29
هيه عمي گوه ،،،هاي زينب لـبوه
بت علي قتال مرحب
الف زلمه تســـــوه
،،،،،،،،،،،،،
جبل وگفتــها وتصـد لخوتها
بلايه روس اونايمين اعله الثــره
العفه كل همها تجري وي دمها
غاليه عليها وتضل امــــــــخدره
بلا ولي ضلــت من الهضم ملـت
بس تضل زينب مره اونعم المـــره
جانت زغيـره محجبه بغيــره
خيالها مالامسه حتى الـــــــــثره
حچت وي الوالي ،،، انه ارعه اطفالـي
الروح لجلك خويه ترخص
يبو الاكبر فـــــــــدوه
،،،،،،،،،،،
چنها كافلــها محد ايذلــــها
هاي بنت اشرف عشره اعله الارض
مايهمها الـهم شمـاعليها التم
بليلة الوحشه جلوس أدت فـــرض
خيل للوعــه عليها مجمـوعه
هل الخيول بروحها الهن ركــــض
نادته اعذرني يالجبت ضعنـي
خويه ياعباس يابعد النـــــــــبض
يالكفلت ضعوني ،،،،صح تغير لوني
بس اضلن انه أختـــك
اي وحگ الخـــــــوه
،،،،،،،،،،
گعبه عالناگه مشت مشتاگه
كتبت اعله التل وداعنآ ياهلـــــــي
اليوم فقاري خطبت افكاري
وانه بت قالع حصن خيبر علــــــــي
اني مجروحه اهلي مذبوحه
بس اضل بهيبتي اوماانـــــــــولي
عيلت الضامي تمشي جدامي
ماخذتهم حتى اذلن قاتلــــــــــــي
وياي راس الحادي ،،،اوروس كل اولادي
من اطب للشام اذله
بالصبر والقـــــوه
،،،،،،،،،،،،،،
بمجلس الضالم دخلت تهاجم
جنها عباس ودخل للمشــــــــرعه
بدت خطبـــتها الكوم ذلتـــها
واقعه بصف زلزله بصف واقـــــعه
بت علي هايه تنحسب ايه
بالفصاحــه أوبالبلاغــــه بارعــــه
تمتلك همــه اوجرح ابو اليمه
ينزف بدلالـــــها دم فاجعـــــــــه
تصيح خويه الغالي،،،، جرحك بدلالي
شگد غميج بگلبي جرحك
لچن صاير ســـــــــلوه
،،،،،،،،،،،
الرابي عالعـزه كلشي ماهـزه
لارياح اولا مصايب تــــدنه الــــــه
دخلت المجلس بالمــلا ادرس
عن مصاب احسين اخوها بكربـــــله
ألقتل عـــاده النه چي ساده
بدم مناحرنه ننول الـــــــــــمنزله
بس سبي الخدر هضم بت حيدر
من عگب عباس شمر اوحرملــــــه
صح مشة اسيرت ،،،، بس تضل اميره
راسها بعلو الثريه
رغم كل البلـــوه
،،،،،،،،،،،
رغم هضمتها اونار لوعتها
حجت وي طاغي الزمان اوذلتـــه
تحوّل الديوان يبچي للعطشان
من حچت عن الحسين اوعيلتـــــه
اشرت سكتوا انتـم اكتلتـــوا
مهچت الهادي وأخوته اوصحبتــــه
هل دمع حـيله باچــر اشكيله
جدي وحچيلـــه عمايـــــل امــته
اني جدي الهادي ،،،، اني اخت الحادي
الدگلي صدره ابوفاضل
خووته شگد حــــــلوه
،،،،،،،،،،،،،،
لخادم الحسين محمد هادي الفهداوي
ابو ذيات حسيـنيه
الحادي اعله الجثث عمده يمرچان
لئيم وگام كل لحضـــــه يمرچان
فراش حسين بالحومـــه يمر چان
وجوه جروح السبط بالغاضريـــــه
،،،،،،،،،،،،،،،
الحزن قران وعله التل راحتلاه
حرت ودوهنت انشــد راحتلاه
لخيي شايطه اذكــــر راحتلاه
لگيته ايون وعينه تصد الــــــيه
،،،،،،،،،،،،،،،،
صوت حسين لمن طـاح ونچان
وخيم ماضلت بهل اليـل ونچان
سمعته بهيده النه يصيح ونچان
تعالن يالحرم نوحن عليـــــــه
،،،،،،،،،،،،،،،،،،
ردت طارش يوصل الخبر لماه
وذر صاير اخوي وصعب لماه
اجينه وصرنه يم النحــر لماه
وتحسر من هوت فوگه رقــــيه
،،،،،،،،،،،،،،،،،
شكثر بنتك چفوفي لوذنها
السياط اتأذه منــهن لواذنها
عگب هبت التراچي لوذنهـا
الشمر وتصيح بويه الحگ علـيه
،،،،،،،،،،،،،،،،
يخويه من التل انه اعضم انه ويــاه
وي الهم جبت عــــمري انه وي اه
اعله نحرك صارت مدافـع انه ويــاه
الشمر حز منحرك ونغمه علـــــــيه
،،،،،،،،،،،،،،،
تطحن بالگلب لحسين رحتين
مومره رحت من وگع روحتين
سكينه ويارقبه عاد رحتين
لبوچن گبل لا اطلع سبيه
،،،،،،،،،،،،،،
يلوج من السهم مصيوب شفتاه
اخوي ويابسه من العطش شفتاه
شفت حسرات من هلوكت شفتاه
وشفت لوعات من الغاضريه
،،،،،،،،،،،،،،،،
عصر عيناي وكتي ودمع صابين
وسهام الحزن للگلب صابين
طلعت من الخيم والجيش صابين
صار وگاموا ايأشرون اليه
،،،،،،،،،،،،،،،،،
رگد حيلي مصاب حسين بالباد
وحنيني جرح گلب النوگ بالباد
اخوي اعله الرمل مطروح بالباد
يون للسهم مره ومره اليه
،،،،،،،،،،،،،،،،،
رضيعي وشاركاني روح ويروح
وجاني حسين كله هموم ويروح
گلتله ابني الرضيع شبيه وي راح
يگلي نچتل ابنچ بين اديه
،،،،،،،،،،،،،،،،،
مته ايامي تجافي الحزن وطيب
ومته جروح البگلبي تهود وطيب
ازرعلك طريقك ورد والطيب
اطشن من ترد يحسين اليه
،،،،،،،،،،،،،،،
هتف عباس زينب ايت مايـت
ولاجنه بلايه جفوف مايــت
تحسر وبكبرها الگاع مايـــت
وجمر صارت فيافي الغاضريه
،،،،،،،،،،،،،،،
لخادم الحـسين
محمد هادي الفهداوي
ماجربّت يسحين الفراگ
هلگد يعذب والله مشتاگ
نبض الگلب يحسين يحسين
يوميه اموت عليك مرتـــــين
،،،،،،،،،،،،،،،،،
بزيارتك سر سيـــــــــدي
سر الوجود اتوقـــــــــــع
مشتاك أَعَفّر جبهتـــــــــي
أعله اعتابك اني ارد اركع
لوطاري اسمك ينذكـــــــر
يرجف دليلي ويخشـــــــع
ومشي بصفنتي الكربلـــــه
ومن حلمي ماريد ارجـــــع
اتمنه إسمي ينكتب كــــون
بدفتر حبيب عليك ام عون
شمحله الهوه بين الحضرتين
ويوميه اموت عليك مرتيـــن
،،،،،،،،،،
يالعودتني من الزغــــــر
انه اغفه بين أحظانـــك
ومامره اذكر سيــــــــدي
لحظــــــه انهجر ديوانك
لسابع سمه صيتك وصل
وغرگني جود احسانـــك
يملوحة الطف كل فجــر
انه استمع قرأنـــــــــــــك
لزيارتك يحسين حنيــــــت
لو ما ازورك انحسب ميـــت
كل لحضه تنعد سيدي سنين
ويميه اموت عليك مرتيــــن
،،،،،،،،
حن الگلب لــــــــزيارتك
يالساكن بنــــــص روحي
كل ليله من ليل الهجــــر
انه انسبي أوي جىروحي
سابع سلف ضل يستمــع
حزني وعذابي ونوحـــي
ياروحي چا يمته التقـــي
وي سيدي ومذبوحــــــــي
محسب اموت واحمل مصاب
شهرين فرگه موبالحســــــــاب
وداعت حسرتي ودمعة العين
يوميه اموت عليك مرتــــــين
،،،،،،،،،
عطشانه عيني الحظرتك
بس گبتّك ترونــــــــــــــي
لوماكو مشايه انتهـــــــــي
وتبره من رجلينـــــــــــــــي
عبدك وبن عبدك اضــــــــل
خادم الك يحسينـــــــــــــي
بعمري أشتريها زيارتــــــــك
وبأي ثمن تدريـــــــــــــــــني
مابالغت وجفوف عبـــــــــاس
انته شريك الدم والنفـــــــاس
صاحب وجه ماعندي وجهـين
يوميه اموت عليك مرتيــــــن
،،،،،،،،،،
لخادم الحسين ع
محمد الفهداوي
رايات الحزن بديارنه تـــــرف
واسم حسين بيها دموم ينـزف
معناها الحـداد
رايات الســـواد
،،،،،،
عقيده من الازل لامو هــــوايه
اعله سطح الدار من انخلي رايه
ولاقصة خرافه ولاحكــــــــايه
عشگنه حسين من قبل الــبدايه
مواسات وعقيده وهاي عـــاده
نعين الزهره في شهر الشـهاده
يهواها الفؤاد
رايات السـواد
،،،،،،
بعض مرات بالرايه الگه شـــده
معنه الشده مؤمن حاجه عـــنده
من احلها تنشف الدمعه اعله خده
وحگ الطاح جوده ويه زنـــــــده
شهر عاشور يجرحنه هـــــــلاله
لان بيه تنذبح اعظم رســــــــاله
معناها جـهاد
رايات السـواد
،،،،،،
اريد احچي امر شفته بـــــصراحه
بمقتل سيد الجنه وجــــــــــراحه
نزل طير اعله رايتنه بمناحــــــــه
مسح وجها ومسح دمعه وجـــناحه
حته الطير يتبرك نظــــــــــرته
يم الرايه شفت تهل دمعتـــــــه
مبدء واعتـقاد
رايات السواد
،،،،،،،
اعتقد ام الحسن تنضر عليــــــــها
وتكض كل رايه مرفوعه بديــــــها
تحبها لان أسم حسين بيـهـــــــــا
وتطيح ابدارنه دمعة بچيــــــــــها
دمعة عين ام الحسن تنــــــــزل
نور بدورنه الزهراء تشــــــــــتل
للزهره امتداد
رايات السواد
،،،،،،،
خصوصيه الشهر عاشور بينــــه
تشوف انته السواد بكل مدينـــه
حتى البلمهد هم تجري عينـــــه
وتلگه اعله الكمر يعرگ جبيــــنه
من اطگها الشمس وتصير حمـره
تذكرنه بخدر زينب الكـــــــــبرى
توفيق وسداد
رايات الســواد
،،،،،
لخادم الحسين ع
محمد الفهداوي
لاتهدني منيدك
عليك دم وليدك
والله ضيع والله اضيع
،،،،،،،
من تدير الوجه عـني
يصير مثل الثكله وني
ياحسين
اعترفلك اني مـــــــذنب
بس دليلي الشخصك أيحب
ياحسين
انته مدرسة المشاعر
واني خريج المـــنابر
ياحسين
بالمهد درسك قريتـه
وي دمعتي نزليتـــه
ياحسين
عليك دمع ايتامـــك
حسبني من خـدا مك
والرضيع والله اضيع
،،،،،،
ياكحل عيني ونــظرها
روحي تحتار بأمـــرها
بلاعزاء
يامليك دموعي كــــلها
دمعتي موسهله اهلـهـا
بلاعزاء
لاتضن يرضها عــــابـس
بلاحسين ولامجالـــــس
بلاعزاء
بالحلم هاديلي شيبـــــه
من حبيب الكله طيبـــــه
بلاعزاء
شبيه منه نطانــــي
وبالعزه وصــــــاني
ياشفيع والله اضيع
،،،،،،،
شمالطمت بچفي صدري
يرتفع يحسين قـــــدري
من الثواب
مجلسك امك تحضـــــره
يربح اليحصله نــــــضره
من الثواب
دمعه من عيني بمحـــرم
تطفي اكثر من جهنـــــم
من الثواب
من ارد امن العـــــــزيه
جاري يترحم علـــــــــيه
من الثواب
بجاه كلمـــــن زارك
حسبني من انصــارك
والسميع والله اضيع
،،،،،،،
بروحي خيمه بلايه كافل
وطفله تصرخ يابو فاظـل
بالطفوف
وبيه عبد الله ونبلــــــته
وبيه كاروكه ودمعتـــــه
بالطفوف
بيه جاسم دامي نحـــــره
وغافيه رمله اعله صـــدره
بالطفوف
بيه الاكبر اه يالاكـــــــــبر
چن رسول الله وتــــــــوذر
بالطفوف
عشت مشهد دامـــــي
بيقظتي وحلامـــــــي
شگد فضيع والله تضيع
،،،،،،
بروحي جربه وبيها نبله
ودمعه من عيون طفلـه
گد رقيه
گاعده اعله رماد خيمــه
تبچي وتنادي الضليمـــه
گد رقيه
ويمها اختها بلاتراچــــي
ميته من گد البـــــواچي
بگد رقيه
اعتقد يحسين سكــــــــنه
اليم اختها والله محنــــــه
گد رقيه
شلت طف بروحي
وجرح من جــروحي
من ابيع والله اضيع
،،،،،،،
لخادم الحسين ع
محمد الفهداوي
جمعن خواتي هدومهن
ولاح الحــزن برسومهن
بچتني اختي الغاليه رقيه
تبچي تضل كلما تصد عليه
،،،،،،،
رقيه بداعة الزهره
احلفچ گعد وحچيلي
نظرتچ صوبت گلبي
اضل لو امشي گليلي
اكض بمتنچ وأمشي
بعد ياهو اليتچيلي
تهون عليچ عشرتنه
يخيتي ويابعد حيلي
وي هدمچ اخذي عيوني
ولوبيدي اودي متوني
نضرة موادع گاصدة المنيه
تبچي تظل كلما تصد عليه
،،،،،،،
سكينه بداعت دموعچ
صدگ ما امشي وياكم
ونه الماتغمض عيوني
شرط اله اعله طرواكم
سوالفكم دوه الروحي
يَخيتي حيره شنساكم
شكو بعيني دمع جبته
الچ وخذيه بمسراكم
الماراح وي ٱحبابه
حدر الضلوع ٱصوابه
عذرني جنها تگلي موبديه
تبچي تضل كلماتصد عليه
،،،،،،،
يعبد الله ونظر عيني
اخذ نحري فده النحرك
زغير انته وچبير الطف
يمن عمري فده العمرك
العطش كل رحمه ماعنده
يورده ويفتك بعطرك
اريد بدمعتك تحچي
لبونه ولأبو يقدرك
بلكت اروح وياكم
وگظي العمر بحماكم
شمحله السفر من ننجمع سويه
تبچي تظل كلما تصد عليه
،،،،،،
اروح العمي وشكيله
وگله الوحده كتاله
شبدر مني وابوي حسين
تركني وجهز عياله
اعرف اني الگمر عمي
من اجيله بدمعه هماله
يسكتني ويفرحني
حنين وداعة افعاله
لوشاف عمي دموعي
لازم يحل موضوعي
راح انه احلفه بفاطمه الزجيه
تبحي تظل كلما تصد عليه
،،،،،،،
الشبيه المصطفى اگصد
وحلفه بداعت الخدر
وگله شلون ترضاها
تعوف اختك علي الاكبر
اذا خايف يجيني الموت
اگله چارقيه ازغر
وذا تحمل سفر هيه
اختها اني ومثلها اگدر
بلا فرحه اضلآ صايمه
وي المصايب هايمه
دمعاتها بيهن قصص رزيه
تبچي تضل كلما تصد عليه
،،،،،
لخادم الحسين ع
محمد الفهداوي
زينب عفتي چم مصحـف
ينزف فوگ رمل الطـــــــف
ايات المصاحـــــف يـــــاس
كلهن تشبه العبــــــــــــــاس
زينب عفتي چم مصــحف
،،،،،،
يامريم زمانــچ والضلم غيــــر
فرق بيناتچن طف كربله وديــر
مريم بين اهلها عاشت بخيــــــر
طفلها وياها يحچي لمن تحيــــر
ياهي الصعدة اعله التـل
وسلتها المصايب ســــــل
انتي قصـتچ اكلــــــــــــف
زينب عفتي جم مصـــحف
،،،،،،،،
زينب مُره سوه رياگچ البيـــــــن
عيونچ دم تسيل وبيهه جرحيــن
عفتيلچ كمر اربعطش ويـــــــــــن
يم المشرعه وبلايه چفـــــــــــــين
ياهي من الهزل طاحت
لمن للسبي راحـــــــــــت
وعليها المصاب اصطــف
زينب عفتي جم مصحف
،،،،،،،،،،
احس يعگوب عينچ فاكد الشـــوف
لان يوسف زمانچ ضل بلا چفـــوف
مدامع عينچ بگد رمل الطفـــــــــوف
الحزن ياكعبه ضل بروحچ ايطـــوف
رموشچ شابت من الهــم
عيونچ قطعه صــارن دم
من گد ما دمع تـــــــــذرف
زينب عفتي جم مصحــف
،،،،،،،،،
گلبچ بي جمر يتلاهب هــــــــــواي
من الشط للخيم بس رايح وجــــاي
مريم ماسبوهه ولا جرت هـــــــــاي
ولاصعدت الناگه بلايه وفــــــــــــاي
ياهي العثرت بهمهــــا
وسال من الجدم دمها
دمع ام الحزن ماجــــــف
زينب عفتي جم مصحف
،،،،،،،،،،
ياقطب الصبــــر يا ام المصــــــــاب
يّجيچ الحزن ماين مـــــــــايدگ باب
بيوم الطف لبستي ايتامچ احجـــاب
مريم مامشت وي وادم اجنــــــــــاب
لوعت بت علي لوعــه
اخوها انداست ضلوعـه
نحر حسين دم ينـــــــزف
زينب عفتي جم مصحف
،،،،،،،،،،
بس الزهره مثلچ شافت همـــــوم
تلزم بالحسن لورادت تــــــــــــگوم
ونتي اعله الحزن منتچيه كل يـوم
هظم الشام ماخلالچ ارســـــــــــوم
محمد صاح ياهي انتـــي
معقوله العقيله اختـــــــي
يمچ نــاح وتـــأســــــــــف
زينب عفتي جم مصحف
،،،،،،،،،،،،
ربع من نوح زينب مابچه نـــــــــوح
دمع عيناهه خضر عالتل جـــــــروح
مشت للشام والعباس مطــــــــــروح
وخوهه حسين من كل كتر مذبــوح
عباه لبست يتامــاهه
الحرگ خيمتهه أذاهـه
مگابلهه ويدك أبــــــــدف
زينب عفتي جم مصحف
،،،،،،،،،،
لخادم الحسين ع
محمد الفهداوي
لو نفترض عبد الله مامـــــــات
ونگول يم نحره السهم فـــــات
لو صار هذا الأمـر
وانطاه الباري عمر
جا مات حرگه اعله السبيات
لو نفترض عبد الله مامـــات
،،،،،،
لوباقي عبد الله عدل
رغم الذبح رغم النبل
يكبر ويكبر جرحــــــه
لونفترض بالطف سلم
ومامر على نحره سهم
شيكون ليله وصبحـــه
اني اعتقد يگضي العمر دمعاته بالعين
ويصير أول خادم بوكته للــــــحسـين
ونلگه اعله صدره من الطم اثار چفـين
يوميه عنده شهر عاشــــــور
ويوميه عنده حسين منحور
من نسله ساده شكثر
ونطاه الباري عمـــــــر
چاشفنه ولده بالـــــــــعزائات
،،،،،،،،
عليك الورد دمعه نــزل
ونكسر غصنه وماحمـل
وعليك هبط راســــــــه
دمك رساله بچف نــبي
خطها الحسين الطالبي
وساعي البريد احساسه
عن كل شهيد تميزت بالنبله مذبـــــوح
بچفوفه الحسين أدفنك وگليبه مجروح
براسك كشخ حته الرمح لمن نوه يروح
اصفن وروح بصفنتي هواي
ولگاك بين النبله والمــــــاي
لوصار مثل الخضر
ونطاه الباري عمـــر
چا شاب راسه من المـــــــــعانات
،،،،،،،،
من دنيتك شنهي الشفت
چن عمك المحـسن متت
يالصرت طير الجنــــــــــه
المسمار صارالك سهــــم
موماي بخ نحـــــرك الـم
وصدرك بدم اتحنـــــــــه
لونفترض انته عدل بالله السبي شلون
ماتحمل سياط وضرب ماعندك مـــتون
عالناگه يوفيك الأجل گد ما يظـــــربون
كلشي بمشيئة رب القـــــدار
براهيم أبد ماحرگتـــــــــه نار
چن ثلچ صار الجمر
ونطاه الباري عمــــر
وتجري على چفينه الكرامات
لونفترض عبد الله مامــــــات
،،،،،،،
بحضن اخته خل نفرض سوه
مامات يشتم الهــــــــــــــــــوه
وخته رقيه تشيلـــــــــــــــــــه
وتشربه ماي شماعطـــــــــــش
اسم الله تگله لو رمــــــــــــــش
مجتفه تلوليلـــــــــــــــــــــــــــه
وتگله كاروكك حضن ياسلوتي رتاح
كلهم يشبهونك تره ذوله العلى ارماح
وطّيح وحدها رقيه وهوه ماطــــــاح
من ماتت اخته تون على الراس
نايم نكول بجال عبـــــــــــــــاس
من الگمر يشتم عطر
ونطاه الباري عمــــر
چا فز على نوح العقـــــــــــــيلات
،،،،،
نفرض يعيش بلامهد
وبلا سعادة للأبـــــــد
ويبقه اليتم بعيــــونه
عبد الله مايحمل فگد
ولهلسبب مات الــورد
يم والده يدفنــــــــونه
جاصار شجرة وفرعت من ازگه النساب
شاهد عيان بكربه وينقل شكو مصــــاب
يروي قصص عن عمته ورباة الحجـــاب
عبد الله حي اشگد تمنيت
ويضيف لون العترة البيت
امنيتي من الزغر
انطاه الباري عـمر
صورة خيال وكلها حسرات
،،،،،،،،
لخادم الحسين ع
محمد الفهداوي
الكوفه اصبحت اهل الفيل
متاني الأمر عزرائــــيــــــل
بس مسلم يصيح بصـــوت
يمطر عليهم سجيـــــــــــــل
،،،،،،
من سرفن اردانــه
ضل يغلي بـركانــه
يستنگي ضل بيهم
ومدنكه عدوانــــه
بي من علي ملوحه
ابسلهم ايلوحـــــــه
وبصارمه يرســــــل
الوادي صقر روحـه
مسلم شبيه العبـــــــاس
غيره وشجاعه ونوماس
وعمامته حب حسيــــــن
تاج ولبسها اعله الـــراس
راواهم بسيفه الويـــــــــل
الكوفه اصبحت اهل الفيل
،،،،،،،
گلهم علي عمـــــي
يموت اليصل يمي
اله اشلع عيونـــــه
الرايد سفك دمـــي
انسابي معروفـــــه
خل تسمع الكوفـــه
موقف اريد اتــــرك
حته العمه يشوفــه
راح اني أترك عنـــوان
يقراه يضل كل انسان
انه ابقه ونتو تموتـون
هيجي بصريح القـرأن
يذكرني يبقه كل جيــــــل
الكوفه اصبحت اهل الفيل
،،،،،،،
حسين اشتره انفاسي
وتملك احساســــــــــي
وانه شلت حـــــــــــبه
ياوادم براســــــــــــــي
انتم ندبتولــــــــــــــــه
أقدم كتبتــــــــــــــــوله
من تنگضي الدنيــــــــه
كل چلمه مسؤلــــــــــــــه
عن سيفي وين تـــــــفرون
موهينه بينه تغـــــــــــدرون
القاضي سيفي اعله الروس
صَدر أحكام تموتـــــــــــــون
ما يسلم البينه ايعيـــــــــل
الكوفه اصبحت مثل الفيل
،،،،،،،
راح احكم بـصارم
متحمس وعــــازم
كتبوا وصـــــاياكم
يا ارذل الـــــــوادم
اسحگ جحافلكــم
ولوحدي انازلكـــــم
مومستواي انتـــــم
مجبور اقاتلـــــــكم
انه العشت بين ابطـــال
اكسر خشم كلمن عـــال
مسلم وبن عم حسيــــن
موجرمقان وبقـــــــــــال
من صولته كلها تميــــــــل
الكوفه اصبحت مثل الفيل
،،،،،،،
يدري بمگيدتهـــم
وعليها شردهـــــم
نص المعسكر طاح
منه بحفيرتهـــــــم
محد گرب صوبـــه
وما حركو ثوبــــــه
باسو رجل مهـــــره
يامسلم اتوبــــــــــــه
تهلهله طوعه تحيــه
بعمه علي من تناديه
يترك السيف بيمنــــا
يلزم الفارس يرميـــه
الروس اوصلت نجم سهيل
الكوفه اصبحت مثل الفيـل
،،،،،،
لخادم الحسين ع
محمد الفهـــداوي
عندي شعور الزهره بلمجلس
وم الأمام السيده نرجـــــس
موجوده يم المنـــبر الزهـره
وم الأمام المهدي منتـــضره
عندي شعور الزهره بالمجلس
،،،،،،،،،،،،،،
عنمن اقـره
تحيرت بالطف جرح شابگ جرح
اه يزهــره
ادري تلچمين من طاري الـرمح
والله حسـره
شما نسوي قرايه ابنچ ينــذبح
أشد كفــره
الينثر اعله جروح دلالچ ملـــح
كلما اردد بيت چن اسمـــع
ياملا فدوه عيدلي المقــطع
چني اسمع ام المنگطع نحره
وم الامام المهدي منتـــضره
عندي شعور عندي شعور
،،،،،،،،،،،،
أم أبيـــــــها
حضرت أويّاها أم المنتضــــــــر
تبوس اديهــا
السيده نرجس حزن بيها استــــعر
رد عليهـــــا
الزهره ذبح المحسن وكسر الضهر
وكل نعيهـــا
اه يمه حسين اخيك عالنـــــــــهر
كحل الحميه وصاحب الشـــــده
علجود طاح وناضره تبــــــــــده
وم المصايب گعدت بكتـــــــــره
وم الامام المهدي منكســــــــره
عندي شعور عندي شعور
،،،،،،،،،،،،
يم جربتـــه
گعدت اخته وسولفت قصة دمع
زينب اختــه
بسملة احزانها كسر الضلـــــع
بعيني شفته
خويه جفك يابو فضل ينگطــــع
ابجي سكته
انه اختك صوتي اخجل ينســـمع
جنها تگلي وتجر حسرتــــها
اقرالي عن زينب ومحنتــــها
ونعيلّي عن الهشموا صـــدره
وم الامام المهدي منكســــره
عندحي شعور عندي شعور
،،،،،،،،،،،،
الزهره صاحت
گومي يم المهدي خل ننعه ســـــوه
ومنها طاحـت
دمعه بس مودمعه نزلت من ضـــــوه
جروحي ناحت
بصدري حد ما صلبت بريتي الهـــوه
جنه فاحت
من عبايتها وعطر من نينـــــــــــوه
وتگابلن وتذكرن زينــــــب
ولمنبر وياهن شفت ينحـــب
بدلالي نار شتعلت الحســره
وم الامام المهدي منكســـره
عندي شعور عندي شعور
،،،،،،،،،،،،،،،،
يمته ابنچ
يضهر وياخذ بثارات الطــــــفل
خل اخبرچ
المهدي دم عيونه لوليدي أتهـــمل
طبعه مثلچ
دوم يبچي اعله المشت فوگ الهزل
ينادي شبلچ
شلون بجفوف العقيله نشد حبـــل
والزهره عدها للحزن مصحف
وايات بيه اشكثر عن الطـــف
واسمعها لم المنتضر تقــــره
وم الامام المهدي منكســـره
عندي شعور عندي شعور
،،،،،،،،،،،،،
هذا واقـــع
مو خيال ولا روايه بلاســـــــند
بگلبي ابواوع
الزهره تنعه بصوت خافت يالــولد
تسع اصابع
باقي عندك والضمه لچبدك مــــرد
انته سامع
للزجيه السيده نرجس سنــــــــد
من تمشي ام المهدي تسندها
وتمسح الدمعه التنزل بــخدها
هذا شعور نولد علفطـــــــره
وم الامام المهدي منكســـــره
عندي شعور عندي شعور
،،،،،،،،،
هل مجالس
باب من ابواب ربك يالمحب
صير عــابس
بالجنـــون بتعزيه لمن تطب
چن مدارس
بيها منهج للقيم لتضن صعب
عالتنافس
اتزاحم اعله الخير وبطيبة گلب
توقع الزهره بمجلس تصدلك
عيش الشعور وخاطر تسجلك
عندك علم كل مجلس تحضـره
وم الامام المهدي منكســـره
عندي شعور عندي شعور
،،،،،،،،،،،
لخادم اهل البيت والصديقه الطاهره ع وام الامام المهدي ع السيده نرجس ع محمد هادي الفهداوي
اسرع مــــن البرق طب الهفهاف
وفوگ مهره هلال صاعد ينشاف
،،،،،،
فوگ مهره هلال چنه من بعيــــــد
وعنده اللأستشاهد احله من العيد
كاتب اعلـه السيف إذبح شتـــريد
هاي وادم ابد ماعدها أصـــــــــناف
،،،،،،
صف يلوذ بصف غدوا بالمـــــيدان
جيش كامل منه ضل يطي الـــوان
صاح وسفه حسين ميت عطــشان
علخيم چم شوط يم زينب طـــاف
،،،،،،
اجه من البصرة وعلى متنه الجود
عنده موعد بالخيم يســـگي اورود
عابس من النحر ضل يــــصرخ زود
الكلف عدهم يرجف وضل ايـــخاف
،،،،،،،
زينب توقعت رد الهم جـــــــــــــون
مثل سعفه بريح منه يرجفـــــــــون
رَكض مچوي بنار منه يرگضــــــون
يگصي بيهم يشتفي عنده أهـــداف
،،،،،
هاي وادم تستحق كون تــــــــموت
وكون كل عشرين جثه بتابـــــــوت
سيفه فك حلگه مثل حلگ الحـوت
وبلع نص الجيش ضل منه اطراف
،،،،،،
صاح صيحه الله اكبر يحســـــــين
هوه وحد بس يُعد أبسبعيـــــــــــن
قتل منهم مايقارب الفــــــــــــــــين
والتحق وي ناس كلهم اشــــــــراف
،،،،،،
التحق وي وادم گصصم مو بــور
من الأرض للعرش منها يشع نـور
وفاز بالجنه العظيمه وبلحــــــور
وباچر نشوفه بطريق الأعــــــراف
،،،،،
الف هنياله نصر اشرف نــــــــاس
ولبس تاج الغانمه فوگ الــــــراس
والشهادة وقعاها العــــــــــــــــباس
نقي وچان ابيض ضميره وشــفاف
،،،،،،
لخادم الحسين ع
محمد الفهداوي
نعي للسيده زينب ع
فرق بين المتون التحمل اعـزاز
وچذب منگالك لا نفس المتـون
ردت عباس يحضر حاسر الــراس
وابو السجاد شابگ جعفر وعــون
حدر تابوتي اسمع صوت الحسين
عمت عيني يصيح بصوت مـحزون
ويگلي من السياط النزلت عليــج
لاضل حيل عندچ لابقه لـــــــون
يطر گلبچ حچيهم ودري ياذيـــچ
وشوفچ تنتخين شمايسبـــــــون
وين حسين اخوي اوين عبـــــاس
ألكض شاربه وگلالي ممــــــنون
انتخيتي وراد ابو فاضل يهد ليــچ
بسهم عينه ويأدب ألي يشتمـــون
اغمض من يشيل السوط ســــلاب
وجبت طول الدرب مافاتحه عيـــون
اجاني الريح جايب صوت الاخــوان
وجايبلي علم من حادي الضعــــون
ومكتوب اعله وجه العلم هيــــهات
اخوتچ موته كلهم مايحضـــــــــرون
بعدهم ماشفوا من الجراحــــــــات
وبعدهم بالمعاره دم ينزفـــــــــون
يجيچ احسين اخوچ شلون والـــراس
عليه عبد الله شابك يحضر شلــــون
وهمس بذني الهوه وانه اطمأنيــــت
عليچ اخوانچ هوايــه يسلمـــــــون
خلق لجلچ يصبر حسين باريــــــــچ
شيعه وگلهم الحزنچ يلطمــــــــون
اعله خد روحي تره مصابچ لطمــه
واليه اجروح برض الطــــــف لطمهــا
يزينب شيعتج هـــــــــــــــــذا لطمــها
ربع ماشال من اسياط امــــــــــــــــيه
انوحن بالغرب وحـــدي ولاعون
ولا فزاع ينغرلــــــــــــي ولاعون
لاعباس لاجعــــــــــــــفر ولاعون
ولا بن امي اجه وصلـــه عليـــــــــه
انه زينب ونار حشـــــاي شجــــره
وصعب بالشام بيه شحصل شجره
الكتني راس اخوي بغصـن شجــره
تعلگ بالشمس ويصد الــــــــــــــيه
من اصلي جروح البمتني يصليـن
ويضلن كل وكت بــــــيه يصليـــن
يفرسان الوغه أنــــدب يصليــــن
تعالوا الزينب بوكت المنيـــــــــــــه
انظلمت وماتوصل بشر ضلـمـــاي
وزحف جتني رقيه بليـل ضلـمــاي
تگلي بجربت العبـــاس ضلـمـــــاي
يعمه من العطش نيران بيـــــــــــــه
اضل امشي اعله درب الصـبر ماضل
وعليه الوكت لحضه ضــــلال ماضل
رقيه بجربت العــــــــــباس ماضــــل
ماي ومن عصر رد خالي اليــــــــــــه
لخادم الحسين محمد الفهداوي
خويه زينب
انه اخوچ الحسن ونتي سنينــي
خويه زينب
شرجعچ للشام يا ضي عينــــــــي
متانيچ سنــــين
يا نور العيـــــــن
،،،،،،،،،
شگد نطرتــچ ملني صبــري
گبري شــيب ودمعي يجـري
بروحي حضره ونتي عمــري
انه أطلــــــع وخذي گـبـري
شلچ بالشام ياخويه ورجعتي
دخلتيها سبيه وبيها متــــــــي
بديره غربه
الشالوا التابوت موخوانــــچ
بديره غرب
المايعرفچ مايعرف احزانــــچ
بگلبچ طفيـن
يااخت حسيـن
،،،،،،،،،،
خويه زينـــب ياحياتـــــــي
منيتي اچفــنچ من عباتـــــي
الغربه تذبـــح ياغلاتـــــــي
بروحي صاحت نايباتـــــــــي
گضينه ايام حلوه بالمدينـــه
زغيره وچنتي يازينب حنينــه
بالمدينــه
صح مصاب الزهره لسه ابالچ
بالمدينــه
ردت گبري خويه گون گبالـچ
بروحي مصابين
يااخت حســـين
،،،،،،،،
جفني صـب دم وي دمعتــــي
بعيده صرتي يامهجتـــــــي
شلون اعوفــچ ياسلوتــــــي
بنص شماتــــه وانتي اخيتـــي
اعرفج والله يازينب وفيـــه
رجعتي ومتي يم مرقد رقيه
يم رقيه
متي يمها وابد ماعفتــيها
يم رقيـه
چم مصيبه بداخلچ شلتيــها
بعينچ جرحيــن
يااخت حسيـــن
،،،،،،،،،
بنفسي اشوفچ يالوفيــــــــه
ورد اسألـــــچ عن رقيـــــــه
صح متنــــــها من ال اميــــه
لونــــــه ازرگ يالسبيــــــــه
يزينب بنت اخوي اتصد لــبوها
سامع فوگ ناگه عصبوهــــا
الغسلتـها
شگالت ويمها شحچت خبريني
الغسلتها
صدگ گالت خايفه تعدينـــــي
اه من البيـن
يااخت احسين
،،،،،،،
موصي جاسم يبني همتـــك
العمك افــدي دم رگبـــــتك
يبني باجـــــر كتله حنتـــــك
حمره تصـــبح من چبدتـــــك
يزينب سولفيلي عن حبيبـــي
يغير عيوني انتي وكل نصيبي
ردت اشوفچ
واكعد وياوچ واداوي متونچ
ردت اشوفچ
ومسح بچفي دموع اعيــــونچ
فارگچ ناريـن
ياأخت حسين
،،،،،،،،
شلون اجيلچ والمسافـــه
شگد بعيــده ياحسافــــه
داري هــسه بلاضيافـــــه
جنچ امـــــي بالترافــــــه
يزينب بيچ اشمن ريحت امـــي
شعجب بالشام متي موش يمي
چنچ امي
والله مشتاگ العطرها وطيبها
چنچ امـي
گلت زينب من تجيني تجيــبها
ياصبر الديـــن
ياأخت حســين
،،،،،،،،
لخادم الحسين ع
محمد الفهداوي
عنده الشهاده عــــرس
قرر يضحي النفــــــس
وامه اعلگتله الشمـــــع
بالخيم بالخيــــــــــــم
،،،،،،
القاسم بدر عالگاع
ينثر عطر نعنــــــاع
من وجها بالحــــومه
وجدامه تزرع هيـــل
يشتمها نجم سهــيــل
يوم الفخر يومــــــــه
بعزم صال دحه ابطال بتاره
للجيـــــال للشبـــــــــال اثاره
حته الخــيم هلهلت
برجوزتـــــــــه رتلت
نور الحسن بي يشع
من هجم من هجـــم
،،،،،،،،
من صوول اعله عداه
والصارم بيمـــــــــناه
ضاع الدرب بيهــــــم
ركضوا ركض حفــاي
ومتيهين الـــــــــــراي
لمن اجه عليهــــــــــم
النفس ضاع بالســـباع من زوده
الحسن عاد حرز شاد بـــــزنوده
من وجها يگطر ضوه
ويشمه حته الهــــــوه
صاير جمـــــــــاله درع
من هجم من هجـــــم
،،،،،،
شچ رايته اعله الروس
وبجفه نبله وقــــــوس
ويلگط الــــــــــــــــقاده
شورطنه وي هلشــــــاب
خلصنه بالنشــــــــــــــاب
بيه شيمة الســــــــــــــاده
تربيت تغذيت حب عمــــــي
محبته مـــعزته بنص دمـــــي
عمي الحسين العشك
من گلبي احبه صـدگ
من زغري بي مقتنــــع
من هجم من هحــــــم
،،،،،،،
صاعد سبوگ الخيل
سيفه حجر سجــــيل
ضلوا يركعولــــــــــــه
دارس فنون الجــــود
من والده بيــــــه زود
مثل الجبل طولـــــــه
غده يصيد صناديد باعلومه
هتف اه حسيــــناه بالــحومه
اكرمنه رب البشـــــــر
النه الشهادة فخــــــــر
بس صوته ضل ينسمع
منهجم منهجــــــم
،،،،،،،،
چم ايه بالقرأن
رتلها بالمـــيدان
شمحلاها بلسـانه
كللهم احنه أنگون
ألتين والزيتـــــون
للراد يقـــــــــــرانه
كرامات كأيات جــيناكم
تكفرون تغدرون شفناكم
من ادخلنه أرض كربله
تلگتنه بالياهــــــــــــلاه
ضلت تهل الدمــــــــــــع
من هجم من هجــــــم
،،،،،،
لخادم الحسين ع
محمد الفهداوي
بصدرك ريحة الجنه
إگرب خل اشمـنه
خويه اسمع شگول خويه اسمع شكول
امي الزهره حاچتني
گالت شمي نحر ابني
وصتني البتول وصتني البتـول
،،،،،،،،،،،،،،،،،،،،،،،،،،،،،،،،،،،
عطر نحرك كل فجر يحسين اشمه
انته لوفارگت عيني عيني تعمه
امي وصتني أوصيت الغالي ذمه
خويه فكلي زرار درعك يبو اليمه
أوگفلي يبو الأكبر
خليني اشتم المنحر
ياگلب الرسول ياگلب الرسول
گالت حارس خيامي
بالطف ينذبح ضامي
وصتني البتول وصتني البتول
،،،،،،،،،،،،،،،،،،،،،،،،،،،،،
خويه طب وعطر الخيمه بحنانك
والزمن لويرضه يذبحني مكانـك
وياك خويه بلارحم صاير زمانـك
أنبياء الله مو مثل متحانــــك
صح يحيى انگطع راسه
بس ما فگد عباســــه
ودوسه الخيول ودوسه الخيول
ولابالطف تضل اختـه
مثلي وشافت الشفته
وصتني البتول وصتني البتول
،،،،،،،،،،،،،،،،،،،،،،،،،،،،،،،،،،،،
حتى عيسى الممتحن ناح العذابك
بالسمه دريس ونصب ماتم مصابك
لوطحت مصيوب ياسيد شبـــابك
النوارس راح تتوضه بخضــــابك
لمن تهوه بالمصـرع
گلب الزهره يتگطع
هل موفق مهول هل موقف مهول
امك ياعزيز امـــك
بنحرك جانت تشمك
وصتني البتول وصتني البتول
،،،،،،،،،،،،،،،،،،،،،،،،،،،،،،،،،،،
خويه ياچلمت بخت بحلوگ الشراف
لوعفتني طولي يابو اليمه ينشـاف
سياط خصمك بالسبي تاكل بالچتاف
من يجن اليل بنتك طفله وتخــــاف
من تبچي على حضانك
ماترحمها عدوانــــــك
وفراگك يطول وفراگك يطول
فوگ الناگه من توگع
مامن هاشمي اليفزع
وصتني البتول وصتني البتول
،،،،،،،،،،،،،،،،،،،،،،،،،،،،،،،،،،
خويه اوگف خلنه نتوادع ســـويه
وداع أخير المابعد يالغالي جيــــه
هاي بوسه بنحرك من امي الزچيه
خلي اشمها لا تفرهدها المنــــيه
بنحرك بوسه ياحلمي
خل اشتمها يبن امي
محتاره شگول محتاره شگول
كلمن ودع احبابه
تنزل دمعة مصابه
وصتني البتول وصتني البتول
،،،،،،،،،،،،،،،،،،،،،،،،،،،،،،،،،،
حسين ياحلم الطفوله الرافگانــي
بعيني ساكن لا نسيته ولانسانــي
ارتوي أمن أحضانك شما قل حناني
جود شايل گلبك وحب شربانـــي
صدرگ حضرت مروه
بگلبك دنيه للخـــوه
يمحير العقول يمحير العقول
دارك تگشخ بجالك
اسود لبست دلالك
وصتني البتول وصتني البتول
،،،،،،،،،،،،،،،،،،،،،،،،،،،،،،،،،
لخادم اهل البيت عليهم السلام
محمد هادي الفهداوي
غم رايك يماي وعاب هذا الراي
شراي الحسين وگتله مـــوشراي
شگد قدرك نزل
تجري بلا خجل
غم رايك يماي وعاب هذا الراي
،،،،،،،،
گبل چنت اعتقد سر الحياة انته
وهسه تأكدت وجه الله موتــــــه
حسين من العطش متفطره شفـته
وليش السانه مثل الخشبه حولتـه
يالحطيت أيدك بيد أشر النـــــــاس
وعفت چفوف راعي الموزمه عباس
أعظيده من نچتل
تجري بلاخـــــجل
غم رايك يماي وعاب هذا الراي
،،،،،،،،،
ذنبك موسهل ما واحد يغفــــــــره
اله عليك ترضه فاطمه الزهـــــــره
وانته وليدها بيه خلفت حســـــــره
بچبده أظماك نار وميت الف جمره
باچر بالحشر تعطش يماي شــــلون
بديها الكوثر الزهره وتضل مـــديون
تسألك محتمل
تجري بلاخجل
غم رايك يماي وعاب هذا الراي
،،،،،،،،،،
قدملك گمر يسوه السمه وليلـــــــه
وسيفك چان حاد ويذبح بحـــيلــه
گطعت جفوف كافل عيله من عيله
رفظت حسين قطرة ماي تنـطيلـــه
شنهي قصتك يامي وي حســــــين
مات من العطش وانته عدل للحين
يمعطش الأمل
تجري بلاخجل
غم رايك يماي وعاب هذا الراي
،،،،،،،،
بوس جدام كل واحد مشه يزوره
على الخدام وزع مايك انـــــــذوره
قطره تصير يم حسين وبـــــحوره
حسين الدنيه تشرب كلها من نوره
حسين تفطرت شفتينه ونته تفور
ودموع اليتامه تشبه الناعـــــــــور
منعندك زعــــــل
تجري بلاخجــل
غم رايك يماي وعاب هذا الراي
،،،،،،
چبد حسين من گد الظمه تفطر
شال ابنه وتصوب ابنه بالمنحــر
گلبك لوصخر چا لان وتفســـــــر
باچر تنسئل ياماي بالمحشـــــــر
رد شايل رظيعه للخيم مذبوح
وبّاب الخيم امه الرباب تنـــوح
يافشل الفشـل
تجري بلاخجل
غم رايك يماي وعاب هذا الراي
،،،،،،،،
خادم الحسين ع
محمد الفهداوي
داست عليك الخيل مولاي
وفوگاها هم ماشارب الماي
اه اه اه
حسين حسين حسين
،،،،،،،
ارضه الحوافر تسحگ علـــــــيه
وبس كون اصيرن طاسة اميـــه
بچفوف بنتك كون مملــــــــــــيه
ومن عندي يشرب نحرك اشويـه
اه اه اه
لو خيمه اصيرن فوگك فياي
،،،،،،،
ارضه السهام توزع بـــصدري
وثنعش طبره ريتها بنحـــــري
ريت المثلث طلع من ضـــهري
وريت الرمل يابو علي حــدري
اه اه اه
موحكي لمن افگد الــــــــــــراي
،،،،،،،
اتمنه گطعوا خنصر ايميــــــني
وبحجار گون الگوم ترميــــني
لو نبله اخذ منك بعينـــــــــــي
صح تنطفي بس أبصر اسنيني
اه اه اه
من زغري هاي الامنيه ويـــــاي
،،،،،،،،
اتمنه كون اعيالي يسبــــوها
وبنيتي كون العده ايضربوها
صعبه الاخت لمن يشتـــموها
لعيونك ارضه من يسبــــــوها
اه اه اه
يالغالي ارضه وابصم بهــــــاي
،،،،،،،
دون الشرف شنهي الرجل يسوه
وانه وحياتي اندارلك فـــــــدوه
يالعمتني معنه المــــــــــــــــــروه
موبيدي احبك هيه گــــــــــــــوه
اه اه اه
حبك تملك گلبي وعضاي
،،،،،،
مرات اعيش بعالم احسـاسـي
والعبره تخنگ صدري ونفاسي
واتمنه كون اعله الرمح راسـي
وبصفي اخوتي مذبحه وناسي
اه اه اه
ماتطفي ناري دمعة ابچاي
،،،،،
محمد الفهداوي
الشاطي التفق وياي
انطيه نضر عيــــناي وجفوف اديه
وينطيني جربة مــاي
لسكينه مو لحشـــاي بلغاضــريه
،،،،،،،،،،،،،،،،،
انطيت جفي الأيمن النهر الفـرات
گلت بــس لا يغدر اوماعنـده ذات
ثاري گبلي متفق وي الطغـــات
ايعطش ال المصطفى سر الحـيات
ادري الفرات يخــون
بس ارد اشوف شلون مايملي جودي
مثل الورد يبجـــــون
الهم حياتي تـــــهون وأفي بعهــودي
أمواعد يتامه هواي
الشاطي التفق وياي بلغاضريـــه
،،،،،،،،،،،،،،
چفك الثاني اريده اوگتلـه هاك
وگلي خيمة زينب حترگت وراك
گتله لا بيها الحسين الماهــواك
الرفض يشرب منك اوماقــدراك
بخيامي عفت حسين
مثل القطب للـــدين يرعه اليتامه
گلالي اريدن عيـــن
منك وره الچفيــــن يابو الشهامـه
شرايد بعـد بس هاي
الشاطي التفق ويـاي بالغاضـــــريه
،،،،،،،،،،،،
نطيته جفيني ونشف ريچ النـهر
أوگلي رايد عينك اوكل النضــر
حسين معصوم أوعرف معنه الخطر
من اجاني عشر مرات انهطــــر
ضل يلگف الأنفاس
ناداني ياعــــباس يابو المحنه
بحضانه حط الراس
ميَّلته بس بحساس مستحي منه
اعذرني يارجـــواي
الشاطي التفق وياي بالغاضــريه
،،،،،،،،،،،،،
الشاطي مثل الگوم بلطف هم لحد
ماوفه بحچيه ولا أوفه بوعـــــــد
من عگب چفيني صوبني بعمـــــد
طحت طيحت فايز أبجنت الســــعد
لمن طحت مصيوب
ناحت عليه گــلوب زينب مَثَلهم
نادت يداحي البوب
اليوم الگمر محجوب ندبة املهم
ياسلوتي بدنــــياي
الشاطي التفق وياي بلغاضريه
،،،،،،،،،،،،
گعدت او خضبت شيلتها بدمه
تگلي الله وياك يابدر الســمه
وأجت يمها ام البنين اوفاطـمه
قرايه سون والمدامع ساجـمه
والزهره يمي تـنـوح
ينزل دمعها جــــروح وتنادي يبني
چنك بدر مذبــــــوح
ينزف ضوه اومسفوح يومك فجعني
وألمني حيل هـواي
الشتطي التفق وياي بالغاضــريه
،،،،،،،،،،،،،
چلمه ماعندك ينهر العلگمـــــي
راح اشچ ابنص لهاتك صــــارمي
وانتي يچروف الحقد حيل فهمـي
لاتفرحين بسفك هذا دمــــــــي
دمي غدآ بــــركان
مايرحم العــــدوان باچر تشاهد
كل قطر الف قـران
وحروفي بس ايمان اسمع يحاقد
عباس انه الوفــاي
الشاطي التفق وياي بلغاضــــريه
،،،،،،،،،،،،،،،
الريح جابالي دمع مثل النـــده
وهل دمع ميزته من ام فاجــده
ام رضيع الماتهنه بمولـــــــده
ضامي وتروه بسهم من العــده
ليش بسهم مفطـوم
ماعدها رحمه الگوم أعضم مصيبه
يم مهده امه تحــوم
وتنادي يامضــــلوم امــــك غريبه
من الهم فگدت الراي
الشاطي التفق ويــاي بلغاضــــريه
لخادم الحسين محمد هادي الفهداوي
گاعده اباب الخيم ترسم حميــــده
وجه ابوها وتبچي وتبوسه بوريده
من الصبح لليل تحچي ويالرسم
وبلحيته ومنحره ادنگ تشـــــــم
حميده حميده
،،،،،،
اديها من الحزن ترجــف
مثل ماترجف الورگــــه
التراب الجوه رجليهــــا
تبلل من بچي الفــــــرگه
الحنان البيها يجبــــــرها
رسم ودنگ تشبـــــــگــــه
الخيم تبجي اعله مبجـاها
تدخن والهوه تــــــــحرگه
حسين يمها گاعد ودمعاته تجـري
هذا ابوي تگلــه ويگللـــــــها ادري
من الجدم للراس طفله كلها هم
من الصبح لليل تحچي ويالرسم
حميده حميده
،،،،،،
عساكر ترسم گبالــــــه
تهوس رايده تذبــــحـــه
فجر ترسم على عيــــونه
بزغ بس انچفه صبـــــحه
عطش رسمت على شفافه
يفت دلاله ويجرحــــــــه
رغم كلشي وصعد مهـــره
ولزم سيفه ولزم رمحــــه
ترسم آمدافع نبل متجهه صــــوبه
وغيره تعرگ گصته المتروس حوبه
شما دنت نبله لبوها تلـــــچم
من الصبح لليل تحچي ويالرسم
حميده حميده
،،،،،،،
علامات اليتم بيـــــــــه
بدت ياوالدي وساســـــي
من اجاني عمي ابو سكينه
ومسح بيده على راســـي
النفس بالگوه اجـــــــرنه
شجرن عگبك انفاســــــي
تضل ويالرسم تحچـــــــي
حچي مايدركه حساســــي
ياقصيده وياشعر يوصف المـــــها
جرح چنها وشابگه اعله حسين عمها
حزن كل ارسومها وماتبتســم
من الصبح لليل تحچي ويالرسم
حميده حميده
،،،،،،،،
رقيه وسكنه اجن ليــها
يواسنها بمصيبــــــتها
ورقيه ناحت وياهــــــا
لان محنتها محنتــــــها
جرح شابگ جرح وگفــن
جرت كل وحده دمعتهــا
ربن والطيبه ربتهــــــن
سوه وصارت حبيبتهــــا
تصيح ابوي اتأخر ومارد الـــيه
من تريد تگوم تمشي تگض رقيه
من المصيبه اطيح ماتملك عـزم
من الصبح لليل تحچي ويالرسم
حميده حميده
،،،،،،،
اجها احمد يصـــــبرها
اخوها ودمعته بعيــــنه
گعد يمها وحچه ويهـــا
وشبگها وأخلف ايمينــه
نهر رسمي على شفافه
يگلها من ترسمينــــــه
نذبح ضامي بوطن غـربه
وحگ الغالي ابوسكيــنه
عالتراب تخلي خدها شگد حنيــه
وتحچي وي الرسم بويه رد علينه
رحمه ماعنده الجمر مايلــــزم
من الصبح لليل تحچي ويالرسم
حميده حميده
،،،،،،،،،
خادم الحسين ع
محمد الفهداوي
سافر راشده النيه ،،،،
امشي اولاتهم بيه ،،،،
خله ايگوطر العباس بظعــــــــــونك
أمهَنّه بهيچي اخو يابويه هي عونك
سافر راشده النيه ،، امشي اولاتهم بيه
،،،،،،،،،،،،،،
توگف الغيبه فوگ گلبي رمــــــح
وتگطع هروش الگلب غيبتـــــــــك
عصرت المغرب اني منها انذبـــــــح
ومشي بدرب بيه محنتي اومحنـتك
اوتلگه اعله خديني الجرح عالجـرح
ماناگصه كلهن عدد عيلـــــــــــــــتك
ورسم ضعن جيّتك لوطر صـــــــــبح
وتخيلك رديت من ســــــــــــــــفرتك
كلمن فارگ احبــابه
عيونه اطّيح يم بابه
أَصبر لوعصرني الشوگ لعيونك
خله ايگوطر العباس بضعـــونك
،،،،،،،،،،،
هيه التكتلك كل خواتي ســـــوه
يمشن وضلن وحدي هذا العجـــب
لو فارگتني گوه اجر الهــــــــــــوه
هجرك يصير الموتي هوه السبــب
اويتبده من عيوني جربة ضـــــوه
منكثر مااگعد وصد للــــــــــــــدرب
وخيول هجرك تجي من نينــــــوه
كل مغربيه اوترمح اعله الگـــــلب
خيل الهجر تلفيني
تسحگني اوتأذيني
انه ادري العمر مايسوه من دونك
خله ايگوطر العباس بضــــعونك
،،،،،،،،،،،،،
صح اني اگلك روح بس مهـجتي
بيها المناجل بيسن بالحــــــصد
حتى الثواكل تصفن المحنتـــــي
طفله اواشيب واني عمر الـــورد
شماجهزت هودج ألى عيلتـــــي
عَجف أشوفنها اومهازل تــــــرد
بويه اني مو معلوله بس چــبدتي
تصوبت من سمعت نويت البعــــد
نايم هذا عـــــبد الله
شيله وسمي بسم الله
خلهَ بنومته اوحط راسه بمتـــونك
خله ايگوطر العباس بظعــــــونك
،،،،،،،،،،
خبرني أشتل ياس اشتل دمــــع
لواشتل الحسره بمچانك عــــــمر
كاس المصايب كاس ماينجـــــــرع
مشروط اشربه اواوگف اعله الجمر
بصدرك صدگ مايبقه سالم ظلــــع
ومايبقه منك عضو ماينكســـــــر
كلك عطش وعليك يلتم جمـــــــع
شماعاينت بوجوهم بس شمــــــر
مأيسه أوراح اناطركم
اوتذبحني منازلــــكم
بويه النقضة البيعه ينطرونك
خله ايگوطر العباس بظعونك
،،،،،،،،،،،
حتى الطفل باجر يذبحه الضمــه
والنبله كلش قاسيه اويه الطــفل
هل نبله گبل الطف تره أمولمــه
محسبيله من سنين هذا العمــــل
تلگيتها بزندك اوسال الدمــــــه
من زندك اومن منحره محتمــــل
شنهي السبب دمكم صعد للســمه
يشتكي يم المصطفى مانــــــزل
دمكم صعد للجنــه
طيور الصاف شالنه
توّكل بالله كل اهلي يتانونك
خل ايگوطر العباس بضـعونك
،،،،،،،،،،،،
راح اني ارسم جيتك عالــدرب
واگف حضن كلي وصيحن هـلا
واسأل عليك العرف واسأل غرب
بلكت يجيني خبر من كربلــــــه
وياك أخذها دموعي وخذ الـگلب
وحسبني جربت ماي بالقافـــله
اني الحياته عايــش اومنصلـــب
واني الغصب ودع عمامه اوهــلا
كل مغرب يجي موتي
داري ايصير تابوتـــي
كل لحضه اموتن بويه من دونك
خل ايگوطر العباس بضعـــونك
،،،،،،،،،،،،،
لخادم الحسين محمد هادي الفهداوي
عندي شعور الزهره بلمجلس
وم الأمام السيده نرجـــــس
موجوده يم المنـــبر الزهـره
وم الأمام المهدي منتـــضره
عندي شعور الزهره بالمجلس
،،،،،،،،،،،،،،
عنمن اقـره
تحيرت بالطف جرح شابگ جرح
اه يزهــره
ادري تلچمين من طاري الـرمح
والله حسـره
شما نسوي قرايه ابنچ ينــذبح
أشد كفــره
الينثر اعله جروح دلالچ ملـــح
كلما اردد بيت چن اسمـــع
ياملا فدوه عيدلي المقــطع
چني اسمع ام المنگطع نحره
وم الامام المهدي منتـــضره
عندي شعور عندي شعور
،،،،،،،،،،،،
أم أبيـــــــها
حضرت أويّاها أم المنتضــــــــر
تبوس اديهــا
السيده نرجس حزن بيها استــــعر
رد عليهـــــا
الزهره ذبح المحسن وكسر الضهر
وكل نعيهـــا
اه يمه حسين اخيك عالنـــــــــهر
كحل الحميه وصاحب الشـــــده
علجود طاح وناضره تبــــــــــده
وم المصايب گعدت بكتـــــــــره
وم الامام المهدي منكســــــــره
عندي شعور عندي شعور
،،،،،،،،،،،،
يم جربتـــه
گعدت اخته وسولفت قصة دمع
زينب اختــه
بسملة احزانها كسر الضلـــــع
بعيني شفته
خويه جفك يابو فضل ينگطــــع
ابجي سكته
انه اختك صوتي اخجل ينســـمع
جنها تگلي وتجر حسرتــــها
اقرالي عن زينب ومحنتــــها
ونعيلّي عن الهشموا صـــدره
وم الامام المهدي منكســــره
عندحي شعور عندي شعور
،،،،،،،،،،،،
الزهره صاحت
گومي يم المهدي خل ننعه ســـــوه
ومنها طاحـت
دمعه بس مودمعه نزلت من ضـــــوه
جروحي ناحت
بصدري حد ما صلبت بريتي الهـــوه
جنه فاحت
من عبايتها وعطر من نينـــــــــــوه
وتگابلن وتذكرن زينــــــب
ولمنبر وياهن شفت ينحـــب
بدلالي نار شتعلت الحســره
وم الامام المهدي منكســـره
عندي شعور عندي شعور
،،،،،،،،،،،،،،،،
يمته ابنچ
يضهر وياخذ بثارات الطــــــفل
خل اخبرچ
المهدي دم عيونه لوليدي أتهـــمل
طبعه مثلچ
دوم يبچي اعله المشت فوگ الهزل
ينادي شبلچ
شلون بجفوف العقيله نشد حبـــل
والزهره عدها للحزن مصحف
وايات بيه اشكثر عن الطـــف
واسمعها لم المنتضر تقــــره
وم الامام المهدي منكســـره
عندي شعور عندي شعور
،،،،،،،،،،،،،
هذا واقـــع
مو خيال ولا روايه بلاســـــــند
بگلبي ابواوع
الزهره تنعه بصوت خافت يالــولد
تسع اصابع
باقي عندك والضمه لچبدك مــــرد
انته سامع
للزجيه السيده نرجس سنــــــــد
من تمشي ام المهدي تسندها
وتمسح الدمعه التنزل بــخدها
هذا شعور نولد علفطـــــــره
وم الامام المهدي منكســـــره
عندي شعور عندي شعور
،،،،،،،،،
هل مجالس
باب من ابواب ربك يالمحب
صير عــابس
بالجنـــون بتعزيه لمن تطب
چن مدارس
بيها منهج للقيم لتضن صعب
عالتنافس
اتزاحم اعله الخير وبطيبة گلب
توقع الزهره بمجلس تصدلك
عيش الشعور وخاطر تسجلك
عندك علم كل مجلس تحضـره
وم الامام المهدي منكســـره
عندي شعور عندي شعور
،،،،،،،،،،،
لخادم اهل البيت والصديقه الطاهره ع وام الامام المهدي ع السيده نرجس ع محمد هادي الفهداوي
عمه ذني خيول عشره معصبات وغايره
ورد ادور ضلوع ابوي بياحوافر صــايره
،،،،،،،
الجمر نام برجلي نومه ورد اموت من الألم
وشم ريحة صدر ابوي وياهه اشم ريحة سهم
گاع خشنه ورجلي ترفه مجرحه وبس تجري دم
تريد تحرگ گلبي چنهه شما اهم عني تهم
كومي دوري وياي عمه اني طفله وحايره
،،،،،،،،،،،
خذت مني النار حصه اومالي حيل اعله الركض
وخيلهم وكحه يعمه بالركض تنفض نفــض
ضلوع وچبود من ابونه تارسه وجـه الارض
خل نردهه الصدره عمه بلكي يرجع ينتفض
كل مهر يعبر عليه دم اشوف بحافـــره
،،،،،،،،،
منين مامد شوفي اعاين صورت دموم وچبد
حضن ابوي الكله طيبه تفرهد وماظن يرد
والله ماينكسر وجهه الوكت خوان وجلــد
حارب اسياد البريه وصافح الچانت عبـــد
عمه حتى خنصر ايده مدري ياهو الباتره
،،،،،،،،،
عمه هسه جمر بيهه جدامي جواهه الجمر
صار عمري مثل عمرچ صرت اشبهچ بالعمر
داينيني ارجوچ فدوه حتى لوگطرة صبــر
چنت ورده وثچف زماني هسه عاصرني عصر
فوگ راس الرمح راس الغالي شابح ناضره
،،،،،،،،،،
الخيل يهل الخيل اصيحن اني طفله مدلله
صاح واحد صوت بيه لاندوسچ بالفـــــله
ردي لخوانچ يطفله وصيري وي العايلــه
للشريعه اشمر اعيوني والمدامع هاملـه
وين عمي والله حالي ادري يكسر خاطره
،،،،،،،،،،
عمه خل نگوم فدوه ندور ضلوع الحنيـن
والله لوبيدي اخلي بكل شبر بالگاع عين
عمه باقي ضلوع تسعه ويكتمل صدر الحسين
بياكتر اعثر عليهن حايره ما ادري وين
اليوم حاطتني المصايب چنهه مثـل الدايره
،،،،،،،،،
عمه بس ضلعين ذني لچن هنه مكــسرات
ويمكن ضلوعه البصدوه فرهدتهه الغايرات
عمه ذني احنه بناته مدوهنات وحايـــرات
باچر اعله الناگه نركب ياحسفه مچتفـــات
عمه بس هليله يمه واني باچر سايـــــره
،،،،،،،،،،
عمه دوري الخنصر انتي واني ادور عالضلوع
عمه مدري بياحفيره صوت عبد الله يلوع
اليوم خل نرحم ربابه بعينهه ماضل دموع
بالكت نرجعه الحضنهه ونشعل بمهده الشموع
فوك نحر الغالي روحي مثل طير وطايره
،،،،،،،،،،
لخادم الحسين محمد هادي الفهداوي
مشتاگ هوايه للمجــــــالس
مشتاگ وحك شيبــة عابس
مشتهي ابچيلك ياحسين
ورايد اشكيلــك ياحسين
،،،،،،،
بيّه طف ثاني وخيم محتـرگه نـار
بعيني دمع أسكينه ودمـوع الزغــار
چن رقيه بروحي تركض بنكســــــار
تصيح بويه حسين وينك گلبـي حار
يحسين والله شيـب راسي
يحسين گوه اجر انفاســـي
دمعي يجريلــك ياحسيــن
ومشتهي ابچيلك ياحسين
،،،،،
وداعت اكبر جرح حد جرح الرضيع
من تهدني وداعتك يحسين اظيـــع
ياشفيع المايصـــح مثلك شفـــــــيع
انه عبدك ومتثل لمرك وطــيـــــــــع
مملوك الك من أصياري
مملوك يالشلت مقـداري
كل سنه امشيلك ياحسين
ومشتهي ابچيلك ياحسين
،،،،،،
يوم يوم احسب وتاني الهل عـــزاء
ولابس ثياب التعــازي والــــــــــرثاء
گلبي من ينبــض يردد بالــــــــــولاء
شمايدك معنها يصــرخ كــــــــــربلاء
والله اسمك بـــدلالـــي
والله ماكو مثلـك غالي
گلبي يصغيـلك ياحسيـن
مشتهي ابچيلك ياحسين
،،،،،،
عيوني تجري شما شفت بعيوني ماي
موقفك يوگف گبالـــــــي يا ضــــــواي
رياگي تنشف وجهش وتظلم سمـــــاي
ياحسين اتظل الك صرخت نـــــــــداي
بالماي دوم تتراوالــــي
بالماي صورتك يالغالي
من اشرب ادعيلك ياحسين
ومشتهي ابچيلك ياحسن
،،،،،،
لجلي صارعت الظمه والنيبــــــــات
وللسبي وديت نسوه مــــــــخـدرات
والله ما استاهلك ماعنـــــــــدي ذات
مااقدر موقفك بين الطغـــــــــــــــات
خجـلان يالحنين هـــوايه
خجـلان الك منطي حجايه
گلـــــــت اوفــيلك ياحسين
ومشتهي ابجيلك ياحسين
،،،،،،
لخـادم الحسين ع
محمد الفهداوي
راح راح
ابني ونضر عيني
راح راح
وتبدت سنيني
عالرمل نضرته
طايح وشبگته
،،،،،
بعينه دمعه وگوه اسمعه
گلي يابو وداعاً حان الوداع
گمت اشمه جنه نسمه
عشرة اعزاز الغوالي خلصت بساع
شفت خده أعله الثره نايم الربيــــته
صار حصت المگبره الغالي والحبيته
جروحه كلهن بالسره دنگت شميــــته
اه اه
گوه اجذب انفاسي
اه اه
شيبي ترس راسي
بلا نفس وصلتــــه
طايح وشبگتـــــــه
،،،،،،،
ردت اشيله ياعلقيله
موثگيل اوليدي بس امحمل سهام
ضهري حدب اه يزينب
شيبت من مصرعه لطراف الخيام
گبرتني كربله وفرهدت كل حيلي
يامصاب اتحمله يختي بالله حچيلي
جدامي تعثر بالفله راح اليتچيلي
مات مات
عمري وگرب موتي
مات مات
صحت بعلو صوتي
مگطع وجمعته
طايح وشبگته
،،،،،
نحره ينزف وعينه تذرف
وكاتب اعله الگاع سلملي أعله سكنه
هوه كلشي وحته رمشي
شيّب وصارت محنتي والله محنه
ابني جمار الگلب شفته وصط الحومه
من التعب ومن الحرب ماعرفت ارسومه
من الطعن ومن الضرب كلها دم هدومه
ضاع ضاع
روحي علي الأكبر
ضاع ضاع
بطف كربله توذر
صوته ماسمعته
طايح وشبگتــه
،،،،،،
يالعوافي وسفه غافي
يابعد عمري علي بس فكلي عينك
شحچي لمك أنه الزمك
حته لو ميت اتجيلك وعينك
عفت امك بالخيم ياعلي محتاره
يمها ملتمه الحرم والدمع يتجاره
يبني يالگلك شيم گلبي هاجت ناره
نار نار
تتلاهب بروحي
نار نار
من تنزف جروحي
بسته من جبهته
طايح وشبگــــته
،،،،،
ياحسرتي ياكسرتي
عود لطراف العمر ردتك ياغلي
ياتچوتي. ياسلوتي
ليش عني تروح ياعزي ودلالي
يبني عالدنيه العفه شتسوه دنيه بدونك
ياجمال المصطفى عيونه جنها عــــيونك
خصك الله بهل صفه جدك ايشوفــــونك
شاب شاب
والموت أخذ عمره
شاب شاب
ياحسرة الحسره
شيوجعك نشدته
طايح وشبگتـــــه
،،،،،،،
لخادم الحسين
محمد الفهداوي
كل عام اموت بمقتلك بس احيى لعيونك
عايش لجل خادم اضل بين اليخدمـــونك
يرزقني عاشورك حيــل
ويظل دمع عيني يسيل
من اذكر ضعونك من اذكر ضعونك
،،،،،،،،،،
عيني افتحه اعله دمعه كل فجر وتذكرك
وحدك بين العساكر اني هيچ اتصــــورك
بمنحرك بوست محمد ليش گطعوا منحرك
سيدي مولجل محبس لمن بتروا خنـصرك
من اسمع ابطاري الخيم جن تحترگ روحي
تسبيح امك فاطمه اشعر اجر نوحــــــي
جيل ايتعلم من جيل
ويظل دمع عيني يسل
من اذكر ضعونك من اذكر ضعونك
،،،،،،،،،،،،
دنيه من دون المجالس كل طعم مابيهـا
عالجمر هاي اليالي واگف امتانيــــها
تنزل ابجف الزچيه دمعتي من اجريها
الدمعه من عينــي جهنم باجر اطفيهـا
بعيوني صورت منحرك بچفوف ذباحـــه
دلالي يخفگ بالعزه بس اشعر براحــــه
بنص مجلشك صبح وليل
ويظل دمع عيني يسيــــل
من اذكر ضعونك من اذكر ضعونك
،،،،،،،،
مجلسك يحسين عندي هوه اعضم مدرسه
بكل نفس دخان خيمة زينب اني اتنفســه
حسين حبك بي اسس عشگ محد اسســه
وعله ساحل روحي جرحك يا أبوالأكبر رسه
يوميه اشوفن مشرعه بيها الكمر ينـزف
تاخذني رهبه ودمعتي تنزل وضل ارجف
واتصور خيام وخـــيـل
ويظل دمع عيني يسيل
من اذكر ضعونك من اذكر ضعونك
،،،،،،،
فدوه قربني الدليلك لاتخليني ابتعــــد
قنبر حسين ارد اصيرن وفتخر لجلك عبد
انته باب الله وعطائه تگرم اومحـد يــرد
يوم عاشر بالحدايق ينذبح كل الــــورد
نص ربعي سكنت بلگبر ماحملوا مصابك
ونصهم بقه خادم الك بس يخدم احبابــك
ابجي من اشوفن زنجيل
ويظل دمع عيني يسيـــل
والخاطر عيونك والخاطر عيونك
،،،،،،،،،
اقسم بعبد الله ابنك اني من دونك عـــدم
شرفتني بهل خدامه ولبست تاج الخـــدم
سيدي گون بدليلي موبدلالك سهـــــــم
الخيل كون ادوس صدري وانه التحمل الم
هذا السؤال بخاطري وتردده اذهاني
ليش انته باقي الوحدك اتمنه كون اني
منك اخذ عطره الهيل
وياهم ادموعي تسيل
والخاطر عيونك والخاطر عيونك
،،،،،،،،،،
حسين ياقطب المجره يفتر عليك الدهـر
دين مايبقه المحمد لوله ماتفدي النحــر
تارك انته اعله الشريعه للوفه اعذب نهر
اختك العاشت عفيفه شبعت اوملت قـهر
يوم الخذوا زينب غصب عالناكه مجـــتوفه
عباس ابو الغيره انتفض بس مالگه جفوفه
اتحسر اواصرخ ويـل
وياهم ادموعي تسيل
والخاطر عيونك والخلطر عيونك
،،،،،،،،،
لخادم الحسيـن
محمد الفهداوي
كون تردلك چفوفك
وانت تغمض عيوني
وگلك شني يوجعني
من جدامي لمتوني
عباس. عباس
،،،،،،،
بعدهي جدامي من ذاك الجمر أثار بيها
بعدهي اختك بحبل الحزن مچتوفه اديها
بعدهي عليك تنشد ماتجي تنشد عليها
بعدهي حد منيتها فلا بطل بچيها
رويت الشجره من دمعي
البيها علگوا راسك
بست غصن الرفع نحرك
وبي شميت نوماسك
عباس. عباس
،،،،،،،
وجعني فراگك وسوط الشمر نفس الاذيه
وجعني متني منگد ماشلت فوگه رقيه
وجعني جفي من حبل الذي شدوه بديه
وجعني الموت والغربه مرارتهن سويه
بصدري مكسره العبره
ميته وحسرتي بصدري
ضل المغتسل يبچي
من لامس كسر ضهري
عباس. عباس
،،،،،،،،،
بعباتي انه وصيت التچفني بعباتي
بعباتي دموع من فكدك لحد ساعة وفاتي
بعباتي جىروح مال اعزاز ياروحي وحياتي
بعباتي قصتي وحزني وعذابي ونايباتي
وداعت جربتك خويه
مرورة فركتك تكتل
فوگ المغتسل ميته
وعليك الدمع ينزل
عباس. عباس
،،،،،،،،،
هضيمه ولا حنين منخوتي شال الجنازه
هضيمه وعازت الخوان ياعباس عازه
هضيمه الجده خاتم للرسل هيچ ايتجازه
هضيمه ياهو ينصب فاتحه وياهو ايتعازه
طعم الفاتحه الخوه
كل واحد دمعته تصب
حسين يصيح ياخويه
وانته اتصيح يازينب
عباس. عباس
،،،،،،،،،،،
شلتها عالچتف طول الدرب خويه رقيه
شلتها والسياط بلا رحم تمطر عليه
شلتها كل مسبتهم شماتت گوم اميه
شلتها رايتك مثل البخت بثنين اديه
رايه وبيها اشم عطرك
بلحدي ند فنت ويايه
حته من ابچي تسمعني
شالت طبعك الرايه
عباس. عباس
،،،،،،،
غريبه وناس ماتعرف شني زينب قدرها
غريبه اختك تفرهد يبو فاضل عمرها
غريبه كون بچفوفك تواريها بگبرها
غريبه ماتت وضل ماطفه يلهب جمرها
متت من فارگت عينك
گبل ماتخمد انفاسي
انازع ولتفت وينك
دمه ضل ينزف احساسي
عباس. عباس
،،،،،،،،
لخادم الحسين ع
محمد الفهداوي
محتار محتار
يالزهره وحياتچ والله محتار
للدار للدار
يم گبرچ اضلن ارد للـــــــــدار
منچ صوت اسمع ضل يبو حسين
مدري ارجع الزينب فزت الحيـن
محتار محتار
،،،،،،،،،،،
الزهره يالذت حياتــي
شوفتچ تشبه صلاتــي
سارح بعالم خيالـــي
فارگت شمعة دلالـي
اجيلچ جيت المكســــــور دلاله
اتوجه اعله جرحي وعيني همـاله
يم الخير والله الفرگه چتالــــــه
چن ديوان عمري وفاگد دلالــــه
بالروح بالروح
ضلت تستعر يافاطمه النار
للدار للدار
يم گبرچ اضلن ارد للــدار
،،،،،،،،،،،،،،،،
ذابل بشفتي كلامـي
وفارگ عيوني منامي
والسهر عاشرني عشره
شما غفيت ايگلي زهـره
ماخليت راسي فوگ الوسـاده
ونتي بالگبر ياجدت الــــساده
بعلچ صار ام اوابو لـــــولاده
ذكرچ ضل مدامع ياخذ مــراده
تذكار تذكار
كل رمشت جفن يلچمني تذكار
للدار للدار
يم گبرچ اضلن ارد للـــــدار
،،،،،،،،،،،،،،،،
تسجد بعيني الـــمدامع
شما على المسمار اباوع
احچي وياه بحـــــــــراره
منين اجتك هل جســـاره
يگلي ياعلي كل ذنب مابــيه
هوه الضالم بحقده انتجه عليه
موسهله الزجيه اطيح مدميـه
لومصنوع مو مسمار ترچــيه
ياريت ياريت
ترچيه صرت ماصرت مسمار
للدار للدار
يم گبرچ اضلن ارد للــــــدار
،،،،،،،،،،،،،،،،،،
يحچي وي الباب حيدر
گله انه اقلعت خـــيبر
انته قالع باب روحـــي
انته أب الكل جروحـــي
يالتارك بگلبي جروح تتـــجاره
يالكاسر ضلع فاطمه ابمسماره
شمالك ماوگفت بشنت الغــاره
المثلي مايحطك توگف ابـــداره
ياباب ياباب
تدري انته بوّلد بنت النبي زغار
للدار للدار
يم گبوچ اضلن ارد للـــــــدار
،،،،،،،،،،،،،،،،
حيدر بكل كلمه يبچي
ويه بيت الحزن يحچي
انته سامع كل حچيها
شچانت تگول ابچـيها
جانت بيك تحچي ويه باريــها
يابيت الضلع لو خدها ياذيــها
تجيب وياها زينب تنتجي عليها
لابد بيت حافض من نواعيـــها
يادار يادار
شيدتك بچفي للحزن دار
للدار للدار
يم گبرچ اضلن ارد للدار
،،،،،،،،،،،،،،
بالحد روحي ادفنتــــها
وبالمدامع ودعـــــــتها
شلون اعيش بلايه روحي
الچانت اتعالج جـــروحي
زهره وبت نبي والعافيه بچـفها
جروحي اطيب لمن اگعد بصفـها
ام بيتي وعزوتي بيش اوصفــها
بس الله ورسوله واني نعرفهــا
اسرار اسرار
ياسر الوجود بروچ اسرار
للدار للدار
يم گبرچ اضلن ارد للــدار
،،،،،،،،،،،،،،،،،
لخادم الزهراء ع
محمد الفهداوي
عشت حيات اليتم
عشت حزينه وأهم
انوح اموت اذا تــروح يبعد النظــر
بلا حظن بقيــــت احن حرمني الدهر
،،،،،،،
بعيونــي حلم مذبـــوح
نعش لمي وجمر فرگه حرگ رمشي
انه طفله غزاني الشــيب
اكض ابسكنه بويه من اريد امــــشي
يدلالـــي احس گربـــت
منيتي وساعتي واشعرگرب نعشــي
تره تفرهد شكو بروحي
حياتي وحيلي وعيوني ولا ظل شــي
بقيت خيال وجسد
بقيت دليلي نمـــرد
يبو الشــــــيم الم الم دليلي نكسر
انوح اموت اذا تروح يبعد النظــر
،،،،،
من زغري حرمني البـين
حنان امي وسوالفها التسلينــي
كل ليـــله يبو الســـجاد
اغرگها الوساده من دمع عــيني
سولفلــي تريد تــــروح
لا ام لا ابو طفله تخلينــــــــي
بـــس انه عشــت نارين
نحرمت من الحنان من اول سنيني
حسين منتي دنـــت
حسين حياتي نتهت
صحت نحت تره متت ذبحني القهر
انوح اموت اذا تــروح يبعد النــــظر
،،،،،،،
دوم ارسم حضن بالگاع
وطفله نايمه ومتهنيه بالنومـــــه
مره ارسم يتيمه تنوح
اعله حضن امها تدور حيل مهظومه
وحشه يضل يبويه اليل
من تغيب عنه وترحل نجــــــــومه
موتدري انه بنيتــك
ما احمل جرح تدريني ملچــــــومه
جرح بدلي جــرح
جرح تغيب انذبح
جره الدمع اما تـــــره كسيل النهر
انوح اموت اذا تروح يبعد النظر
،،،،،،
البـــگدي اصد ليهن
يبويه التنهظم تتعنه صوب أمــــها
بس انه اجي الحظنك
وحس ايگلي حضنك ياهو هاظمــها
اشم عطرك وسد عيني
وعيش بدنيه تفرق انته حاكمـــــها
عطر چفك على خدودي
اخلطه بدمعتي والدمعه اشتمــــها
عطر اشمك عطر
عطر احبه اشكثر
ولي بعد منــــــو الي حياتي بخطر
انوح اموت اذا تروح يبعد النظــر
،،،،،،
يم زينب اذا اگعد
تگلي ادني عمه خل اسولفلـــــچ
عن طفله فگدت امها
تشبهچ يارقيه كلش تشبهـــــــــچ
عمر عاشت دمعها يهل
حزينه ونوح تگظي ليلها مثلــــچ
ولا ليله نست امها
خدها من الدمع مجروح چن خدچ
تضل تسولف الي
تضل عقيلة علــي
بچت نعت الي حچت عذاب القدر
انوح اموت اذا تــروح يبعد النظـــر
،،،،،،
لخادم الحسين
محمد الفهداوي
