هضيمه المثلي نومتها بخرابه
بنت الشيّب الدنيه بمصابـــــــه
ابوي العايف بـــداره
عطر جــبريل واثاره
هضيمه المثلي نومتها بخــرابه
،،،،،
بنت اول بشر كلما يعطشونه
وجها يصير زمزم
وابوي بخيلهم كلمايطشـــرونه
يرد انوب يلتم
ابوي النسمه بس رفضوا يشمونه
الهوه من عنده يشتم
مجتمعه بأبوي حسين الأضــــداد
الناس بلايه دين وعنده سجــــــاد
حنين وعلـّـــــــم الأم حب الـــولاد
وجرح عاشور ابوي شماخلص عاد
بت عز صاير فراشي التــرابه
هضيمه المثلي نومتها بخرابه
قروا فاتحته بصياره
عطر جبريل واثـــاره
هضيمه المثلي نومتها بخرابه
،،،،،،،
ابوي شما جَرح ينرزق تلـــــــگاه
يسجد شكر لله
ابوي شما عثر خنجر على اعضاه
يعينه بل اسم الله
حتى الرمح لمن راسه شــــــــــالاه
فوگ الرمح صله
ابوي الماكسر خاطر للرمـــــــــــاح
ابتسم ماشال غيض بوجه ذبـّــاح
ابوي الكون طاح وهوه ماطــــــاح
جمال ايزود ابوي اوممتلي اجراح
ابوي المجّده الباري بكتـــــابه
هضيمه المثلي نومتها بخرابه
ابوي العلّــــــــم الشاره
عطر جبريل واثــــــاره
هضيمه المثلي نومتها بخــرابه
،،،،،
ابوي شمايبس ريجه يشع نــــــور
وخياله يگوم يرهب
ابوي العطش صار بصدره تنـــــور
وبقه وحده اليعزّب
ابوي امن انسلب ضل جسمه مستور
شمس وغطاه مغرب
ابوي حسين بس أيشبها الحسيـــن
وبرائة كل يتيم العاش مســـــــكين
ابوي السلسبيل ومنبع الديـــــــــــن
ابوي النيته بيضه جنها دم تيـــــــن
وحگ الغالي وجروحه وعذابه
هضيمه المثلي نومتها بخــرابه
اثر لمن هبـــط زاره
عطر جبريل واثاره
هضيمه المثلي نومتها بخــرابه
،،،،،
ابوي اعليه بچت كل الـــرسالات
وبچاله الماي والبر
ابوي اعله الرمح ضل يقره ايات
الرمح صاراله منبر
اعله ابوي الأنبياء سوو عــــزائات
وسبيله بطوس كوثر
لبوي اشگد تألم ونفجع نــــــــــوح
نزف مسماره دم وبلل الــــــــــــوح
سأل ربه اعله ابوي وگله مـــذبوح
حسين ايشل گد المصحف جـروح
تلقب نوح چي ناح المصـــابه
هضيمه المثلي نومتها بخرابه
رواها الدستري اخباره
عطر جبريل وثـــــاره
هضيمه المثلي نومتها بخرابه
،،،،،،،
ابوي التين والزيتون والحـــاء
ابوي الميم واسمع
من وجه الحسين اتكون الــــماء
وحيات عيونه تنبع
ابوي البسمله واسراره بالبـــــــــاء
القراه بحساس يدمع
ياهوه العنده مثل حسين عباس
ياهو القاري ايه وهوه بـس راس
ياهو المثله ميت يكرم النــــــاس
ياهو النحره ذابح سيف الارجاس
ابوي التلعن اعدائه السحـابه
هضيمه المثلي نومتها بخرابه
الحچي مايحتوي اسراره
عطر جبــــــــريل واثاره
هضيمه المثلي نومتها بخرابه
،،،،،،
لخادم الحسين ع
محمد الفـــهداوي
خوات ثلاثه چتفوهن ســــويه
سكينه وخوله وبنصهن رقــيه
الحبل ناح اعله اديهن
تبلل من بجيــــــهــــن
خوات ثلاثه چتفوهن ســــويه
،،،،،،
درب بيه الشمس تاگل بالرسوم
ومعاني تغيرة من گد الهمــــــوم
رقيه اتطيح بس تكظها كلثـــوم
ردن خوله تبلل من الدمـــــــــوم
الناگه تبللت من گد دمعــــــــهـن
وتجري عيون ابوهن من حزنهن
يتامه بلا وليهـــــــــن
الحبل ناح اعله اديهن
،،،،،،،
صفره وجوهن ظيم وسبي وخـوف
ونضرات الشماته عليهن سيــــــــوف
علي السجاد اخوهن وسفه مچتـوف
ورقيه من القهر ماضلة تشـــــــــــوف
رقيه تحاچي خوله وين ابونــــــــه
شجنينه وياهم وهيچي سبونـــــــه
الحسين ايصد علــيهن
الحبل يبچي اعله ديهن
،،،،،
جــــــرح شابگ جرح عالناگه ياناس
عليهن شيب من القهر عبـــــــــــــاس
نگع حته الرمح من دمع الحســــــاس
يغمض لوظربهن سوط الرجـــــــــاس
الرمح ماينلزم من راس عمهــــــن
يدخن راسه كل مازاد همهــــــــــن
انكسر گلبه بسبيــــــهن
الحبل يبچي اعله ديهن
،،،،،،،
علي الاكبر نگع رمحه من الدمــوع
ما چنه ذبيح ونحره مگــــــــــطوع
شما لاعت رقيه يبچي ويلــــــــــوع
محمد چنه فوگ الرمح مرفـــــــوع
خواته تشابگن وحده اعله وحده
لان ذبلت رقبه الچنهـــــــــا ورده
الحجر ون النعيـــــهن
الحبل ناح اعله اديهن
،،،،،،،
اعله راس الرمح ضل ينوح جســام
نحره محنه دم عريس الاســـــــــلام
شبيه الحسن بس عمره اثنعش عام
كلساع اوگع ياناس بالــــــــــــــــشام
شما ضربوا رقيه اعله الثره يطيح
شيل السوط عن الغاليه ايصـــيح
يهد رمحه ويجيـــهن
الحبل ناح اعله اديهن
،،،،،،،
نحر عبد الله سومر والرمح حـــــاد
ترف راسه وعظم راس الطفـــل باد
بخدوده اثر من ذيج الرمـــــــــــــــاد
الشايل راسه هوه السكنه جـــــــــلاد
الحرگ خيمة أسكينه ارماد بيده
وتلف وجه عبد الله اوريـــــــــده
طـفل عيناه ليهــــــــن
الحبل ناح اعله اديهن
،،،،،،
لخادم الحسين ع
محمد الفهداوي
مشت وعيونها على حسين دارن
بچت ودموعها من الضيــم دارن
صاح حسين للنســـــــــــوان دارن
زينب لاتموت اختي السبيـــــــــه
محمد الفهداوي
نعي للسيده زينب ع
فرق بين المتون التحمل اعـزاز
وچذب منگالك لا نفس المتـون
ردت عباس يحضر حاسر الــراس
وابو السجاد شابگ جعفر وعــون
حدر تابوتي اسمع صوت الحسين
عمت عيني يصيح بصوت مـحزون
ويگلي من السياط النزلت عليــج
لاضل حيل عندچ لابقه لـــــــون
يطر گلبچ حچيهم ودري ياذيـــچ
وشوفچ تنتخين شمايسبـــــــون
وين حسين اخوي اوين عبـــــاس
ألكض شاربه وگلالي ممــــــنون
انتخيتي وراد ابو فاضل يهد ليــچ
بسهم عينه ويأدب ألي يشتمـــون
اغمض من يشيل السوط ســــلاب
وجبت طول الدرب مافاتحه عيـــون
اجاني الريح جايب صوت الاخــوان
وجايبلي علم من حادي الضعــــون
ومكتوب اعله وجه العلم هيــــهات
اخوتچ موته كلهم مايحضـــــــــرون
بعدهم ماشفوا من الجراحــــــــات
وبعدهم بالمعاره دم ينزفـــــــــون
يجيچ احسين اخوچ شلون والـــراس
عليه عبد الله شابك يحضر شلــــون
وهمس بذني الهوه وانه اطمأنيــــت
عليچ اخوانچ هوايــه يسلمـــــــون
خلق لجلچ يصبر حسين باريــــــــچ
شيعه وگلهم الحزنچ يلطمــــــــون
اعله خد روحي تره مصابچ لطمــه
واليه اجروح برض الطــــــف لطمهــا
يزينب شيعتج هـــــــــــــــــذا لطمــها
ربع ماشال من اسياط امــــــــــــــــيه
انوحن بالغرب وحـــدي ولاعون
ولا فزاع ينغرلــــــــــــي ولاعون
لاعباس لاجعــــــــــــــفر ولاعون
ولا بن امي اجه وصلّـــه عليـــــــــه
انه زينب ونار حشـــــاي شجــــره
وصعب بالشام بيه شحصل شجره
الكتني راس اخوي بغصـن شجــره
تعلگ بالشمس ويصد الــــــــــــــيه
من اصلّي جروح البمتني يصليـن
ويضلن كل وكت بــــــيه يصليـــن
يفرسان الوغه أنــــدب يصليــــن
تعالوا الزينب بوكت المنيـــــــــــــه
انظلمت وماتوصل بشر ضلـمـــاي
وزحف جتني رقيه بليـل ضلـمــاي
تگلي بجربة العبـــاس ضلـمـــــاي
يعمه من العطش نيران بيـــــــــــــه
اضل امشي اعله درب الصـبر ماضل
وعليه الوكت لحضه ضــــلال ماضل
رقيه بجربة العــــــــــباس ماضــــل
ماي ومن عصر رد خالي اليــــــــــــه
لخادم الحسين محمد الفهداوي
حدر السگف ماغمضت عـيني
ردت الشمس مثلك تچوينـــي
يحسين عالدنيه العفــه
يحسين من باب الوفــه
ردت الشمس مثلك تچويني
،،،،،،،
نحلني الهضم وعـضـاي
تتراجف يبو الاكبــــــر
لوعت محترگ بالـــروح
والله بداخلي واكثـــــر
عمري ما اريده ايطــول
من دونك ردت يگصــــر
حدر الشمس ابقه انعـاك
وأبني من الترب منـــبر
انعه وتجيني ام الحزن تنعـــــه
هرش الگلب صوت اختك إيگطعه
يحسين مابطل أفــه
يحسين من باب الوفه
ردت الشمس مثلك تچوينـــــي
،،،،،،،،،،،،
هجير الهم چوه الـدلال
يالنمت بهجير الطــــف
وذكر عالرمح شالــــوه
راسك يشبه المصحـــف
مثل جروح جسمك هيـج
فوگاي المصاب اصطـف
كل طبگت جفن يحسيــن
ينزل مدمعي وماجــــف
حدر الشمس ارد اگضي كل عمري
ريت السنابك هشمت صـــــــدري
يحسين جرحك ماشفه
ياحسين من باب الوفه
ردت الشمس مثلك تچوينـــــــي
،،،،،،،،،،
فاضت جربت الحسرات
حد ماغرگت عيونـــي
يوجعني وداعك حـيـل
مثل ما تسعر امتونـي
شلون اتهنه واخذ نـوم
وغفه وتطبگ جفونـــي
يالمن كل كتر مذبـــوح
يالوني وبعد لـــــوني
عالناگه رحت وروحي مالومــه
وجسمك تركته ينزف دمــــوه
يحسين جفني ماغفه
يحسين من باب الوفه
ردت الشمس مثلك تچوينــي
،،،،،،،،،
ياخيمت هلي هيــهات
گلبي انساك مايرضــه
يابو سكينه بسمك ضال
دلالي يدگ نبضـــــــه
راسك عالرمح بالشــام
وعينك چانت مغمضـــه
طبينه حرم لســــــوگ
لعيون الزلم عرضـــــه
بحجار وادمهم يشمرنــــــي
الراسك اصد وتدمع عيونـــي
يحسين يبن المطفـى
يحسين من باب الوفه
ردت الشمس مثلك تچوينــــي
،،،،،،،،،،،
بجدامي رماد خــــيام
بجفوفي الف جــــمره
اتنفس نفس فحــــطان
لمن اذكر العشــــــره
الحسره بصدري يامذبوح
تركض ركضة المهــــره
شما اذكر ضلوع حسيـن
ضلع بداخلي تكـــــسره
اسرح بعالم صفنتي وهمـــي
بعروگي لجلك يبس كل دمــي
يحسين موتي مالفـه
يحسين من باب الوفه
ردت الشمس مثلك تچوينــــي
،،،،،،،،،،
بحضنك ابني من ذبحـــوه
انهد حيلك يصــــــــبر الله
اذكر دمعتك مرجــــــــان
تنزل فوگ عبـــــــــد الله
شگد شاكف من ابني سهام
بصدرك چم سهم صـــــــله
حدر نارالشمس بالصيـــــف
اضل اني اعله اهل ضله
راح ابقه لمن التقي بموتـــــي
واتمنه انته تشيل تابوتـــــــي
يحسين شوفي من انطفه
يحسين من باب الوفــــه
ردت الشمس متلك تچويــــــني
،،،،،،،،،،،،
لخادم الحسين محمد هادي الفهداوي
انه اخت المنذبـــح
متوضيه بچم جرح
شمس وياي وگمـــر
حراس اعله الرمــح
،،،،،،،،،
شمايلتم ليل الغـــــــــربه
اوجوه اخواني تصد اعــله
وانه المتحزمه بحـــــــــيدر
ومي الزهره ودمع ارقيـــــه
بت شيخ الكوفه وامشـــــي
برايي وفكري مو مسبــــــيه
راح ادخل اية عفيـــــــــــــه
واخطب خطبه موش اشويه
انه امشي بهيبتـــــــــي
ماعافوني اخــــــــــوتي
لبن ازياد من اطــــــــب
يصطر چف خطبــــــتي
،،،،،،،
اخت العباس الــــــــــــــــــــوده
الراس وي اخته ومنطي حچايه
صح عباس تشوفــــــــــــــــــونّه
واحد بس عباس هوايــــــــــــــه
انه الحزمني بچفــــــــــــــــــــــه
وشد احزامي بذيچ الرايــــــــــه
انه اخت الطب للشاطــــــــــــي
رغم العسكر عاتب مايــــــــــــه
انه اخــــوّيّ الگمــــر
البيده كض الــنـــــهر
والماي اشكد خجـــل
ومن عباس اعتـــــذر
،،،،،،
كلساع احسين الغالــــي
يتباوعلي ويحاجينــــي
مَن أتعب گـــــــواچ الله
ايگلي ابن مي ويسليني
وانه اتنوعله واصفـــــن
حد ماتنزل دمعة عيني
تتبلل حته النسمــــــــه
لمن تدخل بينه وبينــي
شما صد الشيبتـــه
يسحرني بهيبتـــــه
ودموعي تظل تصب
وتتحادر دمعتـــــــه
،،،،،
ماذِل اولا طخ راســـــــي
بس الربي يهل الكوفـــــه
جدي انه الحمزه اليسصر
لحد ينسه ذيچ چفوفـــــه
انه الماچانت هاي الــــگاع
اخيالي لحضه تشوفــــــه
غدرت دنياكم بيّـــــــــــــــه
وهسه وياكم صح مجتوفه
بت باء البسملــــه
وملوحة كربلــــــه
بالكوفه انه عشت
تعرفني مدللــــــــه
،،،،،،
اثار المرسل عــــــــــــدنه
وريش جناحه لسه بداري
بالتورات وكل صـــــــــوره
وسط المصحف تبقه اثاري
مذبحوحه اخواني اولـــدي
ولهم ضلت تسعـــــــــر ناري
بس زينب ابقه ام عـــــــون
وابقه العفه بكل مقـــــداري
صح بچفوفي الحبل
بس بدموعي ارتــجل
انه امي فاطمـــــــــــه
والمـــــــــحسن ما أذل
،،،،،
لخادم الحسين ع
محمد الفهداوي
شيب وجهه تعبان
چبد وگلب عطشان
حرمه بوسط عدوان
خويه گلي شضال بيه
*
انه اول مره شافت_ تنذبح رگبة طفل
الموقف الثاني بصلاتي_ بعده مشدود الحبل
حمل طفين اعله متني_ سبي الخدر والجتل
المايخاف من الله صار _بكيفه يحديهه الهزل
كلبي تعب ويصيح
اوكف يوجهه الريح
كلساع راس يطيح
عينك تصد بس عليه
////////////////////////
شيباني السبي خويه - وضهري احسنه انكسر
وين هسه انت كلي- اطفالك بنص الخطر
احنه موخالقنه- الله ثنينه مثل الگمر
تعرف باختك جبيره - همه راموهه بحجر
ضهري انكسر مرتين
ومزوركه. الجفين
قران وضوه مضيعين
انجوه گلبي وي اديه
**
الكاع بيهه شكثر شوج- بدمعتي صورت ضلع
انه امشي لاجن انته- گلي تبقه بياوضع
علرمح راسك اشوفن - وعينك تهل الدمع
راسك ينزله ويرجعه _وتعبوه من الرفع
راسك مشه وياي
وجروحك انت هواي
وماضگنه احنه الماي
تعبونه وماكو فيه
***
ينزل الروس ويسبني_ الماكو گطره بگصته
من التنزل والتصعد_ عبد كبرت رگبته
والتراب بوجهه باقي _وأمه حسره بشبگته
عشره وي الرمح صار_ وعاف حضن الربته
من الرمح دم طاح
وتهتز اشوف ارماح
عبدالله مامرتاح
كون انزلهن اشويه
****
تسعه واثلاثين يوم_ بروسكم متصابحه
و ابداية ضعني راسك_ أخذ دور الفاتحه
ارماحكم ايات جنهن_ كل صباح امفتحه
خويه ارد اركض الرمحك_ بس يكضني المستحه
گضيتهه بدمعات
ذبحوني بالنضرات
كلساع كالومات
اسمي صار انه السبيه
**
سيد محمد الهاشمي
اجمل انسان... ميت عطشان
حاچاني وگال.. ابصوته التعبان
اودعك خلي ارتاح
اخوي بأيدي بس راح
ثكيل وعالنهر طاح
اينازع شفته
$$$$$$$$$$$$$$$$$$$$$
ضهري الچان الك مسند وسفه الكاع شابكته
وراسي الرافعه بااسمك هسه ارماح شايلته
بحر الشمس شفته ... وبچفوفي گلبته
خرب معانيه ... ضهره انچوه وشلته
عيونه الحلوات.. هم مطفيات
حدب ضهري.. بصفه ساعات
گلبه هوايه مشلوع
نزل دمه وي الادموع
اسمع طكت اضلوع
اينازع شفته
////////////////////////////////
الماله اخوان وكت الضيج تلگه اعيونه تتحسر
ياعباس عفتلي اخيام وسط الهيمه تتطشر
يمك واحس غربه .. يا صعبة الصعبه
ماترجع ايامك .. دمعي كسر كلبه
يمي الشمات.. تزرع نظرات
واسمع يا ناس .. عباسك مات
حجيهم زاد الونين
شيصير بنصهم احسين
احضنك حاير منين
اينازع شفته
////////////////////
كلشي يهون يا عباس بس صعبه اعله اخوك اتموت
اوسد راسك ابحضني ويشح منك عليه الصوت
بعينك شفت نظره.. عالخيمه متحسره
يمواعد اسكينه..كالتلي منتظره
ارجع ارجوك.. موينتضروك
بالخيمه اعيال ..كلهم يردوك
يماي بعين الزغار
عطشهم يشعل النار
هضيمه اكبالي تحتار
اينازع شفته
////////////////
الحجي هوايه وذبح لاحك ركبتي وبالعطش يبدي
سره الخيل وسيوف تريد تاخذ حيف من عندي
متحضرين اهواي.. من العطش للماي
وتسولف الشمات.. طايحله الوفاي
هجمو يردون ـــ شي يتشفون
وسهام اتريد ـــ من وجهي اعيون
رمل يجويها الجروح
وسهام اطلع الروح
حمل بالصحره مطروح
اينازع شفته
///////////////////////
ارجع للخيم خويه زينب تنتضر ملگاك
والاصعب كله من هذا تروح وماارد وياك
للخيمه لورديت.. بيدك عذر وديت
كلهم خذاه الماي.. وبحسرتي ظليت
هذا المكتوب . راح المحبوب
جسمه العريان . وثوبه المسلوب
سلامي اعله خيم حيل
كمرهم يحرس الليل
يخيي بالك الخيل
اينازع شفته
//////////////////////
محمد الهاشمي
انه هُدهُد بني هاشم يكوفان
ارسلني إمام الإنس والــجــان
اجيت وشايل بچفي مكاتيبــــــــــه
گلت انه الها سهله حسين شيجيبـه
انه هُدهُد بني هاشم يكوفان
،،،،،،،،،
مشيت وعين ابو الاكبر
تسولفلي على الغـــــربه
شما ابعد گمت خطـوات
چني اتقرب الگلبـــــــــه
جبت من ماي زمزم ماي
فقط للرايد ايشربــــــــــه
چنت مثل الخيال ويــــاه
هوه وماعيشن بلايــــــــاه
ابن عمي وكشختي حسين
صرت محبس بچف يمــناه
توادعنه وسهرنه ثنينه اليــــــــــــل
الفجر وي النسيم اندز مراسيــــــل
رغم بُعد المسافه وجمرة الغيبــــــــه
گلت انه الها سهله حسين شيجيـــبه
انه هُدهُد بني هاشم يكوفان
،،،،،،،،،
ابن نساب وعرفكـــــــــم
ولايخفه الخفي عليــــــه
سعف وبريح تهتـــــــزون
يهل الكوفه يوميـــــــــــه
اليريد ايعيش حر ويموت
ويعوف العبوديـــــــــــــــه
وِحدهَ الفرصه موش ثنين
يفوز اليصعد وي حسيـــن
ولا عاصم لامـــــــــــــر الله
اذا التنور فار الحيـــــــــــن
سفينه وعين رب الكون ترعاهـــــا
وبسم اللهِ مجراها ومرساهـــــــــــا
نخاني وجيتكم من منبع الطيبــــــــه
گلت انه الها سهله حسين شيجيبـــــه
انه هدهد بني هاشم يكوفان
،،،،،،،،،
رسالة حب جبت وياي
مكتوبه بغصـــــــن ورده
حط بيها الحسين دموع
من عينه ودمع ولـــــــده
محمد والحسين بـــروح
موش ثنين بل وحـــــــده
ابو السجاد بيدر خيــــــر
موبس للبشر للطيــــــــــر
مضيف وزاده دنيه ودين
للرايد صدگ تغيــــــــــــر
اليحط كفت حسين وكفة ايزيد
مثل بعد الشمس عالگاع وبعــيد
بگلب ينبض عشگ مايعرف الريبـه
گلت انه الها سهله حسين شيجيبـه
انه هُدهُد بني هاشم يكوفان
،،،،،،،،،
اذا رايد الكوفه حسيــــــــن
تجيله تبوس شيباتــــــــــــه
امن احط علم الكتاب ايصر
قطره ابحر اياتـــــــــــــــــــه
لا آصف ولا سلـــــــيــــــــمان
يوصل يم كراماتــــــــــــــــــه
الورث ادم وحته ادريــــــــــس
بمحمد لونقيسه نقيــــــــــــــس
وحگك موبعيده عليـــــــــــــــه
اذا يطلب عرش بلقيـــــــــــــس
گبل خلق الخليقه حسين من نور
وگبل عاشور يدري ايمرّه عاشـور
بني هاشم تناخوا شيبه يم شيبـــــه
گلت انه الها سهله حسين يجيبــــــه
انه هُدهُد بني هاشم يكوفان
،،،،،،،،،
بياض گلوب منكــــم راد
هذا حسين مقصـــــــوده
المثل شيبة حبيب ايفـوز
يطب موسوعة اجــــنوده
يريد الينطي كون چفـوف
يلاگي الگاع بزنـــــــــــوده
دعوه وباقيـــــــــــــــــه للآن
يريد البالحقيقه انســـــــــــان
وبو السجاد مامحتــــــــــــاج
يجي وينصره ياهو الــــــچان
تذبحه سيوفكم وتنوح السيــــــــوف
گبال ام عون من ايطب للطفــــــــوف
لجل هاي الفجيعه وهاي المصيبـــه
گلت انه الها سهله حسين يجيبـــــه
انه هُدهُد بني هاشم يكوفان
،،،،،،،،،
لخادم الحسين ع
محمد الفهداوي
الهــلا بلسان طوعه مال بدويـــه
معزبه بوكت ماچانت عــزوبــــيه
اخترق قانونها كل القوانيـــــــــن
بطاسة ماي دخلت گلب الحسين
،،،،،
بوكت چان الشجاع يخاف
من روحه ويســــــــــد داره
اول بيت بالكوفــــــــــــــــــه
انفتح وتلگه خطـــــــــــــاره
الهلا بلسان طوعه تگــــــول
سيد يمتلك شــــــــــــــــــاره
الهوه لو هب تنشده بـــشوگ
بالكت جايب اخــــــــــــــباره
اليّگول الكوفه بسمچ خل نسميها
سبع فوات الچ هيه ونواحيـــــــها
تشعل نار يم الباب يوميـــــــــــــن
بطاسة ماي دخلت گلب الحـــسين
،،،،،،
اعله نار الشوگ منتظــرة
وبيدها گاعدة وتــــحسب
وتفوّح چلمة اتفضــــــــــل
يمسلم والحنان يهــــــــــب
بيدها طاسة مالت مــــــاي
من ناگوط ماي الحــــــــب
اتعرف مسلم يجي تـعــبان
ومتانيته للمـــــــــــــــغرب
الزلم تندار فدوه يم عـــباياهــــــا
مره وتسوه الف رجال وگفتهــــــا
والجيته شكر صلت ركعتـــــــــين
بطاسة ماي دخلت گلب الحـسين
،،،،،،
مره وتسوه عشيرة شيوخ
تنعد بألف زلمـــــــــــــــــــه
مسلم من اجه مكــــــسور
طوعه ظلت تحزمــــــــــه
سابع جار يعرفـــــــــــــــها
عفيفه ومنبع الحشـــــــمه
تراب جدامها التاريـــــــخ
واجب ينحني ايشمـــــــه
مبخرة البيت طوعه وتنتظر جيته
وديوان الضيافه العصر فارشتـــــه
نقيه وضل ذكرها خالد سنيـــــــــن
بطاسة ماي دخلت گلب الحـسيـن
،،،،،،
ابن نساب ويميــــــــــز
ويَعرف ابنادم امن اصله
گبل ما چفه دگ الــباب
شاف الدار بي خصــــله
بيها أمعتبرة وبت نــاس
وهذا الرايد ايحصـــــله
مسلم غايته ايصلـــــــي
لله ويختلي بوصـــــــله
لگه مصلايه مفورشه ولگه تربــه
وسجد مسلم شكر لله ودعه ربـه
شم ريحة وفاء وفاضت العيـــــن
بطاسة ماي دخلت گلب الحـسين
،،،،،
دخل مسلم الدار وشـــاف
بكل حايط اسم غالـــــــي
مكتوب النبــي المخـــــتار
وحدرة اسم الوصي الوالي
لمن شاف اسم حســـــــين
ضلت دمعته تلالـــــــــــــي
حط ايدة اعله اسمه ونـاح
وچان اسم السبط عالـــــي
حچه وي الحسين ودمعته بعينـه
حط بنتي حميده بخيمة أسكينــه
يبن عمي اليتم يحسين مــــــوزين
بطاسة ماي دخلت گلب الحسيــن
،،،،،،،
لخادم الحسين ع
محمد الفهداوي
فراگك والمنيه مرورتهن سويه
انه الميته من ضعنك طلع للغاضريه
يحسين العماني هجرك موزماني
انه الميته من ضعنك طلع للغاضريه
،،،،،،،،
من كثر نوحي شيبي بجروحي وناري بنفاسي
الساكنّه بعيني صورة حسيني وتفتر براسي
يمته نتلاگه يذبح افراگه وينزف احساسي
خيمة الساده وقائد القادة هوه اعز ناسي
شما اقره الزياره تبچي تبقه داره
سلاماً عالحسين الفوگه داسة لعوجيه
يبن الزهره تدري هاَجَر عني عمري
انه الميته من ضعنك طلع للغاضريــــه
،،،،،،
موفگد ولدي اليمرد بچبدي فگد ابو اليمه
تنزل دموعي وتنحني ضلوعي من يمر اسمه
وانه ملچومه اشتم هدومه وغفه لوشمه
عيوني احس بيها الدمعه تچويها ورايده تعمه
ميته وابقه اتاني لمن ودعاني
انه العايشه ضلت على قيد المنيه
احجيها الحقيقه من اول دقيقه
انه الميته من ضعنك طلع للغاضريه
،،،،،،
من اجه الناعي زيّد اوجاعي ضل يحاجيني
گتله لاتبدي بالجره ابولدي اخبرني بحسيني
گلي عن جعفر بالطف توذر ودمّعت عيني
گلي عبد الله وجرحي أحس صله وسجدة سنيني
حاچاني بدمعته عن الكافل اخته
چفوفه تگطعن يم النهر راعي الحميه
ياوالد سكينه ذبحتني المدينه
انه الميته من ضعنك طلع للغاضريــــه
،،،،،،
ياضوه الديره امك بحيره وعازتك عازه
يبني ماتگدر الدفنتي تحضر تشيل الجنازه
ينخطف لونه وتنعمي عيونه اليفگد عزازه
تعبي الك فدوه جيتك حلوه يابو المجازه
ترضه ايشيعــوني غربه وماتجوني
ميته ويمه افتح حضني الك يبن الزجيه
بيت امك لحدها ياكبرة ولــدها
انه الميته من ضعنك طلع للغاضريــــــه
،،،،،،
اوي العليله انعه واذرف الدمعه والفجر ينطر
ترسم گبالي جثت الغالي ينزف المنحر
تراب الم بيدي بگد مواعيدي وابني الك منبر
ونعقد قرايه وجرحك برايه ينزف ويكبر
زينب من اجتلي عن الطف حجتلـي
گالتلي التحبينه انذبح بسيوف امــيه
يَم عون انه حالي ذبحتني اليالي
انه الميته من ضعنك طلع للغاضريــه
،،،،،،
لخادم الحسين ع
محمد الفهداوي
ماترضه عيني تنام ماترضـــــه
وماغضت للنوم ابد لحضــــــــه
بويه بويه انه العليله
،،،،،،
جني بحلم وتحاچه وي روحــي
وسهرانه طول اليل وي نوحــــي
من كثر ما ابچي على احبابـــــي
الگه ملح صاير على جروحـــــي
هسانه مدري بحلم لو يقضــــــه
بويه بويه انه العليله
،،،،،،
الحسبات يهلي شربت ارسومــي
وبگد صوركم صارت اهمومـــــي
من كثر مانوحن نحل جســــــمي
عليّه چبيره صارت اهدومــــــــي
كلمن قسمته وكلمن اوحظـــــــــه
بويه بويه انه العليله
،،،،،،،
مرورة فگدكم شيّبت راســـــــي
ومكسور گلبي وينزف احساسي
كل مغربيه اختنگ وتشاهـــــــــد
بل ياعلي يالله اجذب انفاســـــي
مامر عليه النوم ومغمضــــــــــــه
بويه بويه انه العليله
،،،،،،،
وين التحبه الروح عافانــــــــــي
بين المنيه وبين نيرانـــــــــــــــي
ضل جار يشكي الجار من عـندي
من گد نحيبي شال جــــــــيراني
بلون الذهب چنت اشبه الفــضه
بويه بويه انه العليله
،،،،،،
كاروك عبد الله وملابسكــــــــم
بيهن أشم أودوّم اعاتبكـــــــــــم
يهلي الصده يذبحني كل مــغرب
چي فارغه ضلت منازلكـــــــــــم
من علتي سهم الهجر امضــــــــه
بويه بويه انه العليله
،،،،
ماي اسود من النوح بعيونـــــي
وصوط الهجر ورمهّن امتونـــي
لو هسه كون التلاگه وياكـــــــم
متغيره حيل وماتعرفونــــــــــي
بالحايط الزم يا الله اتوضـــــــه
بويه بويه انه العليله
،،،،،
لخادم الحسين ع
محمد الفهداوي
كل ليله طيفك يجيني
واشكيله همي وحنيني
ليليه تغفه بدمعــــــــها
يالغالي لو تدري عينــي
،،،،،،
يكضني منيدي جرحك وامشي مسبيه
يمرني اعله القصر يابويه ليليــه
ولاچني عزيزت گلبك وروحــــك
ولاچني زغيره واني علويـــــــــه
يالغالي هجرك عمانــــي
نحلني بويه وسبانــــــي
خلاني ليليه اجيـــــــلك
من خيمتي ومن مچاني
ويحبني بويه بجبينـــي
كل ليله طيفك يجينـــي
،،،،،،،،،
تجيني بطيف وَتباوَع على رسومك
وذب الوم عالكوفه ولالومــــــــــــك
وگلك من كثر ما انه مشتاگـــــــــــه
افز باليل وركض وشتم اهدومـــــك
لهدومك اركض واشمهــا
بنتك تفز من حلمهــــــــا
شمحله البنت يمها ابوها
وانه الأبو ماهو يمهـــــــا
ادعيلك ابچف يمينـــــي
كل ليله طيفك يجينـــي
،،،،،،،،،
يخلص اليوم اگولن لا يرد باچر
مغيبك فوگي يسحگ سحكة الحافر
لانه الميته لانه العدله يابويــــه
عفت بنتك حميده تكسر الخاطر
يوميه اعيش المنيه
وداعة سكينه ورقيه
يابويه ليمت تردلـــي
ونگعد نسولف سويه
ضل يبچي عمي الونيني
كل ليله طيفك يجينـــي
،،،،،،،،،
البنات بگدي كلمن يمها والدهــــــا
ونه الضلت يتيمه وتنعه وحدهـــــا
دمعتي من الصبح حد الصبح تجري
واثر من البواچي بيّن بخدهـــــــــــا
تشبه غربتك غربتــــــي
اچوي الجمر من دمعتي
يابويه كلما اذكــــــــــرك
للكوفه توصل حسرتــــي
يا عمري انت وسنينـــــي
كل ليله طيفك يجينـــي
،،،،،،،،،
يبويه وداعة العشره والم فگدك
نعش چني نفس مابيه من بعدك
اموتن وانه اختهم واليتم صعبـه
اذا بالخيمه وگفوا بويه كل ولدك
ضلينه ولدك يتامه
سهرانه ليلي شنامه
يابويه لمن تجينــي
وياك تلفي السلامــه
عطشان من يعتنينــــــي
كل ليله طيفك يجينـــي
،،،،،،،،،
لخادم الحسين ع
محمد الفهداوي
يبو فاضل رسايل عتب وديت
الك امشي ولبو السجاد وديت
جرح كلي صرت لحسين وديت
واريداً فزعتك عباس اليــــــه
،،،،،،
اريدن فزعتك ياصاحب الـــــــفزعه
عليك بنحر اخوك وخنصره وضلعه
عليك بستر زينب ومك البضعـــــــه
اما تدري عليه انطبگت السبعــــــــه
انوبه بكيفك ضلت
وانته الحاكم والدكتور
،،،،،،
محمد الفهداوي
ماجربت يسحين الفراگ
هلگد يعذب والله مشتاگ
نبض الگلب يحسين يحسين
ويوميه اموت عليك مرتين
،،،،،،،،،،،،،،،،،
بزيارتك سر سيدي
سر الوجود اتوقع
مشتاگ أَعَفّر جبهتي
عله اعتابك اني ارد اركع
لوطاري اسمك ينذكر
يرجف دليلي ويخشع
ومشي بصفنتي الكربله
ومن حلمي ماريد ارجع
اتمنه اسمي ينكتب كون
بدفتر حبيب وداعة ام عون
شمحله الهوه بين الحضرتين
ويوميه اموت عليك مرتين
،،،،،،،،،،
يالعودتني من الزغر
انه اغفه بين احضانك
ومامره اذكر سيدي
لحضه انهجر ديوانك
لسابع سمه صيتك وصل
وغرگني جود احسانك
يملوحة الطف كل فجر
انه استمع قرانك
لزيارتك يحسين حنيت
لو ما ازورك انحسب ميت
كل لحضه تنعد سيدي سنين
ويميه اموت عليك مرتين
،،،،،،،،
حن الگلب لزيارتك
يالساكن بنص روحي
كل ليله من ليل الهجر
انه انسبي أوي جىروحي
سابع سلف ضل يستمع
حزني وعذابي ونوحي
ياروحي چا يمته التقي
وي سيدي ومذبوحي
بدلالي شلتك سيدي صواب
ومن مهدي عشت بنار المصاب
وداعت حسرتي ودمعة العين
يوميه اموت عليك مرتين
،،،،،،،،،
عطشانه عيني الحظرتك
بس گبتّك تروني
لوماكو مشايه انتهي
وتبره من رجليني
عبدك وبن عبدك اضل
خادم الك يحسيني
بعمري أشتريها زيارتك
وبأي ثمن تدريني
مابالغت وجفوف عباس
انته شريك الدم والأنفاس
صاحب وجه ماعندي وجهين
يوميه اموت عليك مرتين
،،،،،،،،،،
لخادم الحسين ع
محمد الفهداوي
انطوني ماي وجبــــته الك
أنزلي بويه اتوســـــــــــــلك
نفسيِ نگطع مالوح يالغــالي
گل للرمح خل ينحني گبالي
،،،،،،،
ما اشرب گبل ماتشرب المــــــــاي
شفافك ذابله يانور عيـــــــــــنــاي
حاچيلي الرمح خل ينحني هواي
نگطع نفسي وحساً بالشمر جـــاي
بويه انه رقيـه
تتراجف اديــه
تدري منــــيـــن
تدري منيـــــــن
من اسياط اميه
رجليه حارگها الجمــــــــــر
الماراكظه شبعت هطـــــــــر
بويه وحنناك ذاب دلالــــــــي
گل للرمح خل ينحني گبالي
،،،،،،
ضهر الناگه عالي والمشي بساع
وچم مره طحت يابويه عالگــاع
مني تهشمت هم تدري الضـــلاع
طفله وشاب راسي مـــن الوجاع
ناگه شرد اگلها
ملت من حملها
تدري شـــــلون
تدري شلـــــون
داستني برجلها
اتمنه راسك بي حضــــــــــــن
حتانــــه اشبگــــــــــــنك وون
مشتاگه اشبكك وشتكي حالي
گل للرمح خل ينحنــــي گبالي
،،،،،،
حضنك بالطفوف وراسك الان
من فوگ الرمح يقرالي قــــرأن
دنيه بدون حضنك دنية احـزان
صرت خيمه وگلتني نار عـدوان
بلحيتك كون اشمك
وغفه ساعه يــــــمك
بهذا المــــــــــــــــــاي
بهذا المـــــــــــــــــــاي
اغسل بيدي دمـــــــك
تراب ودمه فوگ النـحــــــر
چم مره مصيوب بحجــــــر
شماعاينتلك دمعتي تلالــــي
كل للرمح خل ينحني گبالي
،،،،،،
من نحرك حنان يجيبلي الريــــح
واصيح افيش عطرك چنه تسبيح
مخنوگه بعبرتي ودمعتي تصيــح
البحضنك تنام تگوم وطيــــــــــح
احچي وگلبي مكسـور
وخدي البسته مصطور
بويه حسين
بويه حسين
بينه شسوه عاشور
عاشور شهر الفاجعه
من العاشر انه مروعه
مصدر عذابي وحزني وهوالي
گل للرمح خل ينحني گبلـــــي
،،،،،،،
باچر بالخرابه من التقـــــي وياك
اريد بحضني اظمك ومسح دماك
وخلط دمع عيني ودمع عـــــيناك
نذر اله اموتن باچر اهنــــــــــــــاك
المن روحي تبگــه
ابچي عليه بحرگه
روحي تفيـــــــــض
روحي تفيــــــــــض
راسك من اشبــــگه
راسك اذا شفته بطشـــــت
اعذرني لوفوگك متـــــــت
هل منظر اله يصير چتالي
گل للرمح خل ينحني گبالي
،،،،،،
لخادم الحسين ع
محمد الفهداوي
خي عونه يابويه الرمــــــح
يشتم بنحرك بالـــــــــــدرب
اليوجعني يابعد العمـــــــــن
بويه الشتم موش الظــــرب
فدوه الزارگ البلمــــــــــتن
وطيحاتي من الناگـــــــــــه
بگد چبدك الظاگ العطـــش
هيچي اني الك مشتاگــــــه
كل ماعليه تباوعــــــــــــــت
من اخوتي ايطلعـــــــــــوني
انتي اليحبچ والـــــــــــــــدچ
وبسياط يتولونــــــــــــــــــي
شمسين فوگاي اصبحـــــــــن
وتشابهن بالصـــــــــــــــــــوره
وجهك شمس فوگ الرمــــــح
وتتبده منه حــــــــــــــــــروره
عطشانه بويه الوجنتـــــــــــك
وشفافي ظلآ صايــــــــــــــمـه
أمنهد الحوافر والذبــــــــــــــح
لليوم ابد مانايمـــــــــــــــــــــه
چتفوني بگماط الطفـــــــــــــل
موش بحبل چتفونــــــــــــــــي
ومن حظروا نوگ السبـــــــــــي
من جثتك جرونـــــــــــــــــــي
غطتني چم مره بحظــــــــــــن
عمتي ام عون الغاليـــــــــــــــه
من كثر ما اطيحن مـــــــــــتت
والناگه چانت عالــــــــــــــــــيه
بويه العماني منحــــــــــــــــرك
من كثر دمع احساســــــــــــــي
انه اليتيمــــــــــــــــــــه وشيبت
وبيض تحول راســــــــــــــــــي
گمت افرش بنص الگلــــــــــــب
مصلايتك ياروحـــــــــــــــــــــي
وجرحك يصلي بكل فـــــــــرض
وخلفه تصلي جروحـــــــــــــــي
موعدله ميته وبس نفــــــــــــس
ومروره احس ابريتــــــــــــــــــي
من طگني يابويه الشمــــــــــــــر
من اذني ذب ترچيتــــــــــــــــــي
لخادم الحسين ع
محمد الفهـــداوي
يحسين حبك بي الف سـر
انضر عليّه بنضرة الــــحــر
قربني الك قربني لخيامــك
واحسبني من خدام خدامك
،،،،،،،،
اجالك خادمك يحسيـــن
إمهبط إمن الخجل راسه
الشليل اترسه للمحتـــــاج
موش اليعتني بطاســـــــه
اجيت من الذنب غـــــرگان
جيّت ضايگه انفاســـــــــــه
ولچن گلبي يامـــــــــــــولاي
بسمك ينبض إحساســـــــــه
مذنب وجيتك لاتردنــــــــــي
يحسين اضيعاً من تهدنــــــي
خليني اعيشاً عمري بالامـــك
واحسبني من خدام خدامـــك
،،،،،،،،
العمر يحسين مهره كحيل
ويركض للگبر بيّــــــــــــــه
بالله وبيك يامـــــــــــــولاي
لحّگ واعطف اعليّــــــــــــه
الله بگلبك اشگـــــــد حاط
يابو سكينه حنيـّــــــــــــــــه
خاتمت العمر يحسيـــــــــــن
خل يگضي بحسينيــّــــــــــه
طمعان مولاي بحميتــــــــــك
خليني يحسين بثنيتــــــــــك
مو فدوه لا فدوات لجدامـــك
واحسبني من خدام خدامـــك
،،،،،،،،،،،،
چانت نضرّتك يحسيـن
للحر غيرت وضعـــــــــه
وصح ذاك المثل من گال
كلمن صاحبه وربعـــــــــه
امعدل ونته ابن شيــــوخ
وصاحب مرجله وفزعـــه
اقبلني امحلفك ابعـــــباس
وزينب ومك البضعــــــــــه
ابدفتر حبيبك سجل اسمــي
خليني يمك ونت يمـــــــــــي
وانذرها باقي ايامي ليامــــــك
واحسبني من خدام خدامـــك
،،،،،،،،،،،،
بديت من المهد ويــاك
من جانوا يرضعونــــي
وابچي وذكر العبــــاس
اخيك من يگمطـــــوني
اشوفاً صورتك بالمـــاي
كلما اهلي يسگونـــــــي
وغيم من يهل عاشـــور
وابچي وينخطف لونـي
مكروه لا گلت اعله مـــــــــوده
والعيد اعيدة اهدومي ســــوده
دوم انه ابچي امن اذكر ايتامك
واحسبني من خدام خدامـــــك
،،،،،،،،،،،،
الناس براي وانه براي
شاغل فكري عاشـورك
وحزنك مو عشر تيـــام
ويام المشـــــــي انزورك
اه يحسين يامنحــــــــور
عايش ونه منحـــــــــورك
بضاعة خادمك مُزجـــــات
اعليه اتصدق ابنــــــــــورك
بداعة عزيزتكم رقيـــــــــــــــه
فدوه ابرضه اتصدق عليــــــــه
مديت اديه وابچي جدامــــــك
واحسبني من خدام خدامـــــك
،،،،،،،،،،،،
لخادم الحسين ع
محمد الفهداوي
اضل امشي اعله درب الصـبر ماضل
وعليه الوكت لحضه ضــــلال ماضل
رقيه بجربة العــــــــــباس ماضــــل
ماي ومن عصر رد خالي اليــــــــــــه
محمد الفهداوي
ايام ايام نبات اعله الترابـــــــــه
بالشام بالشام سگف مابلخــرابــه
نستضل بچفوف ادينه
لابرد لاحر تقينــــــــــه
،،،،،
بنص بنات حسين
يجري دمع العيــن
والتفز باليل اگلها اسم الله عمه
گعده أخلص اليــل
بيّــــه ماضل حيــل
گلبي مجروح عله خوتي ويجري دمه
ايدي اعله خـــــــــــــــدي
ونامت رقيه گبالــــــــــــي
سهرانه وحـــــــــــــــــــدي
واحچي وي روحي الحالي
حسبات حسبات گضه اليل اعه اخوتي
شهگات شهگات احس كله شهگه موتي
من السموم اتغيرينـــه
لابرد لاحر تقينــــــــــه
،،،،،
من سياط الگـــــوم
بسكنه شفت دمـوم
تبچي وتگلي يعمه متني متني
بگلبي نار اخيــام
بگد عذاب الشــام
والخرابه البتنه بيها موتتنـــــي
كل ساعه طفلـــــــــه
مرعوبه تگعد خايفــه
وگلبي تجملـــــــــــــه
من طيفها شماشايفـه
باليل باليل اصلي وانه گـعده
والحيل والحيل رحــل وي الاودّه
عيلت اسياد المدينـــه
لابرد لاحر تقينــــــــــه
،،،،،
الما طلعلي خيـال
بيدي هسه حـبال
بت امر الدنيه كلها وبت زچــيّـه
چاري نفسه يـگول
عد علي معقــــول ؟
بنيّه ماسمع ولامرت عليـــّــــــه
من عگب اخوتــــــــــــي
بالسوگ مرني الحـــــادي
اتمنه موتـــــــــــــــــــــي
وي اخوتــــــــــي وولادي
ديوان ديوان شمرهم دخلاني
خوان خــوان فلاخله زمـاني
بلوه ياناس ابتلينــــــه
لابرد لاحر تقينــــــــــه
،،،،،
عمري بالخمسيــن
فارگاني حسيـــــن
والأخت تشبع مذله عگب اخوها
بلايه هودچ جـيت
حالي حال المــيت
ناگتي الجيت انه بيها بدلوهـــــا
كل ديره تلتــــــــم
لمن نطبها علينـــــه
وضلت تصــــب دم
منّ الحجار اسكينه
كلساع كلساع نسمع شتيمّه وصايح
عالگاع عالگاع راس ابو الأكبر طايح
اليبچي خل يبچي السبينه
لابرد لاحر تقينـــــــــــــــــه
،،،،،
ديره ماكو انسان
واحنه بس نسوان
والخرابه ضلمه چانت بتنه بيها
شما رقيه تنــــوح
مادرت مذبــــــوح
اينادي سجّان الخرابه سكتيـــها
صحت ابدمعتـــــــي
جيبلها راس الوالـــي
ياعمه سكتــــــــــــي
شويه ويجيچ الغالي
عالراس عالراس شبگت رقيه حسينها
انفاس انفاس گطعت وغمضت عينها
هذا كله المر علينـــــــــــــه
لابرد لاحر تقينـــــــــــــــــه
،،،،،
لخادم الحسين ع
محمد الفهــداوي
انه براسي العشگ يشبـــــــه
جنون وشوگ عابــــــــــــــس
مثل هذا النفس عنـــــــــــدي
احب هاي المجالــــــــــــــــس
راحت بالي مَن اتعب للحسين
،،،،،،
كبر بين الخدم صيتـــــي
وشكرت الله اعله تربيتي
حسيني من المهد يلگـــه
اليدوّر يقره جنسيتــــــي
انه براسي ضعن يفـــتــر
ونه تربايت المنبــــــــــــر
ونه حسين بضمايرنـــــــه
شعار انكتبت ابيتــــــــــي
رقيّه بعيني شايلــــــــــــها
وعليله بدمعي اغازلهـــــــا
وعلي السجاد بجروحــــي
وسبي سالبلي عافيتــــــي
رسايل تنزل دموعـــــــــــي
وسوالف بالراسيـــــــــــــــل
أبو فوگ الرمح راســـــــــــه
وضعن للشام شايــــــــــــــل
ابچي الزينب اختك والنساوين
،،،،،،،
وحگ كل غيره بالگـــصـه
كلت ماضيع الفرصــــــــــه
العمر سخرتّه للخدمـــــــــه
ولا للدنيه ضل حصــــــــــه
مذله العيشه من ذونــــــــك
زلم شفت اليخدمونــــــــــك
يسالفتي العشت بيـــــّـــــــه
وغرامي وقصتك قصــــــــه
يحسره العايشه بصـــــــدري
اكيد بخادمك تــــــــــــــدري
اذا ما اخدم بموكــــــــــــــب
تموتني الف غصـــــــــــــــــه
هاي النعمه مو سهلـــــــــــــــــه
يا وادم جبــــــــــيـــــــــــــــــره
الشيخ حسين والتخـــــــــــــدم
حدر ايده عشيــــــــــــــــــــــــره
حبك يجري يبقه بالشـــــــراين
،،،،،،،،
يگضني لابرد لاحـــــــــــر
خلگ ناعور اضل افــــــتر
انه المحتزم برايـــــــــــــه
وأشداً حيلي بالمنبـــــــــر
ينام اليل اضل صاحــــــي
أشد بحيلك صفاحــــــــي
انه بجيناتـــــــــــي ياوادم
كريات الدمه قنبــــــــــــــر
العشگ صفنته من عشگــي
انه الحبي الك صدگـــــــي
انه الشلتك وصط گلبـــــي
بمكان الأبهر الأبهــــــــــــــر
اموتن من اعوفنهــــــــــــــــــا
ياناس الخدامــــــــــــــــــــــــه
بلايه الخدمه احس منفـــــــي
شيخ بلا عَمامــــــــــــــــــــــــه
بحبك ضلت تحسدني السلاطين
،،،،،،
نسم الشوگ ليليـــــــــــّـــــه
يغازل ريت الريـــــــــــــّـــــه
وشوف حسين ابو اليــمــــه
مضيف واگعد بفيـّــــــــــــــه
لگيت المشتري عيونــــــــــي
حسين ولا تلومونـــــــــــــــي
سمعت امي تناغيلــــــــــــــي
حبيبي شمحله طاريـــــــــــه
انه الحارگني عاشــــــــــــوره
واقدّس كلمن ايـــــــــــــــزوره
وذا حاجه عصت عنــــــــــدي
گبل ماندبه مگضيـــــــــــــــــه
العبد من يخدم اســـــــياده
يهنياله اعله حـــــــــضــــــــه
واكيد حسين يتقــبــــــــــــل
خدمتي وعني يرضـــــــــــــه
يقرهَ براسي حمزة ومره ياسين
،،،،،،،،
تراب الخدمه بهدومــي
يوگع اذنبوي وهمومـــي
التعب كلما صبغ وجهي
بياض ايصير برسومـــي
الهلا من گلبي اطلعـــــها
الاخرس يبقه يسمعــــها
الخدامه عاشت بروحـي
وحسها تجري بدمومــي
وحگ الأكبر وجاســـــم
چبيره گلمت الخــــــادم
شعور وراحه مايوصـــف
اذا يخلص تعب يومـــي
عمر وبلايه هل خدمـــه
مضيف بلايه ناســـــــــه
وذا خادم يمر بيّـــــــــــه
أبوسن حتى راســــــــــه
لومر خادم بيّـة إيكحل العين
،،،،،،،
لخادم الحسين ع
محمد الفهداوي
الشام وعــــــذابه وحر الخرابـه
ما ناسي الحسين عايش مصابـة
،،،،،،،،،
حبالي بيدي ودم وريـدي
ينزف ويبچن خواتي وعمتي تنـــــوح
دمعي يجري ومحني ضهري
بعدد روس اهلي شلت ياشيعتي جروح
انه ميت من مصاب الغاضريــه
من مشه ذباح ابوي ويحدي بيه
بس نفس ضليت من ماتت رقيه
الفاگد عشيــــره وعمته اسيره
حگ يهمل العين عايش مصابـة
،،،،،،،،،
من سبوني ودخلوني
مچتف الديوانهم وبصفي الايـــتـــــام
لوعه بيه للمنيــــــه
اشد من جرح الطفوف مصيبة الشام
مچتف وديوان كامل بس شماتــه
وراس ابوي الضالم ايضربه بعصاته
انه الگباله الشمر يضرب خواتـــــــه
وعيوني تهمل ياشده احمل
مايرحم البين عايش مصابـة
،،،،،،،،،
مانسيتـــه شگد بچيته
فوگ زادي أبقه ابچي ودمعتي تسيــــل
اذكر اضماه وريچه وشفاه
واذكر ضلوعه العليها داست الخيـــــــــل
صعبه انسه الجمّعت جسمه بحصيره
وصعبه انسه الگمر عمي الكله غــــيره
صعبه انسه ام الخدر راحة اسيــــــــره
كل مغرب اذكر الگطعوله خنصر
كل هاي السنين عايش مصابـــة
،،،،،،،،،
من عفتهــم وفارگتهم
رافگاني الهم وجسمي صار نحــــــلان
ريچي ينشف واذكر الطف
اليبّس ارياگ الحسين ومات عطشـــان
ايا ركض ايتامنه وحرگة خيمنــــــــه
ونومه كلهم عالترب اهل المحنـــــــــه
عطشتنه كربله وذبحت زلمنـــــــــــــــه
چم طفله يمــــي تنده يعمــــــي
انطي الوجه وين عايش مصابـــة
،،،،،،،،،
شتمونه وشامرونه
الشام من فوگ الصطوح بذاك الاحجار
دمعي يذرف ونحري ينزف
الجامعه تجرحني كلما للنسه انــــــــــدار
يامرار السوگ ذاك الموت اختـــــــي
وغير ام عون الچبيره وهل دمعتـي
الشام عذبنه وشلع دلال عمتـــــــــي
نبچي وضحكهم يشبه طبلهــــم
بدلالي ناريــــــن عايش مصابـــة
،،،،،،،،،
لخادم الحسين ع
محمد الفهداوي
فاگـــد اهـــواي الحــــنــان]
[ انــته ويــــــــن بيـامـكـان]
بروحي اتمنى اشتريك
بعازتك دليني بيك
~~
چم رساله بماي ادزلك بلكي تقراهه اريد
بيهه حب وعيوني طاحن ماكو حب غيرك يفيد
اليحبك هذا فاهم جنه عايش من جديد
بمملكة خدمة خدمتك احسبني احد هل عبيد
خيط بثيابك اصير//مسوي اليخدمك امير
كون تلزمني باديك
بعازتك. دليني بيك
~
ذبلت جفوني بواچي ومابچيت الهسه دم
انه هسه يم اخوتي بالمجالس والخدم
وانته وحدك ياحبيبي عايش بهذا الالم
امن الصبح لليل تبجي عل چوه گلبه السهم
تعرض كبالك صور // من خيم حد النحر
ياصور تعرض عليك
بعازتك دليني بيك
~
الهاضمك باب التهدم والوراه اطهر بشر
لوعله احسينك بگائك الچم ضلع منه انكسر
لوعله عبدالله جرحك لوسهم گاطع نحر
النار المچويه دليلك بعينك هوايه وذر
تاخذ بثارك نريد//من عمر والحد يزيد
رمل ساعه حزني ليك
بعازتك دليني بيك
~
عايش اللچمه بغيابك وانت چم لوعه تهل
بعينك اخيام وسبايه وصعدو عمتك هزل
الجمعه تعرضلك مصايب بعينك اتشوف الچتل
الشيب تارسها لحيتك يساعدك الله وعدل
مغرب وخنگه ضلام//وانه ابعثلك سلام
روحي ذبلت وارد اجيك
بعازتك دليني بيك
~
ع الخواصر گاضي عمرك وعمري مامديت ادي
شما اكول عيوني ذبلت بالبچي ايردن علي
روحي صحره ابدونك انته ساجيه ومابيهه مي
هيه راحة بالي يمك ولو رحت مااسوه شي
ضايع ابلايه هواك// والله محتاجه رضاك
للگلب حبك مليك
بعازتك دليني بيك
~~~~
محمد الهاشمي
يامسلم گوم ادب عسكر الكوفــــــــــــه
،،،،،،
شد حيلك يبعد الحيل ياهيبة هواشمـها
سيفك يشبه الفقار وشتاگ الجماجمهـــــا
مامتعلمه هاي الناس فوت عليها علمـهـــا
بالميدان انت التسطر چفوفـــــــــــــــــــه
،،،،،،،،،
يمك صار حفنه ارماد مسلم هل جمع كله
سيفك بي دوه ومنحوت وموصفينه للعله
عالذل ماغفتلك عين لا هيهات للذلــــــــه
انت الحيد وبصولاته معروفــــــــــــــــــــه
،،،،،،،،،
شد احزام فوگ احزام وانه بشيله اهوسلك
ومن تتوصط الميدان طوعه اتضل تهلهلك
ذوله ارجال موش ارجال مابيهم كلف مثلك
حط بالجيش من اتهد الف خوفــــــــــه
،،،،،،،،،
باز وطير فوگ الجيش ولگط بيدك الصيده
قائدهم يمسلم طاح حته السيف من ايده
موش اثگال جنهم ريش شردوا ترسوا البيده
انته الحوك تارس مرجله حروفــــــــــــه
،،،،،،،،،
الله وياك والعباس والكرار والزهـــــره
اليدنه عليك هذا يموت هذا الماحسب عمره
گص راسه واريدن كُون لعنان السمه اتشمره
من اتصول محد منهم اتعوفـــــــــــــــه
،،،،،،،،،
سيفك صار ملچ الموت شلته وزاعل گرابه
يفرح من يصير ازماط يتنومس عالطلابه
الغدروا بيك معروفين شالوا طبع الذيابه
ضوّگـــه الموت ياهو المنهم تشوفــــــــــه
،،،،،،،،،،
بزود حسين طب عالگوم وبهمت علي وحيله
فوت وشمّر اعله الچيش وتبختر عالكحيله
برمحك مسلم اتعنا من عرگه القصر شيله
هاي الناس بالذل كله مچتوفـــــــــــــــه
،،،،،،،،،،
لخادم الحسين ع
محمد الفهداوي
راعي البيت انت واني خطـــار
وطوعه تصيرلك خدامه بالـدار
هلا بريحة علـــي
شرف جيتك الي
راعي البيت انته وانه خـــطار
،،،،،،
بكل قانون راعي الدار مايحتار
ماين يدخل الدارة
حته الباب عينه عليك ومتانيك
منك ناطر بشارة
فرشت البيت الك ياصاحب البيت
وبخرته العصر والشكرصلــيــــــت
مو ماي اعله عتبة بابي مــــــو لاي
الجيتك شوگ ماي عيوني بديــــت
اريد بدفترك موقف الي ايصير
مثل سلمان لمن خلّـد الطيـــــــر
يتربات الـــــــولي
شرف جيــتك الي
،،،،،،
كل عطشان يامولاي يرجه الماي
عيني عطشت النورك
گبة خير جنها حسين حته العين
توضة رايدّه تزورك
هلا بطولك يمسلم والحچي هواي
تفضل طب ثنيتك فدوه مـــــــولاي
الله شگد يحبني وجابك اليـــــــوم
مره وادخل الجنه بطاست الــــــماي
واجب كون اطش الجيّتـــك ياس
حته تراب جدمك كون ينــــــباس
بعد عمري وهلـي
البخت جابك الي
،،،،،،
جيتك خير رفعة راس والعباس
بموقف ادخل الجنه
بيدي الباب والحيطان ياعطشان
الجيتك كون تتحنه
يالتخليني باچر راسي مرفــوع
والي حصه تصير بشهر الدمـوع
وگف جفك واباب البيت باســــاه
ودگ چفك الباب وصار موضــوع
خُمس بالبيت الك غير انت ملاچ
وسأل عيني گلها ياهوه بچـــــــاچ
فرح عيني تهــلي
البخت جابك الي
،،،،،،
گلبي ايصيح اهلن بيك ومتانيك
ينبض شوگ دلالي
چنها تشوف عيني اليوم بس مهموم
حيدر واگف گبالي
موصدفه امن اجيت الباري جاباك
واحسن گلب ابو السجـــــــاد وياك
اجيت وخير جايب من الحسيـــــن
الوادم ماتقدر شنهـي معنـــــــــــــاك
يبعد عيون طوعه البيهن اتشـــوف
تطمن روحي ماتعرف شني الخوف
بغدرهم مبتلــــي
البخت جابك الي
،،،،،،،
فدوه تروح هاي الناس ماكو احساس
رين گلوبهم اسود
وين الضــال والدجــال والمحــــتال
والخوّان والمرتد
الك مسلم سبع فدوات يروحــــون
خنگوا رحمة الله وصلفه العــــيون
رسالة انته بضرف وحســــين وداك
گبالك غمظوا ماراد يـــــــــــــــقرون
قريتك من گبل لا أفتح الــــــــباب
الهوه جابالي عطرك چنه ابو تراب
وفهمت اشمايلي
البخت جابك الي
،،،،،،
لخادم الحسين ع
محمد الفهداوي
مشه وين التحبه الـــــروح وضعين
اعله جرح الگلب ملح فراگ واضعين
زغيره وعشت يا هل ناس وضعـــين
وضع علتي وضع فرگة رقيـــــــــــــه
،،،،،،،
زغيره وهم البگلبـــــــــــــــــي بيادار
وعمت عين الوكت وسفـــــــه بيادار
انوح بدارهم لكــــــــــــــــــــــن بيادر
احس مثل الگبر صاير عليـــــــــــــــه
،،،،،
غفه اليل اعله عينـــــي ونتچه اليل
وحزن اضلم بروحـــــــي ونتي چليل
سبايه دموعي تطلـــــــع ونته چليـل
يرمشي ولاتبين خلل بـيــــــــــــــــــه
،،،،،،
الضعن يسري وترانه الهــــــــم سراباي
ورقت جودي وغديت الحگ ســـــرابي
هلي وجروحكم لزمـــــــــــــــت سراباي
مثل ما لزمت بروحي المنيـــــــــــــــــه
،،،،،
خادم الحسين
محمد الفهداوي
مدري شمالها عيوني
تدمع ونخطف لونــي
زينب خويه مامرتاح أحس مخنوگ صدري
بس لاگمر هاشم راح هوه حزام ظهري
،،،،،،
شياخذني زينب للنـهر
ثگلانه احس اجــدامي
عذريني لو يمه مــــــتت
وجنازه ارد لخيامــــــي
مو للفرات وداعتـــــــچ
لعيون اخيچ ضامــــــي
حزميني يَم عون بأفـه
وصيريلي انتي حزامي
خويه اصفاحي توجعني
راح الچان يسمعـــــــــني
دنيه وتخله من عباس تگظي شلون مدري
زينب خويه مامرتاح أحس مخنوگ صدري
،،،،،،
حته الهوه خويه أختلف
مرورة فگد گمت اشتــم
هسه انه يازينب صــرت
مثل الجرح يـــــنزف دم
حگَ الأخو الفگد الأخــو
من يحزن ويألــــــــــــــم
وفاتحته ينصب بالگلـــب
وعيونه تقــــــــــره المئتم
هنا يم عون حاچيني
وين النهر دلينــــــــــي
من گد الدمع ماشوف وحتاريت بـــمري
زينب خويه مامرتاح أحس مخنوگ صدري
،،،،،،،
مكحل چنت عيني بأخو
هسه الكحل ماهـــــــــوه
يازينب وداعت عــــــــلي
هسانه واگف گـــــــــــــوه
لوما فشل يمچ طــــــحت
وابقه انتحب وتلـــــــــــوه
راح امشي من يمچ عــدل
حسينچ يرد موهـــــــــــوه
رايح للأخو امشيـــــــــله
وگعد يمه وشكيلـــــــــــه
تعوف حسين اخوك شلون ياكفال خدري
زينب خويه مامرتاح أحس مخنوگ صدري
،،،،،،،
لحظه واحس گلبي ختنگ
بس لا عليه صاير شــــــــي
ادعيلي أمچ فاطمـــــــــــــه
ما انهطر من امــــــــــــــشي
من هسه احسن شيّبـــــــــن
راسي ولحيتي ورمـــــــشي
راح امشي ميت للنهــــــــــر
بچتافي شيلن نعشــــــــــــي
ادعي الباري والعالــــِم
يرجع للخيــــــــم سالم
وايدي بأيده كون تصير سالم يرد ضخري
زينب خويه مامرتاح أحس مخنوگ صدري
،،،،،،،
زينب اذا رديت الـــــــچ
وشفتيني افرك بيــــــدي
معناها عباس انذبــــــح
معناها راح اعظيـــــــدي
جيبلي ابني من المهــــد
خل احچي وي اولــيدي
راح اليرويك العــــــــذب
اصبر يزهرة عيـــــــــــدي
وحشه دنيتي بـــــــدونه
فدوه عيوني لعيـــــــونه
جيش بأكمله العباس كل اعداي تدري
زينب خويه مامرتاح أحس مخنوگ صدري
،،،،،
لخادم الحسين ع
محمد الفــهداوي
عمر الحنه أيام
مايتجاوز عام
اعجن بيد وادعي بأيـــــــد
زوج ابني ورزقه وليــوليـد
وباركلي بجسام
،،،،،،،
من الكاروك الهاي الحضه
سهرانه وماليله مغمضـــه
يمسهر عينـــــــــــاي ارباك
ياعوچيتي التالي ايامـــــي
كل وبالي تصير احـــــزامي
وبيك اتحزم من انخـــــــاك
انثلم ساتر دمعتي وبيش الزمنــه
وسالت دمعتي وانه اعجن الحــنه
حنتك والدمعات
انعجنن والبسمات
انذبحت يبني ومات العيد
اعجن بيد وادعي بأيـــــــد
،،،،،
اسمك منحوت بدلالــي
دمي اعليك ايمر يالغالي
كل گطرة بدمي تمر بيك
طولك يكبر بين عيوني
بتربيتك تعبانه امتــوني
بمهدك وجفوفي تهز بيك
الابن كلما كبر يكبر حلم أمـــــه
بودها من الهوه المو بارد تضمه
ماتنعز لحسيــــــن
محتاجك هل حين
المثلك للشــدات ايفيــد
اعجن بيد وادعي بأيــد
،،،،،،،
جاسم ياجمارة گلــــــــبي
يافص عيني اليبّصّر دربي
وياروحي ويالب احــــشاي
ياناگوط العشره الطيّبــــه
حاشه الضني اليوم اتخيّبـه
ادري تقدر تعب اربـــــــــاي
يبعد عيون رمله وياهوه الريـــه
امحسبه اوليدي يكبر وگعد ابفيه
رفت عيني اليــوم
وگلب امك ملچوم
الضاهر درب الفرحه بعيد
اعجن بيد وادعي بأيــــــد
،،،،،،،،،
حَضرت اهدومك للزفــــــه
وبخرت الخيمه بكل لهفــه
وچم ركعه الربك صليــــت
مديت چفوفي وگمت ادعي
فرحانه وضل يهمل دمعـــي
ياستار استر ناديــــــــــــــت
يعطر ادلال ابوك وعشرته الحـــلوه
مرورة ريجي زادت يبني عالگـهــوه
الخيمه تون وتنوح
وليدچ رمله يروح
شفت ابحنتك دم أوريـــد
اعجن بيد وادعي بأيــــــد
،،،،،،
شگد غالي ابني اوماعزنه
فدوه ايروح السيد الجـنه
وي الأكبر خل ايـــــــموت
خل ادوس الخيل بصدره
بدال حسين عيون الزهره
وجسمه ايضل بلا تابـــوت
هديه اوليدي لحسين ارد اقدمنه
وبحزام الشهادة بيدي احزمنـــــه
لحسين العطشان
مقدمتك قــــربان
خل سيفك بالروس ايصيد
اعجن بيد وادعي بأيــــــد
،،،،،
لخادم الحسين ع
محمد الفهداوي
گبل ماتمشي يحسين عليه الفاتحه اقره
صحـت ناوي السفر وين يريحانة الزهـره
وحگ بوسة محمد فوگ نحرك
اموتاً بس اضل يوليدي انطرك
تجيني تجيني
،،،،،،،،
تفرهــــدّنّي الظنون وداعة عيونــــك
شتتوقع اعيشاً يمه من دونــــــــــك
اموتاً بس اضل أمناطره ضــــعونك
يمهجــة فاطمة بس لا يذبــــــحونك
فده النحرك تمنيت ييمه هذا نحـري
گبر مندونك البيـت اذا ترحل يعمري
اموتن من افارگ طيب عطــرك
وحگ بوست محمد فوگ نحرك
،،،،،،،،
نويت تروح عني وماترد ليـــــه
يسباح الگلب يانسمة الريــــــــه
اذا وجهك حبيبي ماشفت ظــيه
على الدنيه السلام بعيني مفنيه
اذا لعيونك اشتاگ شسوي باچر اني
اموتن من الفــراگ وگولآ مانســـاني
الشهاده وياگ تمشي ارد ابشرك
وحگ بوست محمد فوگ نحرك
،،،،،،
يبني لو مشيت عيوني ماتغفـــه
تبچيلك بچي ما واحد يوصفـه
گلبي شگد يحبك ونته التعرفـه
نارك من تغيب بگلبي ماتطفــــه
اخذ يحسين العيون بعد چاشلي بيهن
اموتن من تـبعدون يعذبني بچيهـــــن
اذا تعطش يمطرآ فوگ ثــغــرك
وحگ بوست محمد فوك نحرك
،،،،،،
انه الربيتلك اربع زلــــــــم ودري
يوفون الربه وداعة لبن صــــدري
يبو السجاد لو ترضه أخذ عمــري
ما ترظاها أوگف والجمر حـــدري
اظل عالباب اتانيك وناشد يمته ترجع
اسلم المغرب عليك يقينآ انته تســـمع
عسه يندار عمري دون عمــــــرك
وحگ بوست محمد فوگ نحرك
،،،،،،،،
روح وداعة الله طفلتك عنـــــــدي
اصبرها ونيمها على زنـــــــــــــــدي
يبو السجاد فدوه الشيبتك ولـــدي
من تمشي العمر صوب الگبر يحدي
عله مودك عايشه الروح يروحي ياحياتي
اذ گلولي مذبوح اذن گربت وفاتــــــــــي
تدوس الخيل اشوفن فوگ صدرك
وحگ بوست محمد فوگ نحـــــرك
،،،،،،،،
لخادم الحسين ع
محمد الفهداوي
جمعن خواتي هدومهن
ولاح الحــزن برسومهن
بچتني اختي الغاليه رقيه
تبچي تضل كلما تصد عليه
،،،،،،،
رقيه بداعة الزهره
احلفچ گعد وحچيلي
نظرتچ صوبت گلبي
اضل لو امشي گليلي
اكض بمتنچ وأمشي
بعد ياهو اليتچيلي
تهون عليچ عشرتنه
يخيتي ويابعد حيلي
وي هدمچ اخذي عيوني
ولوبيدي اودي متوني
نضرة موادع گاصدة المنيه
تبچي تظل كلما تصد عليه
،،،،،،،
سكينه بداعت دموعچ
صدگ ما امشي وياكم
ونه الماتغمض عيوني
شرط اله اعله طرواكم
سوالفكم دوه الروحي
يَخيتي حيره شنساكم
شكو بعيني دمع جبته
الچ وخذيه بمسراكم
الماراح وي ٱحبابه
حدر الضلوع ٱصوابه
عذرني جنها تگلي موبديه
تبچي تضل كلماتصد عليه
،،،،،،،
يعبد الله ونظر عيني
اخذ نحري فده النحرك
زغير انته وچبير الطف
يمن عمري فده العمرك
العطش كل رحمه ماعنده
يورده ويفتك بعطرك
اريد بدمعتك تحچي
لبونه ولأبو يقدرك
بلكت اروح وياكم
وگظي العمر بحماكم
شمحله السفر من ننجمع سويه
تبچي تظل كلما تصد عليه
،،،،،،
اروح العمي وشكيله
وگله الوحده كتاله
شبدر مني وابوي حسين
تركني وجهز عياله
اعرف اني الگمر عمي
من اجيله بدمعه هماله
يسكتني ويفرحني
حنين وداعة افعاله
لوشاف عمي دموعي
لازم يحل موضوعي
راح انه احلفه بفاطمه الزجيه
تبحي تظل كلما تصد عليه
،،،،،،،
الشبيه المصطفى اگصد
وحلفه بداعت الخدر
وگله شلون ترضاها
تعوف اختك علي الاكبر
اذا خايف يجيني الموت
اگله چارقيه ازغر
وذا تحمل سفر هيه
اختها اني ومثلها اگدر
بلا فرحه اضلآ صايمه
وي المصايب هايمه
دمعاتها بيهن قصص رزيه
تبچي تضل كلما تصد عليه
،،،،،
لخادم الحسين ع
محمد الفهداوي
