-
قناة خاصة بنشر القصائد الحسينية والولائية للشاعر احمد هادي الشمري للتواصل مع القناة عبر المعرّف @hakaia
جديد
#محرم_1444هـ
https://youtu.be/Wp6etEJtWbs
مستهل القصيدة الأساسية
الليلة الثانية من شهر محرم الحرام ١٤٤٤ هـ
كلمات: أحمد هادي الشمري
الرادود: حيدر السعد
#لاستقبال_شهر_الحزن
تُقرأ عند استبدال الراية
حسينٌ حسينٌ حسينٌ حسين
ــــــــــــــــــــــــ
أتانا مُحرَّمْ بجُرْحِ السماء
وجاءتْ حكايا أبي الشهداء
فأهلاً ودمعاً بشهرِ العزاء
وحيَّ على الحُزْنِ يا كربلاء
ــــــــــــــــــــــــ
أتانا مُحرَّمْ بنزفٍ جديد
وسِيْقَ الكلامُ بكفِ الوريد
براياتِهِ كم يَرُفُ النشيد
فعاشَ الحسينُ وماتَ يزيد
ــــــــــــــــــــــــ
هُنا رايةُ الحقِ طولَ العصور
عليها أبو الفضلِ دوماً يدور
ونحرٌ وكفٌ ودمعٌ وقور
عليهِ صدورُ الرجالِ تفور
ــــــــــــــــــــــــ
أحمد هادي الشمري
خدمةً لسيدي ومولاي الامام الحسين عليه السلام
الاخوه الرواديد جميعآ لمن يجد صعوبه بالحن يتفضل بإرسال المستهل مع نص او القصيده كامله
على المعرف التالي
@moatmed2
كرار .. كرار .. كرار .. يا حيدر
يالتدور وي الدمه ..
علي يا حامي الحمه .. مولانه
شفتك بعين الگـلب ..
شمس ضوّت كل درب .. يضوانه
إسمك أقرب منّي إلي ..
بذكره گلبي تنجلي .. أحزانه
والله لعيونك عشت ..
بدون حبك ما ردت .. دنيانه
كرار .. كرار .. كرار .. يا حيدر
ــــــــــــــــــ
بس إلك گلبي يدگـ ..
وبس إلك يحلى العشگـ .. يا حيدر
نظره منك مُـنيتي ..
هاي تسوه دِنيتي .. اي وأكثر
حبك ايهذب النفس ..
ايبدّل الظلمه بشمس .. تتنوّر
مدرسه اتخرج زلم ــ
امعدّله وما تنهزم .. ما تخسر
كرار .. كرار .. كرار .. يا حيدر
ــــــــــــــــ
گالوا تعوفه؟ : گلت ..
ما أعوفه لو متت .. للتالي
آنه من عنده إله ..
چَـنّي واحد من هَلَه .. وما أغالي
مطمئنّ بصايته ..
تارس إيدي بنعمته .. ما أبالي
"علي" يا روحي اكتبي ..
خل يموت الناصبي .. وعُذّالي
كرار .. كرار .. كرار .. يا حيدر
ــــــــــــــــــ
أحمد هادي الشمري
هذا الليل .. ذيچ الخيل
ووين اندار .. دم ونار
والخوان .. عالتربان
يم الماي .. دمهم حار
فوگ الثره .. متطشره .. خواني
واشظل بعد .. طايح عمد .. صيواني
محتاره شلم يا ناس
چف .. خنصر .. مَتن .. لو راس؟
بحافرهم بقايا انفاس
من صدره البعطر الياس
..........
وين اتجه .. وانطي الوجه .. ليا غالي
ولا من خيم .. لا من علم .. لا والي
هاي الما تمر عالبال
الذابح كافلي .. كفّال
وجفني الذابل الهمّال
ظل يحرس حرم واطفال
...........
چم فاگده .. متمدده .. عالرمله
ظلّت تون .. أب لو ابن .. واتگله
اگعد يا عزيز الروح
وافزع حتى لو مذبوح
ميت تبقى ما مسموح
بهاي الهيمه وين نروح
..........
وأصعب جرح .. يذبح ذبح .. بصوابه
لمن طفل .. ايفز منذهل .. بيا بابا
لو فز خايف من النوم
وبعيون البراءة هموم
يحاچيني بجرح ملچوم
رايد والدي هاليوم
.........
بليل الرمح .. واگف صُبِح .. لعياله
شگد دوّرت .. واتعثّرت .. بأوصاله
واجروحه التحير الراي
الف وتسعمية هواي
يالميت عطش يحماي
ريت اللــه ينشف الماي
.........
مات الجِدَم .. وگلبي نهدم .. بونّاته
ظهري نكسر .. ودرب النهر .. اشبعداته
چف يم الجرف مبتور
وجود اعله الترب مشمور
خجلان وگلت معذور
موتني جرح عاشور
..........
احمد هادي الشمري
🌷🌷🌷🌷🌷🌷🌷🌷🌷🌷
يطيب لي أن أزف إليكم أحر التهاني والتبريكات وأطيب الأماني والدعوات وخالص تحياتي بحلول ﴿عيد الأضحى المبارك﴾
أسأل الله تعالى أن يتقبل أعمالكم وطاعاتكم ويحفظكم من كل سوء وبلاء ووباء ويطيل عمركم في طاعة الله وأن يعيده علينا وعليكم ونحن تحت لواء إمامنا صاحب العصر والزمان ﴿عجل الله تعالى فرجه الشريف﴾
🌷🌷🌷🌷🌷🌷🌷🌷🌷🌷
أحمد هادي الشمري
https://youtu.be/kLSTVaMcAsE
استشهاد الإمام الصادق "ع"
قصيدة تشرح حال الإمام الحجة «عج» عند هدم قبور البقيع..
لو مات من كثر الألم .. لا مو عجيبه
الگدام عينه وانهدم .. مرقد حبيبه
ما يبقه كل تذكار
يا ناس بس احجار
مرقد حبيبه
•••••••••
الما يبچي لو مات الورد
ما يشعر بمأساتي
الما حچه سكته وي النجم
ايحير بفهم كلماتي
آنه سفير الما إجو
دموع الفگد راياتي
اتگعّد اعزاز المگبره
من ترتفع ونّاتي
خاويت كل طيره بغصن .. والون جمعنه
تتناوب دموع الجفن .. تشرح وجعنه
تتناقل الاخبار
يا ناس بس احجار
مرقد حبيبه
•••••••••
التگعد بفيّه من التعب
مو سهله من يتهدّم
حيدر علي .. (بيره) گبر
بس وينه ذاك اليفهم
كل ذكره عاشت بالجفن
اتشيّعت بدموع ودم
والمهدي المْگيّد صبر
سيف بغمد يتثلّم
چفه اعله خده منطبع .. وبگلبه صدعه
ساكت وونه ينسمع .. ركّز تسمعه
جنه وتشب بنار
يا ناس بس احجار
مرقد حبيبه
•••••••••
بگاع البقيع اعظم حدث
وينقله مشهد جارح
ما دارت .. وعقل الأرض
بالموت يمكن سارح
مثل المراقد منهدم
ويلاه .. يا ابو صالح
ما ندري ميّت لو عدل
لو چان واگف .. طايح ؟
اربع اگبور مهدمه .. بهاي المسيه
لأم البنين توجّهت .. تبچي الزچيه
ايمشّيهه حامي الجار
يا ناس بس احجار
مرقد حبيبه
•••••••••
يركض يلملم بالحجر
ويشكي المصيبه لربه
ينظر اشما يوگع ركن
يوگع ركن من گلبه
مو تحلف بوجهه الشمس
چا ليش ضيّع دربه ؟
هدّموا بيت اهله .. وصُبَح
ابيته ويحس بالغربه
لا يَمّه اخ لا يَمّه ابن .. لا يَمّه صاحب
يله يشيعه نشاركه .. بهاي المصايب
نبچي بدمع مدرار
يا ناس بس احجار
مرقد حبيبه
•••••••••
يوگع جرح .. ينهض نزف
وبچفه لازم ظهره
يحاچيه من تحت الارض
صوت اختنگ بالعبره
يبن الحسن .. آنه الحسن
ها يا طبيب العتره
الگْبور صح اتهدّمت
بس وينه گبر الزهره ؟
لوما ظُلامة فاطمة .. المخفي لحدها
ما چان واحد يعتدي .. ويظلم ولدها
ما چان صار الصار
يا ناس بس احجار
مرقد حبيبه
•••••••••
واليگْطَع انياط الگلب
والباگ غفوة ليله
ما يگدر ايشّيد گبر
لكل واحد ويبنيله
بهيچي وكت ليهم مشه
چا منهو اليتچّيله
خل نلزم الروس بحزن
ونعجّل وندعيله
يا ربي عجل بالفرج .. رجّع ولينه
قبل المحرم هالسنه .. ريته يجينه
ويصيح يا للثار
يا ناس بس احجار
مرقد حبيبه
•••••••••
احمد هادي الشمري
https://youtu.be/7yhAMcJqpGc
مبروك الولادة
جديد
ولادة الإمام الحسن المجتبى "ع"
وحگ الماله چف لدموعه الثگال
وسمار خدوده ناگع من الدموع..
وحگ ليله الطويل الزاعل النوم
ومن حسرات گلبه اتوج الشموع..
ابين عيونه تلصف دمعه وتسيل
وغير الثار عينه شعدها موضوع..
يريت اكباله هسه واكعد وياه
واعد اليوجعنه بگلب موجوع..
على يا جرح هذا اليوم اهنيه
واهن نغزات عاشن بين الضلوع..
جرح كلش ندي ابن اثمنطعش عام
على خده الحمار لهسه مطبوع..
يجي بهيئة سواده بمجلس حسين
ويصيحن آه يبني الراسه مگطوع..
اليتذكّر حبيبه اشيذكر وياه
وع اصغر ذكرى لازم اصفن اسبوع..
اجيت احيي اعله گبره العيد ميلاد
اجيت ولا گبر لا صوت مسموع..
ما اشعل اشموع اشعله بسمار
والكيكه اعله هيئة باب .. مخلوع..
هذن كلهن گلتهن والصدگ لا
غير الدمعه ما افتحلي موضوع..
وحگ نارچ الدفت برد الاسلام
وحگ ذكرچ البذن الله مرفوع..
الما عايش لجلكم هذا خسران
وبس راس اليخدمج يبقه مرفوع..
أحمد هادي الشمري
متباركين بميلاد الزهراء
صلوات الله عليها
#قصيدة_رئيسية
#لأم_البنين_عليها_السلام
ميّت على رموشي الضوه
فتّح عيوني بكلمه
ولو ما تجي، بچف الهوه
وديلي بس (يا يُمّه)
يا أغلى من عيوني
حرگتني نار ضنوني
وديلي بس (يا يُمّه)
ــــــــــــــــــــــــ
آنه لا مو أم إخوتك.. آنه أمك
الفارَگتني وما يفارگ صوتي، اسمك
حتى گلبي مات بعدك.. مدري يمك؟
وليلي يسأل نجمه نجمه، وينه نجمك
قبلك ولا چنّي شفت
ولا جربتهه الفرگه
يا يُمّه هسه آنه اعرفت
بالمغرب وبالخنگه
كل مغرب يگبلوني
حرگتني نار ضنوني
وديلي بس (يا يُمّه)
ــــــــــــــــــــــــ
كلشي مات بگلبي وإنتَ الباقي تنبض
ولُو هَوه ايحرّك ابابي، دموعي تركض
عيوني مو بالنوم، بشلونك تغمّض
والنفس بعدك بصدري واگف يرض
وانتظر واعرف ما تجي
إنتَ عدل وانعالك
وارجع اتعوّذ واندعي
باسم الله واتفدّالك
بذاك الفله يذبحوني
حرگتني نار ضنوني
وديلي بس (يا يُمّه)
ــــــــــــــــــــــــ
كلشي ما ياخذني منك بس صلاتي
وصار اسمهه (حسين) يا يمّه (حياتي)
ابّالي بس إنتَ وتسلطت إعله ذاتي
حتى ما ظل شيء بعد عن ذكرياتي
يا عالمي وهذا العمر
من (حاءك) لحد (نونك)
آنه السمه وابني الگمر
الكون نخلق لعيونك
ولولاك ميعرفوني
حرگتني نار ضنوني
وديلي بس (يا يُمّه)
ــــــــــــــــــــــــ
آنه أغبط أم وهب يمّك تقاتل
تشيل عامود الوفه، بنص الجحافل
وَلَو عامودي آنه بالطف أبو فاضل
من يطب، الجيش يصبح (سلف شايل)
أمنيتي أصبح خادمه
وأمنيتي هاي الأغله
آنه بحياته وينكتب
اسمي وحبيب، يسجله
الخادمه يسجلوني
حرگتني نار ضنوني
وديلي بس (يا يُمّه)
ــــــــــــــــــــــــ
تدري أخاف عليك من حر الصحاري
شلون لو گالولي فوگ الرمله عاري
عيالك بلا خيم باچر بالبراري
باچر اركضلك ويحرم حتى داري
من المدينه لكربله
باچر تفرفرح روحي
ولو جدمي ما يوصل الك
يعثر تره بجروحي
بنهرين ميطفوني
حرگتني نار ضنوني
وديلي بس (يا يُمّه)
ــــــــــــــــــــــــ
أحمد هادي الشمري
/channel/+goD0VB8uMdA4YzVi
قناة الأخ الحبيب والمبدع
الشاعر علي الزيداوي
يرجى الاشتراك
يعباس .. تموت وباقي وعدك
يعباس .. شربنه الماي بعدك
شربنه وما روينه
وننتظرك تجينه
يعباس .. يعباس
ــــــــــــــــــــ
إلى عين الوفه وچف الكفاله
اخوي الرجّف العسكر خياله
الحبل يجرحني واتذكّر دلاله
واگول المات ما يگطع وصاله
احاچيه .. أشو طوّل مغيبك
احاچيه .. دمع اختك يجيبك
يبو الروح الحنينه
ــــــــــــــــــــ
شربنه الماي بس ما چن شربنه
وداعة جودك ايعطّش گلبنه
الكوفي.. الشامي.. خويه لو يسبنه
نظل نتلفّت اعليك بدربنه
يكفّال .. نظل انحاچي بالروح
يكفّال .. تجي لو حتى مذبوح
بس تسمع بچينه
ــــــــــــــــــــ
يباقي شويه بس جروحك هواي
يا ميّت .. وأحسّك تمشي وياي
اذا تسمع خبر موتي يوفاي
گول الغالِيَه كتّالهه الماي
على النوگ .. الخدر لو شاف جربه
على النوگ .. فأعلمْ قضى نحبه
الگلب يسكت ونينه
ــــــــــــــــــــ
ابونه الـ من غلاة الله غلاته
رَد بيده الشمس وأكمل صلاته
وأبد مو عجبه إخوي الطيبه ذاته
يلَمْلِم جسمه وايرد لخواته
يمذبوح .. رد چفك إليه
يمذبوح .. أميرتكم سبيه
يوالينه نولينه
ــــــــــــــــــــ
ارسلتلك عتب من عيني جداوِل
چفوف منين واتفك الرسايل؟
بين عيال خويه وبين عايل
أمان وخوف اسمك يا ابو فاضل
تمنّيت .. اگلك هاك عيني
تمنّيت .. تندلني وتجيني
تجي واتفك ادينه
ــــــــــــــــــــ
أحمد هادي الشمري
ليلة نزول الضعن
بلايه چفين .. شفت التراب
يشبگ حسين .. شبگة احباب
گومة الديوان گام
ورفع ذرّاته سلام
شفت التراب
ـــــــــــــــــــــ
بواحد وستين .. عام للهجره
من دخل للطف .. موكب الزهره
راية الكافل ترفرف عالضعن
وبزلمهن، البنات اتحجّبن
شفت ذرات التراب اتحضّرن
وبجدم ليث الحجاز اتبرّكن
وتربة التل .. بدمعة العين
زوّرتهن .. زيارة حسين
وياهن يزور الحمام
ـــــــــــــــــــــ
نزل من مُهره .. اعله الثره بونّه
گله هو إنتَ .. حِنّه لو جَنّه؟
بلا جدم من الثره گام الثره
وبمكان الذبح باسه بمنحره
گله آنه اليتّماني حيدره
يبن ابو تراب آنه من عدكم تره
انت سلطان .. عرش العيون
ووالدك چان .. والد الكون
لگلبك وگبره سلام
ـــــــــــــــــــــ
لخاطر عيونك .. الله كرّمني
والذهب الأصفر .. اعليك يحسدني
چم طبيب بتربتي ايطيب الكسر
باچر ارض وسمه تگصدني بنذر
وأصبح لكل معركة حنةْ نصر
بُعُد دوله، الناس تشتم العطر
يعله يحسين .. اليمشي وياك
والله ينساه .. الگلبه ينساك
غير هذا لا كلام
ــــــــــــــــــــــــ
ظلّت بنفسي .. ألم ذرّاتي
واوگف استشهد .. بكل مواساتي
كون اشگف رمح عنك لو سهم
واركض اتبدّه واطفيهه الخيم
والله بس المات لعيونك سلم
الدنيا والمو دنيا من دونك عدم
لاخر الكون .. حلمي مولاي
انعصر حيل .. وانگلب ماي
ما يفارگني حرام
ـــــــــــــــــــــــــــ
شبيدي يحسيني .. وانظر العسكر
بظُلمه وبجوره .. لذبحك تحضّر
وآنه لا حولَ ولا وقوة إلي
گوّه ألمّ الصوت وانخالك علي
ادعي الله.. وهالعساكر تنجلي
ولا اسمع زينب اتصيّح كافلي
امن اسمع الصوت .. هاشمي مات
انذبح حيل .. عشر مرات
وأحترگ قبل الخيام
ــــــــــــــــــــــــــــــ
أحمد هادي الشمري
حي الله أم الگمر
عباس ملك النهر
حي الله أم العباس حياهه
هاي الوفيّه وحسين سماهه
باب الحوائج ونلوذ بحماهه
لهاليوم تنطينه دروس ببچاهه
حي الله أم الگمر
عباس ملك النهر
اسوالفهه آيات.. دموع.. لطميه
ما چنهه حرمه چنهه.. احسينيه
ما يرضهه ابنهه لتگول بدويه
عباس يرضه من تگول علويه
حي الله أم الگمر
عباس ملك النهر
تحضر مجالسنه بنار حرّاگه
وتصيح موتني حسين وفراگه
تعثر اذا طاري نجاب للناگه
يمته يگرّب عاشور مشتاگه
حي الله أم الگمر
عباس ملك النهر
وينه الذي بدمع العين واساني
بآخر المجلس عالباب يلگاني
والگمر چفه المگطوع دلاني
يم كل عزيه لحسين عنواني
حي الله أم الگمر
عباس ملك النهر
للعلگمي بنـار الشوگ والدمعه
تتعنه يم جرف الماي منفجعه
تشعل بچف العباس چم شمعه
وتصيح لحسين الروح متگطعه
حي الله أم الگمر
عباس ملك النهر
أحمد هادي الشمري
فاطِمه الليله اعتنت للحضره
اوياهه صِيحوا يا جَواد العتره
........
بس عبايه وواگفه اباب الضريح
خاف لا ايهب الهوه اعليهه وتطيح
ايدهه فوگ الضلع .. بس ما تصيح
صوتهه الدافي اختنگ بالعبره
........
جابهه المهدي يدليّهه الدرب
عينهه معميّه لسّه امن الضرب
تمشي والبسمار يلچم بالگلب
امبيْنه من ذاك المشي منكسره
........
چفه عكّازتهه .. والمشْيه حداد
چنهه كعبه وتمشي .. من كثر السواد
كلشي بيهه ايصيح ويلاه يالجواد
شنهو ذنبك چبدتك منفطره
........
يبني وين اليوجعك دليني وين
يالبقيت اثلاثة .. يالچنّك حُسين
يبني لَطْفِيلك الليله ثاني عين
اليوم أغرّگ بالبچي كل صحره
........
يبني شنهو الدنيا بس سم وذبح
الموت راحه .. ليش ميته وانجرح
الدنيا وي الزين ما عدهه صلح
ابير .. يوميه العَزيز اتشمره
........
خفّفوا آلام گلبي .. شيعتك
چن مُصيبتهم ييمّه امصيبتك
الشيعه يبني ابذمّتي وابذمّتك
عالصراط .. الشيعي احنه انعبره
........
احمد هادي الشمري
يا أيُّها الصادقُ بالوعدِ
جارتْ علينا أمةُ الحِقْدِ
عجِّلْ رعاكَ اللـهُ يا مهدي
••••••••••
يالغايب اعليك اقسم بغربة رقية
تعطف علينه سيدي بنظره خَفِيّه
احنه ولد منبركم .. اصحاب العزيه
(العاشر) ابونه .. الأم (ليالي الفاطميه)
يا صائناً قُدسيةَ الشَّرْعِ
جُدْ مِن عطاياكَ على الجَمْعِ
يا مَن عطاياهُ بِلا عَدِ
عجِّلْ رعاكَ اللـهُ يا مهدي
••••••••••
گوه نعيش بغيبتك وانت اتعرفنه
وما اگلك بنهر الصبر .. يابس جرفنه
جمرة مراسيل العتب حرگت ظرفنه
لسان العرب يا ابن الحسن حار بوصفنه
يا قائماً بالقِسْطِ والعدلِ
إنْ تأتي لا تأتي على مهلِ
فصبرُنا قد باتَ لا يُجدي
عجِّلْ رعاكَ اللـهُ يا مهدي
••••••••••
كل جُمعه ننتظرك ترد .. وانتاني جُمعه
وصوت الغيارى النادبه الميّت يسمعه
جامع الكوفه بيا ضُحه ايكبّر نسمعه
ولجيتك ياس وورد .. دربك نزرعه
يَجِيءُ حقاً صاحبُ الأمرِ
أخافُ أنْ أُدْفَنَ في قبري
أَخْرِجْني يا ربّاهُ من لحدي
عجِّلْ رعاكَ اللـهُ يا مهدي
••••••••••
ليلة الجمعه بكربلاء نقره الزياره
وبالعلگمي تعلگلك اشموع .. الغياره
نكتبلك اعله الماي يالمهدي عباره
الخالي داره ليا متى ايعود لدياره
طالَ النوى وازدادتِ البلوى
أغثْ أغثْ يا ساكناً رضوى
قلوبُنا ذابت من الوجدِ
عجِّلْ رعاكَ اللـهُ يا مهدي
••••••••••
يا سيدي اعلينه طغوا ولد السقيفه
وجرح الـ (وإنْ) لليوم ما واگف نزيفه
الهدّمله گبر إيمام .. ايده مو شريفه
بزمزم اذا غسّلت ما تصبح نظيفه
قد أسَّسوها شِرْعةَ الغابِ
مُذ أضرموا النارَ على البابِ
والمصطفى لم يَغْفُ باللحدِ
عجِّلْ رعاكَ اللـهُ يا مهدي
••••••••••
جروح الگلب ما طابت وجيتك دواهه
وچف النواصب طالت ويخفگ لواهه
گبور البقيع امهدّمه ومحّد بناهه
اتحس بالظلامه والحزن حتى بهواهه
يا سيدَ الإقدامِ والنَّصْرِ
زَلْزِلْ أمِتْ آلَ أبي كُفرِ
في كفِكَ المذخورِ للردِ
عجِّلْ رعاكَ اللـهُ يا مهدي
•••••••••••
أحمد هادي الشمري
https://vt.tiktok.com/ZSdUAdRsH/
قناة خادمكم على التيك تكوك
يُرجى الاشتراك
#حوارية_بين_الحسن_وزينب_عليهما_السلام
من حالته المريبه ــ نستعلم المصيبه
خل نستعد يزينب ــ باچر علي مغيبه
•••••••••
منظر .. وصوت الدمعه هو العالي
وكل الغوالي اتجمّعوا عالغالي
امسجّى بفراشه ابلايه صوت الوالي
والبيت من حنيته اصبح خالي
متجمّعه الهواشم
ابلا نوم حيدر نايم
بسيف المرادي امصوب
•••••••••
الحسن ينظر وجه ابوه يتغيّر
كلما تمر ساعات اكثر يصفَر
يكتم ابين انفاسه صرخة حيدر
ايخاف اعله گلب الحره لا يتفجر
صرخاته بين انفاسه
عالصوبوه ابراسه
داحي ابن ود ومرحب
•••••••••
صاح اعله اخته يا شريكة همي
انتي البقية الباقية من أمي
يختي استعدي لـ خبر .. جمرة ابدمي
باچر علي لا يمچ ولا يمي
باچر ينام بگبره
شيطفي هاي الجمره
بيها الگلب يتحطّب
•••••••••
باچر يزينب تبقه بس الذكره
متشوفه عينچ بس تشوف العبره
باچر بلا حضنه اشينوم الفقره ؟
باچر الكوفه اتصير حسره بحسره
امن اتأذن الجوامع
شيهيد المواجع ؟
وحيدر بلحده امترّب
•••••••••
ساعات لن باچر اجه وساعاته
والناعي صاح ويا علي صيحاته
جامع الكوفه نكّسوا راياته
والكون ما تنسمع بس وناته
الكون ونه وحده
والوالي حفروا لحده
يا محنه أشد وأصعب
•••••••••
دفنوا علي وهالوا عليه اترابه
والحسن رد بالنعش خالي البابه
زينب اتگله ابنارها اللهابه
خاف الترب يلچم يخويه اصوابه
اگبال النعش تتعثر
وتصيح آه يا حيدر
وآه يا گلبها اليلهب
•••••••••
✍️الشاعر✍️
أحمد هادي الشمري
@Ahmedhadi86
https://youtu.be/-e7VemcUhRc
مناجاة إلهية رمضانية
💠 عن رسول الله (صلّى الله عليه وآله) أنّه قال:
👈🏻 «من عرف هذهِ فقد عرفها، ومن لم يعرفها فهي فاطمة بنت محمّد، وهي بضعة منّي، وهي قلبي الذي بين جنبي، فمن آذاها فقد آذاني ومن آذاني فقد آذى الله».
📘 الفصول المهمة، ص144.
🔹أحسن الله عزاءكم بذكرى شهادة الزهراء البتول صلوات ربي عليها
وفاة القاسم بن الكاظم "عليهما السلام"
زاير القاسم أفلح وفاز
مشكور هــذا السعي مشكور
گلبك بحب الـعـتـره مـعـمـور
اخلع ظلامك والـبـس الـنـور
صك الامان استلمه مـأجــور
المذلول يـصـبـح مـن الـعـزاز
هذا الغريب العاش مهموم
ومن الاهل والدار محروم
شايل الماي ويروي بالگوم
العن يزيد .. اذكر المظلوم
واعله الصراط اليذكره جاز
مــن الـوقـار .. امحيّر الـنـاس
چنه انخلق من نور واحساس
والشافه صـار براسه وهـواس
هـذا عـلـي لـــــو هـذا عـبـاس
هـــذا لـغـز مــو مـثـل الالـغـاز
شوف الرضا من الغربه شيگول
لـــو درب مـشـهـد عنك يـطـول
للقاسم امـشـي بجـفـن مـبـلـول
ولـمـن تزوره .. زيـارتـي اتـنـول
والزار اخويه اعله الفضل حــاز
الطـيـب ابـن الـنـاس الاطياب
الله اعله چفه يـجري الاسباب
لـــو تـطـلـبـه وتـريـد الـجـواب ؟
بس حلفه بالطاحت على الباب
بـعـيـنـه المصيبـه تـنـثـر اكـزاز
چـن والـده الـكـاظـم تعـنـاه
وأمـه الزچيه تـمـشـي ويــاه
ويلاه صاحت يـبـنـي ويـلاه
غربتك مردت گلبي وحـشـاه
سيف الحزن بضلوعي حـزّاز
هالليله وجــه الدنيا مخطوف
ودمـع السـمه عالگاع مـذروف
چن عالشريعه طاحت چفوف
وگام النـهـر يلطم عـالـجـروف
ويـن اهـلـه لـتـشـيـلـه يجـنـاز
أحمد هادي الشمري