19252
انتباه .. حسين الي يعليك مو مجهودك انتباه .. الخدمة توفيقات مو بزنودك حسين اليوفق تره .. لا شعر لا كامره
#قصائد_محرم
#بصوت_ملا_احمد_الزوار
يحميني يحميني بالكبر يحميني
****
انه كل عمري كضيته بالمجالس
ابلايه مجلس تلكه عندي ماكو واهس
علماني اعله العشك مولاي عابس
وكل سنه الخدام عالخدمه تنافس
سميني سميني مجنون سميني
***
لو سالني سال وكلي الاهل وين
انه ما عندي اهل بس اهل الحسين
انه كل عاشور اخدم جبت السنين
وادري عد الله جبيره دمعة العين
ينطيني ينطيني صك منه ينطيني
***
من يجيني الموت كلها تروح عني
والمعاصي والذنوب تحوم مني
عله حسين دموعي باجر ينفعني
بساعه المحشر يعالم ذخري ذني
يرويني يرويني امن الحوض يرويني
***
من يشيلون الجنازه وبيه يمشون
كلي يالميمون كون اعليه يقرون
انه مو لهلي اديرن راح العيون
عيني للهيئات والبيها يلطمون
يدريني يدريني حبيته يدريني
***
بحفرتي لو نزلوني ورشو الماي
يحضر الكبر اكيد حسين مولاي
وياهو اليحاجيني والعباس وياي
عله اعمالي امن انسال ما تيه الراي
بيميني بيميني وكتابي بيميني
***
من يجيني منكر وشايل كتابي
حسين يتكفلني من يبدي بحسابي
يمحي كل ذنوبي ويطهر ترابي
انه خادم للحسين اختم جوابي
ويكفيني يكفيني هالفخر يكفيني
*
تمت
تحسين الخفاجي
/channel/+QYhwKs0Xy1h303S6
(موشح)
الـفــآتــحــه لـ أم الـبـنـيـن أقــراهــه
تـنـگضـي الـحـاجـات مـن تـنـخـاهـه
*---------------*---------------*
اقــره لـلـحـره الأبـيّـه الـفــاتـحـه
تلـگـه ابـواب الـسـمـاء امـفـتـحـه
استثمر وياهـه التجاره الـرابـحـه
واقـسـم اعـلـيـهـه بحبيـبـت طـه
*---------------*---------------*
اليطلب الحاجه ابكرمهه اتخجلّـه
اســـأل الـتـاريـخ عـنـهـه والـمـلـه
انـطـت الشـبـان كـلـهـه ابـكـربـلـه
وربـنـه كلشي ابـرحمتـه انـطـاهـه
*---------------*---------------*
بـحـر ويفيض الـعـطـاء ابـروجـتـه
والدعاهه ابساع تـخلص حـاجـتـه
گـلـي يـاهـوّه الـگـصـدهـه وردتــه
مـــا تــرده ام الــكــرم حــاشــاهـه
*---------------*---------------*
مـن تـدگ اعـلـه الصدر وتـوسّـمـه
گـلـهـه يالحـره عـلـيـچ ابـفـاطـمـه
تـنـفـتـح لعيونـهـه ابـواب الـسـمـه
انـطـنـت الـبــاري جـمـيـع اربـاهـه
*---------------*---------------*
يـامـره الـصـارت مـثلـهـه يـامـره
الجابت الـعـبـاس سـبـع الگنطـره
تـبـقـه عـنـوان الاصيـلـه المفخره
الـتـزم وٱبـقـه ابـدمـوع اويــاهـه
*---------------*---------------*
امجربه وهذا الحچي مـوعاطفـه
مـاتـخـيّـب لـلـدعـاهـه ام الـوفـه
مــن تــدگ لــ بـابـهـه بالـمـعـرفـه
الحاجه متحضره وعـلـي تلگاهه
*---------------*---------------*
✍خادم ام البنين ع
الشاعر رعد الجريخي
#اول_سفير
اوّل ســفــيــر لـكـربـلـه حـدد مـصـيـره ابمرجله
بدم النحر خط موقفه الحاسم
طب للقصر صـورة مجد راسم
*---------------*---------------*
هاي البطوله لــ كـل بطل موقف
مثل الجبل كـلـمـا فتن تـعـصـف
شمرت علي ومنه الزلـم تـرجـف
بْـقـوّه وإراده بـكـل فـخـر يهتف
اليوم اقـود الـمـلـحـمـه رافـع شـعـاره وصـارمـه
وصّل رساله لـ كل بَغي وظالم
*---------------*---------------*
اروع مـثـل مَـــر الــزمـن يـذكَـر
وحده ارتجل وارث صفة حيدر
بهمه وعَزم صـوته اعـتـلـه وكَبّر
لجل القيم رخص دمـه المـنـحـر
هز الطـغـات ابـوگـفـتـه خـيـل و زلـم مـاهـمّـتـه
صـاح بعزم مـسـلـم انـه القادم
*---------------*---------------*
اشگد حـاولـوا رادوا فقط يـركع
لـٰكـن قِـسـم بيده الـفـخـر يصنع
من الـخـصـم اَي كلمه ما يـسـمع
رغم الـعـدد والـجـيـش التـجـمّـع
مـحـد وگفـلـه ونـاصـره الـوارث شجاعة حيدره
غير السبط رافـض شَكو حاكم
*---------------*---------------*
محتار اوصفه ابيا وصف مسلم
رسّام احسّه بكل مـجـد يـرسـم
بـهـالـمـعـركـه لازم امر يـحـسـم
معنى الوفه لــ أهـلِ الوفه ايعلم
اهل الـمـواقـف خـالـده ابمـسـلـم المـوقـف بده
بيّن صفه وغـيـرت بني هاشم
*---------------*---------------*
يحچي القصر دوم ويظل شاهد
لـمـن دخـل لـيـه بـصـفـة قــائــد
إنهار العرش و الــ عالعرش گاعد
والد حـمـيـده الـذَل شـكـو حاقد
بإسمه الرجـولـه اموقّعه لــ كل الـمـفـاخـر جـامعه
الراد الـشـرف ثابت يظل لازم
*---------------*---------------*
اوّل سـفـيـر اعلـه الـمـلـه اتـفـرّد
بـديـرة غـرب بيه العـزم مـشـتـد
هــاي الـزلـم مـو كـل زلـم تـنـعـد
بس الصنع مـوقـف تـرى اتـخـلـد
ربنه اصـطـفـاه وشـرّفه اهل الـمـراجـل تـعـرّفـه
مـأتـم إلـه بطول الـزمـن دايـم
*---------------*---------------*
خادم مسلم ابن عقيل ع
✍الشاعر رعد الجريخي
(طوعه اتخاطب مسلم)
. گــوم يـا ضـي الـنـظــر
كلمه وأحَچيهه ابـفـخـر
فـدوه ألـك طـوعـه وأهـلـهـه
الـخـيـل هـاي أتــرَجّـل ألـهـه
*---------------*---------------*
الـعَــزم شـده عـلى الـشــده أعِـيـنـك
الحزن أكتم بـمـجـد أخـتـم سـنيـنـك
أحسّـك سـر فـخـر يـگـطـر جـبـيـنـك
رخـص دمـك لِـبـن عَـمّـك حُــسّـينَـك
بـصـآرمـك خـط الـمـجـد
بـيــدك الـحَـل والـعَــگــد
أدري بـالتـصّـعَـب تـحـلـهـه
*---------------*---------------*
عـلـي چـنـك كـفــو مـنـك يـغـالـي
أسَـد تـزئـر عـلـى العسكـر قـتـالـي
فـده أزنـودك رسـم زودك خـيـالـي
يـبــو طـاهـر ألـك ظـاهـر وصـالـي
اعـرف اتـخـوّف الـزلـم
وهـل عـسـاكـر مـاتـهـم
خلهه تحچي الـكـوفـه خـلـهـه
*---------------*---------------*
أوصَلوا داري وأنـه ابـنـاري اصدهـم
الـزلــم لَـمـه أجـو هِـمـه بـحـقــدهـم
اخـذ حيـفـك يَـمـن سيـفـك يـردهـم
بطـل تـرهـب لـچـن احسب عددهـم
احـذر وطـب للـحـرب
بموقفـك سـر الـگـلـب
وگـفتـك تـحـلـه ابـمـحلـهـه
*---------------*---------------*
الـمـجـد كـلـه ألـك يـحـلـه بصـمـودك
يَسـد تدري أنذرت عـمـري الـوجـودك
بـدمــع يـنـزف يـرب اهـتـف يـعـودك
اشـبـعــد خَـلـوا أذا وصـلـوا حـدودك
ذَكّـر الـجـيـش بـعَـلـي
يابـعـد روحـي وَهـلّـي
تـدري نـاس اعـدآك كـلـهـه
*---------------*---------------*
الـزمـن شـاهـد تـضـل خـالــد يـهـيـبـه
وَفّي الدينه فـده أحـسـيـنـه وحبـيـبـه
فـلا تـهـتـم رخـصّـت الــدم عَـجـيـبــه
الشرف ضفتك يمـن قـصـتـك غـريـبـه
تـوّجَـك ربـنـه بـشـرف
والـوفّـه بـيـك انـعـرف
قـصّـتـك مـاكـو مـثـلـهـه
*---------------*---------------*
خادم مسلم ابن عقيل ع
✍الشاعر رعد الجريخي
القصيدة لليلة الوداع على لحن الحاج باسم الكربلائي الوداع الوداع ✍️ الضيــاع الضيــاع بآچـر إخواني ويـن
***********************
هذي آخــر ليلة يمـي وباچر آنــه بيا رزية
ينذبح كل ساعة غالي وراسه برماح آل امية
باچــر من اطيح أخوي أمشـي ويـاهم سبيـة
لوتشوف شلون حالـي تموت مرتين الزچية
الضيــاع الضيـاع بآچـر إخواني ويـن
***********************
وين اروح من المصايب لون ذبحـو كل زلمنه
تهجم عليــه العســاكر وما تظـل خيمة التلمنه
تبچي حتى السمه عليه من يكَـع باچر علمنه
ما يهــابون الضعينــة الجاي والرايح شتمنه
الضيــاع الضيــاع بآچـر إخواني ويـن
***********************
بكربله مـن المصايب حتى عمري راح امِله
باچر شچـم مَرةَ راح تموت يـّـم جسام رمله
باچر السوح المنايـة حسين يأخذ حتى طفله
بحضنه عبدالله اشوفه بركَبتــه تاكل النبــله
الضيــاع الضيــاع بآچـر أخواني ويـن
***********************
الچنت أشوف بوجهه جدي هاي آخـــر ليلة عمره
ويلي من باچر يويلي لـو شفت مكَطوع نحـــره
أَطلع على التل وأشوفه تسحكَ الخيل على صدره
خاف يطَلــع كَلبه كلــه؟ لــو سهـم كَلبـه أجـــره
الضيــاع الضيــاع بآچـر إخواني ويـن
***********************
العاشر بعاشــور باچـر ما تمــــر مثــله فجيــعة
مدري باچركَلبي يوكَع مدري أخوي على الشريعة
عمت عيني شكَد جريئة وأنظـر چفوفة الكَطيعة
لو يرد عبـــاس ليــــة حتى ضـي عيني ابيـــعة
الضيــاع الضيــاع بآچـر إخواني ويـن
***********************
كإِن مـو جدنـــه محمد تناسـو العترة وفضلها
تبَچـي أحـزان الفواطم عنها راح تروح كلـها
من يظل وي الضعينة لمـــن يذبحون أهلـها
بعد مـا يرجــع شملنـه مُرعـب الليلـة شكلها
الضيــاع الضيــاع بآچـر إخواني ويـن
***********************
من يشب بينـــه المُخيم وتنذبح باچــر أخوتي
ما يجيني الكَطعو أيـده حتى لـو يوصَله صوتي
بحيرتي بكـل العوالــم ماكـو بالدنيــــه وبَلوتـي
البشــر أمنيتـه حيــاته وآنـه كل امنيتي موتـي
الضيــاع الضيــاع بآچـر أخواني ويـن
***********************
زينب الماكو بخدرهــه من بعـد ذيــچ المهابه
التشبه القرآن چـانت إل الله جللها بحجـــابه
وي بنات حسين أخوها كَامت تبـــات بخرابــه
عالهِزلّ للشــام باچـــر لا أهلـــها ولا كَرابــــه
الضيــاع الضيــاع بآچـر إخواني ويـن
***********************
حيدر حسين الكَرعاوي
وصية ام البنين ـ ع محرم1447 هـ
ياعباس ـ ياملـح الطف يالوفاي
ياعباس ـ اطلب منك حق ارباي
ارفع راسي اگبال الزهـــره وموت دون الولي
گل لحسين بدمي وروحي افديك يابن علي
ـ ياعباس ـ
ــ⊱☆☆❀☆☆⊰ــ
زودك باول غاره ـ خل توصلني اخباره
يل مثل السيف احروفك تشبه حامي الدخيل
وجهك من يتبسم ـ يعني الصارم دمدم
برواح الوادم يخطف ويخلي الدم يسيل
ياصنديد الساده ـ اتخير روس القاده
انته الماواحد شافك اله ويصرخ دخيل
حار انته وماتبرد ـ حط العدوانك حد
يالمتخيل عالشگره ومالك بالطف مثيل
ياعباس ـ ياحارس صيوان ام اعون
ياعباس ـ بيك اخوانك يتـــــباهون
يالمرعب يالمالي الوادم خــــوف منك ملي
گل لحسين بدمي وروحي افديك يابن علي
ــ ياعباس ــ
ــ⊱☆☆❀☆☆⊰ــ
يبني البيك اكفايه ــ مسلمك حيدر رايه
مضخور اليوم الكلفه النصرت روح البتول
كلك غيره ونخوه ـ يا عنوان الخوه
يزماطي البيك اتباها وذكرت فحل الفحول
اسمع يابعد امك ـ افدي حسين ابدمك
بس كلمة صار اتگله اشما يامر وشيگول
طب للحومه ابزودك ــ قدم لجله ازنودك
وخل صدرك دون حسينك تسحك فوگه الخيول
ياعباس ــ افدي الهامه وافدي اعيون
ياعباس ــ لجل حسينك كلشي ايهون
ولا نتعذر زينب مــن اتصـــــــــيح يا كافلي
گل لحسين بدمي وروحي افديك يابن علي
ــ ياعباس ــ
ــ⊱☆☆❀☆☆⊰ــ
ياحي الله اوليدي ـ حربك بالطف عيدي
يربات الضيغم حيدر راوي اعداك الثبوت
طب زلزال اعليهم ـ فرصه اولا تنطيهم
واليشرد گد مايرجف وحده ايطيح ويموت
يالمهيوبه اوصافك ـ يوگف كلبه الشافك
يتخلخل وزن الگاع التمشي اعليها وتفوت
العسكر من توصلهم ـ ارماد ابريح اطشهم
وصوتك خ يسمعه احسينك غيرك لايعله صوت
ياعباس ـ اكسر ظهر اليتمادون
ياعباس ـ يم احســينك لايدنون
يبني افعالك كلها تشــــــيم كون توصل الي
گل لحسين بدمي وروحي افديك يابن علي
ــ ياعباس ــ
ــ⊱☆☆❀☆☆⊰ــ
اليمك حيله اتبده ـ لصغر بسيفك وده
تثلم تاريخ اجياله بچفك من تسطره
فقارك خزراتك ـ وبراسك ريشاتك
ابكلهن يبني انته اميز يلكلك مفخره
صوت الشافك يخنس ـ ما يكدر يتنفس
ماينسون السويته ابزغرك عل گنطره
دكلك عالشط ثايه ـ بس لاتشرب مايه
خاف حسين ايضل ضامي وشفافه امفطره
ياعباس ـ حاذر گبله اضوگ الماي
ياعباس ـ ما اقبل يوليــــدي بهاي
ولخــــــيامك بالك لا ترجع دوم جودك خلي
گل لحسين بدمي وروحي افديك يابن علي
ـ ياعباس ـ
ــ⊱☆☆❀☆☆⊰ــ
راعي الغيره امسمه ـ وياسيل امن الهمه
يل صوتك بالطف يرعب يتسمه الفرقعه
عزب يمه الدينك ـ بيسراك وبيمينك
بالطف قربان انطيهن ذبهن عالمشرعه
واخر لحظه ابعمرك ـ انطر جيت ابن امك
من عنده اتعذر خاف امقصرين الاربعه
القصر لا ما عذره ـ ومنكم دوم اتبره
اليرجع سالم ماريده ولاسيف امگطعه
ياعباس ـ يا خيــــــــرة كل الشبان
ياعباس ـ عنك خل يحجي الميدان
وبيرغ نصـــرك يبني اكبال الناس خل يعتلي
گل لحسين بدمي وروحي افديك يابن علي
ـ ياعباس ـ
ــ⊱☆☆❀☆☆⊰ــ
✍الخادم
كامل السعيدي
نزال الام البنين ع
محرم 1447 هـ
ام البنين الفــاگده اتنـــــوح
لجل الحسين المات مذبوح
ـ--------------------ـ
بشر ابن حذلم من اجه وصاح
يهل المدينه حسيـــــــنكم راح
دارت عليه اســــــــيوف ورماح
سمعـــــــــته أونت ونت الدوح
ـ--------------------ـ
تركض لفـت والگلـــب بي نـار
صاحت يبن حذلم شـنو الصار
عن الحســــين اشعدك اخبار
كلها بقه اعله الگاع مطــــروح
ـ--------------------ـ
اشسوه ابولدها شعامل البين
ما ســألت وكل همه الحسين
عالزهــــره ضلت تهمل العين
تواســـــــــيها والدلال مجروح
ـ--------------------ـ
ما صـــــح مثـلها بالنساء دوم
اتضــحي ابولدها الاربعه ابيوم
وخـافن امقصره ابروحه اتلوم
للزهره همها اتقــــــدم الروح
ـ--------------------ـ
لوعشــره عندي اتگول شبان
لحســـــين كلها انطيها قربان
آيات همه وهــــوه قـــــــرأن
فـدوه البنين الخاطره اتروح
ـ--------------------ـ
✍ الخادم
كامل السعيدي
محرم 1447 هـ
يامولاي حسين ـ يامولاي
يحسين انته بالروح ـ ساكن مااعوفك
ماشفـتك بالعيون ـ بس بگلبي اشوفك
اشعر صدري يرتاح ـ بالحضره امن اطوفك
يا اعـــــز كل ناسي
يالملكت احساسي
اوياك ارفع راســي ـ وفخر هولاي
يامولاي حسين يامولاي
ـ////////////ـ///////////ـ
اشتسوه الدنيه مولاي ـ لو ما انته بيها
وخدامك يالحســـــين ـ حبك محتويها
طعم الخــــدمه محلاه ـ ومتعود عليها
يالمــــــكبر شاني
ياســـــليل احزاني
شعندي غيرك آني ــ واگف اوياي
يامولاي حسين يامولاي
ـ//////////ـ//////////ـ
عاشورك يالحسـين ـ متحــــزم ونطره
ومحضر نعي هواي ـ يوم المقتل اقره
منك للعزه نريد ـ يابوســـــكينه نضره
المجلس ايضل دائم
حد ضــــــهور القائم
ما اهــــــــــــم بالائم ـ لوفته بهاي
يامولاي حسين يامولاي
ـ//////////ـ//////////ـ
الدور غيرك ايضيع . متعافي اعله خيرك
ينذل كلش هــواي . مـــن يخـدم لغيرك
وين بشـدته ايروح . لو ما يستـــــــجيرك
يبــــو الفي الكافي
يبو الگلب الصافي
الباغضك متعـافي ـ وتايه الراي
يامولاي حسين يامولاي
ـ//////////ـ//////////ـ
نشكر الله خـــــدام ـ خــلانه ابعزائك
الخادم يعني سلطان ـ متباهي ابولائك
نندب ليتـــــنا اوياك ـ كلنه ابكربلائك
ســــــيدي وعيونك
نموت بالطف دونك
فنهم ايمســــــونك ـ اعداك وعداي
يامولاي حسين يامولاي
ـ//////////ـ//////////ـ
✍الخادم
كامل السعيدي
قصيدة للامام الحجه ع
محرم 1447 هـ
يبچن اعيونك دمه ـ لبن حماي الحمه
هذا بضعة فاطمه
يابوصالح
ــ⊱☆☆❀☆☆⊰ــ
يا بوصــــــالح هل محــرم وبتدت احزانك
تبجي لجل حســين من دم خلصت ايامك
يعيد مشهد سحگ صدره بكل وكت گدامك
ما تطيب اجــروح گلبــــك ماتهـــيد آلامك
للي بالطف منذبح ـ وراسه مرفوع ابرمح
تندب الحد الصبح
يابوصالح
ــ⊱☆☆❀☆☆⊰ــ
الچمن حسين بمحرم اصبحن لچماتك
اجروحه الف وتسع ميه وكلهن مأذياتك
اتشيغ روحك كل مسيه وتنفجر دمعاتك
بالگلب يبن الزجــــيه اتكاثرن صــدعاتك
صاير اهلال الظهر ـ اذه كلبك هالشهر
نوح خلصت الدهر
يابوصالح
ــ⊱☆☆❀☆☆⊰ــ
جمـــرت ايتامــــــك لهسه تلســع برجلينك
عايش الطف لحظه لحظه وشايفه انته بعينك
يابوصالح كل محـــــــرم نندب الله يعيــــنك
ماخلص حزنك يمهدي اويه امتــداد اسنينك
الك يامحي السنن ـ نبجي بالسر ولعلن
مارحم بيك الزمن
يابوصالح
ــ⊱☆☆❀☆☆⊰ــ
ياجرح من عدهن اكثر هـدم بالطف حيلك
وعلى ياموقف مألمك ســــاهرت كل ليلك
اهواي يامهدي المصايب شذكر وشرويلك
بس ســـبي الحـــره وهزلها نايبه امسويلك
من اثر دخان الخيم ـ ابوجهك الطف انرسم
ابصدرك آلام السهم
يابوصالح
ــ⊱☆☆❀☆☆⊰ــ
يمتى يبرد لهب گلبك يمــــتى تاخذ ثارك
وترتفع راية الثوره واحــنه كلنه انصـارك
يمتى تگطع راس كل شر سيدي ابفقارك
عالجمر يالمهدي والله ننتـظرها اخبارك
يامان الماله امان ـ وين ساكن يامكان
الفرج ردنا من زمان
يابوصالح
ــ⊱☆☆❀☆☆⊰ــ
✍ الخادم
كامل السعيدي
(يلرايد تون)
...............
يلرايـــد تــون ون اعلــــه حالي
آنا ألــــي صفيـــت ابلايـــا والي
..............................
أنـــا ألـــي جنـت حــره وأميـره
بين أهلــي الهواشــم والعشيره
خلونـــي بمكانــه شكـــد جبيره
حامينـي ألشهـــم والكلـــه غيره
عبـــاس الوفـــــي الكـــام بدلالي
,,,,,,,,,,,,,,,,,,,,,,,,,,,,,
وي حامي الظعـن جنت وكفيله
بفضلـه امدللــــه أختـــه العقيله
لو طحت بهظــم أمشي أشتكيله
شبــــل المرتضـــى مامر مثيله
غالـي كافلـــــي ومامثلــه غالي
,,,,,,,,,,,,,,,,,,,,,,,,,,,,,,
جنت ابزود اخوي أمشي بمهابه
في واكـف ألـــي مثــــل السحابه
هــد حيلـــي أبوالغيــــره بمصابه
اشلــون أحمــل يهالــوادم غيابه
صعبـــه من تمـــر بعـــده الليالي
,,,,,,,,,,,,,,,,,,,,,,,,,,,
جرحي شكد صعب يا هالبريه
سوت كربلـــه الماصـــــار بيه
ماأنســه أبــــد ذيـــــج الرزيه
ماظلــــت أهـــــل تفــــزع أليه
خالـي بلا زلم ظل بيتــي خالي
,,,,,,,,,,,,,,,,,,,,,,,,,,,,
عيلــه بلا زلــم بالطف صفينه
راح الكلـه غيــره الوينه وينه
راحـو والسبـــي حـــول علينه
وحبـال اليســر صــارت بدينه
وهذا ألي سده وهــذا الجرالي
...............................
خادم أهل البيت(ع)الشاعر: حيدر كامل العبودي
لقرب استشهاد الإمام محمد الجواد عليه السلام نبدء بنشر ما وفقنا الله لكتابته
،،،،،،،،،،،،،،،،،،
على امصاب الجواد الروح لايت
ومثل مزنة دمع بل عين لايت
اجه ايعزي الشرع هل يوم لايات
وفاطم هل مسه نصبت عزيه
،،،،،،،،،،،،،،،،،،
لرض بغداد اجت فاطم وياهه
الحزن حداي چن ناره وياهه
تگله اعليك اسوم الله وياهه
اگعد يل جواد وصد عليه
،،،،،،،،،،،،،،،،،
صد لمك يبعد امك وعينه
وعلى الحسرات ساعدهه وعينه
المصايب للعلل يبني وعينه
ولچمن چم ظلع مكسور بيه
،،،،،،،،،،،،،،،،
لچمن چم ظلع يبني ويارن
دمه وحسرات بيَ اگصن ويارن
الغيري ما اظن عرفن ويارن
اليالي وبس حزن يهدن أليه
،،،،،،،،،،،،،،،،،
وحگ سهـم الگطع گلبي شعب بيه
حـزن وهـمـوم لــو ونـه شعب بيه
الضلع مكسور وتـچـمـل شعب بيه
لــفــاه مـــن الـلـطــم بــالـكـاظـمـيـه
،،،،،،،،،،،،،،
على الصاح بضعيف الصوت والماي
ولـعـد حـزنـچ بـعــد يــاروح والماي
التقي بسموم گلبه انـجـسـم والماي
بــيـد أم الـفـضـل مـثــل آل أمـــيــه
،،،،،،،،،،،،،،
لخادم خدمة الحسين ع
ابو عمار الدراجي
(الهادي والجواد )ع
ليش محروم الهوه وماي كلبك ماروه انت ياتاسع ضوه
بويه بويه
***
الشال من عينـه عزيزه شله عايــــــش بالحياة
طاحت الخيمه الجبـيره العالولد واعلــه البنات
راح ابوي الغالي عني وسدة اعيونــــه الوفاة
مرمرت ريكي المصيبه وكمـت انازع بالممات
شفته ساكت ماحجه وكلبي ناداه وشجه نزلت ادموعه وبجه
بويه بويه
**
كاسر اضلوعي مصابك آنه مثلك هـــم متت
رجفت اعضامي يبويـه يالحنــــــين وشيبت
ليش نايم عالوطيــــــــه وبالتراب اتعفــرت
شلون جا بيتك تعوفــــه يالعزيــــز وسافرت
حيل مابيه وطحت يالجواد وحدبت منك آنه اتيتمت
بويه بويه
***
الله وكبر عالظليمــــــــــــه الله ولحــــــد عالمصاب
الشمس جوت اخـــــدودك سومرت وجــه الشباب
ذابله ارســـــــــومك يغالي وكَالبــــــه ألوان الثياب
امبين امن العطش بويـــــه اهواي رافـس عالتراب
حيل جبدتك ملتهب ماضكت ماي العذب من حياتك تنسلب
بويه بويه
***
وسفه يالروحك عطوفه وخيـــــر وكلش سمح
نازعت روحك اضنها اهواي حيل اعله السطح
جالعت بالمــر مماتك والجرح يلجــــــم جرح
اتلث ليالي الليل يبجي امناوب ويـــــاه الصبح
ناحت انجوم السمه آخ يابن فاطـــــــمه والمدامع ساجمه
بويه بويه
***
كَلبك الينكط محنـــــــه ليش بالســـــــــم انطعن
عم إلك مثلك تســــمم من كبل جبــــــد الحسن
لاجن المامثل يومـــه ولاشبيه ابكـــــل زمن
الداسته الخيل الثجيله وطحنت اضلوعه طحن
المامثل يومه جره بيوم حزو منحره والضلوع مكسره
بويه بويه
***
ذكرتني بجـــــدي ذاكه الباكت اهـــدومه الغرب
سلبت روحه الحـــوافر مردت اعـــروك الكَلب
بالشمس عطشان ريجه وهوه عاري اعله الترب
اعيونه طمتها الترابه وعالوجه جســمه انكلب
مايبقت عنده خيم وعالنهر طاح العلم مامثل جرحه ألم
بويه بويه
***
ابو علي الركابي
بيت الوحي مهموم يبجي على المعصوم
شاب الأمام وراح ابن الرضــا مسموم
***
بيت البي نزل جبـــــــريل بآياته
الكل الناس تدري اشكد كراماته
دار ابن الرضا المعروفه وكفاته
ظلمه وموحش ومطفيه شمعاته
ماينســــــمع آذان لا رتل القـــــرآن
وين الجواد اليوم ابن الرضا مسموم
***
خالي البيت وحشه امن الابو الليله
الله ايعين شنهو اشـــــــحاله العيله
والله ايساعد ابنه الي انهـــدم حيله
والهادي حـــــزين اجنازته ايشيله
شاله بنعش زتاه واعله الكبر ينعاه
كلبه بحزن ملجوم ابن الرضا مسموم
***
يبجي الهادي والدمعــات سجابه
شيفيد العمر لوشــــــالت احبابه
آه اعليك ينعه وصـــــاح يايابه
يطحن بالكلب ماينســـي اغيابه
كل بالـــــه مايرتاح لامايـــرد الـــــراح
يكضي العمر مالوم ابن الرضا مسموم
***
الله ايعين ابنـــــــه الهادي ماينسه
بس شـــــــوفة الوالد للولـد ونسه
اشحلاة البويه من ايكولها ابحسه
حيف الأبو يروح وينكطــع نفسه
مايرجع ألنـــه المات يكضي الوكت لجمات
من الدفــــــو محروم ابن الرضــا مسموم
***
ينعه من يكــــــوم الهادي يتوضه
شيعوض العزيز الراح شيعوضه
مايرضه يهيــــــد الكلب مايرضه
والعايش حياتــــــه اوياه والكضه
بيت الامــام اينوح ينعه بهظم مجروح
عكب الولي مهدوم ابن الرضا مسموم
****
ابو علي الركابي
رئيسيه إلى الأمام محمد الجواد ع
كونك تريد إنت إمراد •• إكصد ضريح الجواد
لامايردك••••••لوطلبه عندك
★★★
من توصل ضريحه قبل أعتابه
وإكتب إسمك بدمعاتك إبابه
وذكر سم چبده ولوعةإمصابه
وحلفه بجده ذاك السلبو إثيابه
•••
بس يسمع بذكر حسين••يبچي ويهل دمع العين
تنسر أوعدك••لوطلبه عندك
★★★
تره الجواد هذا وارث أجداده
صيته بالكرم مرتفعه أمجاده
كل واحد يكصده ياخذ إمراده
إلك. برهان إسأل. عنه. وفاده
••••
كلمن حزين ومجروح••الباب الكرم خل يرح
بيده يضمدك••لوطلبه عندك
★★★
مناهل للعطايه والكرم. عنده
كريم. إبابه تنحل والله كل شده
مثل جده الحسن هم كطعو چبده
وتره إم الفظل ورثت حقد جعده
•••
غدرت إمام الأبرار•••وقبله صبح للأحرار
إندب يكصدك ~~~~لوطلبه عندك
★★★
تره الجواد مثل الكاظم بجوده
ذاك. اللگبر مافارك. إقيوده
إله تشهد مناقب. لسه موجوده
وين المعتصم وقصوره. وجنوده
••••
ماظل أثر للأحقاد ••••وعدنه إسود إبغداد
بالشده سندك••••لوطلبه عندك
★★★
للشاعر نسيم
الحميداوي
#قصائد_محرم
#بصوت_ملا_احمد_الزوار
(أرفع ألواك)
.....................
أرفــع ألــواك ــــــ علــي ويــاك
يبوفاضــل يبوفاضــل
........................
ها يصنديد* يلعضيــد* يبن عقـد الوله* تنادي كربلــه* هله بسيفك هله
هــد يكفـال* يحــلال* ترانـي بمشكلــه* تحـل المعضلــه* بديك المسأله
بسدك أتنام* يضرغام* عيون العايله* وتعيش امدللـه* يراعي المرجله
كلنه بحماك ـــــــ علي وياك
يبوفاضل يبوفاضل
,,,,,,,,,,,,,,,,,,,,,,,,,,,,
ترفع الراس* يعبـاس* يسبع الكنطـره* وجودك مفخـره* يضنوة حيدره
كونك أوياي* يوفاي* اعيش امخدره* عزيزه اموقره* أحس افضل مره
ألك صمصام* يضرغام* رهيب بمنظره* يسوي الماجره* أبد مارد وره
أفزع أنخاك ـــــ علي وياك
يبوفاضل يبوفاضل
,,,,,,,,,,,,,,,,,,,,,,,,,,,,
تفـزع بزود* يبوالجــود* وترويها بدمــه* يبدر بالسمـــه* يعباس ازلمه
أيدي بيديك*وأظل بيك*يخويه املازمه*يبن حامي الحمه*وكت كل موزمه
عند الحسين* وأبوحسين* وكفتك حاسمه* يليث الغانمه* تشكرك فاطمه
ناذر أدمـاك ـــــ علي ويـاك
يبوفاضل يبوفاضل
,,,,,,,,,,,,,,,,,,,,,,,,,,,,,,
كمر عدنـان* ألك شآن* وألك صيت وعلم* تسولف بي زلم* بطل ماتنهزم
وكت الاحروب*يمهيوب*أحس بيك العزم* أشوفك ماتهم* بحروبك مبتسم
شايل أحسـاس* مينقاس* أعرفنـك شهم* رجل كلش مهم* يكافل والنعم
صعب ملكاك ــــــ علي وياك
يبوفاضل يبوفاضل
,,,,,,,,,,,,,,,,,,,,,,,,,
برايتك صول*عرض طول*وتدنه اعله العده*بده وكتك بده*أسير الطف غده
أنظر وشـوف* بالاطفــوف* جنود امجنـده* تريد المكيـده* وأخيك وحده
يومك اليوم* وصل كوم* يكافل موعده* وقتالك جدده*بجيوش أهل الرده
حارب أعداك ـــــــ علي وياك
يبوفاضل يبوفاضل
........................................
خادم أهل البيت(ع)/الشاعر: حيدر كامل العبودي
07815363696
/channel/+QYhwKs0Xy1h303S6
• كل عام وانتم بخير
• كل عام وانتم تحت رعاية
• ذَلِكَ الغائب عن العيون
• الحاظر في القلوب صاحب الزمان
• عجل الله تعالى فرجه الشريف
.
.
.
#متى_اللقاء
بـالـغـربـه مـلـيـت الصبـر يــومـيـه ادورلـهـم عـــذر
وٱتنطر لــ ملگاهم وٱتنطر لــ ملگاهم
*---------------*---------------*
يـومـيـه اگول ابّـاچـر الـخـير
ورفـت دلـيـلـي اتشابـه الطير
حگـهـه التفارگ اربـعـه اتحير
لحد يـگـلـي ابـهـذا مـيـصـيـر
مــا انـصـف ويـاي الـزمـن خـلانـي بـالـهـم والـمـحـن
*---------------*---------------*
تـنـزل دمـعـتـي وتـتـرك آثــار
خلوني وحـدي وماكو اخـبـار
ياهـو اليگلهم بـٱمـهـم اشصار
شـيّـب گـلـبـهه ومـسـتـعـر نار
مـا احـمـل احـزان وجـرح سـهـرانــه اظلن لـلـصـبـح
*---------------*---------------*
احسب ليالي وگلبي مـشـلوع
وچفوف ادي طبعت بالضلوع
غير الوِلِد مـا عـنـدي موضوع
طَفّوا حياتي الچانوا اشـمـوع
عـذبـنـي يـا نــاس الـبُـعـد مــــا اگــدر عـيـونـي أسِـد
*---------------*---------------*
يا يـوم اشـوفـن تعبي يا يوم
بالغربه وحدي ابنص الهـمـوم
حصتي السهر ما اعرف النوم
حته الحلم بـعـيـونـي معدوم
عافوني ما ادري الـسـبـب مسموح اوصل إلهم عتب
*---------------*---------------*
بـس ذكريـاتِ الـتـجـرح البال
طـال الغياب وحـالي هالحال
ماكـو خـبـر لا جاني مـرسـال
والليل احسه لــ روحي چتال
شـلـون اصـبـرنّـه الـگـلـب اتـسـلـه بـدمـوعي التصب
*---------------*---------------*
يلفي الـغـرب والمدمع ايـزيـد
إلـمـن اريـده وعـمـري شيفيد
مـا بـيه اروح واگـطـع الـبِـيـد
واطوي الفيافي ودرب البعيد
احــلامـي بـيـهـم انـجـمـع مـتـعـذبـه بـٱشـواگ ودمع
*---------------*---------------*
✍خادم ام البنين ع
الشاعر رعد الجريخي
لـ مسلم ابن عقيل ع
(موشح)
. مـثـل حمزه بـهـيـبـتـه وحــزامــه
شــردت اشــبـاه الــزلــم گــدامــه
*---------------*---------------*
مـثـل حـمـزه اتحزملهـم بـالـحـرب
واحــد وخـلاهـم بـموقـف صـعـب
نـومـس الـبتـار مـايخطي الـضـرب
عالـصـدر شال الشجاعـه اوسـامـه
*---------------*---------------*
مـا يـهـم كـثـرت عـددهـم مـايـهـم
اتـخـورست كـدامـه اشـبـاه الـزلـم
ضـربـتـه بالـسـيـف يـرسمهه رسـم
سـيـفــه يــنــدل الـرگـب والـهـامـه
*---------------*---------------*
الـگـابـلـه غـيـر الممات شـيـنـتـظر
شـافوا ابصولاتـه انـجـوم الـظـهـر
يــرجــف ومـرعـوب إلـيـمــه يـمـر
ايـطـيـح وحده وما تشيله اجدامه
*---------------*---------------*
اليجيه لــ روحـه قـاريـهـه الـحـمـد
يــدري لـــو لاگـاه ســالــم مــايــرد
الــبَــــرز لـلــمــوت لازم يـسـتــعــد
و الــشـــرد مــحــد اجـــــاه ولامــه
*---------------*---------------*
دخلوا بساعـة صـفـر مـن ارتـجـل
چـن عـلـي الـكـرار لـلـعسـكـر نـزل
مـا يـهـم بـعـدادهـم اهـل الـجـهـل
وكشف عـن وجـه الضلاله لـثـامـه
*---------------*---------------*
هـذا مـسـلـم لـلـمـراجـل مـعـتـلـي
وارث الصولات من حمـزه وعـلـي
كلهه يـاروح الشـهـاده اسـتـقـبـلـي
اتـحـمـل اجـروحه وجـمـيـع ألآمـه
*---------------*---------------*
✍️خادم مسلم ابن عقيل ع
الشاعر رعد الجريخي
على لحن التراث يا محلى الوداع بهالمسية ...مسلم السفير ع ✍️ مُسلم يا سلام الله على صحنه كَبرهَ تكَول جَنه
ترد تشتــاق ألــه مــن تـــرد مِنــه
***************************
لو راد الله يرفع واحد من الناس ويعظم مقـــــامه
يخلي يم ضريحه ينحني كل راس وينطي هالكرامة
مسلم دوره من دورالكَمرعباس هم ضحه لإمـامه
وبهــاي الشـــهادة صارو هســه قــادة
منائــر يفتخــر بيــهم وطنــه
***************************
هيچ الي يريد تخَلِده الأجيــال يوهــب دم وريـدة
يضحي وما يهزه بيوم قيل وقال من أجـــل العقيدة
نعزي آل النبي لدم نحرك الي سال ونواسي حميدة
الما حضرت مصـــابة الماتت من غيـــابة
صاحت بويــه هم يلتــم شملنه
***************************
ذولة أحقادهم عالعترة موهاليوم من يـوم السقيفة
رادو مِنه مُسلم يترك المعصوم ويِطيـــع الخليفـة؟
مظلوم الحُسين وهسه هم مظلوم والعتـرة الشريفة
مُسلم مــا يجــــامل عالمبــــدأ يقــــــاتل
فنـه اليدنــي يــم فقــاره فنـــه
***************************
ألك هذا العهد يا مُسلم بعاشـور من هــاي المنــابر
شما رادت طُغات الدنيا هاي تجور ننطيـكم منـــاحر
دم حشدك أمس لمن أجاه الدور لسه على السـواتر
بأمــر المرجعـــية كــلا آلُ أُميـــــــــة
فـدوة نروح لَجــل الوطــن كنــه
***************************
أحنه نريد ينقهرون من عدنـــه امنّنقــيم المَـــآتم
عابس صار هذا اليوم وآحدنه وعالمذهب يقــاوم
نسحكَ راس كلمن عنكم يردنه وأي سفياني ظـالم
ما يثنيــنــه حـــاقد نموت على المــراقد
يظـهر باچــــر المهدي أملنــه
***************************
يا مُسلم عهـد ما نترك الخدمة شنكـَل؟ للزجيــــة
أبنهه حسين بالطف حركَو خيَمة وطفـو عين أخيـه
الله يلعـن الكلــمن سَعـه بظُلمـه ويلـــعن آل أميــــة
السَنَــت هالمجـــازر يلعنــها الله باچـــــر
الرادت امــس تهــدم كل مُدِنــــــه
***************************
حيدر حسين الكَرعاوي
موشح...ام البنين
لو عليك اجبال من هم دنيتك
انخه أم عباس واطلب حاجتك
.....
لو عليك اجبال من هم الارض
واخذت ايدك دنيتك طول ابعرض
اهدي لام عباس چم ركعه فرض
گبل لا تختم تكشف كربتك
.....
لو عثر بيك الزمان ابمشكله
انخه ام الكمر واگصد كربله
تسمع تگلك هلا ومية هلا
اطلب وتبشر يزاير طلبتك
......
لو تزم حولك يصاح الموزمه
واصبحت دنياك صحره ومظلمه
اشكي حالك يم عزيزة فاطمه
بيد ام الوفه تنحل عگدتك
.....
شما تحس گلبك بالاهموم انضهد
و اردف اعليك الوكت سيل الشدد
مدد يا ام الگمر نادي مدد
غيرها ما تلگه حل الشدتك
.....
لو جسه اعليك ابدواليبه الدهر
بالوفيه تلوذ من چيد الخطر
من تحلفها بسهم عين الگمر
لا تگول بيوم خايب ردتك
......
هاي ام عباس عنوان الوفه
باب للحاجات دوم اموصفه
والكرم صارلها عنوان وصفه
حاشه وكت الشده ضايع خلتك
......
خادم ام البنين
حسام ناجي الحلي
فاطمة العليله ع محرم 1447 هـ
هل محرم وبتدت احزاني
وبالضعينه فارگيت اخواني
يالغريبه ـ صار عنواني
ــ⊱☆☆❀☆☆⊰ــ
گبل الســفر واحد وره الثاني اشبكتهم
وامتـــونهم نگعت دمــع مـــــن ودعتهم
مااكدر اوصــــف حيرتي مــــــن فارگتهم
وجي ماخذوني اويه الضعن هم عاتبتهم
المثلي الله اعله الوداع ايعينها
اوحيده وي احزانها امخلينها
يالغريبه ـ صار عنواني
ــ⊱☆☆❀☆☆⊰ــ
نوگ الســفر مـــن نوخــن ضهري حننه
والشده گبرت من شفت مجفين اهلنه
أگليــــــــــــبي وياهــــــم حچه باليوجعنه
جا هـــــيه سهله وانحـــــرم من المحنه
داري ضلمه وماتعلت نارها
فارگوها ازغـارها وكـــبارها
يالغريبه ـ صار عنواني
ــ⊱☆☆❀☆☆⊰ــ
ودعت چــم ذكرى لمن ابعد ضعنهم
موبس منازلهم طفت موحش وطنهم
كل لحـظه گلبي ابلهفته يسألني عنهم
اتنطر اخبار ورسل توصـــــــلني منهم
وحدي محد ضل يحس بحالي
افراگ اهلي هم صبح چتالي
يالغريبه ـ صار عنواني
ــ⊱☆☆❀☆☆⊰ــ
وشل دمع عيني وبعد مابيه دمعه
راح الضعن عني وابد مامنه رجعه
گلب المفارگ بس يحن معروف طبعه
بس اليون من الالم محد يسمعه
احلامي كلها راحت وي اعزازي
شـــــــــبه ميته وانتظــر جنازي
يالغريبه ــ صار عنواني
ــ⊱☆☆❀☆☆⊰ــ
اميبس اغصاني الي شوك الاحبهم
وطايرت مثل الورگ روحي بدربهم
لابيه اضل لابيه حــــيل اتبع اثرهم
مليت من كثر النشد ونطر خبرهم
اوياي جرحي ينتظر ويتاني
يشفه لمن ترد ليه اخواني
يالغريبه ــ صار عنواني
ــ⊱☆☆❀☆☆⊰ــ
بدرب الضـعن گد مانحت عالمايجيني
حتى الدرب ضل يفتهم نوحـــي اونيني
كل مغرب ايســـر علّي شوگي وحنيني
فراگ الاهل مثل العطش عاميلي عيني
ضوگوني دموع عيني المالحه
وبدربهم عيـــني ضلت شابحه
يالغريبه ــ صار عنواني
ــ⊱☆☆❀☆☆⊰ــ
✍الخادم
كامل السعيدي
قصيدة الخدمه محرم1447 هـ
خادمـــك خليـــــني ــ ابمجلسك ربيني
انه من دونك اضيع ــ حبك ينجـــــيني
ــ⊱☆☆❀☆☆⊰ــ
انه ماعيشن حياتي ابلايه خدمة منبرك
العايفك غلطان والله ابكلبه ابد مادورك
يالوجودك يمي نعمه
خلصتلك عمري خدمه
والله لو انطيك عمري
اشويه احسن من اقدمه
من صرتلك خادم ـ والله ابد مانادم
انه من دونك اضيع ــ حبك اينجيني
ــ⊱☆☆❀☆☆⊰ــ
انه موذاك المواسي وعندي تقصير شكثر
وانته الي بكل الشدايد حاضــر وماتعتذر
ريت كون النار بيــــه
ولاتشب خيمة رقيه
وكون دون مخدراتك
تحتـــــرك بالنار اديه
روحي اطشها اگبالك ـ يالچثيره افضالك
انه مـــن دونك اضيع ـ حبك ينجيــــــني
ــ⊱☆☆❀☆☆⊰ــ
بگلبي جمرات المخيم تسعر وماتنطفي
بالطم والنوح لجلك روحي ابد ماتكتفي
يلي ضحـــيت بعيالك
منك شيوفي البچالك
والحوفر مــن سحگها
ترست الگاع ابوصالك
اشنفعي من تبريري ـ اعفي عن تقصيري
انه مـــن دونك اضيع ـ حبك ينجيــــــني
ــ⊱☆☆❀☆☆⊰ــ
بلا مقابل دوم اخدمك وانته تعلم غايتي
انتـه اعـرف مـني بيـه وادره حـتى ابنيـتي
بيك اواسي الزهره رايد
حيلها ابعاشــــــــور بايد
والان تحضر كل عـــزيه
احضر اقرالك قصــــايد
اوياها احيي امصـابك ـ يالسليبه اثيابك
انه مـــن دونك اضيع ـ حبك ينجيــــــني
ــ⊱☆☆❀☆☆⊰ــ
بصدري ريت اسهام صدرك كلها والرض والسحگ
ومثل عابس بيك افوزن وفتهم معنى العشگ
وثوبي الك يوميه اشگه
يالعشت بالريه شـــهگه
اقبلني يابوســكينه يمك
وطـــن مثلك وين الـگه
ابزغري لذت ابسورك ـ ومالي گلبي اينورك
انه مـــن دونك اضيع ـ حبك ينجيــــــــني
ــ⊱☆☆❀☆☆⊰ــ
✍الخادم
كامل السعيدي
نزال بحق مولاي الجواد عليه السلام
دين الله محزون. ودم تجري العيون.
لجل الجواد بكل ألم دم تجري العيون
$$$$$$$$$$$$$$$$$
الليله بمصاب أهل العلم. تبچي وحياره
مالومه دم يجري الدمع. بالهم تجاره
تاسع اليمه بالغدر. مفجوعه داره
بالسم توذرت چبدته ملتهبه ناره
ودنيانه صبحت مظلمه
حاله عجيبه ومؤلمه
مكسور ظهر ابنه ويون وبگلبه مطعون
لجل الجواد بكل ألم دم تجري العيون
$$$$$$$$$$$$$
بعمر الورد شاف العجب. وأعظم مأسي
وذرو چبده بلاذنب. اهل الكراسي
كل محب لجله منفجع لن وكته قاسي
وينادي لجله ومنهظم. ياتاج راسي
هتكو الدين أهل الكفر
نبچي ونون طول العمر
افجع الدين المعتصم وخيبهه الظنون
لجل الجواد بكل ألم دم تجري العيون
$$$$$$$$$$$$$$$$
نواسي علي الهادي بحزن. ويهل دمعنه
ونشيع الغالي ونون. والمر جرعنه
هليله بآلام وقهر. يوم انجمعنه
باب المراد مصيبتك. بيهه انفجعنه
اهل الظلاله بلا رحم.
فجعتنه والدين انهظم
ماطاب ينزف كل جرح. جرحك فلا ايهون
لجل الجواد بكل ألم دم تجري العيون
$$$$$$$$$$$$$$$$
اهل الظلاله بلا رحم وذرو چبده
والحلم بعده مختفي. ماي وتبده
مطروح ظل مثل السبط يشبه الجده
مطروح ظل عله السطح وشلون نهده
جبريل من هل مدمعه
اينادي عظيمه الفاجعه
وأحبابه مفجوعه وتون. عالراس ايلطمون
لجل الجواد بكل ألم دم تجري العيون
$$$$$$$$$$$$$$
الخادم عبدالمعين الشمري
وصية لكل الخدام
محرم 1447هـ
ركز يخـــــــادم وفتــهم زين
بالك النفسك تخدم حسين
ـ-------------------ـ
بالك تزل ابخـــــــــــدمتك هاي
وتأذي گلب الما شـــــــرب ماي
اخدم حســـين ابنفسك اهواي
واحذر الخدمه الذات وجهين
ـ--------------------ـ
اليخلص بحب حسين ينهاب
ونفــرح لون طــاريه ينــــجاب
المتغـــذي مـن المـنبر آداب
فايز يضــل بالدنيـه والــدين
ـ-------------------ـ
شتحب النفسك حبه للناس
وختــــار بس التــرفع الراس
اتعلم وفه مـن اخوان عباس
وخلك لخــــــوتك لابد زين
ـ------------------ـ
للمجلس امـــن اتروح عناي
للزهـــره خلها روحتك هاي
جاي العزاء موللضحك جاي
خلك حزين وتدمع العــين
ـ------------------ـ
ابكل مجلس ام حسين تدرون
تحضـــــــــــــر تون وي اليونون
فاز التسـجله وفوزه مضـــمون
عـــــــدها انقبل وي المعزين
ـ------------------ـ
✍الخادم
كامل السعيدي
مأجور يا حيدر علي مأجورة يزهراء
...............................................
عجت أملاك السمه
والكواكب مضلمـه
علي يا حامي الحمه
قيم العزاء
نفخ بـــــوق القارعه
حان يــــــوم الواقعه
حسين لاكه مصرعه
وحان النداء
مأجور يا حيدر علي مأجورة يزهراء
.................................................
علـــــي حرز البسمله
ذبًحـــــــوا ناسه وهله
الوحده ما واحــــد أله
في كربلاء
عن يمينه وميــــــسره
علــــي وسبع الكنطره
روس ضلــــوا عالثره
بين العراء
مأجور يا حيدر علي مأجرة يزهراء
....................................................
وحده والعسكر حشد
أمنين ما فكـــــر يهد
أيسبـــح ويقره الحمد
كان الدعاء
من نضر طود الأجل
كـــــام للموت أرتجل
علـــــي يا خير العمل
شع الضياء
مأجور يا حيدر علي مأجورة يزهراء
............................................
نزل والعسكر هجم
وصار نيشان السهم
كلشـــي منه ما سلم
والشمرُ جاء
بكيفه جانت مشيته
وبيده جر أعمامته
حز وريده وركبته
فاض الدماء
مأجور يا حيدر يا علي مأجورة يزهراء
................................................
علـي يا بويه أنولت
زينب وبسمك نخت
كل أخوتـي أتذبحت
والله شاء
بويه تحضر حسبـت
وفاطمه تحضر ردت
بيكم شكــــــد حشمت
عنده البكاء
مأجور يا حيدر علي مأجورة يزهراء
.................................................
زينبك أم الخـــــــدر
أهلال بالطف منكسر
راس وجـفوف وعذر
عين الوفاء
مشت كوه عله الهزل
أكبال راس ابا الفضل
أتطيح وايجرها الحبل
بنت الأباء
مأجور يا حيدر علي مأجورة يزهراء
......................................................
خادم خدمة الحسين
الشاعر
محمد الموالي
كلنه امل يبن الرضا ومدينه ادينه عدنه حوائج سيدي وعينك علينه
نرفع دعانه يامرتجانه
عينك علينه
***
سليل اهــــل العلم يبن ثامـــــن نجم صرت تاســـع اسم يتــــــاج المعرفه
يخيرك عالبشــــر طفح جــودك بحر ملى اركــان الدهر حـــنان وعاطـفه
نهر مايك عــــذب صعب من تنكتب الكـــرم ماتنحسب صعب من نوصفه
ذهب وارث ذهب المحب منك طلب دعا وبأسمك ندب يســــــور الطائفه
بمجلس رثائك ننجمع يبن الزجيه واتوجهينه بهالمســــــــه للكاظميه
باسمك ندانه يامرتجانه
عينك علينه
***
يهل منه الدمــــــع الحجينه تســـتمع نحلفك بالضـــــلع يحاضـــربالشدد
زمنه اشكد صعب ثكل هــــم الكلب يمن تجلي الكرب بحق ربنه الاحد
بيقين وكل أمـــــل بمجالســـــكم نِحَل شــفى الكل العلل وطلب منكم مدد
بوجودك جن نحس شـــعرنه ونلتمس يمن وجهك شمس يخيمه النه وسند
انطينه من جفك يمن تنطي الهدايه تسمى عند اهل الوفى باب العطايه
ياسر ولانه يامرتجانه
عينك علينه
***
حوائجنه اشكثر واهم من كل امر دعانه بهالعصر العجل ثم العجل
الفـــرج للمنتظر الصبر كل حد عبر وصل حد الخطر نخاف امن الزلل
النفس هم سولت وخطـــايانه اكثرت وعلينه اتمـــردت فقط انتــه الامل
يحبل الله اشكلت على انفســنه ألتفت وعلينـــه سورت وكهف النه تظل
باسمك كلبه بهالمسه يالغالي لاهج باب المراد انته ونعم باب الحوائج
عندك امانه يامرتجانه
عينك علينه
***
نعم نشــــهد نعم يفوز اللي خــدم وينول افضل نعم بفضائل نعمتك
فخر لأهل الفخر ويهنياله الحضر عليه شخصك نظر يفوز بخدمتك
فزع ليــك الاجه ونذر عمره وبجه بدمع حزنه حجه تشمله برحمتك
ينور المقدســــه طلبنـــه بهالمسه بحــق خير النسه تلمنه ابخيمتك
ظلل علينه ابخيمتك يبن الكرامه سجلنه وي اهل العزى واهل الخدامه
تسمع بجانه يامرتجانه
عينك علينه
***
ابو علي الركابي
شفنه اهواي موتك يشبه حسين ياتاسع جـــرح تبجليك العين
***
سلام الله اعله يومــك يبن الاجواد
سلام الله اعله جرحك باب المراد
اذه الشـــــــــــيعه كلها واذه بغداد
ذكرنه مصابك ذيــــــــج الاجساد
الظلت عالرمل بالطف مطاعين ياتاسع جرح تبجيله العين
***
ياتاسع جرح مايرهـــــــم ايطيب
منه البالمهاد الترضــــــع اتشيب
ياجمره بكلبنه امصـابك ايصيب
سالفتك بواجي وتنكضـي انحيب
يا ابن الرضا ويبن الميامين ياتاسع جرح تبجيله العين
***
امصابك يالجواد اشـــــكد ألم بيه
صعبه اهواي والله اشلون نحجيه
حكه اليقــــــره ماتخلص بواجيه
منا للصبح لأجــــــــــلك نعاويه
اليومك يالجواد اشكثر باجين ياتاسع جرح تبجيله العين
***
شفنه اجروح لحســـــينك شبيهات
ثلث تيـــام تحجـــــــــيها الروايات
جثتك عالســطح يبن الرضا اتبات
هاي اعظم مصيبه امن المصيبات
شاب وتنجتل وينولك البين ياتاسع جرح تبجيله العين
***
هم يابس الريج وجـــبدتك تفور
مثل ذاك الذبيج بشـهر عاشور
بس ذاك الشهيد الضلع مكسور
والخيل الثجيله فوكـــــــه ادور
ماخلت ضلع سالم بالحسين ياتاسع جرح تبجيله العين
***
مرار وضيم شفت اهواي واهواي
يالماضــــــاك كلبك ماروى بماي
يالعشت المواجــــع فاكَـــــد الراي
مايمك عضيد اتكصـــــده شجاي
مثل الظل غريب وماله امعين ياتاسع جرح تبجيله العين
***
ابو علي الركابي
[[💔قصيدة للجواد ع💔]]
تاسع الأنوار يطفونه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
تاسع الأنوار أبنص داره
و بدلاله السم شب ناره
لا يدرون أهله بأخباره
ولا حضرو يمه يودعونه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
مسموم و متروك لوحده
ما صح الیواریه بلحده
بهذا الجانب شابه جده
و تلثتيام يخلونه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
محد يمه يسكن اونينه
و لا نغار الغمض عينه
وضل عطشان يواسي حسينه
مات و صوب الطف إعيونه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
أبن الهادي و أبن الزهره
وحده يعالج حاير بمره
سمته بت ذيچ الشجره
وسدت بیبانه الملعونه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
يساعد الله الزهره الليله
يا هو التنعاله و تبچیله؟
البطف من الدم تغسيله
لو مَن هاللیله یسمونه؟
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
رغم لوحده إيهل الدمعه
ويصعب يا هالوادم وضعه
بس ما سحگت خيل بضلعه
ولا راسه برمح يشيلونه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
مات بغربه و صعبه الحاله
بس ما مسبيين عياله
و لا جالت فوگه الخیاله
و لا داره بنار يحرگونه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
فوگ تراب يضل يتمنى
وهم عطشان و ما يتهنى
يقصد يعني بهذا المعنى
واجب الحسين تواسونه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
✨️أهداء✨️
يهدى ثواب هذه القصيدة إلى روح المرحوم خادم الحسين ع (كاظم متعب الشمري )
وللمؤمنين كافة
مع الفاتحه والصلوات
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
خادم الحسين والجواد
عليهما السلام
جهاد البصيراوي
(يبني علي)
................
يبني علي* كـوم نـادت كربلــــه
رد العــدو* وأبـن غانم جندلــــه
....................
شد العزم. وكـوم طــب للمعـركـه
أنقذ علـي. ديـــن جـــدك وأدركـه
دين النبي. صــاح منهـم وأشتكـه
ردو العدو. والفـلـــول المشـــركه
بسيفك علي* روح للطـف زلزلــــه
,,,,,,,,,,,,,,,,,,,,,,
بظهر المهر. لـوح وأعلـن ثورتـك
شيـل العلـم. وكـوم هـزها بصولتـك
ضربة علي. ياعلـي خــل ضـربتـك
هد الخصـم. وردهـا يبــنـي بهمتــك
ها يلفحــل* صـول صولــه امعدلــــه
,,,,,,,,,,,,,,,,,,,,,,,
جـدك علــي. خــاف واحدهم نسـه
شبله البطــل. أنتــه من هالمدرسـه
والطــف ألـك. كـوم يبنــي اتـرأسـه
وأدري اليجي.بضربه وحده اتنكسه
فنه الكــرب* أبن ربعــي وحرملــــه
,,,,,,,,,,,,,,,,,,,,,,,
شمرت علي. يبني الأكبـر شمرتـك
مثل الكمر. لـــو خــزرت بخـزرتــك
فوك الزلــم. خلـها تسـحــك مهرتـك
قود الحــرب. ومـشـها كلـه بأمرتـك
وأفرض فرض* وأنته راعي المرجله
,,,,,,,,,,,,,,,,,,,,,,,,,
طب ياشهــم. ياشبـل حامي الحمه
تدري العده. للحريبــــه امحـزمــه
بسيفك علي. بيهـا سـولك ملحمـه
وكتك أجــه. وهـذا يوم الموزمــه
تكظي بعزم* بيــك يبنـي المعضلـــه
,,,,,,,,,,,,,,,,,,,,,,,,,,,
يبني النصر. أنتــه راح أتحقـقـه
جيش الخصم. بهالمهـنــــد فرقـه
غير الحرب. يبنـي الأكبر مابقــه
اعرف بطل. بيــك وكت الملتقـى
يوم الحرب* أنتــه ماغيـرك ألــــه
.....................
خادم أهل البيت(ع)
الشاعر: حيدر كامل العبودي
07815363696
طب للعسكر
&&&&&&&&&&
طب عالعسكر………… عباس
الشافه اتكتر………… ..عباس
صاحو حيدر…………. عباس
رد من ثاني
&&&&&&&&&&&
گال احسب للعشره………… من ادخل ماعذره
بيهم صاح بصوت
قد اعذر من انذر………….… . فرصه وماتتكرر
الصار اگبالي يموت
انــي انا الـعـباس سبع الگنطره
صوته وصلهم كلها رجعت ليوره
عالميمنه وعالميسره كاتب وقف
عدهم خيار الشرده بس للاخره
گــال الــحومه انه اكفلها
من طب بيها شردت كلها
من طب بيها شردت كلها
مــا گدروله …………… عباس
ذوله وذوله……….…… عباس
يمشي بطوله…………. عباس
گلهم اني
&&&&&&&&&&&&
هنياله الرد لهله……………… .صعبه ولا موسهله
رايد مره يعيش
حقه يلزم راسه………..………… ويجر ابانفاسه
اگباله انباد الجيش
عالسيف كاتب لا فتى الا علي
جواها جمله هـا يخيتي ادللي
مايدنه واحد وانه اشتم الهوه
بشري يزينب صيحي هذا كافلي
اليدنه الخيمه عايف راسه
يابو الـغيره سيـفك جاسه
يابو الغيره ســيفك جاسه
عنده احچايه………… عباس
سـوه اقـرايه……………عباس
شال الـــرايه………… .عباس
ذا عنواني
&&&&&&&&&&
بس قرر يدخلها……..……… الوادم شردت كلها
ما عرفو لاوين
شردو كل القاده ……………… جاهم عم الساده
لازم ضهره حسين
ضي الگمر جدحت شرار اعيونه
قد قامت الساعه اذا ايشوفونه
نضراته ملك الموت بيهن حاضر
والـمات مـنـهـم ضــلـو ايگلبونه
هـز ريشـاته والله الـساتر
گال اگضيها مامش باجر
گال اگضيها مامش باجر
دار انضاره…………. عباس
دگ الغاره………… …عباس
جاب ابشاره…………عباس
من لا گني
&&&&&&&&&
غطهم راعي الغيره…………… ضلت كلها بحيره
ناس اطگ بناس
صفحه اليسره ابعينه…………… واليمنه بچفينه
قـفّلـهن عباس
الماي بيـده وشـالاها المـشرعه
سيفه يهلهل والنواصب تسمع
من المدينه صوت امه ياشهم
صير القيامه والحشـر القارعه
يـمـه ابـهايـه لتــوصيني
راح اگلبها لجل احسيني
راح اگلبها لجل احسيني
رافع چفه…………… … .عباس
وفه كـفه……………… ...عباس
امه اتحلفه……………… عباس
لا تنساني
الحمد لله والشكر
رحيم الوائلي