19252
انتباه .. حسين الي يعليك مو مجهودك انتباه .. الخدمة توفيقات مو بزنودك حسين اليوفق تره .. لا شعر لا كامره
يامهدي يامهدي يامهدي
يامهدي يامهدي يامهدي
@@@
ياحلم بعيوني .. انته حالي ولوني
اشما اندبك ألگه .. ماتخيب اضنوني
@@@
يالأعز او اغلا .. وماكو واحد مثله
بين صدري وروحي .. اخذ گلبي كله
@@@
انا ليك ومنك .. ومالي غنوه عنك
وانا كون اتمنه .. عد حسن من ضنك
@@@
يامليك احساسي .. وانته عصبة راسي
عفت انا لعينك .. كل هلي وكل ناسي
@@@
عالدرب انتظرك .. يمته يطلع بدرك
ومن تجينه كلنه .. سيدي تحت امرك
@@@
شما يلوم اللايم .. انا بسمك هايم
وعسى حال اجنوني .. بيك يبقه دايم
@@@
ياحفيد الزهره .. ابصدري شايل جمره
عنها لو سئلوني .. من حبيب انتظره
@@@
ياللي انته الغايه .. گوم رف الرايه
خلي نزهي ابنورك .. هالسمه والثايه
@@@
علي احمد الحمود
٤-٣-٢٠٢٣
مولد المهدي عج
🌷هوسات
بحق علي الأكبر ع
خـبـر عاجل أجانه واجمل ابشاره
علي الاكبر يشيعه انتشرت انواره
شـمـس الله بجماله اليوم محتاره
شـعّـت بنواره الـمـعـمـوره
🌷÷÷÷÷÷÷÷÷÷🌷÷÷÷÷÷÷÷÷🌷
شـبـيـه المصطفى هالليله مـيلاده
الگمر خجلان منه وبده استعداده
فـرحـانـه العـوام بجيته والـسـاده
وتهني حسين بـمـيـلاده
🌷÷÷÷÷÷÷÷÷÷🌷÷÷÷÷÷÷÷÷÷🌷
نزّف اجـمل تهاني الـيـوم بالميلاد
ونقدم ورد لـحـسـيـن ابو السجاد
رغم انف اليضدنه وكثرت الحِساد
بالمولد فرحانه الـشـيـعـه
🌷÷÷÷÷÷÷÷÷÷÷🌷÷÷÷÷÷÷÷÷÷÷🌷
✍بقلم خادم الحسين ع
الشاعر رعد الجريخي
لمن نورك بزغ أشرق وهلت
الزجيه بمولدك فرحت وهلت
دموع من الفرح صبت وهلت
لأنك من نسل حامي الحميه
.........
فرح طه النبي بجيتك هلاهل
وسمعنه بدار فاطمته هلاهل
عطر من الحسن هله هلاهل
انفتح باب الكرم باب العطيه
........
كـرم طه النبي بمولد حفيده
اخذ جبريل مـن ايده حفيده
الـكرم هليله للطـالب حفيده
من جيس الحسن يأخذ هديه
........
سيئة الدنية بس حبك حسنها
الجنان ابتشرت وبين حسنها
الزجية تلألأت ولدت حسنها
وخصه بهل اسم رب البرية
........
مصدر كـل كرم جفك والإحسان
حسنك ما اضن مثله والإحسان
نحن الشوفتك تدري والإحسان
زحف مولاي نمشي عله ألمنيه
..........
إلـف طير أبمحبتك حط والفطار
ثواب الصوم إلك اهدي والفطار
وعلى فراكك تره بكلبي والفطار
يبو محـمد ملكت الروح بيه
..........
الحشد شارة محـمد من حشدها
واسأل عن حـشدها من حشدها
المهدي الراية بيده من حشدها
ويـريـد يعـجـل الطلـعة البهيـة
........
الحـيـاة أبغيـره مـا لازم نعشها
أبو صالح دوه جروحي نعشها
وحـك الـزهرة والشايل نعشها
إلك منـذور كـل عمري هديه
.......
وحق خيرات ربنه ولقسمها
تهني الجنة فاطم ولقسمها
لبو محمد فرحنه ولقسمها
ونهني زينب بهاي المسيه
.........
برق نور بسمه الباري ونرجس
ورد جـوري إلك اهـدي ونرجس
البتـول اللـيلة فـرحانة ونرجس
عـليك بنرجس أمك حـن عليه
.........
وحشة الدنيا من غيرك وفلها
وتغيب إحزاني أبنورك وفلها
عكـدت أبرايتـك روحي وفلها
واخذ روحي إلك مني هديه
........
حبيب حسين يالاكبر وجداه
شبيها وشبه والدته وجداه
أدور بالعـشك كلبي وجداه
شجاعة عاطفة كلك حميه
.........
يوارث علم جدك من جمالك
جمال الجنة تأخذ من جمالك
كنوز الدنية كلها من جمالك
تصدق سيدي بنضرة عليه
.........
دموعي عليك تجري من شفتها
جـروحي بغير ايدك من شفتها
شحـالك عمتك انته من شفتها
تلـوذ بلا خـدر بنت الزجـيه
.........
وحشة الـدنية من غيرك وغيبه
حملنهه الهضم بفراكـك وغيبه
عليك شكد حجي سمعنه وغيبه
شوكت تظهر يبن سيد البريه
...........
أبغيابك تدري بروحي شمسها
أمس واليوم لو باجر شمسها
ليالي أجفاك منتضرة شمسها
تظهر والـنهار أنشوف ضيه
.........
اذا دهرك شفـت ضرك والكساء
ابذنـوبك لا غـسل ينفع والكساء
الزيارة الجامعة اقراها والكساء
خمس انوار تشفعلك سويه
.........
ألك بحر العلم يسجد والأكبر
وإلك نور الله الأكبر والأكبر
وإلك سجاد عبد الله والأكبر
بجماله ماخـلق رب البريه
.........
فجر نورك بزغ كون فجرها
وينابيع الـشهد حبـك فجرها
إلك محتاج أمد أيدي فجرها
كريم انته وإلك مديت أديه
........
منو مثـلك يخـو زينـب وفلها
أوف عـليك من تـوفي وفلها
عـكـدت برايتـك حاجة وفلها
عـليك أبزينـب اكضيها إليه
.........
خـلـكي بمـولـدك ضايج وسفـها
جـربتك نحتـت بروحـي وسفها
يعبـاس ألمـسل بـيـدك وسفـها
ابجـفـوفك اكضي الحاجة إليه
........
انه غـلامك إمامي من عبيدك
فقري بجاه زيـنب من عبيدك
منو الكطع جفوفك من عبيدك
يبو فاضل بجت ليك الزجيه
.......
جيوش الكفر تسكت بس بستها
بسم زينـب شفـاهك بس بستها
وروت منك سكـينه بس بستها
وبسمك تروه من تعطش رقيه
........
نهـني أم الـولـد ولـدت ولدها
الزجية الطـاهرة وطه ولدها
شفيـعة بالحـشر باجر ولدها
الـيأذيهـا يـأذي الله ونبـيه
......
ثغر يزهر ورد ويفوح بسماك
حاء وسين ياء ونون بسماك
يتيه الكـون كله يحير بسماك
أنولد نورك يبن سيد البريه
.........
بحروف اسمـك بشر الله حياها
وتطـوف بمرقـدك جـدك حياها
صلاة أنت فرض واجب حياها
يبو السجـاد يـا والـد رقيه
.......
خبر نورك بزغ يزهر وردها
فـرح عم الأرض لمن وردها
وروحي طلـعت بحبك وردها
تموت وذكـرك اليحيها إليه
........
اللهي أحفظ لساني بيوم زلته
عسل ذكـرك زلال شطعم زلته
وحـزني بـمولد الـسجاد زلته
الفرح كبله ابد ما مر عليه
...........
بذكر المحـب مني الكلب فرحان
الجـنان بمـولـد العـباس فرحان
أبيوم الفرح حتى الحزن فرحان
وجهـنم عطلـت هـاي الـمـسيه
.........
هلا بشعبان إلف وإلف هل هل
بـي أعـظم ولادة الكـمر هل هل
لسـاني بسمه بالأفـراح هل هل
صلى على النبي وبنته الزجيه
.........
بزغ نور الكمر من هل وشعبان
وفرح رمضان بقدومه وشعبان
افتخر شعبه أبو طالب وشعبان
وعطر منها الملائك نور ضيه
...........
الارض حنت محاسنها وجفها
وعـليها الفـرح نازلها وجفها
الإله برحمته اغمرها وجفها
أنولد بيها الإمام أعظم هديه
............
علي بسوح الوغى فارس بطلها
الوصي حيدر عـلي غيـرة بطلها
الدسائس والشرك بالحق بطلها
عـلي حـيدر يضل حامي الحمية
.........
يروحي ابتشري للزهرة وفرحي
علينه الغـوث من ينزل وفر حي
السعادة الليلة تغـمرني وفر حي
عـلى حب النبي وأمه الزجيه
...........
الشاعر
اياد الفرح التميمي
قصيدة في ولادة الإمام علي بن الحسين زين العابدين عليه السلام
ميلاده ميلاده يامحله ميلاده
مولد علي السجاد يامحله ميلاده
🍀🍀🍀🍀🍀🍀
هالليله ليلة عيــد مـولـد املنه
شبل الحسين اليوم نوّر حفلنه
وبـمـولـد السجاد كلنه انشغلنه
نـدعـي الإلـه اليوم يقبل عملنه
عالعاده عالعاده فرحتنه عالعاده
نحييها للسجاد فرحتنـه عالعاده
🍀🍀🍀🍀🍀🍀
يشبـه عـلي الـكـرار وارث صفـاته
ممليّـة بالاخـــلاق سيــرة حيـــاته
كـلـمـن تمسّـك بيــه ضـامـن نجاته
من جدّه ابوالحسنين خلقه وسماته
امجاده امجاده من الله امجاده
تشهد جميع الناس من الله امجاده
🍀🍀🍀🍀🍀🍀
مثـل البـدر بالنـور يسطـع جماله
اسمه علي ومحلاه يزهي بكماله
سُبحــانه مـن سـوّاه رب الجلاله
بالتقـوه والأخـلاق ما صح مثاله
اعياده اعياده نعلنها اعياده
هالليله بالافراح نعلنها اعياده
🍀🍀🍀🍀🍀🍀
عترة نبينه اليوم عقدوا فرحهم
وستبشـروا بالنـور مـولـد ابنـهـم
امـلاك إله الـكـون فرحانه يمهـم
بنور الولي السجـاد يسطع نِزِلهم
ميعاده ميعاده هالليله ميعاده
رابع امام الناس هالليله ميعاده
🍀🍀🍀🍀🍀🍀
عالدنيــه هالميـلاد يامحله ذكـره
هالفرحه بالسجــاد فـاحـت مسَرّه
عطر النبي المختار ياشيعه عطره
من الله واجب صار عالأمّـه امــره
والراده والراده رب العُله الراده
رابع امام يكون رب العُله الراده
سيد زيد الفحام
__________
شهر شعبان أحب أسمه ورد بيه
لأن ميــــلاد أبــو اليمــه ورد بيه
أحـس هالكــون يتناثـــر ورد بيه
أو ورد لحسين مفروشـه الوطيه
((سلام المشعل))
هوسات ولادة الامام الحسين عليه السلام
مـاتـيهن واضيعـن وانته محـبوبي
يـاسـاتـر عـيـوبي وغـافـر اذنـوبي
الك مـن الكـلب يحسـين مكـتوبي
فضلك يحسين مغطيني
ــــــــــــــــــــــــــــــــــــــ
يعشكي وماهويتن غيره من زغري
وبيـدك يـاحبـيبي ســلـمـت امــري
من يجور ويضكني بالعـسـر دهـري
بسـمك تنحـل المعـكـوده
ـــــــــــــــــــــــــــــــــــــــ
هويتـك والكلب مـاينـبض لـغيرك
أحـبك واليـحبك هـذا مـن خـيرك
العمـر يمـشي يمحبوبي بتـدابيرك
وسنيني بجفك هنيالي
ـــــــــــــــــــــــــــــــــــ
اذا لاموني اســكت ما أجاوبـهم
ولا تـعـب لـسـاني ولا اعـاتـبـهم
أنه بهـذا سـكـوتي رايد اكـتلـهم
لاموني بحـبك عـذالـي
ــــــــــــــــــــــــــــــــــــ
يسلطان الترافه ورحمة السواك
العمره مايسوه والله اذا مو وياك
عساني بمرض مايشفه اذا انساك
دنياي بغيـرك مـاتـسوه
ــــــــــــــــــــــــــــــــــــ
علي الكعبي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
تقرا في جميع ليالي شعبان…
شعبان هل اعلينه صلو عالنبي
خ نبـارك المهدينه صلو عالنبي
🌷🌷🌷🌷
بعـد التحـيه والسـلام انزف تهـانينه
مصحوبه بنواع الورد للمهدي والينه
شعبان من بعد الحزن رد الفرح بينه
ابميــلاد ســادات البشر تحله ليالينه
فرحتــنه وضحكتنه انقــدمهن هديه
منــذوره للمهـــــدي وللزهره الزچيه
صليــــنه وهنيــــنه ســادات البريه
واجمل حفل سوينه صلو عالنبي
خ نبـــــارك المهدينه صلو عالنبي
🌷🌷🌷🌷🌷🌷
اول ولاده ابهل شهر لحسين ابو اليمه
وتتبرك امـــلاك العرش كلها انزلت يمه
ذاك اليهزه مهده الشريف وهذا اليشمه
خل نحتفل وياهــم ابكل واهس وهمه
ابهـاليله انسويله محفل للقصيده
ونشارك يسـتاهل نقراله الجـديده
نتمــــنه يقبــــلنه ويضمنه العبيده
صك خدمته اينجينه صلو عالنبي
خ نبــــارك المهـــدينه صلو عالنبي
🌷🌷🌷🌷🌷🌷
ابثاني ولاده اتباهت وفرحت المعموره
ميــلاد عباس الگمــر بالكون شـع نوره
والحره ضحكت وشكثر هليله مسروره
كافلها للدنيه اجـه بأجمل واعــز صوره
فرحــانه وسهــرانه وي مهده ابصباها
كافــــلها ايلوگ الها وحق بيه اتبــــاها
ايناغيهه وتضـحكله ومنـــــور ســـماها
وبمهده خلت زينه صلو عالنبي
خ نبــارك المهدينه صلو عالنبي
🌷🌷🌷🌷🌷🌷
الزين العبــــاد الواجـب انزين منصـــتنه
وبأسمه من نكتب شعر تكشخ قصيدتنه
مرسـومه بوجوه البشـــر هاليله فرحتنه
نور الامـــامه الخامس امنـــــور مدينته
نقره اسمه ابكل نجمه ونرتل اسـمه آيه
جم عابس بيه واهس من فرحتنه هايه
خل نشـكر باريــــــــنه شكراً عل عطايه
خير ونعم منطينه صلو عالنبي
خ نبــارك المهدينه صلو عالنبي
🌷🌷🌷🌷🌷🌷
وللاكبـــر انعلگ شـــمع ونحــــني أيادينه
وبضــرف واحــد للنـــبي نرسـل تهانيـــنه
ومــن حبنه اله اجمل حفل هاليله سوينه
ونفتخر بالاكبـــــــــــــر الان كلنه موالينه
هيبــــتنه وكشختنه اوالينه وســـــندنه
بي نفخر نتبخــــتر غالي اهوايه عدنه
وحنه ابفخر نادينه صلو عالنبي
خ نبـــارك المهدينه صلو عالنبي
🌷🌷🌷🌷🌷🌷
الخادم
✍كامل السعيدي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
شايل رحمة الله .. اعليك الباري صله
صل الله عليك يا ابا عبد الله
-----------
يانور النور .. ابوجهك آلاء
يابسم الله .. ياســر الــباء
قل هوه يعرف صفاتك واجتباك
نور قدسي من سـنا الباري سناك
ياضوانه انموت تدري ابلا ضواك
والشمس وضحاها .. من عندك ضواها
صل الله عليك يا ابا عبد الله
-----------
جل الخلاق .. وشگد منطيك
ماشـاء الله .. تــارس ايــديك
تستحق يحسين كل هذا العطاء
غبطــتك حــتى الرسل والانبياء
نعــم كــل هــذا جــزاء الكـربلاء
لجلك يابو الاكبر .. جنـــاتا وكــــوثر
صل الله عليك يا ابا عبد الله
-----------
السر اللاهوت .. انته التفسير
انته التسبيح .. وكاف التكبير
ابكــنهك احـتارت يمــولاي العــقول
ولــذلــك حايــر بشخــصك شــگول
يكفي انته ابن الوصي وابن البتول
ابحبك ابتليني .. والحب هذا ديني
صل الله عليك يا ابا عبد الله
-----------
سبحان الله .. ياخير الناس
احلى الاسماء .. انته وعباس
انه احبكم حب نعــم ماله نظير
انــتما نـــعم ولـــيــاً ونـصــــير
گلبي بيــكم هــايم وصاير اسير
كل ركعه بصلاتي .. بسمك بسملاتي
صل الله عليك يا ابا عبد الله
-----------
اهــواك اهــواك .. وكاتلني الشوگ
وگلبي المشتاگ .. بالحب محروگ
حبك امـن الله عطــيه وموكلام
اسئـل الله يزيــدني حب وهيام
حتى اسمي يصير مجنون الامام
وجنونك هويتي .. وعابس مرجعيتي
صل الله عليك يا ابا عبد الله
-----------
ســر الاســـرار .. ربك خلاك
ومخلي الناس .. لازم تهواك
الجاذبيه الحظرتك تجذبني اكيد
ولــذلك اسمــك بــنـص الــــوريد
اي يعيد الله وبــدونك مـاكو عيد
يالحبك سجيه .. اويه الدم يجري بيه
صل الله عليك يا ابا عبد الله
-----------
حيدر تركي الكربلائي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
عظم الله لكم الاجر
يا زوار الامام الكاظم قلدناكم الدعاء والزيارة بالانابة عني وعن جميع مشتركي القناة
أبكي على بابِ الرجـا بالسجنِ واويـــلاه
والدمعُ من عيني جرى حزناً على بلواه
دمـــعٌ تفجـــر ينعى أبنَ جعفر
حزناً على بلواه
* * *
يسلطان الصبر والنوح والدمعــه
ويا سابع أمام أتنوح ألك سبعـــه
يا سر الإلــه ومنهجـــه وشـرعه
عليك أملاك تنحب والعرش ينعه
العرشُ ينعى فقدكَ بالنـــوحِ والأمـــلاك
والأرض تبكي والسما بالحزن أذ تنعاك
والكـــونُ كبـــــرّ ينعى أبنَ جعفر
* * *
دمعـــات الجفـــــن تتفايض بعبـــره
ولو حسره گضت نورث ألف حسره
للگضّــه بضلامــات السجن عمــره
تسعـــر للأبد مـــا بـردت الجمــــره
جمرُ الأسى لمصابه تسري بهِ الأحشاء
جمرًُ توارثَ نارهُ من محنتِ الزهـــراء
والقلب يسعــر ينعى أبنَ جعفـر
* * *
يا دمع النواظــر هـــل على مصابه
من داره لسجن طاغي العصر جابه
عليه تســأل هله وتتنطـــره أحبابه
البدر عن شيعته شوه طول أغيابه
البدرُ طالَ غيابهُ فـــي ظلمـــةِ السجـــان
وَسمي الكليمِ شبابهُ في زحمتِ القضبان
سجنٌ تكـــدّر ينعى أبنَ جعفر
*
يا وارث علي ويه الزچيـــه أمـــك
شابهت الحسن يــا سيدي بسمـــك
وثلث أيام مثل حسين ظل جسمـك
بقيود العليل أصبــــح نـزف دمـك
نفس القيودِ تشابهت في معصمِ السجاد
قد قيدوا كــف الهدى بالسجن في بغداد
قيــــدٌ تكــرر ينعى أبن جعفر
* * *
يا مسمـــوم مثلك بالسجـــن سمـــوه
وعدوانه بقيوده يـــا وسف شالـــوه
بچفوفه السناسل عالجســـر خلـــوه
ونادو بالنعش بس أهله ما حضروه
هــــذا وريثُ محمدٍ هـــــذا ولــــي الله
ملقاً على جسر الأسى بالقيد من ينعاه
جبريلُ يحضر ينعى أبن جعفر
* * *
مسجون الدمع حزنك كتبله أفراج
يا بحر الصبر صار الدمع أمــواج
يا باب الحوائــــج جيتك ومحتـاج
وليا باب تگصد سيدي الأفــــواج
باب الحوائج والرجا جئناك بالحاجات
والدمعُ منا أنهراً يجري مع العبـرات
قلبٌ تفطـــــر ينعى أبنَ جعفر
* * **
لشاعر
موسى البديري
حيل ابچن ياعيون .. عالسبي وعن السجون
الرابط ابيناتهن
توجد قيود
_____
مشكلتنه اويه السلاسل من بعيد
ابيوم گطعو اطهر واشرف وريد
لمن شــدو بالسلاسل ايــد بــيد
اهــنا بدت مــأساتنه ويه الحديد
جامعة زيــن العباد .. وصلت الباب المراد
وفوگ ظرب اسياطهم
توجد قيود
--------------------
اتلاشت امن الظيم عافية الزمان
يوم حطــو قيــدهم بيــد الحنان
اذنــت دمعـــاتنــه وچــان الاذان
يــا امــان الله نــدور عــــالامــان
وين ما ندري نروح .. تمطر اعلينه جروح
الكــَثرت ماساتنه
توجد قيود
____
سلـــسلة سجادنه وصلــت الـشام
وال اميـــه ورثـــوهــــا للـــ لـئام
رجعـــوها وقــيدو بــيهـا الامـــام
في طوامير السجن عاش بضلام
گضه كل ايامه ليل .. اشتاگته شمس الله حيل
اي نعم والشوفته
توجد قيود
_
الگيـد شامي واصـله مـو مـن العـراق
العلــي السجاد انصنــع بيه لن يساق
ورجــعوه للكــاظم وچــان الـــوثــاق
اثگيل حد مارض نعم من عنده ساق
جسم ابو طلبه نحيل .. وكيدهم كلش ثگيل
المشكله عالگيد هم
توجد قيود
----------
عدنه عاشور الزچــية ام الحسين
وعدنه عاشور ابو اليمه واربعــين
وعدنه عاشوراء بــرض الكاظمين
اليبچي بيهن ينحسب عالمؤمنين
بينه لغيابه عذاب .. يمكن بثكل الغياب
وهاي من نار السجن
توجد قيود
____
اجروح بيـن الكاظميه وكربلاء
يمكن بگــد الكواكـب والـسماء
والله لو خلص عمرنه بس بكاء
مانـوافي وروح ســيد الشهداء
دجله لو نبچي وفرات .. هالعيــون مقصرات
شلون بيدك سيدي
توجد قيود
---------------
حيدر تركي الكربلائي
مشاهدة "لحن قصيدة سفرة الى الله // شهادة الامام الكاظم ع" على YouTube
https://youtu.be/fSBmjtkO6rA
أســـد بغـــــداد ألك مشــــاي متعني
لان روحي بضريحك من زغر سني
يا باب الحوائج يا باب الحوائج
*
مشــــاي اعتنيتك يـا إمـــام الكــــون
أجيت أبدمعه وي الگصــدو يعــزون
أصيح ابصوت اه اعليك يا مسجـون
لمصابك مـــا بطل نوحي وسكن وني
**
وني مــا بطل لا نشفـــت أدمــوعي
ومّحنِيه لمصابك سيـــدي اظلوعي
مشـــاي وفــــلا يسكن الك روعـي
أريدك زايـــر أنته اليــــوم تقبلنـــي
*
تقبلنــي الك زايــــر ولـــــو نوبـــه
مذنب جــــاي يمــك يشتكي أذنوبه
وخطوات اليزورك ادري محسوبه
عليك الزهـــره زاير انته سجلنـــي
*
سجلنــي ألك يـــا سيــدي زايـــــر
يا باب الحــوائج مــــا ترد حايــر
أمد أيدي ويهل دمعـــاته الناظــر
ودمـــع عيني يريته كون غسلني
*
يغسلني الدمع وأتراب اليـــزورون
ما أخاف وعلي بالغبره لو مدفون
خلها أملاك ربي خلهــم يسألـــون
وانه أتراب التزورك والله چفــني
*
الشاعر
موسى البديري
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
الامام الكاظم ومصيبة الزهراء (ع)
لو ضلعچ ظل مامهشوم
ماطاح الكاظم مسموم
والطـاموره أتوضح الصوره
واتبين منهو المظلوم
١
من يوم الزچيه التمت الأحقـاد
ونعرفها الحقيقه أشتحمل من أبعاد
نتايجها أبتدت من هجموا الأوغاد
على الضلع التهشم ولجسر بغداد
كل هذا الحقـد المدفـون
من الضلع الحد المسجون
وهاي الشوره أتوضح الصوره
واتبين منهو المظلوم
٢
أثار الحقـيقه أتـبـيـن بهـل يوم
وتكشفلك منو الظالم منو المظلوم
بعد منگول خل نسكت قدر محتوم
وأنطيك الدليل الكاظم المسموم
هــذا الناتج والمضمون
نبني أحنه وهمه أيهدمون
نفحت نوره أتوضح الصوره
واتبين منهو المظلوم
٣
نبقه انعاني احنه بهاي محنتنه
وآثار المصايب كلهـا فجـعـتنه
وحدتنه وصفـوف الشيعه وحدتنه
بحب موسى بن جعفر تعله راتنه
يخدم واحدنه وممنون
والما سمعـونا يسمعـون
بابه وسوره أتوضح الصوره
واتبين منهو المظلوم
٤
نفس ذيچ الأيادي الشنت العدوان
العاشت لا ضمير و ذمه لا وجدان
شي صارت شياطين بجلد أنسان
والمنهـم بقه راح وصبح سجان
حتى بكل موقـف يبـقون
عالشيعه الهم تبقه عيون
وهل أسطوره أتوضح الصوره
واتبين منهو المظلوم
٥
نمشي بكل صبرنه بلوعه وبحسره
ونوصل للجسر ونشاهد الزهره
على المسموم تـنعه والگلب جمره
أبنها البل سجن خلصان كل عمره
كل گلب البلشر مسكون
يـوميه أيطـلع هــارون
وكل قصوره أتوضح الصوره
واتبين منهو المظلوم
٦
نبقه بهـل خدامه وياهو يمنعنا
رغم كلش صعب ياموسى واقعنا
من جرحك جرحنا و هو يدفعنا
منعوفك ابد والدنـيا تسـمـعـنـا
شما لاموا خلي أيلومون
باچـر كلهـم ينكشفـون
والماجوره أتوضح الصوره
واتبين منهو المظلوم
٧
خل ننعه وبچانه الليله والدمعات
على باب الحوايـج نرتجي الحاجات
أذا أيلومونه باقي وحبه أبد مامات
وعلى دربه نظل ومانزل هيهات
كل حبه يظل ومرهون
وبموسى الكل يتشرفون
والمعموره أتوضح الصوره
واتبين منهو المظلوم
لاتنسون والدي وأبني عباس من الرحمه والغفران
خادمكم رياض الرسل الجابري
مشاهدة "نزال لاستشهاد الامام الكاظم ع #اشترك_بل_قناة_وفعلو_الجرس_ليصلكم_كل_جديد" على YouTube
https://youtube.com/shorts/d1D7vYpBaWA?feature=share
#هوسات ولادة الامام المهدي عج
يا آخر بدر يالمهدي بآل البيت
نترقب ظهورك لچن ما هليت
ميلادك رجع بس انت ما رديت
( يالغايب طولت الغيبه )
يالمهدي الظهورك ننتظر كل حين
ومن الشوك الك يا سيدي ميتين
كون وياك نتلاگه ابضريح حسين
( وانقبل جدمك واترابه )
اتصيح اگلوبنه البالهجر مچويه
يا مهدينه وحشه ابدونك الدنيه
وما يحلى الفرح من غير راعيه
( وشخصك هالفرحه ايحليها)
الليله الآل بيت النور آل المصطفى العدنان
شع نور الوصي الموعود اليحيي السنه والقرآن
فرحه وحلت اعلى الناس يوم ١٥شعبان
( ومو شيعي الما يفرح بيها )
✍️فراس موحان الساعدي
🌹هوسات🌹
حوار بين الشمس والقمر
ايوصفن جمال علي الأكبر ((ع))
الگمر حاچه الشمس ويگلها حسبالي
جـمــال الكـون كـلـه اتـصوّرت مـالي
يـحـلالي قـبـل كـل وصـف يـحـلالي
(( وجـه الأكـبـر احـلـه اهـوايـه ))
*-----------------------*---------------------*
الشمس سمعت گـمـرنـه اوافقتة الراي
گـالـتـلـه استحيت اوجهي صار افّياي
چـنـت مـغـروره كلش بالجمال اهواي
(( ومـن شـفـتـه احتاريت ابـنـوره ))
*-----------------------*--------------------*
قـبـل وحـدي أحسّن تسحـر اشفافي
گـمـر بـالليل وجهـي يسطع اوصافي
خن بـطـل غـرور ويـاشـمـس كـافي
(( ماعدنـه اشويـه مـن اوصافـه ))
*-------------------------*--------------------*
الشمس گـالـت بـعـد بالـنـور ما ننغر
الجمـال المن صـدگ مخلوق للأكبـر
ربـنـه ابـقـدرتــه بـي ابــدع اوصـوّر
(( سبحانـه الـصـوّر سبحانـه ))
*--------------------------*-------------------*
✍خادم علي الأكبر ع
الشاعر رعد الجريخي💐
موال للأمام الحجة ابن الحسن ع
گالو ما تجي يا سيدي الشمات .
گلتلهم يچي شما طول أفــراگه🌞 .
گالولي خرافه العشگ للغياب
گلتلهم دليلي يعيش بشــواگه🌞 .
گالولي تحب غايب ابد ميعود
گتلهم يجــي وبلهفه نتلاگــــه🌞 .
گالولي عليك هواي يالمحجوب
برد متلوحه مشراگه🌞.
شما گالو عليك اهواك يا مولاي .
وتظل هالروح مشتاگه🌞
اظل اتناك اظل اهواك اظل وياك
والعاشگ ابد ميعوف عشاگه🌞 .
.......
الك روحي شكثر شهگت وحنيت🌺 .
والك چـــم بـــاب دگيتـــه وحنيت🌺 .
كسر گلبي البعد تــدري وحنيت🌺.
لغيابك چم ظهر يبن الزچيه .
🌹🌹🌹🌹🌹🌹
✍🏻 موسى البديري
قصيده بمناسبة مولد الامام العباس عليه السلام
شعبان 1444ه_2023م
صار عباس هله بميلاده
صار عباس هله بميلاده
★★★★★★★★★★★★★؛
من الارض طالع گمر هاي الليله
وأجمل اهازيج الفرح نهديله
من اول حياته وحيدره يحچيله
سيف وعلم جود ونهر يرويله
والمهد گام يكسر أوتاده
صار عباس هله بميلاده
★★★★★★★★★★★★★؛
وجه الحسين البسمه بيه تلالي
ويصيح يا مية هله بالغالي
وزينب تنادي وتنده اعله الوالي
من شفت عباس انشرح دلالي
گلبي ملهوف يشوف امجاده
صار عباس هله بميلاده
★★★★★★★★★★★★★؛
حگه علي من يفخر بعباسه
طول العمر بيه مرتفع ظل راسه
من اول حياته حد اخير انفاسه
بدين وشجاعه وخُلق ثابت ساسه
هذا التمناه علي والراده
صار عباس هله بميلاده
★★★★★★★★★★★★★؛
والنعم من ام البنين الحره
ابّحب اخوته غذته من زغره
تلويله باسم حسين وتحب ذكره
يمه اعله راسك خلي ابن الزهره
والنعم يالحيد يعم الساده
صار عباس هله بميلاده
★★★★★★★★★★★★★؛
تسري البطوله من الزغر بچفوفه
من النهر ذب الگنطره اعله جروفه
كل الشجاعه تنحني من تشوفه
عنده الحرب مثل الحچي بسالوفه
رفعة الراس علي وأولاده
صار عباس هله بميلاده
★★★★★★★★★★★★★؛
جعفر عطيه البزوني
للتواصل @jaffarsds
صــفـوة الـلـه ــ حسين بن علي
عشكه محلاه ــ حسين بن علي
ــــــــــــــــــــــــــــــــــــــــــــــــ
مولده الليلة ــ وكلبي يحجيله ــ محبوب محبوب
ياهله بجيتك ــ ولايـذ بخـتك ــ مكـتوب مكـتوب
صفوة الله ورحمة الله
كلشي يم حروفه صله
حسين من الروح أغله
صــفـوة الـلـه ــ حسين بن علي
عشكه محلاه ــ حسين بن علي
ــــــــــــــــــــــــــــــــــــــــــــــــ
قمة اشواقي ــ يااخو الساقي ــ اهـواك اهـواك
كـعـبة أمـالي ــ سـيدي الغالي ــ اويــاك اويــاك
انوار رب الكون شفتك
عـينه ويـمـنـه عـرفـتك
انته بس انته عـشكتك
صــفـوة الـلـه ــ حسين بن علي
عشكه محلاه ــ حسين بن علي
ــــــــــــــــــــــــــــــــــــــــــــــــ
صار محبوبي ــ غافر اذنـوبي ــ معـلوم معـلوم
فرحة الزهره ــ والكلب يـقـره ــ هاليوم هاليوم
اشـكر الـباري الجـعـلني
خـادم عـيـونك حسبني
وكلـبك الغـالي الـكفلني
صــفـوة الـلـه ــ حسين بن علي
عشكه محلاه ــ حسين بن علي
ــــــــــــــــــــــــــــــــــــــــــــــــ
شايل ورودي ــ والـعزم زودي ــ مولاي مولاي
نـورك الزاهـر ــ والجفن ساهر ــ مولاي مولاي
ياعشك ساري بوريدي
مولـدك مـولاي عـيـدي
مااعـوفك كل جديدي
صــفـوة الـلـه ــ حسين بن علي
عشكه محلاه ــ حسين بن علي
ــــــــــــــــــــــــــــــــــــــــــــــــ
يانبي الرحمه ــ وسـيـد الامـه ــ مبروك مبروك
هاي خدامك ــ تخدم حسينك ــ وعدوك وعدوك
حسين مـانترك طريـقه
حسـين غالينه الحقيقه
بخـدمته كـل الـخلـيقه
صــفـوة الـلـه ــ حسين بن علي
عشكه محلاه ــ حسين بن علي
ــــــــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
ابميلاد عباس الحنين
مـبروك يــا ام البنــين
______
اعتله الصوت اعتله .. هله ومية هله
هله بـراعـي اللواء .. ومــراجل كربله
ابو اليمــه ابتـــشر .. لمن شاف الگمر
يقبل ايده ويگول .. اجه احزام الظهر
يالجايبه حصن الحصين
مبـــروك يـــا ام البنـــين
-------------
الضوه وهوه الضوه .. من اخدوده ارتوه
شكــثر شايل ضـياء .. لعــد راعــي اللوه
نــده زينـــب عـلي .. ويـگلـــها اتـــــدللي
الحلمتي بيه اجاچ .. الكفيـــلج هلــــهلي
وتطش عليچ الياسمي
مــبروك يا ام البنــــين
--------------
السمه واهل السمه .. تــبارك فاطمه
نعم وام الحـسين .. ابگــمرها هايمه
تحــب هـذا الولد .. ابــو فاضل بعد
ابحظن ام البنين .. وللملاگه استعد
وبكــربله عنــده يقين
مـبروك يــا ام البنــين
__
تبــــيـن قـــــصــــته .. الشـجاعه بگصته
العفيفه اويه الحليب .. اعله زينب وصته
تگـــلــه ام الخـــــدر .. تــره اتامرك امـــر
واذا اتـــريد النجـوم .. احـــذرك تعــــتذر
وعن الخدر تدرينه امين
مـــبروك يا ام البــــنيــن
_____
ابحظن امه وقسم .. وفي امبين نعم
بطل يطــلع اكــيد .. الِـگمــاطه ابعلم
اشحلاته لو غــفه .. ينگـــط عاطــفه
ولمن يبچي تكول .. كأنـــه العاصفه
عباس عنده الغيره دين
مـبروك يا ام البـنــــــين
___
علي وجها انشرح .. وبــبو الغيره فرح
يوصيه بالحسين .. وعلى صدره مسح
علي عـــقد الــوله .. يگـــول اتــأمـــله
الولد هـــذا يصــير .. عظــيم المـــنزله
ويصير خادم للحسين
مبــروك يا ام البنـــين
--------------
حيدر تركي الكربلائي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
ياهــلا بشعـبان الافراح
مـن حزنه انريــد نرتاح
بيه نشـم ريحة القداح
ياهلا …… ياهلا
🌹🌹🌹🌹🌹
اللـه مـن بيــن الشـهور اختــاره
وبيـــه جعل مــــولد اعـز انواره
عشنه بيه چم فرحه چم ابشاره
كل محب دخلت ســعاده ابداره
يختلف عن باقـي الشــهور
بيــــه تهل افراح چــم نـور
كل محب بيه عاش مسرور
ياهلا ……… ياهلا
🌹🌹🌹🌹🌹
وهاي اول فرحه بيه عشناهه
مولد حســـين الي بيه نتباهه
الدنيـه كلهه اتهلهل اسمعناهه
واحله زينـه اتعلگت شفـناهه
ياهلا ابميلاد الحسـين
ياهـلا بديمومت الدين
اتردد ابصوت الموالين
ياهلا ……… ياهلا
🌹🌹🌹🌹🌹
ثاني فرحــه الگـمر هل بسمانه
والشمس منه اصبحت خجلانه
ابمــــولد الكافل زهت دنيـــانه
وفاطمه اتعيــش الفـرح ويـانه
انسرت ابميـلاد عباس
گامت اتوزع ورد ياس
بالمحافل هنت الناس
ياهلا ……… ياهلا
🌹🌹🌹🌹🌹
ثالث اعيــاد النبـي القدســــيه
مـولد الســجاد شعشع ضــــيه
نقــره اناشــــــــيد الفرح ليليه
وكل محب شايل بديه جوريه
هل فرح مامثله بالكون
والملائك بيه يحظرون
للنــــبي وآله يهـــــنون
ياهلا ……… ياهلا
🌹🌹🌹🌹🌹
خمسه من ابهه الموالد جامــع
ومــولد الاكبر يصـــير الرابـــع
نوره چن نور الرسول الصاطع
وبالشـجاعه على حيـدر طالع
أنولد خيرت الفتـــيان
طه بيه اهواي فرحان
يا حلات اليال شعبان
ياهلا …… ياهلا
🌹🌹🌹🌹🌹
١٥ شعـــــبان اكـــــبر فـــرحه
انولد بيه المهدي وشرق صبحه
كل جريـــــح اليله ضمد جرحه
وصـدره بفراح الولاده ايشرحه
ابمحفله ما يبـــــقه معلول
يشفي حتى الچان مشلول
مــن صميم اگلوبنه انگول
ياهلا ……… ياهلا
🌹🌹🌹🌹🌹
الخادم
✍ كامل السعيدي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
الزهره الزجيه بالكاظميـــه
تبجي وتنادي سمو فؤادي
بالكاظميـــــــه بالكاظميــــه
* * * * * *
حضرت وفاته أم الايمـــــــــه
ساعة مماتــه مهمومــه يمــه
حضنت بديـها بكل لهفه جسمه
بحسره حزينه تقبلـــه وتشمــه
اليوم الرضيـه بالكاظميــــه
* * * * * *
أتعنــت حـزينـــــه مصابه فجعها
تلطــم صدرهـــــا ويهمــل دمعها
وعـــادت عليــــها كســـرة ظلعها
وضجت هالأملاك تبجي لوضعها
تنــوح الـزكيــــــه بالكاظميــــه
* * * * * *
تتجاره العيــون ناحت لبنهـــــــا
مسحت جبينــه وراسه بحضنها
وكل السمـاوات ونـت لـونــــــها
وكدر هالأكوان همـها وحــزنها
وتنعــه البريــه بالكاظميــــه
* * * * * *
الزهره بمصابه نادت يـويـلي
بسمـــــه أحسن سمــــو دليلي
عالكاظـــم أبني يادمعه سيلي
وحكـي أنوحـن ويكثر عويلي
وأنصب عزيـه بالكاظميــــه
* * * * * *
من المديـنــــــــه ياموسـى جيتـك
أيدي أعله ظلعي يبني أعتنيــــتك
كلبــــي تأثـــــــر مــن عاينيـــــتك
جبدك تنعثـــــــر سالـــم يريــــتك
وشهالبليــــــــــه بالكاظميــــه
* * * * * *
تصيح الوديعـــه بيــــن المعزين
ألطـــم تعنــــيت ويـــــه الموالين
أرد أنعه وأمشي وسط المشيعين
يومــك فجيعـــه آه ياضـوه العين
صارت رزيـــه بالكاظميــــه
* * * * * *
يم راسك أنعـــه يوليـدي وأنحب
مصابك هظمني وكلبــي تعذب
سمونـــــي وياك وجبدي تصوب
كلبي أحســـــــه نيرانـــــه تنشب
نار آنـــه بيـــــه بالكاظميــــه
* * * * * *
ويلــي وآويــــلاه ويلي يمظلـوم
بطاموره سجنوك يالكاظم الكـوم
أمكيــــد بالأغلال يبني يمسمــوم
خلصــــت حياتك لوعات ومهموم
الحــد المنيــــــه بالكاظميــــه
* * * * * *
يوليدي الاشـرار عدوانـــك آذوك
بغظاً أليـــــــــــه عادوك وظلموك
وبغظاً لحيــــــدر عدوانه سجنوك
وبغظاً لللأســلام يوليدي سمـــوك
أويــه الجعفريـــه بالكاظميــــه
* * * * * *
سلام المشعل
ابوذيات شهادة الامام الكاظم (ع)
يبن جعفر عليك الروح هامات
إلك ترخص بهاذ اليوم هامات
عليك يصيك كل مامون هامات
وألم سجنك لجم ضلع الزجيه
.......
بتاريخ الدهـر سجـل وكيده
الإمام شلـون يتكيد وكيده
سجن مظلم يخلونه وكيده
سلاسل يربط سوده عليه
............
ابن حيدر علي الكاظمتعالى
بـآيات الـطهـر خـصه تعالى
يشيعي للجـسر باجـر تعالى
نشيع الـراهب نقيم العزية
............
الإمام الكاظم العـابد وراهب
لجيوش الكفر راعب وراهب
رياح الغدر يا وسفه وراهب
وغدر مسموم إمام الجعفرية
........
يباب الجود والطلبه والمراد
الم سجنك نحس بينة المراد
ليزورك يدخل الجنة والمراد
بخسارة يصير دنيا وأخريه
........
يمن بابك عـلاج الروحي وصفه
عذب زمزم صفائك عسل وصفه
صعب حالك ولا ينوصف وصفه
بسجـن سمـوك تـنعـاك ألمـنيه
.........
الدهر لهموم يا ويلي جسرها
ويا كيد الكـسر ساكه جسرها
عليك يون يبن جعفر جسرها
وينادي يا إمام الـرافـضية
.........
حبكم عذب مثل العسل وصفه
العقل بيكم عجز محتار وصفه
دواكم من علي مكتوب وصفه
تصرفون العلاج الكل قضيه
........
العقـل ما صح بعد عندي ومسجون
أحس مخنوك من عمري ومسجون
عـلى المسموم همت انه ومسجون
ألـرحـيـلك يا إمـام الـرافـضية
.......
ألك سجن بوسط روحي إلك ضام
أبـوح ابغـيضي ما اكـدر إلك ضام
اجـمع أدموعي بعيـوني إلك ضام
وعليك أبجي دموم بهل مسيه
.........
اليحـبك عقلي متعلم ولهفي
بغيرك اختنك تـدري ولهفي
إمامي الساكن بكلبي ولهفي
منزل والحنين يطوف بيه
.........
أبجـزر دنياي مامـرة ومديت
سبحان الخلق أرضك ومديت
يم بابك جبت روحي ومديت
جفوف وحاشه أتردهن عليه
.........
المشاكل تنحل باسمك وفضت
ترس جود الكرم جفك وفضت
على بابك وكـفـت انه وفضت
حوائج صرت اطشهن وأهليه
........
شكثر أنصاركم جانت وشيعة
خبر موتك وصل لينه وشيعة
إلك كلبي يظـل نعشك وشيعة
يبن جعفر ملكت الروح بيه
.........
يبن جعـفر إلك أعظم شهادة
سنينك بالسجن تبقه شهادة
نلت من العرش أنت شهادة
على مصابك حزن رب ألبريه
.........
يكعبه اتطوفك الزوار حاجات
إمام وتكضي للمحتاج حاجات
نخيتك أنت للملهوف حاجات
دخيلك اكضي كل حاجة إليه
.........
طبك جـفن المصايب من جفنها
عمت عيني صوركم من جفتها
عليها الموت هم أن من جفنها
ويـون ليها الصخر ونه شجيه
........
الشاعر
اياد الفرح التميمي
الامام موسى بن جعفر عليه السلام
منّ نسل النبي وارث صفاته
مظلوم بسجن خلّص حياته
روح الله وحبيبه
يتعذّب عجيبه
...................
ليش اليهدي ناسه بعمره يتعذّب
يگيّدونه بسلاسل ياذنب اذنب
الينطي النور ليش بحفره يتغيّب
والظالم خليفه بظلمه يتنصّب
موسى الكاظم تقدسه المذاهب
من سجن لسجن بيد النواصب
والطاهر حليبه
يتعذّب عجيبه
...................
يهدي الناس چان بعلمه وفكاره
موسى الكاظم ودار العلم داره
امام عله البرية الخالق اختاره
وارث من مُحمّد علمه وسراره
منبع للمكارم والفضائل
مگيّد بالحديد وبالسلاسل
سر الله ورقيبه
يتعذّب عجيبه
...................
ليش الناس طاعت بالطمع هارون
وعافت موسى بن جعفر امام الكون
بطامورة سجن تحت الارض مسجون
بديار الغرب وهله عليـه يبچون
حرمو موسى من اهله وبنينه
راح ومارجع لرض المدينه
والعنده مصيبه
يتعذّب عجيبه
...................
بسجن هارون موسى الكاظم اتألّم
جروحه امن السلاسل كلها تنزف دم
الله يلعن السنّدي شكثر اجَرَم
بعدما عَذّبه بسجنه سگاه بالسَم
هارون بحقد اعطه الاشاره
وهذا الناصبي نفذ قراره
بديار الغريبه
يتعذّب عجيبه
...................
ساعه عله الجسر ظل النعش مطروح
تشيّع بالمناحه الكاظم المجروح
مو مثل الغريب الصابر المذبوح
حسين الظل عله التربان دمه يفوح
ظل عله الترب مگطوع نحره
بخيول آل امية انداس صدره
والجثه سليبه
يتعذّب عجيبه
سيد زيد الفحام
________
شهادة الامام الكاظم ع
.
.
.
يــامــن نـور الله نـورك يـنـحــسب
ليش امن احبابك شمسك تنحجب
ياشمس الله كافي
أذتــنــه الــمنــافي
حـزنك بيـنه غافي
يـامـوسى ابـن جـعـفر
______________
خـــد اللـــيالـــي يشـــهد علـــينه
امـن الدمـع مولـح گــد مابچـينه
ويـــنك انــادي يــمـــته تــجـــينه
طــاحت ايـديـنه ابـگـد مادعــينه
الفگدك اتعـالت صـرخات المهج
نــدعـي اللهــم عجـــل بالـــفرج
يمتـه اتـرد يوافي
أذتــنــه الــمنــافي
حـزنك بينـه غافي
يـامـوسى ابـن جـعـفر
______________
بيــنــه الغــيابـــك لـــوعـــة منــــيه
ونـــار انتـــظــارك ظــلـــت ســـريه
نـشــهگ ابهـــجــرك كـــل مغــــربيه
شيـــب الـــهــذي جـــســـر المـــنيه
جســر الــمأســي نـاده ابحــنينه
مــوسى ابـن جعـفر يمـته يجينه
اويانه ايتاني حافي
أذتــنــه الــمـــنــافي
حـزنك بــينه غــافي
يـامـوسى ابـن جـعـفر
______________
الدمـعة افراگـك مستحيـه العـيون
ابسجنك يـغايب واحـدنه مسجون
بالـشـيعه تـدري وشـگــد ينــوحون
شمــسك ضــواها لــو مــايشوفون
هنـياله الشـافك والـگاعـد يــمك
ياعـطر الــجـنه يمــته ونشــتمك
يالعالشيعه خـافي
أذتــنــه الــمنــافي
حـزنك بينه غـافي
يـامـوسى ابـن جـعـفر
______________
مـوتـنــه هـجـرك حــقــنه ومـانــلام
والجـمـــعه ظـلــت تـذبــح بـالايــام
ابلـيل انتـطارك مــشدوده الاحــلام
وبـــكــل دقــيـــقـــه تــــــزداد الالام
العيـشـه بــدونــك يالــغـالي ذله
يمــتــه تــجــيــنه يـــارحمة الله
محد جـمره طافي
أذتــنــه الــمنــافي
حـزنك بـينه غافي
يـامـوسى ابـن جـعـفر
______________
نــاشــدنــه عـــنــك گــالــو تـــأخر
وصـوت المـصــيـبه صــاح وتــأثر
عـالجسر هـذا مــوسى ابــن جعفر
مــن هــــالمــصـــيبـــه الله اكــــبر
شمـسك ضواها ابــزنزانـه غـابت
وبالسـم چـبدتـك يـاوسـفه ذابت
وهذا الهم اظـافي
أذتــنــه الــمنــافي
حـزنك بيـنه غافي
يـامـوسى ابـن جـعـفر
______________
حيدر تركي الكربلائي
يــــزوار ـــ نــزوره ـــ يـــزوار
على النار ــ نمشي ــ على النار
والاخطار ــ متهمنه ــ الاخطار
يزوار ــــــــــــــــــــــــــ يزوار
أبو الرضا يسوه عمرنه
عزنه ومهابتنه وفخرنه
يـزوار
ــــــــــــــــــــــــــــــــــــــــــ
نزوره بعزمنه ــ ومـايهـمـنه ــ نـاس التلـوم
شعار الـيحبه ــ ممشه دربه ــ يجلي الهموم
مشينه لحضرت الغالي
بخـطر لا والله مـنبالي
عاشك محلاته الـتـالي ــ زيـارة كبره
يجيـله طـالب الحاجه
يـرد مــرصـــع بـتاجـه
أبو طلبة تجي افواجه ــ تريده النظرة
علي وياك ــ كلمة ــ علي وياك
يـحــيــاك ــ بارينا ــ حــــيــاك
تره انطاك ــ مرادك ــ تره انطاك
هذا الدرب ماغيره ردنه
عزنه ومهـابتنه وفخرنه
يزوار
ـــــــــــــــــــــــــــــــــــــ
روافض رفعنه ــ مــن طلعـنه ــ رايـة الحـب
نعاهد كصـدنه ــ ومـن يـردنه ــ بدمنه نكتب
جدم مـن ضوة اسرع
نطوفه وخلي نتـگطع
يشامت افهم واسمـع ــ عشكنه ترابه
غريب الـكاظم نشيعه
نصيح وتنزل والدمعه
نواسي فاطمه البضعه ــ جبير مصابه
سماوات ــ تبچي ــ السماوات
مـعانـات ــ جرحه ــ مـعـانـات
صلوات ــ بنـوحي ــ صلـوات
وعنه ولا واحـد منـعـنه
عزنه ومهـابتنه وفخرنه
يزوار
ــــــــــــــــــــــــــــــــــــ
جـميله الـعبـاره ــ يــازيــاره ــ تــرفــع الـراس
خدم من شفتها ــ وكـلـمـتها ــ بغيره وحساس
الخـدم والــزاد طـابخـته
أعله طوله الدرب ناشرته
اليخدمه شكـبره يا بخته ــ بخيت وعالم
تــفـضـل زايـــر ابــيـتك
نـبــض دلالـي سـمـيـتـك
يـمن عالي صـبح صيتك ــ تحسده الوادم
عرفـناك ــ زايـر ــ عـرفـنـاك
خدمناك ــ سهرنا ـ وخدمناك
يدعواك ــ ونطلبها ــ دعـواك
وبخدمتك صرنه شكبرنه
عزنه ومهـابـتنه وفخرنه
يزوار
ــــــــــــــــــــــــــــــــــــــــ
مواكب تعزب ــ الهيبة ترهب ــ تخوف العداء
نعـم مانعـدها ــ أشكد عددها ــ يــعـلــم الــله
مـواكـب يتعب العـدها
خـدامة الـباري خـلدها
علـي بجفوفه سـاندها ــ وكمـر كافلها
طعام التشتهي روحك
دوه موجود لجروحك
تعب لا تصدگ يلوحك ــ عـزم صارلها
مسافات ــ أعظم ــ مسافات
عـبارات ــ خطهن ــ عـبارات
تره البات ــ هنياله ــ لو بات
والبات عدنه شـرف النه
عزنه ومهـابتنه وفخرنه
يزوار
ـــــــــــــــــــــــــــــــــــــ
معاجز شفتها ــ واعـرفـتها ــ كـلشي تـغـير
عليل يتشافه ــ ويتـعـافـه ــ ويصبح بخير
تشافه العجز دكتوره
خطوته هيه دستوره
عباره خاطها بصوره ــ شفاني الكاظم
الف شكرآ يبو طلبة
حنان ورقـة البـكلبه
عظيم وغالي ياحبه ــ حسـبني خادم
قريـناك ــ بفضلك ــ قـرينـاك
عشكناك ــ غالي ــ وعشكناك
يطرواك ــ تحيينه ــ طرواك
نزورك يمن جامع شملنه
عزنه ومهـابتنه وفخرنه
يزوار
ـــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي
((گيد وسجن))
يبن النبي وضنوةّ علي
گيد وسجن بي مبـتلي ...
"""""""""""""""""""""""""""""""""""''''''''''''
يالدمعتك مثل الجمر
بطاموره وتمر بعــسر
تذكر نحر حزه الشـمر
ماتدري ليلك من فجر
اتمنى گيـدك صار ألي
گيد وسجن بي مبـتلي ...
"""""""""""""""""""""""""""""""""""''''''''''''
حتى الصبر يمــك فـــرش
من لوعتك والله انـــدهش
وشيب الجرح بيك وغبش
حتى السجن صابه العطش
بالطف صحت راحو هلي
گيد وسجن بــــي مبـتلي ...
"""""""""""""""""""""""""""""""""""''''''''''''
يبن البحر وانته المرج
دمك مثل جـــدك عرج
بيك الفرج صاح الفرج
نارك مثل نــــار الوهج
وانته الولي ونعم الولي
گيد وسجن بي مبـــتلي ...
"""""""""""""""""""""""""""""""""""''''''''''''
يـــــا آيةّ الله الواضـــحه
عيـــــون التحبك شابحه
يقرا الجرح سورةّ ضحى
عيــونك تهـــــــل الفاتحه
بسمك جرحنه ينـجلي
گيد وسجن بي مبـتلي ...
"""""""""""""""""""""""""""""""""""''''''''''''
وإيد الولي تنزف دمـه
متونك حسافه مورمه
يلهچ هضم بــالملحمه
وينچ ييمه فــــــاطمه
وصوت الجرح ضل يعتلي
گيــــــد وسجن بي مبـتلي ...
عبد زينب
محمد الابراهيمي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
نخوه للكاظم ع
الكاظم مايرد طلاب
والحاجات يكظيها
.........
مايتعذر الحيران
مشكر ياعظيم الشان
يالعندك هظم واحزان
عالمهيوب خليها
........
تعنه للكريم هاليوم
صيح دخيل يالمسموم
انخاك وعليه هموم
كلي شلون ارد بيها
.........
شكيني يبوالطلبات
ضلت يمك الحاجات
بجاه الضل عالمسناة
وبزينب اواليها
..........
بزينب تنغر علينه
دخليك لاتخلينه
يالبسمك تنخينه
هموم الكلب شكيها
.........
يكضيها ونعم منه
للكلفات اريدنه
مهظوم واحشمنه
همومي وين اوديها
✍أم زينب كربلاء غير مبري الذمه من ياخذ الكلام وينسبه له او يحذف الاسم
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
نزله للكاظم ( ع )
حضرت الزهره بدمعها
ويلي يامسموم
نـادت ولـزمت ضلعهـا
ويلي يامسموم
1
حضرت اتشيع الكاظم والدمع فوگ الوجن
شافت اجنازة ابنها طلعوها من السجن
گعدت بحسرتها تبچي تنحب بدمعه وتون
ياهو مثل الزهره ياهو شافت آهات ومحن
تنادي والعالم سمعها
ويلي يامسموم
نادت ولزمت ضلعها
ويلي يامسموم
2
نادت بدمعتها نادت ابني سمو چبدته
شافته بوسط الجنازه غيره تنضح جبهـته
حنت اونت الزهره من ابنها شافته
على الكاظم ابني ويلي خل تنادي شيعته
الزهره هـنيالـه التبعها
ويلي يامسموم
نـادت ولـزمت ضلعهـا
ويلي يامسموم
3
وين شيعتنه تنادي خل تجي بدمع الصبر
انشيع اوليدي بدمعنه والجنازه اعله الجسر
والي يلطم والي يحضر بيدي اوقع عالآجر
وعهد انطي للي يخدم احضر وياه بالگبر
تحلف بـربها الـرفعها
ويلي يامسموم
نادت ولـزمت ضلعها
ويلي يامسموم
4
ماتعوف الزهره ابنها تحضر وتوصل اله
تجي تنوح ويمه تنحب ودمعه عالخد هامله
وعلى الكاظم تبچي گامت وللابن تتأمله
تصيح كلها اتهـون كلها بس مصيبة كربله
حسين ومصابه الفجعها
ويلي يامسموم
نـادت ولـزمت ضلعهـا
ويلي يامسموم
5
تصيح يابو الرضا وينك عفت أمك بالدمع
بالسجن خلصت عمرك يبني هذا بيا شرع
الـطاغي راد بسمك انته گلب أمك ينفـجع
مدري انوح انه الچبدتك مدري انوح اعله الضلع
الباب ملعـون الـدفعها
ويلي يامسموم
نادت ولـزمت ضلعها
ويلي يامسموم
شاعر اهل البيت (ع)
رياض الرسل الجابري