826
@Xzeih معرفي للتواصل. ما لي سواكُمْ يَا بني الهادي مرامْ ولأجلِـــكمْ كانـــتْ "قناةُ التلگرام
يا حريمه .. وهضيمه .. الخيم حرگوها
والجـريمه .. اليتــيمه .. فلا رحـمـــوها
وآ ويلاه .. وآ يلاه .. يا والدي
****
بوية سوط عدانه .. طكَ المتون
رحمه هاي الوادم .. ما يرحمون
طگاني .. وانه اگله رقية
يا ظالم .. ارحم العلوية
حسبالي .. بي حنان شوية
اصبر شلون
ما رحمني .. وضربني .. بحقد جراني
منه ياويل .. يجر حيل .. يبوية آذآني
وآ ويلاه وآ ويلاه ياوالدي
_____
عـمه زينــــب عمه .. والدي وين
يرضى بنته بحيرة .. تهمل العين
يا بوية .. بتك تخليها
محتارة .. والعده تسبيها
وخيامك .. محد ايطفيها
بوية يحسين
آيـــــوالي .. سؤالي .. سمعت ونيني
لية ماجيت .. تعنيت ..تنشف عيني
وآ ويلاه وآ ويلاه يا والدي
_____
گلــبي تلهـب نارة .. واسمع اعداي
صاحوا اعله العيله .. شربوا الماي
بيديني .. ماي ادور وينك
ياويلي .. ضامي مخلينك
اتلفت .. ما تصدلي بعينك
تايهه الراي
ما شربته .. وجلبته .. اخط بجدامي
كون اصل ليك .. وارويك .. يميت ضامي
وآ ويلاه وآ ويلاه يا والدي
______
وين اروح بــدونك .. گلب محتار
من الخــــيم رجلية .. اتچوت بنار
حاچيني .. يالتهشم صدرك
تحميني .. ارد الوذ بكــــــترك
عالغبرة .. مچفي گطعوا نحرك
والرمل حار
تچوي الابدان .. يعطشان .. رمال طفوفها
بتك اتنوح .. يمذبوح .. اجت من خوفها
وآ ويلاه وآ ويلاه يا والدي
______
طفله انه زغيرة .. والگلب ذاب
شفت ابوي امدد .. فوكَ التراب
هاظمني .. يا نهار العاشر
اشكيلك .. بيه شنهي الصاير
ما ادري .. هيچ سوة الحافر
گلبي انصاب
ماكو خيام .. والايتام .. تون مفجوعة
عنهم بعيد .. يصنديد .. سمعت اللوعة
وآ ويلاه وآ ويلاه يا والدي
*******
أسالكم الدعاء رائد الاسدي
آلآم في كل عام
كلمــــــــــــــــــــا تمر بيه سنه جديده
لازم يخويه اقره هالقصيده
يبو فاضل گوم لينه حرگـو الخيمه علينه
۞۞۞۞
سمعت احسين ناداك انكسر ظهري
وآنه بغيبتك هـــــــــــــــــــــــــــــــــــــــــــــم انكسر خدري
ما گــــــــــــــتلك اريــــــــــــــــــــــــــد الــــــــــماي لـــــــــــــو أدري
واظل عطشـــــــــــــــــــانه ياعباس كل عمري
سابع محـــــــــــــــــــــــــــــــــــرم من يمر عليه
اذكر اچفوفك واصفگ إبإديه
الخيل اجتنه ياولينه حرگو الخيمه علينه
۞۞۞۞
كل عاشور اگلك هاي الاحچايه
طــاحت هيبتي من طاحت الرايه
وين الــــــــــگه بعد خـــــــــــــــــــــــــــــــوّان وفايه
يانــــــــهر الـــــــمحنه الـــــــــــــــمانشف مايه
بعيونك امخــــــــــــــــــــلّيني يابو فاضل
وابطيحتك هم طاحت المحامل
ها يبو روح الحنينه حرگو الخيمه علينه
۞۞۞۞
اجوني وهوّسو بچفوفك الشمات
گالو گطعناهن وابو فـــــــــــاضل مات
من هالســــاعه واتحضرن يعلويات
واحسبن روحچــن للشام مسبيات
صوت العمود الصوبك سمعته
واحسين اجاني ابحيرته ودمعته
گتله چا عباس وينه حرگو الخيمه علينه
۞۞۞۞
شو حتى النهــــــر هم انگلب ضدي
اخذ حنية الخــــــــــــــــــــــــوّان من عندي
بقيت ابلا عشيره ولا اهل وحدي
اتلفت يخـــــــــــــــــــــــويه ودمعتي ابخدي
بس ماطحت يابو الفضل اجونه
بالســـــــــــــــــره ياعــــــــــــــــــــــــــــــــــــــــــــــــــبّاس وگفونه
وبالحبل شدو ادينه حرگو الخيمه علينه
۞۞۞۞
كون ام البنين اليوم مـــــــــــــــــــــــــــوجوده
وچتالك تشوف اصواب عاموده
واگللهه اخوي امگــــــــــــــــــطعه ازنوده
اتطشــــــــــــر عالنهر واعيونه ممروده
يام البنين امشينه خل نگعده
وجــــــــــــرح الابراسه بالعبي نشده
بلكت ايحن البچينه حرگو الخيمه علينه
۞۞۞۞
مشه الحادي وگلتله ارجوك خنودعه
واشوفنه الحبل واجـــــــــــــــــريله چم دمعه
ماخــــــــــــــلانـــــــــــــــي انزل گــــــــــــــــــــــــــــــــــــــــــــــــــالي ابسرعه
سلمي اعله الكفيل الـــــــــــــــمحّد امشيعه
سمعوني اصيحن راحت المهابه
گــــــلولي گدامـــــــــــــــــــــــــــــــــــــــــــچ بعد خرابه
خويه ظـــلن بس عبينه حــــــــــــــــرگو الخيمه علينه
محمد الجماسي
الله ايساعد قلب زينب //ع
حـــوافـــر خيــل مطبوعــه حــوافــر خيــــل
اعله صدره واطحنت اضلوعه واصيح الويل
حلالي النوح *** على المذبوح
*-----------------------*-------------------------*
اجـن عشره وامـام العين داسنـه
واشوف الخيل فوگ الگاع نثرنه
تغير حيل ابو السجاد ما چنـــــه
اصدگ مره شوفي ومره اچذبنـه
اگول شلون داسنه اگول اشلون
الشاله وقبله بنحره نبي الكــون
الـگـلـب مـجـروح
*------------------------*---------------------*
ثكيله الخيل ويدوسن علــــــى صدره
الترب غطاه والصـالـن علـــــي عـشـره
العزيز حسين كلهه اضلوعه مـتـكـسره
ردت ويــــاي تحضر فاطـمـــه الـزهـره
تشوف حسين بالحومه تشوف حسين
اهل دمعــــي وتشاركني وتهل العـيـــن
حــزن مــيــروح
*------------------------*---------------------*
جسد مطروح للباري اصعدت روحــه
بعد موته وحوافر لچمت اجروحـــــه
جرح گلبي ودمعتي بخدي مسفوحـه
شريك الروح يريت ويــاه مـذبوحـــه
حياتي ادموع اكضيهه حـيـاتي ادمـوع
شفت خيل العده بعيني تدوس اضلوع
تــلــوج الـــروح
*-------------------------*------------------*
اليموت اتوسده الوادم وسط لـحـــده
وگبل دفنه التــــــراب يلامس الخـده
بس دفــن الحسيــــن بحالــه منـفـرده
جسد مـرضوض كله وراس مـا عـنـده
متت يا ريت گدامه متت يا ريـت
عساني موسده الغبره ولا ظـلـيـت
الـدمـع مـسـفـوح
*------------------------*-----------------*
جرح گلبي بمصابه ولوعته ويـومـه
سلب كلشي بحياتي السلب اهدومه
صور صدره بقت بعيوني مـرسـومه
انسه شلون حاله بساحت الـحـومـه
شيرد الراح يا دنيه شيرد الـراح
اتاني الموت ياخذني اريد ارتاح
الـعـيـون تــروح
*--------------------------*-------------------*
المثلي شلون ساعة اتبطل الـدمـعــه
تظل تنوح حقهـــه وتلطم وتنـعــــــه
گبالي وراس اخوي الظالم يـرفـعــــه
يهز رمحه واحسهه يهزهـز الـسـبـعـه
يميل الراس وانظرلـه يميل الراس
اصبر روحي بلگوه واجر انفــــاس
الـيـون مـسـمـوح
*-----------------------*----------------------*
✍بقلم خادم الحسين ع
الشاعر رعد الجريخي
السيده زينب 2
…………
سـيـدةُ الـصـبـرِ
امـيـرةُ الـخــدرِ
عن زينبٍ كلامُنا
إن كنتَ لا تدري
*
هـذه الـحـوراءُ لمّا يعـرفوها
يصفـون حـزنـَها لايـصـفوها
لا تقُل زينبُ كانوا يضربوها
فتعيدوا طفَها بل تجرحوها
............
وريــثــةُ الـحـقِ
والخيرُ والصدقِ
لزيـنـبٍ سـلامـُنا
يا آيـةَ الــســتـرِ
*
زيــنــبٌ امـرٲةٌ لـكـن فـريـده
ضد جيشٍ وقفت وهي وحيده
آيةُ الرحمن في الرٲي سديده
ولها لا تكفي ابياتُ القصيده
............
رقيقةُ القلبِ
ايـدها ربّـي
عاجزةٌ اقلامُنا
في الوصفِ والشعرِ
*
زينبٌ تمشي وكان الرٲسُ عالي
ولـهـذا خـافَـها كـلُّ الـرجـالِ
زينبٌ قد اكملت درب المعالي
وبـصـبرٍ قـاتـلـت ايُّ قـتـالِ
............
في الشام قد حلّت
يــزيــدُ قــد ذلَّــت
في كفّها اعلامُنا
قـائـدةُ النـصـرِ
**
زينبٌ للـخـدرِ اذ كانت سفيره
ليس للحوراء في الكون نظيره
لم تكن زينبُ في الشامِ اسيره
مَن ابـوها حـيـدرٌ تـبـقى اميره
.............
والدُها حيدر
وامُّها الكوثر
قد اصبحت امامُنا
في العزِ والفخرِ
**
زينبٌ في كفِّها نبعُ السلامِ
فوق افواجِ اليتامى كالحمامِ
قولها ابلغُ من ضربِ الحُسامِ
من عليٍ اخذت فنَّ الكلامِ
..............
قويةُ القولِ
رقيقةُ الفعلِ
بزينب هيامُنا
فزينبٌ عمري
*
زينبٌ قد اكملت دربَ الحسينِ
لم يرو ضعفاً ولو طرفةَ عينِ
رايةٌ قـد رفـعـت لـلاخـويـنِ
رايةُ العباسِ مقطوعُ اليدينِ
.............
صاحبةُ البأسِ
مرفوعةُ الرأسِ
يازينبٌ احلامنا
في صاحبِ الامرِ
**
سيد علي المدني
ياشيعي لتضل حاير
باچر إلك چم ناصر
هنياله من واله /محمد وآله
☆☆☆☆☆☆☆☆☆☆☆
باچر بيوم الحشر ملتمه هالناس
كلمن ينادي يروحي بلايه إحساس
واحنه من بين الخلايق نرفع الرأس
ندور اعله حسين ساعه وأعله عباس
حسين أعرفه من عطره
من چنت أطب الحضره
أتفاخر أكباله/محمد وآله
♡♡♡♡
ربي عندي أمنيه وحققها إليه
رايد انظر بالحشر سيد البريه
ورايد أنظر فاطمة وحامي الحمية
والحسن وحسين والعباس أخيه
ياربي لاتحرمني
منهم ولاتمنعني
والحبكم آماله/محمد وآله
♡♡♡♡
من بعد أهل العبه الخمسه الأطايب
من نسل آله النبي تسعة كواكب
كل إمام أتميز بأعلى المراتب
حجة الله عالبشر اليمته غايب
يمته يصيح الثار
ويحارب الفجار
ونشاهد أفعاله /محمد وآله
♡♡♡♡
أنه للمهدي أروحن فدوه لأسمه
هم يجي يوم اليكلمني وأكلمه
بياوصف وبيارسم لو ردت أرسمه
المهدي يمكن يشبه العباس عمه
وجهك فلا ينقاس
ياهيبة العباس
والهيبه تحلاله /محمد وآله
♡♡♡♡
أمتي ينادي النبي سيد البريه
شيعتي ينادي علي حامي الحميه
أدخلوا الجنة بشفاعه من الزجيه
وعلي ماينظر أبد للناصبيه
نتفاخر بملكاهم
ياليتنا معاهم
والشيعي يبراله /محمد وآله
♡♡♡♡
تلتقطنه الزهره باچر من جهنم
ولو نطيح المرتضى بيدينه يلزم
وتحت راية حيدرة كل احنه نلتم
ولو عطشنه نرتوي من ماي زمزم
وشمحله هاللمه
بالجنه ملتمه
صرختنه تتعاله/محمد وآله
♧♧♧♧♧♧♧♧♧♧♧
الشاعر (أسعد الگريعاوي)
السلام عليكم . خدمة الحسين .ع. بالايام القادمة سيتم نشر قصائد محرم الحرام . ونسألكم الدعاء
Читать полностью…
قصيدة في شهادة الإمام زين العابدين عليه السلام ..
ـــــــــــــــــــــــــــــــــــــــــــــــــــــــــــــــ
آنه العِليل الما رَحَمني ٱزماني
ذِبحَـوا أبوي بكــربله وخواني
ـــــــــــــــــــــــــــــــــــــــــــــــــــــــــــــــ
شِفتِ المصـــايب يا خَلَـگ بعــيوني
حِرگــوا خِـيَـمنا وبالحَــبِل چتفـوني
شِتمــوهَا عَمْــتي وَانَه هَم شِـتموني
ماعندي حَـيل ٱمنِ المَرَض شافـوني
بهاي اليِتامى والحَرَم حِرت آني
ذِبحَـــــوا أبوي بكربله وخـواني
ـــــــــــــــــــــــــــــــــــــــــــــــــــــــــــــــ
آنه العِــليل وحــــايِر بهالــــعَيلة
مفزوعة الٱطفال ودَمعها ٱتسِيلَه
وَيّ الرباب ورَمـلة ناحَـت لِيـــلة
وزيـنب تِگِلّي جابَـوا الهِــــــزيلَة
مَيّت يَرَيت ولا شِفِت عَساني
ذِبحَـوا أبوي بكربله وخواني
ـــــــــــــــــــــــــــــــــــــــــــــــــــــــــــــــ
شِفتِ المرار بسَفرتي الأليمة
رِحلَة عذاب ونايبة وهِضيمة
ضِربَوا رُقَيّة وسكِينة اليَتيمة
أحقاد أُمَــيّة مدفونة وقديمة
والجَدّة هِنـدَة والنّهَج سُفياني
ذِبحَـوا أبوي بكربله وخواني
ـــــــــــــــــــــــــــــــــــــــــــــــــــــــــــــــ
لَرضِ الغُـرُب لَمّن وُصَـل ظعَنّه
شِفنـه النواصِـب كِلها تِنتِظُرنَه
وادِمهه بِحجـارَة حِقِــد رِمَتـنَه
ماكوعَشـيرة النّغـرَت وحِمَـتنَه
كِل هذا وَانَه ٱمحزّم بإيماني
ذِبحَوا أبوي بكربله وخواني
ـــــــــــــــــــــــــــــــــــــــــــــــــــــــــــــــ
لمَجلِــس يزيد الطاغية وَدّونَه
يِنفي الرسالة والوَحِي بظنونَه
بنَظرَة شِـماتَة اليَمّـه يِنظِرونَـه
سَبّ الزچية الطـاهرة وأُبـونَـه
وَانَه الحديد برُگبتي وأدماني
ذِبحَـوا أبوي بكـربله وخواني
ـــــــــــــــــــــــــــــــــــــــــــــــــــــــــــــــ
بِتنــاهَه ذيــچ الليــلة بالخــرابـة
دَلّالـــي يِــنزف مِن كِـثُـر عـذابَـه
طفلة ويَتيمة ٱتصيح أريدَن بابـه
شــافَت أبـوها ومِــن بَـعَـد غِيابَه
موقِفها فَجّر حَسرِتي وبَچّاني
ذِبحَـوا أبوي بكـربله وخواني
ـــــــــــــــــــــــــــــــــــــــــــــــــــــــــــــــ
گضّيتَه عُمري ما نِسيت الـعاشِر
دمــعي أبـد ما فــارَگ المَحـاجِر
مِن عَملَةِ الطّف گلبي لَسّه شاجِر
بَس هُوّه عاش وماتت الضّـمايِر
زَين العِباد آنه الحِزِن عِنواني
ذِبحَـوا أبوي بكربله وخـواني
ـــــــــــــــــــــــــــــــــــــــــــــــــــــــــــــــ
خِلصَت حَياتي الهَم يِدولِب بِيّة
كِـــل لِيلة أنصُـب بالـحِزِن عَزِيّة
تالـي الســموم بكِل عِرِگ سِـرِيّة
للبــاري أمشـي والنّفِس مَرضِـيّة
يا شيعة ٱذكروا ٱمصيبتي وأحزاني
ذِبحَـــوا أبوي بكـــربله وخـــــواني
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
يا شدة الشام يمخلصه العيون
وينك يعباس انه اختك ام عون
****
راجعه لگاع المصايب هالوصلنه الكربله
ضعن اخوتي اليوم خالي ومحد اليستقبله
ال يا هله محد حچاهه مات ابو چلمة هله
والهزل يثگل مشيهه وانه اجيت امعلعله
چا وين الاخوان ما ظن يگعدون
وينك يعباس انه اختك ام عون
***
وينكم زينب لفتكم وصلت ورادت كفيل
رادت حسين اعله طوله يوگف ايعين العليل
وينكم يهل المحنه تمشي زينكم تميل
ارد أسولف ضيم گلبي وكلشي اگولنه قليل
زار اختك الموت وين اليدفنون
وينك يعباس انه اختك ام عون
**
راده الاهل المحنه وثگلت هواي الجدم
سلمت وگبور اهلنه تريد ونات ولطم
گبر الحسين وكفيلي الكاسر اظهور الزلم
خل اشم تراب اخوتي وخل اموتن مو مهم
خليني وياك يلتسوى العيون
وينك يعباس انه اختك ام عون
**
حالفه ايغطيني دمعي گبال تربة كافلي
وانثر تراب اعله راسي واندب احضر يا علي
زينب اتسمى الاسيره لا اخوتي ولا هلي
وين عباس وچفوفه البيده عدل محملي
يا صاحب الجود ما تگعد شلون
وينك يعباس انه اختك ام عون
***
ما يصح يمك واظلن بلوه خويه شلون أرد
رحنه وياك ورجعنه وحيره خافن ننشد
من نطب لارض المدينه بلا زلمنه ولا ولد
چانت اللمه شكبرهه وگلنه خافن ننحسد
هسه الجمع راح والوالي مدفون
وينك يعباس انه اختك ام عون
كلمات الخادم / رعد الفريجي
مقطع صوتي من يا فرج الله
Читать полностью…
شهادة السجاد
.
.
.
اكيد اعله الحسين خلص عمرك ونين
يزين العابدين
يزين العابدين
***
مابينك وبين الجزع عشرة وحــزن متروسه
والطف ابــد لا ماخلص بعــينك بقـه كابوسه
عاشور نبله بمنحرك طــول الوكت مــغروسه
شحال اليشـاهد والده صدره الخيول ادوسه
حياتك بس بكاء المصيبة كربلاء
الحزن متخذه دين
يزين العابدين
***
تتفايض اعيونك حزن وبحسين دومك تقره
وكلما يمر بيك العــذب تذكــر اليــابس ثـغره
مذبـوح مـن گـد الضـــمه ودلاله صاير جمره
ترويه بس من ياكــتر ومــگطوع ابيك نحره
بحاسيسك تصــيح صعب يروى الذبيح
يمن گلبك حزين
يزين العابدين
***
كلمــا تصــد الخاتــمك سالــوفه توجــع تـذكر
ومن هاي ليـــل الله اليمــر للــنوم حقك تهجر
الجمال بالمحبس طمع ومن ايده سلب خنصر
مـــذبوح ابوك وينســـلب عالـــبال لاماتخــطر
ثلاثه اعله التراب سليب ابلا ثياب
ابو اليمه الحنين
يزين العابدين
***
مايوم نشـــفت دمـــعتـك يا اول حســـينيه
من الصبح حد الصبح تنحب عــلى المسبيه
بذنك صدى مايختفي مناشغ بچــي العلويه
وصايح شمر عالتـنتحب ومـــشامر الشاميه
يمـــوت بهالكلام اليعيش بگلبه شام
الحصل ماله قرين
يزين العابدين
***
ماخذ ضوه عيونك جرح جرح السبي وشماته
الشامت يذبحك كل وكت من تــذكر احچاياته
مايـــنسي درب اليـــسر ومـا تنحــسب لجماته
حــقه يموت من الحـــزن الـشاهد سبي عماته
ابدليلك ذكريات تؤدي للــممات
تبچي العــالمين
يزين العابدين
***
حيدر تركي الكربلائي
تعبانه بويه اهوايه تعبانه
تدري انجويت اهنانه وهنانه
لتكلي بويه شلوني سووها زرگه امتوني
****
عالرمح راسك ودار العين اليه
جن تگلي شلونج ابنيتي رقيه
شرد اسولف وآنه محتركات اديه
من اليسر والضيم بويه شظال بيه
مجروحه من فرگاك مجروحه
ويابويه راسك عالي ما الوحه
غيمه الدمع بعيوني وسووها زرگه امتوني
**
اركض وبثيابي بويه مجلبه النار
حافيه وكل ساع اعثر والرمل حار
عليه كل الطك يبويه والشتم صار
زغيره وجروح البمتني كلهن اكبار
تدري شكثر بالصوط ضربوني
من صوطه بويه راحن امتوني
ابجي شكثر خلوني وسووها زرگه امتوني
*
ليش سلابي يبويه ما رعاني
حيل جر ترجيتي مني ودرفعاني
گمت اصيح ودمي ظل يجري من اذاني
گتله بت حسين انه وشتماني
وآنه صحت لو عندك بنيه
جا ما خذت من عندي ترجيه
لمن رحت هضموني وسووها زرگه امتوني
****
بويه اجانه الليل واحنه بلايه خيمه
بالحوافر بويه راحت جم يتيمه
والشمر يفتر عله زينب هضيمه
وتدري شوغات اليسر كلش اليمه
عماتي وينك گامن ايصيحن
وكلهن سوه لوجرهن ايطيحن
وانه شكثر جروني وسووها زرگه امتوني
*
اه يدرب الشام يالوعت عذابه
واحنه ماعدنه عشيره ولا كرابه
صعبه من خلونه يابويه بخرابه
بلا سگف ونام گمنه عله الترابه
آنه عله زينب دمعي يتجاره
ازرك متنها وبينه محتاره
الزينب تغير لوني وسووها زرگه متوني
***
بويه من النوم فزيت واريدك
وانه ما متعلمه انام اله عله ايدك
بشوك احضننك ردت وشتم وريدك
عالطشت خاف ابجي بويه وحرگه ازيدك
جابولي راسك بويه جابولي
هذا ابوج حسين كلولي
وعليه متت شافوني وسووها زرگه امتوني
***
تمت
#ميثم العمري
@HxzEU1
/channel/hxzeu1
قناه نشر القصائد المنبريه
أمن المهر يمك طحت يبني يبني
انه لو انته المتت يبني يبني
*****
ضهري نكسر بويه علي وحسيت روحي مو الي
امن الخيمه للمصرع كوه النفس يطلع ضاع الهوه وياك
يمك ابوك اشكد بجه وهاك استمع كلبي شحجه
يا شمعة عيوني يالبيك فجعوني هد حيلي فركاك
ضليت بيدي يا علي امن الكاع الم بيك
يوليدي ما عندي كلبي امشي وخليك
امكطعه اوصالك شفت يبني يبني
انه لو انته المتت يبني يبني
******
من العطش ريجك يبس يروح ويرد بيك الفرس
بصدرك اثر حافر بجسمك علي شصاير سابح بالدموم
كضيت خاصرتي وون اصعب جرح جرح الابن
يمك وكف كلبي شو تيهت دربي من الترب كوم
اكعد يبو احساس الدفو وحاجيني كلمه
مذبوح والحد الخيم عطرك اشمه
ودعتني وسافرت يبني يبني
انه لو انته المتت يبني يبني
*******
يوليدي يا تعب العمر ما حسبت بيك انكسر
يابويه تانيني ايدك علي انطيني وكوم امشي وياي
نورك ابد ما ينحبس من توكف تسد الشمس
حبيتك اهواي وجهك علي ايه يا جرحي ودواي
متمدد وجسمك وذر من كثر السيوف
للخيمه كلي اشلون ارد ضليت ماشوف
والله بيك اتحيرت يبني يبني
انه لو انته المتت يبني يبني
*******
حاولت اشيلك للخيم وجفي انترس يوليدي دم
بس نبجي ضلينه نتراجف شبينه خاف امن الفراك
هجرك يالاكبر مو سهل عنك شكول امن انسأل
يا روحي عينيني وللخيمه وصليني ضاك النفس ضاك
يالاكبر امك تنتظر يمته تجيها
وكل لحضه يبني من رحت ينغمي عليها
ترجع وياي شكلت يبني يبني
انه لو انته المتت يبني يبني
*******
لون السمه دم نكلب توادعنه والموعد كرب
كلبي نكسر بيكم للموت اوديكم شاب بضهر شاب
بالطف محمد منذبح ومن عيني مبيوك الصبح
طايح حلال الله وركضلك اسم الله يالكلك اتراب
تشبه محمد يا علي حته بمعانيك
نشتاك جنه للنبي ويبني نجي عليك
ليش عن عيني رحت يبني يبني
انه لو انته المتت يبني يبني
*******
تمت
تحسين الخفاجي
ما صارت كَبل لا شافت العين
ميت ينسحكَ بالخيل يحسين
يخوية ... طشروهه اعظامك
يخوية ... اكبال عين ايتامك
....1....
ما شفت قبلك منذبح
كل جرح بي فاتح جرح
واكف على صدره رمح .... وصل .. لحد .. كلبه
حافرهم البيك انكسر
صدرك طبك فوك الظهر
والدم يسيل امن النحر ... على .. الأخت .. صعبه
كلشي البيك ما ظل مثل ما جان
اهواي اتغيرت ارسومك يعطشان
يخوية .... الحجر فاتح هامك
يخوية .... اكبال عين ايتامك
..2....
كدامي رفسو جثتك
من بعد كطعت ركبتك
شمرو علية اعمامتك ... وانه ... اركضت .. ليهه
راسك على الرمح ارتفع
وجم مره كدامي وكع
حالك كلب اختك شلع ... محد .. رحم .. بيهه
جم شامت نظرت ابهايه عيناي
شابع ضحك ويه الرايح اويه الجاي
يخوية ... وانت تخفي الامك
يخوية ... اكبال عين ايتامك
...3...
يالتارس الدنية عشكَ
منمرد حيل امن السحكَ
خاف اسحب اسهامك واشك ... جبد ... نزف ... دمه
بيش الم جسمك حايره
والخيل كلشي امطشره
اظلوعك اهواي امكسره ... صعب ... صعب ... لمه
قميصك جابته الخيل اعله الاخيام
وخفت لا تطلع وتنظرله الايتام
يخوية ... سلبو هندامك
يخوية ... اكبال عين ايتامك
4.........
يا خيمه التفيِ علي
رحت وعفتني افرك بدي
ذبحوك ضامي وانت مي ... متت .. عطش .. ويلي
مدفون كلك بالترب
من كل كتر دمك يصب
منظر صعب كلش صعب ... صور ... تهد ... حيلي
برماح وسيوف اهوايه مطعون
وعشر اخيول سحكَت ليك الامتون
يخوية .... فرهدوهه ايامك
يخوية .... اكبال عين ايتامك
....5....
بالشمس نايم يا ضوه
وخدك امن الكاع انجوه
بعدك علي ضاك الهوه ... يمن ... الك ... قهري
شابع طعن شابع رفس
ضحيت للدين النفس
قدمت للعالم درس ... يضل ... وحق ... صبري
هيهات المذله كلمة متموت
ابوجه كل ظالم وقاتل وطاغوت
يخوية ... يالحييت اسلامك
يخوية .... اكبال عين ايتامك
كلمات ✍️ موسى الخادم
دخيلك يا ابو فاضل دخيلك
دخيلك يلي ما تنطي دخيلك
**
اجيتك للصحن ورد امشي لهلي
وريدنك كضت هسه تكلي
ضعيف انه وثكل بالدنيه حملي
المرض هدني وتغير حته شكلي
اجيتك من ألم روحي اشتكيلك
دخيلك يلي ما تنطي دخيلك
*****
اجيتك حافي امشي وعندي شده
كريم وبابك انته ما تسده
تلم الماي البوجهي تبده
اسالت وين البخت كلولي عنده
بشيليلك راح اذبنها بشليلك
***
اجيتك لا تضيعني امن اجهبك
وحاشه اترد المجدي اليطلبك
عليه بداعتك اختك خلي كلبك
نزل دمعي وصحت مولاي احبك
اجيلك لو كصت بيه اجيلك
دخيلك يلي ما تنطي دخيلك
***
عليك ام البنين استرني مولاي
انه مذنب تره ومقصر اهواي
رغم بعدي تجيني وتوكف وياي
حبيبي انته وجمالك مالي دنياي
مثيلك ماكو بالعالم مثيلك
دخيلك يلي ما تنطي دخيلك
****
دخيل الله ودخيلك انه يمك
احس تعبي يروح امن اذكر اسمك
امد ايدي اعله شباجك وشمك
حسبتك انته ابوي وجيت اكلمك
اعتنيلك وشمر اجماغي اعتنيلك
دخيلك يلي ما تنطي دخيلك
**-*
احلفك بالزجيه وصدر الحسين
اريد بخدمتك اكضيها السنين
تره الدنيه كصيره وعنها ماشين
اريد امن البواجي اعميلك العين
كفيلك كلي بالمحشر كفيلك
دخيلك يلي ما تنطي دخيلك
الشاعر
تحسين الخفاجي
هنا يالذباح _ خلي يرتاح _ عوفه اشويه
ضل رافع ايد _ شوفو شيريد _ شربه اميه
يلوج امن الالم **** تره بكلبه سهم
/////////////////////////////
انه امه كاتلني التعب _ يفتحلي ردت اعيونه
اوليدي ابو طول الحلو _ ماهنه ليش امتونه
يالعايفينه بهل الشمس _ واميه ما تنطونه
شمسوي ابني ياخلك _ ومن الكفه تذبحونه
امن الحر ذبلان _ ميت عطشان _ كتلك عوفه
من شمس الصيف _ يجويه السيف _ جاي تشوفه
امن الحروره انلجم **** تره بكلبه سهم
/////////////////////////////
حاولت اصيرن في اله _ وجفني غرك بدموعه
احتاريت امسح وجه لو _ اكعد الم بظلوعه
كسر الظلوع شكد صعب _ مجربتهه هاي الوعه
يبتوت كلبه ويالسهم _ من العرج مشلوعه
ماضل بي حيل _ حاجوهه الخيل _ خل اتوخر
الحافر مكسور _ بصدره المحفور _ هاي تحير
سحك صدره انهشم **** تره بكلبه سهم
////////////////////////////
توه وكع من المهر _ وركضت اله السلابه
ماهمهم اظلوع الصدر _ جروهه وي اثيابه
الخذ محبسه حاجوه الي _ شو خنصره ما جابه
ياجرح اصبعه شكد نزف _ وشديته بالعصابه
المحبس اخذوه _ الخنصر رجعوه _ اصبع ايده
جنكم تردون _ اتعبون ام عون _ من اتريده
اصبعه ما سلم **** تره بكلبه سهم
/////////////////////////////
اشفافه بيضه امن العطش _ مسلوب ياهو بحاله
بعلو السهم ابني انرفع _ الحافر اباوع شاله
الابس قميص ابني ركض _ من شاف ما كفاله
بدمه خذاه اعله الخيم _ يحرك ابكلب اعياله
بجه الاطفال _ هذا الكم كال _ جبته بدمه
صاحو ويلاه _ انطينياه _ بس نشتمه
قميصه الكله دم **** تره بكلبه سهم
/////////////////////////////
جسمه نزل فوك الشبر _ بالارض جاي تباوع
وي الحجر من هامته _ شعر ابني هذا الواكع
الله واكبر يالرمح _ من الخواصر طالع
ما بردن كلبك هذن _ وتذبحه جنك راجع
ما بيدك ماي _ جا المن جاي _ تريد تذبحه
تفتر اعليه _ ليش تجر بيه _ تلجم جرحه
بعد حيلي انهدم **** تره بكلبه سهم
/////////////////////////////
نص كلبه ماهو باوعت _ وخلصانه كلهه انفاسه
متعلعل ابني بموتته _ متعوب والحر جاسه
لازم لحيته يالشمر _ وتريد تكطع راسه
ادنيت يمه بخنجرك _ كدام اقرب ناسه
يالرايح وين _ رد راس حسين _ رمحك عالي
تعبته اهواي _ ميلوحه افياي _ ارحم حالي
رحت بي للخيم **** تره بكلبه سهم
/////////////////////////////
تمت ____ علاء الزيدي
عفتك ولا شيبه ابلحيتك
اومو هاي ابد جانت مشيتك
يابو علي حاجيني / بهل الحيره لتخليني
**
اشوفك كوه تتنفس وفجئه شو كبر عمرك
وكوه جدمك اتشيله مصيبتمن حنت ظهرك
وتسولف خويه وي روحك وجزه حد الصبر صبرك
عزيز امبين الرايح دخيلك ربي اوسترك
شو محني اجيت ودمعك احمر
لتكلي يا خويه راح الاكبر
حالك تره يبجيني / بهل الحيره لتخليني
***
لأول مره اشوفك هيج وترجف خويه شو ايدك
حزين اوجهك امترب اخذ نص حيلك اوليدك
العلي الاكبر تدور ماي كلي الماي شيفيدك
الشريعه اتعاندت وياك تستسلم تره تريدك
للخيمه جيبه ولاتعوفه
فوك الرمل ماريد اشوفه
يم مصرعه وديني / بهل الحيره لتخليني
*
من كثر الطعن زينب ملامح شكله متغيره
ومن كد السحك بالخيل لكيته من خسف صدره
تكتل فركت الغالي خصوصآ عالابو مره
واليشبه محمد مات ورمح متخوصر ابخصره
كلي انه افديك ابركبتي
سلملي يابويه اعله عمتي
ما شوف كمت ابعيني / بهل الحيره لتخليني
****
مالومك يبعد اختك يخويه حكك اتشيب
خل انادي انه وياك فراكك ياعلي يعذب
ماتسوه دنيتي اعتاب عليهه لو ردت اعتب
وماي المشرعه مغرور بروحه هوايه متعجب
طولك كصر جي انته محني
حسين الجرح كلبك جرحني
اشبع بجي خليني / بهل الحيره لتخليني
****
اجت ام العزيز اتنوح شتكول اسمع محاجيهه
الما بيهه علي الخيمه احلف ما اطب ليهه
الشمس مو زينه عالمدلول بعباتي جروحه غطيهه
وابلل شفته ابدمعي وصلات اوداعه اصليهه
ودوني ارد اكعد وشمه
هذا الحنين الجازه امه
خلصن احله سنيني / بهل الحيره لتخليني
****
بشرني علي ابشاره عد راسه محمد جاي
هديه جايب ابئيده من الجنه جايب ماي
ابتسملي وغمض اعيونه وخله يمنته ابيمناي
صحت يابويه تانيني بعد ساعه اوراكم جاي
تستاهل الجنه شبابك
بس تدري مااحمل غيابك
يم فاطمه تانيني / بهل الحيره لتخليني
***
تمت ____ علاء الزيدي
(قالها الهاشمي)
قد قالها الهاشمي والشاهدُالعلقمي
لا ارهبُ الموتَ اذا الموتُرقا ... اني انا العباسُ اغدو بالسِقا
.....................................................
يا نفسُ من بعدِ الحسينِ هوني
وبعدهُ لا كنتِ او تكوني
هذا حسينٌ واردَ المنونِ
وتشربينَ باردَ المعينِ
من كفي او منحري ......اجري له كوثري
ولااخاف الشريوم الملتقى...... اني انا العباسُ اغدو بالسِقا
................................................................
لا تشـُفقي يا نفسُ او تغويني
اهوى حسينا وكفى دعيني
فموثقي من سالفِ التكوينِ
للهِ قد اعطيتهُ من حينِ
يا نفسُ قلتُ لك ِ ........لا ينفعُ اشفاقكِ
بل اضرب الهام وافري المفرقا... اني اناالعباس اغدوبالسقا
.......................................................................
واللهِ ان قطعتمو يميني
اني احامي ابدا عن ديني
وعن امامٍ صادقِ اليقينِ
نجلُ النبيِ الطاهرِ الامينِ
من يتقي ضربتي .... والسيف في عُهدتي
ولا اخاف طارقا ان طرقا ... اني انا العباس اغدو بالسقا
...........................................................
يانفسُ لا تخشَي من الكفارِ
وابشري برحمةِ الجبارِ
قد قطعو ببغيهم يساري
فاصلهم ياربِ حرَ النارِ
في الحربِ لم اجزعِِ .....كوالدي الانزعِِ
حتى اوارى في المَصاليت لقى ... اني انا العباس اغدوبالسقا
...........................................................
(اليوم يا نفسُ الى الرحمن ِ
تمضينَ بالروحِ وبالريحانِ
اليومَ تجزينَ على الاحسانِ
ماخطَ باللوحِ لدى االديانِ)*
في جنة ٍعاليه .... قطوفها دانيه
اهفو اليها ضامئنا عاشقا ... اني انا العباس اغدو بالسقا
علي صادق المجراوي
زينب ورمله ام القاسم ع
طفـي الشمـع يالـوالـده بدمـه الولـد تحـنه
للحومه جاسم من مشه سيوف العده زفنه
صبرچ يرمله .. فگده شيحمله
راح جاسم
…………………………
الراح ابنـها شلون تـتحمل مغـيبه
يصبرچ الله آه يرملـه لهل مصيبه
شلون گـلبچ راح هسه يكف نحيبه
وجاسم اگبالچ اجـه جثـته خضيبه
الچان الچ خيمه وعمد طاحت عليچ الخيمه
يـالفـاگــده راح الـوالـد هـالـنـايـبه عـظـيـمه
ورد وصله وصله .. فگده شيحمله
راح جاسم
…………………………
تحمل شلون المصيـبه ويـهـده ونـها
الياخذ الموت الضنه من نص حظنها
والـيـرد امگـطـعـيـنه شلـون ابـنـها
تمـوت ويـاه امــه حگـها من حزنـها
ايساعد الله التفگـد بهـذا الوكـت ولـدها
الرادتـه لشيب العـمر يصير الولد سندها
وياخلـته خله .. فگده شيحمله
راح جاسم
…………………………
الچان سلـوى بالحلـگ يارمله اسمه
جاسـم بـيا حالـه هـسه جـابه عـمه
وذر شاله وزحف گـوه جاب جسمه
حسين راح من البچي يارمله يعـمه
رد للخيم محني الظهر حسين وعله نحيبه
ومـدده مابـين اخـوتـه ابن الحسن حبـيـبه
وضل نوحه يعله .. فگده شيحمله
راح جاسم
…………………………
حسين گـلبه علـه الولد يمـكـنـه واگــف
وگمت اشوفه حسين دمه بوجهه ناشف
منـين مـا صدالـه شـافـه جــرح نـازف
وهـاي اول مـره اشـوفـه حسين خـايـف
خايف اشوفه وينظرچ رمله وحزينه عينه
وصاح بهضم راح الولد عريسچ امن ادينه
وبگـلبه عله .. فگده شيحمله
راح جاسم
…………………………
صعبه يارمله المصيبه الفگد يكـتل
الينذبـح بالطـف ابنـها بخـربه تـنزل
وتگطع ادروب وبراري بلاحمه وظل
وتصعد النوگ الهـزيله وكـون تحمل
تصعد على ظهور الهزل الينذبحـه حلمـها
وبحلوگ شماتة حچي يضل ينذكر اسمها
وبسفره ذلـه .. فگده شيحمله
راح جاسم
……………………… ..
يعينها الله الينذبح بالطف ضناها
خـيـمه ماعـدها وتسويله عزاها
تركـض ونـار الخـيم تـلـهب وراها
هذا يشتم بيها ذاك ابسوط اجاها
ماتگدر تسوي عزه وتبچي وتـون لبنـها
خيل وزلم ، نار الخيم ليها ركض يجنها
تلفـيها كلها .. فگده شيحمله
راح جاسم
#الشاعر عقيل الحسناوي..
@HxzEU1
/channel/hxzeu1
قناه نشر القصائد المنبريه
بالحياة وبالممات خدمتك حبل النجاة
فوز دنيا واخره فوز دنيا واخره
ــــــــ
شلون خدمه البيها غفران الذنوب
الف هنياله اليجي بمجلس يتوب
يل عباتك ضامها لستر العيوب
خلها روحي بمجلسك شمعه وتذوب
بغيرها اشتسوه الحياة خدمتك حبل النجاة
فوز دنيا واخره فوز دنيا واخره
ــــــــ
بجامعة عشكك تعلمنا الدروس
وتطمئن بمجلسك كلها النفوس
ملك واكبالك تيجي مدنكه الرؤوس
يا جبل مرمر عمت بيك الفؤوس
شفنه بيك المعجزات خدمتك حبل النجاة
فوز دنيا واخره فوز دنيا واخره
ــــــــ
خدمتك اسهل درب للسالكين
اشهدُ انّكَ منجي الغارقين
اعتقد بيها وثبت عندي اليقين
واليعرفك عرف رب العالمين
بيها خير وبركات خدمتك حبل النجاة
فوز دنيا واخره فوز دنيا واخره
ــــــــ
حيرتني بكربله وسرك عجيب
ساتر الكون بعباتك بس سليب
خيّر وكلمن يخدمك ما يخيب
تروح فدوه خدودي للخد التريب
يل شفاهك ذابلات خدمتك حبل النجاة
فوز دنيا واخره فوز دنيا واخره
ــــــــ
انا انا لو ما خدمتك يحسين اضيع
شرف لو تقبلني اضل خادم مطيع
واليخدمك مطمئن سده منيع
باجر بيوم الحشر انت الشفيع
هناك يوم المعضلات خدمتك حبل النجاة
فوز دنيا واخره فوز دنيا واخره
ــــــــــــــــــ
الف هنيالي ابخدمتك يا الامير
دوم فضلك عالـ يخدمونك جبير
الجنة من نورك خلقها النا القدير
يعني خدامك جذب باجر تحير
انطاك ربك الصفات خدمتك حبل النجاة
فوز دنيا واخره فوز دنيا واخره
ــــــــ
#نعيم ابو باقر الساعدي
@HxzEU1
/channel/hxzeu1
قناه نشر القصائد المنبريه
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
مواكب معتنينك..يغالي بربعينك
ياابا عبدالله..ياابا عبدالله
وصلناكم..مننساكم..واجينه اعله الوعد
يقائدنه..تعاهدنه..فله انخون العهد
يبو اليمه..عله الخدمه..الك من المهد
فلا نتعب..وذا نتعب..نناديكم مدد
وحگ دمع اليتامه..فله انعوف الخدامه
ياابا عبدالله..ياابا عبدالله
يغاليه..يوالينه..فداء الحظرتك
يبن حيدر..منتأخر..نواصل خدمتك
الك جينه..سرت بينه..يغالي امحبتك
موالينك..مجانينك..نضل وداعتك
العواذل ضيعونه..واجو يمك لگونه
ياابا عبدالله..ياابا عبدالله
تحزمنه..وعله الونه..الصدور امحزمه
سهل كلشي..إلك تمشي..حشودك هايمه
تسابگنه..ابمواكبنه..نگر عين السمه
ابمنابرنه..وشعائرنه..نواسي فاطمه
الك يبن الزچيه..نون صبح ومسيه
ياابا عبدالله..ياابا عبدالله
نصل يمكم..وحگ دمكم..تموت العاذله
نون ننحب..ضعن زينب..نجي ونستقبله
منتعذر..يبو الاكبر..دعتنه كربله
دمع سايل..وابو فاضل..ينادي ياهله
ينادي الكله غيره..بسم سيد العشيره
ياابا عبدالله..ياابا عبدالله
يمولانه..يرجوانه..يبن خير العمل
خدم إحنه..إلك صحنه..فلا نعرف ملل
يسيدنه..فلا عدنه..بعد غيرك أمل
إذا عشنه..وذا متنه..حسين المستهل
يدنيه وآخريه..ننادي بالمنيه
ياابا عبدالله..ياابا عبدالله
سيد علي الموسوي
فزاعية ليلة ١١ محرم
طاح الحسين ابكربله خيل ال اميه اتدوسه
.....................
طاح السبط فوك الارض ويلي شكثرهه جروحه
ومنين ميدور الوجه رمح الاعادي ايلوحه
ويشوف جثة الكمر عالمشرعه مطروحه
كومو يشيعة حيدره هوسو المصابه الهوسه
طاح الحسين ابكربله خيل ال اميه اتدوسه
.....................
واكع ومن فيض الدمه سابح وخضب شيبه
عطشان ماظاك العذب حيله خلص شيجيبه
ياوسفه يوكع والعده اتفننو ابتعذيبه
ركضتله خيل اهل الكفر جانت خطط مدروسه
طاح الحسين ابكربله خيل ال اميه اتدوسه
اتدوسه
.....................
ياوسفه اخوته بكربلا واولاده طاحو يَمه
واصحابه جدامه هوو زلمه اعله زلمه وزلمه
لحسين اهله والمشو هاي العده ابلا رحمه
داسو عله امجان النبي الجان اعله نحره يبوسه
طاح الحسين ابكربله خيل ال اميه اتدوسه
...............
ياوسفه طاح بكربلا واولاده كلهم دونه
عالهجر وافراك الزلم هذا الشهم خيعونه
حاربته اهل الغدر من يحجي ايسكتونه
وحسين محروم وبقه نفسه كرم متروسه
طاح الحسين ابكربله خيل ال اميه اتدوسه
َََ...................
عطشان وايذبحه الشمر من الكَفه بالحومه
والشيعه كلهه اصبحت لجل السبط مهضومه
تبجي وتون اعله الجره وتبجيله دم مالومه
هذا الامام ال عالعذب نتعلم احنه ادروسه
طاح الحسين ابكربله خيل ال اميه اتدوسه
الشاعر ياسر العارضي
عبدالله راح وراحت الروح
فوگ الرمح خليته مذبوح
يمه لولد راح....يمه لولد راح
++++++++++
بالي اتنطر شبابك عيني تربي اعله المهد
انته عكازت زماني ليش رايح يلولد
والعطش يبس لهاتك والسهم يمك سجد
عالرمح خلوه راسك وسفه ياعمر الورد
گلب الرباب خلافك ايلوع
موجوع ويحن اعله موجوع
راح الولد راح.... راح الولد راح
+++++++++++++++
يمه لوتدري بغيابك كاسر كليبي كسر
جنت اتنطر شبابك وانته تحمي هل خدر
هسه بس شوغات عمري بعد مايسوه العمر
راح كل تعب التعبته الله لايطي الشمر
ماشفت من عمرك يمدلول
وماضايگ حساس الدللول
راح الولد راح.... راح الولد راح
+++++++++++++
ليل بعدك بس بواجي وحيل ياذيني دمع
كمت اتخيل صورك وحترك مثل شمع
شلونه اقنعنه ابرحيلك گلبي ابد مايقتنع
يالترف نحرك ييمه بسهم كافر ينگطع
بعدك ييمه الكلب ملجوم
وماتدري روحي مترسه هموم
يمه لولد راح.... يمه لولد راح
++++++++++++++++
عالرمح ماكفه راسك يابعد نبض الگلب
ازغير وتبجي يغالي من يشيلوك الغرب
ماشفت حلم الطفوله وينك وين حرب
الطفل من يسمع بواجي تفز دمعته وينرعب
فوگ الرمح وبدمعي اناغيك
اجبير الجرح وشلون اداويك
يمه الولد راح يمه الولد راح
++++++++++++
قبل جنت بحضني اشيلك هسه شالاك الرمح
جن گطن ناعم رگبتك مايلوگ الها الذبح
اليل اضلم بس اشوفك ع رمح جنك صبح
اترف من الورد وجهك بس خذا دم الجرح
عالي الرمح وشلون اغطيك
يمه الولد بيه ولا بيك
يمه الولد راح يمه الولد راح
مصطفى فوزي المالكي
@HxzEU1
#قناه_نشر_القصائد_المنبريه
للسبي
.
.
.
ابــاب الساعات .. وگــفن ساعــات
وعالمستورات
تــنظر شمـات
****
مـــاصــارت ولاتنــعقـــل .. ولامرت ابال انسان
اليحدي ابنات المصطفى .. شمر وخوله وسنان
جـابوهن الشام الحزن .. وبيديهن احبال امتان
نســـوان وعــيون الزلم .. كـلـش تأذي النسوان
للميخــجلـون .. وكحات عيون
وسفه يصدون
عالعـــلويــات
****
مرسال اجه الحادي الضــعن .. هز راسه گلهم جيد
يمـــكن رخـــه حبل اليــسر .. رد مـن جـديد ايگيد
من اجنوده جاب اطول رمح .. ونـبته براس السيد
وللـــشـام گــال الــهـم نطــب .. لــمن اهــلها تــعيد
وگــفن حفاي .. وبلايه افيــاي
الرجلين بهاي
شبعن چويات
****
حلــفو اسالـــيب الخبـــث .. بضعن النبي يسووهن
وصـــلو الـشامات الفجــر .. وماقبـــلو ايـدخــلوهن
السوگ الضحه من يزدحم .. بنص زحمته يمشوهن
غــايـتهم عــــيون الزلـــم .. ابلا كافــل يــشوفوهن
ويـــن العبــاس .. عن هاي الناس
صدن عالراس
چيه خجلانات
****
بالشام انفــاس الـحقد .. اعله ال النبي مشحونه
واحــدهم بــگد الغـضب .. تــجــدح شرار عيونه
اهزيل العليه اخت الگــمر .. حدره الرمح يرمونه
ستـر الله فوگاه منحــفظ .. ماگــدرو ايعـــثرونه
اخ امـــن الـــشام .. شگــد بــيها آلام
واخت الضرغام
اشتحمل شوغات
****
للشام طب واحـد هتف .. مــن عنده موته بصفين
الرايد يرد ثــاره يــجي .. ابــاب المديــنه امــتانين
اليطلب علي ثار اعتنـه .. وحجــار هــمه محمـلين
الضربه برقيه من اجت .. فز عالرمح راس حسين
واكــبار ازغــار .. يشمرون احجار
المايطلب ثـــار
يرمي حچايات
****
البالشام كلها اتجمعت .. وتتعاله صوت الضحكات
اسرنه صـاحو وبفرح .. الماشـــايفتـــهن نجـــمات
من انسبه احجاب السمه .. هلهــــلن الشــامـــيات
الايات مــن فوگ الهـزل .. تبچـــي بحراره الايات
بـــيد العدوان .. وبـــلا وليان
اعليهن ماهان
شبعن لچمات
****
حيدر تركي الكربلائي
كلنا....... نبكي على عمتنا الغريبة
كل الائمة اتهل دمع بس عيني مبجاهه بدمه
بالطف سبو مو بس مره انه انسبت مني السمه
متعلمه زينب على الستر عالناكه ما متعلمه
من تنهضم تنخه بعلي وبالليل تنخه بفاطمه
ايها ... الناعي فهل تروي لنا المصيبة
كلنا ...نبكي على عمتنا الغريبة
//////////////////////
هم شفتو علويه انسبت لو هاشميه ابنص غرب
ولأي جهه من تلتفت بالسوط عمداً تنضرب
الليل اذا جلجل تره لبيوتهه الوادم تطب
وعماتي ما عدهن وطن جن واحد امتيّه الدرب
خربة الشام لها مصائبٌ عجيبه
كلنا ..نبكي على عمتنا الغريبه
/////////////////
هم شفتوا يا عالم اخت اخوتهه ماتو بالسره
لمت افراش البلخيم وفرشت فراش المكبره
واحد جفوفه امكطعه واحد ضلوعه امكسره
واحد يحط من المهر واحد سكَط عالكنطره
شيعتي ....فأرتقبوا الطلعة القريبة
كلنا نبكي على عمتنا الغريبة
////////////////////
لو اسمع بطاري السبي خنكة المسجون اختنك
انعي يناعي اعله الخيم خليني وياهه احترك
اتشاركنه آنه وعمتي بالنوح والون والعشك
هذا اني ابو ادموع الحمر وهيه ام الامتون والزرك
جرحنا ..لا ينتهي وكربلاء طبيبة
كلنا نبكي على عمتنا الغريبة
///////////////////////
هم شفتوا طفله من البجي ذبلانه والمدمع يهل
ما ضاحكه من اهد الخيم من جان عبد الله الطفل
ترفات اديهه اتخيلو شيسوي بالترفه الحبل
وحسين ابوهه اعله الرمح بس هيه تتصور عدل
انها رقيةٌ وابنته الحبيبة
كلنا ...نبكي على عمانا الغريبة
ماتت رقيه اعله النحر من شافت الخير ابطشت
وانه ابجي من يوم السبي والهسه لاجن ما متت
للدنيه اجيت ابلا فرح ومن اهلي ليش اتيتمت
ما بين شام وكربله ابهذا الدرب هايم عشت
عجل الله الفرج يا دعوتي المُنية
كلنا نبكي على عمتنا الغريبة
( الشاعر محمد الجماسي )
تمت زيارة الحسين .ع.في يوم عاشوراء نيابة عن جميع خدمة الحسين .ع. في هذا الكروب المبارك
اعظم الله اجوركم باستشهاد سيد شباب اهل الجنة الامام الحسين .ع.
.
. زيـنـب تـنـادي من عـلـى الـنـاگـه
مـشـتـاگـه يـا عـبـاس مـشـتـاگـه
وحدي عفتني يـالـدلـلــتــنـي
*---------------*---------------*
زيـنـب تـحـاچـي بـالـدمـع . كـافـلـهـه تشكيله الجـره
واتـگـلــه مـسـبـيـه صفت . ذيـچ الـعـفـتـهـه ٱمخدرة
گـلـبـي يـسـبـع الـگـنـطـره . لـلـمـحـن صايـر گـنـطـره
ٱمن الـكـوفـه للشام بظعن . مـسـبـيـه راحـت يا مـره
گـالـتـلـه تـالـي لـلـسـبــي أركَــب
عـبـاس لـو تدري شـجـره بزينب
ريـتـك شفتني يـالـدلـلــتــنـي
*---------------*---------------*
مـن عفت چـفـك عـالـثـره . يبن الـولـي تـاه الظـعـن
هـامـت ابـوادي كـربـلــه . ايتام ونسه تشكي المحن
ليا صوب اصد اسمع بچي . واسمع ثواچل مـا هدن
وبـلـسـانـهـن كلـمــه صفت . يابا الحسن يابا الحسن
يـتـلـفِّـتَـن مـن خـيـل عــدوانـك
ولٱرض الـغـري متوجهه نسوانك
وٱمدمّـه متني يـالـدلـلــتــنـي
*---------------*---------------*
كـلــمــا اضـيّـعـلـي طـفـل . بـيـك انـتـخي وِٱيْرِد الي
وياچف ابو فاضل صحت . كـل مــا تـمـايـل محملي
ظليت خـويـه ابـلا أهل . چنت انـه اشوفك كل هلي
مــتــحــيـره و مـتـمـرمـره . بـعـدك صـرت يابن علي
والطلع من ظـهـرك . وحگ گلبك
حـالـي يـبـو فاضل تره يـعـذبـك
يلي اكـفلـتنـي يـالـدلـلــتــنـي
*---------------*---------------*
شينشف ادموعي وأصد . كلشي اختلف يابو الفضل
ابحَر الشمس مطرت دمه . ودمعه على اعيون الهزل
ولمصابكم حتى الـحـجـر . صـارتـلـه عـيـن ودم تهل
هــو انــه عـالـنـاگــه الـك . كـل لحظه عـبـاس انكتل
وطبّت الشام اللي حِـنَـت ظـهـري
ٱبـچـفـي اغطي وجـهـي لـو تدري
مـــا عـوّدتـنـي يـالـدلـلــتــنـي
*---------------*---------------*
بِـثْـمَـنْ لـيـالـي بـكـربـلــه . مــا فـارگ الــروح الألــم
بس لـنّـك ٱويـايـه چـنـت . كل ساعه احنن لـلـخـيـم
ابـعـامـودهـه عـطـرك بقه . وابّـابـهـه ٱيـرفـلـك عَـلـم
عـباس يـعـيـونـي وهـلـي . شِـمْـدَلّـي بعيونك سـهـم
يا روح إخـتـك ما هِـدت روحـي
يـومـيـه الـك ألچمهن اجـروحـي
لدمعك جبتني يـالـدلـلــتــنـي
*---------------*---------------*
✍️خادم الحسين ع
الشاعر سعد هادي الشمري
@saadhadi83
فدوه لسمك - شلون المك_ مطشر اعظام
ماهو. حضنك- خويه جسمك _. بس للسهام
بحصيره جمعته // اونينك سمعته
____
من اخيامي جيتك اركض وطاحن خيامي
بس ليگتك خويه تشهك ومنحرك ضامي
موش جسمك رمح راسك صار كدامي
اسهام الي بكلبك رمني وكتلن احلامي
وين اصبعك- خلي ادوره -بلكي الكاه
دوريته -ماهو بيدك -ومحبس وياه
لگيته ومسحته //ونينك سمعته
___
انه اول مره اطلع والزلم يمك
من الصهيل اليم اذاني تيهت جسمك
اتاشر بيدك عليه وانه مافهمك
تيهت والوصلاني العطر الي بهدمك
من وصلتك- مجفي دمك _وتارس الكاع
ويه اختك _ سكته صوتك_ومامش اوداع
طريقك حفضته _ ونينك سمعته
____
تابعتهن خطوه خطوه اضلوعك الطاحن
ثوبك وذيج العمامه بالسحك راحن
عمه زينب كل بناتك بالحرك صاحن
وانه اكلهن مات ابوجن اليمه ترتاحن
گلبي فرفرح _يم ذبحتك _اكعد وياي
نريدك احنه _ يمنه واكف -شلنه بلماي
حملكم حملته //ونينك سمعته
__
رد عليه بچلمه وحده وفتح اعيونك
كلشي اشوفن بيك طايح كلبك ولونك
ليش لاحوك بحجر يل مايلوحونك
يل تگلي شلونج انتي انت الشلونك
وينه صدرك. -وينه ضهرك-صاير اتراب
شفته حضنك -للحوافر-مو للحباب
ترابك شبگته //ونينك سمعته
__
راح اروح مودع الله السبي متانيني
ماشوفن راحه باجر راسك بعيني
والله مشتاكه لچفوفك من تدليني
والله مشتاكه الحچينه من تحاجيني
راح اكلك -كلمه وحده _واختك تروح
كوفه باجر_والشماته -تطلع الروح
مصابك صبرته//ونينك سمعته
_
محمد الهاشمي
#نزلة_للخدمة
اول الخدمة. نشكر النعمة
ممنونين. مشكورين. يا ابا عبدالله
ـــــــــــــــــــــــــــــــــــــــــــــ ــــــــــ
الخدمة نعـمة هــواية ينـــرادلها شكـران
نحمد الله و نشـكره مـــن گلـب و السان
ثوب الاسود يخــتلف عــن باقي الالوان
يعني شرط الخدمة كون الخـادم انسان
خادم الغالي ذو خُلق عالي
صاحب دِين مشكورين يا ابا عبدالله
ـــــــــــــــــــــــــــــــــــــــــــــ ــــــــــ
الله فضــــلنا بنعــــــــمته و بيها خصنه
مَلِك واحدنا بخــــدمته تگــــــــول چنه
جزء مـــا ينفصل مــــــــن احسين احنه
مــن بقـــايا طينته ربَّنـــــــه خــــــلـقنه
ناثــــر اعلينه. من نفس طِينه
اجمل طِين . مشكورين. يا ابا عبد الله
ـــــــــــــــــــــــــــــــــــــــــــــ ــــــــــ
نحَبَّه حُب مــا ينوجــــــــــد ثاني مثيله
و احنه غير حسين ماعــــــــــدنا وسيله
عنه نبعد هــــــــــاي جـــــداً مُستحيله
النبض ميعــــــــــيش اذا فــــارگ دليله
صحنه امنه و بالعشگ صرنه
مجنونين. مشكورين يا ابا عبدالله
ـــــــــــــــــــــــــــــــــــــــــــــ ــــــــــ
عشنه بالخـــــــــدمة عُمر جداً مثــالي
كلشي يرخص عدنا بس احسين غالي
لجله بس يا عـــين خـــل دمعچ يلالي
و لمصـــــابه بســـرعة يا عَبــرة تعالي
ما رضَّه الذلة. و احنه هم مثله
ما راضين مشكورين. يا ابا عبدالله
ـــــــــــــــــــــــــــــــــــــــــــــ ــــــــــ
حسين وجــــه الله و اصل دينه و كتابه
و مُحكم اياته و فصــل حُكـمه و خطابه
من اجلنا دمـه صَّــــــــــب اعـــله الترابة
و مــاتت أبنيته رقية بنــــــــــص خرابة
لجل دين الله. انطَّه عبدالله
دم باچين مشكورين يا ابا عبدالله
ـــــــــــــــــــــــــــــــــــــــــــــ ــــــــــ
شما فعــــلـنه حسين ما نگدر نجازيه
و لو ذبحنه ارواحنه هــــــم ما نوفيه
كون مثله بالمـــقابل كلـــــشي ننطيه
عيـونه نشلعـــها و نخلــــــــيها بيديه
ما نِسِّد دينه . شما اله انطينه
مديونين. مشكورين. يا ابا عبد الله
ـــــــــــــــــــــــــــــــــــــــــــــ ــــــــــ
الحمدلله
#علي_حسين_الكناني
▪️قصيدة لطم
عامّة
قال مولانا الرِّضا...ظامِئا جدِّي قضى
فابكِ الغريبْ...يا بنَ شبيبْ
١/سيِّدي ما للأَسى كالليلِ خيَّمْ
قَالَ يَا ريّانُ ذا شهْرُ المُحرَّمْ
كانَ حِلّا فيهِ أَنْ نؤذى ونُظْلَمْ
وَمِنَ الماءِ بِجنبِ الماءِ نُحْرمْ
فيهِ جدِّي قُتلا...عافِراً في كربلا
مُلْقًى سليبْ...يَا بنَ شبيبْ
٢/لِحُسينٍ في عُلاهُ أيُّ نَقْشِ
إسْمُهُ يَسْطَعُ نوراً فَوقَ عَرْشِ
كانَ فرداً وهُمُ داروا كَوَحْشِ
دونَ رفْقٍ ذبحوهُ ذَبْحَ كبْشِ
في العرا وجهُ الجلالْ...ظلَّ تكويهِ الرِّمالْ
أضحى تريبْ...يا بنَ شبيبْ
٣/إلبسِ الأسودَ يَا ريّانُ وانحبْ
وبِلطمِ الصدرِ خفِّفْ وجْدَ زيْنَبْ
كُلَّما ناحتْ بحبلِ السبيِ تُسحبْ
وإذا نادتْ "أخي" بالرمحِ تُضْربْ
زينبٌ بنتُ العَبا...آهِ سارتْ في السِّبا!
رُزءٌ عجيبْ...يَا بنَ شبيبْ
٤/وَمِنَ القاتِلِ فابْرأْ في حياتِكْ
أَصْلِهِ نَارَ الـلَّـظى في لعَنَاتِكْ
ضاعِفِ اللَّعْنَ وضاعِفْ حَسَناتِكْ
يرفَعِ اللهُ بِعَدْنٍ درجاتِكْ
مَعَ خيرِ المرسلينْ...وأميرِ المُؤمنينْ
قُرْبَ الحَبِيبْ...يَا بنَ شبيبْ
٥/للَّذي بَاتَ عَلَى الغَبْرا عفيرا
إِذرِفِ العَينَ غداً تُحشَرْ قريرا
يغفرِ اللهُ لَكَ الذنبَ الكبيرا
أقليلاً كانَ أمْ كانَ كثيرا!
دمْعُ عينيكَ الأملْ...لِغدٍ خَيرُ العَمَلْ
يُطْفِي اللهيبْ...يَا بنَ شبيبْ
٦/زُرْ حُسيناً سيِّدَ الصبْرِ العجيبِ
مَنْ وقَى شَيعَتَهُ حرَّ اللَّهيبِ
كيْ تُلاقِي اللهَ في اليَومِ العَصيبِ
دونَ ذنْبٍ طاهِراً ..يَا بنَ شبيبِ
قُلْ وأرسِلْ أدْمُعَكْ..."ليتَني كُنتُ مَعَكْ"
دُمْ في نحيبْ...يَا بنَ شبيبْ
٧/وكأني بالرَّضا ينْعَى حزينا
يذكُرُ العباسَ كمْ كانَ مُعينا
قائلاً لو كنتُ إذ خرَّ طعينا
كنتُ قبَّلْتُ يساراً ويمينا
فلَهُ قَلْبي انفطَرْ...وَلَـــهُ ظهري انكسرْ
أمَّنْ يُجيبْ...يَا بنَ شبيبْ
٨/بعْدَهُ أبكي يتامى الفاطمية
أصبحتْ تركضُ بَيْنَ الأعوجيهْ
والتي لمْ تقضِ بالخيلِ ضحيهْ
آه ماتت مثلَما ماتت "رقيّه"
"يَا أبي" نادتْ "تعالْ"...فأتى كلُّ الجمالْ
رأساً خضيبْ...يَا بنَ شبيبْ
/channel/AliOsailyAmily
#محرم_١٤٤٦
#اللهم_عجل_لوليك_الفرج