صاحت الدمعه اعله خدي
طالت الغيبه يمهـــــــــــدي
حالي حال الواگف ورجله اعله نار
وآنه يالمهدي شهيد الأنتــــــــــــظار
،،،،،،
اموت شما يجيني اليـل
ويصير فراشي تابـــوتي
ويشيعني جرح فـــــرگاك
وفزن من حلم موتــــــي
وگعد كل فجر مخنـــوگ
وملامح مغرب بـــصوتي
ليليه اعد نجم السمه
واقرالك الندبه بظمه
عطشان الك ياسيدي
ارحمني يابن فاطمه
جامع السهله نشدتــه
عنك وسالت دمعتـــه
وجاوباني عليك لكن بنكسار
وانه يالمهدي شهيد الانتظــار
،،،،،،
قريت بغيبة الطوســــي
شكثر اخبار بالـغيـــــبه
شما اقره روايه علــــيك
راسي ينرزق شيبـــــــــه
انه العايش جرح ملچوم
وفقط بس جيّتك طيبـه
جيتّك يبو صالـح دوه
حته بخيالك هم ضـوه
انه الخلص ليله سهــــر
ومناطرك نسمة هـــــــوه
منيتي كون اندل مكانك
الله خالقني اعله شانــــك
دار عندي وانت ما يؤيك دار
وآنه يالمهدي شهيد الانتـظار
،،،،،،
مبارك لو حلم بالـــــــيل
تجي وتسير علـــــــــــيه
واشوف شيوجعك مولاي
وتشوف شبيه مابيــــــه
انخلقت آنه بزمن مابيــه
واحد نگعد بفيـــــــــــــه
من اگماطي لطراف العمر
سالفتي بيك وانتظـــــــــر
هوانه عمري چم سنـــــــه
ما امتلك عمر الخظـــــــــر
حته نسمات الاشمها
عليك يامولا اخمــها
عايش بدنيه مظلمه وچنها غار
وآنه يالمهدي شهيد الانتظــــــار
،،،،،،
اذا باچر متت مــــولاي
تلگه اعله الگبر قطعـــه
هذا البالمجالس چــــان
خادم لمك البضعـــــــــه
هذا الچان عنده ايمـــان
بزيارة وارث الرجعــــــه
لمن تَطب للمگبـــــــره
تلگاها روحي مناطره
بس اشّر العبدك فقط
وانه اگوم من الثــــره
انفض تراب العـــــــــليه
من الچفن وفتــحها اديه
تردلي روحي لو صحت يم گبري ثار
وآنه يالمهدي شهيد الانتظــــــــــــــار
،،،،،،
اليقد الشعره وكت الليـــــل
مثلي حتار وتحــــــــــــــــير
انعم الله اعله المجالس هاي
چا تهنه اعله كبر البـــــــــــر
يا أخر شيبه من حسيــــــــن
الناسك يافجر تضهــــــــــــــر
تگول الروايه ويتضــــح
انصارك بعز الملـــــــــــح
300 صـــــــــــــح و 13
الواحد يسد عين الصبح
كل كنز بالگاع يضهر
لو صعد مهدينه منبر
شوگ بعيوني ودمع للملگه حار
وانه يالمهدي شهيد الانتظــــــار
،،،،،،
لخادم الحسين ع
محمد الفهداوي
مدري شمالها عيوني
تدمع ونخطف لونــي
زينب خويه مامرتاح أحس مخنوگ صدري
بس لاگمر هاشم راح هوه حزام ظهري
،،،،،،
شياخذني زينب للنـهر
ثگلانه احس اجــدامي
عذريني لو يمه مــــــتت
وجنازه ارد لخيامــــــي
مو للفرات وداعتـــــــچ
لعيون اخيچ ضامــــــي
حزميني يَم عون بأفـه
وصيريلي انتي حزامي
خويه اصفاحي توجعني
راح الچان يسمعـــــــــني
دنيه وتخله من عباس تگظي شلون مدري
زينب خويه مامرتاح أحس مخنوگ صدري
،،،،،،
حته الهوه خويه أختلف
مرورة فگد گمت اشتــم
هسه انه يازينب صــرت
مثل الجرح يـــــنزف دم
حگَ الأخو الفگد الأخــو
من يحزن ويألــــــــــــــم
وفاتحته ينصب بالگلـــب
وعيونه تقــــــــــره المئتم
هنا يم عون حاچيني
وين النهر دلينــــــــــي
من گد الدمع ماشوف وحتاريت بـــمري
زينب خويه مامرتاح أحس مخنوگ صدري
،،،،،،،
مكحل چنت عيني بأخو
هسه الكحل ماهـــــــــوه
يازينب وداعت عــــــــلي
هسانه واگف گـــــــــــــوه
لوما فشل يمچ طــــــحت
وابقه انتحب وتلـــــــــــوه
راح امشي من يمچ عــدل
حسينچ يرد موهـــــــــــوه
رايح للأخو امشيـــــــــله
وگعد يمه وشكيلـــــــــــه
تعوف حسين اخوك شلون ياكفال خدري
زينب خويه مامرتاح أحس مخنوگ صدري
،،،،،،،
لحظه واحس گلبي ختنگ
بس لا عليه صاير شــــــــي
ادعيلي أمچ فاطمـــــــــــــه
ما انهطر من امــــــــــــــشي
من هسه احسن شيّبـــــــــن
راسي ولحيتي ورمـــــــشي
راح امشي ميت للنهــــــــــر
بچتافي شيلن نعشــــــــــــي
ادعي الباري والعالــــِم
يرجع للخيــــــــم سالم
وايدي بأيده كون تصير سالم يرد ضخري
زينب خويه مامرتاح أحس مخنوگ صدري
،،،،،،،
زينب اذا رديت الـــــــچ
وشفتيني افرك بيــــــدي
معناها عباس انذبــــــح
معناها راح اعظيـــــــدي
جيبلي ابني من المهــــد
خل احچي وي اولــيدي
راح اليرويك العــــــــذب
اصبر يزهرة عيـــــــــــدي
وحشه دنيتي بـــــــدونه
فدوه عيوني لعيـــــــونه
جيش بأكمله العباس كل اعداي تدري
زينب خويه مامرتاح أحس مخنوگ صدري
،،،،،
لخادم الحسين ع
محمد الفــهداوي
راسك وي رقيه هواي سامـــــــر
رغم مانحرك من الشمس سامــــر
بوسط عيني مصابك جرح سامـر
من اغمض ينلچم ويفز عليــــــــه
محمد الفهداوي
مقطوعه شعريه عن لســـــــــان
مولاتي الزهراء سلام الله عليها
جبت بيدي قميص حسين
بيه دم واثر طعـــــــــــنات
أطوفه بكل عزه ومجلس
ونشره بالحسينـــــــــيات
تعوفوني بشهر عاشـــور
انوحن وحدي لاهــــيهات
انخلقتو وطينكم طاهر
ولابيكم عديم الــــذات
ولابيكم ترك حبنــــــــه
ولا عاف العزه لحظـات
ولابيكم ترك زينــــــــب
تنوح وتمهل الدمـــــعات
اثر بصدوركم باقـــــــي
منگد ماعليه لطمــــــات
ويذكرني بمتن زينـــب
من گد ماحمل شوغات
تشاگف عن يتامه حسين
ورقيه وكل البنـــــــــــيات
درب بي الهوه محبــــوس
اعله زينب والدرب لوعات
درب بي الشمر حـــــــداي
وأخذ زينب على الشــمات
ويگلها وين اخوچ حسين
ايسي حسين بالطف مـات
ولاعباس يفزعلــــــــــــــچ
بقه مگطع علمسنـــــــــــات
يشعي كلشي دين بديـــــن
وانه المعروفه بالشـــــــدات
چم غالي يگاع الطف بچ النه
ودمع لحسين ومصـابه بچ النه
دين برگبتي كلمــــــــن بچ النه
اشفعله وانه الزهــــره الزچـــــــيه
لخادم الحسين ع
محمد الفهداوي
خويه يحســـين دم على صـــدرك
بوسه على نحرك خويه يحسيــــن
كافلي ويـــــــــن حيرني امـــــــرك
شومحني ضهرك كافلي ويـــــــــن
عضيد فاگد عضــيد
وحيد راجــــع وحيد
،،،،،،،
يحسين مشيك يختلـف
لازم رسَن مهرك جــــــاي
وبدموع عينك فاجعـــــه
وسوالف وداع هـــــــواي
يحسين احلفك بالربـــــــه
خوه اگعد واحچــي وياي
ضلت خيمنه بلاگـــــــــمر
ريت الله لايطي المـــــاي
ظلمه الخيــام من فارگاهـــــــا
كوكب ضـواها ظلمه الخيـــــام
تهمل العيــــــــــن متبدي عــمرك
شومحني ضحرك خويه يحسين
أشيريد دهري أشيريد
وحيد راجع وحــيــــد
،،،،،،
بالگوه عبد الله غفـــــــه
نيمته بسم العبـــــــــــاس
لوليتله عمــك اجـــــــــــــه
من جوده يرويك احساس
غمض ولكن شفتـــــــــــــه
يبست مثل ورگـــــــة ياس
يحسين رمشي وحاجبـــي
شابن مثل شيـــــب الراس
تلوچ الطفال طول مغـــــيبه
هاي المصيبه تلوج الطـــــفال
تفرهد الزيـــــن واليحمي خدرك
شومحني ظهرك خويه يحسيــن
بعــيد طايح بعيد
وحيد راجع وحيد
،،،،،،
تگطر لحيتك شو دمـــــع
باچي شكثر خويه شصار
لاكافلي لاجربـــــــــــــــته
لامهرته گلبي حـــــــــــــتار
بس لاتگلي مايــــــــــــــرد
عباس ابو راس الحــــــــار
راية كفيلي وبيهـــــــــا دم
جايبها الي ياســــــــــــــتار
برايته دموم من دم كفيلي
يادمعه سيلي برايته دمـوم
بگلبي كــــسرين كسري وي كسرك
شومحني ضحرك خويه يحسيـــن
فريد صبرك فــريد
وحيد راجع وحيد
،،،،،،،
طعم الاخوه شوبطـــــه
واني اعله نار اترجـــــاه
بعيونه اشوفن والــــــدي
لمن اصد العيــــــــــــــنـاه
اخته وربه بحضني وكبـر
وصبح گمر ضوه اسمــــاه
راح اني اطب الخيمتــــي
ودعي الله اخذ عمري وياه
سلوة الروح هوه حياتي
فراگه وفاتي سلوة الروح
مالك معيــــــــن كلما انظــــرك
شومحني ضهرك خويه يحسين
عميد راح العمــيد
وحيد راجع وحيد
،،،،،،،،
خل نگعد ونبچي ســــوه
عالكافل اليسوه النــــــوح
فاتحته كون بخيمتــــــــي
يمي انت ضل موش تروح
لسانك مثل خشبه يبـــــس
من شفت اخيك مذبـــــوح
عباس الك مثل العــــــــذب
من عنده تتروه الـــــــــروح
انه ويـــــــاك ننصب عزائه
ونذكر وفائه انه ويـــــــاك
ضالم البيــــــــن مامن ينصــرك
ظل محني ظهرك خويه يحسين
شهيد طايح سهيد
وحيد راجع وحيد
،،،،،،،
لخادم الحسين عليه السلام
محمد الفهداوي
زحمه إمن ابو فاضل امتلك عين
ودخل للضريح اوعندي چفيـــــن
ماحس بالخجل
يافِشل الفِـــــشل
زحمه إمن ابو فاضل امتلك عين
،،،،،،،،،،،،،
من البواچي اعله ابو اليمه كون عيني اعميها
من ألّطّم وحده من اديه واجب انه انطـــــيها
چفوفي وعيوني لجلهم الله المــــسويهــــــــــا
من الطبيعي ألهم اقدم كل حياتي افـنيــــــــها
هسه اني بفضلهم صاير انســـان
ودخل ولطم اعله المات عطشان
دمعي ما نزل
يافشل الفشل
زحمه إمن ابو فاضل امتلك عين
،،،،،،،،،،،،،،
حسين لمن طاح ضامي تراب يمـــــــكن انه
جنت حار وچاوي خده اوزيدت بحــــــزانه
ماصرت ماي اعله شفته اوبردت نيــــــــرانه
ولاصرت جود ابو فاضل وأهوي وي ذرعانه
لوصاير عمد بخيام الحسين
خاطر احترگ وي الصواوين
لوجاني الاجل
يافشل الفشل
زحمه امن ابو فاضل امتلك عين
،،،،،،
انه انه العينه صلفه وگوه اهل الدمــــــــــعه
بالطم ماضلع كاسر للي داســـــــــــــوا ضلعه
مقتل العباس اسمعه وچني ابد ما اسمعـــــه
انه مذنب يابو فاضل گلب اخوك ملوعـــــــه
اشعر بالندم وتعذب هـــواي
انظر صورة العطشـان بلماي
عطشان انچتل
يافشل الفشـل
زحمه امن ابو فاضل امتلك عين
،،،،،،،،،،،،
اول اللاطّامه كلها الگمر يشهد جـــــــــــــوده
علشريعه اوچان سيفه بالحــــــــــرب رادوده
لطم لحسين ابو اليمه لمن ذب زنــــــــــــوده
مابچه الحاله اعله زينب دمعته اعله خدوده
راسه اعله الرمح ويدمّع احساس
لو نادته زينب خويه عــــــــــباس
من هذا الحصل
يافشل الفشــــل
زحمه امن ابو فاضل امتلك عين
،،،،،،،،،،،،،،،،
خجل ماخذني وحس الذنب سالب روحي بالبچي نوح ارد اصيراً ابد ماكف نوحــــي
من يهل عاشور تركض خيل چـنها جروحي
وأسمع الزهره تنادي يبني يامذبوحــــــــي
يبني حسين وسفه تموت عطشان
الخيل ادوس صدرك ونـــــته قران
ضامي ابني ارتحـل
يافشل الفشـــــــــــل
زحمه امن ابو فاضل امتلك عين
،،،،،،،،،،،،،
لخادم الحسين محمد هادي الفهداوي
عالتل صحت ياستـــــــار
شني اعله ابو الاكبر صـار
عاصرني گلبي اعله حسين
حگچ يعيني ترفـــــــــين
،،،،،،،،،،،،،،،،،،،،،،،،،،،،،،،،
شوفت ابو الاكبر كحل
هيه الضوه لعيونـــي
ياجفني رسمت دمعتـك
لوعه التخيب ضنـــوني
مهد الدمع يهتز يظــــل
كلما ترف جفـــــــوني
سير عله وجهي الــحزن
حد ماذبل گل لونـــــي
الدارت على خوتها الاف
گلب الأخت حگه يخــاف
بعيوني نزفن جـــــرحين
عاعرني گلبي اعله حسين
،،،،،،،،،،،،،،،،،،،،،،،،،،،،،،،
مگسور گلبي ياجفـــــن
منول جرح خلف البــــاب
كل ماترف غيمه تجــــي
تمطر على عيوني مـصاب
كل ما انوملي جـــــــرح
يسر على عيوني صـــواب
قصدك اضل ابلا اهــــــل
وبديره مليانه اجنــــــاب
ودعته بس روحي ويــــاه
تمطر نده فوگ شـــفـــاه
ويگلي لاتنتطــــــــــرين
عاصرني گلبي اعله حسين
،،،،،،،،،،،،،،،،،،،،،،،،،،،،،،
ألدنيه مغرب والـــورد
بحضن الخيم ذابل صــار
وبلساني چم خويه نچفت
گـوم الحگ بحالي شصار
بدلالي چم جرح وجـــرح
شبن مثل شبــــــت نار
والخيمه غرگانه دمـــــع
بيها شكثر نـــــوح زغار
شما التفت الگه ايـتــــام
وم الرضيع وجســــــــام
يحاچني ابو الأكبر ويــــن
عاصرني گلبي اعله حسين
،،،،،،،،،،،،،،،،،،،،،،،،،،،،،،،،،،،،،
ياعيني مشتاگه شكثـر
لحسين اخوي الغالـــي
ومن الألم گلبي نعصـر
حد ماخلص دلالــــــي
حاچيني فدوه اتوسلــج
اخته وارحمي بحالــــي
بس لا مرد چبده العطش
بياحاله هسه الوالـــــي
بس لاسهم صدره نصــاب
بس لابقه بلايه صـــــحاب
خاف العده عليه صـــوبين
عاصرني گلبي اعله حسين
،،،،،،،،،،،،،،،،،،،،،،،،،،،،،،،
بالخيمه ودموعي مشت
يم حظن اليدفي اليــــل
ردلي الدمع شايل جــرح
بس مو جرح يسبي الحيل
وتنفست ريحت عطــــش
ومكاسره بحافر خيـــــل
ساتر دمع يني نهــــــدم
ونهد على خدودي السيـل
كل جسمه صاير طعنــات
بطل يون بس لامــــــات
طعناته البجسمه الفــيــن
عاصرني گلبي اعله حسين
،،،،،،،،،،،،،،،،،،،،،،،،،،،،،،،،،
ياروحي دوريلچ صبــــر
ودري الصبر دربه بعيــد
واليغفه بعيونه الحــــزن
مكتوب اله يضل وحيـــد
دلالي وي وكتي حچــــه
تطلبها زينب شتـــــــريد
ويرد على كلبي الوكـــت
عازل سبي الها وگــــيد
لازم احملها هـــــمـــوم
حد ماتضل گوه تگـــــوم
مثل السهم حجي البــــين
عاصرني گلبي اعله حسين
،،،،،،،،،،،،،،
لخادم الحســــــين ع
محمد هادي الفهداوي
يوليدي ياعباس وفيت العــــهد
بعيوني ربت الفظل رغم الشـدد
ببنك اشمن عطر الأحــــــــباب
شويه ويصير ابنك ولد شـاب
،،،،،،،،
يمه ياعباس ابنك بيه صـــــــفه
مشرعه بعينه ومحنه وعاطــــفه
منك اشگد ماخذ وليدك وفــــــه
فوگ صدري يحط يمينه لوغـــفه
مرات اشوفه گبالي متمــدد نهـــر
ومرات اصيحه بأسمك هنا يالكمر
ويبچي من اجيبن طاري الحجاب
شويه ويصير ابنك ولد شـــــــــاب
،،،،،،،،،
من غبت لليوم يهمل مدمــــــــعه
وينحب شماجبت طاري المشرعه
بالفضل اشتم بنيني الاربعــــــــــه
باچر يشيل العلم اتوقعــــــــــــــــه
يم راسه يسگت من اسولف عالعلم
وتنزل دمعته لوجبت طاري السهــم
عله السانه ذكرك لحظه ماغاب
شويه ويصير ابنك ولد شــــاب
،،،،،،،
چفه حنيته بدمع من ناضــــري
ومن اشوفه يلوع يكسر خاطري
تعزيه اعله حسين دوم بضامري
يبني سجادة صلاتك مـــنبـــــري
من اقره اعله ابو السجاد ابنك ينتحب
ودموعه زمزم تنزل بخده وتصــــــــب
ويم راسه دوم انعه يغــــياب
شويه ويصير ابنك ولد شاب
،،،،،،،،،
للعليله دوم شابح ناضـــــــــــــره
شماتون دمعه على خدوده جــــره
يگلها انه ابن الوگف عالگنـــــــــطره
أمنّي يابت عمي اشوفچ حايـــــره
كل ما احزم بيه يرفع يمنتــــــه
مثلك يبوفاضل ويلزم رايتـــــــه
ومحترگه روحه بنار الطناب
شويه ويصير ابنك ولد شاب
،،،،،،،
ليله مايرضه ينام ولارضــــــه
فراگ عبد الله الرضيع المرضــه
بيه صفه منك يليث المرتضــــى
يچوي صدري من كثر مابيه لضه
من چنت اناديله برقيه يضل يــحن
بعيونه يطفح نهر وينوح ويـــــون
گلبه الرقيه مصوب صـواب
شويه ويصير ابنك ولد شاب
،،،،،،،،
دوم اذكره بجاسم وعن حنتـــــه
ويخلط دموع الحزن وي حســرته
انعه چنت گباله وصلت زفــــــته
يفرح گبالي وتهوس شيمــــــته
لوردت اسكتنه اجيبله شـــــــــــــــمع
ويم حنت القاسم يضل يجري الدمع
وعيونه دوم اتصد على الباب
شويه ويصير ابنك ولد شـاب
،،،،،،،
من اجيبن طاري زينب ينكـــــسر
عليها كل مغرب أوليدك ينعـــــصر
چانت دموعه تحاچيني شكـــــــثر
وافهم دموعه يريد ام الخـــــــــدر
ابنك تره مشتاگ حيل العمـــــــته
وبرموشه خظر شيب من كد ونته
لب الگلب كلمايـــــــــون ذاب
شويه ويصير ابنك ولد شاب
،،،،،،،،،
لخادم ام البنين ع
محمد الفـهداوي
بيه صفن حته الجمال
علي الاكبر بالنـــزال
،،،،،،
من نزل سيفه بيمينه شمس فوگه عمامه
النور يتبده اعله مهره ما يحجبه الثامــــه
روسهم عافت جثثهم ركضت الصمصامــه
ولا ابن زلمه التجاسر لو وگف جـــــدانه
دارس فنون القـتال
بيه صفن حته الجمال
،،،،،،،
رمحه من يرميه عليهم عشره ياخذله سوه
عمر بالخيمه ايتراجف ضل يدور عالهــوه
بيهم التيه طريچه وبيهم بسيفه نچـــــوه
دنگ عليها ولزمها وراد يقلع نينـــــــوه
گد حميته بيه كـمال
بيه صفن حته الجمال
،،،،،،
من كثر حسنه وجماله منه خجلت كربله
ايه چنه فوگ مهره مدري چنه البسملـه
من كثر ما غيره شايل علي ينظح مرجله
وبو فاضل عالشريعه بصوت دافي رتــله
اصفه من ماي الزلال
بيه صفن حته الجمـال
،،،،،،
علي من مهره ترجل وده للخيمه المـهر
خله من راحت يمينه لمه والسكنه عـطر
وده دمعاته الرقيه واعتذار الها اشكـــثر
وده شوگه واحترامه العمته ام الخــــدر
واجهه اصحاب الشمال
بيه صفن حته الجمـال
،،،،،،،
عصر وجه الگوم بيده گطره ما نزلت ابد
بنص گصصهم لاكو غير ولاحميه بالشـدد
صار ابن غانم فريسه من تلاگه وياللأسـد
شال راسه انطاه للاكبر گله ماعيلن بعـد
منه مذهول الخيال
بيه صفن حته الجمال
،،،،،،،
من يكبر سيفه ينزل فـوگ هامات الزلم
شماطبر هامت معاند زينب تصيح ونعـم
چنك العباس عمه شايل بگدهَ شــــــيم
من تطيح اتطيح عمه وياك عالگاع الخيـم
علي تربات الرجــال
بيه صفن حته الجمال
،،،،،،،
من عگب ماخله اميه دمومها مثل النهر
للشهاده شتاگ گلبه وشتهه يموت بفخر
علي مؤمن بالمنيه ومؤمن بحكم القــدر
لوله حكم الله وقضائه ما عليه واحد گدر
كلمة الحقِ تقـــــال
بيه صفن حته الجمال
،،،،،،،
لخادم الحسين ع
محمد الفهداوي
گبل ماتمشي يحسين عليه الفاتحه اقره
صحـت ناوي السفر وين يريحانة الزهـره
وحگ بوست محمد فوگ نحرك
اموتن بس اضل يوليدي انطرك
تجيني تجيني
،،،،،،،،
تفرهــــدني الظنون وداعة عيونــــك
شتتوقع اعيشن يمه من دونــــــــــك
اموتن بس اضل أمناطره ضــــعونك
يمهجــة فاطمة بس لا يذبــــــحونك
فده النحرك تمنيت ييمه هذا نحـري
گبر مندونك البيـت اذا ترحل يعمري
اموتن من افارگ طيب عطــرك
وحگ بوست محمد فوگ نحرك
،،،،،،،،
نويت تروح عني وماترد ليـــــه
يسباح الگلب يانسمة الريــــــــه
اذا وجهك حبيبي ماشفت ظــيه
على الدنيه السلام بعيني مفنيه
اذا لعيونك اشتاگ شسوي باچر اني
اموتن من الفــراگ وگولآ مانســـاني
الشهاده وياگ تمشي ارد ابشرك
وحگ بوست محمد فوگ نحرك
،،،،،،
يبني لو مشيت عيوني ماتغفـــه
تبچيلك بچي ما واحد يوصفـه
گلبي شگد يحبك ونته التعرفـه
نارك من تغيب بگلبي ماتطفــــه
اخذ يحسين العيون بعد چاشلي بيهن
اموتن من تـبعدون يعذبني بچيهـــــن
اذا تعطش يمطرآ فوگ ثــغــرك
وحگ بوست محمد فوك نحرك
،،،،،،
انه الربيتلك اربع زلــــــــم ودري
يوفون الربه وداعة لبن صــــدري
يبو السجاد لو ترضه أخذ عمــري
ما ترظاها أوگف والجمر حـــدري
اظل عالباب اتانيك وناشد يمته ترجع
اسلم المغرب عليك يقينآ انته تســـمع
عسه يندار عمري دون عمــــــرك
وحگ بوست محمد فوگ نحرك
،،،،،،،،
روح وداعة الله طفلتك عنـــــــدي
اصبرها ونيمها على زنـــــــــــــــدي
يبو السجاد فدوه الشيبتك ولـــدي
من تمشي العمر صوب الگبر يحدي
عله مودك عايشه الروح يروحي ياحياتي
اذ گلولي مذبوح اذن گربت وفاتــــــــــي
تدوس الخيل اشوفن فوگ صدرك
وحگ بوست محمد فوگ نحـــــرك
،،،،،،،،
لخادم الحسين ع
محمد الفهداوي
داست عليك الخيل مولاي
وفوگاها هم ماشارب الماي
اه اه اه
حسين حسين حسين
،،،،،،،
ارضه الحوافر تسحگ علـــــــيه
وبس كون اصيرن طاسة اميـــه
بچفوف بنتك كون مملــــــــــــيه
ومن عندي يشرب نحرك اشويـه
اه اه اه
لو خيمه اصيرن فوگك فياي
،،،،،،،
ارضه السهام توزع بـــصدري
وثنعش طبره ريتها بنحـــــري
ريت المثلث طلع من ضـــهري
وريت الرمل يابو علي حــدري
اه اه اه
موحكي لمن افگد الــــــــــــراي
،،،،،،،
اتمنه گطعوا خنصر ايميــــــني
وبحجار گون الگوم ترميــــني
لو نبله اخذ منك بعينـــــــــــي
صح تنطفي بس أبصر اسنيني
اه اه اه
من زغري هاي الامنيه ويـــــاي
،،،،،،،،
اتمنه كون اعيالي يسبــــوها
وبنيتي كون العده ايضربوها
صعبه الاخت لمن يشتـــموها
لعيونك ارضه من يسبــــــوها
اه اه اه
يالغالي ارضه وابصم بهــــــاي
،،،،،،،
دون الشرف شنهي الرجل يسوه
وانه وحياتي اندارلك فـــــــدوه
يالعمتني معنه المــــــــــــــــــروه
موبيدي احبك هيه گــــــــــــــوه
اه اه اه
حبك تملك گلبي وعضاي
،،،،،،
مرات اعيش بعالم احسـاسـي
والعبره تخنگ صدري ونفاسي
واتمنه كون اعله الرمح راسـي
وبصفي اخوتي مذبحه وناسي
اه اه اه
ماتطفي ناري دمعة ابچاي
،،،،،
محمد الفهداوي
جم عاشور مَر اعليك يالغايــــب
بكثر مابيك شيب اتصورك شايب
صح تضهر بصورة شـــــــاب
لكن للمشيب اسبـــــــــــــاب
يابو صالح يابو صالح
------------------------------------
تَغَيّم عيونك يمهــــــــدي
تمطر شما طر فجــــــــــر
وتذكر الحره العقيــــــــله
الفرهدوا منهـــه العمــــــر
ياخذك بيده المــــــــصاب
ويمشي بيك اعله الجمـــر
وتوگف ابراگ الشريعـــــه
وترد ظهرك منكســـــــــــر
جدك ابو الأكبر من نظر عبـــــــاس
رد الزينب امشيب اودمعه احساس
ظهره اعله الأخو ماطاب
لكــــن للمشيب اسبـــاب
يابو صالح يابو صالح
------------------------------------
من يهل عاشور دمعـــك
يرسم جروح اوضمـــــه
تبجي لحسين اومصابــه
مو دمع دمعك دمـــــــــه
مدري هسه انته على التل
مدري يم حامي الحمـــه
ومدري يم عباس تلطــم
انته وامك فاطمــــــــــه
صاحب هل مقاله وانته گايلهـــه
دموعي من دمه لحسين انزلهــه
ايعينك علي داحي البـــاب
لكـــــــن للمشيب اسبــــاب
يابو صالح يابو صالح
---------------------------------
سيدي هاي المــجالس
كلها تتقدم الــــــــــــك
وانته بعيونك مصيبـة
فاطمه اولوعة فــــدك
انته وجروحك عجيبه
شلون ارض تتحــملك
هلال عاشور بظهــوره
رسم كل لوعة هـلــك
ألف وكسور عام معاشر الشـــدات
كلبك مو كلب صاير وطن لوعات
شال صواب فوك اصــــــواب
لكن للمشيب اسبــــــــــــــاب
يابو صالح يابو صالح
-----------------------------------
حسين لمن عاف اخــيه
اعله الشريعه وضل وراه
فرهدت حيله المصايــب
والمشيب استوطنــــــــاه
رجع لخيام العقيلــــــــــه
اوكله حسره اوكلـــــــه اه
عاينتله زينب اخـــــــــــته
تصيح اخوي شغيــــــــراه
لحظة الشيبت جدك اورد مكســـــور
وانته عليك هل يالمهدي جم عاشور
بدلالك لهيب اطنـــــاب
لكن للمشيب اسبــــــاب
يابو صالح يابو صالح
------------------------------------
رَكظَة ايتام بـــــــــــدليلك
خايفه بلايه ولــــــــــــــــي
اوصوت اخت عباس تندب
خويه وينك كافلـــــــــــــي
من الوطن انته الجبتنـــــي
وكتلي خويه ادللـــــــــــــي
چني احس زينب تنــــدبك
عمه حركوا محملــــــــــــي
لمن أيست مايرد راعي الجــــود
زينب ندبتك يامهدي ياموعــــود
تندبك والدمع سجــاب
لكـن للمشيب اسبــــاب
يابو صالح يابو صالح
--------------------------------
شايل بروحك ثــــواكل
كلهن ينوحن ســـــــــوه
وحده تندب يمه جاسم
كوم يابعد الهـــــــــــــوه
وحده تندب اه يالأكبـــر
يالجنت لمك ضــــــــــوه
وحده كعدت يم ابوهـــه
تكله جف رجلي انجـــوه
بروحك حسرة اسكينه اعله والدهه بالطف حايره ومحد يساعــــــــدهه
اليرعه اسكينه ضل ســــلاب
لكــــــــن للمشيب اسبــــــاب
يابو صالح يابو صالح
------------------------------------
خادم اهل البيت ع
محمد الفهداوي
خي عونه يابويه الرمــــــح
يشتم بنحرك بالـــــــــــدرب
اليوجعني يابعد العمـــــــــن
بويه الشتم موش الظــــرب
فدوه الزارگ البلمــــــــــتن
وطيحاتي من الناگـــــــــــه
بگد چبدك الظاگ العطـــش
هيچي اني الك مشتاگــــــه
كل ماعليه تباوعــــــــــــــت
من اخوتي ايطلعـــــــــــوني
انتي اليحبچ والـــــــــــــــدچ
وبسياط يتولونــــــــــــــــــي
شمسين فوگاي اصبحـــــــــن
وتشابهن بالصـــــــــــــــــــوره
وجهك شمس فوگ الرمــــــح
وتتبده منه حــــــــــــــــــروره
عطشانه بويه الوجنتـــــــــــك
وشفافي ظلآ صايــــــــــــــمـه
أمنهد الحوافر والذبــــــــــــــح
لليوم ابد مانايمـــــــــــــــــــــه
چتفوني بگماط الطفـــــــــــــل
موش بحبل چتفونــــــــــــــــي
ومن حظروا نوگ السبـــــــــــي
من جثتك جرونـــــــــــــــــــي
غطتني چم مره بحظــــــــــــن
عمتي ام عون الغاليـــــــــــــــه
من كثر ما اطيحن مـــــــــــتت
والناگه چانت عالــــــــــــــــــيه
بويه العماني منحــــــــــــــــرك
من كثر دمع احساســــــــــــــي
انه اليتيمــــــــــــــــــــه وشيبت
وبيض تحول راســــــــــــــــــي
گمت افرش بنص الگلــــــــــــب
مصلايتك ياروحـــــــــــــــــــــي
وجرحك يصلي بكل فـــــــــرض
وخلفه تصلي جروحـــــــــــــــي
موعدله ميته وبس نفــــــــــــس
ومروره احس ابريتــــــــــــــــــي
من طگني يابويه الشمــــــــــــــر
من اذني ذب ترچيتــــــــــــــــــي
لخادم الحسين ع
محمد الفهـــداوي
يحسين الصواوين فرغت من زلمنه
ضلت بس نسوين ونلوچ بألــــمـنه
نار الگوم ماتخـجـل
لمن حرگت المحمـل
تريد الزينبك تنـــذل
حسافــه حسافــه
،،،،،،،،
اني أملاك ربي التحلف بـخـدري
اني شچم نبي متربع بفكـــــري
مامحتاره بس فگدك كسر ضهري
اني ازرع صبر خلصت كل عـمري
شمادير الوجه ناس تگطر بس مسـبه
بطارف حلگي عباس كل لحضه واندبه
بروحي خيمه للعفه
اتهنه بنومتك وغفــه
حزام الصبر ماينـحل
نار الگوم ماتخـــجل
حسافه حسافه
،،،،،،،،،،
نار فراگ شخصك والله ماتخمــــد
بكل نگلت رجل للناگه احط مرقــد
لو ادفن طفل لودمع عين الخـــــد
دربي عليك من جيش الأعادي انسد
خيم ليل الــحزان واني جروحي كثره
فراشك وسفه تربان يامهجت الزهـــره
بنفسي وياك اريد احچي
ونعه جروحك اوابچـــي
طايح وين ما انــــــــدل
نار الگوم ماتخجـــــــل
حسافه حسافه
،،،،،،،،،،،
يالشايل جروح الف وتسع ميـــه
كلهن عالرمل يحسين مــدمــــيه
الخيل الداستك ركضت تره عــليه
شردن بالبراري سكينه ورقــــــيه
طاحن بيد ســلاب سلبهن تراچــي
وانته فوگ التراب ياحلو المحاچـــي
بحرگه ولوعه وبحسره
عالتل شابچه العشــره
هنا يبن امي يمعــــدل
نار الگوم ماتخجــــــل
حسافه حسافه
،،،،،،،،،،
خويه حسين بدموع الحزن صحــته
حبك وي هرش دلالي عاگــــتــه
گضن خمسين عام بروحي شايلتـه
مثلك ماشفت واحد يعز اخــــــته
صدرك خيمت اجواد يتفايض محـنه
جرحي عليك ماهــاد ياعزنه واملــنه
دمع العين يوميــلك
لوله الكوم امشيــلك
انته اعله الثره مرمل
نار الكوم ماتخــــجل
حسافه حسافه
،،،،،،،،،،،
شلون يصير امشي ويه عدوانــــي
وتركهم ضحايه اعله الثره خوانــــي
ضل يهدم بحيلي الهم تولانــــــــي
قراني الصبر والنوح قرانـــــــــي
ماضل عندي كل حيل من الغاضـــريه
حسين اوچلجل اليــل خويه الحگ عليه
خويه ايتامي مـذعوره
ضلوعك ادري مكسوره
ليل الوحشه من چلچـل
نار الكوم ماتخجــــــل
حسافه حسافه
،،،،،،،،،،
اني الچنت حته خيالي ماشوفـــه
لوعني الزمن يحسين بطفـــــوفه
الموت اهون ولا ادخلچ الكوفــــه
انه البيها أميره چنت معروفـــــه
جاري يگول عشرين عام وماشفتها
هسه ابين صوبيـن اختك يالجبــتها
صوتي چنت أحجبـــــنه
اني كوه اسمــعـــــنه
حسين اعله الثره مجندل
نار الگوم ماتخجـــــــل
حسافه حسافه
،،،،،،،،،،،،
لخادم الحسين محمد هادي الفهداوي
مشتاگ هوايه للمجــــــالس
مشتاگ وحك شيبــة عابس
مشتهي ابچيلك ياحسين
ورايد اشكيلــك ياحسين
،،،،،،،
بيّه طف ثاني وخيم محتـرگه نـار
بعيني دمع أسكينه ودمـوع الزغــار
چن رقيه بروحي تركض بنكســــــار
تصيح بويه حسين وينك گلبـي حار
يحسين والله شيـب راسي
يحسين گوه اجر انفاســـي
دمعي يجريلــك ياحسيــن
ومشتهي ابچيلك ياحسين
،،،،،
وداعت اكبر جرح حد جرح الرضيع
من تهدني وداعتك يحسين اظيـــع
ياشفيع المايصـــح مثلك شفـــــــيع
انه عبدك ومتثل لمرك وطــيـــــــــع
مملوك الك من أصياري
مملوك يالشلت مقـداري
كل سنه امشيلك ياحسين
ومشتهي ابچيلك ياحسين
،،،،،،
يوم يوم احسب وتاني الهل عـــزاء
ولابس ثياب التعــازي والــــــــــرثاء
گلبي من ينبــض يردد بالــــــــــولاء
شمايدك معنها يصــرخ كــــــــــربلاء
والله اسمك بـــدلالـــي
والله ماكو مثلـك غالي
گلبي يصغيـلك ياحسيـن
مشتهي ابچيلك ياحسين
،،،،،،
عيوني تجري شما شفت بعيوني ماي
موقفك يوگف گبالـــــــي يا ضــــــواي
رياگي تنشف وجهش وتظلم سمـــــاي
ياحسين اتظل الك صرخت نـــــــــداي
بالماي دوم تتراوالــــي
بالماي صورتك يالغالي
من اشرب ادعيلك ياحسين
ومشتهي ابچيلك ياحسن
،،،،،،
لجلي صارعت الظمه والنيبــــــــات
وللسبي وديت نسوه مــــــــخـدرات
والله ما استاهلك ماعنـــــــــدي ذات
مااقدر موقفك بين الطغـــــــــــــــات
خجـلان يالحنين هـــوايه
خجـلان الك منطي حجايه
گلـــــــت اوفــيلك ياحسين
ومشتهي ابجيلك ياحسين
،،،،،،
لخـادم الحسين ع
محمد الفهداوي
عالباب ضلت عيني مشبوحه
يابشر مثلي هاجرت روحـــــه
انه والميت ســــــــوه
وفارگ عيوني الضوه
،،،،،،
الهاجرت من عنده ناسـه
يموت بس عوزه جفـــــن
تفرهد بحيله المصيبـــــه
ودمعته تنزل مــــــــــحن
فارگت عافيتي كلهــــــــا
وهسه صرت بلا وطـــــن
تواردت وي الجــــــــــنازه
من ابتعد عني الظعـــــــن
ايدي اعله خدي ودمعتي تجري
ابقه انتظر لو امــــــوت ما ادري
من الدمع خدي نچوه
انه والميت ســـــــــوه
،،،،،
داري صارت من بعدهم
هواي تشبه للگبـــــــــــر
الورده تذبل من طبعهـــا
ياهلي من تنكســـــــــــــر
وانه چف وكتي لزمنــــي
وبيه ضل يعصر عصـــــر
اوي الضعن منعدني هاجر
ومارجع ليه العمـــــــــــــر
يشهد عليه اليل ونجـــومه
بحسرة الراحه ولذة النومه
تفاركت وي الهوه
انه والميت ســوه
،،،،،،،،
اه ياحسرة رقيـــــــــــــه
العنــــــــــي راحت ماترد
چنه من نگعد سويـــــــه
نسولف بطاري الـــــــــورد
فارگتنــــــي وروحي ظلت
ملوعه بنار البعـــــــــــــــــد
ودمعتي چنها يتيمـــــــــــه
من چفن عيني تهـــــــــــــد
الشوفت رقيه عيوني مشتاگه
وبيه حنين ولهفه ومــــــــلاگه
احلف براعي الوه
انه والميت ســوه
،،،،،
ياهوه سلم عليــهــــــم
وبوسلي حته الطفـــــل
وگلهم الفرگه ثگيلـــــــه
والهجر ماينحمــــــــــــل
كاتبه عيوني رسالـــــــــه
الوالدي بدمع اليهــــــــــل
تستحي بنتك تگـــــــــلك
ليش بس انه انعــــــــــزل
راحت خواتي وانه عفــــتوني
من الضرب خايف على متوني
يالمشيتو النينوه
انه والميت سـوه
،،،،،،،،،
خالي مهد الطفل خـالي
گــاعده وبچفوفي اهـــز
باقي بس اگماط ذكــــره
وظحكه ومناغه وحـــــرز
اتصوره مرات نايــــــــــم
ويبچي من ابچي ويفــــز
ياهلي عذروني كلكـــــــم
ايعاتب اطباع اليعــــــــــز
يَعزاز روحي فدوه عذروني
انتم حياتي وانتم عيــــوني
من القهر عظمي خوه
انه والميته ســــــــــوه
،،،،
لخادم الحسين ع
محمد الفهداوي
ماجربت يسحين الفراگ
هلگد يعذب والله مشتاگ
نبض الگلب يحسين يحسين
ويوميه اموت عليك مرتين
،،،،،،،،،،،،،،،،،
بزيارتك سر سيدي
سر الوجود اتوقع
مشتاك أَعَفّر جبهتي
عله اعتابك اني ارد اركع
لوطاري اسمك ينذكر
يرجف دليلي ويخشع
ومشي بصفنتي الكربله
ومن حلمي ماريد ارجع
اتمنه اسمي ينكتب كون
بدفتر حبيب وداعة ام عون
شمحله الهوه بين الحضرتين
ويوميه اموت عليك مرتين
،،،،،،،،،،
يالعودتني من الزغر
انه اغفه بين احضانك
ومامره اذكر سيدي
لحضه انهجر ديوانك
لسابع سمه صيتك وصل
وغرگني جود احسانك
يملوحة الطف كل فجر
انه استمع قرانك
لزيارتك يحسين حنيت
لو ما ازورك انحسب ميت
كل لحضه تنعد سيدي سنين
ويميه اموت عليك مرتين
،،،،،،،،
حن الگلب لزيارتك
يالساكن بنص روحي
كل ليله من ليل الهجر
انه انسبي أوي جىروحي
سابع سلف ضل يستمع
حزني وعذابي ونوحي
ياروحي چا يمته التقي
وي سيدي ومذبوحي
محسب اموت واحمل مصاب
شهرين فرگه موبالحساب
وداعت حسرتي ودمعة العين
يوميه اموت عليك مرتين
،،،،،،،،،
عطشانه عيني الحظرتك
بس گبتّك تروني
لوماكو مشايه انتهي
وتبره من رجليني
عبدك وبن عبدك اضل
خادم الك يحسيني
بعمري أشتريها زيارتك
وبأي ثمن تدريني
مابالغت وجفوف عباس
انته شريك الدم والنفاس
صاحب وجه ماعندي وجهين
يوميه اموت عليك مرتين
،،،،،،،،،،
لخادم الحسين ع
محمد الفهداوي
خدام الحسين هذا خوش شاعر حسيني معدل الشاعر هاني ناصر السعيدي
Читать полностью…
الكوفه اصبحت اهل الفيل
متاني الأمر عزرائــــيــــــل
بس مسلم يصيح بصـــوت
يمطر عليهم سجيـــــــــــــل
،،،،،،
من سرفن اردانــه
ضل يغلي بـركانــه
يستنگي ضل بيهم
ومدنكه عدوانــــه
بي من علي ملوحه
ابسلهم ايلوحـــــــه
وبصارمه يرســــــل
الوادي صقر روحـه
مسلم شبيه العبـــــــاس
غيره وشجاعه ونوماس
وعمامته حب حسيــــــن
تاج ولبسها اعله الـــراس
راواهم بسيفه الويـــــــــل
الكوفه اصبحت اهل الفيل
،،،،،،،
گلهم علي عمـــــي
يموت اليصل يمي
اله اشلع عيونـــــه
الرايد سفك دمـــي
انسابي معروفـــــه
خل تسمع الكوفـــه
موقف اريد اتــــرك
حته العمه يشوفــه
راح اني أترك عنـــوان
يقراه يضل كل انسان
انه ابقه ونتو تموتـون
هيجي بصريح القـرأن
يذكرني يبقه كل جيــــــل
الكوفه اصبحت اهل الفيل
،،،،،،،
حسين اشتره انفاسي
وتملك احساســــــــــي
وانه شلت حـــــــــــبه
ياوادم براســــــــــــــي
انتم ندبتولــــــــــــــــه
أقدم كتبتــــــــــــــــوله
من تنگضي الدنيــــــــه
كل چلمه مسؤلــــــــــــــه
عن سيفي وين تـــــــفرون
موهينه بينه تغـــــــــــدرون
القاضي سيفي اعله الروس
صَدر أحكام تموتـــــــــــــون
ما يسلم البينه ايعيـــــــــل
الكوفه اصبحت مثل الفيل
،،،،،،،
راح احكم بـصارم
متحمس وعــــازم
كتبوا وصـــــاياكم
يا ارذل الـــــــوادم
اسحگ جحافلكــم
ولوحدي انازلكـــــم
مومستواي انتـــــم
مجبور اقاتلـــــــكم
انه العشت بين ابطـــال
اكسر خشم كلمن عـــال
مسلم وبن عم حسيــــن
موجرمقان وبقـــــــــــال
من صولته كلها تميــــــــل
الكوفه اصبحت مثل الفيل
،،،،،،،
يدري بمگيدتهـــم
وعليها شردهـــــم
نص المعسكر طاح
منه بحفيرتهـــــــم
محد گرب صوبـــه
وما حركو ثوبــــــه
باسو رجل مهـــــره
يامسلم اتوبــــــــــــه
تهلهله طوعه تحيــه
بعمه علي من تناديه
يترك السيف بيمنــــا
يلزم الفارس يرميـــه
الروس اوصلت نجم سهيل
الكوفه اصبحت مثل الفيـل
،،،،،،
لخادم الحسين ع
محمد الفهـــداوي
جمعن خواتي هدومهن
ولاح الحــزن برسومهن
بچتني اختي الغاليه رقيه
تبچي تضل كلما تصد عليه
،،،،،،،
رقيه بداعة الزهره
احلفچ گعد وحچيلي
نظرتچ صوبت گلبي
اضل لو امشي گليلي
اكض بمتنچ وأمشي
بعد ياهو اليتچيلي
تهون عليچ عشرتنه
يخيتي ويابعد حيلي
وي هدمچ اخذي عيوني
ولوبيدي اودي متوني
نضرة موادع گاصدة المنيه
تبچي تظل كلما تصد عليه
،،،،،،،
سكينه بداعت دموعچ
صدگ ما امشي وياكم
ونه الماتغمض عيوني
شرط اله اعله طرواكم
سوالفكم دوه الروحي
يَخيتي حيره شنساكم
شكو بعيني دمع جبته
الچ وخذيه بمسراكم
الماراح وي ٱحبابه
حدر الضلوع ٱصوابه
عذرني جنها تگلي موبديه
تبچي تضل كلماتصد عليه
،،،،،،،
يعبد الله ونظر عيني
اخذ نحري فده النحرك
زغير انته وچبير الطف
يمن عمري فده العمرك
العطش كل رحمه ماعنده
يورده ويفتك بعطرك
اريد بدمعتك تحچي
لبونه ولأبو يقدرك
بلكت اروح وياكم
وگظي العمر بحماكم
شمحله السفر من ننجمع سويه
تبچي تظل كلما تصد عليه
،،،،،،
اروح العمي وشكيله
وگله الوحده كتاله
شبدر مني وابوي حسين
تركني وجهز عياله
اعرف اني الگمر عمي
من اجيله بدمعه هماله
يسكتني ويفرحني
حنين وداعة افعاله
لوشاف عمي دموعي
لازم يحل موضوعي
راح انه احلفه بفاطمه الزجيه
تبحي تظل كلما تصد عليه
،،،،،،،
الشبيه المصطفى اگصد
وحلفه بداعت الخدر
وگله شلون ترضاها
تعوف اختك علي الاكبر
اذا خايف يجيني الموت
اگله چارقيه ازغر
وذا تحمل سفر هيه
اختها اني ومثلها اگدر
بلا فرحه اضلآ صايمه
وي المصايب هايمه
دمعاتها بيهن قصص رزيه
تبچي تضل كلما تصد عليه
،،،،،
لخادم الحسين ع
محمد الفهداوي
اللولي الجرحك اومايقبل اينام
يتّعب سنيني يوليدي يجســام
يسولف جرحك وياي
واشربه دموع عيناي
،،،،،،،،،،،،،،،،
اسكت وجرحك يضل يحچي بمهجتي
يگلي ذكريني اذا شبان شفــــــتي
جربة دموعي نچفت منگد حســرتي
يگلي جرحك بالدمع عجنيها حنــــتي
أتوسد جرح وغفى اعله طرواك
بلگت بالحلم يوليدي الگـــــاك
بحلم مرلي يرجواي
يسولف جرحك اوياي
،،،،،،،،،،،،،،
انه وشموعك تسابگنه اعله الدموع
بالدمع عيناي طفنآ كل الشمـــوع
گلبي يتعناك بس اتلزمه الضلــوع
رايد أيگلك عفتني حالي مفـــجوع
بخر خيمتك دخان المـصاب
وعليه الحزن فاتح الف باب
عليه اتوصورك جـاي
يسولف جرحك اوياي
،،،،،،،،،،،،،،،،،
يبني يالمخذ نضر عيني من اديه
والثواكل مو ألهن ناحن عليـــه
انه وصورك سوالفنه ســـــويه
نگعد ونرسم عرس بالغاضـــريه
كلماحضرت حنتك يمظلــوم
اعجنها وشوفن تنزف دمـوم
مبارد تبره لحشـاي
يسولف جرحك وياي
،،،،،،،،،،،،،
وگفت جروحگ رمح وتبچ بلعــيـون
وانزف دموم اودمع ومغيره الـــون
يبني من ترجع الي كل الجره ايهـون
الليل نگضيه نوح اني وعمتك ام عون
درب البيه على امك لمن تعـود
نذرنآ الــــه ازرعه ياس وورود
عفتني فاچده الراي
يسولف جرحك اوياي
،،،،،،،،،،،،،،،
ايكضني يوميه الحزن ومشي بدرب نار
شما اودع كهف لوعه ادخل ابغــــــار
يبني هم تدري الجروح البمك اكبـــــار
كل جرح بيه ميه وأزيد الك تـــــــذكار
اني الدافنه بجرحك تـــصاوير
أورّحت فرگتك كل مغـرب أدير
اهيم ابدرب بلــواي
يسولف جرحك اوياي
،،،،،،،،،،،،،
يبني ياقلع حصن حيلي بالفــــــــــراگ
صرت أحب شاطي المأسي أوگفت الراگ
يمه باچر بيه لو ضعن الهظم ســــــــاگ
خاف اموتن من عذابي اومن الشـــــواگ
انصبلك عزه فوگ المــــهازيل
حتى النوگ اخلي دموعها تسيـل
أنعيلك نعي هـواي
يسولف جرحك وياي
،،،،،،،،،،،،،،،
لخادم الحسين محمد هادي الفهداوي
اتمنه اصيرن ساريه ورفع علم عـزائك
بالبيرغ اسمك ينكتب وشتم عطر ولائك
حسين حسين حسين
،،،،،،،،،،،،
گلساع اشبگك من يهـب الـــهوه
ويفوح من اسمك عبير الـــــورد
اتمنه بس وياك يگضي العمـــــر
رمشت جفن عنك صعوبه ابتــــعد
يقرالي جرحك صورت الواقـعـــه
واني اقره يابو سكينه صورة حمد
من اخدم ابموگب احسآ مــــــلك
لحسين اتفاخر اصيرن عــــــــبد
مايبقه بمتوني ذنب من احضر برثائـك
بالبيرغ اسمك ينكتب وشتم عطردمائك
حسين حسين حسين
،،،،،،،،،
عمر العلم يحسين يبقه سنـــــه
وهاي السنه وياك تنعد عمـــــر
موعمر إيآ كان لا يختـــــــــلف
ضعفين ينعد ويه عمر الخضـــــر
هوه اليرافگ ورد طبع الــــــورد
كل فجر يبن الزهره يمطر عطـــر
اني العشگتك وفخر بهل عشـــگ
بسمك اشدن حيلي من ينكســــر
ماينگطع مثل البحر جود اوكرم عطائك
بالبيرغ اسمك ينكتب وشتم عطـر ولأك
،،،،،،،،
يمشارك عيوني بضواهن كـفــو
منك يبو السجاد يابو الهـــــــله
والصعبه تنحل بسمك وتنگضـــي
چم معضله الگاضيها الي بمعضلـه
وجروح جسمك چنهن الفاتحــــــه
بس جرح راسك يشبه البسمـــــله
ضعن المشاعر سيدي كل فجـــــر
من روحي يطلع يعتني الكربلــــه
يمصفن اعيون الرمح من عاين البهائك
بالبيرغ اسمك ينكتب وشتم عطر ولأك
حسين حسين حسين
،،،،،،،،،،،،،
مرات اصد للساريه وابتســـــــم
ومرات اصد ليها وسيل الدمـــــع
من ابتسم اتصور اني العـــــــمد
اومن ابچي اذكر جرحك وألچـــــم
تل زينب بصدري صفه تل قـــــهر
من نوحي وگت الضهر شفت النجم
يبنيني جف عباس راعي الوفــــه
مندخل مجالس انهضم ونــــــهدم
يالقدمت حته الطفل ماصح مثل سخائك
بالبيرغ اسمك ينكتب وشتم عطــر ولأك
حسين حسين حسين
،،،،،،،،،
مرات ارسم جرحك بدمعتــــــي
مرات ارسم صدرك بلا ضـــــــلع
وبنص خيالي خيمه گلـــــــه ورد
وتزگي الورد ام الخدر بالـــــدمع
مرات اشوفن چف يگطـــــر وفه
مرات اشوفه اعله النهر منگطــع
يحسين فسرلي جرح جبـــــــهتك
معقوله جرح الحجر ما مقتنــــــع
صدگني معنه المرجله من اجهش ابگائك
بالبيرغ اسمك ينكتب وشتم عطـــر ولأك
حسين حسين حسين
،،،،،،،،،،،،،
ثوب الخدم غالي اويفوق الثمـــن
واني البسته اوما تتلف دَنـــــس
ماحاجه فوگ جتافي يكتب مــــلك
بعيوني حبك وگف مثل الحــــرس
من فاضل الطينه خلقني العشـــك
وعاشور بيه خضر امن انغـــــرس
يحسين بضلوعك تحس ابوجـــــــع
گالو بصدرك ضال حافر فـــــــرس
ولفزز اصحاب الكهف يبن النبي ندائك
بالبيرغ اسمك ينكتب وشتم عطر ولأك
حسين حسين حسين
،،،،،،،،،،،،،
لخادم الحسين محمد هادي الفهداوي
السبي للفاگده الوليان شـــــده
وجرحها ماتميزه شـــنزف شده
الحبل بچفوفي ياعباس شـداه
الطفه عينك صبح حداي بيـــه
،،،،،
الدنيه وياي ياعبـــــاس مـالت
بوريد الگلب لات الضيم مالت
مومالت بچي اعله النوگ مالت
لطم يمك لما اگطعها اديــــــــــه
،،،،،
اضل يادنيه ابني ونتي هدمـــاي
خوه لحسين عضمي ونته دماي
راح ابچي يدمعي ونته هد ماي
لخوي الداسته خيول ال اميه
،،،،،،
چابو للسبي خويه المهازيـــــل
وصاحوا وين زينب لازم تشيل
الحرمه التفگد اخوتها بفرد يوم
خيال اتصير كل ماگامت اتميـل
،،،،،،
الجنت بيهم اضمد اجروحي وتطيب
هسه عليهم الراس انترس شيـــــــب
ضوه عيوني الحسين اتبده عل گــاع
وبدر ليلي نوه عل مشرعه ايغيـــــــب
،،،،،،
محمد الفهداوي
حي الله ابو فاضل صاحت الرايه
جيب السكنه شط العلگمي ومايه
،،،،،،
عرگ من هيبتك عباس حته الماي
وخزرتك يبست ريچ النهر مـــــولاي
الرايه تكول مثلك ما حصـــــل رواي
ولامثلك وفي يالعمر جبــــته وياي
تضحي العمر لمن تنطي الحچايه
حي الله ابو فاظل صاحة الرايـه
،،،،،،
الرايه التروي هاي القصه عن عباس
من جدمه العطش حد ما تَصِل للراس
مله الجربه وتوجه للورد وليــــــــاس
يروي اسكينه واعدها ابو النــــوماس
چنت بچفك اني انحسب ايــــه
حي الله ابو فاظل صاحة الرايه
،،،،،،،
حي الله الگمر يالترس عين اليـل
لمن صاح بالطف يبس دم الخــــيل
سيفك من ترفعه يلوح نجم سهـيل
لمن ترتجز گاع الطفوف تــــــــــميل
الذاك الصوب عبروا منك أفايـــــــه
حي الله ابو فاضل صاحت الرايـــه
،،،،،،،
حي الله شبيه المرتض الــــــــكرار
وسيفك نسخه تشبه حدة الفقـــار
تذبح چنت قادة وروس گلها كبـــــار
سيفك هوه سيف حسين ابو الاحرار
تمشي بطوع اخوك وأمرته ورايه
حي الله ابو فاظل صاحت الرايه
،،،،،،،،
يملبس الحره حجاب فوگ حجاب
وتمسح اثر ناگة زينبك بــــــــتراب
ياهو الگال زينب وجهتله عـــــتاب
صح ذبحوا بس عنها الگمر ماغــاب
فوگ الرمح راسه مثل المرايــــــــه
حي الله ابو فاظل صاحت الرايـــه
،،،،،،،
حي الله الچنت اتنومس بيمـــــناه
وشگد دمع بيه من نهر عيـــــــــناه
عشره من الزغر ياناس انــــي وياه
ولمن طاح طحت وصحت واويلاه
صاح حسين اخوي وغاية الغايه
حي الله ابو فاظل صاحت الرايه
،،،،،،
لخادم الحسين ع
محمد الفهداوي
فكلي عينك البيـها حياتـي
وكل امنياتي فكلي عينــك
بنص جبينك كل ذكرياتـــي
وداعت بناتي بنص جبينــك
قهر فگدك قهــــر
وعلي كسرة ضهر
فكلي عينك فكلي عينك
،،،،،،
من شفتها
بعينك النبله يبو عين الوسيعــــه
عاتبتــها
ليش طفيتي نظر خدر الوديعــــه
ما اشوفن خويه دربي ودمعي هامل
بلا شعوري گمت اصيحن يابو فاضــل
زينب اختك تبقه ترظه بلايه كافــــل
من بچيها الخيمه نگعت والمحامــــــل
ياكشختي زينب شگلها
راح الكفلها ياكشختــــي
ياسلوتي صعبه المثلهـــا
تفارگ املها ياسلوتــــــي
ترك بيه اثــــر
قهر فگدك قهر
فكلي عينك فكلي عينك
،،،،،،،
قبلتها
يمنتك والمحبس البيها لچمــــــــني
من شلتها
شفت فوگ الشذره دم جامد هظمني
گوه اجرن نفسي جيتك ياعضـيدي
كون گطعو مويمــينـك خويه ايـدي
طر چبدتي خويه جرك حز وريـــدي
انته بوسة جدي طه أعله جيــــــدي
گتلي خويه من اسمعتهــا
جروحي عفتها كتلي خويه
وانه بويه يمك صحتهــــــا
عيوني الطمتها وانه بويــــه
فجع گلبي الدهر
قهر فگدك قهــــر
،،،،،،،،،
ادري ضامي
طايح ويمك نهر يجري فراتــــــــــه
يامحامي
ياعفيف الماتصح مثلك صفاتـــــــــه
ياهو مثلك لجل اخيه هيجي ســــــوه
بكفه كلها من احطن كل أخــــــــــــــوه
ترجح انت ما اجامل هيه گـــــــــــــوه
من اشوفك انسه همي وعزمي يـــگوه
ارد اشمك خويه على نحرك
مره على صدرك ارد اشـــمك
هذا دمك سايل بكتــــــــــرك
حيرني امرك هذا دمــــــــــك
نعصر گلبي نعصر
قهر فگدك قهـــــر
،،،،،،،
حته جودك
عليك شگ زيجه وبجالك دمعه دمعه
بلاوجودك
شلون اشيل الجود للخيمه وارجعــــــه
انته تنزف هوه ينزف شاهدتكـــــــم
مالي طاقه للمخيم خويه اردكــــــم
بنفسي اموتن عالشريعه هم مثلكــم
وانه ميت من حناني ابقه اشمكـــــم
أبقه اشمكم حته بمنيتــــي
واكتب وصيتي ابقه اشمكم
روحي چنكم انتم قضيــتي
ودمي وهويتي روحي چنكم
النهر صاح النهر
قهر فگدك قهــر
،،،،،،،،
راح اخلي
عمامتي وساده الوجنتك أبقه غافي
انت كلي
نام يابعد الگلب نوم العوافـــــــــــــي
راح اخلي گلبي يمك ما اريــــــــــــده
حسين اخيك شنهي نفعه بلاعظيـــده
والبواتر كلها تطلب دم وريـــــــــــــــده
حگه اخيك من حسرته يفرك ايــــــــده
فرهد الشيب كل شعره بيه
يابو الحميه فرهد الشـــــيب
بدرك يغيب ياعم رقــــــــيه
سوده علــــــــيه بدرك يغيب
ضرر بان الضرر
قهر فگدك قـــهر
،،،،،،،،
لخادم الحسين ع
محمد الفــهداوي
ابوذيات اول محرم
وتبديل راية الحسين
انه الثابت ولامخــتــلف رايـه
وعشگك واعداني بمــلك رايـه
مراسيم وعزه وتبديــــل رايـه
اليله اول جرح لحسيــــن بــيه
الدمع لحسين مالومــه من يهيل
وعذره الصبر من أيحت من يهيل
يعاشور العزه هــلالك من يهيل
اختنگ وخيام زينب توج بيــــــــه
الزمن لوله مجالسـهم بي ضعنه
هلال الحزن لمن هــل بضعنـــه
حسين ايه واجه شايـل بضعنـــه
قرابين الوجه سيد البـــــــــريـــــــه
ضعن متكون مــــــن ايات بايات
وصعدوا للشرف من غيـــر بايات
اليله اول ليالي حســـــــين بايات
بأرض تسمه أرض الغاضــــــــــريه
لخادم الحسين محمد هادي الفهداوي
ابو ذيات جديده
شكثر بمتوني صوط اعداي وشام
ريتي امكابر تجر نفــــــــس وشام
امنحط نار الخيم يحسيـــن وشام
انچوي من الشام وتذكر رقيــــــــه
،،،،،
درب خلص بچي ما گلت كلماه
اصدلك والدموع تسيل كلماه
راسك يلتفت يحسين كلماه
تعثر ناكتي ويبچي عليه
،،،،،،
محمد الفهداوي
اللولي الجرحك اومايقبل اينام
يتّعب سنيني يوليدي يجســام
يسولف جرحك وياي
واشربه دموع عيناي
،،،،،،،،،،،،،،،،
اسكت وجرحك يضل يحچي بمهجتي
يگلي ذكريني اذا شبان شفــــــتي
جربة دموعي نچفت منگد حســرتي
يگلي جرحك بالدمع عجنيها حنــــتي
أتوسد جرح وغفى اعله طرواك
بلگت بالحلم يوليدي الگـــــاك
بحلم مرلي يرجواي
يسولف جرحك اوياي
،،،،،،،،،،،،،،
انه وشموعك تسابگنه اعله الدموع
بالدمع عيناي طفنآ كل الشمـــوع
گلبي يتعناك بس اتلزمه الضلــوع
رايد أيگلك عفتني حالي مفـــجوع
بخر خيمتك دخان المـصاب
وعليه الحزن فاتح الف باب
عليه اتوصورك جـاي
يسولف جرحك اوياي
،،،،،،،،،،،،،،،،،
يبني يالمخذ نضر عيني من اديه
والثواكل مو ألهن ناحن عليـــه
انه وصورك سوالفنه ســـــويه
نگعد ونرسم عرس بالغاضـــريه
كلماحضرت حنتك يمظلــوم
اعجنها وشوفن تنزف دمـوم
مبارد تبره لحشـاي
يسولف جرحك وياي
،،،،،،،،،،،،،
وگفت جروحگ رمح وتبچ بلعــيـون
وانزف دموم اودمع ومغيره الـــون
يبني من ترجع الي كل الجره ايهـون
الليل نگضيه نوح اني وعمتك ام عون
درب البيه على امك لمن تعـود
نذرنآ الــــه ازرعه ياس وورود
عفتني فاچده الراي
يسولف جرحك اوياي
،،،،،،،،،،،،،،،
ايكضني يوميه الحزن ومشي بدرب نار
شما اودع كهف لوعه ادخل ابغــــــار
يبني هم تدري الجروح البمك اكبـــــار
كل جرح بيه ميه وأزيد الك تـــــــذكار
اني الدافنه بجرحك تـــصاوير
أورّحت فرگتك كل مغـرب أدير
اهيم ابدرب بلــواي
يسولف جرحك اوياي
،،،،،،،،،،،،،
يبني ياقلع حصن حيلي بالفــــــــــراگ
صرت أحب شاطي المأسي أوگفت الراگ
يمه باچر بيه لو ضعن الهظم ســــــــاگ
خاف اموتن من عذابي اومن الشـــــواگ
انصبلك عزه فوگ المــــهازيل
حتى النوگ اخلي دموعها تسيـل
أنعيلك نعي هـواي
يسولف جرحك وياي
،،،،،،،،،،،،،،،
لخادم الحسين محمد هادي الفهداوي
34
عباس تذبح غيبتك بس اشكبر معناها
ثـــواب ثـــــواب
والفاتحه تسهيل أمر يم زينب أبني اقراها
ثـــــواب ثـــــواب
،،،،،،،،،،
هودجها عدله بالـدرب
ومسح اثر ناگــــــتها
موسهله يبني ام الخدر
وادم اذا شافـــــــتها
گللها صار شماحچـــت
لاتكسر بچلمــــــــتها
هاي اليتيمه من الزغــر
والماطفت جمرتــــــها
حجاب حجاب
لم الخدر صير الخدر والكربله أمشي وياها
عباس تذبح غيبتك بس اشكبر معـــــناها
ثـواب ثــواب
،،،،،،،،،،،،
عباس تذكر من چـــــنت
يم راسك اقره اوانــــعه
اوزينب تچي تبوسك تضل
من چان عمرك سبعـــــه
وذكر تگلها فدوه الـــــچ
عمري يبنت البظعـــــــه
اذكر تگلك عالســـــــهم
لوصوبك شيطلعـــــــــه
عذاب عذاب
لو فارگتكم امتحن ياذكره گلي انسـاها
عباس تذبح غيبتك بس اشكبر معنـــاها
ثواب ثواب
،،،،،،،،،،
يمشارك الهيل بعطـــــر
عطر عبايت زينــــــــــب
أمشي أويبت حيدر وطـــن
ما اريد ابد تتــــــــغرب
وزرع طريق الطـــف ورد
حتى الجدم ما يتعب
وشمر على امتونك نهـــر
من عنده اختك تشـــــرب
جواب جواب
للينشد اعليك افتخر ببني اگله أتبــاهـا
ثواب ثواب
عباس تذبح غيبتك بس اشكبر معناهـــا
،،،،،،،،،،
عباس احلفك بالـبـــن
بالخيمه اكتب اسـمـي
اوگل العقيلة حــيدره
بالخيمه أنفاس امــــي
اولو فرغت امن النافـله
خليها تگعد يمــــــــي
صح اني مامتواجـــــده
بس انته شايل دمـــــي
مصاب مصاب
بعمره اوهله هل فاجعه ادعي الله عالسواها
ثواب ثواب
عباس تذبح غيبتك بس اشكبر معنــاها
،،،،،،،،،،
عباس بيك ارد افتخـر
ياثمر كل اسنينـــــي
ربيتك ابلب الگلـــــب
اونيمتك ابنص عيـــني
شنهي شعورك يالگـمر
يمي اگعد اوحاچيـــني
قدمهم اخوانك فـــــده
لحسينك اولحسيـــــني
شباب شباب
لحسين كل ولدي فده لمن يسيل ادماها
ثواب ثواب
عباس تذبح غيبتك بس اشكـــبر معناها
،،،،،،،،،،
راح ازرع امچانك دمع
وشتل حنيني ابابـــك
اذكرني لوچفك وگــع
يبني العمد لوصــــابك
وديلي طير اتوســـلك
شايل دمه من اخظابـك
خاطر اسويلك عـــــزه
أوتحضر الزهره امصابك
غياب غياب
فاطمه تفز أمن الحد يومك تره الاذاهـا
ثواب ثواب
عباس تذبح غيبتك بس اشكبر معنـــاها
،،،،،،،،،،
حته الهوه التتنفســـه
خل يختلط وي حبهـــم
وبحضنك الچنه خيــــم
بالطف اريد تضمــــهم
زينب وخوها بكربلــــه
مثل البخور اشتمهـــم
بيهم عطر من فاطمـــه
وشيمت علي والدهــم
سراب سراب
الدنيه شيمتها الغدر يابو الوفه اتحاشاها
عباس تذبح غيبتك بس اشكبر معــــناها
ثواب ثواب
،،،،،،،،،،،
لخادم الحسين محمد هادي الفهداوي
