الرادود احمد الزوار

05 June 2023 20:15

ميمر للجواد

لو عكست الدنيه وياك. الكبر الجواد اتعنه
****
هذا الكريم الما يرد خطاره
محد اجه وما بشراه ببشاره
صبح ومسيه ايرحب بزواره

للحضره لو بس طبيت جنك تطب للجنه
****
خل يكصد الكبره اليطيح بشده
والصفه كلبه ونيته حاشه يرده
باب المراد امراد اخذ من عنده

جم مره زرته وصليت. وما خيباها الضنه
***
وين الصعب مرضه وعجز دكتوره
خل يعتني الكبر الجواد ايزوره
والصيدليه كبته المشهوره

اكبر طبيب ابغداد. واسأل الوادم عنه
*****
عندي يقين بسيد الحنيه
ايشافي المريض ويرزق الذريه
وكبته يا ناس بذهب مطليه

والعنده متصير اطفال. خل يمشي يطلب منه
****
هذا الجواد وكلها تحجي بجوده
وبالكاظميه سفرته ممدوده
وكت الشدايد وكفته مشهوده

وكل عاشك اعله الشباج. يشبك عمر يتمنه
**
باب المراد ويفرح بخدامه
وحي الله صاح المهدي باللطامه
احيو يشيعه بالدموع ايامه

لمصيبته نبجي اليوم. ونجذب بكبره الونه
***
تمت
تحسين الخفاجي

الرادود احمد الزوار

02 June 2023 18:49

قصيدة بلسان حال العليلة فاطمة ع
ـــــــــــــــــــــــــــــــــــــــــــــــــــــــــــــــ


عليلة والله مشتاگة لهلي
عليلة والله مشتاگة لهلي

ــــــــــــــــــــــــــــــــــــــــ


فاطمة آنه العليلة
دمعي بالدّم ساچب

بونة الفاگد أونّن
گلبي بالهَم ذايب

راحو أهلي وانه وحدي
وَيّه ليلي معاتَب

والنهار اگضي عليهم
ويَ ٱنتظاري مناحَب

سَهَر طال لَيلي ماظَن ينجلي
عَليلة والله مشتاگة لهَلي

ـــــــــــــــــــــــــــــــــ

ليلي صاحب چَم مواقف
آنه ما أنساهه

ناس مَلّت مِن دموعي
وليلي هو أخفاهه

وبعِتِمتَه سَكتة أبچي
روحي ظل رَجواهه

ألتقي بأحباب گلبي
لله ظل شكواهه

هضيمة بزغري آنه أبتلي
عَليلة والله مشتاگة لهَلي

ــــــــــــــــــــــــــــــــــــــ


لسه أذكر أهلي لَمّن
أظعِنَوا جدّامي

أيقنت آنه لمِنِيتي
گرّبت أيامي

روحي شاغت عَنّي بِعدَوا
وِبتِدت آلامي

وِنحُفر بالعين أثرهم
والگلب ظل ظامي

صِحِت آه يمتى رَجعتكُم إلي
عَليلة والله مشتاگة لهَلي


ــــــــــــــــــــــــــــــــــــــ


رِدت أروح وياهم آنه
وما خذوني ٱوياهم

گلبي گلّي يا العليلة
أيسي مِن ملگاهم

هَم وحيدة وهَم عليلة
وهَم ألَم فرگاهم

ساعة أموت وساعة أعدل
لو يِمُر طرواهم

عگبهم خالي مظلم منزلي
عَليلة والله مشتاگة لهَلي

ـــــــــــــــــــــــــــــــــــــ

آنه چانت أمنياتي
بموتتي ٱيحضروني

الفاتحة يقروها إليّة
لَمّن ٱيدفنوني

تالي مهضومة وعليلة
بغربتي يخلوني

بيه تذبح ذكرياتي
وبالهجر ذبحوني

خواتي وأمي والاكبر علي
عَليلة والله مشتاگة لهَلي

ـــــــــــــــــــــــــــــــــــــــ

والله مشتاگة لأبويه
وللگمر عباسي

والأگله ما يصدگ
شيبي تارس راسي

والطّفِل تِذكارَه عايش
يِسري وَي أنفاسي

موتتي آخر محطة
وَي زماني القاسي

أتاني موتتي أرحم إلي
عليلة والله مشتاگة لهلي

ــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي .
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

30 May 2023 06:37

.نزلة

هله بمـسـلـم هله … شجاعه ومرجله
يـلوگـلـهـا وبـعـد … السفاره تلوك اله
~~~~~

هـلا بالضيف الـمر بينه
گـمـر يشـع ومـضـويـنه
هلا يالبي عطر احسينه

هلا ياريحة عباس

انه عمتك طوعه ادعيلك
ترى مو بس بيتي يشيلك
قـصر بنص روحي ابنيلك

انه اشيلك بالانفاس

روحي انطيهه وما انطيك مسلم يمه
انا وبـيـتي وولـدي افديك مسلم يمه
يـحلـم هـذا اليـوصل ليـك مسلم يمه

اذا لاحك خـطر … اشيلك بالنـظر
علئ روحي عذر … ابــد مـا اقبله

~~~~~

هلا يوليدي الوحداني
بـرز الهـم حيـدر ثـاني
هـلا انـزل ويــاك انـي

خلني بكل عمري افديك

تـرى لتــفكـر تـحميـني
انـه امـوتـنلك خـليـنـي
هلا كون بروحي وعيني

مسلم ياعمه اخفيك

مسلـم طبها وصاح الصوت مسلم طبها
ها طـبــاكم مـــــلك الــموت مسلم طبها
حتئ النسمه امست متفوت مسلم طبها

مـثل عمه عـلي … الزلم بي تبتلي
اسم حيدر سور … بـرگـبـهـم رتله
~~~~~

فـعل الضيغـم بفعاله
الگمر بضهره اتراواله
شطر يشطره اليدناله

خله الجثه ابلا راس


خـبـط اولـهــا وتـالـيـهه
شـبگ ايـديهه بـرجليهه
صگر وطب حام اعليهه

وجمهه الطير الجرناس

ياهو الدارج طوعه يفوت محد يسلم
اللي يلمحه بـعينـه يموت محد يسلم
سـوه الكوفه الـهم تابـوت محد يسلم


تـفـر خـله الـزلــم … خـشـم طـگ بخشم
خبط جيش العدو … اخــيـــره بـــــــأوله

~~~~~~~~
هـلا يامسـلم طب ليها
هلا عـدوانـك خـلـيـهـا
علي كل ضنهم رد بيها

هلا يامسلم ياحيد

نـزل وخله اهل الكوفه
مثل السبحه البجفوفه
زرع بــقـادتـهـم خـوفـه

وشتتهم جيش ايزيد

مسـلـم طبـها وكـام يحـوس مسلم طبها
ضل بخشوم الكــوم يدوس مسلـم طبها
ضلت تحسب طوعه الروس مسلم طبها


نزل سـوح الـحـرب … تــرسـهـم بس رعب
شعـر جيـش الكـفر … اجـــتــهـــم زلـــزلـه

~~~~~
نـزل وسـرفن ذرعانه
هـتـف ابـن الكرار انه
صــرخ وكـبـر بـركانه

طبهم ابن الصنديد

اليجي بالصمصام يصيده
وجمـد الـيوكف يـم ايـده
تــرس بـعـدوانه الـبـيـده

اتونس بيهم ويصيد


تصرخ كلها ادخيل ادخيل تصرخ كلها
مـاضـل بيهـم ذرة حــيـــل تصرخ كلها
جـبل ومايـهـتـز ويــمـيـل تصرخ كلها


جبل جنه وشمخ … بوجهم من زمخ
صبح جر النفـس … علـيهـم معـضله
~~~~~
علي حسين الفرطوسي
نسألكم الدعاء

الرادود احمد الزوار

30 May 2023 06:29

العليله


بـغـرب ضـلـيــت ويـــــن انــطـي.. ويهلاي
وجـــفـــنـــي مــاطـبـگ لـحـظــه.. ويهلاي
عـلـيـلــه ومـــــــاگـدرت امـشــي.. ويهلاي

مـــشـــوا وغـــيـــابـــهــم طـــوّل عـلـيّـــه

                                      *---------------*---------------*

✍خادم العليله ((ع))
الشاعر رعد الچريخي

الرادود احمد الزوار

23 May 2023 20:47

#لبيك_ياحسين

امن المدينه حسين جاي لكربله
يالله يالخدام خل نستقبله
..........

شكبر حظنه حسين گاصد كربلاء
رفعوا لستقباله رايات الولاء
ويّه ابوالسجاد يا محله اللقاء
ضيف عدنه حسين بطفاله وهله
.........

يالله خل نستقبله وننطيــه عهد
نبقـى خدامه ومحبّيــه للأبـد
عاف كل الدنيا بس لينه وفَد
صيحو اهلا بيك يا ميّة هلا
........

والله لو چنّه سوه بذاك الزمن
بركضة طويريج نتلگّه الظعن
نحمي ابوالسجاد من اهل الفتن
ما يذبحونه ويرد بالعايله
.........

لكن بهذا الزمن شاء الإلـه
انصير خدامه ولا نرضه بسواه
بالمجالس نخدم ونطلب رضاه
وبالحشر ينطينه اعظم منزله
.........

حته لو منشوف وجهه ومبسَمَه
نستعدله ونحيي ذكره بمقدَمَه
الغايه نرضي حسين نفسه وفاطمه
ونترس الدنيا حُسيّنيات اله
.........

قسم لو چنّه بحياته ودنيته
چان ما واحد وصل يم خيمته
للأسف چانت قليله شيعته
ضحوا بدمهم لَبِن عقد الوله

سيد زيد الفحام
____

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

14 May 2023 19:54

في ذكرى وفاة الإمام الصادق (ع)

جعفري اوللموت أبقى جعفري
جعفري اوللموت أبقى جعفري

& & & & &

للمنيه أبقه شيعي هذا يالصادق عهد
الشيعي تدري يا إمامي ما يخالف لو وعد
بالمَثَل كالوها من جدَّ يبو الكاظم وجد
اوهذا آنه ابأول الخدمه اومقامي لن صعد

ما أعوفنك ولا أترك منبري
جعفري اوللموت أبقى جعفري

& & & & &

مذهبي شيخ المذاهب علّماني اعله الوفه
اوغذّه روحي بالمبادىء والقيم والمعرفه
إلصدق من جعفر الصادق أخذته وكفى
اوهاي دنياي ابلا جعفر أقره انا اعليها العفا

ابمذهبي عالناس يبكه مفخري
جعفري اوللموت أبقى جعفري

& & & & &

جعفري دمي اومهجتي بيها حمّاي الحمه ..
ساكن اوهوه اعله كيفه حيدر ايوَزْع الدمه
لو أقارنها ابشموخي أكصر اهواي السمه
عالإبه علمني حيدر والحسين اوفاطمه

اوعالعشكـ علمني إبن الشاكري
جعفري اوللموت أبقى جعفري

& & & & &

كل سنه انجدّد عزانه للوديعه الطاهره
اوجعفر الصادق مصابه ابكل حزن نتذكره
إلدمع عدنه حضاره وانفتاح اومفخره
والصدر نشعر عليْه مكتوب وَقْف الحيدره

بسّ اريد ابدمعي أملي دفتري
جعفري اوللموت أبقى جعفري

& & & & &

ابكِصْتي ذَب غيره الصميده وابدليلي اومهجتي
اوربّت ابجف الطهاره البضعه ونتي اودمعتي
خدمةِ العتره الشريفه قبله هيه الـ دنيتي
اومن إبِن تمّار ميثم ماخذ آنه همّتي

ميثمي سلماني ذَرِّي قنبري
جعفري اوللموت أبقى جعفري

& & & & &

حب علي هيهات حاشه كلا أقسم ما أبيع
أقسم ابدمعةْ رقيه وابكطع نحر الرضيع
ابلا علي الكرار والله ابدنيتي حتماً أضيع
الهذا متمسّك ابحيدر وابترُب أرض البقيع

عالبقيع الروح ولهت والغري
جعفري اوللموت أبقى جعفري

& & & & &

خادم أهل البيت (ع) : إبراهيم الدريس

الرادود احمد الزوار

11 May 2023 20:56

مسلم سفير حسين
لوحده يدير العين
صار إبأسر هل يوم
ويلي عله المظلوم
‏
هذه مسلم لوتشوفه بل حبال مگيدينه
وحده ظل إبلامناصر بل حجر صابو جبينه
حاوطت بيه العساكر عن يساره وعن يمينه
حقدت الكوفه إعل مسلم طوعه بس هيه التعينه


ثبت أصول الدين يعلن ولاء حسين حاطت عليه الگوم ويلي عله المظلوم
،،،،،،،،،،،،،،،،،

صلت الكوفه بأسرها رادت المسلم تطيعه
بليله يتغير أمرها خالفت حكم الشريعه
لاموالي ولامناصر غدرت إبمسلم يشيعه
بل قصر ينزف جراحه صابته سيوف الفجيعه


ينزف دمه منل إيد من شدت التگييد
آخ إشكثر مالوم ويلي عله المظلوم
،،،،،،،،،،،،،،،،،

صدر الظالم قراره تنفذ بحكم الإشاره
إخذو مسلم وبجراحه يصعد القصر الإماره
واحد إيجر من يمينه واحد إيجر من يساره
گطعو الراس إبحقدهم عل قصر دمه إيتجاره


ذبحو سفير حسين وين أهله راحو وين
ننصب عزه بهل يوم ويلي عله المظلوم
،،،،،،،،،،،،،،،،،،

‏صارت الكوفه بعزاها تلعن إبحكم الأماره
‏شيدت مسلم ضريحه ورتفع سور المناره
‏غاصت الكوفه بقصرهم وعلن الباري إنهياره
‏وإحنه مسلم من نزوره نشعر إبطعم الزياره


‏نزوره إبگلب ملهوف نبچي بدمع مذروف
‏نلبس سواد إهدوم ويلي عله المظلوم
‏
‏ ( كلمات احمد الفتلاوي )
‏
‏
‏
‏

الرادود احمد الزوار

03 May 2023 20:24

يازينب


بـدمـع عـيـنـي أبـث حـزنــي  .. وظهره
وتـسّـاوه الـلـيـل بـالـعـاشــر  ..  وظهره
حـسـيـن انطحنـت اضلوعـه  .. وظهره

أثــر خــلـت عـلـيــه الأعـوجـيــه

*------------------------*--------------------*

✍خادم الحسين ع
الشاعر رعد الجريخي

الرادود احمد الزوار

03 May 2023 08:58

#العليله

ها يعبـــــــاس الگمر. ناديتــك ناديتــك
ابدمع وبحسره وقهر. حاچيتك حاچيتك
والله تعبني السهر
والله تعبني السهر
--------------------------------
گمت اناطر. يمته يرجعلي الضعن
گمت اناطر. ينزل بأرض الوطــن
روحــــــي ما ترتــاح لمـن تلتقـــي ابكل الاهل
وتسكن اجروحي ألي بيه اويرجع ابگلبي الامل
گوه اكـــابر ياشهم. بغيابك بغيابك
ادخل الدارك وشم. بثيابك بثيابك
مارحم حالي الدهر
واللـه تعبنـي السهر
----------------------------------
يابوفاظل. گاعده ابدرب اليمر
يابوفاظل. والگلب يلهب جمر
بلكي طــارش يعتنيلي منكم ايسكــن الالم
وذكرى مـن عندك يعمي جايب اوياه العلم
منكـم اتنطر خبر. يلفيني يلفيني
مابقه عندي صبر. ياعيني ياعيني
گلبي ياعمي انفطر
والله تعبنــي السهر
----------------------------------
ليلي يخلص. حسبه وآهات ودمع
ليلي يخلص. نـــاره تسعر بالضلع
احسب انجــوم اليالـــي وابقه اساهر للصبح
علتي زادت عليه وجرحي ضل ينــزف جرح
هذا حــالي ابغيبتك. يالوالي يالوالي
ابشوگ اناطر طلتك. يهلالـي يهلالـي
فرگتك تحني الظهر
والله تعبنــي السهر
-------------------------------------
وحشه داري. ظلمه ياعمي اصبحت
وحشه داري. اوبيكم اشگــد عاتبت
طالـت الغيبــه واحسه ابنـار دلالـــي انچــوه
ابلا شعور اركض يعمي مــن يدك بابـي الهوه
حسبت رجعو هلي. لديارهـم لديارهم
ونتظـر ترجع علّي. بخبارهم بخبارهم
لارســــاله ولاخبر
والله تعبني السهر
------------------------------------
الفرگه صعبه. اوداعكم لا موسهل
الفرگه صعبه. خلت الناضــــر يهل
گمت اعـــــدلكم ثوانــــي يمته يلتم الشمل
روحـــي ملت تنتظــــركم والبعـد ماينحمل
مااضـن نلتم بعد. يحبـابي يحبـابي
راح اعيشن للابد. بصوابي بصوابي
من البجي راح النضر
والله تعبنــــي السهر
--------------------------------------
الخادم
كامل السعيدي

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

03 May 2023 08:51

تستطيع قرائة القصيده في
ليلة الاكبر أو ليلة القاسم…


رمله وي ليلـى يشكن جمــر نار المصاب
ابطفهن اتلوعن وفگدن كل وحده شاب
اجروحهن كل لحظه تكبر
راح جاســـــم راح الاكـبر
#######
اثنينهن ناحـن ســوه الفگـــد الغوالي
ابعملة الطـف شاهــدن ســـود اليالي
رمله صاحت يمه جاسم شوف حالي
متنــي ازرگ ترضه يمه ايصــير تالي

وليلى نادة يالاكبر يسباح الگلب
تقبل امك سبيه تروح وتنضـرب
وبحبل جرنه الشمر جر
راح جاسم راح الاكبـــر
#########
اتبـــادلن دمعـــاتهن والــون سويه
وعل شبــاب الراحو اينصبن عزيه
ايطلبن امن الله الصبر كل مغربيه
ضيــــعن أحلامـــــهن بالغاظـــريه

نـور جاسـم والاكبـر اسـف هليله غاب
اهلال عزهن رحل وندفن حدر التراب
والگلب ضل ايتحسر
راح جاسم راح الاكبر
#########
آه منــــچ كربله يــم العجــــــايب
چم گلب بيچ اعله فكد احبابه ذايب
الفاطميات اشكثر شـــــافن مصايب
ومـن بعـد عزهن ينــــامن بالخرايب

چــم جرح چــم اثر بالمتن من السياط
حال ليلى اويه رمله ترى ايگطع النياط
وحده ثنهض وحده تعثر
راح جاســـم راح الاكبــر
#########
حنت القاسـم دمه وعرسه المنيه
استعد شد اعمامته اوفه الوصيه
رمله بفراگـــــه تون ونـه شجــيه
آه يا فرگــت شبـــــاب الغاظــريه

الحنه دم نحره ولگبره صارت زفته
ما تهنه ابشبــــابه ورحل عن دنيته
الفرگه مثل النار تسعر
راح جاسم راح الاكبـر
#########
ليلى نادة يالولد ترجعلـي انطرك
تدري بيه ارتاح لو شميت عطرك
ماوصل يوليدي للعشــرين عمرك
هدف صاير للنبل ياوسفه صدرك

ياحلـم عمري بعـدك قسه اوياي الزمن
چنت اشوفك يالاكبر ألي خيمه اوطن
العين من تشتاگ تسهر
راح جاسـم راح الاكبـر
#########

الخادم
كامل السعيدي


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

30 April 2023 13:57

مشاهدة "كل عمــري اريده وياك گفاي الدنيا منـطيها" على YouTube
https://youtu.be/qAIQv8PUtE0

الرادود احمد الزوار

27 April 2023 06:48

#ذكرى_هدم_قبور
سادتي ائمة البقيع ...

ما تظل گبوركم مهدومه
المهدي جاي وگرب موعد يومه
ـــــــــــــــــ ❁ ❁ ❁ ــــــــــــــــــ
بيده يبني گبوركم يا اهل البقيع
دام اله طلّاب الحگ ما يضيع
خبر باچر بالسمه گرب يشيع

ظهر ابن الطاهرة المظلومة
ـــــــــــــــــ ❁ ❁ ❁ ــــــــــــــــــ
ظهر والثارات وسط عيونه
وللبقيع مغرّب بميمونه
المهدي جاي بحرگه وتعرفونه

جده يشهد له تراب الحومه ..
ـــــــــــــــــ ❁ ❁ ❁ ــــــــــــــــــ
جده حيدر بالحرايب  ما يلين
وهذا ابنه المهدي من بعد السنين
الغاب جاي وكلشي في سده الأمين

والهدم باچر يدفنه بكومه
ـــــــــــــــــ ❁ ❁ ❁ ــــــــــــــــــ
بكومة مو من القبر هذا الحجر
من أحجار اصنام ابو بكر وعمر
الكسرهن حيدره وطه الأمر

يخادعون الله ونبيه وگومه
ـــــــــــــــــ ❁ ❁ ❁ ــــــــــــــــــ
يخادعون الله ويعبدون الصنم
ذولي اجداد التجاسر والهدم
گبوركم ياصل المكارم والنعم

والحقد عد الهدم مفهومه
ـــــــــــــــــ ❁ ❁ ❁ ــــــــــــــــــ
الحقد مالي الگلب قبل القصور
يزيل باجر من يشع للمهدي نور
يهدم قصور ويعليها القبور

وما تظل اي مكرمة مضمومه..
ـــــــــــــــــ ❁ ❁ ❁ ــــــــــــــــــ
بلاية قبة والمكارم سايحه
عله گاع الله بمواقف مالحه
شلون اذا صارت قباب ولايحه

للعيون الكاصدة المهمومه
ـــــــــــــــــ ❁ ❁ ❁ ــــــــــــــــــ
مصطفى باسم الغزي

الرادود احمد الزوار

26 April 2023 10:03

بعد عين المشو     شيطيب الكلب
بعدني الهم بعد    اعاين عالـدرب
             يكلبي احبهم
➖➖➖➖

احنـن  .. وونــن
اعذروني من اون فاگدلي غالي  
يريته ..   اليعاتب
يريت ايجرب الفــرگه ابـــدالي 
وشَـوفه ..   فركتي
واثبتله اشكثـر متعوب حـــالي 
  يشوكي ..    اخـذني
 ادفني بكـــــبر محـــد بــــقالي


  ويا عــــازة گـبر     عالــــراح وجفه
  وي آخي اشحس    كل حيلي انچفه    
                يكلبي احبهم
➖➖➖➖➖

حقيقه  ..  اليفارگ 
تضل روحــه تحن لآخر مـنيته
  صعوبة  ..  غيابه 
 ابو كلب الترف صعبه فركته
يروحي .. بَعدهم
يمــر لــيلي ولا اذكـر غفيــتــه
يكلبي ..  أنه ادري
البحاجة محب مـــات بعبــرته


يبو فراك الصعب    لاواني الصبر
ولاويته  ابدمـــع     خسرني عمر 
          يكلبي احبهم

➖➖➖➖

بلوتي  ..  وحسرتي
مشكلة البُـعد ما يعـرف احباب
  يعاتب ..    ونيني
ما تاب الكبر من طاري الغياب
يدمعي ..  ويجرحي
شيسوي الدمع للكلــبه ما طاب
سوالف .. بعدها
سوالفنه وشقـانه ابعتبـت الباب 


البنـص الگـلب      يستنگي الگبر   
وعالون والدمع      يجبـرني جبر
        يكلبي احبهم

➖➖➖➖
يروحي ..    وجروحي
شبعدلي من السهر والهم كضاني
خذاهم   .. وكـــــتهم 
خذاهم من وكت بس ما خــذاني 
  يكلبي ..   ويكلبي
اضل لشوكـــت انطـــرهم وتــاني 
  انامــن  ..   وفـــــزن
افز لو كلبـــــي حــــن وما اجـاني


يرحي السافرو    عن روحي بطو
وعيش الوحدي     عافوني وجفو
           يكلبي احبهم

➖➖➖➖

حنينه ..   علــيه
اضل اشبك شبك بيها صورهم 
عذابي  ..    وراهم
ذبل حـــيلي بعــد ما فاركتهـم
  نسوني  ..  وراهم
 يا جـوي المشو مــن ودعــتهم 
ولاجو ..   حلم عاد 
على ساعه وامــوتن من هجرهم


مو حگي من اون     كلــبي ينفطر
انه امضيع اخـــو      افــراگه جمر 
           يكلبي احبهم
➖➖➖➖
حيدر عبدالله السعيدي

الرادود احمد الزوار

26 April 2023 09:54

نزال للانصار

user-dg5tn9bg3i" rel="nofollow">https://www.youtube.com/@user-dg5tn9bg3i

الرادود احمد الزوار

26 April 2023 09:45

شور
user-dg5tn9bg3i" rel="nofollow">https://www.youtube.com/@user-dg5tn9bg3i

الرادود احمد الزوار

02 June 2023 18:56

قصيدة بلسان حال العليلة فاطمة ،،،،

طفلة وعليلة وياكم اخذوني
بالغربة وحدي لا تخلوني

راح العزيز بغربة خلاني
كل المصايب دهري راواني

طفلة طفلة .

ــــــــــــــــــــــــــــــــــــــ

ويلي ليلي سهرانه عيني ما غفت لحظة
وني حزني لمن تفجر صابني الشظة
ادري بعمري جفت ولا تخضر بعد أرضه
صعبة بغربة يا بويه اموت بحسرة ما ترضه

صبح ومسية تهمل عيوني
والغربة بويه غيرت لوني

أتمنى شوفة أهلي وخواني
كل المصايب دهري راواني

طفلة طفلة .

ـــــــــــــــــــــــــــــــــــــــــــــ

حلمي أمي أحضنها وحضن كل أخياتي
وخبر الأكبر وأشكيله كل همي ومعاناتي
أحمل اسأل عبدالله مشتاگ علضحكاتي
وحچي وشچي لعمي الگمر عباس آهاتي

وشتم عبيرك يا دوة جروحي
يا بوية رسمك عايش يروحي

گلبي يبويه لجيتك امتاني
كل المصايب دهري راواني

طفلة طفلة .

ـــــــــــــــــــــــــــــــــــــــــــ

إسمع إرجع بعظامي يا بوية المرض ينخر
بنية اعليه افكاري ظلمة اطيافهن تفتر
وحدي أبدي احچي وي روحي بوية من اضطر
جمري بصدري صبري قليل وما بعد أكدر

حال اليتيمة وظاله بداري
تاخذني يمنه ويسره افكاري

وين الحنين الأسمه بلساني
كل المصايب دهري راواني

طفلة طفلة .

ــــــــــــــــــــــــــــــــــــــــــــ

أنسر منذكر وي سكنه ورقية گبل نلعب
لحظة ومضة هالذكرى تتلاشى وأرد انحب
گبالي خالي مهد الرضيع وگلبي يتعذب
بوني چني طير انذبح وبموته يتگلب

طفلة ومريضة وبزغر سني
عفت الطفولة وعاشرت حزني

فراگ الأحبة بجمره چواني
كل المصايب دهري راواني

طفلة طفلة .

ـــــــــــــــــــــــــــــــــــــــــــ

هضمة وظلمة صارت حياتي بفرگة احبابي
حالي هالي عالوجنة دمعي بجمرة امصابي
أندب ونصب مأتم عزائي وفرش أهدابي
بنوحي وروحي عيوني لدربكم ظلت ترابي

اسأل عليك الرايح وغادي
فراگك يبويه ذوب افادي

ابيضّت عيوني وحزني أعماني
كل المصايب دهري راواني

طفلة طفلة .

ـــــــــ

بقلم ،،، أستاذ ستار عذاب الحچامي .

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

30 May 2023 06:42

باچر انته اعله الرمح وانه ابسبي
لا علي يمنه ولا جدنه النبي
كلمن يسولف مصابه
وملتقانه بالخرابه
يخويه
ــــــــــــــــــــــــــــــــــــــ
الليله زينب لـمّت ادموع السنين
واجت لللخيمه تدور عالحنين
سد كتاب الله وگــاملهه الحسين
هلا ناده ابّت امير المؤمنين

اشعندج ابهالليل زينب طالعه
وليش من هسه احسچ ضايعه
ياهلي وكل الكرابه
وملتقانه بالخرابه
يخويه
ــــــــــــــــــــــــــــــــــــــ
گعدت وگالتله يالحبّك نجاة
ابالي گام اتدور ذيچ الذكريات
ابيت ابونه وامنه من چنه نبات
وعدنه حوض الكوثر اليسوه الفرات

طاسة المـَي باچر ابسعر النحر
وتشتعل چم خيمه من يطفه الگمر
واليسر ناخذ ثوابه
وملتقانه بالخرابه
يخويه
ــــــــــــــــــــــــــــــــــــــ
عالهزل باچر وانادي ياهلي
الحگولي النار حرگت محملي
احسين هسه انته تگلي اتدللي
وباچر اچم مره اصيحن ياعلي

من يعثرني الزمن يحسيني
اسم الله من فوگ الرمح حاچيني
من يذبحون المهابه
وملتقانه بالخرابه
يخويه
ــــــــــــــــــــــــــــــــــــــ
اشلون اودعك گلي ياستر النساء
كون المّ احساس كل الانبياء
وكون اجمع شكو قرآن ودعاء
وابچي وادموعي تغرّگ كربلاء

هيچ اودعك كون يبن امي وابوي
وخلني اشبع شوف من وجهك يخوي
والصبح گرّب عذابه
وملتقانه بالخرابه
يخويه
ــــــــــــــــــــــــــــــــــــــ
يختي اريد اوصيچ گاللهه اعله شيَّ
لو اظلّن بالشمس سويلي فَيّ
احسين گالتله افييلك بَديّ
انته من تموت تبقه ابعيني حَيّ

عميه كون اعيوني من گبل الصبح
ولا اشوفن رحمة الله اعله الرمح
واختك ابين العصابه
وملتقانه بالخرابه
يخويه
ــــــــــــــــــــــــــــــــــــــ
راح افييلك بديّه وبالعباه
واقره يمك طور ماواحد قراه
الزهره اصيحن يُمّه محّد شيّعاه
مات اخوي وماتت الخوه وراه

والحوافر وي صدره امعانده
رايحه اعله احسين يمه وراده
وسلّبو حته ثيابه
وملتقانه بالخرابه
يخويه

محمد الجماسي

#اللهم_عجل_لوليك_الفرج

الرادود احمد الزوار

30 May 2023 06:31

العليله

مـــثــل وَنّـــي الـــثـــواچـــل أبــــــد.. مـاتـان
حِـــده حـــادي هـــلـــي بـــالـــنـــوگ.. مـاتـان
مــشــوا واجـدامـي احـسـهـن حـيــل.. مـاتـان

عـــلـــيــــلــــه و زادت الـعـــلّـــه عــــلــــيــــه

                    *---------------*---------------*

✍خادم العليله ((ع))
الشاعر رعد الجريخي

الرادود احمد الزوار

23 May 2023 20:48

ميمر / التمسّك بالخدمة الحسينية

بالك تغرّك دنياك.   اخذ الدرس وتعلّم
وتمسّك بأهل البيت  لا تخسر ولا تندم
...........

ياصاح هاي الدنيا حلوه ومرّه
شما عاشرتها ما توافي العِشِره
ما تنفع اليركض وراها تضره
ليّغرّك المظهر وتنسه العثره

من غفلتك فز ياصاح.  كافي انتبه بس تحلم
....................

انت بحياتك ما الك بس دربين
عندك عقل ومخيّر ابين ثنين
درب اللعب وبليس لو درب حسين
اختار واحد منهن وفكّر زين

لو جنّه باجر لو نار   بالك تروح مصخّم
.................

اخذ الدرس من واقعة طف ونّظُر
هالحاله مر بيها وتعايشها الحُر
لحسين لو ليزيد نفسه شتأمُر
لحسين قرر من هوى ابليسه يفُر

راح وتبع نهج حسين   فاز وربح وتنعّم
..................

ياصاح درب حسين درب الجنّه
الزم طريقه وبالك تزل عنّه
بالدنيه لا تهتم ابد وتئنّه
صفّيها نيتك وطلب شتتمنّه

ما دامك انت ويحسين    لا تقلق ولا تهتم
....................

لا والله ما يترك ابد خدامه
رادود ناعي وشاعر ولطّامه
ما ينسه كل خادم يعيش ايّامه
بدفتر خدمته يبصم بابهامه

ندخل الجنّه ويحسين   بقصره السماوي نلتم
......................

بالجنّه ننصب مأتم عله الزهره
بوجود ابواليمّه وجميع العتره
ونصعّد الرادود حمزه ويقره
يحله اللطم وحسين يمنه انظره

مأتم وبوجود حسين    ما ينوصف هالمأتم
........................

خدمة حبيب الزهره اعظم نعمه
هنيال كلمن يلتزم هالخدمه
وبدفتر الزهره اليسجل اسمه
ما يعمه باجر بالحشر ما يضمه

احنا الخَدَم للزهراء   اعظم شرف من نخدم

سيد زيد الفحام
___

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

23 May 2023 19:25

نزله للخدمه

خدمة حسين الشرف والغايه
وانه للخدمه ارفعتها الرايه
..........

من يهل عاشور شهر الضامي
آنه للخدمه اشد حزامي
چن اشوف الواقعه گدامي
والحبيب حسين طايح دامي

اخدم بأفعال مو بحچايه
وانه للخدمه ارفعتها الرايه
..........

حسين ديني ودنيتي وعنواني
لخدمته رب العرش سوّاني
للحُسين وما مشيت لثاني
بالمجالس كل وكت تلگاني

جايب اشواگ العشگ ويّايه
وانه للخدمه ارفعتها الرايه
..........

عالمجالس واللطم تربيتي
كل محرم رايه ادگ ابيتي
گلبي مغرم بالحُسين ونيتي
كون اموت بحضرته امنيتي

حتى يرويني الامام ابمايه
وانه للخدمه ارفعتها الرايه
..........

عندي تعظيم الشعائر واجب
ما منعني بخدمتي اي حاجب
كلمه خل يسمعها مني الناصب
ما اعوف حسين بالدم كاتب

اية التطهير اعظم آيه
وانه للخدمه ارفعتها الرايه
..........

للمواكب حضّرت زنجيلي
للعزَه شدّيت عزمي وحيلي
وگضي بدموع المجالس ليلي
وفاطمه ام الحسن تدعيلي

للخدامه توفّقت من هايه
وانه للخدمه ارفعتها الرايه
..........

غايتي حسين الحبيب الغالي
يرضه عني وكل وكت يبرالي
ما اعوفن خدمته للتالي
يعلم بگلبي وضميري وحالي

مفضّل علية الحبيب هوايه
وانه للخدمه ارفعتها الرايه

سيد زيد الفحام
_________

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

14 May 2023 19:49

سُئل مولانا الصادق(ع)عن سبب بكاءه
بعد ان احرقو داره
فأجاب بلسان الحال:

...................................................
ذكرت البالطفوف شلون محتاره
من   شافت  مخيّم تلتهب   ناره

...................................................

بعد  بيمن تطفي و ماكو دمع العين
لا  عباس  يفزع  لا  أخوها  حسين
عدوّ   الله  يگلها  النار     تحتر گين
تگله  إلنه   عليل  وماله   اي  چاره

...................................................

يهذا  النه عليل  بداخل   الخيمه
وأندري گوضت من عدكم الشيمه
وإلي ثمانين من  الاطفال بالهيمه
واخويه  بالمعاره نگطعت أخباره

...................................................

من  حجرة بناتي  تروح  ولحجره
ذكرت شلون صاحت زينب الكبرى
طلعن    يالبنات    النار    مستعره
خنطلع   علي   السجاد   من  داره

...................................................

اذكرت ساعه العله الخيمات من غارو
يتامه      باليتامه      لمن      توارو
بين     النار    بين    خيولها   إحتارو
اويلي   شلون   لمن    صارت   الغاره

...................................................

الى  صوب الشريعه وصاحت بلهفه
يالمعروف     بالحنيّه         والرأفه
يخو  زينب  يخوها  المنگطع  چفه
خواتك   بالچفوف   إنوبه   تتداره ؟

...................................................

زينب  لا   اخو    لا  حامي  لافزّاع
وبدور  الهواشم صرعى فوگ الگاع
صاحت  عالغري    ياحيدر  بهالساع
حريمك   ياعلي   سوي  لهن   چاره

...................................................

جهاد البصيراوي

الرادود احمد الزوار

07 May 2023 10:12

مشاهدة "مشتاكة اشوفن عمتي" على YouTube
https://youtube.com/shorts/Q6i8lqXJPUs?feature=share

الرادود احمد الزوار

03 May 2023 09:01

زلـــــزال… حملت علي الاكبر
من صال… صـوت النصر كبر
** * *
هذا ليث الموزمه.. سوه بالطف ملحمه.. سيفه ضل يگطر دمه
امن ادماهم
ضجه صارت نينوه.. ارماد طشهم بالهوه .. أظلمت وبــلا ضوه
خلاهــــــم
يبس ارياگ الزلم ... بيهم ايطش ويلم ... منــه مـا واحـد سلم
ذلاهـــــــم

بالسيف… خلص رگبـهم كر
زلـــزال… حملت علي الاكبر
*
ريح صرصر فزعته... نار كبره ابخزرته ... موت أحمر ضربته
ياويلهم
كل معسكرهم شرد… ماثبت منهم احد ... وگفته وگفت اسد
مابينهم
اگبالهم تاه المفر ... من درو سيفه انشهر … سوه من دمهم بحر
هد حيلهم

والجيش… من فزعته اتحير
زلـــــزال… حملت علي الاكبر
**
عل جحافل من يشد.. بروسهم يحصد حصد.. ذكر الگوم بأحد..
وبخيبر
بي مراجل حيدره.. وعمه سبع الگنطره.. اسد وگت الزمجره
ويتبختر
عاصفة نار ويهب.. سيفه ضل يلهب لهب.. منه كلمن يقترب
يتحــير

سجيل… يمطر على العسكر
زلــزال… حملت علـي الاكبر
**
فارس وحيد وكلف.. گابل السبعين ألف.. سوه بحر امن النزف
بطفوفه
ضهضب وهد ابزعل .. صاعقه الاكبر نزل ..موت موسيف انحمل
بچفوفه
ابينهم ضل يرتجز.. چن رعد صوته ويهز.. بكر ابـن غانـــم يفـز
من خوفه

ويگوم… مثل الاســـد يزئر
زلــزال… حملت علـي الاكبر
*
لو كشخ بمذهبه .. يبتســــم للنايبه .. يخسه جيش الناصبه
ايهز طوله
فرهه فر المسبحه.. لاچهم لوچ الرحه.. سوه بالطف مذبحه
وشهدوله
مايهم بكبر عدد.. اجموعهم صارت بدد.. يطلب امن الله لمدد
وينــوله

كـرار… وكت الحرب مافر
زلزال… حملت علـي الاكبر
**

الخادم
✍ كامل السعيدي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

03 May 2023 08:54

نزله للقاسم… .

ياويلهم گـــــوم الرجس ياويلهم
زلزال طب شبل الحسن ياويلهم
*
دگت اطبول العســــاكر ونفـخ بوق الحرب
طبهم العريس جاسـم ومتلو خوف ورعب
حاصر الجيش أبساله وسد عليهم كل درب

انهار گدامه ورگد كل حيلهم
*

كســر قمده وركض غاضب ونثنت گــــدامه
دخنت حرحارت ايـــده مــن لزم صمصــامه
الگاع ترجف حدره ضلت خوفن امن اجدامه

فرو اگباله وبقت بس خيلهم


الگوم تتــــرادم جعلهه وتيهت مشــــــرادهه
وحـــــده گام ايحوش بيهه ولجهــنم گادهه
ضلمه سوه الطف عليهه وگص رگب قوادهه

مايعرفون الصبح من ليلهم
*

الجيش صار ابعينه افعه من حمل گص راسهه
شتت اصفوف العســـاكر والشـــوارب داســـهه
جــــنه عزرائيل مــن طب خمـــدلهه انفاســهه

وبحسامه اعله الاجل يوميلهم
**

نار شب الغاضــريه والحطب عـــــدوانه
ابزوده تشهد كـــربلاء وثبتت عنــــــوانه
تشبه الكرار حيـــــدر وگفته ابميــــــدانه

عن بطولت جده ضل يحجيلهم
****

الخــادم
كامل السعيدي


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

01 May 2023 20:28

رساله نودي لحسين .. نخدم راح شهرين
ملتزمين كل عام
رساله تختلف كـون .. مـنـوديـها ونـخـون
للموت احنه خدّام
******************
رسايل مو مثل ذيچ ونجامل
نودّي ارواحنـه گـبـل الرسايل
المجالـس كـربـلـه وبيها نقاتل
ونـخـدم بـيـهـا مانطلب مقابل
...............
رسايل نبعث هواي .. نركض ليك حفّاي
تسعى ليك الاجدام
نعمي عليك العيون .. مـنـوديـها ونـخـون
للموت احنه خدّام
******************
نبعثلك رسايل بيها تقره
من الزهره امك ردنه نظره
الخادم دازلك يحسين عمره
محرم كل عمرنه وكله عشره
................
عمرنه يهون كلّه .. وسهله نموت سهله
نبچي لنار الخيام
الخادم بيك مجنون .. مـنـوديـها ونـخـون
للموت احنه خدّام
******************
منگلك تجي يحسين النه
انت ابقى ونجيك احنه واهلنه
شوف شلون نزحف ليك كلنه
نصيح بصوت واحد يا املنه
.................
كلنا نصيح وياك .. فدوه ارواحنه هاك
تثبت هاي الايام
هاي ارواحنه تهون .. مـنـوديـها ونـخـون
للموت احنه خدّام
******************
الك يحسين من نودي مكتوب
حين تفتحه منه تطيح الگلوب
هاي ابسط هديه لاغلى محبوب
من كثر المحبه ارواحنه تذوب
.................
نجيك بلهفه ونزور .. نشد ارواحنه نذور
احنه عليك نحتام
نگول حسين ممنون .. مـنـوديـها ونـخـون
للموت احنه خدّام
******************
المجالس چنها طف وبيها نحضر
احنه نصير عابس وانت منبر
يخيمتنه الچبيره يابو الاكبر
اذا نعطش تجي وتسگينه كوثر
..................
امك تحضر تشوف .. صدرنه تكسره الچفوف
عله المدفونه بالشام
عهد ننطيك ونصون .. مـنـوديـها ونـخـون
للموت احنه خدّام
******************
سيد علي المدني

الرادود احمد الزوار

27 April 2023 06:53

ألآهــــي أنظـــر البكائي
وأستمع ندائي وأستجب دعائي
——————————————
يالآهــــي هــذا عبــدك وأبن عبــدك
شال أديه وجاي يدعي ويشكي عندك
ربي شمله برحمتك والرحمـه وعدك
وأرحــم أدمــوع الذي ماعنــده بعدك
ألآهــــي من كلب ينادي
تعلم بمرادي رحمتك رجائي
——————————————
يالآهي ركــــد ثوبي وجزع صبري
وأجر حسره بأثر حسره طول عمري
كل حياتي بعبرتي مختنك صـــــدري
أشما أصدن للبقيع أدموعي تجـــــري
ألآهـــي ياوكت أشاهد
تنبني مراقد قبلة أقتدائي
——————————————
أنفطر كلبي يالآهي ونار بيــــــه
على زيارة سادتي خير البريــــه
الحسن والسجاد والزهره الزجيه
والامام الباقر السموه أميــــــــــه
ألآهــــي يمته ألنحبهم
ننظر الكببهم ويبتشر ولائي
——————————————
ربي يايوم النشوف المهدي ثايـــر
يمتـــه أبوصالح يجينـــــه بالبشاير
يبني كبــه أمذهبـــه ويبني المنايـر
وللمدينـــه السيدي أتعنـــه زايــــر
ألآهــــي لوظهر ولينه
يبني بالمدينه كبة أوليائي
—————————————
ربي عجل في ظهور المهدي مولاي
خلها من نوره الشريف تنور دنيـــاي
ربي داي أفراكه بينه وصعب هالداي
ربي خلينـــه نشوفـــه برايتـــــه جاي
ألآهــــي أبعث ألنه نوره
وعجل بظهوره وأنهي كل عنائي
——————————————
سلام المشعل

الرادود احمد الزوار

26 April 2023 10:08

ما تسوه الكلوب تجيـــب شوك وانــته مو بيها
وعوّد عيــني بس ويــــــاك ترخص من ابديها
وشما بيك ابجي ارتاح تسـوه الدمعه البجيها
كل عمــري اريده وياك گفاي الدنيا منـطيها

الرادود احمد الزوار

26 April 2023 09:57

حيّـوها .. هاي طـوعه ام العـزم ..حيوها
〰️〰️
الشرع لو حلل تجــــاهـد حالهه حـــــال الزلم
جان طوعه وياك مسلم بالزّلم تـــــــثـلم ثـلم
جان لو كـــــالت يزينب قـصر بيـــهم ينهـدم

صح ولدها مو نشـــامه مو شرط ما خلـفت
عزبت مـــــوش ابولدها بمــاي طوعه عزبت
وكت جان الينطي مايه يموت بس هيّـه نطت

شكروها .. كل بني هاشم سـوه ..شكروها
حيوهـا .. هاي طوعه ام العزم .. حيوها
〰️〰️〰️

المره الزينه يوصفــوها بزلــــــــمه متعلمه
طوعه اوصفها ابزيـنـب موش كل زلمه ازلمه
الزلم شو خانت ابمسلم هيه طوعه امحـزمه

غيرو هالقانون هــــــــذا اللابـد احــنه نغيره
زلمه مـــــن يخون زلـمه لا تشبهونه ابمـره
طوعه موش ازلمة وكفت ليش هيــج نفسره

بطلوها ..هاي عادات المضت .. بطولها
حيوها ..هاي طوعه ام العزم .. حيوها

〰️〰️〰️
هاي طوعه شحال زينب ذيج ابوهـا حـيدره
والأخـــو خلوهه سكته غـير ســبع الكنطره
عم ابوها الحـــمزة هايه بالشجاعه امبـــخّره

لبو فاضل شـرد اسولف كـــون نسـوانه سعر
القلم خلـص حبر بيدي وانا مـــا كاتب سطر
تحترك بيدي ورقتـــي شما كتــبت انا الگمر

كتبــوها .. عالشمس لو بالعرش .. كتـبوها
حــيوها .. هاي طوعه ام العزم .. حيـوها
〰️〰️〰️
عشكت ام عباس طوعه ماخذه اطباع البدو
گلب بــــدويـه كلـــــبهه ما يـــــنز من العـدو
هيح نــســـــوان وبلاها ما تكـفـيها الكـفـو

الكوفه من اعصر زلمهه لطوعه ما يطـلع مَـثَل
موش كل شارب نشوفه نكــول راعيّــه بطَـل
كون انتـفه بــذني اديه الزيــن البكلــبه جبل

ذكروها .. الزلم وكــت افعـالهه .. ذكروها
حيّــوها .. هاي طوعه ام العزم .. حيـوها
➖➖
✍️حيدر عبدالله السعيدي

الرادود احمد الزوار

26 April 2023 09:54

غيور صبور
حبيب بن مظاهر
شـيخ وذب الخاچـيه
اكبال حيود البــدويه
حبيب بن مظاهر
➖➖
شيخ بمضيفه وبالحرب هم شيخ ميدان
والـــدّله سيفه وضل يفر بالـزلم فـــنجان
ضل يذبح العشره سوه مـــن دون عــوان
يردم ردم ضل بالــزلم ما چنـه عطــشـان

كضاه الدناه ... ابد ما چـنه شايب
ضل يطگ ميه بميـه
اكبال احيود البدويه
حبيب بن مظاهر
➖➖➖
يم الخيم صاح وفتـح ميدان الانصار
ورفت بيارغهم ســوه ورباطـهم حــار
مهوالهم عابس صبح ضل يرتجـل نار
لليدنه علـوية علي راسه انحسـم طار

زهير برير .. اله سوو عــراضه
يهوس كام بعـوجيه
كبال احيود البدويه
حبيب بن مظاهر
➖➖➖
صاحلها ها يا بت علي امني اعله الخيام
والعين التصـــد للـــحرم اعميــها بسهام
رايد مـــنيته اليوصـــلج يا بنــت الاكرام
ذوله احنه سور اعله الخيم كل احنه خدام

جبير واصير .. شباب بساعة الكر
وتحــــــزّم بالجــفيه
كبال احيود البدويه
حبيب بن مظاهر
➖➖➖
بروس الزلم عزب مثل ما عزب الضيف
من دخّن ابراسه العزم وتناوش الـسيف
عطّاب من ايده طــــلع وستنگه بالكيف
جمرة سموم وهد لهب بحرورة الصـيف


اليفوت يموت .. اليلاكيه ابنزاله
وعي الطف بيهم عيه
كبال احيود البـدويه
حبيب بن مظاهر
➖➖➖
شايب لجن مـا ينلوي ماكو زلم صاح
فـر الزلم بيـده مثـــل فــرت المسباح
والما يلوحه من الزلم بعوچيته ينلاح
تستنگه عينه عالرگب صمصامه ذباح

علاه لواه .. عله بعلو المناير
تكفه اتكـله العلويه
كبال حيود البدويه
حبيب بن مظاهر
➖➖➖
✍️حيدر عبدالله السعيدي

user-dg5tn9bg3i" rel="nofollow">https://www.youtube.com/@user-dg5tn9bg3i

الرادود احمد الزوار

26 April 2023 09:45

شور
user-dg5tn9bg3i" rel="nofollow">https://www.youtube.com/@user-dg5tn9bg3i