19252
انتباه .. حسين الي يعليك مو مجهودك انتباه .. الخدمة توفيقات مو بزنودك حسين اليوفق تره .. لا شعر لا كامره
#منهاج_محرم
#الرادود_احمد_الزوار
#عابس
طب مدرع ابزوده ... ماوصلو احدوده
مجنون الحسين
..........
بجفه مــوت احمر نزل غاضب عليهم
الخوف حاوطهم اوضل يسمع بجيهم
اليـــوم عابس زلــزل الميـــــدان بيهم
ابسيفه وي الروس گطــع حتى اديهم
يتفنن ابكرهم ... شتت عساكرهم
مجنون الحسين
*
من نزل عابس خلس صوت الجحافل
چنه عزرائــــــــيل وبهيئة مقــــــــاتل
مــــن يطب ميـدان مايعـــرف تنــازل
قائـــد العشــــاگ رتبـه اعليهه حاصل
ماواحد ايلومه... من شگگ اهدومه
مجنون الحسين
*
حين ضهضب حير الجـيش ابنـزاله
مــن علي الكرار دارس هل بســـاله
ضلت العــدوان ترجف من خيـــاله
غير ضرب السيف اي شي ماحلاله
تشهدله حملاته ... يامحلى صولاته
مجنون الحسين
****
سيفـه يلهب نـار ويكــــر ابرگبـــــهم
مايعـرف الخـوف ميهـــم ابعـــددهم
مو رجـــــال اشباه بنضـــاره حسبهم
عنـــده لاشي عابس ايشتت جمعهم
راية علي وطه ... بجفوفه علاهه
مجنون الحسين
****
صاح عابس صوت من وصلت منيته
حســـــــين من أول نفس آني هويته
غالي عندي أهـــواي وبدمي اشتريته
فدوه عمـري ايروح أله ولعيــال بيته
كل عمري وسنيني... اهديهه لحسيني
مجنون الحسين
****
الخادم
كامل السعيدي
/channel/+QYhwKs0Xy1h303S6
#منهاج_محرم
#الرادود_احمد_الزوار
/channel/+QYhwKs0Xy1h303S6
أعظم الله أجورنا
بذكرى شهادة حامل لواء التكبير
أسد الله وأسد رسوله مغيث المؤمنين وسيد شهداء زمانه، عم الرسول وناصره وندبة أهل الكساء #الحمزة بن عبد المطلب
ما اثقلك من يوم على قلب رسول الله
باچر المهدي يدگ الرايه
بالبقيع ونعتني مشايه
..........
يا موالين الصبر ثم الصبر
والبقيع تريد وادم تنتظر
وبأمر راعيهه لازم تأتمر
هو يحچي لغيره ماكو حچايه
..........
البقيع اليوم مغصوبه تره
بيد ناس اتبعو اوصية مره
هدمو گبور الائمه الطاهره
حاقدين وكفرو بكل آيه
..........
ناس ضد الشيعه وأصلاً ضد علي
هذا رسهم من هذاك الجاهلي
باچر الموعود بيهم يبتلي
و روسهم تتطاير مدمايه
...........
ليش ما هدمو گبر راعي الحطب
والدفع باب الوصي ولبيته طب
حتى يرضه ابليس المسوينه رب
ما يخلفون بطلبته و رايه
..............
غصباً اعليهم يرد گبر الحسن
وترجع ادلاله وبعد ما ينچفن
والبقيع ترد مثل جنة عدن
ونگصد الهه من النجف عنايه
..............
باچر السجاد نتعنه إله
ويمه نتذكر مصايب كربله
ونبچي وي الباقر اعله العايله
ونحيي يم الصادق الهه قرايه
......
مو بعيد المهدي ما باقيله شي
وللبقيع ان شاء الله نطلع مشي
باچر الهادمهه نلگاه مختشي
بالسواد يشوفهه امغطايه
...........
ندعي اللهم عجّل بالفرج
وبظهور المهدي ترتاح المهج
واحنه عطشانين وبجاه العرج
يظهر ويروينه باچر مايه
..........
#علي_عبدالله_المفرجي
رابط حسابي على التيك توك
https://vm.tiktok.com/ZMM9bQapY/
وأيامه أفضل الأيام ولياليه أفضل الليالي وساعاته أفضل الساعات وداعاً شهر الله..تقبل الله منا ومنكم صالح الأعمال نسأل الله تعالى القبول بحق محمد وال محمد الطيبين الطاهرين
كل عام وأنتم بألف خير
يارب يمن عليكم بالصحه والعافيه
نسالكم الدعاء في هذه الليلة المباركة لقضاء الحوائج
Читать полностью…
لا فتى ... لافتى الا علي
....
حب حيدر ينجينه من كل حاطمه
نعمت حيدر بيها انباهي اهل السمه
غلطان اليظن يوم ... نترك سيد الكوم ...حماي الحمية
ماخاب الي والاه ... دنيه واخرة اوياه ... محسومة القضية
نحجي ابعالي الصوت ... ما يمنعه كل موت ...
اهلا بالمنية
لا فتى .. صيحت الحق تعتلي
.....
ماحب حيدر بس الزلمه المن صدك
مالك الاشتر عدنه اثبات الهل عشك
واليكره علي انشوف ... تاريخه كظاه خوف ... وهواية الادله
ابن لعاص شنهو سواه ... من حيدرنه لاكاه ...
عن هدمه تخله
صولاته علي اهواي ... تشهدله الزلم هاي ...
عيِّش خصمه ذله
لافتى ... هالاسم شرف هلي
لا فتى ... لا فتى الا علي
.....
يالسامعني اتخيل لو ماكو علي
اشلون اتخلص يومك بالهم مبتلي
همزين الله سوّاه ... وخلانه انتولاه .... واجب ربنه نشكر
لو ما حيدر امنين ... نحضى ابخدمت حسين ...
جا حالتنه تقهر
جا والينه الاصنام ... واكظيناهه الايام ... وسط الظلمه نفتر
لا فتى ... نهج حق ليك والي
....
ميشم ريح الجنه اليبغض حيدرة
درب اجهنم دربه اعليه يلزم سرة
دين الله ابعلي اتمام ... مركز قطب الاسلام ...
خل تسمع خصومه
حيدر كحل العيون ... بي كل شيعي مجنون ...
خي يلوم اليلومه
ميثم جن ببو حسين ... عابس جن بالحسين
وصلتهم علومه
لا فتى ....بيها منجن كل ولي
.....
هنياله اليتوفق يحضر مجلسه
مجلس حيدر بيدة المهدي امأسسه
المهدي وفاطمه اهناه .. تتلكه الي ينعاه ... هاي الكم بشارة
يله انوسد الاصدور ... فاطم يمكم ادور ... تنطينه الاشارة
يالكلكم بطولات ... حي اعله العزاءات ... ناخذه ابجدارة
لا فتى ... بيها كل هم ينجلي
.....
الحمد الله رب العالمين
اللهم صل على محمد وآل محمد
موسى الخادم
هوسات لمولد الإمام الحسن المجتبى عليه السلام
بفجر خامس عشر من شهر رمضان
انولد نور الحسن وستبشر القرآن
فرحت فاطمة وزدهرت الأكوان
( وستبشر حيدر من شافه )
اجه لبنته النبي لمن سمع بيها
تعنّه لدارها ورايد يهنيها
وستبشر فرح لمن وصل ليها
( من شاهد اوّل اولاده )
شال الحسن بيده المصطفه وناغاه
بأمر الله الحسن طه النبي سماه
تشهّد بالشهاده ابمهده من حاچاه
( بچفوف الهادي يشع نوره )
من وجه الحسن وجه البدر خجلان
تسطع من جبينه غُرّة الإيمان
جمال الشايله ماشاله اي انسان
( ضل صافن يوسف من شافه )
منبع للكرم والجود عنوانه
الليله بمولده الأملاك فرحانه
لعيون الحسن چم عين سهرانه
( يامحله السهرة ابميلاده )
ابميلاد الحسن يامحله لمّتنه
نهنّي الزهره والكرار غايتنه
ابفرحتهم حيينه اليوم فرحتنه
( وورود المولد جبناها )
خادم الإمام الحسن المجتبى عليه السلام
سيد زيد الفحام
____________________________
گلبي للحســـــــــن شايل ـ ودله
وحبـه اعله العدل جدني ـ ودله
اله فنــــــــجان اله هاون ـ ودله
ابمضيفه وساجره صبح ومسيه
✍كامل السعيدي
مولود بحق الإمام المنتظر (عج)
حگنه تباهينه. من صار والينه
هليله بعله الصوت. يامهدي نادينه
$$$$$$$$$$$$$$
يامفخره ونوماس شوگي وغرامي
حگي صرت مجنون. انت هيامي
من المحفل الوهاج. ابعث سلامي
المهدي والموعود أحله الاسامي
يستاهل الليله. الفرحه نهديله
هليله بعله الصوت يامهدي نادينه
$$$$$$$$$$$$$$
ثوب الشرف والجود. وروح الاماني
ينبض گلبنه اشواگ. يبعث تهاني
يا امل تحيي الناس. ماعدنه ثاني
انت النبأ والتين. وسبع المثاني
من حيدرى علومك. تشهدلك خصومك
هليله بعله الصوت يامهدي نادينه
$$$$$$$$$$$$$$
هل من نصف شعبان. بدر النجابه
هيبه وبلاغه وجود. ورقه ومهابه
يا بسمة المظلوم. تعوض عذابه
فاز التمسك بيك. وناذر شبابه
ياصاحب الرايه. . يالبيك الكفايه
هليله بعله الصوت. يا مهدي نادينه
$$$$$$$$$$$$$$$
الي يحبك حيل. بان انشراحه
بس يومك الموعود. يشفي جراحه
جبريل من كل صوب. مدلك جناحه
تنثر وفه وأنوار. وطيب وسماحه
حبك يمهدينه. عايش نبض بينه
هليله بعله الصوت يامهدي نادينه
$$$$$$$$$$$$$$
شما كثرت الأخطار. لا مانبالي
نتعذب ونهواك. يا اغله غالي
فدوه العمر مولاي ماخذ خيالي
اتنطر الايام. وكل الليالي
ولهان بعيونك. سموني مجنونك
هليله بعله الصوت يامهدي نادينه
$$$$$$$$$$$$$$
الخادم عبدالمعين الشمري
هوسات لولادة الامام المهدي (عج)
١
حرت بخمصطعش شعبان شقدم انه وشأهدي
غير الروح يامولاي تدري كلشي ماعندي
الك روحي اقدمها هديه انه يالمهدي
(اهديها الليله بميلادك)
٢
الماوالاك بالميلاد ضل طول العمر خسران
ليلة قدر عدنه اليوم تشبه ليله بالقران
بأواخر ذيچه من رمضان هاي اخمصطعش شعبان
(هنياله اليحييها الليله)
٣
عهد كاتب اله وما اخلف بعهدي
من عالم النشأه امثبته الوعدي
اتشرف اصير بدولة المهدي
(ابصمله الليله بميلاده)
٤
بنصف شعبان نرجس تنتظر مولود
وهاي الليله تعرف ليله الموعود
مثل هذا الحدث بالكون ماموجود
(والمهدي ايهل هاي الليله)
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
🌷ابوذيات ولائيّه🌷
يــروحـي اتغزّلي بهواچ .. والفاي
بجماله اتسولف العشاگ .. والفاي
احبه ومــا اهم بالشمس .. والفاي
اهــم بحسين بــس يـرضـه عليه
*----------------------*--------------------*
أنـه بدونـك يـبـو السجاد .. شملاك
مثل نسمت هَوه ومخنوگ .. شملاك
أريـد بــيـوم يـلـتـم غــاد .. شملاك
توصّي أمـك واهـل بـيتـك عـلـيـه
*---------------------*-----------------*
✍خـادم الحسـيـن ع
الشاعر رعد الجريخي
🌹هوسات🌹
حوار بين الشمس والقمر
ايوصفن جمال علي الأكبر ((ع))
الگمر حاچه الشمس ويگلها حسبالي
جـمــال الكـون كـلـه اتـصوّرت مـالي
يـحـلالي قـبـل كـل وصـف يـحـلالي
(( وجـه الأكـبـر احـلـه اهـوايـه ))
*-----------------------*---------------------*
الشمس سمعت گـمـرنـه اوافقتة الراي
گـالـتـلـه استحيت اوجهي صار افّياي
چـنـت مـغـروره كلش بالجمال اهواي
(( ومـن شـفـتـه احتاريت ابـنـوره ))
*-----------------------*--------------------*
قـبـل وحـدي أحسّن تسحـر اشفافي
گـمـر بـالليل وجهـي يسطع اوصافي
خن بـطـل غـرور ويـاشـمـس كـافي
(( ماعدنـه اشويـه مـن اوصافـه ))
*-------------------------*--------------------*
الشمس گـالـت بـعـد بالـنـور ما ننغر
الجمـال المن صـدگ مخلوق للأكبـر
ربـنـه ابـقـدرتــه بـي ابــدع اوصـوّر
(( سبحانـه الـصـوّر سبحانـه ))
*--------------------------*-------------------*
✍خادم علي الأكبر ع
الشاعر رعد الجريخي💐
شكرا للحبيب القريب على القلب الملا كرار الجيزاني على هاي الهدية الثمينة
Читать полностью…
#منهاج_محرم
#الرادود_احمد_الزوار
قصيدة الانصار
لوكملت من صـــــلاتك
هد بينه ولقِي بعصاتك
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°°
لبيك ياضــــــنوة علي وسيد شباب الساده
هد بينه وكت الموزمه وهاي الرگب سداده
نصبح الك ســـــور اوطن
ونحـــــــارب اوياك الفتن
لجلك ندوس اعله المحن ـ يحسين تدرينه
وكت العسر نصبح يسر
بينه يبو سكينه افتـخر
بسيوفنه انجيب النصر ـ ونبث عناوينه
نقسملك احنه بغلاتك
انصـــــير ماي البناتك
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°
الليل نتخـــذه جَمَل وتريــــــــد منه نعوفك
انضيع من دونك ترى وانته النجاة انشوفك
ماجينه حتى انرد ترى
ونعوفــك انته ابنينوى
انموت كل احنه ســـوه ـ هالشرف شارينه
نحمي خيام العايله
نفديك يابو المرجله
ضعن العقيله اندللـه ـ وندلل اسكينه
گــــدامك ايرف علمنه
بالطف نشوفك هممنه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°
يحسين تامرنه امر والكلمه هاي اسمعها
گدام رجلك سيــدي روس الزلم نگطعها
خصمك وحقك بس عدد
محد يظاهيــــــــــنه ابد
كل جيشهم يصــبح بدد ـ ونزلزل اصفوفه
نسحگ على الموت ابعزم
نهــــزم وبـــــد ماننــــهزم
ونكس اركــاب الزلــــــــم ـ صولتنه معروفه
يحسين حگك علينه
انجيب نصرك بدينه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°
عمرين لوعدنه الك يحسين رخصناهن
وراياتنه ابعلو النجم بالحومه عليناهن
هبّت صـــــــورامنه عصف
چن ريح صرصر من نصف
برواحــــهم نخطف خطف ـ كل العزم بينه
بالجيـــش حَلّت ضغبره
مدهوش بالصـار اوجره
خيــول ورجال امطشره ـ بالحومه خلينه
واحدنه روح البساله
وتحـــيْر اميه ابنزاله
لبيك اباعبدالله
لبيك اباعبدالله
°°°°°°°°°°°°°°°°°°°°°°°
اصدورنه ادروع الخيم ونرد سهام العسكر
ويـاك حـد آخــر نفس وفـايه يابو الاكــــبر
بصدورنه نلاگي السهم
نطلع علم يســـبگ علم
لجل الشرف نهتف نعم ـ صرختنه ثوريه
كل طاغي لجلك ينسحگ
نرســــم الك لوحة عشگ
مثل الهوه انته وتنشــهگ ـ يحسين بالريه
متحزمين الغــياره
ننتـضر منك اشاره
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°
✍الخادم
كامل السعيدي
/channel/+QYhwKs0Xy1h303S6
الشاعر الحسيني ظاهر حبيب الهليجي (للامام الصادق ع)
ويه النسيم الهاب نرسل عزيه
للصادق المظلوم نسل الزجيه
*.
ليله الأمام انصاب بلسم يشيعه
بأمر البغي المنصور هاي الصنيعه
داعر بني العباس راعي الشنيعه
متوارثين احقاد من ال أميه
*.
ياصادق الايمان جبدك تخذم
جن وانس تنعاك والدمعه من دم
طير السمه واشجار لجله أتألم
وتنوح آله الأملاك واهل البريه
*.
ياسادس الاطهار يامنبع الدين
يلماصرت وعاض يم السلاطين
ظل منهجك هيهات للذله كل حين
ياجعفر ومثواك جنه زهيه
*
يارايه ضد الجور من ال هاشم
جفك ابد حاشاه صافحله حاكم
ولابايع الطغيان واهلل المظالم
لن أصلك امن حسين والغاضريه
*
يا جهبذ الاعلام واهل الموده
لحقبة بني العباس فكرك تصده
حاربت ذاك الفاح ظلمه اوتعده
والثمن لجل للدين روحك هديه
*
جعفر الصادق.ع.
بالي طف وكربله....وركض الأيتام
وصوتي بالنوح أعتله..وركض الأيتام
واليأذيني ...زينب بعيني
.....
بداري النار من وجت...ودخان الحرك يلهب
ما همني اللي صار وياي...بس همني وظع زينب
من احجي اعله قصتها...من كثر الحجي اتعب
زينب اخ يا زينب...اخوها كبالها تسلب
عينها شافت جرح...يهدم الحيل
كبالها من ينذبح...يهدم الحيل
واليجويني...زينب بعيني
......
عاري اعله الترب مكلوب...فوك الرمله ظل نايم
من بعد الذبح والظيم...بجسمه تفرهد الوادم
ما ظلت هدم فوكاه ...ولا ظل بي كتر سالم
كطعو خنصره من ايده...وبايك محبسه الظالم
من السحك صاير وذر...ومملي بسهام
وجم ظلع دامي انكسر...ومملي بسهام
حاله يعميني...زينب بعيني
.......
الماي شما يمر يمي...تترس دمعتي الجربه
اتذكر طفل عطشان...حاله من العطش صعبه
مفرفح ينحب وعطشان..ويبس من العطش كلبه
موش بماي يروونه...بسهم حار اعله هل ركبه
صغير بعده يا بشر ....برمح ينشال
وينذبح من النحر...برمح ينشال
زيد ونيني...زينب بعيني
...
ماعندي حرم واطفال ....بيها النار ظل يلسع
بس حسين عنده أطفال...برجلها الجمر ظل يطبع
وزينب بين ذيج النار...بأطفال الظعن تجمع
سب وصوط وشتم وصياح...من بين الزلم تسمع
ركضت بين الزلم...زينب هواي
وسمعت صياح وشتم...زينب هواي
شابت سنيني...زينب بعيني
.....
رقيه الشمر طكها هواي...واخذ من عدها ترجيه
صم ايده وصفعها بحيل ..ورم خدها رقيه
الحكوني تصيح بصوت...طفله وحيل مابيه
فوك السوط فوك الظيم...الجمر ماكلها رجليه
طفله ما تحمل هظم...وعذبوها
السطره وصلت للعظم...وعذبوها
بينها وبيني...زينب بعيني
.....
منتظر صالح الكعبي
#قصائد_البقيع
ـــــــــــــــــــــــــــــــــــــــــــــــــــــــ
هاي الدنيه ابد ماخلت احباب
بغربه اعزاز گلبي جوه التراب
صب يادمع العيون
الراحو ما يردون
..................
عله طاري البقيع ويومه ومصابه
ضل كلبي الهضم والنوح محرابه
بحزانه الدهر فاتح عليّ بابه
أعز الناس مدفونين بترابه
مشتاك التربهم والله مشتاك
بعد روحي ابد ماتحمل افراك
همه بحالي يدرون
الراحو ما يردون
.................
لبو محمد إمامي الروح مشتاگه
ماعندي گلب يتحمل افراگه
ويه الحسن يمته يحين الملاگه
حنين البيه منه تاخذ الناگه
شكد اسهر وضل محارب النوم
من زيارته ليش اني محروم
لكبره اوصل شلون
الراحو ما يردون
.....................
علي السجاد ياهو اليعرف شلونه
جم مصاب يهضم شافت عيونه
ابد لا ماخلص من اليضدونه
ليش بياذنب كبره يهدمونه
خلص عمره ابد مانشفت العين
يشرب ماي وينوح اعله الحسين
بجروحه يلجمون
الراحو ما يردون
.......................
الباقر عاش لجمه وهدمت حيله
أمر بالطف وكول شينسه ياليله
رقيه وياه بدرب السبي وتحجيله
ومن سوط المتن كلساع تشكيله
رفاكه ثنينهم والگلب محتار
عله الرمله مشو وادري الرمل حار
تحامي بيهم ام عون
الراحو ما يردون
.......................
يمر ذكره عليه وروحي محتاره
وآنه وحزني نتعناه خطاره
عله الصادق تضل عيوني تتجاره
شاف بعينه نار وتحرك ادياره
هامت روحه وسط البيت محتار
شلون بخيم زينب شبت النار
والأيتام يبجون
الراحو ما يردون
...................
احير بياكلام احجي واوافيهه
والزهره الزجيه راضيه اعليهه
هدمو كبر ام عباس تاليهه
تمنيت الگمر حاضر يحاميهه
عايش عمري كله بجمرت الاه
ماناسي البقيع ويومه والله
ماانسه اليحنون
الراحو ما يردون
محمد هادي العقابي
رابط حسابي على التيك توك
https://vm.tiktok.com/ZMM9bQapY/
يحماي الحمه/ الرادود احمد الزوار
https://youtube.com/watch?v=C-ot3gfShlc&si=HYkdtcLoHjWGECHx
مولاي مولاي بسمك تغنينه
مولاي مولاي. بس انته والينه
يبن الزجيه
****
انته حبيب المصطفى. وبيك الكلب هايم
فرحانه كلها بمولدك. وحتفلت الوادم
سهران كل عاشك الك. والليله ما نايم
يالحسن منعوفك ابد. خل يسمع الايم
وياك وياك. صحنه وتحدينه
مولاي مولاي. بس انته والينه
يبن الزجيه
***
انته الحسن ما اعتقد. كاروك ابد شالك
شالك حضن حيدر علي. وجبريل ناغالاك
يا شيخ يا راعي الهله. الما يطفن ادلالك
انته الكريم وعالكرم. مولاي هنيالك
هاليوم هاليوم. عالهادي صلينه
مولاي مولاي. بس انته والينه
****
ياهو اليكلك بالحرب. ما شاركت انته
وجم مره بيدك يالحسن طرف السمه لحته
بصفين وبغزوة بدر. جم بطل جندلته
العباس انته اعله الحرب. يالحسن دربته
كرار كرار. سيفك نصر دينه
مولاي مولاي. بس انته والينه
****
تمت
تحسين الخفاجي
الكرم والجود من زغرك ـ صحن لك
والما صحن الغيـــــــرك ـ صحن لك
بمضيفك يالحسن يشهد ـ صحن لك
خبـز متروس مـــــــن چف الزچيه
✍️كامل السعيدي
هوسات افراح لمولاي علي الاكبر (عليه السلام)
بيت السبط هليله ضوى وازهر
وأملاك السمه من عطره تتعطر
من حگه الموالي گلبه من ينسر
يشبه نبي الرحمه بطلعته الاكبر
ها
بس نور ايشعن وجناته
هله ببن الحسين الشرف دستوره
وغلات البيه خله الدنيا مبهوره
سبحان الخلق في كامل الصوره
عرش الله صفن لمن نظر نوره
ها
من واجب نفرحله هليله
هوسه بحق الامام القاسم عليه وسلم
مثل عمه الگمر كل جيشهم فحط
شسع نعله انگطع مترهي من هبط
صگر فوگ القمم يعرف مچانه وحط
يزود ابن الصميده كبارهم لگط
ها
وچن حيدر شمرت ذراعنه
الخادم عبدالمعين الشمري
هدية لمولاتي السيدة نرجس
الصلاة على محمد وآل محمد
#اللهم_صل_على_محمد_وآل_محمد
بيت ابوذيه إلى الامام علي بن الحسين زين العابدين عليهما السلام
علي السجاد اجانه اليــوم علماه
انولــد والكـون دان لفضل علماه
بيده الديـن ظل مــرفوع علمــاه
رغــم أحفــاد هنــد وآل أمـيــه
****
الشاعر
موسى البديري
1- أخباره
2-علمه
3- الرايه
🌷خبر عاجل🌷
خـبــر عـاجـل اجـانــه وبـالـعَـجـل تـوه
صار الصدگ بالشدات يالزم ظهر للخوه
عباس وسبع تنعام والمثله أخـو يسـوه
(مـــن زغــره وذايـب بـحـسـيـنــه)
🌷---------------------🌷-------------------🌷
✍خادم العباس ع
الشاعر رعد الجريخي
💐افراح
((ندعي الله ورسوله))
نـدعـي الـلـه ورسـولـه بـكـل مـسيـه
نـدعـي الـلـه ورسـولـه بـكـل مـسيـه
*-------------------------*-------------------*
يـمـهـدي اويـاك مـا نـخـلف.. وعـدنـه
كـلـنـه انـصــار ســجـلـنــه .. وعِـدنـه
ذكـرنـه اسـمـك يـبو صالح .. وعـدنـه
ونـضـل الـكـل حـرف نـاخـذ تـحـيـه
*------------------------*--------------------*
صـوت الـحُـب يـبـو صالح .. تـعـالـه
وكــل شـيـعـي يـنـاديـلـك .. تـعـالـه
دعـيـنـه الـبـاري الـخـالــق .. تـعـالـه
يـعـجـل طـلّـعـتك يـبـن الــزچــيــه
*------------------------*-------------------*
عطاشه اگلوبنه وشخصك .. يـملـهـه
وكــل الـنــاس تــنـتـظـرك .. يـملـهـه
جـيـتــك عـيـد مـا واحـد .. يـملـهـه
يـمـهـدي وتـنـتـظـر كـل الـبـريـه
*------------------------*--------------------*
أعـد بـسنـينـي يـالـمـهـدي .. وعدلك
وأعــرف زيـن مـاتـخـلـف .. وعدلك
أعـيـش بـدولـتــك يـمـتـه .. وعدلك
وأصـد وجـهـك يـسـر الـلـه ونـبـيـه
*-----------------------*----------------------*
الشيعـي ابـفـرگـتـك عـانـه .. مـعـانـه
الـعـاشـگ واليحـب صـبـره .. مـعـانـه
نـدعي ونـنـتـظـر تـحـضـر .. مـعـانـه
ونـبـارك لـلـنبـي وحـامـي الـحـمـيه
*--------------------------*--------------------*
نـسـيـنـه الـيــوم دمـعـتـنــه .. ولـمّـنـه
وثـوب الـفـرحـه يـالـمـهـدي .. ولـمّـنـه
انجـمـعـنه ابـعـيـد مـيـلادك .. ولـمـنـه
ورفـنـه اچـفـوف لـلـطـلـعـه البـهيّـه
*--------------------------*-----------------------*
خادم صاحب الزمان ((عج))
🌷الشاعر رعد الجريخي
بِمَرقَدَك لَبينه إنطوفَك إتعَنينه
أَللهُـــــــــم لَبيكَ يا إمامي
*
للمَلـــه أَعلِـــن هِيامـــي إلبينَك إوبيني
أغله مِن روحي إليه وأغلـه من عيني
آنـه مِــن حَقــي إلتَفاخُــر بِيك تِدريني
آنـه أَحبَك يَبِـن جَعفــــر قَبــل تَكويني
إلخاصَمَك يِدرينه إنطوفَك إتعَنينه
أَللهُـــــــــم لَبيك يا إمامي
*
إنتـه حُريـه وَصِمـود إيصَرِح إلسانَك
خَل يِجي إلعادآك يِنظُر وين قُضبانَك
قُبِيتِين أَربَـــع مَنايــــر ذَهَب عِنوآنَك
ويـــن هارون الرَشيد إوين قُضبانَك
جَرِح عايِش بينه إنطوفَك إتعَنينه
أَللهُـــــــــم لَبيك يا إمامي
*
يا أَبــي إلكَيـــــد إنته إو هاذي آثارَك
وِبسِجون إلظَلمه صَبراً شَعَت أَنوآرَك
إلمافِهَـــم مَعناك حَقه إودِرَس أَفكارَك
إشلـون وَسطإلكَيد إنته إتأدي أَدوآرَك
فِكرَك إمدَلينه إنطوفَك إتعَنينه
أَللهُـــــــــم لَبيك يا إمامي
*
حَسَب قانون إلسَقِيفه إلقَرِرَت سَمه
يِنتهي إبطاموره أَمره وآضِحه إلهِمه
إندِثـرت آثـآر إلطَـوآغي وِإنته بالقِمه
للفِكِـار إلحُــره كَبــــرَك صُبَح للأُمه
مَرقَدَك يِهدِينه إنطوفَك إتعَنينه
أَللهُـــــــــم لَبيك يا إمامي
*
قِبلَة إلأحرار كَبرَك كَاصِده أَحبابَك
ألـف هِنيالـه إلوِصَل وِيقَبِل أَعتابَك
وين ذآك إلمَلِك وينه إلقَرَر إغيابَك
كُل مِلوك إلدِنيه والله تِرتِمي إبابَك
مِن فَضِل بارينه إنطوفَك إتعَنينه
أَللهُـــــــــم لَبيك يا إمامي
*
إنته سِر أســم إلعَظيم إلضامِن إحروفه
بِكَبرَك أَملاك إلسَماء إو هَذي مَعروفه
لَـوَن زِوآرَك تِعَنَــت كَبـــــرَك إطوفه
جَــــم مَلِك مَلهوف والله إيقَبِل إجفوفه
وِإلأثَر بِيدِينه إنطوفَك إتعَنينه
أَللهُـــــــــم لَبيك يا إمامي
*
مِــن مَــرآسيم إلزِيــاره إلناسِخه إلأمرَك
إيطوف إيحاء إلعَقِيده يوحي مِن صَبرَك
نِقره مَضمون إلتَحِيــه إو نِستِشِم عِطرَك
نوصَل إبفيــــض إلمَدآمِع سَيِدي إلكَبرَك
نِعشَكَك تِدرينه إنطوفَك إتعَنينه
أَللهُـــــــــم لَبيك يا إمامي
*
إحنـــه مَلهوفيــــن جِينـــه بِعَهد دِستورَك
أول إزيـــاره نِحِســــــــــها لُمن إنزورَك
مِن مَضامِين المُصيبه إوجَبدَك إو دورَك
سَجِلَتهـــــا إلكاظِمِيــــــه إليوم عاشورَك
سَمَك إو تَضمينه إنطوفَك إتعَنينه
أَللهُـــــــــم لَبيك يا إمامي
*
هـــاي زِوآرَك تِعَنَـــت تِسحِــر إلناظِر
شامِــخ إبدَمعَــة عِيونه إيطوفَك إلزآئِر
إتزور إلها إو بالنِيابه إلحَشدُنا إلصابِر
لأن مــا كَـدرَت تِزور إوتِترُك إلساتِر
بالنِيابه جِينه إنطوفَك إتعَنينه
أَللهُـــــــــم لَبيك يا إمامي *
خادم الحسين
حاتم ماشاءالله الكاظمي