني
كلولي زينب هذا عباسج طريح
جلمه الخويه بعد مابيه اصيح
من على الناكه يركبوني واطيح
***
اتباها وانت عالرمح.. راسك غطه فوكانه
كلمن عشيرتها اجت.. يسئلون وين فلانه
عباس بس اختك بقت مكيوده
شامخه ومن القهر ممروده
عليه جفين الغرب ممدوده
على كل هذا واضل محسوده
فترت الدنيا ودخلنه بشامهم
وانا وي راسك وكفنه كبالهم
بخير خويه رتاح ماني بحالهم
**
علي غسان المياحي
طلع من الخيم
شهم فوك كحيله يمشي ورفرف بمتنه علم
لوه عنان الفرس
مغضب ونازل عليها فارس اليوث الهمم
ذبح عينه النضر
بعينه صد عالفرات وزلمه يمه ماسلم
نار تشب من سيفه .. الكون يصير بكيفه
جاي ياخذ حيفه .. دخيله
الطك اله ويحلاله .. قاده ماتدناله
ماتضل خياله .. دخيله
الزلمه اليوكف كباله .. حط براسه الف طكه
زلمه يعارك بحكه . نشمي مكمط بسيف
عالراسه رفت الريشه .. وبضهره ترف رايه
ذل العلكمي ومايه.. عارك حتى بالطيف
****
على عيونه الزعل
غصب الله بعينه نازل يكتل هو بخزرته
مثل فرت الرحه
هيج فر الحومه بيده ياثكلها سطرته
على خشوم الزلم
بطرف رمحه ذب جربته واكف اهو بهيبته
بليل غطه الحومه .. ماكو مثل علومه
بانت هو ارسومه .. دخيله
بيده كض صمصامه .. بوجه لف لثامه
ماكو شي كدامه .. دخيله
بجفه مالت الدنيا.. من يزمجر دخيله
مايتخيل كحيله.. سارج مهرته الريح
كهرب بس يدحجونه .. يخطف روس عدوانه
يكلهم ها أنا هنانه .. وينه البيكم يصيح
**
وكف فوك النهر
وكلش صار بيكيفه يمشي وحكمت الريشه الهوى
فزع صاب الجمع
المالحك جدامه يشرد يذبح بروحه نوى
تكوطر عالحرب
والحرب موسم حصاد وبو فاضل بي حوى
لازم الطف بيده .. مهره شك البيده
والحرايب عيده .. دخيله
ذرها رد لماها .. تكلط وفوكاها
مالت وشالها ... دخيله
حيد واكف بحيله... وبكثله هدم جرفه
جبير ومحد يوصفه .. سبع الكنطره هنا
طاهر راضع حليبه ... دهري وبي طبع هاشم
من يسله للصارم ... محد يكرب حذا
****
ترس جوده ونهض
والقيامه جنها صارت ابو فاضل من طلع
خبط صدر النهر
كام بيمنه نثرها ونوب ردها وجمع
نزل وسط العده
والكتيبه الي تجيله زلمه منها مارجع
بمتنه رفت رايه .. بحقه نزلت ايه
زلمه كد لحجايه... دخيله
بسيفه شد الغاره .. منه تطلع ناره
صارت الكناره.. دخيله
غيره وتارس اعيونه.. والحومه صفت بسمه
فارس محد يرسمه ... وكت الحرب ضرغام
الحومه ومنه مرعوبه.. والعيه ترب صارت
الشكره بيها من غارت .. لازم بيده صمصام
**
علي غسان المياحي
مولاي مسلم ابن عقيل
حيهم يغيرة هاشم نزل والصارم بيمينه عله
مسلم عزم بجفوفه تصيح الكوفه هلا بمرجله
***
هلا بزودك يالشوفتهم _علي رد بيومه
بعينك انت من خزرتهم _ الزلمه ذب هدومه
هلا بشمرة حيدر يتوكر على الصيده
الكوفه مالت بيهم وسيفه جنه رعيده
سرفن الها اردانه والحرايب عيده
بالحد وكف كل حيله _ بداها العيله _ عليهم هجم
مسلم يحوم عليها _كلب عاليها _ طواها الزلم
****
الجيش مصطف على الحد الكوفه _ وانت وحدك نازل
شاهر الباشط وكلها تشوفه_ اله محد واصل
السبع بيهم واكف ماوصل يم الصارم
الشرد طرف الكوفه هم شارد وماسالم
النام منهم ليله من الرعب فز حالم
للطك يكف ردانه _يكلهم انه_ على حدها وكف
سيطر عليها بكيفه_ بيمينه سيفه _ عليهم خطف
***
مالت ومسلم يلولح سيفه_ من دماهم ناكع
حيل اذاهم بسطرة ايده _ والشرد ضل نازع
عيت ودخان صارت بالحرب دك ثايه
والهواشم بالكلايف دوم الهم رايه
جيشهم رد خايب رجع الغزايه
رب المراجل بيها _ بده بتالها _ ورجع على الصدر
بحيله طوها الحومه_ على الملزومه _ عليهم يكر
**
خلصت ومامش زلم لتشوفه __ والسلم كض راسه
وصل لجيش على طرف الكوفه__ بطرف خيله وداسه
الكاع خسفت بيهم والركض منهم صايح
تعب الملزومه ومن الكد هل الواضح
مسلم وهل سيفه مارحم بالصايح
رجع عليهم غاره شهد بتاره كطفها الركب
كالو علي رد بينه وقسم يكضينه نفاها العرب
***
علي غسان المياحي
رجز لمولاي قمر العشيره
*
دقت نواقيس الحرايب من برز
برز العباس وانشق القمر
الكون اضلم والشمس قد غيبت
في سماء الله عباس ضهر
***
ارعب السبعين يوم الملتقى
مالك النهرُ على النهرُ وقف
زمجرا والطف دخان اعتلى
في رقاب القوم خطاف خطف
**
غار بالجيش كاليثٌ زائرا
غضب الله على الطف نزل
داس في اقدامه انف الرجال
عاد صولاته علي يوم الجمل
*
الجيش يوم الطف فرا هاربا
ارعب العباس جيش الكفرى
لم يكن ندا له وسط الفتال
الباري لم يخلق له نداً ترى
***
علي غسان المياحي
يا ايه من الله انت منزله
وبعيونك جن سوره زلزله .. دخيلك ياقمر بني هاشم
احساسك عالخيمه بس نده
من شخصك اتعلم الوفه .. دخيلك ياقمر بني هاشم
يالبسمك ذليت العطش
عالشاطي اسمك انقش
ياحيل الله وبيك العرش
الدوره البعيونك احله من الكمر
والريشه لبراسك من عدها الفخر
الليل على جفونك وتبده السهر
اجفوفك لزمنه وتروه النهر
'*******
الغيره البراسك دخنت
بالخيمه من الحره هلهلت .. دخيلك ياقمر بني هاشم
شمحلاها تتمايل مهرتك
وبمتنك من رفت رايتك .. دخيلك ياقمر بني هاشم
ياحنيتك هاك الكلب
يارعيها الغيره انت رب
ياسلطان الحب والحرب
اليبرزلك بالعركه حيله ينهدم
ياراعيها الشيمه وياشيخ الشيم
برموشك للحره سويت الخيم
مترهدن بالعليه يمرجف الزلم
***
ياطولك ومتونك بالسمه
من حكها بيك اختك هايمه.. دخيلك ياقمر بني هاشم
معروفه صولاتك حيدره
من صغرك ولزمت الكنطره .. دخيلك ياقمر بني هاشم
يالبلعرش هو استوئ
والرايه غطت نينوى
وبكيفك غيرت الجرئ
ياسيفك بالحومه ميجهبه احد
الله الواحد بس انت الصمد
يطشرها صمامك لو زاد العدد
تتونس بالعركه لو صاحو مدد
*****
جفينك لخيامك مشرعه
وبغيضيك جن سوره واقعه .. دخيلك ياقمر بني هاشم
ارسومك تحجيلي ملحمه
تتنومس بيك انت فاطمه .. دخيلك ياقمر بني هاشم
يالطولك ماشاله المهر
اكتبلك ويخلص الشعر
ياواضح جن شمس الضهر
نقلولي وحبيتك راداك الكلب
الحره من صعدت نوخت الركب
كلولي من عيونك طيرت الرگب
انطيني من الغيره ودليني الدرب
***
علي غسان المياحي
بحلامي اشوفك خويه بحلامي
شفتك مورده وانت مو ضامي
سهرانه يمك للصبح
فزيت راسك عالرمح
يا خويه بحلامي
****
شفتك بحلمي وفرفحت بالحلم جن ضميتك
وجفوفي بجفوك غفت برياجك وشميتك
واتلمسك من كل كتر ومن كل جرح دوايتك
والضهر هذا المنكسر وجن بالحلم مشيتك
الطيف صح مراني ماصدكه
عليك حتى اجفوني محتركه
والملكه جنه مايصح
فزيت راسك عالرمح
ياخويه بحلامي
****
ديرة سنابل والوكت فزع عليه بالمنجل
دار الوكت وامشي سبي الجاهل عليه اتمرجل
يكعدوني بسياط العده بجالك جنت ادلل
طولي الماشافه بشر جاليش هسه اتذلل
كلش طويله سفرتي طويله
لو مال هودج راسك اتميله
بمتوني وسوطه يلح
فزيت راسك عالرمح
ياخويه بحلامي
*
يحسين شحجيلك عليه ذباحك وماشيته
ويكلي يازينب ترى راسه انه الحزيته
ويكلي عطشان الضهر بحر الضهر عطشيته
والف تسعميه جرح سيف ومح طكيته
ميسور راسك صوبي ويلالي
مديت اديه والرمح عالي
مانايمه بعيني ملح
فزيت راسك عالرمح
ياخويه بحلامي
****
راسك برمحه من صعد والناكه بختك هزله
تعثر الناكه بدرب كل لحضه توكع طفله
تسرد بروحي بكل مسه كلمة الماهم اهله
جا ليش طايح ع الرمل ميت ومافازعله
عيوني خلصت بالبجي عيوني
كالو علية مسبيه طكوني
والجرح يلجم جرح
فزيت راسك عالرمح
ياخويه بحلامي
****
علي غسان المياحي
خروج الضعن
لسان حال مولاتي العليله
بالسلامه.. ياهلي رايح ضعنكم.. بالسلامه
بالسلامه.. الليل وحشه وذكرتكم .. بالسلامه
والضعن منيمي شايل
وعيني صدت للمحامل
بسلامه
****
تصد عيني بضعنكم راح___وكولن بي نقص ناكه
شبدر مني وجفاني حسين___ كلبي يوجعه فراكه
اصعب لحضه اموادع.. خواتي من اودعهن
مامتعوده ع الفركه.. تريض خل اشوفنهن
انا ادري ومايصح ملكه.. عالصدري وخل اضمنهن
وي خواتي.. شيصير لو عالناكه اروحن. وي خواتي
وي خواتي.. وبالدرب لحسين اصدن.. وي خواتي
نعمه من ضلالي فاضل
عيني صدت للمحامل
بسلامه
***
جفيتوني ونحيل الحال.. وصفيت بروحي بس انعه
مفضوح الجفه يحسين .. اذا ابنادم لزم ضلعه
اكضي لليل اجر ونه.. ونه تخلف الحسره
اكولن مارفع جفه.. يجوز بهاي اله عبره
اثاري باجر منيروح.. تضل بس تسعه موعشره
تصب عيوني .. انا وليل وحسرتي .. تصب عيوني
تصب عيوني.. والهجر طفه شمعتي.. تصب عيوني
والدمع من عندي نازل
عيني صدت للمحامل
بسلامه
*****
ادزلكم رسايل شوك __ وارد مناطره ابابي
ويجرحني الهوه ليفوت __ شايل ريحة احبابي
يبويه الفركه مو هينه.. حرمه بلا ولي صعبه
انا ادري ماترد وتعود.. حياتي صارت بغربه
ادور ذكره لك بالبيت.. عالراسي وهلت التربه
من جفاكم .. عاشرت روحي مصابي .. من جفاكم
من جفاكم .. ابد مافاركته بابي .. من جفاكم
حرمه وبلايه كافل
عيني صدت للمحامل
****
تعبت من الهجر يحسين .. اتاني وماخبر جاني
عاشرت الحزن والضيم .. الجرح يسكت يفز ثاني
هلي و عفتوني بالغربه .. يماتدروني وزغيره
يصح مثلك حظن دافي.. وانا ادردي ماالي غيره
بعيني والضعن كوطر .. يبويه بهتت الديره
ليه عودو.. الناس ماترحمني بويه ليه عودو
ليه عودو.. عالهجر ماني قويه.. ليه عودو
بويه محد عني سائل
عيني صدت للمحامل
بسلامه
***
علي غسان المياحي
استشهاد مولاي علي ابن موسى الرضا
رازقني دمعه عالضعن
مشوفني جرحه والمحن ... علي ابن موسئ الرضا
معيشني شوغه بالشجن
كارمني اي عمه الحسن ... علي ابن موسئ الرضا
مهيج احزان الطفوف بكربله
منك اريدن دمعتي عالخيم
عيشني لوعت عمتك والركض
من طلعت بلا والي صوب الهيم
حزن و دمع ليل وبجي
نار حركت طرف العبي
حسسني شوغت الفواطم طلعن يركضن بالفله
موبشر خليني هايم عالجره بطف كربله
زينب تروح بلا وليها مكيوده تمشي بهازله
ياثامن الحجج مدد
*
منك اريدنه الجرح
يالجدك انت عالرمح علي ابن موسئ الرضا
يالعمتك بديرة غرب
كل ساع تعثر بالدرب .. علي ابن موسئ الرضا
بابك اجيت ونوخيت بالركب
يامالك الدنيا عالبابك عبد
رايد رحمتك وانت شيخ الشيم
حاشه عالبابك منك احد يرد
ليلي اون بس عالجره
عمتك مشت وميسره
عالخيمه خل يجري دمعي يالتحسها خيمتك
هيج احزاني بمصابك يالجمره تنزل دمعتك
اكسر ضلوع بلطمتي وما ماجازي عبرتك
ياثامن الحجج مدد.
قربني اهوى وصالك
محيرني عطفك جمالك ... علي ابن موسئ الرضا
انطيني رحمه بنضرتك
ارزقني لوعه على عمتك ... علي ابن موسئ الرضا
ياضامن الريم بودادك اجي
كون عالبابك ينكسرلي ضهر
انطيني حيل بدكتي اكسر ضلع
عالراجع ومنكسر من النهر
كام وعلى وجه انهطر
من عنده رايح جم ضهر
من النهر رد محني ضهره والشماته والعدو
بذنه ويسمعونه حجيهم ماعنده ناصر لا اخو
ياعيني خل يجري دمعي الطايح تره سبع وكفو
ياثامن الحجج مدد
* * *
من عطفك انطيني نضره
من حزنك انطيني جمره علي ابن موسئ الرضا
يالعمتك اتروح بهزيله
ماعدها واحد تشتكيله علي بن موسى الرضا
الجانت اميره مكيدها بحبل
ماعدها والي تحشم الها ويجي
بعيون اخوها وعيشاها رمش
الجلمه من تطلع تسولف بجي
نوك الهزل شالت خدر
وسفه نسبت تالي العمر
فوك الهزل راحت اسيره. من بعد هذا العمر
مدللة وحاديها اخوها. هسه حاديها الشمر
الماطلع صوت بحجيها مجتوفه دخلت عالقصر
***
علي غسان المياحي
مجالس المشايه
المهدي بيده الرايه
ويفتر على المشايه
اهل العزم والغيره
يحسين الك وفايه
للحسين يامن اجيتو اتزورو
للحسين روحوله كلمه وكولو
يحسين الك وفايه
***
بدربك ياحسين الموت اتمنه
وميهمني التعب رجليه يمشنه
احسك انت لتكلي امشي وياي
المثلك ياحبيبي حكي اعشكنه
اتمنه طول ايامي
لجلك اضلن ضامي
والنار البدلالي
اذكر تكول اخيامي
يمولاي .. حر وعبد سويني
يمولاي .. بنار الخيم جويني
ماعدنه شيء او غايه
يحسين الك وفايه
*****
حكي من انوحن ليك يامولاي
نايم عالرمل بس ماكو ذره افياي
لجل امك الزهره انخلق هذا الكون
اله الماي انت شلون تعطش ماي
لجلك نذرت اسنيني
بيك الدرب دليني
اصغر خادم احسبني
وشتريد هم سميني
والعيون .. المابجت نعميها
هاي الناس .. من فضلك انت انطيها
بحبك ندك الثايه
يحسين الك وفايه
*****
حيل اذاني موقف حركو الخيمه
والعلويه شردت ركضت بهيمه
زينب عثرت وكامت تدور اطفال
يتامه وكل شخص متكبع بضيمه
اذتني حيل احجايه
موش الخدر؟ لسبايه
وانا الدمع يبرالي
من عدها جر العبايه
والخيام .. احتركن وصارن جيمه
والايتام .. كلمن ركضله بهيمه
اجروحك انت هوايه
يحسين الك وفايه
***
هويتك بس لكيتك بالعشك ايه
اهيمن لوسمعت بطاري القرايه
اوج بناري واركض وافزع من الشوك
واجزع بالطم من اسمع اسبايه
انت سبب بجنوني
مجنونك يسموني
بس الطم يحلالي
بالشده تحتضنوني
يبو الروح .. روحي الك مشتاكه
يمجروح .. دموعي الك حراكه
محبوبي بس احجايه
يحسين الك وفايه
**
علي غسان المياحي
الريشه لبراسك فخر
وانت اساس المرجله
الحرب ماولدت امثالك واحد ويالسبعه طخ
على متونك من ترف
الرايه غطت كربله
طولك اتناوش الغيمه ومن خزرتك كام زخ
واكسرت عين الفرات
ضاع يمك ماله صيت
وماشهرت السيف بيهم ماتو بجفك كفخ
وكمت شمرت العكل
الجيش يمك ماوصل
الجيش ماشوف اخيالك وكمت تنسخهم نسخ
من نزلت من الفرس
ثكيل جدمك عالارض
كربله صاحت ادخيلك شافت انجوم الضهر
ماي ماهمك عطش
هيل والباقي دغش
من لزمت اجروفه بيدك منك اتروه النهر
من الزغر كافل دروك
يالحياتك بس اخوك
وانت يارب الشهامه الشايلك موش المهر
مكمط وتلعب بسيف
جبير واتعارك بكيف
الليل تاه بعينك انت وكمت بديت السهر
جفك تفرشه خيام
بعينك تعزب سهام
علي ضمك للكلافه جيفن ايعرفك كلف
من الصبا تحب الثكال
مالك من الخزره كال
من خزرني بعينه وانا جبير تيهت العرف
علي انطاك الكنطره
الجيش ماشافك ترى
انا ماشايفلي زلمه واحد يعادل سلف
ماي والوادم سراب
تروي كل الي يجون
وانت كصتك جنها زمم الماي منها مايجف
علي غسان المياحي
يابالفضل لمن طحت ..راس برمح عالي شفت
حركو عليه خيمتي .. يطكوني لو بسمك صحت
****..****
يابا الفضل جابو حبل ... ورقيتك كيدوها
صيوان وجر بالحرك ... وعلى جمر مشوها
لمن بجت صاح العرش .. ترجيه شو جروها
يجرحني شامت بالحجي .. عباس مات اخذوها
ياخويه تعبني الدهر .. وعيوني ذبلت بالسهر
اشكي الك وماترد ... من عندي باكاك النهر
يابالفضل .. يابالفضل
****..****
هيبه علي واخت الكمر ... وسفه وطلعت بهميه
طاح البخت كلشي انتها ...فوكي احركوها الخيمه
تيهت درب المشرعه ... ذايب دليلي بضيمه
عباس وهواي الحجي ... عكبك يراعي الشيمه
مشتاكه اشوفن شاربك ... تعجبني ميلت حاجبك
تتخيل المهره بزعل ... وبيدك تشهره صارمك
يابالفضل .. يابالفضل
****..****
عباس موطبعك هجر ... ارجعلي اريد الرايه
ارجعلي ماريده النهر ... يفداك هو ومايه
ضيعت خدري بالسبي ... زينب صفيت حجايه
مجتوفه من الدرب لدرب ... لخدر الله جنت مرايه
تعبني ياخويه الشند .. عمه يرد لو مايرد
راسك عالرمح ومشه .. اشكيله اذاني البعد
يابالفضل .. يابالفضل
****..****
تعبني عباس الدرب ... طبوني ديره بديره
اخت الكمر تمشي بهزل ... ياخويه حيل جبيره
محتاره اشاكف بالحجر ... لوسوط اضل بحيره
وسط الزلم جرني النذل .. معدومه بيها الغيره
تعبنه عباس السبي .. بعدك مشينه ويجنبي
جتفونه نمشي والغرب .. وركضنه لذنه بالعبي
يابالفضل .. يابالفضل
****..****
علي غسان المياحي
لكد ميمونه ابو الاكبر . العسكر بروحه تعثر
ونزل سبع الكنطره
وبرز جسام المشكل.. بصفه الاكبر والمدلل
عيونهم متوجره
طلعو السباع الهواشم .. وحدو الصارم بصارم
هلهلت حره ومره
غار بيها العيه شك ميدانها
المهره متونسه ويجر بعنانها
الحرب لو خيبر يطك بيبانها
وضحك لحسين وخزر فرسانها
دخيلك يخو ذاك الكمر
دخيلك صرخ حتى النهر
******
سباع حيدر بالحرايب .. طلعو وطشو كتايب
شيخهم ليث وزئر
منين ماتشرد يجوها .. هوسو بيها وجفوها
زماطهم طك وعبر
ابو الاكبر لف غدرته .. وابو فاضل شد مهرته
شكو وشكهم كبر
هدو عليها وتميل بخيلها
يذبها لحسين الكمر ليشيلها
ترجل الاكبر يدوس بحيلها
غربت وجاسم ويضوي بليلها
دخيلك يخو ذاك الكمر
دخيلك صرخ حتى النهر
*********
طلعو حسين وعظيده .. وبوفاضل باس ايده
كله رخصه عليها
كله مرخوص الك كلشي .. يابعد عيني وهرشي
الله ضمك ليها
سحب سيفه وجر رسنها .. الحرب بردت رجع شنها
بحيله رك عليها
زلام حيدر ماغفت عالعيله
هدو وردو الجيل بجيله
الفارس المامات ميت حيله
والشرد من الحرب بالشيله
دخيلك يخو ذاك الكمر
دخيلك صرخ حتى النهر
***************
سوو العركه الجبيره .. الجيش منهم دخل حيره
شتتوها صفوفه
ابو الاكبر شد غترته .. بسنه محلاها ضحكته
وضحك سنه تشوفه
شاف جسام ويالاكبر.. وابو فاضل يمه يفتر
بالعده حط خوفه
الزلمه بيهم مالحك مشراده
تساوو الجندي وجبير القاده
الحرب مثل العيد عدهم عاده
الجيش كله وربعه من الساده
دخيلك يخو ذاك الكمر
دخيلك صرخ حتى النهر
************
علي غسان المياحي
ياهو اليسوه حتى الخاطره تموت
شني تنذبح انت وغيرك يعيش
هي الكاع بيك مجلبه لليوم
جبل مولاي انت وغيرك الريش
انا مخلوق لمحرم للدموع
ولجل ابو رقيه نذرت اسنيني
كون يحركني المخيم بالطفوف
وكون ذاك السطر ريته بعيني
ياحبيبي وراحتي .. انت حبك فطره
اقبلني عندك خادم .. عليك ضلع الزهره
*****
شني مولاي ليش وتنذبح هيج
ثنعش طبره حبيبي وغير الجروح
راسك والصبع واطشرن هيل
ومنك ريحة الله بكربلا تفوح
ريت ضهر العاشر يجويني نار
واركض ويعيالك من الخيمه
تلوذ علويه بضهر علويه ليش
تكلها خيه طاح راعي الشيمه
وخلص يوم العاشر .. ركضت علويه
رقيتك مهيوبه .. باكو الترجيه
**
اجه عاشور كالو مات الحسين
وبنفس الكلام المنبر ايعيد
بس هي الصدك مولاي مو هيج
انت بكل محرم تولد جديد
ريت كون من اللطم اكسرضلوع
حسين قانوني وعشك كل ديني
انا مخلوق على حبك حتى اعيش
وانا عايش خيرك مغطيني
وانت تدري بروحي .. ماعشكتك غايه
بحبك ولاموني .. وانا شفتك ايه
**
شني عطشان ميت هيج منقول
ومضمون الروايه ونقلته الناس
الصدك مولاي هو الجاي عطشان
النهر رويته انت انطيته عباس
انا عبدك ياحبيبي وعبد ابوك
جيت من العدم ليك وشارد
كلش مارايد فقط بس الدموع
بحبك انا حاربت كل حاقد
من ضوه شيباتك .. انا شفت دروبي
ياحبيبي بخيمتك .. واستر انت عيوبي
*****
علي غسان المياحي
وصية ام البنين للإمام العباس
(بدوي)
رفيج الكنايص يولدي يبن الحمايل
يازين طولك ضنوتي ضب الاصايل
ارفج عضيدك للوغى وانت بوفاضل
ابغى الصوارم في يدك لمن تنازل
ارفج خويك يولدي ورد النوايب
بطارف حسامك ياشهم طش الكتايب
****
امطي عالسباكه يازين الفعالي
زم رسنها والحرب هي المنالي
جوجب عليها وتناوش بالمعالي
ياضناي الغالي فدوه للغوالي
يحرسك الله يولدي دهر المصايب
بطارف حسامك ياشهم طش الكتايب
**
الجم رسنها وبالركب طر الصحاري
وميهه بروحك لو كثر رمي الرماحي
خل البيادي ترتعش من الصياحي
جيب الغنايم ياكلف يوم الجياحي
اسند عضيدك يولدي يوم الحرايب
بطارف حسامك ياشهم طش الكتايب
******
ادريبك وشاهينِ ماتركد لصيده
يوم الوطيس انزل لخيك حبه بيده
بيك شمرت بدوه وفعالك عنيده
اروج عالحومه يمه اطرش كصيده
انا ابن الذي سواها العجايب
بطارف حسامك ياشهم طش الكتايب
***
علي غسان المياحي
ركضنه بالبراري هواي
وبناتك بالركض تعبن
من وجانه الشمر بالصوط
يجن بكتاري ويلبدن
بعد مابيه اصيح بصوت
ركضنه والخيم وجن
ركضت خويه بهدمي نار ركضت المهيوبه
ضعت مابين الخيول والخيم منهوبه
ردت اشوفك انت وين جيتك ومتعوبه
تعبني يحسين الركض
اعثر وطيحن ونتهض
اركض والمن بالحرم
جبت الحرب طول بعرض
******
اخلص ليلي بس ابجي
ذبلت بالسهر عيني
برموشي طلعن شيبات
ابد مايبطل ونيني
الحبل جرح ادي مافوك
الحرك ماكلهن ايديني
منين اجيب الحيل اكوم والجدم محروكه
والهظم اذاني حيل والخيم مبيوكه
من شفت جسمك طريح الخيل تلعب فوكه
مشتاكه اشوفن هيبتك
يمي وتشدها عمامتك
مو نايم انت عالرمل
محلاك انت بخيمتك
******
مشيت عالهزل كوه
وانا بكلبي انعالك
ويحدني بحبل مكيود
راسك يمي وبرالك
بعد شكثر هظم يحسين
اذا الحاديني جتالك
والله مامشتهيه اروح خويه مونفس الدرب
جيت اميره وبالخيام هسه اروح وي الغرب
مدلاتك ياحسين شافن انواع الرعب
مسبيه وي راسك سوه
وثنينه نطر نينوى
مكيوده وبجفي حبل
يجرحني لو مر الهوه
****
هسه انا مو زينب صرت
جنت انا ذيج مدللة
لمن اجيت بمحملي
وصرت انا اميره بكربله
دار الوكت كلشي اختلف
انا وخواتي بسلسله
الوكت دار وذبني وين امشي ديره بديره
والشماته تصدلي عين هي هاي الحيره
بلا رحم وبلا كفيل واني حرمه جبيره
يحدونه غربه بلا رحم
موتنه يحسين الهظم
ضعن الله باقي بالفله
هيمه وبقينه بلا خيم
******
علي غسان المياحي
حوار الخيل
من مخيلتي البسيطه
بين مهر الامام الحسين مهر ابي الفضل
الميمون يسئل
تعالي احجيلي كولي شلون شايلته
هي الكاع صرخت ماتحملته
بحمله وعذب امه وامه جايبته
واحجيلي القصه من اولها
فأجابت
ربج مدلي قوه وفوكي هل شلته
من حط رجله بيها الكاع شو صنته
اشكن مو حليب بصغره راضعته
واحجيلج فعله وصولاته
نزل بس ضل يكوم ع النهر موته
ماعارك بسيفه موت بصوته
الحرب مثل البحر بس هو بي حوته
والحومه اتموت بريشاته
نزل كض النهر والماي يتراجف
يحاجي الماي كله شبيك شو نازف
غير انت بو فاضل اليجبلك خايف
ورحمني عليك ابنياتك
يعاين ع المعاره البارز اكباله
يكلهم ابن اختنه وافتخر خاله
اتعناله اصالهه وجره بعكاله
وشماغه اتساوه وينعاله
علي غسان المياحي
حيهم العباس كام ورفت الرايه
كام واتعنه الفرات ويبسه بمايه
بخيله وعلى الماي يفتر
صاحت العربان حيدر
رفت الرايه
*
ابو فاضل صعد غيضه وكام طر المشرعه
الغيره كالبركان صار عيونه تقرا الواقعه
الماتدنه لعد سيفه بكلبه خله الفاجعه
بيده كض الماي لكن براسه اخوه ورجعه
كام بداها الشريعه ورعدت اعيونه
جبير مايوصل لحده النخل لمتونه
وصار بالشجعان ينحر
صاحت العربان حيدر
رفت الرايه
*
اترجل العباس بيها وانتفض عرج الشيم
على رسومه الزعل باين لاعلى رسومه الخيم
ابن شيخ الديره هذا اله ولهله والنعم
العركه كلها مااجوله اليجي يمه ماسلم
بمتنه رايه وطب عليها والله رفاها
حيل الله على ايده بايده شكاها
والضحى والشمس تكور
صاحت العربان حيدر
رفت الرايه
حيهم الكفال صال ولزم بيها اعناها
وبس صيهل الخيل تسمع عجت بدخانها
العساكر غوث صاحت ضاكت بميدانها
الكاع صرخت يابوفاضل فاضت بطوفانها
حيهم العباس صال وكلشي لبكيفه
الله هم بي يتشيم ياخذ بحيفه
والكمر عباس انور
صاحت العربان حيدر
رفت الرايه
شسوه حيدر بالطلايب ابو فاضل ينضره
صار يوم الطف حلاله وعاد صولة حيدره
كام شالاها الشريعه جنها شيلة خيبره
على جفوفه صلى الله اتسمه سبع الكنطره
الله دز عزريل عود ويقبض الموته
كله ربي وابو فاضل محد يفوته
اتلثم بالله وكبر
صاحت العربان حيدر
رفت الرايه
***
علي غسان المياحي
#شوور
ياهو اليسوه حتى الخاطره تموت
شني تنذبح انت وغيرك يعيش
هي الكاع بيك مجلبه لليوم
جبل مولاي انت وغيرك الريش
انا مخلوق لمحرم للدموع
ولجل ابو رقيه نذرت اسنيني
كون يحركني المخيم بالطفوف
وكون ذاك السطر ريته بعيني
ياحبيبي وراحتي .. انت حبك فطره
اقبلني عندك خادم .. عليك ضلع الزهره
*
شني مولاي ليش وتنذبح هيج
ثنعش طبره حبيبي وغير الجروح
راسك والصبع واطشرن هيل
ومنك ريحة الله بكربلا تفوح
ريت ضهر العاشر يجويني نار
واركض ويعيالك من الخيمه
تلوذ علويه بضهر علويه ليش
تكلها خيه طاح راعي الشيمه
وخلص يوم العاشر .. ركضت علويه
رقيتك مهيوبه .. باكو الترجيه
اجه عاشور كالو مات الحسين
وبنفس الكلام المنبر ايعيد
بس هي الصدك مولاي مو هيج
انت بكل محرم تولد جديد
ريت كون من اللطم اكسرضلوع
حسين قانوني وعشك كل ديني
انا مخلوق على حبك حتى اعيش
وانا عايش خيرك مغطيني
وانت تدري بروحي .. ماعشكتك غايه
بحبك ولاموني .. وانا شفتك ايه
شني عطشان ميت هيج منقول
ومضمون الروايه ونقلته الناس
الصدك مولاي هو الجاي عطشان
النهر رويته انت انطيته عباس
انا عبدك ياحبيبي وعبد ابوك
جيت من العدم ليك وشارد
كلش مارايد فقط بس الدموع
بحبك انا حاربت كل حاقد
من ضوه شيباتك .. انا شفت دروبي
ياحبيبي بخيمتك .. واستر انت عيوبي
*
علي غسان المياحي
طلع من الخيم
شهم فوك كحيله يمشي ورفرف بمتنه علم
لوه عنان الفرس
مغضب ونازل عليها فارس اليوث الهمم
ذبح عينه النضر
بعينه صد عالفرات وزلمه يمه ماسلم
نار تشب من سيفه .. الكون يصير بكيفه
جاي ياخذ حيفه .. دخيله
الطك اله ويحلاله .. قاده ماتدناله
ماتضل خياله .. دخيله
الزلمه اليوكف كباله .. حط براسه الف طكه
زلمه يعارك بحكه . نشمي مكمط بسيف
عالراسه رفت الريشه .. وبضهره ترف رايه
ذل العلكمي ومايه.. عارك حتى بالطيف
****
على عيونه الزعل
غصب الله بعينه نازل يكتل هو بخزرته
مثل فرت الرحه
هيج فر الحومه بيده ياثكلها سطرته
على خشوم الزلم
بطرف رمحه ذب جربته واكف اهو بهيبته
بليل غطه الحومه .. ماكو مثل علومه
بانت هو ارسومه .. دخيله
بيده كض صمصامه .. بوجه لف لثامه
ماكو شي كدامه .. دخيله
بجفه مالت الدنيا.. من يزمجر دخيله
مايتخيل كحيله.. سارج مهرته الريح
كهرب بس يدحجونه .. يخطف روس عدوانه
يكلهم ها أنا هنانه .. وينه البيكم يصيح
**
وكف فوك النهر
وكلش صار بيكيفه يمشي وحكمت الريشه الهوى
فزع صاب الجمع
المالحك جدامه يشرد يذبح بروحه نوى
تكوطر عالحرب
والحرب موسم حصاد وبو فاضل بي حوى
لازم الطف بيده .. مهره شك البيده
والحرايب عيده .. دخيله
ذرها رد لماها .. تكلط وفوكاها
مالت وشالها ... دخيله
حيد واكف بحيله... وبكثله هدم جرفه
جبير ومحد يوصفه .. سبع الكنطره هنا
طاهر راضع حليبه ... دهري وبي طبع هاشم
من يسله للصارم ... محد يكرب حذا
****
ترس جوده ونهض
والقيامه جنها صارت ابو فاضل من طلع
خبط صدر النهر
كام بيمنه نثرها ونوب ردها وجمع
نزل وسط العده
والكتيبه الي تجيله زلمه منها مارجع
بمتنه رفت رايه .. بحقه نزلت ايه
زلمه كد لحجايه... دخيله
بسيفه شد الغاره .. منه تطلع ناره
صارت الكناره.. دخيله
غيره وتارس اعيونه.. والحومه صفت بسمه
فارس محد يرسمه ... وكت الحرب ضرغام
الحومه ومنه مرعوبه.. والعيه ترب صارت
الشكره بيها من غارت .. لازم بيده صمصام
**
علي غسان المياحي
حي الله ابو الحسنين شيخ الساده
الجيش خيم وانت بس رداده
تشد لثمتك والفقار ابيدك
العركه زودك وانت عندك عاده
يالكاسر انت الخيل بعينك شمس لو ليل
الخيل من تركبه تكسر ضهره
ياحلاتك من تشد الخضره
*
الحرب من تحمه انت المجويها
الكلفه صعبه والله حطك بيها
المايلوحه السيفه صوتك لاحه
الكلفه ثوبك كتله ذبني عليها
تمطر شرار اليوم اليشرد يذب هدوم
هيبه طولك يبو جفوف السمره
ياحلاتك من تشد الخضره
*
فقارك وبالجيش هم ما يقنع
يالماكو فارس غيرك ولا انزع
الجيش اهو كبل الحرب شو خايف
بضهرك العباس بس لا يطلع
يمرجف انت الكاع يالخلفتك لسباع
الشذره تطبع عالخد بالسطره
ياحلاتك من تشد الخضره
*
السيف من تلزمه يبقى يهلهل
وجنه ابابيل وعليهم وينزل
الخيل معرفه بصهلها العاده
الزلم كدامك بقت شو تصهل
يالماكو هيج ازلام عالعيله ابد متنام
تجوي عينك بالمكاون حمره
ياحلاتك من تشد الخضره
*
علي غسان المياحي
مجالس المشايه
ياسيد الماء
في كربلاء
بعد التحيه والسلام
حتركت علينه الخيام
*'****
مشتاكه اشوف اعيونك .. الماغفت كبل عيوني
مشتاكه اشوفن هيبتك .. عباس بعد اضنوني
مامقصر حتى اوديلك عتاب
ارتاح خويه ابخير ماطاح الحجاب
يابعد عيني على عيونك تراب
الهوه شامت ليه منك ريحه جاب
الهوه المنك جاي كون بصدري اضمه
حتى لو بعدوني عنك خويه اشمه
حيل عدوانك ابد مابيها رحمه
*********
تذكر لمن جنت بصبه .. وفوكي تحط جفوفك
منها وعرفت انا الك .. تكفلني يوم طفوفك
عباس وعيونك الك مشتاكه
خويه مغصوبه وصعدت الناكه
وين كلي وشوكت نتلاكه
عازت النشمي يذل افراكه
النوك هزله وخويه ماضل عدي حيل
ليل المناطر صعب مامثله ليل
جرح اشده وجرح نده وجرح ويل
*******
يامحله جلمه خوه الك محلاها الك مكيوله
من اندهك تركض تجي وتكلي يامدلوله
تذكرتها خويه من صعدوني
والشماته على النهر مروني
الهضمه من كدامك وعبروني
غمضت عيني لجن شافوني
كلولي زينب هذا عباسج طريح
جلمه الخويه بعد مابيه اصيح
من على الناكه يركبوني واطيح
*******
اتباها وانت عالرمح.. راسك غطه فوكانه
كلمن عشيرتها اجت.. يسئلون وين فلانه
عباس بس اختك بقت مكيوده
شامخه ومن القهر ممروده
عليه جفين الغرب ممدوده
على كل هذا واضل محسوده
فترت الدنيا ودخلنه بشامهم
وانا وي راسك وكفنه كبالهم
بخير خويه رتاح ماني بحالهم
******
علي غسان المياحي
✍🏻 للشاعر:علي غسان المياحي
🔊 الذاكر مجتبى ماهود
📍 البصــرة - الجبيله
🎪هيئة خيمة 🎪السيدة زينب ع
✅ مجالس محرم الحرام1443هـ
يحسين .. جاوين ... عايفلك حرمه بديره
ايتام .. وخيام ... محروكه وصرت بحيره
يحسين ها يحسين
*
ماتت ضمايرها الخلك من صعد راسك عالرمح
حركو عليه خيمتي مجفيه بكصصها الملح
بالحرب شعليها النسه دمعي عالخدودي يسح
جتفو ادياتي بحبل يسبوني من وجه الصبح
العيون المتون .. زركه من كد طكاتي
ناديت .. وحجيت .. محد رد احجايتي
يحسين ها يحسين
*
المثلك بشفته نهر مو ينذبح ميت عطش
كون اليموت بعيلته مو حافر بصدره انفرش
وليالي كون اهل العزه وثلاثه انت بلا نعش
كل كسره منك بالضلع من يمه يهتز العرش
ياموت.. بسكوت .. بهيده ولاتهيج اجروحه
ياحيل .. ولليل .. يرافس ماتطلع روحه
يحسين هايحسين
****
يحسين تانيتك تجي صعبه الاخت تمشي بغرب
بعيونك اتوضه جنت فراكك علي كلش صعب
اذكر ضحكنه البصغر كلبين مشدود بكلب
هسه انت مذبوح الضهر واناامشي مكيوده بدرب
عطشان عريان .. نايم مسلوبه هدومك
من جيت والكيت .. الماي مغير ارسومك
يحسن ها يحسين
*****
درب السبي ماينمشي كل ساع اوكف وانهطر
مره اعثر انا ابناكتي ومره اعثر ايطكني الشمر
ليلي وخلص احسب نجم وعيوني ذبلها السهر
باجر اطر سوك الزلم واتعاين عليه البشر
عالنوك للسوك وانطب مامش اي رايه
وطفال بحبال والعيله اصير اسبايه
يحسين هايحسين
**
علي غسان المياحي
بان الزعل برسومه وبالحومه عي دخان
داس بثكل بجدامه وختنكت الكيعان
ريشه وحط عالراسه وتتمايل ويالريح
ظيك الدرع بمتونه ماوسعته الذرعان
عيونه على العيله ماتغفه وتنام
حي الله ابو فاضل كفال الخيام
حي الله ابو فاضل
***
تموت الخلك بعيونه ياخزرته جتال
امبريد زلم بالعركه والجلمه ماتنكال
تخوصر زلمتها عليها مامش رجه ينطرون
مغضب عليهم نازل وبالحومه جر عكال
زلمة علي يعرفونه منه ثلث تنعام
حي الله ابو فاضل كفال الخيام
حي الله ابو فاضل
*
يرفرف علم بمتونه رايه وتصير افياي
واحد يعادل ديره العسكر يشوفه هواي
ماكدرو ايلاكونه تعبهم السبعين
من بيته طلع سيفه وتريس عالماي
بالعركه يضحك سنه بحسينه شد حزام
حي الله ابو فاضل كفال الخيام
**
شد الخصره عالراسه وتخيل عالخيل
ترابه وترسها الحومه والدنيا صارت ليل
من عنده رادو هدنه كال الصلح مرفوض
بالخيمه حشمت زينب من الله ياخذ حيل
كناره طبها الكافل والطك يريد ازلام
حي الله ابو فاضل كفال الخيام
***
علي غسان المياحي
رازقني دمعه عالضعن
مشوفني جرحه والمحن ... علي ابن موسئ الرضا
معيشني شوغه بالشجن
كارمني اي عمه الحسن ... علي ابن موسئ الرضا
مهيج احزان الطفوف بكربله
منك اريدن دمعتي عالخيم
عيشني لوعت عمتك والركض
من طلعت بلا والي صوب الهيم
حزن و دمع ليل وبجي
نار حركت طرف العبي
حسسني شوغت الفواطم طلعن يركضن بالفله
موبشر خليني هايم عالجره بطف كربله
زينب تروح بلا وليها مكيوده تمشي بهازله
ياثامن الحجج مدد
*
منك اريدنه الجرح
يالجدك انت عالرمح علي ابن موسئ الرضا
يالعمتك بديرة غرب
كل ساع تعثر بالدرب .. علي ابن موسئ الرضا
بابك اجيت ونوخيت بالركب
يامالك الدنيا عالبابك عبد
رايد رحمتك وانت شيخ الشيم
حاشه عالبابك منك احد يرد
ليلي اون بس عالجره
عمتك مشت وميسره
عالخيمه خل يجري دمعي يالتحسها خيمتك
هيج احزاني بمصابك يالجمره تنزل دمعتك
اكسر ضلوع بلطمتي وما ماجازي عبرتك
ياثامن الحجج مدد.
قربني اهوى وصالك
محيرني عطفك جمالك ... علي ابن موسئ الرضا
انطيني رحمه بنضرتك
ارزقني لوعه على عمتك ... علي ابن موسئ الرضا
ياضامن الريم بودادك اجي
كون عالبابك ينكسرلي ضهر
انطيني حيل بدكتي اكسر ضلع
عالراجع ومنكسر من النهر
كام وعلى وجه انهطر
من عنده رايح جم ضهر
من النهر رد محني ضهره والشماته والعدو
بذنه ويسمعونه حجيهم ماعنده ناصر لا اخو
ياعيني خل يجري دمعي الطايح تره سبع وكفو
ياثامن الحجج مدد
* * *
من عطفك انطيني نضره
من حزنك انطيني جمره علي ابن موسئ الرضا
يالعمتك اتروح بهزيله
ماعدها واحد تشتكيله علي بن موسى الرضا
الجانت اميره مكيدها بحبل
ماعدها والي تحشم الها ويجي
بعيون اخوها وعيشاها رمش
الجلمه من تطلع تسولف بجي
نوك الهزل شالت خدر
وسفه نسبت تالي العمر
فوك الهزل راحت اسيره. من بعد هذا العمر
مدللة وحاديها اخوها. هسه حاديها الشمر
الماطلع صوت بحجيها مجتوفه دخلت عالقصر
***
علي غسان المياحي
حيهم العباس كام ورفت الرايه
كام واتعنه الفرات ويبسه بمايه
بخيله وعلى الماي يفتر
صاحت العربان حيدر
رفت الرايه
*
ابو فاضل صعد غيضه وكام طر المشرعه
الغيره كالبركان صار عيونه تقرا الواقعه
الماتدنه لعد سيفه بكلبه خله الفاجعه
بيده كض الماي لكن براسه اخوه ورجعه
كام بداها الشريعه ورعدت اعيونه
جبير مايوصل لحده النخل لمتونه
وصار بالشجعان ينحر
صاحت العربان حيدر
رفت الرايه
*
اترجل العباس بيها وانتفض عرج الشيم
على رسومه الزعل باين لاعلى رسومه الخيم
ابن شيخ الديره هذا اله ولهله والنعم
العركه كلها مااجوله اليجي يمه ماسلم
بمتنه رايه وطب عليها والله رفاها
حيل الله على ايده بايده شكاها
والضحى والشمس تكور
صاحت العربان حيدر
رفت الرايه
حيهم الكفال صال ولزم بيها اعناها
وبس صيهل الخيل تسمع عجت بدخانها
العساكر غوث صاحت ضاكت بميدانها
الكاع صرخت يابوفاضل فاضت بطوفانها
حيهم العباس صال وكلشي لبكيفه
الله هم بي يتشيم ياخذ بحيفه
والكمر عباس انور
صاحت العربان حيدر
رفت الرايه
شسوه حيدر بالطلايب ابو فاضل ينضره
صار يوم الطف حلاله وعاد صولة حيدره
كام شالاها الشريعه جنها شيلة خيبره
على جفوفه صلى الله اتسمه سبع الكنطره
الله دز عزريل عود ويقبض الموته
كله ربي وابو فاضل محد يفوته
اتلثم بالله وكبر
صاحت العربان حيدر
رفت الرايه
***
علي غسان المياحي