5201
((صلى الله عليك يا اباعبدالله مولاي يا غريب يا مظلوم يا شهيد كربلاء )) *رابط كروب هذه القناة 👇🏻 https://t.me/groupalmamalhussein *رابط نعاوي الطف 👇🏻 https://t.me/naawialtaf313
#عگيلي
هل اهلال حسين ويومه
.................................
الله ايعين اگليب الزهره
ام حسين اليله ابحسره
تنعه حسين وتبجي النحره
وتنشر امه الزهره اهدومه
.....................................
الليله ابهمهه اتكوم وتعثر
وصوت الزهره يابو الاكبر
ابني اشسوه وجسمه اتطبر
ونحره امحني ابدمه الحومه
.....................................
من دم نحره الطف اتخضب
صعبه ايموت وبعده الاصعب
خدر ام عون البعده اتسلب
وظلت لا والي ومهضومه
................................
يا شيعي وحضر راياتك
واعله الطايح هل دمعاتك
اچوي الشط لجله بحسراتك
واعرف دمعاتك مرحومه
................................
خل يحضر جف اللطامه
وايدك ابحرگه اعله الهامه
وخل ايتاني الراس القامه
وجروح الطف بيه ملچومه
...................................
هاي الخدمه العشنه وياهه
وعاشت بينه ونا ننساهه
قصه وكل عاشر نقراهه
وبينه امصيبة طف مرسومه
......................................
الدارس يعشگ والما دارس
ابهاي الخدمه الكل اتنافس
يلي امجنن حبك عابس
لجلك عابس نهوه اعلومه
خادم اهل البيت علي الزرگاني
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
درب النجف وينه
وينه اليدلينه
اليله الحسين ابلايا خوان
حيدر يبويه انريد عوان
.................................
اليله هاي اتمر علينه وياعظمهه
اليله يا حال الفواطم يا هضمهه
تشتكي مره لبوهه ومره لمهه
حايره اتودع الوالي لو خيمهه
ما ينسمع صوت الدمع
حگ تبجي اعيوني
باجر مطر تمطر قهر
واحبابي عافوني
من البواجي ابخدي نيشان
حيدر يبويه انريد عوان
.................................
كسر گلبي وصاح يا زينب تعالي
انتي باجر للحرم ياخويه والي
اشلون بيه والطفوف تريد غالي
باجر اقره الفاتحه الخدري ودلالي
انودع الزلم ويه الخيم
باجر ولا خيمه
نار وسبي لال النبي
وكل واحد بضيمه
اليله ابدليلي اتهيج الاحزان
حيدر يبويه انريد عوان
.................................
حسين يمنه والامان يحل علينه
ودرنه دورت عين بحسين وبجينه
تدري باجر غيبتك شتسوي بينه
نزلت ادموعه لمن يسمع حچينه
الكل حاطته وهل دمعته
من اليحل باجر
اعليه انتچه لمن بچه
ياهمة العاشر
يطيك گلبك تظل نسوان
حيدر يبويه انريد عوان
.................................
باجر الطف تمطر اعليچن مصايب
موعجيبه ابطفهم اتشوفن عجايب
اتعاشرج من باجر اهموم ونوايب
صيري چف عباس ويلم بالغرايب
صيري علي والهن ولي
والي الحرم كلهه
كوني متت بيج امنت
صيري انتي كافلهه
للصبر زينب صيري عنوان
حيدر يبويه انريد عوان
.................................
اذا ودعتج وصوب الحرب رايح
الجسم بالمعركه ودلالي الج شابح
زلمهم والنهر ما ترحم الطايح
واخبرج بالخيم يوصلج الصايح
يختي المهر ذالك الظهر
لو رد الج خالي
خدرج اهم يم الشيم
وامنتج اعيالي
تحرگ عليج الخيمه عدوان
حيدر يبويه انريد عوان
.................................
السهم لمن طلع من گلبي اخذ نصه
وكل حافر سحگني اتگول يتوصه
ما ينزل اذا ما مني اخذ حصه
هاي ارحم الخلت بيه الف غصه
بالبر مشت طفله وهوت
واتحشم اسمعهه
الجر الاذن لا مايحن
الترچيه يگطعهه
شيوصلك النه لو عدل چان
حيدر يبويه انريد عوان
خادم اهل البيت علي الزرگاني
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#اهوازي
زينب ردت من الشام ،،بس مهظومه ردتها
كايدها الهظم ونوح ،،،،،، ودور عله خوتها
@@@@@@@@@@@@@@@@
الله يعين بت حيدر ،،دهرج حيل ماأنصف
ردت زينب من الشام،،لاجن جم جرح ينزف
مشتاكه عله اهاليها،،،،،،،تريد تزورهم بطف
صارالها شهر وكسور،،،،،بطف غصب عافتها
@@@@@@@@@@@@@@@@
جان ابالي من ارجع،،، ،،اتصور. املكاهم
لاجن ماحسبت احساب ،،بس اكبور الكاهم
جاوين الهله يحسين،،،،راحت وسفه وياهم
هاي اختك يبو السجاد،،،نشف كوم دمعتها
@@@@@@@@@@@@@@@@
ياأم كلثوم هذا الطف،،،الماخذ وين رفعت راس
وتذكر بذاك اليوم،،،،،،،،، من هجمت علينه الناس
هذا التل صعدت عليه،،وصحت حسين والعباس
زينب طاحت ابحيره،،،،،،،،،،وهاي الناس حاطتها
@@@@@@@@@@@@@@@@@
شماله الموت ماخذني،،،ولاخلاني امشي دروب
كبري هناه رته يصير،،،،،،،،بين الغالي والمحبوب
سنين الكظت وياهم،،،،،،من عمري فلا محسوب
انه الطولي ماينشاف،،،،،،،،،،،،،،، بالديوان طبتها
@@@@@@@@@@@@@@@@@
من وصلت لعند الطف،،،،،،،زينب عل كبر ناحت
تشكي همومه لحسين،،، ،شلون ويالشمر راحت
إكعد ناشد الاطفال،،،،،،جم طفله وطفل طاحت
لو طاحوا ينادوني،،،،،،،،،،،،وصعبه عليه صعدتها
@@@@@@@@@@@@@@@@@
شلت حالي خويه حسين،،،،من طبيت لرض الشام
آنه. بياوكت. امشي،،،،،،،،،،،،خويه. بإمرت الظلام
ولهاظمني يبن امي،،،،،،،،،،،،،،،راسك بالظعن جدام
لوضربوها. يتلفت ،،،،،،،،،،،،،،،،،،،،،،مايقبل هظيمتها
@@@@@@@@@@@@@@@@@@
زينب يم كمر عدنان،،،،،،كعدت تشتكي همها
خويه رايتك عباس ،،،،،،شفت. يزيد لازمها
موتي رته إولاشوف،،،،،،، ،،من اسمع يكلمها
جانت بيدك العباس،،،،،وهسه اعداك شالتها
@@@@@@@@@@@@@@@@
ماضل حيل يالعباس،،،،امشي جيت بس كوه
جابتني الك ياخوي،،،،،،،،،،تدري ريحت الخوه
جيت انخاك يالكفال،،،،،يامن عمري الك فدوه
كوم ورجب عيالك،،،،،،،،،،،الخوه هاي ساعتها
@@@@@@@@@@@@@@@@@
@@@ خالد الناصري @@@
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله #شور
الك رديت خويه وراسك وياي
اجيت وجايبتلك ضيم دنياي
اجيت من الخرايب والدواوين
ارجِّع راسك الجسمك يالحسين
اجيت وظهري مايل من وره الشام
اجيت وتنعى وياي النساوين
اجيت وشابچه العشره اعله اخوتي
اجيت من البچي مبحوح صوتي
يخويه مفارگتكم صارلي هواي
الك رديت خويه وراسك وياي
___
اجيت اتمايل وي ميلة النوك
يحسين الهزل مو لختك اتلوك
صدك ثاريها هاي الدنيا ايام
مره ابيت اهلنه ومره بالسوك
اجيتك والضعن ناقص سبيه
دفنوها بخرايبهم رقيه
ماتت فوك راسك آ يبلواي
الك رديت خويه وراسك وياي
___
اجيتك بربعينك والعبي تراب
وكبرك جان لا شباج لا باب
تيهت الكبر چي عميه العيون
ماشوفن گمت من ضيم الغياب
اجيت وماشفت گُبّه چبيره
توه حسين ملموم بحصيره
اجيتك حتى اسوي من العبي فياي
الك رديت خويه وراسك وياي
___
تلتم عالضريح بكربله الناس
چنت اتمنه اعيش بهذا الاحساس
خويه اتمشى من بين الضريحين
واگعد ساعه يم شباج عباس
كون يلوحني فياي المناره
وصليلك ركعتين الزياره
واشربك من اشوفن وزعوا ماي
الك رديت خويه وراسك وياي
___
جيت وراح اودعنكم يالحنان
يكبار السلف يشيوخ عدنان
راح تظل وراكم وحشه البيوت
ماينراد بيت بلايه خوان
عمت عين الوكت عني خذاكم
راح تموت زينب من وراكم
عن الراد ينشد قصتي هاي
الك رديت خويه وراسك وياي
___
للشاعر محمد الموسوي
للكاتب محمد الكعبي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
رجوع السيدة زينب الئ كربلاء
ـــــــــــــــــــــــــــــــــــــــــــ
#موشح
حســيـــــن ردت زينــــب اتلگاها
من السبي ورقــــيـة موش اوياها
ـــــــــــــــــــــــــــــــــــــــــــ
ردت ودمــعاتها عله الخــــد تصـب
ويـــه كتــــالك مشــت كــل الدرب
تريد تشرحلك تره الموقف صـعــب
والــدهــــر فـوگ الـهزل خـلاهـا
ـــــــــــــــــــــــــــــــــــــــــــ
ردت اودمــــع الــحـزن بـعــيـــونــهـا
جـمــر ينـزل ضل يجــوي اجــفــونهــا
بـغـربـه عـاشـت عـــنــك ايــبــعدونها
ولــلشــماتــه هل سـبــي وداهــا
ـــــــــــــــــــــــــــــــــــــــــــ
ردت او مـشــتــاگـه تــشــتـم التــــراب
حسين خـويه اكعدلي اذانــــي المصاب
خويه ما احمل بعــــد حـــزن الـغــيــاب
أخـتـك اوشـوگ الگــلب رداهـا
ـــــــــــــــــــــــــــــــــــــــــــ
ردت او مـحـتـار ما تـدري اشــتكــول
تــذكر اخيـول الــعده بصدرك تجـول
اتصيح خويه حسين يالحدر الخـيــول
جــمـر خـيــماتـــك تــره جــواهـا
ـــــــــــــــــــــــــــــــــــــــــــ
ردت وخـجـلانــه يم گبـرك تـصــيـــح
رقــيــه مــاردت يـبـو اليمه الــذبــيــح
ركضت بلهفــه وعلـــه گـبرك تطــيــح
وطـفـك الما يـــنوصـف اذاهـــــــا
ـــــــــــــــــــــــــــــــــــــــــــ
الشاعر : خالد جودي العارضي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
ودعيهم.. يزينب..ودعيهم
ادفينهم ..يزينب.. ادفينهم
شلون حالج يالعقيله اليوم من حل الوداع
هاجت اظنونج يحره بيوم وادعتي الاسباع
طاح ابو الفضل وكفيلج طاح متوسد الكاع
اليوم قوديهه السفينه واحملي انتي الشراع
تكفليهم..يزينب.. تكفليهم
اجمعيهم.. يزينب.. اجمعيم
اليوم وحشه الليل وحدج لابكه الكم معين
لا ابو فاضل كفيلج لابكه يمج حسين
طاحوا عالغبره اخوتج طاحو ومتوذرين
اندبي حاضر الشده واندبي طه الامين
بلغيهم ..يزينب..بلغيهم
واعلميهم.. يزينب.. اعلميهم
اليوم يازينب حزينه اليوم انتي ام الحزن
فاركتي اخوتج زينب اودعتيه الوطن
اليوم مهمومه وشجيه اليوم حل بيج الشجن
الدموع اتفيض منج وصارت انهارالمزن
اندبيهم يزينب..اندبيهم
خبريهم.. يزينب.. خبريهم
اندبي اليوم الهواشم وانتخي بحامي الدخيل
صيحي ياحره على هونك يالذبحته للكفيل
ريت نحري بدالك نحرك ويبقى النه هالدليل
تسمع الاطفال تصرخ والنسه اله العويل
احرسيهم ..يزينب.. احرسيهم
سكتيهم.. يزينب..سكتيهم
غابت الشمس بضواها ونورج اليوم انطفى
وحلت ضيوف السماء والولي والمصطفى
صحتي يايزينب ندبتي وصحتي عالدنيه العفى
ينذبح سبط الرساله والاطفال مجتفه
نوميهم.. يزينب.. نوميهم
وطمينهم.. يزينب.. طمنيهم
....
خادم أهل البيت
الحاج أبو علي السعيدي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
قصيده للخدم الماضين اللذين أخلصوا بخدمتهم للإمام الحسين عليه السلام.
#ميمر
*
خل نذكر الخدموا زين ×× بلا منفعه ولاغايه
****
خل نذكر البيضه بقت نيتهم
بلايه رياء وخالصه خدمتهم
ماماتوا وعلو السمه رايتهم
مادوروا جاه وصيت ×× لحسينهم شرايه
**
موهيَّنه ولاسهله چلمة خادم
عدنه قياس إلهه وتقيم الوادم
واضح كلامي للذي مافاهم
چلمة أنه وشحطيت ×× وألي صرفته هوايه
**
اليخدم بأخلاص وتفاني وصبره
يتسجل أبسجل الزچيه الزهره
باچر بيديهه عالسراط تعبره
مسرور ويگر العين ×× وبالحشر يرفع رايه
**
الخدمه الجليله مو شرط مال هواي
بنيه سليمه تنقبل طاسة ماي
لاتزعل من أحچيلك وصفي الراي
فقره الخدم عالنيات ×× بلايه حرس وحمايه
***
مولاك يزعل عالخدم لو زلوا
النفخوا صدرهم بالقصد وتعلوا
ويظل حچيهم عالصرف وشخلوا
بالخدمه لتمن وأتگول ×× صارف ورق وميايه
**
خادم الحسين عليه السلام
أبو نور المدحتي
نسألكم الدعاء
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
بقلوب مؤمنة وخاشعة ذكرى شهادة نبينا وسيدنا محمد صلى الله عليه وآله وسلم حبيب قلوبنا ومصباح هدى البشرية خاتم الأنبياء والمرسلين.
نرفع التعازي إلى مقام بقية الله في أرضه الإمام المهدي عجل الله فرجه الشريف وإلى مراجعنا العظام ولكل المؤمنين بذكرى فقد أعظم الخلق
هو الذي أرسل رحمةً للعالمين وجعل محبته واجباً على القلوب وسنته منهاجاً للنجاة والهداية.
نسأل الله أن يوفقنا لِاتباعه بحق ويثبتنا على نهج أهل بيته الكرام .
#ثكيل منبريه
رايحين – ضاك صدري وأنتو لنفاسي الهوه
رايحين—ضاعت أمالي وطفه بعيني ألضوه
أه ياذاك المصاب **أه يفراك ألاحباب
رايحين –رايحين
----------------ا
نارشبت بالخيام وعيني تبره اعله الكــفل - اه يخــــدري
ياحسافه طاحواهلي وما دريت انه شحصل -ناري تسري
دارت الدنيه علينه و دار وياهه ألأجـــــل- تاه فكـــــــري
وبفكــــــدهم هذا حالي وما بعدعندي أمل -اه يصــــبري
رايحين –من بعدهم ضاكت الدنيه الوسيعه
رايحين- اتبدتت أحلامي وجفيلي اعله الشريعه
أه ياذاك المصاب **أه يفراك ألاحباب
رايحين –رايحين
---------------
عندي معلومات عنهه من علي حامي الحميه –غاضريه
بيهه تتذبح أخوتي وادري باليجري عليه –بهل الرزيـــه
بيهه صدرحسين ينرض بالخيول الاعوجيه- الامويـــــه
بيهه عين بسهم تطفه وعالثره جفوفه رميه-وانه سبيه
رايحين- حايره باطفال رضعان وحرم
رايحين – وبالعليل المنهم بقـدره سلم
أه ياذاك المصاب **أه يفراك ألاحباب
رايحين -- رايحين
----------------------
راح أودعــــــــكم وروحن يالهويتُ أعله الثـره- بيه نارين
يالعشت عمري أميره وهسه أمشي أميسره- وبيه جرحين
راح أعوفن عزي يمكم وأنه جنت مقدره- ها يطـــــــــبين
وانه كلبي هل لجمني وعيني تبقى مساهره-وتهمل العين
رايحين – بالضعن ياخوتي هل يحدي الشمر
رايحين –فوك نوك الهزل بســــــــياط وزجر
أه ياذاك المصاب **أه يفراك ألاحباب
رايحين -- رايحين
خويه جابوا ناكتي وانت نايم عل الشريعه –ياكمـــــرنه
تحيرت والله وعذرتك وادري بجفوفك كطيعه- يافخـــرنه
وعكبك الاطفال تنشد وين عمنه بهل الفجيعه-ياقهرنـــــه
هذا اسكته وذاك انيمه والسبي اهواله فضيعه – ياصبرنه
رايحين - وداعت الله المايخون وداعـــــه
رايحين – وامروا يمشي الضعن هالساعه
أه ياذاك المصاب **أه يفراك ألاحباب
رايحين -- رايحين
-----------------------------
من سره ضعن السبايا وروسكم تبره الاهل- يالبواسل
ولوصرخ واحد بطفله راسك اندار بعجل –يابوفاضل
امشي مهيوبه بخوتي وهذاحق بينه النزل- مااجادل
والنعم من أبواليمه والنعم من الكفل- مـــــــا اجامل
رايحين-الله شاء أحنه سبايا الله أمــــر
رايحين-مادرو احنه انتصرنه بكل فخر
أه ياذاك المصاب **أه يفراك ألاحباب
رايحين -- رايحين
خادمكم قيس عوده الكعبي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
تجري دمعته *** تجري دمعتهه
نامت عالترابه *** وتجري دمعتهه
***************
طفـله ومـن زغرهه شافـت همـوم
ومن ضرب السياط أتطيح وتگوم
يـاويـلي رقـيـه إدمـوعـهـه أدمـوم
مـارحمـوا زغـرهـه أبكربـلـه الگـوم
صعبه لوعتهه *** صعبه لوعتهه
الطفله رقـيـه *** صعبه لوعتهه
***********
من هجمت الخيل وشبت النار
هـجـت بـالـبراري ويـه الـزغــار
طـفلـه وخـايفـه والگـلب محتـار
لاخـيـمـه الـتلـمـهـه والـفَـزع دار
تنادي عمتهه *** تنادي عمتهه
إلحگي سلبوني *** تنادي عمتهه
*************
مشت ويه الضعن مسبيه وتلوع
مچتوفات أديهه وتذرف أدموع
گلف كلش وضعهه ويحني الظلوع
وزينب تنظرلهه أبگلب مفجوع
صعبه غربتهه *** صعبه غربتهه
وبعازت الوالي *** صعبه غربتهه
************
يـاظـيـم الـخـرابـه الزاد الونين
والـبـيهـه رقيه شافـت الـبـين
وحين اليمهه جابـوا راس الحسين
ماحملت الصدمه وغمضت العين
لفت موتتهه *** لفت موتتهه
عالراس اليتيمه *** لفت موتتهه
*************
ماتت بالخرابه وحل المصاب
ودفنتهه العقيله بديرة أجناب
بعمر ورده يويلي ضمهه التراب
وفگدهه أبگلب زينب خلف صواب
الحره دفنتهه *** الحره دفنتهه
بالشام البعيده *** الحره دفنتهه
***************
تجري دمعته *** تجري دمعتهه
نامت عالترابه *** وتجري دمعتهه
تهه
************* خادم الحسين عليه السلام
أبو نور المدحتي
نسألكم
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
محرم1445هـــــ
#ثكيل منبريه
#مقدمة لمولاي ابو الفضل العباس
ها يبو الرآيه الثجيله المنچفي لونك
شلون اقنعهن حرمنه راحت اعيونك
••••••••••••••••ـ
يا گمرنه بكل طلعتك تترس الدنيه بضواك
بالله گلي اشلون أردن للعيال ابـلايه لــواك
هيبة العباس طاحت وتضحك الناس ابكفاك
لا تــودعــنه وتســافــر يا گمـرنه ابهونك
••••••••••••••••ـ
اتبدت الخوه اويدمك ركض عالرمشين شيب
ومثلك احزامي ابغربتي امنين يا عباس اجيب
اخلاف عينك صار هسه اسمي الحسين الغريب
خويه كل لحضه وصحتلك ها يخويه اشلونك
••••••••••••••••ـ
طاح اخوك امن اسمعتهه كلشي بالروح انلوه
انته لــو هالمــاي عــذرك ومنه طايح هاللـوه
من دموعي اترس جربتك وللخيم نرجع سوه
شلـون حالك هيجي واصل هالـعــده يحنونك
••••••••••••••••ـ
هايه اصعب حاله اوصل بيهه خويه امن انكسار
گـوم مـن فـدوه اعله حيلك كون يا عبـاس انـدار
شما شلـت طـولك يطـيح امنـيدي وتــاه الـقــرار
وريته بيه انـدار خـويه سهمك البجفونك
••••••••••••••••ـ
سكينه اباب المخيم جفهه فوگ امن الجفون
امناطره يالتدري بيهه خويه ماضل بيهه لون
وتـذبل اتخليهه خويه اعليك ما ضنهه تهــون
يا بوفاضل نصهن انته هالحـرم يـردونك
••••••••••••••••ـ
راح اردن وامن اردن شرد احاجي امـدللات
وخـايف بزينب يخويه اتموت لـو گتلهه مـات
وتــدري عــباس ابـوگعتك راح تنشاف العبات
والعـده ابطگ الحــراير بالسبي ايلجمـونك
••••••••••••••••ـ
ابنص خيمنه وراح انادي وانه كاسرني الدهر
يا بـو فـاضـل أقسه كلـمه تطـلـع وتكـسر ظهر
راح عبــاس امــن اديه راح عــبــاس الـگــمــر
خــويه والحــالة حرمنه ابچـي وايبـچـونـك
••••••••••••••••ـ
- خيري الصفراني
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
حمل سبع الكنطـره ..... ورفرف بجفـه الـوى
ابن قــالــع خيبــره ...... ليــوم يكلب نينـوى
ابــوفـــــــــاظــــل .......ابــوفــــــاظـــل
..................................................
اهتزت الحومـه بزلـمــه ،، وابوفاظـل بـيـده لـمـه ،،،، الــقـــاده ظلت حـايـره
الجيش كلـه كبالـه شـارد ،، ماوكـف جدامـه واحـد ،، سوايـه بالطف سـوه ابـد ماصـايـره
كلب يمـنـاهـا اعلـه يسـره منـيـن مـاطب العساكـر شـارده
تهـجـم اعليه الجيوش ومن تشـوفـه ركض تـرجـع راده
بكـيـفـه مشـاهـا الكتايب ،، بالـحـرب سـوه العجايب ،،، ماتعـرف العـدل والميت ســوى
.................................................
الحومه من طبهـا ابوالشيـمـه ،، جـيـمـه ظل يردم بجيـمــه،، الخيل كامت تعثر بفرسانـهــا
شد عله السبعين غـاره ،، دخيل جفك يبوالشاره ،، الكلفـه تكظي من يطب ميدانـهــا
الحيد وبزوده تحزم الحومـه عيده والحرب شدادهــا
العركه من طبها ابوفاظل صال بيها وتيهت مشرادهــا
راسه حـار وبيها يفتـر ،، وليشوفه كبالـه يعـثر ،، الزلـم كامت كوه تشتم الـهـوى
................................................
صال بالحومه المشكر ،، وبالزلم كـام يتخير ،،، بسيفـه ياخذ وين روس الـقـاده
الحـيـد ابـوجـفـوف الثكـال ،، تخاف من اسمه الـرجـال ،،، زود هاشــم والـمشيــم الســاده
شنهـي والسبعين فارس ماتهـمـه وحـدر مـهـره يدوسـه
وينـه اليوكـف كبالـه الزلـم يمـه شحدهـا ترفـع روسـه
الحومه صارت سيل حمره ،، وسيفه يلهب نار كبره ،، واليخزره يطيح من عينه نجوى
................................................
هزهـه هز الحومه بيـده ،، الحـيـد تــربــات الصميده ،، مثل طحن الرحي يطحن بالزلم
الكافـل وبالحـرب غـيـم ،، اخـوزينـب والمشيم،، ابوالجـود الـغـاره شدلــه العــزم
ضهضب اعله الجيش واغضب والشريعه بجـفـه كـض وشالـهـا
صال ابوالـحـمـلات بيـهـا والكتـايب ماتظل ارجالـهــا
معلم اعلـه الحرب دومـه ،، ابـوالـهـمـه اليوم يومـه ،، الجيـش بـجـفـــوفـــه انـطــوى
....................................................
تمت بفضل الله واهل البيت ( عليهم السلام)
للخادم مـصـطـفـى حـسيـن الصالحي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
(مقطوعه استقبال محرم)
#ثكيل منبريه
گـرب مـولاي عـاشــورك
وفـقـنـي يـبـو الـيـمــه
اريـد ابوسطت الخـدام
اشـد احـزام لـلـخـدمـه
عليك ابداعت المكسور
منهه وما اجيب اسمـه
مثـل مآلچمتـه ابيومـك
گلبي كـونـك اتـلـچــمـه
خليني احـتـرگ مـولاي
ابـرد بـالـطــم زحــمــه
محسوب بخدمتي اعليك
اسَـمـع دوم هالـكـلـمـه
اجيتك مستحي وخجلان
وذنـوب الــعَـلـي جـمّــه
سائل واطلب الـدمـعـات
وادري ابـمجلسـك رحـمـه
عيّشني ابجروحي ويـاك
احـسـّن بـالـجـرح نـعـمـه
بـعدنـي ابخطّوتي اتـعـثـر
او وادم وصلـت الـقـمـه
الـمـثلـي بــقــه بـحـالــه
والـعاشـگ سـرع جـدمـه
*---------------*---------------*
✍خادم الحسين ع
الشاعر رعد الجريخي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
حي الله عون وخال مثل العباس
**
طلعو امن الخيمه ركضه وللحرب طبو سوه
كربله غاصت بهلها وضاع عالجيش الهوه
عون طب بسيفه طرها وكمر هاشم باللوه
الخال وابن اخته تعنو والدرب كله انطوه
نزلو سوه والحرب هزوها
وروس الزلم للخيم جابوها
صاح الشمر كربله تيهوها
وفوك النهر راس ضل يردم راس
*
خله ضهره بضهر خاله وراح صوب المشرعه
عون يقره انا فتحنا وخاله يقره الواقعه
عون خله الجيش يوصل للفرات امدافعه
امه جانت من تكمطه اكماطه بيده ايكطعه
اتصيح الزلم خل يفوت براحته
حضروله شط لا يسوي اسوايته
خاله وكف ضل يهوس برايته
وعالمشرعه حبس كل الانفاس
*
هله ببن اختي ينادي بصوت سبع الكنطره
الميمنه العباس اخذها وعون اخذها الميسره
اثنينهم نزلو سويه وصار يوم الاخره
عون كله تمون خالي النازل ابن اختك تره
والطف شرد من اجوها اثنينهم
تشبه علي والله خزرت عينهم
والمعركه قسموها ابينهم
اهل الوفه وللوفه دكو ساس
****
عون تدرون اعله خاله ومثله ما يحصل ابد
اشما تتطير اركاب منهم صاح اريد اكثر بعد
عفيه ببني تصيح زينب حكه تفرح بالولد
همه بس هجمو عليها الجيش من عدهم شرد
وتكابلو عون ويعباسه
والما شرد خل يدور راسه
وجيش العده ابو فاضل داسه
وزلم الحرب بالمراجل تنقاس
****
ذوله فرسان الطليعه سيوفهم تخطف خطف
بعينه ابو فاضل خزرها وخزرتها مثل العصف
موش ماي امن الشريعه اجنود ضل يغرف غرف
وعون طب جفيته خضره وغيرته ما تنوصف
وتحيرت بالمعاره ارجالها
وراية علي ابو فاضل شالها
انطم النهر من عجاج ارمالها
اليوم الزلم كلها اخذها الوهواس
*
تمت
تحسين الخفاجي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#موشح
كوم وافزع يا جبير الطايفة
هدت الخيل وحرمكم خايفة
*********
هدت الخيل وزلم تتبع زلم
بالمشاعل والرجس شدت حزم
زينب اجندوب بأيتامك تلم
مو وكتهه تنام ضعنك عايفة
*****
هدت الخيل وعساجر دايره
صارت المن كبل ما ضن صايرة
زينب بيا وكت تركض حايره
انشاف هسه الكبل محد شايفة
*****
يا بعد خدري لخدر زينب دنت
وانت شيخ الطايفة ويمك بقت
عالخيام بنار وبخيل اهمجت
وهاي وادم عالمخيم حالفة
*****
ضجت صارت خيل وازلام وصياح
يا عمود الخيمة وسط الحومة طاح
الحك على الخدر يا ابو الخدر راح
وخدر زينب ترضة صاير سالفة
*****
ما محسبتهه وعلي وما حسبت
اتروح مني وبالسياط اتعذبت
حركو اخيامك يبو اليمة وصحت
جبت عمري وي الحزن متوالفة
*****
لخيمة من خيمة ركضنه وسوطه لاح
ماكو مهلة نجر نفسنه ونستراح
اتجمعت بخيول وبنار ورماح
ولبساني الوكت ثوبه الرايفة
*****
الخادم احمد داود
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
7 محرم الحرام (جديد 1447
#ثكيل منبريه
كـــلــولـه لا يتعـذر
راعي الوفه ماكصر
حلوه وتسر أخباره كطع يمينه يساره
راعي الوفه ماكصر
ـــــــــــــــــــــــــــــــــــــــــــــــــــــ
كلوله لايبدي العذر انه وعلي عـاذرته
وصلتني الاخباروتره خجلان هوه منخته
كلـوله لا ماكصـرت جـف والزنـد قدمته
أنه عتذر من الكمر بطور الحزن ناشدته
جف وزند منطيني كل همك أترويني
بعدك صحت هاي أنه
خـويه وعلي خجلانه
خجلانه الك وتعـذر
راعي الوفه ماكصـر .
ـــــــــــــــــــــــــــــــــــــــــــــــــــــ
خجلانه منك ياكمر لاتبدي خويه عذارك
يابو الوفه ياكافلي حلوه وتسر اخبارك
نام برغد لا لا تهم بيه وتغمض أنظارك
أنه كفلت هايه الحرم بيدي صبح بتارك
أنه صبحت كفاله بزودي وكفلت عياله
وأنه الصرت ناطوره
وع الـسهر مجبوره
وأنه الحـرس للخدر
راعي الـوفه مـاكصـر
ــــــــــــــــــــــــــــــــــــــــــــــــــــ
انه الحرس بعده أظل خليه ينام بهيده
ماادري وين آليا درب باجـر أطر البيده
كلوله لومسنه الخطرنندب تره ونريـده
باجر سبي ياشمتي امشي دروب ابعيده
كلوله زينب هايه شالت بديها الرايه
تمشي بدرب ماتندل
وبحـركه عنك تسأل
وتنـادي مابيـن البر
راعي الوفه ماكصر
ـــــــــــــــــــــــــــــــــــــــــــــــــــــ
ياهيبتي ماكصرت تمشي وتنادي الحـره
كفيت ألي يابالفظل منطيني يمنه ويسره
انه بيـسر وع الهزل وانته تظل ع الغـبره
بس الجسد وبلانحر طايح عـزيز الزهـره
وفيت إلي وزياده شكراً يعم الساده
ذنـي الفـوطــم نادن
عباس شكـراً صاحن
منــه الكـمر نشكر
راعي الوفه ماكصر
ــــــــــــــــــــــــــــــــــــــــــــــــــــ
شـكراً لك يابولوفه نادت سكينه وليـله
مانعتب بصوت الدمع بس الشكر نهديله
وهوايه مشتاقه ألك هايه الحرم والعيله
محد بقى يابالفظل ياهوالبقى ونحجيله
بين الغرب مسرانه بس العليل ويانه
كلبه صلف هل حادي
ويـنه الكفل ويـنادي
يتشمت وكتله أحـذر
راعـي الوفـه ماكـصر
ـــــــــــــــــــــــــــــــــــــــــــــــــــــ
مرتضى مكطوف الموالي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#مقدمة #ثكيل منبريه
بعزائي أقره من أبدي
دُعاء الفــرج للمهــدي
و الطم بالـدُعاء خدي
على حسين
ــــــــــــــــــــــــــــــــــــــــــــ
أبتده شهر المنـاحة و دخــــــــلت ايامه
و چن ابو صــالح المـــهدي ذب العمامة
بخده الايمن من دمعته طاحت الشامة
و دمه نازف كــثر مــا دگ بيده عالهامة
ينادي و مــــدمعه يجري
يابو اليمة اكسرت ظهري
سمعته والطَمِّت صــدري
على حسين
ــــــــــــــــــــــــــــــــــــــــــــ
الليالي العشــرة الاولة مـــن عليَّ تبدي
ليلة ليـــلة أبتديـــــها ابنُدبة المــهـــدي
چن اشوفه بنص خرابة بالهضم يحدي
شايل باحساسه جربة و مــــاي متبدي
و اعاين عــــالارض يَمَّة
تراچي و محبس و عِمَّة
من عيــنه يخـــــــر دمه
على حسين
ــــــــــــــــــــــــــــــــــــــــــــ
حاله مـــــا ينوصـف حاله يكــــسر الخاطر
ويانه بالمجلـــــــس نحسه گاعــد و حاضر
ابلطمة ايده ابصدره مدري چم ضلع كاسر
يريد يُعــرف شنهو تعــني رفـــــسة الحافر
كثر ما يلــــــــطم ابحرگة
تحس باضلوعه منسحگة
تِجِيبه و تاخِـــذَه الشهگة
على حسين
ــــــــــــــــــــــــــــــــــــــــــــ ــــــــ
لابس أسود و اعله جــده روحه مجمورة
حيله مكسور و دمعته تسيـــل مكــسورة
بوجهه مــن عاشـر محــرم تنرسـم صورة
انشـوف بيها امتون زرگة و قبلة منحورة
ابگلبه تِنبَض الصــدعة
و لحِيته امبلله ابدمعه
يطَبِّك صوته مـن ينعه
على حسين
ــــــــــــــــــــــــــــــــــــــــــــ
عشرة عشرة دموعه تنزل چــن مطر غيمة
و حسرة عــن حسرة ابدليله تحترگ خيمة
يا جِفـن هـذا اليطـــــــبگه الغـارگ ابضيمه
و عمـــــته ايام و ليـالي اتبـــــــات بالهيـمة
كل مــــا يُغفى بأحلامه
رقيــــة اطيـــــح گدامه
يفــــز و ينـــــوح بآلامه
على حسين
ــــــــــــــــــــــــــــــــــــــــــــ
لكربله تنزف مُهجـته بطفها مـــذبوحة
و فاجعة حـــرگ المُخيم تاگل ابروحه
ركضــة الايتام لِچمت مُجْمَل اجروحه
و مَشيتين لعمته زينــــب زَيَّدن نوحه
أول مشــــــــية للتـلة
و ثاني مشية عالهزلة
حَطَّــــن بالگـلـب عِلَّة
على حسين
ــــــــــــــــــــــــــــــــــــــــــــ
الحمدلله
علي حسين الكناني
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
خيرة الله من الخلق ابي
بعد جدي فانا ابن الخيرتين
كفروا القوم وقد مارغبـــوا
عن ثواب الله رب الثقليـــن
حنقــــآ منهم وقالوا أننـــا
نتبع الأول قدمآ بالحسيــن.
يالقوم من أناس قد بغــوا
جمعوا الجمع لأهل الحرميـن
لا لشئ كـــان مني سابقـــآ
غير فخــــري بضياء الفرقدين
بعلي الطهــر من بعد النبي
والنبي الهاشمــي الوالدين
خيرة الله من الخلــــــــق أبي
بعد جدي فأنا ابن الخيريتيـن
والدي شمس وامي قمــــر
فأنا الكوكب وابن القمريــن
فضة قد صفيت من ذهـــب
فأنا الفضـة وأبن الذهبيـن
ذهب من ذهـب في ذهــب
ولجين في لجيـن في لجيـن
من له جد كجدي في الــورى
أو كشيخي فأنا ابن العلميـن
امي الزهراء حقــــآ وأبي
وارث العلم ومولى الثقليــن
جدي المرسل مصبـاح الدجى
وأبي الموفى له بالبيعتيــن
خصه الله بفضـــل وتقى
فأنا الزاهـر وأبن الزاهريــن
أيد الله بطهــر طــاهـــر
صـاحب الأمر ببدر وحنيـن
ذاك والله علي المـرتضى
ساد بالفضل جميع الحرميـن
عبد الله غلامـــآ يافعــــآ
وقريــــــش يعبدون الوثنيـن
يعبدون الـــلات والعــزى معآ
وعلي قـائم في القبلتيــن
مع رسول الله سبعــآ كامـلآ
ماعلى الأرض مصل غير ذيــن
أظهر الاسلام رغمآ للعــدى
بحسـام قاطع ذي شفرتيـن
تارك الــلات ولم يسجــد لها
مع قريش لا ولا طرفـة عيـن
قاتل الأبطــال لما بــرزوا
يوم بـدر ثم أحــد وحنيـن
ترك الأصنـام مستد حصـــة
ورقى بالحمد فوق المنبريـن
فله الحمد عليـــنا واجـب
ماجرى بالفلك احـدى النيريـن
وابــاد الشرك في حملــه
برجال اترفوا في العسكرييـن
وانا ابن العيــن والاذن التــي
اذعن الخلق لها في الخافقيـن
نحن اصحـاب العبا خمستنـا
قد ملكنا شرقهــا والمغربين
ثم جبريـــل لنا سادسنا
ولنا البيـت لنا والمشعرين
وكذا المجــد بنا مفتخــر
شامخــآ نعلو به في الحسبيـن
فجـزاه الله عنـا صالحــآ
خالق الخلـق ورب الحرميـن
عــروة الدين علي المرتـضى
صاحب الحوض معز المؤمنيـن
يفرق الصفــان من هيبتـــــه
وكذا افعالـه في الخافقيـن
والذي صـدق بالخــــــاتم منــه
حين ساوى ظـــهره في الركعتين
والذي أردى جيوشـآ أقبلـوا
يطلبون الثأر في يـوم حنيـن
شيعة المختـار طيبوا أنفسـآ
فغدآ تسقون من حوض اللجيـن
فعليــه الله صلى ربنــــا
وحباه تحفــة بالحسنيـن.
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
يعباس اسمع الماسامعه
بين الخيل ركضت الماطالعه
..............................
ردلي جواب يلترد العايله
راس حسين هذا ياهو الشايله
ونطك ليش خويه كلي شكايله
وسفه عليك دمعت اختك سايله
وانته الحيد وابو الغيره الشايعه
..............................
ليش تروح ماحسبت حسابنه
نار الكوم لهمت من ثيابنه
وخدري نشاف من طحت يحجابنه
وماضل حيل من المصاب الصابنه
وصوط عداك متن اخيتك شالعه
...............................
ترضه بهاي ياعجيد الطايفه
بين الخيل تركض اختك خايفه
افه عليك ماسمعت السالفه
خدري نشاف الأمس محد شايفه
وتالي اليل كمت ادور الضايعه
...............................
ارد انخاك نخوت المهضومه
بت شيوخ وطاردته الحومه
وفوك النوك راحت المحشومه
خويه بساع خلص الملزومه
خاف الكاع تطبك اعله السابعه
............................
يمته تعود ياشريج العافيه
حته تشوف زينب اختك حافيه
بيه النار تلهب وماطافيه
ومن مبجاي الشيله يمكن ناكعه
............................
هنه هواي بيا مصيبه ابديلك
شطري عليك خاف ينهد حيلك
خويه الخيل داست اعله حسينك
يعباس رد عليه دخيلك
شوف النار والسياط الطابعه
...........................
مصطفى الصالحي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#موشح .........المشايه
يـلـه يــامـشـاي شــد حـزامــك
وعالمشي لحسين خف اجدامك
********
يـله يـامشـاي اگــصد كـربلـه
لربعين حسين جتـي القافلـه
بيها زينب هـاي ويـه العايلـه
يله واسي الحره والطم هامك
****
جدد الاحـزان عشرين بـصـفر
واسچب العبرات ويه المنتظر
للگضه عطشان محزوز النحر
وخـلها بيـك تهيـج كـل آلامـك
*****
اعـتـنـي اويـــاك اخــذ الـرايــه
وخلّي مشيك عن عقيده وغايه
شـوكـه بـعيـون اليـضِدك هـايـه
وللـي راد أيـكفّرَك بـأســلامـك
*****
خطوه خطوه تنحسب ومسجله
هـاي خـطـواتـك تـرفـعك منـزلـه
خسر كـلمـن مـافـهم هـالـمسـألـه
الـمـافــهم گـلـه سَـقـَر گــدامـك
******
لو وصلت هناك وتشوف الگبر
وشّـل أدمـوعـك مثـل ام الصبر
وأطبـع اچـفـوك يزاير عـالصدر
لـطمـتك خـلها تـضل اوسامك
*****
گــله يـامـولاي حـزنــك مـابرد
وجمرة امصابك تـِضل وللأبـد
وقع اويه حسينك اليوم العهد
وگـله بينه تعيش دوم ايامك
**********
*****
خادم اهل البيت
سيد حسين الشلاه
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شور كعديه
حيرت زينب يبعد اختك
_
ليل اضلم ودخان الخيمه وصوت الحوافر عالي هواي
وگلبي اليعتني يريد اعزازه حيرانه ضايع مني الراي
ادري بلهاتك يبست خويه تانيني بس اللكاه الماي
- لكيت الخيل تشرب بيه وانته بكل شبر يابس
- كل ماادنه يم الماي يضحك شكو هنا حارس
مايگعدلچن مات بعطشته
مچتفين ادينه مايومي حته
واحد يحاچي الثاني عله اخيي
اسمع يگله من راسه شلته
حيرت زينب يبعد اختك
_
چيت اعتنيلك بس الوادم شالو قميصك حته نشوف
حسبالي بعدك تگدر توكف بس هسه لا وضعك معروف
چا عيني شيقنعهه تشوفك وعضامي ياكل بيهه الخوف
- وحگ الخوه اخاف اعليك وخر لا يسحكونگ
- يلعرض من گلب هلكاع هيچ يزغرن متونگ
ضلعه عله صدره واسهامه ديره
يا تالي خويه تشيلك حصيره
ياهو اليشيلك والدنيه ضلمه
بس انه يمك واختك چبيره
حيرت زينب يبعد اختك
__
نازف يروحي بگد اسهامك يابس حدرهن خشبت موت
يلصوتك يسمعونه الموته بس هسه منك راح الصوت
غير اليموت ادفنه اعزازه وچتف بچتف ويه التابوت
- لا دفان لا تشييع لا تجفين يا عالم
- لا صارت وراح تصير مامنه كتر سالم
خيل اعوجيه وداست گلبه
الدم بيهه عينه شلون بدربه
لو ميته اخيتك شلي بضيمي
راح ادخل الشام بنص غربه
حيرت زينب يبعد اختك
___
ودعتك الله وماشبعانه من وجهك المتروس دموم
حلفهه عيني وروح عيونك الچان بغيابك ضاگت نوم
گوم عله طولك يم طول اختك كل عاده اندهنك وتگوم
- مو مالت ركض وصياح اختك تعبت اللحكهه
- يستفحل السوط امتون زينب من تفاركهه
آنـه بـهـزيلـه وانـت بـرمـحـك
والحادي راسك يمشي ويضحك
فرونه هيمه وسوگ وغربه
شـما نمـشي اكثـر يكـبر جرحـك
حيرت زينب يبعد اختك
____
عباس القلعاوي
#نسآلكم_الدعـاء
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
مسافرين..شمايطول العمربينه
مسافرين..نودع ايام الحنينه
من يهيلون التراب
باجرأهناك الحساب
مسافرين .....مسافرين
..............
باجرنموت وننتهي محديمرأعلينه
أعزاز جنه اعله الاهل بس الهوه يمربينه
نامر وننهه ومانحس ذاك الكبرناسينه
الدنيه ماترحم بشرمايلطم أعله حسينه
رايحين .. من الحياة العشنه بيه
رايحين ..ويحلم الميت يجيهه
ماتظل حته الثياب
باجرهناك الحساب
مسافرين ...مسافرين
..........
الرايدنجاة بدنيته خل يخدم اهل العتره
باجرتحضره بالكبرواجب تزوره الزهره
للخادم ابنهه فاطمه من معتقدنه تحضره
ولايهتم الخادم ابدوالماخدم ماعذره
بالونين ...الخادم الخلص حياته
بالونين...الونه معبارلنجاته
مايضل حيل الشباب
باجراهناك الحساب
مسافرين ....مسافرين
..............
فرحانه بالدنيه البشر ماتحسب لتاليهه
تخلص عمرهه بس تلم ويدري بتعب يكيضيهه
ماتنملي عيون البشربس الترب تمليهه
المن تعاني ومنكسر ولغيرك مخليهه
مايجون ...لكبرك يزورن كلهم
مايجون ...يجوز مره من عمرهم
والكبرصايرحجاب
باجرهناك الحساب
مسافرين ...مسافرين
.......
بالخدمه خلص دنيتك ولحسين انته أتحزم
اليخدم ابواليمه بصدق بالتالي ابدمايندم
يل تركض أيامك تعب تخلص حياتك بلهم
خلصهه روحك يابشر لحسين أحضرمئتم
ياغريب/حضرأمتاع السفينه
ياغريب/راح كلشي أمن ايدينه
والسئل رايدجواب
باجرهناك الحساب
مسافرين ....مسافرين
خادمكم قيس عوده الكعبي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شوط كربلائي
سارت باليســـــر للشـــــــــــام
عليل وياهــــا والخــــــــــــدر
تمشي وتلتفــــــت لايتــــــــــام
ضلت تايهه بــــــــالبـــــــــــــر
تصيح شلون ياعـــــــــبــــــاس
ترضالي بحبل انجــــــــــــــــر
انه اختك ولاني الضيـــــــــــــم
يالكافل اليه احضـــــــــــــــــــر
لن الصوت ناداهـــــــــــــــــــا
كفيلـــــــج طايــــح مبتــــــــــر
منه اتكطعــــــــــن جفيـــــــــن
والراس بعمــــــــــــود انطــــر
ضل طايح على الشاطــــــــــي
بااخير انفاس يتعــذر
صاحت والدمع سجـــــــــــاب
انهض يابن داحي البـــــــــاب
امشي شلون ويه اجنـــــــــاب
وانت الي جبتنـــــي هنـــــــــا
ردني لديرة الاحبـــــــــــــاب
يابدر الهواشم كـــــــــــــــوم
شيل السيــــــــــــف والراية
اخوك حسين هالمطـــــــروح
انهض ياعضيد حسيــــــــــن
ادري انت انصبت بالعيـــــــن
سهم الصابك بروحـــــــــي
يفت بحشاي ياصنديــــــــــد
تدري الغربة من دونـــــــك
وحشة والطريق بعيــــــــد
ها يحسين يبن امــــــــــــي
راسك بالرمح مرفــــــــوع
عساها تعمة هالعينيــــــــن
لو نشفت عليك دمــــــــوع
عساني وياك يارجـــــــواي
موتي يصير وي موتـــــــك
حرم وايتام بالغربــــــــــــة
تهج ابلا سمع صوتـــــــــك
ابن زياد يتنطـــــــــــــــــــر
اطب اعليه مسبيــــــــــــــه
يَشمت علـــــــي والحــــــال
بالاگدار مبليــــــــــــــــــــة
العليل يصيح يابويه
بيه النار ماتطفه
ينادي خوية يالاكبــــــــــــر
تطيح اشلون ياوسفـــــــــه
انت حزام ضهري شلون
اضل عايش بعد كلفــــــــه
اخذني وياك يم جــــــــــدي
اريد بموتي انه اشفـــــــــه
هذه الحال وعيــــــــــــالك
ضلت تايهه بالبـــــــر
سارت باليسر للشــــــــــــام
عليل وياها والخدر
,,,,,,,,,,,,,,,,,,,,,,,,,,,,,,,,,,,
انور السوداني
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
يامسيت العافيه. يم سوالف دافيه
عفتي افراشج ييمه وبالمگابر غافيه
……… ..
شلون حالج بالتراب
والجفن صار الحجاب
ادري ما اسمع جواب.. أبهالمسيه
الشوفتج مشتاك حيل
يجيبني وياخذني ليل
صافن ودمعاتي سيل.. ابين اديه
گاعد الوحدي ودمع عيني جره
ليش عفتي البيت نمتي ابمگبره
عني بعد شخافيه. .. يم سوالف دافيه
…… .
بيتج الماعنده روح
يصبح ويمسي بجروح
وين اروح ومااروح.. يالحنينه
صرخت الحايط تعاي
اخذي ذكراج وبجاي
علتي انتي ودواي..وكلشي بينه
جان ناعم دوشگج هسه ابتراب
ظلت الذكره عطر فوگ الثياب
صرتي بينه جافيه. .. يم سوالف دافيه
… ..
اخ يم گلب الحنين
خلصت وياج السنين
ليش اصيح وماتجين..ياحياتي
هم ضغط جسمج گبر
سهله لو صعبه الامر
راحت ايام العمر.. وذكرياتي
رحتي مني ابساع ماحسبالي هاي
عالرمل جنه وتبده من ايدي ماي
روحي يمج لا فيه.. يم سوالف دافيه
……
كل شبر ينشد عليج
والحجي سولفلي بيج
العافيه بلمست اديج..يالمشيتي
رحتي وبغيرج يتيم
انه ليليه اهيم
عايش ابنص الجحيم.. من نويتي
بعدج الوحدي صرت مثل الغريب
امي راحت وانه ماعندي حبيب
العلتي جنتي شافيه. يم سوالف دافيه
……
يمه محتاج الهواج
گلبي المدوهن نخاج
عافني طايح واجاج.. مايعوفج
اترخصي من الممات
خل يردج للحياة
رايد ابحظنج ابات. وهم اشوفج
روحي ابغيرج ابد ماتبقه روح
شلون اكابر وانتي مفتاح الجروح
بحلگي ماتت قافيه.. يم سوالف دافيه
…… .
علي الحاج الصبيحاوي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
لمن عمود الخيمه طيحته
فرفحته گلبي والله فرفحته
راجع حاير
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
راجعلي صدرك مختنگ والشيب تارس راسك
خطواتك اثگال شعجب بس لا وگع عباسك
افتهمتك يعني اخوي عيوني متشوفه
عمود الخيمه اريد الخاطري تعوفه
بدربك خويه لو جايبهن اجفوفه
هظيمه وراية الكافلني ملفوفه
كل ذكرياتي بخيمة الخوه
خلاف الكفلني سنيني ما تسوه
ظهرك كاسر
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
عيونك امذبلها البچي شنهو الي شفته اعله النهر
وحدك رجعت ومنحني چا وينه عباس الگمر
من بعيد خويه شهگتك اسمع
خفت اعليك احس بروحك التطلع
اباب الخيمه ودعي انشالله ترجع
لو رحتو العده بخيامكم تطمع
راجعلي بس ايدك على ظهرك
بيضه لحيتك صارت وشعرك
راسك حاسر
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
گابلني خل نبچي سوه نتعاون اعله مصابه
معودني اشوفه بكل وكت شلون اگدر اعله غيابه
المدللني خويه اعله النهر عفته
سولفلي اعله حاله شلون من شفته
ما مهتم الحاله وانتي سالفته
يگول اعتذر منها الماي ما جبته
لا يعتذر عباس ما قصر
بس خايفه أمن الزمن يتغير
يحير باچر
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
جيشك العباس اوگع هسه انت باقي الوحدك
عميه العيون الغربتك طاح البروحه يسندك
صح وحدك بقيت وغربتك تكبر
والراح امن اديه عباس يتحير
عيونه امن البواچي الدمع صار احمر
حگك خويه تمشي وبالدرب تعثر
تتلفت وتتنطره يرجع
مو عادت العباس ما يسمع
حگك عاثر
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
حاولت اجبر خاطرك حاولت بس ما اگدر
الفارگته مو هين ابد ابالي المواقف تفتر
شنسه وهوه خله بكل وكت ذكره
هاي اخيامنه تارسهن بعطره
ما قصر الأخر يوم من عمره
بس رايد تحظره فاطمه الزهره
ضحه بشبابه الخاطر اخوانه
ما قصر العباس ويانه
يسحگه الحافر
گلي شصاير
ــــــــــــــــــــــــــــــــــــــــــــــــــــــــــــــــــــــــــــــــــــــ
عبدالسلام العبساوي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله لمولاي العباس
--------------
عباس ياجمال عيونك
عباس كلهم يهابونك
خزرتك جتاله
من تصد خياله
يا جمال عيونك
...................
موت الاحمر كلها تدري لو ابو فاضل نزل
من نزل سرفن اردانه هذا تربات الفحل
سيفه باليمنه تلامع للخدر هذا كفل
يسرته تكتب قصيده حسين نص المستهل
ياهو يلفي كباله
من يصد خياله
ياجمال عيونك
ياجمال عيونك
...................
شرعبت عنده الحميه وهوس بخاجيته
صعدت الغيره عله راسه من شمر جفيته
خله عسكر بني ميه لسه ساكت صيته
صفكت هاي الهواشم كالت اله تعيده
عاد صولت حيدره
هذا سبع الكنطره
ياجمال عيونك
ياجمال عيونك
----------------
من خل ليها كفيلي الموت نازل جادة
صيح عله الجيش صيحه شرداها القادة
تونست هاشم لبنها وهوستله السادة
تونست كلها عمامه الموت هو مراده
مراد هاي الوادم
ينطي كمر هاشم
ياجمال عيونك
ياجمال عيونك
@@@@@@@@@@
من برز كافل خواته خله بيهم خوفه
زلمه منهم فنه يدنه فنه يرفع شوفه
يرفع جفوفه كفيلي يشمره عبر الطوفه
هذا بن بدويه تدري معدلات جفوفه
من رسوم خياله
شردت الخياله
ياجمال عيونك
ياجمال عيونك
@@@@@@@@@@
والنعم من الكفيل وغيرته وناموسه
شاهد حسين وتناخه نخوته المدروسه
لن جمع خوته غياره وصاح عالي بصوته
هوس الكفال بدوي خلي نسمع هوسه
اهو اهو
الشط لجدامج زينب
جابه يسحول بيه
---------
كلمات خادم المنبر
ملا ابو امير الفاطمي @abwameer93
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شوط كربلائي
يافحل الهواشم گوم،،، بـهيمه ولاخيم عدنـه
ولتمت علينه الناس،،، وفرجه لـلغرب صرنـه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گوم انـهـض يواليـنــه ،،، وفزع ياگمر عدنـان
يمشـيــم خواتك گوم،، عليهـن دارت العدوان
وجرد صارمك يالحيد،، وگلب ساحت الميدان
ونته بغـيرتـك معروف ،، ترهب قادة الفرسـان
گوم افزع يبو الرايه ،، وخذ العلگمي ومايــه
وانته ابـن القلع خيــبـر،، وبـصولاتــه ذكرنــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گوم انهض يبوفاظل،، وبيك تحشم سكيـنـه
وينك ياگمر هاشم ،، گـوم الحـگ يوالـيــنــه
علينه هجمت العدوان،،وحنـه برايتك جيـنه
وحرگوهن ترى خيـامي،،وماظل اليحاميـنـه
يابو الگلـفه گوم افـزع،، وخليها الزلم ترجـع
يالبـيك الزلم تحتـار،،،انهض وانصب خيمـنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياراعي الكفالـه انخاك،،گوم وخل تشوف الناس
مجرب يـاگلف ياحيد،، وتـهــابـه الزلـم عبـاس
ياراعي الشـهـامه ادري،، ماترضه الخدر ينجاس
واني ادري من حشمنك،،، مجرب يابو النوماس
تخلي الجيش والقاده ،، يحير منين مشراده
يالبـيك الظهـر ينــشـد،،، وعلومك تشيمـنـه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گوم وزلـزل الحـومـه ،، وخليه الزلم طشـار
والعسكر يصيح دخيل،، منك يابو راس الحار
ياهيبت بني هـاشم ،،، وبـيدك جـرد الفقــار
وحيره الزلم عباس ،،وسيفك خل يصيـد كبار
وتله ابن الفحل بـيدك،،، وانـته لمحد يـردك
وبـزودك يـبـوالحملات،،، انهض خويه ولـمـنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لخادم اهل البيت ( عليهم السلام)
مـصطفى حسين الصالحي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#موشح
(جينه ننشد كربله مضيعيهه
بيهه كالو زينب اميسريهه)
........
جينه ننشد عالحرم وعله الزغار
كالو احتركت خيمهم بالنهار
تركض النسوان لاحكهه الشرار
والجمر تارك أثر بيديهه
.......
رقيه تركض والجبد مالاحه ماي
زينب تكلهه يعمه اي وراي
هاي محتركه تعالي الخيمه هاي
دمعة الخد ياخلك تجويهه
.......
تحير يانار التطّفي لو تعوف
هواي صاحت شو اخوهه ماتشوف
جفوفه وين احتركت باخته الجفوف
صدت بحركة قلب راعيهه
......
جاهه شمر وهوّس بجف العضيد
عينه تنزف بالسهم باكي وحيد
صاح ضربوهه لون توصل تريد
هاي لحظه بالعمر شاريهه
......
ماسلم حتى الرضيع امن السهام
ترس إيد حسين دم وبيهه نام
قلب الحسين انفطر رد الخيام
والرباب الشفّته اتصد ليهه
......
ننشد اعله حسين مسحوك الضلع
اتطشّرت يمه يغطيهه الدمع
سهم قلبه زيّد اعليه الوضع
والسهام الترسته أيجر بيهه
......
كام لمن سمع زينب اندهت
مبين من الصوت مشدوهه وبجت
وكع من كثر النزف بلكت الاجت
تشوف كَثر اجروحه وتداويهه
.....
يسروهه والهزل مو كد حمِل
تميل كل ساعه وكع منهه طفِل
خاف توصل مايظل واحد عدِل
الشام دربه الشمر ايوديهه
......
يمشي كل مشتاك ويصد بكفاه
شلون لو عاف الحسين اخوه وراه
والكمر يم النهر مطفي ضواه
يعني بس الموت لي يسلّيهه
.....
ابو مريم الاسدي ..
19/آب/2023 ..
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
لحن القصيـدة هلـه هلـه حسـيـن ويـنـه بالسـيـوف ـ ـ
#نزله
يله زينب ياغريبه
كلمن يودع حبيبه
****
حسين هذا الليل يمج باجر الجثه سليبه
بالدمه باجر يزينب ينخضب لحسين شيبه
باجر العباس طايح يامصيبتنا مصيبه
عالنهر بدر العشيره يوگع الوگعه المريبه
گومي ياام جسام كومي حظري لوليدج طبيبه
جاسم باهليله عندج باجر يطول مغيبه
گومي ياليله للكبر گبل ماتبدي الحريبه
تجمعت كلها اعله جتله والكتيبه تجر كتيبه
يارباب بسرعه گومي للطفل ليجف حليبه
باجر بسهم المثلث حرمله يگطع نحيبه
اه من انهار باجر اه ياساعه الرهيبه
يامن يخبر علينا من النجف ياهو اليجيبه
ياعلي راحت زلمنا وراحت وياهم الطيبه
راحت ازلام الثوايه ياعلي وزلام نيبه
ياعلي تطشر شملنا بكربله وراحت الهيبه
راحت ارحام الزكيه وراحت اصلاب النجيبه
راحت اسباع الثنيه والدهر ماخذ نصيبه
ورحنه يسره بغير والي ياعلي خيبة الخيبه
عبـاس العيـسـاوي ,,,,
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#موشح
احسین خویه طولیت الــنومه
امنین اجیلک والطرق ملزومه
**
احسـین خـویه حیرتنی طیحـتک
اشلون اجیک اشلون اعوفن عیلتک
گطــعت گــلبی یخــویه نـومـتک
امنین اجـیک انمنع درب الـحومه
**
احســین خــویه الخــیم ناراموجره
و لابگه عدنه کفیل و لا ضـره
چـــم یـتـیـم اجــمع وچــم امـخدرّه
سلـبوهــا الــحرم یــا جـیدومه
**
احسین خویه اطفالکم عرض الفله
وتـدری ضرب الصوط ما تتحمّله
شـرد اشاجـف خـویه عـن العـایله
امتـونی خـویه امدممه ومالومه
**
بگت زینب شکت من عظم المصاب
ولمـت العیله عگب حرگ الطناب
اشـما تصـیح احسـین مـاتسـمع جواب
و علثره احسین وصبحته وگومه
**
آیــه لــوعة لیـــلة الــــحادی عشر
ابعین تحمی العیله من ذاک الخطر
وعــین للــمیدان مشــبوحه الــنظر
ولـسمه تمـطر ادمـوع اغـیومه
**
لنهه تسمع صوت وی طرت الفجر
حضرونـوگ الهــزل شــان الــیسر
ورخصو العــیله اعــله ولــیاهه تمر
کل فجـیده الولی اتـرید اعلومه
**
های من گامت تگع نوبه و تگوم
وذیـچ بلـحومه مثل طـیرالیحوم
ایــدورن ولــیانهن بین الـــجسوم
وکــل بــدرغـیر الحرّار رسومه
**
وصـلن الجـسم الـولی اربات الدلال
بس جسد من غیر راس اعله الرمال
الـیهز جــــبرائیل مهــده ابلاضـلال
بلشمس ولـحر هجـیر اسـمومه
**
آه مــن شــافــنه جــسمه اعله الثره
ودمه یشخب من اجروحـه ومنحره
حــجـــة البــاری وابــن خـیرالـــوری
عـاری حـته امسـلبین اهــدومه
**
اتگلله زینب خویه جینه انودعک
ولـوبدیــنه انغسلک وانـشیـعک
غـصبن اعـلــینه نـخــلی مـصرعک
ونمشی للـشام وتجـیک اعـلومه
**
اتوادعت زینب من احسین الضمد
وکـل فـجیده اتـوادعت مــن الـولد
صـاحـت آنه اوداع ضل عندی بعد
العل شریعـه هـامته مجـسومه
**
مـن الحـومـه اتـمشـت ابذاک الخطر
امدوهنه وتنـشد عله درب النهر
اتـصیح یاهـلناس مـاشـفــتو گــمر
طاح من سابع سمه اویه انجومه
الشاعر عزیز الفیصلی
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313