-
قناة خاصة بنشر القصائد الحسينية والولائية للشاعر احمد هادي الشمري للتواصل مع القناة عبر المعرّف @hakaia
https://youtu.be/DuKLW1T9Mds
شيرجع الأحباب
كلمات: أحمد هادي الشمري
أداء: سيد مهدي الشبري
ونسألكم الدعاء
https://youtu.be/HIvsjn1qerQ
ليالي استشهاد الزهراء "ع"
#دافن_عافيتك
أداء: ملا حسين الطفيلي
كلمات: أحمد هادي الشمري
موكب شجاعة العباس ع
أهالي السماوة
مكساج: أحمد البرمكي
#مات_المعنى
قصيدة عن الإمام العسكري عليه السلام
بصوت: أبو محمد الموالي
كلمات: #أحمد_هادي_الشمري
توزيع وألحان: محمد ياسين
مكس وماسترنيغ: محمد العذاري
مونتاج وإخراج: علي فاضل الساعدي
https://youtu.be/SR1CSmH0clY
وجاءتْ ساعةُ الحَشْرِ
من البحرِ إلى النَّحْرِ
مرحباً بالمؤمنينَ الأوفياء
ادخلوها بسلامٍ كربلاءْ
____
مو خرافه ولا أساطير الخيال
وَلَو هوّ الواقع أشبه بالمحال
كبّر آذان الوفه بنبرة بلال
وزَحَف مشّاي الحسين ابلا تعال
فحانتْ رِحلةُ الجُرْحِ
مشى الليلُ إلى الصُّبْحِ
وتعالى للمعزّينَ النداء
ادخلوها بسلامٍ كربلاءْ
____
اليمشي واليخدم اتلاگوا بٱشتياق
رضا الزهره الجائزه وعدهم سباق
وٱنكتَب "عاجل" اعله السبعه الطباق
رايح لكربله "مشّاي" العراق
وركبُ الحُبِ قد سارا
إلى العطشانِ أنهارا
في بُراقٍ ينتهي عندَ السماء
ادخلوها بسلامٍ كربلاءْ
____
بلا اهل فرغت ابيوت العاشگين
ومشه چم مشلول يوم الاربعين
على مدّ العين .. تلگه امعزّبين
فرشوا السفره باسم ام البنين
شبابٌ تملأُ الدربا
تفضَّلْ وادخُلِ القلبا
زائرَ المذبوحِ اطلُبْ ما تشاء
ادخلوها بسلامٍ كربلاءْ
_
امحزّم اعله الباب وايصيّح حبيب
هلا وميّة هلا بزوار الغريب
العِلته صعبه اليوم ظنه ما يخيب
صيح يا عباس وجروحك تطيب
ونَلْ من جُودِهِ شَرْبَةْ
وخُذْ من قبرِهِ تُربةْ
تربةُ العباسِ للداءِ دواء
ادخلوها بسلامٍ كربلاءْ
__
وِرِث عن أبٍ وجد هالخدمه هاي
والشعار من البحر .. والنيّه "ماي"
هناك بين الحرمين يرف لواي
وجه الله گبالي والجنه بگفاي
ودمعي من دمٍ حاضر
لينضمَّ إلى جابر
راجياً أنْ يلتقي ركبَ الإباء
ادخلوها بسلامٍ كربلاءْ
____
حسين حُبه بالگلب ماله شبيه
المن يضم حيله ذاك الما يجيه ؟
والله لو بآخر الكوكب .. نعتنيه
بأي ثمن بالروح .. بالدم .. نشتريه
نُلبّي سُنّةَ السَّيْرِ
من المهدِ إلى القبرِ
رَغمَ أنفِ الحاقدينَ الأدعياء
ادخلوها بسلامٍ كربلاءْ
____
أحمد هادي الشمري
أم الوفه تحييكم .. عاشت الخدم
بكل مجلس تناديكم .. عاشت الخدم
أم عباس .. اتگلكم .. هله
ــــــــــــــــــــــــ
أم سبع الگنطره .. كل مجلس تحضره .. اتسجلكم بالسره ..
يا خدام
وتنادي يا هله .. باليعشك كربله .. عباس ايدلله ..
يا خدام
يا حي الله الخادم .. عاشت يمنته
عطر جفوف الكافل .. تلگه برايته
كل املوك العالم .. اتمنت سُمعته
واليخدمه هنياله .. الله وفقه
مقبوله كل اعماله .. الله وفقه
أم عباس .. اتگلكم .. هله
ــــــــــــــــــــــــ
يالحاضر بالعزه .. إبشر بالجائزه .. هالخدمه فايزه ..
بنظراته
بحسينك ارتبط .. وبصدرك اسمه خط .. ما ينساك السبط ..
بنظراته
والينذر أيامه .. ونّه أعله الخدر
باجر جف حسيني .. ينمدله جسر
والزهره اتقدمله .. من الله الشكر
أم الحسين تشكره .. ناعي كربلا
والله اليعظم اجره .. ناعي كربلا
أم عباس .. اتگلكم .. هله
ــــــــــــــــــــــــ
يالعندك جف كمر .. هاك اسمع هالخبر .. لا تهتم بالخطر ..
ابني وياك
بس حلفه بزينبه .. الــكون ايعجّبه .. الــبعيد ايجرّبه ..
ابني وياك
دك الباب وكله .. ها يا ابا الفضل
يوكفلك وجفوفه .. شيّالة حمل
واليصعب بالدنيا .. يتحوّل سهل
واليضحك اعله جروحه .. عنده ابو الفضل
والمطمئنه روحه .. عنده ابو الفضل
أم عباس .. اتگلكم .. هله
ــــــــــــــــــــــــ
يالتبجي لسادتك .. عَلّيهه صرختك .. لا تبرد حركتك .. لحسينك
اسمعهه واطمئن .. الله بشهر الحزن .. يفرحلك من تون .. لحسينك
ويحاجي بأملاكه .. مروا أعله الخدم
وانطوهم بالمجلس .. من خير النعم
وليلطم لحسيني .. من النار انحرم
والكربله بوجدانه .. الله حافظه
بس النعي بلسانه .. الله حافظه
أم عباس .. اتگلكم .. هله
ــــــــــــــــــــــــ
شد حيلك إي بعد .. مو من عدنه البرد.. مِنِ حْسين إطلب مدد ..
واويلاه
والموكب حضره .. للخدمه الطاهره .. تمشون لمنحره ..
واويلاه
يم العلكم روحوا .. وانتظروا الحرم
واتلكوا السلبوهه .. ووالدهه نشتم
والجادر خل يصبح .. بمكان الخيم
للاربعين اتحضر .. حضر العلم
صوت الضماير كبّر .. حضر العلم
أم عباس .. اتگلكم .. هله
ــــــــــــــــــــــــ
أحمد هادي الشمري
حبيتك.. من أول يوم بدنياي
خليتك.. يا أبو اليمه بهاي وهاي
وانطيتك.. أيدي وبيدك ظل الراي
ــــــــــــــــــ
يحسين يا أول عشگ
مَـر اعله صدري المختنگ
شايل هوه الفجريه
يا سيد الحب والصدگ
بچفوفك أبرد وأحترگ
وأكبر شويه شويه
أذكر بأول صبح مَـر بزماني
استفتحت باسمك وكل الخير إجاني
تدري من گد حبك اتخلخل كياني
وظل يغار اعليك گلبي من لساني
واحساسي .. عرشك يا أعظم سلطان
بأنفاسي .. عطر اسمك هيل وريحان
وبراسي .. ما عايش غيرك مولاي
ــــــــــــــــــ
كل يوم أحس بجمرتك
وادخل مدينة غربتك
وبگلبي يصرخ ناعي
هو آنه لوما خدمتك
وبالأربعيـن زيارتك
چا مدري وين شراعي
ابلا خِدِمْتك والله أشعر مالي قيمه
هيّه دلّتني عالدروب السليمه
علّمتني احسيّنه الرحمه العظيمه
واليأذي الناس أبو فاضل خصيمه
يرمونك .. بسهام وتبچي اعله اعداك
وعيونك .. حي ميت يحسين وياك
مجنونك .. وما ينجن بس الوفّاي
ـــــــــــــــــــــــــــ
كل مغربيّه أتوسّلك
قرّبني چم خطوه الك
واعطف عليه بنظره
والگلب لو يستاهلك
إگعد بنبضه ايدلّلك
لا تبقى فوگ الغبره
لا تعوف إيدي أحلفك بالعليله
مو اذنوبي هواي كفتها ثجيله
وَلَو مال اتعوف ايدي.. مستحيله
لان چانت شمعه تشعل للعقيله
بدموعي .. اركض وأسال زينب وين
وشموعي .. بكل ظلمه أشعلهن يحسين
ولضلوعي .. چم حافر اتخيّل جاي
ـــــــــــــــــــــــــــ
موقف العاصرني عصر
وتارك بصدري شچم كسر
إي والله يا ابو سكينه
من اذكر اشلون الشمر
ويلاه اتربّع عالصدر
وجر شيبتك بيمينه
بهالقصيده المفترض واحد خطابي
واظل بس احچي اعله حبك واضطرابي
بس تَعَرْف امصابك ايتيّه حسابي
ومو امن النص حتى اطلع عن صوابي
سابيني.. وبعاشور اوگع شلال
وچفيني.. اتلمّسهن ماكو احبال
يچويني.. اسمك وايگطّع بحشاي
ـــــــــــــــــــــــــــ
يالعايش بگلبي جرح
كلما اذكرك انذبح
ومنك عمر تنطيني
اتخيّـلك ذاك الصبح
تتفگّـد أهلك عالرمح
وشگد حنين احسيني
هواي گالوا سولفنّه عن صفاته
گلت راس برمح وإيفيي لخواته
نگطع نحره وبعده ما گاطع صلاته
جروحه ألف وتسعميه .. وشحلاته !
مذبوحي .. ما صح مثله بهاي الناس
وجروحي .. من صدره البلخيل نداس
وبروحي .. جرحه وبس الثار دواي
ـــــــــــــــــــــــــــ
يا حزن ما مثلك حزن
طيني بمحبتك منعجن
يالكحلتني بنورك
من دونك الدنيا سجن
مولاي أبد ما تنسكن
امحليهه بس عاشورك
والله اكثر سالفة اتنغّص منامي
من اشوف الماي .. يتبعثر كلامي
الف واربعمية مرّن يا إمامي
ليش ولهذا الوكت تتسمى ظامي
يحسيني .. ظامي بكل هاي الأعوام ؟!
حاچيني .. خل عيني المتنام تنام
من عيني .. لتظل عطشان اشرب ماي
ـــــــــــــــــــــــــــ
أحمد هادي الشمري
محرم ١٤٤٣ هـ
اَعْظَمَ اللهُ اُجُورَنا وأجوركم بِمُصابِنا بِالْحُسَيْنِ عَلَيْهَ السَّلامُ، وَ جَعَلْنا وَاِيّاكُمْ مِنَ الطّالِبينَ بِثارِهِ مَعَ وَلِيِّهِ الاِمامِ الْمَهْديِّ مِنْ آلِ مُحَمَّد عَلَيْهِمُ السَّلامُ
Читать полностью…
نوحوا على الحبيب .. نوحوا على الغريب
نوحوا على السليب .. نوحوا على الخضيب
نوحوا على التريب .. نوحوا على المَغيب
....
نوحوا على الصدر .. الگاعد عليه شمر ..
خلّه اثنعش طبر .. وحز رگبة الطُهر ..
وحافر خيل الكفر .. بيه خلّه چم كسر
....
نوحوا على الحرم .. اعليهه الشمر هجم
لا والي لا خيم .. وواليهن انشتم ..
صاحن من الالم .. يا راعي العلم
....
نوحوا على الكفيل .. ودم هامته اليسيل
زينب بلا دليل .. بس واحد وعليل
درب السبي طويل .. وبيهه الزجر يعيل
....
نوحوا على الرضيع .. والمنحر الگطيع
حال الچبد فظيع .. واتروّه بالنجيع
يا منظره الفجيع .. ست اشهر وصريع
....
نوحوا على الشباب .. المتحنّي بالخضاب
دگ صدرك بعذاب .. جاسم على التراب
ليله اتحاچي رباب .. واويلي ابني غاب
....
نوحوا على السبي .. والجدهن النبي
من سوط الأجنبي .. متشگگه العبي
يا روحي غرّبي .. ولا حره تنسبي
....
نوحوا والله اليعين .. زينب بالاربعين
ردت يمؤمنين .. واتنادي يا حسين
امنين ابدي يالحنين .. لتگلي بنتي وين
....
احمد هادي الشمري
رملة كربلاء تستقبل الحسين عليه السلام
بلايه چفين .. شفت التراب
يشبگ حسين .. شبگة احباب
گومة الديوان گام
ورفع ذرّاته سلام
شفت التراب
ـــــــــــــــــــــ
بواحد وستين .. عام للهجره
من دخل للطف .. موكب الزهره
راية الكافل ترفرف عالضعن
وبزلمهن البنات اتحجّبن
شفت ذرات التراب اتحضرن
وبجدم ليث الحجاز اتبركن
وتربة التل .. بدمعة العين
زورتهن .. زيارة حسين
وياهن يزور الحمام
ـــــــــــــــــــــ
نزل من مُهره .. اعله الثره بونّه
گله هو انتَ .. حِنّه لو جَنّه
بلا جدم من الثره گام الثره
وبمكان الذبح باسه بمنحره
گله آنه اليتّماني حيدره
يبن ابو تراب آنه من عدكم تره
انت سلطان .. عرش العيون
ووالدك چان .. والد الكون
لگلبك وگبره سلام
ـــــــــــــــــــــ
لخاطر عيونك .. الله كرّمني
والذهب الأصفر .. اعليك يحسدني
چم طبيب بتربتي ايطيب الكسر
باچر ارض وسمه تگصدني بنذر
وأصبح لكل معركة حنة نصر
بُعُد دوله الناس تشتم العطر
يعله يحسين .. اليمشي وياك
والله ينساه .. الگلبه ينساك
غير هذا لا كلام
ــــــــــــــــــــــــ
ظلّت بنفسي .. ألم ذرّاتي
واوگف استشهد .. بكل مواساتي
كون اشگف رمح عنك لو سهم
واركض اتبدّه واطفيهه الخيم
والله بس المات لعيونك سلم
الدنيا والمو دنيا من دونك عدم
لاخر الكون .. حلمي مولاي
انعصر حيل .. وانگلب ماي
ما يفارگني حرام
ـــــــــــــــــــــــــــ
شبيدي يحسيني .. وانظر العسكر
بظلمه وبجوره .. لذبحك تحضّر
وآنه لا حولَ ولا وقوة إلي
گوّه ألمّ الصوت وانخالك علي
ادعي الله.. لهالعساكر تنجلي
ولا اسمع زينب اتصيّح كافلي
من اسمع الصوت .. هاشمي مات
انذبح حيل .. عشر مرات
واحترك قبل الخيام
ــــــــــــــــــــــــــــــ
أحمد هادي الشمري
هذا الليل .. ذيچ الخيل
ووين اندار .. دم ونار
والخوان .. عالتربان
يم الماي .. دمهم حار
فوگ الثره .. متطشره .. خواني
واشظل بعد .. طايح عمد .. صيواني
محتاره شلم يا ناس
چف .. خنصر .. مَتن .. لو راس؟
بحافرهم بقايا انفاس
من صدره البعطر الياس
..........
وين اتجه .. وانطي الوجه .. ليا غالي
ولا من خيم .. لا من علم .. لا والي
هاي الما تمر عالبال
الذابح كافلي .. كفّال
وجفني الذابل الهمّال
ظل يحرس حرم واطفال
...........
چم فاگده .. متمدده .. عالرمله
ظلّت تون .. أب لو ابن .. واتگله
اگعد يا عزيز الروح
وافزع حتى لو مذبوح
ميت تبقى ما مسموح
بهاي الهيمه وين نروح
..........
وأصعب جرح .. يذبح ذبح .. بصوابه
لمن طفل .. ايفز منذهل .. بيا بابا
لو فز من لذيذ النوم
وبعيون البراءة هموم
يحاچيني بجرح ملچوم
رايد والدي هاليوم
.........
بليل الرمح .. واگف صُبِح .. لعياله
شگد دوّرت .. واتعثّرت .. بأوصاله
واجروحه التحير الراي
الف وتسعمية هواي
يالميت عطش يحماي
ريت اللــه ينشف الماي
.........
مات الجِدَم .. وگلبي نهدم .. بونّاته
ظهري نكسر .. ودرب النهر .. اشبعداته
چف يم الجرف مبتور
وجود اعله الترب مشمور
خجلان وگلت معذور
موتني جرح عاشور
..........
أحمد هادي الشمري
استشهاد الإمام الجواد "ع"
1
فـاطِـمه الليله اعتنت للحضره
اوياهه صِيحوا يا جَواد العتره
........
بس عبايه وواگفه ابـاب الـضـريـح
خاف لا ايهب الهوه اعليهه وتطيح
ايدهه فوگ الضلع .. بس ما تصيح
صـوتـهـه الـدافـي اخـتـنـگ بالعبره
........
جـابـهـه الـمـهـدي يـدلّـيـهـه الـدرب
عـيـنـهـه مـعـمـيّـه لسّه امن الضرب
تـمـشـي والـبـسـمـار يـلـچـم بالگلب
امبيْنه مـن ذاك الـمـشـي مـنـكـسـره
........
چـفـه عـكّـازتـهـه .. والمشْـيـه حـداد
چنهه كعبه وتمشي .. من كثر السواد
كلشي بيهه ايصيح ويــلاه يـالـجـواد
شـنـهـو ذنــبــك چـبـدتـك مـنـفـطـره
........
يبني ويـن اليوجعك دليني ويـن
يالبقيت اثلاثة .. يالچنّك حُسين
يـبـنـي لَطْفِيلك الليله ثاني عـيـن
الـيـوم أغـرّگ بالبچي كـل صحره
........
يبني شنهو الدنيا بـس سـم وذبح
الموت راحه .. ليش ميته وانجرح
الـدنـيـا وي الـزيـن ما عدهه صلح
ابـيـر .. يـومـيـه العَـزيـز اتـشـمـره
........
خـفّـفـوا آلام گـلـبـي .. شيعـتـك
چـن مُصيبتهم يـيـمّـه امصيبتك
الشيعه يبني ابـذمّـتـي وابذمّتك
عالصراط .. الشيعي احنه انعبره
........
احمد هادي الشمري
لهدم قبور البقيع
يا أيُّها الـصـادقُ بالوعدِ
جارتْ علينا أمةُ الحِقْدِ
عجِّلْ رعاكَ اللـهُ يا مهدي
••••••••••
يالغايب اعليك اقـسـم بـغـربـة رقـيـة
تـعـطف علينه سيدي بـنـظـره خَـفـِيّـه
احنه ولد منبركم .. اصـحـاب الـعـزيـه
(العاشر) ابونه .. الأم (ليالي الفاطميه)
يا صـائـنـاً قُـدسـيـةَ الشـَّرْعِ
جُدْ مِن عطاياكَ عـلى الجَمْعِ
يـا مـَـن عـطـايــاهُ بِــلا عَـــدِ
عـجِّـلْ رعـاكَ اللـهُ يـا مـهـدي
••••••••••
گوه نعيش بغـيـبـتـك وانـت اتـعـرفـنـه
وما اگلك بنهر الصبر .. يابـس جـرفـنـه
جـمـرة مـراسـيـل العتب حرگت ظرفنه
لسان العرب يا ابن الحسن حار بوصفنه
يا قائماً بالقِسْطِ والـعـدلِ
إنْ تأتي لا تأتي على مهلِ
فصبرُنا قد باتَ لا يُجـدي
عجِّلْ رعاكَ اللـهُ يـا مهدي
••••••••••
كل جُمعه ننتظرك ترد .. وانتاني جُمعه
وصـوت الغـيـارى النادبه الميّت يسمعه
جـامـع الـكـوفـه بيا ضُحه ايكبّر نسمعه
ولجـيـتـك يـاس وورد .. دربـك نـزرعـه
يَجِيءُ حقاً صاحـبُ الأمـرِ
أخـافُ أنْ أُدْفَنَ فـي قبـري
أَخْرِجْني يا ربّاهُ مـن لحدي
عجِّلْ رعاكَ اللـهُ يـا مـهـدي
••••••••••
ليلة الجمعه بـكـربـلاء نـقـره الزيـاره
وبالعلگمي تعلگلك اشموع .. الغياره
نكتبلك اعله الماي يـالمـهـدي عـبـاره
الخالي داره يا متى ايـعـود لـديـاره
طالَ النوى وازدادتِ البلوى
أغثْ أغـثْ يا ساكناً رضـوى
قـلـوبُـنـا ذابـت مـن الـوجـدِ
عجـِّلْ رعـاكَ اللـهُ يـا مـهـدي
••••••••••
يا سيدي اعلينه طـغـوا ولــد السقيفه
وجرح الـ (وإنْ) لليوم ما واگف نزيفه
الهـدّمـلـه گبر إيمام .. ايده مو شريفه
بـزمـزم اذا غـسّـلـت مـا تـصبح نظيفه
قـد أسَّسوها شِرْعةَ الـغـابِ
مُذ أضرموا النارَ على البابِ
والمصطفى لم يَغْفُ باللحدِ
عجِّلْ رعـاكَ اللـهُ يـا مـهـدي
••••••••••
جروح الگلب ما طابت وجيتك دواهه
وچف النواصب طالت ويخفگ لواهـه
گـبـور الـبـقـيـع امـهـدّمـه ومحّد بناهه
اتحس بالظلامه والحزن حتى بهواهه
يا سيدَ الإقدامِ والنَّـصْـرِ
زَلْـزِلْ أمِـتْ آلَ أبـي كُفـرِ
فـي كـفِـكَ المـذخورِ للردِ
عجِّلْ رعاكَ اللـهُ يا مهدي
•••••••••••
أحمد هادي الشمري
يمته بحضورك .. تتكحل العين
ومشاي أزورك .. يم باب الحسين
يالتمشي ابين الروح
والأنفاس
وبدمي ..
ابداري اتغرّب مولاي
من تكون
مو يمي ..
لو ما اصبح خدّام
گطره بماي
ضاع اسمي ..
تراب لجدمك يا ريت
عمري يصير
كل حلمي ..
من دونك آنه .. ما اسوه فلسين
مشاي أزورك .. يم باب الحسين
•••••••••
يالمهدي اغيابك حيل
هد الحيل
اذاني ..
بلون فراگك مولاي
من اتشوف
الواني ..
والدرب الترجع بيه
بعدك صار
عنواني ..
ولو ما تلگاني هناك
ميت گول
تلگاني ..
اعله شفافي نامت .. سيد الگلب وين
مشاي أزورك .. يم باب الحسين
•••••••••
هيچ واسمع كلمات
بيها ايصيح
كل جامع
نوّر يا شيعه اليوم
بدر الثار
الساطع
واحد للثاني يگول
طالع لا ؟
اي طالع
نكتب أهلاً بالياس
عالجدارن
والشارع
كل احنه عابس .. بيك ومجانين
مشاي أزورك .. يم باب الحسين
•••••••••
يمته بموكب مشاي
حتى الموت
ميردنه
نتلاگه املاگه احباب
اباب حسين
موعدنه
والشامت خل يموت
هاي افراح
قائدنه
ومن تعلن يوم الثار
احنه اسيوف
جردنه
اشويه عمرنه .. ما يوفي بالدين
مشاي أزورك .. يم باب الحسين
•••••••••
من زغري اتعيش وياي
وسط العين
اُمنيّه
گدامك بين الناس
اقره بيوم
لطميه
اقرالك عن زينب
والديوان
وأرقيه
ما ادري اتعيش اتموت
لا ما اگول
مسبيه
راية اخوها .. تبجي اعله چفين
مشاي أزورك .. يم باب الحسين
•••••••••
الشاعر
احمد هادي الشمري
يبو الهم الثجيل .. بدمعه سچّابه
تَــعــنّــه للكريم الما يــســد بابــه
••••••••••
يبو الهم .. البعد ما تــگــدر اتحمله
وچم دكتور .. يعجز جرحك ايشلّه
ادلّيك بطبيب الما يـصــح مــثــلــه
دِنَــت ذكـرى مصابه .. وآه يمصابه
••••••••••
بعينك مــن بُعد لــو تــلــمــح القُبّه
تحس چن للوطن راجــع بعد غربه
تاخــذ طِلبتك مــن خير ابــو طلبه
ابــو ادْلال ودِليل .. امدلّل احبابــه
••••••••••
مــن تلْگه الزچيه اهناك .. واسيهــا
واذا ضيَّعَت گــبــره .. بگبره دليهــا
تــدري بقُنفذ اعــلــه العين مـاذيهــا
بــعــد لسّه الـحَــمــار اتلفّه عصّابــه
••••••••••
استغلها ولا تظن هــالفرصــه تتعوّض
المحال ايصير ممكن .. والهوه ينكض
بـس إقــســم عليه بالصدر المرضرض
بــصــدرك مــا تظل نــيــران لــهّـابــــه
••••••••••
وسط شبّاچ گبره الــوصـفـه تلگاها
بحزن .. (هذا الغريب منين) تنعاها
ووره (ياسين) .. (عاشوراء) تقراها
بدمعه .. وتاخذ الردتـه على اعتابه
••••••••••
اجيتك گله مــولاي وتــركــت الناس
امدنگِ الراس .. وابابك اشيل الراس
واذا تگدر .. حَدِي اقراله عله العباس
مــن زينب تــعــاتــب ســاعــة اغيابه
••••••••••
احمد هادي الشمري
. . دافـن عــافـيـتـك
ونـار مـطـفّـيـتـك چا وين أم بـيتـك
يــا مــولاي
ـــــــــــــــــــــــــ
علي إنتَ مو علي ؟ يا حيرة الراي
نـص نـهـار اشكبّرك ؟ متغيّر هـواي
منهو ميّت .. إنتَ هي ؟
حيّرتني
تمشي طايح .. تحچي سكته
عذّبتني
امبيّن يالـوالـي
امضيّعلك غالي
والدمعه اتـلالي
يا مولاي
ــــــــــــــ
سلف شـايل چـنـك امحمّل بـالـجـروح
عُجبه تمشي بس جسد يالدافن الروح
حچي عيونك .. سولَفنه ..
باليوَجعك
وين حيلك .. الهوه شامت ..
لا يوگعك
مـا چن ذاك انتَ
الخـيـبـر طيّحته
ومرحب جندلتـه
يا مولاي
ــــــــــــــــــ
شلون گلبك طـاوعك يا قالع الباب
تشيل بيدك فاطمة وتدفنهه بتراب
راجع المن؟ .. البيت ظلمه ..
بلا ضواها
إي يحيدر .. الدنيا خنگه
بلا هواها
بلا كـحـل جفونك
ذبــلانــه عـيـونـك
بلا لـون .. شلونك ؟
يا مولاي
ـــــــــــــــــــــ
هاي چلمة مستحه اتسولفهه الدموع
الليله رجّعت الأمانة امكسّره ضـلـوع
والله حيره .. بالوديعه
الودّعتهه
بضلع محني .. ولطمة الخد
رجّعتهه
ابسمار العـصـره
وآثـار الـسـطـره
رجّـعـت الـزهـره
يا مولاي
ــــــــــــــــــــ
وسط گبره المحسن وظل يبچي عالصار
رحـت حـتـى اتـسـكّـتـه واتـهـز بـالحجار
طفل يبچي .. وابضلعهه
تمنّى گبره
بلا مشاعر .. يدري خده
دوه لكسره
سارح بأفكاري
ومن نارك ناري
يـا وجـه الباري
يا مولاي
ـــــــــــــــــــــــــ
أحمد هادي الشمري
بكسرة مشاعرنا
جديد
الملا: سيد مصطفى الموسوي
كلمات: احمد هادي الشمري
https://youtu.be/ZgTid9IvNNE
دمعتي بلون الضياع
نزلت اتصيح الوداع
يا رسول الله
.......
وين رايح وين يشراع السفينه
يا امان الدنيا بعدك مو امينه
كلشي مال وانت التعدّل مشينه
نحير نبچي اعليك لو نبچي علينه
على الصدره وظهره باب
يِهْدِم الروح الغياب
يا رسول الله
.......
ضعنه بدروب الحزن .. خطوه غريبه
وكل وجه يتلفّت ايدوّر حبيبه
اللهُ أكبر چنهه الله شمصيبه
شلون يشفى الجرح والميت طبيبه !
نايمه عيون الأمان
الوحشه ترست كل مكان
يا رسول الله
.........
رحت مثل العافيه الما إلهه رجعه
والخِلگ چف ماي .. وتبده .. شيجمعه !
حايرين ودمعه تشمرنه اعله دمعه
وحتى شمس الله طفت ما بيهه شمعه
هذا برزخ .. دنيا هاي ؟
والعطش شارب الماي
يا رسول الله
..........
برد صدر أيامنه بغيبة حنانك
وبس دمع فاطمه موجود بمكانك
لسانك المرتضى وما سمعوا لسانك
چن ولا وصّيت بيه مره بزمانك
وْ (بخٍ) صارت حطب نار
بچف خفافيش النهار
يا رسول الله
........
الگال (يهجر) فتح أبواب الظُلامه
والثمن أخذوه من جيب الإمامه
لو علي الكرار ما سِلْبَوا مقامه
چان ما سلّبوا زينب واليتامه
وشمر بالمستحدثات
قلّد اليدفن بنات
يا رسول الله
........
احمد هادي الشمري
https://youtube.com/channel/UCLcLCCEIb-Q41EQFJP3pcEQ
يرجى من الأخوة الاشتراك في قناتي على اليوتيوب ولكم الاجر والثواب
#روح_النبي
قصيدة عن الشهيد #وهب_الأنصاري "رضوان الله عليه"
ألحان وأداء: #أبو_محمد_الموالي
كلمات: #أحمد_هادي_الشمري
التوزيع والهندسة الصوتية:
محمد العذاري
إخراج: عباس شمخي
https://youtu.be/y4E9MsXqzuU
جديد
#خيّم_الليل
كلمات وأداء: أحمد هادي الشمري
الهندسة الصوتية: أحمد الكحلي
ونسألكم الدعاء
https://youtu.be/P-M_GnBIhZk
https://youtu.be/hE4Y1TRLjzA
جديد
هوسات للعباس
كلمات وأداء: احمد هادي الشمري
الهندسة الصوتية: احمد الكحلي
ونسألكم الدعاء
مُحرّم گرّب وشيسكّت عيوني ؟
بـيـا دار الـعـزه هالليله دلـونـي
••••••••
بـيـا دار الـعـزه .. وبـيـا حـُسيـنيّه ؟
اشـتـاگـيـت لـمُـحـرّم ولـبـواچـيّـه
افـتـر بـالـمـجـالـس .. بيّه مـا بيـّه
واظل ابچي لحد ما تذبل جفونـي
••••••••
حبيبي اعله الترب نـايـم اشوفنّه
اشفافه الـيـابـسـه .. تتفطّر بـونّـه
مـو ثوبي عليه .. صـدري اشـگـنّه
الما عدهم وفـه حـگـهـم يلوموني
••••••••
ميت .. بس تصد عينه اعله عايلته
الخيل اطشّره وزيـنـب تـلـم جـثـته
اهدومه مشگگه والعـَبـره خـانـگـتـه
لـو حـتـى بـرمـل يا نـاس غـطّوني ؟
••••••••
يا عالم .. اشم ريحة حـرگ خيمه
واتـخـايـل حـرم تـتـراكـض بهيمه
اذا اشاهد طـفـل أتـذكّـر ايـتـيـمـه
(رماد اخيام) لليسألني عـن لـونـي
••••••••
چـن مـوكب يطب مـن شـارع القِبله
بيه (حمزه) .. وشعار العاشگ ايرتله
يا عاشور .. شـهـرك مـا شـهـر مـثـلـه
يلّه اعـلـه الـصـدر باللطمه عـيـنـونـي
••••••••
من زغري واذوب امن اسمع اقرايه
ويـرف گـلـبـي لمُحرّم رفـة الـرايــة
اضم عيديتي واخدم بيهه مـشايـه
وملك اشعر اذا (خـادم) يـسـمّـونـي
••••••••
احمد هادي الشمري
استشهاد الإمام الجواد "ع"
2
أرجـع الـف عـــــام واحـاچـيـك
من فدوه اروح لعمرك .. اشبيك ؟
وابـــــــدارك هـــنـــاك
امن اعيونك اقـــــراك
مــــا چـنّـه سـم گـلـبـك يـأذيـك
*---------------*---------------*
انت ابن فاطم .. وانـه الكم عبد
آنــه الـمـعـاكـم بـاقـي حَـرّ وبـرد
من هذا يومي.. لذاك يـومـك ارد
هـو الـحُـسـيـنـي اشيلزمه يا بُعد ؟
لـذاك الـزمـن ولـذيـچ الايـام
يـتـسـابـگـن گلبي والـجـدام
مـا أضـيْـعـك .. الگاك
*---------------*---------------*
يا نده الغبشه ويا نسيم الـصـبـح
من طينتك .. وانزف اذا تـنـجرح
سم البگلبك چنه مـو سـم.. رمـح
شيصير مـن الخيم هذا الـسـطـح ؟
صدرك تلزمه وتجري الدموع
كلش يألمّك سحگ الضـلـوع
چــن سـهـم بـحـشـاك
*---------------*---------------*
تـگـعـد وتــوگـف والگلب منطعن
أتـون لـلـعـلـيـلـه البالمدينه تــون
بـاقـي ثَـلِـثْـتـيـّام مـــــا مـنـدفـن
عـالـسـطـح لا يـمـك اخــو لا ابـن
مـيـت ولـلـطـف شابح العين
چنك تريد اتـواسي الحسين
تــنــعــاه و يــنــعــاك
*---------------*---------------*
مو هذا لونك .. شو خضارك يبس ؟
شـو دمـع عينك .. بالحَمار انترس ؟
تـتـمـنـه بـيـدك هـسـه حافر فرس
ادگ الصدر حدما يضيگ الـنـفـس
اتلم حيلك ادگ الصدر حيل
خاطر تحس ابسحگة الخيل
اُمــنــيــتــك .. ادواك
*---------------*---------------*
تتمنه تشييعك ابهـيـمـه.. الظـهـر
وخلف الجنازه طفله بـأول عـمـر
الجنّاز يركض بالنـعـش عالـجـمـر
خاطـر تواسي ركـضـة أم الـخـدر
تتمنه .. جبت العمر مخنـوگ
الجـنّـاز يـصـبـح هزّل النـوگ
حــلــم الـزغــر .. ذاك
*---------------*---------------*
✍خادم الحسين ع
أحمد هادي الشمري
خادم للرضا
قصيدة لميلاد الإمام الرضا "ع"
كلمات: أحمد هادي الشمري
أداء: محمد اللامي
الهندسة والتوزيع:
محمد ياسين
حسام الموسوي
ونسألكم الدعاء
لهدم قبور البقيع
لو مات من كثر الألم .. لا مو عجيبه
الگدام عينه وانهـدم .. مـرقد حبيبه
مـا يبقه كـل تـذكار
يا ناس بس حجار
مـرقـد حــبـيـبـه
•••••••••
الـمـا يـبـچي لو مات الورد
مــــا يـشـعـر بــمــأســاتــي
الـما حچه سكته وي النجم
ايـحـيـر بــفــهــم كـلـمـاتـي
آنـــه ســفــيــر الـمـا إجـــو
دمـــوع الــفــگــد رايــاتــي
اتـگـعـّد اعـــــزاز الـمـگـبـره
مـــــن تـــرتـــفـــع ونـّاتـــي
خاويت كل طيره بغصن .. والون جمعنه
تـتـنـاوب دمـوع الجـفـن .. تشرح وجعنه
تـتـنـاقـل الاخــبــار
يا ناس بس احجار
مـرقـد حــبـيـبـه
•••••••••
الـتـگعـد بفيّه من التعب
مـو سـهـلـه مـن يـتـهـدّم
حـيدر علي .. (بيره) گبر
بـس ويـنـه ذاك اليـفــهـم
كـل ذكره عاشت بالجفـن
اتــشـيـّعـت بـدمـوع ودم
والـمــهـدي الـمْگـيـّد صبر
ســـيــف بـغـمـد يـتـثـلّــم
چفه اعله خده منطبع .. وبگلبه صدعه
سـاكـت وونـه يـنسمع .. ركـّز تـسـمـعـه
جـنه وتـشـب بـنـار
يا ناس بس احجار
مـرقـد حــبـيـبـه
•••••••••
بگاع البقيع اعظم حدث
ويـنـقـلـه مـشـهـد جـارح
ما دارت .. وعقل الأرض
بـالـمـوت يـمـكـن ســارح
مـثـل الـمـراقــد مـنـهـدم
ويــــلاه .. يـا بـو صـالـح
مــا نـدري ميّت لـو عـدل
لـو چـان واگـف .. طايـح ؟
اربـع اگبور مهدمه .. بهاي المسيـه
لأم البنين توجّهت .. تبچي الزچيه
ايمشّيهه حامي الجار
يا نـاس بـس احـجـار
مـرقـد حــبـيـبـه
•••••••••
يـركـض يـلـمـلـم بالحجر
ويـشـكـي المـصـيـبه لربه
ينـظـر اشـمـا يـوگـع ركـن
يــوگــع ركــن مــن گـلـبـه
مـو تحلف بوجهه الشمس
چـا لــيــش ضـيّـع دربــــه ؟
هدّموا بيت اهله .. وصُبَح
ابـيـتـه ويـحـس بـالـغـربـه
لا يَمّه اخ لا يَمّه ابن .. لا يَمّه صاحب
يله يشيعه نـشـاركه .. بهاي المصايب
نبچي بدمع مـدرار
يا ناس بس احجار
مـرقـد حــبـيـبـه
•••••••••
يوگع جرح .. ينهض نزف
وبــچــفــه لازم ظـــهـــره
يحاچيه من تحت الارض
صـوت اخـتـنـگ بـالـعبـره
يبن الحسن .. آنه الحسن
هــا يـا طـبــيــب الـعـتـره
الـگـْبـور صــح اتـهــدّمــت
بـس ويـنـه گـبـر الــزهــره ؟
لـومـا ظُلامة فـاطمة .. المخفي لحدها
ما چان واحد يعتدي .. ويـظـلـم ولدها
ما چان صار الصار
يا ناس بس احجار
مـرقـد حــبـيـبـه
•••••••••
واليگْطَع انياط الگـلـب
والـبـاگ غـفــوة لـيـلــه
مـا يـگـدر ايـشّـيـد گبر
لـكـل واحـد ويـبـنـيـلـه
بهيچي وكت ليهم مشه
چـا مـنـهـو الـيـتـچـّيـلـه
خـل نلزم الـروس بحزن
ونـعـجّـل ونــدعــيــلـــه
يا ربي عجل بالفرج .. رجّع ولينه
قبل المحرم هالسنه .. ريته يجينه
ويـصـيـح يـا للـثار
يا ناس بس احجار
مـرقـد حــبـيـبـه
•••••••••
أحمد هادي الشمري
https://youtu.be/Ap69HlX0YQA
أهلاً شعبان
كلمات: #احمد_هادي_الشمري
أداء: #أبو_محمد_الموالي
#فاضل_القريشي
التوزيع: #محمد_ياسين
مكس وماسترينغ: #محمد_العذاري
ونسألكم الدعاء
إلى السيد محمد سبع الدجيل "ع"
يا جمره ما تبرد .. يم سيّد محمد
••••••
هـا يـالـمـنـجـرح والـدنـيـا مـاذيـتـك
ودخــان الـمـواجـع يـلـعـب ابـريـتـك
تـعـال .. ولا تـحـيـر ابتالي وضعيتك
يـم سـبـع الـدجـيـل .. هناك عـافيتك
دكتورك المرقد .. يم سيّد محمد
••••••
مَـدامـك خـادم ابشـر ما تطخ الراس
دخـان الـبـريـتـك يصفه هيل ويـاس
عـوف الـنـاس واتـعـنه لطبيب الناس
(أبـو الشاره) يـسمونه و(أخو العباس)
تتسهّل التشتد .. يم سيّد محمد
••••••
نـهـر دمـعـك اذا ابـــواديّــه يـتـحـدّر
هـم گـلـبـك تـغـسـلـه ويـبـرد اليسعر
ابـغَـمـامـه ايـظـلّـلـك وايـورّد المصفر
بعد (سبع الجزيره) وشبل من حـيدر
جرح الگلب ينشد .. يم سيّد محمد
••••••
كـريـم ومــا يــريــد الـزاره يـتـوسّـل
بـس سـلّـم عـلـيـه كـل العقد تـنـحـل
واذا تـنـعـه اعـلـه جده وتذكر المقتل
اذا تـاخـذ ذهـب شـبـاچـه هـم يـقـبل
يا مَكرمة التنعد .. يم سيّد محمد
••••••
المَره .. الشاب .. الچبير .. الجاهل .. العالم
الـسُـود .. الـبـيـض .. كلهه ابصحنه تلگاهم
يـحـب أهـــــل الله والـفـقـره ونــوايــاهــم
خـصـوصـاً مــن يـسـمـونـه بــــ (أبو جاسم)
باب الله ما ينسد ... يم سيّد محمد
••••••
شتطلب مـنـه اطلب ماكو بيها احراج
اهـم شيء مـا يـريـدك للبشر تـحـتـاج
مـن قُـضـبـان هـمّـك تطلع انـت افراج
بس انخاه وصيح احضرني يـ (البعّاج)
لـحـظـة ويجيك الرد .. يم سيّد محمد
••••••
(أبو البرهان) مـثل الشمس بُرهانه
نـذكـره وحـاشا عمّ المهدي ينسانه
عـلـيـنـه شـمـا تـجـور ايـام دنيانـه
يمد چـفه الكريم ويمسح ابـچـانـه
ونار الگلب تخمد .. يم سيّد محمد
••••••
للشاعر
أحمد هادي الشمري
ملاحظة:
الكلمات التي بين الأقواس هي أهم الألقاب التي عُرِفَ بها السيد محمد بن الإمام الهادي عليهما السلام ..