19252
انتباه .. حسين الي يعليك مو مجهودك انتباه .. الخدمة توفيقات مو بزنودك حسين اليوفق تره .. لا شعر لا كامره
موشح بحق الامام الكاظم عليه السلام
الشاعر الشيخ كاظم المنظور الكربلائي
"رحمه الله تعالى"
يا غريب الـدار يفداك العمر
إشچان ذنبك تنچتل بالسم غدر
* ١ *
تنچتل مسموم وإبحبس الرشيد
آه والنعشك يشيلونه العبيد
إمحدد إو ما فارگك ثگل الحديد
إلا من جسمك توسد بالگبر
* ٢ *
لون من ساير الوادم ينچتل
إيشيعونه إو نعشه بالعز ينحمل
وإنتـه نعشك آه يالمالك مثل
عالجسر مطروح ظل يبن الطهر
* ٣ *
سيدي إبدنياك راحه ما شفت
بالسگم والهظم والونه عشت
إومن سجن السجن تتسلم چنت
إو بيد حارس ناصبي إو مشرچ زجر
* ٤ *
عادة المسجون لو أمسه المسه
يّخلون إوياه ضي إليانسه
آه بس إنته ينجل أهل اكسه
إبسجن مظلم تجرع إبچاس الصبر
* ٥ *
عادة المسجون لو چان إبغرب
ينخشعله إو يحـن كل قاسي گلب
إشلون حالك سيدي إبسجن النصب
تجذب الحسرات تتلاهب جمر
* ٦ *
عادة المسجون ما بين المله
إتوادده گومه إو بني عمه أو هله
إتشوف حاله إو بالدهاه إتسايله
وإنته ما چان إلك عون إو لا ذخر
* ٧ *
إبكل حبس لو چان مسجون إو غريب
يصح مسلم عون إله الصوته مجيب
لچن بس إنته يبن بنت الحبيب
ما نغر لك واحد إمن أهل الغدر
* ٨ *
إتلوج وحدك بالسجن مالك معين
إو لا گرابه إو لا أخـو مشفج حنين
واليسلي چبدك إلون والحنين
إي وحگ مجدك يمتبوع النصر
* ٩ *
ما رأت عين إو إذن سمعت حبس
ما يمر كوكب عليه إو لاشمس
إو لا إلك بي چان يمنتب ونس
إو لايهب ريح النسم بيه إو يمر
* ١٠ *
ما رأت عين إو إذن سمعت أخبار
سجن ما ينعرف ليله إمن النهار
إلّه سجن البيه چنت يبن ألأطهار
مثل جُب يوسف إو يرها بالعسر
* ١١ *
لو أوصّف سجنك الشيعتك چان
ما يشف منها الدمع طول الزمان
إو لا ضحك سنها إو رمت ثوب ألأحزان
إلا من ينتهض سلطان العصر
* ١٢ *
ذاك يوم البيه يشف دمع الإسلام
إو تغمض إعيـون المسلمين إو تنام
إو ينطفي من ضامر الدين الضرام
لمن راعي ألأمر يتوله ألأمر
* ١٣ *
إو يسل سيفه إو رايته إبچفه ترف
يا لثار حسين وأصحابه إيهتف
إوياخذ الثارات كل واحد بألف
إو ينجد ألإسلام من جـور الكفر
* * *
الشاعر الشيخ كاظم المنظور الكربلائي
"رحمه الله تعالى"
🌷أزهيري🌷
أنـتـه الـحـبـيـب الـذي مـــايـوم عـنـي.. بعد
ولو ساعه عني أبعدت وين ألگه مثلك.. بعد
عـديـت فـضـلـك عَـلـي بس ماحصيته.. بعد
يحسين مـدري أشكثر مطلوب ألـك.. ضليت
لـــولاك تـايـه إنـــــه ودرب الــعــدل.. ضليت
مــولاي يـا مـا ألـــي مـــن الــفــتــن.. ضليت
الـعـافـك يـتـيّـه الـدرب مـايـلـگه دربك.. بعد
🌷-----------------🌷-----------------🌷
✍بقلم خادم الحسين ع
الشاعر رعد الجريخي
/channel/+QYhwKvqAiD7e_b1P
تمنيتك عدل عباس تحضرني
تشيل أجنازتـي وبيدك تنزلني
غريبة غريبة
زينب عاشت وماتت غريبة
.................................................
شح حتــــــى الهوى من شحت أخبارك
ويبس غصن الوفه وموحش صفه دارك
لا أب لا أخـــــــــــــــو جا بيمن أتبارك
خلص عمري نواعــــــي وشوك ذابحني
تمنيتك عـــــــــــــــــدل عباس تحضرني
غريبة غريبة
زينب عاشت وماتت غريبة
.....................................................
حفر خدي الدمـــــــــــــــع يا نبعة الخوة
وحنى ضهري الحزن كمت أمشي بالكوه
ويلي لــــــــــــــــو دريت أفاراكك شسوه
الما يعرفني زينب عنـــــــــــــــي يسألني
تمنيتك عــــــــــــــــــدل عباس تحضرني
غريبة غريبة
زينب عاشت وماتت غريبة
.....................................................
من أيبان ليلــــــــــي وتنذبح شمسي
أوي الحيطان أسولف واكعد وأمسي
أرسم صورتك يا عزوتـــــي ونفسي
وأثوبلك دمـــــــــــع هلبت تصبحني
تمنيتك عــــــــــدل عباس تحضرني
غريبة غريبة
زينب عاشت وماتت غريبة
.....................................................
وصل حـده النفس والموت شاريته
واحســـــب ليلة ليلة وأنتضر جيته
عشت مدري بغيابــك عدله لو ميته
غريبة بديرة غربة ودهري دولبنـي
تمنيتك عــــــــدل عباس تحضرني
غريبة غريبة
زينب عاشت وماتت غريبة
.......................................................
بين الها أجه لا مـــــــا أجه وينه
يحضر كون عباس ويجي حسينه
سوالف طيـــف فاكد دمعته بعينه
لحد آخــــــر نفس طيفك يراودني
تمنيتك عـــــــدل عباس تحضرني
غريبة غريبة
زينب عاشت وماتت غريبة
.......................................................
صدك عازتها عازة الخوة مريوده
وكت شيل الجنازة أحيود مشهوده
ويلــــــي وعالنهر عباس وأزنوده
عفتك خويه بيمن بعد تدفنـــــــــي
تمنيتك عـــــــدل عباس تحضرني
غريبة غريبة
زينب عاشت وماتت غريبة
...................................................
خادم خدمة الحسين
الشاعر
محمد الموالي
مولاتي زينب
(نعي)
لـشــام طبـيـت غـصـبـاً عَـلـي لـشــام طـبـيـت
عالباب وكفيت اگـبـال القصر عالباب وكـفـيـت
بدموعي ضليت بـيـن الـزلـم بدموعي ضـلـيـت
بجفوفي غطيت وجهي بخجل بجفوفي غطيت
اشـگـد تـمنـيت يحضرني اخـو أشـگـد تـمـنـيت
اعـتـاب وديـت الحامي الضعينه اعـتاب وديـت
ياطيب الصيت ويـنـك گـلـت ياطيب الـصيـت
عباس مـا جـيـت اشـعـطـلـك عباس مـاجـيـت
لحـبـابـي حنيت وآنـه بـغـرب لحبابـي حـنيـت
افـتـر بلا بـيـت البيت الـهلـي وافـتـر بلا بـيـت
*----------------*------------------*
✍خـادم زينب (ع)
الشاعر رعد الجريخي
(يحادي النوگ)
يـحـادي الـنـوگ زيـنـب عـيـنـك اعـلـيـهـه ٢
*---------------*---------------*
راح الــدلـلاهــه وراحـــت الــــرايــــه
تدري امـخَـدّره وما سامـعـه احـچـايـه
صـعـدت عالهزل وجـروحـهـه اهـوايـه
مـــا سـوّت لـهـلـهـه مــأتـــم اقــرايــه
خـاف الــنـاگــه مـــن تــعـثـر تــأذيـهـه
*---------------*---------------*
اگـول امـچـتّـفـه مــا لايـگـه وصـعـبـه
وبـعـيـد الــدرب مــا تــرحـم الــغــربـه
يــاهــوّه الـعـلـيـهـه يـنــكـســر گــلـبــه
حـگـهـه لـلـغـوالــي الــمـدمــع اتـصـبـه
عـگـب عباس انـتـه الـصـرت حـاديـهـه
*---------------*---------------*
افــتــر الـوكـت وتـحــمّـلـت ضـيــمـه
عـمرهـه امدلله وما ماشـيه ابـهـيـمـه
دمــعـتـهـه جــريـه اتـشـابـه الـغـيـمـه
خـلـهـه لـلـكـفـلـهـه الـمـأتـم اتـقـيـمــه
هــــاي ام الـــدلال الـــراح والــيــهـــه
*---------------*---------------*
چـانـت بالـخـدر والـهـيـبـه مـصـيـونه
هــاي الـرخـصلـهـه الـكـافـل اعـيـونـه
حــتــى اخـيـالـهـه الــوادم يـهـابـونــه
ابـوهـه المرتضى الـكـلـكـم تـعـرفـونـه
مـصيـبـة كـربـلـه اشخلت بـعـد بـيـهـه
*---------------*---------------*
اجــروح ابـگـلـبـهـه ونــار حــرّاگــه
عـذّبـهـه الـكـفـيـل ويـصعـب افراگه
ريّـض بـالـمـشـي لا تـعــثــر الـنـاگــه
اگـبــال الـعـقـيلــه الـروس تـتـلاگــه
ابهذا الحـال تـنـظـر روس اهـالـيـهـه
*---------------*---------------*
لأرض الـشـام لو وصلت الـمـضلـومـه
مهضومه تـراهـي الـحـره مـهـضـومـه
بـمـتـون العقـيـلـه اسـيـاط مـرسـومـه
جـفـنـهـه بـالـمـدامـع حـرّمـت نــومــه
شماتـه وكلهه غـربـه الـنـاس تـدريـهـه
*---------------*---------------*
✍خادم السيده زينب (ع)
الشاعر رعد الجريخي
/channel/ahmed_alziwar
هوسات مولد الزهراء عليها السلام
انفتح باب السمه وطبتنه الابشاره
ونزل خيره الله كله ودنيه مطاره
انولدت فاطمة بحضن النبي وداره
ونزل جبريل يمه الليله خطاره
ويبارك للشيعة الليله
هنيئاً يا علينه وحضر النيشان
مولوده الزچيه وهيه الك عنوان
اليوم الفرحه تشملهه الانس والجان
مولود الشرف والدله والديوان
ونبارك للشيعة الليله
هله بجيت عزيزة زينب ويه حسين
هله بم الحسن يامرت ابو الحسنين
الليله الدنيه تزهي وعكست اعله العين
وخلوهه الهلاهل توصل الصوبين
يامحله عيوني
لفاطم خلوني
شمعه يشعلوني
افرح عوفوني
لا لا تغثوني
ملبس طشينه
بفاطم هلينه
اليوم الدنيه منوره
خادم رقية عليها السلام
الشاعر مهند الدريساوي
ننتظر أخبارك .. يمته تاخذ ثارك
.............................
سيدي يا يوم تظهر عجل بيوم الفرج
ذنوبنا بكد الجبال وحيل نشعر بالحرج
عجل الطلعه البهيه ارواح مشتاقه ومهج
بلهفه كل جمعه نناطر يشع من نورك وهج
طولت بأسفارك .. يمته تاخذ ثارك
............................
تاخذ بثار الزجيه و ثار محسن والضلع
وانت تدري بحال أمك عاشت بأصعب وضع
ماتت الزهره يمهدي وخدها بيه سطره و دمع
الحقد وأهل الظلاله بسيفك أكطعهم كطع
من تسل فقارك .. يمته تاخذ ثارك
................................
يالثارات الحسين الراسه مرفوع برمح
لحد هذا اليوم ينزف مانشف هذا الجرح
صعبه حالتنه يمهدي و الوضع ما ينشرح
هندس الدنيه وظلام وطلعتك خيط الصبح
تشرق بأنوارك .. يمته تاخذ ثارك
.................................
بالفرج عجل آلاهي نصيح بالسر والعلن
من ترف الرايه بيدك سيدي يبن الحسن
تكطع لسان الضغينه وتخرس أصوات الفتن
ظلم كافي وموت كافي وكافي آهات وشجن
والنصر بأكتارك .. يمته تاخذ ثارك
.......................................
كل وكت نرفع أدينه نصيح مولاي العَجل
لأن مانصلح وضعنه منك نحس بالخجل
نراجع النفس المريضه ونقطع الشك والجدل
بيك معقوده الأماني يانسل خير العمل
يا أمل أنصارك .. يمته تاخذ ثارك
......................................
ندري حاضر بالمجالس وأبد ماتخلف وعد
أنت راعي هالمصاب القاصي والداني شهد
لو نعه الرادود جدك تبجي ما تسكت أبد
تكله عيد البيت ملا أرد أون وألطم بعد
بالحزن نتشارك .. يمته تاخذ ثارك
....................................
حيدر مطر العبادي
ليها نهدي الفاتحه والقل هـوه
اليله مجلسنه انعـقد لـم الضوه
ام البنين….. فاطمه
من حضر مجلسها… مــا يـتـيـه ادروبه
ابخده دمعة عينه… وجاي اسود ثوبه
خذها مني احجايه… ..مـاتضــل اذنوبه
اشگد حلو البامجلس ...يلتقي ابمحبوبه
بالـعـزيه فــقـط نشـتـم الهوه
اليله مجلسنه انعقد لم الضوه
ام البنين……. فاطمه
ادخل الــعالمها……… وانتقل بحساسك
تنحسبلك خدمه… ..حتى هاي انفاسك
ابردتك لاتبخل…. ابمجلس ام عباسك
انته ارفع صوتك… ...وهيه ترفع راسك
الف هـنـياله الذي گلبه انچوه
اليله مجلسنه انعقد لم الضوه
ام البنين……. فاطمه
&&&&&&&&&
سجل اسمك عدها….. سافر ابوجدانك
انته بس اذكرها……هيه عدها امچانك
بالـمـاتم هـايـه…… .سجـلت عــنـوانك
صفي نيتك يمها….. والله ترفع شانك
اعـتنـيها وتلگه لجروحك دوه
اليله مجلسنه انعقد لم الضوه
ام البنين…… فاطمه
&&&&&&&&&
عوف كلش ابايدك…. واعبرلها اولايه
اچفوفها باب الله…... للرزق عـطــايه
باللطم شد حيلك…. ضبها لـلــوفايـه
الف بايه اتشيلك ...مــوتشـيــلك بايه
لو ردت ترضيها طوف ابنينوئ
الـيلـه مجلسنه انعقد لم الضوه
ام البنين……… فاطمه
&&&&&&&&&
ارفع ايدك عالي.…… …بالعزى واسـيها
الماعفتها ابمجلس…... حاجتك تگضيها
ليهااخسف صدرك….....صرختك علـيها
عـالـمه ودكتوره……... علتك اتشافيها
الماعرفها هوه والميت سوه
اليله مجلسنه انعقد لم الضوه
الحمد لله والشكر
رحيم الوائلي
2021
يازهراء يازهراء يازهراء يازهراء يازهراء يازهراء يازهراء يازهراء
إحنه شيعه ونفتخر إنتي الهويه
ويختم إعليها النبي سيد البريه
إنتي بنت أشرف بشر آه يزچيه
مولاتي گبرچ مختفي منل ناصبيه
يازهراء يازهراء يازهراء يازهراء
يازهراء يازهراء يازهراء يازهراء
إبحرگه الطم عل صدر بأثنين إديه
تجري عيني عل وجن دمعه سريه
هذه مو أول عزه حگچ عليه
ثالث روايه بل سنه أنصبلچ عزيه
يازهراء يازهراء يازهراء يازهراء
يازهراء يازهراء يازهراء يازهراء
آنه شيعي وأنتضر موعد إليه
يظهر إمامي المنتضر حجه عليه
يظهر گبرها المختفي الزهره الزچيه
يبني مناره أوهم صحن للرافضيه
يازهراء يازهراء يازهراء يازهراء
يازهراء يازهراء يازهراء يازهراء
آنه شيعي ورافضي تقره الهويه
بدمي يسري حب علي حامي الحميه
أرفع إيدي للسمه وأدعي الزچيه
يوم القيامه بل حشر تشفع إليه
يازهراء يازهراء يازهراء يازهراء
يازهراء يازهراء يازهراء يازهراء
( كلمات أحمد الفتلاوي )
قصيدة بحق الزهراء عليها السلام على طور (خيرة الله من الخلق ابي)
خيرةُ اللهِ ومِن صلبِ النبي
أحرقوا الدارَ عليها الظالمين
===================
لم يخافوا اللهَ جيشاً اقبلوا
إنها الحربُ عليكم معلنين
===============
أحرقوا الدارَ على خيرِ النسا
فاطماً قالوا (وإن) قالَ اللعين
==================
دفعوا البابَ ولاذت خلفَهُ
عَصروها أسقطوا منها الجنين
==================
ومضى المسمارُ في أضلاعِها
فاطماٌ صاحت ايا فضة اسندين
===================
قُتل المُحسنُ هيا أسرعي
إحمليهِ عني صاحت بأنين
====================
أيُ ذنبٍ قد بدى مني لكم
وتجازوني إنا بنتُ الأمين
===================
تقضي كُلَ الليلِ تشكو ألماً
لم تَذُقْ طعمَ الرُقادِ منها عين
====================
حسنٌ ثم حُسينٌ جــــنبُها
زينبٌ كانت تئنُ كلَ حين
==================
منزلُ الزهراءِ امسىٰ مظلماً
غاب عنهُ نورُ أُمِ الحسنين
===================
وعليُ الدمعُ أدمى جَفْنَهُ
يبكي مَنْ كانت لهُ خيرَ مُعين
===========≠=======
كسرت مِنهُ الفؤادَ عندَما
مرَ فوقَ الضلعِ بالغُسلِ اليدين
====================
شابَ منهُ القلبُ والجَفْنُ معاً
يعتريه الشوقُ دوماً كلَ حين
====================
أسالكم الدعاء رائد الاسدي
بنيت وصحت وسفه طحت .... يبناي
يامحسن حنانــــــــي إلك .... يبناي
أضل ابچي عليك الدهر ... يبناي
وداعة زينب التبچي عليـــــــــــه
.....................................
ابيت الهادي چان الوحي .. ويَّاه
لعنة الله عله الـــــــبالنار .. ويَّاه
الحسن وحسين صاحو آه .. وي آه
علي وزينب وفضه ابهل المسيــه
سيد علي الموسوي
لسان حال امير المؤمنين علي عليه السّلام عند دفن مولاتنا فاطمة الزهراء عليها السلام
يا فاطمه گبلچ تمنّيت
ميت ولارد وحدي للبيت
يا حيلي يا عافيتي
يا روحي يا أم بيتي
ميت ولارد وحدي للبيت
...............................
هذا العمر عشناه سوه. نتنفّس بنفس الهوى. يا محله عيشتنه
حسدونه يا أم الحسن. وايامنه ما طوّلن. ما شفنه راحتنه
بعد النبي وذاك العهد. ظهروا حقدهم والحسد نكروا كرامتنه
انتي يا ريحانة الجنة وعطرها
بياذنب أنهوا حياتج من زغرها
شمعة حياتي ونطفت ليش
اليفگد انفاسه بيمن يعيش
نكبر سوه تمنّيتي
يا روحي يا أم بيتي
ميت ولارد وحدي للبيت
.................................
لمّن دفنتج بالگبر. ما ظل بعد حيل وصبر ونهدمت اركاني
يا فاطمه وبعدج علي. ظل بالمصايب مبتلي وجروحي وحزاني
رديت مكسور الگلب. صدكيني تيّهت الدرب. رحت بدرب ثاني
شلون اطب للدار وحشه ومضلمه الدار
من يواسيني بغيابج حيلي منهار
كلما اصد بعيوني للباب
ضلعج اذكره وگلبي ينصاب
من ضلعج تأذّيتي
يا روحي يا أم بيتي
ميت ولارد وحدي للبيت
..................................
ايامنه الحلوه مضت. بلمح البصر عني ختفت شبسرعه عفتيني
فراگج جرح ما ينحمل. لا آني ميت لا عدل فگدج يأذّيني
يالعشتي بعروگي نبض. مو سهله ادفنج بالأرض ياشمعة سنيني
الله يلعن كلمن السبب أذيتچ
الثاني والأول سبب حزني ومنيتچ
يا فاطمه يا سلوة الروح
بعدج علي عايش بلجروح
لآخر نفس وفّيتي
يا روحي يا أم بيتي
ميت ولارد وحدي للبيت
.................................
ودعتج وحيلي انهدم. وبغيبتج زاد الألم. ما ينوصف حالي
دنيا بغيابج مگبره يا فاطمه وبعدج تره ما ظل بعد غالي
شلّي بحياتي ودنيتي من بيتي گطعوا زهرتي. بيت العلم خالي
ياوكت للدار اطب من غير ملگه
وين اروح ليامكان الدنيا خنگه
بمحرابج اكعد لو اجه الليل
اشتاگلچ والمدمع يسيل
لولادي ما ظليتي
يا روحي يا أم بيتي
ميت ولارد وحدي للبيت
.................................
رديت بجروح الدفن. يا فاطمه ابچي واون متوجّه لداري
شلون ادخل بدونج حرت. گوه عله دمعي كابرت. ما تنشف اعباري
تلگتني زينب باكيه. وين الرضيّة الراضيه. بالمدمع الجاري
بيش اصبّر زينب مصابج هضمهه
اغله شي بالدنيا عد كل طفله امهه
عفتيها طفله شلون تنساچ
ما شبعت وداع وحچي وياچ
حنّتلچ وحنّيتي
يا روحي يا أم بيتي
ميت ولارد وحدي للبيت
سيد زيد الفحام
............................................................
/channel/+QYhwKs0Xy1h303S6
نزلة لمولاتي فاطمة الزهراء عليها السلام
بويه ما رحموني
ابچي دم خلوني
.....................
فاطمه آنه العفتهه بالظلع موجوعه
ما دريت اصّار بية ثاكله ومفجوعه
ما شفت راحه بغيابك لوعه تتبع لوعه
لا تظن يرتاح بويه الينجرح بظلوعه
من رحت هضموني
ابچي دم خلوني
.....................
تحوّلو عــدوان بويه من غبت اصحابك
نكشفو ونقضوا عهدهم ما رضوا بكتابك
بويه يومين عله دفنك من غبت بترابك
هجموا بنار السقيفه بويه حركوا بابك
فاطمه واذّوني
ابچي دم خلوني
.....................
بويه اعرفه اللي عصرني والسطرني ابعيني
فاطمه گالوله گلهم "وأن" ما تعنيني
حرگ بابي ومن دفعني قاصد يأذّيني
عن علي ابقه ادافع والله ما يثنيني
ما سألت شلوني
ابچي دم خلوني
.....................
الله لا ينطي العصرني الله ياخذ روحه
صابني وطيّح جنيني ما كمت مجروحه
بياذنب ظلعي يكسره ودمعتي مسفوحه
والله من يوم السقيفه عترتي مذبوحه
همهم يقتلوني
ابچي دم خلوني
.....................
من ألم ظلعي يبويه صعبه اجر نفاسي
ما عشت چم ليله بعدك يا اعز كل ناسي
بويه من كثر المصايب والله شيّب راسي
كل دقيقه تمر علية ينجرح احساسي
بياذنب ظلموني
ابچي دم خلوني
..........................
كلها عافتني يبويه بس علي اليرعاني
من يجي يرتاح ظلعي والألم ينساني
بويه وصّيته بوصيّة لو متت بحزاني
لا يشيّعني الظلمني بالأخصّ الثاني
انهظم يردوني
ابچي دم خلوني
سيد زيد الفحام
/channel/+QYhwKs0Xy1h303S6
قال تعالى (الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ)
لله ما أعطى و لله ما أخذ
لاحول ولا قوة الا بالله العلي العظيم،
ببالغ الحزن والأسى و بقلوب مؤمنة بقضاء الله و قدره تلقينا نبأ وفاة (والد) الاخ والصديق الرادود عز الدين الشيخ وبهذا المصاب الجلل نتقدم بأحر التعازي راجين من المولى عز وجل ان يغفر له و يرحمه برحمته الواسعة و يلهم ذويها و أهلها الصبر و السلوان .
#مؤسسة_منبريون_الحسينية
أبيات ابوذيه الى مولاي الإمام الكاظم عليه السلام
السجن وسفه أعلى ناسك حيف حالك
بســــلاســل وبقيـــود اشــــلون حالك
ليــــل اظـلــم نهــــارك صــــار حالك
چن ليل اهــدعش بالغاضـــريه
*
الگلــب ون لمصابـــك هــاي ونتـــاه
وانشــد عـالفـرح. بجفـاك وين تاه
الرجس هارون فوگ العرش وانتـــه
بسجن اظلم يبن خيــر البريـــه
*
الحزن والنــوح لمصابــك بيّ اداك
يمّــن باچـــر تلـــوذ أمــه بـيّـــدك
حســافه أقيـود يالكاظم بيّـــداك
وجســم ناحــل يمّام الـــرافضيه
بي اداك .. يضرب أو يقصف
بيدك .. جدك
بيداك .. يديك
*
الشاعر
موسى البديري
ولادة امير المؤمنين علي عليه السّلام
علي ياعلي. علي ياعلي
علي روحي وعلي گلبي
من زغر نورلي دربي
علي بسمه وعلي نسمه
ابتعد بس روحي يمه
ما اعوفه وخلهم يلوموني
بگلبي شفته ومو شرط بعيوني
علي ياعلي. علي ياعلي
٠٠٠٠٠٠٠٠٠٠٠٠٠٠
علي جنّه وعلي ألنّه
ماكو مثله بالمحنّه
علي قدوه وعلي سلوه
هوه بس ما غيره يسوه
اول بكلشي علي ومو رابع
منو غَيره لباب خيبر قالع
علي ياعلي. علي ياعلي
٠٠٠٠٠٠٠٠٠٠٠٠٠٠٠٠٠
علي كلمه وعلي رحمه
بس على العدوان نقمه
علي آيه وعلي رايه
سند للهادي وكفايه
نفرح بيوم الولادة الليله
والإمام المنتظر ندعيله
علي ياعلي. علي ياعلي
٠٠٠٠٠٠٠٠٠٠٠٠٠٠٠
علي ذاته وكل حياته
وارث الهادي وصفاته
الله راده بالولاده
ياخذ ابيته السياده
مولد الكرار أحله ابشاره
وصي للمختار الله ختاره
علي ياعلي. علي ياعلي
٠٠٠٠٠٠٠٠٠٠٠٠٠٠
علي يكفي وعلي يشفي
عالمحب كل يوم يعفي
علي مكسب علي ينحب
علي دين وعلي مذهب
أحله فرحه عله البشر ميلاده
ما نعوف المرتضى وأولاده
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/+QYhwKvqAiD7e_b1P
اجمل فرح... هاي المسيه
مولد علي... حامي الحميه
مولانا علي مولانا علي
................
نورتنه شرفته ذوله احنه احبابك
يافخرنه يا املنه هب عطرهه ثيابك
هاي ادينه ياولينه ماترد من بابك
هل مسيه بصافي نيه نسجد اعله اعتابك
اجمل فرح... حل عالبريه
مولد علي... حامي الحميه
مولانا علي مولانا علي
.................
ياجمالك ياخصالك نورك مضوينه
ونجمعنه واليلمنه مولدك والينه
من دعائك من عطائك خيرك مغطينه
بعيني شفته خيرك انته بجيتك يلفينه
اجمل فرح... للجعفريه
مولد علي... حامي الحميه
مولانا علي مولانا علي
..................
حيدر انته والعرفته ماترد اضيوفك
اضيوفك احنه وبفرحنه رددينه احروفك
الليله اجينه حن علينه بفضلك ومعروفك
تشفع النه ياذخرنه لينه مد جفوفك
اجمل فرح... واسمك هويه
مولد علي... حامي الحميه
مولانا علي مولانا علي
..................
من كرمكم والخَدمكم نضره هاي الليله
انته رحمه وانته نعمه كل محب شد حيله
بالتهاني والاماني واسمك بترتيله
شكو خادم بيك هايم والگلب يحجيله
اجمل فرح... من مر عليه
مولد علي... حامي الحميه
مولانا علي مولانا علي
..................
كل موالي بصوت عالي ايردد بكلماته
ويتمنه ترضه عنه فاطمه مولاته
يفرح الكم مايملكم بيكم احجاياته
مانساكم وبحماكم للابد ساداته
اجمل فرح... فوك الوطيه
مولد علي... حامي الحميه
مولانا علي مولانا علي
محمد هادي العقابي
/channel/+QYhwKvqAiD7e_b1P
(يازينب)
وويـلاه وويـلاه يـازيـنـب الـمـظـلـومـه
*-------------------------*---------------------*
بـالـحـومـه ذبـحـو كـافـلـچ
يـم عـون يـاهـو ضـل ألــچ
والــخـيـل داستــهـم هـلــچ
للحباب للحباب شو طولت هالنومه
*----------------------------*----------------------*
راح الــيـوفّـيـلــچ وعـــد
شـگـد نـخيتـي وما گـعـد
اتـحـزّمـي بـصـبـرچ بـعـد
عله الگاع عله الگاع غافي وتسيل ادمومه
*------------------------*---------------------*
بـاچـر تـروحــيـن بـســبـي
ولـيـحـدي للـنـوگ اجـنبـي
ماضـل مـحـامـي وطـالبـي
تركضين تركضين باچر تره وملچومه
*-----------------------*---------------------*
چــابــو هـزيـلات الــعــده
أتصعدين وانـتـي امـگـيـده
ولأهــل كـلـهــه امـوســده
بالعيون بالعيون هاي الصور مرسومه
*------------------------*--------------------*
مـا تـرحـم عـيـون الــغــرب
وبالخيل مكضوض الـدرب
شـيـوصلـچ ألـيـث الـحـرب
يعباس يعباس صوتچ عله بالحومه
*--------------------------*--------------------*
غـاب الــخــدر يـمـدلـلـة
ضلـت مـدامـع هـامـلـه
شفت العـذاب ابـكـربلـه
يتانيچ يتانيچ عاشر محرم يومه
*------------------------*-------------------*
✍خـادم زيـنـب ع
الشاعر رعد الجريخي
/channel/+QYhwKvqAiD7e_b1P
وين خوان زينب خل يحضرون
يشيلون النعش هـمــه ويدفنون
*-----------------*----------------*
زينب بــالــحــزن مــاتــت غريبه
ويــن خــوانــهــه تشيّع النجيبـه
هــــاي ام الــخـــدر وام المصيبه
الميت مـن يموت اهله اليحزنون
*-----------------*----------------*
ويــن أكـبــار وشــيــوخ العشيره
ويــن الحــيــد كــفّــال الامــيــره
تدفنهه الغــرب صــعـبــه وچبيره
وهــاي امــخــدرة هاشم يعرفون
*-----------------*----------------*
عــاده المــيــت احـبـابــه التشيله
عــادات الــعــرب هــاي الاصيــلـه
الغربه شلون شالوهه العــقــيــلــه
كــون احبابهـه الــيــوم اليشيعون
*-----------------*----------------*
ضــجـّـه تــصــيــر للخوان عـدهـه
هــذا اليــوگــف ويحفر لــحــدهـه
وذاكــه يغمض الــعــيــن ويسدهه
ويبينون الـحــزن واســود يلبسون
*-----------------*----------------*
كــون اخوانهه الكـفـلـت خـدرهــه
تجيهه مــحــزمــه وتحفر گبـرهــه
الناس اجناب مــا تــعــرف قدرهـه
مــاتــت بالغرب بــت سـيد الكــون
*-----------------*----------------*
هــاي المــا رحــم بـيـهـه زمــنــهــه
مــا مــر ابّــشــر هــمــهــه وحزنهـه
ريــت احبابهه الــتــحــضــر دفنهـه
وبالدمعات يــمــهــه اتــهــل العيون
*-----------------*----------------*
زيــنــب والــزمــان اشــســوه بيهه
الــحــد الـمــوت مــا بــطــل بچيهه
ضــل الــســوط مــطــبــوع بإديهـه
مـا ضلت زلــم إلــهــه ويــفــزعــون
*-----------------*----------------*
✍ خادم السيده ع
الشاعر رعد الجريخي
🌹🌹🌹🌺🌺🌷🌷💐💐💐
الزهـــــره آيـــه ونزلت ابهيئة مــره
وضـــوت العالم ابمنظرها العجيب
الشمس خجلت من بزق نور البتول
اوقبل لاتشرق ترد رأســـــــن تغيب
يهز مهدچ محمد ســــــيد الكون
وعلى نبرات صوته ابساع تغفين
ربچ حاط وي نورچ طعم خاص
ورده وعطرچ امحلي البســـاتين
✍كامل السعيدي
فاطمه يافاطمه يأم الحسن
@@@
ام ابوها الحجه وام الاوصياء
نعمة الله وجات من اعلا سماء
والعقيده البيها نزلت لانبياء
وباب الله اليفتح ابواب الرجاء
…
والرضاها بي رضا الباري انظمن
فاطمه يافاطمه يأم الحسن
@@@
فلسفة هذا الحچي بينه يطول
لولا طه الكون ماتم ابحلول
ولولا حيدر ماخلق ربي الرسول
ولا علي ولا طه لو ماكو البتول
…
وهو سر الله ابصدرها مؤتمن
فاطمه يافاطمه يأم الحسن
@@@
اليدري خله يخبر اللي مادره
يحله بالدم للعقيده المشتره
واعتقادي بالزچيه الطاهره
ابضيها ربي ضوه دنيه وآخره
…
وبلا حبها تنهدم كل السنن
فاطمه يافاطمه يأم الحسن
@@@
الينكر افضال الزچيه شينتظر
خل يلحگ كبل ميضمه الگبر
المايسره تالي ينظر بالحشر
اعلى خشمه ابگاع نار الله يخر
…
واليجبها الجنه صارت له وطن
فاطمه يافاطمه يأم الحسن
@@@
هاللي ليها انخلگ دوران الفلك
يم عرش الله عرش ليها انسمك
ومثل حب الشيعه يلگطها الملك
يگله بالزهره جنان الله إلك
…
ادخلوها بسلام ابلا حزن
فاطمه يافاطمه يأم الحسن
@@@
يابشر اسم الزچيه اشگد حلو
وابعلاها اليوصفه ماكو غلو
في مدحها اشماتريدوا انهلوا
والله ذره منها لاما توصلوا
…
يكفي بيها نأتمن من الفتن
فاطمه يافاطمه يأم الحسن
@@@
الله خالقها منار وفي منار
حوره انسيه ومودتها اختبار
واصبحت للدين قانون وشعار
وهيه درب الله وسراطه والمسار
…
وباقيه الزهره ضياء ابكل زمن
فاطمه يافاطمه يأم الحسن
@@@
هاللي بيها يحله بالحشر العفو
والجفاها يهلك بهذا الجفو
انبياء الله بذكرها اتشرفوا
ولولا حيدر ما إلى الزهره كفو
…
هيه نور وآدم ابطين انعجن
فاطمه يافاطمه يأم الحسن
@@@
علي آحمد الحمود
٢٩-١٢-٢٠٢٣
مولد الزهراء ع
ام البنين الطاهره
سوره. ام ابنين اقراهااااااا
مترد. ادموع الي تتعناها
تگضي. كل حاجه للينخاها
ام البنين. الطاهره. ام البنين.
…………………
لورايد الحاجه تفظ خل دمعتك سجابه.
حلفها بحسين الولي وروح اعتني يم بابه
لا ماتردلك كل طلب لا والذي انطه اجفوف.
صلي ركعتين الشكر وسجد اوقبل اعتابه
اگصد. للجنه واحجي وياها
روحك. شاطي الوفه مرساها
ابصوتك. ونه وحزن انعاها
ام البنين الطاهره ام البنين.
……………… .
لم الكرامات انحني وحلفها بالطف واهله.
لاماتضل كل نايبه والصعبه تصبح سهله.
ربك جعل هامنزله وتگصدها كل هاي الناس.
والي گصدها ابمعضله البر الامان اتوصله.
لتهم. هيه كفيله ابهايه. عدها جفوف الگمر عطايه
اعقد. بس يمها شد الرايه
ام البنين الطاهره ام البنين.
…… ..…………… ..
اتوجه البحر الوفه بجود العذب ذكرها.
واندبها يم الاربعه بالمدمع انته اشكرها
ام ابو فاضل بالشدد تحضر لون مسـك ضيم
علمها روحك عالصبر مولاتك اتيسرها.
يمها. امرادك تسلمك بيدك
والله. الحاجه هيه اتـريدك
اطلب خير وسعاده اتزيدك.
ام البنين الطاهره. ام البنين.
………………… ..
معروفه سفرتها حرز
بس صفي نيتك يمها.
ايامك اجعلها وقف
كل العمر سلمها
حاجيها انته ابنظرتك
عن محنتك كلمها
احچيلها كل الحچي
صدگني انته اتهمها
الحمد لله والشكر
2021
رحيم الوائلي
سـلـسبـيلُ الحـيـاةِ أُمُنا يافاطمه
في المحشر نجاتي أُمُنا يافاطمه
=======================
يوادم. الخدمه نعمه والف هنياله الخـدم بضـعة نبية
يوادم. منطي چلمه عهد عندي ما أعوف امي الزچية
إخـذ منـي خبـر وصـل لها سـلامـي
يريح الهاب أنه بيها اعقدت هيامي
عليت بخدمتچ هـذا خصم كلامـي
يـامـنـار الـهُـداتــي أُمُنا يافاطمه
في المحشر نجاتي أُمُنا يافاطمه
=======================
علينه. الدنيا جارت والنِزل صاحب مُلك صاير علينه
علينه. كلها صـارت من كَسر بابـچ يمولاتي انسـبينه
صُبح هوّه الأصـل ذاك الأجه بعدنه
ظُـلامات اشكثر يـم الحسن صبرنه
يجي يمته الـذي ثـارچ يـجـره مـنه
مـنـبـع الـطـيّـباتـي أُمُنا يافاطمه
في المحشر نجاتي أُمُنا يافاطمه
=======================
مدامع اعله خدي بعد سطرات النذل حرگولي خيمه
مدامع دوم عندي وابتدت قصـة عذابي يـا هضيـمه
عـلي لا تـنكسر لا يوضـح انكسارك
الـمنـيه ثـبـتـوا حـتـمـاً عـليـها دارك
جمر وسط الگلب خلها تشبلي نارك
كُــلـهـا نــائِــبــاتــي أمُنا يافاطمه
في المحشر نجاتي أُمُنا يافاطمه
=======================
سؤالي يـزهـره من وگع محسن ذكرتي الغاضريه
سؤالي يفـسره گلتي يـا خـادمـنه نـوح المغربـيه
نعم طفلـة ودمـع حـرگ وسـحـگ أمـامـي
شفت عالغبرة چف والحگ نضرته ضامي
مـثـل كـسـر الظلـع مكـسـوره يـالأسـامـي
هُم أرادوا مـمـاتـي أمُنا يافاطمه
في المحشر نجاتي أُمُنا يافاطمه
=======================
يفاطم هـذا وعـدي باچر احرگها تره الشجرة الخبيثه
يفاطم آنـه مـهـدي والفِتح جـرحي منـو منـي يغـيثـه
أطـلّـع كلـمـن اتـأمـر وسـط سقيفه
غداً مابي دغش والمحكمة نضيفه
تـبـيّن لـو صـدگ بيهم بشر شريفه
هــذهِ أمــنــيــاتــي أُمُنا يافاطمه
في المحشر نجاتي أُمُنا يافاطمه
=======================
26/11/2023 الأحد
#الشاعر_الميرزا_محمد_الساعدي
الزهراء. عليها السلام
انتي حجه اعله الارض واهل السمه
نادي ابو صالح يعجّل مقدمه
++++++
انتي ناديله يبو صالح تعال
شيعتك لزيارتي رادت وصال
الهسه گبري مخفي عنهم لايُزال
ندري بس المهدي گبرچ عالِمه
+++++++++
وين يم حسين گبرچ اي مكان
انزورچ اعله المحتمل يم الحنان
بين قبري ومنبري روضة جنان
الهادي گال وگلنه يقصد فاطمه
+++++++++
ومره گالو بيت الاحزان الگبر
وين ما تبچين چنتي امن الكسر
يم. جفن مجروح وادموعچ حمر
نسكت ونسمع جواب الغانمه
++++++++
الماعرفني ايگول وين وگبري وين
جوه كل منبر ينوح اعله الحسين
بالمجالس فاتحه الچف اليمين
اجمع ادموع الجرت للمظلمه
++++++++++
اگلوبها الخدام بانيلي ضريح
وعطري موجود ابدمعها من يطيح
ابحرگه كلمن يبچي لحسين الذبيح
آنه اسجلها الچفوف اللاطمه
++++++++++
لكن انريد الحقيقه وخل نشوف
وبضريحچ ويه ابو صالح نطوف
يمته والشباچي انمدها الچفوف
الگلبه ضامي ازيارتچ تروي الضمه
ثائر الربيعي
يمته...راعي الأمر يعلن قراره
بينه...كسر الضلع ماتطفه ناره
يوم الزچيه...أعظم رزيه
كل لوعه صِحنه اتهون بس لوعة الباب
من نذكر الزهراء يلچمنه الاصواب
ياحسرة العمر..يالوعة الهجر
كسر الضلع جمر..بگلوب الاحباب
أبداً ...متمر مثل هاي الفجيعه
نصرخ...مضلومه يالزهره الوديعه
شافت أذيه...أعظم رزيه
كسر الضلع ماتطفه ناره
محسنهه يكبر عود چانت أملهه
مالحگ المظلوم يُمَّه يگلهه
وبعصرة النذل..ماطوَّل الحَمل
دمعتهه تنهمل...وي دم طفلهه
ويلي...صاحت يفظَّه سَنِّديني
ماضل...حيل انهض ابطيحة جنيني
اول ضحيه...أعظم رزيه
كسر الضلع ماتطفه ناره
عالمرتضى الزهراء تخفيهه الآلآم
وعالجانب المكسور ماتگدر اتنام
والصعبه تنجرع...كل لحظه تنوجع
والكسرو الضلع...اشگد كسرو ايتام
الزهره...هاگد رحيمه كلهه إحساس
چانت...اتجوِّع وُلدهه وتشبِع الناس
أم الحميه...أعظم رزيه
كسر الضلع ماتطفه ناره
ماتنحمل ياناس هاي المصيبه
الينخلق إلهه الكون صارت غريبه
بجروحه ابو الحِمَه..ضل ينعه فاطمه
وبليله مُضلمه...يدفن حبيبه
هذا...حيدر علي ايندبه التُّوازَه
تالي...مايگدر ايشيل الجنازه
لن القضيه...أعظم رزيه
كسر الضلع ماتطفه ناره
ناصب عَزه ابيا صوب يبن الحسن وين
يم الزچيه اتنوح لو يم الحسين
وعد تتأمله...المدينه وكربله
الجروحك هامله..يالمهدي كل حين
وينك...ياصاحب الدمعه الجِريَّه
بيدك..ثار السبي ودمعة رقيه
بالغاضريه...أعظم رزيه
كسر الضلع ماتطفه ناره
سيد علي الموسوي
واويلا... واويلا ... واويلا
يازهرا ... يازهرا ... يازهرا
******
ابجي دمه يالعيون
ضجة ومناحه بالكون
اهل السمه بالدموع
نعش الطهر يشيعون
*****
الما يبجي للزهره دموع
و ميهمه كسر الضلوع
موشيعي هذا محسوب
من المذهب اسمه مرفوع
***
لسه الاثر على الباب
يحجي اعله ضلم الاصحاب
من كل كتر شعلو نار
ومحسن وكع بالاعتاب
****
شيعها حيدر بالليل
واويلي مهدوم الحيل
عيون الحسن والحسين
مومن دمع دم تسيل
***
روح النبي و الكرار
تشييعها سراً صار
حته الكبر مخفي ليش
وماعدها كَبة و زوار
******
حسن بشير السوداني
قصيدة نزلة لمولاتي فاطمة الزهراء عليها السلام
انّنا نقول يكفينا حُب فاطمه
.........
اشهد اشهد يازمن /فاطمه ام الحسن/ بالشدد تحمينه
حبها من الله فرض /واليشكّ ويعترض/ هذا ناقص دينه
بعالم الذر احنه واليناها
ألتزمنه بحبها ما عفناها
بالمجالس والله ما ننساها
ونلعن اليبغضهه والأذّاها
حُزننا يطول. يكفينا حُب فاطمه
............
حجة الله فاطمه/آية من رب السمه /طاهره ومعصومه
حبها حُب المصطفه/بيها كل شيعي اكتفه/بالعرش مرسومه
خيمة الزهره تفيّيّ علينه
هيه أمنه يعني منّه وبينه
تحضر بهاي المجالس لينه
صك شفاعه بالحشر تنطينه
كلمة الرسول. يكفينا حُب فاطمه
............
بنورها الماينطفي /ستودع السر الخفي/الله منّ ختارها
حُبها مصدر مذهبي /أم أئمّه وبت نبي / وحده من اسرارها
فاطمة مولاتي أعظم آيه
خيرها علينه وفضلهه هوايه
بكل بلد نحيي المجالس هايه
نواسي دمعتها بدمعنه الغايه
مجمع الأصول. يكفينا حُب فاطمه
...........
الله فضّلهه وعلت /عالبشر وتكاملت /راضيه ومرضيّه
يربح البيهه التزم /لا خساره لا ندم /وحاجته مگضيّه
فاطمه شرّفها ربنه العالي
وحنه نخدمها بشرف للتالي
احنه ضد عدوانها ومنبالي
بس علي يبقه الامير الوالي
افضل الحلول. يكفينا حُب فاطمه
..........
ويلي من كسر الضلع /ماتت تصب الدمع /بلا ذنب اذّوها
والله ما ننساه ابـد / ثارها وهذا العهد / نذبح الظلموها
باجر الموعود ياخذ ثارها
يبني مرقدها بچفوفه ودارها
والخَدَم كلها تصير أنصارها
وتوصل لطف كربله زوارها
تهتف العقول. يكفينا حُب فاطمه
سيد زيد الفحام
____
https://t.me/+QYhwKs0Xy1h303S6
قصيدة نزله لمواساة امير المؤمنين علي عليه السّلام
عَظّم اللهُ لكَ الأجرَ علي
عَظّم اللهُ لكَ الأجرَ علي
..................
حگهن عيونك اذا من دم بچن
بيدك عله الزهره لفّيت الچفَن
شگال گلبك من دفنت ام الحسن
يا علي وما أنصف وياك الزمن
ضدك اندار بحزن ما ينجلي
عَظّم اللهُ لكَ الأجرَ علي
..................
من شلت نعش الزجية بياوضع
محني ظهرك سيدي وتجري الدمع
شگال گلبك من شفت كسر الظلع
منشوكت نوحك يحيدر ينسمع
بس على الزهره نياحك يعتلي
عَظّم اللهُ لكَ الأجرَ علي
...................
من هلت بچفوفك تراب اللحد
عالزچية نزلت دموع الورد
ضاگ صدرك يا علي وذاب الچبد
ما حسبت حساب عنك تبتعد
فاطمه وبجروح فاطم تبتلي
عَظّم اللهُ لكَ الأجرَ علي
...................
يعينك الله شلون من هلت الثرَه
عالزچية ومامتت يا حيدره
خدها احمر والظلوع مكسّرَه
عالگبر مو ماي دمعك دم جرَه
تكثر احزانك ابد ما تنجلي
عَظّم اللهُ لكَ الأجرَ علي
.....................
فاطمه چانتلك الحب والهوى
اجمل الأيّام من عشتو سوه
من وجهّه ابيتك يشع الضوه
بياذنب كسروا ظلعها ونطوه
ماتت ومن دم مدامعها اتهَلي
عَظّم اللهُ لكَ الأجرَ علي
.......................
ما نلومك لون تبچي وتنهظم
جرح فگد الزهره واصل للعظم
يا علي انواسيك بدموع ولطم
شوكت يظهر ابنك ويفني الظلم
والأرض قسط وعدل بي تمتلي
عَظّم اللهُ لكَ الأجرَ علي
......................
ما يضيع الثار والمهدي وراه
بذولفقارك يظهر وشايل لواه
يرد حق الزهره من چف الخذاه
يبني مرقد فاطمه وندخل معاه
بالصحن يلتم شملنه الأوّلي
عَظّم اللهُ لكَ الأجرَ علي
سيد زيد الفحام
_____________
/channel/+QYhwKs0Xy1h303S6
خليني اخدمچ يم حسن
ماريد شهره ولا ثمن
يافاطمه يافاطمه
وياچ مادور ثمن...شلي ابثمن مابي دمع
رايدلي دمعه يم حسن...وبالمجلس ابچي اعله الضلع
وادموعي لجلچ لو جرن
ماريد شهره ولا ثمن
يافاطمه...يافاطمه
خليني اذوبن بالعزه...واشبع بچي واشبع قهر
إنطيني دمعه ابمجلسچ...كون الدمع مثل المطر
واعيوني أقبل لو عمن
ماريد شهره ولا ثمن
يافاطمه يافاطمه
انطيني حيل اعله اللطم...شديلي عزمي من ادگ
باب الله ياحيف وأسف...بالنار گالو محترگ
بيهه السماوات انچون
ماريد شهره ولا ثمن
يافاطمه يافاطمه
يالزهره خسفيلي الصدر...خليني احسن بالوجع
عيشيني كسرة خاطرچ...بابچ عليچ امن اندفع
وصفحات الاحلام انطون
ماريد شهره ولا ثمن
يافاطمه يافاطمه
لوعيني لوعة محسنچ...يافاطمه وحين الهوه
دم البراءه من نزف...بالنار خافنه انچوه
عرش الله للمحسن حزن
ماريد شهره ولا ثمن
يافاطمه يافاطمه
موتيني موتت زينبچ...من فزت وإنتي ابگبر
خليني لحسين وحسن...لمصيبتچ أبچي اشكثر
أرد انتحب طول الزمن
ماريد شهره ولا ثمن
يافاطمه يافاطمه
سيد علي الموسوي