19252
انتباه .. حسين الي يعليك مو مجهودك انتباه .. الخدمة توفيقات مو بزنودك حسين اليوفق تره .. لا شعر لا كامره
صلوات محمديه /عدد الي تكدرون عليه♻️خدام وخادمات الحسين عليه السلام
نرجوا المشاركه بحمله الصلوات المحمديه نهدي ثوابها الى صاحب العصر والزمان عج و ام البنين ع على نية شفا۽( الطفلين محمد + وحسين )
الله يقضي حوائجكم جميعاً
#اللهم_صل_على_محمد_وال_محمد_وعجل_فرجهم
صلوات محمديه25😔
صلوات محمديه50💐
صلوات محمديه 100🌹
صلوات محمديه /عدد الي تكدرون عليه♻️)
الله يقضي حوائجكم جميعاً
#اللهم_صل_على_محمد_وال_محمد_وعجل_فرجهم
قصيدة (ميمر) في ذكرى مصاب السيده زينب ع
عگب الاهل والوليان … زينب تموت اوحيده
@@@
اخ اشكــــثر گلب العقيـــله اتمرمر
امصايبهه حتى الحجر منهه اتفطر
اتكــابر علـى لوعاتهه وتتصـــــــبر
وجرح الطفوف الماطاب … يصعب علي تحديده
@@@@@
وحيده وگرب منهه الاجل وتنازع
و تذكــرت عثـــرات يوم الســـابع
صاحت يعباس اعله اخيتك باوع
النفس خلص وتناك ... تحظر الريتي اتعيده
@@@@@
ون ياگلب لم المصايب ونحب
وبحرگه نادي وصيح آ يازينب
مالومك امـن اتگوم نارك تلهب
وليلچمله ابمحبوب ... كثر الدمع شيفيده
@@@@@
گـرب اجلهه وما بقـت اي حيـله
اتمنت اخوهه حسين يمهه اليله
يبچيلهه اعله امصـابهه وتبچيله
وتمنت ابهذ اليوم ... يدفنه اخوهه بأيده
@@@@@
نحظر عزاهه وفاطمه انواســــيهه
ابمجلسهه حاجات اشكثر تگظيهه
المعلول زينب علته اتشافــــــــيهه
لاما ترد المحتـــاج ... ومن العطاء اتزيده
@@@@@
الخادم
✍ كامل السعيدي
بالغـــرب مــاتت أبدمــع اعيونهه
رادت إخــوتها الــذي يشيعــونهه
۩ • • • ۩ • • • ۩
يــا غــريبــه حتـى ساعـــات الممـات
حضــرت الآهـــات بـس والنـــايبــات
الطبره والباب الچبد كـــل حاضـــرات
وطــف أهلهــا وأثـــر ذيـــچ امتــونها
۩ • • • ۩ • • • ۩
طــف أهلهــا الما ســـده مثلـه ابــــد
لا اخـــو ظـــل ألهـــا والله ولا ولـــد
تلتـفـــــت أِلهــــم ولا منــهــم احـــد
والشمـــاتــه بالســـبــي يشتمــونها
۩ • • • ۩ • • • ۩
سبــب مـــوتتهــا يحّـيـــر هــالبشـــر
راس مطبــور وظلــع منهــا انكســر
وچبـــد الهـــا أهنــاك بالسـم انفطــر
وبعــد ألهـــا أسبـــاب وتعــرفــونهـا
۩ • • • ۩ • • • ۩
بعـــد ألهــا أسبــاب مـــوتتهــا بألــم
وحـــده منهـن نـــار شــافت بالخيّـم
وصدر مــن الخيــل يا وسفه أنهشم
وسهم عيـن الگمــر طفّــهَ اعيونهه
۩ • • • ۩ • • • ۩
بيها يــوميـه أيتكــرر هــل المصاب
اجسوم ظلـت عالرمل بالدم خضـاب
بكل نفس تذكر على الغبره الشبـاب
مــن الدمـــه الـــزاكي تغيــر لـونها
۩ • • • ۩ • • • ۩
مــن مشــت بالســوگ وبلايا أهـل
اهنا گــلب زينب الــف مره انكتـل
ومدمــع الآهــــات والعبـــره نـزل
أتمنــت العبـــاس يبــره اضعونها
۩ • • • ۩ • • • ۩
وكَفـتْ الديــوان أصعب كل محـن
يوم دخلت يـــا وسف ويا لضعـن
اعيونها بذيــچ الخرابه مــا غفن
شلون تغفه الما عــرفنا اشلونها
۩ • • • ۩ • • • ۩
حتى وكــت الموت هيـــه امحيـره
أتذكرت عبـــاس والمدمــع جــره
خويه غربـــه وانته مو يمي تـره
والغريبـــه إغــراب اليــــدفنـونها
۩ • • • ۩ • • • ۩
الشاعر موسى البديري
وحگ الوِگــع مــن عِــدها ـ طِفلها
تِشِـب نـاري ولا يحصَـل ـ طفِ الها
علىَ الهادي أحس روحي ـ طَفّ إلها
إلفَگِد عاشِر إمام إطفوف بيّه ..
#عظم_الله_أجوركم🏴
وفاة السيدة زينب عليها السلام
بليل امي اخذهه الگبر.
وطبروا ابوي الفجر
وذبحو اخوي الظهر
وحرگوا خيامي العصر.
،،،،،،،،،،،،،،،،،،،،١،،،،،،،،،،،،،،،،،،
انه زينب كل وكت عندي مصيبه
التفگد امهه من الزغر تصبح غريبة
عمري خلص بس انوح اعله الحبيبه
وجرح ابوي الماگدر يشفيه طبيبه
مثل الظلع مايصح.
كل دوه الذاك الجرح.
راس الوصي ينطبر.
وحرگوا خيامي العصر.
،،،،،،،،،،،،،،،،،،،،،،،،٢،،،،،،،،،،،،،،،،،،،،،
بليله ظلمه شيعوا نعش الزچيه
امي ماتت بالوداع اتصد عليه.
من بعدهه احمل مصايب تدري بيه
تدري كل احبابي اودعهم بديه
أمي وعلي والحسن.
وطشتين بچن زمن
طشت الچبد والأسر.
وحرگو خيامي العصر
،،،،،،،،،،،،،،،،،،،،،،،،،٣،،،،،،،،،،،،،،،،،،،،،،،
بكربله ماتوا اخوتي وكل بنيني
بالشمس ذبحو عزيزي أگبال عيني
تفطرت سابع سمه وسمعت ونيني
وماكسر گلب العدوا نوحي وحنيني
اصحاب الكساء ودعت
وكلهم جرحهم شفت
بلباب شفت العصر.
وحرگوا خيامي العصر
،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،
نفسه بسمار الجرح صدر الوديعة.
صوب عيون الگمر يم الشريعه
نفسه يتحول رمح نفس، الفجيعة
حمل راس حسين ومصابه يذيعه
يقره الكهف علرمح
راس الولي المنذبح
وظلوعه هم تنكسر
وحرگو خيامي العصر
،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،
اتعنت الخيل الخيامي بنار أجوني
گمت اصيحن وين أخوتي الفارگوني
حرگو خيامي الأعادي ولو عوني
اطفالي تبچي من الصياط وسلبوني.
طويريج لو ركضتي
ماعادلت طيحتي
يركض وراي الجمر
حرگو خيامي العصر
،،،،،،،،،،،،،،،،،،،،،،،،،،،٦،،،،،،،،،،،،،،،،،،،،،،،،،،،
امشي علناگه واودع بالأطايب
لادفن لاروس مطروحه الحبايب
بكربله ماعندي اخوه ولاگرايب
تالي مچتوفه بحبل بيد الأجانب.
ابچي الرقيه المشت
ورده بخرابه وغفت
عذبهه صوط الشمر
حرگوا خيامي العصر
،،،،،،،،،،،،،،،،،،،،،،،،،،،،،،،،،
حيدر موسى الرميثي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
وفاة سيد محمد ع سبع الدجيل
دك باب الكرم والجود وتمنه
وخذ شماتريد بلا ثمن منه
ابن الهادي معروف
هواي ايحب الضيوف
.........................
سيد محمد ابو النفس الابيه
شايل بوجهه السماحه الاحمديه
للدجيل بكل زمن هوه الهويه
سبع وابن اسباع ابن حامي الحميه
ابن حيدر علي التشهدله ايامه
اليفتر عله الفقره وشاد الثامه
جرب مدله الجفوف
هواي ايحب الضيوف
.........................
هذا ابن الهادي والله اعلومه زينه
مايرد واحد ابو الروح الحنينه
شكد عطايه للخلك انطت يمينه
سيد محمد ابن اوسع سفينه
جده حسين والسيد من اولاده
شكراً للخلق ذرية الساده
روح بعينك وشوف
هواي ايحب الضيوف
........................
الزاير امن يكصده باحسانه يشكره
جنه داخل جنة الله مو الحضره
بحضرته حته الهوه يختلف عطره
حاضره الزهره بوفاته تشمله نضره
من فاطمه الزهره نضره للزاير
بعد هيهات يرجع للأهل حاير
همك يمه مكشوف
هواي ايحب الضيوف
........................
المهدي هاي الليله حاضر والله عنده
سيد محمد ابد مايضل وحده
يحضر العمه ودمعته فوك خده
يالتواسي المهدي جفك مايرده
گله يابو صالح اني متعني
اواسيك بدمعتي وحزني وبوني
وگلبك ادري ملهوف
هواي ايحب الضيوف
.........................
بالشجاعه بمحضره مااحجي زحمه
عمه سبع الگنطره العباس عمه
الجيش منه يرتعد من يحجي كلمه
بس عله الكافل تلوك ال والله زلمه
يطر الجيش جان وسيفه بيمينه
ومادارت عليهم بالحرب عينه
مايعرف شنو الخوف
هواي ايحب الضيوف
.......................
الدنيه من اتعبك ومابيك حيله
ذبهن اعله اعتابه الهموم الثجيله
سيد محمد ولا رد اليجيله
تارس الدنيه بفضل جوده وجميله
بكل شده وحك عباس تحتاجه
اتوجه للدجيل واطلب الحاجه
بروحك علگبر طوف
هواي ايحب الضيوف
محمد هادي العقابي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
ولادة تفاحة الفردوس فاطمة الزهراء (ع)
بلابل بالولاده الفاطميه
تغرد بالفرح صبح ومسيه
١
تهل هالليله تفاحة القدره
بحضن طه تشع فاطمه الزهره
اليريد ايشم جنان الباري عطره
يجي ويحتفل ويانه سويه
٢
يعيرون النبي وجبريل يحضر
يگله للنبي شانك ابتر
الباري كرمك وانطاك كوثر
يطه وفاطمه اعظم هديه
٣
يطه ايگله هاي الزهره منجه
على الوادم جعلها الباري حجه
التمسك بيها من الخطر يرجه
تخلصه فاطمه الليله الوفيه
٤
شعاع العرش والعالم تجله
بسجود القدره لمن بزغ صله
تحول من محمد لحظه كله
بوجه فاطمه نور الله ونبيه
٥
تشعشع بالمحبه نور فاطم
على اجناح الفرح والگلب هايم
كل خادم ايهني الليله خادم
يربي اينادي شكراً عالعطيه
٦
بمشاعرنه التفيض احساس نهدي
الف مرسال هالليله ونودي
الجناب المفخره القائم المهدي
بختام المحفل ونرسل تحيه
لاتنسون والدي وأبني عباس من الرحمه والغفران
خادمكم رياض الرسل الجابري
في ذكرى ميلاد السيدة الزهراء (ع)
وُلِدَت فَفَاحَت حولَنا الأشذاءُ
وتَلألأت أرضٌ بها وسَماءُ
يكفي لهذي الأرضِ من فَرَحٍ ومن
سَعْدٍ .. عليها مَرَّتِ (الزهراءُ)
بالماءِ إنْ كانَ الوُضوءُ لدى الورى
فَبِبَضْعَةِ الهادي توضَّا الماءُ
وإذا الوُجودُ شكى صُدودَ كِرامِهِ
مَنْ غيرُ فاطمةٍ يَدٌ بيضاءُ ؟!
ولأنَّ فاطمةً عَلَت فوقَ الذُّرى
سَجَدَت لها (حوَّاءُ) و(العذراءُ)
إبراهيم الدريس
وتحيز هموم ضلت ماحزنها
حزينة خلاف عينك ماحزنها
حزنها حسين غيرة ماحزنها
فدت كلشي لجل بنت الزجية
........
الشاعر
اياد الفرح التميمي
مو كل مره تنعد مره ....... حي الله لبوة حيدره
ام الگمر عباس طاريها رفعة راس
@@@@@@@@@@@@
والنعم أي والزچيه والنعم يم البنين
منهو مثلچ زاد فضله بموقفچ وي الحسين
يلي نفخر من نذكرچ يامرة ليث العرين
زلم مانالت مقامچ نلگه مثلچ بالله وين
هم نلگه مثلج لا محال يالبيچ تتباها الرجال
مثلچ منو تنقاس طاريها رفعة راس
@@@@@@@@@@@@@
كلفه حره اشگد ابيه مو مره كلچ فخر
شرد اسميج انتي دنيا وانتي عدنه ام الكمر
انتي ام اربع فوارس حرسو اخيام وخدر
انتي ماوجوده چنتي بكربلا وزودچ حضر
يامدرسة زود ووفاء تشهدلچ انتي كربلاء
يالقصتج نبراس طاريها رفعت راس
@@@@@@@@@@@@@
الناس تتباها بمواقف وانتي موضوعچ عكس
بيج تتباها المواقف كل ظرف منج درس
اجمل ادروسچ يحره موقف ايثار النفس
والگمر واربع كواكب گلتي فدوه للشمس
انطي حياتي والبنين گلتيها فدوه للحسين
شمس الله بين الناس طاريها رفعة راس
@@@@@@@@@@@@@
اجلالن التاريخ يوگف كون اسمچ ينذكر
بيالقب حاير القبچ والله حيرتي الفكر
لبوة الكرار اگولن واني منچ اعتذر
مره لكن نبع غيره وغيرتچ كفلت خدر
عباس تشهد غيرته حي الله بطن الجابته
الربت ابو النوماس طاريها رفعة راس
@@@@@@@@@@@@@@@
زلم ما وگفت وگفتچ لا وحگ ليث الطفوف
والچ موقف بالبطوله بالوفه مو بالسيوف
نخوه يالبدويه صرتي بالنوايب والضروف
بيچ ماخاب التنخه وبعد شده مايشوف
باب لله للرايد سبيل صرتي انتي يا ام الكفيل
يافخر كل الناس طاريها رفعة راس
تمت بعون الله
لخادم اهل البيت
موسى الجيداوي
مو بالكيف هذا المجلس انحظره
هالدعوه تجي من فاطمه الزهره
أول ما تهل دمعك لبو اليمه
گول الزهره اجت للمجلس ابهمه
يايمه تصيح حسين يايمه
يامضلوم والحسره ابأثر حسره
موش ابكيفنه ام الحسن رادتنه
نحظر هالعزاء ونجري دمعتنه
مو إحنه الاجينه الزهره جابتنه
تدوِّر عالحزين وناره متوجره
الزهره اتريد وادم ضايگه اللوعه
وين البا لمجالس يرخص ادموعه
مفجوعه وتحب الروحه مفجوعه
منكسره وتريد اگلوب منكسره
إدعي وگول يامولاتي وفقيني
للتعزيه يم حسين وديني
إذا ماعندي دمعه إنتي ارزقيني
خيعونه اليهل بالتعزيه عَبره
من تحظر عزاء وتجري دمع العين
بالزهره استغيث وگلهه يم حسين
انتي العالِمه وبحالِتي تدرين
من عينچ ردت يافاطمه نظره
ابجاه ام الحزن وابجاه ابو اليمه
خليني أذوب ابعالم الخدمه
رزقيني الدمع والحرگه والهِمَّه
ولخير انفاسي إلكم أكتب وأقره
سيد علي الموسوي
مشاهدة "هاكد وودعينة عزاز / الرادود احمد الزوار" على YouTube
https://youtu.be/57M5urcQvKg
مشاهدة "نزال للخدام #اشترك_بل_قناة_وفعلو_الجرس_ليصلكم_كل_جديد" على YouTube
https://youtube.com/shorts/Z58pGRGCc9w?feature=share
السلام على..صاحب الزمان
كل عزه انواسيك يامهدينه
ونعتني ابلهفة الشوگ البينه
وحگ أمك فاطمه اشتاگينه
ابكثر مابينه حزن نادينه
السلام على...صاحب الزمان
وين انت ابيا وضع يا حاله
اليا مصيبه دَمعِتَك هَمَّاله
الفاطمه لو للسِّبِيَّه اعياله
صوت الك من كل مُحِب يتعاله
السلام على...صاحب الزمان
والله من يوم الغِبت غاب الأمان
اعليك ماتِخفه جراحات الزَّمان
انصيح يالغايب ( أما آن الأوان )
ابهالمكان انَّادي الك وابكل مكان
السلام على...صاحب الزمان
يمن هذا الكون كله بين اديك
مُرتجانه وحگنه لمَّن نرتجيك
وبدعاء الفرج كلما ندعي ليك
ايفيض بينه الشوگ وانسلم عليك
السلام على...صاحب الزمان
مانسيناكم يبن بيت الكِرام
والنِّساكم عايش ابدنيا الضلام
يالخِدِمتَك ( مُختَصَر) هذا الكلام
اشكبره حظنه اعليك من نلقي السلام
السلام على...صاحب الزمان
سيد علي الموسوي
قصيده لاستشهاد السيده زينب ع👇👇
نادو اصحاب الوفاء --- اليوم ننصبلچ عزاء --- ياغريبة كربلاء --- زينباً وا زينبا
«»«»«»«»
مو فقط بالارض مجلس ينصب
مأتــــــم انسويلچ ابنص الگلب
يطلم الرادود والمـــدمع يصب
ياربيبت فاطمه امصابچ صعب
اليوم نجهش بالبكاء-- احنه وملاك السماء-- إلچ نخلص بالولاء -- زينباً وا زينباء
*
المـــــــــــــلائك نزلت اتحصل اجر
وشي اكيد المصطفى اوياهم حضر
لابس اســــود لچلچ وگلبـــه انفطر
زينب امصابچ لچــــــم كل البشـــر
چم محب عاش ابنحيب--عذبه اوداع الحبيب-- ياجرحنه الما يطيب-- زينباً وا زينبا
*
سوه مجلس حيدر ابوادي الطفوف
والحضــور اشكثـر ماعينك تشوف
حاضر العبـــاس وي هــــاي الألوف
ايريد يلطم لچن مگطوعه الچفوف
صاح سبع الگنطرة-- يختي ارجو المعذرة - اچفوف اخوچ امبترة-- زينباً وا زينبا
*
نقسم ابچفين شيــــــــــال العلم
نبقه ألــچ يازينب احباب وخـدم
ريت ابد مــــن خدمتچ ماننحرم
انموت لوعفنه المجالس والّطــم
يبت علام الغيوب-- من عشقكم ما نتوب-- حبكم ايزيل الذنوب-- زينباً وا زينبا
*
وصل صوت المجلس السوح الجهاد
وحتى حشد الله إلبسو ثوب السواد
عالسواتر علّگو رايـــــــــة حــــــداد
زينب امصابچ جـــــرح كل العبــــاد
اليوم عاشر زينبي-- وهم فجع گلب النبي-- الفرق بي بس السبي-- زينباً وازينبا
«»«»«»«»«»
الخادم
كامل السعيدي
ابوذيات
مـــثـــل دور الـــرحـــه يــانــاس.. در باي
دهـــري . ومـــا اوچـــد گـــمـــت.. دربـاي
دريــت بــهــاذ حـــالــي الــگـمــر .. دربـاي
ودريـت ابـــروحـتـــه مـــابـــيـــه جـــيّـــه
*---------------*---------------*
تــجــيــنــي إلــمــن بـعـد عــبــاس.. لاضل
لا خـيــمــه الــبــگــتــلــي إفــيــاي.. لاضل
اجـــــروح إتــحــمّــلــت وســيــاط.. لاضل
حـچـي مـــا مـــار گــــام أيـــمـــر عـلـــيّـــه
*---------------*---------------*
✍خـادم زيـنـب ((ع))
الشاعر رعد الجريخي
ايةُ الصبرِ قبلةُ الخدرِ في مدى الدهر
أنها زينب أنها زينب
***
على زينب لون تكتب شعــر وبحــور
شـــرط كل القوافي مطــرزات ابنــور
زينب يعنـــي زينب واقعـــة عاشــور
بنت البسمله والنقطــه بنت الطـــور
اُمُها الفجرِ سورة الدهرِ من اذا تدري
أنها زينب أنها زينب
***
اسمهـــا مـــن تكتبه خطــــه بالإحساس
وخلي أحروف اسمها كون بين أقواس
ودنگ مـــن تكتبه وهبــــط الها الـراس
لا تنظـــر اسمها المـــا تصدهــا الناس
أيةُ الباري خدِرُها الدارِ رمزُ أشعاري
أنها زينب أنها زينب
***
العاشــر يا التناشــد هيـــه عنوانـــــه
صموده وكبـــريائه وصبــره وايمانـه
ايه مـــن الصبـــر ذاكـــرهـا قـــرانــه
ويمها ايــوب كلها اتــلاشت احزانــه
حزنهُ صــلا للذي حـــلا فيها تجـــلا
أنها زينب أنها زينب
***
أنتوضـه لبيت ربنه وننــوي عالقبلــه
وزينب بيت عفّـــه مــــا يصــح مثلــه
يتوضـــه الشاعـــر الـــي راد يكتبلــه
ولا يخدش اسمهـــا يِوّصفـــه بالذلــه
زينبٌ حيــدر امُها الكوثــر للعزِ مصــدر
أنها زينب أنها زينب
***
العمـر كلــه العقيلــه مــا تطــخ الهـام
واذا رايد شهود الشــاهد الهــا الشـام
گبل ذلت يزيــد وهسـه كثــره اقـــزام
بالك لا تخـط أعلــى العقيلـه اوهـــام
علمها القرأن مصدرُ الإيمان علةُ الأكوان
أنها زينب أنها زينب
***
الشاعر
موسى البديري
***
للسـيـدة العـظـيـمـة زيـنـب (عليها السلام)
العاشـت اويه جـروح عــاشـر
وشــافــت ضـلــوع بـحـوافـر
بكـل نَفَـس واتشوفـه حاضـر
مــوتـهــا...مــوتـهــا
شـلـون حــال الإجـت بـالهـودج أمـيـره
ومشت مچـتوفـه وعـلى الهزّل أسـيـره
الچـانت اويه اخـوان ويـن الكِله غِـيـره
مـشت تـالي اويه الشمر هضمه چـبيره
الإلـهـا چـان الگـمر كافـل
تالي مچـتوفـه بسناسـل
اتمنت بكل لحظه واصل
مــوتـهــا...مــوتـهــا
ـــــــــــــــــــــــــــــ١ـــــــــــــــــــــــــــــــ
الچـانت لحـد صُبـح عاشر إخوه ليهـا
الهـوه يطـلـب إذن منهـم من يجـيـهـا
بـعــد ظـهـر العـاشـر الجـمـــر بـإديـهـا
وتركـض بهـيمـه وسيـاط اتهـد عليهـا
والاطـفـال شـمـا تِلـمـهـم
الخيـل بالحـافـر تطشهـم
شكثـر رادت كـون يمهـم
مــوتـهــا...مــوتـهــا
ـــــــــــــــــــــــــــــ٢ـــــــــــــــــــــــــــــــ
الچـانت اتصَبـح بابـو فاضـل گـمـرهـا
راسـه أصبـح عالـرمـح تارس نظـرهـا
الصوتـه چـان الدافي واحنَيّن يمرهـا
يفتـخـر صـار الشمـر بـعـده بـزجـرهـا
ومـن تصيح بأسـم أخوهـا
براسـه ويضحكون اجوهـا
ومـثـلـه يـصـبـح هَـدِدوها
مــوتـهــا...مــوتـهــا
ـــــــــــــــــــــــــــــ٣ـــــــــــــــــــــــــــــــ
الچانت اتخـاف اعله اخوها اتضره عثـره
ابصـدره الامـثلـث تشـوفـه اتعَـدَه ظـهـره
واثـنـعـش طـبـره الشمـر عَـد اعـله نحـره
وروَحـه رَدَه وتـركض الخيـل اعله صدره
وصِعـدت ابهَمهَا اعله تـلّـه
وبـلـكـي مــا مـيـت تـگـلـه
وگــبــلــه رادت إلا يـحـلّـه
مــوتـهــا...مــوتـهــا
ـــــــــــــــــــــــــــــ٤ـــــــــــــــــــــــــــــــ
الچـانت بخيمـه وتِحِـف بيها الأطـايـب
بـيـهـا تـفـتـر الشـمـاتـه اعلـه الخـرايـب
الچـانت أم عـون أصبحت أم المصائب
والمصيـبه العضمـى تحديـهـا الأجـانب
بـكـل خـرابـه إلـهـا رزيـه
والأشــد مـــوتــة رقــيـه
وشـكـثـر صاحتلـه هـيـه
مــوتـهــا...مــوتـهــا
ـــــــــــــــــــــــــــــ٥ـــــــــــــــــــــــــــــــ
ايسـولـف الجـاور أهـلهـا القصه هـايـه
بكـل حياتـه ومـا لـمـح ظــل العـبـايـه
تـالـي ديــوان وتـطـب ويـه السـبـايـه
ابـلايـه اخـوه ولا كـفيـل ولا حـمـايـه
وبالقـصـر مـن شـاهدَتـهـم
رغـم كلشي وخـورستـهـم
بـس تـمنـت مـن إجـتـهـم
مــوتـهــا...مــوتـهــا
ـــــــــــــــــــــــــــــ٦ــــــــــــــــــــــــــــــ
أحمد البصراوي العبادي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
( لمولاتي زينب عليها السلام )
الميت اعلي صعبه
من تدفنه الغربه
هاي زينب هاي زينب
.........
العاشت ابفي الحبايب هسه صارت
بينها وبين المصايب عشرة طالت
ويلي ياعمت الساده الما ارتاحت
من صغره لحد ما بالشام ماتت
بشوگ ظلت تنعه
ربت ويه الدمعه
هاي زينب هاي زينب
.........................................
يعرف الميت امتون الشالته اهله
اذا غربه كلفه حيل وموش سهله
وزينب اعتازت هذاك الماكو مثله
رادت ايشيل الجنازه ودمعه هله
حسين رادت ليهه
من تسبل ايديهه
هاي زينب هاي زينب
...........................................
الليل من يتعاز ويحشم صباحه
تفزع النجمات وتسولف صراحه
البعمر خمسين مو مالت مناحه
كون لاخر نفس بيها اتعيش راحه
كون حال التكبر
ترتاح مو تتيسر
هاي زينب هاي زينب
............................................
الفارگ وبالغربه مات يصير موته
مو مثل باقي الخلگ مابين اخوته
وعدنه حرمه ماتت بحسرة نخوته
كافل اظعون اليتامه وشوگ صوته
من مشت مسبيه
الصوته حنه هيه
هاي زينب هاي
.............................................
عاشت ومات غريبه اخلاف ابوها
حرمه مكسورة الخاطر عذبوها
التمت اعليها النوايب من سبوها
ظلت بحسرة گبرها بصف اخوها
هل امنيه ماتمت
صغيره بالطف كبرت
هاي زينب هاي زينب
..............................................
الله كل الدينه خلاها اعله مودچ
من بعد مامات اخوچ وصاح صوتچ
انتي زينب موش ياهو الجان اخوتچ
حسين وبگبره انشده من خبر موتچ
من المناره امبين
صوت اخوج من يون
هاي زينب هاي زينب
…………………………………………
الأقل شرفاً
كرار اللامي
#مو غريبه بزود خدامها
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
هوسات لولادة الزهراء (ع)
١
اشهد ياعلي كل احنه مجتمعين
من هذا المكان الطاهر بكل حين
ننادي بصوت واحد كلها يابو حسين
للزهره نحضر هالليله
٢
هنياله اليجي الهذا الحفل يحضر
حبيب اليوم بيده السجل من حيدر
بالمحفل يسجل اليوم چم قمبر
خدام الليله ايحضروها
٣
عقدناها اجينه وصافيه النيه
بالميلاد للراضيه المرضيه
من هذا الحفل دزينه برقيه
واعليها وقعنه بدمنه
لاتنسون والدي وأبني عباس من الرحمه والغفران
خادمكم رياض الرسل الجابري
مولد السيده فاطمة الزهراء ع
اللهــــــــــم صــل على … محمد وآل محمد
انولدت فاطمة الزهراء … كوثر للنبي محمد
ـ🌹🌹🌹🌹🌹ـ
بلحظة مانولدت ســـاجده لربها
اميره اعله النسـاء الباري نصبها
واجب عالبشر كلها انكتب حبها
الماحبها خسر والجـــنه ماطبها
جـــــددنه العهد بولاء … محمد وآل محمد
نولدت فاطمة الزهراء … كوثر للنبي محمد
ـ🌹🌹🌹🌹🌹ـ
جبــــــــــرائيل بعنان العرش كبر
حين انولدت وشــع نورها وازهر
نزل يم باب طه وجاب هالمصدر
بالاصلاب گله نكتبت الحــــــيدر
الكون فيهم اســتضاء … محمد وآل محمد
نولدت فاطمة الزهراء … كوثر للنبي محمد
ـ🌹🌹🌹🌹🌹ـ
نور الزهــــره مايرهم اگباله افياي
ماينصـد عكس نور الشمس بهواي
كلشي اتغيــــــر ابيت النبي الوفاي
اليشرب مايهم يشــعر ابطعم الماي
اصبــــــح الكل سـعداء … محمد وأل محمد
انولدت فاطمة الزهراء … كوثر للنبي محمد
ـ🌹🌹🌹🌹🌹ـ
من شجرة علي الزهراء غصن ريحان
عطــــــــرها منفـرد ويفوح بالبســتان
متبسم علي ابميــــــــــلادها وفرحان
كعـــبه امـــــن الادب والزهد والايمان
تقيــــــــه بنت الاتقياء … محمد وآل محمد
انولدت فاطمة الزهراء … كوثر للنبي محمد
ـ🌹🌹🌹🌹🌹ـ
✍️الخادم
كامل السعيدي
يمن بيدك أمر كلشي وكلشي
تدري شماشرب كلشي وكلشي
مل عمري نفذ صبري وكلشي
ولا أمل انتظارك روح بيه
.......
الشاعر
اياد الفرح التميمي
أم البـنـيـن (عـليـهـا السـلام)
وَيّـانـه امـتـعـبـيـچ هـواي
ننخـاچ بكـل خطـوه وراي
وكـل واحـد بينـه الصـبـحـيـه
بـاول كــلـمــه وگــبــل النــيـه
أول شـي يـنـخـاچ
محـد يفـك بابـه الصبح....وكل خطوه ما يمـشيـهـا
إلا وإلـــچ والـفــاتِــحَــه....يَــمّ الـگـــمـــــر قــاريـهـا
أمره صعب لو ماله حَـل....واي نـِيَّــه رايــــح بـيـهـا
مـا دامـه نـاخـيـچ وعلي....امـأمــن يـرد گــاضـيـهـا
الما تخلص بحـزام إرجـال
ينـخـاچ وتخلـص بالحـال
برمشـة عـيـن ولَـن مـگـضـيـه
بـاول كــلـمــه وگــبــل النــيـه
أول شـي يـنـخـاچ
ـــــــــــــــــــــــــ١ـــــــــــــــــــــــــ
تعـبانـه لـسـه مـن السهـم....الصَـوَّب حسين ابگـلبـه
وبكلشـي واحـنه انتـعبـچ....بالصعبه والمـو صـعـبـه
الضـايعـلّه شـي والبي ألم....والعـنـده هَـم أو غـربـه
ينخاچ وانتي إبشِر وإخِذ....تنگضي امن أول طلبـه
مـا عنـدچ لا ويـه إنسـان
بس هاك اتفـضـل يفـلان
ومــن تـنـطـيــن بـكــل حنـيّـه
بـاول كــلـمــه وگــبــل النــيـه
أول شـي يـنـخـاچ
ـــــــــــــــــــــــــ٢ـــــــــــــــــــــــــ
من عنـدچ ابيـوت شكـثـر....تطلـب بَشَـر مهضومـه
وتنطـين وانتي لهالـوكـت....ابلا حضره يالمظلومـه
والصخـره حتى العَلـ گـبـر....امبَيـنَّـه بقهر مهمـومـه
چي گـبر عندچ وأم حسن....عـن البَـشَـر مضمـومـه
للزهـراء شـگـد تـوفـيـن
بگبر اتراب وما ترضيـن
وتـبـچــيـن لـهـســـه ولـيـلـيـه
بـاول كــلـمــه وگــبــل النــيـه
أول شـي يـنـخـاچ
ـــــــــــــــــــــــــ٣ـــــــــــــــــــــــــ
المجـروح ينـخـاچ بـشِـفـه....ومـا فَـكَّـر إلا بـهَـمَـه
مــا گــال أذَكِـرهــا بـجـرح....نحر الحسيـن ودمـه
اتشافينه رغم انتي الجرح....طـاريَّـه عندچ لَچمَـه
حتـى بطـلبنـه ونِـجـرَحـچ....وما گـلنه لا لا زحمـه
ثـاري الينخـاچ ومجـروح
ايذَكرِچ بحسين المذبـوح
واجــروح المـنـهـــن مَحـنـيَّـه
بـاول كــلـمــه وگــبــل النــيـه
أول شـي يـنـخـاچ
ـــــــــــــــــــــــــ٤ـــــــــــــــــــــــــ
كـلـمـن طـلـب منـچ وَلَـد....تنطينـه فتـشـة عـيـنـه
وفتـشـة عيـونـچ عالنهـر....لا عــيـنــه لا چـفــيـنـه
والــراد لأولاده حـــفـــظ....إلـهُـم حـفـظ تـنطـيـنـه
وأم البـنـيـن إنـتــي إوَلَـد....مـا ظَـلَّـچ اتشـوفـيـنـه
وما گـلتي إعله أولادچ ويـن
عـنـدچ بـس المهـم حـسـيـن
ومـا فَـكــرتـي ابـغـيــره شـويـه
بـاول كــلـمـــه وگــبـــل النــيـه
أول شـي يـنـخـاچ
ـــــــــــــــــــــــــ٥ـــــــــــــــــــــــــ
امتعبينـچ إي ندري وعـلي....وندري إحنه ما نستـاهـل
حـتـى بـطـلبـنـه النِـطـلُـبَـه....نـريـد الطـلــب بـالعـاجـل
ولِوْ من صديق أو من أخو....إطلبنـه وقِـبَـل بس آجـل
انـگـلـه بـفـرح انت الشـهـم....وانحِـسَـه إلنـه امجـامـل
ولِـوْ تتعـطـل منـچ يـوم
نزعـل وانعاتـب بِهـمـوم
عـذريـنــه بـحــق المـســبــيـه
بـاول كــلـمــه وگــبــل النــيـه
أول شـي يـنـخـاچ
ـــــــــــــــــــــــــ٦ـــــــــــــــــــــــــ
أحمد البصراوي العبادي
فزاعية لام البنين ع:
الحرة الربّت العباس واجب نلطم اعليها
.
.
.
مو علوية بس احساب علوية
باب احسين هايه و السماوية
ما راحت سبية او جنها مسبية
عاشت ذيج الالام او مآسيها
.
.
من إسهام طف احسين ملجومة
فرّت جنها وي نسوانه بالحومة
بِعيدة الحرة بس اهواي مهضومة
جنها بكربلا او نيران تجويها
.
.
من كد البواجي الناس ملّتها
يردوها تبطّل صوت نَعْوتها
او هيّ اعله الحُسين او ولده ونّتها
دوم الدمعة عالمذبوح تجريها
.
.
شكثر وصّت ابو فاضل على احسينه
مولاك الحُسين او واجب اتعينه
كاللها إبشري او انطه جفينه
او هاي الروح لحسيني اني منطيها
.
.
كالت للكمر أختك ييمه اختك
ترعاها او تصير الها سند ردتك
خدرها اتحفظه بالزهراء حلّفتك
ما دامك عدل يمّه تحاميها
.
.
عليها شْجم إمام السلّم او صلّى
شهيدة ماتت بْسم موش موت الله
سمّوها لأنها النوح مَتْملّه
هاي الطاهره او فاز اليواليها
.
.
فاضل عباس الخزاعي
🍃(أفضل الأعمال انتظار الفرج)🍃
#اللهم_عجل_لوليك_الفرج (2023)
دمتم برعاية صاحب العصر والزمان عجل الله فرجه الشريف احبتي
هاگد وَدِّعينه اعزاز ياماه
وكل ميت هله يحظرون يَمَّاه
بس حسين وحده ايصيح يُمَّاه
غريب وشَحَّت احبابي عَليَّه
أنه اهمومي تضل كل حين ولماي
ويضل حزني على المظلوم ولماي
اليموت ايحظّروله الچفن والماي
وما حصلن هذن بالغاضريه....
سيد علي الموسوي
خادم والزهره اتجازيني
حگ اتباهه ابگلبي الهايم
واتفاخر مابين الوادم
حظه اشكبره اليصبح خادم
بس هاي الخدمه التحييني
خادم والزهره اتجازيني
أتفاخر بين اهلي وناسي
خادم لحسيني وعباسي
شايل هالخدمه ابإحساسي
هاي الخدمه اتكحِّل عيني
خادم والزهره اتجازيني
نور الخدمه ايضوِّي ادروبي
ويشرح صدري ويمحي اذنوبي
ناذر كل عمري المحبوبي
واگضي ابهاي الخدمه اسنيني
خادم والزهره اتجازيني
يامن دوم الخدمه ابَّالك
تستاهل چلمة هنيالك
الله ايكثِّر من أمثالك
إهتف يخسه اللي ايعاديني
خادم والزهره اتجازيني
هاي الخدمه انموت اعليهه
كل خَيرات الخالق بيهه
دم وارواح انرخِّص ليهه
دين وياكُون اوفي ابديني
خادم والزهره اتجازيني
سيد علي الموسوي
مشاهدة "يالرحت عني وعفتني // الرادود احمد الزوار" على YouTube
https://youtube.com/shorts/1-l_017areE?feature=share