19252
انتباه .. حسين الي يعليك مو مجهودك انتباه .. الخدمة توفيقات مو بزنودك حسين اليوفق تره .. لا شعر لا كامره
#شور
مــن علامات اليحبك
تثبت اجذوره اعله دربك
لاجن انا الدوم اهجرك
رغم ما فاتحلي كلبك
من علاماتِ اليحب يذوب ويحتـرك
وانا مولاي ولا مـــره حبيتــك صدك
يمته بعيوني يعرض حــنانك سيـدي
وانت اليحبك اتريده يفهم بالعشك
تلتفـــتلي اريـدك
يالتسامح عبيدك
جيت ادور حنانك
يلي رحمتنه بيدك
➖➖➖
سيدي ارحم هذا ضعفي
وعن قصوري سيدي اعفي
راضـي مــولاي بــعـقابك
ولا اخسرك يوم خوفي
انا واحــد كــسر كلبــــــك ورد دوّرك
اسف هواي اذا مـــــــره كلـبي عـوّرك
انت فاتحلي كلـــبك واجيـك بلا كلب
غير من كون تحبني اطيب خاطِرك
المثلك انته هجرني
ليــش هاكد تحبني
اذنب وتمحي ذنبي
وما شفت توبه مني
➖➖➖
هاك كلبي وزيد ضيمه
وحرك بنص كلبي خيمه
حتى ما يبرد دليلي
وهذا حزنك بيه ديمه
بعالم الحـــــــــب لكيــــــتك تدلل بالخـدم
خيمه واهبله شفت الّي باجي اعله الخيم
جيتك وتنـــزف اعـذاري يمك مســتحه
احتويـــني يمولاي اكــل كلبــــي النـدم
من اوسع البوب كصدتك
باب عالم خدمــتك
جاي واقبل دمــــعتي
مالي غيرك وجيتك
➖➖➖
ادري ما تحتاج اخدمك
اسمي وين اوين اسمك
بس لان ضايع شفتني
رايد تقربني يمك
بخيمتك سيدي اسجني وقبـلني عبـد
حتى ابطل اجيلك بـعد ضايــــــع ارد
يمك ارد انا اعـيشن وانولن رحــمـــتك
قبل لا يوم اجرحك وجـيلك ونطـــرد
بخيــمتك شــد اديه
حــتى ما تتأذه بيه
انا واحد ماله غيرك
فدوه لا تزعل عليه
➖➖➖
حيدر عبدالله السعيدي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
يا حي الله عباس
يا حي الله عباس
➖➖➖
غيّم واجه يرعد حجي طبها عجيد الساده
طبها وخبط روس ورگب ما خله عدهم قاده
طب كربله وشد حزام
سيفه يقص بالدّم كام
عالروس سيفه محتام .. خبط ليل بصبح
والــگابله ايموت ابساع
سيفه شرب دم وجـــاع
ساوه جبل فوگ الگاع /// رگب گد ما ذبح
كمر كمر .. يا ثكــل طــكـاته
كمر كمر .. باشطه احجـاياته
كمر كمر .. يرهب بخـــزراته
يا حي الله عباس
➖➖➖
خيّال والشـــگره اندهت لاح الرسن هد بيها
واعله المهر شد وارتعد حالف زلــــم يجويها
عزريل ميلحگ دوم
حاير يباوع مصدوم
جثث وصلت للغيوم // شمرها ابيمنته
تفور اجفوفه بالحيل
يطگها الخيل بالخيل
نزل بطفـــوفهم ويل /// دخيل الجابته
كمر كمر .. انطه حك العركه
كمر كمر .. ما سكت عن حكه
كمر كمر .. خوش روس استنكه
يا حي الله عباس
➖➖➖
هذا الگمر لمن برز عثــــــــــرت زلم بجدامه
حار وجوه الگاع وبقت تشمر جـــمر جدامه
والجيش بيده مســــباح
والســـيف ملج الارواح
ويلوحهـــــــم ما يــنلاح /// تولاهم ردم
وبروســـهم ضل يختار
حار ولزم بيده الــــحار
حــــــار وجواها الفـــقار /// يبچيها الزلم
كمر كمر .. يا دخيل اجفوفه
كمر كمر .. النهر شك اجروفه
كمر كمر .. خله بيهم خوفه
يا حي الله عباس
➖➖➖
چنّه عــــلي لمن دخل حفنت زلم هطّرها
كوّرها يم المـــــــــشرعه رد ورجع طشرها
ولحومه صاحت بهداي
عباس جا كلك جاي
سوّه الزلم بيده فياي // دفنها كربله
شـِــمر برباتهم عال
يكول انا لهم خال
شُمَر خاچيته وگال /// اعجل ذبحي اله
كمر كمر .. الاف عده شويه
كمر كمر .. هـــذا ابن بدويه
كمر كمر .. كافل العلويه
يا حي الله عباس
➖➖➖➖
لمن سمع طاري العطش جدحت النار ابعـينه
جاب النهر يم الخيم گلـــــلها اشربي اسكينه
وذا ميكفي هالماي
احوش الغيم بلواي
امطرها السمه هواي // واحفرلج نهر
انه الما صار اسويه
فقط بس انتي اطلبيه
يبنت حسين اسويه // وبجيهم قهر
كمر كمر .. سيفه حاجب عينه
كمر كمر .. جمّـــرن جفيــــــنه
كمر كمر .. ابو اسوايه الزينه
يا حي الله عباس
➖➖➖
حيدر عبدالله السعيدي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
يالمنتظر يالمنتظر
عظم الله أجرك ابهذا الشهر
لسَّه من ذاك محرم جمرتي
ماطفت يالمنتظر من لوعتي
تنتفض لهلال جرحك دمعتي
وابقه اواسيك ابدمعتي وحسرتي
ماينمحي باقي الأثر
عظم الله أجرك ابهذا الشهر
أحسب ايام وليالي الهل عزاء
وللرثاء اليختلف عن كل رثاء
هذا شهر البي مصيبة كربلاء
التفجع املاك السماء والأنبياء
آه ياحزن سيد البشر
عظم الله أجرك ابهذا الشهر
ويلي يامهدي المصاب اشأعظمه
امن القميص اتنشره املاك السمه
ابهل مصيبه انواسي أمك فاطمه
وكون مانبچي دمع نبچي دمه
يا فاجعة گطع النحر
عظم الله أجرك ابهذا الشهر
نحظر انواسيك بالون والنحيب
عن مجالسكم يمهدي مانغيب
انصيح واويلاه على امصاب الغريب
ضل ثلث تيام عالغبره سليب
حيله انهدم وَيَّه الگمر
عظم الله أجرك ابهذا الشهر
أبو الأكبر گلبه نصين انجسم
نص على الكافل ونص اعله الحرم
طاح لكن عينه تربي اعله الخيم
مو هَوَه يتنفس حسينك ألم
شاف الخدر صار ابخطر
عظم الله أجرك ابهذا الشهر
سيد علي الموسوي
/channel/ahmed_alziwar
يتعاله النداء...جينه اعله الوعد
قَد قامَ العزاء...يامهدي مَدَد
كل عزاء واقرايه
تعتني الوفايه
للزچيه احچايه
انطينه
ياوعد بارينه
كل عزاء نادينه
عالوعد مهدينه
جينه
حَگهه تِفَاخِر هالخَدَم من عِقدَت النِّيَّه
كل عاشگ ابروحه صُبح باني حُسينيَّه
والهالسبب حتى الگلب نبضاته لطميَّه
هالحُب والولاء ...عن أبٍ وَجَد
قد قام العزاء...يامهدي مدد
يربح الإسمه انكتب
خادم الزهره انحسب
والله للخدمه التعب
يسوه
الخدمه تسري اويه الدمه
إي وحگ رب السمه
صحنه كلشي الفاطمه
فدوه
جَنَّه المجالس عالارض بيهه نحس چنهه
معنى الخدامه نفتخر لو ننسأل عنهه
هالخدمه مثل امنه صدگ ماينشبع منهه
ياطعم الرِّثاء...أحله امن الشَّهَد
قد قامَ العزاء...يامهدي مدد
ماتهمنه العاذِله
بينه عاشت كربله
هالعشگ رب العُله
ايديمه
صِحنه كلما نفترگ
يرجع ايلمنه العشگ
نشعر ابحبكم صدگ
خيمه
لمَّتنه حلوه وشوكه بعيون اليضدونه
نزداد يامهدي عشگ كلما يعادونه
وحسين منعوفه أبد للموت يدرونه
وانضحِّي الدِّماء...لجل المُعتَقد
قد قام العزاء...يامهدي مدد
هالمَحبَّه الدايمه
تروي گلبي امن الضمه
بالحسين ومأتمه
هايم
من صِرِت حَدما دِرِت
بالخِدَامه اتفاخَرِت
الله وفقني وصرت
خادم
أدعي ودعائي ابكل فرض ياربي خليني
محروگ گلبي اعله السبايه ودمعتي ابعيني
وبالدنيا كلهه ماأهم بس أهم بحسيني
والراعي اللواء...كون اوفي العهد
قد قام العزاء...يامهدي مدد
للفرج ندعي اشكثر
بيك يمته نبتشر
بينه ضلت تستعر
جمره
إي وحگ جرح الضعن
ينجلي ليل المحن
نرتجي يبن الحسن
نظره
سَجِّلنه يابن فاطمه ابهالليله راجينك
صاحب بخت كلمن حظه ابنظرات من عينك
ادعيلنه ابجاهك نضل خدام لحسينك
يبن الاوصياء...دعواتك سَنَد
قد قامَ العزاء...يامهدي مدد
سيد علي الموسوي
/channel/ahmed_alziwar
يهل رحتو امن اديه..اشوكت تلفون اليه
يغياب
خبركم ماإجاني...أضل أنطر واتاني
على الباب
ياعذابي ابهجركم ياعذابي
هاي سالفتي يهل رحتو امن اديه
يمته يمته اتعاود احبابي عليه
طالت الغيبه اشوكت تلفون اليه
راح اموت امن الحزن ومن الأذيه
أحس مو بس ليلي..انهاري ضلمه اخلافكم
أحن وابچي اعليكم..يهنياله الشافكم
يون حالي اعله حالي..جرح فگد الغوالي
فلا طاب
ثگل همي وأعاني..أضل انطر واتاني
على الباب
ياعذابي ابهجركم ياعذابي
آنه اهم وصارت اهمومي ثجيله
مو فقط أشعر ابسفرتكم طويله
ياهلي الهاظمني والمدمع أسيله
امن اسمعت بالضعن ماتمشي العليله
اتوسلت وياكم..بويه بس اخذوني
صعب كسر الخاطر..وحدي لتخلوني
أون وايدي اعله خدي..اشعجب عافوني وحدي
والاسباب
المرض هدني وحِناني..أضل انطر واتاني
على الباب
ياعذابي ابهجركم ياعذابي
ويلي من حان الوداع وخلص كلشي
واني اعاين عالضعن ما طبگ رمشي
صدگ هاللحظه متت وانجاب نعشي
من اجاني حسين ابويه وراد يمشي
أشعر ابنظراته..ايگلي ياضي عيني
أيسي من احلامچ..بعد متشوفينه
أخير اوداع ويلي..شبگني وأحس حيلي
شمع ذاب
ابدمعته وَدِّعاني...أضل انطر واتاني
على الباب
ياعذابي ابهجركم ياعذابي
من مشو عني الأودهم والأحبهم
وحدي خلوني لچن نار ابگلبهم
صحت ياربي هلي الطاهر نَسَبهم
إبعد الشر والمخاطر عن دربهم
أدعي وابدعواتي..أجري دمع الناظر
گلبي من ياذيني..صحت ربي الساتر
اشكثر مشتاگه لهلي..وانادي ودمعي يِهلي
يالاحباب
يريت اوياكم آني...أضل انطر واتاني
على الباب
ياعذابي ابهجركم ياعذابي
اكتبت مرسال ابدمع عيني اليهالي
وگتله يعرابي توديه للغوالي
لهلي صرت احچي عذابي وهذا حالي
من عگبهم عَذِّبت گلبي الليالي
وَضَّحِت بكتابي...حسرتي واجروحي
يهلي لتلوموني...لَوَن تطلع روحي
صحت ياأغله ناسي..الوكت غير المآسي
فلا جاب
وتولاني زماني...أضل انطر واتاني
على الباب
ياعذابي ابهجركم ياعذابي
سيد علي الموسوي
/channel/ahmed_alziwar
موقف انصارك مننساه
حُسيناً واحُسيناه
نبقى يابو اليمه...نهتف احنه احرارك
الغيره تطفح بينه...لو ذكرنه انصارك
ابوجه اليعادينه...نثبت ابإصرارك
والطريق الباري...نهتدي ابأنوارك
ياحسين احرارك ابحبك مجانين
وابفضل سبعينك اصبحنه ملايين
كلنه صحنه الفاطمه منعوف الحسين
نضل نهتف يزهراء
حُسيناً واحسيناه
امحبِّتَك مولانه...تسري ويه ادمانه
كل وكت يالغالي...ابخدمتك تلگانه
شَهَد صار الخادم...إسمك اعله السانه
والنسئله ايجاوب...مجلسك عنوانه
يالمحبتك شغفت اگلوب البرايه
بيد عشاگك ترف رايه اعله رايه
صار جمهورك بدايه ابلا نهايه
بِالعَلن صوت ورفعناه
حسيناً واحسيناه
ياحرز كل خادم...شايِلَك بحساسه
وكل وكت يتفاخر...بين أهله وناسه
دوم بين احبابه...اتشوفه رافع راسه
ياحسين وحبك...أغله من انفاسه
غالي حبك سيدي وماكو ابغلاته
انت للعاشگ صرت كلشي ابحياته
خادمك يفخر يضل حتى ابمماته
مُعتقد هذا اعتقدناه
حسيناً واحسيناه
سيدي وخدامك...هالعهد منطينك
كلشي يرخص لجلك..وكلشي فدوه العينك
امضحي لجل الباري..ابعمرك وبسنينك
واحنه هم فدواتك..إي وحگ سبعينك
صاير اغله امن الهوه حبك يغالي
العاشگ ايشوفك بدر نص الليالي
دوم بسمك يلهج السان الموالي
هالعشگ ماعشنه لولاه
حسيناً واحسيناه
يالهوت عالغبره...ابكربلاء ابدورك
كل خطر ميهمنه..نعتنيك انزورك
اويه الوكت تتزايد...ناسك وجمهورك
ياحسين احبابك...تقتبس من نورك
ياحسين وخدمتك صارت أملهه
نسأل الله ابجاه زينب والكفلهه
خدمتك يا بوعلي نتوفق الهه
مستهل حبك حفظناه
حُسيناً واحسيناه
سيد علي الموسوي
/channel/ahmed_alziwar
عَمَّك وزير المصطفى
وانت سفير حسينه
للنبي حيدر علي چان ابزمانه
ناصر ويتمتَّع اباأشرف مَكانه
يُعتَبَر هذا العشگ أصل الدِّيانه
هاي امانه وانتم اهلاً للأمانه
ورب السماء هذا العهد
مابينك ومابينه
حُب ابو الأكبر صُبح يسري اويه دَمَك
وعالمبادئ والشرف مَحَّد يحشمك
ياسفير وهالسفاره اتلوگ لاسمك
ياهو مثلك يستحقهه وعلي عَمَّك
يابن عقيل وللنبي
بايمانك اتگر عينه
وَيَّه ابو اليمه مشيت ابعزم واصرار
ابهذا دورك ماچنت مولاي محتار
ياسفير وما تِهِمَّك كل الاخطار
مدري شايل سيف مدري شايل النار
متيقن الحق ينتصر
والباري ناصر دينه
وَدَّت اهل الكوفه لحسين الرسائل
أقدم اعلينه تناديك القبائل
من وصلت الهم وسف شفت التخاذل
وصار سيفك موت يخطف بالفصائل
واحنه ابهذاك موقفك
هالنفتخر ضلينه
للحسين ابنصرتك نلت الصداره
انت شامخ واندثر قصر الإماره
يالمقامك صار مگصد للحياره
ياملاذ وكل وكت عامر مزاره
باب الحوائج سيدي
والبابك اتعنينه
سيد علي الموسوي
/channel/ahmed_alziwar
بالحومه صوت اعتله..للقاسم ابكربله
إن تنكروني فاأنا نجل الحسن
گلهه يايمه الحسن وصَّاني واليوم
أرد انفِّذهه الوصيَّه وزودي معلوم
الدنيه كلهه والنهر والعطش والگوم
إلهه بس اليوم واحنه النبقه للدوم
چن نزلة الراعِدَه..راح انزل الهالعده
إن تنكروني فاأنا نجل الحسن
راح اخَلِّي الجيش گوه ايجر الانفاس
حين اليشاهدني راح ايصيبه وهواس
چن اصد للحومه ناس اتناشد ابناس
ياتره جاسم برز لو هذا عباس
خوف ابگلبهه انتشر...وآنه اهتف ابكل فخر
إن تنكروني فاأنا نجل الحسن
عهد عندي الوالدي وهذا العهد دين
راح اوصِّل فكرتي ابنص الميادين
لو تحاوطني العساكر هايه صوبين
ألف موته لو متت ماعوف الحسين
والعمي فدوه العمر...سِمعوني يهل الكفر
إن تنكروني فاأنا نجل الحسن
أقسم ابرب العلا وأرضه وسمائه
وبالنبأ والواقعه وسورة برائه
الله ينصر من نصر نهج اوليائه
وللحسين ايفوز مَن ضحه ابدمائه
شنهي النفس والدمه...ترخص لبن فاطمه
إن تنكروني فاأنا نجل الحسن
مايهمني الموت وامضيت ابوعودي
ثابت آني ابموقفني وذيچه عهودي
اليوم بالطف أثبت ابدمي وجودي
بالعقيده وبالشرف أضمن خلودي
جَدِّي الصميده علي...يسمعني كل عاذلي
إن تنكروني فاأنا نجل الحسن
سيد علي الموسوي
/channel/ahmed_alziwar
عمت عيني يعبدالله المسيَّه
أوَّل ليله مَتنام اعله اديَّه
نايم فوگ التراب...يامدلول الاحباب
عبدالله يمه
ياورده ذَبَّلهه العطش... ذبلت عليك اجفوني
يدرون روحي ابشوفِتَك..ومن شوفِتَك حرموني
نومِتَك مو يم التُّرُب...نومِتَك يم اعيوني
لونك تغيَّر حيل والشافك ايحير
حر وعطش واتراب يايمه شتصير
يريت ادموعي ماي اتصير وارويك
يوليدي السهم بيه ولا بيك
كون ابدالك انصاب...يامدلول الاحباب
عبدالله يمه
جابوك اليَّه ومن شفت..نحرك تسيل ادمومه
گالولي نبله الصابته...غَيَّرَت ذيچ ارسومه
ضليت اون وأنتحب...وينك او وين الحومه
وابحظني من خلوك عبدالله شو حار
مدري السهم چاويك مدري العطش نار
لو بيدي النهر يمك أجيبه
ولاگلبك أحس يسعر لهيبه
بلكي ايهون الاصواب...يامدلول الاحباب
عبدالله يمه
كلفات كلهن يالولد...واكثر جرح أذَّاني
يايُمَّه أوَّل ليله الك..متنام بين احظاني
وانت الچنت لمن تفز..گبلك أفز تلگاني
راح الدلال وبيك ذبحوهه الاحلام
وماتت يبعد الروح نام الولد نام
سلوه انت إلي يبن الأطايب
ذبحو سلوتي وإلمن أعاتب
بعد شيفيد الاعتاب...يامدلول الاحباب
عبدالله يمه
لونك بياض وداخِلَك...أبيض بعد من لونك
شمسوي يوليدي صحت...هالوادم ايچتلونك
هُوَّ الورد مالت سگي...مو مالت ايذبحونك
ماينحمل فرگاك يبني وغيابك
وبس الله يدري ابحال گلبي ابمصابك
عليك اعيوني احس مِختل نظرهه
زغير ولوعِتَك يبني اشكبرهه
مصابك أعظم امصاب...يامدلول الاحباب
عبدالله يمه
أمنيتي وحده ابكربله...عبدالله ياضي عيني
اتمنيت اشبگك والأجل...وي شبگتك يلفيني
اولا للمواجع والقهر...والنايحه اتخليني
كلشي انتهى ابعاشور واتفارگينه
واعله الجره والصار يبني اشبدينه
آنه ام الرضيع وعالجراله
باچر أشتكي الرب الجلاله
ياجرحي البالحساب...يامدلول الاحباب
عبدالله يمه
سيد علي الموسوي
/channel/ahmed_alziwar
مشاهدة "يبو حسين / الرادود احمد الزوار"
اشترك بالقناة ليصلكم كل جديد
على YouTube
https://youtu.be/8xzPZkf7_ls
لاستشهاد أمير المؤمنين علي عليه السلام
حامي الخلگ مصيوب علراس
حامي الخلگ مصيوب علراس
★★★★★
زينب تنادي يأم البنين
وياي گومي زيدي الونين
وگامت اتحشم الحسن وحسين
واتصيح وينك خويه عباس
حامي الخلگ مصيوب علراس
★★★★★
وين العشيره وين الأحباب
تنهض لبوي ابهامته انصاب
صَوَّبَه المايستاهل أعتاب
مطروح أبوي بآخر انفاس
حامي الخلگ مصيوب علراس
★★★★★
صاحت يبويه امروتك گوم
ماعودتنا انعيش بهموم
علعيد ماضل بعد چم يوم
وبالعيد بويه أتكَيَّفْ الناس
حامي الخلگ مصيوب علراس
★★★★★
عيد اليتامه بشوفك اتريد
ياعيد بعدك بويه ياعيد
لمن علينه تصبح ابعيد
يامن وجودك للفرح ساس
حامي الخلگ مصيوب علراس
★★★★★
أرض وسمه والكون مفجوع
فرگاك نار اتچوي الظلوع
نيران ماتطفه بلدموع
ولا فَرْگتَكُ بفراگ تنقاس
الشاعر حسن لعيبي الحريشاوي
الوداع الوداع /ياأمير المؤمنين
_____________________
هذا صوت أمن العقيله معتلي
والحزن بيها أبد ما ينجلي
نادته من إيدي رايح يالولي
مودع أبالله يبويه ياعلي
الوداع الوداع /ياأمير المؤمنين
______
خيمه ياناس الأبو للعايله
والأبنيه تكون عنده أمدلله
شلون لو دار الأبو منه خِله
المدامع تبقى لجله هامله
الوداع الوداع /ياأمير المؤمنين
______
بويه من عمري على عمرك ردت
وريتني بدلاك يبو زينب متت
أنصاب گلبي بساعة البيها أنصبت
رحت أنته وراحت أمي من وكت
الوداع الوداع /ياأمير المؤمنين
______
بويه عيد اللهُ أكبر من يمُر
وآنه گلبي أعليك بويه منكسُر
شلون أعيد وأنته نايم بالگبُر
من عسى لا طال بعدك هالعمُر
الوداع الوداع /ياأمير المؤمنين
______
طبرتك بويه وراها أشچم جرح
سم أخويه الحسن مثله مايصح
والحسين أگبالي باچر ينذبح
وراسه گدامي أشوفه أعله الرمِح
الوداع الوداع /ياأمير المؤمنين
______
طايح العباس يم المشرعه
رايته بكتره وچفوفه مگطعه
والسهم من عينه ياهو يطلعه
والشمر ناده أسبو زينب أسمعه
الوداع الوداع /ياأمير المؤمنين
______
حيرتي بطف كربله ملها مثيل
من أظل أبلا محامي ولا كفيل
هناكه أنادي الحگلي ياحامي الدخيل
من يگيدون اليتامه والعليل
الوداع الوداع /ياأمير المؤمنين
_____________________
الشاعر (اسعد قاسم الگريعاوي)
هذا حيدر لو نزل للحومة
حتى قائدهم يّذب اهدومة~~~~~~
الحومة ضاگت لو علي إلها وصل
وحتى من ظهرة يقاتل بي فحل
بظهرة عباس ابوفاضل لو زعل
ايبين ابوجهة علي برسومة
حتى قائدهم يّذب اهدومة~~~~~~
ممتلي گلبة جراح امن العرب
اللاگة سيفة ايقصمة نصين بغضب
وابن وّد أفضل مثال ابهالسبب
ابصُلبة ذريتة صفت مقصومة
حتى قائدهم يّذب اهدومة~~~~~~
بكل قوانين الأرض ما تنعقل
بأربعين اچفوف فتحة لا يَقِل
باب خيبر شالة بيدة وينذهل
كلمن يشاهد علي لتلومة
حتى قائدهم يّذب اهدومة~~~~~~
ابيوم صفين العجب كل العجب
للجحيم اهناك ظل يجمع حطب
گام لّم الناس لّم نص العرب
وگامت اتكرهة العرب من يومة
حتى قائدهم يّذب اهدومة~~~~
وركضت ابن العاص لا ما تنسّة
گام شيطانة ابفعلتة ايدّرسة
سامع انت فارس ايذّب ملبسة
السيرة تبقة ياعمر مسمومة
حتى قائدهم يّذب اهدومة~~~~
علي نيشان الرجولة والنعم
علي تاج ابروس كل هاي الزلم
علي حيد اويهزم اوما ينهزم
جيوش تشرد من علي مهزومة
حتى قائدهم يّذب اهدومة~~~~
أحمد عباس الحساني
نزال/أمير المؤمنين(ع)
نزال للعباس ع
user-dg5tn9bg3i" rel="nofollow">https://www.youtube.com/@user-dg5tn9bg3i
محـــتاره زينب ياعلي الليله
ماعدها والي اليحرس العيله
ــ⊱☆☆❀☆☆⊰ــ
محتاره ضلت عگب واليهه
بيمن تلوذ وياهـو يحمــيهه
جمر المخيم چاوي رجليهه
وغير المـدامع مابقت حيله
ــ⊱☆☆❀☆☆⊰ــ
دمعتها تشرح عظم بلواها
سوط المتن يوجع واذاها
راح الكفيل البــيده جابها
ماضل اخو امن الضيم تشكيله
ــ⊱☆☆❀☆☆⊰ــ
اطفال عدها ونســـــوه مرعوبه
بطرگ العبي من كلشي مسلوبه
يا علـي بنـــتك حيل متــــعوبه
اگبال الشــــماته المدمع اتسيله
ــ⊱☆☆❀☆☆⊰ــ
عگـب الدلال وذيــچه عزتهه
كتال اخوها اليحــدي ناگتهه
ياعلي اتهز اجــبال حسـرتهه
وحسين من دم غدت تبچيله
ــ⊱☆☆❀☆☆⊰ــ
ياوســـفه اديها ابحبل مچتوفه
وعالرمح راس احسينهه تشوفه
طبت سبــــــــيه البلدت الكوفه
وي العليل المنـــــــــــهدم حيله
ــ⊱☆☆❀☆☆⊰ــ
✍الخادم
كامل السعيدي
/channel/ahmed_alziwar
عالخدمه ياللمتني...وين الگه منهه وين
ماخابَ مَن تَمَسَّك...بِخدمةِ الحسين
أقدس عشگ حسِّيته...عمري فخر گظَّيته
بخدمة الحسين
يامن ابهاي الخدامه اتلوم بيه
إستمعلي وخل اسولفلك عليه
فَتَّحت عيني على حُب العزيه
وانذرت عمري وقف لبن الزچيه
هالخدمه أمنياتي...تحققهه إلي
دوم ادعي ياإلهي...بِفاطمه وعلي
ايوفقني ربي ادعيته...عمري فخر گظيته
بخدمة الحسين
اشگد جرح گلبي الوكت بس گلبي مَيلين
بالخدامه اتگوي حيلي أم الابنين
دوم أشعر بالحبيب ايمدلي چفين
ولذلك مُطمئن ويَّاي الحسين
المحبوبي دومي اسولف...على اجروح الوكت
وحسيني عَوّضاني...وخادم إله صرت
گلبي اطمئن تاليته...عمري فخر گظيته
بخدمة الحسين
أكثر امن اهلي أبو اليمه هويته
وانسه كلشي وحُبَّه أبداً مانسيته
حسين ابوي وعله كلشي وَرِّجِيَته
لان من حبل الوريد أقرب لگيته
حنين ومن صفاته...إذا عنه ابتعد
أحسن ايمدلي إيده...ويحبني من أرد
من كل گلب حَبِّيته...عمري فخر گظيته
بخدمة الحسين
ابعالم الخدمه ذبت والخدمه فَنِّي
مايهمني اشگال هذا وذاك عَنِّي
اشگد تحب حسين لو سائل سألني
حسين ياخذ روحي اذا يطلبهه مني
نذر عمري وحياتي...نذرت السيدي
حبيبي ودوم اشوفه...ابمثابة والدي
عافيتي من عافيته...عمري فخر گظيته
بخدمة الحسين
يللي تسأل عن وجودي شنهي معناه
حَصَّلت من الخِدَامه الرفعه والجاه
دوم أدعي ابجاه زينب واسأل الله
آخر انفاسي أنادي واحسيناه
البدايه والنهايه...أمل عندي ويقين
ماخاب من تمسك...بخدمة الحسين
دوم الگلب وَصَّيته...عمري فخر گظيته
بخدمة الحسين
سيد علي الموسوي
/channel/ahmed_alziwar
الف انعم الله...خادمكم امخليني
الف انعم الله...يالخيرك امغطيني
عمري بس وياكم...كون يگضي
خادم اتقبلوني...اشكبره حظي
گلبي أصبح خدمتك كل امنياته
الخادم اتخلونه سلطان ابحياته
والخدمكم يفتخر حتى ابمماته
الف انعم الله...يالخدمتك تحييني
الف انعم الله...يالخيرك امغطيني
ياحسين امنيتي....أبقه خادم
ريت اطش ادموعي...بالمآتم
رايد اجبر خاطر الزهره الزچيه
كون دمعاتي الأصبهه بالعزيه
اتصير ماي وتروي عبدالله ورقيه
الف انعم الله...جمر الحزن يچويني
الف انعم الله...يالخيرك امغطيني
ابنظره من اعيونك...مِن عَليَّه
يگوه خاطر حيلي...بالعزيَّه
خادمك يامن خدمتك كلهه واهس
أرد احلفك ياحسين ابروح عابس
ردت حيل اعله الخدامه والمجالس
الف انعم الله...إلكم نذرت اسنيني
الف انعم الله...يالخيرك امغطيني
اشما أَقَدِّم لجلك...ما أوافيك
لو عميت اعيوني...ما أجازيك
ياوجيهاً ياشفيعاً ياوسيله
أي وحگ اجروحك وحزن العقيله
ألف شُكراً شو أحس بيهه قليله
الف انعم الله...يانور گلبي وعيني
الف انعم الله...يالخيرك
امغطيني
ماتهمني اشگالت...سيدي الناس
والمهم أخدمكم...لآخر انفاس
خِدمِتَك أصل الشرف واصل الكرامه
خِدمِتَك هّيَّه الأمل يوم القيامه
الما يخدمك خاسر ويشبع ندامه
الف انعم الله....وامحبِّتَك تكفيني
الف انعم الله....يالخيرك امغطيني
سيد علي الموسوي
/channel/ahmed_alziwar
يللي شاغل بالي...والدي يالغالي
حبيبي ياحسين...حبيبي ياحسين
مشيتو بالضعن..غزت روحي المحن
عليلتكم أنادي ودمعي جاري
أحن الشوفتك...دواي ابرجعتك
صحت يمته ترد طال انتظاري
حلم واحد ريته يتحقق إليه
كل جروحي اتطيب واتروح الأذيه
كون انام ولن افز بالغاضريه
أُمنية دلاَّلي...والدي يالغالي
حبيبي ياحسين...حبيبي ياحسين
يمحبوب الگلب...يمن هجرك صعب
يروحي وسلوتي ومالحظه أنساك
عفتني الوحَّدِي...لچن يا والدي
ابرحيلك حتى گلبي هم مشه اوياك
احچي وي روحي واگول اشلون أنساه
وليش ماخِذ گلبي ابوي وطلع معناه
الغالي من ايروح ياخذ كلشي ويَّاه
هذا عگبك حالي...والدي يالغالي
حبيبي ياحسين...حبيبي ياحسين
رحت وبروحتك...يبويه وداعِتَك
أحس مو گلبي كل عمري أخذته
يضل دمعي يهل...وداعك مو سهل
على الدنيا العفه الما بيهه إنته
يانظر عيني رحت من فدوه لاسمك
انت عني ابعيد لكن روحي يمك
ياهوه وايعيش خنگه الما يشمك
ابكلشي تتراوالي...والدي يالغالي
حبيبي ياحسين...حبيبي ياحسين
دَمِعتِي تانِتَك...عله امصلايِتَك
كبر شوگي إلك واشتد حنيني
نهاري ابصفنتي..المسيه ابدمعتي
أموت ابحسرتي لوما تجيني
تكتل الفرگه يبويه ومن يجي الليل
كل جروحي اتهيج بيه ومايضل حيل
ابقه انادي ياحسين ودمعتي اتسيل
والحزن يبرالي...والدي يالغالي
حبيبي ياحسين...حبيبي ياحسين
خَبركُم مِنگِطع...واعيش اصعب وضع
الخواتي دمعة احزاني جِريه
لَوَن ماخِذ هَلي..ويضل عبدالله الي
أهيد ابشوفته وشوفة رقيه
راح اموت امن اشتياقي الكم يَغِيَّاب
بويه واتعلَّگ دليلي ابدگة الباب
اليوم لو باچر أگول اتردلي الاحباب
والقهر چَتَّالي...والدي يالغالي
حبيبي ياحسين...حبيبي ياحسين
سيد علي الموسوي
/channel/ahmed_alziwar
مسلم على قصر الإماره
أدَّه مراسيم الزياره
ضل ينادي ابآخر انفاس
السلام عليك يا أباعبدالله
للكوفه من راح...يسري اويه دمه..حُب الامامه
من أجل الاصلاح..لا ما تِهِمَّه...أهل الملامه
واليُعتَبر ضيف..شو تالي غدروه..الطلبو كرامه
وبالحسره والآه..مسلم للحسين...أرسل سلامه
هاي البشر شاهَدهَه بالعين
ماتستحق يلفيهه الحسين
ضل ينادي ابآخر انفاس
السلام عليك يا أباعبدالله
ثورة مجد هاي..ناصِرهه الاول..راعي السفاره
عمه الصميده..اليحمي دخيله..واليحمي جاره
ابروحه يضحِّي..وماينطي إيده..لهل الاماره
معنى الشرف هذا..رغم العساكر...ثابت قراره
صوته اعتله وشق المسامع
غير ابن عمي ما أبايع
ضل ينادي ابآخر انفاس
السلام عليك يا أباعبدالله
نكرت عهدهه..الواجب تقدسه..الناس ابزمانه
بابخس ثمن حيف..راحت تبيعه..وتكشف مكانه
بالدنيا معروف..البايع ضميره..ايخون الامانه
وابحسبيَ الله..والله أكبر..يلهج لسانه
حاير تشوفه ايدير بالعين
بس باله كله يم الحسين
ضل ينادي ابآخر انفاس
السلام عليك يا أبا عبدالله
وين العهد ذاك..وين المواثيق..وين الضماير
بين الازِقَّه..مبعوث الحسين..ضل وحده حاير
لن طوعه تاويه..وصاحتله أهلاً..يابو المفاخر
مسلم أريدك..ابصولات ابوحسين...ذكر العساكر
يابن عقيل انتم واهلكم
هالدنيا كلهه تشهد الكم
ضل ينادي ابآخر انفاس
السلام عليك يا أباعبدالله
رب السماء شاء..مسلم يقدم..دم للعقيده
لوحة فخر صار..يرسم للازمان..من دم وريده
لاچن ياهلناس..بمصابه مكسور..خاطر حميده
ذابحهه فرگاه..دمعتهه الحسين..يمسحهه
بيده
چَنَّه يگلهه ابدمع عينه
عالفرگه يابويه اشبدينه
ضل ينادي ابآخر انفاس
السلام عليك يا أبا عبدالله
سيد علي الموسوي
/channel/ahmed_alziwar
أجمل خبر تتناقله الناس
مات النهر والعاش عباس
خل نشوف النهر لو عباس باقي
النهر مات وصار ابو فاضل الساقي
سَوَّانه عِشَّاگ...واليسأل اشلون
انگلَّه اختلفنه...عن اليعطشون
تعطش للحسين...كل يوم العيون
وساقي العطاشه...يروي اليزورون
يروينه حُب وغيره واحساس
مات النهر والعاش عباس
خبر كان النهر والعباس يكبر
ألف واربعميت عام ويبقى أكثر
وين آل اميه...وذيچ العساكر
ماتت وابو الجود...ساکن مشاعر
مفعوله مو يوم...لا يبقى حاظر
حتى الوكتنه ....سَوَّه السواتر
وانشوفه دوم ايذل الارجاس
مات النهر والعاش عباس
وصل للماي وغرف بچفوفه الاثنين
چان ضامي وماشرب گدام الحسين
من المدينه...للغاضريه
من ام الابنين...عنده وصيه
گالتله عباس...يابو الحميه
موت اعله الحسين...والهاشميه
گلهه وصيتچ يُمَّه عالراس
مات النهر والعاش عباس
المارجع لخيامه چيف انصاب جوده
حتى ماي العلگمي مات اعله موده
للشاطي من راح..سبع الميادين
طر گلب الاعداء ...والحومه نصين
متهمني لن صاح...چفيني والعين
كل اليهمني ...ماعوف الحسين
ماعوف اخوي الآخر انفاس
مات النهر والعاش عباس
جعفر الصادق يوصفه ابأحله عنوان
نافذ البصيره عمي وصلب الايمان
للمُعتَقَد سال...دَمَّه ابطفوفه
ولجل العقيده...ضَحَّه ابچفوفه
اشما مرت اَزمان...خالد نشوفه
قبله والاحرار...تگصد تطوفه
راعي الفخر وَاعتَابه تنباس
مات النهر والعاش عباس
سيد علي الموسوي
/channel/ahmed_alziwar
ودعتك الله يبني ياعلي
لمن ترد روحي ترد الي
ماينحمل هجرك...عمري على عمرك
يبني ياعلي
علي الأكبر يالوداعك شغل گلبي وبالي
الفرگه لوعه ومافهمهه الما يودِّع غالي
آه والحسره اشكبرهه ابروحتك يالوالي
وانت تدري الحزن عگبك مايروف ابحالي
بان اعله وجهي ابهجرك الحزن
وابگد غلاتك يبني راح أون
ماينجبر كسرك...عمري على عمرك
يبني ياعلي
الحسره مو بس الموادع بينك ومابيني
الحسره يبني اشلون اعيش وماتشوفك عيني
ضلمه كل اسنيني احسهه وانت ضي اسنيني
يعني بس انحب وانوح ابهجرك اتخليني
ماينحمل ياسلوتي الهجر
جمرة رحيلك بِيَّه تستعر
ماينطفي جمرك...عمري على عمرك
يبني ياعلي
يابعد روحي وحياتي ويابدر دنيانه
ابروحتك لو أدري ترجع لگضي عمري امتانه
خبر فگدك لَوَّعانه للخيم من جانه
عدنه لمصابك مناحه ابكل وكت تلگانه
حيلي ابغيابك ياعلي انهدم
وگلبي ابلهيبه يشبه الخيم
خل دَمعِتِي اتخبرك...عمري على عمرك
يبني ياعلي
عيني عطشانه اعله شوفك يمن فدوه العينك
يبني نص الليل تذبح چلمة اليا وينك
آني وعيوني ودليلي وخاطري امتانينك
كلشي بينه ايصيح ويلي بالدمه امخضبينك
صوب الخيم من جابك الأبو
اشصاير ييمه ابوجهك الحلو
ضليت اشم نحرك...عمري على عمرك
يبني ياعلي
يبني ياروح البگتلي وبعد شِلِّي ابروحي
ريت مت اوياك واخلص ياعلي امن اجروحي
ويلي عگبك ياحسرتي وياعذابي ونوحي
ليلي وانهاري ابدمعتي أنعه يامذبوحي
يالرايح وعايفني للجرح
كل ليله مية ذبحه انذبح
واتحسر العطرك...عمري على عمرك
يبني ياعلي
سيد علي الموسوي
/channel/ahmed_alziwar
يزينب يزينب...اليوم الله ايعينچ
يزينب يزينب...عالگمر وحسينچ
صبح الآمال انتهى وحل صبح الالام
مابقت حسبت وقت واتموت الاحلام
ياهظيمه اليوم بت سادات الاسلام
ايوجرون اخيامهه واتضل بله اخيام
يزينب يزينب...ايفرهدون اسنينچ
يزينب يزينب...عالگمر وحسينيچ
يوم عاشر يوم الاجروح الرهيبه
كل مصيبه انشوفهه اكلف من مصيبه
يالاميره ويالعزيزه ويالحبيبه
الليله كلهه اتصيح زينب ياغريبه
يزينب يزينب...وحدچ امخلينچ
يزينب يزينب...عالگمر وحسينچ
ماتجف هاليوم عندچ دمعة العين
اليوم يوم اموادع وحسرات وونين
آه واويلاه يا أم الخدر وين
راح تنطين الوجه لو طاح الحسين
يزينب...يزينب...دم يدمعة عينچ
يزينب يزينب...عالگمر وحسينچ
اليوم مو بس عالصدر واندگ على الراس
كون نعمي اعيونَّه ونگطعهه الانفاس
مثل هذا اليوم فرحت وسفه الارجاس
حين الحسين انكسر ضهره اعله عباس
يزينب يزينب...ابطيحته امبچينچ
يزينب يزينب...عالگمر وحسينچ
يامصيبه النحچي عنهه ويا رزيه
وهو كله اجروح يوم الغاضريه
وين ياحيدر نصيح ابهالمسيه
يفزع امن ارض النجف للهاشميه
يزينب يزينب...خل يشوف اونينچ
يزينب يزينب...عالگمر وحسينچ
والله يازينب گلبنه اعليچ مجروح
اليوم نتعمَّد إلچ نلچمهه الاجروح
آه من نسمع الناعي ينعه واينوح
عالشريعه كافلچ وحسين مذبوح
يزينب يزينب...والله ماناسينچ
يزينب يزينب...عالگمر وحسينچ
سيد علي الموسوي
كتبت في ديالى ليلة تاسع محرم ١٤٤٤
الاثنين...الثالثه بعد منتصف الليل
يااباعبدالله....يازينب المضلومه
/channel/ahmed_alziwar
الوداع الوداع ياعليُ الوداع
***
اليوم تشييع الولـــي بنوح وعزيه
والمدامع بالحزن صــارت جريه
بعد بالدنيه علــــــي ماكو المسيه
يندفن بالمكبره وحــــــدر الوطيه
صرخةُ الإنفجاع ياعليُ الوداع
الوداع الوداع ياعليُ الوداع
***
اليوم محنيه السمه وكل الكــواكب
شال حماي الحمه وليث الكـــتايب
الليله خده يندفن جــــوه التـــرايب
للنجف تشيعه واتــــنادي الحبايب
حان وقت الضياع ياعليُ الوداع
الوداع الوداع ياعليُ الوداع
***
اليوم مولانه علـــي خلصلت حياته
ودع الوالي بجمـــر ولـــــده وبناته
بمسجد الكوفه وسف خلصت حياته
وحضرت املاك السمه اتشيع وفاته
خبـــــــرٌ فيهِ ذاع ياعليُ الوداع
الوداع الوداع ياعليُ الوداع
***
منحني ابنه الجبير ودمــعه جاري
يكله يابويه اختنك واظلــــم نهاري
جبدي تسعر يالأبو وملتهبه ناري
هسه من بعد صـدك بان انكساري
انت كنت الشراع ياعليُ الوداع
الوداع الوداع ياعليُ الوداع
***
انشال تابوته ومشه لأرض المكابر
والحسين ايسيل دمعه وكلبــه فاير
مثل جمرات الظهيره ابيوم عاشر
ايكله ردتك يالأبو تحظرني باجر
في غداةِ الصراع ياعليُ الوداع
الوداع الوداع ياعليُ الوداع
***
تبجي زينــب ظلت الليلــــــه يتيمه
حكهه من اتصــيح يابويــه الظليمه
وحزني لاماينكطــع لأجلك لأجيمه
آخ يابويه علـــــــــــي والله هظيمه
كنت لي خيرَ داع ياعليُ الوداع
الوداع الوداع ياعليُ الوداع
***
أبو علي الركابي
شلون أودعك يا علي بهاي المسيـه
شلون أودعك بويه يا حامي الحميه
شلون عيدي وانته غايب يصعب أوداع الحبايب
***
بويه قصتي ويه المواجع ابدمعه خطاها الدهر
أول أوداع الرمــاني يــــوم ضلع أمــي انكسر
وهسه بويه وداعــك انتـه منـــه دلالي انفطــر
بويه يا طاري الوداع شخله ابكليبي من اثــــر
آه يگلبي يودع ابلوعــه الأهـــل
آه يگلبي ابطاري الوداع أنـذهل
من الزغر شفت المصايب يصعــــب اوداع الحبايب
***
گلبي چن نار الخليل اتزيد كل ساعه اضطرام
بويه و إبـــراهيم نــاره أّصبحت بـــرد وسلام
وانــه نـــار الباب بيــه تستعـــــر منهه الخيام
أوني مــا يبطل يبويه لــــو بطل نوحه الحمام
بويه وني يشكي للباري المجيب
بويه وني يزيد لــو أودع حبيب
دهري شوفني العجايب يصعب اوداع الحبايب
***
گلبي چن يعگوب نـوحـه فارگ ابنـــه شگد نعـاه
ونوح يعگوب اعلى يوسف خلص ساعة ما لگاه
ودمعي بويــه مـــن عفتني ما أظن واحــــد بچاه
بويه يا حيدر زمانــــي بجمــــــرة افراگك چــواه
ناري تسعر نـــار المـــوادع عــذاب
ناري تسعر مــن اصد شيبك خضاب
تزيد ناري وانته غايب يصعـــــب أوداع الحبايب
*
بويـــه ودعــت الزچيه وگلبي شاب مـن المصـاب
عمري خمس أسنين بويــــه رافگت طاري العذاب
بويه بعد أعيوني تنظر دمعه مرسومه اعلى بـاب
وريت تعمه أعيوني بويه ولا شفت شيبك خضـاب
بويه جرحي لا تظن بعــدك يطيـــب
ويه جرحي يبقه حد عمر المشيب
گلبي من لوعاته ذايب يصعب أوداع الحبايب
***
ودعتني بنظـــره تشــرح بويــه نظــراتك تگــول
بويـــه يا زينب مصابچ تعجـــز اتوصفـه العقـول
شلون حالــچ لــو نظرتي حسين ينـــداس بخيـول
ونـــار بخيامــــچ يــزينب نـــار مــــن باب البتول
دمعه تشرح انه أظل أبـــلا كفيل
دمعه تشرح نسه وأطفال وعليل
وأنه مچتوفه بخرايب يصعب اوداع الحبايب
***
الشاعر
موسى البديري
نسالكم الدعاء امانة☝️في هذه الليلة المباركة
Читать полностью…
اجاني العيد يابويه ... وانت بعيد عن دارك
ومحتاره شرد اجواب ... من يلفيني خطارك
-----
باجر من يهل اهلال ... عيد الله يبو الحمله
تجري دموعي بخدودي ... جرحك روحي متحمله
شلون افرح يمن غايب ... لتضن غيبتك سهله
مو بس آنه متيتمه ... يحس بهل يتم جارك
-----
الوادم لو لفاهه العيد ... وي فجره تحط شموع
وآنه من الصبح بويه ...اذكرنك واهل ادموع
عكس هاي الخلك گلبي ... بويه من الصبح مفجوع
نارك بالگلب تسري ... بويه ما طفت نارك
------
چنت بويه بصباح العيد... تتعنه وتعايدني
هم لو نايمه بهيده ... بالمعايد تگعدني
وهسه شلون يابويه ... حسرة روحي تضهدني
يل تارك حزن بعدك ... بين جروحي تذكارك
ـــــــ
ياعيد الفطر ابعد ... ماريدك تجي عليه
لا ام لا ابو عندي ... سهمك ما رحم بيه
بس چف الحزن باجر ... احس ينطيني عيديه
عيديتي حزن وهموم ... وبيه انرسمت آثارك
-----
ثوب الوان هاي الناس ... تلبس لو لفاهه العيد
وكل واحد يعيد اهله ... وشمحلاته ثوب جديد
بس آنه بثياب السود ... وحسرات الدليل اتزيد
ياعيد ابتعد عني ... ماريد اسمع اخبارك
--------
الشاعر محمد حسن ضيغم
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
لسان حال العقيله زينب
صفتلي اعله الحزن والنوح .. عادات
ولـيـالـي الـفـرح بـس وياي .. عادات
مصيبت فـاطـمـه بهل يوم .. عادات
ابـطـبـر راسـك يـحـمـاي الـحـمـيـه
*-------------------------*--------------------*
عـگـب ضـلـك ألـوذن بـيـه .. ضلمن
عـليـه ايـام دهـري ابـسـاع .. ضلمن
حـاچيـني يـداحـي الـبـاب .. ضل مَن
ابـحنـانـك وبـحنـان امـي الـزچـيـه
*--------------------------*--------------------*
مـثـل هـامـك دلـيـلي انـجـرح .. ونصاب
وعلى امصـابك رخصت الدمع .. ونصاب
ابـمـنـاحـه راح اسـلـي الـروح .. ونصاب
عَـزه الـحـد يـوم مـا تـلـفـي الـمـنيـه
*------------------------*---------------------*
✍خادم امير المؤمنين ع
الشاعر رعد الجريخي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3