غم رايك يماي وعاب هذا الراي
شرّاي الحسين وگتله مـــوشرّاي
شگد قدرك نزل
تجري بلا خجل
غم رايك يماي وعاب هذا الراي
،،،،،،،،
گبل چنت اعتقد سر الحياة انته
وهسه تأكدت وجه الله موتــــــه
حسين من العطش متفطره شفـته
وليش السانه مثل الخشبه حولتـه
يالحطيت أيدك بيد أشر النـــــــاس
وعفت چفوف راعي الموزمه عباس
أعظيده امن نچتل
تجري بلاخـــــجل
غم رايك يماي وعاب هذا الراي
،،،،،،،،،
ذنبك موسهل ما واحد يغفــــــــره
اله عليك ترضه فاطمه الزهـــــــره
وانته وليدها بيه خلفت حســـــــره
بچبده أظماك نار وميت الف جمره
باچر بالحشر تعطش يماي شــــلون
بديها الكوثر الزهره وتضل مـــديون
تسألك محتمل
تجري بلاخجل
غم رايك يماي وعاب هذا الراي
،،،،،،،،،،
قدملك گمر يسوه السمه وليلـــــــه
وسيفك چان حاد ويذبح بحـــيلــه
گطعت جفوف كافل عيله من عيله
رفظت حسين قطرة ماي تنـطيلـــه
شنهي قصتك يامي وي حســــــين
مات من العطش وانته عدل للحين
يمعطش الأمل
تجري بلاخجل
غم رايك يماي وعاب هذا الراي
،،،،،،،،
بوس جدام كل واحد مشه يزوره
على الخدام وزع مايك انـــــــذوره
قطره تصير يم حسين وبـــــحوره
حسين الدنيه تشرب كلها من نوره
حسين تفطرت شفتينه ونته تفور
ودموع اليتامه تشبه الناعـــــــــور
منعندك زعــــــل
تجري بلاخجــل
غم رايك يماي وعاب هذا الراي
،،،،،،
چبد حسين من گد الظمه تفطر
شال ابنه وتصوب ابنه بالمنحــر
گلبك لوصخر چا لان وتفســـــــر
باچر تنسئل ياماي بالمحشـــــــر
رد شايل رظيعه للخيم مذبوح
وبّاب الخيم امه الرباب تنـــوح
يافشل الفشـل
تجري بلاخجل
غم رايك يماي وعاب هذا الراي
،،،،،،،،
خادم الحسين ع
محمد الفهداوي
سلماً لمن سالمكم
حرباً لمن حاربكم
،،،،،،،،
كل وجودي ونتمائــــــي
الكم ارخص كل دمائــــي
الدمعه تشرح حب ولائـي
من المهد لليوم معشوگي حسين
والله خالقلي لجل عاشوره عيــن
من اعوفن مجلسه ياناس اضيــع
وابقه تايه لاعقيده ولگو ديـــــــن
ماعوفن مجلســه
چن رحمه اتنفسـه
كل ماتم ارتقــــــي
يم اصاحب الكسه
سلماً لمن سالمكم
،،،،،،
ربي العن من ضلمهــــم
ربي ارحم من خدمهـــم
عمري ريته يگضي يمهم
ربي خليني اضل خادم نصــــــوح
وإخذ روحي لو ردت عنهـــم اروح
ارزقني يارب نار من نار الخيـــــام
وجرح من حسين من ذيچ الجروح
وفقني السادتـــي
عيشني بدمعتـــي
حببني بالعــــــــزه
خل تصبح غايتــي
سلماً لمن سالمكــم
،،،،،،،،
ابچي كل صبح ومسيه
ولحضه ماناسي رقيــــه
وزينب الراحت سبيــــــه
انه شيعي وطينتي من كربـــلاء
من ابو صالح خذت درس العـزاء
ابچي گال اعليك ياجد كل زمــان
بدل دمع العين دمعاتي دمـــــــاء
من المهدي تعلمــــت
عذروني شمانحـــــت
يحسين بكل عــــــزه
صرخاتي شما صحت
سلماً لمن سالمكم
،،،،،،،
دمعة الخادم ثمينــــه
بالعزه من تجري عينـه
الله شريها بمدينـــــــــه
هوه غير حسين يستال نلــــــــــــوع
ونلطم عله اصدورنه ونجري الدموع
على الداسة فوگ صدره الغايــــــرات
بالطم واجب نهشملّه الضلــــــــــــوع
ويانه محزمــــــه
بالماتم فاطمــــــه
والحجه وحيــدره
واملاك اهل السمه
سلماً لمن سالمكم
،،،،،،،،
طايفه انذبحت زلمهم
ونفس كل مهموم الهم
اجر بيه يتقرب الهــــم
كون رمشة عين ماننسه الغريب
عالرمح مرفوع ابو الشيب الخضيب
حسين يستاهل تره لبس ســـواد
والطم والنوح والون والنحـــــيب
وي عابس التحق
وتهنه بهـــــل رزق
هنيالك يامـــــحب
ياذايب بالعشــــــق
سلماً لمن سالمكـــم
،،،،،،،،
لخادم الحسين ع
محمد الفهـــداوي
ما وصيك يالعـباس يربـــــــــــــــــاي
صير بعين اخوك وزينب هــــــــــواي
قوانين العطش غيرها لحسيــــــــــن
وچمل الماي من تروح للـــــمــــــاي
،،،،،،،،،،،،
من گماطك الهذا الوكت
ربيتك انه اعله السگــــه
أعليه المثل ماينطبــــــق
يامن تعب يامن شگـــــه
بالعافيه ولدي اربعــــــــه
كبروا وبو الأكبر لگــــــه
فرحانه ماضاع التعـــــب
برسوم الحسين البگــــــه
گعدنه البارحه وصار البچي حساس
زغير اليل واطول منّه عبــــــــــــاس
اسولف والگمر وخوانه يبچــــــــون
وصيتي الهم اخوكم يمه بس هــــاي
،،،،،،،،،
عندي قصد يابو الفضل
ماامشي وي زينب سوه
ماريد بمك تنشغــــــــــل
يوليدي يابعد الهــــــــوه
من خيمت اختك للنهـــر
عباس اريد اتهد ضـــــوه
اترس ييمه الطف وفــــه
من نينوى الحد نينـــــوى
اضل بالدار وحمل حزني لـــــــوزاد
اخافن بيه ينشغلون الـــــــــــــــولاد
سهرنه البراحه وحد ماغفه اليـــــــل
صفنتي براي وانه ودمعتي بــــــــراي
،،،،،،،،
من اربع جهات ام الخدر
ماشوا العفاف الزينبــــــي
وبكل شبر يابو الفضـــــــل
يوليدي نفذ مطلبـــــــــــــي
لوخيمه تزرع لو نهــــــــــــر
لو شيله لم عون وعبــــــــي
خط احمر اگبال الخيــــــــم
أفرض حَضر عالأجنبــــــــي
وحگ امي ثمامه اوّالدي احــــــزام
خلفتي اربع ولد كل واحد حـــــزام
سبع فدوات لبن الزهره يرحـــــون
يالختارك اخوك تصير حــــــــداي
،،،،،،،
من يحچي اخوك بكربله
گله ابشر وصار ونعـــــم
ادنگ اريد بحضرتـــــــه
يابو الفضل يامحتـــــرم
لو سكنه مساها العطـش
گض جودك وهز العلــــم
جيب الها نهر العلگمــــي
الخيمتها يالكلك كرم
يبعد عيون امك والســـــهــر ذاك
جيب العلگمي لو سكنه تنخـــــاك
واريد اتروّي حته اطراف الخيـام
يـآهيبت خلفتي ونضر عينــــــــاي
،،،،،،،،،،
نتلاگه باچر بالحشـــــر
يوليدي ياحامي الضعن
وتجيب جفين ابطبــــق
بالأخره ام الحســـــــــن
يم فاطمه الزهره افتخر
وچفوفك التوگع ثمــــــن
لو جاني ينعاكم بشـــــــر
معناها جازيتوا البـــــــــن
اعله زينب طوف باجر سبعة اشواط
رضّعتك حناني بوكت الگمــــــــــــاط
والحج الحقيقي بكربله هنــــــــــــــاك
توّكل ياشريك الروح وحشــــــــــــــاي
،،،،،،،،،،
لخادم الحسين ع
محمد الفهداوي
تعبني شيّال الرمح تعّبنّـــــــــي
گبال الضعن يعثر چذب ويذبني
كلما درت وجهي البناتي
يشتِمهّن ويِشتِم خـواتي
تعبني تعبني
،،،،،،،،
كلما طحت من الرمح زينب يهل مدمعها
شبعت الم طول الدرب وانه الجنت اوجعها
كل طيحه اشد من المنيـه
وزينب تضل تبچي عليـــه
وتصيح يامن عمت عيــناي
لوله الحبل شلتك بديـــــــه
كلساعه ويهد الرمح من چفــه
كلما طحت زينب تروح اتحلفــه
چم مره طگ امــدللاتي
يشتِمهِّن ويِشتِم خـواتي
تعبني تعبني
،،،،،،،
فوگ الحجر مو عالترب يتقصد ايهد رمحه
درب السبي اه يالسبي كل طيحه تنعد ذبحه
كل سوگ رمحي ايبدلونّـه
ينطونه غيره وياخذونـــه
هذا چبير الخارجيّـــــــــن
إيگلهم وبوي ايشتمـــــونه
من ينكسر رمحي يبدلّه بثانـــي
عباس يبچي وجاسم وخــــوّاني
هذا الشلع گلبي ابمماتي
يشتِمهِّن ويِشتِم خـواتي
تعبني تعبني
،،،،،،،
گلبي انشلع وتعذبت وعيالي موش گبالي
ايفر الرمح من التفت كلما اصد لطفالي
يلچمني لو هز رمحه بيـده
وينزف يضل نحري اوريـده
وختي اعله ناگتها وتحاجيه
من احسينّه شنهي التريـــده
شماحاچته منّ الرمح يشمرنــــي
تراب انترس نحري وبقه يحرگني
صبراً صحت ياغاليــاتي
يشتِمهّن ويِشتِم خـواتي
تعبني تعبني
،،،،،،،
جرحي نزف دم ونزل وتخضبت لحيتي
كلما ضرب طفله الشمر يرجع الم منيتي
اه الشمر حيرني حيــــــــــره
شما ادير وجهي ايگله ديـــره
يروح البناتي ويلزم الســــوط
ويضرب يضل وين الزغيـــــره
ماعنده رحمه وغيره لاحنيّــــــه
شماله الشمر ماعنده مثلي بنيــه
وين الگبل چانت حياتي
يشتِمهّن ويِشتِم خـواتي
تعبني تعبني
،،،،،،،،
چان الألم شتم الحرم واليشتم ايسمعني
دمعة طفل مثل الذبح وٱزيد بعد توجعني
شما سكنه تتنخه بخوهـــــــا
يضحگون يمها ويشتموهـــــا
يم بنتي شيال الرمح صــــاح
ممنوع طفله تنادي ابوهـــــــا
كل طيحه موته بالدرب كل طيحه
عباس تعبته بكثر ماصيحــــــــــــه
شبعن مرار امخـــدراتي
يشتِمهّن ويِشتِم خـواتي
تعبني تعبني
،،،،،،،،
لخادم الحسين ع
محمد الفهداوي
فراگك والمنيه مرورتهن سويه
انه الميته من ضعنك طلع للغاضريه
يحسين العماني هجرك موزماني
انه الميته من ضعنك طلع للغاضريه
،،،،،،،،
من كثر نوحي شيبي بجروحي وناري بنفاسي
الساكنّه بعيني صورة حسيني وتفتر براسي
يمته نتلاگه يذبح افراگه وينزف احساسي
خيمة الساده وقائد القادة هوه اعز ناسي
شما اقره الزياره تبچي تبقه داره
سلاماً عالحسين الفوگه داسة لعوجيه
يبن الزهره تدري هاَجَر عني عمري
انه الميته من ضعنك طلع للغاضريــــه
،،،،،،
موفگد ولدي اليمرد بچبدي فگد ابو اليمه
تنزل دموعي وتنحني ضلوعي من يمر اسمه
وانه ملچومه اشتم هدومه وغفه لوشمه
عيوني احس بيها الدمعه تچويها ورايده تعمه
ميته وابقه اتاني لمن ودعاني
انه العايشه ضلت على قيد المنيه
احجيها الحقيقه من اول دقيقه
انه الميته من ضعنك طلع للغاضريه
،،،،،،
من اجه الناعي زيّد اوجاعي ضل يحاجيني
گتله لاتبدي بالجره ابولدي اخبرني بحسيني
گلي عن جعفر بالطف توذر ودمّعت عيني
گلي عبد الله وجرحي أحس صله وسجدة سنيني
حاچاني بدمعته عن الكافل اخته
چفوفه تگطعن يم النهر راعي الحميه
ياوالد سكينه ذبحتني المدينه
انه الميته من ضعنك طلع للغاضريــــه
،،،،،،
ياضوه الديره امك بحيره وعازتك عازه
يبني ماتگدر الدفنتي تحضر تشيل الجنازه
ينخطف لونه وتنعمي عيونه اليفگد عزازه
تعبي الك فدوه جيتك حلوه يابو المجازه
ترضه ايشيعــوني غربه وماتجوني
ميته ويمه افتح حضني الك يبن الزجيه
بيت امك لحدها ياكبرة ولــدها
انه الميته من ضعنك طلع للغاضريــــــه
،،،،،،
اوي العليله انعه واذرف الدمعه والفجر ينطر
ترسم گبالي جثت الغالي ينزف المنحر
تراب الم بيدي بگد مواعيدي وابني الك منبر
ونعقد قرايه وجرحك برايه ينزف ويكبر
زينب من اجتلي عن الطف حجتلـي
گالتلي التحبينه انذبح بسيوف امــيه
يَم عون انه حالي ذبحتني اليالي
انه الميته من ضعنك طلع للغاضريــه
،،،،،،
لخادم الحسين ع
محمد الفهداوي
فكلي عينك البيـها حياتـي
وكل امنياتي فكلي عينــك
بنص جبينك كل ذكرياتـــي
وداعت بناتي بنص جبينــك
قهر فگدك قهــــر
وعلي كسرة ضهر
فكلي عينك فكلي عينك
،،،،،،
من شفتها
بعينك النبله يبو عين الوسيعــــه
عاتبتــها
ليش طفيتي نظر خدر الوديعــــه
ما اشوفاً خويه دربي ودمعي هامـــل
بلا شعوري گمت اصيحن يابو فاضــل
زينب اختك تبقه ترظه بلايه كافــــــل
من بچيها الخيمه نگعت والمحامــــــل
ياكشختي زينب شگلها
راح الكفلها ياكشختــــي
ياسلوتي صعبه المثلهـــا
تفارگ املها ياسلوتــــــي
ترك بيه اثــــر
قهر فگدك قهر
فكلي عينك فكلي عينك
،،،،،،،
قبلتها
يمنتك والمحبس البيها لچمــــــــني
من شلتها
شفت فوگ الشذره دم جامد هظمني
گوه اجراً نفسي جيتك ياعضـيدي
كون گطعوا مويمــينـك خويه ايـدي
عذباني خويه جرك حز وريـــــــــدي
انته بوسة جدي طه فوگ جيــــــدي
گتلي خويه من اسمعتهــا
جروحي عفتها كتلي خويه
وانه بويه يمك صحتهــــــا
عيوني الطمتها وانه بويــــه
فجع گلبي الدهر
قهر فگدك قهــــر
،،،،،،،،،
ادري ضامي
طايح ويمك نهر يجري فراتــــــــــه
يامحامي
ياعفيف الماتصح مثلك صفاتـــــــــه
ياهو مثلك لجل اخيّه هيجي ســــــوه
بكفه كلها من احطن كل أخــــــــــــــوه
ترجح انت ما اجامل هيه گـــــــــــــوه
من اشوفك انسه همي وعزمي يـــگوه
ارد اشمك خويه على نحرك
مره على صدرك ارد اشـــمك
هذا دمك سايل بكتــــــــــرك
حيرني امرك هذا دمــــــــــك
نعصر گلبي نعصر
قهر فگدك قهـــــر
،،،،،،،
حته جودك
عليك شگ زيجه وبجالك دمعه دمعه
بلاوجودك
شلون اشيل الجود للخيمه وارجعــــــه
انته تنزف هوه ينزف شاهدتكـــــــم
مالي طاقه للمخيم خويه اردكــــــم
بنفسي اموتن عالشريعه هم مثلكــم
وانه ميت من حناني ابقه اشمكـــــم
أبقه اشمكم حته بمنيتــــي
واكتب وصيتي ابقه اشمكم
روحي چنكم انتم قضيــتي
ودمي وهويتي روحي چنكم
النهر صاح النهر
قهر فگدك قهــر
،،،،،،،،
راح اخلي
عمامتي وساده الوجنتك أبقه غافي
انت كلي
نام يابعد الگلب نوم العوافـــــــــــــي
راح اخلي گلبي يمك ما اريــــــــــــده
حسين اخيك شنهي نفعه بلاعظيـــده
والبواتر كلها تطلب دم وريـــــــــــــــده
حگه اخيك من حسرته يفرك ايــــــــده
فرهد الشيب كل شعره بيه
يابو الحميه فرهد الشـــــيب
بدرك يغيب ياعم رقــــــــيه
سوده علــــــــيه بدرك يغيب
ضرر بان الضرر
قهر فگدك قـــهر
،،،،،،،،
لخادم الحسين ع
محمد الفــهداوي
اسمع ياقصـــر
ياهو الينتصـــر
ياهو اليبقه شامخ انه لو انتـــه
وينصاغ الذهب باچر على گبته
ياهو الينتصر اسمع ياقصر
،،،،،،،،
الحكم والخصم انت وأحكم بهايه
ياهو يصير گبره مثل الولايــــــــه
ياهو التنصبله بكل عزه قرايـــــــه
ياهو التعتنيله ناس مشايــــــــــــه
انت ازغر عمر
اسمع ياقصـــر
ياهو الترتفع من عدنه منزلتـــه
وينصاغ الذهب باچر على گبته
،،،،،،،
ياهو اليندفن ياهو اليضل عالــــــي
فنك فتره تصمد شامخ گبالــــــــــي
نصيحه ومني اخذها وداعت اطفالي
اليخلدك بس الحسين الوفي الغالـي
اترك كل شمر
اسمع ياقصـر
جلباب الشهادة روحي لابســته
وينصاغ الذهب باچر على گبته
،،،،،،،
القصر زامط بحيل ايزيد وتبختر
وگال اني اضل طول الدهر اگــدر
يبنيني يزيد بچفه من ازغـــــــــــر
وصيرن ند وحارب دولة المنبـــــر
حكمك يندحر
اسمع ياقصــر
راسك عنفوانك بالجدم دســته
وينصاغ الذهب باجر على گبته
،،،،،،،
ضل يحچي القصر وي مسلم بحيله
راح تموت لاناصر ولاعيلـــــــــــــــــه
وجسمك ماكو واحد يفزع يشيلـــــه
وينجر بالحبل والناس توميـــــــــــله
بهل موته افتخر
اسمع ياقصـــــــر
جسمي خله ينجر بالحبل ردته
ينصاغ الذهب باجر على گبــته
،،،،،،
انه باب الحسين ورحمة البــــاري
مامحتاج تعرف انته مقـــــــــداري
عد طوعه عفت تاريخي وخــباري
اثارك تزول وتبقــــــــــــــــه اثاري
احنه اهل الذكر
اسمع ياقصـــــر
وداعآ ياقصر كل الحچي گلته
وينصاغ الذهب باچر على گبته
،،،،،،
لخادم الحسين ع
محمد الفهداوي
عنده الشهاده عــــرس
قرر يضحي النفــــــس
وامه اعلگتله الشمـــــع
بالخيم بالخيــــــــــــم
،،،،،،
القاسم بدر عالگاع
ينثر عطر نعنــــــاع
من وجها بالحــــومه
وجدامه تزرع هيـــل
يشتمها نجم سهــيــل
يوم الفخر يومــــــــه
بعزم صال دحه ابطال بتاره
للجيـــــال للشبـــــــــال اثاره
حته الخــيم هلهلت
برجوزتـــــــــه رتلت
نور الحسن بي يشع
من هجم من هجـــم
،،،،،،،،
من صوول اعله عداه
والصارم بيمـــــــــناه
ضاع الدرب بيهــــــم
ركضوا ركض حفــاي
ومتيهين الـــــــــــراي
لمن اجه عليهــــــــــم
النفس ضاع بالســـباع من زوده
الحسن عاد حرز شاد بـــــزنوده
من وجها يگطر ضوه
ويشمه حته الهــــــوه
صاير جمـــــــــاله درع
من هجم من هجـــــم
،،،،،،
شچ رايته اعله الروس
وبجفه نبله وقــــــوس
ويلگط الــــــــــــــــقاده
شورطنه وي هلشــــــاب
خلصنه بالنشــــــــــــــاب
بيه شيمة الســــــــــــــاده
تربيت تغذيت حب عمــــــي
محبته مـــعزته بنص دمـــــي
عمي الحسين العشك
من گلبي احبه صـدگ
من زغري بي مقتنــــع
من هجم من هحــــــم
،،،،،،،
صاعد سبوگ الخيل
سيفه حجر سجــــيل
ضلوا يركعولــــــــــــه
دارس فنون الجــــود
من والده بيــــــه زود
مثل الجبل طولـــــــه
غده يصيد صناديد باعلومه
هتف اه حسيــــناه بالــحومه
اكرمنه رب البشـــــــر
النه الشهادة فخــــــــر
بس صوته ضل ينسمع
منهجم منهجــــــم
،،،،،،،،
چم ايه بالقرأن
رتلها بالمـــيدان
شمحلاها بلسـانه
كللهم احنه أنگون
ألتين والزيتـــــون
للراد يقـــــــــــرانه
كرامات كأيات جــيناكم
تكفرون تغدرون شفناكم
من ادخلنه أرض كربله
تلگتنه بالياهــــــــــــلاه
ضلت تهل الدمــــــــــــع
من هجم من هجــــــم
،،،،،،
لخادم الحسين ع
محمد الفهداوي
داست عليك الخيل مولاي
وفوگاها هم ماشارب الماي
حسين حسين يا ابا عبد الله
،،،،،،،
ارضه الحوافر تسحگ علـــــــيّه
بس كون اصيراً طاسة اميّـــــــه
بچفوف بنتك كون مملــــــــــــيه
ومن عندي يشرب نحرك اشويـه
لو خيمه اصيراً فوگك فيـــــاي
حسين حسين يا ابا عبد الله
،،،،،،،
ارضه السهام توزّع بـــصدري
وثنعش طبره ريتها بنحـــــري
ريت المثلث طلع من ضـــهري
وريت الرمل يابو علي حــدري
من حگي لمن افگد الـــــــــراي
حسين حسين يا ابا عبد الله
،،،،،،،
اتمنه گطعوا خنصر ايميــــــني
وبحجار گون الگوم ترميــــني
لو نبله اخذ منك بعينـــــــــــي
خل تنطفي وما اريداً اسنيني
من زغري هاي الأمنيّه ويــــاي
حسين حسين يا ابا عبد الله
،،،،،،،،
اتمنه كون اعيالي يسبــــوها
وبنيتّي كون العده ايضربوها
صعبه الاخت لمن يشتـــموها
لعيونك ارضه من يسبــــــوها
يالغالي ارضه واقبل بهــــــاي
حسين حسين يا ابا عبد الله
،،،،،،،
دون الشرف شنهي الرجل يسوه
وانه وحياتي اندارلك فـــــــدوه
يالعمتني معنه المــــــــــــــــــروه
موبيدي احبك والحسن گـــــــوه
حبك تملك گلبي وعضـــــــــاي
حسين حسين يا ابا عبد الله
،،،،،،
مرات اعيش بعالم احسـاسـي
والعبره تخنگ صدري ونفاسي
واتمنه كون اعله الرمح راسـي
وبصفي إخوتي مذبحّه وناسي
ماتطفي ناري دمعة ابچــــــاي
حسين حسين يا ابا عبد الله
،،،،،
محمد الفهداوي
قنتنه بنية وحدة وإحنه سبيعـين
من شيبة حبيب الشيب الحسيـن
بتراب الطف تويضنــه
وصلاة العشگ صلينــه
من شيبة حبيب الشيب الحسيـن
،،،،،،،
صلاة وبيها چان الخوف موخوف
وبصرنه ما وراء المعركه ايشـــوف
نسبّح من نخلص بين السيـــــــوف
حُسيناً واحسينا برض الطفــــــــوف
هذا الوِرد اعظم وِرد إسم الحبيب حروفه
منول نبي لاخر نبي بحسين گمنه نشوفه
بچينه من الخشوع الربنه بـحساس
وحدر كل تربه خضّر جود عبـــــــاس
شعرنه بكل طمأنينـه
صلاة العشگ صليــنه
،،،،،،
جنّه بكربله يحسين شفنــــــــــــاك
وحبل ممدود من الطف للـــمــــلاك
صعدنه بهل سفينه اليوم ويـــــــاك
الأعمه المايشوفك كام يقـــــــــــراك
صوت الطواف بكربله لبيك يابو سكيــنه
حجّتنّه يم زينب بدت وعله الخدر حجينه
سعينه وچان نور ايحشم بنــــــــور
واحد گل للاخر خويه ماجـــــــــــور
اعله حب الله تلاگينه
صلاة العشگ صلينــه
،،،،،،
وي سبعين الف سبعينّه هـواي
عركة دين مو عركتنة عالمـــاي
همه براي وحنه احسينه الــراي
المنيه شما غلت واحدنه شـراي
بعيونهم واگف هبل ولات وللا عِـــــــــــزه
وبخدودهم باقي اثر من چف يمن الحمزه
اختضرنه بكربله كل المسافــــــات
ولگينه حسين عايش والشــمر مات
بأمامة والد اسكيـــنه
صلاة العشگ صلينــه
،،،،،،
شلنه عيونه وحطّينه الخــــــــــيام
ولگينه اليوم بالطف يسوه الف عام
اختصرنه الدنيه گلها وكل الايــــــام
وصعدنه بقافلة معشوگ الإســـــــلام
عابس قره حسين بصدگ من حائه لاخر نونه
لا للملابس والدرع بالطف گتب قانونه
حصيلة سيفه چانت تنفي الــــــعداد
زلمهم قلّت وبس عابـــــــــــــس إزداد
توادعنه وتواصينــــه
صلاة العشگ صلينــه
،،،،،،
عرفناها وعرفنه الفزعه مطــــلــوب
ولگينه حسين اقرب شي للگـــــــول
ميّزنه الصبح عن وجه الغــــــــروب
اليموت أيفوز والمامات مغلـــــــــوب
مامات كلمن من صدگ شال الحسين براسه
صوت النحر هوه انتصر والسيف دنگ راسه
ابو السجاد بالطف هـــوهَ مِشـكـــــات
ندور اعله الضوه دور الفراشـــــــــــات
بعشگ كلنه تخاوينه
صلاة العشگ صلينـه
،،،،،،
لخادم الحسين ع
محمد الفهداوي
كل حي وجوده من المــاي
والناس متفقه بهــــــــــــاي
كلشي نخلق لجل حسيـــن
ومن صيتهَ أخذ صيته الماي
،،،،،،،
هذا الماي وسر تكوينه انطيك الفكره بقوسين
ربك لمن كون مايه كلّهَ الخاطر وجه حسين
حيدر ماي وعنده الكوثر وتلاگوا ملگه النهرين
كل ما تمطر هاي الدنيه تنثر در اعله الصوبين
لوله الحسين جاضميـــنه
وصحره تصبح كل مدينه
الصادق اشگال عن امامك
هوه اوسع كل سفينــــــــه
من الرسول المخــتــار
ابنه ونشئ مامحتــــار
طه أمن الحسين شلون
فهموني ياناس بهـــــاي
،،،،،،،
كل هاي الدنيه ونشئتها احچيلك عنها بتفصيل
لوله حسين ولوه انصاره مادارت والگاع تميل
ولايبقه القرأن اليومك ويتحرف حته التأويل
ولايبقه المنبر يروينه والشاهد قبلك چم جيل
نكبر احنه وبينه يكـــبر
يم الحسين كلشي يزغر
موخيال وبل حقيقــــــه
دنيه ضلمه بلايه منـــبر
شمس الله مثل المــــرئات
تعكس ضوه وعندي اثبات
من گبة حسين النــــــــــور
ومن راية الحضره افـــياي
،،،،،،،
واجب كل مرسوُل ايزورك من ادم لاخر مرسول
نوح اشگد ناح اعله جروحك وعن مسمارك حزنه ايطول
وأيوب الماخذ من صبرك مو انه احچي هوه يگول
عيسى وموسى ويونس زارك اليقراك يصير البهلول
ربي شكراً عالهدايــــــــه
أَرشدتني الهل ولايــــــــه
حبي صافي چنه زمــــزم
حسيني مشاني اعله رايه
حسين الثمر بالشجــــــره
وحنه الورگ للعتــــــــــره
من فاضل الطينه انســـان
تكونت وخدم مــــــــولاي
،،،،،،،
إشتبهو عن الماي الگالو لا ذوق وريحه ولالون
واثبتلك بالماي انوجدن وحگك من تسألني شلون
حطّوا التربه بماي وشموا عطر من حسين تشمون
لون اسود حطوا بقاروره يتغير رغم القانون
الورده يرجع ماي اصلـــها
دية الچف لو وصلـــــــــها
بجربه كون ايراضي اهلها
ماكو غير المي فصلـــــــها
حلل جزيئاته وشـــــــــوف
بتركيبته ثنين جفــــــــوف
ذني الشمرهن عبـــــــــــاس
فوگ الشريعه الوفـــــــــــاي
،،،،،،
سر الماي محير الوادم والسر هوه حسينك صار
والناتج لو ردت اتعرفه تلگه الجنه وماتحتار
دمعه من عيونك بالمحشر من تشمرها اطفي النار
من تسمع مجلس وصحابك يدعونك گللهم صار
من تعاين بالمجــــالس
تلگه جون وتلگه عابس
موبدينه لولطمنـــــــــــه
بلاشعور ولامــــــــلابس
عذروني لوصحت بــصوت
بالمقتل اتمنه المـــــــــــوت
سالم متنيته حسيــــــــــــن
وريت العطش فتلي احشاي
،،،،،،
لخادم الحسين ع
محمد الفهداوي
وسفه تميل من مهرك يخيّـــــــال
تموت انت ويضل المــوش رجال
،،،،،،
موش اتميل بيك امچلب الكـون
يالتسوه البواچي وتسوه العيون
خويه حسين گلي بزينب شلـون
تتمحن عگب عينك بالعيـــــــــــال
،،،،،،،،
يبن قتال مرحب ياضوه العيـــــن
ندمه اطيح من مهرك يالحسيـــــن
الف يأجوج يوصل للصواويــــــــن
يسد اسكندر وياطود البطـــــــــــال
،،،،،،
يكاسر يالكسرت اشگد صناديــــــــد
يبو السجاد يمشرد الهواديــــــــــــــد
العده اينگصون ونته الوحدك اتزيــد
رغم كل الجروح وانته ماچـــــــــــال
،،،،،،،
امان بزودك اومصيونه الخيـــــــــــــام
بعدنه بخير كونك شادّ احـــــــــــــــزام
يالمتعب السيوف وكل السهــــــــــــــام
يامشرد السرايه ايمين وشــــــــمــــــال
،،،،،،،،
يبو صبر اليفحّط همّت الجيـــــــــــــش
بحر مالك بدايه ولا الك گيـــــــــــــــش
يجنح الباز طير بهيبة الريـــــــــــــــــش
بمخالب سيفك اقلع روس الأنـــــــــذال
،،،،،
زغيره الغاضريه وعزمك اهــــــــــواي
يوارث موسى يبن امي ويرجـــــــواي
طگّ الگاع خل اينبّع الـــــــــــــــــــماي
وفجّر بالطفوف اثنعش شــــــــــــــلال
،،،،،
يسل ياسال خصمك بالك اطيــــــــــح
يريح ومن تهب ماتنكض الريـــــــــــح
يواضح للعيان بلايه توضيـــــــــــــــح
يصافي من الجدم لطراف الخيـــــــال
،،،،،،
يلازم بيدك اوتاد السمــــــــــــــــــوات
يرحمه بجالك ادور المجـــــــــــــــرات
من اطيح ماتبقالي خيــــمــــــــــــــات
يحرگون الخيم وتهج الطــــــــــــــفال
،،،،،،،
يخدري ويا حجابي وشيلة الــــــراس
تريد اندهلك امن الشاطي عـــــــــباس
بس أنخاه وگلّه الحگ ينومــــــــــــاس
عضيدك ضال وحده وحاله موحـــــال
،،،،،،،
لخادم الحسين ع
محمد الفهداوي
عباس خويه ادنّه الي وياك عندي حجايه
اگرب لخيتك يالوفي عگده ارداشد بالرايه
تدري بمعزتك اعز من عون خويه
يابعد گلبي وبعد العيـــــون خويه
،،،،،،
انهَ الشديت بالبيرغ يعباس وي العگده دمي
تراب الخيمه من تروح للماي جمر ويچوّي جدمي
من گد ما ادعيلك املي الچفوف دمع من كثر همي
الأمان بلا امان بدونك ايصير اذا ماهو انت يمي
عباس احلفك بالربه لاتبطي خويه علينه
نامت رقيه من العطش والتبچي يمها سكينه
وصيامي مومثل اليصومـون خويه
يابعد گلبي وبعد العيــــــــون خويه
،،،،،،
يبعد عيون زينب كلشي ماريد اريدك ترجع النه
يتارس خيمتي وخيام الحسين هوه امن اهل المحنه
الضوه من تروح من عيونه ايروح ولاشي يبقه النه
تره من تموت هم احسينه ايموت ونموت وياك كلنه
لا تبطي خويه اعله النهر لو علنهر تتوازه
ولماي موش بعازته عازت وجودك عــــازه
تاكل بروحي شلون وشلون خويه
يابعد گلبي وبعد العيــــــون خويه
،،،،،،
امن اگماط الرضيع إلدمع الحسين لحد اخر رساله
ندعي ايرد ابو فاضل سلامات ولاثلمه بخياله
اخو وصافي ويچمل الماي هم ماي وصفن كلشي بجماله
كلف وبشاربه شيمة علي تكون وجزه حدود الكفاله
هوه انت يمي وانه الك يابو الفضل مشتاگه
كلساع چن جفن وجفن طول الدرب نتلاگه
لو هچي خوه وتنحسب كون خويه
يابعد گلبي وبعد العيـــــــون خويه
،،،،،،
مو تبطي اعله زينب زينب تموت بخّيتك هلله هلله
تعال وشوف دمع العين بالعين فرض ترجعلي صله
افزز كلشي بالخيمه واناديك وفرع ودعي لله
تره امتانك رايد حيل عباس ونه المابيه ضله
تغطيني برموشك جنت طول العمر يوميه
عباس ميلت حاجبك كوسر افياي اعليـــه
فگدك كلف يرادله متون خويه
يابعد گلبي وبعد العيون خويه
،،،،،،
اكيد بجربتك عباس چم عين وعصاتك هيه رايه
ينبعنّ لو تريد اثنعش معصوم النهر ماريد مايه
مغيبك باب يفتح للسبي بعيد الى ماله نهايه
من حرگ الخيم حد طبت السوگ على الهزّل سبايه
من هدمك ارد اخذ حرز وصتني امي الزهره
چم قل اعوذُ أقره وترد لختك يطيب العِشره
بزينب اختكم لاتگطــــــعون خويه
يابعد گلبي وبعد العيـــــــون خويه
،،،،،،
لخادم الحسين ع
محمد الفهداوي
گبل ماصيراً بشر جنت انـــــه ماي
بالفرات امشي وجنت امشي بهواي
من اجه العباس گلي بكلمتيــــــــــن
لاحيات ولاخلود بلاحسيـــــــــــــــن
،،،،،،،
گتله اخذني وياك بالجربه اردشوف
ارد اطب خيمتكم وبيها ارد اطـوف
گلي ضل بكربله باجر تصيـــــــــــــر
خادم وتبچي اعله مذبوح السيــوف
گتله حط ايدك عليــــه
خل اعيش الغاضــــريه
ومن اصير انسان باچر
اطلم من اذكر رقيــــــه
گلي دورك بالمجالس خل يصــيـــر
دور عابس بالهيام وبالمصــــــــــــير
صير صاحب مجلس وصاحب يقين
لاحيات ولاخلود بلاحسيـــــــــــــــن
،،،،،،،
گتله حطني بجودك اردشرب أمان
وارد اعيش بعالمك يابو الحنــــــان
من يموت حسين ابقه بلا حُسيـــن
گلي يطلع ابنه نفسه بكل زمـــــــان
كيّفت من كضني بيده
تحقق الجنت انه اريده
وگلت ياخذني بحنانـــه
ودخل الخيمة عضيــدة
سلّم اعليه وگمتله وسلميــــــــــت
ورجعاني العالمي وحيل استحيت
ما خذاني وردت اموت من الحنين
لاحيات ولاخلود بلاحسيــــــــــــــن
،،،،،،،
گتله من اتعوفني بهل دنيه اضيع
يابو فاضل وانه خادمكم مُطيـــع
عليك زينب لاتخليني وتــــــــروح
خل ابخ اشفاف عبدالله الرضـــيـع
يابو چف اليسوه حضره
ارضه لو تاخذني گطـــره
ونزل اعله شفاف طفلـــه
الكلهن ايشبهن الزهــــــره
خل اطب لخيامكم خليني اعيش
انت صح الوحدك بس انت جيش
قبلّت چف يسرته وچفّه اليمــــين
لاحيات ولاخلود بلاحسيـــــــــــن
،،،،،،،
يابو فاضل جودك المامثله جود
ايصير كوثر بالحشر يوم الـورود
كتله هسه انه اشعر بعالم ضـلام
جربتك سر الوجود اعله الوجـود
كائن امناطر خوروجــــه
گطره فوگ امتون روجه
خلافكم موعدله روحـــي
وزحمه منكم تبقه عوجه
هذا من باب الخيال وموعجيــــــــب
گطره جنت وخضر بنص راسي شيب
گلي ماجور وعرگت من الجبيـــــــــــن
لاحيات ولاخلود بلاحسيـــــــــــــــــــن
،،،،،،،
گتله اخذني محلفك بسيد الشـــــباب
للأمل مولاي فدوه افتحلــــــــــي باب
كون مامقسوم يشربني الحسيـــــــــن
عاد رشني وبلكي ابردلّه التـــــــــــراب
بحضن جودگ گتله ضمني
تايه وچفك يلمنـــــــــــــي
ما اهم للدنيه كلـــــــــــــها
بس ابو الاكبر يهمنــــــــي
طحت طيحة موت من چف الكفيل
ودعاني ودمعتي ضلت تسيـــــــــــل
وبيه ضل يمشي النهر ما ادري ويـن
لاحيات ولاخلود بلاحسيــــــــــــــــن
،،،،،،،
لخادم الحسين ع
محمد الفهداوي
علي بويه انمرد چبدي
حرت من ياجرح ابدي
منك من عمامك من خواتك
لو منّ الضمه اليبّس لهاتـــك
علي بويه انمرد چبدي
،،،،،،
گمت امشي اعله رايه
الى مالانهايــــــــــــــــه
علي گام الجرح ياخذني ويــروح يبني
نعش لا نفس بيـّه
علي شمسوي بيــــّه
انه الضليت عايش وانه مذبـــوح يبني
يتچوه التالي شيبي
بمصابك ياحبيبــــي
احس الروح ميته ولا بقت روح يبني
حرت امك شگلها
اذا ردّيت ألهـــــــا
اردك للخيم لوتبقه مــــطروح يبني
يالمحدبني ماشلتـــــــك
يكاسر ضهري من شفتك
الحرم ومك يبويه مناطراتك
لو منّ الضمه اليبس لهاتـــــك
علي بويه انمرد چبدي
،،،،،،
وجنتك بويه بيها
دمه جامد عليـــها
هضيمه ايصر خدك فوگ التراب يبني
يبو جروح السبني
خذاك الموت مني
يسباح الگلب توك صرت شــاب يبني
غصب واگف وعاند
الجمر يم حزني بارد
حرارة روحي تچي حته المصاب بويه
وحگ دمعي وهطرتي
احس من طحت وكتي
ملخ من گلب ابوك البين چـــلاب يبني
يصافي ومثل المرايه
يدورت عينك ولايـــه
عمت عين السيوف الذابحاتك
لو منّ الضمه اليبس لهاتــــــك
علي بويه انمرد چبدي
،،،،،،
كبرت من المصيبه
حقيقه وموعجيبه
حواجب عين ابوك اتحولن شيب يبني
علي ماتدري بيـــــــه
انّمحنّ بصمات اديــه
فركت اچفوفي من نورك بده ايغيب يبني
صحت انه وخيالي
علي المامثله غالي
يبو حچي السنع ومسامرك طيب يبني
يالمبده اشيلمـك
يالاكبر تدري بمك
چبيره ومستحيله مثلك اتجيـب يبني
علي كلما انضـــــرنّك
محمد چن اشوفنك
انته من النبي وارث صــــفاتك
لو منّ الضمه اليبّس لهاتــــــــك
علي بويه انمرد چبدي
،،،،،،
اجر بنفاسي گـــوه
نحل جسمي وتلّوه
علي خليتني لاحي ولاميـــــــــــت يبني
اجيتك گوه امشــــــــي
ودمع عيني اعله رمشي
احس فوگاي طاحت خيمت البيت يبني
علي الصوت من اجاني
متت وانه بمچانــــــــي
اجر بجدامي گوه من امشي ضليت يبني
عذب عالرمله مچفي
عجز مالمه چفـــــــي
علي امبده اشيلمك يالتبديــــــــــت يبني
صرخ كتالك اگبــــــــالي
ذبحت ابنك علي الغالي
جمال الموت وندار الحـــــــلاتك
لو منّ الضمه اليبس لهاتـــــــــك
علي بويه انمرد چبدي
،،،،،،
حرت حيره بأمرها
خذت عيني ابكبرها
عمت عين المنيه التاخذ الزين يبني
بعد شلي بحـياتي
يهاضم كل صفاتي
تموت ويبقه بس ارسوم الحسين يبني
ثمر تانيته يـــــــــــــــروه
البچي اعله الزين يسوه
يالمبچيني ومبچي النساوين يبني
اموت وبيقه وني
عليك وانته منــي
انبگت من عندي بوگ الكحله بالعين يبني
تره الذبحوك ذبحوني
وداعاً ياضوه عيـــوني
حرت شحچي شگل لمدللاتك
لو منّ الضمه اليبس لهاتــــــك
علي بويه انمرد چبدي
،،،،،،
لخادم الحسين ع
محمد الفهداوي
عايش بالــــــــــــــــــــروح
حب المذبـــــــــــــــــــــوح
يرزقني جـــــــــــــــــــروح
كل مجلس يرزقني جروح
كلما انعاه عالمنبـــــــــــــر
صح انه ازغير بس اكبـــر
وي دمي حسين ضل يفتر
،،،،،،،،،،،
من الكاروك حبك عايش بروحـــــــــي
يامصدر دمعتي وحسرتي ونوحـــــــي
گد جروح جسمك شايل جروحـــــــــي
ابقه ابچي المصابك ونت مذبوحــــــي
بگماطي وابچي عليك ونوح ونوح
من زغري وماناسيـــك ونوح ونوح
بسمك امي تلوليلــــــــي
شگد عن طفلك تحچيلي
ابچي عليك وتبچيلــــــي
ونوح ونوح
عايش بالـــــــــــــــــــروح
،،،،،،،،،،
شلت جروح حزنك وي تفاصيلــه
ابقه انعاك واحزن وبچي كل ليلــه
موقف خله دمعي يجري كل حيله
اهلك عالهزل ومچتنفه العيلـــــــــه
وي اعيالك ياريــــــت اسير اسير
عالنوگ وي اهل البيت اسير اسير
اتمنه وداعة شيبـــاتك
انشد وي علويــــــــاتك
وياهن احمل لچمــــاتك
اسير اسير
عايش بالــــــــــــــــــروح
،،،،،،،،،،
البعمري يعيش بفرحة اسنينـــــــــــه
وانه الشايل جرح حزنك وصط عينه
سفينه انت والى الجنه تودينـــــــــــه
فضل منك على المنبر تقرينـــــــــــــــه
من انعالك مــولاي اعيش اعيش
چن حبك سر الماي اعيش اعيش
يالحزنك صار انفاســي
وعاشورك دوم براسي
حسيتك اهلي وناســي
اعيش اعيش
عايش بالـــــــــــــروح
،،،،،،،،،،
سواد هدومي لجل ما ابدلنــــــــــه
صلات اليل احس ثوبي امن البسنه
شفت طعم المجالس يشبه الجنـــــه
ضگت خيرك ولا اگدر اعوفنـــــــــــه
كل دمعه عليك تسيل ثواب ثواب
وابچيلك صبح وليــل ثواب ثواب
من احضرلك بقرايـه
ارجع فراحان اهوايه
يالحبك دين وغايـــه
ثواب ثواب
عايش بالـــــــــــــروح
،،،،،،،،،،
محلفك بالرضيع وسكنه ورقيـــــــه
بالله وبيك فدوه عينك اعليـــــــــه
امان انته واريد اگعد حدر فيـــــــــه
ورايد اكضي العمر تعزيه تعزيــــــــه
عليك بذيچ الأيـتام حُسين حُسين
سجلني وي الخـدام حُسين حُسين
وي حمزه وسيد جاسم
محلفك بمصاب القاسم
مولاي اقبل هل خـــادم
حُسين حُسين
عايش بالــــــــــــــــروح
،،،،،،،،،،
لخادم الحسين ع
محمد الفهداوي
خدامك خدامك نبقه اعله العهد
خدامك خدامك يامهدي الـــمـدد
،،،،،،،،،
المثل گال المجــالس
يبو صالح مـــــدارس
تخرجنه عوابـــــــــس
جره بدمنه العشـــــگ
يخيمتنه الچبيـــــــــره
يسلطان العشيـــــــــره
اذا وجهك تديــــــــــره
وحگك نختنــــــــــــــگ
يالموحد شملنـــــــــــــه
نشد بسمك حزمنـــــــــه
تره الطافك تلمنـــــــــــه
ابد مانفتـــــــــــــــــــرگ
منطينك منــطينك يبو صالح وعد
خدامك خدامك نبقه اعله العهـــــد
،،،،،،،
يمهدينه والينـــــــه
يبو روح الحنيـــــنه
يجي يوم وتجينـــه
ونگلك ياهـــــــــــــله
تجي وياك السلامــــه
يناموس الزعامــــــــــه
وتلم اهل الخدامـــــــه
وتروح الكربلــــــــــــــه
تغطينه بحنانـــــــــــــك
امان الله امانــــــــــــــك
مُنيتي اندل مچانـــــــك
يَـسر البسملــــــــــــــــــه
ماغيرك ماغيرك للحبك سنــــــد
خدامك خدامك نبقه اعله العهد
،،،،،،،،،
وحگ ضلع الزچيـــه
وجرح حامي الحميه
كتبنه اعله الهويــــــه
الك نبقه خــــــــــــدم
دعاء الندبه نـــــــــقره
مغيبك والله حســـــره
شبيه البيدة جمـــــــره
الك عشنه الألــــــــــــم
يشريان العقيــــــــــــدة
ونبض ديني اوريـــــــده
يبن ذاك الصميـــــــــــده
علي الكله شيـــــــــــــــم
ونحبك ونحبك من قبل المهــد
خدامك خدامك نبقه اعله العهد
،،،،،،،،،،،
طموحي اكسب رضائك
وتوفقت بدُعائـــــــــــــك
شوكت انضر لوائــــــــــك
يرف ابيمنتــــــــــــــــــــك
انه الشيعي الولائـــــــــــي
حسيني وكربلائــــــــــــــي
الك ترخص دمائـــــــــــــي
تحت طوع امرتــــــــــــــك
يبو صالح يغالـــــــــــــــي
الك ساهر ليالــــــــــــــــي
الاگيك بخيالــــــــــــــــــــي
وناطر جيتــــــــــــــــــــــك
نقسملك نقسملك باللهِ الأحــــد
خدامك خدامك نبقه اعله العهد
،،،،،،،،،،،
دمعتي اعله خـدي
تسولفلك يمهـــــدي
فده المال وي ولدي
الك يبن الحســـــــن
وحگ هاي المنابـــــر
وستر كل الحرايـــــر
اعز امن النواضـــــــر
اشوفنك وطــــــــــــن
يغايب ولكـــــــــــــــن
وسط گلبي ساكـــــــن
احسك تعايــــــــــــــن
علي طول الزمـــــــــن
لعيونك لعيونك نتحده الشــــدد
خدامك خدامك نبقه اعله العهد
،،،،،،،،،،،
لخادم الحسين ع
محمد الفهداوي
من سرفن ذراعه الگمــــــر
نهر الوفه طب للنهــــــــــــر
هز رايته گبال الخيــــــــــم
كلشي انچفه ورمحه استقر
شال جوده مشه بزوده كلشي يمه ركع
سيفه يلهب يچوي من طب كله غيره طلع
،،،،،،
زينب تناديله ونعـــــــم
سيفك خلس كل الزلــم
چنك علي حامي الحمه
من والدك شايل عــــزم
هلله هلله گباله صله وحمد ربه السبط
كضها بيده يم عضيده بالشريعه يخط
،،،،،،
من گصته يگطر ضــــوه
ومن جربته الماي انچوه
لمن مشه بصف النهـــــــر
خضره اصبحت كل نينوه
جدمه يزرع شيمه يطلع ياجماله الأخو
حسينه ناده هايساده من اخونه وكفو
،،،،،،،،
من هيبته تنــــور السمه
والصد اله عيونه تعمـــه
چنه اربعه مو وحـــــــدّه
لمن دخل للموزمــــــــــــه
گباله شردت نصها لبدت جيش اميه انتها
يم حبيبه بالغريبه گلبه يمه التها
،،،،،،
صوب النهر راح ورجع
حته المهد كوثر شبـــع
خاف الشمر منه والبــد
گبال الگمر لا ماطلــــــع
لبس شيله باد حيله چفوفه ترجف رعب
ميلوا عنه علي چنه الشاطي قرر
يطب
،،،،،،،
لخادم الحسين ع
محمد الفهداوي
داست عليك الخيل مولاي
وفوگاها هم ماشارب الماي
حسين حسين يا ابا عبد الله
،،،،،،،
ارضه الحوافر تسحگ علـــــــيّه
بس كون اصيراً طاسة اميّـــــــه
بچفوف بنتك كون مملــــــــــــيه
ومن عندي يشرب نحرك اشويـه
لو خيمه اصيراً فوگك فيـــــاي
حسين حسين يا ابا عبد الله
،،،،،،،
ارضه السهام توزّع بـــصدري
وثنعش طبره ريتها بنحـــــري
ريت المثلث طلع من ضـــهري
وريت الرمل يابو علي حــدري
من حگي لمن افگد الـــــــــراي
حسين حسين يا ابا عبد الله
،،،،،،،
اتمنه گطعوا خنصر ايميــــــني
وبحجار گون الگوم ترميــــني
لو نبله اخذ منك بعينـــــــــــي
خل تنطفي وما اريداً اسنيني
من زغري هاي الأمنيّه ويــــاي
حسين حسين يا ابا عبد الله
،،،،،،،،
اتمنه كون اعيالي يسبــــوها
وبنيتّي كون العده ايضربوها
صعبه الاخت لمن يشتـــموها
لعيونك ارضه من يسبــــــوها
يالغالي ارضه واقبل بهــــــاي
حسين حسين يا ابا عبد الله
،،،،،،،
دون الشرف شنهي الرجل يسوه
وانه وحياتي اندارلك فـــــــدوه
يالعمتني معنه المــــــــــــــــــروه
موبيدي احبك والحسن گـــــــوه
حبك تملك گلبي وعضـــــــــاي
حسين حسين يا ابا عبد الله
،،،،،،
مرات اعيش بعالم احسـاسـي
والعبره تخنگ صدري ونفاسي
واتمنه كون اعله الرمح راسـي
وبصفي إخوتي مذبحّه وناسي
ماتطفي ناري دمعة ابچــــــاي
حسين حسين يا ابا عبد الله
،،،،،
محمد الفهداوي
انتضروا القادم
لرثاء بني هاشم
وانا خادم لكل خادم
لقصائد 2024 قريب انشاء الله
انتضروا القادم
لرثاء بني هاشم
وانا خادم لكل خادم
لقصائد 2024 قريب انشاء الله
الكوفه اصبحت اهل الفيل
متاني الأمر عزرائــــيــــــل
بس مسلم يصيح بصـــوت
يمطر عليهم سجيـــــــــــــل
،،،،،،
من سرفن اردانــه
ضل يغلي بـركانــه
يستنگي ضل بيهم
ومدنكه عدوانــــه
بي من علي ملوحه
ابسلهم ايلوحـــــــه
وبصارمه يرســــــل
الوادي صقر روحـه
مسلم شبيه العبـــــــاس
غيره وشجاعه ونوماس
وعمامته حب حسيــــــن
تاج ولبسها اعله الـــراس
راواهم بسيفه الويـــــــــل
الكوفه اصبحت اهل الفيل
،،،،،،،
گلهم علي عمـــــي
يموت اليصل يمي
اله اشلع عيونـــــه
الرايد سفك دمـــي
انسابي معروفـــــه
خل تسمع الكوفـــه
موقف اريد اتــــرك
حته العمه يشوفــه
راح اني أترك عنـــوان
يقراه يضل كل انسان
انه ابقه ونتو تموتـون
هيجي بصريح القـرأن
يذكرني يبقه كل جيــــــل
الكوفه اصبحت اهل الفيل
،،،،،،،
حسين اشتره انفاسي
وتملك احساســــــــــي
وانه شلت حـــــــــــبه
ياوادم براســــــــــــــي
انتم ندبتولــــــــــــــــه
أقدم كتبتــــــــــــــــوله
من تنگضي الدنيــــــــه
كل چلمه مسؤلــــــــــــــه
عن سيفي وين تـــــــفرون
موهينه بينه تغـــــــــــدرون
القاضي سيفي اعله الروس
صَدر أحكام تموتـــــــــــــون
ما يسلم البينه ايعيـــــــــل
الكوفه اصبحت مثل الفيل
،،،،،،،
راح احكم بـصارم
متحمس وعــــازم
كتبوا وصـــــاياكم
يا ارذل الـــــــوادم
اسحگ جحافلكــم
ولوحدي انازلكـــــم
مومستواي انتـــــم
مجبور اقاتلـــــــكم
انه العشت بين ابطـــال
اكسر خشم كلمن عـــال
مسلم وبن عم حسيــــن
موجرمقان وبقـــــــــــال
من صولته كلها تميــــــــل
الكوفه اصبحت مثل الفيل
،،،،،،،
يدري بمگيدتهـــم
وعليها شردهـــــم
نص المعسكر طاح
منه بحفيرتهـــــــم
محد گرب صوبـــه
وما حركو ثوبــــــه
باسو رجل مهـــــره
يامسلم اتوبــــــــــــه
تهلهله طوعه تحيــه
بعمه علي من تناديه
يترك السيف بيمنــــا
يلزم الفارس يرميـــه
الروس اوصلت نجم سهيل
الكوفه اصبحت مثل الفيـل
،،،،،،
لخادم الحسين ع
محمد الفهـــداوي
رساله من العطش لرياگ الحسين
مكتوبه اعله جرف العلكمي سنين
وابو فاضل قــراها
وعقد مجلس وراها
ولطم حد ما نگطعن منّه چفين
،،،،،،،
اجه بنص الرساله الخاطها الماي
الحسين يموت عطشان
استعد يبن الزجيه حربك وياي
حرب من دون وجـــدان
هجير وحر ظمه ويظيع الفياي
تموت وتبقه عـــــــريان
صفگ عباس جفيــــــــنه
صرخ خويه وجرت عينه
عمت عيني يبو سكينـــه
كتب فوگ الجرف عباس بالسيف
بعزيز الروح هيجي ايصير ياحيف
غصص ممتد سراها
ابو فاضل قـــــــراها
ولطم حد مانگطعن منه چفين
،،،،،،
اجه بنص الرساله بنبله ينصاب
رظيعه بحظنه ويموت
ولا من دمه گطرّه تلوح التراب
رساله وللسمه تفـــــوت
على گماطه نقش وبمنحره خظاب
دمه بس جنه ياقوت
رغم ماميت ايشبگـــــه
ويغمض جفنه ويطبگه
ولا غالي اله اليبگـــــــــه
يضل محتار گوه ايرد للخــــــــيام
وتگله أسكينه اخوي من السهم نام
بخياله اتصوراها
ابو فاضل قــراها
ولطم حد مانگطعن منه جفين
،،،،،،،
اجه بنص الرساله زينب تصيح
على التل خويه يحسين
وترد للخيمه بس تگوم وطيـــح
وتضل بس تهل العين
سموم يصير حته بكربله الريح
ولا تبقه ألصواوين
العده يحرگون خيمتها
وتطفيها بعبايتهـــــــــــا
تَبجيّ الگاع دمعتهــــــا
تتنفس رماد وتبچي بحساس
حرگوا خيمتي وينـــك يعـباس
العده زينب تراها
ابو فاضل قـــراها
وطلم حد مانگطعن منه جفين
،،،،،،،
اجه بنص الرساله تسحگ الخيل
اعله صدره ونحره وعظاه
وبچه العباس ظلت دمعته تسيل
وصاح بصوت ويــــــــــلاه
المن يابو فاضل ضام الحيـــــــــل
العمر ماريــــــــــــــده والله
رغم ما طحن زنــــوده
شال عله الجتف جـوده
مثل هل خوه مريــوده
توجه راد عود أيودع الحسيـــن
ولن سهم المنيه صوب العيــــــن
طفه عينه وفراها
ابو فاضل قـــراها
ولطم حد ما نگطعن منه جفين
،،،،،،
اجه بنص الرساله زينب تروح
اعله ناگه الديرة الشام
بگد حسين اخوها تحمل جروح
وقهر واهــــــــــاة والام
اليتامه تصيح كلها عمه وتــنوح
تحير بحال الأيتــام
اعله رمحه ويلتفت ليها
ويصبرها ويحاچيهـــــــا
ودمعته تنزل عليهـــــــــا
شمايسمع بخيّته الغاليه تصيــــــــح
من رمحه الحسين اعله الثره يطيح
بثمن روحه شتراها
ابو فاضل قــــــراها
،،،،،،،
لخادم الحسين ع
محمد الفهداوي
انتضروا القادم
لرثاء بني هاشم
وانا خادم لكل خادم
يحسين عوف الخاطري النوم
خليني اضمد اجروحك وگــوم
،،،،،،
الياذيك خويه حسين وينـــــــــه
عاف الجروح وجرت عينـــــــــه
كل الجروح تهون يم عـــــــــــون
اليوجعني بس دمعة اسكيـنـــــــه
وسابح ابن امي بفيض الدمـــوم
،،،،،،
يحسين مهرك من اجانـــــــــــي
خلاني اركض من مجانـــــــــــي
من شفته خالي بصوت ناديــــــت
يبن امي حيرني زمانــــــــــــــــي
لخيام زينب هدة الگـــــــــــــــوم
،،،،،
فرت ابوجه البيدة اليتـــــــــــــام
وشبّوا النار بنص الخيــــــــــــــــام
ثمانين طفله وطفل يحسيــــــــن
ركضوا وتمطر كربله سهـــــــــــــام
ماشفت لوعه بمثل هل يـــــــــــوم
،،،،،،
ويلا الحافر فوگك ايــــــــــدوس
وچانت الزهره بصدرك اتبــــــــوس
يانعمة الله وبيدر الخيــــــــــــــــــر
الفوگك سحگ ماعنده نامــــــــوس
هذا السده اعله ام عون مقـــــسوم
،،،،،،،
وين انه وين الغاضريــــــــــــــــــــه
لمت مصايبها علـيـــــــــــــــــــــــــه
ما عايزه وتچمل اجـــــــــــــــــروح
والمثلي كون تموت هيــــــــــــــــــه
بختك اشصاير عندك اعلـــــــــــــوم
،،،،،،،
معقوله خدك فوگ التـــــــــــــــراب
وصواب جسمك فوگ الصــــــــواب
لمن طحت وياك هم طــــــــــــــــاح
خدري وصحت چا راح الحجــــاب
ملچوم ضل يبچي اعله ملچـــــــوم
،،،،،،،
المثلك يموت وهمه يبقــــــــــــــون
وفوگ الارض عدلين يمشـــــــــــون
امده الموت الياخذ الزيــــــــــــــــن
چاما اخذهم خويــــــــــــه من دون
خيّر الگوم ايگطر اسمـــــــــــــــــوم
،،،،،،،،
يالشابعه ضلوعك سحك خـــــــــيل
هوه انته حيلي امنيلي الحيـــــــــــل
باگو ضوه الله الجبته ويــــــــــــــاك
وچلچل اعله اختك زينب اليـــــــــل
بعيوني صار الشوف معـــــــــــــدوم
،،،،،
الخاطر بناتك گوم ويــــــــــــــــــــاي
ياليابسه ارياگك على الــــــــــــــماي
بالشمس نايم ونته عطشــــــــــــــان
من اعبينه نكسر فوگك افيــــــــــــاي
البملاك من اصياره مخـــــــــــــــدوم
،،،،،،
لخادم الحسين ع
محمد الفهداوي
انه هُدهُد بني هاشم يكوفان
ارسلني إمام الإنس والــجــان
اجيت وشايل بچفي مكاتيبــــــــــه
گلت انه الها سهله حسين شيجيبـه
انه هُدهُد بني هاشم يكوفان
،،،،،،،،،
مشيت وعين ابو الاكبر
تسولفلي على الغـــــربه
شما ابعد گمت خطـوات
چني اتقرب الگلبـــــــــه
جبت من ماي زمزم ماي
فقط للرايد ايشربــــــــــه
چنت مثل الخيال ويــــاه
هوه وماعيشن بلايــــــــاه
ابن عمي وكشختي حسين
صرت محبس بچف يمــناه
توادعنه وسهرنه ثنينه اليــــــــــــل
الفجر وي النسيم اندز مراسيــــــل
رغم بُعد المسافه وجمرة الغيبــــــــه
گلت انه الها سهله حسين شيجيـــبه
انه هُدهُد بني هاشم يكوفان
،،،،،،،،،
ابن نساب وعرفكـــــــــم
ولايخفه الخفي عليــــــه
سعف وبريح تهتـــــــزون
يهل الكوفه يوميـــــــــــه
اليريد ايعيش حر ويموت
ويعوف العبوديـــــــــــــــه
وِحدهَ الفرصه موش ثنين
يفوز اليصعد وي حسيـــن
ولا عاصم لامـــــــــــــر الله
اذا التنور فار الحيـــــــــــن
سفينه وعين رب الكون ترعاهـــــا
وبسم اللهِ مجراها ومرساهـــــــــــا
نخاني وجيتكم من منبع الطيبــــــــه
گلت انه الها سهله حسين شيجيبـــــه
انه هدهد بني هاشم يكوفان
،،،،،،،،،
رسالة حب جبت وياي
مكتوبه بغصـــــــن ورده
حط بيها الحسين دموع
من عينه ودمع ولـــــــده
محمد والحسين بـــروح
موش ثنين بل وحـــــــده
ابو السجاد بيدر خيــــــر
موبس للبشر للطيــــــــــر
مضيف وزاده دنيه ودين
للرايد صدگ تغيــــــــــــر
اليحط كفت حسين وكفة ايزيد
مثل بعد الشمس عالگاع وبعــيد
بگلب ينبض عشگ مايعرف الريبـه
گلت انه الها سهله حسين شيجيبـه
انه هُدهُد بني هاشم يكوفان
،،،،،،،،،
اذا رايد الكوفه حسيــــــــن
تجيله تبوس شيباتــــــــــــه
امن احط علم الكتاب ايصر
قطره ابحر اياتـــــــــــــــــــه
لا آصف ولا سلـــــــيــــــــمان
يوصل يم كراماتــــــــــــــــــه
الورث ادم وحته ادريــــــــــس
بمحمد لونقيسه نقيــــــــــــــس
وحگك موبعيده عليـــــــــــــــه
اذا يطلب عرش بلقيـــــــــــــس
گبل خلق الخليقه حسين من نور
وگبل عاشور يدري ايمرّه عاشـور
بني هاشم تناخوا شيبه يم شيبـــــه
گلت انه الها سهله حسين يجيبــــــه
انه هُدهُد بني هاشم يكوفان
،،،،،،،،،
بياض گلوب منكــــم راد
هذا حسين مقصـــــــوده
المثل شيبة حبيب ايفـوز
يطب موسوعة اجــــنوده
يريد الينطي كون چفـوف
يلاگي الگاع بزنـــــــــــوده
دعوه وباقيـــــــــــــــــه للآن
يريد البالحقيقه انســـــــــــان
وبو السجاد مامحتــــــــــــاج
يجي وينصره ياهو الــــــچان
تذبحه سيوفكم وتنوح السيــــــــوف
گبال ام عون من ايطب للطفــــــــوف
لجل هاي الفجيعه وهاي المصيبـــه
گلت انه الها سهله حسين يجيبـــــه
انه هُدهُد بني هاشم يكوفان
،،،،،،،،،
لخادم الحسين ع
محمد الفهداوي
مابين مكه وكربلــه
الرايد يعرف المنزله
عن مكه تفرق كربله ويــــــن
گد الجروح الشالها حسيــــن
،،،،،
إلكعبه من اتفاخرت رب العرش حاچاهــا
وشگد صور عن كربله لمّن حچت راواهــا
گبال التضم اطهر جسد كل ارض لاتتباهــا
من الجنه تربة كربله باريچ من سواهـــــا
هواي الفرق يتعده الحســــاب
مثل الذهب عن سعر التـــــراب
والناتج بهل مسأله
مابين مكه وكربلـــه
گد الجروح الشالها حسيــــن
،،،،،،
درة نبي ادم الچ رب العرش نزلهـــــــــــا
وتحولت مثل الفحم يامكه اصلاً كلــــها
ودرة محمد تختلف يادرة الِتماثلــــــــهــا
ماترمش املاك السمه من تنزل اتصد الها
درة محمد درة احـســاس
تزداد نور شما اجت نــاس
تكبر الق تكبر عُــــله
مابين مكه وكربلـــه
گد الجروح الشالها حسيــــن
،،،،،،
بين اليحج وزيارته ومن بيته يطلع غبشه
سبعين حجه ازيارته الگاصد ركوب اوممشه
شفت الروايه ودمعتي سالت محبه ودهشه
الزار الحسين بكربله چن زار الله بعرشه
بيت الله گلب اليمتلك ديــن
لتگلي بيته اربع حياطيـــــن
وجه الله من اتصـــــد اله
مابين مكه وكربلـــــــــــه
گد الجروح الشالها حسيــــن
،،،،،،
قرط الجنان بكربله متناثر اعله انــــصاره
يزداد نور شما عتگ يزداد هيبه وشـــــاره
تنزل ملائك مية الف منّ العرش خطـــاره
هذا الحسين وكربله صارت مضيفه وداره
كعبة محمد تختلف غيــــــــــــر
حسين اعله جسمه يضلل الطير
ياهي الأعز ومـــــدلله
مابين مكه وكربلـــــــه
گد الجروح الشالها حسيــــن
،،،،،،
طف كربله ضيّف ضعن ينعد طفلهم ايــه
وبمكه چان اشچم هُبل وانعبد بيها هوايه
صحّيّ الضمير بصرختك وتنوع انته الرايه
تلگه اربعينيه ومشي وكربله بكل اولايـــه
تلاثين مليون اليجي يــزور
گد رحمة الله خير عاشــــور
وبكل فرع مية هلا
مابين مكه وكربلـــه
گد الجروح الشالها حسيــــن
،،،،،،
لخادم الحسين ع
محمد الفهداوي
إخذ وياك ياعباس جــــوديـــن
جود الزينبك والثاني لحسيـــن
چبير اخوانك انته وترفع الراس
وريدن كلهم يصيرون عبـــــاس
،،،،،
اريد اشفايفك لو صاح الحسين
تنشف هاي عن هاي
وريداً انته وخوانك تصيـــــرون
گصص متروسه بس ماي
تعگدون البيارغ يم الخيــــــــــــام
اعله زينب ثخنوا الفياي
عراضة ماي صيروا الهـا
يولدي گبال محملهـــــــا
اريدن بالدرب كلكــــــــم
يحس كل حيد كافلهــــا
بكل گطرة لبن من صدري اوصـيك
زينب گلها صار شما تحاچــــــــــيك
حدر هودجها حط متنك يعبــــــاس
انتچي اعليّه يزينب من تتعبيــــــــن
،،،،،
حِله وكت التعب ورباي واجت ساعات المجازه
وريدك للحسين تصير ياعباس عكازه
اريد اخوانك ايطيحون جنازه مگابله جنازه
حزم كون اربعه الضهره
المناير كشخة الحضـــره
واريدن بالطف تكسـرون
ياولدي النهر ضهـــــــــره
تره الجيش اليعسكر يبني عالمــــاي
همه شويه ونتم اربعه هــــــــــــــواي
اعله ضهر المهره من تلكـد يـــــــعباس
مثل خطف الشهاب اعله عالشياطين
،،،،،،،
اريدن سالفتكم باچر اتكون من حسين لحسين
اعله ابو سكينه جفن واحدكم ايصير ويغطّي العين بلعين
خط احمر ييمه وحضر تجوال المشي گبال الصواوين
اريد اهل البدو تسمـع
بزرتي ملوحة المصرع
وريدن خالكم باچــــــر
راسه بجالكم يرفــــــع
تره لحسين مو تربيتي للشـيـب
الوفه العدكم يغزر حته بالذيب
اريدن كون واحد واحد ايطيـح
دفاعن دون زينب والصواويـــن
،،،،،،
يم حضرة عفاف الطالبين صيروا اربع مناير
ومحل شاهد بحلگ اهل الدواين ومثل لهل العشاير
اريد احجاب فوگ احجاب تغدون وخدر دون الحراير
القلم سالفته من روحه
يموت وتبتدي جروحه
ردتكم فوگ زاد حسين
اعزاز بعز الملوحــــــــه
مثِل فرّت الطاگ اعله القطب كون
كعبه حسين وولادي اليطوفــــــون
وريد احرام كل وحد بالطفـــــــوف
من ثوب الشهادة ونصرت الديــــــن
،،،،،،،
الى مالا نهايه الخير بحسين لحد گطعة نفسكم
يبدي اول دعائي إمن الله وياچ يريت الله أيحرسكم
اضل انخالكم ؟ من بعد الحسين؟ ولا نبله التمسكم
وراكم انثر دموعـــــــــي
وضل الطم على ضلوعي
وذا جاني بِشر ينعـــــــــه
اگله حسين موضوعـــــي
اذا گلالي كل ولدچ مطاعيـــــــن
اگله اخبرني عن وليدي الحسين
اذا سالم سبع فدات يرحــــــــون
لبو السجاد ابني وگرة العيـــــــن
،،،،،،،
لخادم الحسين ع
محمد الفهداوي
اخذني العالم جروحك
الم چملني من روحــك
اخذني من المهد حد دمعة ام عون
ورزقني جرح مثل اليـنوحــــــــون
،،،،،،
اخذني الخيمة اختك والله محتار
وراويني الجروح الكلهن اكبـــــــــار
اخذني الصوب ابو فاضل لَمَن طاح
بدون چفوف ونته بحالك اشصــــار
اخذني منيدي مـــولاي
الى المامثله وفــــــــــاي
اريد ابچي اعله عبــاس
وطلع النبله من عينـــــه
شرط مثلك يالحسيــــــن
اكظ اصفاحي الثنيـــــــن
ادوّر بياكتر كـــــــــــــــون
طاحن وين چفيـــــــــــنه
يعالي ومحد ايلوحــك
الم چملني من روحــك
اخذني من المهد حد دمعة ام عون
ورزقني جرح مثل الينوحـــــــــون
،،،،،،
اخذني المهد عبد الله ارد اناغيه
ولوليله بدمعتي وارد احاچــــــيه
اشوف النبله هيه التوجعه المــاي؟
وذا چان العطش بدموعي ارويــه
اصير اعله المهد غيـم
وزوره واسكن الهــيــم
مطر امطر على شفـــاه
لحد ماترتوي اسنينــــه
اقبّل نحره بحــــــــساس
وسولفله اعله عبــــــــاس
اگله اعله النهر طـــــــــاح
العزيز الواعد اسكيـــــــنه
اعيشن لحضه وي نوحك
الم چملني من روحــــــك
اخذني من المهد حد دمعة ام عون
ورزقني جرح مثل الينوحـــــــــون
،،،،،،
اريد الطف اعيشه بكل الايـــــــام
وريد الخاطرك كلّيلـــــــــي مانام
وريد انه احترك حته اطلع انســان
مثل ماحرگوا اعله ام عون الاخيام
اضل وانه اركض انعــاك
وطيحن دمعه فـــــوگاك
وضمّد كل جرح بيــــــــك
وصرختي تترس البيــده
اگابل نحرك بليــــــــــــــــل
اقبله ودمعتي اتســــــيــــل
واشم من صدرك امصـــــاب
وبعد كل عمري ماريــــــــده
عدل بس انه مذبوحك
الم چملني من روحــــك
اخذني من المهد حد دمعة ام عون
ورزقني جرح مثل الينوحـــــــــون
،،،،،،
اخذني الشاب يشبة جده مذبوح
چملني جرح يالكلك جــــــــــروح
مرني اعله الشباب الحنته دمــوع
وضلت امه رمله بزفته اتنــــــــوح
اريد بنار الشمــــــــــوع
احترگ وذرفله الدموع
وشوفن حنتّه شـــــلون
تتحسر على اجفوفــــه
نبال الفوگه شوبــــــــاش
غطى صارلّه وفــــــــراش
اويلي اعله الولد مـــــــات
ساعة عرسه والحوفـــــــه
اريد ابچي اعله مطروحك
الم چملني من روحـــــــــك
اخذني من المهد حد دمعة ام عون
ورزقني جرح مثل الينوحـــــــــون
،،،،،،
اخذني اعله التل وخل اسمع الصوت
خل ابچي وي زينب لحد مامـــــــوت
وخلي اصعد وياها الناگه للشـــــــــام
وخلها بسوگ بيّه ويختك اتــــــــفوت
اليحب يتحمل الـنـــار
شتم ومشامر احجــــار
وحبل بچفوفه مشدود
لجل عين اليحبــــــــــه
معَ السجاد عــــــــــوّان
اطب خليني ديـــــــوان
واصيرن راوي مـــوثوق
وشكو موقف اكتبــــــــه
بجاه الخطك بلوحــــك
الم چملني من روحــــك
اخذني من المهد حد دمعة ام عون
ورزقني جرح مثل الينوحـــــــــون
،،،،،،
لخادم الحسين ع
محمد الفهداوي
چنت نصراني الأصـل
وبالمسيح اني اتصــل يروحي
البارحه بعيني شفـــت
جدك وبي آمـــــــــــنت يروحي
مامشتبه نفس الوجه
هوه وعلي الأكبر سوه يروحي
،،،،،،
وجه ابو الاكبر صــِـبح
ضل يسولفلي بـــجـرح
گلي الاكبر ينذبـــــــــح
وانه ضل دمعي يهــــل
من الحزن مغمي طحت
وكربله گبالي شفــــــــت
اه يللاكبـــــــــــــــر رددت
تنذبح لا موسهــــــــــــــل
عجيب هذا لو ابني وعلي بعيونه احرسه
حبيب ما أخلّي الريح تدّنّه وتلمســــــــــه
رهيب موقفك واجب يبو الاكبر ادرســـــه
گلي من گد الضمه
تظلم بعينه السمـه حبيبي
الشايل انوار اثنعـش
يشتكيلي من العطش حبيبي
أيطب خيمته ويم عمته
يگعد علي ويگطر ضوه يروحي
،،،،،،
گتله سولفلي بعــــــــــد
شيجري عن هذا الولـــد
شفته گض صـدره وگعد
من حچه گلبي انكســـــر
للحرب من يعتلـــــــــــــي
ياخذ عيوني علـــــــــــــي
الدنيه تضلم وبتلـــــــــــي
وانه اتبعه عله الاثــــــــــر
يطيح گلبي وي ابني واضل افرگ بديّه وأصيح بويه ضلمه بعين ابوك الغاضريه
ذبيح ويفتح چفوفه امنجي رغم المنيه
بحضني إحط راسه وأون
وابچي عالغالي وإحـــــــن وشمّه
صفاحه كَضَهن ونحنـــــــه
من حچالي عله الضـــــــنه وشمّه
گد النزف ماينعرف
لجروحه ما يرهــــــــم دوه حبيبي
،،،،،،،
حسين اخذني باعلمه
الكربله وبحر الدمـــــه
حچه عله ابنه ومئتمه
الچنه جده المصطـــفى
سولف وياي بهمـــــــــس
عن علي المثل الشمــــس
توني أسلمت وإحــــــــس
كلشي بعيوني انطفــــــى
حرام الشايل اخلاق وخلق جده وصفاته
حرام بعز شبابه الغالي ويودع حـــــــــياته
حرام شحال زينب عمّته وامه وخـــــواته
الدورت اعيونه حــــرز
الشوكه من تگربله افز وخافن
جدمـــــه لو لاح الأرض
گلبي يوگف وعتــــرض وخافن
ياسيدي منين ابتدي
حصّن علي بچم قل هوه ياروحي
،،،،،،
يم محمد منكســـــر
عيسى وصاني بــأمر
گلي طب بيت الطهر
وقبّل اچفوف الأمل
مدلي چفك يالسبط
ارد ابايع ورتبـــــــط
انه طير وأرد احـــط
يمك الّحد الأجـــــــل
اجيت گلبي يسبگ جدمي كل هاي المسافه
بچيت من چبتلي ابنك علي وشفت الترافه
نعيت ياهضيمه وياندامه وياحسافه
نوره من نور العرش
المثله يتغطه برمش جماله
بالحلم وي موسى اجه
يلمع ابليل الدجــــــــــه جماله
حط برگعه فوگه ونعه
ووياك اموت بنينـــــوه يروحي
،،،،،،
خذني فدوه اتوسلك
بالسفينه اشـــراع الك
وبيّه أبحر بالفــــــــلك
اين ماحل الرســـــــــه
راضي بالشوگ احترگ
من اعوفگ اختنــــــگ
يانسيم الله الصـــــدگ
گلي موسى اتنفســـــه
اروح سيدي وياكم الى ارض الــــشهاده
انوح من يطيح ابنك علي بحض السعاده
جروح الله يرزق كلمن ايحب اعتــــــقاده
رايد اخدم هل شبـــل
وعنه بلگي اشگف نبل بالطفوف
بصدري اتلگه الرمِـــح
عن علي وگبله انذبِح بالطفوف
عابس علي قبله انولي
حُسن النبي والمحــتوه يروحي
،،،،،،،
لخادم الحسين ع
محمد الفــهداوي
