ملك الموت اليقبض روحي گلتله بحنين
إرخصلّي محلفك بجروحـي ازور الحسين
وسألنّه امــــــن ازور
على الحجه الغيــور
،،،،،،،
من اجاني عل امانه
نزلت ادموعي اعله خدي وگمت اصيح
بيّه حسره وبيّه لهفه
گتله مشتاگ ارد اشم عطر الضــــــريح
كض روحي وراح مَـــــلكِ الارواح
وبرمشت عيــــــن
وصلّني النــــــــور گلي ادخل زور
سلمَ عله حسيـن
من طبيت بنص الحضره شعرتَ بآمان
سلمت اعله حسين وسلم عليّه بحنـان
وعشت احله شعور
وسألنّه مـــــن ازور
،،،،،،،،
عن مغيبه الحيراني
گمت اسولف للحسين اعله العــــذاب
يابو سكنه والله محنه
گلبي من كثر اشتياقي وحـــزني ذاب
عطشان هواي الشوفت مولاي
وداعت عــباس
فرهدني الشيب شما شمس اتغيب
ابچيلّه احساس
ما نامن واليل ايغمــض افكّر بالحبيب
ارسم جيته گبالي واركض يجاني من المغيب
ويكّحّل عينـي نور
وسألنّه مــــن ازور
،،،،،،،،
يا ابو الاكبر حزني يكبر
بيّه من يمشي العمر اكبر هــــــــــيام
گتله تـــــدري يا امامـي
اني موتني تشتياقي اعله الامــــــــــام
عايش محــتـار وبگلبي النار
تحرگ بالروح
تانيته بطيـــــف مامر ياحيف
وانه المذبـــوح
من كاروكي الساعة موتي امهد للخــروج
ميت وبچيــــله بتابوتي رغم موتي الوج
شوكت عصر الضهور
وسألنّه مــــــــــن ازور
،،،،،،،،
ردت اشوفه بعيني مره
العايش بنص خيره كل هاي السنيـن
البي محنّه گد حنانك
شما بچيت بلهفه يبچيلي بحنيــــــن
سلملي اعليـــه وگله متانيــه
بلحدي اترجاه
لوحان الثـــــار ويريد انصار
يلگانــــي وياه
من ايصح المهدي انصاره اگوم من الگبر
وتحزم من يطـلب ثاره امامي وننتصــــر
اليخدمه ايحس فخور
وسألنّه مـــــــــــن ازور
،،،،،،،،
حلوه لمن نگعد احنه
ويگعد بنصنه ويسولف عالطفــوف
يقره مقتك وحنه نسمع
من ضريعك لاخر اطراف الچفـوف
يحچـــــي بألام ضعنك بالشام
ويطب للسوگ
ويرسم بدمـــوع چم طفله اتلوع
وهيّه اعله النوگ
عن اجروحك يقره ويبچي ودمعته تسيل
وعن الفوگك ماتت يحچي ورفعها العليل
يسولف عالنـــحور
وسألنّه مـــــن ازور
،،،،،،،،
لخادم الحسين ع
محمد الفهداوي
كَأَنَّهُمْ حُمُرٌ مُسْتَنْفِـــــــــــــــرَة
لمن فزع كافل اخته القسـورة
،،،،،،
ليث چنه وفوگ المطهم صـعـــد
اسرع من الريح كض رمحه ولكد
غيّم وزلزل على الماعدها ديــــــن
ولمض فوگ الجيش بتاره ورعـــد
صاح النهر هلا بشيمة حيـــدرة
كَأَنَّهُمْ حُمُرٌ مُسْتَنْفِــــــــــــــــــــرَة
،،،،،
سيفه فك ريچه بخمس ميه وكسر
وابو فاضل ضل يدوّر اعله الشـــمر
صاح وين الگال عوف حسين اخوك
ادري ضم راسه ولبد هسه بجحــــر
محد صمد من اچه ولابن مـــرة
كَأَنَّهُمْ حُمُرٌ مُسْتَنْفِـــــــــــــــــــــرَة
،،،،،،
طير ابابيل وخطف عالحومــــــه
رِكض قائدهم وذب اهدومــــــــه
غَضَب رب الكون هد من الخيا م
وگطع روس البلغدر مسمومـــــــه
ام الخدر تنضر ومستبشــــــــرة
كأنهم حُمُرٌ مستنفــــــــــــــــــرة
،،،،،،
قِسم ضلت صافنّه ومذهــــــــــوله
شال ذوله وطگهم بنص ذولــــــــــه
قِسم وصلوا للنجف يتراكضــــــون
وقِسم ضلت عالنهر مذولــــــــــــــه
مهره سحگ حته قاده بحافــــــرة
كأنهم حُمُرٌ مستنفــــــــــــــــــــــــرة
،،،،،،
رمحه مثل اليث فگ حلگـــــه وزئر
وصاح منعندي الى اين المفـــــــــــر
قسم عبرت فوچ من طب للفـــــرات
وشبع ماي وطين كلمن ماعبـــــــــــر
سوه الزلم أخو زينب گنطـــــــــــــرة
كأنهم حُمرٍ مستنفــــــــــــــــــــــــــره
،،،،،،
يبس بعروگ الزلم دمها ونشـــــف
وبيرغه فوگ النهر بس هــــوه رف
طاحوا من ضهورهن فوگ الــتراب
بيوم كافل زينب عليهم خطــــــف
كل دنگوا للذبح لزموا ســــــــــــرة
كأنهم حُمرٍ مستنفـــــــــــــــــــــــــرة
،،،،،،
علي وحمزه وجعفر وهوه اربعـــه
اجتمعو بعباس هچي اتوقعـــــــــه
ملا الجود وفرغّه ورد ملا الجـــود
وراد يچفي گبال سكنه المشرعــــه
گد ماغضب نهر بـدّه اعله الثــــره
كأنهم حُمرٍ مستنفــــــــــــــــــــــره
،،،،،،
سيفه رحّت موت يفتر مايچــــل
طحن روس الگوم سواهن كحــل
رمش مايطبگ رمش صفنوا عليه
همه موته وچان ابو فاضل عــدل
من طب لِمح موش وادم مگبـــــره
كأنهم حُمرٍ مستنفــــــــــــــــــــــــرة
،،،،،،
لخادم الحسين ع
محمد الفهداوي
نايم بحضني چنـــــــــــت
تنذبح ماحسبــــــــــــــــت
يعمـــــري
الله لاينطي السهـــــــــــــم
صابك وگلبي الّچـــــــــــــم
يعمري
راح الولد يمِ المهد
امك يعبد الله تون يعمــري
،،،،،،
يبني يالچنك صبــــــح
وينك اوين الذبـــــــــح
سهمك اتحول رمــــــح
وصاب گلبي وچبــدتي
ذابحك يبني الضمـــــه
گماطك اتحنه بدمــــــه
حضني الك چان السمه
واني الولي بدمعتــــــي
ذبيـح يابو وجه اليگطر احساس وبرائه
اصيح يا الاهي بياذنب سفكوا دمائــــــه
جريح انه ابوك ويومك الزيّد بلائــــــــــه
گمت ماشوف الــــــــــــدرب
من كثر دمعي اليصــــــــــب
يبويه
انه والميت ســـــــــــــــــــوه
امكابر اتنفس هــــــــــــــــوه
يبويه
موت الطفل لاموسهل
يبقه الأبو ولأم تحن يعمري
،،،،،،،
كلشي بعيوني انطفــى
وحك جدي المصطــفى
بحالي لوتدري اشصفى
ياكل بروحي النــــــــدم
اه ينبلة حرملـــــــــــــه
موتتني بكربلـــــــــــــــــه
ذبحت اشچم بسملــــــــه
وچم نحر ضل يــجـر دم
بقيــت شايلك والموت يتباوع علـــيه
صفيت بويه ياعبد الله بس افرك بديه
حنيت ضلوعي ومحدب رحت لختك رقيه
بعيني صورة مصرعك
والدموع اتشيعـــــــــك
مصيبه
ساكت ودمعي الحچـــه
والمهد صاح وبچـــــــــه
مصيبه
مات الأمل ضامي ارتحل
ذابل رجع ذبلة غصن يـــعـــــري
،،،،،،،
عمتك ومك اجـــــــــن
ولطمن عليك بشجــــن
شمعه يمك وهجــــــــن
والضوه ايشيع الضـــوه
مجلسك مجلس دمــــع
وانه گاعد وستمــــــــــع
سكنه تلطم عالضلــــــــع
تصيح يابعد الهـــــــــــوه
اشوف لزمت هدومك رقيه بين اديهـا
تطوف عالمهد وانه انضر وابچي عليها
طفوف عذبتني وعيلتي شمسويه بيهــا
ذبّحت ال النـبـــــــــــي
راسي شاب وحاجـــبي
سبتني
جرح شلت اعله الجرح
بيها كل لحضه انذبــــع
سبتني
دمعي خلص من الغصص
كلساعه يم غالي امتحن يعمري
،،،،،،
يارضيعي الماكبـــــر
عام واحد ماعبـــــــر
هنّه سته وكل شهـــر
يكبر بعيني عشــــــگ
گلت اذخره الكبرتــــي
وللمشيب وعازتــــــــي
مادريت ابدنيتـــــــــــي
تاخذه وهيچــي إحترگ
زغــير وينه وينه الموت والنبله وضماهم
الجبير يختنگ مايگدر ايعيش بهواهـــــم
اميـــر عمره ست اشهر ولكن حيراهــــــم
ابني ثوره بمنــحـــره
المهدي يطلع ثائـــــره
ينادي
يالي ثارات الطفــــــــل
ضامي بالطف منچـــتل
ينادي
من مرقدي حگ يبتدي
إيطلّعك يبويه من الدفِن يعمري
،،،،،،
لخادم الحسين عليه السلام
محمد الفهداوي
شفتك منول جــــرح
سيدي الحد الذبــــح
انت عايش ياحسيـن
واليذبحك ينذبــــــح
حسين لو ميت صدگ چان انّسه
ولا يضل لليوم قائم مجلســـــــه
،،،،،،،
ياغريب المثلك ايوزع امــــــــان
ياهو مثلك تارس عيون الهــــلاه
ياهو مثلك علّم الأم عالحـــــــنان
وفظلك اعله الوادم بگد كربلــــــه
والله عاشورك رساله بكل زمـــان
تُهرمْ الدنيه وجمالك في عُلـــــــه
ياهو مثلك سيد اعله اهل الجنان
بس اخوك ايشبهك بهل المنزلــــه
انه اشوفنّك عــدل
يابرائة كل طفـــــل
ثوره وديت النسـاء
سيدي فوگ الهـزل
امصابك امبچّي الزلم مثل النسه
حسين لو ميت صدگ چان انسه
،،،،،،
لليسافر گالت اصحاب العقــول
شيل تربة كربله بجيبك حـــــرز
تراب وبكل ذره تلگه اربع فصول
بكل فصل لودققت يطلع لغــــــز
وبالشعر تلگه الحسين ابن البتول
اجر ينطي الخادمه صدر وعجــز
شمر يذبح منحره وسيفه اليزول
يكبر بعين الله كل ماضل يحـــــز
خنگه چانت نينـــــــوه
ونحرك ايوزع هـــــــوه
والله چان الطف ضلام
وبس جبينك بي ضـــوه
هذا سر اسرار اصحاب الكســــه
حسين لو ميت صدگ چان انسه
،،،،،،،
ثوب الحسين انسلب والسلــبـــــاه
سنينه ويامه وشكو عنده انهــــــب
والله ناده حسين من سابع سمــــاه
گبّــــه اشيد عليك باچر من الذهب
الله باع الدين وبنحره اشتــــــــراه
وبن مريم سولف القصه الوهـــــــب
جاب امه وذب صليبه ورف لــــــواه
چان نصراني وصبح شيعي النسـب
كلمن اوياك انتفــض
هذا بس العنده حض
الماينصرك انه اشوف
بعـتـقاداته مــــــــــرض
شيعته شماطر فجر تتنفســـــــه
حسين لو ميت صدگ چان انسه
،،،،،،،
طاح عطشان ومهر امه الفـــــــرات
بجود نزلتله ملائكت السمـــــــــــــه
حسين هاك اشرب أوّروّي الذابلات
من اشرب ايعطشون شيعة فاطمـه
گال من بعد الذبح تبدي الحيـــــات
والصبر مفتاح حُسن الخاتمـــــــــــه
باچر ايذكرونّي بالتعزيـــــــــــــــــات
وأرتوي من الدمعه ويهون الضمـــــه
الزهره تحضر بالعزه
النضره منها الجائزه
بكل مجالسنه تجـي
واقع بلا معـــــــجزه
باقي للاجيال هوه المدرســـــــه
حسين لو ميت صدگ چان انسه
،،،،،،،
انه اشوفنك عدل من امشي ليـــك
وتدعي ياربي بمصابي وغربــــتــي
اغفر الخادمنه اذا باچر يجيــــــــــك
هذا عاف اهله وگصد لزيارتــــــــــي
تجيبلي من العرش خير بچف اديك
وارجع براحه شكبرها العيلتـــــــــــي
حيره ابچي الحالي لو ابچي عليــك
شما انوح انوي الثوابك دمعتـــــــــي
من سنه الداير سنــــه
عقلي حُبك جننـــــــــه
شعندي غيرك ياحسين
انته كُل المقتنــــــــــه
يا سفينة نوح وعله الطف رســـه
حسين لو ميت صدگ چان انســه
،،،،،،،
لخادم الحسين ع
محمد الفهداوي
ضل ميل المصيبه بالتنازل يعد
يالله ياحسيني للعزاء استعــــد
ضل كل يوم يــدّنّه
مجلس سيّد الجنّــه
،،،،،،،
يبكائين ماضل شي اعله عاشــــــور
اقترب شهر المصيبه ولطم الصدور
بعد ايام والزهره ام الحسيــــــــــــن
قميص اولديها انعاينلّه منشــــــــــور
تنادي بدمعة العيــــــن
الى من باكي لحسيـــن
اليواسيني بهل امصاب
يفوز الدنيه والديـــــــن
واليبچيله دمعه يكتســـب اجر
زاد اوياك اخذ ياشيعي للگبــــــر
الراد بعمره يتهنّـــه
مجلس سيّد الجنّه
،،،،،،
يگولون السواد ولبسه موزيــــــن
ونگلهم حزناً انلبسه اعله الحسين
نذگرهم بقول الحجه مــــــن گال
لاابكيكَ دماً ياجدي كل حيــــــــن
اعتقد من گد الهمـــــــوم
يگض بجروحه ويگــــوم
بچي المعصوم بحســـاس
اذا يبچي اعله معصــــوم
الگلكم ماجزعتوا ماشبعتوا لطم
گلوله الجرح واصل الى العظـــم
بأقصى الأرض نتعنّه
مجلس سيد الجنّـــه
،،،،،،،
چبيره الفاتحه بگد دمعة ام عون
منوّل بقعه لاخر بقعه بالكــــــــون
لحد الأن تبچي اهل السمـــــــوات
وقِسم بيهم اگبال الگبّه يبچـــــون
ملائك تنزل هــــــــواي
بثوابه توزع المــــــــاي
وحمام الحضره لوطار
مجال ايسوّي للجــــاي
الرايد جنّه هاي الجنــّــــه بالأرض
اليسمع بالمجالس خل يجي ركض
منّت رازق المــنّـــــه
مجلس سيد الجنّـه
،،،،،،،
خل انشد حزمنه بهذا المصـــــاب
ونفتح للمشاعر ميت الــــــف باب
بقت ايام زينب عالتل اتصيــــــح
خويه حسين نايم فوگ التـــــراب
على التل زينب اتصيح
وخوها ايگوم ويطيـــح
ولا نغار لم عــــــــــــــون
حشيره امست مذابيـــح
امصيبه ايشيب منها ويُهرم الطفل
اخت حسين زينب تركب الـــهــزل
رحمه بعيني اشوفنّه
مجلس سيد الجنّــــه
،،،،،،
لحد الأن صوته ايگطع النفــــــــاس
الى من ناصراً ينصرني يانـــــــــاس
لهذا اليوم ضهر حسين مكســــــــور
بضريحه ولازم اصفاحه اعله عباس
لحد هل ساعــــه والله
اعله اخيّه يابسه اشفاه
ينادي ودمعته تسيـــــل
يبو فاضل اويــــــــــــلاه
يبچي اعله الچفوف وطيحت العلم
ويلطم عينه كلما يذكر السهـــــــــــم
حجّه وعمرهّ احسبنّه
مجلس سيد الجنــّــه
،،،،،،،،،
لخادم الحسين ع
محمد الفهداوي
عريس وشمحله الدرع واللأمــــه
وحسين حزّم أبن اخوه بعمامــــــه
،،،،،،
گلاله ياجاسم يشبل الـــــغالــــــــي
رمحك ينوش الراس وين العـالـــي
طب ليها يبن المايچل بالميـــــــدان
وخليني اشوفك من تصول گبالـــي
من جدمه شايل زود حد الهامــــه
عريس وشمحله الدرع واللأمــــه
،،،،،،
للحومه طب وحسين ضل ايشوفـه
ومنّه الزلم وصلت ركض للكوفـــــــه
طاگين رحه وگام يطحن بالجيـــــش
يازلمه يوگف من تدير چفوفــــــــــــه
يستنگي وين القائد بصمامـــــــــــــــه
عريس وشمحله الدرع واللأمـــــــــــه
،،،،،،
من ارتجز گلهم اذ اتنكــــــــــــــروني
شبل الحسن وحسين نور عيـــــــوني
ياناكرين البيعيه وين اتشــــــــــــردون
جدامكم وجه وگفه تلگونــــــــــــــــي
ركضوا مثل ركض الطفل جدامـــــــــه
عريس وشمحله الدرع واللأمـــــــــــه
،،،،،،
هز رمحه والحومه انچفت عالغــبــره
شما كضله فارس كسر يكسر ضــــهره
شبل الحسن ياعمي مو ياهو الچــــان
چا غير ابن هاشم ونسل الزهـــــــــــره
تدعيله رمله وعمته بخيامـــــــــــــــه
عريس وشمحله الدرع واللأمــــــــــه
،،،،،
طب ليها يتبختر ورد طب ليــــــــــها
وبرجله ضل جاسم يدوس اعليعــــها
الحومه طاسة مــــــــاي كـظّــاها وراد
وحاچه الحسين وكلّه عمي أچفيـــــها
عن الحسد للرمش چان الثامـــــــــــه
عريس وشمحله الدرع واللأمــــــــه
،،،،،،
سيفه ابكثر مابيّس بقادتهـــــــــــــــم
ينشاف لونه احمر مثل رايتهـــــــــــم
چلمة ادخيلك تفتر بكل الســــــــــــان
منّ اول الشمر لاخر شمر حالتهـــــــــم
دمام طفهم صاح يم دمامـــــــــــــــــه
عريس وشمحله الدرع واللأمـــــــــــه
،،،،،،،
فلقة قمر جسّام من طب چنّــــــــــــه
وبچفوفه إسم حسين لگط الحنـــــــه
ضل صَف يلوذ ابصَف غدوا يتباچـون
واحد لبد بالثاني كلهم منّـــــــــــــــــــه
چن حمزه جده وهيجي شد احزامه
عريس وشمحله الدرع واللأمـــــــــه
،،،،،،،
لخادم الحسين ع
محمد الفهداوي
صگاري كل الزلم عم اسكنيـــــــه
سطراتو تشبة حيدره بصفينــــــه
،،،،،،
هين المواقف والرجوله الكبـــــــره
يوم اعتنه المهيوب صوب الزمـــره
الكد بها وتمايل اعله الشگـــــــــــره
سيرت حياتو خـطّها بچفينــــــــــــه
،،،،،
جنب الفراتي لوردت تگراهـــــــــــــا
گصة محبتو عالجرف خطاهـــــــــــا
حين التگه اويالگوم ليثاً جاهـــــــــا
يستنگي ضل بالروس وينه اوينــــه
،،،،،،
سد الطريگ وگلع راس العايــــــــــل
عباس حيداً بس مراجل شايـــــــــل
ابن ابدويه وخيرة الگبايــــــــــــــــل
شهماً تلگّه السهم ملگه بعينــــــــــــه
،،،،،
يوماً ابا الفضلي ضحوكاً جاهـــــــــا
ماهو بعبوساً والزلم بچاهـــــــــــــــا
فين الچبيره صيدتو استنگاهـــــــــا
فلگت بدر ويشيع ضوه وشزيــنـــــه
،،،،،
حين ارتجز عالشاطي ذل القـــــــاده
وثنتينِ تنعد طگتو وزيـــــــــــــــــاده
نال المكارم من ابوه وجـــــــــــــداده
شبل الأصايل كونهم ناسينــــــــــــــه
،،،،،
يوم التگله وي الجيش حشم سيفــو
عزبهم وبتاره حيّه بضيفــــــــــــــــــو
فارس رهيّاً والمنيه بكيفــــــــــــــــــو
مثل اسعفه بريح الشمر رجلينـــــــــه
،،،،،،
هذا الصدوگن والقليله امثالـــــــــــــهُ
هذا الدحه الجيمان طرف خيالـــــــــهُ
مامونه زينب والخيام بجالــــــــــــــهُ
مشكاتي يسطع ياحلاتِ اجبينـــــــــه
،،،،،،
صگراً تمغط هيجي مد اجناحــــــــــو
فوگ الدرع خله الدليل اوشاحـــــــــو
قائدهم من الخوف گض اصفاحــــــــو
حنّه شدهانه وصوبه المن جينـــــــــه
،،،،،،،
لخادم الحسين ع
محمد الفهداوي
چانت الوادم نهايـــــــــه
ومنحرك هوه البدايــــــه
يربح اليمشي اعله رايـك
يخسر اليمشي اعله رايـه
،،،،،،
يارسول العصمه قصدك
تزرع بگل گصه غيـــــره
وكل گلب تزرعله ديـــن
والمُهمه الجيت بيهــــــا
تهدّل امتون الرسالـــــــه
وتنحني يمها السنــــــين
بكثر شيب البيك رحمه
وهمه ناس بلا وقـــــــار
انت وين وهمه ويـــــــن
مادروا بيك انته تكبـــــــر
وليضدك عميه عينــــــــه
ولانحسّب عنده عيــــــــن
بزرة الكوثر يقيـــــــــــــــــــــــن
ثنين ماغير الثنيـــــــــــــــــــــن
لونهر اسمه العقيلــــــــــــــــــــــه
لو نهر اسمه الحسيــــــــــــــــــن
وداعة ادموع السبايـــــه
يخسر اليمشي اعله رايه
،،،،،،،
انت يا اسرع سفينــه
وعله ساحل كربــــلاء
ضعنك الطاهر رســـــه
تسولف وبيدك تأشـــــر
همّه ضل يتــــشاورون
شلون ناخذ محبســــــه
نطيت الهم كلشي تـملك
من علي الحد الرضيــــع
ونفسك التتنفســــــــــــه
انت من مدرسة حــــيدر
همه وادم جاهليــــــــــــه
عاشوا بلا مدرســــــــــــه
العايش براسه يزيــــــــــــــــد
خبرته گطع الوريــــــــــــــــــد
مادروا من تنذبـــــــــــــــــــــح
نحرك ايخظر جديـــــــــــــــــد
دمك بكل گطره ايـــــــه
يخسر اليمشي اعله رايه
،،،،،،،
ياسوالف جــــــــــــنة الله
حچايتك كلش ثمينــــــــه
واغله من الجوهــــــــــــره
ميزه چان بنور وجهـــــــــك
ياخذ عيون النضــــــــــــرلّك
أمن الأرض للأخـــــــــــــــــره
ياهو مثلك هيچ عـــــــــــزّب
بهله كلهم وينه وينــــــــــــــه
وللذبح لزموا ســــــــــــــــــره
من شفت طفهم عــــــــــبرته
ياحسين بكل سهولـــــــــــــه
مثل عبرة گنطــــــــــــــــــــره
منيلهم عباس اخــــــوك
ولامثل امك وبـــــــــوك
مادروا بعد الحوافــــــــر
تلتم اشما طشــــــــــروك
هذا واقع مو حكايـــــــه
يخسر اليمشي اعله رايه
،،،،،،،
شما عطشت اتصير احله
وتضحك بوجه الفــــرات
مازعلت عله الضمـــــــــــه
چان نضرتهم جوائــــــــز
ونضرتك جانت بعيـــــــده
توصل الباب السمــــــــــــه
تودي بجفوفك رسايـــــــل
والعرش ساعي البريــــــــد
كلها مكتوبه بدمـــــــــــــــه
زعفره ابأهله اعتنــــــــــالك
گالك سمعن وطاعـــــــــــــه
ياشبل حامي الحمـــــــــــــه
گتله ما اقبل محـــــــال
تدخل وياي بقتــــــــــال
ضلل اعليه من اطيـــــح
وبچي من تبچي العـيـال
هذا مضمون الروايــــــــــه
يخسر اليمشي اعله رايـــه
،،،،،،
من طحت مالت الدنيه
نزل عزرائل كضـــــــــها
راد يطـويــــــــها الأرض
گالك يحسين آمــــــــــر
هسه اچفي الغاصريــــه
فدوه بس لاتعتـــــرض
خالق الله الدنيه لجــــلك
لاتفكر بال اميـــــــــــــــــه
يامن ايطبهم مـــــــــــرض
من تصلي انشم صـــــلاتك
بالچان اتهب علينـــــــــــــه
چن بخور بكل فــــــــــرض
گتله يامحله الجــــــــروح
لختي موش الحالي انـوح
ياملك ذبّاحي جـــــــــــــاي
انذبح وويــــــــــــــاك اروح
البي تثق امشي اعله مايه
يخسر اليمشي اعله رايـــه
،،،،،،
لخادم الحسين ع
محمد الفهداوي
فوگ المهـره من صال
حسين اتبسم وگـــــال
عفيه ابني علي عفيه ابني علي
،،،،،
حسين يصيح هذا ابني التشوفونـه
فنكم لوزلم مگبل تلاگونـــــــــــــــــه
چف عنده مثل چف عمه ابو الغيــره
فگر اللّاحه يشمر خده وعيونــــــــــه
ناش الروس الثگــــال
حسين اتبسم وگـــــال
عفيه ابني علي عفيه ابني علي
،،،،،
بلعوا ريجهم من سرفن اذراعـــــــه
وضل يفتر عليهم ميل وبساعـــــــه
حسين الطف شراه ابمايه وترابـــــه
وادم لفوه اجوله ودخلو ابگاعـــــــه
الخيّم حمل وشــــــال
حسين اتبسم وگـــــال
عفيه ابني علي عفيه ابني علي
،،،،،،،،
غلبوا خيلهم من ركضو گبالــــــه
ليث ومادنت نفسه اعله الفضـاله
وين الجان گدها ومندعي بيـــها
ضل ايصيح آمر جينه فصالـــــــه
تشكل من طب اشكال
حسين اتبسم وگـــــال
عفيه ابني علي عفيه ابني علي
،،،،،
زينب هوستله بطارف الشيلـــــــــه
وصاحت عفيه يبني من الخيم ليله
تلمع من جميع اكتارك وتذبـــــــــــح
ذو الفقار چنك فوگ الكحيلــــــــــــه
زُوُد اتصيح العيــــــال
حسين اتبسم وگـــــال
عفيه ابني علي عفيه ابني علي
،،،،،
رد ايهز بديه منهم لبو اليمـــــــــه
حسين اتبسماله وقبله وشمــــــــه
لكبر حب ابوه وشاوره وگلـــــــــه
جيش ابكبره بيهم ماشفت زلمـــه
عالوا وانه عيّــــــــــال
حسين اتبسم وگـــــال
عفيه ابني علي عفيه ابني علي
،،،،،،،،
سنبل فارغه وكل خير مابيــــــــــهـم
وبمرواح سيفه ضل يذريــــــــــــــهـم
ناس اكشور مابيهم نفـــــــــــــــع ذره
تصوم الحمر لو للحمر ننطيهــــــــــم
من ثگله القصر مــــــال
حسين اتبسم وگـــــال
عفيه ابني علي عفيه ابني علي
،،،،،
لخادم الحسين ع
محمد الفهداوي
رضيع ورگبتك قِبلــــه
ورسالة حرمله النبلــــه
لحظات وتموت بحضان الحسين
وين تروح عبد الله بعد ويـــــــــن
،،،،،،،
حسين من خلص رسايل
طلعاك ازغر رســــــــــالة
وشالك بحضنه مضيـــف
من ربيع المهد چابك
غصن زيتون السلامه
وگفوا گبالك خريــف
عالسهم كتبو عباره
لازم تموت البرائــــه
وينذبح كلمن شريف
يونسيف ال محمـــد
لو طلع ياخذ حقوقك
مو مثل كل يونسيف
يشيلك باچر بحضنــه
ويحاچي العالم بحزنه
يصيح بحسره يبقه عليك كل دين
وين تروح عبد الله بعد ويــــــــــن
،،،،،،،
من لمع نحرك تراچي
ابيض من الفضه لونه
ماخجل وجه السهــم
ماگو بيرغ بيه حميه
اله وياگماطك علاقه
بخيط چاناح بألـــــم
كربله چانت غريبــــــــه
والعرف بس حضن ابوك
ومهدك وذيچ الخيـــــــم
اغله من الدر الأحمـر
چان ياعبد الله دمـك
من صعد ماچنـــه دم
ابوك انباگة انفاســـــــــــه
ومشيب اشگد ترس راسه
حچه وياك بعبرته ودمعة العين
وين تروح عبد الله بعد ويـــــن
،،،،،،،
ياقنوت حسين چنـــك
اسرع من الضوء توصل
للعرش وهل السمـــــــه
محسن اتلگاك يبچــــي
گاوداك وطـب على امه
اه صاحة فاطمـــــــــــه
بايگ ارسومك عطشهم
منحرك بيه نبله صلفـــه
وخدك امحنّه بدمــــــــه
يبني ياعبد الله تدري
ماي كل الدنيه مهــري
ونته مت من الضمــــه
الزچيه تگلك بحسره
نهرنه اتسلب ابكبـــره
اذا حته العطش طب للصواويــــن
وين تروح عبد الله بعد ويــــــــــن
،،،،،،،
النبله من غصن السقيفه
بضرف ضماها الخليفـــه
وگال هاي الحرملــــــــــه
وبتدة اول ضلامـــــه
من فدك لاخر خيمكم
هيچي مثل السلسلــه
وحتلال الكل مقدس
لامدينه لاجوامــــــع
لانهر لاكربلــــــــــــــه
فتوه انطوا استباحه
كل حلال الله غنائــم
فرهدوا كلمن الـــــــه
يعبد الله البگه براسك
بشرهم باگة انفاســــك
عليكم صارت العدوان صوبيــــــن
وين تروح عبد الله بعد ويــــــــــن
،،،،،،،
شعندك بهل دنيه هاجر
يابياض الكبعه سافــــر
وسكن بنص جنتــــــــك
شَبه وي حنت القاسم
هاي لوعه وذيچ لوعه
حنته ودم ركبتــــــــك
انت من دنية محمد
هاي دنيتهم جـــوائز
ماتشابه دنيتــــــــــك
لوبقيت تعيش غربه
لوذبح لوسم مصيرك
لو تذبحك غربتــــــك
رحيلك واجب الواجب
بشر مابيها وتعاتـــــــب
فقط بس بالأسم وادم مسلميـــــن
وين تروح عبد الله بعد ويــــــــــن
،،،،،،،
لخادم الحسين ع
محمد الفهداوي
بويه گاعده ورسم ضعن جــاي
بويه بس دمعتي وحزني ويـاي
تبقه تتراجف اديــــه
شمابديت ارسم رقيه
،،،،،،
اگضي كل ليلي حايره واهم
من دمع عيني ينگع الرســـــم
كل فجر گلبي بويه يلچـــــــم
چن گبر داري نسمه ماكو اشم
انه والبيت ودمعتي صحنه مر بينه
چن توابيت بغيابك كل حياطينـــــه
وينك ياشريك انفاسي والروح
وينك فرهدت دلالي الجـــروح
ميته بحضان المنيـــه
شمابديت ارسم رقيه
،،،،،،
قصت عيوني بويه بس دمع
وحترك لجلك حرگة الشمـــع
يمته ترجعلي خاطر اقتنــــع
حافر الغيبه هشم الضلـــــــع
من رحت ويّاك راحت للطف عيوني
نعش بس النفس بيه هيجي عفتوني
موتي من اشوفن تهتز البـــــوب
موتي ضل يجيني وكت الغروب
اختنگ كل مغربيـــــه
شمابديت ارسم رقيه
،،،،،،
زغيره وهمومي باگت العمــر
يم الم فگدك بارد الجمـــــــــر
چن غصن محني بويه والهجر
لازم بروحي ورايد انكســــــــر
من دمعتي التجري اكتب كل مراسيلي
بين چلمه وچلمه بويه يابعد حيلي
ارجع لحگ اعله بنيتك اليوم
ارجع شيّبت دلالي الهمـــــوم
اشم طف وغاضـــريه
شمابديت ارسم رقيه
،،،،،،
ارسم اشفافك وابقه اتحســــر
شما اصد ليهن بويه تتفطـــــــر
بالرسم ونعه وابچي ما اگـــــدر
واحچي بدموعي وي علي الاكبر
خويه گلي عن حبيبي وسلوت ايامي
ياعلي الأكبر احسن والدي ضامي
ضامي شما ارسمه ايگلي عطشان
ضامي يَمه خيمه ويَمه دخــــــــان
نبقه نبچي احنه سويه
شمابديت ارسم رقيـــه
،،،،،،
انه كل ليله اطفه وحتـــــرگ
الغابت انفاسه حگه يختنــــگ
گلبي بحروفك نبضه ضل يدگ
والهجر حلم ريته موصـــــدگ
كون مواقع وفزن والحلم يگضي
وبتشر ولگه خواتي وانسه كل مرضي
يمي كون اشوف بعيني الحسين
يمي عمي ما فاگدله چفــــيــــــن
ماكو رجعه ترد عليّـــــه
شمابديت ارسم رقيـــه
،،،،،،
لخادم الحسين ع
محمد الفهداوي
بعيوني شفتك يالگمر
طايح نهر يم النهـــــر
عباس عباس
،،،،،،،
يالما درت وجهك ابد للمــــــاي
شويه النهر ونته التضل هـواي
محسب تضل طول العمر وياي
ياخيمتي وياكشختي ورجواي
جيتك للنهر ياخويه گـــــــوه
ياعباس ياطيب الخـــــــــــوه
ضهري عليك خويه انكسر توه
يمك يبو فاضل متت
بلياك ارد اتحيــــــرت
عباس عباس
،،،،،،،،
يحزام اخيك للشدد والبيــــــن
لمن تموت ايموت اخوك حسين
ضهري انكسر يابو الفضل مرتين
مره اعله عينك مره عالچفيـــــن
جيتك للنهر ماگاطع اليـــــــــاس
بلكت بيك الگه من الرجه انفاس
من اتموت اموت وياك عبــــــاس
يالنايم بعينك سهــــــــم
عطشانه الك حته الخيم
عباس عباس
،،،،،،،،
يامن سبع فدوات الك يرحون
ربع الشمر وهل الشمر يغــدون
رايد تخلي حسين اخوك شلون
لا ميت ولاحي يبدر الكـــــــون
لتگول ياخويه نسيتـــك
وعله الشريعه دوريتــــك
مذبوح عالشاطي لگيتك
گلبي يعباس انشلــــــــــــع
صفاحي الزمتها من الوجع
عباس عباس
،،،،،،،،
اتفرهد ضوه عيوني وبعد ششوف
ياكعبه وعليك النهر يطـــــــــــــوف
من شاهدت كلهن دمه الچفــــــوف
بعيوني ضلمه صارت الطفــــــــوف
خويه العلم وينه اوين جودك
گلي بياكتر طاحن ازنـــــــودك
يبو فاضل زماني هم يعــــودك
ذباحك اگبالي ابتشــــــر
واني ارد اموت من القهر
عباس عباس
،،،،،،،
يالتارس عيوني ضوه وحنان
يمعطر اخيامي بوفه وامـــــان
عباس تذبح ميلت الزمـــــــان
يالمحنتني اباصعب امتحـــان
خويه حسين خليني بمچاني
ايگله ليش يازهرة زمانـــــــي
انه الواعدت سكنه ترانـــــــي
وياك احس مات الوفه
عالدنيه ياخويه العفـــه
عباس عباس
،،،،،
لخادم الحسين
محمد الفهداوي
آلزهره فرحانه تعاين گاعده
نازله أملاك السماء وصاعده
تتبرك تتبرك بالحسيــــن
،،،،،،،،،،،،
ابديلك اول ماخلق ربنه حسيــــــــــــن
أمن افضل جنانه واخذ من اطــهر طين
رايد دليل انطيك من هاي العيـــــــــــن
الطينه اسمها طينة العُليـّـــــــــــــــــــن
ربك مزچ نور بـنـــــــور
ونولد رحمة عاشـــــــور
من نور وجهك يحسيـن
ربك خلق كل الحـــــــور
إبيت والـينه علي متواعـده
نازله املاك السماء وصاعده
،،،،،،،،،،،،
البيت الولايه ومعدن اهل التنزيـــل
شايل ورد لمن هبط جبرائيـــــــــــل
وجايب بنفسج بالجنح ميكائيـــــــل
وحنه وطبق ياقوت جاب اسرافيــل
يالزهره صاحوا مبــروك
وتبركوا بالكـــــــــــاروك
يابو علي عالخــــــــدين
كل الملائك شمــــــــــوك
عين حُسّادك عسنها البـارده
نازله املاك السماء وصاعده
،،،،،،،،،،،،
بحسين فرحان اشكثر حامي الجار
شالاه بحضنه وركض بيه للمختــــار
گلاله هذا حسين مدري الفقـــــــــــار
والكون ضل اينور مو بس الـــــــــدار
گل للنبي يشبهك حيل
چنه گمر ضاوي باليــل
شمّا ابو الزهره وصــاح
يحسين نحرك بيه هيل
بيه شمائل وي علي متوراده
نازله املاك السماء وصــاعده
،،،،،،،،،،،،
معراج هليله الملائك معـــــــــــــراج
يتنزلون البيت حيدر افـــــــــــــــواج
ايطفوف حول المهد طوف الحُــجاج
وحسين چان زغير بس لابس تــــــاج
فطرس لمس مهــده وذاب
توسل بالحسين وطـــــــاب
رد چنحه وتشافه وطــــــار
رب الخليقه الوهّـــــــــــــاب
خير ابو السجاد نعمه وزايــده
نازله املاك السماء وصـــــاعده
،،،،،،،،،،،،
لخادم الحسين ع
محمد الفهداوي
يالمت ابسجن ظالم
واويلاه يالكاظــــم
=================
حظرت فاطمه امـــــــك
يالكاظم تون وتنـــــــوح
يم نعشك يبو الحاجـــات
كعدت والدمع مسفــــوح
ظلت تنظر الساكــــــــــك
فوك الرض تشوف جروح
هذا العالجسر ابـــــــــــني
هذا النعشه ظل مطــروح
صاحت وبدمع ساجم
واويلاه يالكاظـــــــــم
==================
صاحت والدمع يجــري
ظلت تلطم عله الــراس
ليش بلا ذنب سمـــــوك
يا سابع ركن للــــــــناس
احنه عترة الـــــــــــهادي
طحنه ابين كوم ارجاس
بين اسيوف اميه وبيــن
تكطر سم بني الــــعباس
يا بيرغ بني هاشــم
واويلاه يالكاظــــــم
=================
اليوم الحسن من كبره
تعنه يشيع الجثـــــمان
بعيون البصيره نشوف
قران وبجه لـــــــــقرأن
علي السجاد اجه ويـاه
ينحب والكلب حـــزنان
لحد هاليوم بـــــيه اثار
من إقيود ابن سفـــيـان
انشيعك واجب ولازم
واويلاه يالكاظـــــــــم
==================
حسين ابنحره وجروحه
تعنه من الطفوف الــيوم
وينادي بجرح صـــــــدره
يبني يل متت مسمــــوم
انت السم مرد جبـــــــدك
وانه ابسهم ذاك اليــــــوم
صوب جبدتي ولنــــــــــي
طحت عله الثره وما اكوم
عمرك ساجد وصايم
واويلاه يالكاظـــــــم
=================
شحجيلك يبو ابراهيم
عن زينب ومحنتـــــهه
رادت تعتني من الشام
يمك تجري دمعتهــــــه
العطلهه تجي اتشوفك
لأن عدوان حاطتهـــــه
ساعه ومرقد الحـــــره
يتفجر وكبتـــــــــــــهه
كلب ام الحزن هايم
واويلاه يالكاظــــــم
===================
ظل واحد يبو ابراهيم
عليك عيونه تهـمل دم
شما عاد الزمان مصاب
يومك كلبه يتالــــــــم
يا جدي وسف جبــدك
فته سم المحتــــــــــم
ظل ينادي بدموعــــــه
ويبجيلك دمع زمـــــزم
ويانه حاضر القائم
واويلاه يالكاظــــم
================
لشاعر اهل البيت ( ع )
محمد الفهداوي
سبع سنين يوسف بالسجن مسجون
ونته خمسطعش عام بسجن هـارون
صبرك زاد عن صبـره
وداعت امك الزهـــره
،،،،،،
يوسف من طلع تاج اعله راسه نحط
ونته جنازه خلوك اعله راگ الشـــــط
من كثر السلاسل نعشك مگمــــــــــط
وفوگاك العرش دمعهَ شكثر نگـــــــط
يومك ذكرانه بمحنت السجــــــــــاد
شگد حزت بديك وجرحت الأصفـاد
سابع ايه للعـــــــــتره
وداعت امك الزهـــره
،،،،،،،
دموعك ثوره جانت من تهل عالخـد
وجفنك مو قمصيك يا امامي نقــــد
هارون العين الظالم الــــــــــــــــمرتد
دبرلك مكيده وسَمك ابمقصــــــــــــد
چنت الوََحَدّك وگيودك برجلـــــــــيك
وحيطان السجن چانت تنوح عليـــك
شجاب البحر للقطره
وداعت امك الزهـــره
،،،،،
سبع سنين يوسف وشتكه الربــــه
ومن ذاك السجن مل وجزع گلـــبه
چانت يمه ناس وسجنه مو غربـــه
يقدموله اليريده وكلشي اليطلبــــه
يوسف چان يعرف صبحه من اليل
وانته اظلم وزارع بالزنازن هــــيل
امرك فرق عن امـــره
وداعت امك الزهـــره
،،،،،،،
يوسف بالزهور تلگته ناســـــــــــــه
طلع حي وسليم ويجذب انفاســـه
جسر الكاظميه شَيّبت راســـــــــــه
گبل الوادم تلگاك بحساســـــــــــــه
من ثگل الحزن ضهره الجسر مكسور
ويچوي الماي دمعاته اليهلها تفــــــور
عليك الجسر طگ ضهره
وداعت امك الزهــــــــره
،،،،،،
يوسف عنده ناس واهله تنتظــــره
من بعد الغياهب ونرفع قــــــــــدره
ونته من السجن ياسابع العــــــــتره
امك فاطمه اعله الجسر متحيـــــره
جابتلك چفن من رايت العبـــــــاس
ويم نعشك دمعها ضل يهل احساس
شچاب الكون لــلذره
وداعت امك الزهـــره
،،،،،،،
امك من اجت محسن اجه وياهــا
شاب ومن تون يبچي اعله مبچاها
مثل الدمعه ساكن هوه عيناهـــــــا
الجسر الكاضميه بچفه گاداهـــــــا
گوه الزهره تمشي من الظلع لليـــوم
وصاحت بالدمع يوليدي يامسمـــوم
عندك مرقد وحظـره
وداعت امك الزهـــره
،،،،،،،
لخادم الحسين ع
محمد الفهداوي
من يشتري دين الأله بمنحــره
من يشتري ويفوز دنيه واخره
گام ابو الأكبر والرُسل مجـمـوعـه
وشتره الدين بمحنره وضلوعـــــه
صاح الحُسين انه اشتري
،،،،،،،،
گام الحسين وصاح فدوه انه الها
وحچاه رب الكون تستاهلـــــــــها
گلاله باچر كربله من تميــــــــــــل
يابو علي بچفوفك انت اعدلهـــــا
من وقع اعله المشتره
إبهامه شيّع خنصـــره
لون الحبر مثل الدمـه
مايشبه الأي محبـــره
بين الرُسل صاح الحسين المؤتمـــن
بين الرُسل انه اشتري ونحري الثمن
واگف ابو سكينه وتهل ادموعـــــــــــه
وشتره الدين بمحنره وضلوعـــــــــــــه
انه اشتري انه اشتري
،،،،،،،،
مشروع ناجح والربح مضمــــــــونه
وسبعين تاجر اخره اينصرونـــــــــه
حسين بثمن راسه ربح راس المـــال
ولهلسبب شاله الرمح بمتونــــــــــــه
باركله جده وقبلـــــــــه
وضل ينثر اعليه بسمله
تستاهل ومبــــــروك الك
يحسين تربة كربلـــــــــه
هذا الربح لليوم قائم مجلســــه
هذا الربح وحسين صار المـدرسه
بعون الله مايخسر ابد مشروعــــــه
وشتره الدين بمحنره وضلوعــــــــه
انه اشتري انه اشتري
،،،،،،،،
باركله حيدر والحسن والزهــــــــــــره
وعباس كض جوده وعلي كضّ ضهره
گللاله ياعباس خلك مــــــرتــــــــــــاح
مو هسه يومك يالتصون العِشـــــــــره
مشروعه اخيك وقعّــــــــه
بي مصرعك ضل يوجعـــه
كض ضهره الحسين وبچه
من شافك اعله المشرعــــه
شاف السهم صاح الله لايطي السهم
شاف السهم يمك بچه وناح بألـــــــم
وقّع حسين وصاح خويه ابلوعــــــه
وشتره الدين بمحنره وضلوعـــــــــــه
انه اشتري انه اشتري
،،،،،،،،
الف وخمس مية نبي بصمولــــــــــه
يم العرش قبل الخلق ناحولــــــــــــه
سوو عزاء وچان ياهو الــــــــــرادود
نوح وجميع الأنبياء لطمــــــــــــــوله
سوو عزاء الكل جــــــــرح
أمنول سهم لاخر رمـــــــح
يالمشتري الماي بضمـــــــه
الله يعينك عالذبــــــــــــح
ناحوا سوه من ادم اللأخر نبــي
ناحو سوه للطلعن بطرگ العبي
ناحوا على اخته وعيلته المفجوعـــه
وشتره الدين بمحنره وضلوعـــــــــــه
انه اشتري انه اشتري
،،،،،،،،
من وقعتله الزهره هل مدمعهـــــــا
وضل الضلع ام الحسن يوجعهــــــا
گللها يمه وداعتچ لاتبچيــــــــــــــن
سهله الحوافر والجروح اجرعهـــــا
اليوجعني بالطف عيلــــتي
من ايطب شمرهم خيمتـي
ويطرّاً الحومه ركـــــــــض
سكنه ورقيه الجثتـــــــــــي
يم النحر يبچن عزيزاتي سوه
يم النحر ويدورن النحري دوه
حته البواچي لوطحت ممنوعـــــــــــه
وشتره الدين بمحنره وضلوعـــــــــــه
انه اشتري انه اشتري
،،،،،،،،
لخادم الحسين ع
محمد الفهداوي
نزفت حنتــك ساعة زفّتــك
وگبالي طُفت جاسم شمعتـك
دمك شفته بالحنّه
مامقسوملي اتهنّه
،،،،،،
شجاه البين وازانــــــــي
بزفافك ابچي خلانـــــــي
عرسك والدموع اخـــوان
واحد يشبه الثانــــــــــي
المسافه البينك وبيــــني
مثل عيني ورمش عينـي
يجاسم تنذبح ويـــــــــاك
فرحتي وعمري وسنينــي
نزفت حنتك بچفوفي جســـــــــــــام
صحت يمه وبچت وياي الخيــــــــام
العطش بالطف شِمر وبوجهك الــمــاي
وتجيلك ترگض وعطشانه السهــــــــام
يالطولك نــهـــر يحزام الضهـر
من تشبع طعن انه اشبع قـهر
الضاهر حصتّي الونّه
مامقسوملي اتهنـــــّـه
،،،،،،
يَصبّي عيني من تمــــشي
اضل ادعيلك برمشــــــــي
احس وياك روحي تــروح
وگلبي ومهجتي وكلشــــي
يجاسم خل اشبگنــــــــــك
اريد اشبع نضر منـــــــــــك
اشوف الحسن بيك ايعيش
مره حسين اشوفنـــــــــــك
وحگ ذاك الرِبه ومساهر اليــــــل
رحيلك والمنيه تشابهن حيــــــــل
ييمه وياك اموتن لمّـــن تــــمـــوت
اذا تتوصط الميدان والخيــــــــــل
يوليدي من امس گلب امك يحس
ماتم موفـــــــرح عرسك موعرس
يآبن سيد الجنــه
مامقسوملي اتهنه
،،،،،،،
اضل بالخيمه ابچـــيلك
وافّرع يبني ودعيـــــــــل
يضامي مِثل ابو السجـاد
العطش ادريبه هد حيلك
البچي امك خنگ حسهــا
شحلات اللامه لابســـــها
يرابي بمدرسة عبـــــــاس
يجاسم ذِل فوارسهــــــــا
ارتجّز بالحومه انه ابن الحسن صيح
خلي الروس من بتارك اطيــــــــــــح
گبالك جيشهم ياجاسم اتـــــــــــــراب
ونته عليهم افزع فزعة الريــــــــــــــح
بمك لاتهـــــم يربات الزلـــم
بالطف عازتك هم عندك علم
حلمي اليوم اودعنّه
مامقسوملي اتهــــنّه
،،،،،،،
يالمشاركني بنفاســـــــي
يشاغل فكري وحساسي
چنت تكبر وسط عيـــناي
وحگ كل شيبه البـراسي
غطاك ارموشي من تغفه
يرزق الله وكرم لطفــــــــــه
يصافي والحنان البــــيــك
عذب ومن الفرات اصفـــه
يبن اول مضيف المايســــــــد باب
الكرم عندك سجيه منّ الأصــــلاب
عزيز وما اعزك يمه لحسيـــــــــــن
اريد ايگول رمله انطتني هل شاب
بمصحف كربله صير البسمله
ادوار اتقسمــت كل واحد الـــه
دورك خل اشوفنّـــه
مامقسوملي اتهــــنّه
،،،،،،،
چنت من تكبر شويــــــه
اصلي الربي يوميــــــــــه
اضل ادعي واگولن صـار
شاب واگعد ابفيـــــــــــه
يجاسم يابعد بيتــــــــــي
اصيراً ثكله تاليتــــــــــــي
وفي وبيك الربه ماخـــاب
عوافي عليك تربيتــــــــي
يالمسهرني ليلــي الحــــد الأذان
يالمخليني ميته بلايــــــــه دفان
يناوي تروح عني الله ويـــــــــاك
اگولن واحد وقدمته قربــــــــــان
روح بنيتّـــــك اتركنه بخيمتك
نبچيلك سوه انه وعمتـــــــك
ابني الموتّه اتعنّـــه
مامقسوملي اتهــــنّه
،،،،،،،
لخادم الحسين ع
محمد الفهداوي
وين سكنه ادني لــيه
بويه هاي أخر مسيــه
وين زينب خل تجيني
ارد اوصيها برقيــــــــه
،،،،،،،
گعدوا وصارت سوالفهم دمــــــــع
بلايه صوت وصوت ونهم ينسمــع
سولفوا من علي الأكبر للرضيـــــــع
لحد اخر حافر ايدوس الضلـــــــــع
سكتت اوالدها يحچـــــي
هوه يبچي وهيه تبچــــي
من على صوت المصيبــــه
فز رضيعه وگام يبچــــــي
دموعچ امسحهن بديه
وين سكنه ادني لـــيــه
،،،،،،،،
ارد اگل لم عون لو طر الجـــــــرح
خل تعصب عيون بنتي من الصبح
طفله ماتتحمل اهواي الجــــــــروح
تموت من تشوفني يمها انذبــــــــح
بداعة الزهره وغلاتــچ
خويه غطيها بعباتــــچ
بهل امر راح انه اتعبچ
وانتي تعبانه بحياتــــچ
خل نسولف عالمنيــــه
وين سكنه ادني لـــيه
،،،،،،
بفاطمه محلفچ يلبوت فاطمــــه
تموت من تشوفني انزف دمــــــه
حضني باچر بي تنام اشگد سهام
وهيه بي متعوده تغفه امعلمــــــه
ذمه هاي اعيالي ذمــــــــه
عندچ ومايبقه زلمــــــــــــه
بس عليل ودمعه يجــــــري
وما كو غيرچ خويه احشمه
بقت بس هل مغربيــه
وين سكنه ادني لـــيه
،،،،،،
حسين سولف مصرعه بدمعه اليهل
وشيب خضّر حته بگماط الطفــــــل
ودّع ابنياته وبنصهن يگـــــــــــــــول
انه بس اليله وياچن عـــــــــــــــــدل
هاي التحضنه وتشبگـه
وذيچ التوّدّعه بــحـرگه
بنص بناته حسين گاعد
لوحچه العبره تخنگــــه
گبل خيل الأعوجيــــه
وين سكنه ادني لـــيه
،،،،،،،
گالهن باچر تره اتشبعن ركـــــــض
شكثر چلمة بويه باچر تنلفـــــــض
والتجيني ارگاض من صوب الخام
بينها وبيني شمرهم يعتـــــــــــرض
من يجيكم مهري خالـي
لِمي يازينب عيالـــــــــي
تحترگ كل خيمه باچــر
والعده تفرهد حلالـــــــي
گبل ذبح اسيوف اميه
وين سكنه ادني لـــيـه
،،،،،،،
حسين يم زينب حچه وكض خنصره
وسولف الها من العطش حد منــــحره
گالها بداعت گمر هاشم عليـــــــــــــچ
لاتركضين امن اطيح اعله الثـــــــــــره
خدرچ اغله من حياتي
وداعت اولادي وبناتـــي
بيچ اشمن ريحة امــــي
ولمّت اهلي وذكرياتــــي
انتي دمي اليجربيه
وين سكنه ادني ليه
،،،،،،
من تحسين اختلف حته الهــــــــوه
گولي ابو فاضل وگع منّهَ الــــــــــوه
چفوفه وعيونه وجربته اعله الفرات
كلهن يطيحن فرد طيحه ســــــــــوه
ينكسر لوطاح ضهــــــري
حيره خويه احتار بمــري
تلوح جدمي چفوف اديه
شلون اردلچ والله مـدري
لو وگع راعي الحميه
وين سكنه ادني اليــه
،،،،،،،،
لخادم الحسين ع
محمد الفهداوي
خليني امشي وياكم اخيــال بويه
عليك بدمعتي ودمعك السال بويه
كل المحامل خلهن الخـــواتـــــــي
ما تعّبّ العباس لاعماتـــــــــــــــي
خليني امشي وياكم اخيـــال بويه
،،،،،،
ما أخذ هودچ من تمشــــــي
وما اگلك سويلي امچـــــــان
يلّي معودني تنيّمــــــــــــــي
بحضانك مو بالهجــــــــــران
ترضاها البنتك ليليــــــــــــــه
تتگلب سعفه بنيـــــــــــــــران
جنازه بغربه ومحد يمّـــــــــي
لا اهلي ولا يمّي اخــــــــــوان
امسح اثر ضعنك اذا راح بويه
وعبد الله الوليله اذا نـاح بويـه
خلف الضعن أدعيلك بدمـعاتي
ما تعّبّ العباس لاعماتـــــــــــي
،،،،،،
خليني امشي وياكم جربــه
ويجربة عمي البعــــــــــــاس
ماي الطف مبيوع ابكبـــــــره
وحته الشط ماعنده احسـاس
سيوف النحرك بالطف جـابوا
وجابو خيل اتشيب الـــــراس
وين التوجع گلب الزهـــــــــره
لچمات اشگد ماتنقــــــــــــاس
خليني اروح الكربله ويــــــاك بويه
من اطيح اشمر روحي فوگاك بويه
وداعة حسرتي وعلّتي ودمعـــاتي
ما تعّبّ العباس لاعماتـــــــــــــــي
،،،،،،
گد خطوات النوگ ادعيلك
دعوت محبوب المحـبــوب
افرشلك بويه مصلاتـــــــگ
كل مصباح وكل اغــــــروب
ياوجه الله وباب الرحمــــــه
ارحم دلالي المصيــــــــــــوب
من ترحل بويه وتتركنـــــــي
ايصير اشثگله اعليه الثـــوب
فراشي جرح وغطاي الهموم بويه
بالحايط الزم وحدي ماگــوم بويه
ويّاكم امشي وما تچـــل خطواتي
ما تعّبّ العباس لاعماتــــــــــــــــــي
،،،،،،،،،
تاخذني عيونك للجنــــه
لوشفت عيونك يهـــــواي
موش بدارك عشت بگلبك
مرتاحه وشبعانه افيـــــاي
چا هسه تريد اتخلينــــــي
الوحدي ولاواحد ويـــــــاي
مثل اليمشي بصحره ومحد
يمّه وعطشان اعله المــــــاي
لليل الهجر والموگد اخوان بويه
نيران هذا وهذا نيـــــــــران بويه
اقسم الك بويه وحگ حياتــــــــي
ما تعّبّ العباس لاعماتـــــــــــــــــي
،،،،،،
محلفتك بويه بعبــد الله
وبظلع الزهره المكســــور
لا تترك دمعي من عيـوني
يبچيلك مثل الناعــــــــور
وحشة بيتك لمن تمشــــي
بارد يم ناره التنّــــــــــــور
بداعة كل شيبه البرسومك
المنهن يتبده اشگد نـــــور
تذبحني عگبك وحشة البيت بويه
وحيطانه تتحول توابيــــــت بويه
اتحزم امن امشي بطرف بعباتــي
ما تعّبّ العباس لاعماتـــــــــــــــــي
،،،،،،
بخادم الحسين ع
محمد الفهداوي
انه الماتگضي سالفته
چبيره بگد مرار اخته
انه الاخر نفس بالكون
تضل منصوبه فاتحته
،،،،،،،،
انه الكلشي بچه الحالي
انه الماتت هلي گبالــــي
انه الأخته مشت عالنوگ
سبيه ويّه چتالـــــــــــــي
انه الكاشخ رمح بيـــــــه
وبناتي كلها مسبيـــــــــه
الرمح منگد دمع عينـــي
لزم ضهره وبچه عليـــــه
بچالي الماي والبــَــر
وبچتلّي الجنه كوثـر
اضل سلطان الگلـوب
الي بكل روح منبــــر
الحوافر صدري ساحگته
انه الماتگضي سالفتــــــه
،،،،،،
انه الماتت هله وربعــه
وتسلب محبسه ودرعه
انه التسعت انامل بـــــي
لأن بتروا بثر صبعـــــــه
انه المازعلت نبلـــــــــــه
يعطشوني واصير احلــه
انه اجتمعت علي صوبين
وگولاً تنگظي وسهلـــــــــه
عراضه براسي ســـــــوو
ركض لخيامي هـــــــدوا
متت عطشان والگــــــوم
نهر يم رمحي بــــــــــدوا
شبيهي ياهو فاجعتــــــه
انه الماتگضي سالفتــــــه
،،،،،،
غريب وباگوا انفاســـــي
انه الشيّب شعر راســـــي
لزمت اصفاحي لمن طاح
بقيت بلايه عباســــــــــي
رجعت ودمعتي بعينــــي
وصحت زينب تلگينـــــي
يخويه كافلچ مذبــــــوح
اواسيچ وتواسينـــــــــــي
متت بس گوه امشـــي
تفرهد من كلشـــــــــــي
رجعت الخيمت ام عون
تحوّل شيب رمشـــــــي
عضيدي عله النهر عفـته
انه الماتگضي سالفتــــــه
،،،،،،
انه اعله ابني علي الأكبر
رحتله وكل شبر اعثــــــر
ردت للخيمه اجيبه ويــاي
حضنته وصحت ما اگــدر
احس مثل الجبل ثوبـــــي
گمت ماشوفاً ادروبـــــــــي
شبگته وگتله واويـــــــــلاه
طحت جثه اعله محبوبـي
شريك انفاسي شفته
يون ونه الشبگتـــــــه
گلت لخواني شيلــــوه
ابنكم شيعوا جثتــــــه
على ابني الأكبر وقصته
انه الماتگضي سالفتــــــه
،،،،،،
انه الماتخلص احزانـــــي
انه الماتطفى نيرانــــــــي
اعله عبد الله عزيز الروح
مات بنبله بحضانـــــــــــي
ذنب شنهي الجنه اوليدي
يذبحون الطفل بيــــــــدي
حچيت اوي السهم بدموع
يريتك ذابح اوريـــــــــــدي
يعبد الله وداعـــــــــاً
ابوك اسنينه ضاعــــاً
خواتك وصط الخيام
اعله مهدك يبني لاعاً
شسولف ياحزن شفتــــه
انه الماتگضي سالفتــــــه
،،،،،،
لخادم الحسين ع
محمد الفهداوي
طب ليها مسلم وحده طب ليها
والگوفه كضها وراد يچفيـــــهــــا
،،،،،،،
تربات حيدر ونعم منّــــــــــــــــــه
وابّيته رابي من زغر سنـــــــــــــــه
جيش بكماله وحدّه چنـــــــــــــــه
وبسيفه كسّر كل موضيهـــــــــــــا
،،،،،
مملوح رمحه ويگطر املوحــــــــه
روس الزلم سواها مرجوحـــــــــــه
يكثر عزم من تكثر اجروحــــــــــه
جال وگلب سافلها عاليهــــــــــــــا
،،،،،
طب ليها مسلم ولهوه تغيــــــــــر
وصاحت إجانه من النجف حيـــــدر
چفّه مثل چف القلع خيبـــــــــــــــر
وچفوفه ياچف اليلاويهـــــــــــــــــا
،،،،،
شبه الجنايز بس نفسم بيهــــــــــــم
من سرفن اذراعه ودخل ليهـــــــــــم
يبچون كلما صوّل اعليهــــــــــــــــــم
ذيچ العساجر راد يفنيهــــــــــــــــــــــا
،،،،،
رسوم الجنود اگباله مخطوفــــــــــه
تهلهله طوعه وتسطر چفوفــــــــــــه
وتگله ادب وادم الكوفــــــــــــــــــــه
ياطوعه بشري ضل يحاچيهـــــــــــا
،،،،،،
بالسيف مسلم طگ طرف طاســـــه
من الصوت بيهم خمدت انفاســــــه
دنگ قصرهم ما رفع راســـــــــــه
چا وينكم ناده بأساميهــــــــــــــــــا
،،،،،،
جيش بكماله عدد والعــــــــــــــــده
والد حميده عالمهر وحــــــــــــــــده
حط بيده كلمن طينته بخـــــــــــده
وذگّر الكوفه شچان ماضيهــــــــــــا
،،،،،
لخادم الحسين ع
محمد الفهداوي
خويه زينب هلله هلله عينچ عله ايتامي
صيري خيمه الكل يتيمه من تطيح اخيامي
،،،،،،،
ما اوصيچ ابرقيه عصبي خويه عيونها
فلّي منعدها التراچي باچر ايسلبونهـــــا
بنتي يازينب زغيره وخايف ايضربونهــا
لا تخلين الأعادي الجثتي ايجيبونـــــــها
خويه والله تموت فوگي من تشوف اسهامي
،،،،،،
هلله هلله بسكنه باچر لاتشوف اجروحي
شما تصيح حسين بويه انه تلطع روحـــــي
ميت وابچي اعله بنتي وما ابطل نوحي
انذبح كلما نعتني بويه يامذبوحــــــــــــي
زينب ابطرف العبايه غطي نحري الدامي
،،،،،،،
خويه باچر خيل اميه صدري من ادوسه
تفرهد الوادم حلالي وخيمتي المحروسه
دمعتچ باچر يزينب ماتضل محبوســــــه
يبقه اخوچ حسين عاري والترب ملبوسه
موش بس صدري الحوافر ترض كل اعضامي
،،،،،،،
باچر ايحرگون گلبچ يختي ياضي عيني
باچر اعله التل اسمعچ زينب اتحشمينـي
لوبده بذبحي شمرهم غمضي لتشوفيني
لا تنادين ابن جوشن عوف اخوي حسيني
صبري يختي ام عون صبري من اطيحاً ضامي
،،،،،،،
باچر ابلا والي تبقه عيلتي ولاكو حمه
باچر گبال اليتامه تضلم عيون السمـــــه
باچر تنوح اعله جثتي فاطمه يم فاطمه
باچر اتوضه من اطيحاً يختي من فيض الدمه
جروح اشيلاً من جبهتي يختي حد اجدامي
،،،،،
باچر ايبدلون خويه نوگچ بنوگ الــهــزل
وتنشد اچفوف اليتامه كلهم بنفس الحبل
زينب عيونچ عليهم لايگع منهم طـــــفل
صيري امهم صيري ابوهم صيري والي من انچتل
انتي هم عباس ثاني البي اشد احزامي
،،،،،،
لخادم الحسين ع
محمد الفهداوي
كله الخاطرك يحسين ظليت
والمفروض اموتن من عفتني
بالخمسين عام وياي گضّيـت
عمر مايوم واحد فارگتنـــــي
،،،،،،
تالي الشيب عفت اختك يالحسين
بلاخيمه ويتامه وياها سبعيــــــــن
اخوي الجابني عالشاطي مذبـــوح
ونته جروح جسمك بيهن الفيـــــن
شمسوي الشمر بيـك
انه اختك وحاچيــك
يالشابع سحگ خيــل
حيره شلون ارد بيــك
شكثر دخان من اخيامي شميـت
كله الخاطرك يحسين ظليــــــت
،،،،،،
مومن عادتك ماتحچي ويــــــــــــــاي
خويه احچلي ضيّج خلگك المـــــــــاي
اشوف اجروح جسمك فوگ الجروح
بكثرهن شايله وتتراجف اعـــــــضـاي
ولاچنك بـــــــــدر تام
بكثر ماشايل اسهـــام
حضن مابيك يحسين
شبگتك من الجــــدام
يامن عمت عيني عليك ناديـــت
كله الخاطرك يحسين ظليــــــت
،،،،،،
اعله راسك دوّرن يحسين العـــــــيون
وشافن جيش كامل بي يهوســـــــــون
كلمن جاب رمحه وگال الي الـــــــراس
وصحت ردلولي راس اليسوه الف كون
بشر ماعدهم احســــاس
صحت بيهم الي الـــراس
يسمعوني ويضحكـــــون
صحت وينك يعبــــــــاس
صعبه تشوفني عيون الطواغيت
كله الخاطرك يحسين ظليــــــت
،،،،،،
يبن امي وعلي ما اطول هــــــواي
اموتن من مصايب كربله ويــــــــاي
ضلام الدنيه كله اتجمع اوصـــــــار
يبو السجاد كله بوسط عــــينــــــاي
گمت يحسين ماشــــوف
ضلام اعله اختك ايطوف
طريچي جبته طيحــــات
عثرت اشگد بالسيـــــــوف
اعله عطر الخوه لضلوعك تعنيت
كله الخاطرك يحسين ظليــــــت
،،،،،،
ادور اعله النفس خويه النفس ضاع
ردت من منحرك لو نسمـــــــة اوداع
انه چفوفي سعف وبريح يحسيــــن
يالمطشر سنابل خير عالگــــــــــــــاع
فدوتك عون وم عــون
المّك ما ادري شلـــــون
مصيبه اتشيّب الــگماط
وتهدّل خويه المتـــــون
وياك احزام فوگ احزام شديت
كله الخاطرك يحسين ظليــــــت
،،،،،،
لخادم الحسين ع
محمد الفهداوي
يالمنتقيني من العــــــدم
يمسجل اسمي وي الخدم
كلما يهل شهر الدمــــــــــع
ترزقني جمره من الخيـــم
،،،،،،،
مِن قَبل عالم نشئتي ومن قبل عالم وجودي بيّه ضل يمشي العشــــــــگ
من شفت خيمة عفافك وقعت صفحة هيامي وگلبي ضل بسمك يـــــــــدگ
حبي ابيض چنه شيبه
حب يقين بلايه ريبـــه
ياملاك وكله طيبـــــــــه
مايخون انسان اذا حب من صــــــــــدگ
انه كل عاشر محرم ابچي لمصيبة بناتك وي رقيّه انه احترك
ما ادور وياك الأجـــــــــــر
يالتستحق لطم الصــــــدر
عليك احترك مثل الشمـــع
كلما يهل شهر الدمــــــــــع
،،،،،،،
منّ احط اسمك ابگفه وكلشي احطه بكفه اُخره يرجح اسمك سيدي
امي جابتني ونعتلك وانه ابچيلك وصيحاً ياحسين بمولدي
مگمط وما ارضه اقنـــــــع
ايصبّروني وعيني تدمـــع
عمري يوم ومجلس اسمع
اسكت وارجع انوحاً مجلس اقره الوحدي
لابد الكلشي نهايه وانته تفرق بس بدايه
كل محرم تبتدي
يمسجل اسمي بدفتـــرك
يابو العشگ حيل اشكرك
بچفوفي الطم عالضلــــع
كلما يهل شهر الدمـــــــــع
،،،،،،،
خنگه هاي الدنيه خنگه والنفس بس انت بيها ياهوه وبعد الهوه
كل فجر شمس الله تطلع نور تاخذ من جبينك انت مصدر للضوه
سيدي شمحله الخدامه
ترفع ابنادم مقامــــــــــه
بين خوّانه وعماعــــــــه
يشعر بجالك تقــــدر يوصل اعله المستوه
عابس ايسجله ويقبله وينطي للخادم هويه ويكتب عليها نچوه
اول محطات العشــــــگ
فطرت ضميرك والصدگ
الحمزه الزغير استمـــــع
كلما يهل شهر الدمـــــــع
،،،،،،،
شفتك امنول دمعتي بلايه راس وياي تبچي لونعينه اعله الخدر
انه الطم ونته تلطم والفرق يابو رقيه ضلوعي كلهن بالصدر
اثر حافر باقي بيــــــك
حسين كلما اصد عليك
تسع اصابع بس بديــك
لااثر سيف اعله نحري لا اثر رفسة شـمر
جرّبت كلشي وشفتها مضيعه العمري اعرفتها مجلسك هوّه العمر
شفت الخلود بمجلسك
يحسين الله القدســــك
الگه السواد بكل فـــــرع
كلما يهل شهر الدمـــــــع
،،،،،،،،
بعد قربني الخيامك خل اشم دخان منهن
ودري بيهن مبخره
ياربح مابيه خساره حسين راس المال انته وفوز دنيه واخره
منهن اردشتم عقيــــده
واحترگ وكتب قصيده
المدلك ايده الزمله ايده
اخذه وياك بحنانك للبدور الطاهــــــره
والله من تلزمني اقبّل چفك الطاهر حبيبي ورد اشوفن خنصره
ابچي اعله خنصر يمنتك
الچانت تلزمه ارقيتــــــك
انحب اضل عالمنگطــــــع
كلما يهل شهر الدمـــــــــع
،،،،،،،
لخادم الحسين ع
محمد الفهداوي
سبعين ليث تحزموا واحدهم بگد الكون
هوّس حبيب ورايته صاحت وحگچ يم عون
مستنگي اخوچ انصاره
الباشط مثل بتـــــــــاره
،،،،،،،
شيبه شيبه تواعدينــــــه
ولون لون احنه اجتمعنـه
والنقاء ابصف نقــــــــــــاء
حسين للطف من دعانـــــه
ضلت الدنيه ورانــــــــــــــه
تركض بذاك العــــــــــــــراء
العنده موعد وي حبيبـــــــه
ينسه اهله وينسه ناســـــــه
بعينه تكبر كربــــــــــــــــــلاء
لاتجاره ولازعامـــــــــــــــــــه
حسين راس المال هــــــــــوه
والربح وصل الثـــــــــــــــــراء
بگصصنه جبنالچ نهر ونچمل الشاطي احساس
شدينه يازينب حزم ماتنفل بچف عباس
راعي البخت والشــاره
مستنگي اخوچ انصاره
،،،،،،،
حسين حاچانه وتبسم
گال مامرتاحه زينـــــب
تبچي والمدمع يهـــــــل
گولي يخت حسين گولي
نطوي گاع الغاظريـــــــه
الخاطرچ طي السجـــــل
كافي عبد الله عليهــــــــم
لوبرز بگماطه زلمـــــــــــــه
ويكسر اخشوم النبـــــــــــل
باچر الينگطع نحــــــــــــره
تبتدي صفحة خلــــــــــوده
ويبقه يازينب عـــــــــــــدل
ما بينه اليغرّه السعر ويبيع الحسين بمـال
وجه وگفه يذبح زلم واحدنه وين الرجال
اليلهب لضه من اكتاره
مستنگي اخوچ انصاره
،،،،،،،،
انسوي هذا اليل گمـــره
واحنه ثورت نور اجينـه
وي اخوچ اعله الضلــــم
احنه مانتبره منـــــــــــــه
موفقط يجري ويدمنــــه
حسين واصل للعظــــــــم
ايكض جمل عابس يعبــره
بليل من فتحة الأبـــــــــره
استاذ في فن الضـــــــــــم
عدنه جون اصير بيـــــــرغ
واكبر من الطف حميتــــــه
ينتفص من ينهضـــــــــــــم
باچر تشوفين الزلم من نلتگي وي العدوان
يازينب ابعز الملح ذوله احنه مو ياهو الچان
وداعة علي وفقـــــــاره
مستنگي اخوچ انصاره
،،،،،،،،
باجر امن ايطيح نافــــــع
منحرله ايخضر رسالـــــــه
ويكبر بعين النصيـــــــــــب
وينحني حسين اعله جرحه
حنيت القوس ويگلــــــــــــه
انّما الصبحُ قريـــــــــــــــــب
عابس وعباس عدنـــــــــــــه
بالأسامي انحس تشابـــــــــه
وبالعشگ كلنه حبيــــــــــــب
خوان من نفس الفصيلـــــــه
ونرجع النفس العقيـــــــــــده
احنه مابينه الغريـــــــــــــــب
من چفچ الباب السمه يابت علي شما تدعين
گبل الهواشم بالحرب نتذبّح اگبال احسين
مو ياهو چان اخــــتاره
مستنگي اخوچ انصاره
،،،،،،،،
روسنه مدنگه احترامـــاً
كلنه يم حضرت عفافچ
احنه نتوضه ونــــــــــرد
من وهب لبن مضاهــــــر
حته شايبنه بركضتــــــه
يسبگ اجدام الولــــــــــد
سد السكندر يزينـــــــــب
نوگف گبال المخيـــــــــم
للخدر ذوله احنه ســـــــد
ايصلي بينه حسين باچـر
يكض بتاره اليخلـــــــــص
سيف مو سبحه الــــــــوِرد
واحدنه من جدمه وعلي حد هامته كله اعجاز
يترهّا عالصيده ويحط بس الحمل طبع الباز
المادار وجهــــــا الداره
مستنگي اخوچ انصاره
،،،،،،،،
لخادم الحسين ع
محمد الفهداوي
كل ليله طيفك يجيني
واشكيله همي وحنيني
ليليه تغفه بدمعــــــــها
يالغالي لو تدري عينــي
،،،،،،
يكضني منيدي جرحك وامشي مسبيه
يمرني اعله القصر يابويه ليليــه
ولاچني عزيزت گلبك وروحــــك
ولاچني زغيره واني علويـــــــــه
يالغالي هجرك عمانــــي
نحلني بويه وسبانــــــي
خلاني ليليه اجيـــــــلك
من خيمتي ومن مچاني
ويحبني بويه بجبينـــي
كل ليله طيفك يجينـــي
،،،،،،،،،
تجيني بطيف وَتباوع على رسومك
وذب الوم عالكوفه ولالومــــــــــــك
وگلك من كثر ما انه مشتاگـــــــــــه
افز باليل وركض وشتم اهدومـــــك
لهدومك اركض واشمهــا
بنتك تفز من حلمهــــــــا
شمحله البنت يمها ابوها
وانه الأبو ماهو يمهـــــــا
ادعيلك ابچف يمينـــــي
كل ليله طيفك يجينـــي
،،،،،،،،،
يخلص اليوم اگولن لا يرد باچر
مغيبك فوگي يسحگ سحكة الحافر
لانه الميته لانه العدله يابويــــه
عفت بنتك حميده تكسر الخاطر
يوميه اعيش المنيه
وداعة سكينه ورقيه
يابويه ليمت تردلـــي
ونگعد نسولف سويه
ضل يبچي عمي الونيني
كل ليله طيفك يجينـــي
،،،،،،،،،
البنات بگدي كلمن يمها والدهــــــا
ونه الضلت يتيمه وتنعه وحدهـــــا
دمعتي من الصبح حد الصبح تجري
واثر من البواچي بيّن بخدهـــــــــــا
تشبه غربتك غربتــــــي
اچوي الجمر من دمعتي
يابويه كلما اذكــــــــــرك
للكوفه توصل حسرتــــي
يا عمري انت وسنينـــــي
كل ليله طيفك يجينـــي
،،،،،،،،،
يبويه وداعة العشره والم فگدك
نعش چني نفس مابيه من بعدك
اموتن وانه اختهم واليتم صعبـه
اذا بالخيمه وگفوا بويه كل ولدك
ضلينه ولدك يتامه
سهرانه ليلي شنامه
يابويه لمن تجينــي
وياك تلفي السلامــه
عطشان من يعتنينــــــي
كل ليله طيفك يجينـــي
،،،،،،،،،
لخادم الحسين ع
محمد الفهداوي
وحگ امرورة الفــرگه
جفن زاعل جفن حگه
يبويه يبويه
ردت النوم يلفيني ولــــو ليله
بلكت طيفك ايمر بيّه وشكيله
يبويه يبويه
،،،،،،
يالمخلي بصفنتي جدام من فراشي للخيمه
يلمخلي المدينه تصير بعيون الطفل هيمه
يمخليني اجرع كاس موتي واصبر الضيمه
يلمخليني اشكي الناس ماعدهم ولا شيمــه
اثر بوسة نبي بنحــرك
اشد من المرض هجرك
يبويه يبويه
منو المثلي اعله والدها نهدم حيله
بلكت طيفك ايمر بيه وشكيلــــــــه
يبويه يبويه
،،،،،،
شحط لعيوني وتغمض وشوفك گاعد گبالي
بيت وچان بالغالين زاهر هسه ضل خالي
خيالي عليك گد مانوح ضل يبچي ونعه الحالي
حلم مذبوح بعيوني وجرح متخوصر ابالي
اموتن گمت ليلـــيـــــــــه
نعش بس النفس بيــــــه
يبويه يبويه
شيصير بحال طفله وفگدت العيله
بلكت طيفك ايمر بيه وشكيلــــــــه
يبويه يبويه
،،،،،،
على فراش المرض والروح ملتهيه بتصاويرك
طحت طيحة دلو بنص بير أضلم مو مثل بيرك
رحت والخير راح وياك وانه العايشه بخيرك
ابوي وحيل احبنك عزيزي ولا احب غيرك
يسر الماي هوه انتــــــــه
رحت وانه اصبحت ميته
يبويه يبويه
صلاة الوحشه اصلي گمت كل ليلـه
بلكت طيفك ايمر بيه وشكيلــــــــــه
يبويه يبويه
،،،،،،
حبر كون البحار تصير تنشف من مكاتيبي
ابدي من المهد لحسين لغياري وتشاحيبي
زغيره وموش مالت شيب بس وصط الگلب شيبي
اول بالمصايب صار بين اخواني ترتيبي
ضلام البيت والوحـده
ومچانك ياهو اليسده
يبويه يبويه
الضعن كلما بعد برموشي اوميله
بلكت طيفك ايمر بيه وشكيلــــه
يبويه يبويه
،،،،،،
صباح الخير من صوتك عوافي اتگطّر عليه
واذكر من تگعدني الصلاة الفجر يوميه
امد سجادتي ابصفك وصلي وكلشي مابيه
عساها بذمت الطف كون خله جروحي مدميه
جمر بعيوني حط چفه
واخذ وصلة خيم هفــه
يبويه يبويه
الوسيله العندي اصبر ماكو اي حيِله
بلكت طيفك ايمر بيه وشكيلــــــــــه
يبويه يبويه
،،،،،،
لخادم الحسين ع
محمد الفهداوي
وصلّو خبر للعباس زينب اجيت مشايه
،،،،،،،
اجت زينب مشي ودمعتها تتجاره
مكسورة گلب ام عون محـــــــتاره
گلبها أمن السبي تتلاهب اكتـــــــاره
بحضنها راسك الينعد بلف شـــــــاره
مهضومه اجت من الناس اختك يارعي الرايه
،،،،،،،
من كثر المشي جدم العقيله احـــمـر
شما تنگل جدم من الوجع تگبــــــــــر
بحضنها راس اخوها حسين ابو الأكبر
اجت مثل الجنازه ولو مشت تعثــــــر
وينك يراعي النوماس اختك حَزينهَ هوايه
،،،،،،
اجت ووياها موكب كلها منكوبـــــــه
وام عون العزيزه هوايه متعوبـــــــــه
اجت ومتونها من السوط مضروبـــــه
وحچي الشام الهضمها ومنّه مصيوبــه
وتنادي زينب بحساس اه يالفرات ومايه
،،،،،،،،
اثر بچفوف اخيتك يالوفي طابــــــع
يبو فاضل تگلك اگعد اوبـــــــــــــاوع
يكافل خدري واصلّك خبر ســـــــــامع
عزيزتكم تطب من شارع الشــــــــــارع
كلما تصد ليها ارجاس يگصر خدرها افيايه
،،،،،،
وصلت كربله زينب يهاليـــــــــــــــها
وتريدك يالگمر تگعد تحاچيهـــــــــــا
مرار الشام زينبكم يأذيهــــــــــــــــــا
اجت متغيره اختكم كل معانيهـــــــا
شيب ابيض امغطي الراس للطف اجت شكايه
،،،،،،،
لخادم الحسين ع
محمد الفهداوي
اثلث بقاع اعلى النعش ناحن سويه تنادي كل وحده النعش جيبوه اليــه
البقيــــع وكربلــــه والكاظميه
===================
البقيع يكول انه جرحي يــــــــــــــدي
وانه كل لحظة أيهمل دمعي عله خدي
انه لهل البيت اتفاخر بـــــــــــــــــودي
انه دمع الزهره لسه باقي عـــــــــــندي
يا هي مثلي الواسه بت سيد الـــبريه
اثلث بقاع اعلى النعش ناحن ســـويه
البقيــع وكربلـــــــه والكاظميه
====================
انه عندي الحسن والسجاد حاضــــر
وانه عندي أم البنين أم المــــــــشاعر
الصادق بحظني غفه وهم غفه الباقر
يا بقاع اليوم خل نحجي بتفاخــــــر
وبعد عندي شجم شبل امه الزجــــيه
اثلث بقاع اعلى النعش ناحن ســـويه
البقيــع وكربلـــــــه والكاظميه
====================
اجه الدور الكربله وبثت المهـــــــــــه
ما حجت جلمة لمن رفعت علمهــــــه
علم عباس الوفي الطاح بحظنــــــهه
وطلعت خنصر ابو اليمه بحزنـــــــهـه
عندي راس ونحر مدفونات بيــــــــــه
اثلث بقاع اعلى النعش ناحن ســـويه
البقيــع وكربلـــــــه والكاظميه
=====================
انه حرمت عله شفتي تمرهه بسمه
وانه عيني كل شهر عاشور تعمـــــه
انه بيه تكطع العطشان جسمـــــــــه
وبيه كعدت زينب وظلت تشـــــــمه
حتى عبد الله اندفن بالغاضـــــــــريه
اثلث بقاع اعلى النعش ناحن ســـويه
البقيــع وكربلـــــــه والكاظميه
=====================
الكاظميه حجت والدمعه تللالـــي
تكلهن انتن حاظنات اشكد غــوالي
راح ابين هل أمر عذبلي حـــــــالي
الكاظم شما ون اون ذيج الليـــالي
ذني سجداته جبتهن بين اديـــــــــــه
اثلث بقاع اعلى النعش ناحن ســـويه
البقيــع وكربلـــــــه والكاظميه
===================
صله فوك اترابي جم ليله ويليــــــلــه
وجان يدعي الباري والمدمع يسيلــــه
مرد جبده السم حسافه وبهض حيــله
يشتكيلي الكاظم وانه اشتكيـــــــــــله
اثنينه بنفس السجن اشعر سويـــــــه
اثلث بقاع اعلى النعش ناحن ســـويه
البقيــع وكربلـــــــه والكاظميه
====================
كربله تنازلت من سمعت حجيهــــه
والبقيع انحنت الهه تبوس اديــــــه
شنهي من سر دافن المسجون بيهه
جمره من زينب ودمعه من بجـيهـه
الكاظميه ربحت بهاي القضــــــــــــيه
اثلث بقاع اعلى النعش ناحن ســـويه
البقيــع وكربلـــــــه والكاظميه
==================== لشاعر اهل البيت ( ع )
محمد الفهداوي.
يصبر الدين ياشريانه الأبــهــــــــــر
يموسى الزهره ياموسى ابن جعفـر
،،،،،،،
يَحي ياحاي ليلك موش غافــــــــي
ويالمركض بِشر بالسوگ حــافــــــي
حضرنه المجلسك يابو العوافـــــــي
ويقيناً امك الزهراء تحضـــــــــــــــر
،،،،،،
يطوگ الطاگ هارون اعله خــــــده
يحبل الله الحبل تگدر تشـــــــــــده
اعله عنق اللا رشيد ولاكو عنـــــــــده
حكمه ولاورع لاغيره تُــــــــــــــذكـر
،،،،،،
يزئرة ليث يازاجر ضلمهــــــــــــــــم
يكاسر كاسر ضلوع بصدرهـــــــــم
يَحيد الوحدك مرهب جمعهــــــــــــم
يجف ياچافي خيرك تارس الــــــبر
،،،،،،
يراضي ومرتضي بقسمة حياتــــك
يَدر يادار جوهر من صفاتـــــــــــك
يسل ياسال هارون بصلاتــــــــــــك
يعين وماي عينك چنّه كوثـــــــــــر
،،،،،،
يجاري وجارف الجور بمسيـــــلك
يقطب الدائره الماصح مثيـــــــلك
يباب الحاجه يالتنطي اليجيـــــلك
يبو الشدات يالبالشدة تحضــــــــر
،،،،،،
عشت عمرك غريب ابلاعشيـــــــره
يحر والساجنك ميت ضمـــيـــــــره
يعالي ويمك الدنيه گصيــــــــــــــره
يراهب ال هاشم دمعي الك خــــــر
،،،،،،
يالمحارب ضلم هارون كلـــــــــــــه
يالمخلي بوسط دلاله علـــــــــــــــه
يرجفة راجفه المهيوب ضلـــــــــــه
يالمخلي وجه سجانك اصفــــــــــر
،،،،،،
يكاظم غيضك الماصح مثيلــــــه
يراهب يا أبو السجدة الطويلـــــه
الّطم ودموعنه بيومك قليلــــــــــه
الك بعيونه لو نبني منبــــــــــــــــر
،،،،،
سفير السجده يالطولك مــــنــــاره
يصاحي ونامت الوادم ســــكـــــاره
الك بصدورنه الفگدك حــــــــــــراره
وجوب عليك نبچي بدمع الأحمـــــر
،،،،،
لخادم الحسين ع
محمد الفهداوي
