ليلة العاشر
اريدن شوف منه اشبع .. باجر طوله يتگطع
المن بيش اخوي حسين.. اذا بالهيمه يتوزع
كل حافر يجي يعبره ،، ياخذ وذره من صدره
*
جابو خيول معصبه_واتخيل انت المنظر
صدر الحسين من السحك_للخيل صاير معبر
وچم حافر الداس الوجهه_وجم ضلع منه مطشر
ياشر بااديه من الالم _والرمح وياه ينجر
يكوم يريد مايگدر //كل ماگام يتوذر
سلام الله ع عيونه //الم بيهه وترد تعثر
وعثره اتچلب بعثره،، ياخذ وذره من صدره
**
دمك مشه مثل النهر _يمكن يعاتب بالگمر
چنك ردت يگعد الك_بس هوه همه ماگدر
چفوفه صفت متگطعه _وي گطعة اجفوفه انشمر
عين بسهم عين لخيم _ودفنو اخوك بكل حجر
سهم بگلبك وضامي //وتگلي رجعي لخيامي
گلي شلون المنك//الوجه عالگاع هم دامي
الرمح متربع بضهره..ياخذ وذره من صدره
***
الله يساعد كل جرح_من جسمك بهل اليله
حيلك يخلصونه الك _وطولك نضل نبچيله
طايح احسين اعله الوجهه-محد يجي يتچيله
طفله صغيره من الهضم -بدم ودمع تشكيله
من اذنهه شلعو الكلمه//وتگلي اخ ياعمه
ابوي احسين شيجيبه //الخيل اطشر بجسمه
خذه كلشي وبقه عطره ..ياخذ وذره من صدره
*
مشتاگه اعاتب يل الاخو_ وعتابي وياك هواي
لامسألة ماي وعطش _تگعد اريدك وياي
ردتك الي عون سند _وتاليها طايح چن ماي
چم موقف احسبهن الك _باصرني ياخويه براي
احلفك بامي جاوبني //سكوتك هذا يذبحني
اعله راسي حرگو الخيمه// بحرك دار امي ذكرني
عيونك تبچي دم حمره ..ياخذ وذره من صدره
****
من التل اشوف وشاهدت _جسمك لگيته وموجود
من اوصلت ماشفته ابد_عليه طريقك مسدود
بس عطرك اشتمه صدك_بس انته ماكو مفقود
اعذري يخويه تهيت _وتالي لگيتك ممدود
راسك ماهو ماشفته//معقوله يخوي انته
وجسمك باقي متگطع //صوتك ماكو مسمعته
سلملي عله الزهره ..ياخذ وذره من صدره
*
محمد الهاشمي
/channel/adm1456mohmad
يارقيه
صح لخوتي شتاگ الگلب
ولهم دمع زينب يصـــــب
بس ما اعوفچ بالغـــــرب
يارقيه
،،،،،،،،
يابنت اخوي وغربتچ وچفوفچ المچويه
ثنيناتنه نعيش الألم مسبيه يم مسبيــــه
انتي بلحد وانه بلحد بس موبعيدة اعليه
زوّاري اگلهم بالحلم يهدون الچ ترچيــــه
يخنگ هوه الشام وتنفسيتـــــه
المثلي قبل عــــام يمشي بمنيته
ما اعوفچ
ودعة دمعتي ودمعتچ
مو من محنة عمتــــچ
امشي وتذبچ غربتـــچ
يارقيه
،،،،،،،
وداعة شهكتچ عالطشت من متي فوگ الوالي
جرح السبي صبح وعصر يمشي بوسط دلالي
ليليه يلچمني وافز يوميه يذبح غـــــالي
وگعد وشوف الطف رجع وحسين اخوي گبالي
ويگلي عطشان يختي الغريبـــه
طيف اوعطش بيه ومنين اجيبه
بعيني اشوفه
ليليه يلفني بحلــــــــــم
ماشبگه اخافن يلچـــــم
بس نحره اضللاً بي اشم
يارقيه
،،،،،،،
جرح الشماته بهل بلد لعيونچ تحملتــــــه
سوگ ابكماله ايصد الي ما اگدر انسه الشفته
وذكر طبلهم ماخجل خلصها دگ موسكته
وحسين اخوي اعله الرمح لمن طحت طيحته
لمن طحت طاح وتدنه اليــــــه
عذريني يم عون يختي السبيه
گتله فدوه
لاتبچي ياخيمة هلي
اختك تره لبوة علــي
لعيونك اصبر ونولـي
يارقيه
،،،،،،،
هم يوجعچ مثلي الحبل هم باقي اثر بچفوفچ
بالكت تجين العمتچ من تندفن وتشوفچ
ليليه افرش عيني الچ بلكت تَسير اطيوفچ
لابيه امشي الكربله ولاعندي روح اتعوفچ
محتاره ضليت حته بمنيتي
مويم الحسين گبري وبنيتي
أمني أمني
يمچ أموتن وندفـــــــــــن
عمتچ عبايتها الجفـــــــــن
بگبري وعلى العباس احـن
يارقيه
،،،،،،،
ها يا عزيزة والدچ ها يارقيه ارتاحــــي
ادري ابوجع هذا البلد ذباحچ وذباحــــي
ماعوفچ وداعة شكو اثار فوگ اصفاحي
موش اعله عون الخاطرچ مكسور انه جناحي
مثل امچ وزود بيّه المحــــــــنّه
حته اليجي ايزور يبچي الحزنه
يبقه دمعي
يجري اعله ابوچ وعلگمر
والموّت ام عون القهــــــر
قاسملي بالشام القـــــــدر
يارقيه
،،،،،،،،
لخادم الحسين ع
محمد الفهداوي
اتمنه اصيرن ساريه ورفع علم عـزائك
بالبيرغ اسمك ينكتب وشتم عطر ولائك
حسين حسين حسين
،،،،،،،،،،،،
گلساع اشبگك من يهـب الـــهوه
ويفوح من اسمك عبير الـــــورد
اتمنه بس وياك يگضي العمـــــر
رمشت جفن عنك صعوبه ابتــــعد
يقرالي جرحك صورت الواقـعـــه
واني اقره يابو سكينه صورة حمد
من اخدم ابموگب احسآ مــــــلك
لحسين اتفاخر اصيرن عــــــــبد
مايبقه بمتوني ذنب من احضر برثائـك
بالبيرغ اسمك ينكتب وشتم عطردمائك
حسين حسين حسين
،،،،،،،،،
عمر العلم يحسين يبقه سنـــــه
وهاي السنه وياك تنعد عمـــــر
موعمر إيآ كان لا يختـــــــــلف
ضعفين ينعد ويه عمر الخضـــــر
هوه اليرافگ ورد طبع الــــــورد
كل فجر يبن الزهره يمطر عطـــر
اني العشگتك وفخر بهل عشـــگ
بسمك اشدن حيلي من ينكســــر
ماينگطع مثل البحر جود اوكرم عطائك
بالبيرغ اسمك ينكتب وشتم عطـر ولأك
،،،،،،،،
يمشارك عيوني بضواهن كـفــو
منك يبو السجاد يابو الهـــــــله
والصعبه تنحل بسمك وتنگضـــي
چم معضله الگاضيها الي بمعضلـه
وجروح جسمك چنهن الفاتحــــــه
بس جرح راسك يشبه البسمـــــله
ضعن المشاعر سيدي كل فجـــــر
من روحي يطلع يعتني الكربلــــه
يمصفن اعيون الرمح من عاين البهائك
بالبيرغ اسمك ينكتب وشتم عطر ولأك
حسين حسين حسين
،،،،،،،،،،،،،
مرات اصد للساريه وابتســـــــم
ومرات اصد ليها وسيل الدمـــــع
من ابتسم اتصور اني العـــــــمد
اومن ابچي اذكر جرحك وألچـــــم
تل زينب بصدري صفه تل قـــــهر
من نوحي وگت الضهر شفت النجم
يبنيني جف عباس راعي الوفــــه
مندخل مجالس انهضم ونــــــهدم
يالقدمت حته الطفل ماصح مثل سخائك
بالبيرغ اسمك ينكتب وشتم عطــر ولأك
حسين حسين حسين
،،،،،،،،،
مرات ارسم جرحك بدمعتــــــي
مرات ارسم صدرك بلا ضـــــــلع
وبنص خيالي خيمه گلـــــــه ورد
وتزگي الورد ام الخدر بالـــــدمع
مرات اشوفن چف يگطـــــر وفه
مرات اشوفه اعله النهر منگطــع
يحسين فسرلي جرح جبـــــــهتك
معقوله جرح الحجر ما مقتنــــــع
صدگني معنه المرجله من اجهش ابگائك
بالبيرغ اسمك ينكتب وشتم عطـــر ولأك
حسين حسين حسين
،،،،،،،،،،،،،
ثوب الخدم غالي اويفوق الثمـــن
واني البسته اوما تتلف دَنـــــس
ماحاجه فوگ جتافي يكتب مــــلك
بعيوني حبك وگف مثل الحــــرس
من فاضل الطينه خلقني العشـــك
وعاشور بيه خضر امن انغـــــرس
يحسين بضلوعك تحس ابوجـــــــع
گالو بصدرك ضال حافر فـــــــرس
ولفزز اصحاب الكهف يبن النبي ندائك
بالبيرغ اسمك ينكتب وشتم عطر ولأك
حسين حسين حسين
،،،،،،،،،،،،،
لخادم الحسين محمد هادي الفهداوي
ياعشگنـــه الاولي
انت ماغيــرك ولي
غديرك بي فرحنه
غديرك كلنه صحنه
،،،،،،
چانت اتلوليلي امي من جنت وسط المهد
بسمك وكلساع اكلها يمه لوليلي بعــــــــــد
گلبي الك تنور حاتم ماطفه ليله وبــــــــرد
يارحيق الكعبه البيض يا الذ من الشهــــــد
المشه بدربك عنده حض
يا امام ومفتـــــــــــــرض
غديرك لم شملنــــــــــــــه
غديرك كلنه صحنــــــــــه
،،،،،،
بشر كل عمره مناقب حرت بيمن ابتدي
يافضيله ياكرامه مزدحم ياقائـــــــــــدي
ابدي من افراش طه الاخر الحب سيـدي
حگي بيك انجن وصيرن قنبره من مولدي
اليمه اسمك ينـذكر
ياعلي ايحصل اجر
غديرك چنه جنــــه
غديرك كلنه صحنـه
،،،،،،،
انت يا اول عشگنه وبيك كل شيعي انفتن
انت الاول تبقه الاول ياعلي يابو الحســن
يم شموخك حنه راسه ودنگ اجلال الزمن
الدنيه غربه وبس وجودك ياعلي نشوفه وطن
اه يحلال الشـــــدد
انت للخايف سنـــــد
غديرك من جمعنـــه
غديرك كلنه صحنـه
،،،،،،
البايعك فاز بحياته وربح حسن الاخـــره
انت خيمتنه الچبيره نقسم بسيد الــــوره
الخير كله النعمه كلها وسط جفك حيدره
وجوه خدامك اليله ياعلي مستبشــــــــره
علي حماي الحمــــه
رحمة الله من السمه
غيديرك ضي لمحنه
غديرك كلنه صحنـه
،،،،،،
ياعلي لوتدري گلبي هام بدورب العشگ
مو سراب انت الحقيه والصدگ وصل الدگ
انت مشكات الولايه والگلب بسمك يدگ
انت يانسمة محمد من اعوفنه اختنـگ
منك اشتم الهـــــوه
وانت مصدر للضوه
غيدرك بي حضرنه
غديرك كلنه صحنـه
،،،،،،،
لخادم الحسين ع
محمد الفهداوي
ماترضه عيني تنام ماترضـــــه
وماغضت للنوم ابد لحضــــــــه
بويه بويه انه العليله
،،،،،،
جني بحلم وتحاچه وي روحــي
وسهرانه طول اليل وي نوحــــي
من كثر ما ابچي على احبابـــــي
الگه ملح صاير على جروحـــــي
هسانه مدري بحلم لو يقضــــــه
بويه بويه انه العليله
،،،،،،
الحسبات يهلي شربت ارسومــي
وبگد صوركم صارت اهمومـــــي
من كثر مانوحن نحل جســــــمي
عليّه چبيره صارت اهدومــــــــي
كلمن قسمته وكلمن اوحظـــــــــه
بويه بويه انه العليله
،،،،،،،
مرورة فگدكم شيبت راســـــــي
ومكسور گلبي وينزف احساسي
كل مغربيه اختنگ وتشاهـــــــــد
بل ياعلي يالله اجذب انفاســـــي
مامر عليه النوم ومغمضــــــــــــه
بويه بويه انه العليله
،،،،،،،
وين التحبه الروح عافانــــــــــي
بين المنيه وبين نيرانـــــــــــــــي
ضل جار يشكي الجار من عـندي
من گد نحيبي شال جــــــــيراني
بلون الذهب چنت اشبه الفــضه
بويه بويه انه العليله
،،،،،،
كاروك عبد الله وملابسكــــــــم
بيهن أشم أودوّم اعاتبكـــــــــــم
يهلي الصده يذبحني كل مــغرب
چي فارغه ضلت منازلكـــــــــــم
من علتي سهم الهجر امضــــــــه
بويه بويه انه العليله
،،،،
ماي اسود من النوح بعيونـــــي
وصوط الهجر ورمهن امتونـــي
لو هسه كون التلاگه وياكـــــــم
متغيره حيل وماتعرفونــــــــــي
بالحايط الزم يا الله اتوضـــــــه
بويه بويه انه العليله
،،،،،
لخادم الحسين ع
محمد الفهداوي
زينب اذا مذبوح شـفتيـــــــــني
تلگين دمع افراگچ بعينـــــــــــي
،،،،،،،
ميّلي التراب وقبّلّي نحـــــــــري
ومثل الجمر خويه الرمل حدري
لوشفتي صدري اتوسلچ صــبري
من نحري أحچي وياچ اسمعيني
،،،،،،
ميت وديه افتحه لوجيتـــــــــي
بل يا هلا اتلگاچ يم بيتــــــــــــي
انتي الهوه التتنفسه ريتـــــــــــي
وعليچ اشبگ من تشبگينــــــــــي
،،،،،
لوجيتي اصيحن هلا بهل جــــيه
ويـّاچ جيبي اسكينه ورقيــــــــــه
رغم الجروح الف وتسع ميـــــــــه
بس جيتچ هيه التداوينــــــــــــــي
،،،،،،،
دوري اعله خنصر چفي تلگينــــــه
مشمور من محبسه امسلبينــــــــــه
البنتي رقيه اشتاگ وسكينــــــــــــه
مثلچ احبحن ونتي تدرينـــــــــــــي
،،،،،
يم عون ماوصيچ بعيالـــــــــــــــــي
ام انتي تدرين الضنه غالــــــــــــــي
مازال عندچ همه مابالــــــــــــــــــي
بدرب اليسر وياچ تلگينــــــــــــــــي
،،،،،
خويه الخيم من تحتــــــــرگ نادي
الحگنه يا ريحانة الهـــــــــــــــــادي
بلا راس اگومن وجمـــــــــع اولادي
عيناچ يختي من تحشمينـــــــــــــي
،،،،،
لخادم الحسين ع
محمد الفهداوي
رساله من الملح لحسين والمضمــــون
يبو السجاد إرجع كلشي ضل يخــــون
انه داعيك ما غزر بعد بالنـــــــــــــــاس
ولابحلوگهم اوگف وصيح شلــــــــــون
الصدگ من منحرك لاخر جرح وتعيش
حد عباس حد شيبة حبيب وجــــــون
كل حبة رمل بالطف حدرها يجـــــــوز
لوشيطان لو چذاب عنده عيــــــــــــون
حتى الماي عدم هم يدور مــــــــــــاي
يشرب مايكم باچر تره تعطشــــــــــون
الهوه مبيوگ بالطف هوه جيب ويـاك
يتامه هواي عندك باچر ايفحطـــــــون
وحتى الگاع خلصت والبقت مــــــوگاع
بشر تسحك بشر بس همه مايــــــدرون
ناس عيونهم فارش بنصها بليـــــــــــس
وچيتك قل اعوذو بجيتك ايكفـــــرون
الّحگ ابره طاح بسوگ حـــــــــــدادين
ويرن چاكوچ باطلهم شني ايسمعــــون؟
الطف بيه مطفف واليشب اخـــــــــــيام
والينهر يتيم ويمنع الماعــــــــــــــــــــون
شكو جمرة غضه منهم لحد قابيــــــــــل
فرشوا درب حتى اطفالك ايركضـــــــون
لخادم الحسين ع
محمد الفهداوي
شفت الماي منك يطلب الـمـاي
شفتك جود ينضح للوفه هواي
لگيت المستحه بعينك سهـــــم
وعطش گلبك مثل نار الخيــــم
يعباس يعباس
،،،،،،،
كبل ماچانت الخـــــوه
ولاچان الهوه ينشـــــم
باچر بالنعي عبــــــــاس
تترس راس ابن حذلم
لگيتك عالجرف كاتـــب
عذر بس العــذر من دم
يالمطشر وفه اعله گاع
بياچف سالفه تنلــــــــم
يلمخلي اعله نجمات السمه زنود
يالمشرب النهر من شفت الجـــود
شفت جفك يرف مثل العلم
وعطش گلبك مثل نارالخيم
يعباس يعباس
،،،،،،،،
نهر يم النهر طايــــــــح
لگيتك ياضوه الديـــــره
تأملت بمعاني اسمــــــك
شفتهن منبع الغيــــــــره
جبير انته بكبر زينـــــب
يمك كربله زغيــــــــــــره
شفت جفك أمل يـــــزرع
برض مزروعه بس حيره
يفلاح الوفه المامثله فـــــــــلاح
بوكت جانت الخوه تزرع ارماح
فرح زارع على شفاف الالم
وعطش گلبك مثل نارالخيم
يعباس يعباس
،،،،،،
يقاري حسين من حائه
لحد نونه وبعد اكــــــثر
المسافه ابينّـــكم چــــانت
اخوه امطرزه بمنبـــــــــر
يفارش روحك الروحـــــي
بكثر ما بالطفوف البـــــــر
يالمفييّ اعله راس حسين
ورگ ريحان لونه اخضـــر
يفاتح باب شوگ بگلب الحســـين
تجي وتدخل بكيفك ياضوه العين
گمر اربـعـطعــــش كلك شيم
وعطش گلبك مثل نارالخيم
يعباس يعباس
،،،،،،
يالمصفن الخيم بجفـــــاك
يالمشيب رمش لختــــــــه
يكاسر ضهري وكت الضيچ
يالمبچيني من شفتـــــــــــه
يالمخليني ارجع قـــــــوس
يمشي وكاض خاصـــــــرته
يالمخليني خيمـــــــــــه ونار
من كل صوب حاركتــــــــــه
شبگتك يابو فاضل شبگـــة اوداع
حضنتك حضنت المنه العمر ضـاع
احس حيلي يعباس انهـــدم
وعطش گلبك مثل نار الخيم
يعباس يعباس
،،،،،،
عفتني بوكت ياعبــــــاس
كلش عازتك عـــــــــــــازه
ارد شلون ارد محــــــــتار
ارد الزينب جنــــــــــــــازه
ارد افرگ ابچفينــــــــــــي
ارد امشي اعله عكـــــــازه
رخصلي الزينب ارجع بيك
وفه من باب المجـــــــــازه
ارخصلي ياحبيبي كون ارد بيك
الزينب والفواطم نلطم اعليـــــك
يتاج وتنوضع فوگ القيــــم
وعطش گلبك مثل نارالخيم
يعباس يعباس
،،،،،،
لخـادم الحسين ع
محمد الفهداوي
رساله من الملح لحسين والمضمــــون
يبو السجاد إرجع كلشي ضل يخــــون
انه داعيك ما غزر بعد بالنـــــــــــــــاس
ولابحلوگهم اوگف وصيح شلــــــــــون
الصدگ من منحرك لاخر جرح وتعيش
حد عباس حد شيبة حبيب وجــــــون
كل حبة رمل بالطف حدرها يجـــــــوز
لوشيطان لو چذاب عنده عيــــــــــــون
حتى الماي عدم هم يدور مــــــــــــاي
يشرب مايكم باچر تره تعطشــــــــــون
الهوه مبيوگ بالطف هوه جيب ويـاك
يتامه هواي عندك باچر ايفحطـــــــون
وحتى الگاع خلصت والبقت مــــــوگاع
بشر تسحك بشر بس همه مايــــــدرون
ناس عيونهم فارش بنصها بليـــــــــــس
وچيتك قل اعوذو بجيتك ايكفـــــرون
الّحگ ابره طاح بسوگ حـــــــــــدادين
ويرن چاكوچ باطلهم شني ايسمعــــون؟
الطف بيه مطفف واليشب اخـــــــــــيام
والينهر يتيم ويمنع الماعــــــــــــــــــــون
شكو جمرة غضه منهم لحد قابيــــــــــل
فرشوا درب حتى اطفالك ايركضـــــــون
لخادم الحسين ع
محمد الفهداوي
قسطاً وعدللاً يمـــــــلاء المعمـــوره
بمسجد الكوفه ايصلي وحنه نزوره
ياربي الفرج ياربي الفرج
قسطاً وعدللاً يمــــــلاء المعمـــوره
،،،،،،
يالباچي اعله حسينك ودموعك دمه
ماضل شي ليامك ياسر فاطمــــــــــه
نشكيلك من فگدك اقسه من الضمــه
لوله انت چاطاحت فوگانه الســمـــه
يارحمة الله الهل بشر مذخـــــــــوره
،،،،،،
كل بقعه بهل دنيه نزرعــــــــــلك ورد
لوگالو مولانه من الغيبه يــــــــــــــــرد
تنضرك عالساتر يالمهدي الولـــــــــــــد
من الفتوه الهل ساعه امتانيك الحشد
شيعتك يبن العسكري ماجـــــــــــــوره
،،،،،،
يا ايه وبس احنه النقارك بصــــــدق
يارحمة بارينه ويارزق الــــــــــــرزق
كل شيعي ايحن لجلك مولاي اويرق
ونتمنه اوي اجنودك نمشي ونلتــحق
بجاه التحول دم وسط قـــــــــاروره
،،،،،،
يا اخر شيبه انت من حسين السبط
مايخسر كل واحد بيكم يرتــــــــبط
خدمتكم يالمهدي خدمه بلا شــــرط
اليتباه بجنحينه شمايعله يحــــــــط
طبع الزمن يفتر يضل ناعـــــــــــوره
،،،،،،
اصعب شي عاليحچي ايوضح الواضحه
نخدمكم ونحبكم موعن مصلــــــحـــــــه
چفتكم بالمحشر هيه الراجحـــــــــــــــــه
الوجه الله إيفرجلك نقره الفاتحــــــــــــه
ياربي فرج للامام ونـــــــــــــــــــــــــــوره
،،،،،،
ندعيلك وإلنه إدعي يالمهدي ســــــــوه
نتلاگه في حضرة شيال الــــــــــــــــــوه
من تطلع يتغير يالمهدي الهــــــــــــــــــوه
ايصير احله والكوكب يبقه اشع ضـــــوه
ماضل على المجــــــــــــوب گــّرب دوره
،،،،،،
لخادم الحسين
محمد الفهداوي
يحادي الضعن يم حســين وچلاي
اودع المرد گلبي مــــــــرد وچلاي
شرابي دموعي راح ايصير وچلاي
الصبر والحنظل بفرگاه اليــــــــــــه
،،،،،،
اجيتك والخيم تونــــــــــي طفـتها
وسبعه اشواط يم جثــــتـك طفتها
المصايب سيل وبصبـــــــري طفتها
وصلتك دوب دوب النفس بيــــــــه
،،،،،،،
اخوي والله من كل دغـــــــش صفاه
وگع وجروحه صفن فـــــــــرد صفاه
السهم ماخله دم بحسيـــــــــن صفاه
بمرار الغرغره وفك عينه اليــــــــــــه
،،،،،،،
ياسلوة بني اسرائيـــــــــــــــــل يامن
يسد ياطود بيك الخـــــــــــــاف يامن
يبو سكنـــه عليك العيــــــــــــن يامن
عمت ويتامك ايدلّون بيـــــــــــــــــــــه
،،،،،،
تبلّل من دمعتـــــــــــــي بويه ردني
وفدوه اگعد لهنّــــــــــــه بويه ردني
يزيد اخدم بناتــــــــــــه بويه رادني
اتهبه گتله الخدامه موش اليــــــــــــه
،،،،،،،
هلي الشجعان من عدهـــــــم يفرون
هلي بالضيف من وصلــــــــــه يفرون
هلي اعله الفقره كل ليلـــــــــه يـفرون
هلي شاصاير هلي تگطعون بيـــــــــــه
،،،،،
لخادم الحسين ع
محمد الفهداوي
يبني مهــــدك شفته حرگوه
وصارت إرماد چم دللـــــــوه
گماطك من إحترگ بالـنّار
ارماده للمهدي كتـــــب ثار
العجل العجل
،،،،،،
إرماد الگماط خط رساله
بنبله كاتب مو قلــــــــــــــم
من دللول حد رگبته
فوگ وصله من الخيــــــــــم
رسم منحر دمه ينزف
زغير وبنصه سهــــــــــــــــــم
عبد الله يشبه محسن البتــــــول
غافي عله صدر الداسته الخـيول
وينك يمهدي بمنحره يگـــــــــول
المهدي نهرين يمشن وياه
ابني عطشان ذابله اشفاه
يسگي إبني الگلبه شـــب نار
ارماده للمهدي كتـــــــــب ثار
العجل العجل
،،،،،،،
گبالي حرگوا مهد إبني
وگلبي وي مهدة احتـــــــرگ
وانه ابواع رمشي شيب
وخدي من دمعي غـــــــــــرگ
طير شفته نزل قبل
منحرهَ وناح وشهـــــــــــــــــگ
خضّـــب رگبتّه من دمه الرضيع
جنحينه شالاها ودعه السمـــيع
دم البرائه بياذنب يضـــــــــيـــع
باچر ايجيب المهدي مهدين
يحطهن گبال طفل الحسيــن
إيگله عمي بكيفك اختـــــــار
رماده للمهدي كتــــــــــــب ثار
العجل العجل
،،،،،،،
گلت للنـــار لاتحرگين
مهد ابني بلاذنــــــــــــــــب
انتي تدرين ما تحسين
نص لهيـــــــــــــــبچ بالگلب
حتى الرماد يابو صالح
كتب وينب عالــــــــــــــدرب
يايوسف الزهرة كتب تــــــعال
ثارات الك ماتنسّي مُحـــــــــال
الكم طفل مارحمته النــــــــبال
باچر ايســــود حكم الاسلام
وطفل الحسين يرجع اينــــام
وترجع الرجعه للانصـــــــــــار
رماده للمهدي كتــــــــــــب ثار
العجل العجل
،،،،،،
ردت اطفيّه بس چوتني
نار فگدك والمهـــــــــــــــــــد
الولّد لومات بمه شيصير
هم تموت ام الولـــــــــــــــــد
چنت اشوفك من اناغيك
يابني يابدر السعــــــــــــــــــد
حرموني منك يالچنت هـــواي
هسانه مخنوگه وطفه ضـــواي
چن أحس مهدك صاحلّي تــعاي
مناغه وحساس احترگن وياه
ودمعة العيــــن نزلـــت إب أه
ياهي مثلي هيچي محـــــتار
رماده للمهدي كتــــــــــــب ثار
العجل العجل
،،،،،،
حتى الهدوم وي الگماط
احترگن گبالي ســـــــــــــــــــوه
اثر خدك على المندر
يابعد روحي نچــــــــــــــــــــوه
شفت مهدك لبو صالح
خط رساله من الضـــــــــــــــوه
كاتب حچي منه الطفل يشيب
حرگوني ليش بلاذنب عــجيب
يالمهدي عجل يذبح المغيـــــب
دمعي عفته فوگ الرمــــاد
باچر ايصــير المنحرة اضماد
بعمه يدري الغايب اشـــــصار
رماده للمهدي كتــــــــــــب ثار
العجل العجل
،،،،،،
لخـادم الحسين ع
محمد الفهداوي
السبي للفاگده الوليـــــان شـــــده
وجرحها ماتميزه اشـــــنزف شده
الحبل بچفوفي ياعـباس شــــدهَ
الطفه عينك صبح حــداي بيـــه
،،،،،
الدنيه وياي ياعبـــــاس مـالت
بوريد الگلب لات الضيم مالت
مومالت بچي اعله النوگ مالت
لطم يمك لما اگطعها اديــــــــــه
،،،،،
اضل يادنيه ابني ونتي هدماي
أوخوه لحسين عضمي ونته دماي
راح ابچي يدمعي ونته هد ماي
اعله ثغر الداسته خيول ال اميه
،،،،،،
چابو للسبي خويه المهازيـــــل
وصاحوا وين زينب لازم تشيل
الحرمه التفگد اخوتها بفرد يوم
خيال اتصير كل ماگامت اتميـل
،،،،،،
الجنت بيهم اضمد اجروحي وتطيب
هسه عليهم الراس انترس شيـــــــب
ضوه عيوني الحسين اتبده عل گــاع
وبدر ليلي نوه عل مشرعه ايغيـــــــب
،،،،،،
لخـادم الحسين ع
محمد الفهداوي
اين تفرون وقد قتلتم عَضُــدي
اين تفرون وقد قتلتم عضُـــدي
،،،،،،
وداعت چفوفك يراعي الرايـــــــه
الرامي نبله عليك اشرده افايـــــــه
راح اخلي العسكر بعسكر يـــلــــوذ
واله أحمر شطهم اگلب مايــــــــــه
اين تفرون عباس عشقي الأبــــدي
،،،،،
اليوم بالحومه اشب تنـــــــــــورها
وسيفي ناعور المنايه ايـــــــدورها
اله اخلي العدل يتمنه يمـــــــــــوت
وسيفي يفري إيضل فري بصدورها
اين تفرون وقد جرحتم گبــــــــدي
،،،،،،،
همه مايدرون انت عيـــــــــــــوني
وانت سيفي وساعدي ومتـــــوني
اليوم لوبيهم كلف خلي يعتـــــــني
ميه ميه خلهم ايلاگونـــــــــــــــــي
اين تفرون وقد طفأتم فرقـــــــد
،،،،،،
اي وحگ عباس عم اسكيــــــــــــنه
الچان زينب حاطها بنص عيـــــــنه
الگطع چفينك فقط بس گلــــي هذ
اله اگص راسه گبل جفينـــــــــــــــه
اين تفرون لا تشتمت ياحاقــــــــدي
،،،،،،،
همه مايدرون انت انفاســـــــــــــــي
ومن طحت عباس شيب راســــــــي
احس من دونك گبر هاي الحـــــيات
وطعم مابيها يهيبة ناســــــــــــــــــي
عباسُ عباس نَفسي أخي بل ولـــدي
،،،،،
فدوه تندارون لسمه الغالــــــــــــــي
هذا ابو فاضل نبض دلالــــــــــــــــي
اليوم من عندي الى اين الهـــــــروب
الخوش زلمه خل يضل اگبالــــــــــي
اين تفرون وقد قتلتم سنـــــــــدي
،،،،،،،
لخادم الحسين ع
محمد الفهداوي
من مهري من مــــــهري
طحت اعله الــــــــــگاع
ياعمـــــري ياعمـــــــري
مو وكت اوداع ياعمري
علي حيلي نهدم
شيردّك للخيـــــم
،،،،،،
ياتعب ارباي يالطولك ماي
يالمتبدي بعز الگطـــــــــــــــــــره
يابعد الروح ياروح الروح
يحزام حسين وياضهــــــــــــــره
يوليدي راح الشوف وضلم طيريجي
مصابك إحساً نار صب اعله اريجـــي
لنفاســـي لنفاســي
جنت النســـــــــمات
بحساسي بحساسي
گمت اصرخ مــــــات
عصر گلبي الالم
علي حيلي نهدم
،،،،،،،
چنت امتانيك بعيني مربيك
وتنطر تكبر يالياســـــــــــــــــه
يحزام الحيل بعيوني اليل
شيّب رمشي عليك وراســـــــه
للخيمه ارد اشلون ومك شـــــگلها
معضلتي كون تكوم وانته التحلها
من شفتك من شفتــــك
حل بيه الموت من شفتك
ودعتــــــك ودعــــتك
ورحت بتابـــــــــــــــــــوت
انثلم گلبي نثلـم
علي حيلي نهدم
،،،،،،،،،
جيتك مكسور يالكلك نور
ضلمه الحومه وجهك ضاوي
ياغصن العين ياتعب حسين
ياجمّار وتــــــــــــــــــوّك راوي
ماتنشبگ يرباي من كثر الســــــهام
ماتت عفتها عليك امك بالخـــــيام
حاچيني حاچــي
شنهي الياذيـــــك
يسنيي يسنيني
تدري متانـــــــيك
البعد صاير سهم
علي حيلي نهدم
،،،،،،،
محتازك حيل يحزام الحيل
ونّاتك كل ونه بشيبـــــّـــــــه
چنك قرأن طايح ذبلان
مو وكت فراگ ولاغيبــــــــــه
من كل كتر مذبوح بعوني شفتك
صدرك عطش بي نار لمن شبگتك
كبرني كبـــــرني
جرحك چم عـام
صوبني صوبني
فرگاك بســهــــــام
يتربات الشيــــم
علي حيلي نهدم
،،،،،،،
يابزر الخير مو مثلك غير
ناس الطف من رحم الذلــــه
يمحلي الگاع مومال اوداع
صيت الشيخ بصيت الدلـــــه
حسبتّك انت تصير للميله تچوه
منعندي ليش البين فرهدك گوه
فگ عينك فگ عيــنك
بس لحـــــظــــــه وروح
هم مثلك هم مثــــــلك
ساعه ومذبــــــــــــوح
يالمشيم العلــــــــــــــم
علي حيلي نهــــــــــدم
،،،،،،،،
لخادم الحسيـن ع
محمد الفهداوي
انه براسي العشگ يشبـــــــه
جنون وشوگ عابـــــــــــــــس
مثل هذا النفس عنـــــــــــدي
احب هاي المجالــــــــــــــــس
راحت بالي مَن اتعب للحسين
،،،،،،
كبر بين الخدم صيتـــــي
وشكرت الله اعله تربيتي
حسيني من المهد يلگـــه
اليدوّر يقره جنسيتــــــي
انه براسي ضعن يفـــتــر
ونه تربايت المنبــــــــــــر
ونه حسين بضمايرنـــــــه
شعار انكتبت ابيتــــــــــي
رقيّه بعيني شايلــــــــــــها
وعليله بدمعي اغازلهـــــــا
وعلي السجاد بجروحــــي
وسبي سالبلي عافيتــــــي
رسايل تنزل دموعـــــــــــي
وسوالف بالراسيـــــــــــــــل
أبو فوگ الرمح راســـــــــــه
وضعن للشام شايــــــــــــــل
ابچي الزينب اختك والنساوين
،،،،،،،
وحگ كل غيره بالگـــصـه
كلت ماضيع الفرصــــــــــه
العمر سخرتّه للخدمـــــــــه
ولا للدنيه ضل حصــــــــــه
مذله العيشه من ذونــــــــك
زلم شفت اليخدمونــــــــــك
يسالفتي العشت بيـــــّـــــــه
وغرامي وقصتك قصــــــــه
يحسره العايشه بصـــــــدري
اكيد بخادمك تــــــــــــــدري
اذا ما اخدم بموكــــــــــــــب
تموتني الف غصـــــــــــــــــه
هاي النعمه مو سهلـــــــــــــــــه
يا وادم جبــــــــــيـــــــــــــــــره
الشيخ حسين والتخـــــــــــــدم
حدر ايده عشيــــــــــــــــــــــــره
حبك يجري يبقه بالشـــــــراين
،،،،،،،،
يگضني لابرد لاحـــــــــــر
خلگ ناعور اضل افــــــتر
انه المحتزم برايـــــــــــــه
وأشداً حيلي بالمنبـــــــــر
ينام اليل اضل صاحــــــي
أشد بحيلك صفاحــــــــي
انه بجيناتـــــــــــي ياوادم
كريات الدمه قنبــــــــــــــر
العشگ صفنته من عشگــي
انه الحبي الك صدگـــــــي
انه الشلتك وصط گلبـــــي
بمكان الأبهر الأبهــــــــــــــر
اموتن من اعوفنهــــــــــــــــــا
ياناس الخدامــــــــــــــــــــــــه
بلايه الخدمه احس منفـــــــي
شيخ بلا عَمامــــــــــــــــــــــــه
بحبك ضلت تحسدني السلاطين
،،،،،،
نسم الشوگ ليليـــــــــــّـــــه
يغازل ريت الريـــــــــــــّـــــه
وشوف حسين ابو اليــمــــه
مضيف واگعد بفيـّــــــــــــــه
لگيت المشتري عيونــــــــــي
حسين ولا تلومونـــــــــــــــي
سمعت امي تناغيلــــــــــــــي
حبيبي شمحله طاريـــــــــــه
انه الحارگني عاشــــــــــــوره
واقدّس كلمن ايـــــــــــــــزوره
وذا حاجه عصت عنــــــــــدي
گبل ماندبه مگضيـــــــــــــــــه
العبد من يخدم اســـــــياده
يهنياله اعله حـــــــــضــــــــه
واكيد حسين يتقــبــــــــــــل
خدمتي وعني يرضـــــــــــــه
يقرهَ براسي حمزة ومره ياسين
،،،،،،،،
تراب الخدمه بهدومــي
يوگع اذنبوي وهمومـــي
التعب كلما صبغ وجهي
بياض ايصير برسومـــي
الهلا من گلبي اطلعـــــها
الاخرس يبقه يسمعــــها
الخدامه عاشت بروحـي
وحسها تجري بدمومــي
وحگ الأكبر وجاســـــم
چبيره گلمت الخــــــادم
شعور وراحه مايوصـــف
اذا يخلص تعب يومـــي
عمر وبلايه هل خدمـــه
مضيف بلايه ناســـــــــه
وذا خادم يمر بيّـــــــــــه
أبوسن حتى راســــــــــه
لومر خادم بيّـة إيكحل العين
،،،،،،،
لخادم الحسين ع
محمد الفهداوي
عمر زينب يگول الراوي خمسين
ولكن شيبت مو من السنـــــــــين
موقف كبراها
وكلش غيراها
من طلعت مشي ادور على حسين
،،،،،،،
كل نگلت جدم شيبـــــــــــــــــه
مصيبة زينب امصيبـــــــــــــــــه
اعله زينب صارت الحومه بعيده
اعله نگاط الدمه تعنــــــــــــــت
لحد ماوصلته وحـــــــــــــــــنت
شافت نايم ومتوسد ايـــــــــــده
تكله توسد اذراعـــــــــــــــــــــي
نايم خويه لو واعــــــــــــــــــــي
وكَعدّت باسته بوسه اعله جيده
تگله الويجعك وينــــــــــــــــــــــه
عمت عيني يبــو سكينـــــــــــــــه
واشر عالسهم لخته بوريـــــــــــده
من كثر السهام احتارت ام عـــــــــون
يخويه بنفسي اشبگك صاحت شلون
هذا الحيـراها
وكلش غيّراها
من طلعت مشي ادور على حسين
،،،،،،
غريبه ولا اهل يمهـــــــــــــــا
ونشف من الرعب دمهــــــــــا
الله يعينها چانت چبيــــــــره
تباوع والبلد غربــــــــــــــــــــه
تگوم وتنهطر صعبـــــــــــــــــه
وحيده ولا اهل يمها وعشيره
اهلها عله الثره نومـــــــــــــــه
وخوها مسلبه هدومـــــــــــــه
تريد اتجمع اوصاله بحصيره
صاحت من عمت عينــــــــــــــي
حرت يحسين حاچينـــــــــــــــي
تضل مطروح وانه امشي اسيره
يالمضيف السهام وكل الجــــروح
العذر لو زينب اختك للسبي تروح
المنحر صبراها
وكلش غيــراها
من طلعت مشي ادور على حسين
،،،،،،،
عَثرت بعون من جيتــــــــــــك
بچيت عيوني ولگيتـــــــــــــك
لگيتك ميت وعينك عليـــــــــه
الهوادچ كلها حرگوهــــــــــــا
وهزل لم عون جابوهـــــــــــا
يريدوني العده اطلع سبيـــــه
البشر من ينذبح عمـــــــــــــره
يحير ويمتحن بمــــــــــــــــــره
ويضل عايش على قيد المنيه
اذا عطشان حاچينـــــــــــــــــي
تگله اشرب دمع عينــــــــــــــي
وجبت بچفوفي الك دمة رقيه
جرح زينب جرح مايقبل ايطيب
كل عثره بدربها تنترس شيــــــب
الطف مرمراها
وكلش غيراهــا
من طلعت مشي ادور الحسين
،،،،،،،
مشت والدمعه وياهــــــــــــــا
وگلبها يم يتاماهــــــــــــــــــــا
وخوها من النحر سمعت ونينه
چدمها شمانگل خــــــــــــــطوه
تريد من التعب تهــــــــــــــــــوه
ولگن واگفه گوه الحنينـــــــــــه
ببنها عثرت اهوايــــــــــــــــــــــــه
وحچت يم منحره حچايـــــــــــه
اعله خالك جيت ادور يبني وينه
ابنها عون حاچاهـــــــــــــــــــــــا
اعله خاله حسين دلاهـــــــــــــــا
وباست عون زينب من جبينــــه
يبعد امك يبعد عيوني وحشــاي
تره امك للحسين اشتاگت هواي
ابنها خبراهــا
وكلش غيراها
من طلعت مشي ادور على حسين
،،،،،
تگله الدنيه من دونــــــــــــــــــك
ظلام وداعت عيونـــــــــــــــــــك
وحس وي منحرك ذبحوا حياتي
يتالي اهلي وبعد گلبــــــــــــــــي
اجيتك اعثر بدربـــــــــــــــــــــي
اجيتك لازمه بچفي عــــــــــباتي
وصلت وشاهدت يمــــــــــــــــك
عباره كاتب بدمــــــــــــــــــــــــك
يزينب ما اوصيچ ابنـــــــــــــــاتي
رقيه بعيني اخليهــــــــــــــــــــــــا
وسكينه برمشي اغطيهـــــــــــــــا
بنات الغالي ذني امدللاتـــــــــــــي
يبو السجاد عذرن عن الحبــــــال
اذا چتفوا رقيه فوگ الجمــــــــال
الحبل لوعوراها
وكلش غيراهــــا
من طلعت مشي ادور على حسين
،،،،،،،
لخادم الحسين ع
محمد الفهـــداوي
اخره ودنيه ياعلي صحنه ويـــــاك
،،،،،
گبل الغدير وگبل كل هاي الــناس
شيعه احنه صرنالك وحگ العباس
وي النفس يابو الحسن انت انفاس
ونموت من انضل ثواني بلايــــــاك
اخره ودنيه ياعلي صحنه ويـــــــاك
،،،،،،،
المامشه بدربك باچر ايضل محــتار
ونته قسيم الجنه وبواب الــــــــــنار
فاز المشه بدربك يحمّـــــــــاي الجـار
تاليته وين المايبايع يمنـــــــــــــــــاك
اخره ودنيه ياعلي صحنه ويــــــــــاك
،،،،،،،
شفناك حچي الفطره بل حچي اگلوب
وشفناك تفتر عاليتامه ادگ بــــــــــوب
ماغيرك اتنصب امام ويعســـــــــــــوب
بيعة شرف يابو الحسن بايعنــــــــــــاك
اخره ودنيه ياعلي صحنه ويـــــــــــــاك
،،،،،،
شفناك سنبل خير والناس اگشـــــــور
وتفتر على الأيتام مثل الناعــــــــــــور
حاكم چنت بس ماتملكت اقصــــــــور
وچنت العداله تشيلها بصف الــــــــواك
اخره ودنيه ياعلي صحنه ويـــــــــــــاك
،،،،،،،
يتبده وجهك چان عالوادم خيـــــــــــر
عالگاع تنثر عنبر وموش اشعيـــــــــــر
شبعان لوليداته يرجع كل طيـــــــــــــر
من نور وجهه القدسي ربك ســــــــواك
اخره ودنيه ياعلي صحنه ويــــــــــــــاك
،،،،،،،
محد يعرفك ياعلي بس اثنيــــــــــــن
الله ورسوله چا علي واصل ويــــــــن
الخلّف ولد مثل الحسن مثل حسيـــن
واجب نلوذ ابسدك وتحت احمــــــــاك
اخره ودنيه ياعلي صحنه ويــــــــــــاك
،،،،،،،،
باجر غديرك ياعلي تــــــــــــــرد اردود
من يضهر ابنك حجت الله الموعـــــود
باچر ترد انت ونصير احنه جنـــــــــود
وي ابنك ويجمعنه باچر طـــــــــــرواك
اخره ودنيه ياعلي صحنه ويـــــــــــاك
لخادم الحسين ع
محمد الفهداوي
بين اليمشي بدرب الجنـــــه
وبين اليمشي بدرب النــــــار
والحر شاور گلبه وقـــــــــــرر
صاح بصوت حسين أخـــتــار
هوه الغالي يادلالـــــي
،،،،،،1،،،،،،،
اليشاور گلبه مايخســــــر
لأن فطرهَ الگلب ينبــــــع
والحر حاچه دلالـــــــــــــه
وگلبه گله مني إسمــــــــع
بكبرها الجنه اجت يــــمك
توضه ويمها روح اركــــــع
الفرص مثل السحاب اتمر
واذا راحت چذب ترجــــع
لَحگ ودخل باب الرحمـــه
وبوس اعتاب الچنه ونوح
وتعذر منّهَ وقبل ايــــــــده
وصعد مركب وارث نــــوح
حسين امالي يادلالــــي
،،،،،،2،،،،،،،،
ضمير الفطره گله اسمع
شني الدنيه وزغارفهـــا
وذا روحك توسوســــلك
بالستغفار چتفهــــــــــــا
الخيم زينب اخذ عينـك
وابچي بحرگه نضهــــــا
يم خيمة علي الأكبــــــر
همومك ياحر انسفهــــــا
إحرم ولبس ثوب العـــــــزّه
وستأذن طب خيمه وشوف
وعبد الله تشوفه باكروكــه
نايم يستهزء بالخــــــــوف
نحره يلالي يادلالـــي
،،،،،3،،،،،،،
حدر كل شيبه البوجـــــها
الخجل والمستحه واضح
وصل بس شاف أبو اليمه
حنين وعادته ايسامــــــح
عليك ابفاطمه اعذرنـــــي
اذا چان الحچي جــــــــارح
انهَ الما استحق عطــــفك
وحق هود ونبي صالــــح
انه الجعجع وسفه بضعنـك
وللطف چبتك يامـــــــــولاي
عطشانين وعندك كــــــــوثر
وجيش بكبره اسگيته الماي
يروي امثالي يــــادلالي
،،،،4،،،،،،
فتح باب الگلب حبـــــك
ودخل وتربع بنـــصــــــه
وتَملك روحي وحساسـي
وعرفت اني العشگ فرصه
اجيتك جيت المذنـــــــب
وحيائي مغرگ الگـــــصـه
يسلطان الهوه ماضــــــــل
بتاريخك الي حصــــــــــه
غم راي المايتبع رايـــك
واضح للرايد يقــــــــراك
ايموت المايفديك بعمـره
ايعيش اليستشهد ويـاك
نعم الوالي يادلالــــي
،،،،،،5،،،،،
اريد عيوني اكحلهــــــا
بضواك وداعة عيــــوني
عشگتك والعشگ رحمـه
وتغير مجره قانونــــــي
اريد التقره بمصابــــــك
شهيد وياك يلگونـــــــي
وريد بكل شهر عاشــور
عالمنبر يذكرونـــــــــــي
وي انصارك سجل اسمي
كون انعد وي السبعيـــــن
مثلك وين الگه بهل دنيـه
بس حسين ايشبها حسين
فدوه اموالي يادلالــــــي
،،،،،،
لخادم الحسين ع
محمد الفهداوي
اليوم الحسن ناده
وجتمعت الســاده
واشر على العبـاس
گله اذبح الــــــقاده
چفوفك چنها صمصام
واحرس خويه الخيام
،،،،،،
يا وارث علي وزوده
الوگفه الزينه مريوده
وزرع عالنهر يابو الفضل بس غيره
باجر اصعد المهــــــره
وضهر المشرعه كسره
خلي اعله الجرف جيش الاعادي بحيره
بالطف هوس بسيفك
وذبح بيهم بكيفــــــك
سيفك عالرگب مثل الحبل هــم ديره
يالكلك أمـــــــروه
يابلسم الخـــــــوه
باجر تصير احـزام
لحسينك اليســـوه
انت القائد العـــــــــام
وحرس خويه الخيام
،،،،،
باجر سرفن اذراعـــــــــك
ورفع بيرغ اشراعــــــــــك
اصعد عالمهر وتحزم وطب ليــــها
ازرع بالطف ازنودك
ارسل للخيم جودك
من جودك اريدن تمطر انت علـــيها
عبي العلكمي وجيبه
الزينب يا ابو الطيبه
وگعد يمها وحچي وسولف وسليــــــها
خلي اختك بعينك
ياهيبت حسينــــك
انت كفيل ام عــون
والغيره بجبينـــــــك
بعينك ضيّف السهام
احرس خويه الخيام
،،،،،
رجف كربله وطفـــــها
ورسوم العده اخطفها
ياتربات حيدر بالحرب بجيهــــــــم
يوم الگنطره عـــيده
وبيهم سوي التريده
شارد لازم بشارد ركض خليهــــم
لولح كربله برمحــــك
وذبح سيف اليجرحك
جيش الوحدك يابو الفضل لاكيهم
من تلبس الامــــــــه
تحزم بالعمامــــــــــه
لو ناده ابو السجــــاد
طيح انت جدامـــــــه
تحزم ببني جســـــام
احرس خويه الخيام
،،،،،،
الزم كربله چفيــــها
نجوم الضهر راويها
رتل خويه چم صورة وفه بالحومه
يامن فدوه لعيــــــونك
شمحله الجربه بمتونك
يبن ام البنين الوفه بالطف يومـــــــه
من تبرز على العسكر
خلي شويه للاكـــــبر
اترك حصة العريس شوف علومه
خويه اگعد احچيلك
من تبرز ادعــــيــــلك
بجاه النبي المخــــتار
الله اليشد حيــــــــلك
الطف لختك اشضام
احرس خويه الخيام
،،،،،،،
بشخصك اني متكفي
گدها ونعم وتـــــوفي
هاي اوصيتي يابو الرايه لاتنساها
كض خويه النهر بيـدك
جيبه الخيمة اعضيدك
تلكه سكنه وسط الخيمه احجي وياها
ورجع طمن اسكينه
كلها الزعلج وينــــــه
تتلكاك تبچي روح وتلاگاهـــــــــــا
منتضره يمته اترد
سكنه بدمعها اتعـد
وانت يبو النوماس
عالخيم طولك سد
سكنه عليك تحتـــام
احرس خويه الخيام
،،،،،،
لخادم الحسين ع
محمد الفهداوي
معروف الـذبح بالسيـف
بس ذبح أبني موسهلــه
بحضن حسين ياهل ناس
ضامي وذبحته النبلــــــه
ضل يبچي المهد
من مات الولـــــد
،،،،،
ابني ازغر شهيد ايموت
وعيون الضمه بعينــــــه
بحضن حسين وتبـــدت
وي دم منحره سنينــــــه
جنازه حسين من رد بيك
ميّت طب صواوينــــــــه
راح ابني بدمعته ايصـح
مناشغ ضل يحاچينــــــه
يحچي ومانميز الصوت
يومك خانگ انفاســـــــه
من كل كتر خضر شيب
رمشه وحاجبه وراســه
دلالي نمــــرد
من مات الولد
،،،،،،،
يمبچي الخيم وحسين
يالقالع ركن حيلـــــــي
شنهي اليوجعك گلـــي
اگعد يبني وحچيلــــي
السكته ماتلوگ عليـــك
چنت اشگد تناغيــــــلي
زغير وأفهم مناغـــــــاك
چن تگلي لوليلـــــــــــي
هزيت المهد خالــــــي
يالنتمت بمهد گبـــــرك
ليش يفطمك النشــــاب
موتوه بتده عـــــــمرك
جمرك ماخمـــــد
ضل يبچي المهد
،،،،،،
ارگض رگضت المحروگ
يوجعني جمر فـــــــگدك
شلون التذ ييمه بمــــــاي
وشرب ورتوي بعــــــدك
مابين الجثث والخــــــيل
انشد وين عن لحـــــــدك
بچفوفي جبتلك مـــــــاي
نار ادري وسط چـــــبدك
نوم العافيه مـــــــــاريـــد
ياعبد الله اگعــــــــــدنّـــك
بس ادري العطش مـــاذيك
لحضه اگعد اشــــــــربنـــك
ياطعم الشـــهد
ضل يبچي المهد
،،،،،،،،
رسومي فرهداها الشيب
يالوني وبعد لـــــــوني
الله لايعافي الگــــــوم
عطرك منه حرمـــــوني
بين العدل والمـــــذبوح
هيچ عليك خلونــــــــي
گلهم عدهم وليــــــدات
چان شويه رحمــــــوني
در يبني حليبي علـــــيك
ياثلمت چبد مــــــــــنّــــي
حظني موحش بـــــفرگاك
گلبي وصدري يوجعــــني
كل حيلي نظهد
ظل يبچي المهد
،،،،،،،
گمت ارسم طفل بالگاع
بعمرك وانه اناغيلـــــه
رسم ويضل ينوح ويــاي
يبچي لمن اشگيــــــله
گلها ادنگ وتنحــــــــب
وعليه تلتم العيــــــــلـه
وگلهم ابني شو كبـــران
يمشي من ارد اتچيــــله
سلولفي الگــبر هم حار
هم چوه الگبر خــــــدك
جنت اعله الگـــماط ازعل
من يطبع علــــــى زندك
من عندي نفگد
ظل يبچي المهد
،،،،،،،
لخادم الحسين ع
محمد الفهداوي
الحسره اليوم دلالي تجاره
الدارك والدمع عالخد تجاره
تجاره المايصح منهه تجاره
خدمتك للحسين بصدق نيه
كل عام اموت بمقتلك بس احيى لعيونك
عايش لجل خادم اضل بين اليخدمـــونك
يرزقني عاشورك حيــل
ويظل دمع عيني يسيل
من اذكر ضعونك من اذكر ضعونك
،،،،،،،،،،
عيني افتحه اعله دمعه كل فجر وتذكرك
وحدك بين العساكر اني هيچ اتصــــورك
بمنحرك بوست محمد ليش گطعوا منحرك
سيدي مولجل محبس لمن بتروا خنـصرك
من اسمع ابطاري الخيم جن تحترگ روحي
تسبيح امك فاطمه اشعر اجر نوحــــــي
جيل ايتعلم من جيل
ويظل دمع عيني يسل
من اذكر ضعونك من اذكر ضعونك
،،،،،،،،،،،،
دنيه من دون المجالس كل طعم مابيهـا
عالجمر هاي اليالي واگف امتانيــــها
تنزل ابجف الزچيه دمعتي من اجريها
الدمعه من عينــي جهنم باجر اطفيهـا
بعيوني صورت منحرك بچفوف ذباحـــه
دلالي يخفگ بالعزه بس اشعر براحــــه
بنص مجلسك صبح وليل
ويظل دمع عيني يسيــــل
من اذكر ضعونك من اذكر ضعونك
،،،،،،،،
مجلسك يحسين عندي هوه اعظم مدرسه
بكل نفس دخان خيمة زينب اني اتنفســه
حسين حبك بي اسس عشگ محد اسســه
وعله ساحل روحي جرحك يا أبوالأكبر رسه
يوميه اشوفن مشرعه بيها الكمر ينـزف
تاخذني رهبه ودمعتي تنزل وضل ارجف
واتصور خيام وخـــيـل
ويظل دمع عيني يسيل
من اذكر ضعونك من اذكر ضعونك
،،،،،،،
فدوه قربني الدليلك لاتخليني ابتعــــد
قنبر حسين ارد اصيرن وفتخر لجلك عبد
انته باب الله وعطائه تگرم اومحـد يــرد
يوم عاشر بالحدايق ينذبح كل الــــورد
نص ربعي سكنت بلگبر ماحملوا مصابك
ونصهم بقه خادم الك بس يخدم احبابــك
ابجي من اشوفن زنجيل
ويظل دمع عيني يسيـــل
والخاطر عيونك والخاطر عيونك
،،،،،،،،،
اقسم بعبد الله ابنك اني من دونك عـــدم
شرفتني بهل خدامه ولبست تاج الخـــدم
سيدي گون بدليلي موبدلالك سهـــــــم
الخيل كون ادوس صدري وانه التحمل الم
هذا السؤال بخاطري وتردده اذهاني
ليش انته باقي الوحدك اتمنه كون اني
منك اخذ عطره الهيل
وياهم ادموعي تسيل
والخاطر عيونك والخاطر عيونك
،،،،،،،،،،
حسين ياقطب المجره يفتر عليك الدهـر
دين مايبقه المحمد لوله ماتفدي النحــر
تارك انته اعله الشريعه للوفه اعذب نهر
اختك العاشت عفيفه شبعت اوملت قـهر
يوم الخذوا زينب غصب عالناكه مجـــتوفه
عباس ابو الغيره انتفض بس مالگه جفوفه
اتحسر اواصرخ ويـل
وياهم ادموعي تسيل
والخاطر عيونك والخلطر عيونك
،،،،،،،،،
لخادم الحسيـن
محمد الفهداوي
راعي البيت انت واني خطـــار
وطوعه تصيرلك خدامه بالـدار
هلا بريحة علـــي
شرف جيتك الي
راعي البيت انته وانه خـــطار
،،،،،،
بكل قانون راعي الدار مايحتار
ماين يدخل الدارة
حته الباب عينه عليك ومتانيك
منك ناطر بشارة
فرشت البيت الك ياصاحب البيت
وبخرته العصر والشكرصلــيــــــت
مو ماي اعله عتبة بابي مــــــو لاي
الجيتك شوگ ماي عيوني بديــــت
اريد بدفترك موقف الي ايصير
مثل سلمان لمن خلّـد الطيـــــــر
يتربات الـــــــولي
شرف جيــتك الي
،،،،،،
كل عطشان يامولاي يرجه الماي
عيني عطشت النورك
گبة خير جنها حسين حته العين
توضة رايدّه تزورك
هلا بطولك يمسلم والحچي هواي
تفضل طب ثنيتك فدوه مـــــــولاي
الله شگد يحبني وجابك اليـــــــوم
مره وادخل الجنه بطاست الــــــماي
واجب كون اطش الجيّتـــك ياس
حته تراب جدمك كون ينــــــباس
بعد عمري وهلـي
البخت جابك الي
،،،،،،
جيتك خير رفعة راس والعباس
بموقف ادخل الجنه
بيدي الباب والحيطان ياعطشان
الجيتك كون تتحنه
يالتخليني باچر راسي مرفــوع
والي حصه تصير بشهر الدمـوع
وگف جفك واباب البيت باســــاه
ودگ چفك الباب وصار موضــوع
خُمس بالبيت الك غير انت ملاچ
وسأل عيني گلها ياهوه بچـــــــاچ
فرح عيني تهــلي
البخت جابك الي
،،،،،،
گلبي ايصيح اهلن بيك ومتانيك
ينبض شوگ دلالي
چنها تشوف عيني اليوم بس مهموم
حيدر واگف گبالي
موصدفه امن اجيت الباري جاباك
واحسن گلب ابو السجـــــــاد وياك
اجيت وخير جايب من الحسيـــــن
الوادم ماتقدر شنهـي معنـــــــــــــاك
يبعد عيون طوعه البيهن اتشـــوف
تطمن روحي ماتعرف شني الخوف
بغدرهم مبتلــــي
البخت جابك الي
،،،،،،،
فدوه تروح هاي الناس ماكو احساس
ريّن گلوبهم اسود
وين الضــال والدجــال والمحــــتال
والخوان والمرتد
الك مسلم سبع فدوات يروحــــون
خنگوا رحمة الله وصلفه العــــيون
رسالة انته بضرف وحســــين وداك
گبالك غمظوا ماراد يـــــــــــــــقرون
قريتك من گبل لا أفتح الــــــــباب
الهوه جابالي عطرك چنه ابو تراب
وفهمت اشمايلي
البخت جابك الي
،،،،،،
لخادم الحسين ع
محمد الفهداوي
يعباس جيب الماي لسكينه
يبو فاضل دخـــــــــــــــيلك
،،،،،
يعباس انه اختك المحشومه
يعباس اعثر گمت بالحــومه
يعباس كل الطرق ملزومــــه
يبو فاضل دخـــــــــــــــــيلك
،،،،،،
يعباس اختك عفتها بحيــــره
يعباس بالگوم مامش غيــــره
يعباس تدري برقيه زغيــــــره
يبو فاضل دخـــــــــــــــــــيلك
،،،،،،
يعباس فدوه رحت لنفاســــك
يعباس مصيوب خويه براسك
يعباس حاچيني لو بحساســك
يبو فاضل دخــــــــــــــــــــيلك
،،،،،،
يعباس تنشد عليك سكيـــــــــــنه
يعباس وتگلي اخيچ وينــــــــــه
يعباس يابو المحنه الزيـــــــــــنه
يبو فاضل دخــــــــــــــــــــــيلك
،،،،،،
يعباس شيبت ماتدرينـــــــــــــــي
يعباس ماتت وياك سنينـــــــــــي
يعباس يامن عمتلك عينـــــــــــي
يبو فاضل دخـــــــــــــــــــــــيلك
،،،،،،
يعباس ياهدمي ياعصابتــــــــــي
يعباس تبچّيك كلش حالتـــــــــي
يعباس يابيرغي وياشارتـــــــــــي
يبو فاضل دخـــــــــــــــــــــــيلك
،،،،،
يعباس خويه الهزل جابـــــــــوها
يعباس اختك ام عون اذوهــــــــا
يعباس لمن طحت شتمـــــــــــوها
يبو فاضل دخــــــــــــــــــــــــيلك
،،،،،
لخادم الحسين ع
محمد الفهداوي
بيه صفن حته الجمال
علي الاكبر بالنـــزال
،،،،،،
من نزل سيفه بيمينه شمس فوگه عمامه
النور يتبده اعله مهره ما يحجبه الثامــــه
روسهم عافت جثثهم ركضت الصمصامــه
ولا ابن زلمه التجاسر لو وگف جـــــدانه
دارس فنون القـتال
بيه صفن حته الجمال
،،،،،،،
رمحه من يرميه عليهم عشره ياخذله سوه
عمر بالخيمه ايتراجف ضل يدور عالهــوه
بيهم التيه طريچه وبيهم بسيفه نچـــــوه
دنگ عليها ولزمها وراد يقلع نينـــــــوه
گد حميته بيه كـمال
بيه صفن حته الجمال
،،،،،،
من كثر حسنه وجماله منه خجلت كربله
ايه چنه فوگ مهره مدري چنه البسملـه
من كثر ما غيره شايل علي ينظح مرجله
وبو فاضل عالشريعه بصوت دافي رتــله
اصفه من ماي الزلال
بيه صفن حته الجمـال
،،،،،،
علي من مهره ترجل وده للخيمه المـهر
خله من راحت يمينه لمه والسكنه عـطر
وده دمعاته الرقيه واعتذار الها اشكـــثر
وده شوگه واحترامه العمته ام الخــــدر
واجهه اصحاب الشمال
بيه صفن حته الجمـال
،،،،،،،
عصر وجه الگوم بيده گطره ما نزلت ابد
بنص گصصهم لاكو غير ولاحميه بالشـدد
صار ابن غانم فريسه من تلاگه وياللأسـد
شال راسه انطاه للاكبر گله ماعيلن بعـد
منه مذهول الخيال
بيه صفن حته الجمال
،،،،،،،
من يكبر سيفه ينزل فـوگ هامات الزلم
شماطبر هامت معاند زينب تصيح ونعـم
چنك العباس عمه شايل بگدهَ شــــــيم
من تطيح اتطيح عمه وياك عالگاع الخيـم
علي تربات الرجــال
بيه صفن حته الجمال
،،،،،،،
من عگب ماخله اميه دمومها مثل النهر
للشهاده شتاگ گلبه وشتهه يموت بفخر
علي مؤمن بالمنيه ومؤمن بحكم القــدر
لوله حكم الله وقضائه ما عليه واحد گدر
كلمة الحقِ تقـــــال
بيه صفن حته الجمال
،،،،،،،
لخادم الحسين ع
محمد الفهداوي
الصادق ع يتكلم مع والده الباقر ع ماجره في يوم عاشوراء ومن انجا من ذالك اليوم العصيب
إحچيلي بويه بدمعتـــــك
عن صبر زينب عمتــــــــك
من النار ياهي الشالتــــــك
گلالي زينب گلالي زيــنب
،،،،،،
تـدري حضن زينب خيمه وفيايه الستـر
صدري تنفس من ام عون يوليدي خــدر
عمري شترت عمري من الحرگ بَطهر عمر
حضن ودفـــــــو
صارتلي ابــــــــو
مثل امي احسنها
يبني وعلــــــــي
تشبه علــــــــــي
بعيوني اشوفنها
شالتني لحضه وغمضت
چن بحضن جنه نمـــــت
من ناحت وياها نحـــــت
حالي تعذب گلالي زينب
،،،،،،
إسمع بويه يالصادق وحگك جامتت
أبشع منظر حسين وگطّع راسه شفت
مدمع صرت كلي ويم نحر جدك طحت
دمعه رســـــــم
حرگ الخـــــيم
ومراكض العيله
سوالف ضمــــــه
وتنزف دمـــــــــه
يرولي وصغيلــــه
من الخيمه لحسين الـــركض
علينه التعب صاير فــــــــرض
كل هطره سجده اعلـه الأرض
وكل طيحه ننحب گلالي زينب
،،،،،،
متني ركضت اعليه الصياط بكربـــله
عتني من حضن والدي بجفه حرمله
جتني زينب وردتني صوب العايــــله
حته الهــــــوه
بطف نينـــــوه
مبيوگه نسماته
بذاك الوكــــــت
گوه عشـــــــــت
تذبح معاناتــــــه
اعله حسين دلاني المهـر
چن ضايع أيدوّر عمــــــر
لحسين اركض ونهـــــطر
گلبي تعــذب گلالي زينب
،،،،،،
حالي چان مثل المنذبح بس بي نفس
غالـي نعمه الحسين وعمت عيني نرفس
بالـي نشدهَ لمن داس جدك چم فـــرس
صدره نفــــرش
وبلانعـــــــــــش
خير الله وتبــده
بيدي القلـــــــــم
واكتب الــــــــــم
من دمعه البخده
شاهد عيان اعله الجـــــره
وشاف الحسين اعله الثره
والشمر من حز منحــــــــره
منها الدمع صب گلالي زينب
،،،،،،،
بصلبّه جنت انه الصادق وعشت التعب
غربــه ايصيح ابوي وانه دلالي انشعـب
ضربـه ضهر ابوي وضهري چم صوط نضرب
من ينــــــضـــــــرب
دمعي يصـــــــــــب
ماصاير وابچـــــــي
جنت ارتجــــــــــــل
مثل الشبـــــــــــــــل
نطفه وجنت احچي
وي والدي الباقر رحت
بعالم الأصالب ومــتت
چم صوط انه تحملـــت
ريح الأجل هب گلالي زينب
،،،،،،
لخادم الحسين ع
محمد الفهداوي
سولف عالنهر عباس سالفــــــــتـــه
لطم حد ماچفوفه تگطعن لختــــــه
ضل يبچي النهر وياه
وصاح بصوت واويلاه
يازينب يازينب
،،،،،،،،،،
همس بذن العگمي راعي الحمـيه
سولف اوياه اوبچه وناحوا سويـه
ارد اگلك يانهر هاي الرزيــــــــــــــه
باچر اختي تمشي من يمك سبيـــه
اسمع يانهر وفتهم سالفتـــــــــــــي
جروفك خلها تلطم لوسبوها اختي
عباس الوفي وصـاه
ضل يبچي النهر وياه
يازينب يازينب
،،،،،،،،،
صفن نهو العلگمي اوبطل مسيله
وصاح الله يعين گلبچ يالعقيــــله
شلون بت حير علي حامي دخيلـه
تمشي من يمي على ضهر الهزيله
صعبه اختك يبو النوماس يسبوها
لانغار لامن اهل يحمـــــــــــــــــوها
والگافل يــــــــردد اه
ضل يبچي النهر وياه
يازينب يازينب
،،،،،،،،،
نخله چانت عالجرف تسمع حچيهـم
ونحنت من القهر من گد بچيهــــــــم
وحترامآ دنگت نزلت عليهـــــــــــــــم
سمعت اقريه اونعي ايموت نعيهـــــم
قرايه وچان يقره الگمر بدموعــه
وچانت زينب الحوراء موضوعــه
مجلس عالجرف سواه
ضل يبچي النهر ويـاه
يازينب يازينب
،،،،،،،،،،
حسين اچه اولحگ على اخر مصيــبه
ولگه العباس الكمر ينعه الغريـــــــــــبه
لگه مطبّـــــر راسه والهامه خضيـــــبه
ودنگ اعليه السبط قبل حبيبــــــــــــه
گله امشينه للخيمه يضي عينــي
كله اتركني يم النهر يحسينـــــي
سابح بالدمه شافــاه
ضل يبچي النهر وياه
يازينب يازينب
،،،،،،،،،،،
من قره العباس عن اخته الاميــــره
ومن وصل زينب يودوها اسيــــــــره
طاح دامي اوضلت انفاسه الاخيـــره
بس بقه الوفاي ينزف كله غيــــــــره
راح اكتب الزينب خويه عذرينـي
بنبلة عيني لختي من دمع عينــي
بعينه السهم من صاباه
ضل يبچي النهر ويــاه
يازينب يازينب
،،،،،،،،،،
شافت حسين السبط بنت الوديـعه
تگله شابع بچي چنك عالشريعــــــه
گلها بقرايه جنت نوح اوفجيعــــــه
بيها عين اوسهم والقصه فضيعـــه
خويه التعزيه العباس ســــواها
وعيون الفرات بصوته بچاهـــــا
ختم اخر نعي اوعــاداه
ضل يبچي النهر ويـــاه
يازينب يازينب
،،،،،،،،،،،،
خويه گلي عليك ابو فاضل يالحسين
مجلس العباس يوين بياكتر ويــــــــن
ارد اروحن وبچي حد ماتنطفي العين
وارد ابوسه براسه وشلع نبلت البيـــن
گللها الحسين اولزم گلب اخـــته
خلّـص مجلسه وعباس ودعــــته
بسته بهامته اويمــــنا
ضل يبچي النـهر وياه
يازينب يازينب
،،،،،،،،،
لخادم الحسين
محمد الفهداوي
تحت ضل العرش لمن نشوفك
يبو السجاد مانگدر نعوفــــــك
جمال عيونك الجـنه
مو للحور نتمنــــــــه
نتمنه نشوفــــــــــــك
،،،،،،،
خلق رب العرش نــورك
گبل مايخلق الجنــــــــه
واخذ من حاجبك شعره
وخلق ياس وخلق حنـــه
واخذ من حسنك البـــاري
وبعد مدري شخلق منـــــه
لگيت الحور من وجهك خلقــــــــها الله
ولگيت المصطفى الوجهك شكــــر صلـه
لگيت اسم الله بظلوعك شكو إسـم الله
اليشوفك باچر ايشوف الأمانــي
يصيح بصوت خلوني بمـــــچاني
العشگ ماينشبع منـه
جمال عيونك الجنـــه
،،،،،،،
تحت حظنك اذا نلتــم
نشم طعم العشگ كلـه
كلمن ماخدم شخصـك
يضوگ مرورة الذلـــــه
باچر تنحني علينـــــــه
مثل ماتنحني الدلــــــه
يخيمتنه الچبيرة النگعد بفيّــه
شنسولف والسوالف يمگ شويه
يا اطهر نسيم الشمته الريــــــــه
اذا باچر يبو السجاد نلتـــــــــم
نشبگك گلنه ونشم منحرك شم
نگلهم نبقه يم خلنه
جمال عيونك الجنه
،،،،،،
يَكحل عيون خدامك
يحسرتهم يدمعتهــــم
الروايه تگول بالمحشر
باچر سيدي تلمهـــــــم
يشمونك على نحـــــرك
وانته ادنگ اتشمهــــــم
نشم باچر بصدرگ نسمة ابروده
واثر للخيل خافن نلگه موجـوده
كل موكب يضل ينـــــعاك رادوده
البچالك دمعه يلگه الدمعه كــوثر
الزغيرة هنانه يمك غاد تكـــــــــبر
يقين وهاي مو ضنه
جمال عيونك الجنـه
،،،،،،،
على الطف تگعد تسولف
سوالف والوجه ضــــاوي
مشاهد تعرض بصـــــوتك
حقائق مو حچه الـــــراوي
الطّم والرد ابّو المــــــوكب
الكتب ولناح متســـــــاوي
إمن اول نبله تحچي الگطعت الخنصر
وموقف من بعد موقف تضل تذكــــــر
واكيد بكل عزاء الزهره بينه أتمـــــــــر
تجيب وياها قارورة مدامــــع
جليلة قدر ليها مانـــــــــــباوع
يمنّت رازق المـــنه
جمال عيونك الجنه
،،،،،،،،
تسولف عل عطش باجر
يبعد عيوني وعـــــيوني
هويّه أموقعّه بخطــــــك
غاد اعتقد ينطونـــــــــي
عنوان الهويه إيصيــــــر
بشرب الماي ذَكرونــــــي
تسولف عن علي الاكبر وعن حِسنه
شلون من المهر طاح وغمض جفنه
وعن جاسم وعن أشموعه والـــحنه
وتسولف عن معاني الخوه بالطف
إلنطاها عيونه وچـــــــف بعد چـف
وفه وغيره توّصفنه
جمال عيونك الجنه
،،،،،،
لخادم الحسين ع
محمد الفهداوي
من خلصوا فرض العشگ
كلمن لزم بــــــــــــــــــتاره
وحسين نزلت دمعتــــــــه
من شاف هيچ انصـــــــاره
كل شيبه تگطر ايمان
قرأن لازم قــــــــــرأن
،،،،،
يحسين مبيوگ الهـــــــــوه
وعطشان بالطف الـــــــماي
ووياك اجه وين البخـــــت
والتزرع اجدامه فيـــــــــاي
إلراي عدهم والصــــــــــدگ
وخصمك عبيـــــــــد بلاراي
سبعينك تسد الشـــــــــمس
سبعينهم موش هـــــــــواي
من هز حبيب الرايــه
گام الفرات ومايـــــــه
سلم ودنگ خجـــــلان
قــرأن لازم قـــــــــرأن
،،،،،،،،
هم شايفين انتم بـشــــر
من عدهم إشيع النــــــور
طاريهم برودة گـــــــــلب
من چانت الحومه تفـــور
منهم اخذ صيته الخبـــــز
ونطوا درس للتنــــــــــــور
وگفت الدنيه وهوســــــوا
وفترت ولســــــــــــه ادور
الشايل حسين بگلبه
ربك إينور دربــــــــه
ماهموا شــگال فلان
قــرأن لازم قــــــــرأن
،،،،،،،،
اسسو فقة المرجلـــــــــــه
ورسموا نهج للأجـــــــــيال
بكل مدرسه واجـــــب اذن
العابس نشيّـد تمــــــــــثال
قانون تبقه ارجـــــــــــوزته
وتفسره كون الـعـــــــــــقال
ضلت دواوين السلـــــــــــف
بي تحچي بالطف من صال
العاش الحسين بروحه
مايلتفت لجروحـــــــــه
من اتقدموا للميـــــدان
قــرأن لازم قـــــــــرأن
،،،،،،،،
صيت المحابس للشــــذر
وشالوك مثل الياقــــــــوت
ايعرفولها انصارك تـــــــره
بعد العمر لابد مـــــــــــوت
فرصه السحابه لو اجــــت
لحضات والفرصه تفــــوت
انصارك شما هب هــــــــوه
وين الرزن والمثبــــــــــوت
حلفوا بشيخ الساده
نگطع الچفه تمــــاده
الواحد يعادل بركـــان
قــرأن لازم قـــــــــرأن
،،،،،،،،
مادنگوا بس دنگــــــــــت
يمهم جميع الهامـــــــــات
اليستشهد بطف كربلــــــه
عل رمح يصعد لو مـــــات
وجه وگفه شايل فـــــــرح
واحدهم اعله النكبـــــــات
وحسين قران من اجـــــــه
ونصاره مثــــــــــل الأيــّات
صفنت ادنيّه عليهم
من گد الغيرة البيهم
ومارمشت الحد الأن
قــرأن لازم قــــــــرأن
،،،،،،،،
لخادم الحسيـن ع
محمد الفهداوي
تاج الملوك ايصير يمكم عـــــدم
يالشلتوا فوگ الراس تاج الخدم
،،،،،
تاچ الخدامه هوه تاچ الصــدگ
يتخله فوگ الراس يهل العشگ
التاريخ يم اهل المــواكب صفن
ضل بالملوك ايچيّم اوتحتــــرگ
وشچم قصر شفناه علي نهـــدم
،،،،،،،،
منّ الذهب تاج الملك ينصــنــــــع
وشـما يلبسه الناس مــــاتـقتنـــــع
ومن تاج خدامك يغار الذهــــــــب
يحسين من نور البوجـهك يشـــــع
والما يلبسه ايعيش عمره بـــــندم
،،،،،،،
طعم الخدامه احله من الشـــهَد
العاشگ حسين امبين من المـهَد
والمشتري گلبه الحسين بخــيم
يرجع حسيني شما بعد وبتعَـــد
يجري بشراينه حُسيناً كــــــــدم
،،،،،،،
اليمشيله خطوه ويعتني الكربـله
يبقى الضريح بكبره يـــــــدّنّه اله
السلّم على حسين ودمعته تصب
يسمع إمامه ايگله ميت هلـــــــــه
تفضل يزاير صفن بيها القلــــــــم
،،،،،،،،
كل الملوك العل أرض والحــــــدر
أمن إكبر رقم بيهم لحّــد الصـــفر
لرماد موگد خادم اعله الـــــــدرب
فداوت لصخام وسواد الــــــــجدر
تهدم ذنوب اليمشي خطوة قــدم
،،،،،،
الرايدله حچه وعمره وي النبـــي
خل يبچي كل ماسمع نوگ وسبي
خل يمشي لحسين بگلب منكســر
وبروحه كون يشيل تل زينبــــــي
گبل الحسين يزور راعي العلــــــم
،،،،،،،،
الرايد يعيش براحه عيشة هـــــنه
ويرزقه مال الله ويرزقه الضنـــــه
يفتحله هيئه والله يفتــــــــــح إله
باب الرزق والخير في كل سنــــــه
نعمه الحسين وسبب كل النعّــــــم
،،،،،،،
لخادم الحسين ع
محمد الفهداوي
