-
قناة خاصة بنشر القصائد الحسينية والولائية للشاعر احمد هادي الشمري للتواصل مع القناة عبر المعرّف @hakaia
لا تــگــلــي هــواي تــلــطــم .. مــا تمل
گــلــبــي خــيــمه .. وكل محرّم تشتعل
*---------------*---------------*
لا تــگــلــي . الاول اســمــع وافــتــهــم
جــروحــي مــا تــرتــاح اذا ما تنــلـچـم
هــو حــگ الــزلم غــيــر اعــلــه الــزلــم
الــزلمه مــو گــول وفــعـل .. فعل وفعل
*---------------*---------------*
راسي شيّب .. ظهري حدّب .. ليلي طال
الشافني امــن ابعيد حــســبــالــه هــلال
گــلــي شيسكته الحبيبه اعـلـه الــرمــال
زيــن مــن عــنــدي ولــهــســه آنــه عدل
*---------------*---------------*
آنــه ربـــي اعــتــقــد خــالــقــنــي إلــه
طــيــنــي مــــن تُــربــه سحگهه بكربله
العـدل دربــه .. ايــجــرلــه ونّــه امعدّله
قــبــل لا ايــهــل الــشــهــر دمــعــه يهل
*---------------*---------------*
مــن ادگ اعلــه الــصـدر انــطــيــه عهد
هــــاك كــلــمــة زلــم مــا ٱعــوفـك ابــد
روحــي . عمري . دنيتي . المال . الولــد
شــمـــا اقدمله . احــس روحــي مُــقــل
*---------------*---------------*
مــا ألــومــك يــالــتــلــوم اهـل العشگ
انــت گــلــبــك حجر ما حَب من صدگ
الـبــارد ٱشــدّراه بــحــال الــمــحــتــرگ
الظــهــره خالي لا يسولف عــالــحِــمــل
*---------------*---------------*
گلبه مــا يطفه الــيــعــيــش بگلبه طـف
عـيونه حافظهه .. الــسّــبــط بيها وگـف
هــوه مــو يا هــو اليجي اينال الشــرف
الــخُــدامــه اتــريــد تــــوفيـق وعــقــل
*---------------*---------------*
شــلــون مــا الطــم وامــوت ٱمــن القهر
وزيــنــب اعــلــه الناگه يـرموهــه بحجر
الــشــامــت ايصيّح سبينه اخت الگــمــر
الچانت امــخــدّره جــبــنــاهــا بــحــبــل
*---------------*---------------*
شلون مــا الــطــم واحــط مــيــة جــرح
والــحُــســيــن ٱوليــده بيده ويــنــذبــح
انــفــطــر راس الطــفــل من شاله الرمح
بعده ما مفــطــوم .. فــطــمــوه بالــنــبل
*---------------*---------------*
✍️خادم الحسين ع
أحمد هادي الشمري
إلى صاحب العصر والزمان عجل الله تعالى فرجه الشريف
يا فريد الصفات
أول الأمنيات
شوفتك بالحياة
يالمنتظر
من عينك .. دايني نظره
يالوينك .. بشفافي جمره
ــــــــــــــــــــ
يا سلام الله يا حبيبي إعليك
كل ذهب عمري محبس بإيديك
آنه شحچي يتدري الحچي سكته
حتى ظلي يگلك تجي يمته
لو درب انت عالگلب أمشيك
ميّت من جفاك اشحالي
يا غالي وفداك الغالي
ــــــــــــــــــــ
شما تهب نسمه اركض ابلا راي
گلت مرسالك هذا يمكن جاي
يا درب ما سألته على دارك ؟
وچم نهر صاحبيته وبقت نارك
اشايل بچفه: گلت شمس وماي
ميّت من جفاك اشحالي
يا غالي وفداك الغالي
ــــــــــــــــــــ
يا مضيف الله .. يمته بالديوان
بگهوة غيابك يهتز الفنجان
جمعه جمعه وغيابك عبر حده
وانت تدري يمهدي العمر عده
خوفي لا يغدر والدهر خوّان
ميّت من جفاك اشحالي
يا غالي وفداك الغالي
ــــــــــــــــــــ
أحمد هادي الشمري
بساعة الشدد
كلمة المَدَد
(إلهي.. أحلفك.. بأم البنين)
لو يسد الكون كل بيبانه
ويحترگ گلبك بنار احزانه
وين ما تسمعنه صيح ويانه
(ربي) بأم الگطّعوا ذرعانه
إقسم بالوَدَج
واطلب الفرج
(إلهي أحلفك بأم البنين)
حتى لو ما تعرُف إقره شويّه
(نعي) بطور الــ (حدي) للبدويّه
وكون عالعباس والمسبيّه
راح تلگه حاجتك مگضيّه
يسهل الصعب
ويبرد الگلب
(إلهي.. أحلفك.. بأم البنين)
الراد ذُريّه وسنين ايكابد
يروح للعلگمي بلهفة والد
ويكتب إعله الماي (إجيتچ گاصد)
أربعه تنطيه مو بس واحد
أم الاربعه
عيب اترجّعه
(إلهي.. أحلفك.. بأم البنين)
عدهه سِفره للكرم عطّايه
اتكفّي شعب حسين والمشايه
سِفره لو مستشفى گالوا هايه ؟
بيها أبو فاضل يوزّع مايه
الياخذ حاجته
يمسح دمعته
(إلهي.. أحلفك.. بأم البنين)
إنتَ بس عطّر بإسمهه أيامك
شما برد حيلك اتشد حزامك
وگول بيك تكفّلت، ما دامك
اتعوف كلشي وتنشغل بإيمامك
مسيطر عالفكر
وبكيفه العمر
(إلهي.. أحلفك.. بأم البنين)
اسألَك بس جاوب بإحساسك
منهو أعز من روحك ومن ناسك؟
ومنهو بين الناس رافع راسك
تحچي.. تسكت.. هيّ أم عباسك
الأصل والفصل
أم أبو الفضل
(إلهي.. أحلفك.. بأم البنين)
أحمد هادي الشمري
دمعتي بلون الضياع
نزلت اتصيح الوداع
يا رسول الله
وين رايح وين يشراع السفينه
يا امان الدنيا بعدك مو امينه
كلشي مال وانت التعدّل مشينه
نحير نبچي اعليك لو نبچي علينه
على الصدره وظهره باب
يِهْدِم الروح الغياب
يا رسول الله
.......
ضعنه بدروب الحزن .. خطوه غريبه
وكل وجه يتلفّت ايدوّر حبيبه
اللهُ أكبر چنهه الله شمصيبه
شلون يشفى الجرح والميت طبيبه !
نايمه عيون الأمان
الوحشه ترست كل مكان
يا رسول الله
.........
رحت مثل العافيه الما إلهه رجعه
والخِلگ چف ماي .. وتبده .. شيجمعه !
حايرين ودمعه تشمرنه اعله دمعه
وحتى شمس الله طفت ما بيهه شمعه
هذا برزخ .. دنيا هاي ؟
والعطش شارب الماي
يا رسول الله
..........
برد صدر أيامنه بغيبة حنانك
وبس دمع فاطمه موجود بمكانك
لسانك المرتضى وما سمعوا لسانك
چن ولا وصّيت بيه مره بزمانك
وْ (بخٍ) صارت حطب نار
بچف خفافيش النهار
يا رسول الله
........
الگال (يهجر) فتح أبواب الظُلامه
والثمن أخذوه من جيب الإمامه
لو علي الكرار ما سِلْبَوا مقامه
چان ما سلّبوا زينب واليتامه
وشمر بالمستحدثات
قلّد اليدفن بنات
يا رسول الله
........
احمد هادي الشمري
https://youtu.be/dDW1pLVErrQ
مشاي العراق
كلمات: أحمد هادي الشمري
أداء: الحاج حسين الطفيلي
https://youtu.be/YruotRUrhtU
جديد للإمام الحسن "ع"
قصيدة #دللـــول
الملا علي الرميثي
الشاعر احمد هادي الشمري
من اصدار شهر محرم الحرام لعام 1444هج
https://youtu.be/dvcaeOf_kK4
أم الوفه تحييكم .. عاشت الخدم
بكل مجلس تناديكم .. عاشت الخدم
أم عباس .. اتگلكم .. هله
ــــــــــــــــــــــــ
أم سبع الگنطره ..
كل مجلس تحضره ..
اتسجلكم بالسره ..
يا خدام
وتنادي يا هله ..
باليعشگ كربله ..
عباس ايدلله ..
يا خدام
يا حي الله الخادم .. عاشت يمنته
عطر چفوف الكافل .. تلگه برايته
كل املوك العالم .. اتمنّت سُمعته
واليخدمه هنياله .. الله وفقه
مقبوله كل اعماله .. الله وفقه
أم عباس .. اتگلكم .. هله
ــــــــــــــــــــــــ
يالحاضر بالعزه ..
إبشر بالجائزه ..
هالخدمه فايزه ..
بنظراته
بحسينك ارتبط ..
وبصدرك اسمه خط ..
ما ينساك السبط ..
بنظراته
والينذر أيامه .. ونّه أعله الخدر
باچر چف حسيني .. ينمدله جسر
والزهره اتقدمله .. من الله الشكر
أم الحسين تشكره .. ناعي كربلا
والله اليعظم اجره .. ناعي كربلا
أم عباس .. اتگلكم .. هله
ــــــــــــــــــــــــ
يالعندك چف گمر ..
هاك اسمع هالخبر ..
لا تهتم بالخطر ..
ابني وياك
بس حلفه بزينبه ..
الكون يعجبه ..
والحار ايبرّده ..
ابني وياك
دگ الباب وگله .. ها يا ابا الفضل
يوگفلك وچفوفه .. شيّالة حمل
واليصعب بالدنيا .. يتحوّل سهل
واليضحك اعله جروحه .. عنده ابو الفضل
والمطمئنه روحه .. عنده ابو الفضل
أم عباس .. اتگلكم .. هله
ــــــــــــــــــــــــ
يالتبچي لسادتك ..
عَلّيهه صرختك ..
لا تبرد حرگتك ..
لحسينك
اسمعهه واطمئن ..
الله بشهر الحزن ..
يفرحلك من تون ..
لحسينك
ويحاچي بأملاكه .. مرّوا إعله الخدم
وانطوهم بالمجلس .. من خير النعم
واليلطم لحسيني .. من النار انحرم
والكربله بوجدانه .. الله حافظه
بس النعي بلسانه .. الله حافظه
أم عباس .. اتگلكم .. هله
ــــــــــــــــــــــــ
شد حيلك إي بعد ..
مو من عدنه البرد ..
مِنِ حْسين إطلب مدد ..
واويلاه
والموكب حضره ..
للخدمه الطاهره ..
تمشون لمنحره ..
واويلاه
يم العلگم روحوا .. وانتظروا الحرم
واتلگوا السلبوهه .. ووالدهه نشتم
والجادر خل يصبح .. بمكان الخيم
للاربعين اتحضّر .. حضر العلم
صوت الضماير كبّر .. حضر العلم
أم عباس .. اتگلكم .. هله
ــــــــــــــــــــــــ
أحمد هادي الشمري
رئيسية
بين رمله والقاسم
عليهما السلام
ذكرياتي .. اعله مهدك سولفتهه
وأمنياتي .. بزفافك واعدتهه
••••••••••
يل وحدك تعيش بديرة عيوني
ويطگ غصن الفرح لو بيك سمّوني
يا لون الوجه لليسأل شلوني
العدهم عشره ليش اعليك حسدوني
روحي شمعه .. لغلاتك ذوّبتهه
وأمنياتي .. بزفافك واعدتهه
••••••••••
يقرآن الرجوله المو سهل طيّك
فارگني التعب لمّن كسر فيّك
ويا نهر المحنّه الما نشف ميّك
بهت لون الليالي من بزغ ضيّك
نظره نظره .. اعله طولك گدّرتهه
وأمنياتي .. بزفافك واعدتهه
••••••••••
الحسن من مات ما ادري شأخذ مني
صح مو والدي بس هوّه يتّمني
لطفل رجّال .. لمّن راح سلّمني
يطشرني غيابه وچفك يلمني
ادموع عيني .. بوجودك نشّفتهه
وأمنياتي .. بزفافك واعدتهه
••••••••••
تطلع .. روحي تطلع .. من ترد اترد
وأغار .. اشبيه حظني وعالأرض تگعد
اواعد امنياتي .. وزفتك الموعد
الحسن عينه اعله عرسك يمته يصبح (جِد)
الحِنّه يبني .. ويه مهدك حضّرتهه
وأمنياتي .. بزفافك واعدتهه
••••••••••
سولفت اشكثر للمهد .. لو تدري
دللول الولد جسّام يا عمري
وابوك يصيح يا عكازتي بكُبري
ابن بطني اگله .. يگلي ابن ظهري
چنت اگله .. غلاتك ماكو اختهه
وأمنياتي .. بزفافك واعدتهه
••••••••••
عله لحظه وأحس بروحي مكسوره
من تذبل ووجهك ينطفي نوره
السبي احتل ذكرياتي وما بقت صوره
بقت بس صورتك بالبال محفوره
ماكو دمعه .. النواظر ما بچتهه
وأمنياتي .. بزفافك واعدتهه
••••••••••
احمد هادي الشمري
رئيسية لمسلم بن عقيل "ع"
بعيونه مات الحلم .. وابليله ما ظل نجم
شايل بگلبه علي .. شتخوّفه يا زلم
•••••••••
بسم الله .. وعيون القدر
تبعت اثر خطواته
متمدّد ابوجهه گمر
بس ضايع ابوجناته
گالوا اذا وحده نكسر
بس وحّده اشكثراته !
واتبدّه من جفنه نهر
(يحسين) كل روجاته
حي رايد ابچي الك .. يالقاتلي قاتلك
والبلعزم ممتلي .. شتخوّفه يا زلم
•••••••••
ضمّت اعيونه شگد بچي
بس الزعل بعيونه
ميت عله اشفافه الحچي
مو يمّه اليفهمونه
الدين اعله زنده منتچي
بس ما تميل امتونه
مجروح بس ما يشتچي
البالموت ميخوفونه
ما يلتفت عالهرب .. عمّه قتّال العرب
البيه الشدد تنجلي .. شتخوّفه يا زلم
•••••••••
ما درت ناس العافته
الواحد ينصره الواحد
ما دام سيف بيمنته
حتى الدرع هم زايد
مطروقة چانت ضربته
ويْ حيدره متوارد
ينثر شرار بخزرته
بس گلبه كلش بارد
يتمنّه يَمّه الگمر .. ايحط الظهر عالظهر
وصوت النصر يعتلي .. شتخوّفه يا زلم
•••••••••
اتحزّم بجرحه الما نشف
والبايعت مهزومه
يمشي اعله طوله وما رجف
ما يلتفت لخصومه
للما يعرفونه انعرف
غير النبي برسومه
يم حرّة الكوفة وگف
والعطش كل اهمومه
ومن ارتوت چبدته .. ابعينه انحچت قصته
مدمعها ظل ايهلي .. شتخوّفه يا زلم
•••••••••
من كشف سره (الحضرمي)
والعسكر اتعناله
فات ابن ابوه الهاشمي
بس محّد ادنّاله
بچفوفه ظلت ترتمي
الخياله ع الرَجّاله
مشغول بس بالفاطمي
والجيش موش اباله
يحارب وباله انشغل .. بسبط النبي وبالاهل
ونار الگلب تغتلي .. شتخوّفه يا زلم
•••••••••
غدروه والطايح غدر
لو وگع ما محسوبه
وچفوفه بحبال الأسر
بس اشكثر مهيوبه
شمروه من فوگ القصر
بجثه .. ويكمل ادروبه
وأصبح مزار ابكل عصر
للمذنبين التوبه
المات بشرف ينذكر .. ما ينسي بكل عصر
المو آخري أوّلي .. شتخوّفه يا زلم
•••••••••
احمد هادي الشمري
شدّي الظهر بعمامته
مو مال گومه اصوابه
يلا استعدي لفرگته
وانسيهه كلمةْ (يابه)
أبوچ .. بعيونه نظرات الهجر
أبوچ .. محفور راسه والگبر
ـــــــــــــــــــــــ
يا سيدةْ حزن الأرض
بنت الذكر وإخت الفرض
من اذكر اسمچ .. ينقبض
ويصيح گـلبي:
الحزن لونه (زينبي)
فكرةْ سواده امن العبي
وآنه إعله سبيچ منسبي
وأعثر بدربي
وأتخيّلچ ذاك الفجر .. يا وحشة الفجريّه
وعينچ يزينب عالدرب .. طاسةْ دمع مچفيّه
بسيف ابن ملجم مو حبل .. ذاك الوكت مسبيه
يالغاليه ودمعچ رخص
صاحب أيامچ صاير
وابگلبچ وظهرچ مشه
مولاتي كسر الخاطر
أبوچ .. لا رجع لا خلّه صبر
أبوچ .. محفور راسه والگبر
ـــــــــــــــــــــــ
بعمامته شدّي الظهر
وادايني لعينچ نهر
يومين عمرچ (مُر) و(أمر)
يالهاشميه
وبدارچ .. (اللهُ أحد)
لا (يُمّه) لا (يابه) بعد
والگلب هَم شال وبعد
ويلي عليّه
علويه كلچ مستحه .. ظلچ بليل امگبّع
صعبه تسألين الدرب .. يمته المسافر يرجع ؟
يا موت اليأخّر علي ؟! .. ميّت عدل ما يگطع
بين الإجه والما إجه
چم ليل شيّع عمره
ومن كثر نار البصدر
الـ بويه تطلع حمره
أبوچ.. ما يرجع ولله العذر
أبوچ .. محفور راسه والگبر
ـــــــــــــــــــــــ
موسم معاناتچ بده
والظيم بسنينچ حده
والدنيا جثه موسّده
صارت كئيبه
كلشي اختلف حتى الهوه
والليل يخنگ بالضوه
عاش الجرح .. مات الدوه
هاي المصيبه
الدفان سد باب الگبر .. مدري الفرح سد بابه !!
وجبريل رادود العزه .. ويصيح (آه يمصابه)
وادري الحچي ما بيه طعم .. طعم الحچي بـ يا يابه
يا زينب الله ايساعدچ
ما ينحمل توديعه
غالينه المفرغ السمه
والكل إجه بتشييعه
أبوچ.. تارك بگلبچ چم كسر
أبوچ .. محفور راسه والگبر
ـــــــــــــــــــــــ
توّه ابتده ايموت الحلم
ومن ليلچ ايضيع النجم
للسبي صورة تنرسم
والدم رسمهه
محراب كوفتكم نگع
الطبره ابعلي وبيچ الوجع
واعمامته لمن وگع
ياهو اللزمهه
ليش انگطع خيط الفجر .. مات الضوه ويه الوالي
ليلة قدر، بس الذكر .. بيهه ارتفع للعالي
غالي الدمع بس الجرح .. هذا البگلبچ غالي
نيران باب امچ دوت
مو على الباب .. بروحچ
يا زينب ومات الأمل
والخيبه حصةْ اجروحچ
أبوچ ..بروحچ اهاته اشكثر
أبوچ .. محفور راسه والگبر
ـــــــــــــــــــــــ
فرض الفجر لمن بده
مَر اعله سمعچ هالصده
انهدمت اركان الهدى
ويا علي گلتي
والساندچ من المحن
مسنود بچتاف الحَسَن
شفتيه واعيونچ بچن
بالطبره متّي
وخلي ايدچ ابصدر الحسن .. اتحسين نار الجمره
والما انخضبت من دَفِن .. فاطم ليوم الطبره
شيبة علي انخضبت دمه .. تشبه اعيون الزهره
ينبچي الهم ما ينحچي
معنى الدمع شيشرحه
عيد الله ما بي كل طعم
لمن تموت الفرحه
ابوچ .. چان لحزن ليلچ بدر
أبوچ .. محفور راسه والگبر
ـــــــــــــــــــــــ
الشاعر أحمد هادي الشمري
دربك نزرعه مواكب .. رايه تتبع رايه
اليوم يا موسى بن جعفر .. جينه الك مشايه
جنازتك شلناهه
والله متنه وياهه
هالغريب منين؟ إحنه شيعته
جنازتك شلناهه
ـــــــــــــ
عفنه كل بيوت أهلنه .. وجينه بدموع المصاب
الشايب الما گدر يمشي .. اتشوفه من الحرگه شاب
كلشي اله بهالدرب قيمه .. حتى مولاي التراب
بيه نعفر اهدومنه
نصيح يا مسمومنه
هاي دجله ما تطفي جمرته
جنازتك شلناهه
ـــــــــــــ
هاي بغدادك ويخسأ .. الگال بغداد الرشيد
وأنت أقرب من أهلنه .. لا غريب ولا وحيد
شصار لو مره نگلك .. گول مولاي اشتريد
گول واخذ ارواحنه
يا وجه مصباحنه
يالي كلشي ايطيح لوما وگفته
جنازتك شلناهه
ـــــــــــــ
نهر ثاني من دمعنه .. صعد روجه اعله الجسر
وانت ذاك الكلشي عنده وابد ما عنده عذر
من وره السلسله چفك .. تارس الدنيا صبر
ما يرد أحبابه
الخير كله ابابه
لا برد زاده ولا كف سفرته
جنازتك شلناهه
ـــــــــــــ
الما اله بهالدنيا مثلك .. ليل عمره بلا صبح
وانت مو بس چفك.. اسمك .. يمر خيط اعله الجرح
كلشي بالدنيا خساره .. النظره من عينك ربح
يا شريك انفاسي
عايش بإحساسي
الجنه مو بالسمه الجنه بحضرته
جنازتك شلناهه
ـــــــــــــ
بالدرب ندعي يموسى .. بالعلى الناگه
مشت
هيچ ونشوف أبو صالح .. هاي كون الهه بخت
يركض ودمعته عينه .. وعالجسر ناره دوت
وفاطمه بدموعهه
تلطم اعله ضلوعهه
مبين الفاگد عزيز بمشيته
جنازتك شلناهه
ـــــــــــــ
أحمد هادي الشمري
يا مُنقذًا للعالَمِ
ويا مُغيثَ المُعدَمِ
متى ترانا ونراكْ
أ يا هلالَ الصائمِ
يا ثارَ الله
ناداكَ القلبُ بالنَبَضات
خُذني بيدَيْك
عبدًا أو ظِلًّا في الطُّرُقات
مولاي أنّى ألقاك ؟
أكحِلْ عيني في رؤياك
يا مُنيتي
يا غائبًا عن عالمِ الأحداقِ
طالتْ ليالي الهجرِ والأشواقِ
رسائلي لم تكتملْ، وا لهفي
فدمعتي قد مزَّقَتْ أوراقي
...........
يأتيني الليل
فتضيقُ الدُنيا يا مولاي
عجِّلْ، رُحماك
قد أمست كالقبرِ دُنياي
قد شابَ قلبي والله
فأضيعُ إن لم ألقاه
يا وجهَكا
يا مالكاً خزانةَ الأسرارِ
أمطرْ فداكَ العمرُ وأطفِئْ ناري
لا شيءَ يحلو في الدُّنا، مولانا
والغربةُ تسرَّبت في داري
..........
في كُلِ صباح
عن حُبِّكَ أحكي للأصحاب
ما تتمناه؟
وأُجيبُ : يدقُّ عَلَيَّ الباب
لا شكَّ سوفَ يعود
وأنا جُنديُّ الموعود
في ركبِهِ
خيرُ العملْ أنْ أنتظرْ بُشراهُ
قد خابَ مَن في عمرِهِ جافاهُ
هذا حبيبُ فاطمٍ، والثارُ
ترُدُّهُ - يا إخوتي - يُمناهُ
..........
أحمد هادي الشمري
السلام على أبي المهدي "عج"
الحسن العسكري عليه السلام
يــا مــولاي ابــيــومــك
حاچينه اعــلـه همومك
بــجــرحــك سارح وين ؟
بــزيــنــب لـــو بحسين
....
يجروحك .. أنه اشما اريد اوصّفها
بــس الــهــايــم ابعاشور يـعـرفــها
اجروح بلا حجي اتسولف شفايفها
وآه يحسين .. يـا زينب .. سوالفها
ابن الطف يــحــس هــواي شايفها
ابتسعميه والف مــن زغــره والفها
ما همّيت ابروحك .. تنعى الطف اجروحك
يبچن مثل العين
....
صبور وما بچيت ولا ضُعف عندك
رغـم ما سم حقدهم يحفر بچبدك
لحظه وانـتـرس دم ودمــع خــدك
مِــنّ اتذكّرت الــمــثــلــث وجــدك
خــجــلان بـدخولك للگبر وحــدك
ما عندك رضــيــع اتوسّده ابلحدك
وانت بذيچ احوالك .. بس احسين ابالك
وابگلبك نارين
.....
عــلــى بــاب المنيـه وانحفر گــبــرك
تحس انت السبط .. والمُعتمد شِمرك
كل ساعه وتحط ايـدك على نــحــرك
ريــت لــمــوقـع الخنجر وصل جمرك
يبو المهدي اليشوفك ينذهل بـأمــرك
زينب تــوجـعـك .. ما يوجعك كسرك
جرحك غصّ ابدمه .. ملچوم بيا عمه
جرح المسبيين
.....
سولفلي اعله همك وإحچي عن ظيمه
راح ادايــن لــعــيــنــي اثنعش غـيـمـه
تحاچيني ابــســكــوتـك يا أبو الشيمه
اذا الليله مــتــت اتــچــفّــن بـخـيـمــه
وشــيــعــونـي ركض بس بارض هيمه
وچــم طــفــلــه وراي وبـيـهـن ايتيمه
لتخلوني ابداري .. خل يدفني الذاري
مثل اهلي الماضين
.....
يا مــوت اليهمني وأنــشــغــل بامــره
وچنت كل يوم اموت وأحيا الف مره
اشـب مــا اطـفـه كـلـمـا اذكـر الـحـره
خصوصا لـو ذكرت الـنـاگـه والـعـَثـره
الـغـيـور اشـلون ما يختنك كل عـمره
وابـو الـيـمـه الشمر گـاعد على صدره
شلون اتهنه بعمري .. ونار حسين بصدري
واتفور بكل حين
.....
يخـدام البچيتوا مـن طـبـگ رمـشـي
سـوه لحسين نبچي وآنـه فـي نعشي
الما يبچي اعله أبو اليمه خسر كلشي
وگـلـبـه يصير اقسه من گلب وحشي
إلـى مـا لا نـهـايـه والــــزمـن يـمـشـي
أمـام اجروح جـدي مو صعب اي شي
اشما تكثر دمعاتك .. تتبيّض صفحاتك
دستور الباكين
.....
احمد هادي الشمري
https://youtu.be/1iWOPf311UQ
#جديد
رحلة المشاية
أداء: حسام الموسوي
كلمات: أحمد هادي الشمري
الأخوة والأخوات الأفاضل
يرجى الاشتراك في قناتنا على اليوتيوب ليصلكم كل ما هو جديد ..
https://youtube.com/channel/UCLcLCCEIb-Q41EQFJP3pcEQ
لسيدي ومولاي الحسن "ع"
أمنيات مؤجّلة
يمته اشم تُرابك
وازحف إعله بابك
من اجي بمصابك
زاير
...........
أظل ليا وكت يبن الزچيه
برجاء زيارتك واصفگ بديه
شوكت تصبح بقيعك .. غاضريه
ومواكبنا تجي وننصب عزيه
وصرخة المناير
يا هلا يزاير
نوزّع بثوابك
زاير
...........
إعله بابك لافتة يبن الاكارم
هلا باليعتني لشيخ الهواشم
وتحاچي بالخدم شكراً يخادم
وتگله إنتَ بغلاة وليدي "قاسم"
واليخدمه حائز
أفضل الجوائز
والفهم كتابك
زاير
............
يمولاي .. احترگ كل شيعي دمه
واحد گل للآخر والله هظمه
بعد لسّه إعله عين الزهره لطمه
نخاف لگبره تمشي وگبره ظلمه
لو نزل دمعهه
يلچم بضلعهه
حضرت بغيابك
زاير
............
انفطر من الحزن يالغالي چبدي
ومواكب للدمع تمشي إعله خدي
لغربتك كون أظل هالليله وحدي
واذا صبري خلص اصرخ يمهدي
عجّل بطلعتك
ما تجي اعله بختك
اسأل وجوابك
زاير
.............
يوجه الله .. الوجه بالسم تغيّر
تلوج وبالطشت چبدك تطشر
إعله خدك دمع ابو اليمه تحدّر
ولا يومٌ كيومك يا ابو الأكبر
بساعة المنيه
تصيح (غاضريه)
ونّتي لعذابك
زاير
.............
ابسهام الحاقده نعشك تشيّع
وگلب زينب بكل نبله تگطّع
أبو فاضل على الغبره تربّع
بنعش ما بيه اخوه ما يرضه يرجع
وليدك اليشبهك
قاسمك يندهك
يشتم بثيابك
زاير
..............
احمد هادي الشمري
#نعي_يوم_العاشر
.
.
يا عباس يا عامود داري
طفت نار الخيم ما طفت ناري
آنه أختك المعروفه بوقاري
تعبت من الركض وكت الظهاري
هذا يسبني .. ذاك يصيح (ثاري)
وعلي ضاگ الفله واسود نهاري
إجيت حسين، لن حسين عاري
وغطه سوّيتله تراب الصحاري
ارد صوب الخيم، الگاهن رماد
اجيلك للنهر، والعتب ما فاد
بعد وين الزمان وياك ينعاد
يعباس لمثل هالساعه تنراد
هاي الرايه بس چفوفك بعاد
وذيچ اجيوشهم ما بيهم أجواد
شگولن للشمر، ميّت الردّاد ؟
بعد چم ساعه چفي بحبل ينگاد
.
احمد هادي الشمري
رئيسية للعباس "ع"
هايه رايته .. وهايه جربته
گلّي هسه أجي .. اليوفي كلمته
ــــــــــــــــــــــــ
من غابت شمس عاشر مُحرّم
وكلشي هناك يم زينب تيتّم
بسيف النار مذبوح المُخيّم
وبذاك الوجع بس الله يعلم
زينب صار للشاطي دربهه
تاهت واليدلّيهه گلبهه
الجرف من وصلته، هوّ شربهه
والچف اليأمّنهه رَعَبهه
شافته بوضع .. دامي منگطع
عالنهر نهر .. يجري بالدمع
ــــــــــــــــــــــــ
ظلمه وبقت تعثر بالضحايه
منهم تستحي .. اتعدل العبايه
أول مره تمشي وماكو رايه
زينب وين چانت إلهه هايه
شمّت عطر إخوها إعله الشريعه
وطاحت عالترب چنهه صريعه
مدري شلون گامت هالوديعه
يمكن گوّمتهه چف گطيعه
صاحت بألم .. وين أبو الشيم
يدري كافلي؟ حرگوا الخيم
ــــــــــــــــــــــــ
تحاچيه يالتحزًم للكفاله
وأميره إعله الخلگ عشت بدلاله
مو عباسنه اليترك عياله
بعينه السهم وإعله الثره أطفاله
باچر أمشي مچتوفات إديه
وأعوفك عالثره غصباً عليه
الأميره تموت وتعيش السبيه
ومو زينب أتسمًى الخارجيه
باچر الشمر .. يشتم الخدر
وحادي ناگتي .. بغيبتك (زجر)
ــــــــــــــــــــــــ
على الخيمه حچتله، وچنهه جمره
حنينه وحتى من تعتب تعذره
إلي يدوس الثره وهو إعله مُهره
ضوه مطشّر وصاير وذره وذره
الوينك بالگلب تطلع شلونك
العمر ضغطة گبر صاير بدونك
بيش نشوف خويه بلا عيونك
شگل لأطفالي لمّن يفگدونك؟
صرخة الطفل .. وين أبو الفضل
عمنه ما دره .. اتطشر الشمل
ــــــــــــــــــــــــ
متت مرتين من عالشاطي شفتك
بلايه چفوف بس حاضن جربتك
عتب بعيوني غافي وتعرف اختك
حتى الموت ما يكسر كلمتك
إذا أكشف عباة أمي، العليّه
ترجعلك الروح الهاشميه
بس هذا قدر مكتوب، إليه
تفارگنه ليالي الغاضريه
ها يكافلي .. مودّع بعلي
باچر انسبي .. وضعني ينولي
ــــــــــــــــــــــــ
أحمد هادي الشمري
جديد
#محرم_1444هـ
https://youtu.be/7fewctryJtQ