19252
انتباه .. حسين الي يعليك مو مجهودك انتباه .. الخدمة توفيقات مو بزنودك حسين اليوفق تره .. لا شعر لا كامره
كل دمعه رايه // انتي احله غايه // يافاطمه
ذكرج عباده // ذكرج عباده // يافاطمه
//////////////////////////////////
الكلب يندل طريقه _ جذب مثلج حقيقه
تره اليخدم حظرتج _ انه اتشرف صديقه
المجالس بيهه عطرج _ بدمع خليني اشكرج
فضل سوي عليه _ بحلم زوريني كبرج
شوكت اعله بابج// اشتم ترابج// يافاطمه
ذكرج عباده // ذكرج عباده // يافاطمه
//////////////////////////////////
اليحب تكثر جروحه _ المصابج يعله نوحه
الكسر ظلعج يزهره _ الف نعله اعله روحه
شفت احله العوالم _ صبح جوي الملائم
فتحت اعيوني وانه _ ابن هاي المأتم
بيوم العرفتج// مظلومه شفتج// يافاطمه
ذكرج عباده // ذكرج عباده //يافاطمه
//////////////////////////////////
الج وحدج ولائي _ مشيتي وي دمائي
اشكرت رب الفواطم _ خلقني كربلائي
ترس راسي لكيتج _ بحظن امي وهويتج
تره انتي الوحيده _ المجالس كلها بيتج
كلت انه لازم // توفقيني خادم // يافاطمه
ذكرج عباده // ذكرج عباده// يافاطمه
//////////////////////////////////
اللطم عنوان اديه _ الحزن لايك عليه
يسالوني اعله شغلي _ عبد عند الزجيه
ملكتي كل شعوري _الج واجب حظوري
عفت كلشي واجيتج _ اللطم عندي ظروري
لطمي اعله صدري//تشوفينه ادري// يافاطمه
ذكرج عباده // ذكرج عباده // يافاطمه
//////////////////////////////////
حلم اعمه اعله كده _ اليحب بس شغله وده
كبل موتي يفاطم _ اشوفج مره وحده
رهن راهن حياتي _ رضاج كل امنياتي
بقضيتج لو اجامل _ وعلي تبطل صلاتي
الينكر قظيتج// جن حرك بيتج// يافاطمه
ذكرج عباده // ذكرج عباده // يافاطمه
//////////////////////////////////
اليناقش و اليحاسب _ عله اعناد النواصب
تره الجنه اعله مودج _ عباره عن مواكب
عليمن كالو اسهر _ وضلع منج تكسر
يثارج بيه جمره _ اتاني المهدي يظهر
تسجليني ودي// للمهدي جندي // يافاطمه
ذكرج عباده // ذكرج عباده // يافاطمه
/////////////////////////////////
تمت____ علاء الزيدي
العفو ياصاحب الزمان
اعترف جاي. مقصّر هواي
عفوك وياي. دخيلك سيّدي
...........
اعترف بذنوبي وتوسّل اجيتك
انت ما ناسيني لا اني النسيتك
جبت عمري مقصّر وأسعه بأذيتك
وانت ذاك اليعفو ويسامح لگيتك
بيدك الخير. ومشي للغير
تگلي ميصير. وگلّك ملتهي
...................
يابوصالح سيدي اطلب سماحك
آنه ما اشفي الجرح الچم جراحك
ما احسّ بحزنك وجمرة نياحك
ما يمرّ ابّالي ليلك لا صباحك
بذنبي ناسيك يمته ارد ليك
وسئل عليك. اذكرك وهتدي
...............
ادعي بلساني وصحت عجّل ظهورك
واني كلّي ذنوب بس تجرح شعورك
شلون اصد بعينك بساعة حضورك
وانه لحظه بعمري ما چنت بسرورك
تمدلي ايدك ومااريدك
هم ازيدك. اعوفك وعتدي
.................
ذنوبي چنها سهام طف الغاضريه
بيها اجرح گلبك بصبح ومسيه
رغم هذا وماعفتني تحن عليه
ابتعـد عنّك وتـتـقـرّب اليه
دمعتي كون. تعمي لعيون
وبقه مديون الك من مولدي
................
آنه لو خادم صدگ ما اعصي امرك
سيدي يالمهدي بعمالي انصرك
الله يدري شكثر مني انصاب صدرك
صرت جمره وزوّدت نيران جمرك
نادم وجيت. الك فرّيت
ما تخلّيت حسبتك قائدي
#سيد_زيد_الفحام
______
عايش سنيني بنعمة حسيني ... حسين صاحب فضل يا عالم عليه
https://www.instagram.com/p/CmMMUKEt4I4/?igshid=OTRmMjhlYjM=
احسنت لهم دهرا.. واسأت لهم يوما
فنسوا الدهر. وتذكروا اليوم
https://www.instagram.com/p/CmCefVktm1O/?igshid=OTRmMjhlYjM=
#نزال_
فاطـمي فاطـمي للابـد
فاطمي فاطمي عالعهد
****
بالمجالس ـ ابقه عابس ـ وفختــــر خادم عشت
أقرء وخدم ـ ونعه ولطم ـ بالســـواد اتوشـحت
راسي عالي- الهل ليالي- والله كل عمري انذرت
امحـــزم ابهاي المجالس للأبد
ما اعوفنها وحـــق واحـد احد
هالشعائر عندي ألذ إمن الشهد
ألها نذرتني الحنينه امن المهد
ملتــزم ملتـــزم بالوعد
فاطمي فاطمي عالعهد
****
يالزجـــيه ـ كلشي بيه ـ ملكچ وعبـدچ صرت
من البدايه ـ وللنهايه ـ ابهل وضيفه اتشرفت
اخدملكم ــ وكتبــلكم ــ صيــت ابـد مادورت
همي بس ترضـين عني ابدنيتي
يالسبب صرتي برفعتي وهيبتي
يالزچــــــــيه انتي ادره ابغايتي
ما ادور شــي مقابل خدمـــــتي
خدمتچ خدمتچ چن شهد
فاطمـي فاطمـي عالعـــهد
****
حبچ آيه ـ وبي هدايه ـ يخـتلف عن كل عشگ
مو حكايه ـ اولاروايه ـ يحمل اخلاص وصدگ
يالوفيـــه ـ ابهل عـــزيه ـ هامه اطبـرلچ وشگ
ســــجلي يم حســــين يمج لهفتي
ولطمتي وعزمي وحسرتي وعبرتي
اركض اعله المجلس آني ودمـعتي
وركضت اطويريج صـارت ركضتي
والگلب والگلب ما برد
فاطمي فاطمي عالعهد
*
هذا دوري ـ ابكل شـــعوري ـ لازم اتهدل وون
يالكسـيره ـ يالنـــــذيره ـ عسعس اليل ابحزن
انتي دمنه ـ وانتي امنه ـ وانتي للخادم وطن
انتي رايـه ارتفعت ابچـف الخــدم
رابــــح اليهـــواچ واللـه وما نـــدم
ابلا مجالس هالخـــدم تصبح عدم
نزحفلها ازحوف موش اعله الجدم
هالقسم هالقسم والصمد
فاطـمي فاطـمي عالعـهد
***
مانعوفچ ـ يالنشوفچ ـ بالسمه اهلال وشمس
من وفائچ - من ابائچ - شيعتج تاخذ درس
فاطميه - هاشميه - حبج اغلى امن النفس
احـــنه مـــن دونچ نضل ابلا هوه
انتي فضـــلچ عالجرح مثل الدوه
انتي آيات الحــــــــمد والقل هوه
ابلا وجودج كلشي يبقه ابلا ضوه
والعشگ والعشگ ماله حد
فاطـــمي فاطـــمي عالعهد
***
الخادم
كامل السعيدي
مشاهدة "نزال للزهراء ع" على YouTube
https://youtube.com/shorts/WNRFO-Azf4s?feature=share
ام ابيها فاطمة الزهراء عليها السلام
من منبر مُحمّد نرفع الصوت
احنه ويالزجية نعيش ونموت
.......
عدوان الزجية خل يسمعونه
عن هاي المجالس ما يبعدونه
كل شيعي وموالي الزهره بعيونه
مبخوت التمسّك بيها مبخوت
احنه ويالزجية نعيش ونموت
.......
نبقه على العهد هيهات نتغيّر
منعوف الزجية لگطعت المنحر
صرخة وتعتلي من دكة المنبر
ما نخشه الظلم ما نخشه طاغوت
احنه ويالزجية نعيش ونموت
.......
تربّينه ابمجالس فاطمه أمنه
وعرفنه اللي يحبنه واليخاصمنه
ما نترك الزهره ولا مآتمنه
صوت الرافضه ما يبقه مكبوت
احنه ويالزجية نعيش ونموت
........
نثأر للزجية ونلعن القاتل
ياهو اليسوه منهم خاطر انجامل
واحدهم ذنبهم للعرش، واصل
ياهو المنهم بنار الله ميفوت
احنه ويالزجية نعيش ونموت
........
الهجموا بالحطب والنار وجّوها
دفعوا فاطمه وبالباب عصروها
كسروا ضلع منها وحيل اذّوها
نلعنهم عَلَن ما يكفي بسكوت
احنه ويالزجية نعيش ونموت
........
خدام الزجية وحاشه ننساها
منجامل عدوها التبچي خلّاها
جريمة مقتل الزهره كشفناها
الثاني القاتل البالقسوه منعوت
احنه ويالزجية نعيش ونموت
........
ميهمنه الأسم گلناها الف مرّه
احنه امن اليعادي الزهره نتبرّه
شلون عله الزجية الجاني يتجرّه
يحرگ بيتها من دون الابيوت
احنه ويالزجية نعيش ونموت
سيد زيد الفحام
__________
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
في ذكرى ميلاد السيدة زينب (ع)
يا هلا ابميلاد زينب يا هلا
يا هلا ابميلاد زينب يا هلا
&&&&&
ابخامس اجماده العقيله أزهرت
وابضواها الدنيه حيل استبشرت
من عطرها الجنه هيه اتعطرت
وابولادتها الفرح طاب او حله
&&&&&
صاغ باري الكون إلها هالإسم
زينب أم الشرف منها والنِّعِم
من إجت گلب الزچيه مبتسم
او علي بالأفراح دلاله امتله
&&&&&
هالأرض فرحانه ويه أهل السمه
ابمقدم الحره الجليله العالمه
إليصد زينب يصدَّن فاطمه
امدلله او جابت يشيعه امدلله
&&&&&
نزل هالليله الوحي ايهني الرسول
و الرسول ايهني بالفرحه البتول
حمل زينب هالمسه فحل الفحول
او باس بنته والفرح صوته اعتله
&&&&&
طاهره هالليله جابت طاهره
زينب الحوراء للحق ناصره
ما نعوفن حبها دنيه او آخره
حبها كل شيعي ابدليله شايله
&&&&&
عجِّبت هيه ابصبرها العالمين
و ابأرض كربله واست للحسين
حاشه تنساها أبد هاي السنين
او للإبه والخدر تبگه البوصله
&&&&&
إبراهيم الدريس
١٤٤٤هـ - ٢٠٢٢م
هوسات لميلاد مولاتنا السيده زينب ع
،،،،،،،،،،،،،،،،،،،،،،،،،
نور النور هادي النور لهل النور
زينب للزچيه اهداهه رب الطور
العفه ايگول زينب للخلگ دستور
(((( معصومه مثل امچ زينب ))))
،،،،،،،،،،،،،،،،،،،،،،
مثل أمچ يزينب بل خُلُق واخلاق
شفيعه بيوم معسر للحشر ننساق
ما يلتف محبكم ساق وي الساق
(((( والخالق لجلچ يعفينه ))))
،،،،،،،،،،،،،،،،،،،،،،
يعفينه ويبدل اذنوب بل غفران
لو نوخ ضعنه بساحة الديان
احنه اتباع زينب بت علي السلطان
(((( عد الله اتباعچ مهيوبه ))))
،،،،،،،،،،،،،،،،،،،،،،،
هيبه اسمچ يزينب من ينطقه اللسان
طاهر كون واجب لو حچاه انسان
اخت عباس انتي وللشرف عنوان
(((( چم شارب بالطف ذليتي ))))
،،،،،،،،،،،،،،،،،،،،،،،،،،
چم شارب لويتي ابو كفتچ عل تل
ومنچ يل عقيله چم عگيد اختل
العسكرصار واحد وانتي صرتي الكل
(((( مو زينب جيش ايشوفونه ))))
،،،،،،،،،،،،،،،،،،،،،،،،
جيش يشوف عل تل بت علي تقوده
نزل گاصد جمعهم حارت اجنوده
مثل سم الخياط ادروبه مسدوده
(((( چن ملك الموت ايباريهه ))))
،،،،،،،،،،،،،،،،،،،،،،،،
ملك الموت چنهه وطرت الميدان
مدنجه الروس غصباً خيل ويفرسان
چم قائد تخورس ونلجم سلطان
(((( من طبت زينب ديوانه ))))
،،،،،،،،،،،،،،،،،،،،،،،،،
لخادم خدمة الحسين ع
ابو عمار الدراجي
مقدمه للزهراء ع
ظلعچ يم الحسن
نبچيله ابكل زمن
سلاماً سلاماً سلاماً عالظلع
©©©©©©©©©©©
الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً سلاماً عالظلع
©©©©©©©©©©©
ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً سلاماً عالظلع
©©©©©©©©©©©
صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً سلاماً عالظلع
©©©©©©©©©©©
شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً سلاماً عالظلع
©©©©©©©©©©©
بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً سلاماً عالظلع
©©©©©©©©©©
الخادم
كامل السعيدي
(يا وردة علي)
يـا وردة عـلـي يـا وردة عـلـي
اشخليتي ابعلي يـا وردة عـلـي
الـقالـع چـفـه بـيبـان ابـنـعشـچ عـانـه سـلـمـان
*-----------------*---------------*
عـلـي بلـحـضـات شـيّـب يالـزچـيـه
يـزهــره ودمـعـتــه ضـلـت جـريّــه
بــيــن اجـروح ثــارج ول وصـيــه
بــقــه مـحـتـار حـمـاي الـحــمـيــه
مـكسور الظهـر مكسور الظهر
شـافـاچ وبـقـه مكسور الضهر
لابـس ثــوب الاحـزان
*---------------*---------------*
تــغـيّـر بـالـوداع وهـذا وضـعــه
يـنـوح اعـلـيـج والوادم تسمـعـه
النفس تـدريـن ما يگـدر يرجعـه
چَـنـه ابـغـيـبـتچ مكسور ضلعـه
بعيونه الدمـع بعيونه الدمع
خـلاه الـزمـن بعيونه الدمع
چـنـتـي ابـيـتـه قـرأن
*----------------*---------------*
انكسر كـرار والـشـامـت يـنـظـره
والـشـال الحصن ما شـال ظهـره
انـدفنـت بـسّـمـتـه يـمـچ يزهـره
ملچوم الـگلـب وبـروحـه حسـره
ما يحمل جرح ما يحمل جرح
تدرين الوصي ما يحمل جرح
الصحابه نِصهه عدوان
*--------------*-------------*
يفـاطـم للصميده چـنـتي جـنـه
كـبــر وجـروح حـيـدر شـيّـبـنّـه
نوايب يُـم حسـن كـلـهـن لـفـنّـه
نِـضـر كـسـر الضـلّـوع وعـذّبـنـه
اذّاه الــزمــن اذّاه الـزمـن
حيف المرتضى اذّاه الـزمــن
يلهب گـلـبه نـيـران
*---------------*---------------*
يــرد تــعـبـان والـداره يـطـبـهـه
تـذَكّـره الجـابـوا النار وحـطبـهـه
يـصـد الـزيـنـب ولوعـت گلـبـهـه
عليّهه امبـيـن الـخوف ورعبـهـه
معروف السبب معروف السبب
رادو يـنـكســر معروف السبب
جـرحـوه والوكـت خـان
*----------------*---------------*
يـصيـر اشلـون دفـانـچ عـجـيـبـه
يـمـوت اويـاه اليـفـارگ حـبـيـبـه
يـضـل امعاشـر الدمعه ونـحـيـبـه
ويطـلـع بالگـلـب وبـراسه شـيـبـه
مـيفـيد الصبر مـيفـيد الصبر
وحـده ابعالمه مـيفـيد الصبر
جـفـنـه ابدمعه غـرگان
*------------------------*-------------------*
✍خادم الزهراء ع
الشاعر رعد الجريخي
مشاهدة "قصيدة مكتوبة حزينة لاستشهاد السيد فاطمة الزهراء ع" على YouTube
https://youtu.be/jI6i-T5sV7g
ميت بلا روح كل عمره مجروح
الفاكد حبيبه يا علي الفاكد حبيبه
، ، ، ، ، ، ، ، ، ، ، ، ،
هيچي وي علي هـذا الزمـن ســوه
أخذ مـنه السـرور وبسـمته الحـلوه
علي بوكت الفرض كل لحظه يتلوه
البطل حيدر صبح يتوچـه عالگـوه
وليله وي نهاره اظلم عليه جوه
من ناس القليله اخلاق ومــروه
ْ
ضايع طبيبه يا علي ضايع طبيبه
الفاكد حبيبه يا علي الفاكد حبيبه
، ، ، ، ، ، ، ، ، ، ، ، ،
علي عاش الزمان بحزنه ويكابر
على الزهره ولينه يكسر الخاطر
يشوف القاتل بعينه ويظل صابر
ويذكر يوم عليها الكافر اتجاسر
من شــــافوا ولينه بقـلة الناصر
القتل مرحب عجيبه يبچي وحاير
ْ
هاي العجيبه يا علي هاي العجيبه
الفاكد حبيبه يا علي الفاكد حبيبه
، ، ، ، ، ، ، ، ، ، ، ، ،
علي فاگد سروره ام الحسن وحسين
وگـــلبه أمـن المصيبه منفـطر نصيـن
عليها لو علــى المحسن يجر لـــونين
بقه بعينه الدمع يجري ويون اسنين
ومانشــفت دمـعها من البچي هالعين
على المظلومه بنت الهادي لاجل الدين
ْيكثرله شيبه يا علي يكثرله شيبه
الفاكد حبيبه يا علي الفاكد حبيبه
، ، ، ، ، ، ، ، ، ، ، ، ،
الكريم اللي ابد ما يوم ايسد بابه
بقى بحزنه وبقت آلامه ومصابه
شاف بعينه طاحو صرعه أحبابه
الزهره وي أبنها طـــــاحـوا ابابه
وعينه بالدمع كل ليله ســــچابه
اليفگد له حبيب وطَـوّل اغيابه
ْ
اعظم مصيبه يا علي اعظم مصيبه
الفاگــد حبيبه يا علي الفاكد حبيبه
، ، ، ، ، ، ، ، ، ، ، ، ،
عگبه الزهره والينه علي حيران
بلوعه يگضي ليله بالحزن سهران
أو من كثر التعب چنه الورد ذبلان
على الزهره اليحبها الخالق الرحمن
چانت هيَّ بيته وهيَّ له قرآن
معذور الدفن بيده أعز انسان
ْ
راعي الكتيبه ياعلي راعي الكتيبه
الفاكد حبيبه يا علي الفاكد حبيبه
كـــلمات الملا احـمد الســــالمي
، ، ، ، ، ، ، ، ، ، ، ، ،
گبرها ياعلي وينه
گبرها فــدوه دلينه گبرها
♦️♦️♦️♦️♦️
ياعلي نتــــوسـل دلينه گـــــبر الزهره
رايدين الشــيعه تبـــني وتشيّد حظره
ننصبلــهـــا منبر نبݘي علـــــيها ونقره
امن اللطم ياحيـدر واحدنه يوگع صدره
گبرها لا منـاسينه
گبرها فـدوه دلينه گبرها
♦️♦️♦️♦️♦️
اتعودينه انصلي وانشد علگ عالمـرقد
نمشي كل ازيـــاره ولا مـــايردنـه احد
للزݘـــــيه حســــــره بينه ومحمد يشهد
انريد ننصب موكب وسط البقيع الغرقد
گبرها كـون بانينه
گبرها فــدوه دلينه گبرها
♦️♦️♦️♦️♦️
انريد نتعنـــــاهه البنت النبي مشايه
بالصفا والمــــروه نرفع يحيدر رايه
وزمزم ابكل ليله انوزع سبيل ابمايه
وتنگضي كل حاجه لمن نجي شچايه
گبرها يـمه ودينه
گبرها فـدوه دلينه گبرها
♦️♦️♦️♦️♦️
يمها نبني حضره ابشكـل المهد للمحسن
وتصعد اعله الكعبه شيعة علي واتأذن
للنواصب نمحــــــي ودولة محمد نعلن
نبقه للحـــق مذهب للعالم احنه انبرهن
گبرها حسرته بينه
گبرها فــدوه دلينه گبرها
♦️♦️♦️♦️♦️
والله شوگ البينه يصعب علينه انوصفه
كون نبني حضـــره حـــته الضماير تشفه
هاذي باب الجــنه نركـــض عليها ابلهفه
امنيتنه تبــــقه انصلي ابصحــــنها ونغفه
گبرها وين خافينه
گبرها فــدوه دلينه گبرها
♦️♦️♦️♦️♦️
المنتظر من يظهر واحدنه يصبح جندي
وعن گبرها المخفي انته تدلي المهدي
ياعلي ساعتها زحف الروافض يبدي
وگبة ام والــــدها وسط الثريه تغدي
گبرها اغيابه ياذينه
گبرها فــــدوه دلينه گبرها
ــــــــــــــــــــــــــــــــــــــــــــــــــــــــــــــــــــــ
وليد المندلاوي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
قصيده إلى سيدتي ومولاتي فاطمة الزهراء عليها السلام على وزن دهري
وحشه داري يوم المشيتي يمّه يالزهره
*
يـــا يمّـــه وحشه الـــدار هــاي المسيه
وليلي اليمـــر بچـــفاچ ليـــل الـــــرزيه
يفجعنــي يمـــه الليل لـــو مــر عليـــه
چــم ليله بيها أنصـــاب سهــم المنيــه
وأبقه بحيره يوم المشيتي يمه يالزهره
*
وحشه يــا يمّـــه الدار مـن غبتي عنّـي
من عمري خمس أسنين صاحبني ونّي
بيـــت الحــزن بجفـــاچ وارثتـــه چـنـّي
وادري يظـل للموت يـــا يمّــــه حــزني
ثوبي حزني يوم المشيتي يمه يالزهره
*
يا دمعه أهلها اليوم يا عبره اجـــرهـا
عالمــا وصل عشرين أمـــي عمـرهـا
بخدي أشوفه يصير چــف السطـرهـا
أبصدري أحس تندار لــوعة صدرهـا
وناري تسعر يوم المشيتي يمّه يالزهره
*
يا يمّه شفت النــار ابابـــچ ســـريــه
اتراوتلي چنها أخيـــام بالغاضــريــه
وظلعچ لمَن كسروها أهــل الـــرديه
چني نظرت حسين فوگــــه اعوجيه
أبصدره سحگت يوم المشيتي يمه يالزهره
*
ليل اليمر بجفــاچ يسعـــر لهب نــار
سولفتي عنه أهواي وگليبي محتـار
بلا والي اظلن بي ومحاوطه أشرار
لا خيمه لا وليان لا من حمّه وجــار
ليلي يرهب يوم المشيتي يمه يالزهره
*
وصيتي گلبي و نـــار شبـت مسعـــره
وكسر الگلب هيهــات يــداوه كــسـره
گلتيلي قبلــي حسين واشتمّـي نحـــره
يـــا يمه گبـــل الخيل تسحگله صدره
صدري يلهب يوم المشيتي يمه يالزهره
**
الشاعر
موسى البديري
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
وفقيني يا الزهراء خادم احسبيني
بوكت الدفن ياريت. باچر تحضريني
هالموقف انتظره. يافاطمه الزهره
خادم احسبيني
...........................
راحن سنيني وخلص هذا العمر
وكَمت اعد ايام ويلفني الكَبر
بكلبي بس امنيه صارلهه شكثر
خويدم تقبليني يالزهرة انتظر
امنيتي باجر كون لمن يغسلوني
مو اسمي انه فلان. خادم يسموني
خادم عله الفطره. يافاطمه الزهره
خادم احسبيني
...........................
لو نزلت بحفرتي ابقه وحيد
راح اضلن والأهل عني بعيد
وادري بالبرزخ يجي منكر اكيد
الفزعه منچ يم حسن باجر اريد
لا اهلي لا صحبان كلهم يعوفوني
بس التراب هناك عاميهن عيوني
ياضيكَه الحفرة. يافاطمه الزهره
خادم احسبيني
............................
بالكَبر ويايه لو صار الحساب
وانا كلي ذنوب غطاني التراب
خافن يسألوني ويضيع الجواب
بس محبتج فاطمه تزيل العذاب
ماعندي وكت الضيج بس دفتر الخدمه
مضلومه يازهراء. تنقذني هالكلمه
يا دمعه الفقره. يافاطمه الزهره
خادم احسبيني
.........................
من اذكرچ فاطمه الموقف يهون
اسمع ب ال النبي لكَبري يجون
منكر وربعه يافاطم يستحون
لو دروني خادم انه يدنكَون
من اقرا يازهراء. تعادل الف ايه
موكب يصير هناك. واصير القرايه
نتذكر العصره. يافاطمه الزهره
خادم احسبيني
...........................
لوصحت يافاطمه بذاك المچان
من العذاب روحيتي تصير باامان
تبقه فاطم خدمتچ هي الضمان
بيهه اعبر على السراط وللجنان
هالنعمه ياالزهراء بس هي ترعاني
ياخادم اهل البيت. مولاتي عنواني
اي خادم العتره. يافاطمه الزهره
........................
ابو منتظر الحريشاوي
قصيدة لصاحب الزمان عجل الله فرجه الشريف
الامان الامان يا صاحب الزمان
...............
سيدي يبن الحسن عايش بغربة وطن
انت وجروحك تون صبح ومسيه
الف عام أمن الدمع وانت بعدك منفجع
يجري دمعك من مصاب الغاضريه
لعمّتك زينب تون خلّصت عمرك حزن
عالمشت للشام مجتوفه وسبيه
من مصاب لمصاب ياصاحب الزمان
........ ........
من زمن حرگ الخيم. شايل جروح وألم
من محرّم يا جرح أكثر يلجمك
جرح زينب من مشت. عالهـزل وتيسّـــرت
لو مصاب حسين اكثرهن يألمك
ضامي عالغبره انذبح. وراسه رفعوه عالرمح
وجرح صدره المنهشم اكثر يهمّك
دمعتك عالحسين. ياصاحب الزمان
....................
مقصّرين ابخدمتك. ما نحس بمصيبتك
ما نـذكـــرك إلّا بيّــام المصيبــه
عدنه تقصير شكثر. ياولينــه شنعتـــذر
بالمثل طبع اليحب يوفي لحبيبه
نعتـرفـلك بالــذنب. اعفو عن ذنب المحب
انت يالگلبك سمح مملوء طيبه
عفوك عله اليسيئ. ياصاحب الزمان
.....................
تدري يالحبك فرض خيّم علينه المرض
سيدي يالمهدي اشملنه بدعائك
هل محرم بالسمه. ردنه نخدم فاطمه
ما نريـد المرض يمنعنه عـزائك
نحيي عاشور الألم. بالمجالس واللطم
حاضر ويانه ونشم ريحة لقائك
بالمجالس حزين ياصاحب الزمان
........................
يابوصالح عالعهد نبقه نخدم للأبـد
احنا عشّاگ المجالس والشعائر
الخدمه تحتاج الزلم بينا يالمهدي العزم
فدوه لحسين السبط دم المناحر
نحيي عاشور وصفر. رغم آلام الدهر
ياهو مثل حسين عايش بالضماير
يعله صوت العزاء. ياصاحب الزمان
سيد زيد الفحام
2020
___
مقدمه للزهراء ع
ظلعچ يم الحسن
نبچيله ابكل زمن
سلاماً سلاماً سلاماً عالظلع
©©©©©©©©©©©
الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً سلاماً عالظلع
©©©©©©©©©©©
ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً سلاماً عالظلع
©©©©©©©©©©©
صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً سلاماً عالظلع
©©©©©©©©©©©
شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً سلاماً عالظلع
©©©©©©©©©©©
بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً سلاماً عالظلع
©©©©©©©©©©
الخادم
كامل السعيدي
اشترك بالقناة ليصلكم كل ما هو جديد من منشورات دينية وقصص
/channel/+PvDIP6hHol_3KUvT
ما ننساه مصابج ما ننساه
.......
دمعها وحزنها... لبوها.... تون صبح ومسه فاطمه
غريبه بغيابه..... الزجية.... مصايبها البدت مؤلمه
بحقدهم اجوها.... الاعادي.... بلا رحمه اعتدت ظالمه
حطبهم تلاهب.... على الباب.... دوت نار الفتن للسمه
وا ويلاه يزهره وا ويلاه
ما ننساه مصابج ما ننساه
.......
ولوها ولاچن.... مُحمّد.... ابوها موصّي بيها شكثُر
عصرها وتماده.... اليضدها.... ضلعها بياذنب ينكسر
تصوّب ضلعها..... الزجيه.... وره الباب وتريد الستر
دفعها وتـجـرّه..... وسطرها..... اللعين بسطره ما تنجبر
ما عفناه عزائج ما عفناه
ما ننساه مصابج ما ننساه
............
عله ابنها ومصابه.... وألمهه.... بچت دم فاطمه وشالته
يبويه مُحمّد.... يريتك..... تشاهد حالتي ندبته
جنين بدمائه..... تخضب.... شديده العصره ما رحمته
تنادي بدمعها...... يربي..... عسه انشلت يد الصابته
صاحت آه يبويه صاحت آه
ما ننساه مصابج ما ننساه
.........
حزينه وكسيره..... ليالي.... گضتها بدمعه تچوي الجفن
بهضمها وجرحها.... ودمعها... بقت صبح ومسه بس تون
لحدما اجاها.... اجلها..... عله گبر الهادي تشكي وتحن
بحزنها المنية.... اجتها.... يويلي وماتت امن الحزن
ثار الله يثارج ثار الله
ما ننساه مصابج ما ننساه
.......
نعشها بدموعه.... يحمله..... بضلام الليل علي للگبر
ينادي يزهرة.... حياتي..... بغيابج ما ردت هالعمر
ادفنج بديه..... يويلي..... بعد ينفع علي يا صبر
دفنها وتمنّه..... مماته..... ولا بعيونه شاف الكسُر
نبچي وياه يفاطم نبچي وياه
ما ننساه مصابج ما ننساه
سيد زيد الفحام
___________
نزله لمصاب فاطمة الزهراء عليها السلام
يافاطمه يازهرة سنيني
مو بالگبر ضميتج بعيني
.........
مو هيّن فراگج ابد يالچنتي عافيتي
اضلم بقه يم الحسن ما ينسكن بيتي
حتى الهوى بعدج تره ضاع وخنك ريتي
وياج اموت واندفن يافاطمه امنيتي
عشرة عُمُر ما بينج وبيني
مو بالگبر ضميتج بعيني
.........
بعدج علي يافاطمه ما ينوصف حاله
سلني الحزن يافاطمه والفرگه چتّاله
حيدر أنه گلبي انجرح والدمعه همّاله
والي اليتامه منفجع يتّمتي اطفاله
بعدج صحت ياهو اليواسيني
مو بالگبر ضميتج بعيني
.........
بعيوني بانيلج گبر وتحرسج جفوني
اوصافج الماتنّسي مرسومه بعيوني
ابچي لمصيبة فاطمه كلما يسألوني
عفتيني ليش وروحتج ما تحله من دوني
يافاطمه وهجرج يأذّيني
مو بالگبر ضميتج بعيني
.........
چنّچ نسيتي فاطمه آنه الوصي حيدر
يوميّه يم گبرچ اجي ابچي وأون وسهر
لمن يجي ابالي الضلع انحب بعد اكثر
دمعاتي توگع عالگبر وضلوعي تتفطّر
معذور لو جرحچ يبچّيني
مو بالگبر ضميتج بعيني
.........
لوما الوصية فاطمه محّد وصل بابج
اگطع يمينه ورگبته يافاطمه الصابج
لكن وصية امن النبي اصبر عله صوابج
ثارج يردّه المنتظر يالنمتي بترابج
ما انسه آني وحاشه تنسيني
مو بالگبر ضميتج بعيني
.........
يم گبرچ آنه المرتضى واولادج ويايه
حسين وحسن يافاطمه وزينب اجت هايه
مفجوعه من ضيم اليتم بالدمعه شچّايه
طاحوا على گبرچ سوه ونهضموا هوايه
بعيوني ولِدچ لا توصّيني.
مو بالگبر ضميتج بعيني
.........
زينب زغيره عله الحزن ياويلي فجعوها
لكن اشد وصعب بعد بالطف يأذّوها
اخوتها يمها تنذبح وسفه ويسلبوها
مجتوفه زينب عالهزل ياوسفه يسبوها
عالناگه مجتوفه وتناديني
مو بالگبر ضميتج بعيني
سيد زيد الفحام
_______
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
مصاب فاطمة الزهراء عليها السلام
يالراجع بلا روحك ومحني الظهر بجروحك
وين ادفنت روحك وين. ام الحسن وام حسين
خاف الگبر ياذيها
...........
ثگل المصيبه الصابتك يابويه هدّت حيلك
بيدك دفنت الغالية ونّطفت نجمت ليلك
محتاره ابچي لفاطمه يابويه لو ابچيلك
فگد امي جرّح مهجتي من ياجرح ابديلك
بكسر الضلع بچّوها من دنيتك اخفوها
تحصل بعد منها منين. ام الحسن وام حسين
خاف الگبر ياذيها
.................
بويه شكبر صبرك علي لمن دفنت الزهره
من وسّدتها بالگبر بآخر وداع ونظره
يابويه وتراب اللحد شاغلني كلش امره
كل خوفي بس لا ينلچم ظلع الزجية وكسره
جرح الضلع ألمها. تراب الگبر يلچمها
مجروحه من غدر البين. ام الحسن وام حسين
خاف الگبر ياذيها
...............
ردّيت للبيت وردت. تسقبلك ام البيت
ماهيه راحت فاطمه وحدك يحيدر ظليت
يم بابها اسمع بچي. شفتك يبويه وناديت
مو هينة فرگة فاطمه مالومك شما ونّيت
بچفوفك مشيّعها وبدموعك مودعها
لا جرح بيها وجرحين. ام الحسن وام حسين
خاف الگبر ياذيها
...........
اشتاگ لمي بكل وكت يابويه ما انساها
اغفه عله اديها وانسعد. عشت بدلال وياها
امي الحنينه فاطمه مثل امي وين الگاها
انشلّت يمين اللي كسر. ظلع امي والاذّاها
ما تنوصف طِيبتها. والدنيه ما رحمتها
الربّتنه ضحّت للدين. ام الحسن وام حسين
خاف الگبر ياذيها
..............
يازينب يگلها علي بيدي ادفنت غاليتي
يبنيتي راحت فاطمه وبعيوني مظلم بيتي
عافيتي چانت وختفت تحت الترب عافيتي
من مرّت ايدي عله الضلع كسر الضلع شل ريتي
وشفت بوجهه السطره وعين الزجية الحمره
تذكرها ادري بكل حين. ام الحسن وام حسين
خاف الگبر ياذيها
.................
لو عيني شافت بس ضلع من امچ يكسرونه
بالطف تشوفين الأشد دلّالچ يفجعونه
حسين الغريب بكربله گدامچ يذبحونه
بخيل اعوجيه عله الثره يازينب يسحگونه
ضلوعه العده يرضّوهن عشرتهن يكسروهن
جرحك يضل بيني وبين. ام الحسن وام حسين
خاف الگبر ياذيها
سيد زيد الفحام
________
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
ابو ذيات لذكرى ميلاد سيدتي زينب عليها السلام :
اشيوصفها حديث البشر .. لا دار
مثلها بالخلگ لا صار .. لا دار
لهي لؤلؤ لهي مرجان ...... لا در
زينب جنّة الله اعله الوطيه ...
الهاشم فخر ميتهم .. وحيهم
زينب آيه نزلها .. وحيهم
شمس تضوي اعله ديرتهم ... وحيهم
اهلال العيد چنها اعله البريه ....
نورچ يوم لينه بزغ ... وايهل
ترس دنياي ريحة مسچ .. وي هيل
علي ايحگله يسيل الدمع ... وايهيل
منو مثله ربح هيچي هديه .....
وحگ الطور والطارق ... والانسان
او زينب ما عرف زينب .. ولا انسان
سنينة فرح بس الها ....... ولا انسن
ابدليلي . الغير هاي الهاشميه ....
وحگ احسين والعباس ... وألطف
الله . اعلينه بيها انعم ..... وألطف
مثل نسم الهوى زينب ..... والطف
ذخر صارت الي او للرافضيه ..
ابو فاطمة الطائي
#نزال_
فاطـمي فاطـمي للابـد
فاطمي فاطمي عالعهد
****
بالمجالس ـ ابقه عابس ـ وفختــــر خادم عشت
أقرء وخدم ـ ونعه ولطم ـ بالســـواد اتوشـحت
راسي عالي- الهل ليالي- والله كل عمري انذرت
امحـــزم ابهاي المجالس للأبد
ما اعوفنها وحـــق واحـد احد
هالشعائر عندي ألذ إمن الشهد
ألها نذرتني الحنينه امن المهد
ملتــزم ملتـــزم بالوعد
فاطمي فاطمي عالعهد
****
يالزجـــيه ـ كلشي بيه ـ ملكچ وعبـدچ صرت
من البدايه ـ وللنهايه ـ ابهل وضيفه اتشرفت
اخدملكم ــ وكتبــلكم ــ صيــت ابـد مادورت
همي بس ترضـين عني ابدنيتي
يالسبب صرتي برفعتي وهيبتي
يالزچــــــــيه انتي ادره ابغايتي
ما ادور شــي مقابل خدمـــــتي
خدمتچ خدمتچ چن شهد
فاطمـي فاطمـي عالعـــهد
****
حبچ آيه ـ وبي هدايه ـ يخـتلف عن كل عشگ
مو حكايه ـ اولاروايه ـ يحمل اخلاص وصدگ
يالوفيـــه ـ ابهل عـــزيه ـ هامه اطبـرلچ وشگ
ســــجلي يم حســــين يمج لهفتي
ولطمتي وعزمي وحسرتي وعبرتي
اركض اعله المجلس آني ودمـعتي
وركضت اطويريج صـارت ركضتي
والگلب والگلب ما برد
فاطمي فاطمي عالعهد
*
هذا دوري ـ ابكل شـــعوري ـ لازم اتهدل وون
يالكسـيره ـ يالنـــــذيره ـ عسعس اليل ابحزن
انتي دمنه ـ وانتي امنه ـ وانتي للخادم وطن
انتي رايـه ارتفعت ابچـف الخــدم
رابــــح اليهـــواچ واللـه وما نـــدم
ابلا مجالس هالخـــدم تصبح عدم
نزحفلها ازحوف موش اعله الجدم
هالقسم هالقسم والصمد
فاطـمي فاطـمي عالعـهد
***
مانعوفچ ـ يالنشوفچ ـ بالسمه اهلال وشمس
من وفائچ - من ابائچ - شيعتج تاخذ درس
فاطميه - هاشميه - حبج اغلى امن النفس
احـــنه مـــن دونچ نضل ابلا هوه
انتي فضـــلچ عالجرح مثل الدوه
انتي آيات الحــــــــمد والقل هوه
ابلا وجودج كلشي يبقه ابلا ضوه
والعشگ والعشگ ماله حد
فاطـــمي فاطـــمي عالعهد
***
الخادم
كامل السعيدي
(موشح)
أيـعـينـك الله يا علي فـحـل الـفـحـول
يـوم عــينـك شـاهـدَت ضـلـع الـبـتـول
*----------------------*------------------*
أشـكبر صبـرك سـيـدي يا بو الحسن
أخـذ مـنـك فـاطـمـة بـسـاع الــزمـن
فـتـح باب اعـليـك حزنـك والـمـحـن
وصار دمع العين بخدودك هَطول
*---------------------*-------------------*
ادري هــد حـيلـك يـكــرار الــضـلــع
وخـتـلـط مـاي الـغـسـل وي الـدمـع
راحت الچـانـت ضوه البيتـك تـشـع
ولتهب گلبك على بنت الرسول
*----------------------*------------------*
اثمنطعش عـام الـعـمــر مـثـل الـورد
خـلـوا بخدهه عـلامـه اهـل الـحـقـد
اشـلـون لـو خـليّـتهـه بـوسـط اللحد
وتدري بحزانك بعد ما ضن تزول
*-----------------------*------------------*
يا علي بـحزنـك تـره ايطول العمر
مـن بـدايـات الـضلـع حـد الـطـبـر
ألبس بفـگـد الـطـهـر ثـوب الصبـر
اسنين عمرك بالجرح والهم تطول
*---------------------*------------------*
الـفـاطـمـة گـلبـك حـمـل نـار وألـم
وصـار بـسمـار الضلع مـثـل السهم
أصـبـر ورب الـعُلـى هـوه الـحـكـم
بغير صبرك سيدي ماكو حلول
*------------------------*-------------------*
انـت حـامـي ادخيلهه وليث الحرب
الصـار شـفتـه والـجـره كلش صعب
بـاقـي بـالـزهـره أثــر مــن الـضـرب
وما رضت ام الحسن يمك تگول
*----------------------*------------------*
الـلـه يلـعـنـهـم تــره الـگـالـوا وأن
الـخلـوا بـروحـك يـكـرار الـحـزن
بعينك الدنيه صفت تـشبه سجن
والسبب كلمن اجه الدارك جهول
*-----------------------*------------------*
✍خادم الـزهـراء ع
الشاعر رعد الجريخي
بعيوني چَّوَتنيْ النار. على النار
محسن وكع ياكرار. على النار
هاماتجيني. طَيحَوا جنيني
على النار
على النار
=========
هجموا عليه ياعلي وابابي يتلاهب جمر
وعيوني تتلفت الم بلكت علي عليه يمر
وامبين اعليه الجرح ابابي وبظلعي الكسر
اخر خريف لهل الورد بين الصخر ظل ينعصر
عمري خاتمه كسره
صاحوا نذبح الزهره
نخلي حيدر بحسره
دموعه. دموعه
ياحيدر اسمعلي اونين. واشوفه واشوفه
واتلفت ويبجي حسين. واشوفه واشوفه
ايصد اعل عيني. طَيحَوا جنيني
على النار
==========
صار النهار بلاضوه واني طحت من التعب
والمحسن بصفي وكع در أو وكع من الذهب
ماادري شمسويه انا اذوني ليش بيا سبب
جنه أنه مخلوقه لعلي ابابي شيسوي اللهب
اني ابابي وصلوني
حيل بعيني صطروني
وسفه تالي شتموني
حسافه حسافه
اسود نهاري ومشؤم. لكيته لكيته
كل عمري خلصته هموم لكيته لكيته
تسمع ونيني طَيحَوا جنيني
على النار
==========
الكوكب الدريّ انا ومشكاة انوار الضوه
واني النسيم اللي يهب برية علي أنه الهوه
ولكل جرح اني الدوه ولجرحي مايحصل دوه
يميل الفلك واني اسنده بس ظلعي بالكسره الوه
ظالم كَسّر عظامي
سوده صارت ايامي
عيني تنظر ايتامي
ورايه. ورايه
بتابوتي انشال شلون عجيبه عجيبه
وبجفي يندار الكون. عجيبه عجيبه
عيني لبنيني. طَيحَوا جنيني
على النار
==========
يتوچه حيدر ياوسف عكازته صار الجرح
صارت حياته بلا طعم من باللحد خله الملح
شايف بشر لمن يرد دافن حبيبه ومنذبح
يصير النهار بلا ضوه وبدنيته يموت الصبح
حيدر ينحب بوحده
ودمعه ايبلل ابخده
ماي بظلمه اتبده
شيلمه. شيلمه
ماي وتبده بهل ليل. صعوبه صعوبه
من حيدر اتبده الحيل صعوبه صعوبه
خلصت سنيني. طَيحَوا جنيني
على النار
==========
وسط الكبر واسمع بجي واحد يسولف لنه
ميزته من صوته علي مبحوح صوته بونه
ويكلي محتاجج تره يالجنتي بيامي الهَنَهْ
لحجيج هذاك البي دوه كبرني افراكج سنه
صاح ومدمعه اتناثر
شفته وكله اتغير
وجهه ابغيبتي اصفر
ينازع. ينازع
من حيدر اشتطلع اه. نحيبه نحيبه
عالزهره يصرخ ويلاه. نحيبه نحيبه
مابينه بيني. طَيحَوا جنيني
على النار
==========
تمت ولله الحمد المقصر مع الحسين
✍ علي النائلي
اشكي ابدموع العين ... يا بوبه يابويه
ضلعي انجسم نصين ... يابويه يابويه
لا ما رعوني .. عگبك ولوني .. بويه اهضموني
يابويه يابويه
__________
يا ما علي وصيت . گلتلهم ابهل بيت . عندي وديعه
بس عني اتواريت . حدر التراب امسيت . شفت الفجيعه
دم اودمع هليت . بويه اشتكيلك جيت . والهم اذيعه
من امتك عانيت . دم او دموع ابچيت . ابنيتك صريعه
يابويه هل اصحاب ... غدروني غدروني
انگلبو عليه اذياب ... غدروني غدروني
ابساعة منيتك . خانو وصيتك . حرگو ثنيتك
يابويه يابويه
__________
اعليك اهل مدرار . مضلم عليه الدار . يابويه وانعه
لن الزلم والنار . وسوط وحبل واحجار . بابي تدفعه
لذت ابكتر لجدار . لن ماعليه اخمار . للباب ارجعه
هيسوني والكل صار . يدفعني والبسمار . بضلوعي يسعه
كل ضلع بيه انصاب ... ياويلي يا ويلي
طاحت عليه الباب ... يا ويلي يا ويلي
ابچي سمعني . رد اوسطرني . من طولي ذبني
يابويه يابويه
__________
يل وسدوك اتراب . هلگبر مابي باب . حته اشتكيلك
رد يحكم السلاب . امصاب اكلف امن امصاب .
بويه دخيلك
اليوم الضلع ينعاب . باچر علي ينصاب . يمرد دليلك
دمه يكت خنياب . يخضب لحيته اخضاب. باچر
يجيلك
السان السقيفه ايگول .. ما تبقه ماتبقه
العتره كلها اتزول ..... ما تبقه ماتبقه
هاي البدايه ... حد النهايه ... ذبحتنه غايه
يابويه يابويه
__________
واضح نهجها القوم . ماتبقه كل ارسوم . بغضن بحيدر
اليوم الضلع مهشوم .باچر حسن مسموم. چبده ايتفسر
چبده تصير ادموم . روحي عليه اتحوم . گلبي ايتحسر
ابني الحسن مالوم . مضلوم ابن مضلوم . الله او اكبر
اوليدك يطاها ايموت ... يالهادي يالهادي
امسمم يون بسكوت ... يالهادي يالهادي
روحه غريبه .. اونعشه مصيبه .. اسهام التصيبه
يابويه يابويه
__________
ما تكتفي العدوان . لا تنطفي النيران . ابولد الزچيه
احسيني يضل عطشان . لاولد لا خوان . بالغاضريه
اضلوعه ايغدن ميدان . يابويه للفرسان . والاعوجيه
كعبة هظم واحزان . اوليدك يعالي الشان . فوگ الوطيه
راسه ابرمح ذباح ... يتعاله يتعاله
وصيوانه ون واصياح .. يتعاله يتعاله
شيبه ايتخضب.. نحره ايتترب .. ثوبه ايتسلب
يابويه يابويه
__________
اوزينب بعد تنضام . مثلي تشوف آلام . ها يا محمد
كافلها علشط نام . تغلج عيونه اسهام . للخيمه مارد
تكسر ظهرها ايتام . بلهيمه ماكو خيام. يحاميها
محد
يسبوها لرض الشام. تدخل قصر ضلام. والدمعه
بالخد
ابنيتك يهل مختار ... بسبوها يسبوها
نفس الاجو عل دار ... يسبوها يسبوها
هاذي جروحي . مابطله نوحي . بويه يروحي
يابويه يابويه
__________
ابو فاطمة الطائي
حسين...عليك مني سلام الله
شايل كربله ابروحي..وحبك مالي وجداني
وجرحك يابو عبدالله..أمشي وانعه خلاني
ابعالم خدمتك ذايب..ليل انهار تلگاني
وللمجلس أنه وگلبي..واحد ياخذ الثاني
گد ما أعشگ المجلس...ونبضة گلبي لطميه
امن اموتن سيدي اتمنه...گبري بي حسينيه
حسين...عليك مني سلام الله
المايشتم هوه الخدمه..عاش ابدنيته خنگنه
والما يبچي لضعونك..مايفهم حچي الحرگه
نار اخيامك ابروحي...لذلك روحي محترگه
اليسمع عالهزل زينب...لو مات ابعزاء حگه
هنياله العليك اينوح...خيعونه الهِمَل عَبرَه
اليبچي توگع ادموعه..بيد المهدي والزهره
حسين...عليك مني سلام الله
أون اعليك كل عمري...وشنهي الونَّه يامولاي
ابگد انفاسي تطلبني..واحس امقصر آنه اهواي
عليك الزهره خليني..أبچي وهذا كل رجواي
كل اللي أطلبنَّه...رايد انحسب بَچَّاي
لو لجلك مثل يعگوب..أبچي وتنعمي اعيوني
هم اعليك اضل انحب...وخلِّي الكِل يلوموني
حسين...عليك مني سلام الله
قررت ابقه الك خادم...ودرب الخدمه ماامِلَّه
وماخصصت الك فَتره...خَصَّصتِ العمر كِلَّه
منذوره الدمه الأجلك..شنهي المدمع انهِلَّه
گلبي اتوسلك يحسين..ينبض بالعشگ خَلَّه
آنه وهالخدم ندعي..وانگلك يبو اليمه
للخدمه نشد احزام...بس وفقنه للخدمه
حسين...عليك مني سلام الله
سيد علي الموسوي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
راحت امنه وراح كلشي وياها
راحت امنه او شيبانه اجفاها
وين اديرن وجهي وين
شالت ام گلب الحنين
او راح كلشي وياها
شلون بينه وراحت امنه والله مو وكت الهجر
شمعه روحي ومن بعدها اذوب يوميه العصر
من مشت ياويلي احسها اخذت وياها العمر
مثل منجل ضهري حدب من بعد ام الخدر
يمه وينچ والله الچ مشتاگه
يمه وينچ گولي هم نتلاگه
حسن خويه اوياحسين
شالت ام گلب الحنين
او راح كلشي وياها
- - - - - - - - - - - -
ابعيني سوده الدنيه صارت كلشي
احس ابلا ضوه
ومن بعدها ابريتي احسه يختنگ
گام الهوه
امي بلسم جانت النه وللجرح طب ودوه
ايعيش المن فاگد امه هوه والميت سوه
مات كلشي من بعد ماماتت
مات كلشي الرحمه من انشالت
زيدو اعليها الونين
شالت ام گلب الحنين
او راح كلشي وياها
- - - - - - - - - - - -
يا غلاتج يمه عندي اغله حتى امن النفس
انه اول مره اشوفن بالنعش تنحط شمس
لاتساله الفاكد امه بالك اتگله اشتحس
حال بلبل تلگه حاله بالقفص من ينحبس
ويلي ويلي اشفنا منها ونفترگ
ويلي ويلي باب فاطم محترگ
طيحو من عدها عين
شالت ام گلب الحنين
او راح كلشي وياها
- - - - - - - - - - - -
ساعد الله امنه الزجيه ساعة المو حطب
قنفذ ايسب بااعلى صوته ابابها لمن خطب
وامي تندب ياعلي احضر ظلعي ابوتراب انضرب
ونذل يعصر گام بيه وبالظلع بسماره طب
اخ يمه بعدج ابعمر الورد
اخ يمه وينچ اوين اللحد
يبچي ضل حتى الجنين
شالت ام گلب الحنين
او راح كلشي وياها
- - - - - - - - - - - -
عگبج المن انطي وجهي وياهو اليكحل النظر
من الظلع ليهسه باقي فوگ حايطنه
الاثر
ويلي گام البيت ينعمه ظلعج بيوم انعصر
مو فقط ظهرج يزهره العالم اباسره انكسر
حتى دمعي يبچي ضل عيونه
حتى دمعي صار احمر لونه
بگلبي ضل يطلع انين
شالت ام گلب الحنين
او راح كلشي وياها
- - - - - - - - - - - -
امن الظلع تبدي المصيبه وتنتهي بكسر الظلع
يوم عاشر من محرم گلب زينب ينشلع
من تشوف حسين باچر راسه عالسن ينرفع
ولبو فاضل راح اخيها الراس والچف ينكطع
كلها راحت باچر اصيح الخدر
كلها راحت ساعه ايرد المهر
راس ماكو وماكو ادين
شالت ام گلب الحنين
او راح كلشي وياها
- - - - - - - - - - - -
ابو اسد البزوني
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3
آ يفضـّـه سَـنـّديني .. ﮔبل لا حيدر يجـيني
لا يشَاهِدني ابوَضِع .. أبـﭼي مكسُورة ضِلع
آ يفضـّـه
***
آ يفضـّـه مِـن دِفـَـع بابي عَليـّـه
وَجهِي غَطـّـيته خجَل بثـنين إديـّـه
ومِن طِحت يافضه شَـاهَدت المنيه
الطَيحَه صَارت عالوَجه فوﮒ الوِطيه
ابنِص ثِـنيتي .. طَبـّـوا اغرَاب
سِحـﮔوا إبني .. ابعِـتبة الباب
ولَهَب فوﮔي مِرتفِع
أبـﭼي مكسُورة ضِلع
آ يفضـّـه
***
عالضِـلِع خلـّـي اِيدِﭺ ولا تِـترِكيني
بَلكي من هذا الوجَع يسكِن وِنيني
نَشغه لِبصَدري تِرِن غِلبـَـت اسنيني
وخَاف يسمعها عَلي ايـﮔوم ويجيني
أدري بيها .. الحَاله صَعبه
ولو نِظَرها .. ايذوب ﮔلبه
اعلِيه اخاف امن الدَمع
أبـﭼي مكسُورة ضِلع
آ يفضـّـه
***
غالِي حيدر واغلَى مِن اعيُوني هَايه
وآنه غَالِـيته العِـشِت بلسَانه آَيـَـه
ايحِبني ﮔد حُب والِدي سَيد البرَايه
وماأريدَه ايشـُـوفني ابدَم المِنايه
خاف ضِلعي .. ودَم نَـزيفه
مِن يِشُوفه .. ايسِلّـّـه سيفه
وحَبل صَبره ينـﮔِطع
أبـﭼي مكسُورة ضِلع
آ يفضـّـه
***
سَـنـّـديني وسِـمعي يافضّه الوصيّه
حَالي مِـترَادي ودِنَت منـّـي المِنيه
بَـعدِي زينب دَلـّـليها هَـا يَخَـيـّـه
لَنهَا مَوعُوده ابسَـــبي بالغاضريه
هَايه ناري .. تِـدنَه مِنها
وتالي تِحرﮒ .. كِل خِيَمها
بالطفوف وتِـنصِدِع
أبـﭼي مكسُورة ضِلع
آ يفضـّـه
***
زهرَه وبـﮔاع المِلِـح وَكـتي زِرَعني
ومِن عَذِب مَاي الّي يِروِيني مِنَـعـني
بَعدَه ماكَابر غِصن طِـيبي وﮔِطعـني
وذَبني عالـﮔاع وكِسَر عُودي وسِحَـﮔني
آ يفضـّـه .. الشَـكوى لله
وبالعَـقيله .. هالله هالله
ابجَنة ألله نِـجتمِع
أبـﭼي مكسُورة ضِلع
آ يفضـّـه
----------------------------------
خادم أهل البيت / لقمان البدران
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
/channel/ahmed_alziwar
4- حساب الانستا 👇👇
https://www.instagram.com/invites/contact/?i=r758t0jcoxxe&utm_content=11pvwp1
5- صفحة الفيس بوك👇
https://www.facebook.com/ahmedbasra1w3