ياكافل خـــدر داري ماشفنه بحنانك
گوم اوصلي بنصاري ياعالم زمــانكك
من بعد الفرض بالغاضـــريه
خطبه انريد منك شقشـــقيه
ياعالم زمانك يابو فاضل
،،،،،،،،
ارد اشوفك ونته راكع
خاطر اني اعليك اباوع
وقره ايات الحـفـــظ
بالدمع خويه ارد أحصنك
ياوفي يالماكو مــــنك
فوگ كل هـــاي الارض
اذا سائل يجي الحيدر يسألـــه
يجي العباس ينطي السأل حلـه
علم حامي الحمه بروحك تجــله
بحر علمك فلا واحد وصلــــــه
صلي اوزينب تعـــاين ياعالم زمــانك
عليك الحزن شــوباين ماشفنه بحنانك
وضح بيها كل أحقاد أميه
خطبه نريد منك شقشــقيه
ياعالم زمانك يابوفاضل
،،،،،،،،،،،،،،،،
صح رضعت بهام جدي
ونته وارث شكوعنـدي
يااحزامي البلـــــشدد
بالمهد جبريل هـــزني
ونته نايم فوگ جفنـــي
عيني چانتلك مــــــهد
يفز من عيني طولك يرفض ايـــنام
اذا جابت الزهره طاري الخيــــــام
يفرح لوشعلنه شموع جســـــــام
بعدك ماصرت وعليك أحـــــــــتام
إحچي عن فضـل جودك ياعالم زمــانك
خويه اوداعت زنـــودك ماشفنه بحنانك
ياوارث علم حامي الحمـيه
خطبه نريد منك شقشقــيه
ياعلم زمانك يابو فاضل
،،،،،،،،،،،،،،
قبل ماتبدي بصلاتــك
نريد خطبه عن ثباتـــك
خاطر انصاري تـــعرف
اي وحگ امي الوديعــه
ارواح تخطف عالشريعـه
رايتك لمـــــــــن ترف
گلهـــم بيه حرز من زينب الــواي
وأسحگها الجماجم ووّصل الـــــماي
ذوله انصاري تحت أمرك يرجـــواي
وإنطيهم درس منك يـــــــــــوفاي
البس خويه العمـــــامه ياعلم زمـانك
فوگ الـــــــدرع وللامه ماشفنه بحنانك
هذا اخر فرض نلتم سـويه
خطبه نريد منك شقشقيـه
ياعالم زمانك يابوفضل
،،،،،،،،،،،،،
ياكحل عيني ونــضرها
ياحجاب اختي وخــدرها
ياستر كل الحــــــــرم
انصاري گعدك تستمعلك
ياكريم الماكو مـــــثللك
يفتخر بيك الكـــــــــرم
سولف عن كــرم روحك يعبـــاس
خلينه أنتبرك من هل الـــــــنفاس
ياتاج الوفاء أمرصع ابمـــــــــاس
حتى تراب جدمك ينگــــــلب ياس
انته أمسدد من الله ياعالم زمـانك
وداعت نحر عبد الله ماشفنه بحنانك
ابدي بلعن من اذه الزجيه
وخطبه نريد منك شقشقيه
ياعالم زمانك يابو فاضل
،،،،،،،،،،،،
خَطبتك وضحنه بيـــــها
زينب شيجري عليـهــــا
لوهويت اعله الثــــــره
تطلع من الخيمه تنعــــه
وتلگه بس بچفوفي تسعه
چفي يفگد خنصـــــــره
گلهم كل شخص بنصاري مقتول
وتفزعله عمامه اوتحچي وتگـول
وعن ذيچ المعاره ايصير محـمول
بس احسين اخوي ادوسه الخيول
بحالي گلهم شيــــجري ياعالم زمـانك
ادوس الخيل بس صدري ماشفنه بحنانك
صف لنصاري نوع الاعوجـيه
خطبه نريد منك شقشقــــيه
ياعالم زمانك يابوفضل
،،،،،،،،،،،،،
عالفروسيه العظيمه
تحدثنه يبو الشيمـــه
وحچي عن فن الحرب
شلون لوسدوا طريجك
ونته ناشف خويه ريجـك
موقفك جدآ صــــــعب
أشگد مغريات الماي ينطيــك
عليه تضحك تضل لمـن يحاچيك
تأدب گتله ياماي ارد اوصيــك
منزعل حجر سجيل أمطر عليك
انته مرجع الغــــيره ياعالم زمانـك
صاحت زينب بحـــيره ماشفنه بحنانك
اختك بالخيم نادت علـــيه
خطبه نريد منك شقشقـيه
ياعالم زمانك يابو فاضل
،،،،،،،،،،،
نقط هل خطبه دمعتي
يابو فاضل ياسلوتــي
منك ارد اشبع نـــضر
يلي صوتك صوت أبونه
رويحتك ترفه اوحنــونه
وفه أتخضر علــــــنهر
سولف يابو فاضل گطع يمنـاك
تملك ياشعور انطيت يســــراك
شلون انه من اجيك اوگعد حذاك
احط راسك بحضني واحچـي وياك
يمك دمعتي اجريها ياعلم زمـانك
واخر چلمه احچيها ماشفنه بحنانك
قبل الموت وهوال المنيه
خطبه نريد منك شقشقيـه
ياعالم زمانك يابو فاضل
لخادم الحسين محمد هادي الفهداوي
بين اليمشي بدرب الجنـــــه
وبين اليمشي بدرب النــــــار
والحر شاور گلبه وقـــــــــــرر
صاح بصوت حسين أخـــتــار
هوه الغالي يادلالـــــي
،،،،،،1،،،،،،،
اليشاور گلبه مايخســــــر
لأن فطرهَ الگلب ينبــــــع
والحر حاچه دلالـــــــــــــه
وگلبه گله مني إسمــــــــع
بكبرها الجنه اجت يــــمك
توضه ويمها روح اركــــــع
الفرص مثل السحاب اتمر
واذا راحت چذب ترجــــع
لَحگ ودخل باب الرحمـــه
وبوس اعتاب الچنه ونوح
وتعذر منّهَ وقبل ايــــــــده
وصعد مركب وارث نــــوح
حسين امالي يادلالــــي
،،،،،،2،،،،،،،،
ضمير الفطره گله اسمع
شني الدنيه وزغارفهـــا
وذا روحك توسوســــلك
بالستغفار چتفهــــــــــــا
الخيم زينب اخذ عينـك
وابچي بحرگه نضهــــــا
يم خيمة علي الأكبــــــر
همومك ياحر انسفهــــــا
إحرم ولبس ثوب العـــــــزّه
وستأذن طب خيمه وشوف
وعبد الله تشوفه باكروكــه
نايم يستهزء بالخــــــــوف
نحره يلالي يادلالـــي
،،،،،3،،،،،،،
حدر كل شيبه البوجـــــها
الخجل والمستحه واضح
وصل بس شاف أبو اليمه
حنين وعادته ايسامــــــح
عليك ابفاطمه اعذرنـــــي
اذا چان الحچي جــــــــارح
انهَ الما استحق عطــــفك
وحق هود ونبي صالــــح
انه الجعجع وسفه بضعنـك
وللطف چبتك يامـــــــــولاي
عطشانين وعندك كــــــــوثر
وجيش بكبره اسگيته الماي
يروي امثالي يــــادلالي
،،،،4،،،،،،
فتح باب الگلب حبـــــك
ودخل وتربع بنـــصــــــه
وتَملك روحي وحساسـي
وعرفت اني العشگ فرصه
اجيتك جيت المذنـــــــب
وحيائي مغرگ الگـــــصـه
يسلطان الهوه ماضــــــــل
بتاريخك الي حصــــــــــه
غم راي المايتبع رايـــك
واضح للرايد يقــــــــراك
ايموت المايفديك بعمـره
ايعيش اليستشهد ويـاك
نعم الوالي يادلالــــي
،،،،،،5،،،،،
اريد عيوني اكحلهــــــا
بضواك وداعة عيــــوني
عشگتك والعشگ رحمـه
وتغير مجره قانونــــــي
اريد التقره بمصابــــــك
شهيد وياك يلگونـــــــي
وريد بكل شهر عاشــور
عالمنبر يذكرونـــــــــــي
وي انصارك سجل اسمي
كون انعد وي السبعيـــــن
مثلك وين الگه بهل دنيـه
بس حسين ايشبها حسين
فدوه اموالي يادلالــــــي
،،،،،،
لخادم الحسين ع
محمد الفهداوي
هوس بجفه العلـــــــــم
ورمحه وياه ابتســــــــم
صاحوا دخيلك حبـيب
من لزم سيفـه وهجـــــم
،،،،،،،
رمحه وياه ارتــــــــجز
وسيفه يحصد بالعــــده
عالجثث مهره ســـــحگ
لمّنّ عليهم بــــــــــــــده
گصته تعرگ ضـــــــــوه
وشيبته تگطر نـــــــــده
لحضه ماعاف الحســـــين
مرقدة بنص مرقـــــــــده
عمره يوصل للسمــــــــه
جنه ايه اعله المـــــــــهر
لوصرخ يابو الحســـــــــن
صيحته مثل السهـــــــــم
،،،،،،
كله ابيض من حــــــــــمل
شگد نقيه نيتــــــــــــــه
عالدرع مثل الگــــــــــطن
هجي چانت شيبتـــــــــــه
حلفوه بفاطمـــــــــــــــه
ومسح دمعه برايته
تذكر الزهره وبچـــــــــــه
وماتمالك دمعتـــــــــــــه
سيفه اسس محكمــــــــه
محكمه ضد الظلـــــــــــم
رمحه يحكم بالعـــــــــــدل
جَرع الظالم الــــــــــــــم
،،،،،،،
بروحه مسجد للعشـــــــگ
بگلبه محراب الوفـــــــــه
سيفه برگان اشتــــــــعـل
الهذا يومك ماطــــــــــفـه
كل صفاته حــــــــــــيدري
تميز بهاي الصفـــــــــــــه
بكربله چنه نهـــــــــــــــر
بشفت حسين انچفـــــــــــه
تحزم بغيرة علــــــــــــــي
هوس بنص الجمـــــــــــــع
وعابس وياه ارتجــــــــــــل
نثينهم نفس الشــــــيـــــــم
،،،،،،
زينب تعاين الــــــــــــــــه
سيفه چنه الواقعـــــــــــــه
ورمحه چنه الزلزلـــــــــــــه
وصوته چنه القارعــــــــــــه
بعينهَ ابو فاضل غفــــــــــــه
بجفنه جرف المشرعـــــــــــه
شماذكر زينب يهــــــــــــــل
عالكريمه مدمعــــــــــــــــه
ستأذن حسين ومشــــــــــــه
لخيمة ام عون اعتنــــــــــــه
وسلم عليهــــــــــــــــا بأدب
منحني واده القســـــــــــــم
،،،،،،
وداعة الصان الخــــــــــــدر
كلها يابت فاطمـــــــــــــــه
راح اسوي بهالعـــــــــــــده
محلحمه بنص محلحمــــــــــه
راح اكض بيدي الهـــــــــــوه
راح اخليها السمـــــــــــــــه
تمطر عليهم حجــــــــــــــــر
وداعة المسه الظمـــــــــــــه
عابس اعله الميمـــــــــــــنه
وانه اكض الميســـــــــــــره
اله اذل اهل الــــــــــــــرده
زينب تگله ونعــــــــــــــــم
،،،،،،،
ضل يدور عالشمــــــــــــــــر
تنكر بشيله وشــــــــــــــــرد
المشتهي موته بقـــــــــــــــه
والبد منهم لبــــــــــــــــــــد
بيهم اتعنونه زحــــــــــــــــف
وهوه واگف كالاســــــــــــــد
اعذرنه صاحوا ياحبـــــــــــــيب
مانكررها بعـــــــــــــــــــــد
جنه مثل البسمـلــــــــــــــــه
كله ينظح مرجلــــــــــــــــــه
واسه الحسين بشـــــــــــــرف
عمره بالعز انختـــــــــــــــــم
،،،،،،،
لخادم الحسين ع
محمد الفهداوي
مصيبه الحادي تدري شسوه بينه
ماخله بلد يعتب علينـــــــــــــــــه
دمعنه ايبلل النوگ
كل ماندخل ابسوگ
نغطي وجوهنه بچفوف ادينــــــه
،،،،،،،،
مجروحين والحـــــــادي
على اليوجعنه مشانــــــه
رساله بصف رساله نموت
ومحد گام يقرانـــــــــــــه
بضعن يزرع مراقد جيـت
وراس حسين ويانــــــــــه
شكو ديوان بيه شمــــــات
الحادي اعليه مرانـــــــــــه
اشد امن الذبح درب اليسر چان
نموت اشما نطب يحسين ديـــوان
صدر كل حرمه مخنوگ
كل ماندخل ابســـــــوگ
نغطي وجوهنه بچفوف ادينــــــه
،،،،،،
الندى ماينزل اعله الگاع
من كثر الشتم والـــــــذم
الجرح لوسولف الچمـــات
تعرف اسوالفه من الــــدم
هواهم يختلف يانــــــــاس
بلاعباس ماينشــــــــــــــم
نموت شما نطب ابســــوگ
وعلينه الخلگ تلتـــــــــــم
علي تتفرج الماتملك اعيــــــون
اخت عباس اسمعهم ينـــــادون
يبس دمنه بلعــروگ
كل ماندخل ابسـوگ
نغطي وجوهنه بچفوف ادينــــــه
،،،،،،،
اوجوه ايتام ابو السجــاد
مثل لون العبي واكـــــــثر
ورقيه تفرفح اعله الـنــوگ
من گد الشمس والحـــــــــر
اعله متني السوط رايح راد
لحد ما صار متني احمـــــــر
وعباتي الجابها العبـــــــــاس
اخاف اعليها تتمـــــــــــــــزر
الشمس شربت معاني اجوه اليتام
وعشر مرات متنه ابلدة الشـــــــــام
نبچي بگلب محروگ
كل ماندخل ابسـوگ
نغطي وجوهنه بچفوف ادينــــــه
،،،،،،،
أمن احط نار الخيم والشام
نار الشام تچوينــــــــــــــــي
ضحكهم يعله كل ماســـــال
دمعي ودمعي يچوينـــــــــي
دخلنه وطاح راس حسيــــن
وصحت يامن عمت عيــــــني
طحت من ناگتي اعله الـراس
وشلته بذني چفينـــــــــــــــي
شبگته اوبست نحره والگلـــب ذاب
ومسحت اعيون اخـيـي بيهن التراب
وبچينه ثنينه بشوگ
كل ماندخل ابســـوگ
نغطي وجوهنه بچفوف ادينــــــه
،،،،،،،
وحگ خدري وصَلت الموت
هند من طبت اعلينــــــــــــه
اميره وكرسي الها انجـــــاب
وبچت من شافت اسكينـــــه
انتم ياسبايا امنيـــــــــــــــــن
هند ضلت تحاچينــــــــــــــــه
محمد جدنه صحنه بصــــوت
وابونه علي تعرفينـــــــــــــــه
هند لطمت وجها وسالت العيــــن
وصاحت هذا يشبه راس الحسين
مرار الياحد انظوگ
كل ماندخل ابسـوگ
نغطي وجوهنه بچفوف ادينــــــه
،،،،،،،
لخادم الحسين ع
محمد الفهـــداوي
مشه وين التحبه الـــــروح وضعين
اعله جرح الگلب ملح فراگ واضعين
زغيره وعشت يا هل ناس وضعـــين
وضع علتي وضع فرگة رقيـــــــــــــه
،،،،،،،
زغيره وهم البگلبـــــــــــــــــي بيادار
وعمت عين الوكت وسفـــــــه بيادار
انوح بدارهم لكــــــــــــــــــــــن بيادر
احس مثل الگبر صاير عليـــــــــــــــه
،،،،،
غفه اليل اعله عينـــــي ونتچه اليل
وحزن اضلم بروحـــــــي ونتي چليل
سبيايه دموعي تطلـــــــع ونته چليـل
يرمشي ولاتبين خلل بـيــــــــــــــــــه
،،،،،،
الضعن يسري وترانه الهــــــــم سراباي
ورقت جودي وغديت الحگ ســـــرابي
هلي وجروحكم لزمـــــــــــــــت سراباي
مثل ما لزمت بروحي المنيـــــــــــــــــه
،،،،،
خادم الحسين
محمد الفهداوي
صاح جاسم بالحرب مثل الأســـد
الموت وي حسين احله من الشهد
،،،،،
صاح شنهي الموت اني ابن الحسن
عطر گهوت والدي معَجبه الزمـــن
اليوم ماخلي بجماجمكم وثـــــــن
اله اعلمكم وحگ دين الصمـــــــد
،،،،،،،،
صَفّن عيون العده لمن حمــــــــــــل
وسيفه فوگ الروس ضل يمطر اجل
نزل للميدان برجوزه ارتـــــــــــــجل
حسين عمي وللحسن اني الولـــــــد
،،،،،،،،
لزم زيج العسكر وعته بغضــــــب
چنه كافل زينب وللحومه طــــــب
صاح احنه اسياد وشراف العــــرب
نموت دون الچلمه من ننطي الـوعد
،،،،،،،،،
سيفه ماخذ شمره من جف الـــفلح
يحصد بروس العده الماتنصلــــــح
طبع بلعنـبر يموت من الملــــــــح
الماي من ينهان يغتاض الــــــورد
،،،،،،،،
شمر رمحه عليهم وخيطله صـــــف
تبده غيض القاسم اوماشاله طــــف
عمر بالخيمه لبد بس اعتـــــــــرف
البني هاشم اني ما اگدر ابــــــــد
،،،،،،،،
چبيرهم بركان في سوح الـــــحرب
زغيرهم جمره ولضاهه ايظل يشــب
فر عليهم صارمه وسد الــــــــدرب
وضل يردد قل هوه اللهُ أحـــــــــد
،،،،،،،،،
امه بالخيمه وترددله ونــــــــــعم
دنگِت للشسع ماهبت الزلـــــــــم
من تصيح اعله البواتر تنـــــــــثلم
انته جدك حيدر المامثله جـــــــــد
،،،،،،،،
نزل من مهره وترجل عالكفـــــــر
واثر جدمه يفوح من عنده العطــــر
برق سيفه بروسهم يشطر شــــطر
والضمه بدلاله نار اوماخمـــــــــد
،،،،،،،،
رغم نار العطش بس يمطر نــــــده
روحه تكرم مثل ابـــــــوه متـعوده
اجت عطشانه النبال من العـــــــده
وصدره زمزم عذب يجري بلايه ســد
،،،،،،،
لبس حب عمّه اعله دلالـــــــه درع
ومايهمه شماكثر صوبه الفـــــــزع
عنده سيف بروسهم يقلع قلـــــــع
وسوه عشر اتلال من جيش الحـقــد
،،،،،،،
لخادم اهل البيت عليهم السلام
محمد هادي الفهداوي
نسالكم الداعاء
مشتاگ هوايه للمجــــــالس
مشتاگ وحك شيبــة عابس
مشتهي ابچيلك ياحسين
ورايد اشكيلــك ياحسين
،،،،،،،
بيّه طف ثاني وخيم محتـرگه نـار
بعيني دمع أسكينه ودمـوع الزغــار
چن رقيه بروحي تركض بنكســــــار
تصيح بويه حسين وينك گلبـي حار
يحسين والله شيّـب راسي
يحسين گوه اجر انفاســـي
دمعي يجريلــك ياحسيــن
ومشتهي ابچيلك ياحسين
،،،،،
وداعت اكبر جرح حد جرح الرضيع
من تهدني وداعتك يحسين اظيـــع
ياشفيع المايصـــح مثلك شفـــــــيع
انه عبدك ومتثل لمرك وطــيـــــــــع
مملوك الك من أصياري
مملوك يالشلت مقـداري
كل سنه امشيلك ياحسين
ومشتهي ابچيلك ياحسين
،،،،،،
يوم يوم احسب وتاني الهل عـــزاء
ولابس ثياب التعــازي والــــــــــرثاء
گلبي من ينبــض يردد بالــــــــــولاء
شمايدك معنها يصــرخ كــــــــــربلاء
والله اسمك بـــدلالـــي
والله ماكو مثلـك غالي
گلبي يصغيـلك ياحسيـن
مشتهي ابچيلك ياحسين
،،،،،،
عيوني تجري شما شفت بعيوني ماي
موقفك يوگف گبالـــــــي يا ضــــــواي
رياگي تنشف وجهش وتظلم سمـــــاي
ياحسين اتظل الك صرخت نـــــــــداي
بالماي دوم تتراوالــــي
بالماي صورتك يالغالي
من اشرب ادعيلك ياحسين
ومشتهي ابچيلك ياحسن
،،،،،،
لجلي صارعت الظمه والنيبــــــــات
وللسبي وديت نسوه مــــــــخـدرات
والله ما استاهلك ماعنـــــــــدي ذات
مااقدر موقفك بين الطغـــــــــــــــات
خجـلان يالحنين هـــوايه
خجـلان الك منطي حجايه
گلـــــــت اوفــيلك ياحسين
ومشتهي ابجيلك ياحسين
،،،،،،
لخـادم الحسين ع
محمد الفهداوي
عالباب ضلت عيني مشبوحه
يابشر مثلي هاجرت روحـــــه
انه والميت ســــــــوه
وفارگ عيوني الضوه
،،،،،،
الهاجرت من عنده ناسـه
يموت بس عوزه جفـــــن
تفرهد بحيله المصيبـــــه
ودمعته تنزل مــــــــــحن
فارگت عافيتي كلهــــــــا
وهسه صرت بلا وطـــــن
تواردت وي الجــــــــــنازه
من ابتعد عني الظعـــــــن
ايدي اعله خدي ودمعتي تجري
ابقه انتظر لو امــــــوت ما ادري
من الدمع خدي نچوه
انه والميت ســـــــــوه
،،،،،
داري صارت من بعدهم
هواي تشبه للگبـــــــــــر
الورده تذبل من طبعهـــا
ياهلي من تنكســـــــــــــر
وانه چف وكتي لزمنــــي
وبيّه ضل يعصر عصـــــر
أوي الضعن منعدني هاجر
مارجع ليه العمـــــــــــــر
يشهد عليه اليل ونجـــومه
بحسرة الراحه ولذة النومه
تفاركت وي الهوه
انه والميت ســوه
،،،،،،،،
اه ياحسرة رقيـــــــــــــه
العنـّـــــــــي راحت ماترد
چنّه من نگعد سويـــــــه
نسولف بطاري الـــــــــورد
فارگتنــــــي وروحي ظلت
ملوّعه بنار البعـــــــــــــــــد
ودمعتي چنها يتيمـــــــــــه
من چفن عيني تهـــــــــــــد
الشوفت رقيه عيوني مشتاگه
وبيه حنين ولهفه ومــــــــلاگه
احلف براعي الوه
انه والميت ســوه
،،،،،
ياهوه سلم عليــهــــــم
بوسلي حته الطفـــــل
وگلهم الفرگه ثگيلـــــــه
والهجر ماينحمــــــــــــل
كاتبه عيوني رسالـــــــــه
الوالدي بدمع اليهــــــــــل
تستحي بنتك تگـــــــــلك
ليش بس انه انعــــــــــزل
راحت خواتي وانه عفــــتوني
منّ الضرب خايف على متوني
يالمشيتو النينوه
انه والميت سـوه
،،،،،،،،،
خالي مهد الطفل خـالي
گــاعده وبچفوفي اهـــز
باقي بس اگماطه ذكــــره
وظحكه ومناغه وحـــــرز
اتصوّره مرات نايــــــــــم
ويبچي من ابچي ويفــــز
ياهلي عذروني كلكـــــــم
إيعاتب اطباع اليعــــــــــز
يَعزاز روحي فدوه عذروني
انتم حياتي وانتم عيــــوني
من القهر عظمي خوه
انه والميته ســــــــــوه
،،،،
لخادم الحسين ع
محمد الفهداوي
مشه حسين الگبر جده
ودمعته تسولف بخده
سوالف مايرد باجر للوطان
يروح الكربله ويموت عطشان
،،،،،،،،
بچه حته الگبر وفتح حضنه اله
هله بنبض الگلب هلا ومية هلا
يقرأن الصبر يباء البسمله
اعرفك ماترد تموت بكربله
سولف غالي وي غالي
وصفن حته الهوه العالي
سوالفهم سوالف جنها قرأن
يروح الكربله ويموت عطشان
،،،،،،،
حچه عن العطش ويبس ريچ الحد
يجدي بكربله يذبحون الورد
وذا بالطف طحت البناتي شلون ارد
الغريب بلا اهل يموت من البعد
اشد من دوسة الحافر
تجيني الكربله حاسر
يسلبوني الثياب وابقه عريان
يروح الكربله ويموت عطشان
،،،،،
أبو الأكبر غفه ولگه جده بحلم
وابو الزهرة گعد بقه بنحره يشم
اذا باچر طحت وتوّن بين الزلم
اجيك من الگبر وصيرلك هدم
يذبحك خنجر الغربه
يبو الأكبر تره صعبه
تراها الناس غادي بلايه وجدان
يروح الكربله ويموت عطشان
،،،،،،
أبو اليمه گعد وسجد لله شكر
الشهاده غايتي واحبنها اشكثر
اذا مات الورد يضل عايش عطر
اليقدم منحره وجوبن يفتخر
اخذ من الگبر تربه
وسجد لله وشكر ربه
طلع گبل الفجر وي وكت الاذان
يروح الكربله ويموت عطشان
،،،،،،،
مشه وگلبه بقه بمچانه يصب عشگ
يجدي انت الهوه منعوفك اختنك
ولاچنت اعتقد. اويه محبوبي افترگ
اروح المصرعي وعوفنك صدگ
وداعاً گله ياجدي
دمع ماضل بعد عندي
يفوز اليشمي لله ونيته قربان
يروح الكربله ويموت عطشان
،،،،،،،
لخادم الحسين ع
محمد الفهداوي
ماترضه عيني تنام ماترضـــــه
وماغضت للنوم ابد لحضــــــــه
بويه بويه انه العليله
،،،،،،
جني بحلم وتحاچه وي روحــي
وسهرانه طول اليل وي نوحــــي
من كثر ما ابچي على احبابـــــي
الگه ملح صاير على جروحـــــي
هسانه مدري بحلم لو يقضــــــه
بويه بويه انه العليله
،،،،،،
الحسبات يهلي شربت ارسومــي
وبگد صوركم صارت اهمومـــــي
من كثر مانوحن نحل جســــــمي
عليّه چبيره صارت اهدومــــــــي
كلمن قسمته وكلمن اوحظـــــــــه
بويه بويه انه العليله
،،،،،،،
مرورة فگدكم شيبت راســـــــي
ومكسور گلبي وينزف احساسي
كل مغربيه اختنگ وتشاهـــــــــد
بل ياعلي يالله اجذب انفاســـــي
مامر عليه النوم ومغمضــــــــــــه
بويه بويه انه العليله
،،،،،،،
وين التحبه الروح عافانــــــــــي
بين المنيه وبين نيرانـــــــــــــــي
ضل جار يشكي الجار من عـندي
من گد نحيبي شال جــــــــيراني
بلون الذهب چنت اشبه الفــضه
بويه بويه انه العليله
،،،،،،
كاروك عبد الله وملابسكــــــــم
بيهن أشم أودوّم اعاتبكـــــــــــم
يهلي الصده يذبحني كل مــغرب
چي فارغه ضلت منازلكـــــــــــم
من علتي سهم الهجر امضــــــــه
بويه بويه انه العليله
،،،،
ماي اسود من النوح بعيونـــــي
وصوط الهجر ورمهن امتونـــي
لو هسه كون التلاگه وياكـــــــم
متغيره حيل وماتعرفونــــــــــي
بالحايط الزم يا الله اتوضـــــــه
بويه بويه انه العليله
،،،،،
لخادم الحسين ع
محمد الفهداوي
زينب اذا مذبوح شـفتيـــــــــني
تلگين دمع افراگچ بعينـــــــــــي
،،،،،،،
ميّلي التراب وقبّلّي نحـــــــــري
ومثل الجمر خويه الرمل حدري
لوشفتي صدري اتوسلچ صــبري
من نحري أحچي وياچ اسمعيني
،،،،،،
ميت وديه افتحه لوجيتـــــــــي
بل يا هلا اتلگاچ يم بيتــــــــــــي
انتي الهوه التتنفسه ريتـــــــــــي
وعليچ اشبگ من تشبگينــــــــــي
،،،،،
لوجيتي اصيحن هلا بهل جــــيه
ويـّاچ جيبي اسكينه ورقيــــــــــه
رغم الجروح الف وتسع ميـــــــــه
بس جيتچ هيه التداوينــــــــــــــي
،،،،،،،
دوري اعله خنصر چفي تلگينــــــه
مشمور من محبسه امسلبينــــــــــه
البنتي رقيه اشتاگ وسكينــــــــــــه
مثلچ احبحن ونتي تدرينـــــــــــــي
،،،،،
يم عون ماوصيچ بعيالـــــــــــــــــي
ام انتي تدرين الضنه غالــــــــــــــي
مازال عندچ همه مابالــــــــــــــــــي
بدرب اليسر وياچ تلگينــــــــــــــــي
،،،،،
خويه الخيم من تحتــــــــرگ نادي
الحگنه يا ريحانة الهـــــــــــــــــادي
بلا راس اگومن وجمـــــــــع اولادي
عيناچ يختي من تحشمينـــــــــــــي
،،،،،
لخادم الحسين ع
محمد الفهداوي
وين الگه خيالن سبوگن يسبگ الهاب
ويلگد مهرتو من اسلم بيدو الكــــتاب
،،،،،
يلگه ثنايه اهلي وسيعه وريحت الهيل
من ادلالهم تضهر يشمها نجم الزهيـــــل
لوشاف شابن لو حچه محچاه ترتيـــــل
معناهو الاكبر هذا لُه دلالي منصـــــــــاب
،،،،،،
خليت بالگرطاس دمعاتي وبچي وشوگ
ولوعة وحيدن حالو حال بدارو محــروگ
من يصل لهلي طافحن والنفس مخنـــوگ
اهلي ايتلگونه بهله من بطن الطـــــــــناب
،،،،،،
عندي احاسيسن تگلـــــــــــــــي مايردون
الچانو مصاحف بالنزل لمن يصــــــــــلون
من گد حنيني لهم ذبلت حته الجفــــــون
هيّن بوجنتي للدمع سوين مـــــــــــحراب
،،،،،،،
يامن لهم في گلبي شوگ ودار ومچـــــان
ويامن لهم نارن سناها يحرگ ابـــــــــــدان
حالي عليهم حال في صحراء عطشــــــان
ورگض وره مضعونهم لگنهو اســــــــــراب
،،،،،،،
وين الگه مهيوبن عفيفن يگطر احساس
ياخذ كتابي الوالدي ولعمي عــــــــــباس
خيّگلهم البلدار ضلت مابها انفـــــــــــاس
ميته عسنها بدونكم روحي يالطيـــــــاب
،،،،،
خيگلهم الكم والها عفتوها بالبيــــــــــــت
لاهي من الاحياء لاهيّه من الميــــــــــــت
فرض المنيه الوحدّي عل روح صليــــــت
بس چفن عوزي وگبر ونطم تحت التراب
،،،،،،،
عد والدي مگصود لمن عافني هـــــــــناه
وحمّل بناته وما اخذني الكربله ويـــــــاه
راوف بحالي رادني ماشوفن ادمـــــــــــاه
من ارسوم وجه حسين ابوي مبينه الاسباب
،،،،،،
لخادم الحسين ع
محمد الفهداوي
بدم المناحر ياحسين نبايعك
صوت الحناجر ليتنا كنا معك
ساكن بالگلوب يا أغلى محبوب
ياليتنا كنا معك
***
حسين بضمايرنه اصبحت نبص العشگ
رددها ياسين بگلب ينبع صـــــــــــــدگ
للموت وي حسينه اومانفــــــــــــــــترگ
حبك الجنه ومن نعوفك نحتــــــــــــرگ
يالمشتري دموع الخدم بطهر نحر
الباچيله دمعه عليك تهديله نهـــــر
من عنده ماتوب يا أغله محبوب
،،،،،
ردة وطن ايام كلش مفجعـــــــــــــــــــــه
بصوته الشجي تشوف الحسين ومصرعه
وتشوف بت حيدر ولينه ملوعــــــــــــــــه
باليل طلعت للكفلها تودعــــــــــــــــــــــــه
صوت النويني هوه مصدر دمعتي
لمن يرد جسام يبني وضــــــــنوتي
يمـطهر الذنوب يا اغله محبوب
،،،،،
يالعلمتنه قل هو الله احد
رغم المخاطر مانعوفك للأبد
لوردت دمنه نقدمه وهذا عهد
ومايوم جمر الحزن يالغالي برد
يجمعنه حبك سيدي شما نختلف
ورغم المخاطر نعتني لكبرك زحف
نتخطه الدروب يااغلى محبوب
ليتنا كنا معك
***
يالعلمتنه الدين اغلى من العمر
يالعلمتنه الصبر مفتاح النصر
يالعلمتنه القيد لازم ينكسر
هاي المعاني نخطت بدم النحر
شماطال ليل الظلم لابد ينجلي
والحگ على الطاغوت حتماً يعتلي
بدلالي مكتوب يااغلى محبوب
ياليتنا كنا معك
***
ياليتنا وياك يوم الموزمة
موقف خلود نسجل بفيض الدمه
ترخصلك الأرواح يابن فاطمة
أنت اغلى كل غالي وحگ رب السمه
نتحده بسمك سيدي كل المحن
ياقبلة الأحرار يالگبرك وطن
وشيبك المخضوب يا أغلى محبوب
ياليتنا كنا معك
***
حظه عظيم النال بالطف نصرتك
وهنياله كلمن گضه عمره بخدمتك
نحيا ونموت ومانعوف ازيارتك
وهنياله كل مشاي يوصل حضرتك
شيعة ونواصل رغم سفيان العصر
وناخذ بثارك لوظهر راعي الأمر
إظهر يمحجوب يا أغلى محبوب
ياليتنا كنا معك
***
شيخ محمد شابث
اين تفرون وقد قتلتم عَضُــدي
اين تفرون وقد قتلتم عضُـــدي
،،،،،،
وداعت چفوفك يراعي الرايـــــــه
الرامي نبله عليك اشرده افايـــــــه
راح اخلي العسكر بعسكر يـــلــــوذ
واله أحمر شطهم اگلب مايــــــــــه
اين تفرون عباس عشقي الأبــــدي
،،،،،
اليوم بالحومه اشب تنـــــــــــورها
وسيفي ناعور المنايه ايـــــــدورها
اله اخلي العدل يتمنه يمـــــــــــوت
وسيفي يفري إيضل فري بصدورها
اين تفرون وقد جرحتم گبــــــــدي
،،،،،،،
همه مايدرون انت عيـــــــــــــوني
وانت سيفي وساعدي ومتـــــوني
اليوم لوبيهم كلف خلي يعتـــــــني
ميه ميه خلهم ايلاگونـــــــــــــــــي
اين تفرون وقد طفأتم فرقـــــــد
،،،،،،
اي وحگ عباس عم اسكيــــــــــــنه
الچان زينب حاطها بنص عيـــــــنه
الگطع چفينك فقط بس گلــــي هذ
اله اگص راسه گبل جفينـــــــــــــــه
اين تفرون لا تشتمت ياحاقــــــــدي
،،،،،،،
همه مايدرون انت انفاســـــــــــــــي
ومن طحت عباس شيب راســــــــي
احس من دونك گبر هاي الحـــــيات
وطعم مابيها يهيبة ناســــــــــــــــــي
عباسُ عباس نَفسي أخي بل ولـــدي
،،،،،
فدوه تندارون لسمه الغالــــــــــــــي
هذا ابو فاضل نبض دلالــــــــــــــــي
اليوم من عندي الى اين الهـــــــروب
الخوش زلمه خل يضل اگبالــــــــــي
اين تفرون وقد قتلتم سنـــــــــدي
،،،،،،،
لخادم الحسين ع
محمد الفهداوي
هلال بس چنك ضلع
شفتك وسال الدمــع
داير عليك الضلام
تقره مقتل للامــام
،،،،،،،،،،،،،،،،،،،،،،،،،،،،،،،،،
هلال يقره الفاجعه بطور المصيبه
ورسم تل واگفه عليه الغريبــــــــه
رسم ليله بلا خيم كلش رهيبــــــه
رسم غالي منكسر ضهره الحبيبه
هلال اشوفن بيه جرح
ينزف الحد الصبـــــــح
صعبه اوصفه بياكلام
يقره مقتل للامـــــــام
،،،،،،،،،،،،،،،،،،،،،،،،،،،،،،
هلال ينزف ضوه ودمعاته يهلها
على الفگدت عزها بالطف واملها
رسم زينب واگفه تودع الكفلهــا
شايل جروح شكثر محد حملهـا
هلال ضل يعرض صور
الشمس مذبوحه وگمـر
وعيله حاطتها اللأم
يقره مقتل للامـــــام
،،،،،،،،،،،،،،،،،،،،،،،،،،،،،،،،
رسم طفله بچفها ماي ادور ابوهـا
يمه گعدت تشتكي من العذبوهـــــا
عالرمح راسه تصدله وراس اخوها
بلا تراچي فرت من السلبوهــــــــــا
جدامها مچويتها نار
تبچي مومثل الزغـار
اه ياشهر الحــرام
تقره مقتل للامام
،،،،،،،،،،،،،،،،،،،،،،،،،،،،،،،،،
هلا يقره مصيبتك يبن الزچيــــــــه
گمت اشم من شغته حزن الغاضريه
اليله دللالي لبس ثوب الرزيـــــــــــه
وسالت دموعي مثل دمعة رقيـــــــه
فزت جروح الدلــــــــيل
دمعي عالخد ضل يسيل
رسم نيران الخيام
يقره مقتل للامــام
،،،،،،،،،،،،،،،،،،،،،،،،،،،،،،،
رسم جثه اعله النهر وبجفها رايـه
ورسم نهر العلكمي بس يبچي مايه
رسم چفين الوفه بس خطهن ايـــه
وصاح ذني الداسن حلوگ السرايه
رسم چفين الأســـد
الخاطات اروع عهد
ورسم جود وبيه سهام
يقره مقتل للامـــــــــام
،،،،،،،،،،،،،،،،،،،،،،،،،،،،،،،،
رسم جثه مخذمه بفيض المدامــــــــع
يمها جفين وشفت بس تسع اصابــــــع
صدري من شفته نشحن لوعه ومواجع
حزن يرسملي جديد شما ابــــــــــــاوع
اه يهلال العــــــــذاب
تارس عيوني مصاب
قصتي بمسك الختام
يقره مقتل للامـــــــام
،،،،،،،،،،،،،،،،،،،،،،،،،،،،،،،،،،
لخادم اهل البيت عليهم السلام
محمد هادي الفهداوي
نسالكم الدعاء
حبيــب زينب نادتـــه
حبــيب صاحت شيمته
گل العابس عصب عيني
اخت العباس تنادينـــي
،،،،،،،،،،
شيخ الانصار تعــــــناها
صله وسبح من شافاهـــا
متبســم ضل يحچي وياها
والرايه تلّووح خـــــــلاها
غيـــــور زينب عـرفته
غيـــــور صاحت شيمته
البت حيدر أفديها سنيـــني
گل العابس عصب عينــــي
،،،،،،،،،،،
ضل يطفح غيظه من عيونه
ونصار حسين يشوفـــونه
گامو ياشيخ ايحاچـــــونه
سلمنه عليها المحــــزونه
ســلام جاب برايتـــه
ســلام صاحت شيمته
فرحان ورحي تهنينــــي
گل العابس عصب عينــي
،،،،،،،،،،،،،،،،
راح ودمعاته اعله خدوده
يم زينب عباس اوجـــوده
سلم والطف ذبل عـــوده
والكافل قدر مجهـــــوده
مجيب زينب عرفتــه
حبيب صاحت شيمته
نيران الغيره تچوينــــي
گل العابس عصب عينـي
،،،،،،،،،
خط خطبة فاطم عالــرايه
روحه البت حيدر وفـــايه
حسين بدلاله اشرف غايه
راح الزينب مثل الايـــــه
شريــف لمن حاچتــه
شريــف زينب نادتـــه
ماواحد يگدر يغوينـــــــي
گل العابس عصب عينــــي
،،،،،،،،،،،،،
گل العابس فوگ الامـــــه
راح البس بالطف أعمامـــه
حب رمحه ودرعه وصمصامه
شاف حسين بوسط خيامــه
مطـــيع شيخ السادته
حبيــــب زينب نادتـــه
بالخيمه العفه اتانينـــــي
گل العابس عصب عيـــني
،،،،،،،،،،،
حاچا الأنصار تسمعــــــوني
راح امشي وكلكم تبعــــوني
يم زينب من تشوفـــــــوني
لو اهوس يمها تعينــــــوني
وفــــاء تگطر گصته
حبيـــب زيـنب نادته
ياموت اليگدر يثنيــــــــني
گل العابس عصب عينـــــي
،،،،،،،،،
حاچه اتراب الطف بغيـــــره
سكان الدنيه احنه نديـــــــره
لغزك مايصعب تفســــــــيره
بت حيدر ماتبقه بحــــــــــير
ولاء هلت دمعتـــه
حبيب صاحت شيمتـه
للعتره تكون تكوينـــــي
گل العابس عصب عينـي
،،،،،،،،،،،
لخادم الحسين محمد الفهداوي
خويه يحســـين دم على صـــدرك
بوسه على نحرك خويه يحسيــــن
كافلي ويـــــــــن حيرني امـــــــرك
شومحني ضهرك كافلي ويـــــــــن
عضيد فاگد عضــيد
وحيد راجــــع وحيد
،،،،،،،
يحسين مشيك يختلـف
لازم رسَن مهرك جــــــاي
وبدموع عينك فاجعـــــه
وسوالف وداع هـــــــواي
يحسين احلفك بالربـــــــه
خوه اگعد واحچــي وياي
ضلت خيمنه بلاگـــــــــمر
ريت الله لايطي المـــــاي
ظلمه الخيــام من فارگاهـــــــا
كوكب ضـواها ظلمه الخيـــــام
تهمل العيــــــــــن متبدي عــمرك
شومحني ضحرك خويه يحسين
أشيريد دهري أشيريد
وحيد راجع وحــيــــد
،،،،،،
بالگوه عبد الله غفـــــــه
نيمته بسم العبـــــــــــاس
لوليتله عمــك اجـــــــــــــه
من جوده يرويك احساس
غمض ولكن شفتـــــــــــــه
يبست مثل ورگـــــــة ياس
يحسين رمشي وحاجبـــي
شابن مثل شيـــــب الراس
تلوچ الطفال طول مغـــــيبه
هاي المصيبه تلوج الطـــــفال
تفرهد الزيـــــن واليحمي خدرك
شومحني ظهرك خويه يحسيــن
بعــيد طايح بعيد
وحيد راجع وحيد
،،،،،،
تگطر لحيتك شو دمـــــع
باچي شكثر خويه شصار
لاكافلي لاجربـــــــــــــــته
لامهرته گلبي حـــــــــــــتار
بس لاتگلي مايــــــــــــــرد
عباس ابو راس الحــــــــار
راية كفيلي وبيهـــــــــا دم
جايبها الي ياســــــــــــــتار
برايته دموم من دم كفيلي
يادمعه سيلي برايته دمـوم
بگلبي كــــسرين كسري وي كسرك
شومحني ضحرك خويه يحسيـــن
فريد صبرك فــريد
وحيد راجع وحيد
،،،،،،،
طعم الاخوه شوبطـــــه
واني اعله نار اترجـــــاه
بعيونه اشوفن والــــــدي
لمن اصد العيــــــــــــــنـاه
اخته وربه بحضني وكبـر
وصبح گمر ضوه اسمــــاه
راح اني اطب الخيمتــــي
ودعي الله اخذ عمري وياه
سلوة الروح هوه حياتي
فراگه وفاتي سلوة الروح
مالك معيــــــــن كلما انظــــرك
شومحني ضهرك خويه يحسين
عميد راح العمــيد
وحيد راجع وحيد
،،،،،،،،
خل نگعد ونبچي ســــوه
عالكافل اليسوه النــــــوح
فاتحته كون بخيمتــــــــي
يمي انت ضل موش تروح
لسانك مثل خشبه يبـــــس
من شفت اخيك مذبـــــوح
عباس الك مثل العــــــــذب
من عنده تتروه الـــــــــروح
انه ويـــــــاك ننصب عزائه
ونذكر وفائه انه ويـــــــاك
ضالم البيــــــــن مامن ينصــرك
ظل محني ظهرك خويه يحسين
شهيد طايح سهيد
وحيد راجع وحيد
،،،،،،،
لخادم الحسين عليه السلام
محمد الفهداوي
ضل ميل المصيبه بالتنازل يعد
يالله ياحسيني للعزاء استعــــد
ضل كل يوم يــدّنّه
مجلس سيّد الجنّــه
،،،،،،،
يبكائين ماضل شي اعله عاشــــــور
اقترب شهر المصيبه ولطم الصدور
بعد ايام والزهره ام الحسيــــــــــــن
قميص اولديها انعاينلّه منشــــــــــور
تنادي بدمعة العيــــــن
الى من باكي لحسيـــن
اليواسيني بهل امصاب
يفوز الدنيه والديـــــــن
واليبچيله دمعه يكتســـب اجر
زاد اوياك اخذ ياشيعي للگبــــــر
الراد بعمره يتهنّـــه
مجلس سيّد الجنّه
،،،،،،
يگولون السواد ولبسه موزيــــــن
ونگلهم حزناً انلبسه اعله الحسين
نذگرهم بقول الحجه مــــــن گال
لاابكيكَ دماً ياجدي كل حيــــــــن
اعتقد من گد الهمـــــــوم
يگض بجروحه ويگــــوم
بچي المعصوم بحســـاس
اذا يبچي اعله معصــــوم
الگلكم ماجزعتوا ماشبعتوا لطم
گلوله الجرح واصل الى العظـــم
بأقصى الأرض نتعنّه
مجلس سيد الجنّـــه
،،،،،،،
چبيره الفاتحه بگد دمعة ام عون
منوّل بقعه لاخر بقعه بالكــــــــون
لحد الأن تبچي اهل السمـــــــوات
وقِسم بيهم اگبال الگبّه يبچـــــون
ملائك تنزل هــــــــواي
بثوابه توزع المــــــــاي
وحمام الحضره لوطار
مجال ايسوّي للجــــاي
الرايد جنّه هاي الجنــّــــه بالأرض
اليسمع بالمجالس خل يجي ركض
منّت رازق المــنّـــــه
مجلس سيد الجنّـه
،،،،،،،
خل انشد حزمنه بهذا المصـــــاب
ونفتح للمشاعر ميت الــــــف باب
بقت ايام زينب عالتل اتصيــــــح
خويه حسين نايم فوگ التـــــراب
على التل زينب اتصيح
وخوها ايگوم ويطيـــح
ولا نغار لم عــــــــــــــون
حشيره امست مذابيـــح
امصيبه ايشيب منها ويُهرم الطفل
اخت حسين زينب تركب الـــهــزل
رحمه بعيني اشوفنّه
مجلس سيد الجنّــــه
،،،،،،
لحد الأن صوته ايگطع النفــــــــاس
الى من ناصراً ينصرني يانـــــــــاس
لهذا اليوم ضهر حسين مكســــــــور
بضريحه ولازم اصفاحه اعله عباس
لحد هل ساعــــه والله
اعله اخيّه يابسه اشفاه
ينادي ودمعته تسيـــــل
يبو فاضل اويــــــــــــلاه
يبچي اعله الچفوف وطيحت العلم
ويلطم عينه كلما يذكر السهـــــــــــم
حجّه وعمرهّ احسبنّه
مجلس سيد الجنــّــه
،،،،،،،،،
لخادم الحسين ع
محمد الفهداوي
اتمنه اصيرن ساريه ورفع علم عـزائك
بالبيرغ اسمك ينكتب وشتم عطر ولائك
حسين حسين حسين
،،،،،،،،،،،،
گلساع اشبگك من يهـب الـــهوه
ويفوح من اسمك عبير الـــــورد
اتمنه بس وياك يگضي العمـــــر
رمشت جفن عنك صعوبه ابتــــعد
يقرالي جرحك صورت الواقـعـــه
واني اقره يابو سكينه صورة حمد
من اخدم ابموگب احسآ مــــــلك
لحسين اتفاخر اصيرن عــــــــبد
مايبقه بمتوني ذنب من احضر برثائـك
بالبيرغ اسمك ينكتب وشتم عطردمائك
حسين حسين حسين
،،،،،،،،،
عمر العلم يحسين يبقه سنـــــه
وهاي السنه وياك تنعد عمـــــر
موعمر إيآ كان لا يختـــــــــلف
ضعفين ينعد ويه عمر الخضـــــر
هوه اليرافگ ورد طبع الــــــورد
كل فجر يبن الزهره يمطر عطـــر
اني العشگتك وفخر بهل عشـــگ
بسمك اشدن حيلي من ينكســــر
ماينگطع مثل البحر جود اوكرم عطائك
بالبيرغ اسمك ينكتب وشتم عطـر ولأك
،،،،،،،،
يمشارك عيوني بضواهن كـفــو
منك يبو السجاد يابو الهـــــــله
والصعبه تنحل بسمك وتنگضـــي
چم معضله الگاضيها الي بمعضلـه
وجروح جسمك چنهن الفاتحــــــه
بس جرح راسك يشبه البسمـــــله
ضعن المشاعر سيدي كل فجـــــر
من روحي يطلع يعتني الكربلــــه
يمصفن اعيون الرمح من عاين البهائك
بالبيرغ اسمك ينكتب وشتم عطر ولأك
حسين حسين حسين
،،،،،،،،،،،،،
مرات اصد للساريه وابتســـــــم
ومرات اصد ليها وسيل الدمـــــع
من ابتسم اتصور اني العـــــــمد
اومن ابچي اذكر جرحك وألچـــــم
تل زينب بصدري صفه تل قـــــهر
من نوحي وگت الضهر شفت النجم
يبنيني جف عباس راعي الوفــــه
مندخل مجالس انهضم ونــــــهدم
يالقدمت حته الطفل ماصح مثل سخائك
بالبيرغ اسمك ينكتب وشتم عطــر ولأك
حسين حسين حسين
،،،،،،،،،
مرات ارسم جرحك بدمعتــــــي
مرات ارسم صدرك بلا ضـــــــلع
وبنص خيالي خيمه گلـــــــه ورد
وتزگي الورد ام الخدر بالـــــدمع
مرات اشوفن چف يگطـــــر وفه
مرات اشوفه اعله النهر منگطــع
يحسين فسرلي جرح جبـــــــهتك
معقوله جرح الحجر ما مقتنــــــع
صدگني معنه المرجله من اجهش ابگائك
بالبيرغ اسمك ينكتب وشتم عطـــر ولأك
حسين حسين حسين
،،،،،،،،،،،،،
ثوب الخدم غالي اويفوق الثمـــن
واني البسته اوما تتلف دَنـــــس
ماحاجه فوگ جتافي يكتب مــــلك
بعيوني حبك وگف مثل الحــــرس
من فاضل الطينه خلقني العشـــك
وعاشور بيه خضر امن انغـــــرس
يحسين بضلوعك تحس ابوجـــــــع
گالو بصدرك ضال حافر فـــــــرس
ولفزز اصحاب الكهف يبن النبي ندائك
بالبيرغ اسمك ينكتب وشتم عطر ولأك
حسين حسين حسين
،،،،،،،،،،،،،
لخادم الحسين محمد هادي الفهداوي
بنص جبينك
شمس مدري جـــــــرح
ومن جمالك
شرگ ريج الرمـــــــــح
حُسين حُسين
،،،،،،،،،،،،
إعله شفايفك موكب نده لازم ســــره
إيقبّل ثناياك وينوح اعله الجـــــــــــره
طول الدرب راسك يَرتّل منحــــــــــره
چي ذهب چفك منه بتروا خنـصـــره
شما تعاين
يضل يطلع صبـــــــــح
بنص جبينك
شمس مدري جــــــرح
حُسين حُسين
،،،،،،،،،،
اعله رموش عينك ساجده چم بسمله
قدسيه نضراتك تصد للعايلـــــــــــــــه
سبعين مصحف عالرماح مجندلـــــــــه
عدهم گصص تعرگ فقط بس مرجلـه
منّك السيف
تره هوه انذبـــــــح
بنص جبينك
شمس مدري جـــرح
حُسين حُسين
،،،،،،،،،،
تنظر اذى توگع رقيه وتلچــــــــــــم
يدوّي الرمح من راسك اوماينـلـــزم
من تنتخي وتصيح حي الله الزلـــم
سبعين غيره التفزع وتعرگ عــــــزم
ماكو منك
يبو وجه السمــــح
بنص جبينك
شمس مدري جرح
حُسين حُسين
،،،،،،،،،
بنص منحرك بوست نبي ومخضـــبه
تبرچ تضل رغم الدمه ومتربــــــــــــه
يحسين گلي انته شكثر شايل ابــــــه
عيونك حجاب الكل يتيمه مسلبــــــه
ارد افهمك
لغز مامتضـــــح
بنص جبينك
شمس مدري جرح
حُسين حُسين
،،،،،،،،،،،
فوگ الرمح دمعك يصب بس مبتشـر
قائد حرب صح منذبح بس منتصــــر
من شيبتك وي الدمه تگطر عطــــــــر
طول الدرب راسك حرس لم الخـــدر
عالمنابــر
دروسك تنشـــرح
بنص جبينك
شمس مدري جرح
حُسين حُسين
،،،،،،،،،
يمك گمر اربعطش هم مرتفــــــــــــــــع
ياخذ ضوه من وجهك ولخته يشــــــــع
عيونه اعله زينب من تصد تجري الدمع
ويصيح لا بت فاطمه من تندفــــــــــــع
يابو فاضل
جمالك مايصـــــح
بنص جبينك
شمس مدري جرح
حُسين حُسين
،،،،،،،،،،،
يالزارع الخير بكثر نجم الســــمه
معقوله يبن الزهره اذاك الضــــمه
ومتبدي برياگك نهر من فاطمـــــه
ماغيراك الحر يبن حامي الحمـــــه
عالي يبقـه
الجبل ماينطرح
بنص جبينك
شمس مدري جــرح
حُسين حُسين
،،،،،،،،،
لخادم الحسين ع
محمد الفهداوي
خويه يحســـين دم على صـــدرك
بوسه على نحرك خويه يحسيــــن
كافلي ويـــــــــن حيرني امـــــــرك
شومحني ضهرك كافلي ويـــــــــن
عضيد فاگد عضــيد
وحيد راجــــع وحيد
،،،،،،،
يحسين مشيك يختلـف
لازم رسَن مهرك جــــــاي
وبدموع عينك فاجعـــــه
وسوالف وداع هـــــــواي
يحسين احلفك بالربـــــــه
خوه اگعد واحچــي وياي
ضلت خيمنه بلاگـــــــــمر
ريت الله لايطي المـــــاي
ظلمه الخيــام من فارگاهـــــــا
كوكب ضـواها ظلمه الخيـــــام
تهمل العيــــــــــن متبدي عــمرك
شومحني ضحرك خويه يحسين
أشيريد دهري أشيريد
وحيد راجع وحــيــــد
،،،،،،
بالگوه عبد الله غفـــــــه
نيمته بسم العبـــــــــــاس
لوليتله عمــك اجـــــــــــــه
من جوده يرويك احساس
غمض ولكن شفتـــــــــــــه
يبست مثل ورگـــــــة ياس
يحسين رمشي وحاجبـــي
شابن مثل شيـــــب الراس
تلوچ الطفال طول مغـــــيبه
هاي المصيبه تلوج الطـــــفال
تفرهد الزيـــــن واليحمي خدرك
شومحني ظهرك خويه يحسيــن
بعــيد طايح بعيد
وحيد راجع وحيد
،،،،،،
تگطر لحيتك شو دمـــــع
باچي شكثر خويه شصار
لاكافلي لاجربـــــــــــــــته
لامهرته گلبي حـــــــــــــتار
بس لاتگلي مايــــــــــــــرد
عباس ابو راس الحــــــــار
راية كفيلي وبيهـــــــــا دم
جايبها الي ياســــــــــــــتار
برايته دموم من دم كفيلي
يادمعه سيلي برايته دمـوم
بگلبي كــــسرين كسري وي كسرك
شومحني ضحرك خويه يحسيـــن
فريد صبرك فــريد
وحيد راجع وحيد
،،،،،،،
طعم الاخوه شوبطـــــه
واني اعله نار اترجـــــاه
بعيونه اشوفن والــــــدي
لمن اصد العيــــــــــــــنـاه
اخته وربه بحضني وكبـر
وصبح گمر ضوه اسمــــاه
راح اني اطب الخيمتــــي
ودعي الله اخذ عمري وياه
سلوة الروح هوه حياتي
فراگه وفاتي سلوة الروح
مالك معيــــــــن كلما انظــــرك
شومحني ضهرك خويه يحسين
عميد راح العمــيد
وحيد راجع وحيد
،،،،،،،،
خل نگعد ونبچي ســــوه
عالكافل اليسوه النــــــوح
فاتحته كون بخيمتــــــــي
يمي انت ضل موش تروح
لسانك مثل خشبه يبـــــس
من شفت اخيك مذبـــــوح
عباس الك مثل العــــــــذب
من عنده تتروه الـــــــــروح
انه ويـــــــاك ننصب عزائه
ونذكر وفائه انه ويـــــــاك
ضالم البيــــــــن مامن ينصــرك
ظل محني ظهرك خويه يحسين
شهيد طايح سهيد
وحيد راجع وحيد
،،،،،،،
لخادم الحسين عليه السلام
محمد الفهداوي
مدري شمالها عيوني
تدمع ونخطف لونــي
زينب خويه مامرتاح أحس مخنوگ صدري
بس لاگمر هاشم راح هوه حزام ظهري
،،،،،،
شياخذني زينب للنـهر
ثگلانه احس اجــدامي
عذريني لو يمه مــــــتت
وجنازه ارد لخيامــــــي
مو للفرات وداعتـــــــچ
لعيون اخيچ ضامــــــي
حزميني يَم عون بأفـه
وصيريلي انتي حزامي
خويه اصفاحي توجعني
راح الچان يسمعـــــــــني
دنيه وتخله من عباس تگظي شلون مدري
زينب خويه مامرتاح أحس مخنوگ صدري
،،،،،،
حته الهوه خويه أختلف
مرورة فگد گمت اشتــم
هسه انه يازينب صــرت
مثل الجرح يـــــنزف دم
حگَ الأخو الفگد الأخــو
من يحزن ويألــــــــــــــم
وفاتحته ينصب بالگلـــب
وعيونه تقــــــــــره المئتم
هنا يم عون حاچيني
وين النهر دلينــــــــــي
من گد الدمع ماشوف وحتاريت بـــمري
زينب خويه مامرتاح أحس مخنوگ صدري
،،،،،،،
مكحل چنت عيني بأخو
هسه الكحل ماهـــــــــوه
يازينب وداعت عــــــــلي
هسانه واگف گـــــــــــــوه
لوما فشل يمچ طــــــحت
وابقه انتحب وتلـــــــــــوه
راح امشي من يمچ عــدل
حسينچ يرد موهـــــــــــوه
رايح للأخو امشيـــــــــله
وگعد يمه وشكيلـــــــــــه
تعوف حسين اخوك شلون ياكفال خدري
زينب خويه مامرتاح أحس مخنوگ صدري
،،،،،،،
لحظه واحس گلبي ختنگ
بس لا عليه صاير شــــــــي
ادعيلي أمچ فاطمـــــــــــــه
ما انهطر من امــــــــــــــشي
من هسه احسن شيّبـــــــــن
راسي ولحيتي ورمـــــــشي
راح امشي ميت للنهــــــــــر
بچتافي شيلن نعشــــــــــــي
ادعي الباري والعالــــِم
يرجع للخيــــــــم سالم
وايدي بأيده كون تصير سالم يرد ضخري
زينب خويه مامرتاح أحس مخنوگ صدري
،،،،،،،
زينب اذا رديت الـــــــچ
وشفتيني افرك بيــــــدي
معناها عباس انذبــــــح
معناها راح اعظيـــــــدي
جيبلي ابني من المهــــد
خل احچي وي اولــيدي
راح اليرويك العــــــــذب
اصبر يزهرة عيـــــــــــدي
وحشه دنيتي بـــــــدونه
فدوه عيوني لعيـــــــونه
جيش بأكمله العباس كل اعداي تدري
زينب خويه مامرتاح أحس مخنوگ صدري
،،،،،
لخادم الحسين ع
محمد الفــهداوي
بگماطك نقش لو دم يعبد الله
وبنحرك سهم ماگايل اسم الله
صايم صارلك يومين
قرباناً الوجه حســين
،،،،،،
يالمدلّي السهم نحـــــــرك
يالبعمر الورد عمــــــــــــرك
المثلك غافي بالكــــــــاروك
مو للموت البكبـــــــــــــــرك
العطش شارب نده ارسومك
نقش لو دم على هدومــــــك
صعد دمك رسالة شـــــــــوگ
وبچت اهل السمه بيـــــومك
وي دمك نزل دمعك يبعد امـك
ساعه حسين ضل بنحرك يشمك
تتفطر بسهم البيــــــن
صايم صارلك يومين
،،،،،
البرائه نذبحت بنبــــله
بحضن حسين موسهله
صح عمرك اقل من عام
بس جرحك منو يحمله
من رد بيك للخيمــــــــه
بعينه الطف صبح هيمه
حتار حسين وين يروح
تيّه من كثر ضيمـــــــــه
سكنه حاچت حسين بگلب هايم
ساگين الطفل نبله ورجع نايـــم
واختك لطمت الخدين
صايم صارلك يوميـن
،،،،،،
كاروكك نزل دمعـــــه
وبمجانگ شعل شمعه
ومك هزته وسمــــعت
دلول الولد ينـــــــــــعه
وانفل الحرز منـــــــــــه
وحمره نگلبت الحـــــنه
سابع خيمه للگــــــاروك
ضلت تسمع الونــــــــــه
يدري اترد نفسك مابيك ياعنبر
صار گبال امك يشبه المنــــــــبر
ودمع امك على الخدين
صايم صارك يوميـــــن
،،،،،،
يا اترف نحر بالـــــــــطف
من حر السهم رفـــــــــرف
چنك اية الرحمــــــــــــــان
يالغافي بحضن مصـــحف
گماطك خضّباه الـــــــــــدم
ضامي اوالدك زمــــــــــــزم
من جاك السهم مخنـــــــوگ
وبنحرك بقه يشتــــــــــــــم
نحرك للذبح مايرهم اشگـــادة
وبدال السهم يتلبـــــس اگلادة
يَمفرفح بحض الدين
صايم صارلك يومين
،،،،،،
شالك والدك گلــــــــــــبه
يمدلّي السهم دربــــــــه
دنيه ولاعرف بيـــــــــــها
بس حسرة وضمه وغربه
المثلك مايذبحونــــــــــه
ولابالطف يعطشونــــــــه
كون بكل فرض مــــولاي
ايه وكون يقرونــــــــــــه
يا ازغر رفض ما بلل اشفافــــــــه
ضامي يموت والرتبه على چتافه
بچيّت اشكثر غالــين
صايم صارلك يومــين
،،،،،
لخادم الحسين ع
محمد الفهداوي
اسرع مــــن البرق چان الهفهاف
وفوگ مهره هلال صاعد ينشــــاف
،،،،،،
فوگ مهره هلال چنه من بعيــــــد
وعنده اللأستشاهد احله من العيد
كاتب اعلـه السيف إذبح شتـــريد
هاي وادم ابد ماعدها أصـــــــــناف
،،،،،،
صف يلوذ بصف غدوا بالمـــــيدان
جيش كامل منه ضل يطي الـــوان
صاح وسفه حسين ميت عطــشان
علخيم چم شوط يم زينب طـــاف
،،،،،،
اجه من البصرة وعلى متنه الجود
عنده موعد بالخيم يســـگي اورود
عابس من النحر ضل يــــصرخ زود
الكلف عدهم يرجف وضل ايـــخاف
،،،،،،،
زينب توقعت رد الهم جـــــــــــــون
مثل سعفه بريح منه يرجفـــــــــون
رَكض مچوي بنار منه يرگضــــــون
يگصي بيهم يشتفي عنده أهـــداف
،،،،،
هاي وادم تستحق كون تــــــــموت
وكون كل عشرين جثه بتابـــــــوت
سيفه فك حلگه مثل حلگ الحـوت
وبلع نص الجيش ضل منه اطراف
،،،،،،
صاح صيحه الله اكبر يحســـــــين
هوه وحد بس يُعد أبسبعيـــــــــــن
قتل منهم مايقارب الفــــــــــــــــين
والتحق وي ناس كلهم اشــــــــراف
،،،،،،
التحق وي وادم گصصم مو بــور
من الأرض للعرش منها يشع نـور
وفاز بالجنه العظيمه وبلحــــــور
وباچر نشوفه بطريق الأعــــــراف
،،،،،
الف هنياله نصر اشرف نــــــــاس
ولبس تاج الغانمه فوگ الــــــراس
والشهادة وقعاها العــــــــــــــــباس
نقي وچان ابيض ضميره وشــفاف
،،،،،،
لخادم الحسين ع
محمد الفهداوي
اليوم الحسن ناده
وجتمعت الســاده
واشر على العبـاس
گله اذبح الــــــقاده
چفوفك چنها صمصام
واحرس خويه الخيام
،،،،،،
يا وارث علي وزوده
الوگفه الزينه مريوده
وزرع عالنهر يابو الفضل بس غيره
باجر اصعد المهــــــره
وضهر المشرعه كسره
خلي اعله الجرف جيش الاعادي بحيره
بالطف هوس بسيفك
وذبح بيهم بكيفــــــك
سيفك عالرگب مثل الحبل هــم ديره
يالكلك أمـــــــروه
يابلسم الخـــــــوه
باجر تصير احـزام
لحسينك اليســـوه
انت القائد العـــــــــام
وحرس خويه الخيام
،،،،،
باجر سرفن اذراعـــــــــك
ورفع بيرغ اشراعــــــــــك
اصعد عالمهر وتحزم وطب ليــــها
ازرع بالطف ازنودك
ارسل للخيم جودك
من جودك اريدن تمطر انت علـــيها
عبي العلكمي وجيبه
الزينب يا ابو الطيبه
وگعد يمها وحچي وسولف وسليــــــها
خلي اختك بعينك
ياهيبت حسينــــك
انت كفيل ام عــون
والغيره بجبينـــــــك
بعينك ضيّف السهام
احرس خويه الخيام
،،،،،
رجف كربله وطفـــــها
ورسوم العده اخطفها
ياتربات حيدر بالحرب بجيهــــــــم
يوم الگنطره عـــيده
وبيهم سوي التريده
شارد لازم بشارد ركض خليهــــم
لولح كربله برمحــــك
وذبح سيف اليجرحك
جيش الوحدك يابو الفضل لاكيهم
من تلبس الامــــــــه
تحزم بالعمامــــــــــه
لو ناده ابو السجــــاد
طيح انت جدامـــــــه
تحزم ببني جســـــام
احرس خويه الخيام
،،،،،،
الزم كربله چفيــــها
نجوم الضهر راويها
رتل خويه چم صورة وفه بالحومه
يامن فدوه لعيــــــونك
شمحله الجربه بمتونك
يبن ام البنين الوفه بالطف يومـــــــه
من تبرز على العسكر
خلي شويه للاكـــــبر
اترك حصة العريس شوف علومه
خويه اگعد احچيلك
من تبرز ادعــــيــــلك
بجاه النبي المخــــتار
الله اليشد حيــــــــلك
الطف لختك اشضام
احرس خويه الخيام
،،،،،،،
بشخصك اني متكفي
گدها ونعم وتـــــوفي
هاي اوصيتي يابو الرايه لاتنساها
كض خويه النهر بيـدك
جيبه الخيمة اعضيدك
تلكه سكنه وسط الخيمه احجي وياها
ورجع طمن اسكينه
كلها الزعلج وينــــــه
تتلكاك تبچي روح وتلاگاهـــــــــــا
منتضره يمته اترد
سكنه بدمعها اتعـد
وانت يبو النوماس
عالخيم طولك سد
سكنه عليك تحتـــام
احرس خويه الخيام
،،،،،،
لخادم الحسين ع
محمد الفهداوي
گَعّدّت زينب رقيه خايفـــــــــــــــــه
دنيه ليل وسالفه تجر سالفــــــــــــه
يمي ابوي تگلها چــــــــان
گاعد بهذا المـــــــــــــچان
توني شفته توني شفته
،،،،،،
جيت اشبگه والسهم ماخذ مچاني
خل اموت وياك گلي شويه تانـــي
كتله بويه اگعد گعد يمي ثوانــــي
مسح راسي وگلي چلمه وصـبراني
گلي يابويه رقيـــــه
بالطشت موتچ عليه
وعمتچ عينچ عليــها
لاتتعبين السبيــــــــه
ضلت تسولف حلم بدموعـــــــها
يمها زينب لطمت اعله ضلوعــها
ومنحره ينزف حنــــــــان
گاعد بهذا المـــــــــــــچان
توني شفته توني شفته
،،،،،،
من مسح راسي؟ اعله چفه گمت اباوع
رغم حزني وجرحي وبعيني الـــمدامع
بچفه ياعمه شفت اربع إصابــــــــــــــع
خنصره البي چنت اكض ياعمه ضايــع
بلكي يرهم خنصر ايدي
اخذه حلفته بوريــــــدي
فدوه بويه لاتردنـــــــــي
بداعة الأكبر عضــــــيدي
ياجرح گتله اليألمك وينـــــــه
اشر اعليّا وعلى اختي أسكينه
اه من غدر الزمــــان
گاعد بهذا المـــــچان
توني شفته توني شفته
،،،،،،
يسولف وياي ويخلي ايده اعله صدره
ردت بچفوفي السهم ياعمه اوخـــــــره
رجفت اچفوفي وخفت عالغالي اعـوره
والدي يمي گعد بس محني ضـــــــــهره
بچفه ضل يمسحلي جفني
گتله ضهرك ليش محنــــــي
گلي من طاح ابو فاضـــــــل
بويه هوه إلي جرحنــــــــــي
جاوباني من مدامع ناضـــــــرهَ
ضهر ابوچ مصاب عمچ كاسرهَ
بيّه مر گبـــل الأذان
گاعد بهذا المــــچان
توني شفته توني شفته
،،،،،،،
كضني من متني وصحت اخ برزيه
گلي شنهي اليوجعچ بويه رقيــــــه
گتله بويه سياطهم ورمتلي اديـــــه
گتله شوف السوط بويه اشسوه بيه
شاف متني وصفگ بيده
ودم نزف يمــي وريــــده
وفرحاني وگلي چلمــــــه
موتتچ لا مو بعيــــــــــــده
بيچ أدري هواي ألي مشتاگه
بعد چم سوگ وبـلد نتلاگــه
شاهدت سيد الجنان
گاعد بهذا المــــــچان
توني شفته توني شفته
،،،،،،،
عمتچ تعبانه سلميلي عليـــــــــها
وبلنيابه گالي بوسيلي اديــــــــــها
الله لاينطي السبي شمسوي بيها
گلي ماتعوده تبقه بلاوليـــــــــــها
عدها سلمتچ امانــــــه
مثلي زينب چنها انــــه
بلدرب من تبچي دمعه
راسي يوگع من مكانـه
شگد حنينه زينب اعلم بيها
وكل بناتي بعينها تخليـــــها
ودعاني وموتي حان
گاعد بهذا المــــــچان
توني شفته توني شفته
،،،،،
لخادم الحسين ع
محمد الفهــداوي
يمعرس عسنك تردلي بسلامــه
يمزيون يمهيوب يحلو الجهامه
،،،،،،
بدّيّ حنتك وانه دمعي تجــــــــــاره
الشهاده اويالحسين ربح مو خساره
توكل يغالي يشمس المـــــــــــــعاره
يكحل النواضر يحر يابو شـــــــــاره
اعله ضهرك اريدك تشدها العمــــامه
،،،،،،،
على الجيش اريدك صگر يبني وكر
يمنتك جحافل اريدنها تصطـــــــــر
اليلاگيك اغلبه ولا تتبع الفــــــــــــر
يحر يبني جاسم مثل ولدك حــــــر
فزعتك تراوي خصمنه القيامــــــــــه
*
اريدك يجاسم تدك راية بالطـــف
توصط جمعهم صف من بعد صف
اريدن يركعون اذا بيرغـــــــك رف
اعرفك يغالي تكف الحــــــرب كف
يا آية اعله راسك شلت احله لامه
،،،،،،،،،،،
يصارم اريداً ركضهم اشوفـــــــــــه
اليگلك دخيلك تخزره و تعوفـــــــــه
يتربات الحسين يصطرت جفوفـــــه
شني الطف شني الجيش شني يبني كوفه
يمغرم بالحسين والحسين غرامه
،،،،،،،
يدله وعطرها يصل للثريـــــــــــــه
وشمعتك بجتلي دمع بين اديــــــه
يغالي ونذرتك فده للزچيـــــــــــــه
تخلص العساكر ذبح يمه اليــــــــــه
اليضحي بحياته تمدحه الملامـــــه
،،،،،،،
يبعد اليشوفن طريچي يجاســــــم
يباشط اعرفك تثلمّ الصـــــــــــوارم
يهيبت عمامك يعطر الهواشــــــــــم
فرح مو للحزان دمع عيني ساجـــم
اودعك يغالي بدمع وبتسامــــــــــــه
،،،،،،
خادم الحسين محمد الفهداوي
عباس تذبح غيبتك بس اشكبر معناها
ثـــواب ثـــــواب
والفاتحه تسهيل أمر يم زينب أبني اقراها
ثـــــواب ثـــــواب
،،،،،،،،،،
هودجها عدله بالـدرب
ومسح اثر ناگــــــتها
مو سهله يبني ام الخدر
وادم اذا شافـــــــتها
گللها صار شما حچـــت
لا تكسر بچلمــــــــتها
هاي اليتيمه من الزغــر
والما طفت جمرتــــــها
حجاب حجاب
لم الخدر صير الخدر والكربله أمشي وياها
عباس تذبح غيبتك بس اشكبر معـــــناها
ثـواب ثــواب
،،،،،،،،،،،،
عباس تذكر من چـــــنت
يم راسك اقره اوانــــعه
اوزينب تچي تبوسك تظل
من چان عمرك سبعـــــه
واذكر تگلها فدوه الـــــچ
عمري يبنت البظعـــــــه
اذكر تگلك عالســـــــهم
لو صوبك شيطلعـــــــــه
عذاب عذاب
لو فارگتكم امتحن يا ذكرى گلي انسـاها
عباس تذبح غيبتك بس اشكبر معنـــاها
ثواب ثواب
،،،،،،،،،،
يمشارك الهيل بعطـــــر
عطر عباية زينــــــــــب
إمشي اويبت حيدر وطـــن
ما اريد ابد تتــــــــغرب
وزرع طريق الطـــف ورد
حتى الجدم ما يتعب
وشمر على امتونك نهـــر
من عنده اختك تشـــــرب
جواب جواب
للينشد اعليك افتخر ببني اگله أتبــاهـا
ثواب ثواب
عباس تذبح غيبتك بس اشكبر معناهـــا
،،،،،،،،،،
عباس احلفك باللـبـــن
بالخيمه اكتب اسـمـي
اوگل العقيلة حــيدره
بالخيمه أنفاس امــــي
اولو فرغت امن النافـله
خليها تگعد يمــــــــي
صح اني ما متواجـــــده
بس انته شايل دمـــــي
مصاب مصاب
بعمره اوهله هل فاجعه ادعي الله عالسواها
ثواب ثواب
عباس تذبح غيبتك بس اشكبر معنــاها
،،،،،،،،،،
عباس بيك ارد افتخـر
ياثمر كل اسنينـــــي
ربيتك ابلب الگلـــــب
اونيمتك ابنص عيـــني
شنهي شعورك يالگـمر
يمي اگعد اوحاچيـــني
قدمهم اخوانك فـــــده
لحسينك اولحسيـــــني
شباب شباب
لحسين كل ولدي فده لمن يسيل ادماها
ثواب ثواب
عباس تذبح غيبتك بس اشكـــبر معناها
،،،،،،،،،،
راح ازرع امچانك دمع
وشتل حنيني ابابـــك
اذكرني لو چفك وگــع
يبني العمد لو صــــابك
وديلي طير اتوســـلك
شايل دمه من اخظابـك
خاطر اسويلك عـــــزه
أوتحضر الزهره امصابك
غياب غياب
فاطمه تفز أمن اللحد يومك تره الاذاهـا
ثواب ثواب
عباس تذبح غيبتك بس اشكبر معنـــاها
،،،،،،،،،،
حته الهوه التتنفســـه
خل يختلط وي حبهـــم
وبحضنك الچنه خيــــم
بالطف اريد تضمــــهم
زينب وخوها بكربلــــه
مثل البخور اشتمهـــم
بيهم عطر من فاطمـــه
وشيمة علي والدهــم
سراب سراب
الدنيه شيمتها الغدر يابو الوفه اتحاشاها
عباس تذبح غيبتك بس اشكبر معــــناها
ثواب ثواب
،،،،،،،،،،،
خادم أهل البيت عليهم السلام
الشاعر محمد هادي الفهداوي
حدر السگف ماغمضت عـيني
ردت الشمس مثلك تچوينـــي
يحسين عالدنيه العفــه
يحسين من باب الوفــه
ردت الشمس مثلك تچويني
،،،،،،،
نحلني الهضم وعـضـاي
تتراجف يبو الاكبــــــر
لوعت محترگ بالـــروح
والله بداخلي واكثـــــر
عمري ما اريده ايطــول
من دونك ردت يگصــــر
حدر الشمس ابقه انعـاك
وأبني من الترب منـــبر
انعه وتجيني ام الحزن تنعـــــه
هرش الگلب صوت اختك إيگطعه
يحسين مابطل أفــه
يحسين من باب الوفه
ردت الشمس مثلك تچوينـــــي
،،،،،،،،،،،،
هجير الهم چوه الـدلال
يالنمت بهجير الطــــف
وذكر عالرمح شالــــوه
راسك يشبه المصحـــف
مثل جروح جسمك هيـج
فوگاي المصاب اصطـف
كل طبگت جفن يحسيــن
ينزل مدمعي وماجــــف
حدر الشمس ارد اگضي كل عمري
ريت السنابك هشمت صـــــــدري
يحسين جرحك ماشفه
ياحسين من باب الوفه
ردت الشمس مثلك تچوينـــــــي
،،،،،،،،،،
فاضت جربت الحسرات
حد ماغرگت عيونـــي
يوجعني وداعك حـيـل
مثل ما تسعر امتونـي
شلون اتهنه واخذ نـوم
وغفه وتطبگ جفونـــي
يالمن كل كتر مذبـــوح
يالوني وبعد لـــــوني
عالناگه رحت وروحي مالومــه
وجسمك تركته ينزف دمــــوه
يحسين جفني ماغفه
يحسين من باب الوفه
ردت الشمس مثلك تچوينــي
،،،،،،،،،
ياخيمت هلي هيــهات
گلبي انساك مايرضــه
يابو سكينه بسمك ضال
دلالي يدگ نبضـــــــه
راسك عالرمح بالشــام
وعينك چانت مغمضـــه
طبينه حرم لســــــوگ
لعيون الزلم عرضـــــه
بحجار وادمهم يشمرنــــــي
الراسك اصد وتدمع عيونـــي
يحسين يبن المطفـى
يحسين من باب الوفه
ردت الشمس مثلك تچوينــــي
،،،،،،،،،،،
بجدامي رماد خــــيام
بجفوفي الف جــــمره
اتنفس نفس فحــــطان
لمن اذكر العشــــــره
الحسره بصدري يامذبوح
تركض ركضة المهــــره
شما اذكر ضلوع حسيـن
ضلع بداخلي تكـــــسره
اسرح بعالم صفنتي وهمـــي
بعروگي لجلك يبس كل دمــي
يحسين موتي مالفـه
يحسين من باب الوفه
ردت الشمس مثلك تچوينــــي
،،،،،،،،،،
بحضنك ابني من ذبحـــوه
انهد حيلك يصــــــــبر الله
اذكر دمعتك مرجــــــــان
تنزل فوگ عبـــــــــد الله
شگد شاكف من ابني سهام
بصدرك چم سهم صـــــــله
حدر نارالشمس بالصيـــــف
اضل اني اعله اهل ضله
راح ابقه لمن التقي بموتـــــي
واتمنه انته تشيل تابوتـــــــي
يحسين شوفي من انطفه
يحسين من باب الوفــــه
ردت الشمس متلك تچويــــــني
،،،،،،،،،،،،
لخادم الحسين محمد هادي الفهداوي
انطوني ماي وجبــــته الك
أنزلي بويه اتوســـــــــــــلك
نفسيِ نگطع مالوح يالغــالي
گل للرمح خل ينحني گبالي
،،،،،،،
ما اشرب گبل ماتشرب المــــــــاي
شفافك ذابله يانور عيـــــــــــنــاي
حاچيلي الرمح خل ينحني هواي
نگطع نفسي وحساً بالشمر جـــاي
بويه انه رقيـه
تتراجف اديــه
تدري منــــيـــن
تدري منيـــــــن
من اسياط اميه
رجليه حارگها الجمــــــــــر
الماراكظه شبعت هطـــــــــر
بويه وحنناك ذاب دلالــــــــي
گل للرمح خل ينحني گبالي
،،،،،،
ضهر الناگه عالي والمشي بساع
وچم مره طحت يابويه عالگــاع
مني تهشمت هم تدري الضـــلاع
طفله وشاب راسي مـــن الوجاع
ناگه شرد اگلها
ملت من حملها
تدري شـــــلون
تدري شلـــــون
داستني برجلها
اتمنه راسك بي حضــــــــــــن
حتانــــه اشبگــــــــــــنك وون
مشتاگه اشبكك وشتكي حالي
گل للرمح خل ينحنــــي گبالي
،،،،،،
حضنك بالطفوف وراسك الان
من فوگ الرمح يقرالي قــــرأن
دنيه بدون حضنك دنية احـزان
صرت خيمه وگلتني نار عـدوان
بلحيتك كون اشمك
وغفه ساعه يــــــمك
بهذا المــــــــــــــــــاي
بهذا المـــــــــــــــــــاي
اغسل بيدي دمـــــــك
تراب ودمه فوگ النـحــــــر
چم مره مصيوب بحجــــــر
شماعاينتلك دمعتي تلالــــي
كل للرمح خل ينحني گبالي
،،،،،،
من نحرك حنان يجيبلي الريــــح
واصيح افيش عطرك چنه تسبيح
مخنوگه بعبرتي ودمعتي تصيــح
البحضنك تنام تگوم وطيــــــــــح
احچي وگلبي مكسـور
وخدي البسته مصطور
بويه حسين
بويه حسين
بينه شسوه عاشور
عاشور شهر الفاجعه
من العاشر انه مروعه
مصدر عذابي وحزني وهوالي
گل للرمح خل ينحني گبلـــــي
،،،،،،،
باچر بالخرابه من التقـــــي وياك
اريد بحضني اظمك ومسح دماك
وخلط دمع عيني ودمع عـــــيناك
نذر اله اموتن باچر اهنــــــــــــــاك
المن روحي تبگــه
ابچي عليه بحرگه
روحي تفيـــــــــض
روحي تفيــــــــــض
راسك من اشبــــگه
راسك اذا شفته بطشـــــت
اعذرني لوفوگك متـــــــت
هل منظر اله يصير چتالي
گل للرمح خل ينحني گبالي
،،،،،،
لخادم الحسين ع
محمد الفهداوي
