اه يالذت الخدمــــــــــه
راحه ونعمة النعمـــــــــه
كل خادم اذا يتعـــــــــب
عابس يركض ايحزمـــــه
،،،،،،،،
لحسين التعب راحـــــــه
بوجه الخادم نشوفـــــــه
فدوه الدنيه لردانــــــــــه
من ايسرفن اچفوفـــــــه
لو صيّح هلا بيكــــــــــــم
صيحة شيخ لضيوفـــــــه
سبع اشواط كل موكــــب
واجب بالمشي انطوفــــه
يستاهل ابو سكينـــــــــــه
دمعتنه وبواچينــــــــــــــه
من اقصى الأرض نمشــــي
حسين اليتعب ايلزمــــــــه
اه يالذت الخدمــــــــــــــه
،،،،،،،
كل خطوه بألف حجــــــــــه
امشي ولا تضل حايـــــــــــر
درب الجنه والمبــــــــــــــدء
درب حسينك الثايــــــــــــــر
راحه چلمة تفضـــــــــــــــــل
وگواك الله يازيــــــــــــــــــــر
لو حاچاك ابو الموكـــــــــــب
زادك زاهب وصايــــــــــــــــر
تلگه العافيه بــــــــــــــــزاده
ويخدم هــــــــــــــوّه وولاده
ايعزب حته بعيونـــــــــــــــه
بفرحه ودمعه وبسمــــــــــــه
،،،،،،،،
فدوات التعب زينــــــــــــــب
بدرب حسين كل خطــــــــوه
نگلت كل جدم رحمـــــــــــــه
ماتدري اشكثر تســــــــــــــوه
شما تتعب يرد حيــــــــــــــلك
وعزمك بالدرب يگــــــــــــــوه
معزب يسبگ امعـــــــــــــــزب
وين اليگطــر امــــــــــــــــروه
شيوخ امسخره اتخدمــــــــك
تشوفه تگول ابن عمــــــــــــك
يازاير صبح واجــــــــــــــــــب
درب احسينّه انفهمــــــــــــــــه
اه يالذت الخدمـــــــــــــــــــــه
،،،،،،،
فرصه ومانضيعهـــــــــــــــا
وداعة زينب وليلـــــــــــــــه
وصار ابيرغ الكافـــــــــــــــل
كل خادم يشد حيلـــــــــــــه
حبنه الأسسه عابـــــــــــــس
قانونه وتفاصيلــــــــــــــــــه
حسين شما يمسنه الهــــــــم
يم شباچه نشكيبــــــــــــــــه
غالي وكله حنيــــــــــــــــــــه
بسمه الشدة مگضيــــــــــــــه
حگ نترك منازلنــــــــــــــــــه
ونتعنه لبو اليمــــــــــــــــــــه
اه يالذت الخدمـــــــــــــــــه
،،،،،،
بكلوب الخدم تلگـــــــــــــــه
نار من الخيم تلهـــــــــــــــب
الزاير لو سمع ناعـــــــــــــــي
اه ايصيح يازينــــــــــــــــــب
عشّاگك يابو الأكبــــــــــــــــر
لمعدل والمرتــــــــــــــــــــــب
الخادم يشعر براحـــــــــــــــه
ولزاير فلا يتعــــــــــــــــــــب
الشيعي بدنيته شعنــــــــــــده
الوالد يحچي وي ولــــــــــــده
ويگله الدرب هـــــــــــــــــــــذا
رفعه وحشمة الحشمـــــــــــــه
اه يالذت الخدمــــــــــــــــــــه
،،،،،،،،،،
لخادم الحسين ع
محمد الفهداوي
خوات ثلاثه چتفوهن ســــويه
سكينه وخوله وبنصهن رقــيه
الحبل ناح اعله اديهن
تبلل من بجيــــــهــــن
خوات ثلاثه چتفوهن ســــويه
،،،،،،
درب بيه الشمس تاگل بالرسوم
ومعاني تغيرة من گد الهمــــــوم
رقيه اتطيح بس تكظها كلثـــوم
ردن خوله تبلل من الدمـــــــــوم
الناگه تبللت من گد دمعــــــــهـن
وتجري عيون ابوهن من حزنهن
يتامه بلا وليهـــــــــن
الحبل ناح اعله اديهن
،،،،،،،
صفره وجوهن ظيم وسبي وخـوف
ونضرات الشماته عليهن سيــــــــوف
علي السجاد اخوهن وسفه مچتـوف
ورقيه من القهر ماضلة تشـــــــــــوف
رقيه تحاچي خوله وين ابونــــــــه
شجنينه وياهم وهيچي سبونـــــــه
الحسين ايصد علــيهن
الحبل يبچي اعله ديهن
،،،،،
جــــــرح شابگ جرح عالناگه ياناس
عليهن شيب من القهر عبـــــــــــــاس
نگع حته الرمح من دمع الحســــــاس
يغمض لوظربهن سوط الرجـــــــــاس
الرمح ماينلزم من راس عمهــــــن
يدخن راسه كل مازاد همهــــــــــن
انكسر گلبه بسبيــــــهن
الحبل يبچي اعله ديهن
،،،،،،،
علي الاكبر نگع رمحه من الدمــوع
ما چنه ذبيح ونحره مگــــــــــطوع
شما لاعت رقيه يبچي ويلــــــــــوع
محمد چنه فوگ الرمح مرفـــــــوع
خواته تشابگن وحده اعله وحده
لان ذبلت رقبه الچنهـــــــــا ورده
الحجر ون النعيـــــهن
الحبل ناح اعله اديهن
،،،،،،،
اعله راس الرمح ضل ينوح جســام
نحره محنه دم عريس الاســـــــــلام
شبيه الحسن بس عمره اثنعش عام
كلساع اوگع ياناس بالــــــــــــــــشام
شما ضربوا رقيه اعله الثره يطيح
شيل السوط عن الغاليه ايصـــيح
يهد رمحه ويجيـــهن
الحبل ناح اعله اديهن
،،،،،،،
نحر عبد الله سومر والرمح حـــــاد
ترف راسه وعظم راس الطفـــل باد
بخدوده اثر من ذيج الرمـــــــــــــــاد
الشايل راسه هوه السكنه جـــــــــلاد
الحرگ خيمة أسكينه ارماد بيده
وتلف وجه عبد الله اوريـــــــــده
طـفل عيناه ليهــــــــن
الحبل ناح اعله اديهن
،،،،،،
لخادم الحسين ع
محمد الفهداوي
رضيع ورگبتك قِبلــــه
ورسالة حرمله النبلــــه
نذبحك لوچنت بحضان الحسين
وين تروح عبد الله بعد ويــــــــن
،،،،،،،
حسين من خلص رسايل
طلعاك ازغر رســــــــــالة
وشالك بحضنه مضيـــف
من ربيع المهد چابك
غصن زيتون السلامه
وگفوا گبالك خريــف
عالسهم كتبو عباره
لازم تموت البرائــــه
وينذبح كلمن شريف
يونسيف ال محمـــد
لو طلع ياخذ حقوقك
مو مثل كل يونسيف
يشيلك باچر بحضنــه
ويحاچي العالم بحزنه
يصيح بحسره يبقه عليك كل دين
وين تروح عبد الله بعد ويــــــــــن
،،،،،،،
من لمع نحرك تراچي
ابيض من الفضه لونه
ماخجل وجه السهــم
ماگو بيرغ بيه حميه
اله وياگماطك علاقه
بخيط چاناح بألـــــم
كربله چانت غريبــــــــه
والعرف بس حضن ابوك
ومهدك وذيچ الخيـــــــم
اغله من الدر الأحمـر
چان ياعبد الله دمـك
من صعد ماچنـــه دم
ابوك انباگة انفاســــــــه
بياض اشگد ترس راسه
حچه وياك بعبرته ودمعة العين
وين تروح عبد الله بعد ويـــــن
،،،،،،،
ياقنوت حسين چنـــك
اسرع من الضوء توصل
للعرش وهل السمـــــــه
محسن اتلگاك يبچــــي
گاوداك وطـب على امه
اه صاحة فاطمـــــــــــه
بايگ ارسومك عطشهم
منحرك بيه نبله صلفـــه
وخدك امحنّه بدمــــــــه
يبني ياعبد الله تدري
ماي كل الدنيه مهــري
ونته مت من الضمــــه
الزچيه تگلك بحسره
نهرنه اتسلب ابكبـــره
اذا حته العطش طب للصواويــــن
وين تروح عبد الله بعد ويــــــــــن
،،،،،،،
النبله من غصن السقيفه
بضرف ضماها الخليفـــه
وگال هاي الحرملــــــــــه
وبتدة اول ضلامـــــه
من فدك لاخر خيمكم
هيچي مثل السلسلــه
وحتلال الكل مقدس
لامدينه لاجوامــــــع
لانهر لاكربلــــــــــــــه
فتوه انطوا استباحه
كل حلال الله غنائــم
فرهدوا كلمن الـــــــه
يعبد الله البگه براسك
بشرهم باگة انفاســــك
عليكم صارت العدوان صوبيــــــن
وين تروح عبد الله بعد ويــــــــــن
،،،،،،،
شعندك بهل دنيه هاجر
يابياض الكبعه سافــــر
وسكن بنص جنتــــــــك
شَبه وي حنت القاسم
هاي لوعه وذيچ لوعه
حنته ودم ركبتــــــــك
انت من دنية محمد
هاي دنيتهم جـــوائز
ماتشابه دنيتــــــــــك
لوبقيت تعيش غربه
لوذبح لوسم مصيرك
لو تذبحك غربتــــــك
رحيلك واجب الواجب
بشر مابيها وتعاتـــــــب
فقط بس بالأسم وادم مسلميـــــن
وين تروح عبد الله بعد ويــــــــــن
،،،،،،،
لخادم الحسين ع
محمد الفهداوي
وسفه تميل من مهرك يخيّـــــــال
تموت انت ويضل المــوش رجال
،،،،،،
موش اتميل بيك امچلب الكـون
يالتسوه البواچي وتسوه العيون
خويه حسين گلي بزينب شلـون
تتمحن عگب عينك بالعيـــــــــــال
،،،،،،،،
يبن قتال مرحب ياضوه العيـــــن
ندمه اطيح من مهرك يالحسيـــــن
الف يأجوج يوصل للصواويــــــــن
يسد اسكندر وياطود البطـــــــــــال
،،،،،،
يكاسر يالكسرت اشگد صناديــــــــد
يبو السجاد يمشرد الهواديــــــــــــــد
العده اينگصون ونته الوحدك اتزيــد
رغم كل الجروح وانته ماچـــــــــــال
،،،،،،،
امان بزودك اومصيونه الخيـــــــــــــام
بعدنه بخير كونك شادّ احـــــــــــــــزام
يالمتعب السيوف وكل السهــــــــــــــام
يامشرد السرايه ايمين وشــــــــمــــــال
،،،،،،،،
يبو صبر اليفحّط همّت الجيـــــــــــــش
بحر مالك بدايه ولا الك گيـــــــــــــــش
يجنح الباز طير بهيبة الريـــــــــــــــــش
بمخالب سيفك اقلع روس الأنـــــــــذال
،،،،،
زغيره الغاضريه وعزمك اهــــــــــواي
يوارث موسى يبن امي ويرجـــــــواي
طگّ الگاع خل اينبّع الـــــــــــــــــــماي
وفجّر بالطفوف اثنعش شــــــــــــــلال
،،،،،
يسل ياسال خصمك بالك اطيــــــــــح
يريح ومن تهب ماتنكض الريـــــــــــح
يواضح للعيان بلايه توضيـــــــــــــــح
يصافي من الجدم لطراف الخيـــــــال
،،،،،،
يلازم بيدك اوتاد السمــــــــــــــــــوات
يرحمه بجالك ادور المجـــــــــــــــرات
من اطيح ماتبقالي خيــــمــــــــــــــات
يحرگون الخيم وتهج الطــــــــــــــفال
،،،،،،،
يخدري ويا حجابي وشيلة الــــــراس
تريد اندهلك امن الشاطي عـــــــــباس
بس أنخاه وگلّه الحگ ينومــــــــــــاس
عضيدك ضال وحده وحاله موحـــــال
،،،،،،،
لخادم الحسين ع
محمد الفهداوي
بويه من تــسافر
يبقه جفني يساهر
وحشت اليــــــل تفرهد الحيل
احسبني جربه وياكم
ونچفي اعله ظمـاكم
وحمل ســــــــهام دون جسام
،،،،
احسبني جربه ياضو عيــوني
وعباس خل يشيلني بـــــزنده
اذبل يبويه من تعوفــــــوني
تدري العطش مايرحم الـورده
معقوله ترحل بويه من دونــي
وتعوف گلبي بالهضم وحــــده
ابچي اعله فگدك وجرح جفـوني
وجمر المصيبه بروحي شيخـمده
هاي اخر ليــله
اگعد ويالعيـــله
طول هـــــواي بالحچي وياي
خل ابوسن راسك
وستلذ بنـــفاسك
جفني مــــــانام دون جسام
،،،،،،
يالعودتني بحضنك اني اشتــــــم
وياك اخذني بداعت انفاســـــــي
كل دمعه تنزل حمره مثل الـــــدم
وكل صفنه شعره تشيب من راسي
انه ورقيه وسكنه من نلتـــــــــم
ننسه الهضم رغم الهضم قاســــي
حيلي يبويه اليله يتهــــــــــــدم
دورت گفاكم تذبح احساســـــــي
وياك اخذ دلالي
بالضعن يالوالي
بلكي يـــــرتاح ويالگه ذباح
بداعت بنـــياتك
خل اشم شيباتك
گلبي يحــــتام دون جسام
،،،،،،،
راح اني الولي بمهد عـــبد الله
وتصوره صاحي ويناغينـــــــي
اندب اذا فز طيفه بســــــم الله
وتخيله يمي ويحاچيـــــــــــني
ماريد هم الگلب يوصــــــــــله
وماريد يعرف ناري تجوينــــــي
طفله وعليلــــــــه وهلتن هالله
وديلي طيفك خل يسلينـــــــــي
بويه لاتنســاني
انذبح بحــــزاني
الله ويــــــــاك بهذا مسراك
يبو حضن الطيبه
لاتطول الغيبـــه
دمعي سجام دون جســــــام
،،،،،،
راح اني اعد النجم كل ليــــــله
وراح اني احفر گبر بچفوفـــــي
چاشنهي نفع البت بلا عيلـــــــه
وشنهي نفع عيني بلا شـــــوفي
طيفك اذا مراني اشكيــــــــــله
وحچيله حزني بدمعتي وخوفــــي
طير اليون انفاسي ترويلـــــــــه
ويضل يون كل ماقره حـــــروفي
قصتي وحــزاني
واضحه بلــــواني
ذابل الــــــــون وتجري العيون
يشيب رمش عيوني
لمن تعوفــــــوني
والگلب هــــــــام دون جسام
،،،،،،
ام البنين وياي مفجـــــــــوعه
نتگابل اني ويها بس ننعـــــــه
معلوله انه وهيه موجــــــــوعه
بعين اليحبك ماتضل دمعــــــــه
ونروح يم محرابك بلوعــــــــــه
بموقع سجودك نعلك الشمعـــــه
حسين العزيز شلون بظلــــــوعه
تنداس بالطف اه يـــالبظعـــــــه
حضرولك خــــيلهم
ادوس صدرك ويلهـم
انته محـــــــــراب فوگ التراب
تسجد اعله وصــالك
سيوف كل عــــذالك
تبچي الخيام دون جســـــام
،،،،،،
لخادم الحسين ع
محمد الفهداوي
تذبحنه ســـــوه وتحرمنه الهوه
ويّاك اشجنينه هيچ تسوي بينه
،،،،،،،
يتامه احنه وصلنه الهل بلد هاي
ورانه الخيل تركض وحنه حفـاي
اهلنه تذبحوا كلهم على المـــــــاي
وبقت عمتنه زينب فاگده الـــــراي
جدنه حـــــيدره القالع خيبـــره
تاجر امشي بينه ويّاك اشجنينه
،،،،،،،
اذا رايد ربح وتدوور امـــــــــــــوال
اخذنه وبيعنه وحنه اعله هــل حال
اخو شابگ اخوي وجتفنه بحبــــــال
وحوبتنه تشيب روس الجــــــــــــبال
اخذنه بلا ذبـــح لو رايد ربــــح
بالجنه اشترينه وياك اشجنينه
،،،،،،،،
وي زينب اخت عدنه وحــــــــيده
مشت للشام مسبيه حميـــــــــــده
كل واحد تريد تحز وريـــــــــــــده
شجنينه وياك من عدنه اشتريــــده
اقطاب الفـــــرض احنه اعله الارض
بهل الناس ابتلينه وياك اشجنينــــه
،،،،،،،
بعدنه اعله الذبح يالحارث ازغــــار
ورجلينه الجمر حارگها والـــــــــــنار
اذا رايد شفاعه بكيفك اخــــــــــــتار
تذبحنه وتحصل امن الذبح عـــــــــار
طحنه برحمتـــــك ختار براحتك
احنه اهل السفينه وياك اشجنيـنه
،،،،،،
ولد مسلم تره احنه وعمنه الحسين
جرح شابگ جرح ذوله احنه الثنيـن
شردنه من حرگ نار الصواويـــــــــن
ورسالتنه اليتم والدمعه بالعـــــــــين
وي ماي النهر دمعات الگمـــر
وينادن علينه وياگ اشجنينه
،،،،،،
لخادم الحسين ع
محمد الفهداوي
اسمع ياقصـــر
ياهو الينتصـــر
ياهو اليبقه شامخ انه لو انتـــه
وينصاغ الذهب باچر على گبته
ياهو الينتصر اسمع ياقصر
،،،،،،،،
الحكم والخصم انت وأحكم بهايه
ياهو يصير گبره مثل الولايــــــــه
ياهو التنصبله بكل عزه قرايـــــــه
ياهو التعتنيله ناس مشايــــــــــــه
انت ازغر عمر
اسمع ياقصـــر
ياهو الترتفع من عدنه منزلتـــه
وينصاغ الذهب باچر على گبته
،،،،،،،
ياهو اليندفن ياهو اليضل عالــــــي
فنك فتره تصمد شامخ گبالــــــــــي
نصيحه ومني اخذها وداعت اطفالي
اليخلدك بس الحسين الوفي الغالـي
اترك كل شمر
اسمع ياقصـر
جلباب الشهادة روحي لابســته
وينصاغ الذهب باچر على گبته
،،،،،،،
القصر زامط بحيل ايزيد وتبختر
وگال اني اضل طول الدهر اگــدر
يبنيني يزيد بچفه من ازغـــــــــــر
وصيرن ند وحارب دولة المنبـــــر
حكمك يندحر
اسمع ياقصــر
راسك عنفوانك بالجدم دســته
وينصاغ الذهب باجر على گبته
،،،،،،،
ضل يحچي القصر وي مسلم بحيله
راح تموت لاناصر ولاعيلـــــــــــــــــه
وجسمك ماكو واحد يفزع يشيلـــــه
وينجر بالحبل والناس توميـــــــــــله
بهل موته افتخر
اسمع ياقصـــــــر
جسمي خله ينجر بالحبل ردته
ينصاغ الذهب باجر على گبــته
،،،،،،
انه باب الحسين ورحمة البــــاري
مامحتاج تعرف انته مقـــــــــداري
عد طوعه عفت تاريخي وخــباري
اثارك تزول وتبقــــــــــــــــه اثاري
احنه اهل الذكر
اسمع ياقصـــــر
وداعآ ياقصر كل الحچي گلته
وينصاغ الذهب باچر على گبته
،،،،،،
لخادم الحسين ع
محمد الفهداوي
بعيوني شفتك يالگمر
طايح نهر يم النهـــر
عباس عباس
،،،،،،،
يالما درت وجهك ابد للمــــــاي
شويه النهر ونته التضل هـواي
محسب تضل طول العمر وياي
ياخيمتي وياكشختي ورجواي
جيتك للنهر ياخويه گوه
ياعباس ياطيب الخــــوه
ضهري عليك خويه انكسر توه
يمك يبو فاضل متت
بلياك ارد اتحيرت
عباس عباس
،،،،،،،،
يحزام اخيك للشدد والبيــــــن
لمن تموت ايموت اخوك حسين
ضهري انكسر يابو الفضل مرتين
مره اعله عينك مره عالچفيـــــن
جيتك للنهر ماگاطع اليـــــــــاس
بلكت بيك الگه من الرجه انفاس
من اتموت اموت وياك عبــــــاس
يالنايم بعينك سهــــــــم
عطشانه الك حته الخيم
عباس عباس
،،،،،،،،
يامن سبع فدوات الك يرحون
ربع الشمر وهل الشمر يغــدون
رايد تخلي حسين اخوك شلون
لا ميت ولاحي يبدر الكـــــــون
لتگول ياخويه نسيتـــك
وعله الشريعه دوريتــــك
مذبوح عالشاطي لگيتك
گلبي يعباس انشلــــــــــــع
صفاحي الزمتها من الوجع
عباس عباس
،،،،،،،،
اتفرهد ضوه عيوني وبعد ششوف
ياكعبه وعليك النهر يطـــــــــــــوف
من شاهدت كلهن دمه الچفــــــوف
بعيوني ضلمه صارت الطفــــــــوف
خويه العلم وينه اوين جودك
گلي بياكتر طاحن ازنـــــــودك
يبو فاضل زماني هم يعــــودك
ذباحك اگبالي ابتشــــــر
واني ارد اموت من القهر
عباس عباس
،،،،،،،
يالتارس عيوني ضوه وحنان
يمعطر اخيامي بوفه وامــــــان
عباس تذبح ميلت الزمـــــــان
يالمحنتني اباصعب امتحـــان
خويه حسين خليني بمچاني
ايگله ليش يازهرة زمانـــــــي
انه الواعدت سكنه ترانـــــــي
وياك احس مات الوفه
عالدنيه ياخويه العفـــه
عباس عباس
،،،،،
لخادم الحسين
محمد الفهداوي
إخذ وياك ياعباس جــــوديـــن
جود الزينبك والثاني لحسيـــن
چبير اخوانك انته وترفع الراس
وريدن كلهم يصيرون عبـــــاس
،،،،،
اريد اشفايفك لو صاح الحسين
تنشف هاي عن هاي
وريداً انته وخوانك تصيـــــرون
گصص متروسه بس ماي
تعگدون البيارغ يم الخيــــــــــــام
اعله زينب ثخنوا الفياي
عراضة ماي صيروا الهـا
يولدي گبال محملهـــــــا
اريدن بالدرب كلكــــــــم
يحس كل حيد كافلهــــا
بكل گطرة لبن من صدري اوصـيك
زينب گلها صار شما تحاچــــــــــيك
حدر هودجها حط متنك يعبــــــاس
انتچي اعليّه يزينب من تتعبيــــــــن
،،،،،
حِله وكت التعب ورباي واجت ساعات المجازه
وريدك للحسين تصير ياعباس عكازه
اريد اخوانك ايطيحون جنازه مگابله جنازه
حزم كون اربعه الضهره
المناير كشخة الحضـــره
واريدن بالطف تكسـرون
ياولدي الشمر ضهـــــــره
تره الجيش اليعسكر يبني عالمــــاي
همه شويه ونتم اربعه هــــــــــــــواي
اعله ضهر المهره من تلكـد يـــــــعباس
مثل خطف الشهاب اعله عالشياطين
،،،،،،،
اريدن سالفتكم باچر اتكون من حسين لحسين
اعله ابو سكينه جفن واحدكم ايصير ويغطّي العين بلعين
خط احمر ييمه وحضر تجوال المشي گبال الصواوين
اريد اهل البدو تسمـع
بزرتي ملوحة المصرع
وريدن خالكم باچــــــر
راسه بجالكم يرفــــــع
تره لحسين مو تربيتي للشـيـب
الوفه العدكم يغزر حته بالذيب
اريدن كون واحد واحد ايطيـح
دفاعن دون زينب والصواويـــن
،،،،،،
يم حضرة عفاف الطالبين صيروا اربع مناير
ومحل شاهد بحلگ اهل الدواين ومثل لهل العشاير
اريد احجاب فوگ احجاب تغدون وخدر دون الحراير
القلم سالفته من روحه
يموت وتبتدي جروحه
ردتكم فوگ زاد حسين
اعزاز بعز الملوحــــــــه
مثِل فرّت الطاگ اعله القطب كون
كعبه حسين وولادي اليطوفــــــون
وريد احرام كل وحد بالطفـــــــوف
من ثوب الشهادة ونصرت الديــــــن
،،،،،،،
الى مالا نهايه الخير بحسين لحد گطعة نفسكم
يبدي اول دعائي إمن الله وياچ يريت الله أيحرسكم
اضل انخالكم ؟ من بعد الحسين؟ ولا نبله التمسكم
وراكم انثر دموعـــــــــي
وضل الطم على ضلوعي
وذا جاني بِشر ينعـــــــــه
اگله حسين موضوعـــــي
اذا گلالي كل ولدچ مطاعيـــــــن
اگله اخبرني عن وليدي الحسين
اذا سالم سبع فدات يرحــــــــون
لبو السجاد ابني وگرة العيـــــــن
،،،،،،،
لخادم الحسين ع
محمد الفهداوي
سبعين ليث تحزموا واحدهم بگد الكون
هوّس حبيب ورايته صاحت وحگچ يم عون
مستنگي اخوچ انصاره
الباشط مثل بتـــــــــاره
،،،،،،،
شيبه شيبه تواعدينــــــه
ولون لون احنه اجتمعنـه
والنقاء ابصف نقــــــــــــاء
حسين للطف من دعانـــــه
ضلت الدنيه ورانــــــــــــــه
تركض بذاك العــــــــــــــراء
العنده موعد وي حبيبـــــــه
ينسه اهله وينسه ناســـــــه
بعينه تكبر كربــــــــــــــــــلاء
لاتجاره ولازعامـــــــــــــــــــه
حسين راس المال هــــــــــوه
والربح وصل الثـــــــــــــــــراء
بگصصنه جبنالچ نهر ونچمل الشاطي احساس
شدينه يازينب حزم ماتنفل بچف عباس
راعي البخت والشــاره
مستنگي اخوچ انصاره
،،،،،،،
حسين حاچانه وتبسم
گال مامرتاحه زينـــــب
تبچي والمدمع يهـــــــل
گولي يخت حسين گولي
نطوي گاع الغاظريـــــــه
الخاطرچ طي السجـــــل
كافي عبد الله عليهــــــــم
لوبرز بگماطه زلمـــــــــــــه
ويكسر اخشوم النبـــــــــــل
باچر الينگطع نحــــــــــــره
تبتدي صفحة خلــــــــــوده
ويبقه يازينب عـــــــــــــدل
ما بينه اليغرّه السعر ويبيع الحسين بمـال
وجه وگفه يذبح زلم واحدنه وين الرجال
اليلهب لضه من اكتاره
مستنگي اخوچ انصاره
،،،،،،،،
انسوي هذا اليل گمـــره
واحنه ثورت نور اجينـه
وي اخوچ اعله الضلــــم
احنه مانتبره منـــــــــــــه
موفقط يجري ويدمنــــه
حسين واصل للعظــــــــم
ايكض جمل عابس يعبــره
بليل من فتحة الأبـــــــــره
استاذ في فن الضـــــــــــم
عدنه جون اصير بيـــــــرغ
واكبر من الطف حميتــــــه
ينتفص من ينهضـــــــــــــم
باچر تشوفين الزلم من نلتگي وي العدوان
يازينب ابعز الملح ذوله احنه مو ياهو الچان
وداعة علي وفقـــــــاره
مستنگي اخوچ انصاره
،،،،،،،،
باجر امن ايطيح نافــــــع
منحرله ايخضر رسالـــــــه
ويكبر بعين النصيـــــــــــب
وينحني حسين اعله جرحه
حنيت القوس ويگلــــــــــــه
انّما الصبحُ قريـــــــــــــــــب
عابس وعباس عدنـــــــــــــه
بالأسامي انحس تشابـــــــــه
وبالعشگ كلنه حبيــــــــــــب
خوان من نفس الفصيلـــــــه
ونرجع النفس العقيـــــــــــده
احنه مابينه الغريـــــــــــــــب
من چفچ الباب السمه يابت علي شما تدعين
گبل الهواشم بالحرب نتذبّح اگبال احسين
مو ياهو چان اخــــتاره
مستنگي اخوچ انصاره
،،،،،،،،
روسنه مدنگه احترامـــاً
گلنه يم حضرت عفافچ
احنه نتوضه ونــــــــــرد
من وهب لبن مضاهــــــر
حته شايبنه بركضتــــــه
يسبگ اجدام الولــــــــــد
سد السكندر يزينـــــــــب
نوگف گبال المخيـــــــــم
للخدر ذوله احنه ســـــــد
ايصلي بينه حسين باچـر
يكض بتاره اليخلـــــــــص
سيف مو سبحه الــــــــوِرد
واحدنه من جدمه وعلي حد هامته كله اعجاز
يترهّا عالصيده ويحط بس الحمل طبع الباز
المادار وجهــــــا الداره
مستنگي اخوچ انصاره
،،،،،،،،
لخادم الحسين ع
محمد الفهداوي
وحگ امرورة الفــرگه
جفن زاعل جفن حگه
يبويه يبويه
ردت النوم يلفيني ولــــو ليله
بلكت طيفك ايمر بيّه وشكيله
يبويه يبويه
،،،،،،
يالمخلي بصفنتي جدام من فراشي للخيمه
يلمخلي المدينه تصير بعيون الطفل هيمه
يمخليني اجرع كاس موتي واصبر الضيمه
يلمخليني اشكي الناس ماعدهم ولا شيمــه
اثر بوسة نبي بنحــرك
اشد من المرض هجرك
يبويه يبويه
منو المثلي اعله والدها نهدم حيله
بلكت طيفك ايمر بيه وشكيلــــــــه
يبويه يبويه
،،،،،،
شحط لعيوني وتغمض وشوفك گاعد گبالي
بيت وچان بالغالين زاهر هسه ضل خالي
خيالي عليك گد مانوح ضل يبچي ونعه الحالي
حلم مذبوح بعيوني وجرح متخوصر ابالي
اموتن گمت ليلـــيـــــــــه
نعش بس النفس بيــــــه
يبويه يبويه
شيصير بحال طفله وفگدت العيله
بلكت طيفك ايمر بيه وشكيلــــــــه
يبويه يبويه
،،،،،،
على فراش المرض والروح ملتهيه بتصاويرك
طحت طيحة دلو بنص بير أضلم مو مثل بيرك
رحت والخير راح وياك وانه العايشه بخيرك
ابوي وحيل احبنك عزيزي ولا احب غيرك
يسر الماي هوه انتــــــــه
رحت وانه اصبحت ميته
يبويه يبويه
القضاء الحاجه اصلي گمت كل ليلـه
بلكت طيفك ايمر بيه وشكيلــــــــــه
يبويه يبويه
،،،،،،
حبر كون البحار تصير تنشف من مكاتيبي
ابدي من المهد لحسين لغياري وتشاحيبي
زغيره وموش مالت شيب بس وصط الگلب شيبي
يالماخذ خواتي وياك ومخليلي تعذيبي
ضلام البيت والوحـده
ومچانك ياهو اليسده
يبويه يبويه
الضعن كلما بعد برموشي اوميله
بلكت طيفك ايمر بيه وشكيلــــه
يبويه يبويه
،،،،،،
صباح الخير من صوتك عوافي اتگطر عليه
واذكر من تگعدني الصلاة الفجر يوميه
امد سجادتي ابصفك وصلي وكلشي مابيه
عساها بذمت الطف كون خله جروحي مدميه
جمر بعيوني حط چفه
واخذ وصلة خيم هفــه
يبويه يبويه
الوسيله العندي اصبر ماكو اي حيِله
بلكت طيفك ايمر بيه وشكيلــــــــــه
يبويه يبويه
،،،،،،
لخادم الحسين ع
محمد الفهداوي
نعي للعليله ع
راح الچان لحـــــــــوالي يــداري
ابوي بعلتي يعــــــــــلم يــداري
اختنگ كل مغرب اعله اهلي يــداري
وسابع جار ناح وبچه علـــــــــــــيه
،،،،،
اون والدار بويه تــــــــون لـــوني
غصن چني وتصاويـــــــرك لـــوني
الحادي من حده بضعـــــنك لـــوني
متت وهواي اشوالي المنــــــــيه
،،،،
جرح گلبي توضـــــــــه يم مصلاك
بعد هيهات ماظـــــــــن يوم اصلاك
اسولف ضيم گلــــــــبي يم مصلاك
لحد ما ينحب المحراب اليــــــــــــه
،،،،،
انچوه گلبي وفرح وكتي بــچـه وياي
ابچ بفراگم مــامــــــن بـــچه وياي
بچيت ومهد عـــــبد الله بــــچه وياي
وتلاگن دمعتي ودمعه ســـــــــــويه
،،،،،
حده الحادي برچايبهــــــــم وماتان
اعجزن للگومه رجــــــــليه وماتان
الف لجمه بوسط گلــــــبي وماتان
جروح وكلهن أيسعــــــــــرن عليــه
،،،،،
لخادم الحسين ع
محمد الفهداوي
وين سكنه ادني لــيه
بويه هاي أخر مسيــه
وين زينب خل تجيني
ارد اوصيها برقيــــــــه
،،،،،،،
گعدوا وصارت سوالفهم دمـــــــــع
بلايه صوت وصوت ونهم ينسمـع
سولفوا من علي الأكبر للرضيـــــــع
لحد اخر حافر ايدوس الضلـــــــــع
سكتت اوالدها يحچـــــي
هوه يبچي وهيه تبچــــي
من على صوت المصيبــــه
فز رضيعه وگام يبچــــــي
دموعچ امسحهن بديه
وين سكنه ادني لـــيــه
،،،،،،،،
ارد اگل لم عون لو طر الجـــــــرح
خل تعصب عيون بنتي من الصبح
طفله ماتتحمل اهواي الجــــــــروح
تموت من تشوفني يمها انذبــــــــح
بداعة الزهره وغلاتــچ
خويه غطيها بعباتــــچ
بهل امر راح انه اتعبچ
وانتي تعبانه بحياتــــچ
خل نسولف عالمنيــــه
وين سكنه ادني لـــيه
،،،،،،
بفاطمه محلفچ يلبوت فاطمــــه
تموت من تشوفني انزف دمــــــه
حضني باچر بي تنام اشگد سهام
وهيه بي متعوده تغفه امعلمــــــه
ذمه هاي اعيالي ذمــــــــه
عندچ ومايبقه زلمــــــــــــه
بس عليل ودمعه يجــــــري
وما كو غيرچ خويه احشمه
بقت بس هل مغربيــه
وين سكنه ادني لـــيه
،،،،،،
حسين سولف مصرعه بدمعه اليهل
وشيب خضّر حته بگماط الطفــــــل
ودّع ابنياته وبنصهن يگـــــــــــــــول
انه بس اليله وياچن عـــــــــــــــــدل
هاي التحضنه وتشبگـه
وذيچ التوّدّعه بــحـرگه
بنص بناته حسين گاعد
لوحچه العبره تخنگــــه
گبل خيل الأعوجيــــه
وين سكنه ادني لـــيه
،،،،،،،
گالهن باچر تره اتشبعن ركـــــــض
شكثر چلمة بويه باچر تنلفـــــــض
والتجيني ارگاض من صوب الخام
بينها وبيني شمرهم يعتـــــــــــرض
من يجيكم مهري خالـي
لِمي يازينب عيالـــــــــي
تحترگ كل خيمه باچــر
والعده تفرهد حلالـــــــي
گبل ذبح اسيوف اميه
وين سكنه ادني لـــيـه
،،،،،،،
حسين يم زينب حچه وكض خنصره
وسولف الها من العطش حد منــــحره
گالها بداعت گمر هاشم عليـــــــــــــچ
لاتركضين امن اطيح اعله الثـــــــــــره
خدرچ اغله من حياتي
وداعت اولادي وبناتـــي
بيچ اشمن ريحة امــــي
ولمّت اهلي وذكرياتــــي
انتي دمي اليجربيه
وين سكنه ادني ليه
،،،،،،
من تحسين اختلف حته الهــــــــوه
گولي ابو فاضل وگع منّهَ الــــــــــوه
چفوفه وعيونه وجربته اعله الفرات
كلهن يطيحن فرد طيحه ســــــــــوه
ينكسر لوطاح ضهــــــري
حيره خويه احتار بمــري
تلوح جدمي چفوف اديه
شلون اردلچ والله مـدري
لو وگع راعي الحميه
وين سكنه ادني اليــه
،،،،،،،،
لخادم الحسين ع
محمد الفهداوي
نزفت حنتــك ساعة زفّتــك
وگبالي طُفت جاسم شمعتـك
دمك شفته بالحنّه
مامقسوملي اتهنّه
،،،،،،
شجاه البين وازانــــــــي
بزفافك ابچي خلانـــــــي
عرسك والدموع اخـــوان
واحد يشبه الثانــــــــــي
المسافه البينك وبيــــني
مثل عيني ورمش عينـي
يجاسم تنذبح ويـــــــــاك
فرحتي وعمري وسنينــي
نزفت حنتك بچفوفي جســـــــــــــام
صحت يمه وبچت وياي الخيــــــــام
العطش بالطف شِمر وبوجهك الــمــاي
وتجيلك ترگض وعطشانه السهــــــــام
يالطولك نــهـــر يحزام الضهـر
من تشبع طعن انه اشبع قـهر
الضاهر حصتّي الونّه
مامقسوملي اتهنـــــّـه
،،،،،،
يَصبّي عيني من تمــــشي
اضل ادعيلك برمشــــــــي
احس وياك روحي تــروح
وگلبي ومهجتي وكلشــــي
يجاسم خل اشبگنــــــــــك
اريد اشبع نضر منـــــــــــك
اشوف الحسن بيك ايعيش
مره حسين اشوفنـــــــــــك
وحگ ذاك الرِبه ومساهر اليــــــل
رحيلك والمنيه تشابهن حيــــــــل
ييمه وياك اموتن لمّـــن تــــمـــوت
اذا تتوصط الميدان والخيــــــــــل
يوليدي من امس گلب امك يحس
ماتم موفـــــــرح عرسك موعرس
يآبن سيد الجنــه
مامقسوملي اتهنه
،،،،،،،
اضل بالخيمه ابچـــيلك
وافّرع يبني ودعيـــــــــل
يضامي مِثل ابو السجـاد
العطش ادريبه هد حيلك
البچي امك خنگ حسهــا
شحلات اللامه لابســـــها
يرابي بمدرسة عبـــــــاس
يجاسم ذِل فوارسهــــــــا
ارتجّز بالحومه انه ابن الحسن صيح
خلي الروس من بتارك اطيــــــــــــح
گبالك جيشهم ياجاسم اتـــــــــــــراب
ونته عليهم افزع فزعة الريــــــــــــــح
بمك لاتهـــــم يربات الزلـــم
بالطف عازتك هم عندك علم
حلمي اليوم اودعنّه
مامقسوملي اتهــــنّه
،،،،،،،
يالمشاركني بنفاســـــــي
يشاغل فكري وحساسي
چنت تكبر وسط عيـــناي
وحگ كل شيبه البـراسي
غطاك ارموشي من تغفه
يرزق الله وكرم لطفــــــــــه
يصافي والحنان البــــيــك
عذب ومن الفرات اصفـــه
يبن اول مضيف المايســــــــد باب
الكرم عندك سجيه منّ الأصــــلاب
عزيز وما اعزك يمه لحسيـــــــــــن
اريد ايگول رمله انطتني هل شاب
بمصحف كربله صير البسمله
ادوار اتقسمــت كل واحد الـــه
دورك خل اشوفنّـــه
مامقسوملي اتهــــنّه
،،،،،،،
چنت من تكبر شويــــــه
اصلي الربي يوميــــــــــه
اضل ادعي واگولن صـار
شاب واگعد ابفيـــــــــــه
يجاسم يابعد بيتــــــــــي
اصيراً ثكله تاليتــــــــــــي
وفي وبيك الربه ماخـــاب
عوافي عليك تربيتــــــــي
يالمسهرني ليلــي الحــــد الأذان
يالمخليني ميته بلايــــــــه دفان
يناوي تروح عني الله ويـــــــــاك
اگولن واحد وقدمته قربــــــــــان
روح بنيتّـــــك اتركنه بخيمتك
نبچيلك سوه انه وعمتـــــــك
ابني الموتّه اتعنّـــه
مامقسوملي اتهــــنّه
،،،،،،،
لخادم الحسين ع
محمد الفهداوي
راس وخنصر تحـاچن
وبنات حسين يتباچــن
واحد عالرمح والثاني مشمور
منحور ويودع گام منحــــــور
راس وخنصر تحاچن
،،،،
راس حسين للخنـــصر طرح راي
شرايك للسبي لوتمشي ويــــــــاي
چـف بنتي رقيه تعود عليــــــــــك
ونته عليها هم متعود هــــــــــواي
تلزمك بالـــدرب
حرز عن الضــرب
وذا حنت الــــــي
تحطك عالگلـــب
الراس ايهلن ادمــوعه
الخنصر ينحب بلوعــه
ودم المنحر من النايبه ايفـور
منحور ويودع گام منحــــــور
،،،،،،،
الهوه ساعي البريد ويحمل احساس
من الخنصر كلام ايودي للــــــــــراس
اختنك حتى الرمح ضل مدمعه يسيل
ولطماً عل جرف چفين عبـــــــــــــاس
اختنگ حتى الهـــوه
انكسر ظهر الضـــوه
افترگنه بياذنـــــــب
بجسد چنّــه ســـوه
الخنصر صاح سلبوني
من ذبحوك ذبحــــوني
الحافر داسني وهسانه مكسور
منحور ويودع گام منــــــــحور
،،،،،،
حچه الراس ودمعته نزلت اوداع
ومنگد الحراره چوّت الگـــــــــــاع
سفينه حسين چان وهسه الحسين
تگطع كل عضو ظل رافع ٱشــــراع
گبل كِلهَ بجســــد
تفرهد وبتعـــــــــد
ترة الشابع سحــگ
إشيرد حضنه بعـد
محنّه اعله الثره تبده
ودم نازل على خــــده
راسه اعله الرمح وي الهوه يدور
منحور ويودع گام منـــــــــــحور
،،،،،،،،
حچه الخنصر اوّضّح كل الأسبـاب
يگل للراس يچوي چان التــــــراب
انسلبت وچان ابو السجاد مســلوب
ونزفنّه اثنينه من گد الصــــــــــواب
الارض گامت تـون
وابو سكينه يحـــن
اعله زينب والحرم
بچه وفاض الچفــن
بچيت وياه من شفته
وانه انزف رحت بسته
ظلام الطف ونحرك چان الي ينور
منحور ويودع گام منحــــــــــــــور
،،،،،،،
حچه الخنصر وكلشي بكـربله صاح
وراس حسين من فوگ الرمح طاح
تلاگــــــــوا ملگه حتى ال الله وياك
صارت چنها دمعه والرمح نـــــــاح
بچه ودمعه جره
وگع فوگ الثـــره
صرخ يابو علــــي
الرمح يم خنصره
كلشي بكربله يسمــــع
حته الحجر ضل يدمع
يخنصر راح اودعك ومشي مجبور
منحور ويودع گام منحـــــــــــــــور
،،،،،،
لخادم الحسين ع
محمد الفهداوي
جواد الموت قدمته بديـــــــه
لخوي حسين ودموعي جريـه
الخدر وي روحته يـروح
واعرف ابن امي مذبوح
اذا يبعد عليه
،،،،،،،،،،
خويه فـگلي ازرار درعـك
يبو السجاد ارد اودعــــك
لاتهل ياخويه دمـــــــعك
وانته نارك جوه ضلــــعك
اه يخويه
ادري بصدرك الجنه بكبـــــرها
يوسع زينب وهمها وخــــدرها
بس امي حچت اخر عمـــــرها
بوست صدرك اتجبّر كســــرها
فتح لخته الحزينه حسين درعه
نزل دمع العقيله ونزل دمعـه
دمعهم ينزل جــــروح
الخدر وي روحته يروح
،،،،،،،،،،
بلوه يبن الزهره بلـوه
راح اضل ابلايه أخــوه
وانگل بخطواتي گــوه
ضهري چن ضهرك تلـوه
ياحبيبي
يمهود عليه جروح الحـــــــباب
شلون تعوفني مابين الجنــــاب
وتدري بغيبتك تفتح الــــف باب
ويدخل وصط روحي سيل المصاب
يخويه حسين مايرحمني الفـراگ
انته اگبالي واني الطولك اشتاگ
الگلب يبن امي مجروح
الخدر وي روحته يـروح
،،،،،،،،
ياجفن عيني ونـضــرها
اختك حتارت بـــــمرها
ينهتك بعد خـــــــدرها
وتمشي عالناگه اليسرها
يسألوني
خويه شلون لو فرت يتامـــــــاك
شلون اصبر وشوفن تنزف دمــاك
خذني للمنيه حســـــــــين وياك
ما احمل يبو السجاد فـــــــرگاك
يمه الزهره اديت الامانـــــــه
بست حسين يمه بصـدره انـه
سكينه وزينب تـــنوح
الخدر وي روحته يروح
،،،،،،،،،
امي حاچتني بدمـــعها
گلبي وحساسي سمعها
ويكسر الخاطر وضعــها
بيدها لزمت ضلعـــــها
امي امي
گالت ابني لمن تذبل شفــــاه
وحده يضل ولا عـــــباس وياه
تبوسينه إليـــهَ بحسره وبــــأه
گلتلها على التل باچر انعـــــاه
اول منبر التل خويه اليـه
عليه اصعد وسويلك عزيه
من اشوفك دامي مطـروح
الخدر وي روحته يــــروح
،،،،،،،،
منعگد بهروش گلبــي
انته عيني ونور دربــي
يادمعتي اليوم صبـــي
يبتدي من تمشي حربي
ياعضيدي
خويه حسين بيدك شدلي الحزام
اليوم الطف وباجر يذبح الشــام
واني وياي بس نسوان ويتـــام
لاعباس لاانته أولاَ جســــــــام
تمطر فوگ متني سياط اميــه
واهلي مذبحه بالغاضريــــــه
يضل دلالي مجــــروح
الخدر وي روحته يروح
،،،،،،،،،،،،،
مهرك ألموتك اقدمـــه
والله ندمه والله ندمـــه
گلبي من تبعد تلجمـــه
للسبي حيلي ارد احزمه
ياحياتي
خويه حسين الله وياك يحســـين
جرحك والگمر بعيوني جرحـــين
ينزف بس مشاعر من لضه البيـن
جتني كربله يابو علي منيــــــن
باجر عالهزل اصعد سبيـــــه
وذباحك يضل اليحدي عليــــــه
وحگ ادم وحگ نـــوح
الخدر وي روحته يروح
،،،،،،،،،،
لخادم الحسين محمد هادي الفهداوي
نايم بحضني چنـــــــــــت
تنذبح ماحسبــــــــــــــــت
يعمـــــري
الله لاينطي السهـــــــــــــم
صابك وگلبي الّچـــــــــــــم
يعمري
راح الولد يمِ المهد
امك يعبد الله تون يعمــري
،،،،،،
يبني يالچنك صبــــــح
وينك اوين الذبـــــــــح
سهمك اتحول رمــــــح
وصاب گلبي وچبــدتي
ذابحك يبني الضمـــــه
گماطك اتحنه بدمــــــه
حضني الك چان السمه
واني الولي بدمعتــــــي
ذبيـح يابو وجه اليگطر احساس وبرائه
اصيح يا الاهي بياذنب سفكوا دمائــــــه
جريح انه ابوك ويومك الزيّد بلائــــــــــه
گمت ماشوف الــــــــــــدرب
من كثر دمعي اليصــــــــــب
يبويه
انه والميت ســـــــــــــــــــوه
امكابر اتنفس هــــــــــــــــوه
يبويه
موت الطفل لاموسهل
يبقه الأبو ولأم تحن يعمري
،،،،،،،
كلشي بعيوني انطفــى
وحك جدي المصطــفى
بحالي لوتدري اشصفى
ياكل بروحي النــــــــدم
اه ينبلة حرملـــــــــــــه
موتتني بكربلـــــــــــــــــه
ذبحت اشچم بسملــــــــه
وچم نحر ضل يــجـر دم
بقيــت شايلك والموت يتباوع علـــيه
صفيت بويه ياعبد الله بس افرك بديه
حنيت ضلوعي ومحدب رحت لختك رقيه
بعيني صورة مصرعك
والدموع اتشيعـــــــــك
مصيبه
ساكت ودمعي الحچـــه
والمهد صاح وبچـــــــــه
مصيبه
مات الأمل ضامي ارتحل
ذابل رجع ذبلة غصن يـــعـــــري
،،،،،،،
عمتك ومك اجـــــــــن
ولطمن عليك بشجــــن
شمعه يمك وهجــــــــن
والضوه ايشيع الضـــوه
مجلسك مجلس دمــــع
وانه گاعد وستمــــــــــع
سكنه تلطم عالضلــــــــع
تصيح يابعد الهـــــــــــوه
اشوف لزمت هدومك رقيه بين اديهـا
تطوف عالمهد وانه انضر وابچي عليها
طفوف عذبتني وعيلتي شمسويه بيهــا
ذبّحت ال النـبـــــــــــي
راسي شاب وحاجـــبي
سبتني
جرح شلت اعله الجرح
بيها كل لحضه انذبــــع
سبتني
دمعي خلص من الغصص
كلساعه يم غالي امتحن يعمري
،،،،،،
يارضيعي الماكبـــــر
عام واحد ماعبـــــــر
هنّه سته وكل شهـــر
يكبر بعيني عشــــــگ
گلت اذخره الكبرتــــي
وللمشيب وعازتــــــــي
مادريت ابدنيتـــــــــــي
تاخذه وهيچــي إحترگ
زغــير وينه وينه الموت والنبله وضماهم
الجبير يختنگ مايگدر ايعيش بهواهـــــم
اميـــر عمره ست اشهر ولكن حيراهــــــم
ابني ثوره بمنــحـــره
المهدي يطلع ثائـــــره
ينادي
يالي ثارات الطفــــــــل
ضامي بالطف منچـــتل
ينادي
من مرقدي حگ يبتدي
إيطلّعك يبويه من الدفِن يعمري
،،،،،،
لخادم الحسين عليه السلام
محمد الفهداوي
خويه فــــــــل ازرار درعك
يابو الأكبر ارد اودعـــــــــك
ادري من اطيح ضامـــــــي
تسحگ الخيل اعله ضلعــك
عندي يازينب وصيـــــــــه
خلي عينچ من رقيــــــــــه
شمر من يگطع وريــــــــدي
عليكم اتهد ال اميــــــــــــه
لو وگع شايل علمنــــــــــــه
وكل اخوتي موش يمنــــــه
يابو سكنه والله حيـــــــــــر
تفرهد الوادم خيمــــــــــــــه
لوطحت من فوگ مهــــــــري
وشمر يصعد فوگ صــــــدري
لو طبرني ثنعش طبـــــــــــره
بداعة الزهراء صبــــــــــــــري
،،،،
جوگات حسينيه
لخادم الحسين
محمد الفهداوي
من خدام الحسين المخلصين خدام الحسين
شوفوا هذا المبدع الشاعر هاني ناصر السعيدي كل التوفيق ياروحي
راعي البيت انت واني خطـــار
وطوعه تصيرلك خدامه بالـدار
هلا بريحة علـــي
شرف جيتك الي
راعي البيت انته وانه خـــطار
،،،،،،
بكل قانون راعي الدار مايحتار
ماين يدخل الدارة
حته الباب عينه عليك ومتانيك
منك ناطر بشارة
فرشت البيت الك ياصاحب البيت
وبخرته العصر والشكرصلــيــــــت
مو ماي اعله عتبة بابي مــــــو لاي
الجيتك شوگ ماي عيوني بديــــت
اريد بدفترك موقف الي ايصير
مثل سلمان لمن خلّـد الطيـــــــر
يتربات الـــــــولي
شرف جيــتك الي
،،،،،،
كل عطشان يامولاي يرجه الماي
عيني عطشت النورك
گبة خير جنها حسين حته العين
توضة رايدّه تزورك
هلا بطولك يمسلم والحچي هواي
تفضل طب ثنيتك فدوه مـــــــولاي
الله شگد يحبني وجابك اليـــــــوم
مره وادخل الجنه بطاست الــــــماي
واجب كون اطش الجيّتـــك ياس
حته تراب جدمك كون ينــــــباس
بعد عمري وهلـي
البخت جابك الي
،،،،،،
جيتك خير رفعة راس والعباس
بموقف ادخل الجنه
بيدي الباب والحيطان ياعطشان
الجيتك كون تتحنه
يالتخليني باچر راسي مرفــوع
والي حصه تصير بشهر الدمـوع
وگف جفك واباب البيت باســــاه
ودگ چفك الباب وصار موضــوع
خُمس بالبيت الك غير انت ملاچ
وسأل عيني گلها ياهوه بچـــــــاچ
فرح عيني تهــلي
البخت جابك الي
،،،،،،
گلبي ايصيح اهلن بيك ومتانيك
ينبض شوگ دلالي
چنها تشوف عيني اليوم بس مهموم
حيدر واگف گبالي
موصدفه امن اجيت الباري جاباك
واحسن گلب ابو السجـــــــاد وياك
اجيت وخير جايب من الحسيـــــن
الوادم ماتقدر شنهـي معنـــــــــــــاك
يبعد عيون طوعه البيهن اتشـــوف
تطمن روحي ماتعرف شني الخوف
بغدرهم مبتلــــي
البخت جابك الي
،،،،،،،
فدوه تروح هاي الناس ماكو احساس
رين گلوبهم اسود
وين الضــال والدجــال والمحــــتال
والخوّان والمرتد
الك مسلم سبع فدوات يروحــــون
خنگوا رحمة الله وصلفه العــــيون
رسالة انته بضرف وحســــين وداك
گبالك غمظوا ماراد يـــــــــــــــقرون
قريتك من گبل لا أفتح الــــــــباب
الهوه جابالي عطرك چنه ابو تراب
وفهمت اشمايلي
البخت جابك الي
،،،،،،
لخادم الحسين ع
محمد الفهداوي
طب ليها مسلم وحده طب ليها
والگوفه كضها وراد يچفيـــــهــــا
،،،،،،،
تربات حيدر ونعم منّــــــــــــــــــه
وابّيته رابي من زغر سنـــــــــــــــه
جيش بكماله وحدّه چنـــــــــــــــه
وبسيفه كسّر كل موضيهـــــــــــــا
،،،،،
مملوح رمحه ويگطر املوحــــــــه
روس الزلم سواها مرجوحـــــــــــه
يكثر عزم من تكثر اجروحــــــــــه
جال وگلب سافلها عاليهــــــــــــــا
،،،،،
طب ليها مسلم ولهوه تغيــــــــــر
وصاحت إجانه من النجف حيـــــدر
چفّه مثل چف القلع خيبـــــــــــــــر
وچفوفه ياچف اليلاويهـــــــــــــــــا
،،،،،
شبه الجنايز بس نفسم بيهــــــــــــم
من سرفن اذراعه ودخل ليهـــــــــــم
يبچون كلما صوّل اعليهــــــــــــــــــم
ذيچ العساجر راد يفنيهــــــــــــــــــــــا
،،،،،
رسوم الجنود اگباله مخطوفــــــــــه
تهلهله طوعه وتسطر چفوفــــــــــــه
وتگله ادب وادم الكوفــــــــــــــــــــه
ياطوعه بشري ضل يحاچيهـــــــــــا
،،،،،،
بالسيف مسلم طگ طرف طاســـــه
من الصوت بيهم خمدت انفاســــــه
دنگ قصرهم ما رفع راســـــــــــه
چا وينكم ناده بأساميهــــــــــــــــــا
،،،،،،
جيش بكماله عدد والعــــــــــــــــده
والد حميده عالمهر وحــــــــــــــــده
حط بيده كلمن طينته بخـــــــــــده
وذگّر الكوفه شچان ماضيهــــــــــــا
،،،،،
لخادم الحسين ع
محمد الفهداوي
الكوفه اصبحت اهل الفيل
متاني الأمر عزرائــــيــــــل
بس مسلم يصيح بصـــوت
يمطر عليهم سجيـــــــــــــل
،،،،،،
من سرفن اردانــه
ضل يغلي بـركانــه
يستنگي ضل بيهم
ومدنكه عدوانــــه
بي من علي ملوحه
ابسلهم ايلوحـــــــه
وبصارمه يرســــــل
الوادي صقر روحـه
مسلم شبيه العبـــــــاس
غيره وشجاعه ونوماس
وعمامته حب حسيــــــن
تاج ولبسها اعله الـــراس
راواهم بسيفه الويـــــــــل
الكوفه اصبحت اهل الفيل
،،،،،،،
گلهم علي عمـــــي
يموت اليصل يمي
اله اشلع عيونـــــه
الرايد سفك دمـــي
انسابي معروفـــــه
خل تسمع الكوفـــه
موقف اريد اتــــرك
حته العمه يشوفــه
راح اني أترك عنـــوان
يقراه يضل كل انسان
انه ابقه ونتو تموتـون
هيجي بصريح القـرأن
يذكرني يبقه كل جيــــــل
الكوفه اصبحت اهل الفيل
،،،،،،،
حسين اشتره انفاسي
وتملك احساســــــــــي
وانه شلت حـــــــــــبه
ياوادم براســــــــــــــي
انتم ندبتولــــــــــــــــه
أقدم كتبتــــــــــــــــوله
من تنگضي الدنيــــــــه
كل چلمه مسؤلــــــــــــــه
عن سيفي وين تـــــــفرون
موهينه بينه تغـــــــــــدرون
القاضي سيفي اعله الروس
صَدر أحكام تموتـــــــــــــون
ما يسلم البينه ايعيـــــــــل
الكوفه اصبحت مثل الفيل
،،،،،،،
راح احكم بـصارم
متحمس وعــــازم
كتبوا وصـــــاياكم
يا ارذل الـــــــوادم
اسحگ جحافلكــم
ولوحدي انازلكـــــم
مومستواي انتـــــم
مجبور اقاتلـــــــكم
انه العشت بين ابطـــال
اكسر خشم كلمن عـــال
مسلم وبن عم حسيــــن
موجرمقان وبقـــــــــــال
من صولته كلها تميــــــــل
الكوفه اصبحت مثل الفيل
،،،،،،،
يدري بمگيدتهـــم
وعليها شردهـــــم
نص المعسكر طاح
منه بحفيرتهـــــــم
محد گرب صوبـــه
وما حركو ثوبــــــه
باسو رجل مهـــــره
يامسلم اتوبــــــــــــه
تهلهله طوعه تحيــه
بعمه علي من تناديه
يترك السيف بيمنــــا
يلزم الفارس يرميـــه
الروس اوصلت نجم سهيل
الكوفه اصبحت مثل الفيـل
،،،،،،
لخادم الحسين ع
محمد الفهـــداوي
من خلّصوا فرض العشگ
كلمن لزم بــــــــــــــــــتاره
وحسين نزلت دمعتــــــــه
من شاف هيچ انصـــــــاره
كل شيبه تگطر ايمان
قرأن لازم قــــــــــرأن
،،،،،
يحسين مبيوگ الهـــــــــوه
وعطشان بالطف الـــــــماي
ووياك اجه وين البخـــــت
والتزرع اجدامه فيـــــــــاي
إلراي عدهم والصــــــــــدگ
وخصمك عبيـــــــــد بلاراي
سبعينك تسد الشـــــــــمس
سبعينهم موش هـــــــــواي
من هز حبيب الرايــه
گام الفرات ومايـــــــه
سلم ودنگ خجـــــلان
قــرأن لازم قـــــــــرأن
،،،،،،،،
هم شايفين انتم بـشــــر
من عدهم إشيع النــــــور
طاريهم برودة گـــــــــلب
من چانت الحومه تفـــور
منهم اخذ صيته الخبـــــز
ونطوا درس للتنــــــــــــور
وگفت الدنيه وهوســــــوا
وفترت ولســــــــــــه ادور
الشايل حسين بگلبه
ربك إينور دربــــــــه
ماهموا شــگال فلان
قــرأن لازم قــــــــرأن
،،،،،،،،
اسسو فقة المرجلـــــــــــه
ورسموا نهج للأجـــــــــيال
بكل مدرسه واجـــــب اذن
العابس نشيّـد تمــــــــــثال
قانون تبقه ارجـــــــــــوزته
وتفسره كون الـعـــــــــــقال
ضلت دواوين السلـــــــــــف
بي تحچي بالطف من صال
العاش الحسين بروحه
مايلتفت لجروحـــــــــه
من اتقدموا للميـــــدان
قــرأن لازم قـــــــــرأن
،،،،،،،،
صيت المحابس للشــــذر
وشالوك مثل الياقــــــــوت
ايعرفولها انصارك تـــــــره
بعد العمر لابد مـــــــــــوت
فرصه السحابه لو اجــــت
لحضات والفرصه تفــــوت
انصارك شما هب هــــــــوه
وين الرزن والمثبــــــــــوت
حلفوا بشيخ الساده
نگطع الچفه تمــــاده
الواحد يعادل بركـــان
قــرأن لازم قـــــــــرأن
،،،،،،،،
مادنگوا بس دنگــــــــــت
يمهم جميع الهامـــــــــات
اليستشهد بطف كربلــــــه
عل رمح يصعد لو مـــــات
وجه وگفه شايل فـــــــرح
واحدهم اعله النكبـــــــات
وحسين قران من اجـــــــه
ونصاره مثــــــــــل الأيــّات
صفنت ادنيّه عليهم
من گد الغيرة البيهم
ومارمشت الحد الأن
قــرأن لازم قــــــــرأن
،،،،،،،،
لخادم الحسيـن ع
محمد الفهداوي
صاح جاسم بالحرب مثل الأســـد
الموت وي حسين احله من الشهد
،،،،،
صاح شنهي الموت اني ابن الحسن
عطر گهوت والدي معَجبه الزمـــن
اليوم ماخلي بجماجمكم وثـــــــن
اله اعلمكم وحگ دين الصمـــــــد
،،،،،،،،
صَفّن عيون العده لمن حمــــــــــــل
وسيفه فوگ الروس ضل يمطر اجل
نزل للميدان برجوزه ارتـــــــــــــجل
حسين عمي وللحسن اني الولـــــــد
،،،،،،،،
لزم زيج العسكر وعته بغضــــــب
چنه كافل زينب وللحومه طــــــب
صاح احنه اسياد وشراف العــــرب
نموت دون الچلمه من ننطي الـوعد
،،،،،،،،،
سيفه ماخذ شمره من جف الـــفلح
يحصد بروس العده الماتنصلــــــح
طبع بلعنـبر يموت من الملــــــــح
الماي من ينهان يغتاض الــــــورد
،،،،،،،،
شمر رمحه عليهم وخيطله صـــــف
تبده غيض القاسم اوماشاله طــــف
عمر بالخيمه لبد بس اعتـــــــــرف
البني هاشم اني ما اگدر ابــــــــد
،،،،،،،،
چبيرهم بركان في سوح الـــــحرب
زغيرهم جمره ولضاهه ايظل يشــب
فر عليهم صارمه وسد الــــــــدرب
وضل يردد قل هوه اللهُ أحـــــــــد
،،،،،،،،،
امه بالخيمه وترددله ونــــــــــعم
دنگِت للشسع ماهبت الزلـــــــــم
من تصيح اعله البواتر تنـــــــــثلم
انته جدك حيدر المامثله جـــــــــد
،،،،،،،،
نزل من مهره وترجل عالكفـــــــر
واثر جدمه يفوح من عنده العطــــر
برق سيفه بروسهم يشطر شــــطر
والضمه بدلاله نار اوماخمـــــــــد
،،،،،،،،
رغم نار العطش بس يمطر نــــــده
روحه تكرم مثل ابـــــــوه متـعوده
اجت عطشانه النبال من العـــــــده
وصدره زمزم عذب يجري بلايه ســد
،،،،،،،
لبس حب عمّه اعله دلالـــــــه درع
ومايهمه شماكثر صوبه الفـــــــزع
عنده سيف بروسهم يقلع قلـــــــع
وسوّه عشر اتلال من جيش الحـقــد
،،،،،،،
لخادم اهل البيت عليهم السلام
محمد هادي الفهداوي
نسالكم الداعاء
ابوذيات اول محرم الحسين
انه الثابت ولامخــتــلف رايـه
وعشگك واعداني بمــلك رايـه
مراسيم وعزه وتبديــــل رايـه
اليله اول جرح لحسيــــن بــيه
الدمع لحسين مالومــه من يهيل
وعذره الصبر من أيحت من يهيل
يعاشور العزه هــلالك من يهـــيل
اختنگ وخيام زينب توج بيــــــــه
الزمن لوله مجالسـهم بي ضعنه
هلال الحزن لمن هــل بضعنـــه
حسين ايه واجه شايـل بضعنـــه
قرابين الوجه سيد البـــــــــريـــــــه
ضعن متكون مــــــن ايات بايات
وصعدوا للشرف من غيـــر بايات
اليله اول ليالي حســـــــين بايات
بأرض تسمه أرض الغاضــــــــــريه
لخادم الحسين محمد هادي الفهداوي
مشه وين التحبه الـــــروح وضعين
اعله جرح الگلب ملح فراگ واضعين
زغيره وعشت يا هل ناس وضعـــين
وضع علتي وضع فرگة رقيـــــــــــــه
،،،،،،،
زغيره وهم البگلبـــــــــــــــــي بيادار
وعمت عين الوكت وسفـــــــه بيادار
انوح بدارهم لكــــــــــــــــــــــن بيادر
احس مثل الگبر صاير عليـــــــــــــــه
،،،،،
غفه اليل اعله عينـــــي ونتچه اليل
وحزن اضلم بروحـــــــي ونتي چليل
سبيايه دموعي تطلـــــــع ونته چليـل
يرمشي ولاتبين خلل بـيــــــــــــــــــه
،،،،،،
الضعن يسري وترانه الهــــــــم سراباي
ورقت جودي وغيدت الحگ ســـــرابي
هلي وجروحكم لزمـــــــــــــــت سراباي
مثل ما لزمت بروحي المنيـــــــــــــــــه
،،،،،
خادم الحسين
محمد الفهداوي
إخذ وياك ياعباس جــــوديـــن
جود الزينبك والثاني لحسيـــن
چبير اخوانك انته وترفع الراس
وريدن كلهم يصيرون عبـــــاس
،،،،،
اريد اشفايفك لو صاح الحسين
تنشف هاي عن هاي
وريداً انته وخوانك تصيـــــرون
گصص متروسه بس ماي
تعگدون البيارغ يم الخيــــــــــــام
اعله زينب ثخنوا الفياي
عراضة ماي صيروا الهـا
يولدي گبال محملهـــــــا
اريدن بالدرب كلكــــــــم
يحس كل حيد كافلهــــا
بكل گطرة لبن من صدري اوصـيك
زينب گلها صار شما تحاچــــــــــيك
حدر هودجها حط متنك يعبــــــاس
انتچي اعليّه يزينب من تتعبيــــــــن
،،،،،
حِله وكت التعب ورباي واجت ساعات المجازه
وريدك للحسين تصير ياعباس عكازه
اريد اخوانك ايطيحون جنازه مگابله جنازه
حزم كون اربعه الضهره
المناير كشخة الحضـــره
واريدن بالطف تكسـرون
ياولدي الشمر ضهـــــــره
تره الجيش اليعسكر يبني عالمــــاي
همه شويه ونتم اربعه هــــــــــــــواي
اعله ضهر المهره من تلكـد يـــــــعباس
مثل خطف الشهاب اعله عالشياطين
،،،،،،،
اريدن سالفتكم باچر اتكون من حسين لحسين
اعله ابو سكينه جفن واحدكم ايصير ويغطّي العين بلعين
خط احمر ييمه وحضر تجوال المشي گبال الصواوين
اريد اهل البدو تسمـع
بزرتي ملوحة المصرع
وريدن خالكم باچــــــر
راسه بجالكم يرفــــــع
تره لحسين مو تربيتي للشـيـب
الوفه العدكم يغزر حته بالذيب
اريدن كون واحد واحد ايطيـح
دفاعن دون زينب والصواويـــن
،،،،،،
يم حضرة عفاف الطالبين صيروا اربع مناير
ومحل شاهد بحلگ اهل الدواين ومثل لهل العشاير
اريد احجاب فوگ احجاب تغدون وخدر دون الحراير
القلم سالفته من روحه
يموت وتبتدي جروحه
ردتكم فوگ زاد حسين
اعزاز بعز الملوحــــــــه
مثِل فرّت الطاگ اعله القطب كون
كعبه حسين وولادي اليطوفــــــون
وريد احرام كل وحد بالطفـــــــوف
من ثوب الشهادة ونصرت الديــــــن
،،،،،،،
الى مالا نهايه الخير بحسين لحد گطعة نفسكم
يبدي اول دعائي إمن الله وياچ يريت الله أيحرسكم
اضل انخالكم ؟ من بعد الحسين؟ ولا نبله التمسكم
وراكم انثر دموعـــــــــي
وضل الطم على ضلوعي
وذا جاني بِشر ينعـــــــــه
اگله حسين موضوعـــــي
اذا گلالي كل ولدچ مطاعيـــــــن
اگله اخبرني عن وليدي الحسين
اذا سالم سبع فدات يرحــــــــون
لبو السجاد ابني وگرة العيـــــــن
،،،،،،،
لخادم الحسين ع
محمد الفهداوي
كل عام اموت بمقتلك بس احيى لعيونك
عايش لجل خادم اضل بين اليخدمـــونك
يرزقني عاشورك حيــل
ويظل دمع عيني يسيل
من اذكر ضعونك من اذكر ضعونك
،،،،،،،،،،
عيني افتحه اعله دمعه كل فجر وتذكرك
وحدك بين العساكر اني هيچ اتصــــورك
بمنحرك بوست محمد ليش گطعوا منحرك
سيدي مولجل محبس لمن بتروا خنـصرك
من اسمع ابطاري الخيم جن تحترگ روحي
تسبيح امك فاطمه اشعر اجر نوحــــــي
جيل ايتعلم من جيل
ويظل دمع عيني يسل
من اذكر ضعونك من اذكر ضعونك
،،،،،،،،،،،،
دنيه من دون المجالس كل طعم مابيهـا
عالجمر هاي اليالي واگف امتانيــــها
تنزل ابجف الزچيه دمعتي من اجريها
الدمعه من عينــي جهنم باجر اطفيهـا
بعيوني صورت منحرك بچفوف ذباحـــه
دلالي يخفگ بالعزه بس اشعر براحــــه
بنص مجلسك صبح وليل
ويظل دمع عيني يسيــــل
من اذكر ضعونك من اذكر ضعونك
،،،،،،،،
مجلسك يحسين عندي هوه اعظم مدرسه
بكل نفس دخان خيمة زينب اني اتنفســه
حسين حبك بي اسس عشگ محد اسســه
وعله ساحل روحي جرحك يا أبوالأكبر رسه
يوميه اشوفن مشرعه بيها الكمر ينـزف
تاخذني رهبه ودمعتي تنزل وضل ارجف
واتصور خيام وخـــيـل
ويظل دمع عيني يسيل
من اذكر ضعونك من اذكر ضعونك
،،،،،،،
فدوه قربني الدليلك لاتخليني ابتعــــد
قنبر حسين ارد اصيرن وفتخر لجلك عبد
انته باب الله وعطائه تگرم اومحـد يــرد
يوم عاشر بالحدايق ينذبح كل الــــورد
نص ربعي سكنت بلگبر ماحملوا مصابك
ونصهم بقه خادم الك بس يخدم احبابــك
ابجي من اشوفن زنجيل
ويظل دمع عيني يسيـــل
والخاطر عيونك والخاطر عيونك
،،،،،،،،،
اقسم بعبد الله ابنك اني من دونك عـــدم
شرفتني بهل خدامه ولبست تاج الخـــدم
سيدي گون بدليلي موبدلالك سهـــــــم
الخيل كون ادوس صدري وانه التحمل الم
هذا السؤال بخاطري وتردده اذهاني
ليش انته باقي الوحدك اتمنه كون اني
منك اخذ عطره الهيل
وياهم ادموعي تسيل
والخاطر عيونك والخاطر عيونك
،،،،،،،،،،
حسين ياقطب المجره يفتر عليك الدهـر
دين مايبقه المحمد لوله ماتفدي النحــر
تارك انته اعله الشريعه للوفه اعذب نهر
اختك العاشت عفيفه شبعت اوملت قـهر
يوم الخذوا زينب غصب عالناكه مجـــتوفه
عباس ابو الغيره انتفض بس مالگه جفوفه
اتحسر اواصرخ ويـل
وياهم ادموعي تسيل
والخاطر عيونك والخلطر عيونك
،،،،،،،،،
لخادم الحسيـن
محمد الفهداوي
