19252
انتباه .. حسين الي يعليك مو مجهودك انتباه .. الخدمة توفيقات مو بزنودك حسين اليوفق تره .. لا شعر لا كامره
يحسين الك جاي --- متعنــــــــــي مشاي
گاصد كربله ،،، وي العــــــايله
متعني مشاي
«»
يحسين اجيت الحظرتك يبن الزجيه
يوم اربعينـــك معتني للغاظــــــــريه
وي زينب وضعن الحرم ادخل سويه
أبچي اويه ابوالباقر دمه ابهاي الرزيه
لعميهه عينـــاي ---- والزهـــــره وياي
ابهاي المعضله ،،، گاصد كربله
متعني مشاي
«»
كل خطوه انگلهه ابفخر وتنومس اني
والشوگ يبن المرتضى الگبرك خذاني
بس حبك ايضل للابـــد والباقي فاني
كون انته مابيه سيــدي شلي ابزماني
تزهيلي دنيــــاي ---- كون انته ويــاي
بس دربك حله ،،، گاصد كربله
متعني مشاي
«»
أنسلم عليـــك وننحني وترد سلامك
والعارف ابحقك گصــد يسمع كلامك
بچفوفنه البيرق يـرف جينه المقامك
ويـانه زينب بالمشي وسكنه ويتامك
رد ضعنك اليوم ---- ايــزورك يمظلوم
گوم استقبله ،،، گاصد كربله
متعني مشاي
«»
بالروس ردت زينب وتحمل امــــــانه
كل راس هيــه اترجعه اتريد المكــانه
ونهه يبو اسكينه عليكـــــم عـــــذبانه
من عدهه قطينه الوجه من مستحانه
ياليتنا اويـــاك ---- بالطف نصــــرناك
يابوالمرجله ،،، گاصد كربله
متعني مشاي
«»
نتعنه ليك وكل محب لابس ســـواده
مـن نوگف ابابك نحس بس بالسعاده
يحسين مـــن الله انكتب حبك عباده
وياك حد گطع النفس كل شيعي ناده
مالحظه ننســاك ---- نحييهه ذكـــراك
ابدمعه هامله ،،، گاصد كربله
متعني مشاي
«»
الخادم
كامل السعيدي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
رابط حسابي على التيك توك اشرف بتواجدكم به👆👆👆👆
Читать полностью…
٩٥٠- بين اليوم والأمس
دمعي جــروح بالـوجنه يدمّي
يد بيها احضــن سكينه يدمّي
السوط البي عُمر كسّــر يدمّي
شمــــر يحسين رد شاله عليه
✍ فراس المحمداوي
تِسألني أم عون/ الرادود احمد الزوار
https://youtube.com/watch?v=dx2pZ4jKRm4&feature=share
(السيده زينب ع تخاطب جابر)
تـلـگـانـي يـجـابـر ذب الـعـمـامـه
تـلـگـانـي يـجـابـر ذب الـعـمـامـه
*---------------*---------------*
اريـدن دمـعـتـك ويــاي تـجـريـهـه
ذبـهـه اعـمامـتك الـمـن امـخليـهـه
أجـيتـك بـالضـعيـنه وزلم مابـيهـه
وگـلـبـي بـالـحـزن مـا تـبـرد آلامـه
*---------------*---------------*
احـسـيـنك بـالـسمـاهر علّـگو راسـه
أخـبـرنـك يـعـمـي والـشـمـر داســـه
مـاچـنــه الـرسـول الـقـبّـلـه وبـاسـه
اسـولـفلك سَبـينه وجـرحه وا لامـه
*---------------*---------------*
شاركني امـصابي ومدمعـك صبـه
أشـكيـلك اجيت وشكوتي صعـبـه
لـو بـيـدي متـت والـشـام ما طـبـه
مسلم مـاشفت مـعـروف بـسـلامـه
*---------------*---------------*
أجيـتك بـالدمـوع وحيـل مابـيـه
وبـعيني اشــوف الـمـوت يـوميـه
سـلبـوه الـخــدر رديــت مسـبـيـه
شـافتني الشمـاته مـدنّـگه الهامـه
*---------------*---------------*
وجـهي هالمـصـايب غـيـّرن لونـه
تمنـيت ويخوتي اهنـاك مـدفونـه
المثـلي بـالمنـاحه يـعـمـن عيـونـه
صـوبني الـدهـر مـارحمن اسهامـه
*---------------*---------------*
مـوتي بـالخـرابـه اشـگـد تمنيـتـه
مـچتوفه بحبـل والـشـام طبـيتـه
مـا بـيـن الاعـادي الـخـدر تـاليـتـه
مكسور الظهـر مـا ينـفـع احـزامـه
*---------------*---------------*
أسـولفـلـك محنتي وانـه معـذوره
عـينـك لاتـشـوف اتـروع الصـوره
گـدامـي وضلّوع حسين مكسـوره
وشـحـال اليطيح حسين گـدامــه
*---------------*---------------*
✍خـادم الـحسيـن ع
الشاعر رعد الجريخي
على حب الحسين( ع) الاشتراك بقناة اليوتيوب👇
user-dg5tn9bg3i" rel="nofollow">https://www.youtube.com/@user-dg5tn9bg3i
على حب الحسين( ع) الاشتراك بقناة اليوتيوب👇
user-dg5tn9bg3i" rel="nofollow">https://www.youtube.com/@user-dg5tn9bg3i
قصيده للدفنه
على لحن يخيمات
يالطفوف ... سهمج مارحم بيّه
يالطفوف ... عفت الاهل مرميّه
يالطفوف ... بليل ومعلن الجيّه .. يالطفوف
ـــــــــــــــــــ
عفت الاهل صرعه ودمه تنزف على الوطيه
واحتركَت اخيام الضعن بأكبر حقد اميه
الاصعب علي لمّن مشت ام الخدر سبيه
وتهمل دمع للي بقوا متوسّدي المنيه
على الكاع ...ضل مطروح كل غالي
على الكاع ...وعمتي تصيح كفّالي
على الكاع .... ياريتك تصد ليّه ... يالطفوف
ــــــــــــــــــــ
عالناكَه وانظر عمتي اتدير النظر يويلي
تتحسّر ابضرب المتن وتنادي ياجفيلي
ليش امنصيحن ياهلي ماواحد اليجيلي
حكَي امنعاتب بالاهل ويسعر لهب دليلي
عالنياك ... اسمع عمّتي تبجي
عالنياك ... المن بالهظم تشجي
عالنياك ...محّد ينغر اعليّه .. يالطفوف
ـــــــــــــــ
اتثلث ليالي هل مضن واحنه ابدرب سبايه
وطول الدرب نشرب قهر من العذب ضمايه
رديت انه الطف كربله ارد ادفن الضحايه
الخنصر ارجعه الجف ابوي والعمّي اردله رايه
صعب حيل ... اجساد اعزازي متوذره
صعب حيل ... ادفن اهلي بالغربره
صعب حيل ... بكن الكَه ترجيه .. يالطفوف
ـــــــــــــــــــــ
ادفنت الصحابه ابفد كَبر ودمعه حزن جريّه
بس ابن ظاهر فد كَبر من الله هل وصيه
وعمي الكمر هد مهجتي وحيل اصفكت بديه
احمل كتر يوكع كتر تمنّيته موتي اليه
يعباس ... صحت بصوت ياعمي
يعباس ... ريت انه انسفك دمي
يعباس ...شفت العين مطفيّه .. يالطفوف
ـــــــــــــــــ
والفاجه الماتنسي ولا اكَدر انسه همهه
يم والدي ناح الكَلب روحي كثر المهه
جثّه عزيزي اعله الترب غسّلهه ويلي دمهه
كضيت ادينه ابحسرتي وبدمعتي اشمهه
والضلوع ... الخيل اشكَد قست بيهه
والضلوع ... عبدالله غفه اعليهه
صارت ويلي مدميه ... يالطفوف
ــــــــــــــــــــــ
الشاعر محمد حسن ضيغم
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
محرم 2023
قصيدة علي الاكبر ع
طلع يوسف كربله ـ امن الخيم للحومه
كلّه غِيره ومرجله ـ وحان بالطّف يومه
°°°°°°°°°°°°°°°°°°°°°°°°
هاشمي وعالحق ثباته وسيفه يعدل لو شطر
كربله شــاهد عَيـَــانه ترك بيها اروع صـــور
تحت امره الموت صـــار وكلمن ايشوفه انبهر
ضاگت الوسعه عليهم مايصــــح درب المفر
صوته شِبه الزلزله ـ وياحـــــلاة اعلومه
كله غيره ومرجله ـ وحان بالطف يومه
°°°°°°°°°°°°°°°°°°°°
ســـــيفه ابابيل وعليهم چنه سجيل ونزل
دخنت ســوح المنايه لعلي الاكبر من حمل
ذكّر اشــــــباه الرجال بعلي ومعركة الجمل
كل مخطط فشل عــدهم لمن اعليهم زعل
مـــات كلمن قاتَـلَه ـ وذل يزيــــد وگومه
كله غيـره ومرجله ـ وحان بالطف يومه
°°°°°°°°°°°°°°°°°°°°
غُبْره صارت بالمعاره حين هب چن عاصفه
ونجَلَت لنّه ايتبــــــــــختر والرجال امچتفه
من هتف هل من مبـــارز بكر عن عينه اختفه
خاف من شاهد جثثهم حدر جدمه امخالفه
الگابله اليوم ابتله ـ روحــه تبقه تلومه
كله غيره ومرجله ـ وحان بالطف يومه
°°°°°°°°°°°°°°°°°°°°
سطّر اعجوبه بمشيته وجْهه شمس الله وضوت
زمهرت عينه عليهم حـــــــدره گاع الله انطـوت
والجيــــوش الگابلها اندهشـــت وعــنه انزوت
روج يردم روج دمــــهم كربـله بيـــــــه ارتوت
بيرغه ابچـفه عِلَه ـ ومايهاب اخصومه
كله غيره ومرجله ـ وحان بالطف يومه
°°°°°°°°°°°°°°°°°°°°°
ابد ميهاب المنايه ويطــــــبگ العشره سوه
اضطراب وقلق مرهم ضــجه صارت نينوه
علي براسه مـن يقاتل يفنــي ابن غانم نوه
ونطلق مثل الشراره السلِم من سيفه انجوه
نينوى صـارت اله ـ والحـرب محسومه
كله غيره ومرجله ـ وحان بالطف يومه
°°°°°°°°°°°°°°°°°°
✍الخادم
كامل السعيدي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
يازينب
عسى اهلالك محرم عَلّي .. لا هال
لا خـوّان ألــيـــه بــقــت .. لا هال
ألــهـــم لا فــــزع دفــان .. لا هال
الـتـراب وضـلـت اجـثـثـهـم رمـيـه
*------------------------*-------------------*
✍خادم الحسين (ع)
الشاعر رعد الجريخي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
ميمر // شجاعة اباالفضل العباس عليه السلام
زينب اجت للعباس. جابتله جربه ورايه
..........
يابالفضل جيتك يروحي ورجواي
اطلب طلب وعرف بطبعك وفاي
اطفال اخوك حسين محتاجه الماي
شده وصعب حلهه يكون إلا عله ايدك هايه
........
گاللهه امري ادلّلي ودگ صدره
ألماي اجيبه لخيمتج والزهره
ياويله واليمنعني اكسر ظهره
امن العلگمي املي الجود. ورَوي الطفل من مايه
.......
گالتله گدها والنعم يا عباس
انت الكفيل وبالشدد رفعة راس
ساقي العطاشة سقينه يابوالنوماس
راية علي ترفرف دوم بچفوفك امعلّايه
........
سل سيفه عباس وهجم عالعدوان
شردت زلمهه وخيلهه امن الميدان
شي ماتت وشي نامت عله التربان
طب للنهر يملي الجود دگ عالشريعه الثايه
..........
ماي النهر بچفوفه لمن شاله
عطشان وجه حسين يتراواله
ماشرب رد بالجود يروي اطفاله
مو غايته يشرب ماي. يرضي الامام الغايه
.........
رد للخيم عباس والماي وياه
لعبدالله راح الضامي شاله وروّاه
وروّه اليتامه العطشت بچف يمناه
وخته العقيله تحيّيـه ما يخلف الهه حچايه
.........
گال ومثل ما گال سوه الكفّال
بالجربه جاب الماي روّه الاطفال
ذل آل امية عله النهر لمن صال
روس وجثث سوه الجيش عالمشرعه مدمّايه
سيد زيد الفحام
_''''________
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
عذاب...جرح العليله
عذاب...جرح العليله
من يسيل ابحرگه دمع اعيونهه
هاي معناهه يجرح اجفونهه
طوَّل افراگه اليگلهه اشلونهه
خابت ابروحة أهلهه اضنونهه
غياب...مابيهه حيله
عذاب....جرح العليله
تكسر الخاطر تون بَشجانهه
من يجن اعليهه ليل احزانهه
شَبَّت وماتنطفي نيرانهه
لا خَوات اليَمهَه لا خُوَّانهه
عِتاب....دمع التسيله
عذاب...جرح العليله
أطوَل امن الليل صَفنت بَالهه
من تون مَحد يگول اشمالهه
حالهه ايفت الصَخَر ياحالهه
تنتظر بلچن ترد آمالهه
حِساب...سَفره طويله
عذاب...جرح العليله
بيد الاعرابي تودِّي اكتابهه
يوصل اتريده ابعَجَل لحبابهه
شرحت ابدمع اليسيل اعتابهه
ياهَلي هالغيبه شنهي اسبابهه
كتاب....من النِّحيله
عذاب...جرح العليله
تحسب الجَيَّة أبوهه ويومه
وين اليخَبِّرهه عن اعلومه
اتروح للباب او ترد مهظومه
ويلي من شوف الأهل محرومه
مُصاب....ليله اعله ليله
عذاب....جرح العليله
سيد علي الموسوي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
خِدمِتَك يالاكبر ... بيهه الخدم تتباهه
من جَمالَك ياشبيه المصطفى الأزهر
حارت الدنيا واهلهه وكلشي يتحيَّر
واحنه بالخدمه الشريفه حگنه من نفخر
والله رفعة روسنه هالخدمه يالأكبر
خيمه بيهه نكبر ... هالخيمه يامَحلاهه
خدمتك يالاكبر .... بيهه الخدم تتباهه
خدمتك هاي المَشاعر سولفت بيهه
لان مايحصل مثلهه ومثل طاريهه
عدنه من ننسأل عنهه چلمه نحچيهه
لو نعرف انموت والله ابدمنه نحييهه
عنهه مَنتَأخَّر ... مو مَرَّه الف گلناهه
خدمتك يالاكبر .... بيهه الخدم تتباهه
انت أسَّست الخِدامَه وبيهه مِتفاخِر
من نصرت حسين ابوك ابدَمَّك الطاهر
موقفك للدوم شاهد يبقى يالناصر
صحنه والله المايحبك ياعلي خاسر
هالمَحَبَّه جَوهَر .... ماينوصف معناهه
خدمتك يالاكبر ... بيهه الخدم تتباهه
عاهَدِت رب الجلاله والعهد صِنته
وانذرت لحسين روحك وابد ماعفته
وذِّرو جِسمك ولكن انته تبقى انته
ياعلي والسفك دمَّك سوء عاقبته
بالقيامه يخسر .... يوم الحشر يلگاهه
خدمتك يالاكبر .... بيهه الخدم تتباهه
ننعه يومك والمصيبه مانسيناهه
والزچيه بالمجالس نحظر اوياهه
مُستهلات العهد كل عَزَه نقراهه
مانعوف حسين والله عاهديناهه
كل عزيه نحظر .... والزهره واسيناهه
خدمتك يالاكبر .... بيهه الخدم تتباهه
سيد علي الموسوي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
ليلة وداع .... يافاطمه
ليلة وداع .... يافاطمه
هالجرح كلما يمرنه يالزچيه
حظرينه ادموعنه اويه الهاشميه
نقره يامحله الوداع ابهالمسيه
صار بين الفاطمي والفاطميه
هالمستهل .... بَچَّه السِّمَه
ليلة وداع .... يافاطمه
زينب الليله صدگ صعبه عليهه
ماتهون اعليچ حسرتهه وبچيهه
نقره طلعت زينب الخيمة وليهه
اتنادي يحسين اليتامه اشلون بيهه
تجري الدمع .... بِمخَيَّمَه
ليلة وداع .... يافاطمه
يالزچيه اهموم زينبكم ثجيله
ياحزن دَلاَّلهَه الما صح مثيله
نقره ريت اتطول ياليل العقيله
اشما تطول اوياك مدمعهه تسيله
دَمعة فَگد .... اشگد مُؤلِمَه
ليلة وداع .... يافاطمه
الليله تبديل الشمع والإبتسامه
بالحزن يافاطمه ودمع اليتامه
نقره آخر ليله هاي اويه النشامه
يم حسن باچر يذبحون السلامه
باچر سَلِب .... باچر دِمَه
ليلة وداع .... يافاطمه
باچر انحظِّر دِمَه مو بس مَدامِع
باچر انهَيِّج على حسين المَواجِع
باچر اتصيح المَواكب والجَوامِع
ويلي ابو السجاد فوگ الغَبره واگع
هذا الجرح .... ما أعظَمَه
ليلة وداع .... يافاطمه
سيد علي الموسوي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
ما نِمِلَّه اولا يِمِلنه
هالعزاء ايلم شَمِلنه
( أللهُمَّ أَدِم...عَلينا...نعمة الخدمه )
ندعي رب الرحمه...ايديم هاي النعمه
للجنان الخدمه...بيهه نرتقي
حگنه من نتباهه...مفخره شفناهه
والخَدَم محلاهه...لمَّن تلتقي
على الله القبول وعلينه الدعاء
ننادي ابدمعنه وسلاح البُكاء
يِمِدِّ ابعمرنه ونقيم العزاء
نكسب العِز والكرامه
بالمجالس والخِدامه
أللهُمَّ أَدِم...علينا...نعمة الخدمه
الخادم ايشد روحه...الخدمته المملوحه
ماتهيد اجروحه...إلاَّ ابدَمعِتَه
اتشوفه ليله انهاره...گلبه تلهب ناره
ومن تصير ازياره...يمشي ابرايته
طبع باليحب الزياره يحن
وذا فتره يبعد ينوح ويون
فرحته ابحياته اللطم والحزن
هذا قانون العوابس
ماتعيش ابلا مجالس
أللهُمَّ أَدِم...علينا...نعمة الخدمه
قصة الوفَّايه...تختصرهه احچايه
ماتطيح الرايه...وعجَّبنه العَجَب
ندعي يابارينه...بالعشگ خلينه
للگمر وحسينه...راحتنه التعب
گلبنه اعله زينب يضل محترگ
نَبضنه الولايه وهوانه العِشگ
بدون المآتم تره نختنگ
خادم ايصيح اعله خادم
مُلتقانه بالمآتِم
أَللهُمَّ أَدِم...عَلينا....نعمة الخدمه
الكربلاء موضوعه...ماتجف ادموعه
دوم وي مشروعه...مايگطع وَصِل
غير طه وآله ...كلشي مايحلاله
لو تفك دَلاَّله...تلگاه مُتَّصِل
على الفرحه گلبه تِعَدَّه وجِزَه
فقط بالمجالس مِلَك جائزه
يگلك أموت ويعيش العَزَه
والتشوفه ابكل عزيه
هذا تدعيله الزچيه
أللهُمَّ أَدِم...عَلينا...نعمة الخدمه
سيد علي الموسوي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
٩٥١- في مجلس بن زياد
من حر الشمس ماظل ويهلي
ودمعي چالمزن يهمي ويهلي
تمنيت انذبح واخلص ويهلي
ولا ادخــــــل بديوان الدعيه
✍ فراس المحمداوي
نعي للامام السجاد ع
ابو الباقر ختم عمره.
وماجفت دمع عينه
يوميه يشوف الطف
ويسمع صرخة اسكينه
تصيح بصوت ايفت الروح
وتون ونات الحزينه
لاخيمه البقت ياعم
وشمر عگبك حده بينه
ضل كل مايشوف الماي
يبجي ويذكر احسينه
يكول احسين ابويه المات
عطشان وسگه دينه
والله يساعد الباقر
بدمعة عينه ايناظر
بيديه الگيد والحافر
اويلي يكسر الخاطر
من شاف ونضر ذيج الرزيه
كلمات الملا احمد السالمي
———————
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
ابيات ابوذيه
،،،،،،،،،،،،،،،
غريبه وليل ما كافل وياهه
وشمر بل نار خيمتهه وياهه
نخت كرار بويه احضر وياهه
عليهه اجناب دارت هل مسيه
،،،،،،،،،،،،،،،،،
حرم وجناب ياحيدر تراهه
وعليهه السوط ياوسفه تراهه
يحادي ايتام كف عنهم تراهه
احشم الروس فوگ السمهريه
،،،،،،،،،،،،،،
حگه اليوم گلبي ايذوب ون هام
على الخوان لسمع دوم ون هم
حسن وحسين والعباس وينهم
عن زينب رضوا زينب سبيه
،،،،،،،،،،،،،،،
عن حالچ شكيت آني سل أمي
يزينب للكفل روحي سلي مي
هويت من المهر وابعث سلامي
الچ يم عون من بعدي سبيه
،،،،،،،،،،،،،،
وسف عينه الاعادي ماردتها
بسهم والروح بعده ماردتها
چفوفي سياط شمرا" ماردتها
عباتي اتطيح من اشگف بديه
**
النشد عباس وينه يعود رديت
ولعد السوط بالمتنين رديت
گمت خويه لچن للگاع رديت
خفت ينشاف طولي الحگ عليه
**
عمـتك ويـن يلصاحب منـا الهـه
أوياهه أيكون كافلهـه منـا ألهــه
العقيلـه بياذنب شمـرا منـا الـهـه
بـسـوطـه وصاح زيـنب يـلسبـيــه
*
جفوني ادموم مو دمعات سالن
وعلي الأيام كثره اسيوف سالن
لمصاب الحسن كل عظاي سالن
صدگ مسموم مات ابهل مسيه
،،،،،،،،،،،،،،،،،،،،
أديــر الـعـيـن لــكـتــاري بــيـاون
وحس الروح چن تسحن بــيـاون
الـنـعـش خلوه يـل وادم بــيـاون
تودعه اتريد بت امه الزچيه
،،،،،،،،،،،،،،،،،،،،،
يا ناس التحمل الآه مثلاه
حسين وصار بعد الموت مثلاه
لا يوم اليمر بالكون مثلاه
كيوم المنذبح واخته السبيه
،،،،،،،،،،،،،،،،،،،
لخادم خدمة الحسين ع
ابو عمار الدراجي
على حب الحسين( ع) الاشتراك بقناة اليوتيوب👇
user-dg5tn9bg3i" rel="nofollow">https://www.youtube.com/@user-dg5tn9bg3i
دفن الاجساد محاورة بين الامام السجاد والسيدة زينب عليهما السلام
،،،،،،،،،،،،،،،،،،،،،،
يا زينب بلا راس رحت ودفنتـه
ذاك العزيز حسين بچفوفي شلته
::::::::::::::::::::::::::::::::::::::::::::::
يا عمه جسم حسين شيلمه اليـــه
ما ظل كتر ينشال لبن الزچيـــــــه
رضت ضلوع الدين خيل اعوجيـه
هو الجرح شيطيب لو فوگه ميــــه
سهم الگلب اذاه لمن سحبتــــــــه
ذاك العزيز حسين بچفوفي شلتـه
،،،،،،،،،،
حاچيني يلسجاد يا عمه وينــــــه
ظنيته رد وياك واگبل علينـــــــه
لتگلي جوه تراب نايم ولينـــــــه
ما آيست مذبوح وتصدلي عينه
يكعدلي عمه ادريه لو يسمع اخته
ذاك العزيز حسين بچفوفي شلتــه
،،،،،،،،،،،،،،،
شحچي السبط مذبوح واوصاله طشار
والخنصر المكطوع دورته محتـــــــار
يا عمه ضلع حسين هم صابه بسمــار
دفعو عليه الجيش واتخيلي الصــــــــار
ذكرني بالزهراء بعيوني شفتـــــه
ذاك العزيز حسين بچفوفي شلتـه
،،،،،،،،،،،،،،
لتگلي ما حاچاك ما گلك اختـــــــي ؟
ذاك البعد عمريــن يسمع حسرتــــي
راسه برمح مرفوع ويحسهه ونتي
ما وده صوغة شوگ تمسح دمعتـي
چا گتله زينب ذيچ تنطر گعدتــــه
ذاك العزيز حسين بچفوفي شلته
،،،،،،،،،،،،،،،،
يا زينب الطعنات والــدم والتـــــــراب
خلن حبيبي حسين فوگ الرمــل ذاب
لو حاضره الزهراء وتشوف المصاب
چا ماتت من النوح ما حاجه للبـــــاب
رغم الضلع مكسور والدمعه سكته
ذاك العزيز حسين بچفوفي شلتـــه
،،،،،،،،،،،،،،
مو گتلك اخذ وياك دمعي وعبــــــاتي
لم بيها اخوي حسين روحي وحياتي
لو يسألك چا وين اختي وبناتـــــــــي
گله بخرابه يصير نومي وصلاتـــــي
ماتت حزن علراس بالغربه بنتـه
ذاك العزيز حسين بچفوفي شلته
،،،،،،،،،،،،،،،،،
يم النهر مطروح زينب كفيــــــلچ
بالچربه مامش ماي خاطر يجيلچ
حيله انتي زينب راح شيرده حيلچ
چنتي بحمى العباس بارد دليلــــچ
هسه الگمر عالگاع فرغت جربته
ذاك العزيز حسين بچفوفي شلتــه
،،،،،،،،،،،،،،،،،،،،،،،،
لا عمه اخوي يموت خافنه غافي
ما گتله اخته تگول نوم العوافــي
لو حتى مات الحيد يگعد يوافــي
چا هو بس الزين دلاله دافـــــــي
ناطرته اظل للموت يرجع عرفته
ذاك العزيز حسين بچفوفي شلته
كلمات / #رعـــد #الفريـــجي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
*نعي
🔻دفن الأجساد
ياجسم الحسين ..ظل بالشمس مطروح
ياجسم الحسين
آ يـالـتـدفنــون .. شيـلو الجسم بهـداي
آ يـالـتـدفنــون
ماشـارب المـاي ..مـرمـي وثـلـث تيـام
ماشـارب المـاي
المن توسدون .. ماعـنــده خـد لـلگـاع
المن توسدون
گـلهم لينسون .. حـفره المكان الـراس
گـلهم لينسون
طفله اعله صدره .. گـلـلهـم يـخـلــون
طفله اعله صدره
ينشد عله الحال .. مـاهمه حـال البـيه
ينشد عله الحال
شخـبـار العـيـال ..من نحره يطلع صوت
شخـبـار العـيـال
چـوتهـم الگـاع .. مـا يـدري لمــن طـاح
جـوتهـم الكـاع
ظـلو يرگضـون .. بيـن الجثث والخـيل
ظـلو يركضـون
شدونه بحبـال .. ابدرب اليـسر ياحـيف
شدونـه بحبـال
ياطبـت الشـام .. ظـلت جـرح مـا طـاب
ياطبـت الشـام
**
🖊️عباس فاضل الشمري
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
نعي للدفنه
*
يعمه اوصيك اريد وبيه حسره
موش حسين تلجم عمه ضهره
بالخيل اشكثر مسحوك صدره
وسع اللحد من تحفرله كبره
يعمه حسين جسمه اسهام متروس
وبصدره الحوافر كامت ادوس
من كد ما حنين ودمعه محبوس
اجه وياي يمشي وجايب الروس
زينب تخاطب السجاد ع عنده ذهاب الى العباس ع
**
يعمه لو رحت يم صاحب الجود
اريدنك يعمه اتبوس الزنود
وتكله تره وفيت العهود
صح مو يمي بس وياي موجود
كله العشره يا عباس متهون
رحت والصوط زورك خويه المتون
اكعد كامو بزينب يعيلون
اشما طكوني ليك ادير العيون
مدري اشلون يا عباس عفتك
دولبني الوكت يمدلل اختك
ابدال الشمر تحدي النوك ردتك
يا عباس كتلني فركتك
ليلى تخاطب السجاد ع
*
سلملي اعله الاكبر كلش اهواي
وكله اشلون يبني اتضيع ارباي
نزله بالكبر يوليدي بهداي
ومن يوم الرحل ما ضايكه الماي
يايمه اشحلات الولد بالبيت
ووليدي يرد للبيت ياريت
وبس اصفك بديه اليوم ضليت
وفك عينه علي الاكبر تمنيت
***
عنده رجوع السجاد ع تتلكاه ليلى ع
صاحت هم سأل يوليدي عني
تره افراك الولد والله كتلني
اشلون ايروح الاكبر هيج مني
بعد طول العمر ما يهده وني
رمله تخاطب السجاد ع
**
سولفله اعله حالي وضيمي كله
وامك ما هدت جسام كله
كمت دربي بغيابه ما اندله
مدري اشماني وضليت عدله
بهداي الولد لو نزليته
تره كلبي انمرد من ودعيته
من حكي الولد لو عاتبيته
مدري اشلون جاسم فاركيته
رمله تخاطب السجاد ع عنده رجوعه من دفن القاسم
تكله ابني وثمر كلبي اشلونه
اخاف اتغير امن الشمس لونه
كونه يرد صحت للدار كونه
واكبار العشيره يحنونه
الرباب تخاطب الرضيع ع
**
تكله اعله الولد تبجي الدللول
وعدوك صحت يبني ساكن الجول
وكبر عبدالله هسه اشلونج ايكول
ونيت ونيني رايح ايطول
ييمه اعله الصدر بهداي وسده
تره كلش زغير اوليدي بعده
مامش راس تدري اوليدي عنده
اشلون اتحط عله التربان خده
الرباب تخاطب السجاد ع عنده رجوعه من دفن الرضيع
من ابني تكله بيك ريحه
هلبت يكعد امن الترب صيحه
اشماله الموت شو سوه الريحه
ومثل اوليدي خلاني ذبيحه
***
رقيه تتلكه اخوها السجاد عنده رجوعه من دفن الاجساد
****
صاحت بله ريضلي يخويه
هم كلك اشتاقيت الرقيه
ثلث تيام شو ما مر عليه
يمته ايرد وراوي حته اديه
صايرله اشكثر ما حاجي وياي
وموش اطباع ابوي اعله الكطع هاي
تره منتظره ابوي وضامه الماي
اريد بجفي اشربه نور عيناي
***
الشاعر
تحسين الخفاجي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
ياحسين
حسين بـمـجلسك عـمـري .. قضَيته
وفــرض الـنــوح مـامــره .. قضَيته
الـطـف ويـاي مـن زغـري .. قضيته
ويـضـل لـلـمـوت نـاره اتـعـيـش بـيـه
*-------------------*------------------*
✍خـادم الحسين ع
الشاعر رعد الجريخي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
نرجوا المشاركه بحمله الصلوات المحمديه نهدي ثوابها الى صاحب العصر والزمان عج و ام البنين ع على نية شفا۽( احد خدام الحسين (ع )
الله يقضي حوائجكم جميعاً
#اللهم_صل_على_محمد_وال_محمد_وعجل_فرجهم
صلوات محمديه25😔
صلوات محمديه50💐
صلوات محمديه 100🌹
صلوات محمديه /عدد الي تكدرون عليه♻️)
الله يقضي حوائجكم جميعاً
#اللهم_صل_على_محمد_وال_محمد_وعجل_فرجهم
ماتهمني اشموعي..والمُهم موضوعي
نصرت حسين...نصرت حسين
آنه جاسم وآنه ابوي المجتبى اموصيني
لو شفت عمك وحيد اتنصره ياضي عيني
وانذرت عمري الخدمته وانذرتهه اسنيني
مو مهم عرسي وزفافي المهم أرضي حسيني
بين أهلي وناسي...والله ترفع راسي
نصرت حسين...نصرت حسين
آنه مؤمن وابقه ادافع عن وعي ابإيماني
للحسن أوفي ابوعودي وعالصدق رَبَّاني
عهد مااعوف الحسين وعالعهد يلگاني
هُوَّ امامي وهُوَّ عمي وهُوَّ ابوي الثاني
گتله ياضي عيني...تسوه كل اسنيني
نصرت حسين...نصرت حسين
خدمة حسين الكرامه والشرف معناهه
موتتي اتصير اعله حُبَّه أهتف اشمحلاهه
عالعشگ روحي ابوي امن الزغر ربَّاهه
أرد اموت ابهالمَحَبَّه وافتخر واتباهه
هالعشگ يحييني...وخالد اتخليني
نصرت حسين...نصرت حسين
قائدي حسين ابحياتي وغيره مَيصح قائد
وآنه يايُمه اويه ابوي ابنصرته مِتعاهد
كربلاء تشهد عليه ودمَّي بالطف شاهد
وباچر الأجيال كلهه تحچي باسمي الخالد
ربنه مايخفيهه...وكلنه نفخر بيهه
نصرت حسين...نصرت حسين
نفخر ابذكرك يجاسم ياشهيد اطفوفه
هاي الارواح ابمحبتك سيدي مشغوفه
واعله حب هذا المجالس كل وكت ملهوفه
هاي خدامك تنادي حسين ابد منعوفه
كل عزاء تلگانه...وتسري ويه ادمانه
نصرت حسين...نصرت حسين
سيد علي الموسوي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
آنه واولادي النِّشامه
ابخِدمِتَك يَبن الإمامه
يُمَّه يحسين
چانت امنيتي أَخِدمَك حتى انول امرادي
والله شَرَّفني ابخدمتك ياعزيز الهادي
من گلت ماشين عنكم گلبي ضل اينادي
لاتِخلِّي اوياي واحد إخذ كل اولادي
حتى ماعيش ابندامه
ابخدمتك يبن الإمامه
يمه يحسين
آنه باريتك ولكن إنت المباريني
حُبَّك المغروس بيه أصبح ايغذيني
أفتخر بين الطوايف أمَّك اتسمِّيني
هاك اخذ من عندي كلشي ارد اوفِّي ابديني
وافتخر يوم القيامه
ابخدمتك يبن الإمامه
يمه يحسين
روح التوِدَّك يغالي إنت كل رجواهه
صارت امحبتك حياتي وماعشت لولاهه
خدمتك يبن الزچيه أمنيه اتمنَّاهه
يم علي الكرار وامَّك باچر ارد اتباهه
حَصَّلت هاي الكرامه
ابخدمتك يبن الإمامه
يمه يحسين
گلب اليحبكُم يَيُمَّه ماحِمَل فرگاكم
لو يصح بيدي مشيت ابهالسَّفَر وَيّاكم
ريتك اتخَبِّرني يَبني الياوكت اتناكم
لَحَد ماتلفون اليَّه راح اضل انعاكم
أحضه لو جيتو ابسلامه
ابخدمتك يبن الإمامه
يمه يحسين
آنه الك وصيت ولدي وكلهم ايسمعوني
من گلت يولادي بيكم لا تخيب اضنوني
لَوَن گبل حسين طحتو فعلاً اتوافوني
واليلوموني اعله هايه خَلهم ايلوموني
ما تِهمني كل مَلامَه
ابخدمتك يبن الإمامه
يمه يحسين
سيد علي الموسوي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
گلبچ عالهجر بيش ايتصبَّر
ألله ايعين گلبچ يم الاكبر
ياحيرة الحيره...والكسره چبيره
ياام الاكبر
دمعچ والمُعانات....تعجز كل الابيات
توصفهه ابكتابه
اليفگد مثل الاكبر....نار ابگلبه تسعر
شيوصّف عذابه
إبنچ مثل الانفاس...عندچ يم الاحساس
شيحمله غيابه
حگچ من تنوحين...ومامعذوره كل عين
ماتبچي المصابه
والهظمه الچبيره التاخذ الروح
من گالولچ ابنچ شابع اجروح
وشالوه ابحصيره...والكسره چبيره
يم الاكبر
.....................................
گلبچ شابع اهموم...إبچي ومَحَّد ايلوم
والله البچي راحه
الفاگد گلبه مفجوع...سَلوه ايشوف الدموع
ابليليته وصباحه
المثل الاكبر ايطيح...كون ابكل عزه انصيح
حَيَّ اعله المناحه
نفزعلچ مُواساة....والشايل جراحات
شيضمِّد جراحه
واليشبه رسول الله يوصفُوه
بالحومه على الهامه يطبرُوه
هَد حيل العشيره...والكسره چبيره
يم الاكبر
....................................
حلمچ يم الاحزان...مات ابسيف عدوان
ياحزنچ يليله
الراح الگلبه يهواه...حيل ايصيح ويلاه
والمدمع يسيله
فتره ويرجع انگول...صَبراً هاي معقول
وانضل نندعيله
بس ناعي الحزن صاح..ياليله علي راح
والفرگه طويله
راح ومايرد شمعة حياتچ
تكسر راح گلبچ ذكرياتچ
ونظرات الأخيره...والكسره چبيره
يم الاكبر
.......................................
هيچ اتغيِّر اوضاع...آخر نظرة اوداع
ماچان اعله بالچ
ون گلبچ بلا صوت...مثل الشمعه بسكوت
ضل يبچي اعله حالچ
راح وروحچ اوياه...ضلت تجذب الآه
والكسره ابسؤالچ
هم ترجع لچن صاح...يَمِّي غير الاجراح
وغيره الحسره مالچ
ياتعب الرِّبه وياتعب الاسنين
راح ابكربله چن رمشة العين
راح الكِلَّه غيره...والكسره چبيره
يم الاكبر
....................................
يامولاتي للدين...ضحِّيتي ابضوه العين
وفضلچ ماله مقياس
يالبچِّيتي الاملاك...ابحزنچ والجرح ذاك
تبقى اتسولف الناس
يم الرفعه والجاه...ذكرچ مانسيناه
ذكرچ يرفع الراس
باسمچ نبقى نفخر...وابنچ علي الاكبر
هالعايش بالاحساس
مانتأخَّر ابكل عزه عنكم
منكم نطلب التوفيق منكم
بدموع الغزيره...والكسره چبيره
يم الاكبر
سيد علي الموسوي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
يا علي....وينك يحامي ادخيله
يا علي....هالليله أصعب ليله
گلب العقيله...هالليله محتار
تبچي وتنادي...وينك يكرار
وينك يحيدر...ياحامي الجار
تحمينه ردنه...من گوم الاشرار
يا علي .....ردتك تحامي العيله
يا علي .....هالليله أصعب ليله
صاحت يبويه...وينك يضرغام
من الجِرَه وصار...مرعوبه الايتام
شوف النساوين...ماتگدر اتنام
لاضلت ارجال....لا ضلت اخيام
يا علي.....سَجَّادَك انهَد حيله
يا علي.....هالليله أصعب ليله
أبچي اعله عباس...كَفَّالي الازهر
ورمله اعله جسام...وليله اعله الاكبر
من صاحو حسين...طاح او توذَّر
فَرَّت مِنِ الخوف....أيتامه بِالبَر
يا علي .... العسكر وِلانه ابخيله
يا علي....هالليله أصعب ليله
من چلچل الليل...والله انهظمنه
لا انته موجود...لا فاطمه امنه
يابويه واعداك...ذبحو زلمنه
وعگب الزلم ذيچ...حرگو خيمنه
يا علي....ياهو البَعَد أشكيله
يا علي....هالليله أصعب ليله
من وَنِّي مَبحوح...يابويه صوتي
وبدموعي صَلَّيت...وابچي ابقنوتي
من عگب الاحنان...أتمنَّه موتي
بالحومه ياريت....مَيته اويه اخوتي
يا علي ....دمع العذاب انسيله
يا علي....هالليله أصعب ليله
سيد علي الموسوي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P
لحن گلي يالميمون
گلي يوليدي...وين يالغالي
جيت اهز مهدك...والمهد خالي
اترد يعبدالله...هَلبَت اعله امك..وايخف حِزنهه
آنه بالخيمه...والگلب يمك...يشرح شَجَنهه
عگبك اعيوني...الچانت اتضمك..تعمه عسنهه
أحچي وي روحي...وحزني يبرالي
والمهد خالي
......................................
خذو روحي اوياك...يالرحت مني والحسره بيه
بسمتي غابت...من غبت عني...وناري سريه
دنيتي ابجرحك...خيِّبَت ضني..واصفج بديه
امثلث الصابك...صاب دَلاَّلي
والمهد خالي
....................................
ياهو البعمرك...ذبحو اسنينه...وصابو رگبته
يبني الاموادَع...وينك او وينه...شو حظني عفته
گالو اوليدچ...غمضت عينه...وذبلانه شفته
يبني وابموتك....ماتت آمالي
والمهد خالي
..................................
افراشك ابحظني...امچانك ابعيني
مو بالمگابر
ريت تحچي اوياي...وما تخليني
مكسوره خاطر
موتي وياكم...ريته يلفيني
ولا أبقه باچر
أبچي لمصابك...ومنشده بالي
والمهد خالي
......................................
لو يصح بيدي...ابدمعي رَوَّيتك...يابعد حيلي
يامن ابعيني...وروحي ضَمّيتك...من تعب ليلي
تالي يوليدي...اتصير تاليتك...حسره ابدليلي
فرگتك يبني...غَيِّرت حالي
والمهد خالي
سيد علي الموسوي
الرادود احمد الزوار 👇👇👇اضغط على الرابط
/channel/+QYhwKvqAiD7e_b1P