5201
((صلى الله عليك يا اباعبدالله مولاي يا غريب يا مظلوم يا شهيد كربلاء )) *رابط كروب هذه القناة 👇🏻 https://t.me/groupalmamalhussein *رابط نعاوي الطف 👇🏻 https://t.me/naawialtaf313
#تراث
#شور #ثكيل منبريه
بالله استعدي للبواچي يم لبنين
ردّوا يتامى وانذبح عبّاس وحسين
يَـم البنين اتـذبّحوا كلهم على الگاع
وحسين ظل امجرّد ومكسور لضلاع
ومخدّرة حيدر علي فرّت بلا قناع
ويّا الحرم و النّار تسْعَر بالصّواوين
يَم البنين الأربعه انذبحوا ظمايه
وظلّوا ثلث تيّام بالغبرا عرايه
وليتچ نظرتي عْلَى النّهر صاحب الرّايه
مفضوخ راسه مگطّعه شماله وليمين
يَم البنين الأربعه محّد دفنهم
دمهم غسلهم والتّرب صاير چفنهم
ومن الصّبح زينب مشَت للشّام عنهم
فوگ الهزل مرّت وشافتهم مطاعين
يَم البنين الأربعه تشهد لچ النّاس
مـاصار بلْيوث الحرايب مثل عبّاس
خلاّ الأرض روس وجثث ومطهّمه داس
روس الأعادي وغلّگ الميدان صوبين
صاحت اولادي وكل من بالعالم يروح
ويا ليت بعد حسين ما تبگى لنا روح
يا بشر بالله لاتگول حسين مذبوح
ماشوف بالدّنيا عوض عندي عن حسين
عبّاس و اخوانه عليهم ذاب لفّاد
اعزاز عندي و حزنهم بـالگلب وگاد
وحسين فَتْ گلبي ونسيت افراگ لَولاد
فدوه لبو سكنه أولادي يا مسلمين
يا ليت عندي مْن الولد سبعين مولود
بـالمرجله كلها مثل عبّاس و تزود
تنذبح و ابن المصطفى لدياره يعود
سالم و لا تنضام زينب والـخواتين
الشاعر المرحوم ملا عطية الجمري
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
صعدو الخيل وجوها وكربله بزود خذوها
اخوان عباس
*
اخوان عباس الغياره دخلو السوح الحرب
غيمت والجيش راسه الولد حيدر منطلب
سبحت بدمها ال اميه وكطعو اعليها الدرب
الخيل تصهل بالملاحم واجت بيهم تنكلب
خسفو الكاع بهلها الرايه جعفر حملها
اخوان عباس
**
اخوان عباس امن اجوها اوجوهم صارت صفر
واليطبرونه اعله صدره قفص صدره ينكسر
ذوله شريان العقيده الهوه بيهم ما يمر
وقائد القوات كلهم ماكو حل لازم نفر
كامت اطيح زلمها والحرب عون حسمها
اخوان عباس
*
ضلت تموج الكتايب والوضع بالطف رهين
كلها صاحت وين نشرد اجو ولد ام البنين
ذوله متروسين غيره وعالقتال امعلمين
وصلو الاخر كتيبه ونصرو حسين بيقين
شالو الروس بديهم شدو الحيل عليهم
اخوان عباس
****
قدم العباس اخوته فرقة الرد السريع
اجت برقيه بقتلهم واليلزمونه يضيع
الحرس الهاشمي ذوله بكربله السد المنيع
والرئيس حسين واكف والزلم كلها تطيع
استعرضوله بحربهم يحرك الجيش غضبهم
اخوان عباس
****
ردو الفرسان كلها ونطوت طي السجل
زامطو وولاد حيدر لو حجو كول وفعل
طبو الساده النشامه البيهم الطف ينعدل
وصل دمهم للمخيم والجثث يم الجفل
جيش اميه تحير كضو كل المعسكر
اخوان عباس
**
حشم العباس اخوته وللحسين اتراكضو
لبسو دروع المنيه وعالقتال اتسابكو
مثل عباس ابو الغيره بالحرايب دخنو
سحكو الخيل وزلمها وللشريعه اتقدمو
حاصروها السرايه وشوفوها المنايه
اخوان عباس. اخوان عباس
**
تمت
تحسين الخفاجي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
عايفني وين......عايفني وين
ماخذ خواتي وانه اضل الوحدي ليش
انه العليله ومن اكوم اتوجه بيش
بويه رايح والدمع يسجب وراك
ناظري لمن رحت ظل بكفاك
بويه حسين ......عايفني وين
@@@@@@@@@@@
بويه بيتكم لوتركتوها تضيع
شيبقه اذا وياكم يروح الرضيع
كلبي مايسكتله لحضه من الونين
ويايه يابويه تضل ام البنين
اه ياحنين....عايفني وين
@@@@@@@@@@@
بويه ماضل الي شو حته الصبي
خل اروح ويا الخوات ارد انسبي
كل خواتي وياكم يروحن اشوف
ليش يرحن وانه اضل بالبيت اطوف
اه ياحسين ...عايفني وين
@@@@@@@@@@@
جي مريضه اهنا اضل ناويلي
خل اروح ولحد يتجيلي
جاي اشوفنه الضعن حمل متاع
كون اموت ولا اعيش اخر وداع
فدوه السنين....عايفني وين
@@@@@@@@@@@
صوتي مايطلع ابد من الخيام
يادوايه من اشم عطرك وانام
خل اجي لو حته اشيل ابن الرباب
عن لحيتك لو طحت امسح تراب
ودم الجبين...عايفني وين
**،،،
زيد الزيدي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#موشح
الكوفه خافت من دخل راعيها
نزل مسلم والشمس يجويها
،،،،،،،،،،،،،،،،،،،،،،،،،،،،
مايهاب الموت وحده من يطب
جيم العسكر وسواهم حطب
جنه حيدر عمه ميهاب الحرب
والزلم فوگ الزلم يجفيها
،،،،،،،،،،،،،،،،،،،،،،،
طب عليها وغيمت غيض السمه
نشمي ماخذ زوده من حامي الحمه
سيفه عالصعبات دوم معلمه
بسيفي كال اليوم اريد افنيها
،،،،،،،،،،،،،،،،،،،،،،،،،،،،،،،،،،،،،
دخل قباض رواح اعله الكفر
مايلوحه بسيفه من عينه يفر
سيفه حار وطبعه احر من جمر
كلفه بس مسلم حلف يكضيها
،،،،،،،،،،،،،،،،،،،،،،،،،،
هلهلت طوعه وتشد ليه العزم
اليوم اريدك يافحل تگضي الزلم
ابسيفك البتار تثلمهم ثلم
صلبه يدك محد يلاويها
،،،،،،،،،،،،،،،،،،،،،،،،،
شد لثامه وهزها حيطان القصر
جنه حيدر بالعرك لمن يكر
كلها خافت بجفه يصطرهم صطر
نشمي يعدل حدها ويساويها
الشاعر مصطفى فوزي المالكي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
يالخنصرك مكطوع. سوده عليه
يالخنصرك مكطوع. بالغاضـريه
ذبلت يالغالي اشفاك. بالونه يمه انعاك
بالغاضـريه
…………
اجيت ابلــيل ادور تــــــعثر اجدامي
اويلي اعليك يبــني يالمتت ضامــي
اجيت مـــِْن المــدينه لزهرة ايامــي
ادور وين اصبــعك منكطع دامــــــي
مـــِْن المدينه اليوم. جيت بحسرتي
مـــِْن.المدينه اليوم. سالت دمــعتي
كل لحظه انه وياك. بالونه يمه انــــعاك
بالغاضــــريه
…………..
اشو ماكو جــــمالك يــمه متــــــغير
فلا صــدكت انــته وعقــلي متــحير
لكيتك يبني طايــح دامــي المنــحر
علـّۓ هاي المــواقف يــمه ما اكــــدر
ما صدكت مذبوح. فوك الوطــــــيه
ما صدكت مذبوح. يبن الزجـــــــيه
حر الشــمس اذاك. بالونه يمه انعاك
بالغاضـريه
………….
عزيز الروح انــــته يمه حاجينــــــي
سكوتك هَـَْـُذآ يبني حيــــل ياذيــني
اليٱلمــــك يا جــرح يا يمه دليــــــني
اخذ من عِنـ.ـديّ كلشي يمه يحسيني
حار الترب يا حيف. ويجوي خدك
حار الترب يا حيف. ياهو اليضمدك
حاجيني يبني ارجاك. بالونه يمه انعاك
بالغاضـريه
…………
اجيت بضــــــلعي يمه وتــــستعر ناري
اجيت الطــــــم وانوح لجسمك العاري
انه كل ليله يــمك مدمــــــعي جــٍّــاري
عمت عيني اعله صدرك يا رضه الباري
ون كلبي يمه اعليك. كل لحظه تدري
ون كلبي يمه اعليك. ما يطفه جمري
اشلون الترب غطاك. بالونه يمه انعاك
بالغاضـريه
…………
اشم ريحة انفاسك يبني بنفــاسي
انه مـــِْن المدينه وهايج احساسي
الكطع نحرك ييمه جن كطع راسي
يبو الاكبر اويلي هل زمن قاســــي
اسمع ونين ونوح. وانحب يويلي
اسمع ونين ونوح. يلجم دليــــلي
كــــلبي بٱلم ناداك. بالونه يمه انعاك
بالغاضـريه
…………
سمعــــتك من كلت اه العطـــش يكتل
شفت نــــــحرك ييمه ايه مـــــــِْن رتل
وشفت زينب اخيتك صعدت اعله التل
بمســــيرتها تــــون وتنــــوح عالــــهزل
شفت الشمر بالصوط. طك زينب اختك
شفت الشمر بالصوط. تحــــضرها رتك
راوتها الم دنــــــياك. بالونه يمه انعاك بالغاضـريه
…………
الخادم المقصر ناجي ابو كيان الصالحي ونسألكم الدعاء لي ولوالدي
#جديد_محرم_الحرام_١٤٤٧هـ✍️
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
الأنصار ع
#ثكيل منبريه
عدنه زينب قضيه بخدمتچ هالمسيه
اگبالچ اتموت الانصار فدوه يالهاشميه
****
ربانه حيدر بيده .. تاريخه هسه انعيده
بيدينه رآيه .. يمچ حمايه
خطة هجوم الحومه .. يم الخدر مرسومه
گرّب أجلها .. واحنه أهلها
كلنه اعله الفرسان انفوت / ونترس گيعان الطف موت
الواهس حزّم حيله
شوفينيه انهد اعله الناس / ويمچ يتبسم عباس
اشمحلانه ابهل ليله
ماكو مهله وسلامه نگلب الطف قيامه
صرخه تبقى للاحرار فدوه يالهاشميه
****
متغيره شفنه احوالچ .. هوسه نسوي اگبالچ
يبديها كافل .. هذا بو فاضل
ماهي چثيره اعدانه .. احنه الگمر ويانه
قله عددهم .. والله نذلهم
من اترن بيدينه اسيوف / انحط بگلوب اعدانه الخوف
ويا زلمه اليتقدم
سبعينچ ضد السبعين / وحسبي الالف الميتين
اشما زادو نتبسم
ما نتاني اليجينه الفارس اندوره وينه
دمنه يابت علي فار فدوه يالهاشميه
****
اولنه عابس نازل .. بچفوفه راح ايقاتل
جن ابجنونه .. تجدح عيونه
صاح الرماح اخذيني .. جنني حب احسيني
غيره وشهامه .. ابخدمة امامه
ذب درعه وطب للميدان / وگام ايشمر بالفرسان
وحط يمنه اعله اليسره
ايحارب ويعاين لحسين / وبانت ضحكاته اعله العين
اشتامر يبن الزهره
ظل يحاچي حبيبه گلي ياراس اجيبه
اگطع ابروس الاشرار فدوه يالهاشميه
****
شيبتنه محلى الشيبه .. هذا حبيب الهيبه
سيفه ابيمينه .. امعصب جبينه
ظل ينظر العدوانه .. وسرفن يويلي اردانه
صاعد مهرته .. الموت ابخزرته
نازل بيهم چالزلزال / اويه المهره الطف كله انشال
وعجت خيل وغبره
ماخذ حيله امن الكرار / اتدور الگاع اويا لو دار
ويا خيال ايعبره
هز طفوفه ابذراعه حيدري بالشجاعه
صاعقه وسيفه شب نار فدوه يالهاشميه
****
جون اعتناچ ابدوره .. اسود لچنه اسطوره
عنده مهمه .. اتسجليله اسمه
دروب الحسين ادروبه .. ايضحي لجل محبوبه
صاحب رجوله .. ايقدم بطوله
عبد حسين وكظ السف / وگال امن اعداي اخذ حيف
وما انعاب ابلوني
هاي الناس وهاي الگاع / وخن اشوف اشگد بيها اسباع
اليوم أعلنها افنوني
الگلبه ابيض يناصر وثگله يصبح جواهر
وعن امامه ميندار فدوه يالهاشميه
****
واحد يتبعه الثاني نذهل حشد شيطاني
فرحي يزينب .. زلمچ متتعب
ذوله برير ونافع والحر بعدهم طالع
عدهم براعه .. وكل الشجاعه
زلمچ تتسابگ عالموت / ابگاع الطف فتحو تابوت
وترسو بي خياله
حدچ زينب من يدناه / ونقسم بحسين وبالله
اليوصل يفجع حاله
عالعهد يالعقيله ابخدمتچ يالاصيله
كلشي يرخص للاطهار فدوه يالهاشميه
****
الشاعر اياد الديراوي
#جديد_محرم_الحرام_١٤٤٧هـ✍️
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
(عاشوراءُ فُرصةُ الرُّجوعِ لِلهِ مِن بابِ الحسينِ (ع)
#ثكيل منبريه
__
عاشور.... فرصـــــة التائبين
للّٰــــــه.... أبدي من الحـسين
خـلّيك.... بالعزاء تســــتعين
____
درب الحسين اليوصلك مايوصلك واحد
هذا عاشور وفرصــــتك ليش دمّك بارد
شد حيازيمك وهاجـــــر، للجمال الخالد
حسين مايرتاح گلبه من يشوفك گــاعد
يختاض... من يشوفك وحيد
تدعـــيه.... وانت گلبك بعــيد
لا مــال.... ينفـــــــع ولا بنين
____
ياهو يضمنهة فرصتك هاي ترجـــــــع باچر
لحظة لو باقي (الرياحي) چا جـزاه العاشر
أوسع ابواب التحاقك يالأشـــــــــوف حاير
هالمسافة البين (صدر المنذبح والحــــافر)
مــــــــنّا.... تنطلق للكمال
وحسين.... هاليگلّك تعال
ويّاك.... مؤنس الخائفين
ــــــــــــــــــ
صحبة أهل البيت صحـبة تمشي لله ٱبجالها
الخطوة ويّاهم يعــوضك (عَشْرَة)من أمثالها
ويَّه ابو الأكبر ٱجروحــــك خل تفوت ٱبّفالها
الخيمة مايستقر فيّها من تگــــــــطْع ٱحبالها
واللّٰــــــه.... مايردلك دُعـــاء
بس گول... من طرف كربلاء
هَيّهـــات... مايرجعك حَزين
ــــــــــــــــــ
حسين من ٱيحبله واحد يمشي ليه ويجيبه
أهتم بنفسك يخادم لٱجــــــــل هاي الطيبة
چان عابس يحمد الله نبلة مــــن ٱتصــــيبة
گوم أخذ دوره وعدوّك خَلّه ياخـــــــذ غيبة
بحسين..... من تغـــرِّب جريح
ينطـيك..... من جمال الضريح
للخيـــر..... بابه (فَتْــحٌ مُبِين)
____
الله خَلّه حــــسين حلقة وصـــل بينه وبينك
الضحّة بعيون ابو فاضل حتى تســـلَم عينك
روح گلّ للغير بالله ربعك ٱشــــــــــــمنطينك
طيني بي ريحة الزهرة، وانتَ شنهي بطينك
من دون.... چف ٱمــير الحنان
للمـــوت.... تبقى نفس المكان
ويّاه .... مُختَصر للســـــــنين
ــــــــــــــــــ
حســـين لو حطّ ٱيده بيدك لاتضن ٱيعوفك
ضيع عن النّاس كـــلهة المُـهم هوّه يشوفك
گلّه حتّى لو تحـــــطني اِتراب ويّ ٱطفوفك
بلكي ٱلٱصبع هذا ٱعوضه الضايع ٱمن چفوفك
لحسين... من تسيّر الحياة
تلـــگاه... أحلى من الفرات
مفتوح.... گلــــبه للعائدين
____
كاظم عبد الحسين الحولاوي
#جديد_محرم_الحرام_١٤٤٧هـ✍️
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شور كعديه
حسين هسه شلون بيه ...
انطي وجهي ليا نويه ..
الدارو اعليك بوكعتك ..
ركضو ودارو عليه..
وين اروح وكلهه هيمه ..
وما بقت لاطفالي خيمه ..
يفزعون بكل حقدهم..
وين ما شافو يتيمه ...
خويه الشماته بكد الكاع ونشرد وين ..
كلما نصيح حسين وصاحو مات حسين..
لا ضل دمع بالعين ابجي ولا ضلت عين ...
_
لا نفس ضل بيك لا حس...
وخيلهم فوكك ترافس...
ادري مو ذبحوك كافي..
بعد شلهم بالملابس...
غير من ذبحوك وتفض...
الخيل هاي شعدهه تركض ...
ادري كاع الله شكبرهه ...
ليش الا بصدرك ترض..
معقوله هاذه حسين التارس جسمه الكاع...
اركض والم من جوه الخيل بساع بساع...
اللحكته لحكته الما لحكت اعليه ضاع...
__
وضيمك المحد يحمله...
لخاطرك ليهسه عدله...
كون محتركه بخيمنه...
ولا يمشوني اعله هزله ...
نار والدخان اخذني...
السوط يمك يلله هدني..
خويه مابيه ارفع ايدي ...
بكثر ما يوجعني متني ...
يحسين ابشرك كلشي انباك وماضل حيل. .
والدنيا ليل ووين نبات بهاذه الليل ..
مدري احمي جسمك مدري اطفالك من الخيل
_
وداعتك يا خال ولدي ...
بعد ماضل كلشي عندي ...
رايحه امشي ويه الشماته ...
هيه شده وما تعدي ..
متانيتني الشام كلهه ...
حجارهه وميهه وطبلهه...
بسوك باجر توكف اختك..
آخ يحسين شثكلهه..
باجر حرمكم بين الغربه ومجتوفات...
باجر يشبعن هضمه ولوعه العلويات...
باجر حبل باجر قصر باجر شمات
___
(الشاعر رسول الكعبي)
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شور كعديه
تعال لبوك . . . يا علي. . تعال لبوك
_____
يبني الجبير الزغر سنيني
مو وكتك تروح وتجافيني
بويه وعلي من هضمة فراكك
مو بس دمع باجيلك عيني
مايصلح الدنيا غروب عالكاع وجهك مكلوب
رد يلله وياي
لو تحجي واسمعلك صوت .. لو بوك وياك يموت
لو هاي لو هاي
فز يا علي بسرعه وكوم. .....مكروه يابويه النوم
من دون الفياي
تعال لبوك . . للخيمه خل نرجع سوه
تعال لبوك. . . عماتك بعازت ضوه
تعال لبوك. . يالشوفت عيونك دوه
_______
عوف الحوافر ورجع لبيتك
للشيب مو للخيل ربيتك
يا بو علي يسموني لعيونك
وبعيوني ذني الفوك خليتك
لا طر صبح كون وليل.....راح اسمي وي دوس الخيل
ياوسفه يروح
يابو علي راحت ليش. . . شو ضل يصيحلي الجيش
يابو المذبوح
الله ييذيج الأيام ....... من جنت لحسين حزام
وروحين بروح
تعال لبوك. . . خل ترجع أيام العشك
تعال لبوك. . . خل كلبي وي كلبك يدك
تعال لبوك. . . شجاب الدلال على السحك
_______
يبني وابوي وأمي وخواني
يل هاد حيلي كبال عدواني
انا الأدلي الوادم شمالي
تيهت وين خيام نسواني
ياعلي يمتيه حسين. . . دليني المخيم وين
ماشوف ضليت
منين الخيم ليهه نروح . بس كلي منانه وروح
محتار ضليت
الوادم تصيح خلاه . . . . ابنه علي وما دلاه
من الناس مليت
تعال لبوك. . . . . من الفشله دلاله انهضم
تعال لبوك . . . . دليني منتضره الحرم
تعال لبوك . . . ترضه أسأل المابي رحم
_______
وصتني امك وشكثر نادت
تشوفك مثل ما ربتك رادت
سولفلي هسه شلون اطب الهه
وانا أمشي منك ركبتك طاحت
سولفلي يل مالك لون ...سولفلي اطبلهه شلون
دبرلي موضوع
يل بالدرب نحرك طاح . . وبصدرك ملاكه رماح
شوغات ودموع
ما صدك بهذا الحال... شايل على متوني خيال
جا وين الضلوع
تعال للبوك . . بس كون نحرك عالمتن
تعال لبوك. . . كلك أريدك يا حسن
تعال لبوك. . . . من الحوافر للحضن
__ محمد الزيدي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#قصائد_محرم_
#محرم_الليلة_الرابعة_
#شور كعديه
#نزله
مدح وافتخار مولاتي ام البنين(ص) بمولاي ابا الفضل العباس(ص)
احزام شد وليدي بعد اعيوني
انته أبني وما تخيّب اضنوني
انة ربيتك ذخر لحسينك
حرز شلتك يُمه فوگ امتوني..
الناس كلهم خلهم يعرفونك
انة بدويه ونذرت اعيونك
خلي اسمك ينذكر بلغيره
يل تحامي سيدك وضعونك…
شهم يبني ادريبك__يبو فاضل
الحومه تصبح عيدك__يبو فاضل
بيدي اخط تمجيدك__يبو فاضل..
صنع تربيتي…ابا الفضل..
زودي…ابا الفضل
فخري…ابا الفضل
گمر يضوّي بليلي….ابا الفضل
يا عباس يوليدي….
____________________________
لو عطش جر النهر يم أيدة
بيده رايك سوّي كلشي يريدة
انته مخلوق لمحرم يومك
وراح تشهد يبني بيك البيدة
حسين خلة يعيش دوم اگبالك
وغير طوله لا تشيل انضارك
يل وفي يلماكو من نوماسك
جاي يوم العاشر ويبرالك
بيدي انا الربيتك…يبو فاضل
عل وفه غذيتك…يبو فاضل
ابني بس افديتك…يبو فاضل
نذر لحسينك…ابا الفضل
كامل …ابا الفضل
غيره…ابا الفضل
وفه ينضح جودك…ابا الفضل
يا عباس يوليدي…
________________________
عباس يل كلي فخر بزنودك
انته زودي وانه اشع من زودك
هاي چلمه وبلگلب خليها
موت لاكن خل يخضر عودك…
أوصيتي زينب يبني وانته الكافل
لو يجي العاشر ترّد العايل
أفني كلّ العسكر بزود ايدك
وخلي كل جموعهم تتمايل…
هذا يوم الغيره…يبو فاضل
وانته؟ كلك غيره…يبو فاضل
ما تضل كل حيره…يبو فاضل
شهم يوليدي…ابا الفضل
روحي…ابا الفضل
دمي…ابا الفضل
بيك ارفع راسي….ابا الفضل
يا عباس يوليدي….
________________________
گمر هاشم يل چبيره اعلومك
جبت عمري حتى اشوفن يومك
من الزغر ربيتك اعلل خوه
وانتة نشمي ما يشح تعلومك
(بعد انتهاء العاشر واجت الاخبار الى مولاتي ام البنين وشسوه ابو فاضل)
وصلت اخبارك إجت عباسي
كلف زودك راح ارفع راسي
ماكو واحد ينطي اخيه اچفوفه
ويصيح ولله مقصر بنوماسي
صح گطيعه اچفوفك…يبو فاضل
بس وصل معروفك…يبو فاضل
الوفة صاغ احروفك…يبو فاضل
كلف يانشمي….ابا الفضل
ضيغم…ابا الفضل
ألناصر…ابا الفضل
ابني وانة بزوده…ابا الفضل
يا عباس يوليدي….
________________________
#محرم_١٤٤٧هـ_
محسن الباوي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#قصائد_محرم_
#محرم_الليلة_الاولى_
#شور كعديه
يرجع شهر محرم على مولاتنا العقيلة زينب (صلوات الله عليها) وتَعيد الذكريات
والجروح بعد سنه ونص من اللألم الغربة…
ماكو لحضه بلاية دمعة
وماكو ساعة؟ بلا مناحة…
سنه ونص وااانة غريبة
گلبي ما تهدة جراحة…
ذكرياتي كلها تجرح
وهل محرم ذكره بية…
شنسة منة ومن عذابة
العاشر شگد بي اذية…
أبدي__منين
واكضي__لوين
من ذَبح اهلي لوّن حرگت خيامي
لو؟__للماي
الشح__إوياي
وزيّد جروحي العطش موتلي ضامي
گلبي__احتار
منْ__النار
ياهو يِطفيلي جمر يسمع كلامي
اااه محرم ياجرح روحي
اااه منك كبرت جروحي
_______________________________________
جايب جروحة محرم
راح اعيدن ذكرياتي…
العطش! والخيمة! والبر
هذن؟ ذبحّن امنياتي…
ياهو؟ تتحمل عيونة
گبالة مذبوحة خوتة…
وما تضل عندة عشيرة
العشيرة؟ كلها موتة…
كلهم__موت
شح__الصوت
شما أصيحن يهلي ما يرجع جوابي
هدت__خيل
تريد__الحيل
عمري خمسين وكبر بية عذابي
كلشي__اندار
بضهرّ__الحار
إطلعت اركض بدة بية اغترابي
اااه محرم ياجرح روحي
اااه منك كبرت جروحي
___________________________
منين ما ديرن الاگي
خيل وجيوش وعساكر…
چم طفل مات باثرها
أطفالي ما سلمت يعاشر..
لو رقية الوردة ذبلت
تحيرت ضايع امرها…
گصيرة خطوّاتي تگلي؟
الهيمة ياعمة شكبرها…
وين__نروح
عمه__جروح
كلشي ضاع بكربلة وضاعت غلاتي
عمه__ام عون
هاي__شلون
عمه؟ اخاف امن الحرگ يوصل عباتي
ثلاث__سنين
وعفت__حسين
عفتة مذبوح وگضت يمة أمنياتي
اااه محرم ياجرح روحي
اااه منك كبرت جروحي
___________________________
حتى ما خلوني أوّدع
من گضت ذيچ المسية…
جابو النوگ الهزيلة
يعني راح امشي سبية…
أستغربت مو هيچ شاني
بلسبي مو انة؟ روحن…
كمت احچي وية روحي
كون باول خطوة اموتن…
رحله__وشام
امشي__ايام
لا اخوتي! ولا دلال! امشي اسيرة
بيدي__احبال
وبان__اخيال
الطلعه كسرت هيبتي وانة الاميرة
الشام__عيون
شلون__يهون
وطولي ماشاف الشمس ياخدري حيرة
اااه محرم ياجرح روحي
اااه منك كبرت جروحي
___________________________
#محرم_١٤٤٧هـ_
✍️محسن الباوي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#تجليبه
أجه شهر ألحزن والنوح والونه
شد حيلك يخادم وأضمن الجنــه
..........................................
أجــــــه شهر الحسين وكربت أيامه
وجب كل خادم أيشد عزمه وأحزامه
حضر دمعتك وأطفـــي لضى أخيامه
وكـــــــــل مجلس عزيه روح وأتعنه
.......................................................
كـــــــــــل مجلس تروحه أكعد أبابه
تره الزهره تجي وتوكف على أعتابه
تـــــــــون وتنوح آه يحسين وأمصابه
بدفترها تسجـــــــــــــــل أسمك أتمنه
.........................................................
مجالسنه مدارس واللطـــــــــم عاده
واه ويلــي على حسين وعلى أولاده
أووا ويلـــي أعله زينب عمة الساده
وعالعباس مــــــــــــــا تبطل مدامعنه
.........................................................
غير حسين باجــــــــــــر ياهو أينفعك
لـــــــــــو نزلوك كبرك محد أيسمعك
لا خـــــــــــــــوان تفزع لا ولا ربعك
لحد شيـــــــــل الجنازة وتكطع الضنه
.........................................................
حب حسين مــــــــــو تعلوم عالفطرة
شتجازي الفده لجلك دمــــــــــه نحره
كبلك عابس أنجن ونـــــــــــذر عمره
وعلــــــى دربه المشه بالمحشر أتهنه
....................................................
أكشــــــــــــــخ بالسواد وعلك الراية
زينب مـــــــــن تشوفك تفرح أهوايه
أنصب موكبك وأتوضىه مــــن مايه
وبجاه أحسين أطلب حاجتك منـــــــه
.........................................................
خادم خدمة الحسين
الشاعر
محمد الموالي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
اليوم الكــــلافه وانتخت راعيها
حيهه الصحابه والنشامه البيها
***
اليوم الكلافـــــــه اتبيــن الوفايه
زلم المواقف للحـــــــرب عنايه
كضت شواربهه وتهـــز بالرايه
بالغاضريه اندكت الهـــــــم ثايه
كلهــا فوارس والعـــزم غاطيها
حيهه الصحابه والنشــامه البيها
***
نعم وثلتنعام من كــــــــــل واحد
كل فارس المنـــــــهم يعادل قائد
صامد يحشم بالملاحـــــم صامد
وجيش المعاره اليوم منهم شارد
لوهدو ابــــــــدم انترس واديها
حيهه الصحابه والنشـامه البيها
***
كلهم نشامه الشــــاب ويه الشايب
حب الحسين النفس بيهـــــم ذايب
صاحب يحزم كام ظهر الصاحب
بثار الغريب اتصيح كلـهه اطالب
وسط المعاره مرتفـــــــع ساريها
حيهه الصحابه والنشـــــامه البيها
***
كلبو اليسره اعله اليمين بنخــــوه
واحد يكل الثاني حيـــــــــهم تكَوه
طاحو عالعدوان نقمــــــه وبلـــوه
صارمهم الضامي بدمـــاهم يروه
صارت عجاجه واظلــمت ذاريها
حيهه الصحابه والنشــــامه البيها
***
عدهه يقين وعن علـــم فزعــــتهه
دون الخيام وزينـــــب وعيلــــتهه
شنهو النفوس الغاليه وقيمـــــــتهه
ترخصهه لحسين وهله غايـــــتهه
باعو نفســــهم والســـــبط شاريها
حيهه الصحابه والنشــــــامه البيها
***
هجمت اسود النخوه ركضو ركضه
كل واحد بدم الشـــــــــهاده اتوضه
وم الجهاد بهيبـــــه تمــــــم فرضه
عن الحسين بعطفــــه رادو يرضى
همهم رضه حسين الســـــبط واليها
حيهه الصحابه والنشـــــــامه البيها
***
ابو علي الركابي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
مسلم بن عقيل عليه السلام
#عگيلي
أنصار المبدأ معروفة
ابشر يا سلطان الكوفة
-------
وكفت آلاف بشيمتهه
چانت لجل الحك فزعتهه
تشابه صفين بشوفتهه
وصارت للميدان تطوفه
------
من فكرك صارت تستلهم
وتنادي باسمك يا مسلم
انت الآمر والمتحكم
واحنه لدرب الحگ منعوفه
------
دربك درب الحگ الواضح
معروف انت العبد الصالح
اليتبع نهجك هو الرابح
موج الغي ما يعله جروفه
-------
نمشي بدربك ونضحي الدم
يا مسلم ابشر لا تهتم
انت لجرح حسين البلسم
وبسيوف الحگ احنه نروفه
-----
وصلت للشام ارجوزتهم
والكون اهتز من صيحتهم
وبليله انفضحت كذبتهم
نيتهم صارت مكشوفه
-------
بس ما شبت نار الثورة
والحگ لاح وبين فجره
الباطل اعلن يوم الغدره
وضد اهل الحگ صف اصفوفه
------
جيّش جيشه الطاغي الظالم
رن الدرهم رن الصارم
ظل يعزف الهم ويساوم
واخذتهم هاي المعزوفه
-------
ما رادوا للامة الاحرص
باعوا ذمتهم بالارخص
يساومهم ظل ويتربص
وارواح الوادم مخطوفه
--------
مسلم امسه بجيش وعُدّه
ولن صبّح بالموقف وحده
ما مد لهل الباطل يده
بعزة نفسه الما مألوفه
-------
طب سوح الميدان بزوده
شتت جيش الغي وجنوده
بذيج الهمه الما محدوده
بذيج الهيبة الما موصوفه
-------
گابلهم ما دنگ سيفه
ويذل الفرسان بكيفه
يصول ومنهم ياخذ حيفه
والجيش تكاثر بسيوفه
--------
ذرية هاشم عنوانه
صنديد وعجب ميدانه
لاچن بي غدرت عدوانه
وعلى المبدأ لاگه حتوفه
-------
عالمبدأ ما لحظه تغير
غدروه وبي غدرو حيدر
وين حسين لمسلم يثأر
ريته ابين اعداه ايشوفه
--------
ريت حسين يشاهد جسمه
بين الكوم السفكو دمه
بالغربة ولا واحد يمه
وسيوف العدوان تطوفه
----------
عقيل الكاظمي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
اوصيك خمسة يلگمر وهناكه وفيهن
جفوفك وعينك والنحر لحسين تنطيهن
ولا تنسى هاي...لا تروا ماي...
........
اول وصية يلگمر
لو صار بيديك النهر
بالك يگلولي خبر....عباس شارب منه
إعطش وچبدك ينفطر
خيصير احر من الجمر
ولا اسمع بريجك يمر....والماي بي تتهنه
لا ترتوي من النهر اعليه محسوبه
اعطش وموت من العطش هالموته مهيوبة
عيوني وضواي...لا تروا ماي
.........
ترد ما ترد عندي المهم
بالسهم عينك تنلچم
ويم فاطمة ثبت اسم...سجل حروفك بالدم
لحسين شوفك قدمه
يا يمه حِسن الخاتمة
من ترضا عنك فاطمة....بالسهم يمه توسّم
ما ارضا عنك يولدي الا بشرط واحد
يگلولي بالطف الگمر بعينه السهم كاعد
ترضيني هاي...لا تروا ماي
..........
يا يمه مطلوبه نذر
بالطف جفوفك تنبتر
لو طاحن يعيش الخدر...وأدريك ترضا بهايه
يوليدي امك طلبتك
اليسرة ذبها ويمنتك
بس كون تسلم جربتك...ولحسين يوصل ماية
ابكلشي ضحي بكربلا وانطي شكثر تگدر
موت انت لا ترجع الي خيعيش ابو الاكبر
شمسي وسماي...لا تروا ماي
.........
افجعني بيك ارد انفجع
قدم رگبتك للگطع
وما ابچي لا ينزل دمع....دموعي تظل بالعين
قدم للحسين النحر
وجسمك على الغبرة وذر
هالفخر ما منه فخر.....بس خل يردلي حسين
بيضلي وجهي بكربلة وهامتي عليها
المو ألك يمه والألك لحسين تنطيها
امنيتي ودواي...لا تروا ماي
مرتضى يوسف
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#تجليبه
ييمه احسين روحي تريد وياكم
اموت او لا اعيش ايام فركاكم
ــــــــــــــــــــــــــــــــــــــ
آنه ام البنين الـعـايشه بـسـدك
إِدعيلي ييمه اخدم ولد ولدك
أنا امن الدنيه ما اريداً فقط ودك
امن ألسان اوگلب يايمه أهواكم
ــــــــــــــــــــــــــــــــــــــ
أهواكم ييمه والدمع نازل
ومن فدوه إلك فاضل وابو فاضل
ييمه احسين انت اهوايه تستاهل
أنا اموصيه الولد لحسينه ادماكم
ــــــــــــــــــــــــــــــــــــــ
إذا رحتوا ييمه بغربتي أتمرمر
ومن عيني جمر و دموع تطشر
ومثل حايط إمفطر گلبي يتفطر
ييمه احسين ما اكدر ابلياكم
ــــــــــــــــــــــــــــــــــــــ
ييمه أنت أتعرف يا ناس تنتظرك
أشوف اسيوفهم متعطشه النحرك
اِنصروني تصيح ومحد اينصرك
ومن جمر العطش متفطره اشفاكم
ــــــــــــــــــــــــــــــــــــــ
ييمه احسين اشوفن حيرتك حيره
من يوگع على الشاطي ابو الغيره
بـس شمات إلمن وجهك اديره
وزينب بالخيم منتظره ملكاكم
ــــــــــــــــــــــــــــــــــــــ
تجيها ابلا كمر لا جرّبه لا رايه
تسألك وين أخوي البيّه الكفايه
تأشرلها انذبح يم المسنايه
احس بيكم ييمه چني وياكم
ـــــــــــــــــــــــــــــــــــــ
بكلشي مختلف يحسين موضوعك
بهذاك الموت وتكفكفهن ادموعك
ومو حافر حوافر رادت اضلوعك
وانت مبتسم وتصيح حياكم
سليم الغزالي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
انه العليله ياهلي
***
اتفاركنه يا كلبي بعد شمتاني
يمكن بعد محد يشوف الثاني
كل ما يجيني الليل اون تلكاني
ليش بضعنهم خالي ضل امجاني
وحادي الضعن لدياره حن
وبهل المجد دار الزمن
واتنطر ترجعون الي انه العليله يا هلي
*
من دون البنيات ابجي وصافنه
وما ندري انه وروحي ياهو العافنه
تتعثر الكلمات فوك اشفافنه
اتوادعنه والبيت انكسر من شافنه
دمعي همل وكلشي رحل
والفركه ابد ما الها حل
فارغ اشوفن محملي انه العليله ياهلي
*
اكسر الخاطر والدمع بعيوني
ما حسبت تمشون وتخلوني
ما بيه حيل افراكم تدروني
انه العليله وبالغرب عفتوني
نوحي ارتفع ومحد رجع
بنص الكلب صار الوجع
وحسرات عفته منملي انه العليله يا هلي
**
مشلوع كلبي وحايره بلياكم
والموت ارحم عندي من فركاكم
يخلص سفركم يمته وتلكاكم
يهل المروه خل اروح وياكم
ما اعتقد كلشي يرد
طول الوكت عالباب اصد
بالدنيه بجفاكم شلي انه العليله ياهلي
***
يهلي تعالو البيت منكم خالي
وهوه اليعوفونه تره المو غالي
وانه عزيزتكم وهسه اشحالي
جيب اليصبرني ويريح بالي
يهلي اتعبت وتغيرت
بصدري حجي وما بينت
وحزن المشو ما ينجلي انه العليله يا هلي
**
اشلون المريض الوحده تخلونه
المفروض ما ينعاف وداوونه
صعبه اليفارك غالي تفغه عيونه
بويه بدون الليل صار اشلونه
افراكك ملح فوك الجرح
وكل يوم احس بيك انذبح
والبيت من عدكم خلي انه العليله يا هلي
****
تمت
تحسين الخفاجي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
بسم الله الرحمن الرحيم
يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ
صدق الله العلي العظيم
نُصرةً لِأُمِّ أئِمَّةِ الهُدى وَحَلِيلَةِ صاحِبِ اللِّواءِ وَالكَرِيمَةِ عِندَ المَلاءِ الأعلى التي على معرفتها دارت القرون الأولى وبولايتها كمال التصديق والايمان بمحمد و علي صلوات الله عليهما وعلى آلهما اجمعين
–وإحياءً لِليالي شهادتها المَروعة ومقتلها الفجيع ستقام حملة لنشر راية الحزن على الزهراء صلوات الله عليها
إظهاراً لإمرِها ومُصابها وظُلامتها ،
وَلْتَكُنْ سُنّةً شعائرية لرفع راية السيدة الزهراء صلوات الله عليها سنوياً على البيوت وفي الشوارع كما الحال في محرم الحرام ولله عاقبة الأمور ومنه التوفيق وعليه الإتكال .
اللهم عجل فرج ولدها وكن الطالب لها ممن ظلمها
#الراية_الفاطمية
#شور #نزله
والله خطيه الما يحبك يا علي
--------------------------------------------
مو من اهلنه الما يحبك يا علي
ما بيه محنه الما يحبك يا علي
لايرجى جنه الما يحبك يا علي
ونه اعله ونه الما يحبك يا علي
نعله اعله ابيه الما يحبك يا علي
والله خطيه الما يحبك يا علي
------------------------------------
شنهي حياته الما يحبك يا علي
ترجع صلاته الما يحبك يا علي
نار بمماته الما يحبك يا علي
مره حلاته الما يحبك يا علي
حدر الوطيه الما يحبك يا علي
والله خطيه الما يحبك يا علي
------------------------------------------
ما عنده غيره الما يحبك يا علي
نفسه اسيره الما يحبك يا علي
شده الچبيره الما يحبك يا علي
بلوه وشهيره الما يحبك يا علي
بضيم واذيه الما يحبك يا علي
والله خطيه الما يحبك يا علي
------------------------------------------
شنهي جوابه الما يحبك يا علي
تحت الترابه الما يحبك يا علي
نعرف عذابه الما يحبك يا علي
واضح عقابه الما يحبك يا علي
نار السريه الما يحبك يا علي
والله خطيه الما يحبك يا علي
-------------------------------------------
يرجع صيامه الما يحبك يا علي
يشبع ملامه الما يحبك يا علي
فارغ كلامه الما يحبك يا علي
عمره ندامه الما يحبك يا علي
جده أميه الما يحبك يا علي
والله خطيه الما يحبك يا علي
------------------------------------------
اكبر خساره الما يحبك يا علي
مهجومه داره الما يحبك يا علي
شوفوله چاره الما يحبك يا علي
مشتعله ناره الما يحبك يا علي
ابن الدعيه الما يحبك يا علي
والله خطيه الما يحبك يا علي
كلمات الخادم / رعد الفريجي
12 / ذي الحجه / 1447
#جديد_محرم_الحرام_١٤٤٧هـ✍️
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
محررررم 1447 هـ ( فاطمة العليلة ع )
تقول الرواية أنه عندما هم الامام الحسين عليه السلام بالخروج من المدينة تعلق الطفل بأخته فاطمة العليلة واعتنقها ولم يقدر أحد إلا الحسين عليه السلام ان يأخذه من اخته بعدما همس في اذنه بعض الكلمات ...
#شور كعديه
طحت اعله بابي واسمع اسم الله
بدموعه ثاري اينادي عبدالله
يبچي اعليه الغالي ابحرگه ابحرگه
فك اگماطه ورايد شبگه شبگه
لمن نوه إحسين السفر طحت وگمت . من اسمعت . عبدالله يبچيني
إمن اگماطه مد ايده وبچه رايد حظن . إخته ويون . لا لاتخليني
حاضني اخوي ابلهفه . مايرضى يرفع چفه . وابگلبي صارت رجفه . ماهدني
ماچنه رايد يرحل . من دوني لا مايقبل . إله امشي وياه اول . رايدني
حاضني خايف خوفة امفارگ
اشما رادوا اخذه ابجسمي ضل شابگ
يبچي اعليه ويثغب حگه حگه
فك اگماطه ورايد شبگه شبگه
____
ينحب عليه واصرخت صرخة ألم . دمعة وندم . وياه طحت أنحب
واشعر يحاچيني ترى ابدونچ أبد . ماصد لاحد . بس يمچ اتگرب
دمعاته صاحت يختي . ماروح لو مارحتي . تبچين ليش اسكتي . حاچيني
تدريني مو متعود . ابحظنچ أنام او أكعد . والغير عينچ ماصد . ياعيني
أشبگ عليه ويشبگ عليه
حاضني وآنه اتراجف ايديه
لحظة موت ولحظة خنگه خنگه
فك اگماطه ورايد شبگه شبگه
_
شفت التفت ليه الأبو شال الولد . بيده وگعد . وعبدالله اليه ايصد
گام وهمس بذنه وسكت من خبره . إحنه ترى . ماشين نستشهد
واهنا بقى ايباوعلي . حسيت اخوي ايگلي . خويه آنه ماشي اويه اهلي . ياخويه
أستشهد اويه الوالد . من مايضله واحد . واعليه شمر ضل صاعد . يابويه
آخر وداع ابينچ وبيني
إدعيلي أردنلچ تشبگيني
شجرة وماتت بيها الورگه الورگه
فك اگماطه ورايد شبگه شبگه
____
ماودعوني وسافروا كل الأهل . دمعي نزل . ومحد نظر دمعي
بس الرضيع الصرختي شابح نظر . ينطر خبر . أتبعهم ويدعي
ينظرلي وآنه انظرله . نظرة رضيع الطفلة . يتمنه بس اوصله . محبوبي
اشما رادوا ايسكتونه . يبچي وهلي ايشوفونه . تشبح عليه اعيونه . بدروبي
ايأشر عليه ويومي بچفوفه
واشعر بعد عبدالله ماشوفه
دمعة ابحضني ودمعة اتلحگه اتلحگه
فك اگماطه ورايد شبگه شبگه
_
گمت اركض ومالحگت أوصل إله . هو وهله . خيي ونفس وريتي
بَح صوته من گد البچي وايس بعد . ثاري الولد . ما لاگي حنيتي
امسامحته لو عاتبني . إخته وچثير ايحبني . اشبيدي المرض تعبني . ومنعوني
زاد المرض زاد اكثر . من گالوا اويه الأگبر . عبدالله رايح بالبر . عذبوني
أنسه الرضيع اتذكر الأكبر
طفلة او أفارگ هيچي وين اگدر
جمرة وتچوي ابگلبي الفرگه الفرگه
فك اگماطه ورايد شبگه شبگه
_
أركض وابوسن مدمعه الفوگ الترب . كل الدرب . متبلل ابدمعه
أشتمهن او أرسم صرت لاجمل أخو . مهده الحلو . بس وسفه شيرجعه
گمت اذكر امناغاته . گلبه الحلو وضحكاته . ماتنسي نظراته . شيرده
محلاها ذيچ العشرة . أخ حب اخت من زغره . تفدي ابعمرها العمره . متعوده
من الصياح اتگطع افادي
تانوني اشبگه ويبعد الحادي
آخر نبظة او آخر شهگه شهگه
فك اگماطه ورايد شبگه شبگه
حيدر الحلفي
#جديد_محرم_الحرام_١٤٤٧هـ✍️
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
يا بو علي .. بدربك مشينه
وللموت ابد .... ما حسبينه
سبعينك احنه وحقنه ما ضاع
هد بينه نترس بيهم الكَـاع
يابو علي ………يابو علي
..............//////........
١/
يابو علي اوداعت علي .... السبعين الف نمحيهم
بس انت أشر بيمنتك .... جم ساعه وانصفيهم
بسمك قرينه الفاتحه .... والبسنه الادروع
ياهو اليوكفنه بعد ... من هاي الاجموع
نكَـلبهه كاع الطف كَـلب ... ونصير موضوع
وبينه تسولف كربله ... اتضل طول الاسبوع
سبعين الف ... ما وكَـفوهم
ابساعة زمن .. واتلاكفوهم
هيجي الحجي يوصل للاتباع
هد بينه نترس بيهم الكاع
.......................
٢//
وقعنه وياك العهد ... لاخر نحر تدرينه
كل موت ما يمنعنه ابد ... عن نصرتك والينه
لو ميت الف مره الك... نرخصهه الارواح
ما نوفي حق واحد الك ... يا سيد الاصلاح
لبيكَ صيحتنه تضل .. من فوك الارماح
يالعدنه اهم من كل مهم .... والجانه والراح
لو ننذبح .... كل ساعه مره
منعوف ابد .. نهجك ننصره
لجلك عمرنه يرخص بساع
هد بينه نترس بيهم الكاع
.................
٣///
اتحزمنه بحروف النصر .... وابيرغ العلويه
والبسنه لامات الحرب .... خل تسمع ال اميه
الفكر يكَـرب للخيم .... لا يحسب يعود
هيهات نشتم الهوه .... واتكَـرب اجنود
قائدنه عباس النفل .... المامثله صايود
منه تعلمنه الوفه .... والغيره والجود
ويله الوصل ... صوب المخيم
منه يضل ... بس سيفه والدم
من كافل اخته اورثنه الاطباع
هد بينه نترس بيهم الكاع
........................
٤////
باجر نسوي ابكربله .... الماصاير ولا داير
فوك الجثث نبني جثث .. ونسوي بيهم ساتر
بيهم جهنم تنترس ... مو كلمه تنكال
وامطاير الروس وعلي ... توصل للاجبال
خيبر نعيد ابكربله .. كول احنه وأفعال
كل واحد البينه يُعَد .. جيش امن الارجال
ايسد الشمس ... واحدنه طوله
نحجي ابفخر ... كلنه الرجوله
ما بينه للذل واحد انصاع
هد بينه نترس بيهم الكاع
...... .........
٥/////
سبعين الفهم ما ترد ... صولت حبيب وعابس
واشحال اذا صال الكمر .. ميخلي بيهم فارس
لا قائد البيهم يضل ... لا من سرايات
كل واحد البينه يطب ... يترك وفيات
بطران كلمن يعتقد ... نركعله هيهات
ثورتنه تبقى خالده .... وبلا نهايات
ما تنتهي .... الثورة بقتلنه
طول الدهر ... باقي نصرنه
كل ابثورة النه ايرفرف اشراع
هد بينه نترس بيهم الكاع
.......
٦//////
يحسين خلصنه الحجي ... وانتاني منك كلمه
انهوسهه هوستنه ونطب .... عالماكو بيهم زلمه
هد بينه يا شبل النبي ... وعاين عاليصير
بركان بيهم ننفجر ... لجلك يبو الخير
خيّرهم انشبعه ركض ... وبشردته يحير
احنه رجالك يل الأبي .... ومنصير للغير
يابن علي ... ربعك غياره
وكت الشدد ... رهن الإشاره
الغيرك ركَـبنه حاشه تنباع
هد بينه نترس بيهم الكاع
...............___.........
✍️🏻 كلمات موسى الخادم ٢٠٢٥
#جديد_محرم_الحرام_١٤٤٧هـ✍️
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#قصائد_الامام_العباس_ع
#نزله
حي الله عـباس رفت رايته
من باب الخيام زينب حيته
ــــــــــــــــــــــــــــ
حـــي الله المبچي الزلم سبع الميادين
لو صال بالحــومه الكمر يگلبها صوبين
عباس هيبة حـــيدره ومرجــــف الگوم
خل العساكر ترتعش عباس اخو حسين
سيف الغضب بيده يوم الوغه عيــده
راعـي اللوه الهيبه جيش العده ايبيده
تتراجف الگوم تكتل خزرته
من باب الخيام زينب حيته
ــــــــــــــــــــــــــــــــــ
عباس سبع الگنطره ومايعرف الخوف
مارجف گلبه ومارجع طشرها الصفوف
يم عـــــون يختي ادللي وانتي تأمرين
افديلــج اعيوني وبعد افديلچ اجفوف
افني الــعده بأيدي انه الحـرب عـيدي
استنـــــگي بالقاده واتونس ابــصيدي
عـٕـباس عباس هيبه طـلعته
من باب الخيام زينب حيته
ـــــــــــــــــــــــــــــــــــ
عبــاس خـــيال الشگر ومـركض الـخيل
سواه الجثث بالمشرعه وامطرها سجيل
من حيدره وراث عزم حــي الله عـباس
دگ ثايه يم الگــــنطره فنه العدو ايعيل
بوق الحــرب ناده حي الله اخو الساده
عبــاس ابو الشاره ياويلـــــــــه التماده
صگــر الميادين تكتل شارته
من باب الخيام زينب حيته
ـــــــــــــــــــــــــــــــ
يتونس ابحــز الرگب بالحـــومه صنـديد
امــه ابدويه ونــــــــعم نــــسل الاجاويد
عباس جيــش لوحـده ومبچي الجـيوش
تحله القياده بـــس اله ويستنگي بالصيد
نازل غضــــب بيهم وبـــــسيفه يفنيهم
لوطب على الحومه بيميـــــنه يطويهم
نازل على الگوم بيده جـربته
من باب الخيام زينب حيــته
ـــــــــــــــــــــــــــــ
يضوي الهنادس لو نــزل وبوصفه نحتار
عباس جن حـيدر علــــــــي وبچفه بتـار
عباس مــــن شد صــــارمه خلاها طشار
من يزعل يدخن غضـــب ما يعرف إكبار
صگر وگنص صيــده ذل النـــــهر بيده
عم سكنه مـا يتگابل نار وغـضب بيده
ما يعرف الخوف محله هيبته
من باب الخيام زينــــب حيته
ـــــــــــــــــــــــــــ
الخادم المقصر ناجي ابو كيان الصالحي
ونسألكم الدعاء لي ولوالدي 2025
#جديد_محرم_الحرام_١٤٤٧هـ✍️
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#شور كعديه
اه يـا ســوالف كـربلة
المـاينـحمـل طاريـهه
ياخوية تمرد بالـگلب
واعذرنة من نحجيهه
تعبن عكب عينك ترة
النسـوان المـخـليهـه
طحت طحت --- يابو الضعن واحنة انسبينة
ومن الضهر هدو علينة
زلــم زلـــم --- فــزعــو ولا بيــهم حــميــة
جتفو سبية على السبية
لا رايـة ولا فــي مــن كــمــر
وضم روحة من الخوف النهر
ضـعنة وشـربت بينة الشمس
وهـاك اسـمع هـم هـذا الخبر
فرينة بالجول --- فرينة بالجول
وي طيحتك فرينة بالجول
لاكتنة الخيول --- لاكتنة الخيول
اسم الله وعلي لاكتنة الخيول
**
من الله لايطي الوكت
معطـشنـة ومــدولبـنة
تـشرب يهـود من النهر
وأحنة العطش كاتلنة
والمالة شارب ينحلف
صـار زلـمـة وجـتفـنة
عطش عطش -- متطشر الماي وعطشنة
كــام النهـر يجري ويغـثنـة
لهب لهب -- نار الشمس بعيـونـي تجـوي
وجف الشماتة بگلبي يلوي
يا حـيـف وأحــنة الـسمة
علـينة الشــمات محـزمـة
ولعـيون امنة الماي انخلق
جا ليش نموت من الضمة
مفطـورة الـگلـوب -- مفـطـورة الـگلـوب
من العطش مفطورة الگلوب
ومسدودة الدروب ---ومسدودة الدروب
اليم النهر مسدودة الدروب
**
يحسين عد هاي العرب
عــــادات مـــا تـرضـاهـا
يـگولون اذا شــافو مـرة
وكـــافـلـهـه مــو ويـــاها
يحـطونهه بناگـة العـصر
والـــســوك يــتـلـــگاهــا
وكـت وكت -- وي اليـكرهونة إنتلاگة
ونفتر دواووين وسواگة
صبر صبر --- ما ضل صبر عد العفتهه
يحسين اخيتك ما شفتهه
عادات أهل الشام العصر
بـالسـوك يخـلـون الخـدر
والنسوان الما عدهه اخو
يخلوهن يمشن عالجـمر
جاوين اضمة ---- جاوين اضمة
هذا الخدر جاوين اضمة
ثمانين حرمة ---- ثمانين حرمة
وبذمتي ثمانين حرمة
**
دنيـا وخـذتنة ليا قصر
قـصـر الذبــح والـينـة
الجانو خدم عدنة گبل
صــارو كـــبار عــلينـة
يموتنة ليش من العطش
المـن مـاينة مشـربيـنه
تعب تعب --- ببـاب القصـر ياخـوية متنه
وكفو عشر ساعات أهلنة
غصب غصب --- على ابن الدعي جبرونه ندخل
والبالقصر نضراتة تكتل
النسـوان الجبتوهن كضن
بـقـصـر إبـن زيـاد تـعذبـن
مــرتاح وكـاتـلنـة التـعـب
كــاعد ويـشـتم بالـضعـن
يشتمنة مرتاح ---يشتمنة مرتاح
صعبة وعلي اليشتمنة مرتاح
ماهزة النياح --ماهزة النياح
مايستحي وماهزة النياح
ابو ضامن محمد الزيدي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#ثكيل منبريه
خوية ياستري والسند
نـام ياهيـبة خواتـك لـونك ولـوني طفه
حته اصبرهن واگلهن نام الحسين وغفه
لا تدور عيونك الهن حيل ما بيـهن بعد
صعبه يندار لخـواته الينـذبح من الكـفه
هذا ياهو العـوراك*** ياهـــو بايك لونك
والله مابياش اكول* * ياحسـين شلونك
نام يابو سكينه نام وانسه طاري الخيمه
ذابحينك من كــفاك* * لا تــدير عيــونك
وينك ووين الخيام يمذبوح
عوفهن يحتركن ونام يمذبوح
لا تفكر بالبــنات صــواب نـحرك مــو سـهل
يابو الف وتـسعميه شوايت الله عله الحبل
حالهن مو مثل حالك اشوه ياخـويه وعـلي
انتـه فوك من الـرماح وهنه فوك من الهـزل
لاتهم بيهن يخوي***سولف على همومك
لا تــدور عالبــنات ***دور عــلى هـدومك
محبسك سولفلي وين هــسه ياجف لابسه
والعمامه الخضره ليش مامغطيه رسومك
محبسك وين حرامات يمذبوح
والمــلابــس غريبــات يمذبوح
يبــو عمــامه اللامــتنه وتالي مــا تالـي هــوت
دمك على الخيمه طايح جا الخيل شكد مشت
غطي روحك من تجيلك بلكت تــضيع الـدرب
ولو عــطرك بــيش ينضم خويه ياعطر البخت
خيلهم ماجنهه خيل*** عاصــبين عيونهه
راح اصيحلهم يبوي *** بلكت يوخرونهه
من صباح الله تدوس **فوكك وما رايحه
ليش وصوهه عليك* ** واخـتك يـخلونهه
كون اغطيك واشمك يمذبوح
بس الخيول تلجمك يمذبوح
اخ والاخ شكبرهه و هذا شلعان الكلب
سالبينك والملابس تارسه عيون الدرب
ما تلوكلهم هدومك ليش جروهه بحقد
والعمايم مال ساده ماتلوك على الغرب
يا ترف مو للشموس***ياعطــش ياهــيـبه
شيبتك جانت ضواي***هسه حمره الشيبه
ليش عريان الحنين ***والشــمس محـتامه
وثوبك يودي بعـيد*** الــهــوه ويــجــيبــه
خويه ثوبك يريدك يمذبوح
اكعد ومدلي ايدك يمذبوح
يا حسين وداعت امك بعد ماريده العمر
كاع متروسه شماته وين ما اوكف شمر
هذا شامت ذاك شامت وانا بالنص ياعلي
لا تسولف عالمتون حسين سولف عالخدر
ماشيه بنص المضيف *** لا عــلـم لا رايـه
وابو كلب المو نضيف *** سمعاني حـجايه
يا حسين وكون اموت ***حالي حال الماتو
اسم زينب خويه راح***صار اسمهه الهايه
اختك انباك علمـهه يمذبوح
سولفو ليش بسمهه يمذبوح
-ابو ضامن محمد الزيدي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#قصائد_محرم_
#محرم_الليلة_الاولى_
#شور كعديه
تتجدد أحزان مولاتي فاطمة الزهراء(ص) أول يوم محرم وتنشر قميص وليدها الحسين(ص) الملطخ بلدماء وتستذكر شلون اجتة وهوة على التراب وتگول…..
حسين…
أمه واجيتة لمصرعة
كلش چبيرة الفاجعة
ضايع جماله بكربلة،،،
حسين…
حنيتة ضلت علترب
ضامي دليلة بلا شرب
وعينة لخيامة هاملة،،،
بعاشر أجيتة_أبني ولگيتة
فوگ الترابة ييمه ييمه…
ضايع جمالة_محد اجالة
وحدة بعذابة ييمه ييمه…
ويلي حبيبي جرحك عذاب
حلوه عيووونك مو للتراب
ليش بجمالك عاش المصاب…يايُمه
تمنيت احضنك يُمه وتطيب
وترجعلي يبني لا؟ مو غريب
بهاي المصيبة زاد النحيب…يايُمه
واويلاه ياحبيبي…
____________________________
حسين…
محد مثيلة بطيحتة
مو هينة تجرح غُربتة
بس جرحة لازم ينذكر،،،
حسين…
العاشر غريب لوحدة
وجرح المخيم ضاهدة
من عاين لخيمة جمر…
يصد لخيامة_ماهي بسلامة
يلهب جمرها ييمه ييمه…
وتبدة لونة_غارن عيونة؟
زينب نضِرها ييمه ييمه…
طلعت غريبة تندب حسين
أبن أمي وينك خوية الحنين
نار المخيم سدتلي عين…يايُمه
نومك مصيبه تفّت الگلب
زينب غريبة وانتة بترب
ضاعت بدونك تاهـ الدرب…يايُمه
واويلااه ياحبيبي…
________________________
حسين…
ماكو ليجيلة يغسلة
ضل طولة نايم بلفلة
ضامي حبيبي وبلشمس،،،
حسين…
كسرولي گلبي بذبحتة
بين العساكر حيرتة
والدنية دارت بلعكس،،،
حاير حبيبي_لهاية نحيبي
يلباقي وحدك ييمه ييمه…
چبيرة المصيبة_عيونك غريبة
محد يسندك ييمه ييمه…
تعاين صحبتك كلهم ذبح
وعباس أخيّك لا ما يصح
شتحمل ييمه چا يا جرح…يايُمه
منعو عليك الماي الزلال
ورشقو عليك اسهام ونبال
رغم انتة؟ ميت فوگ الرمال…يايُمه
واويلاه ياحبيبي…
________________________
حسين…
ذابل جمالة ومنكسر
خيمة عيالة تشب جمر
أطفالة ينضرها ويحير،،،
حسين…
ينضر رقية بدمعتة
وهنانة كبرت كسرتة
بابا اريدك لا تدير،،،
وردة رقية_شتحمل أذية
شگد تعبوها ييمه ييمه…
ازغيّر عمرها_لعاشر كسرها
وتالي سبوها ييمه ييمه…
صاحتلة بابا وين الحضن
متعلمة حضنك بوية وطن
وانتة لرقية گلبك يحن….يايُمه
من؟ الترافة؟ ومن الدلال
ما يرهم!! الها شد الحبال
هاية لمصيبة غَيرتها حال…يايُمه
واويلااه ياحبيبي….
________________________
#محرم_١٤٤٧هـ_
✍️محسن الباوي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
أبطال هجت
#موشح
أبطال هجت من برز مقدامها
وكام ينهال الثرى من اجدامها
===============
شد على الميمون واعلن بالوفة
هب ابو فاضل مهب العاصفة
شبه حيدر بالوغى يوماً لفة
خيل كردسها وفتك باأزلامها
الخيل كردسها وطوى اعليها الغبار
واطبك العسكر يمين اعلة اليسار
رجال بيد ابن الفحل صارت نثار
من احتزم راعي الشيم لعدامها
===============
من احتزم راعي الشيم يوم الطفوف
غدت تطاير مع الروس السيوف
وامتلة الوادي بجثث ذيج الالوف
التي شدت ضد اخوها احزامها
حزام شدت للحرب تنصر يزيد
ثار من حسين وعياله تريد
تدعي بطعنة علي بگلب الوليد
هبد معبدها وجميع اصنامها
===============
صال ابو فاضل عليها من الشمال
واعزل الجيمان بالصارم عزال
يغير ومن الخيل يگطف بالرجال
طاحت سيوف الكفر واعلامها
وزجر وارعد واغضب ورفرف لواه
وشتت السبعين الف شت الشياه
خله ناس من الطعن ترفس وراه
وناس تركض والنهر جدامها
===============
بكل عزم عاود گمر هاشم يهيل
شوگ للعطشان ويساجي العليل
وشبح وياها وصعد واشفى الغليل
وكشف عن ذيج الوجوه الثامها
كشف عنها الثامها وشال الغطاء
والقلوب محملة حقد وبلاء
وهزهز الكوفان كلها وكربلاء
وضجت الخوفة بشوارع شامها
===============
آه ثم الـ آه صابوا جربته
ياعلي وكطعوا يمينه ويسرته
وسهم والعامود صاب بهامته
وطاح وارتجت عليها اسهامها
طاح راعي الجود مثجل بالسهام
صاح خوية حسين الك مني السلام
وغاص ابو السجاد باأوساط اللئام
وكص حوافر خيلها ودك هامها
===============
الملا : سيد فاقد الموسوي
الشاعر : عدنان الغزي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
الليلة الثامنة. القاسم ع
#نزله
طلع شباب من الخيم. صيحي يرمله ياعلي
…….
كلتله طفي شمعتك. والزهره واسيهه وعلي
طلع شباب من الخيم. صيحي يرمله ياعلي
قبل چفوف امه ونزل. صاحلهه يمه ادللي
طلع شباب من الخيم. صيحي يرمله ياعلي
……..
فرض الصلا عنده عشك. ميعوفه لو نحره انكطع.
طلع شباب من الخيم. صيحي يرمله ياعلي
ماتصد عينه لجارته. مثل النبي كلما طلع
طلع شباب من الخيم. صيحي يرمله ياعلي
……..
ينطيهه حكهه الوالده. بالبيت صارلهم وطن
طلع شباب من الخيم. صيحي يرمله ياعلي
مدلل خواته ولو حچه. مثل النده شبل الحسن
طلع شباب من الخيم. صيحي يرمله ياعلي
……..
حضّرت امه حنّته. وثياب عرسه بالدمع
طلع شباب من الخيم. صيحي يرمله ياعلي
للموت صارت زفته. ويم النحر علكت شمع
طلع شباب من الخيم. صيحي يرمله ياعلي
……..
تحنه ولكن بالدمه. والحنه يبست بالخيم
طلع شباب من الخيم. صيحي يرمله ياعلي
مات الورد من الضمه. لو بالنحر صابه السهم
طلع شباب من الخيم. صيحي يرمله ياعلي
………
نسألكم الدعاء
حسين صادق العقابي
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#عگيلي
يالعفتوني * يالعفتوني
راح يخلص ماي عيوني
ـــــــــــــــــــــــــــــــــــــــــــــــــــــــــــــــــــــــــــــــــــــ
جنت اشتم منكم نسماتي
هسه اتنفس بس حسراتي
زغيرة وما احمل لوعاتي
مختنكة بلاكم تدروني
ـــــــــــــــــــــــــــــــــــــــــــــــــــــــــــــــــــــــــــــــــــ
تحتاج الــوردة الذبلانه
للي يضمها ابين احضانه
وبماي ادموعه الغيرانه
يسكيها يالعطشتوني
ــــــــــــــــــــــــــــــــــــــــــــــــــــــــــــــــــــــــــــــــــــــ
ضل عايش عمري باهاته
قــران وانتــم أيــاتــــــه
وترتيــل الون ترتيلاتـه
وبسورة يوسف سموني
ـــــــــــــــــــــــــــــــــــــــــــــــــــــــــــــــــــــــــــــــــــــ
يــالـرحتوا لبلاد الغربــه
وخليتوا عيوني الكم تربه
تـدرون بفـركتكم صعبــه
ما احمل فركة تعرفوني
ــــــــــــــــــــــــــــــــــــــــــــــــــــــــــــــــــــــــــــــــــــــــ
سئلوا هـاليل اعله ونيني
ما اسكت ماتغمض عيني
شوغــات الليــل اتئذيني
واصرخ واكول يسمعوني
ـــــــــــــــــــــــــــــــــــــــــــــــــــــــــــــــــــــــــــــــــــــــــ
خادم خدام الامام الحسين ع
(عباس حسن السوداني)
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313
#نزله
ليلة القاسم ع
صورة من عزم الحسن بالحرب تلگاني
ـــــــــــــــــــــــــــــــــــــــــــــ
راح اتعبها الجحافل من اطب للحومه
حتى البعيد بمسافة يحس فيض دمومه
الحومه من كل الجوانب بحكمتي ملزومه
واللي يسال راح اگله الحسن هذا ويومه
والدي اليوم الطفوف للحرب ضماني
ــــــــــــــــــــــ
سيفي من ينزل قــرارة مايجامل واحد
والجنود اگبالي تسكت من اطبن قائد
سيفي منجل والعساكر زرع بيهم حاصد
عزمي بركان ويسولف كل عزمهم بارد
سيفي بركان ويثور عالرگب بركاني
ــــــــــــــــــــــــــــــ
مو قياس العمــر هذا عزمي أكبر منه
والحرب اعشـــگها والله سيفي يظهر فنه
گلبي صار اسنين حاسب الكــــــربله يتمنه
الحنه إذا مو فيض دمي ما أريد الحـــــنه
الحومة تشهد من اصول والله ماتنساني
ـــــــــــــــــــــــــــــــــ
شايل ابچفي الوصيــــة من ابوي ابـــهمه
لو سيوف تحيط جسمك جسمي انثر دمه
بكل تفاصيلي طفوفك يلهواك اشتمه
انت ماتنلاح عالــــــــي من يلوح القمه
احله من طعم الشهد موتتي بلساني
ــــــــــــــــــــــــــــــــ
كلمن ايحير بسـؤاله هذا ياهو النازل
الحسن معقولة راجع هذا لو بوفاضل
مو نده عالورده سيفي من يطب ايقاتل
قبس من نار القيامة وبرگبهم شاعـــل
راح اجاوب عالسؤال امن الحسن عنواني
ـــــــــــــــــــــــــــــ
خادم الزهراء
خالد لطيف العطوي
محرم 1447
•••~•••(•«﷽»•)•••~•••
"اللهم بعطش الحسين والهِ”
“عجل لوليك الفرج"
𒆜قناة قصائد زنجيل 𒆜
/channel/alhusseinabaabdlah
𒆜كروب قصائد زنجيل 𒆜
/channel/groupalmamalhussein
𒆜قناة نعاوي الطف 𒆜
/channel/naawialtaf313