19252
انتباه .. حسين الي يعليك مو مجهودك انتباه .. الخدمة توفيقات مو بزنودك حسين اليوفق تره .. لا شعر لا كامره
.#فتحة #عزاء #ليالي#الاربعينية
.
عمري فدوه الك عمري
نوحي وعبرتي وقهري
انته دمعتي التجري. ….. حُسيناه
.
.
.
يحسين الك ناوي السفر
وي طلعة المشايه
فجر اربعينك من بزغ
شلت ابيميني الرايه
رتلتك ابروحي. عشگ
واربع حروفك آيه
سجلني. ياروح النبي
وي ربعك الوفايه
.
أسمي أنته كل أسمي
جرحك يسري وي دمي
أگضي بخدمتك دهري.. حُسيناه
.
.
.
سائل اجيت الحضرتك
منك اريدن نظره
تتصدق اعليه ابهظم
وتمن عليه ابعبره
1900 جرح.
انطيني. منهن. طبره
بيها اواسي فاطمه
بكسر الضلع والعصره
.
أسمع كسرت اعضامك
وافهم. ونّت. الآمك
واهدي الثورتك عمري .. حُسيناه
.
.
.
درب المشي لزيارتك
متعطر بأحساسك
واليمشي مايتعب لأن
يشتم عبير انفاسك
يالعندك انصار اشكثر
بالخدمه رفعوا راسك
فزعوا مجانين العشگ
خدامك وحراسك
.
خادم يغسل اجدامي
وآخر يروي بالظامي
واني دمعتي ذخري … حُسيناه
.
.
.
ماخذني الك درب العشگ
امشي وعيش الآمك
بچفوفي ماشدوا حبل
محروس أنه بخدامك
زاد الذي. استطعمه
محرومه منه ايتامك
آنه المواكب.خيمتي
وانت الجمر بخيامك
.
وجهي محد ايصفعه
ظهري محد ايدفعه
وانت مالك الامري… . حُسيناه
.
.
.
الگبرك ايرد الضعن
يوم اربعين احزانك
يحمل خبر عن غربته
من غيروا عنوانك
بنتك رقيه ابكل كتر
چانت تدور احضانك
راسك تشوفه بلا جسد
وتحاوطه عدوانك
.
لاچف لاحظن دافي
راسك بالرمح غافي
نادت بيه هم تدري… حُسيناه
.
.
.
أحلفك ابكسر الضلع
هاي الزياره أقبلها
مدمن أنه بشم تربتك
اودمعتك ماملها
سر كربله ماينفهم
من كل درب نندلها
حتى الطفل وسط المهد
آية دمع رتلها
.
نحيى لمن انزورك
نبصر من يشع نوك
عاشگ للطم صدري… حُسيناه
.
.
تمت ولله الحمد
لا تنسوني ووالدي من فضل دعائكم المبارك
.
.
حسن الموالي الفاطمي
.
.
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
.
ابطشت جابولها وگربت يمـــه
حــزينه اوشبگت الراس وتشـــمه
اخــذني ويـــاك مااصــبر بــ لياك
انـــا بنتك رقيـــه يبو اليمـــه
عـلي الســجاد صاح ابصوت محزون
يعــمه ماتت الطفـله يــعمــه
اجت زينب عليها وشافت الحــال
لگتــها عالنــحر مگطوعــه الانفاس
#علامات الحزن
نرجوا المشاركه بحمله الصلوات المحمديه نهدي ثوابها الى صاحب العصر والزمان عج و ام البنين ع على نية شفا۽( احد خدام الحسين (ع )
الله يقضي حوائجكم جميعاً
#اللهم_صل_على_محمد_وال_محمد_وعجل_فرجهم
صلوات محمديه25😔
صلوات محمديه50💐
صلوات محمديه 100🌹
صلوات محمديه /عدد الي تكدرون عليه♻️)
الله يقضي حوائجكم جميعاً
#اللهم_صل_على_محمد_وال_محمد_وعجل_فرجهم
بخصوص النشر بالبوتات الخاص بدعم مؤسسة منبريون الحسينية
Читать полностью…
موشح إلى الحسن المجتبى ع
أنه مضلوم الحسن سموني
لسه مــــهدوم الگبر خلوني
•؛•؛•؛•
هاك إخذ صورة عذابي ومحنتي
حته تعرف هم مصابي وقصتي
وإنت إنشد ليش طاحت گبتــي
وأعرف الناس الذي ضلموني
«««««««»»»»
خلي دمعك يجري ويطيح الوجن
مثل مادمعي خلص وانه الحسن
لوشفت شيعي تخف بيه المحن
يمته أشوفن شيعتي إيحيطوني
««««««««««»»»»
مــــوسهم سهمين نابت بالصدر
حته نعشي إنصاب بسهام الغدر
من حقدهم هدمو فوگي الگبر
ويم گبر جـــــدي ولادفنـوني
«««««««««««»
هذا حكم إم الجمل وإم الفـــتن
أنه أضل بلا ضريح ولا صحـــن
والكسر ضلع إمي يم جدي إندفن
وأنه عـن كبر النبي بعدوني
««««««« »»»»
أنه عيني الشافت أشكال العذاب
وگلبي نادى يريد ياشيعه الجواب
ليش گبري اليوم باقي على التراب
وماوصلتو ولسه مازرتوني
««««««»»»»»»»
مو عجيبه الگلب لو مل ويصيح
لاعجيبه الجبل من يهوه ويطيح
بس عجيبه الحسن يبقه بلا ضريح
ونادى بديار الغرب واسوني
«««««««»»»»»»»
الشاعرنسيم
الحميداوي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
نزال ليلة الوحشة // الرادود احمد الزوار
https://youtube.com/watch?v=ylQ8kmCOA20&feature=share
قصيدة ( دولة المواكب ) لمناسبة زيارة الأربعين
هــا هنـــا دولـــة المـــواكب
هــا هنـــا ثامــن العجــــائب
من تگصد الصوبين يفــرح عراق حسين
*
بس بالعــراق مـا لا يطاق منْ الكرم
مو بس فنون حد الجنون بي للخدم
من الحسن اخذو درس معنى العزوبيه
مـدو السفره لكربله السفــره الحسينيه
مو دوله لا خــلّ تعتنينا الكره الارضيه
نطعـمـهـا وأحنه أعلى الوعد بالاربعينه
هــا هنــــا دولـة الامامـه
هــا هنــــا منبع الخدامـه
لو تعتنينا الصــين يفرح عراق حسين
**
كــل البــلاد تعلن جهــاد الخــدمتــك
والعـاشقين بـالأربعيــن لـو گصدتك
يا سيدي اتشوف العجب في دولتــك هـايه
متجــوع لــو كـــل الـــدول تتعنــه مشـايه
الينظــر مواكــب خدمتـــك يتحيـّـر بــرايه
بمصحف غرامك سيدي هالخدمه چـن ايه
هــا هنـــا دولــة العجائب
هـــا هنــا تسمو بالمراتب
ابخــدمتنا مفتخــرين يفرح عراق حسين
**
في كربــلاء سر السمــاء ســر الأرض
لكل الوجود ارض الخلود صارت نبض
ثامــن عجيبه دولتــك يحسـين مـوصـوفــه
أول بلـد تتعــارك أهلــه لخدمـــة أضيـوفـه
ولــو تخلص الخدمه تظـل دمعاته مـذروفه
ويتــاني جيت أزيــارتك وبــروح ملهوفــه
هــا هنــا منبع الابــائي
هــا هنــا يُـرفع الندائي
خل المسير اسنين يفرح عراق حسين
**
لجــل الإمــام دولـة غرام من تنوصف
سرها عجيب لجل الحبيب مـــا تختلف
هذا العشگ محد عــرف بالعالم إسـراره
حتــى الفقيــر بدولتــه ميعــوفه خطــاره
لو يعتني العالم مشي بكل ناسه وأقطاره
بالاربعينـــه تظـــل بالكــرم محتــــاره
هــا هنــا جنة السمائي
هــا هنــا دولــة ألولائي
بالخدمه گرت عين يفرح عراق حسين
*
چم فيلسوف لمن يشوف هــذا الشعــب
بيهـم يحيــر لمــن يسير بأرض العجب
ما چنه يمشي أعلى الأرض من ينظر الخدمه
چنـه مشــه بجنــة عـــدن والنـــاس ملتمّـــه
وأهــل المــواكــب للمشو تهتــف فــرد كلمـه
أتفضــل يزاير يــا هـــلا بفردوس أبــو اليمه
هــا هنــا دولــة العـوابس
هــا هنــا ما مــن منافس
للخدمــه مخلوقين يفرح عراق حسين
*
الشاعر
موسى البديري
على حب الحسين( ع) الاشتراك بقناة اليوتيوب👇
user-dg5tn9bg3i" rel="nofollow">https://www.youtube.com/@user-dg5tn9bg3i
مسموم ابو الباقر والدمعه بعيونه
لآخر نفس وايصيح بويه يسمعونه
______
ياهو الأنشده اعليك مولاي ابو الباقر ؟
لن گلبي ضل ولهان يا سيدي او حاير
ميت صدگ هل يوم لو وي ظهر عاشر
من شفت ابوك احسين ضل يسحگه الحافر
ياصدره مثل الهيل گامو يطحنونه
مسموم ابو الباقر والدمعه بعيونه
______
مدري متت مسموم ما أدري من نوحك
يلي ابكثر لحسين يا سيدي اجروحك
كل سهم لاحه اوسيف ابدلالك ايلوحك
چم مره بل ميدان انت اطلعت روحك
يا مهجه ضلت بيك والمثلك اشلونه
مسموم ابو الباقر والدمعه بعيونه
______
ويلاه على السجاد الما شايف راحه
گلبه لحدّ الموت ما طابن اجراحه
عمره خلص لوعات وابغصّه وانياحه
يبچي على العطشان ليله اويه مصباحه
جازي بچي يعگوب حيره اشتوصفونه
مسموم ابو الباقر والدمعه بعيونه
______
عايش حياة اشلون يا هوى التشتمه
او صدرك ترس متروس من حسرته او همه
احسينك لگيته اشلاء او بيدينك اتلمه
عجبه ابهذاك اليوم چي ما متت يمه
او نفس الحصيره انشال گلبك يدفنونه
مسموم ابو الباقر والدمعه بعيونه
______
ارد انعه يا مولاي بس يا جرح انعه
يل باقي عگب احسين عايش عله الدمعه
كلما شرب چف ماي يلطم على ضلعه
انت المصاب البيك يصعب شرح وضعه
الجازي دمع يعگوب بيمن يصبرونه
مسموم ابو الباقر والدمعه بعيونه
______
يبن الحسن نحلان والمدمع ايهل دم
شمخلي بيك البين شمخلي امحرم
والطاغي رد اردود. والچبدتك سمم
الله او لحد ليش اعليك الهوه اتحرم
مو كافي سبي الشام شنهو اليريدونه
مسموم ابو الباقر والدمعه بعيونه
______
ويلاه عليك او آه يل ما عرف راحه
گلبك بقه او للموت ما طابن اجراحه
عمرك خلص دمعات ليله اويه مصباحه
حد ما متت مسموم ما گاطع انياحه
او من فايض ادموعه گامو يغسلونه
مسموم ابو الباقر والدمعه بعيونه
______
ابو فاطمة الطائي
.
كمر عدنان // الرادود احمد الزوار
https://youtube.com/watch?v=DjouQmALzMk&feature=share
قصيدة المشايه
مشاي اظل للمـــــوت مشاي
عطشان الك يالحضرتك ماي
ـ##################
جيت اوفي اعهودي
اوياك يصل اوجودي
دمعي فوك اخدودي ورايتــــــي بيميني
امشي رافع راســـي
بين اهلي وناســــي
واسمع باحســـاسي كربله تناديني
واستبقو الخيرات جم مـره اقراها
ولمن رحت مشاي حصلته معنــاها
ياخير كل دينــــــــي ودنياي
عطشان الك يالحضرتك ماي
ـ####################
بيش اجازي افضالك
عيشتنـــــــي ابجالك
يا جــــــــف انمدالك ومانگع من خيرك
يالحنين ادخيــــــلك
يالتمد من حيــــــلك
كل شخص يمشيلك انت بس لا غيرك
أوسع سفينه وليــــــــك من نعتنــي انأمن
بكل خطوه الك يحسين حجه المشه يضمن
الحجه قليله وفضلك اهواي
عطشان الك يالحضرتك ماي
ـ####################
يوم يوم امنـــــاطر
مشي اگصدلك زاير
ابعيد اگولن باجــــر وبيها لهفه اجدامي
گلبي ليك ايجرنــي
الزايــــــــر اليعبرني
أمن العشك يقهرني لـــو طلع جدامي
اتمنه الأول كون انا اوصل الحضره
والعاشك ايكولون ماواحد ايعبــــــره
عشكك سلبني العگل والراي
عطشان الك يالحضرتك ماي
ـ###################
امشي الك بدموعي
وترف ليك اضلوعي
ما اهـــــم برجوعي همي بس اوصلك
الباب عطفك گاصد
ارد اسولف رايـــــد
حب الاه وعـــــــابد هذا گلبي ايگلك
كل نبضه بيه اتصيح يحســــين احبنك
موتي وضياعي يصير من ابتعد عنــــك
وياك اظل امنيتي بس هاي
عطشان الك يالحضرتك ماي
ـ###################
ماكو منــــك اعطف
امشي ماودي اوگف
اعليّــــه دوم اتلطف بالمشي اگضيه عمري
ما اعيـــش بدونــك
الجنه عندي اعيونك
عبدك ومجنــــــونك المادره خـــل يدري
لو گطعوني حسين اتعنه ليك اوذر
يمنعني ياهو الگال عنك برد لو حر
من صحت صاح الگلب وياي
عطشان الك يالحضرتك ماي
ـ######################
علي محسن الزيادي
#طلب_حاجه
#وزن_نصاري
اريد مراد منج يالزجيه
عليج لسحگن ضلوعه اعوجيه
*---------------*---------------*
اريد مراد منج وانه محتار
احلفج بلطفوف وشوغه النار
وبزينب وحيرتها ويالزغار
تفرجين الشدايد هاي اليه
*---------------*---------------*
وريد انوب احلفج بلشريعه
وبعباس وجفوفه الكطيعه
بجاه حسين وبدمعه رضيعه
تفرج كون وبجاه السبيه
*---------------*---------------*
اريد مراد من جفج يزهره
تعبني الوكت گلبي شيجبره
احلفج بالمشت والدمع جمره
اطيني حاجتي وعينج عليه
*---------------*---------------*
مهموم واجيتج اشكي الحال
عافتني الربع مجفيه الدلال
لا واحد نشدني ودمعي همال
وعليج توجهت بثنين اديه
*---------------*---------------*
عليج توجهت ياام الحسين
واريدج عون اليه انتي التفزعين
اذا مو يمج اشكي شكوتي وين
وهذ الصار وانتي الادره بيه
*---------------*---------------*
خادم السيده زينب ع
✍باقر جبار الشويلي
بيت ابوذيه إلى الامام السجاد عليه السلام
عليل وگيد وسفــه صـار بيـداه
وچم آه التسلمــه اليــوم بيد آه
يصد للحرم تمشي بگـاع ⃰ بيـداه
بعـــد عيـن الكفل تحديها أميه
الشاعر موسى البديري
⃰ صحراء
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
شكرا يا سيدتي يا مولاتي يا فاطمة الزهراء ( ع)
Читать полностью…
user-fatma_20" rel="nofollow">https://www.youtube.com/@user-fatma_20
Читать полностью…
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
اي وحق نحر الحسين وغربته
انمـوت كلنه ومانعـوف ازيارته
هوه ابونه وعايشـــين ابنعمته
غيره ماعــــــدنه وسيله وغايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
بيــنه ابقي يم حسن مســـــروره
ابكل سنه حسين الحبيب انزوره
نقســــــــم ابدمه وجرح عاشوره
انمـــــــوت لجله ومانعوف الرايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
حسين كل خطوه اعله دربه تنحسب
وعـن الف حــجه ومحمــــد تنكــتب
اشگد فخور الخدمت حسين انتسب
وافتــــــخر لجله اســـــــوي اقــرايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
وحـــق آيـة. قـل هــــوا اللـه احد
دمنه لجل حســـــين مالحظه برد
مشي نروح وكل سنه ايزود العدد
عهد هذا واخـــــــذي منه احچايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
اربعين حســـين ثوره ابكل زمن
التضحيات السابقه عنها اشهدن
دربه حتى اچفوف بيه اتگـطعن
ثمن حــــبه. وما نهـــــم ابهـايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
حاربونه اعـداكم ابعصر الظلم
ومنعو المشــايه والون والطـم
لچن ماخفنه وتحدينه الخصم
ورحنه نركض للصـــحن عنايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
✍الخادم
كامل السعيدي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
نعم نعم. شيعتك وفايه
نعم نعم. ماتطيح الرايه
_______
كل سنه ابيوم اربعينك سيدي هذا وعد
لو يگطون المناحر نوصل انجدد عهد
ازيارتك اعظم زياره هذا عدنه معتقد
ولو تعب زاير حسين يصيح ياحيدر مدد
على الوعد. واحنه عدنه احچايه
نعم نعم. ماتطيح الرايه
_______
نحسبلها هالزياره كل سنه لمن تمر
سيدي ونعيش بيها اجمل ايام العمر
نعرف بدم المناحر هالشعيره تستمر
واحنه صرنه لهلزياره سيدي كلنه نذر
بده المشي. وانته كل الغايه
نعم نعم. ماتطيح الرايه
________
سيدي يبن الزچيه انت عايش بينه
نعطش وننتظر عام ازيارتك تسگينه
نقسم اعليك برضيعك يمك اتخلينه
نضيع مولاي ابدونك وانت الدلينه
هاي الخدم. لجلك امسوايه
نعم نعم. ماتطيح الرايه
________
يلا ياخادم الموكب گوم شد احزامك
اربعين حسين هايه يعني هاي ايامك
گوم جدد عهد گله سيدي خدامك
كلشي احنه الي نملكه سيدي گدامك
يابوعلي. هايه زلمك هايه
نعم نعم. ماتطيح الرايه
________
احنه من نمشي يقيناً حيدره ويانه
وفاطمه ام العزاء وهيه تتلگانه
والامام المهدي عينه بالدرب ترعانه
وبالقيامه حسين باچر والله ماينسانه
يوم الحشر. تربح المشايه
نعم نعم. ماتطيح الرايه
_____
احمد علي البغدادي
محرم الحرام 1445هـ
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
اليوم ظلمه الدار بغياب الحسن
غابت انوارك وشمعاتك طفن
••••••••••••••••••••••••••••••••
طفن شمعاتك يبو محمد شفت
ردت ترجع الي لو لحظه ردت
اكبالي جبدك صار خويه بالطشت
ريت عمري اوياك يا خويه أندفن
••••••••••••••••••••••••••••••••••
جـــبدك اتــفطر اتــنازع بالالــم
نعشك ادري ينرمي خويه بسهم
لجن باجر وحدي أبقه ابلاخــيم
وتهجم اعلينه يغالي اهــل الفتن
••••••••••••••••••••••••••••••••••
غــاب نـــورك عني لا لا مو سهل
على افراگك خويه لتضن احتمل
اشلون باجر بــيه لو أصعد هزل
وحدي أبــقه ومن يــباري للضعن
••••••••••••••••••••••••••••••••
سره السم بجسمك وهذا صعب
خويه وفـراگك كسر بيه الگلب
تروح اختك يبو محمد وي غُرب
تمشي والعدوان تــــضرب بالمتن
••••••••••••••••••••••••••••••••
يــبو محمد حــيف ممــرود الجبد
اليوم يذبل يل الحسن عطر الورد
لان انــته اليوم رايــح مـــا تـــرد
وســفه يا وســـفه غدر بينه الزمن
•••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي
عذبونة // الرادود احمد الزوار
https://youtube.com/watch?v=zQa3i6iftqU&feature=share
ميمر // استشهاد الامام الحسن عليه السلام
الليله الحسن بالسم مات. ذاب وتگطع چبده
........
هذا الحسن سبط الرسول المختار
وارث علي حامي الحمه وحامي الجار
مستودع علوم النبي والاسرار
من وصّفوه بالاوصاف. يشبه مُحمّد جده
.........
يشبه مُحمّد بالخلُق والايمان
لوما الحسن لا دين ظل لا قرآن
ثبّت اساس الدين ذلّ العدوان
مختاره رب الاكوان ثاني الأئمّه بعهده
.........
حارب بني سفيان حدما غدروه
ما صالح العدوان لكن خذلوه
هدنه بشروط الحسن سوه ولاموه
جُهّال ما فهمو ليش. ضايع عليهم قصده
.........
راد الحسن يكشف حقيقة خصمه
لا ذمّه عد حاكمهم ولا رحمه
وهذا الجَرَه اعلن عدائه وظلمه
اتأمّر عليكم صاح. لا للحسن لا ودّه
..........
عاش الحسن مظلوم جهلوا قدره
حاكم بني سفيان صَـدر امره
ضد الحسن ينهون بالسم عمره
نفذت امر الطاغوت. بنت المنافق جعَده
...........
سمّت ابن بنت النبي الملعونه
گطّعت چبده وراح شكله ولونه
اهله واخوته يعالج يشوفونه
ودع هله بحجر حسين. مات الحسن شيردّه
..........
مات الحسن ياناس مهدوم الحيل
بس ما تگطع ما علت صدره الخيل
مو مثل ابوالسجاد دم نحره يسيل
ولا عالرمح راسه انشال. لا ظل مسلّب مُدّه
سيد زيد الفحام
______________________________________________
#جديد_صفر_١٤٤٣هـ
نخوه بالإمام الحسن عليه السلام
نظمت في ٣٠ محرم ١٤٤٣هـ
نخوه نخوه سيّدي يالمجتبى
@@@@@
إنت مأوى اقلوبنا او إلنا وطن
شما تضيج اعلينه وتزيد المحن
ادخليك انّادي يامولانه الحسن
يا إمامي ورابع أصحاب العبا
@@@@@
مايخيب الچان بسمك مقصده
ومايظل حيران وانته سيّده
ومايرد المد على بابك يده
إلاّ بالحاجات يابن النجبا
@@@@@
يامجيب المضطر وغوث الغريب
حين ندعوا الباري ابأمّن يُجيب
للعلل إنته يابو محمد طبيب
اوكلمن ايطلبك تحقق مطلبه
@@@@@
بيك لذنه يا ملاذ اللائذين
ابيا وجيهاً يالحسن متوسلين
إشفع إلنا يا شفيع المؤمنين
بمّك الزهره اللّي بيك امصوّبه
@@@@@
يالحسن نقسم ابجاه امصيبتك
نريد نوصل لك ونلثم تربتك
للزياره تدري حنّت شيعتك
وابصدرها جمرتك متلاهبه
@@@@@
ياوسيلتنا وياحصن الله المنيع
أمنيه عدنه يابن طه الشفيع
بالمواكب ندخل الأرض البقيع
بالنياحه والدموع الساچبه
@@@@@
يمتى قبرك نعتني مشايّه
وننصب ابصحن البقيع اقرايه
ويا هلا ابزوّارك اترف رايه
خادم او مشّاي اوناعي اترحبه
@@@@@
ويمتى شباك اومناير لك نشوف
وعالقبور الأربعه ابلهفه نطوف
وابمضيفك سفره تمتد للضيوف
ولا حواجز بعد عنّك حاجبه
@@@@@
تمت بحمد الله ومنّه
١٤٤٣/٢/١هـ
نظم خادم السيدة الزهراء عليها السلام
ياسين جواد العبد الرضا
#جديد_صفر_١٤٤٣هـ
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
للاربعين
كل خطوه مصحوبه بهله .. حياكم
يـالگاصــديــن الكـــربــله .. حياكم
---------
حي الله اهل الغــانمه .. حـــي الله خـــطار السمه
اليخدمكم بـهذه السفره .. معـــناها يخدم فاطــمه
مـلگاكم العيد بــصـــفر .. يامــن تگصـــدون النــحر
هنـــيالـنه بيــــــكم لان .. فرحـــتو گلـــب المــنتظر
يامن تجسدون العشگ .. عــشاگ ابو اليمه الصدگ
واحدكم بدرب المـشي .. بگـلـــبه المـخــيم يحترگ
اتواسون اجيتو العايله .. حياكم
يالگاصــديــن الكـــربله .. حياكم
------
عطر اليواسي ام الخدر .. نستنشقه اجمل عطر
نفرشله درب الطف ورد .. بيــنـــه لمن هوه يمر
مثل الامـــير انحسسه .. وتاج الـضيافه انلبسه
القدس ابو اليمه يجب .. زايـــره هــم ايـقدسه
من اي مكان واي وطن .. بعيونه ايصير السكن
شغلتنه بالدنيه الــكرم .. علمه عالشغله الحسن
زايـر احســين اندلله .. حياكم
يالگاصدين الكربــله .. حياكم
-------
العايش حياته النيـنوه .. ومن حزن الحسين ارتوه
اتراب اليدوسه بالمشي .. لعـــيونه انـحــــطه دوه
المن داره للطف منـطلق .. وبحسين گلبه ملتسق
هنياله كلمن يـخدمه .. الزاير خدمته احسن رزق
عيون المواكب عالدرب .. مثل الــيتانـيلـــه محب
ملگاكم اشگــــد ماحـــلو .. فرگاكم شگد ماصعب
خدمتكم اشرف منزله .. حياكم
يالگاصــدين الكــربـله .. حياكم
---------
الشايل الرايه ومعتني .. وظهره اعله زينب منحني
انخليه على هام النجم .. كـــان فقــــــيراً ام غـــني
لافـــرق بيــــن عـربي .. او اعـجـــمي او اجــــنبي
كلهم مــلوك ابهالدرب .. مــادام اجــــو لبـــن النبي
ابموطن ابو اليمه العجب .. موطن نعم يسوه التعب
تلـــگه النصــاره بكربله .. وبيهـــم نشم ريحة وهب
شفتوها هاي المساله .. حياكم
يالگاصــدين الكـربله .. حياكم
--------
معنى الحسين وخدمتـه .. تـعرف طعمـها امته
نفخر ابآي دوله النطب .. چـيه منتمين الدولته
دمعتنه دستور الخدم .. من دونه عيـشتنه عدم
العلمنه كل هذا الوفـه .. عبـــاس شــيال العــلم
مانـــترك الخـــدمه ابد .. منطـــين لـلزهرـه وعد
واحدنه من هسه نعم .. الى السنه الجايه استعد
متانين هاي المرحله .. حياكم
يالگاصــدين الكربله .. حياكم
-------
الجايب اطفاله ونسوته .. وتجري اعله خده دمعته
اشگد مانــقدمله نحــس .. ماقمنــه احنه بــخدمته
الگاصد يواسي زينـــبه .. والـــدرب هـــذا تعـــبه
كلمـــن يقــوم بخدمته .. الله يعـــليه مـــرتـــــبه
زايــر ابو الـــيمه الخدم .. الله يـــزيد اعليـــه نعم
من جسم ابو اليمه البذل .. كأنـــما شــــالع ســهم
والحچـــي هـذا اوله .. حياكم
يالگــاصـدين الكربله .. حياكم
------
حيدر تركي الكربلائي
على حب الحسين( ع) الاشتراك بقناة اليوتيوب👇
user-dg5tn9bg3i" rel="nofollow">https://www.youtube.com/@user-dg5tn9bg3i
الچانت اميره
طلعت اسيره
وبلا عشيره
زينب تصير
—————
بچت بت فاطمه الزهره
الشمس من عدها خجلانه
الشمس ماشايفه زينب
وهسه منها ذبلانه
الشمس تدري ابوها الچان
چبير وعالي سلطانه
وهسه شو غريبت حال
أوحيده بعيله حيرانه
بنت الصميده
طلعت وحيده
وهيه العقيده
زينب تصير
—————
عتبت عالشمس زينب
ابن طه ترى المنحور
ماغبتي يشمس الله
وخفيتي شويه من النور
رحمي ابن امي هالساعه
وخلي موقف بعاشور
طاح من المهر عطشان
وبس مهره عليه يدور
هاي العجيبه
جانت حبيبه
هسى غريبه
زينب تصير
—————
السند ولبيت ابوالسجاد
وهسه راح مني البيت
ولفه بس المهر ليّه
وبدمعي اله هجيت
اشوف دمومه ودمومك
نهدم حيلي وعليه بجيت
أسأله وگلبي يتگطع
شو خالي عَلَّي رديت
يكبر مصابي
شاهد عذابي
دگالي بابي
زينب تصير
—————
عزيزة گلب اخوها حسين
وعزيزة فاطمه الزهره
تجمعها الحرم وايتام
تصبرهم على اليجره
على حسين الفكر مذهول
تشوفه تريد بس نظره
وعلى وجها وگع ياحيف
وشمر هيچي يحز نحره
حيرني امره
واني أ نظره
وشلون انصره
زينب تصير
—————
وحگك ياضوه عيوني
من شفتك على الغبره
من التله لعد جسمك
سوده مابقت شعره
شَيّب راسي ياخويه
ومن گلبي طلع صبره
يالچنك رسول الله
وبجسمك الف طبره
الچانتله حضره
وهالدنيا گمره
وتاليها نصره
زينب تصير
كلمات لمـلا أحمـد الـسالـمي
—————
يازين الاعباد يا زين الاعباد
________
يل دمعتك درس وامعلّم الشمس تبچي للحسين
يا مرجع الهظم واللوعه واللطم وانواع الاونين
كل الشعائر هاي من دمعتك
اتعلمنه ننعه احسين من سيرتك
اعيونك تهل وايسيل دم مهجتك
بچيت الاصفاد يازين الاعباد
________
نهجك رسم درب كل عاشگ او محب . واحنه فهمناه
المايبچي كل صبح ما ينفعه الملح . او ليغزر اوياه
الما سلم اعله حسين لو مي شرب
توفيقه هاذه انگول منه انسلب
تبت اديه يا ناس والله وتب
يا ابن الاجواد يا زين الاعباد
________
علي السجاد الك. فضل كلمن سلك درب الخدامه
بحيث اول بشر اعله وجناتك نهر يجري ابهيامه
أول حزن مرسوم ابهيئة بشر
أول گلب الفين مره انكسر
أول جفن كالغيم يمطر مطر
اعله دموعه معتاد يا زين الاعباد
________
سجودك عل ترب حكم بيه او كتب لازم يألفون
طويله سجدتك . لأن ابتربتك . عطر المايمين
اتشم ريحة العطشان من تربته
واتهل دمع مشتاگ ايود شوفته
مثلك گلب ملهوف ياهل اته
بيك الوجد زاد يا زين الاعباد
________
حزن طول العمر ولا ايمنعك أمر عن المآتم
رغم طاغي الزمن صرت تقره او تحن بين العوالم
ناعي صرت لحسين او رادود اله
شعر الميوجع حيل ما تقبله
تگعد تگوم اتصيح يا كربله
حزنت الاعياد يا زين الاعباد
________
رغم سم العده او چبد متمرده وامنازع الموت
تصيح ابكل وجع ابي ضامي وگع ماشاله تابوت
امسمم غديت اتلوع من الالم
بس دمعتك لحسين مجراها دم
طبعك علي السجاد امحير القلم
ضل نوره وقاد يا زين الاعباد
________
ابو فاطمة الطائي
رابط تشغيل التلجرام بدون برنامج فك الحظر
الخطوات
1- تضغط ع الرابط
2- ادوس الاتصال بالبروكسي
/channel/socks?server=par.socks.ipvanish.com&port=1080&user=5yIBfK19A3q6&pass=6cwyed6NwD6
عندما قال الامام السجاد لأبن حذلم رحم الله اباك كان شاعرا قم وانعى الحسين
على حالـي لوّن أتــريد تنشاد
عليل آنــه واديه بگيـد تنشاد
كون أبطور فگد الأهل تنشـد
يبن حذلم نعــي للغاضــريه
الشاعر
موسى البديري
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
انته راسك عالرمح وانه بجفوفي الجرح
واحسيناه واحسيناه
===========================
هيج صار الوكت وافتر الزمن
من عكبكم شمر حداي الضعن
اليهظم الناس التباوع والعيون
وانه من كثر البجي عيوني انعمن
خويه دهري ما رحم واحنه ايتام وحرم
واحسيناه واحسيناه
===========================
من طحت خويه عله الغبره جتيل
من الصبح جابولنه النوك الهزيل
غصبا اعلينه مشينه ابلايه روح
عفنه يمك روحنه ويم الكفيل
اعذرني كتلك رايحه بالدمع و النايحه
واحسيناه واحسيناه
===========================
راسك براس الرمح ويانه راح
يصدلي بعيونه ودمع من عنده طاح
صعبه مابين المحامل راس اخوي
واختزينه من النظر دلالي صاح
نظرة الشامت قهر اشد من حز النحر
واحسيناه واحسيناه
===========================
حالة ابنياتك اتبجي الحجر
جابن الماي واجن يم النحر
صاحن اشرب مو جنت تطلب الماي
جبنه ماي العين مو ماي النهر
ادموعهن تنزل جمر ولو ما يرضه الشَمر
واحسيناه واحسيناه
===========================
دمي من ايدي جره من الحبل
ماكفاهم ذبح اخوتي و الجتل
ماكفاهم ماصفه والي ودخيل
ركبونه اعداك خويه اعله الهزل
ويني لاوين السبي شجابني ويه الاجنبي
واحسيناه واحسيناه
===========================
آه يادرب السبـــــي ولوعاته
سنه اتعادل وحده من ساعاته
الشافته عيوني اشرحه بيا كلام
ذبحنه الحسين وسبينه خواته
ريت ميته ابكربلا ولا سبوها العايله
واحسيناه واحسيناه
===========================
حسن بشير السوداني
يبن الكرار // الرادود احمد الزوار
https://youtube.com/watch?v=9t2a6eGitpI&feature=share
يوم اربعيـــنك جيناك ــ بگلــــوبنه المنـــكوبه
وشفنه مضايف خدام ــ طول الدرب منصوبه
ــ⊱☆☆❀☆☆⊰ــ
يحسين جينه وكل محب يتباها
وبچــــفه رايـات الفخــــر عـلاها
حتـى الديـار ابـلا اهـل عفـــناها
احــرار نمشـي الدنيــــه طلگناها
المذنب وگاصد ندمان ــ يمك تطيح اذنوبه
يوم اربعيـــنك جيناك ــ بگلوبنه المنـــكوبه
ــ⊱☆☆❀☆☆⊰ــ
اعظم تجاره بخدمــتك شفناهه
وهاي المسيره لحظه ما عفناهه
كلمة هـــــــلا بالزاير اشمحلاهه
نســمعها وبوجه الخــدم نقراهه
بابك نجاة الينــخاك ــ كل احنه نركض صوبه
يوم اربعينك جيناك ــ بگلــــوبنه المنـــــكوبه
ــ⊱☆☆❀☆☆⊰ــ
بكل خطـوه الف حجه النبي بشرنه
يا كعبه حجاج ابضــــريحك صـرنه
فدوه ولو بس نضره وحده انضرنه
يحســـــــينه هـاي الكرامـه اتسـرنه
هالخطوه احلفك يحسين ــ اجعلها الي محسوبه
يوم اربعيـــــنك جيــــناك ــ بگلــوبنه المنــــكوبه
ــ⊱☆☆❀☆☆⊰ــ
هل يوم زينب تدري الك رجعتهه
والروس وياها ابضـــعن جـابتهه
يحسين ودروب السبي امتعبتهه
جينه نواســيها ابمصاب اخوتهه
يحسين شلنه الرايات ــ وي زينب المتعوبه
يوم اربعيـــنك جيناك ــ بگلوبنه المنـــكوبه
ــ⊱☆☆❀☆☆⊰ــ
اهل المواكب دللـونه اهوايه
متحزمـــين لخـدمة المشايه
جيناك نزحف رايه تتبع رايه
حباً الك لامو طــمع لو غايه
كل التضــدك مولاي ــ من شيعتك مرعوبه
يوم اربعينك جيناك ــ بگلــوبنه المنـــكوبه
ــ⊱☆☆❀☆☆⊰ــ
✍الخادم
كامل السعيدي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P