630
الراد ينعد عالزلم يبجي عليك وانت بس ذكراك لمبجيني حسين كلشي يولي بس طرواك اريد انا ميت وانت لمحييني علي غسان للتواصل @ali_ghassain
رحلة عذاب ..
لوعة ومصاب .. سكينه تحجيهن
وي راسه بنفس الدرب مشينه
والحادي مومنه وحده الضعينه
************
وكت العصر كلشي وكضه.. راح الخدر والعز مضه
ياوكت زينب تصير الخارجيه
فوك الرمح راس الولي .. صاح الشمر طك بت علي
الماطلع صوت الها سموها سبيه
وركضنه صوب المشرعه ... لعباس عود نفزعه
ركضن خواتي وعالجمر داست رقيه
نسوان تركض لا ولي شبدينه
الحادي مو منه وحده الضعينه
************
شحجيلج وكومه القصص .. والخيم صارت جن حصص
صاحو عالخيمه دخلو وفرهدوها
عمتي تصيح عالهيم .. نركض لجن مامش خيم
الغيره معدومه وخيمنه حركوها
الماركضه حتى بحلم .. تركض يركضوها الزلم
عشرين عام ومادورها الجاورها
ناس غربه وبس تصد علينه
الحادي مو منه وحده الضعينه
***********
ينزف عذابات الجرح.. فجر اهدعش طر الصبح
الخيم محروكه وعساكر تفتر
بت الرساله عالهزل .. من طاح عمي ابو الفضل
الجان بعيونه يحطها وهسه تعثر
خدر الله طالع بالفله .. نسوه الخدر وبسلسله
جتفوها زينب بالسلاسل تنجر
ماكو نغاره وتجي تحامينه
وي راسه بنفس الدرب مشينه
*****************
احجيلج شطوله الدرب .. كل خطوه نغزه ع الكلب
النوك عرجه وبالحجر نترامه
لمدللة غريبه صفت .. جتال اخوها ويا مشت
هي حرمه وفزعها زلامه
شحجلج وكومه الحجي .. والجلمه تنزل بالبجي
مو دفن ميتنه الخيول اكرامه
ماكو والي واليصد علينه
وي راسه بنفس الدرب مشينه
******
علي غسان المياحي
محرم الحرام
لسان مولاتي فاطمه الزهراء
ضلعي مكسور .. وانت منحور يمه محنيه
بهمي اجيتك .. بس لكيتك .. شيبه مدميه
موليك الرمح. مشيول برمح
شيبه مدميه
******
اجيت لمصرعك يحسين بس يحسين شيلمك
اميل بالجروح اتراب شنهي لبيك ميلجمك
يوليدي دبطل النوم
من عندك خذو لهدوم
خواتك ضاعن بغربه واجت تنعاك بس امك
وجهي مشبوح وانت مذبوح .. ونايم برمله
خنصرك وين احجيلي يحسين.. اكعد سم الله
يا اول جرح مشيول برمح
شيبه مدميه
********
طحت بس عيني يمه تشوف يكلها من الخيم طلعي
نقص والخنصر المفكود وتاشر للخيم رجعي
للخيمه زحف تحبي
والزينب جفن يربي
وبكيت محيره بهل الساع وجفني الماكطع دمعي
بحيره زينب .. ناري تلهب.. يمه حاجيني
جروحك هواي.. تشوف عيناي يمه دليني
دليني الرمح .. ياوجه الصبح
شيبه مدميه
********
يراس عالرمح محطوط بحجر ومصوب الكصه
ينايم عالرمل مطروح جسم وتقسمو حصه
عالشذره كطع خنصر
عالدرهم كعد ينحر
ماضلت ولا خيمه وكلب زينب الف غصه
بكلبي ناره .. على الحياره .. وانت نايم
ماهو راسك .. لا ثيابك .. عكلي هايم
مو ليك الذبح .. مشيول برمح
شيبه مدميه.
********
شغت من شفتك موذر عالصدرك دايس الحافر
واكولن هوى مو هوى شصاير يمه بالعاشر
عالصدرك يمه خياله
وحيد اهوايه جتاله
طحت يمه وغدت زينب ينضر ليها كل عابر
ركضت اختك . ما جزتك .. وكفت عليك
من المخيم ... ريحه تشتم.. تعرفت ليك
ياوجه الصبح. مشيول برمح
شيبه مدميه
*********
علي غسان المياحي
الحومه مثل السبحه وتفر بيها
هي المعصيه اتلوكلك طب ليها
**
تاه مطراد الزلم مدري الوين
الحومه ضاكت والدرب تاه منين
فرالزلم بس جنها فرت محجال
طب الها ويشمر زلم عالصوبين
طب الها واعلى الراس ... شد اعمامه
عاف الجلد بحسين..... شد حزامه
حيد وسبع وازود
مثلك ولا احد
الحومه مثل السبحه وتفر بيها
هي المعصيه اتلولك طب ليها
*
عالهامه علك ريشته ومهره الريح
جبريل مد جناحه والله ليصيح
دزاله طارش خل يهود بالقتال
عباس لو ذب النفس عشره اطيح
عباس من يزعل ....تسولف عينيه
جاب النهر بذياله .....يم سكينه
بس بيده يحله السيف
مايسد بابه لضيف
الحومه مثل السبحه وتفر بيها
هي المعصيه اتلوكلك طب ليها
**
بجه النهار وضهضهب وصار الليل
الموت يفتر بيها صيح عزريل
الموت حصتي يابوفاضل كف عاد
العندك انت يابوفاضل سجيل
كوم نهار علةالنهار.... هنانه
جوه لليل الله وكلب... الوانه
غيره وشرف واحساس
يمرجف انت الناس
الحومه مثل السبحه .واتفر بيها
هي المعصيه اتلوكلك طب ليها
***
يجدح غضب وعيونه تطاير نار
بجه العساكر والجثث شت طشار
عاليمنه واليسره يطب داخ الجيش
الجيش وي الكون هم ضل محتار
الجيش من خوفه .... رجف بعلومه
هزهز الكاع الحومه..... ذبت حومه
سيف ورمح عالكوم
لاماكو راحه اليوم
الحومه مثل السبحه وتفر بيها
هي المعصيه اتلوكلك طب ليها
***
علي غسان المياحي
قل هو الله احد ... قل هو الله الصمد
ايد الله فوك ايده ... قل هو مثله ماوجد
****..****
شايل علوم الله كلها وبيك كلها تجمعن
والسوالف كلها بسمك غير شخصك ماحلن
كلشي ماخلت الدنيا سوالفك يتسولفن
الله من سوه الخليقه تراب منك ونعجن
ابو تراب وموعبث ... علي من الله ورث
وارث علومه وصفاته ... علي قران انبعث
****..****
كلبت تاريخ غيرك شبه زلمه ماحصل
ياهو مثلك الله دزله من السمه سيفه نزل
كصير ماعرفوك كالوا اجو بس شافو جبل
محد يشيل الوصيه بغيرك الله ماقبل
للرسول انت اخو ... زلمه غيرك مالكو
مالك انت الدنيا كلها ... وانت للعباس ابو
****..****
يالقلعت الباب انت وبابك انت ماتسد
كلشي بالكون ونضيره الاشخصك ماله ند
انا ما شايفلي زلمه بجفه شمس الله ترد
بضهرك العباس انت للحرب لمن تهد
قل هو رد الشمس ... الكفر يمه تنخلس
قل علي راعي الطلابه ... علي رب لكل نفس
****..****
علي ترعد بالطلابه الروس توصل للسمه
انت حامي الدنيا كلها هيج حماي الحمه
وانت رب عالبدايه وانت رب الخاتمه
سيفك من يعوف بيته عطش وتروي دمه
علي سلطان الحرب ...لو دخل تاه الدرب
الزلم يمك ماتجيلك ... بعينك اتذبح الركب
****..****
علي غسان المياحي
لطلب اللحن @ali_ghassain
نزال للامام علي
ثبت الدين علي بفقاره
بفطور الزغار كرم خطاره
بيته من طين كعد بكتاره
هذا ابو حسين
*
علي ماصحب غني .. علي صاحب بس علي
وعلي صاحب بس يتم
علي لو مر بدرب .. للطفل يكسر كلب
اله الورده تبتسم
دخيل سبحانه الخلق .. علي ياسوره فلق
علي يم الله الشهم
علي اعلى من العلو .. علي احلى من الحلو
الباقي يم الله العلم
يعرف ادروب السمه وابوابها
الكاع منك وانت يابو ترابها
الماتجي بطوعه يكسر انيابها
هذا ابو حسين
*
دخيل بخته وشارته .. لو لبسها عمامته
تبتسم اله الزركه
الماي لو يعطش ترى .. اسم حيدر يذكره
علي اتخضر الوركه
علي سالوفه ملح .. علي رايه لكل صلح
علي الحك حكه
سيفه الله منزله .. للرساله امكمله
الصحف التروي الطكه
يسوى ثقلين علي بطكاته
بوكت الحروب رفع راياته
بدر وحنين علي سواياته
هذا ابوحسين
**
علي ايه بسمله .. والسماء اترتله
وهو صار كتابه
علي قران البشر .. بكصته لاجن نهر
يطك من عتابه
كشخته مركع هدم .. طوله مرجف الزلم
الزلم كلها اتهابه
علي يابزر النده .. علي اليابس ورده
جفه قالع بابه
بعينه بوحسين شمس رداها
مالت الدنيا ورجع كضاها
حيدر كصير ركب فوكاها
هذا ابو حسين
**
من يشد الثامه .. الليل ياهو ينامه
السيف عاف كرابه
من تدور الحومه .. العدو يذب هدومه
يضل بس ترابه
الدنيا لو غيمت غضب .. ناره اتجوي الحطب
يعني عنده طلابه
الريشه لبوكت الحرب .. بضهره ابوفاضل صعب
يردها جيل اصلابه
بايده فقاره والها مستعد
بضهره عباس حيدر من يهد
قل هو الله بس حيدر احد
هذا ابو حسين
*
علي غسان المياحي
لطلب اللحن
@ali_ghassain
رد الشمس .. علي
وي النفس .. علي
رب الانس .. علي
ولي الله
ولي ورادك ارباب البريه
امير وللبشر انت حميه
احسانك عيشاني بيك مفتون
بحماك اتينا يا جد رقيه
علي علي نوماس
علي علي مهراس
علي علي قران
علي علي للناس
****...****
صعب الصعب .. علي
راعي الحرب .. علي
ند العرب .. علي
ولي الله
لو لاكه لما سوه الخليقه
صحيح وماكو غيرك اي حقيقه
علي يتباها الله بيك ع الناس
لذالك الله لنطاك الوثيقه
علي علي .. عالي
علي علي .. غالي
علي علي .. سلطان
علي علي .. والي
****...****
رب العدل .. علي
حبل الوصل .علي
خير العمل .. علي
ولي الله
لولاكه لما تمت صلاتي
بعتابك اجت كل امنياتي
اقبلني وخل اصير بيك مجنون
متيقن تجيني انت بمماتي
علي علي .. رايه
علي علي .. منايه
علي علي .. روحي
علي علي .. غايه
****...****
انت الوصي .. علي
انت الخفي .. علي
دين النبي .. علي
ولي الله
محمد واصطفى هو نبيا
ديناً واستقام بالخفيا
بات في فراش وحامه عالدين
لا يوجد فتى الا عليا
علي علي .. الدين
علي علي .. يقين
علي علي .. اسلام
علي علي المبين
****...****
علي غسان
لطلب اللحن
@ali_ghassain
ياحلاة الكمر اسمك انت فخر
بجدمك يطك نهر ياعباس
ماكو مثلك بشر مخضر انت الشجر
الليل يمك سهر ياعباس
الرايه لو رفت بمتونك بالواها
تطافر خلك الله وركبها بسمها
معروفه صولاتك بالحومه من اتنازل
تغرك الكاع الله واطوف بدماها
خيال رجال تطوي الكاع بجدمك
جا وين يرحون الجيش ويشرد منك
صاحو عباس طب للحومه ونازل
وليل من الخوف نام وبين رسمك
لو تدك بالثايه الك بس حجايه
ماتجرد سيفك تكوم تحجي الرايه
***
مايهمه العطش جفه لخته انفرش
غيره انت العرش ياعباس
عينه بس للخيم شيمه وانت الشيم
مايهمه الالم ياعباس
الخالق ماسوه صنفك لا ابد
من حكي لو كولن بس انت احد
اعيونك غمرني بيك وتهت
تلكاني كل عمري صايح مدد
ياغيم عالناس ** رحمه اجفوفك تمطر
عباس بهداك ** جدمك كاعك يفطر
العيون بالغيض اليكبل يمك يجفل
خيال عالريح تسرج مهرك تعبر
راعب الخياله الخلك ماهي بحاله
النهر من اتجاسر جبته من اذياله
****
ياكمر كربله كافل العايله
راعي انت الهله ياعباس
احله من الصبح كصته تنكط ملح
عيونه ترفض صلح ياعباس
عباس شنهي السالفه اتهدانه
الجيش صاح ادخيل و اتعدانه
كال كل الجيش انتم والماي
السبعين ضاعت كلها وي اردانه
صكار بتار العسكر منك خايف
والماي موماي خايف منك نازف
شتريد بس كول كل الكون بجفك
ياكاع ياماي يكضي الوادم حالف
دخيل خزره عينه لافده لسنينه
تخاف منه البيده يرعد بجفينه
**
احلى من الحلو مرجله ياكفو
جفك انت دفو ياعباس
بكيفك ابدي الحرب سيفك يسد درب
كضها لا تنكلب ياعباس
احساسك تارسني تارس كربله
والغيره بالبجفوفك تنطي للمله
ضيعت صيت النهر جودك جفاه
جان اعوج وانت جفك عدله
عباس يا ياس اسمك طافح غيره
الفرسان الشجعان بعينك شافو حيره
الخيام بحماك حيد وشايل رايه
ولليل بضواك سافر كمره بديره
حسين منك حيله ياكمر وبليله
ضامك للحومه تعدل انت الميله
**
علي غسان المياحي
لطلب الحن
@ali_ghassain
#شور_مولاتي_رقيه
انتي حياتي وروحي رقيه
اسمج يهيج اجروحي رقيه
ياصغر ابنيه انسبت لرض الشام
عليج مكطع نوحي رقيه
وين ترحين ماضلج ابو
لا عباس لا ضلج اخو
نار والخيل والوادم لفو
راح كل ذاك دلالج ولدفو
شلون ضهر العاشر عليج حركو خيمه
حسين داسه الحافر من ركضتي بهيمه
يارقيه يارقيه
*
جنني وياج والعشك رقيه
كون نفسي اليختنك رقيه
منج تراجيج خذو موش زلام
ريت جدمي اليحترك رقيه
ليش بالطف باك احلامج
ليش بالنار تدوس اجدامج
راح لحسين وضلمه ايامج
خيل وصهيل كل اوهامج
باكو الترجيه وصحتي بابا الغالي
باك كل احلامي وانت راسك عالي
يارقيه يارقيه
انجفت كل سنينج رقيه
وصار بس ونينج رقيه
الكطع راس حسين نفسه الحداي
رجع شد ايدينج رقيه
ليش مطبوع بجفوفج حبل
اطيح عالكاع ويطكها النذل
انوب للشام تمشي ع الهزل
بسوط يطكوج ياكبر الرزل
عالهزله اونينج وصل حد السابعه
انفطر كلب الناكه والخلك ماسامعه
يارقيه يارقيه
*
شفتي من امصايب رقيه
بالهزل وخرايب رقيه
عينج السهرانه لحضه متنام
كلبج انتي الذايب رقيه
صريخ ويتام وسوالف بجي
ليش بالسوط مشكوكه العبي
وين تحجي خلص كل حجي
طاح لحسين جابوجن سبي
ذبلن انتي متونج الدرب ماهو شويه
عليج صرخت زينب ماتت العلويه
يارقيه يارقيه
****
علي غسان المياحي
@ali_ghassain
بويه حاجيني .. كربله شنهي وخذتهم وانا عفتوني
امشيه عليك الزجيه بويه حاجيني
لاتخليني وحيده ودمعتي بعيني
مو عليله وادعتك والفركه تاذيني
مااريد ابلايه شوفك تخلص اسنيي
بالضعن ماشي .. ماسئلتو خلافكم شيسكت عيوني
*
مو مريضه بويه شاهد بيه مابيه
لو حمل زايد عليكم تمشي رجليه
الليل اباري بي خواتي بخيمه رقيه
ماني منكم ليش بويه ماني علويه
ناكه ماريدن .. بالدرب رجليه تمشي هايه شوفوني
عالخيم خليني احرس وتد للخيمه
مااريد افراش بويه خلني بالهيمه
والجمر لبكلبي صاير حركة الجيمه
بس المفارك يعرفه كليبي وبضيمه
لا تخلوني.. الليل مايخلص سوالف تسئل ضنوني
لاتخلوني وحيده بشيمه الساده
وي عبدالله اريدن اهز بامهاده
بويه وياكم اخذوني والكلب راده
وسط دلالي اضمه ضمة اكلاده
من تجافوني .. لو اجيتو من السفر ماضن تلاكوني
كلبي كارصني عليكم واعلم الصاير
والخيم كلها توجر بويه بالعاشر
وصدرك الينكط محنه يدوسه الحافر
عمتي عالهزله تصعد يضحك العابر
وياكم اخذوني .. وي عماتي اريد تزورك متوني
*
علي غسان المياحي
رازقني دمعه عالضعن
مشوفني جرحه والمحن ... علي ابن موسئ الرضا
معيشني شوغه بالشجن
كارمني اي عمه الحسن ... علي ابن موسئ الرضا
مهيج احزان الطفوف بكربله
منك اريدن دمعتي عالخيم
عيشني لوعت عمتك والركض
من طلعت بلا والي صوب الهيم
حزن و دمع ليل وبجي
نار حركت طرف العبي
حسسني شوغت الفواطم طلعن يركضن بالفله
موبشر خليني هايم عالجره بطف كربله
زينب تروح بلا وليها مكيوده تمشي بهازله
ياثامن الحجج مدد
*
منك اريدنه الجرح
يالجدك انت عالرمح علي ابن موسئ الرضا
يالعمتك بديرة غرب
كل ساع تعثر بالدرب .. علي ابن موسئ الرضا
بابك اجيت ونوخيت بالركب
يامالك الدنيا عالبابك عبد
رايد رحمتك وانت شيخ الشيم
حاشه عالبابك منك احد يرد
ليلي اون بس عالجره
عمتك مشت وميسره
عالخيمه خل يجري دمعي يالتحسها خيمتك
هيج احزاني بمصابك يالجمره تنزل دمعتك
اكسر ضلوع بلطمتي وما ماجازي عبرتك
ياثامن الحجج مدد.
قربني اهوى وصالك
محيرني عطفك جمالك ... علي ابن موسئ الرضا
انطيني رحمه بنضرتك
ارزقني لوعه على عمتك ... علي ابن موسئ الرضا
ياضمن الريم بودادك اجي
كون عالبابك ينكسرلي ضهر
انطيني حيل بدكتي اكسر ضلع
عالراجع ومنكسر من النهر
كام وعلى وجه انهطر
من عنده رايح جم ضهر
من النهر رد محني ضهره والشماته والعدو
بذنه ويسمعونه حجيهم ماعنده ناصر لا اخو
ياعيني خل يجري دمعي الطايح تره سبع وكفو
ياثامن الحجج مدد
* * *
من عطفك انطيني نضره
من حزنك انطيني جمره علي ابن موسئ الرضا
يالعمتك اتروح بهزيله
ماعدها واحد تشتكيله علي بن موسى الرضا
الجانت اميره مكيدها بحبل
ماعدها والي تحشم الها ويجي
بعيون اخوها وعيشاها رمش
الجلمه من تطلع تسولف بجي
نوك الهزل شالت خدر
وسفه نسبت تالي العمر
فوك الهزل راحت اسيره. من بعد هذا العمر
مدللة وحاديها اخوها. هسه حاديها الشمر
الماطلع صوت بحجيها مجتوفه دخلت عالقصر
***
علي غسان المياحي
بين معصومه والسيده زينب (عليهن السلام)
زينب المعصومه تروي العاشر
اتكلها عمه اتصبري على الصاير
الليل خلص بالمعاتب وانتي عينج ماغفت
نفس عيني بيوم عاشر من اخوتي ضيعت
انتي ماطريتي هيمه النار جدمج ماجوت
ولا خيامج حركوها وخيل يمج لا اجت
عمه انتي عالهزل ماركبوج
ولا تشمت بيج هم لاشتموج
انتي ماطريتي بيده ولاركضتي بنص زلم
ولاتسلب عمه ضعنج وابد ماعشتي الخيم
السوط مابات عالمتنج عمه ماشفتي الالم
ولاخذوج عالشريعه ولا وكع منج علم
عمه خدرج الحمد مافرهدو
ولا اخوج بسلسله منج خذو
صاحب السجده الطويله خلص عمره بالسجن
الناكه نفس الناكه رحنه اثنينه شفنه المحن
الفرق وحده هو عمه وانا مكيوده بضعن
هو بس بغداد فرها وانا فريت المدن
عمه اديه من الحبل متجرحات
بالخرايب لليل اخلصنه وابات
بالسجن خلص حياته وفاضت اسنين العمر
زين موعالرمله باقي مسلب بعز الضهر
ناس تبجي عليه عمه شيعوه عالجسر
حسيني جاني برمح عالي لمن ردالي المهر
مات محبوبج اجت من شيعته
صدر محبوبي الحوافر داسته
***
علي غسان المياحي
فزاعي .... استشهاد السيده زينب
حط للزاجيه بيرغ وامش بيها
*******
هاي الي ابوها اتخبل اعلومه
هاي اخت الكريم الينطي بهدومه
هاي اخت السليب الضال بالحومه
ياهي مثل زينب ينحلف بيها
********
هاي اخت السبع ومعدل الميله
هاي البس اخوها شايف الشيله
علي قرآن الله وهي ترتيله
سر مكنون محد يعرف شبيها
*************
هاي الرفرفت بالشام رايتها
بديوان الزلم سولفت غايتها
شاهينة علي مشت حجايتها
لهزت مجلسه ومكيده اديها
**************
الخلت كل زلمهم توكف بحيره
هاي مالتذل من يومها جبيره
ياديره التطبها اتشرف الديره
تستاهل البيرغ يهتز عليها
**********
علي غسان المياحي
#شور_مولاتي_زينب
بالخيمه نار .. .. تبجي الزغار
كبالي وراسك عله
ليك اركضت .. .. بجثه عثرت
خويه شبت كربله
الخيل ماتفهم حجي وخاطر ترد
بذاني اسمع ضلعك يطك ينمرد
الخيل غارت واركضت منهن عليك
ضاع خدر الله وخيم صارت رمد
النار جلبت بالعبايه وجيتك
كلبت كل الجثث ولكيتك
خويه راسك من صعد فوك الرماح
الرمح مامعرف طك بصيتك
*
تبجي السمه مخضب دمه
بالصدر حافر رفس
جاني المهر بوكت الضهر
وركضت ماكو نفس
نايم على الرمله شافت عيني
جنه هذا حسين موش حسيني
حسين حاجني ارد شمك انت وين
عيوني عميه بريحتك دليني
حسين ياسورة حمد والتوبه
انت وجه الله وهدم مسلوبه
نايم بعز الضهر حان الاذان
على الخدر الاصياط صلت نوبه
*
جرحي كبر بكبر الدهر
ياحيرة التمشي سبي
يجوي الدرب شماته وغرب
سومرت حته العبي
النوك هزله بالدرب حرمه اطيح
المن اركض كلها شو عمه اتصيح
الطاحت من الناكه تسحكها النوك
كلها ضدنه اتكالبت حتى الريح
التفرش مصلايتك طكوها
ركضت بنار الخيم جووها
رابيه بحضنك كضت كل السنين
رقيتك يحسين مارحموها
حتى الجهال شدو حبال
والحبل حز الجفوف
وجه الصبح فوك الرمح
ينضر بعينه يشوف
بالحبل مكيوده وامشي وبلايه راي
نايم على الصحره خويه بلا فياي
شفافك الورديه ليش مفطرات
خويه عكبك ماهويته بكلشي ماي
عمت عيني عليك شوف النومه
الخيل شنهي مسويه موش ارسومه
الف وتسعميه جرح مو هينه هاي
عضامه متوذره بتراب الحومه
*
علي غسان المياحي
خروج الضعن لسان حال مولاتي العليله
بالسلامه.. ياهلي رايح ضعنكم.. بالسلامه
بالسلامه.. الليل وحشه وذكرتكم .. بالسلامه
والضعن من يمي شايل
وعيني صدت للمحامل
بسلامه
****
تصد عيني بضعنكم راح .. وكولن بي نقص ناكه
شبدر مني وجفاني حسين .. كلبي يوجعه فراكه
اصعب لحضه اموادع.. خواتي من اودعهن
مامتعوده ع الفركه.. تريض خل اشوفنهن
انا ادري ومايصح ملكه.. عالصدري وخل اضمنهن
وي خواتي.. شيصير لو عالناكه اروحن. وي خواتي
وي خواتي.. وبالدرب لحسين اصدن.. وي خواتي
نعمه من ضلالي فاضل
عيني صدت للمحامل
بسلامه
*
جفيتوني ونحيل الحال.. وصفيت بروحي بس انعه
مفضوح الجفه يحسين .. اذا ابنادم لزم ضلعه
اكضي لليل اجر ونه.. ونه تخلف الحسره
اكولن مارفع جفه.. يجوز بهاي اله عبره
اثاري باجر منيروح.. تضل بس تسعه موعشره
تصب عيوني .. انا وليل وحسرتي .. تصب عيوني
تصب عيوني.. والهجر طفه شمعتي.. تصب عيوني
والدمع من عندي نازل
عيني صدت للمحامل
بسلامه
*
ادزلكم رسايل شوك .. وارد مناطره ابابي
ويجرحني الهوه ليفوت.. شايل ريحة احبابي
يبويه الفركه مو هينه.. حرمه بلا ولي صعبه
انا ادري ماترد وتعود.. حياتي صارت بغربه
ادور ذكره لك بالبيت.. عالراسي وهلت التربه
من جفاكم .. عاشرت روحي مصابي .. من جفاكم
من جفاكم .. ابد مافاركته بابي .. من جفاكم
حرمه وبلايه كافل
عيني صدت للمحامل
تعبت من الهجر يحسين .. اتاني وماخبر جاني
عاشرت الحزن والضيم .. الجرح يسكت يفز ثاني
هلي و عفتوني بالغربه .. يماتدروني وزغيره
يصح مثلك حظن دافي.. وانا ادردي ماالي غيره
بعيني والضعن كوطر .. يبويه بهتت الديره
ليه عودو.. الناس ماترحمني بويه ليه عودو
ليه عودو.. عالهجر ماني قويه.. ليه عودو
بويه محد عني سائل
عيني صدت للمحامل
بسلامه
*
علي غسان المياحي
محرم الحرام
وصية ام البنين للإمام العباس
(بدوي)
رفيج الكنايص يولدي يبن الحمايل
يازين طولك ضنوتي ضب الاصايل
ارفج عضيدك للوغى وانت بوفاضل
ابغى الصوارم في يدك لمن تنازل
ارفج خويك يولدي ورد النوايب
بطارف حسامك ياشهم طش الكتايب
********
امطي عالسباكه يازين الفعالي
زم رسنها والحرب هي المنالي
جوجب عليها وتناوش بالمعالي
ياضناي الغالي فدوه للغوالي
يحرسك الله يولدي دهر المصايب
بطارف حسامك ياشهم طش الكتايب
**********
الجم رسنها وبالركب طر الصحاري
وميهه بروحك لو كثر رمي الرماحي
خل البيادي ترتعش من الصياحي
جيب الغنايم ياكلف يوم الجياحي
اسند عضيدك يولدي يوم الحرايب
بطارف حسامك ياشهم طش الكتايب
**************
ادريبك وشاهينِ ماتركد لصيده
يوم الوطيس انزل لخيك حبه بيده
بيك شمرت بدوه وفعالك عنيده
اروج عالحومه يمه اطرش كصيده
انا ابن الذي سواها العجايب
بطارف حسامك ياشهم طش الكتايب
*******
علي غسان المياحي
مشاهدة "رقيه خاتون |اداء عبد الله العكيلي| كلمات علي غسان المياحي|الذاكر منتظر السعيدي| مجالس الحسين يجمعنا" على YouTube
https://youtu.be/zEjU--yIRus
احتار من اسولف بالله لو بيك
يالمخلي صفاتك من صفاته
امير واسمك يدك بالسماوات
امير مركعه هدومه وعباته
ماردت القصور ولا ورئاسات
لا ردت الحكم لا مغرياته
بس ربك بعث جبريل مرسال
اليوم اتمتت عليكم نعمتي ورضيت لكم الاسلام دينا
الدين اعتله وحيدر علاته
من عدها وبده خيط الحقد لحسين
من عدها وبده درب الشماته
من عدها علي وهل الخلف العباس
عنده احساس شيصير بناته
علي توزع خبز حركولك الدار
اذا توزع الذهب شيصير مولاي
بوكت حكمك ابد صار جوعان
وين ايدير عينه يشوف اكل جاي
وحيد وفارها الدنيا من الاكتار
وحيد والله بس يشوفك هواي
احتار من اكتبك ياشعر بيك
يجي ابالي واكتبه ويصفن الراي
علي غسان المياحي
شور للامام علي
ياعلي بهونك تتركني وتروح
اصغيره بفراكك وعيوني تنوح
ياعلي غيرك اشوفنهم سراب
روحتك بويه ترستني جروح
ياعلي بهونك بعيونك ابقى الليله
الليل لو جلل يالصندل علي يضويله
انت فارس بدر انت لليله قدر
انت اول وصي ياقران البشر
ياابويه علي يابويه علي
الديره من بعدك تودع ديره
بويه بعدك راح اضل بحيره
كلي شحجي لواجه جاهل يكول
علي ميت والله هاي جبيره
انت المعزب .. بالمغرب.. تنطي فطورك
الموت من جالك .. وكبالك.. رايد شورك
حاكم على الانس الله رادك ونس
جفك انت الخبز الهوى يشمك نفس
يابويه علي يابويه علي
يالي رديت الشمس ابقى شجاك
العشيره اتيه بويه من وراك
الموت مايعرف شهامه ولا حياة
خاف منك هو بالصلاه لفاك
ياعلي الوالي ... يالغالي ... الدنيا صوفرت
منها الجبل طايح .. وسايح .. دمه اتبهذلت
طايح ركن الهدى صفن حتى الهوى
الله رادك اله رادك وي الصلى
يابويه علي يابويه علي
اول مره احس مودعه الجنه
من كد ماحنين بايده وكلنه
من راح النفل مالن السبعه اخاف
ومن طاح البخت ضاعت ترى الحنه
ياعلي حجابي .. وكتابي .. انت الاقرا بيك
اعيوني اعميها .. واطفيها ...اذا بجي عليك
النبي لمن سرج .. اتوكل عالفرج
ناده اسمك صعد ياعلي وعرج
يابويه علي يابويه علي
علي غسان المياحي
لطلب اللحن
@ali_ghassain
حي الله ابو الحسنين شيخ الساده
الجيش خيم وانت بس رداده
تشد لثمتك والفقار ابيدك
العركه زودك وانت عندك عاده
يالكاسر انت الخيل بعينك شمس لو ليل
الخيل من تركبه تكسر ضهره
ياحلاتك من تشد الخضره
*
الحرب من تحمه انت المجويها
الكلفه صعبه والله حطك بيها
المايلوحه السيفه صوتك لاحه
الكلفه ثوبك كتله ذبني عليها
تمطر شرار اليوم اليشرد يذب هدوم
هيبه طولك يبو جفوف السمره
ياحلاتك من تشد الخضره
*
فقارك وبالجيش هم ما يقنع
يالماكو فارس غيرك ولا انزع
الجيش اهو كبل الحرب شو خايف
بضهرك العباس بس لا يطلع
يمرجف انت الكاع يالخلفتك لسباع
الشذره تطبع عالخد بالسطره
ياحلاتك من تشد الخضره
*
السيف من تلزمه يبقى يهلهل
وجنه ابابيل وعليهم وينزل
الخيل معرفه بصهلها العاده
الزلم كدامك بقت شو تصهل
يالماكو هيج ازلام عالعيله ابد متنام
تجوي عينك بالمكاون حمره
ياحلاتك من تشد الخضره
*
علي غسان المياحي
لطلب اللحن
@ali_ghassain
استشهاد الإمام علي عليه السلام
لو ماعلي هل الدنيا ماموجوده
ياعلي جفك بالحرب مريوده
لومافقارك ماثبت هل الاسلام
العاداك ياحيدر خسر معبوده
علي علي علي
علي الحر .. علي الدر .. زلمه زين الما يفر
علي يكر .. علي يجر .. حيدر الله انطاه سر
علي ياعين الله
علي يادين الله
**** *
ياذات الله ومالك بصفاته
قران ناطق تحجي بحجاياته
ياحيل ربك تختلف عن الناس
تحكم بحكمه وسولفت غاياته
علي علي علي
علي الحي .. علي الشي حدر جفك علي في
علي الضي .. علي الني .. جوه جدمه الكاع طي
علي ياحق الله
علي نطق الله
*********
مخلوق خالق انت ذات الباري
ياعلي ميت وانت حي الداري
الدنيا بجفوفك مثل طاسه ماي
بس ليك ياحيدر الحب اجباري
علي علي علي
علي الروح .. علي الوح .. علي وارث علي نوح
علي الليل .. علي الهيل... طيب منك علي يفوح
علي يا حيل الله
علي يا ليل الله
************
الشمس من ردت علي بخزراتك
من رفعت جفك وستحت نضراتك
الشمس من ترجع علي مو انجاز
صغيره تنعد هاي بجنازاتك
علي علي علي
علي النور .. . علي السور .. الافتى الا الغيور
علي الطور ... علي الصوّر .. الدنيا بيده علي ادور
علي يا ضي الله
علي وحي الله
*********
علي غسان المياحي
لطلب اللحن
@ali_ghassain
العزيزه الهاشميه ... اي كبل جانت
السبيه الخارجه ... بالغرب صارت
هيه زركه متونه
ماتبطل عيونه .... بالغرب صارت
*
الكبل ما بان ضلها جدم مجوي من الحرك
عثرت بجثت اخوها تيهتها من السحك
تشمه من نحره وتكله متت يارب العشك
الذابحك فرهد خيامك طكني وعيوني زرك
والخدر طالع ... ركض بالهيمه
كلها وتباوع ... حركو الخيمه
شو تغير لونها
ماتبطل عيونها ... بالغرب صارت
*
ياحريمه وخلص كلشي ونسبت بت المضايف
جان ابوها شيخ ربعه لو حجه يسكت السوالف
بهزله راحت وراس اخوها ودخلوها بنص طوايف
بحبل جرها وعثروها وجان شبه الزلمه واكف
بت علي زينب ... هايه شوفها
ماكو من يحمي ... الها طكوها
قهر ويعرفونها
ماتبطل عيونها .... بالغرب صارت
*
بعد معركة الطفوف الدمع عد زينب حجي
يخلص الليل ويروح زينب وتسولف بجي
من بعد طول المصاب بعد اخوتي شرتجي
محسبه لو طال عمري بزود اخوتي انتجي
خلصت عمري ... جرحي ولهيبه
من عكب اهلي ... هسه غريبه
ايه شيفسرونها
ماتطبل اعيونها ... بالغرب صارت
*
كل حرمه تبقى بلا ضهر طول العمر تتوازه
تتشيم الحرمه باخو خيمه وستر تحتازه
عباس يارب الخدر لزينب صبح عكازه
بالغرب ضلت بت علي هسه الغرب جنازه
زينب وماتت ... والنعش شايل
تنضر الوادم ... ماهو الكافل
غربه ويدفنونها
ماتبطل عيونها .... بالغرب صارت
**
علي غسان المياحي
باجر ترف رايتي بوجه الطغاه
والا ادبحنه الحرك يم بابج
الدفع بابج والرضئ بيها يموت
وارد ثار المحسن وي مصابج
بعالم الاصلاب وادري الصار بيج
اعرف البيغض وشك كتابج
والغصب حقج يجي مذلول راس
والا اوكفهم سره على اعتابج
علي غسان المياحي
خروج الضعن لسان حال مولاتي العليله
بالسلامه.. ياهلي رايح ضعنكم.. بالسلامه
بالسلامه.. الليل وحشه وذكرتكم .. بالسلامه
والضعن من يمي شايل
وعيني صدت للمحامل
بسلامه
****
تصد عيني بضعنكم راح .. وكولن بي نقص ناكه
شبدر مني وجفاني حسين .. كلبي يوجعه فراكه
اصعب لحضه اموادع.. خواتي من اودعهن
مامتعوده ع الفركه.. تريض خل اشوفنهن
انا ادري ومايصح ملكه.. عالصدري وخل اضمنهن
وي خواتي.. شيصير لو عالناكه اروحن. وي خواتي
وي خواتي.. وبالدرب لحسين اصدن.. وي خواتي
نعمه من ضلالي فاضل
عيني صدت للمحامل
بسلامه
*
جفيتوني ونحيل الحال.. وصفيت بروحي بس انعه
مفضوح الجفه يحسين .. اذا ابنادم لزم ضلعه
اكضي لليل اجر ونه.. ونه تخلف الحسره
اكولن مارفع جفه.. يجوز بهاي اله عبره
اثاري باجر منيروح.. تضل بس تسعه موعشره
تصب عيوني .. انا وليل وحسرتي .. تصب عيوني
تصب عيوني.. والهجر طفه شمعتي.. تصب عيوني
والدمع من عندي نازل
عيني صدت للمحامل
بسلامه
*
ادزلكم رسايل شوك .. وارد مناطره ابابي
ويجرحني الهوه ليفوت.. شايل ريحة احبابي
يبويه الفركه مو هينه.. حرمه بلا ولي صعبه
انا ادري ماترد وتعود.. حياتي صارت بغربه
ادور ذكره لك بالبيت.. عالراسي وهلت التربه
من جفاكم .. عاشرت روحي مصابي .. من جفاكم
من جفاكم .. ابد مافاركته بابي .. من جفاكم
حرمه وبلايه كافل
عيني صدت للمحامل
تعبت من الهجر يحسين .. اتاني وماخبر جاني
عاشرت الحزن والضيم .. الجرح يسكت يفز ثاني
هلي و عفتوني بالغربه .. يماتدروني وزغيره
يصح مثلك حظن دافي.. وانا ادردي ماالي غيره
بعيني والضعن كوطر .. يبويه بهتت الديره
ليه عودو.. الناس ماترحمني بويه ليه عودو
ليه عودو.. عالهجر ماني قويه.. ليه عودو
بويه محد عني سائل
عيني صدت للمحامل
بسلامه
*
علي غسان المياحي
العزيزه الهاشميه ... اي كبل جانت
السبيه الخارجه ... بالغرب صارت
هيه زركه متونه
ماتبطل عيونه .... بالغرب صارت
*
الكبل ما بان ضلها جدم مجوي من الحرك
عثرت بجثت اخوها تيهتها من السحك
تشمه من نحره وتكله متت يارب العشك
الذابحك فرهد خيامك طكني وعيوني زرك
والخدر طالع ... ركض بالهيمه
كلها وتباوع ... حركو الخيمه
شو تغير لونها
ماتبطل عيونها ... بالغرب صارت
*
ياحريمه وخلص كلشي ونسبت بت المضايف
جان ابوها شيخ ربعه لو حجه يسكت السوالف
بهزله راحت وراس اخوها ودخلوها بنص طوايف
بحبل جرها وعثروها وجان شبه الزلمه واكف
بت علي زينب ... هايه شوفها
ماكو من يحمي ... الها طكوها
قهر ويعرفونها
ماتبطل عيونها .... بالغرب صارت
*
بعد معركة الطفوف الدمع عد زينب حجي
يخلص الليل ويروح زينب وتسولف بجي
من بعد طول المصاب بعد اخوتي شرتجي
محسبه لو طال عمري بزود اخوتي انتجي
خلصت عمري ... جرحي ولهيبه
من عكب اهلي ... هسه غريبه
ايه شيفسرونها
ماتطبل اعيونها ... بالغرب صارت
*
كل حرمه تبقى بلا ضهر طول العمر تتوازه
تتشيم الحرمه باخو خيمه وستر تحتازه
عباس يارب الخدر لزينب صبح عكازه
بالغرب ضلت بت علي هسه الغرب جنازه
زينب وماتت ... والنعش شايل
تنضر الوادم ... ماهو الكافل
غربه ويدفنونها
ماتبطل عيونها .... بالغرب صارت
**
علي غسان المياحي
لشجاعة السيده زينب
بت الشرف انا وموش مسبيه
ماسلبونه انا انطيت ترجيه
****
انا الطاح اخوها وراسي ضل عالي
بت حيدر انا الماشافو خيالي
الشرف لمن تبده لاذ بذيالي
بت الزهره انا وموش عاديه
****
انا المن حجابي صارت الرايه
انا الماكلت مرتين الحجايه
جابولي النهر يتراجف بمايه
كالولي بخدمتج امري علويه
****
انا الفاتحه وعباس قرأني
فتر بيه الوكت بس حاشه ذلاني
انا المن مشيتي اتهاب عدواني
على متونه ابوي ايحطني خاجيه
*
ابوي الحاجه الله ورد شمس بيده
علي حبل الوصل بس انا تمديده
لجل عيني اخوتي شكو البيده
لبست اليل بس عباس كمريه
***
القصر لمن دخلته بهيبه مهيوبه
احس الكاع صاحت بت علي اتوبه
دعائي لو ارفعه الدنيا مكلوبه
بت الرحمه انا وموش مرجيه
*
علي غسان المياحي
عافوني ابديره غرب .. وماش من اهلي ويايه
سب وشتم درب السبي .. مكيوده وبلا رايه
انا الجنت ام الخدر .. ياوسفه من دار العمر
امشي سبيه
راحو هلي بليل اهدعش .. وحسين جسمه انفرش
التمو عليه
وركضتي من الخيم جدم يسبك جدم
مهضومه والم ااااه اااه اااه ونة رقيه
يم الخدر يازينب
ياضحكت الشامت عليه .. عباس ماهو بممشاي
يكلولي راح ومايرد .. والروح تطلع بهداي
المن اسولف علتي .. يضحكون تنزل دمعتي
رد اشتكيلك
يالطولك يغطي الشمس ... ياخويه شبعوني رفس
وينك واجيلك
عليه خيل اهجمو .. خيم فوكي احركو
تراجي شكد اخذو اااااه عيني شكثر توميلك
يم الخدر يازينب
وتعاين عليه الزلم .. جي راكبه فوك النوك
والاصعب بهذا الدرب .. طبونه ابنص السوك
اسمع الوادم بت علي ... فرحانه واتباوع الي
والدمع همال
ماغزر وياها الملح .. الجانو كبل عدنه فلح
كيدوني بحبال
رموني بالحجر ..خلص عمري القهر
بعد ماضل صبر اااااه تتباجه الاطفال
يم الخدر يازينب
**
طول العمر تبقى نقص.. كل حرمه ماعدها خوان
من عكب ماماتو هلي .. اطلع وطب بديوان
انا الجنت رمز الستر .. بس هسه يحديني الشمر
بعدك يعباس
سوط وبجي وشتم وضرب... شاهدنه انواع الرعب
عالرمح بس راس
صفيت بلا اهل .. يطك بيه النذل
يجروني بحبل اااااه واتعاين الناس
يم الخدر يازينب
*
علي غسان المياحي
هايبو فاضل هايبوفاضل
*
يالطولك وي الغيمه .. هايبوفاضل
يمخضر انت الهيمه .. هايبوفاضل
وبجفك ابني الخيمه .. هايبوفاضل
يامحله طولك هيبه
يابعد هاي الشيبه
يالتسوه زلم النيبه
الحاجب من اتميله .. هايبوفاضل
يرباية البدويه .. هايبو فاضل
يمنومس العلويه .. هايبوفاضل
يالبيك كلك بيه هايبو فاضل
يالما تثني حجايه
وبجفك اترف رايه
يابعدهايه وهايه
يمبجي كل كحيله .. هايبو فاضل
*
يالماكو مثل اطباعك .. هايبوفاضل
من تمشي تخسف كاعك .. هايبوفاضل
يالترعد من اصوابك .. هايبو فاضل
اتسولف احجايتك
اتنومس بوكفاتك
اضهضهب بخزراتك
لوعدنه صارت عيله .. هايبو فاضل
*
يالماكو مثلك واحد .. هايبوفضل
النهر منك شارد .. هايبو فاضل
كبالك حشد ماصامد .. هايبوفاضل
عباس واضح لونك
شنهي الشمس بعيونك
تجوي ما يدنونك
الزلم لبست شيله .. هايبوفاضل
علي غسان المياحي