كله الخاطرك يحسين ظليت
والمفروض اموتن من عفتني
بالخمسين عام وياي گضّيـت
عمر مايوم واحد فارگتنـــــي
،،،،،،
تالي الشيب عفت اختك يالحسين
بلاخيمه ويتامه وياها سبعيــــــــن
اخوي الجابني عالشاطي مذبـــوح
ونته جروح جسمك بيهن الفيـــــن
شمسوي الشمر بيـك
انه اختك وحاچيــك
يالشابع سحگ خيــل
حيره شلون ارد بيــك
شكثر دخان من اخيامي شميـت
كله الخاطرك يحسين ظليــــــت
،،،،،،
مومن عادتك ماتحچي ويــــــــــــــاي
خويه احچلي ضيّج خلك المـــــــــاي
اشوف اجروح جسمك فوگ الجروح
بكثرهن شايله وتتراجف اعـــــــضـاي
ولاچنك بـــــــــدر تام
بكثر ماشايل اسهـــام
حضن مابيك يحسين
شبگتك من الجــــدام
يامن عمت عيني عليك ناديـــت
كله الخاطرك يحسين ظليــــــت
،،،،،،
اعله راسك دوّرن يحسين العـــــــيون
وشافن جيش كامل بي يهوســـــــــون
كلمن جاب رمحه وگال الي الـــــــراس
وصحت ردلولي راس اليسوه الف كون
بشر ماعدهم احســــاس
صحت بيهم الي الـــراس
يسمعوني ويضحكـــــون
صحت وينك يعبــــــــاس
صعبه تشوفني عيون الطواغيت
كله الخاطرك يحسين ظليــــــت
،،،،،،
يبن امي وعلي ما اطول هــــــواي
اموتن من مصايب كربله ويــــــــاي
ضلام الدنيه كله اتجمع اوصـــــــار
يبو السجاد كله بوسط عــــينــــــاي
گمت يحسين ماشــــوف
ضلام اعله اختك ايطوف
طريچي جبته طيحــــات
عثرت اشگد بالسيـــــــوف
اعله عطر الخوه لضلوعك تعنيت
كله الخاطرك يحسين ظليــــــت
،،،،،،
ادور اعله النفس خويه النفس ضاع
ردت من منحرك لو نسمـــــــة اوداع
انه چفوفي سعف وبريح يحسيــــن
يالمطشر سنابل خير عالگــــــــــــــاع
فدوتك عون وم عــون
المّك ما ادري شلـــــون
مصيبه اتشيّب الــگماط
وتهدّل خويه المتـــــون
وياك احزام فوگ احزام شديت
كله الخاطرك يحسين ظليــــــت
،،،،،،
لخادم الحسين ع
محمد الفهداوي
يالحادي مر بيه عالمسنايه مشتاكه اشم اجفوف راعي الراية
مشتاكه اكعد وابجي يم جفينه
بهداي اطلع بيدي نبلة عينه
يالحادي احلفك بالدمع مر بينه
صوب النهر خاف الكمر ناسينه
مربيه عندي والكفيل حجايه
يلحادي مر بيه عالمسنايه مشتاكه اشم اجفوف راعي الراية
*
وديني للكافل تره مشتاكه
يلحادي مو هين عليه افراكه
من كد حنيني بجت حتى الناكه
جوده النهر ضاع النهر يم راكه
ناح عله جفينه الفرات ومايه
يلحادي مر بيه عالمسنايه مشتاكه اشم اجفوف راعي الراية
*?
مشتاكه اشم عطر الاخو وبصدره
مشتاكه اتمدد ونوح بكتره
بجدامي جيت من المخيم جمره
اكعد وكله متوني صارت حمره
ما اضن كفلي الكمر يرضى بهايه
يلحادي مر بيه عالمسنايه مشتاكه اشم اجفوف راعي الراية
*
يلحادي صوب العلكلمي وديني
خافا تهنه بنومته وناسيني
عله جفوفه اوشلهن مدامع عيني
حيل الطم علكافل بجفيني
ودوني للعباس راعي الرايه
يلحادي مر بيه عالمسنايه مشتاكه اشم اجفوف راعي الراية
*
انه التجرعة الهضم بنواعه
انه البجالي الطف وناحت كاعه
حسين السفينه وانه صرت اشراعه
انه الخذت من الكفلني اطباعه
وجان ابو فاضل بالشدد تجايه
يلحادي مر بيه عالمسنايه مشتاكه اشم اجفوف راعي الراية
**
خميه التخلي الروح يم كفالي
ماريد اجرحه بجلمه اخوي الغالي
عباس روحي تريد لو دلالي
حاجيني فدوه بكلمه ورحم حالي
جيت وداع الجيه مو شجايه
يلحادي مر بيه عالمسنايه مشتاكه اشم اجفوف راعي الراية
*
ارد اخذا الرايه وشدها احزامي
وتوزم اني بعيلتي ويتامي
راس ابو الغيره علرمح جدامي
انذبحت سنيني عالنهر وحلامي
ماريضه خصمي بالضعن حدايه
يلحادي مر بيه عالمسنايه مشتاكه اشم اجفوف راعي الراية
***
محمد هادي الفهداوي
حرگوا خيمتي وللشاطي جيتك
بچف تعثرت من اعتنيــــــــتك
بســته وشلتــه وجبتــه ويــاي
سولـف قصــت جــودك والمـاي
،،،،،،،،،،
ياچف گتله وين الگاه شابت حــته العيون
عفت اعله الجمر والنار كون اطفال يبچون
ياچف هم نفس بيه ضال گلي بحادي الضعونك
شلون امشي ويضل عباس نايم عالثره شلون
تحسر جفك وضل غيره يـــنزف
يحچي وياي واني دموعي تذرف
خدري وذخري وعمري ورجواي
سولف قصـت جــودك والمــاي
،،،،،،،،،،،،،
جبت بچفي ياعباس خــويه رماد الخيـام
وحتاريت وين الگاك گلبي الطولك احتام
ياعباس هذا البين مدري الزينب شــضام
يمكن نوگ عجفه وناس تطلع بيه للـشام
جفك هوه دلاني ولگيـــــــــــتك
وسولفلي النهر قصت حميــــــــتك
اسمـع مصـرع تـــدمع عينـاي
سولف قصـــت جــودك والماي
،،،،،،،،،،
جيت وشفت يارجواي دمع حسين بشفاك
تنزف جود يم الجود زندگ شابگ الـــواك
موگب بس نوارس حاط يمك شفته ينعاك
مصابك بچه حته الطير حــنه جناحه بدماك
ياعباس شحچلك عذابــــي
يم راسك بدت قصت مصابي
بعـــدك فـگدك جهــدك وفــاي
سولــف قصــت جـــودك والمـاي
،،،،،،،،،،،،
جيتك والجروح غماگ تنزف والدمه يسيل
همي الشلته فوگ الراس منه الراسيه تميل
راح وياك خويه الحيل ما املك بعد حيـل
جفك هذ جبته وياي يحچي وحچيه ترتـيل
نبلت عينك يحير شلــعـها
متوسط سهمها ودم نبعها
مجروح مذبوح مطروح حـداي
سولف قصت جـودك والماي
،،،،،،،،،،،
بهدمي النار من طفيت طفله توجر بنــار
جروحي عليك ماتنقاس گلهن تزف گـبار
عينك ليش تاخذ نـوم واني ابين الخطـــار
يالدگيت صدرگوم گلبي من الهم حــــتار
شلون يصير غيرك يحدي بيـنه
وانته الي جبتنه من المديـــنه
ويـــاك بحمــاك ولــــواك بهـداي
سولف قصـــت جـــودك والماي
،،،،،،،،،،
يمك عين ومشي بعين اترك خاطر ارتــاح
احمل ضيم والضربات كلها بچعـب الـرماح
ياعباس راسك وين وسفه يشيــــله ذباح
حچي الناس والشمات يوجع يترك جــراح
حته النوگ مهضومه اعله حالي
تعرف فاچده خدري ودلالــــي
ونــيت حنيــت ناديــت ونداي
سولف قصــت جـودك والماي
،،،،،،،،،،
لخادم الحسين محمد هادي الفهداوي
اتمنه اصيرن ساريه ورفع علم عـزائك
بالبيرغ اسمك ينكتب وشتم عطر ولائك
حسين حسين حسين
،،،،،،،،،،،،
گلساع اشبگك من يهـب الـــهوه
ويفوح من اسمك عبير الـــــورد
اتمنه بس وياك يگضي العمـــــر
رمشت جفن عنك صعوبه ابتــــعد
يقرالي جرحك صورت الواقـعـــه
واني اقره يابو سكينه صورة حمد
من اخدم ابموگب احسآ مــــــلك
لحسين اتفاخر اصيرن عــــــــبد
مايبقه بمتوني ذنب من احضر برثائـك
بالبيرغ اسمك ينكتب وشتم عطردمائك
حسين حسين حسين
،،،،،،،،،
عمر العلم يحسين يبقه سنـــــه
وهاي السنه وياك تنعد عمـــــر
موعمر إيآ كان لا يختـــــــــلف
ضعفين ينعد ويه عمر الخضـــــر
هوه اليرافگ ورد طبع الــــــورد
كل فجر يبن الزهره يمطر عطـــر
اني العشگتك وفخر بهل عشـــگ
بسمك اشدن حيلي من ينكســــر
ماينگطع مثل البحر جود اوكرم عطائك
بالبيرغ اسمك ينكتب وشتم عطـر ولأك
،،،،،،،،
يمشارك عيوني بضواهن كـفــو
منك يبو السجاد يابو الهـــــــله
والصعبه تنحل بسمك وتنگضـــي
چم معضله الگاضيها الي بمعضلـه
وجروح جسمك چنهن الفاتحــــــه
بس جرح راسك يشبه البسمـــــله
ضعن المشاعر سيدي كل فجـــــر
من روحي يطلع يعتني الكربلــــه
يمصفن اعيون الرمح من عاين البهائك
بالبيرغ اسمك ينكتب وشتم عطر ولأك
حسين حسين حسين
،،،،،،،،،،،،،
مرات اصد للساريه وابتســـــــم
ومرات اصد ليها وسيل الدمـــــع
من ابتسم اتصور اني العـــــــمد
اومن ابچي اذكر جرحك وألچـــــم
تل زينب بصدري صفه تل قـــــهر
من نوحي وگت الضهر شفت النجم
يبنيني جف عباس راعي الوفــــه
مندخل مجالس انهضم ونــــــهدم
يالقدمت حته الطفل ماصح مثل سخائك
بالبيرغ اسمك ينكتب وشتم عطــر ولأك
حسين حسين حسين
،،،،،،،،،
مرات ارسم جرحك بدمعتــــــي
مرات ارسم صدرك بلا ضـــــــلع
وبنص خيالي خيمه گلـــــــه ورد
وتزگي الورد ام الخدر بالـــــدمع
مرات اشوفن چف يگطـــــر وفه
مرات اشوفه اعله النهر منگطــع
يحسين فسرلي جرح جبـــــــهتك
معقوله جرح الحجر ما مقتنــــــع
صدگني معنه المرجله من اجهش ابگائك
بالبيرغ اسمك ينكتب وشتم عطـــر ولأك
حسين حسين حسين
،،،،،،،،،،،،،
ثوب الخدم غالي اويفوق الثمـــن
واني البسته اوما تتلف دَنـــــس
ماحاجه فوگ جتافي يكتب مــــلك
بعيوني حبك وگف مثل الحــــرس
من فاضل الطينه خلقني العشـــك
وعاشور بيه خضر امن انغـــــرس
يحسين بضلوعك تحس ابوجـــــــع
گالو بصدرك ضال حافر فـــــــرس
ولفزز اصحاب الكهف يبن النبي ندائك
بالبيرغ اسمك ينكتب وشتم عطر ولأك
حسين حسين حسين
،،،،،،،،،،،،،
لخادم الحسين محمد هادي الفهداوي
سافر راشده النيه ،،،،
امشي اولاتهم بيه ،،،،
خله ايگوطر العباس بظعــــــــــونك
أمهَنّه بهيچي اخو يابويه هي عونك
سافر راشده النيه ،، امشي اولاتهم بيه
،،،،،،،،،،،،،،
توگف الغيبه فوگ گلبي رمــــــح
وتگطع هروش الگلب غيبتـــــــــك
عصرت المغرب اني منها انذبـــــــح
ومشي بدرب بيه محنتي اومحنـتك
اوتلگه اعله خديني الجرح عالجـرح
ماناگصه كلهن عدد عيلـــــــــــــــتك
ورسم ضعن جيّتك لوطر صـــــــــبح
وتخيلك رديت من ســــــــــــــــفرتك
كلمن فارگ احبــابه
عيونه اطّيح يم بابه
أَصبر لوعصرني الشوگ لعيونك
خله ايگوطر العباس بضعـــونك
،،،،،،،،،،،
هيه التكتلك كل خواتي ســـــوه
يمشن وضلن وحدي هذا العجـــب
لو فارگتني گوه اجر الهــــــــــــوه
هجرك يصير الموتي هوه السبــب
اويتبده من عيوني جربة ضـــــوه
منكثر مااگعد وصد للــــــــــــــدرب
وخيول هجرك تجي من نينــــــوه
كل مغربيه اوترمح اعله الگـــــلب
خيل الهجر تلفيني
تسحگني اوتأذيني
انه ادري العمر مايسوه من دونك
خله ايگوطر العباس بضــــعونك
،،،،،،،،،،،،،
صح اني اگلك روح بس مهـجتي
بيها المناجل بيسن بالحــــــصد
حتى الثواكل تصفن المحنتـــــي
طفله اواشيب واني عمر الـــورد
شماجهزت هودج ألى عيلتـــــي
عَجف أشوفنها اومهازل تــــــرد
بويه اني مو معلوله بس چــبدتي
تصوبت من سمعت نويت البعــــد
نايم هذا عـــــبد الله
شيله وسمي بسم الله
خلهَ بنومته اوحط راسه بمتـــونك
خله ايگوطر العباس بظعــــــونك
،،،،،،،،،،
خبرني أشتل ياس اشتل دمــــع
لواشتل الحسره بمچانك عــــــمر
كاس المصايب كاس ماينجـــــــرع
مشروط اشربه اواوگف اعله الجمر
بصدرك صدگ مايبقه سالم ظلــــع
ومايبقه منك عضو ماينكســـــــر
كلك عطش وعليك يلتم جمـــــــع
شماعاينت بوجوهم بس شمــــــر
مأيسه أوراح اناطركم
اوتذبحني منازلــــكم
بويه النقضة البيعه ينطرونك
خله ايگوطر العباس بظعونك
،،،،،،،،،،،
حتى الطفل باجر يذبحه الضمــه
والنبله كلش قاسيه اويه الطــفل
هل نبله گبل الطف تره أمولمــه
محسبيله من سنين هذا العمــــل
تلگيتها بزندك اوسال الدمــــــه
من زندك اومن منحره محتمــــل
شنهي السبب دمكم صعد للســمه
يشتكي يم المصطفى مانــــــزل
دمكم صعد للجنــه
طيور الصاف شالنه
توّكل بالله كل اهلي يتانونك
خل ايگوطر العباس بضـعونك
،،،،،،،،،،،،
راح اني ارسم جيتك عالــدرب
واگف حضن كلي وصيحن هـلا
واسأل عليك العرف واسأل غرب
بلكت يجيني خبر من كربلــــــه
وياك أخذها دموعي وخذ الـگلب
وحسبني جربت ماي بالقافـــله
اني الحياته عايــش اومنصلـــب
واني الغصب ودع عمامه اوهــلا
كل مغرب يجي موتي
داري ايصير تابوتـــي
كل لحضه اموتن بويه من دونك
خل ايگوطر العباس بضعـــونك
،،،،،،،،،،،،،
لخادم الحسين محمد هادي الفهداوي
ياكافل خـــدر داري ماشفنه بحنانك
گوم اوصلي بنصاري ياعالم زمــانكك
من بعد الفرض بالغاضـــريه
خطبه انريد منك شقشـــقيه
ياعالم زمانك يابو فاضل
،،،،،،،،
ارد اشوفك ونته راكع
خاطر اني اعليك اباوع
وقره ايات الحـفـــظ
بالدمع خويه ارد أحصنك
ياوفي يالماكو مــــنك
فوگ كل هـــاي الارض
اذا سائل يجي الحيدر يسألـــه
يجي العباس ينطي السأل حلـه
علم حامي الحمه بروحك تجــله
بحر علمك فلا واحد وصلــــــه
صلي اوزينب تعـــاين ياعالم زمــانك
عليك الحزن شــوباين ماشفنه بحنانك
وضح بيها كل أحقاد أميه
خطبه نريد منك شقشــقيه
ياعالم زمانك يابوفاضل
،،،،،،،،،،،،،،،،
صح رضعت بهام جدي
ونته وارث شكوعنـدي
يااحزامي البلـــــشدد
بالمهد جبريل هـــزني
ونته نايم فوگ جفنـــي
عيني چانتلك مــــــهد
يفز من عيني طولك يرفض ايـــنام
اذا جابت الزهره طاري الخيــــــام
يفرح لوشعلنه شموع جســـــــام
بعدك ماصرت وعليك أحـــــــــتام
إحچي عن فضـل جودك ياعالم زمــانك
خويه اوداعت زنـــودك ماشفنه بحنانك
ياوارث علم حامي الحمـيه
خطبه نريد منك شقشقــيه
ياعلم زمانك يابو فاضل
،،،،،،،،،،،،،،
قبل ماتبدي بصلاتــك
نريد خطبه عن ثباتـــك
خاطر انصاري تـــعرف
اي وحگ امي الوديعــه
ارواح تخطف عالشريعـه
رايتك لمـــــــــن ترف
گلهـــم بيه حرز من زينب الــواي
وأسحگها الجماجم ووّصل الـــــماي
ذوله انصاري تحت أمرك يرجـــواي
وإنطيهم درس منك يـــــــــــوفاي
البس خويه العمـــــامه ياعلم زمـانك
فوگ الـــــــدرع وللامه ماشفنه بحنانك
هذا اخر فرض نلتم سـويه
خطبه نريد منك شقشقيـه
ياعالم زمانك يابوفضل
،،،،،،،،،،،،،
ياكحل عيني ونــضرها
ياحجاب اختي وخــدرها
ياستر كل الحــــــــرم
انصاري گعدك تستمعلك
ياكريم الماكو مـــــثللك
يفتخر بيك الكـــــــــرم
سولف عن كــرم روحك يعبـــاس
خلينه أنتبرك من هل الـــــــنفاس
ياتاج الوفاء أمرصع ابمـــــــــاس
حتى تراب جدمك ينگــــــلب ياس
انته أمسدد من الله ياعالم زمـانك
وداعت نحر عبد الله ماشفنه بحنانك
ابدي بلعن من اذه الزجيه
وخطبه نريد منك شقشقيه
ياعالم زمانك يابو فاضل
،،،،،،،،،،،،
خَطبتك وضحنه بيـــــها
زينب شيجري عليـهــــا
لوهويت اعله الثــــــره
تطلع من الخيمه تنعــــه
وتلگه بس بچفوفي تسعه
چفي يفگد خنصـــــــره
گلهم كل شخص بنصاري مقتول
وتفزعله عمامه اوتحچي وتگـول
وعن ذيچ المعاره ايصير محـمول
بس احسين اخوي ادوسه الخيول
بحالي گلهم شيــــجري ياعالم زمـانك
ادوس الخيل بس صدري ماشفنه بحنانك
صف لنصاري نوع الاعوجـيه
خطبه نريد منك شقشقــــيه
ياعالم زمانك يابوفضل
،،،،،،،،،،،،،
عالفروسيه العظيمه
تحدثنه يبو الشيمـــه
وحچي عن فن الحرب
شلون لوسدوا طريجك
ونته ناشف خويه ريجـك
موقفك جدآ صــــــعب
أشگد مغريات الماي ينطيــك
عليه تضحك تضل لمـن يحاچيك
تأدب گتله ياماي ارد اوصيــك
منزعل حجر سجيل أمطر عليك
انته مرجع الغــــيره ياعالم زمانـك
صاحت زينب بحـــيره ماشفنه بحنانك
اختك بالخيم نادت علـــيه
خطبه نريد منك شقشقـيه
ياعالم زمانك يابو فاضل
،،،،،،،،،،،
نقط هل خطبه دمعتي
يابو فاضل ياسلوتــي
منك ارد اشبع نـــضر
يلي صوتك صوت أبونه
رويحتك ترفه اوحنــونه
وفه أتخضر علــــــنهر
سولف يابو فاضل گطع يمنـاك
تملك ياشعور انطيت يســــراك
شلون انه من اجيك اوگعد حذاك
احط راسك بحضني واحچـي وياك
يمك دمعتي اجريها ياعلم زمـانك
واخر چلمه احچيها ماشفنه بحنانك
قبل الموت وهوال المنيه
خطبه نريد منك شقشقيـه
ياعالم زمانك يابو فاضل
لخادم الحسين محمد هادي الفهداوي
منو المثلي يوادم راح تلها
ولد وخوه بمصايب راح تلها
انه الماضل بديـها راح تلها
من گد مامطفيه اخيم بديـــه
الرضيع البلمهد راسه علي شاب
وجلباب الصبر بالطف علي شاب
نذبح عطشان وتــوذر علي شاب
بمرد النفس جرحه صار بيـــــه
ذبل عود انتضاري
بجتلك حتـــى داري
عليله وظل جسم بنتك خيال
،،،،،،
تدري بفراكك كسر واهس ضحكتي
امشي للطف كمت يوميه بصفنتـي
الگه سكنه وي رقيه ولگه عمتــي
وي رقيه اگعد وحاجيها بدمعتـــي
من اشوفك تطفي ناري
ذبل عود انتظــــــــــاري
عليله وظل جسم بنتك خيال
،،،،،،
عالحزن اغفه ويضل دللالي شاجــر
وابجي كمت جروح وي دمع النواضر
عليك صارت ونتي تكسر الخـــواطر
وقصه صارت قصتي تبجي الضماير
وهيمن بالصحاري
ذبل عود انتضاري
عليه وظل جسم بنتك خيال
،،،،،،
تعوف جسمي كل فجر روحي الحزينه
أدوور بلوعتها أثار الضعينـــــــــــــــــه
بلكي تعثرلي اعله دمعه من سكيـــنه
تجيبها الدلالي وتسكن ونينـــــــــــه
ويضل الدمع جاري
ذبل عود انتضاري
عليه وظل جسم بنتك خيال
،،،،،،
بويه عتبت داري كمت اغفه عليها
بلكت من اثار جدمك الكه بيها
بويه بنتك بالحلم سير عليها
وتلكه فوك خدودها دمعت بجيها
تره بان انكساري
ذبل عود انتضاري
عليه وظل جسم بنتك خيال
،،،،،،،،
بكل درب ازرع نضر يالفاركتني
وليش بيد الوعه والهم سلمتني
انه بنتك ليش بويه ماخذتني
الحسره ماترحم غزتني وفرهدتني
بجه من نوحي جاري
ذبل عود انتضاري
عليه وظل جسم بنتك خيال
،،،،،
كلفت طير الحزن ياخذ سلامي
تعذراني وماسمع اصلآ كلامي
كتله فص عيني نگلب ابيض لمامي
وكلبي عطشان الحنانه هواي ضامي
البعد شمس الضهاري
ذبل عود نتضاري
عليله وظل جسم بنتك خيال
،،،،،،،،،،،،،،،،،،
محمد هادي الفهدوي
صلوا گبال الخيم
نصار بس كلهم شيم
حچت زينب وي حبيب
هلله هلله بالغريب
،،،،،،،،،،،،،،،،،،،،،،،،،،،،،،،،،
واحد وسبعين مصحف بالطفوف
رواحهم يم كعبة الله الكل تطوف
من عزمهم خجلوا وجه السيوف
دمع غرگ عين زينب بس تشوف
تشوفهم مثل الجبال
لبسوا ثياب القتال
تزينوا للجل النصيب
حچت زينب وي حبيب
،،،،،،،،،،،،،،،،،،،،،،،،،،،،،،،،،
گلها مو هين دمع عينچ يسيل
ما نعوف ابن الزچيه مستحيل
اي وحگ غيرت ابو الشيمه الكفيل
خطوه عن درب السبط لا مانميل
نقسم بشيبت ابوچ
لحضه مانترك اخوچ
الزمن خله شمايجيب
حچت زينب وي حبيب
،،،،،،،،،،،،،،،،،،،،،،،،،،،،،،،،،،
رجعي للخيمه يگلها يالعفاف
احنه گلب الطف رجف منعدنه خاف
بكعبت عيونچ هضيمه الدمع طاف
احنه عدنه سوف كلفه اومرعجاف
سيوفنه تذل الرگاب
وحگ ايات الكتاب
تگله ياحر يانجيب
حچت زينب وي حبيب
،،،،،،،،،،،،،،،،،،،،،،،،،،،،،،،،،
كحلو عين الطف بأطهر كحل
وهوسو لحسين والمدمع يهل
هز حبيب الرايه يمها ويرتجل
نسحگ جيوش العده سحگ النمل
نلبس ثياب النصر
ونلجم حلوگ الكفر
الجرحه ملچوم شيطيب
حچت زينب وي حبيب
،،،،،،،،،،،،،،،،،،،،،،،،،،،،،،،،،
انه مجروحه وجرح گلبي چبير
يسعر بروحي ومرد چبدي السعير
جرحي عنده عيون ويشوف اليصير
چني اشوفنكم ضحايه اعله الهجير
العمر يازينب يهون
نرتوي من المنون
انسبي لمن تغيب
حچت زينب وي حبيب
،،،،،،،،،،،،،،،،،،،،،،،،،،،،،،،،،
من بعدكم خدري ياعم ينسبي
ولوغفى اعله النهر عباس الابي
انه زينب صبه ارافگ اجنبي
خيمنه خل تحترگ بس تبقه العبي
سمعي ياصبر الزمان
وياچ نمشي اعله السان
بچه وضجوا بالنحيب
حچت زينب وي حبيب
،،،،،،،،،،،،،،،،،،،،،،،،،،،،،،،،،،
لخادم الحسين محمد الفهداوي
زينب گبل منيتي
أوصيچ بوصيتـي
بنيّة إسم الله اعله النحر بوسيلي اخوچ بنحره
وبخيمتچ شَم الورد شمي الحسين بصدره
بالنيابه عني
بالنيابه عني
،،،،،،،
يجيج من النهر متعوب
اخوچ الكله حنيـــــــــه
يجيلج لازم اصفاحــــه
ويدور بوجهچ عليــــــه
اريدچ باچر تصيريــــــن
لخوچ حسين عوچيــــه
گمر اربعطعش يفگــــــد
عمت عيني عله أبو رقيه
من خده مسحي الدمعه
وفلّي يزينب درعـــــــــه
وبصدره نار من القهر تچوي الدرع مستعره
وبخيمتچ شَم الورد شمي الحسين بصدره
بالنيابه عني
بالنيابه عني
،،،،،،
صيريله يازينب هوه
ويتنفسچ بحساســــه
مايگدر ايجر النفـــس
فوك الشريعه أنفاســـه
عدليله درعه ولامـــته
نفضي الترب من راسه
حزميه إذا ضهره نكسر
صيري مثل عباســـــــه
گلّـيلــه الله يعيـنك
اهل السمه متانينك
وديلي وي ريح اليهب اشتاگ اشمن عطره
وبخيمتچ شم الورد شمي الحسين بصدره
بالنيابه عني
بالنيابه عني
،،،،،،،
گبل مايصعد الميمــــــون
وتفارگ عينچ ارسومـــــه
گبل ما للسيوف ايـــــروح
وتفرهد جسمه بالحومـــه
على الخنصر عشر بوسات
تبوسينه يمهظومــــــــــه
مثل نفض العبي نفضــــي
حزن حسين وهمومـــــــه
ذمه برگبتچ هايه
بوسيلي نحره هوايه
يوجعني يايمه الضلع وعليه يرجع كسره
وبخيمتچ شم الورد شمي الحسين بصدره
بالنيابه عني
بالنيابه عني
،،،،،،
اريدچ باچر تشبگين
الحنين اليستحي بحرگه
گبل ما سهم المثلث
يجيله الصدره ويشبگه
گبل ما خيل اميه تجول
عله جسمه وعالثره تسحگه
تبوسينه وتشمينه
إليه بنية الشهگه
الفوگ الرمل يتبده
شيرجعه زينب شده
من عضم هاي الفاجعه ينكسر محسن ضهره
وبخيمتچ شم الورد شمي الحسين بصدره
بالنيابه عني
بالنيابه عني
،،،،،،،،
حبيلي اخوچ بشيبته
ومن جفنه مسحي دموعه
وقري اعله صدره الفاتحه
وتوادعي وي اضلوعه
سبيعن ألف سيف ورمح
والذبحته مجموعه
صيريله أخت صيريله أم
يازينب المفجوعه
گليله عندي العيله
خل يسترد كل حيله
الصوب المدينه توجهي صيحي بحزن يازهره
وبخيمتچ شم الورد شمي الحسين بصدره
بالنيابه عني
بالنيابه عني
،،،،،،
لخادم الحسين ع
محمد الفهداوي
مدري شمالها عيوني
تدمع ونخطف لونــي
زينب خويه مامرتاح أحس مخنوگ صدري
بس لاگمر هاشم راح هوه حزام ظهري
،،،،،،
شياخذني زينب للنـهر
ثگلانه احس اجــدامي
عذريني لو يمه مــــــتت
وجنازه ارد لخيامــــــي
مو للفرات وداعتـــــــچ
لعيون اخيچ ضامــــــي
حزميني يَم عون بأفـه
وصيريلي انتي حزامي
خويه اصفاحي توجعني
راح الچان يسمعـــــــــني
دنيه وتخله من عباس تگظي شلون مدري
زينب خويه مامرتاح أحس مخنوگ صدري
،،،،،،
حته الهوه خويه أختلف
مرورة فگد گمت اشتــم
هسه انه يازينب صــرت
مثل الجرح يـــــنزف دم
حگَ الأخو الفگد الأخــو
من يحزن ويألــــــــــــــم
وفاتحته ينصب بالگلـــب
وعيونه تقــــــــــره المئتم
هنا يم عون حاچيني
وين النهر دلينــــــــــي
من گد الدمع ماشوف وحتاريت بـــمري
زينب خويه مامرتاح أحس مخنوگ صدري
،،،،،،،
مكحل چنت عيني بأخو
هسه الكحل ماهـــــــــوه
يازينب وداعت عــــــــلي
هسانه واگف گـــــــــــــوه
لوما فشل يمچ طــــــحت
وابقه انتحب وتلـــــــــــوه
راح امشي من يمچ عــدل
حسينچ يرد موهـــــــــــوه
رايح للأخو امشيـــــــــله
وگعد يمه وشكيلـــــــــــه
تعوف حسين اخوك شلون ياكفال خدري
زينب خويه مامرتاح أحس مخنوگ صدري
،،،،،،،
لحظه واحس گلبي ختنگ
بس لا عليه صاير شــــــــي
ادعيلي أمچ فاطمـــــــــــــه
ما انهطر من امــــــــــــــشي
من هسه احسن شيّبـــــــــن
راسي ولحيتي ورمـــــــشي
راح امشي ميت للنهــــــــــر
بچتافي شيلن نعشــــــــــــي
ادعي الباري والعالــــِم
يرجع للخيــــــــم سالم
وايدي بأيده كون تصير سالم يرد ضخري
زينب خويه مامرتاح أحس مخنوگ صدري
،،،،،،،
زينب اذا رديت الـــــــچ
وشفتيني افرك بيــــــدي
معناها عباس انذبــــــح
معناها راح اعظيـــــــدي
جيبلي ابني من المهــــد
خل احچي وي اولــيدي
راح اليرويك العــــــــذب
اصبر يزهرة عيـــــــــــدي
وحشه دنيتي بـــــــدونه
فدوه عيوني لعيـــــــونه
جيش بأكمله العباس كل اعداي تدري
زينب خويه مامرتاح أحس مخنوگ صدري
،،،،،
لخادم الحسين ع
محمد الفــهداوي
عالباب ضلت عيني مشبوحه
يابشر مثلي هاجرت روحـــــه
انه والميت ســــــــوه
وفارگ عيوني الضوه
،،،،،،
الهاجرت من عنده ناسـه
يموت بس عوزه جفـــــن
تفرهد بحيله المصيبـــــه
ودمعته تنزل مــــــــــحن
فارگت عافيتي كلهــــــــا
وهسه صرت بلا وطـــــن
تواردت وي الجــــــــــنازه
من ابتعد عني الظعـــــــن
ايدي اعله خدي ودمعتي تجري
ابقه انتظر لو امــــــوت ما ادري
من الدمع خدي نچوه
انه والميت ســـــــــوه
،،،،،
داري صارت من بعدهم
هواي تشبه للگبـــــــــــر
الورده تذبل من طبعهـــا
ياهلي من تنكســـــــــــــر
وانه چف وكتي لزمنــــي
وبيّه ضل يعصر عصـــــر
أوي الضعن منعدني هاجر
مارجع ليه العمـــــــــــــر
يشهد عليه اليل ونجـــومه
بحسرة الراحه ولذة النومه
تفاركت وي الهوه
انه والميت ســوه
،،،،،،،،
اه ياحسرة رقيـــــــــــــه
العنـّـــــــــي راحت ماترد
چنّه من نگعد سويـــــــه
نسولف بطاري الـــــــــورد
فارگتنــــــي وروحي ظلت
ملوّعه بنار البعـــــــــــــــــد
ودمعتي چنها يتيمـــــــــــه
من چفن عيني تهـــــــــــــد
الشوفت رقيه عيوني مشتاگه
وبيه حنين ولهفه ومــــــــلاگه
احلف براعي الوه
انه والميت ســوه
،،،،،
ياهوه سلم عليــهــــــم
بوسلي حته الطفـــــل
وگلهم الفرگه ثگيلـــــــه
والهجر ماينحمــــــــــــل
كاتبه عيوني رسالـــــــــه
الوالدي بدمع اليهــــــــــل
تستحي بنتك تگـــــــــلك
ليش بس انه انعــــــــــزل
راحت خواتي وانه عفــــتوني
منّ الضرب خايف على متوني
يالمشيتو النينوه
انه والميت سـوه
،،،،،،،،،
خالي مهد الطفل خـالي
گــاعده وبچفوفي اهـــز
باقي بس اگماطه ذكــــره
وظحكه ومناغه وحـــــرز
اتصوّره مرات نايــــــــــم
ويبچي من ابچي ويفــــز
ياهلي عذروني كلكـــــــم
إيعاتب اطباع اليعــــــــــز
يَعزاز روحي فدوه عذروني
انتم حياتي وانتم عيــــوني
من القهر عظمي خوه
انه والميته ســــــــــوه
،،،،
لخادم الحسين ع
محمد الفهداوي
دورت غيرك ماشفت زيــــــن
بس الحسين أيشبها الحسين
بحضنك شفت خير هواي
عطشان وتوزع مــــــــــاي
،،،،،،،،
يابو علي الدنيه عگب وجهك طعم مابيها
چا غير هوه انته الملح وانته الحلات البيها
من گبتك حته الشمس نور وضوه تنطيها
والعين من تخلص بچي عاشورك ايبچيها
امسويني يبن الزهرة انسان
لولاك أذم فلان وفــــــــــلان
شكراً الك يامـــولاي
عطشان وتوزع ماي
،،،،،،،،،
يالمشتري دمعي بنحر من المهد حد گبري
من اخيامك بصدري جمر يتلاهب بنص صدري
بكل سابع بشهر الحزن يوجعني لاجلك ضهري
يگلولي تحبه وگلت چاغير روحي وعمري
عشگك گبل لا انـرزق روح
ويرتاح باله البيك مجروح
شابع حر وتنطي فياي
عطشان وتوزع مــــاي
،،،،،،،
يالبخرت حته الهوه بخيامك المحروگه
ولولاك چا هسه العسر كل فجر احنه نضوگه
يالمشتري أوجوه الخدم من شفت ميت سوگه
مصخت وبهتت كربله وانته الدخلها بنوگه
من شفت طعم الملح مبـــــــيوگ
وحچي الصدگ مايحچي مخنوگ
عباس جبته الحداي
عطشان وتوزع مـاي
،،،،،،،
من شفت مبيوگ العرش والبايگ ايقدرونه
وديت اخيّك للنهر جاب الحگ من عيونه
توني اعرفت ليش العنب ياسيدي ايذمونه
چي عالي شمروه أبحچي الماگدروا ايلوحونه
لتراب جدمك فدوه يرحون
العنك حچو والراد يحچــون
ياصاحبي ودوم وياي
عطشان وتوزع مــــاي
،،،،،،،
تشتاقلي وشتاق الك چن خل يغازل خله
هذا النعيم البيه عشت چاغير منك كــــله
يگلولي بطل عشگ گلت العشگ شيمـــــله
يگلولي ذله وگلت عمي وعلي مـــــــــوذله
الله بكتابه سن قوانيــــــــن
يسألنه عن حب ال الحسين
شفت الحقيقه بعيناي
عطشان وتوزع مـــاي
،،،،،،،
لخادم الحسين ع
محمد الفهداوي
ابوذيات اول محرم الحسين
انه الثابت ولامخــتــلف رايـه
وعشگك واعداني بمــلك رايـه
مراسيم وعزه وتبديــــل رايـه
اليله اول جرح لحسيــــن بــيه
الدمع لحسين مالومــه من يهيل
وعذره الصبر من أيحت من يهيل
يعاشور العزه هــلالك من يهـــيل
اختنگ وخيام زينب توج بيــــــــه
الزمن لوله مجالسـهم بي ضعنه
هلال الحزن لمن هــل بضعنـــه
حسين ايه واجه شايـل بضعنـــه
قرابين الوجه سيد البـــــــــريـــــــه
ضعن متكون مــــــن ايات بايات
وصعدوا للشرف من غيـــر بايات
اليله اول ليالي حســـــــين بايات
بأرض تسمه أرض الغاضــــــــــريه
لخادم الحسين محمد هادي الفهداوي
خدام ابو علي سيد محمد خوش شاعر ويستحق واحد يشوف هذا الابداع
Читать полностью…
لو نفترض عبد الله مامـــــــات
ونگول يم نحره السهم فـــــات
لو صار هذا الأمـر
وانطاه الباري عمر
جا مات حرگه اعله السبيات
لو نفترض عبد الله مامـــات
،،،،،،
لوباقي عبد الله عدل
رغم الذبح رغم النبل
يكبر ويكبر جرحــــــه
لونفترض بالطف سلم
ومامر على نحره سهم
شيكون ليله وصبحـــه
اني اعتقد يگضي العمر دمعاته بالعين
ويصير أول خادم بوكته للــــــحسـين
ونلگه اعله صدره من الطم اثار چفـين
يوميه عنده شهر عاشــــــور
ويوميه عنده حسين منحور
من نسله ساده شكثر
ونطاه الباري عمـــــــر
چاشفنه ولده بالـــــــــعزائات
،،،،،،،،
عليك الورد دمعه نــزل
ونكسر غصنه وماحمـل
وعليك هبط راســــــــه
دمك رساله بچف نــبي
خطها الحسين الطالبي
وساعي البريد احساسه
عن كل شهيد تميزت بالنبله مذبـــــوح
بچفوفه الحسين أدفنك وگليبه مجروح
براسك كشخ حته الرمح لمن نوه يروح
اصفن وروح بصفنتي هواي
ولگاك بين النبله والمــــــاي
لوصار مثل الخضر
ونطاه الباري عمـــر
چا شاب راسه من المـــــــــعانات
،،،،،،،،
من دنيتك شنهي الشفت
چن عمك المحـسن متت
يالصرت طير الجنــــــــــه
المسمار صارالك سهــــم
موماي بخ نحـــــرك الـم
وصدرك بدم اتحنـــــــــه
لونفترض انته عدل بالله السبي شلون
ماتحمل سياط وضرب ماعندك مـــتون
عالناگه يوفيك الأجل گد ما يظـــــربون
كلشي بمشيئة رب القـــــدار
براهيم أبد ماحرگتـــــــــه نار
چن ثلچ صار الجمر
ونطاه الباري عمــــر
وتجري على چفينه الكرامات
لونفترض عبد الله مامــــــات
،،،،،،،
بحضن اخته خل نفرض سوه
مامات يشتم الهــــــــــــــــــوه
وخته رقيه تشيلـــــــــــــــــــه
وتشربه ماي شماعطـــــــــــش
اسم الله تگله لو رمــــــــــــــش
مجتفه تلوليلـــــــــــــــــــــــــــه
وتگله كاروكك حضن ياسلوتي رتاح
كلهم يشبهونك تره ذوله العلى ارماح
وطّيح وحدها رقيه وهوه ماطــــــاح
من ماتت اخته تون على الراس
نايم نكول بجال عبـــــــــــــــاس
من الگمر يشتم عطر
ونطاه الباري عمــــر
چا فز على نوح العقـــــــــــــيلات
،،،،،
نفرض يعيش بلامهد
وبلا سعادة للأبـــــــد
ويبقه اليتم بعيــــونه
عبد الله مايحمل فگد
ولهلسبب مات الــورد
يم والده يدفنــــــــونه
جاصار شجرة وفرعت من ازگه النساب
شاهد عيان بكربه وينقل شكو مصــــاب
يروي قصص عن عمته ورباة الحجـــاب
عبد الله حي اشگد تمنيت
ويضيف لون العترة البيت
امنيتي من الزغر
انطاه الباري عـمر
صورة خيال وكلها حسرات
،،،،،،،،
لخادم الحسين ع
محمد الفهداوي
دمعاتي نادن يمهجة فاطمه
دمعاتي بيهن سوالف عالضمه
دمعاتي نزلن بگد نجم السمه
دمعاتي دمعاتي
،،،،،،
حسين انته من الورد والياس اترف
كل جرح للباري تسجد شكر بالطف
الرمح لمن شال راسك شال مصحف
انته كوثر فاطمه من الخير ماجف
حسراتي لخيامك المتوجره
حسراتي الجفك وگطعت خنصره
دمعاتـي اعله خدودي يتجارن دمه
دمعاتي تدمعاتي
،،،،،،،
حسين ياعنبر الجنه الما تبده
حسين صحه حسين رفعه كلشي عنده
عروت الوثقه ابو الاكبر لاتهده
يخسر الحارب قضيته وصار ضده
اهاتي لجروحك التنزف الم
اهاتي لم المصايب والحرم
دمعاتي كل وكت لجلك ساجمه
دمعاتي دمعاتي
،،،،،،،،،،،
حسين يالزارع الهيل بنص ضميري
عرشك بدلالي شامخ وانته اميري
گلت لجدامي اعله دربه دوم سيري
تمَسكي بحبه يروحي ولاتحيري
كلماتي اعله شفافك ايمطرن نده
كلماتي مثل الرمح ضد العده
دمعاتي ركضت تطفي مخيمه
دمعاتي دمعاتي
،،،،،،،،،،
ياكحل عيني ونضرها وياضواها
الدنيه يخنگ والله من دونك هواها
يارساله وبس ابو فاضل قراها
بكلشي يملك الله روحك أشتراها
لوعاتي اعله ايتامك المتلوعه
لوعاتي لحزامك العالمشرعه
دمعاتي ماتطفي ناري المضرمه
دمعاتي دمعاتي
،،،،،،،،
حسين يالعاگد هرش گلبي بمحبتك
كل انامل ايدي تسجد لوكتبتك
بعالم الاصلاب يالغالي عشگتك
چن اطب الجنه من ادخل حضرتك
خطواتي تسبيح بل اعظم اجر
خطواتي معناها اني افدي العمر
دمعاتي ترخص لبن حامي الحمه
دمعاتي دمعاتي
،،،،،،،،،،
حسين يادرب الحقيقه اوموخرافه
جرح منك شيب اخبار الصحافه
انته من راسك لحد ضفرك ترافه
صدرك تلگه السهم هيچ بلطافه
غاياتي تقبلني كون اويه الخدم
غاياتي وياك أرد اشارك بالألم
دمعاتي قربان اليه اومرحمه
دمعاتي دمعاتي
،،،،،،،،،،
لخادم الحسين محمد هادي الفهداوي
يالمنذبح ضامـــي
كون من اجيلك بيه نار الخيــــام
يافارس احلامــي
مندخل ضريحك واجب البس حرام
حسين حسين
،،،،،،،،
ياكعبة الله وبيك احـج
ياحجة الله وصــــبره
عندي اعتقاد زيارتـــك
عن حجتين وعـــــمره
ابن الوصي والجد نبي
وسر الله امك زهــره
مَهر امك الماي ومتت
ماضگت بالطف گطـره
جرحك سكن عيــــني
يرگضلك الدلال وبلايه جـــــــدام
ياعشگي يحسينـــي
من ادخل ضريحك واجـب البس حرام
حسين حسين
،،،،،،،،،
ياعنبر الجنه ويهــــــب
عطرك شوصف عـــطرك
بعمرك صفن عمر الخظر
خر وسجد يم عــــــمرك
بنحرك بچه حته الرمــــح
وضل يعتذر من نحــــرك
حته السنابك شيبـــــــت
من هشمتلك صــــــدرك
شايلني بعيـــــــــونك
لزيارتك يحسين يوميه احتــــــــام
شرد اسوه مـــن دونك
من ادخل ضريحك واجب البس حرام
حسين حسين
،،،،،،،،،
ياشجرة الله وفرعــت
كل ورگه صارت غايــه
ويالتارك اعله العلگمي
چف وكفيل ورايـــــه
نهر الفرات شگد خجـل
يعرف مقامك ايــــــه
وجروفه غرگها الدمــع
چي ماوصلك مايــــــه
يمبچي جرفينــــــه
انته الحقيقه وغيرك اعتبره اوهــام
موبس فقط عينــــه
من ادخل ضريحك واجب البس حرام
حسين حسين
،،،،،،،،
مايبقه بمتوني ذنــب
لمن ابوس اعتابــــك
نفض العبي من الترب
انفض اهمومـي ابابك
عامر مضيفك بالهـــلا
ومايفرغ من احبابـــك
معزب حبيب بحضــرتك
ووياه جميع اصحـــابك
نصارك يعرفونـــي
ماترمش عيوني بحضرتك وتــــنام
من دمعة عيـــوني
من ادخل ضريحك واجب البس حرام
حسين حسين
،،،،،،،،
دوم اعتنيك أمن انكسـر
ومن ادخل تشافينــــي
دموعي الجراحاتك وقـف
ومصابك بنص عيـــــني
عاشورك اكبر مدرســـه
وعله العزه مربيــــــني
معناها كل ماطــــــبرت
توقيعي اك يحسينـــــي
توقيعي اوقعـنه
توقيعت العاشگ دمه فوگ الهــــام
بالقامه وتحـــــنه
من ادخل ضريحك واجب البس حرام
حسين حسين
،،،،،،،،،
تاخذني روحي بلاجدم
ودخل ضريحك دمــعه
وشعل اصابع راحتـــي
موعشره اشعل تسعه
وتسلم عليه بحـــــزن
بلاخنصرك وبقه انـــعه
وذكر نعي زينـــب الك
ودمع البتول البضعــه
من احسب اجروحك
أتألم شما گمت اعد بيك اســهام
اذكر الـــــم روحك
مندخل ضريحك واجب البس حرام
حسين حسين
،،،،،،،،،
لخادم الحـسين
محمد الفهداوي
اخر فرض يحسين صلي بـيه
ودعي بقنوتك يبي ترجع ليه
يا اول واخر حبيـــــــــب
شماتدعي ربيك يستجيب
يبني يبني
،،،،،،،،،،
ذوَبلت شجرة حياتي من نويت بسفرتك
وهاي روحي وياك اخذها طشها ماي بخيمتك
وخلي من عدها الرقيه وخلي منها العيلتك
عيني يبني وياك اخذها ضم مطرها الشفتك
باجر يغالي النهر لوشح مــــايه
تمطر دمع عيني اعله شفتك هايه
بالطف اذا توگع خضيب
شماتدعي ربك يستجيب
يبني يبني
،،،،،،،،،،،
شما أخيط جود اخيك يبني شوينزف الـم
حسين يوليدي يغالي گلي هم عندك عِلم
گلي يمه الجود هذا هم يصيبونه بسهــم
وتوگع جفوف الكفاله وينحجب بدر الشيم
خلف الضعن ماي اشمر اودلالي
من سفرتك بلكت ترد يالغالــــي
بالغاضريه تضل غــريب
شما تدعي ربك يستجيب
يبني يبني
،،،،،،،،،،،،،
جلمت الله وياك صعبه شلون ألفضها صعب
اثلث كواكب ولدي فدوه دمعي الك يمه يصب
انته يمي بس احس تفرهدت مني غصب
ونجفت جربت حياتي اليوم يبني اعله الدرب
جربت حياتي نجفت يم محــــرابك
وگبالي صوره نرسمت من مصابك
قادر تفير انته النصـيب
شماتدعي ربك يستجيب
يبني يبني
،،،،،،،،،،،،،،،
گبالك ارد اقره الزياره من تخلص من الفرض
حسين ياسر كل وجودي وياطعم هاي الارض
للمصايب خيل عشره بروحي صارلهن رگض
أوگطعآ سباح گلبي أوخَمدن يبني النبض
شنهي حياته اليفترگ وي روحه
لوشد جرح تنزف جيع جــروحه
لجروحي بس انته الطيب
من تدعي ربك يستـجيب
يبني يبني
،،،،،،،،،،،
چانت أموكره النورس فوگ بابك كل فجر
من تشوفك تقره صورة قلهوه وحتى القدر
راشد ابنيتك يغالي انشا الله ترد منتصر
كون عندي اربع بنات أويمشن أويم الخدر
يتگابلآ وي زينب بخيمتـــــها
اينزلن دمعهن من تهل دمعتها
ايعيننها علهم ونحــيب
من تدعي ربك يستجيب
يبني يبني
،،،،،،،،،،،،،،
انه مكتفيه ابنيني ادري يوفون الوعد
وبو فاضل عالشريعه يستر الله لورعد
گلت للعباس ابني براسك اتلگه العمد
يبني خاف ايضچ خلگك احچي لو اسكت بعد
گلي اعله بختچ يمه گلشي احچيلي
باب الحوائج انتي بس ادعيلــــــي
ايصير الطف اعليه قريب
بس تدعي ربك يستجيب
يبني يبني
،،،،،،،،،،،،،
لخادم الحسين ع
محمد هادي الفهداوي
خويه حسين ليش الغاضـــريه
صبحهه چنّـــه خنگت مغربـيـه
خايف گلبي يــحسين
مدري شظاملي البين
صبحهه چنــّـه خنگت مغربيـــه
،،،،،،،،
خويه اتفس حـــــزن
بلا سبب يجري الجفـن
والشمس فاتر ضواهه
اليوم يبن امي الصـــبح
عثرت اجدامي بجـــــرح
كربله يخنگ هواهـــــــه
حسين بداعت المحسن أريد افهـــم
ليش عيونك من النوح چنهـــــن دم
بعلم الغيب اعرفك سلوتي تعــــلم
خاطر من تگلي أركض اتحـــــــزم
عيونك بيهن سوالف حزينــه
ياعصابتي وگلبي وحنينــــــه
ليش الكوم صوبـين
خايف گلبي يحسين
،،،،،،،،،،،
گلّي ياخيمة هلـــــي
كربله شضمت الـــــي
ديره ما اعرف طبعـهه
حشدت سبعين الـــف
كل معسكر ضل يــدف
فزت عيوني بدمعـــهه
يابن فاطمه قبل الحدث تــــــدري
نحرك بيه سوالف لوعتي وكسـري
خويه اللاه جمره وتسعر بصـــدري
من شميّت ريحة ينسلب خــــدري
لبس عباس موش عمامه لامـه
صلاة وداع صله باليتامــــــــه
ناوي الگمر لاويــــن
گلي شضاملي البين
،،،،،،،،،،
صدرك محمل قهــــــــر
بي سوالف عالنهــــــــــر
شيجري گلي اعله الشريعه
جفني رف وتوجــــــــلّت
بجيتي ليك تعثــــــــــرت
ياعزيز امي الوديعــــــــه
يالباچي شكثر سولفلي يبن امـــــي
بعروگي نشف يحسين كل دمــــــي
ضل الهــم يخويه ينخر بعضمـــــــي
اجيتك اعثر بلوعاتي وبهضمـــــــــي
أجَرّح الگاع يبن امي بعثرتـــــي
مثل ركضت يتمه تهد دمعــــتـي
عليك بدمعت العــين
خويه شضاملي البـين
،،،،،،،،،،
بخيمتي ريحت حــرگ
گلبي حسب نفتـــرك
كلمن ايروح على حاله
گلي هم اركب هــزل
وينشد بچفي حـــــبل
احچي ياوجه الجـــلاله
صوتك من اسمعه اشعــر براحــــه
هذا الفجر شو روعني مصــــــباحه
فز گلبي الحزين ونزفت جـــــــراحه
راسك چن اشوفه يشيله ذباحـــــــه
يابجي هلي يالتنضح امــــــروه
لاتسكت احچيلي بداعة الخـوه
بداعت گل السنــين
گلي شضاملي البين
،،،،،،،،،،
تشلع بشوك الفـــله
ودمعتك شوسايـــله
الياكتر ترگض رقــيه
خويه يابعد العمـــــر
لياكتر بنتك تفـــــــر
من عساكر ال اميـــه
يبعد عيون زينب خويه يبن امي
ياعصابتي وياهيبتي وأسمـــــــي
باچر كل بناتك ماتفر يمــــــــــــي
الزمهن بديه والجدم مدمـــــــــــي
عزيزت روحك بروحي احامــــيها
ولا اخلي التراب يلوح رجليـــــــــها
ما تبقه الصــواوين
گلي شضاملي البين
،،،،،،
لخادم الحسين ع
محمد الفهداوي
جم عاشور مَر اعليك يالغايــــب
بكثر مابيك شيب اتصورك شايب
صح تضهر بصورة شـــــــاب
لكن للمشيب اسبـــــــــــــاب
يابو صالح يابو صالح
------------------------------------
تذرف عيونك يمهــــــــدي
من الفجر حد الفجــــــــــر
وتذكر الحره العقيــــــــله
الفرهدوا منهـــه العمــــــر
ياخذك بيده المــــــــصاب
ويمشي بيك اعله الجمـــر
وتوگف ابراگ الشريعـــــه
وترد ظهرك منكســـــــــــر
جدك ابو الأكبر من نظر عبـــــــاس
رد الزينب امشيب اودمعه احساس
ظهره اعله الأخو ماطاب
لچــــن للمشيب اسبـــاب
يابو صالح يابو صالح
------------------------------------
من يهل عاشور دمعـــك
يرسم جروح اوضمـــــه
تبجي لحسين اومصابــه
مو دمع دمعك دمـــــــــه
مدري هسه انته على التل
مدري يم حامي الحمـــه
ومدري يم عباس تلطــم
انته وامك فاطمــــــــــه
صاحب هل مقاله وانته گايلهـــه
دموعي من دمه لحسين انزلهــه
ايعينك علي داحي البـــاب
لچـــــــن للمشيب اسبــــاب
يابو صالح يابو صالح
---------------------------------
سيدي هاي المــجالس
كلها تتقدم الــــــــــــك
وانته بعيونك مصيبـة
فاطمه اولوعة فــــدك
انته وجروحك عجيبه
شلون أرض تتحــملك
هلال عاشور بظهــوره
رسم كل لوعة هـلــك
ألف وكسور عام معاشر الشـــدات
كلبك مو كلب صاير وطن لوعات
شال صواب فوك اصــــــواب
لكن للمشيب اسبــــــــــــــاب
يابو صالح يابو صالح
-----------------------------------
حسين لمن عاف اخــيه
اعله الشريعه وضل وراه
فرهدت حيله المصايــب
والمشيب استوطنــــــــاه
رجع لخيام العقيلــــــــــه
اوكله حسره اوكلـــــــه اه
عاينتله زينب اخـــــــــــته
تصيح اخوي شغيــــــــراه
لحظه الشيبت جدك اورد مكســـــور
وانته عليك هل يالمهدي جم عاشور
بدلالك لهيب اطنـــــاب
لچن للمشيب اسبــــــاب
يابو صالح يابو صالح
------------------------------------
رَكظَة ايتام بـــــــــــدليلك
خايفه بلايه ولــــــــــــــــي
اوصوت اخت عباس تندب
خويه وينك كافلـــــــــــــي
من الوطن انته الجبتنـــــي
وكتلي خويه ادللـــــــــــــي
چني احس زينب تنــــدبك
عمه حركوا محملــــــــــــي
لمن أيسّت مايرد راعي الجــــود
زينب ندبتك يامهدي ياموعــــود
تندبك والدمع سجــاب
لچـن للمشيب اسبــــاب
يابو صالح يابو صالح
--------------------------------
شايل بروحك ثــــواكل
كلهن ينوحن ســـــــــوه
وحده تندب يمه جاسم
كوم يابعد الهـــــــــــــوه
وحده تندب اه يالأكبـــر
يالجنت لمك ضــــــــــوه
وحده كعدت يم ابوهـــه
تكله جف رجلي انجـــوه
بروحك حسرة اسكينه اعله والدهه بالطف حايره ومحد يساعــــــــدهه
اليرعه اسكينه ضل ســــلاب
لچــــــــن للمشيب اسبــــــاب
يابو صالح يابو صالح
------------------------------------
خادم اهل البيت ع
محمد الفهداوي
بويه ديوانك حزين
يابخت كل السنين
بويه فراگك ابد ماخلالي عين
تعثرت جلمت تعال اعله الشفايــف
صار مدري بياكتر شيخ المضايـــف
حزني غرگ داري وطراف الطوايف
مثل حزني يازمن هم هيجي شايف
انه مجروحة دليـل
دمع الموادع يسيل
تدري بهجرك ذبح يذبح يالحنين
اني عت گلبي الحزن حد ما حناني
وانه معلوله وجمر حزنك جوانــي
انه ابوي الراح للطف ما خذانـــي
بنبلة الفرگه زماني صــــــــوباني
انه صوبها الزمـــــان
بسهم من راح الحنان
انت روحي سافرت ياروحي وين
،،،،،
انه حتى اليل شيب من حنيني
تون عتبت داري من تسمع ونيني
بويه ارضه بطيف لوليله تجيني
انه شجره اومن غبت ذبلت سنيني
انه ذبلني المغيب
انه فاركني الحبيب
بويه وداعك اخذ كل طهم السنين
انه عد نجم السمه ليليه مره
وانه ما اغفه لأن بعيوني جمره
انه كسرت خاطري موسهل جبره
ونه حيلي بغيبتك ضل محني ضهره
عيوني فارگها المنام
خيم بروحي الضلام
داري من اننحب تبچي من گد الونين
،،،،،،،
گمت ادور اثار ضعنك بلصحاري
صار مثل الگبر بويه حسين داري
بيك سالفتي بقت ليلي ونهاري
انه مكسوره وكلف والله نكساري
ذبل عيوني الحنيـــــن
من رحل وجه الحسين
وداعت بوسة ثغرك الفوگ الجبين
،،،،،،
انه بحضانك ضگت طعم العوافي
هسه ضل صاحي الجفن ماليله غاغي
گلبي ضل يركض وراكم بويه حافي
خلف ضعنك يركض برمل الفيافي
گلبي ضل يركض وراك
بيك يلهج مانســــــــــاك
گلبي چلب بالضعن من غير أدين
،،،،،،،
لخادم.الحسين محمد هادي الفهداوي
اي استفسار خدام الحسين اني خادم لكم هذا رقمي 07821861613
Читать полностью…
حاچاني الموت گلي انته منين
وناديته بصـوت خادم لحســـين
گلي انتــه شگد باچي بعاشــــور
ضل خجلان من دموعي ومكســـور
حاچاني الموت حاچاني الموت
،،،،
الفرگه تذبح وانه وحدي يامحنتــي
من اجوني تباركولـي عن خدمتي
منكر أوياه نكير تمحنــــــــــوا
شافوا دموعي لبو اليمه وبچـوا
صبروني
شافوا اثـــار لطم الزنجيـــل
اليسألني حتار ضل دمعه يسيل
حاچاني ياخادم ماجـــــــــــور
گالي انته شگد باچي بعاشــــور
،،،،،،،
حسين اجاني من ندبتـه وماتأخـر
جربه جايــب بيها دمعي جنها منبر
گلي دمعك هذا جبته للگـبر
لونه احمر اني شفته چنه در
وقبلاني
بيه شفت سهام بصدره من الكوم
ونحره المذبــوح ينزف لليـــــوم
تعبك گال ماضايع مظخـــــــــور
گلي انته شگد باچي بعاشــــــور
،،،،،،،،
بيده دفتر اني شفته طلع اسمـي
حته راسم بيه لطمتي فوگ جسمي
وياه شفت فارس اجه بعينه سهم
مدنگ گبال الحسين ويبچــي دم
اني شفته
ماعنده چفوف بس عنده زنود
اعرفته العباس قدملي الجــود
من ارسومه يگطر شفت النـــــور
گلي انتـــه شگد باچي بعاشـــور
،،،،،،،،،
الخطوه گلي تسوه جــنه يالتحبنــي
ما اعــــوفك جيـت ازورك يالزرتني
گلي خطواتك الي تخظـر ورد
وجنه سوالي ابو اليمه الــحد
ماكو مني
چنت بدنــياي اخدم بحــساس
بدرب الـزوار چنت ازرع ياس
جاوبتـــه عمري الهم منــــذور
گلي انته شگد باچي بعاشـــور
،،،،،،،
لوله دمعـي وهل خدامه حاسبوني
مني خجـلوا قدرونــــي وسامحوني
والله متندم على ايام شكــثر
خلصت بغير العزه وتنعد العمر
والله ندمه
لوعمري عيود قرايات اگضيه
ولطم لحسيـن ويوميه ارثيــه
كل نوحي عالضامي المنحــــور
گلي انته شگد باچي بعاشــــور
،،،،،،،
لخادم الحسين ع
محمد الفهداوي
بعينچ دمعات كل دمعه حساس
لوغيرچ مـات من ظلم الـــــناس
،،،،،،،
چفن عينچ جرح چــنـه
وتلچمه الدمعه من تهـل
ضهر الناگه بللتيـــــــــــه
من گد دمعچ اليــــــــنزل
انتي عله الناگه ودمعـاتـچ
تنزل مثل النـــــــــــــــيران
گبالچ يازينب خــــــــوانچ
قرأن بصف قــــــــــــــــرأن
يقرون بأيات احزانــــــــچ
كلهن عن العطـــــــــــــشان
تفرهد حيلچ بالطف زينـب
من ودعتي الوليـــــــــــــان
ضل يبچي إوياچ راس العـــباس
بعينچ دمـــعات كل دمعه حساس
،،،،،،
شمس چنچ على الـناگه
وضوه يتبده من عــندچ
بچيتي وبيّن بوجـــــهچ
جرح من دمعچ بــــخدچ
راس حسين اينوح گبالــچ
من يدناچ الــجــــــــــــــلاد
يدخل رمحه براسه وينزف
رمحه بنحره شـــــــگد حاد
سومر نحَرحسين من الحر
لمن طب لبن زيـــــــــــــــاد
من خيمة عباس بوجهــــچ
يازينب باقي ارمــــــــــــــاد
هظمچ والله لاما ينــــــــقاس
بعينچ دمعات كل دمعه حساس
،،،،،،
الناگه شمامشت خطــــــوه
تميل وبيچ تتعــــــــــــــــثر
الحبل ضل يبچي بچفوفچ
خجل وبدمعته تعـــــــــــذر
جروح اطوفچ چنچ كـــعبه
وحجابچ كلها ايتــــــــــــــام
خيمه انتي وطبيتي بحشمه
بنص ديوان الظـــــــــــــــلام
يمچ راس حسين المشـــــرق
عون ويمچ جســــــــــــــــــام
زارع عباس بنص ثغـــــــــرچ
خطبه وصارت صمصــــــــام
دخلتي بايتام موكب بـس يـاس
بعينچ دمعات كل دمعه حســاس
،،،،،،
جرح شابگ جرح دخلــوا
يتامه حسين يازيـــــنب
عصه يزيد اعله ابو اليمه
اعله ثغره وشفته تلعــب
شماطگ راس حسين دموعچ
تنزل فوگ الخــــــــــــــــــدين
يابن هنده تصيح جـــــروحچ
شيل ايدك عن حســـــــــــــين
هذا الچان ايقبله الــــــــــهادي
بثغره ويجريله العيــــــــــــــن
لاگعّدلك راعي الغــــــــــــــيره
بسيفه ايطرك نصـــــــــــــــين
تطلع حسرات وي الانفــــــــاس
بعينچ دمعـــات كل دمعه حساس
،،،،،،،،
بطشت راس الگمر لـــــچن
يون الحالچ ويبــــــــــــچي
وذا واحد تدنالــــــــــــــــچ
يخزره ويغضب ويحچــي
مايرضه العباس بهظـمچ
وداعت جعفر يم عــــون
ويدخّن راسه شمايسـمع
ناس بزينب يحچـــــــون
حتى الگاع اتقبل خيالــچ
يالكلچ عفه شلــــــــــــون
حاميكم الله وحافظكــــم
من كل شر رب الكـــــــون
حارس وياچ راعي النومــاس
بعينچ دمعات كل دمعه حساس
،،،،،،،،،
لخادم الحسين ع
محمد الفهـداوي
خي عونه يابويه الرمــــــح
يشتم بنحرك بالـــــــــــدرب
اليوجعني يابعد العمـــــــــن
بويه الشتم موش الظــــرب
فدوه الزارگ البلمــــــــــتن
وطيحاتي من الناگـــــــــــه
بگد چبدك الظاگ العطـــش
هيچي اني الك مشتاگــــــه
كل ماعليه تباوعــــــــــــــت
من اخوتي ايطلعـــــــــــوني
انتي اليحبچ والـــــــــــــــدچ
وبسياط يتولونــــــــــــــــــي
شمسين فوگاي اصبحـــــــــن
وتشابهن بالصـــــــــــــــــــوره
وجهك شمس فوگ الرمــــــح
وتتبده منه حــــــــــــــــــروره
عطشانه بويه الوجنتـــــــــــك
وشفافي ظلآ صايــــــــــــــمـه
أمنهد الحوافر والذبــــــــــــــح
لليوم ابد مانايمـــــــــــــــــــــه
چتفوني بگماط الطفـــــــــــــل
موش بحبل چتفونــــــــــــــــي
ومن حظروا نوگ السبـــــــــــي
من جثتك جرونـــــــــــــــــــي
غطتني چم مره بحظــــــــــــن
عمتي ام عون الغاليـــــــــــــــه
من كثر ما اطيحن مـــــــــــتت
والناگه چانت عالــــــــــــــــــيه
بويه العماني منحــــــــــــــــرك
من كثر دمع احساســــــــــــــي
انه اليتيمــــــــــــــــــــه وشيبت
وبيض تحول راســــــــــــــــــي
گمت افرش بنص الگلــــــــــــب
مصلايتك ياروحـــــــــــــــــــــي
وجرحك يصلي بكل فـــــــــرض
وخلفه تصلي جروحـــــــــــــــي
موعدله ميته وبس نفــــــــــــس
ومروره احس ابريتــــــــــــــــــي
من طگني يابويه الشمــــــــــــــر
من اذني ذب ترچيتــــــــــــــــــي
لخادم الحسين ع
محمد الفهـــداوي
بگماطك نقش لو دم يعبد الله
وبنحرك سهم ماگايل اسم الله
صايم صارلك يومين
قرباناً الوجه حســين
،،،،،،
يالمدلّي السهم نحـــــــرك
يالبعمر الورد عمــــــــــــرك
المثلك غافي بالكــــــــاروك
مو للموت البكبـــــــــــــــرك
العطش شارب نده ارسومك
نقش لو دم على هدومــــــك
صعد دمك رسالة شـــــــــوگ
وبچت اهل السمه بيـــــومك
وي دمك نزل دمعك يبعد امـك
ساعه حسين ضل بنحرك يشمك
تتفطر بسهم البيــــــن
صايم صارلك يومين
،،،،،
البرائه نذبحت بنبــــله
بحضن حسين موسهله
صح عمرك اقل من عام
بس جرحك منو يحمله
من رد بيك للخيمــــــــه
بعينه الطف صبح هيمه
حتار حسين وين يروح
تيّه من كثر ضيمـــــــــه
سكنه حاچت حسين بگلب هايم
ساگين الطفل نبله ورجع نايـــم
واختك لطمت الخدين
صايم صارلك يوميـن
،،،،،،
كاروكك نزل دمعـــــه
وبمجانگ شعل شمعه
ومك هزته وسمــــعت
دلول الولد ينـــــــــــعه
وانفل الحرز منـــــــــــه
وحمره نگلبت الحـــــنه
سابع خيمه للگــــــاروك
ضلت تسمع الونــــــــــه
يدري اترد نفسك مابيك ياعنبر
صار گبال امك يشبه المنــــــــبر
ودمع امك على الخدين
صايم صارك يوميـــــن
،،،،،،
يا اترف نحر بالـــــــــطف
من حر السهم رفـــــــــرف
چنك اية الرحمــــــــــــــان
يالغافي بحضن مصـــحف
گماطك خضّباه الـــــــــــدم
ضامي اوالدك زمــــــــــــزم
من جاك السهم مخنـــــــوگ
وبنحرك بقه يشتــــــــــــــم
نحرك للذبح مايرهم اشگـــادة
وبدال السهم يتلبـــــس اگلادة
يَمفرفح بحض الدين
صايم صارلك يومين
،،،،،،
شالك والدك گلــــــــــــبه
يمدلّي السهم دربــــــــه
دنيه ولاعرف بيـــــــــــها
بس حسرة وضمه وغربه
المثلك مايذبحونــــــــــه
ولابالطف يعطشونــــــــه
كون بكل فرض مــــولاي
ايه وكون يقرونــــــــــــه
يا ازغر رفض ما بلل اشفافــــــــه
ضامي يموت والرتبه على چتافه
بچيّت اشكثر غالــين
صايم صارلك يومــين
،،،،،
لخادم الحسين ع
محمد الفهداوي
سولف عالنهر عباس سالفــــــــتـــه
لطم حد ماچفوفه تگطعن لختــــــه
ضل يبچي النهر وياه
وصاح بصوت واويلاه
يازينب يازينب
،،،،،،،،،،
همس بذن العگمي راعي الحمـيه
سولف اوياه اوبچه وناحوا سويـه
ارد اگلك يانهر هاي الرزيــــــــــــــه
باچر اختي تمشي من يمك سبيـــه
اسمع يانهر وفتهم سالفتـــــــــــــي
جروفك خلها تلطم لوسبوها اختي
عباس الوفي وصـاه
ضل يبچي النهر وياه
يازينب يازينب
،،،،،،،،،
صفن نهو العلگمي اوبطل مسيله
وصاح الله يعين گلبچ يالعقيــــله
شلون بت حير علي حامي دخيلـه
تمشي من يمي على ضهر الهزيله
صعبه اختك يبو النوماس يسبوها
لانغار لامن اهل يحمـــــــــــــــــوها
والگافل يــــــــردد اه
ضل يبچي النهر وياه
يازينب يازينب
،،،،،،،،،
نخله چانت عالجرف تسمع حچيهـم
ونحنت من القهر من گد بچيهــــــــم
وحترامآ دنگت نزلت عليهـــــــــــــــم
سمعت اقريه اونعي ايموت نعيهـــــم
قرايه وچان يقره الگمر بدموعــه
وچانت زينب الحوراء موضوعــه
مجلس عالجرف سواه
ضل يبچي النهر ويـاه
يازينب يازينب
،،،،،،،،،،
حسين اچه اولحگ على اخر مصيــبه
ولگه العباس الكمر ينعه الغريـــــــــــبه
لگه مطبّـــــر راسه والهامه خضيـــــبه
ودنگ اعليه السبط قبل حبيبــــــــــــه
گله امشينه للخيمه يضي عينــي
كله اتركني يم النهر يحسينـــــي
سابح بالدمه شافــاه
ضل يبچي النهر وياه
يازينب يازينب
،،،،،،،،،،،
من قره العباس عن اخته الاميــــره
ومن وصل زينب يودوها اسيــــــــره
طاح دامي اوضلت انفاسه الاخيـــره
بس بقه الوفاي ينزف كله غيــــــــره
راح اكتب الزينب خويه عذرينـي
بنبلة عيني لختي من دمع عينــي
بعينه السهم من صاباه
ضل يبچي النهر ويــاه
يازينب يازينب
،،،،،،،،،،
شافت حسين السبط بنت الوديـعه
تگله شابع بچي چنك عالشريعــــــه
گلها بقرايه جنت نوح اوفجيعــــــه
بيها عين اوسهم والقصه فضيعـــه
خويه التعزيه العباس ســــواها
وعيون الفرات بصوته بچاهـــــا
ختم اخر نعي اوعــاداه
ضل يبچي النهر ويـــاه
يازينب يازينب
،،،،،،،،،،،،
خويه گلي عليك ابو فاضل يالحسين
مجلس العباس يوين بياكتر ويــــــــن
ارد اروحن وبچي حد ماتنطفي العين
وارد ابوسه براسه وشلع نبلت البيـــن
گللها الحسين اولزم گلب اخـــته
خلّـص مجلسه وعباس ودعــــته
بسته بهامته اويمــــنا
ضل يبچي النـهر وياه
يازينب يازينب
،،،،،،،،،
لخادم الحسين
محمد الفهداوي
تحت ضل العرش لمن نشوفك
يبو السجاد مانگدر نعوفــــــك
جمال عيونك الجـنه
مو للحور نتمنــــــــه
نتمنه نشوفــــــــــــك
،،،،،،،
خلق رب العرش نــورك
گبل مايخلق الجنــــــــه
واخذ من حاجبك شعره
وخلق ياس وخلق حنـــه
واخذ من حسنك البـــاري
وبعد مدري شخلق منـــــه
لگيت الحور من وجهك خلقــــــــها الله
ولگيت المصطفى الوجهك شكــــر صلـه
لگيت اسم الله بظلوعك شكو إسـم الله
اليشوفك باچر ايشوف الأمانــي
يصيح بصوت خلوني بمـــــچاني
العشگ ماينشبع منـه
جمال عيونك الجنـــه
،،،،،،،
تحت حظنك اذا نلتــم
نشم طعم العشگ كلـه
كلمن ماخدم شخصـك
يضوگ مرورة الذلـــــه
باچر تنحني علينـــــــه
مثل ماتنحني الدلــــــه
يخيمتنه الچبيرة النگعد بفيّــه
شنسولف والسوالف يمگ شويه
يا اطهر نسيم الشمته الريــــــــه
اذا باچر يبو السجاد نلتـــــــــم
نشبگك گلنه ونشم منحرك شم
نگلهم نبقه يم خلنه
جمال عيونك الجنه
،،،،،،
يَكحل عيون خدامك
يحسرتهم يدمعتهــــم
الروايه تگول بالمحشر
باچر سيدي تلمهـــــــم
يشمونك على نحـــــرك
وانته ادنگ اتشمهــــــم
نشم باچر بصدرگ نسمة ابروده
واثر للخيل خافن نلگه موجـوده
كل موكب يضل ينـــــعاك رادوده
البچالك دمعه يلگه الدمعه كــوثر
الزغيرة هنانه يمك غاد تكـــــــــبر
يقين وهاي مو ضنه
جمال عيونك الجنـه
،،،،،،،
على الطف تگعد تسولف
سوالف والوجه ضــــاوي
مشاهد تعرض بصـــــوتك
حقائق مو حچه الـــــراوي
الطّم والرد ابّو المــــــوكب
الكتب ولناح متســـــــاوي
إمن اول نبله تحچي الگطعت الخنصر
وموقف من بعد موقف تضل تذكــــــر
واكيد بكل عزاء الزهره بينه أتمـــــــــر
تجيب وياها قارورة مدامــــع
جليلة قدر ليها مانـــــــــــباوع
يمنّت رازق المـــنه
جمال عيونك الجنه
،،،،،،،،
تسولف عل عطش باجر
يبعد عيوني وعـــــيوني
هويّه أموقعّه بخطــــــك
غاد اعتقد ينطونـــــــــي
عنوان الهويه إيصيــــــر
بشرب الماي ذَكرونــــــي
تسولف عن علي الاكبر وعن حِسنه
شلون من المهر طاح وغمض جفنه
وعن جاسم وعن أشموعه والـــحنه
وتسولف عن معاني الخوه بالطف
إلنطاها عيونه وچـــــــف بعد چـف
وفه وغيره توّصفنه
جمال عيونك الجنه
،،،،،،
لخادم الحسين ع
محمد الفهداوي
فدوه لسمك - شلون المك_ مطشر اعظام
ماهو. حضنك- خويه جسمك _. بس للسهام
بحصيره جمعته // اونينك سمعته
____
من اخيامي جيتك اركض وطاحن خيامي
بس ليگتك خويه تشهك ومنحرك ضامي
موش جسمك رمح راسك صار كدامي
اسهام الي بكلبك رمني وكتلن احلامي
وين اصبعك- خلي ادوره -بلكي الكاه
دوريته -ماهو بيدك -ومحبس وياه
لگيته ومسحته //ونينك سمعته
___
انه اول مره اطلع والزلم يمك
من الصهيل اليم اذاني تيهت جسمك
اتاشر بيدك عليه وانه مافهمك
تيهت والوصلاني العطر الي بهدمك
من وصلتك- مجفي دمك _وتارس الكاع
ويه اختك _ سكته صوتك_ومامش اوداع
طريقك حفضته _ ونينك سمعته
____
تابعتهن خطوه خطوه اضلوعك الطاحن
ثوبك وذيج العمامه بالسحك راحن
عمه زينب كل بناتك بالحرك صاحن
وانه اكلهن مات ابوجن اليمه ترتاحن
گلبي فرفرح _يم ذبحتك _اكعد وياي
نريدك احنه _ يمنه واكف -شلنه بلماي
حملكم حملته //ونينك سمعته
__
رد عليه بچلمه وحده وفتح اعيونك
كلشي اشوفن بيك طايح كلبك ولونك
ليش لاحوك بحجر يل مايلوحونك
يل تگلي شلونج انتي انت الشلونك
وينه صدرك. -وينه ضهرك-صاير اتراب
شفته حضنك -للحوافر-مو للحباب
ترابك شبگته //ونينك سمعته
__
راح اروح مودع الله السبي متانيني
ماشوفن راحه باجر راسك بعيني
والله مشتاكه لچفوفك من تدليني
والله مشتاكه الحچينه من تحاجيني
راح اكلك -كلمه وحده _واختك تروح
كوفه باجر_والشماته -تطلع الروح
مصابك صبرته//ونينك سمعته
_
محمد الهاشمي
