الرادود احمد الزوار

31 October 2022 19:43

ابوذيات شهادة الزهراء ع

أنا الدمعات عيني ماتملها
على الماتت وماصح ماتم الها
عمر عشرين وسفه ماتم الها
وگضت بت النبي اباب المنيه
*
المنيه امگدره ويصعب دفعها
وتره اديون الدهر واجب دفعها
ثگيله الباب والظالم دفعها
وكسر ضلع النبي بضلع الزجيه
*
گضَيت الليل متمَرمُر وإن بي
واخبرَه المَادرَه اشصَاير وإنبي
الزهرَه البيت بي ،گلهُم وإن بي
أحِرگه وماتِرف اجفُون اِليّه
*
حمَامه النور فارغ مِنّه عَشها
وبَعدها الدنيه ظَلمه من نعشها
أُمنَه الشمس تِطلَع من نعشها
وياگبر اليِطم شمس الضِوِيه
*
قارُورة وإِديـن الغِـل چفنها
ابحَلاة ايّامها ولِبسَت  چفنها
الچفوف العَالوَجه ظُلماً چفنها
چِفَن رَحمة الباري اعلهَ الوطيه
*
أمير المؤمنين يقول :
قبله اصبَح گبُر ضَمّچ واطف بي
ودَمع وين الگه لليلهَب واطف بي  
بَابچ بي جمُر زينب وطف بي
ودمع سِكنه يزهرَه وهَم رُقيه

---------------
لقمان البدران


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

28 October 2022 18:21

عن لسان حال مولاتي الزهراء ع
وهيه تخاطب مولاي إبي الفضل ع

وانته يم الله نخيتك
بضلعي احلفك وبدمعتي
يا ابو فاضل ياحبيبي
خلي عينك على بنتي
ماعدها غيرك ثاني.....عباس عوض امجاني
..................................................
المثلك ما يوصونه لجن من خوفي سامحني
دمع زينب هضمني بليل مو بسمار هاضمني
وما ملجومه من الباب ونها اعليه لاجمني
ماهمني يبني مكسره ضلوعي
بس اعله زينب طاحن ادموعي
وبكلشي جانت هيه موضوعي

عيون ام زينب تره انته
عيش عباس ابدالي
ويبني ما اوصيك بيها
من يضل امجاني خالي
وبفراكي صيرلها اني.....عباس عوض امجاني
..................................................
شهم من طينك امبين واجيت بروحي حلفتك
عزيز انته بغلاة احسين رغم بعيوني ما شفتك
اطيبن واصبح انه بخير من تتكفل بأختك
لاينشغل بالك على وني
داريها لو رايد تطيبني
وحبها بكثر ما حيدر يحبني

شوف ما شبعانه مني
وبكلبها ادري لجمه
زغيره زينب توها تحجي
وتوها متعلمه ييمه
موقفها حيل اذاني.......عباس عوض امجاني
................................................
يلايگ بس عله بنيتي اخو وتحلالها خيمه
عباس امطر شما بيك بالطف رخص الغيمه
وجدم زينب يخو زينب مايعرف شنو الهيمه
زينب حنينه ولا يجرحوها
يبجوني كون ولا يبجوها
عباس كلشي ولا يركضوها

شوج ما شايف جدمها
وتدري بيه شكد احبها
والحرك بابي عليه
خوفي لايحرك كلبها
بس ضمها علبجاني....عباس عوض امجاني
................................................
عليك اعيوني ياعباس عيشها بوسط دمك
من جانت قبل تبجي أسكتها جنت بأسمك
وماكتلها اكو دخان بس كتلها تشتمك
تبتسم بس من تسمع الكافل
بلمهد وتحبك يبو فاضل
تدريك ياعباس تستاهل

بنيتي مخلوقه اعلمودك
وانته مخلوق الأجلها
كلشي بلطف كلها باجر
بس اعوفج لا تكلها
وحاشاك ماتنساني.....عباس عوض امجاني
.................................................
ما شفتك لجن عايش عمر عباس بوريدي
انه وامك احبيبات وانته ان شاء الله وليدي
وقبل لا يوكع المحسن سلامه دزه الك بيدي
يمه ابو فاضل كالي شلونه
كليله زينب تبقى بعيونه
عباس منك انه ممنونه

هايه انفاسي الاخيره
واعتذر خافن لجمتك
راح انام مأمنه اني
ادري راح تعيش لأختك
بيك انسى كل احزاني....عباس عوض امجاني

احمد ماجد الكلابي


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

26 October 2022 18:44

الليالي الفاطميه 1443ه‍_2022م

يالزهره مصابچ ماذينه
يالزهره مصابچ ماذينه
★★★★★★★★★★★؛

لمّن نسمع ناعي وينعه
عالحايط عصروها البضعه
ما تثبت بالعين الدمعه
وتظل الحسره تماشينه
★★★★★★★★★★★؛

الشبعو من نعمة ماعونچ
بيا حق يالزهره يكتلونچ
چنهم ثارات يطلبونچ
ما جنچ رحمة بارينه
★★★★★★★★★★★؛

غدروچ الناس الغدّاره
ما ترهم ويّاهم چاره
واحدهم ما طالع غاره
ويمچ طلعّهن جفينه
★★★★★★★★★★★؛

هذا الياذينه احنه نگوله
اصحاب يسموهم ذوله
اليمدحهم ذمته المشكوله
والحبهم ما يعرف دينه
★★★★★★★★★★★؛

حيدر بعدچ حاله تغيّر
من بعدچ صاير مو حيدر
مو ضلعچ چن ضلعه تكسّر
بمصابچ ما نشفت عينه
★★★★★★★★★★★؛

لو ما چان الچف مچتف
من دمهم سيفه ولا ينشف
بس أوصيه اللزمتله الچف
وصارو بحبال مگيدينه
★★★★★★★★★★★؛

يبقى الهم عايش ويّانه
حد يوم اليظهر مولانه
ونسمع هالكلمه من السانه
يا شيعه الثار يتانينه
★★★★★★★★★★★؛

جعفر عطيه البزوني


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

25 October 2022 15:49

قصيده بمناسبة استشهاد فاطمة الزهراء عليها السلام

من زغر ذبحتني يمه فركتچ
حتى ما شبعانه عيني بشوفتچ
يا هَضُمها الروح بعدچ يا هَضُمها
★★★★★★★★★★★★★★؛

رحتى يم گلب الحنين وعفتي جمره
ماشيه والبيت بعدچ مات عطره
ذبلّيتي اعروگي وانه عمري بذره
زينبچ دنياها بعدچ دنيا مره

سنيني خمسه وگلبي بالهم امتله
وصار جرح الباب أول جرح إله
وجّهت دنياي إليه أول سهمها
يا هَضُمها الروح بعدچ يا هَضُمها
★★★★★★★★★★★★★★؛

يالعفيفه ومن عفافچ ضلعچ انصاب
انطيتي عمرچ فدوه لجل يعيش الحجاب
والذبحني ب(وإن) من صرّح الخطّاب
ما خِجل من فعله لمّن يدفع الباب

ماكو ذمه وماكو أي واحد يحس
عايش بداخلهم الفعل النَجِس
موّتو بنت النبي هاي شعظمها
يا هَضُمها الروح بعدچ يا هَضُمها
★★★★★★★★★★★★★★؛

يا عذب طعمچ بعيني من اشوفچ
من الصبح لليل بلساني حروفچ
انتاجها بطعم العسل بوسة جفوفچ
انا لو بيدي اظل كل لحظه اطوفچ

رحتي ياللي بيچ روحي تبتسم
هسه كلشي صار بيه منهشم
والمعانات ابتده يكتب قلمها
يا هَضُمها الروح بعدچ يا هَضُمها
★★★★★★★★★★★★★★؛

واللّه ما ينشبع من الگعده يمچ
شلون اخلّص عمري ما اگدر اشمچ
روحي چانت تطمأن بس اذكر اسمچ
وتضميني الصدرچ او آنه اضمچ

راح حضنچ وين احصلنه بعد
محد يعوض حنانچ للأبد
راح اظل محتفظه بهدومچ اشمها
يا هَضُمها الروح بعدچ يا هَضُمها
★★★★★★★★★★★★★★؛

اليصبّح بيچ من الدنيا شيريد
قراية القرآن بلسانچ تغاريد
شيقنع الروح انتي رحتي عنها لبعيد
بزغري ودموعي اتركت بيه تجاعيد

كلشي جان بخير وانتي بمنزلچ
هسه بالحسره تركنه مقتلچ
وذكرياتچ تركت بروحي ألمها
يا هَضُمها الروح بعدچ يا هَضُمها
★★★★★★★★★★★★★★؛

أتعجب من إنسان إذا ميوقر امه
واللّه لو بيدي گلبها بگلبي اضمه
العايشه امه وياه خل يشكر النعمه
رحمة اللّه البيها تتنزل الرحمه

كل طريق الخير من عدها انرسم
وبدعاء الام ترى اتدوم النعم
واللّه أتشرف ينادوني بأسمها
يا هَضُمها الروح بعدچ يا هَضُمها
★★★★★★★★★★★★★★؛

جعفر عطيه البزوني

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

22 October 2022 20:01

قصيدة لتشييع فاطمة الزهراء ع… .


اليوم شيعناهه
اليوم شيعناهه
اجنازتچ يم الحسن اليوم شيعناهه
@@@@@@

شلنه نعشج بالدمع
والدليـل المنفـــجع
آه يا كســــر الظـلع
والجنين المنصـرع

تألمينه اوياهه ،،،،، تألمينه اوياهه
اجنازتچ يم الحسن اليوم شيعناهه
@@@@@@

نزلت أمــلاك الســــماء
ألـچ يا فخــــر النســاء
عالأرض نصــــبو عـزاء
وضجت اصوات البكاء

ابكل وكت ننعاهه ،،،،، ابكل وكت ننعاهه
اجنازتچ يم الحسن اليوم شيعناهه
@@@@@

ابصوت نادت شيعتچ
دم نهل وي دمعــــتچ
ما نســينه امصيبــتچ
والضلـوع وعصـــرتچ

واللـه ماننساهه ،،،،، والله ماننساهه
اجنازتچ يم الحسن اليوم شيعناهه
@@@@@

انعزي طه وحـــيدره
ابطيحـتچ يالطاهـره
وين عنـــــــچ يا تره
اليوم سبع الگنـــطره

هاي نتمناهه ،،،،، هاي نتمناهه
اجنازتج يم الحسن اليوم شيعناهه
@@@@@@@

حيــل اورم صدري اريد
بالطــــــــم لم الشهــــيد
حالهه ايذوب الحــــديد
ابفعل ضـــــــــلام العبيد

ياثگل بلواهه ،،،، ياثگل بلواهه
جنازنچ يم الحسن اليوم شيعناهه
@@@@@

اوياچ وقعـــنه العــهد
نبقه نخـــــــدم للأبــد
حبچ احلى امن الشهد
واللـه منعــــوفه بعــد

الخدمه ماعفناهه ،،،، الخدمه ماعفناهه
اجنازتج يم الحسن اليوم شيعناهه
@@@@@

   الخادم
كامل السعيدي


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

20 October 2022 08:16

قصيدة لطم . للتابعي الجليل( سعيد بن جبير )  




ظنهم  يذلونك  *    جا   علي  بعيونك

رددتها ياسعيد   *  غير حيدر مااريد

               جا   علي  بعيونك
................................................

انت عايش  عالولايه  والكلب ينبض علي

لا يظالم  انت  واهم  علي يسوه كل هلي

بالصبر  عشت  المصايب  والامر  واضح  جلي

هذا  كبرك  من  نزوره  قبه  خضره  تعتلي


مايعيش  الظالم   *  وبحياته   واهم

اصبحت هايه  نشيد  *  غير حيدر مااريد

                 جا  علي بعيونك
................................................

ياسعيد  ابنه  جبير  التابعي  معنه الفخر

اليتبع  الحق  دوم  هو  يفدي  لله  النحر

وين  حجاج  اللعين  اوين  كل ذاك  القصر

حصلت  انت  الشهاده  والكرامه  للدهر


بالكرامه  انشوفك  *   بحضرتك  انطوفك

انت ضحيت الوريد  *  غير حيدر مااريد

                  جا  علي  بعيونك
................................................

كطعو  لسانك  يرتل  سورته  واياته

وابد  متغيب  الحقيقه  للسمه  جلماته

ذاك  ظالم  انت  عالم  بينت  غاياته

هذا  تاريخك  خلودك  ينكتب  مأساته


نحرك  ايذكرنه   *    بالحسين  اسمعنه

الله يلعن كل يزيد *   غير حيدر مااريد

                 جا علي بعيونك
.................................................

تعتني ليك المواكب حضرتك وفايه

بالصحن  اتقيم  مجلس بالنعي وقرايه

ترتوي  الزوار  جودك  ياسعيد  ابمايه

ذوله  خدام  ابو اليمه  ياشهيد  اهوايه


بالمواكب حاضر  *   ترحب  ابكل زاير

باب للحاجه اكيد  *  غير حيدر مااريد

                  جا  علي بعيونك
.................................................

ابابك  ارفعنه  ادينه  سيدي  هل ندعي

ندعي يامولاي  احنه  بالفرج  للمهدي

ياخذ  بثار  الاطايب  ثورته من يبدي

لسه اعيون ابوصالح دموعه تنحب جدي


دمعته  هماله     *   عالحسين  وحاله

ياخذ بثاره يريد  *   غير  حيدر مااريد

             جا  علي  بعيونك
.................................................

الخادم...  ابو فدك  الشامي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

02 February 2021 12:54

ماليه الدنيه السعاده
احله فرحه بهل ولاده
كلها فرحانه وتنادي
ياهله ابضعت الهادي
....................

نورت دنيانه بالطلعه البهيه
والفرح هليله عم اعله البريه
وللرسول الباري انطه اجمل هديه
احله بشره للنبي الزهره الدجيه

والملائك تعتنينه
تشارك بفرحت نبينه
بهل ولاده انسر فؤادي
ياهله ابضعت الهادي
....................

ماكو واحد يبقه هاي الليله محتار
ومعتني المولد الزهره سر الاسرار
العنده حاجه يرجع وفرحان للدار
الليله تكضي الحاجه فاطم ام الاطهار

يالله ياشيعي ارتجيها
وسلم الحاجه بأديها
وگلها انه رايد مرادي
ياهله بضعت الهادي
.....................

ماكو شي يصعب عليها الصعب يسهل
وبالقضايه ام الحسن هيه اتكفل
مايخيب الي طلبها ومنها يسأل
رحمة الله فاطمه وهيهات تنمل

اطلب واخذ التريده
الزهره يمك مو بعيده
وصيح الج حبي وّدادي
ياهله بضعت الهادي
.....................

كلشي بالدنيه هتف فرحان بيها
نزّل الله الخير كله ابين اديها
مامثلها تصير وحده ام ابيها
هل اسم بس فاطمه لايك عليها

هيه ام كل الوطيه
فاطمه الزهره الرضيه
هذا حبي واعتقادي
ياهله ابضعت الهادي
.......................

اشعل اشموع الفرح وسط الصواني
فرح هاي الليله تحقيق الاماني
كافي من الحزن بسك يازماني
ابجيت الزهراء كل الخير اجاني

احله فرحه بهل مسيه
مولد الزهره الزجيه
بغضاً بكل الاعادي
ياهله ابضعت الهادي


محمد هادي العقابي

الرادود احمد الزوار

31 January 2021 07:00

لولادة الزهراء🌹🌹
يا عطر جــنة عدن عشــنه ابهواچ
النشـــمه ابدونـــچ اصلن موهــوه
هــوه لو ما نور وجهــچ بالوجــود
كلشي ضلمه ايصير وبعازت ضوه
محفلــچ اتحــفه وتعــــــناله كون
مثل ما موسى دخـل وادي طــوه

✍كامل السعيدي

الرادود احمد الزوار

31 January 2021 06:55

ذكرى ولادة آية السماء فاطمة الزهراء ع.

طلبها مـــن الله ابوالقاسم #وطه
اله وجنـــح الملك صــــاير #وطه
ابمولدها افرحو حيـــــــدر #وطه
وخديـــــــجه وآسيا ومريم سويه

كامل السعيدي

1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742

الرادود احمد الزوار

28 January 2021 20:26

موشح لأم البنين
🔸🔸🔸

الياسـبب الله العلي مخـتارهـا
انتي أيـه المـاعرفنه اسـرارهـا

🔸🔸🔸◽◽◽🔸🔸🔸
1
الدنيا سفـره وينكـشـف معـنى البشر
انتي جيتي من البوادي اعله الحضر
لأصـــل بـدويـه ومـواطــن لـلـفـخــر
جـسـدَت مـعـنى البـطـولـه بهـالسـفـر

ونالـت العـزه بعـظـيم افـعـالهـا
انتي أيـه المـاعرفـنه اسـرارهـا

🔸🔸🔸◽◽◽🔸🔸🔸
2
اسـسـت دسـتور عـنـوانـه الحـنـين
تـوگـف اسـتـعـداد لـومــر الحسـين
والـحـسـن يـمـنـعـهــا لايـم البـنـيـن
تـگـلــه مـوبـيدي امـر مـن الجـنـيـن

ابطـنـي العـباس احـسـه گـالهـا
انتي أيـه الماعـرفـنه اسـرارهـا

🔸🔸🔸◽◽◽🔸🔸🔸
3
جـابـت الـعـبـاس غـيـره رضـعــتـه
بـعـلـگ مـن بيت الرســالـه شــدتـه
ومـن رمـــاد الـبـاب بـيـده حــنــتـه
وصــتـه وكــفـــال زيـنـب سـمـــتـه

ورايـة الـعـز والكـفـالـه شـالـهـا
انتي أيـه الماعـرفـنه اسـرارهـا

🔸🔸🔸◽◽◽🔸🔸🔸
4
شلون افسـر ايه بالـمـعـنى قـريب
انـتي ويـه التربـيه امـرج عـجـيب
محـبـتچ لـحسين مـاحبـهـا حبـيب
مـااضـن ولدچ رضعتي بس حلـيب

انه اضن غيره ارضعت اطفالهـا
انتي أيـه المـاعـرفـنه اسـرارهـا

🔸🔸🔸◽◽◽🔸🔸🔸
5
خـلـطـت الـغـيره ويأطـبـاع الـبـدو
وكــاسـرتـهــا بـغـيـض فـقــار الأبـو
وانــتـجـــت اولاد تــركـــع لـلأخـــو
ومـاتـهـاب المـوت لـوجـاهـا العـدو

سيوف رضعت من ثدي فقارهـا
انتي أيـه المـاعـرفـنه اسـرارهـا

🔸🔸🔸◽◽◽🔸🔸🔸
6
امنيتي اعـرفه منـين نابع هـالولاء
شـنهـو سـرچ مـرتبط ويـه السمـاء
شـهـالتواضـع جبتي عمرج انحنـاء
حسن عـاقبتج كـرامـه من السمـاء

الفـاتحـه تسـهـيل امـر نـقـرالهـا
انتي أيـه المـاعـرفـنه اسـرارهـا

     🔸🔸🔸🔸🔸🔸
      تمت بعون الله تعالى
✍️عقيل حسين الگرعاوي

1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
0773232074

الرادود احمد الزوار

28 January 2021 20:19

بالشّباب الأربعه يبني الك متبرّعه
ياعــزيز تودّعه أُم البنين
*
هذا ياضعن التّشــــوفه عـــــازم يريد السّفر
شمس ونجــوم وكواكب زاهـره بهــيبة گمر
خلفه طلعت حُرمه تمشـي وهيّه محنيّة ظَهر
ياضعن خــــلّاني مشيك گلـبي المصوّب فطر
وين ناوي بطلعتك بأهل بيتك واخوتك
يابو الأكبر نادتك أُم البنين
*
المن بدارك عفتني ويه العلـــــيله فاطــــــمه
مُر الافــراگ وعذابه وياهــــــا راح اتقاسمه
يلّي يوميّه اعله شـــــــوفك تدري بيّه معلّمه
وياك اخــذني بهالرّحــيله ليك أكونن خـادمه
حتى كل ساعه التّمر شـــوفتك گلبي تسر
ياصبر يوصل صبر أُم البنين
*
انكسر ظـــهر الضّعـــينه وصـوبها مال اللوه
رد أبو اليمّه وأخــــيّه وگعـدوا وياهــــا سوه
العبره مخنوگه بصدرها حابسه انفاس الهوه
تســولف ودمعتها تجـــري خايفه من نينوى
تودّع أحباب الگلب والدّمع عالخد يصب
تنتظـــركُم يادرب أُم البنين
*
توصّـــي كل أُم بإبنهــــا بسفر لو عنها جَهَز
وآنه بيك أولادي أوصّــي يلّي من عدهم أعز
من ذكرها الغاضــريّه گلـــبي أحس يايُمّه فز
دارت العـــــين الگـــمرها وبوجها الرّايه هز
يابو فاضل حاچته هاي عـودك رادته
يارباها الرّبته أُم البنين
*
الهالوكت يولادي أبوكُم رادكُم حــــــيدر علي
ومن حضر وكت المنيّه هيچ راد ووصّى الي
لاتقصــرون بنصــــرته أبو الأكـــــــبر ياهلي
وانتي لفراگ الأحــــبّه والغــــوالي اتحمّـــلي
هيچ وصّاني ورحل وآنه جيت بهالأمل
توكّلوا وبهالمحل أُم البنين
*
داروا أعلـــه أُم المحــنّه ورددوا هذا القَسم
وطـيبة ارباچ ومعزتچ كلــــنّه لحسينچ خَدم
گام كافل خــــدر أخيته ورفــرف بچفّه العلم
درع يُمّه انصـير دونه ونحرس حدود الخيم
يلّي مامثلچ مـــره إبه وزود ومفخره
كل عمرها صابره أُم البنين
***
الشّاعر
أبو سجّاد الجعفري
5 ذو الحجه 1439هـ

1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742

الرادود احمد الزوار

25 January 2021 22:42

مشاهدة "طريقة انشاء قناة تلجرام" على YouTube
https://youtu.be/F4EIdPNa0hU

الرادود احمد الزوار

25 January 2021 19:39

ام البنين عليها السلام

وصلو الخبر لبني الگمر گلوله امك ماتت
..............

من المدينه لكربله. وينه اليوصّل صوتي.
لراعي الوفه والمرجله گلوله گرّب موتي

گلوله ماتت بلكت يرد ليّه
عيوني انعمن وتگرّمن رجليّه
آخر حياتي خل يشوف شبيّه
معقوله ابني ما يحنّ عليّه

يحضر الي هيبة علي. گلوله امك ماتت
...............

ام البنين بحاجتك. اسرع يراعي الرايه
تلگيها ميته الربّتك. تنتظرك الوفّايه

تشيّع نعشها وتحضر تواسيها
تحفر گبرها بيدك تواريها
يابالفضل يالفگدك مأذّيها
انت الوفيت بكربله وافيها

من فرگتك ومصيبتك گلوله امك ماتت
................

معقوله ما يگدر يجي. عايفني ابچي وانحب
گلوله امك ترتجي. تقسم عليك بزينب

مشتاگه للعباس عيني تشوفه
بهيبة جماله برايته وبچفوفه
ام البنين لشوفته ملهوفه
ويّاه ارد لكربله وماعوفه

امّ وابن وردة وغصن. گلوله امك ماتت
.................

طبع الولد تالي العمر. بالوالده يوصّونه
بس آني ابني بالگبر. غاب ومتت من دونه

اتمنّه اشوفه وخل تغيب انفاسي
من گطعت الچفّين شيّب راسي
يحضرني اي والله يگول حساسي
ابني واعرفه من يحن عباسي

نعم الذخر ما يعتذر گلوله امك ماتت
...................

ياموت اجه هذا الوفي من كربله اتعنّالي
بشوفت حبيبي اكتفي. اخذ النفس مابالي

لكن اجاني مگطّات زنوده
خاطر يراويني وفاها عهوده
وعينه بسهم متصوّبه وممروده
ميّة هلا ببني الوفاني بزوده

گلبه انصدع لمن سمع گلوله امك ماتت

#سيد_زيد_الفحام
_____________________________

1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742

الرادود احمد الزوار

25 January 2021 15:48

مشاهدة "لحن ثكيلة //الرادود احمد الزوار ...كلمات حسن السعيدي" على YouTube
https://youtu.be/czsmoW444yw

الرادود احمد الزوار

25 January 2021 09:10

حته بيوم موتچ هم وفيّه
عدّيتـي الليالي الفاطمـيّه
صح كلمن ويومه وإنتي بالـذّات
چنّچ حاسـبه حسـاب الروايات
ـــــــــــــــــــــــــ
من طيـن الوفاء البـاري ســوّاچ
شما ترديـن يم الاربعـه انطاچ
آخر خدمه چانت عاشـت وياچ
تاريـخ الوفـاة الـ بي ذكــرناچ

بيوم الموت چنتي هواي ترفه
چان ابدعوه منچ موش صدفه
حسبتي حساب فاطم بالعزاءات
چنّـچ حاسـبه حسـاب الروايات
ـــــــــــــــــــــــــ
ودعواتچ مجابه والأمر جــاء
وچنّ بكل رواية عندچ إيحاء
ملك الموت إجاچ وعنده أنباء
إإذن لـي أموتـن وره الزهـراء

گلّچ معرفـــه وگلّــچ درايه
وچن عندچ علم بآخر روايه
بتلاثه جمادي إنختــمت آهـات
چنّـچ حاسـبه حسـاب الروايات
ـــــــــــــــــــــــــ
كلشي حســاب عندچ يم البنين
مــو بس الـ ولد فاطــم تِخِدمين
انطاچ الله اعله نيتچ هيچ تردين
إتموت ام الحســن يالله تموتين

كلّچ جـاه عالي وعالي صيتـچ
إخجلتي من ام لحسين بمنيتچ
بيچ إحــتار تقــويم الوفيّات
چنّچ حاسبه حساب الروايات
ـــــــــــــــــــــــــ
خلف أم الحســن ماصرتي گدّام
وره مــوت الزچـيه إبعشـرة أيام
بنت احزام صرتي الفاطمه حزام
إنتي ويه الخِـدامه عنـدچ أحلام

موش الجود بالنَفْسْ اقصى غايه
أقصى الجـود ترتيــب المنـايه
يا گــول و فعِــل مو بس شـعارات
چنّـچ حاسـبه حســاب الروايات
ـــــــــــــــــــــــــ
عمــرچ وشّل وخلّصــتي الاولاد
ليهسّــه ابوفائــچ نــدرس أبعاد
حساب العَرَب حاسب عمرچ الزاد
مو صــدفه ممــاتچ ألـف ميعاد

بيچ اوصـــاف تاخـذنه تردنه
إنتي اخت الزچيه وهذا حَدنه
بتاريــخ الوفــاة ألگه إعتبارات
چنّـچ حاسبه حســاب الروايات
ـــــــــــــــــــــــــ

مهدي التقي

1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742

الرادود احمد الزوار

30 October 2022 21:45

يا رب اقسم عليك بحق الحسين ع
يا رب اقسم عليك بصبر الحسين ع
يا رب اقسم عليك بعطش الحسين ع
يا رب اقسم عليك بنحر الحسين ع
يا سيد ومولاي شافي صديقي وخادم الحسين ع من مرض ( السرطان) 

ببركة الصلاة على محمد وال محمد
اخواني لا تقصرون بالدعاء اله بالشفاء هو هم خادم للحسين ع مثلكم
25 صلوات ♥
50 صلوات 🌹
100 صلوت🌺

الرادود احمد الزوار

28 October 2022 18:15

الشاعر الحسيني ظاهرالهليجي
نعي للزهراء

هنياله اليعيش و امه يمه
يقبل راسها آوجفها يشمه
تراها الوالده من الله رحمه
لو راحت تجيب الوالده امنين

اليفگد أمه حگه يعيش مجروح
يخلصه الليل كله مناشغ ونوح
بعد شله ابحياته أو شله بلروح
يظل حمله ثجيل وماله امعين

حطها بنص دليك يل بعدها وياك
باريها أبكثر ما بارت ارباك
اذكر طيبها وذاك التعب ذاك
الظحت كل عمره وذيج السنين

الدنيه أبلايه أم شنهي نفعها
مكدره أمنل الهموم أيظل طبعها
شحال السمعة أبكسرت ظلعها
والشافوا دماهه الحسن وحسين

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

25 October 2022 15:53

قصيدة في استشهاد الزهراء عليها السلام  ،،،
ـــــــــــــــــــــــــــــــــــــــــــــــــــــــــــ

هاي البتول الطاهرة المحشومة
عگبك  يطه أصبحت  مهضومة

ــــــــــــــــــــــــــــــــــــــــــــــــــــــــــــ


يوم الغبت أهل المناصب سارعوا

تحت السقيفة بلا تشاور نصبوا

خذلوا وصيك ولوصيتك انكروا

ما چن  وصيتك  معلنة ومعلومة

ـــــــــــــــــــــــــــــــــــــــــــــــــــــــــــ

هجموا على بيت التسكنه فاطمة

هجمة  نواصب  يا محمد  ظالمة

بيت الرسالة  بلاية  حق  اداهمة

قصة بحرگ دار الوصي محسومة

ـــــــــــــــــــــــــــــــــــــــــــــــــــــــــ

ما تدري  عصروا  فاطمة  ببابك دفع

يا المصطفى لأم الحسن كسروا ضلع

مر  حنظل  الموقف  أبد  ما  ينجرع

سودة  السمة  بغيم  الكدر  مركومة

ـــــــــــــــــــــــــــــــــــــــــــــــــــــــــــ


ما تدري  هاي   الأمة  جهراً  خانتك

ما  راعوا   لحيدر   قدر  وبنيتك

باب  الذي  تطرقهه  چنت  بدخلتك

يا وسفة  وبنار  الحقد  مضرومة

ـــــــــــــــــــــــــــــــــــــــــــــــــــــــــ

عرفوا  علي  اموصّى  وعليه استسبعوا

قسراً  أرادو  حاله  حال  البايعوا

هالامة  بالشر   والخيانة   اتشبعوا

وصمة  بجبين  الخانتك  مرسومة

ـــــــــــــــــــــــــــــــــــــــــــــــــــــــ

ظلت تعاني  من  الألم  والحسرة

ودمعة حزن فوگ الوجن مستعرة

تلحگ  ببوها  بكل لحظة  منتظرة

وتنادي  يا بويه  اصبحت  مظلومة

ــــــــــــــــــــــــــــــــــــــــــــــــــــــــــ


مظلومة  مهضومة  تغادر  فاطمة

والدنيا  صارت  من  عگبها  مظلمة

عيون  اليتامة  الفاركتهم  ساجمة

حسين وحسن وي زينب الملچومة

ــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي 


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

22 October 2022 20:04

يمه يالزهـر ابدمـع    خلصت ايامي
فگدچ وكسر الظلع    هيـــچ آلامـي
                     يمه يمه

**
روحــي ورده وذبلت كثر الهجــــر
مـن حنانــچ يمه اسگيـــني عمـــر
خيـــــم اعليــه الحزن مــن الزغـر
خاف يخلص يمه من عندي الصبر

چنت اشوفنچ وطن    يمه گدامي
فگــدچ وكسر الظلع    هيج آلامي
                    يمه يمه
    **

يالخذيتي اوياچ واهس ضحكتي
يمه بعــــــدچ مالي ذوق ابدنيتي
ابچــــي طـول اليل وتهل دمعتي
وعلى فگـــــدچ حيل زادت ونتي

يمه والله الشوفتچ    هالگب ضامي
فگدچ وكسـر الظلع    هيـــج آلامـي
                      يمه يمه
**

نار بابـــــچ تسـعر ابنص الگلـــب
يمه وغيـــــــابچ امر كلش صعب
صـرت مثل العايشه ابديرة غرب
لوذكرتچ دمعي دم عالخـد يصب

عيني من كثر الدمع    چن جرح دامي
فگــدچ وكسر الظلع    هيــــچ آلامــي
                       يمه يمه
**

يمه دارچ ضلمه من يوم الســفر
حايطــچ يا يمه وي گلبي انفطر
ليلي مانتمته وخلص بعدچ سهر
ونته ميته ونايمه ابحضـن الگبر

اويـاچ يـمه بالگـبر     دفنو احلامي
فگدچ وكسر الظلع     هيــج آلامـي
                      يمه يمه
**

     الخادم
كامل السعيدي

.

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

22 October 2022 19:58

لِفاطمه وأبيها
وبعلُها وبنيها
      الله خالقنه خدم…….

الله خالقــــنه خــــــــدم لترابهم
انجعلو انه احباب وحنه حبابهم
يمته نتــــعنه ونقبل اعتـــــابهم
ونخــــدم ونكنس ابعتبت بابهم
هذهِ آمالُنا نَحكيها…. 


الفاطمه احنه اعيونه انبچيهه
وهل مجالس نحضر ونحييهه
والله هل خدمه انتشرف بيهه
وبالدمــــاء وبالنفـس نشـريهه
ولها ارواحنُا نفديها.…..


شرف هاي الشـيعه ربك زادهه
بخدمة الزهره وعلي واولادهه
همه للدنـــيه العمد وســيادهه
وثورة حسين اصبحو قوادهه
ولهُم دمعاتُنا نبكيها..... 


هل مجالس نعمه من رب المله
جعل بيهه اعظم مكانه ومنزله
يوم فاطـــــم بالحزن نستقبله
وبالمجالس والدمـــوع السايله
نَنّصِبُ المأتَمَ كي نُرثيها..... 


يلي تلطم لم حسن ومصابهه
الجنه تفتحلك جميع ابوابهه
وحـق تربت فاطمه ومحرابه
اتفوز باجر بالجــنان احبابهه
ومِنَ الحوضِ غداً تسقيها…... 

✍كامل السعيدي


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
/channel/ahmed_alziwar


4- حساب الانستا 👇👇
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك👇
https://www.facebook.com/ahmedbasra1w3

الرادود احمد الزوار

02 February 2021 13:00

في ذكرى ميلاد السيدة الزهراء (ع)

يا زهراء .. بالفرحه نادينه
يا زهراء .. إسمج يروِّينه

&&&&&

شع نورج ابأفْق السمه هالليله
او طه الأرض من فرحته مَتْشِيله
هالكون جَيتج عدِّلت له الميله
او صارت حروفج مُصحفه او ترتيله

يا زهراء .. ابوجهج تضوِّينه
يا زهراء .. إسمج يروِّينه

&&&&&

ابميلادج أنثر فاطمه جَلْواتي
او منِّ الوَجِه أمسح صِرِت دمعاتي
أرفع إديه هالمِسه ابدعواتي
يا ربِّي لا تِبْعِدْني عن مولاتي

يا زهراء .. رحمه انتِيِ اعلينه
يا زهراء .. إسمج يروِّينه

&&&&&

إسمج إذا آنه أكْتِبَه بِجْفوفي
عطر الجِنان أشتمَّه بين احروفي
و ابكلبي لو يتكاثر أنظر خوفي
بس انتي ألكه اِطَّمِنين اجروفي

يا زهراء .. حُبِّج ينجِّينه
يا زهراء .. إسمج يروِّينه

&&&&&

يـ أم الحسن أهواج أظل للتالي
او حُبِّج يفاطم هُوَّه شاغل بالي
امقامج يزهره عالي عِدِّ العالي
و ايروح فدوه امحبِّتج كل غالي

يا زهراء .. خيرج يغطِّينه
يا زهراء .. إسمج يروِّينه

&&&&&

هاي السمه ويه الأرض مسروره
يوم الـ علينه وَجْهِج أشركـ نوره
مولاتي روحي الـ خدمتج منذوره
يالعِجْزَت اتوصِّف جمالج صوره

يا زهراء .. يا أحله نسرينه
يا زهراء .. إسمج يروِّينه

&&&&&

خادم الزهراء (ع) : إبراهيم الدريس
1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742

الرادود احمد الزوار

02 February 2021 12:51

ولادة مولاتي فاطمة الزهراء عليها السلام

خصمك الابتر. عندك الكوثر
افرح افرح يامحمد
افرح افرح يامحمد
==========
يامحمد افرح بهاي المسيه
الله نزّلك تره أعظم هديه
نازل وياها الاسم يعني الزجيه
اشكر الباري عله هاي العطيه
اشكر الباري. هالفرح ساري
افرح افرح يامحمد
افرح افرح يامحمد
===========
يامحمد خصك الباري ويكول
هاي ابنيتك اتسميها ياطه البتول
ياعظيمه وانت يااعظم رسول
بالزچيه والله محتاره العقول
فاطمه الرحمه. يانبيّ الامه
افرح افرح يامحمد
افرح افرح يامحمد
==========
افرح الليله الهديه اشكد جبيره
فاطمه الرحمه الإلهيه الاميره
بالفرح مغموره دنيانه ومنيره
فاطم الحره الشريفه كلها غيره
افرح الليله. والحزن زِيْلّه
افرح افرح يامحمد
افرح افرح يامحمد
==========
من صفات الزهره يالهادي زهيه
الله حاجزها لعلي حامي الحميه
واحد لواحد كفو وخير البريه
لولا حيدر ماكو كفوا للزجيه
انحجزت لحيدر والفرح يكبر
افرح افرح يامحمد
افرح افرح يامحمد
==========
ورد جبرائيل جايب والتهاني
فاطمه القل هو والسبع المثاني.
هي سر الباري واسرار المعاني
الك يتبارك بتحقيق الاماني
العالم بأسره. فرح بالزهره
افرح افرح يامحمد
افرح افرح يامحمد
==========
تمت ولله الحمد/ المقصر مع الحسين
✍ علي النائلي

الرادود احمد الزوار

31 January 2021 06:56

ذكرى ولادة السيده فاطمة الزهراء ع
🌹🌹🌹🌺🌺🌷🌷💐💐💐

الزهـــــره آيـــه ونزلت ابهيئة مــره
وضـــوت العالم ابمنضرهه العجيب
الشمس خجلت من بزق نور البتول
اوقبل لاتشرق ترد رأســـــــن تغيب



يهز مهدچ محمد ســــــيد الكون
وعلى نبرات صوته ابساع تغفين
ربچ حاط وي نورچ طعم خاص
ورده وعطرچ امحلي البســـاتين

✍كامل السعيدي

1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742

الرادود احمد الزوار

28 January 2021 20:34

حدي بس هاي
ولدي وارباي
افراكك اهواي
يكلشي بهالعمر
..................................................
بنيني صح غوالي
لجن انته اعله بالي
ويمك ماكو غالي.......انته روحي
فدوتك أربعتهم
وفدوتك حتى امهم
اعلمودك آنه احبهم.....انته روحي
يحسين ما صديت حتى اعليهم
بيا وكت أنساك وافكر بيهم
بالسالفه المو بيك ما حاجيهم
يدرون كل سوالفي بغاليهم

البأسمك وراح
فدوه لو طاح
المهم ترتاح
يكلشي بهالعمر
....................................................
أجه اودعني جعفر
اعوفك كتله اكدر
وبقيت ابجي اعله الاكبر...كل نحيبي
صحت عبدالله يبني
واثاري ما فهمني
اريد ابنك يشمني....كل نحيبي
وعثمان مدري شعنده يركض جاني
گال اسمعت اسمي ويريد احضاني
واتفاجئت ما جبت طاريه اني
ما يدري اسم عطشان صاح الساني

حلمي الاخيام
اويه الايتام
امشي للشام
يكلشي بهالعمر
...................................................
عشت بيدك محابس
احبك ما انافس
يضيع بحبي عابس....من أقيسه
ولا واحد فكدته
اذا كل كلبي انته
يأبني وآنه بنته.......من أقيسه
بعيوني الاتحبهن تره حلفتك
يوليدي لا تبطي عليه بجيتك
أركض جنت لمن تريد اعبيتك
آنه اول ام تحس نفسها ابنيتك

صعبه تمشون
أنسه أنه شلون
عشرة عيون
يكلشي بهالعمر
...................................................
أخذ عيني لدمعتك
واخذ من حيلي لاختك
شنو بيه بخدمتك......ياحبيبي
حرت وأيدي اعله خدي
بعد الكم شودي
اشوف شويه ولدي.....ياحبيبي
شنطيك يا ابو الأكبر ابقى مقصره
وكل عمري اضل مستحيه من الزهره
المثلي صعبه المثلك امن ايعذره
ولكربله تطلبني جيه وعثره

يبني حنيت
شعندي ضليت
وسافر البيت
يكلشي بهالعمر
...................................................
نشامه كل زلمنه
الشمر مو من اهلنه
اليحبك يكربلنه......الله شاهد
وحق دمعة بناتك
وحق تربة صلاتك
بعشيرتنه شغلاتك......الله شاهد
وامنين هذا الشمر ياهو اجداده
ماعدنه واحد ما يجل الساده
عدنه اليضحيلك وينطي أولاده
وعدنه اليطيح بوكت ضيج أسياده

انته الانفاس
وانته الاحساس
والك عباس
يكلشي بهالعمر

احمد ماجد الكلابي

1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742

الرادود احمد الزوار

28 January 2021 20:23

الشاعر الحسيني ظاهر حبيب الهليجي

الليله كلها بنايحه
والمدامع سافحه
الها تقره الفاتحه
فاطمه أم البنين
*
الليله أم عباس وافتها المنيه
انتقلت الربها ومدامعها جريه
من نعشها ينسمع ونها الوفيه
عله الضامي ونذبح بالغاضريه
الماتت بعبراتها
عل وجن دمعاتها
للسبط حسراتها
فاطمه أم البنين
*
عله أوداع الطاهره مخنوگه الانفاس
الطاهره الحره الابيه طيبت الساس
الما مثلها ينوجد مابين هل الناس
وبل النسه وين المثلها امخلفه عباس
شگد أليم امصابها
محد أمن احبابه
يهيل بيده اترابها
فاطمه أم البنين
*
حته الطير البسمه عاش المصيبه
ينوح الها جن محب فارگ حبيبه
الفاطمه أم البنين الكلها طيبه
الماتت بديرتها لاكنها غريبه
من بعد وليانها
والحزن صيوانها
والاسى عنوانها
فاطمه أم البنين
*
رحلت ام گلب الحنين اوبيها حسره
الجانت اتخلصه النهار بدمعه حمره
عله السحگت خيل أميه فوك صدره
وظل عله التربان عاري ويدمي نحره
ذكره عاشت بيها
اتذوب من طاريها
كربله اوماضيها
فاطمه أم البنين
*
الشاركت زينب حزنها بذاك المصاب
اتموت محد من ولدها أيهيل التراب
عينها ظلت تباري الدرب الاحباب
الفارگوها وما اجوا بديار الاجناب
الليله فاظت روحها
من سگمها ونوحها
لسه تدي جروحها
فاطمه أم البنين
1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742

الرادود احمد الزوار

25 January 2021 22:53

#كيف تستطيع عمل استفتاء او تصويت داخل قناة التلجرام👇👇👇👇👇👇

مشاهدة "طريقة عمل استفتاء في قناة التلجرام" على YouTube
https://youtu.be/VebapJ-b_GM

الرادود احمد الزوار

25 January 2021 19:43

ام البنين عليها السلام



شيخلصهه الايام يالمبعد عليه
هواي تمرني الاحلام واشبع منهه اذيه
ييمه ييمه
..................

يالغايب هواي اذتني دنياي
واني اعرفك انته ماترضه باذيتي
اي يمه يحسين صب مدمع العين
ريت من بعدك تشوفه شلونه بيتي
چن يبني مهجور اضلم بلا نور
وانتضر والدربك انضر ياتچيتي
شتحمل شلون ماضل عليّ لون
من رحت بس الحزن دايس ثنيتي

واكول الغالي الي يعود مايتركني وحدي
حبه بكلبي موجود ماضل غيره عندي
ييمه ييمه
..................

اه امن الفراك وكليبي مشتاك
بعد ماترجع يغالي وما اشوفك
لو بيدي وياك امشي ويه ممشاك
ولحضه ياسباح كلبي ما اعوفك
بيه الزمن دار وموحش بقه الدار
واسمك اعله الساني ويرتل حروفك
ماتدري هالناس هوه انته الانفاس
واني ادري بكربله تغير ضروفك

ملجومه انه ضليت يمه وكلبي عالم
صلاة الفركه صليت بلكي تردلي سالم
ييمه ييمه
..................

مامنك اخبار وما اعرف شصار
وارجع اتذكر سوالفنه سويه
مزروعه بالروح وتداوي الجروح
يبني كل كلمه اسمعتهه تعيش بيه
شكد اسهر اليل ماضل عليّ حيل
لون اعلم روحتك مامنهه جيه
ماخلك تروح يالماخذ الروح
لو اروح وياك لرض الغاضريه

روحي الروحك تهيم ما احمل غيابك
الحسره بگلبي وتقيم للموت المصابك
ييمه ييمه
...................

يالفاكد اخوان كالولي عطشان
واربع شبول اني وديت بخدمتك
جود الكمر وين مايروي الحسين
صحت ياعباس يايمه اعله بختك
وصيته انه هواي يبني يسكاي
تفدي روحك للحسين وزينب اختك
كون اسمع الناس يبني يعباس
لو حجو عالخوه يحجون بمحنتك

ياعباس يالزين هاك اسمع وصيتي
اذ شي صار لحسين يعني اني منيتي
ييمه ييمه
...................

مهضومه والنوح زيدلي الجروح
مانسيته يومك وعاش بدليلي
اه والف اه صحت انه والله
عالمنيه يالمنيه ماتجيلي
من كثر الهموم كل حيلي مهدوم
من خذاك الموت اخذ من عندي حيلي
يانور العيون اضلم صفه الكون
يمه من بعدك نهاري ايصير ليلي

ابقه بهاي الدموع مابعد المنيه
وكلبي ايضل تره يلوع وتلاكيني الزجيه
ييمه ييمه


محمد هادي العقابي
1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742

الرادود احمد الزوار

25 January 2021 19:30

ام البنين عليها السلام

حدّبت بمصابكم شيّبت بغيابكم
يا بنيني. يا بنيني
................

يالمشيتو وباقي بعيوني اثركم
ماكو رجعه گلبي ايّس من سفركم
رحتو عني وظلّت ابّالي صوركم
راسي شيّب من رجع ليّة خبركم

دم بچيت ابّابكم شيّبت بغيابكم
يا بنيني. يا بنيني
................

الوالده حگها عله ابنها تبچي وتنوح
يكتل فراگ البنين ويجرح الروح
شلون لو عالغبره سمعت عنه مذبوح
تبچي دم بمصيبته وتتنفّس جروح

سلني عطر ثيابكم. شيّبت بغيابكم
يا بنيني. يا بنيني
................

يا بنيني الاربعه الكم سلامي
عفيه ماقصّرتو وي تاجي وامامي
ارفعتو راسي فدوه نفّذتو كلامي
عليكم ابچي واكثر عله الطاح ضامي

اسوّه بيه صوابكم. شيّبت بغيابكم
يا بنيني. يا بنيني
................

من مصاب حسين يبقه مصابكم دون
صح جرحكم يچوي گلبي لكن يهون
حسين اعظم منكم ومن عندي تدرون
مصابه هد حيلي وفجعني وغيّر اللون

صاب گلبي الصابكم شيّبت بغيابكم
يا بنيني. يا بنيني
................

بمكم المفجوعه ماظل قوه لا حيل
اكثر عله حسين حگهه دمعتي تسيل
منهو منكم يابنيني داسته الخيل
وذر من جمسه الحوافر گامت تشيل

گاعده بعتابكم شيّبت بغيابكم
يا بنيني. يا بنيني
................

ثنعش طبره ابنحر ابوالسجاد طبروه
ويلي ريحانة مُحَمَّد ضامي ذبحوه
بالخيول الاعوجيّه شلون داسوه
برمح عالي گبال زينب راسه شالوه

تيتّمت احبابكم شيّبت بغيابكم
يا بنيني. يا بنيني
................

آنه امكم فاطمه المجروح گلبي
عگب ابواليمه اموت دعيت ربي
چني اسمع صوت يم عباس طلبي
صحت ريت حسين هذا اليوم قُربي

عارفه باسبابكم شيّبت بغيابكم
يا بنيني. يا بنيني
................

گبل لا تغمض عيوني لنّه يمي
حسين ابوالسجاد شفته وزال همي
گتله ياموت اخذ روحي صار حلمي
روح ابوالسجاد هاي تصيح بسمي

اندفن بترابكم شيّبت بغيابكم
يا بنيني. يا بنيني

#سيد_زيد_الفحام
_________________________________

1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742

الرادود احمد الزوار

25 January 2021 09:18

قصائد استشهاد أم البنين (ع)
نزله
♕♕♕♕♕♕♕♕♕♕♕♕♕♕♕♕♕♕♕♕
يم البنين والنعم وفيتي
لجل الحسين أربعه انطيتي
♕♕♕♕♕♕♕♕♕♕♕♕♕♕♕♕♕♕♕♕
الج راح اكتب قصيدة وحاير شأكتب تره
الشعر عن وصفج أنتي والله ماله مقدره
راح عن أفضالج احجي وخله يدري المادره
يامره توصلج انتي والله انتي اعظم مره
شلون اعوفج وانتي أم عباس سبع الكنطره

يم البنين عالعهد ضليتي
يم البنين والنعم وفيتي
♕♕♕♕♕♕♕♕♕♕♕♕♕♕♕♕♕♕♕♕
عنج شمااكتب انه والله يزداد الفخر
بحقج شأكتب تراني والله يخلص هالعمر
وتخلص أوراق القصايد وتخلص أقلام الشعر
ولدج انتي يالابيه درس انطوا للبشر
واول ادروس الاخوه أداها عباس الكمر

يم البنين أربعه نذريتي
يم البنين والنعم وفيتي
♕♕♕♕♕♕♕♕♕♕♕♕♕♕♕♕♕♕♕♕
انتي بالتاريخ والله نلتي أعظم منزله
وبيج نتباها يحره والله كدام المله
أبيت حيدر عشتي انتي حفضيتي حسين وهله
عبدالله وجعفر وعون يمه كلكم فدوه أله
وانته ياعباس أريد تموت لجله بكربله

يم البنين بحسين هالوصيتي
يم البنين والنعم وفيتي
♕♕♕♕♕♕♕♕♕♕♕♕♕♕♕♕♕♕♕♕
وگفتچ وكفت بطولـــــه انتي يم الأربعه
بخدمتك يحسين كلتي بولدي الك متبرعه
أولادي باجر بالحرب كلمن يلاكي مصرعـــه
عباس وصيتــــه يموت والله يم المشرعه
يحسين وبعينك تشوفه اجفوفه والله مكطعه

يم البنين والنعم ماربيتي
يم البنين والنعم وفيتي
♕♕♕♕♕♕♕♕♕♕♕♕♕♕♕♕♕♕♕♕
عاجز بوصفچ يحـــره يضل دوم ألساني
بالعشك حيدر الأول وانتي عشكي الثاني
امرج انتي ادري بيه والله أمـــــر رباني
بالشده ياهالناس والله دوم اطيحن انــي
واسمع أم عباس والله تكول بس انخاني

يم البنين لدعوتي قبليتي
يم البنين والنعم وفيتي
♕♕♕♕♕♕♕♕♕♕♕♕♕♕♕♕♕♕♕♕
الشاعر عماد محمد الدراجي
الثلاثاء 2019/2/12

1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742

الرادود احمد الزوار

25 January 2021 09:09

بدويه واسمي فاطمه… ولحســـين اظــلآ خَادمـــــه


أنــــه وبنــيـنـــــي … فـــــدوه لحسينـــــي

ولحســـين اظـــلآ خـــادمـــــــه

★★★★★★★★★


أنــــه الــذي الحــــيدر عــقــيل اختارهـا

وانـــه الــذي ورثتنــي فاطــــم دارهــــا

بــــــيه ر دت يــغفــــه جَــــرح بسمارهـا

وخيمــه تظـــــل أم الحَســــــن لزغــارهـا


بس الله راد ابهل أمر… ياخذها وبهذا العمر


عمري وسنيني ….. فدوه لحسيني



ولحسين اظلآ خادمه

★★★★★★★★★


حـــيدر خطبنـــــي وچنت حيل ازغــيرة

وصَليت وحســــين الطــلـــــــع باالخيرة

سولفـت عشگــــي ابـــين كــــل الديـــرة

وصحت احـــــب حســـــــين لا موغـيرة


كل هذا عشگي الأزَلي…. من قَبل ما أخـــذ علي


كل نظر عيني… فدوه لَحسيني


ولحسين اظلآ خادمه

★★★★★★★★★


ألف الحَمدلَـله وشكـــر عاالنعمه

اكبر شرف باالدنيا هـاي الخدمه

أني وبنيني انروح فدوه الأسمه

خادمتك أنـــه اقبلني يابو اليمه



أمك مشت للمگبرة…. وانـــه اجيت امحيرة


دمعي وأنيني…. فدوه لحسيني


ولحسين اظلآ خادمه

★★★★★★★★★


أم البنين انـــــي وصرتلــــي الوالي

عد اهلي چْنت وأنته شاغـل بـــالي

ماچْنت اعرفك گبل مـــدري اشمالي

يحسين غالي وألــك فــدوه الغالي



باچر اجيبلك گمـــر …. ويثوب الزينب نَــهَـــــر

ويگلها چَفيني….. فدوه لحسيني


ولحسين اظلآ خادمه

                             ★★★★★★★★★


قصة عشگ ويــــاك يحسين أبــــدي

وماتنتهي حَـــد مايجــيـــنه المهـدي

يحسين كونك باقي وحدك عــندي

ايروحولك فدوه هَلــي وكل ولـــدي


مجنونه بيك وهايمـه…. وخدمتك رَحمه من السمه


اكتاب ابيميني ….. فدوه لحسيني


ولحسين اظلآ خادمه

★★★★★★★★★


يحســــين يارحيانــــه من الهادي

الله ابخدمتك ححقالـــــي امرادي

باچــــــر أزف اعله المنايه أولادي

بس كون تقبَل عني فَــاطم غادي


ذوله الأبوهم باالنَجَف… يتگطعون اعله الشَرف


والمايجيني….. ….. فدوه لحسيني


ولحسين اظلآ خادمه

★★★★★★★★★


بيت المشت عنه ام حسن ظل هيمه

وعــــــيون زينب تبچي مثل الغيمه

انـتـــــي تــره من اليوم موش ايتيمه

أم البنــين انــــه وصــــرتلــچ خيمه


أم البنين اكبر وطن…. الكم صرت يخت الحسن


شوگي وحَنيني….. فدوه لحسيني


ولحسين اظلآ خادمه

★★★★★★★★★






ـــــــــــــــــــــــــــــــــــــــــــــــــــــــ

ماجد حبيب الخيگاني

ونسألكم الدعاء

1.رابط قناة التلجرام
/channel/ahmed_alziwar
2.رابط قناة اليوتيوت
https://www.youtube.com/channel/UC5lXqSGtfVucDzp7yDU2Pgg
3.رابط بيج الفيس بوك
https://www.facebook.com/ahmedbasra1w3/
4.للتواصل خاص تلجرام
@ahmed_alziwar0
واتساب
07732320742