19252
انتباه .. حسين الي يعليك مو مجهودك انتباه .. الخدمة توفيقات مو بزنودك حسين اليوفق تره .. لا شعر لا كامره
يا بوية ناديت // الرادود احمد لفته الزوار
https://youtu.be/gEqMZLg728o?si=gnfvo_1fMcD7pInc
نزله للقاسم… .
ياويلهم گـــــوم الرجس ياويلهم
زلزال طب شبل الحسن ياويلهم
*
دگت اطبول العســــاكر ونفـخ بوق الحرب
طبهم العريس جاسـم ومتلو خوف ورعب
حاصر الجيش أبساله وسد عليهم كل درب
انهار گدامه ورگد كل حيلهم
*
كســر قمده وركض غاضب ونثنت گــــدامه
دخنت حرحارت ايـــده مــن لزم صمصــامه
الگاع ترجف حدره ضلت خوفن امن اجدامه
فرو اگباله وبقت بس خيلهم
الگوم تتــــرادم جعلهه وتيهت مشــــــرادهه
وحـــــده گام ايحوش بيهه ولجهــنم گادهه
ضلمه سوه الطف عليهه وگص رگب قوادهه
مايعرفون الصبح من ليلهم
*
الجيش صار ابعينه افعه من حمل گص راسهه
شتت اصفوف العســـاكر والشـــوارب داســـهه
جــــنه عزرائيل مــن طب خمـــدلهه انفاســهه
وبحسامه اعله الاجل يوميلهم
**
نار شب الغاضــريه والحطب عـــــدوانه
ابزوده تشهد كـــربلاء وثبتت عنــــــوانه
تشبه الكرار حيـــــدر وگفته ابميــــــدانه
عن بطولت جده ضل يحجيلهم
****
الخــادم
كامل السعيدي
مو للعـرس اشعل شمع
صينـيتك انترست دمع
يبني يجسام
°°°°°°°°°°°°°°°°°°°
للموت صارت زفتك وشعل شمع بمصابك
نيران گلبي اموجره شيطفي جمر اغيابك
ينطــــيك گلبك تبتعد وتعوف كل احبابك
عمك رجع محني الظهر للخيمه لمن جابك
ماادري عرسـك نايحه
وبيض الهنادي ملوحه
يبني يجسام
°°°°°°°°°°°°°°°°°°°°
هدمت حيلي بروحتك يبني وتغير حالي
وبعيـني ضلمت دينـتي لمن غبت يهلالي
ممرود گلبي مـن الالم كلش عزيز وغالي
مـو مال ازتك للحــــد ردتك تضل اگبالي
بغيــــــــــابك اليله بشهر
كفت اعيوني امن السهر
يبني يجسام
°°°°°°°°°°°°°°°°°°°°°°
قدمت اعظم تضحيه من دافعت عن عمك
ولمن اجاك المصرعك خضب لحيته ابدمك
ضل لازم اصفاحه ويون صب المدامع يمك
مـن الطعن سالم ابد ماضل مكان ابجسمك
بعدك شسوي بالعمر
لويمي طولك مايمر
يبني يجسام
°°°°°°°°°°°°°°°°°°°°°°
جانت تسرني شوفتك وتباها بيك هوايه
تذكرني بيام الحســـن لوشلت بيدك رايه
يم الفرات استشهدت بس ماضگت من مايه
ياحيرتي الما تنوصف من عندي راحت ثايه
بالدنيه من بعدك شلي
همـــــك ابد ما ينجلي
يبني يجسام
°°°°°°°°°°°°°°°°°°°°°°
كل حلم وياك انتهى اســـباب فگدك توحـي
مجروحه ونتظرك ترد بيدك تضمد اجروحي
جســام ياريع العمــر مايهــده بعــدك نوحي
وياك ياريت اندفن يالعنــدي اعز من روحي
يالكاشخ ابثوب العشگ
ماچنـت احسب نفترگ
يبني يجسام
°°°°°°°°°°°°°°°°°°°°°°
✍الخادم
كامل السعيدي
نزلة
للطفل الرضيع ع
أستعدي للمصاب~~~~هلله هلله يالرباب
مات عبدالله الرضيع/مات عبدالله الرضيع
__________________________
شاله أبوه حسين بيده
وناده ماي الأبني أريده
وحرمله صابه بوريده
وللحياه بعد أشيعيده
رمش عين حسين شاب/هلله هلله يالرباب
مات عبدالله الرضيع/مات عبدالله الرضيع
_____
بكربله أول مصيبه
سهم عبد الله يصيبه
زاد أبو اليمه نحيبه
وصارت الدنيه كئيبه
شلون يحمل هالغياب/هلله هلله يالرباب
مات عبدالله الرضيع/مات عبدالله الرضيع
_____
شافته سكنه ورقيه
ودمعه من عدهن جريه
وأصرخن سوده عليه
ريت سهم البين أليه
وتسلم أنته من الصواب/هلله هلله يالرباب
مات عبدالله الرضيع/مات عبدالله الرضيع
_____
يعينها الله شلون أمه
شاهدت من نحره دمه
منذبح بيد أبو اليمه
صاحت بلهفه ييمه
يمُه ماأحمل عذاب/هلله هلله يالرباب
مات عبدالله الرضيع/مات عبدالله الرضيع
_____
چم مصيبه آلي سبنها
للرباب أو عذبنها
شحالها من غاب أبنها
ظل يدُر إعليه لبنها
بهذا ماحاسبه حساب/هلله هلله يالرباب
مات عبدالله الرضيع/مات عبدالله الرضيع
_____
طفل ست أشهور عمره
وگلبه من العطش جمره
هل ضمّه للسانه فطره
وأنگطع عبد الله نحره
گلبه من العطش ذاب/هلله هلله يالرباب
مات عبدالله الرضيع/مات عبدالله الرضيع
_____
بيا ذنب عبد الله ذبحوا
وأعله راسه الرمح رفعوا
گبال أمه وأهله شالوا
جسمه هم ياناس سحگوا
وأندفن تحت التراب/هلله هلله يالرباب
مات عبدالله الرضيع/مات عبدالله الرضيع
_________________________
الشاعر (أسعد قاسم الكريعاوي)
مقدمة/ ابا الفضل العباس عليه السلام 2024
جيت ازورك يا گمر. وشعر بظهري انكسر
نعادت بعيني المصيبه. من طحت يم النهر
٠٠٠٠٠٠٠٠٠٠٠٠٠٠٠٠٠٠٠٠٠
جيت ازورك يابوفاضل. عمي يا سبع الطفوف
آنه بوصالح المهدي عالگبر انحب وطوف
ما برد دمك وهذا. اثر من دم الچفوف
وهذا ماي النهر يجري. وصوره بي منك اشوف
عالمُهُر شايل علم. وراجع لصوب الخيم
وزينب بخيمتها جانت. تنتظر منك خبر
٠٠٠٠٠٠٠٠٠٠٠٠٠٠٠٠٠٠٠٠٠٠٠
هنا طحت يا عمي ضامي. وهيه هاي المشرعه
بالعَـمَـــد راسك تصوّب والچفوف امگطعه
من اجاك حسين جدي. شگد بچه عليك ونعه
چفوف ما عندك تحضنه. ما گدرت اتودّعه
التكتل گبال العدو يصعب فراگ الاخو
جدي گام نكسر ظهره. والألم زاد وكثر
٠٠٠٠٠٠٠٠٠٠٠٠٠٠٠٠٠٠٠٠٠
ارد اسألك يابوفاضل. عمي ونطيني الجواب
ياهو اكثر جرح گلبك وانت طايح عالتراب
جروحك الينزف دماها. لو عتب ام الحجاب
زينب الظلت تنطرك. بالخيم تشكي بعتاب
ياهو اشد كطع الوريد. لو كسر ظهر العضيد
شگال گلبك يابوفاضل. راح اموت امن القهر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جاوب المهدي بوفاضل. سيدي يبن النبي
اصعب جروحي واشدهن. عالگمر جرح السبي
زينب اختي يابوصالح. يحدي بيها الأجنبي
اشد من جروح ادية. من شتمها الناصبي
الچانت بعزّ الخدر. تالي يسببها الشمر
نظرة الشامت عليها. اشد من گطع النحر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يابوصالح والمصيبه الأشد من كطع الوريد
مچتفه زينب شفتها. تدخل لمجلس يزيد
يسأل عليها اسمعه. بيها يتشمّت يريد
شكد تمنّيت آنه عايش عندي سيف وعندي ايد
چنت احز راسه النذل. وذبح الحط الحبل
وآخذ بثار العقيله. إلّا راويهم سقر
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جيت اشكرك يابوفاضل. انت وفيت العهد
ثار زينب عمتي يمي. وهذا من عندي وعد
إلا اسبي اللي سبوها. اطمئـن وكثـر بعـد
اقتل ابن زياد بيدي وسحك بخيلي الجسد
وقتل ايزيد بعدد. جروح ابواليمه واشد
آل اميه والتبعهم ما يظل منهم اثر
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/+QYhwKs0Xy1h303S6
نزلة / مسلم بن عقيل عليه السلام. 2024
مسلم هذا وهاي اخباره
٠٠٠٠٠٠٠٠٠٠٠
حي مسلم لو ردت تشوفه
أطّـهّــر ودخل للكوفه
بعينك راح تصد معروفه
من گبته اتشاهد انواره
٠٠٠٠٠٠٠٠٠٠٠
ما مات الضحّه بدم راسه
عايش يبقه بفكره وناسه
ومسلم ثبّت بالدم ساسه
شتكول البحسين اختاره
٠٠٠٠٠٠٠٠٠٠٠٠٠
عن مسلم رايد برهاني؟
لا تسأل وجه السفياني
أسأل طوعه وأسأل هاني
يحجولك عن دينه وثاره
٠٠٠٠٠٠٠٠٠٠٠
ما طخ لبن زياد وحكمه
من اجل الاسلام واسمه
مسلم ضحّه بنحره ودمه
وذل جيش الكوفه ابّتّاره
٠٠٠٠٠٠٠٠٠٠
ما عاف حسين ولا باعه
باخطر موقف مسلم طاعه
هز عرش الظالم وتباعه
فرسان بمسلم محتاره
٠٠٠٠٠٠٠٠٠٠٠٠
ذَكّر خصمه بفارس خيبر
ظل يحصد برگاب العسكر
يم مسلم يكرب من يگدر
يكطع راسه ويهدم داره
٠٠٠٠٠٠٠٠٠٠٠٠٠
ما يوكع لوما يغدرونه
مسلم مچتوف يهابونه
من قصر الظالم يرمونه
ما مات تخلّد بفكاره
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/ahmed_alziwar
مقدمة/ مسلم بن عقيل عليه السلام 2024
من عفتني./ عذّبتني/ بويه يا مسلم زغيره وشيّبتني
٠٠٠٠٠٠٠٠٠٠٠٠٠٠٠٠٠٠
يابويه بجروح الگلب. ظليت اتاني عله الدرب
موتدري عالطفله التحن. فكد الابو كلش صعب
أسـأل عليك بدمعتي. گالولي بديار الغرب
يا مسلم وحيلي انهدم. ودمع الحزن من دم يصب
بانتظارك / ظلمه دارك/ يمته ترجع عالهجر ما عوّدتني
٠٠٠٠٠٠٠٠٠٠٠٠٠٠٠٠٠
ذبلن عيوني امن السهر. وماردلي من عندك خبر
لشوكت احسب وننتظر يابويه مو طال السفر
ذبلت حميده امن الحزن. مو كافي موتني القهر
ذابن جفوني امن البچي. ومابيّن لشخصك اثر
حن علية/ ردّ الية / بويه ما تدري بغيابك موّتني
٠٠٠٠٠٠٠٠٠٠٠٠٠٠٠٠٠٠٠٠٠
حنّيت بويه لشوفتك. مو كافي طالت غيبتك
خنگتني ايام الهجر. يابويه ارحم طفلتك
مسلم يبويه تأخرت. والكوفه بس لا غدرتك
يلچمني گلبي امن الألم. حسّيت بويه بوحدتك
ماكو راحه / بس مناحه / حايره ومهمومه ياريتك شفتني
٠٠٠٠٠٠٠٠٠٠٠٠٠٠٠٠٠٠٠٠٠٠
وي عمي سرت بقافله. يابويه رحنه لكربله
لن طارش بنص الدرب. امن الكوفه جاي براحله
وحسين عمي ستوقفه. يابويه عنك يسئَلَه
عاينت نزلن عالوجه. دموع المصيبه الهامله
شفته يبچي / ودمعه يحچي / عمي يابويه وعرفتك يتّمتني
٠٠٠٠٠٠٠٠٠٠٠٠٠٠٠٠٠٠٠٠٠٠٠
ناداني عمي وليه رحت. يابويه وبحجره اگعدت
يمسح على راسي وبچه. يعني انت مقتول اعرفت
سالت دمعتي عله الوجه. يابويه يا مسلم صحت
آنه بمكانة والــدج. من گلي عمي اتصبّرت
بس حنيني / شد ونيني / بويه يا مسلم تمنّيتك خذتني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گالولي من أعلى القصر. ذبّوك اصحاب الغدر
وفيت بويه وما خنت لحسين ضحّيت العمر
لمن وصل لينه الخبر. ناح وبچه عليك شكثر
يا والدي واسمك خلد. وعند الله مضمون الأجر
سهّرتني / وفجعتني / للحزن والدمعه بعدك سلّمتني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/ahmed_alziwar
يوم العاشر / لسان حال مولاتي زينب عليها السلام 2024
زينب يوم عاشر فگدت ابن امها
بين خيول امية وحارت بهمها
٠٠٠٠٠٠٠٠٠٠٠٠٠٠٠٠٠٠
زينب يوم عاشر صعدت عله التل
من شافت الكون اتغيّر ومختل
تدور عن اخوها وحايره شتسئل
ما ظل بس عليل امن الأهل يمها
٠٠٠٠٠٠٠٠٠٠٠٠٠٠٠٠٠٠
صاحت من على التل والدمع يجري
متت يحسين لو بعدك عدل مدري
اذا حي خويه ردلي تحيّرت بامري
ورقية عليك تبچي لا تيتّمها
٠٠٠٠٠٠٠٠٠٠٠٠٠٠٠٠٠٠٠
اذا حي ارفع ايدك خل اشاهدها
الحرم غيرك بعد بالخيمه ما عدها
بس ابنك عليل وروحي ماردها
المرض كلما يلچمه لروحي يلچمها
٠٠٠٠٠٠٠٠٠٠٠٠٠٠٠٠٠٠٠
وهي بهالحال لن تسمع صهيل الخيل
اجه الميمون ليهه ينادي بالياويل
ودم حسين من ظهر الجواد يسيل
لخوها حسين تمشي وياه يحشّمها
٠٠٠٠٠٠٠٠٠٠٠٠٠٠٠٠٠٠
لزمت زينب اعنانه بگلب محزون
وين حسين اخويه تنشده يالميمون
شلون تعوف اخويه بلا حمايه شلون
بچه الميمون ما يكدر يكلّمها
٠٠٠٠٠٠٠٠٠٠٠٠٠٠٠٠٠
عرفت من صهيله موسّد التربان
مثخن بالجروح وحاطته العدوان
اظن سمعت وحك جدي النبي عطشان
شاطت من قهرها وحترگ دمها
٠٠٠٠٠٠٠٠٠٠٠٠٠٠٠٠٠
وهي بهالحال لن شافت رمح مرفوع
وراس حسين اخوها تشاهده مگطوع
لطمت راسها بحرگه وألم ودموع
منظر راس اخوها هواي ألّمها
٠٠٠٠٠٠٠٠٠٠٠٠٠٠٠٠
هجمت عالخيم خيل وزلم صوبين
لا عباس يمها ولا اخوها حسين
المن تتّجه محتاره تطلع وين
مابين اليسبهه وبين ظالمها
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أبوذيات :
نعشي الـ حضرةِ المحبوب .. شَيعه
او خبر عيد الغدير اليوم .. شِيعه
تظل أعضاي للكرار .. شِيعه
او لحد تابوتي روحي حيدريه
&&&&&
الكِل البَشَر صاير .. علي دار
اولِسانه بالحِكَم دايِم .. علي دار
يِدور الحق إذا حيدر .. علي دار
والباطِل شِرَد من شاف ضَيَّه
&&&&&
يحيدر ما أحَد غيرك .. وِلي لي
أوذكرَك زادي ابصُبحي .. وَليلي
ضياك ابكِل كتِر يضْوي .. اويلالي
وانته يا علي روحي اللِّي بِيَّه
&&&&&
إبراهيم الدريس
رئيسية هلالية 2024
المن تهل يا شهر مو كافي ضيم وقهر
گلبي انمرد ونكسر. لسه الجرح ما طاب
٠٠٠٠٠٠٠٠٠٠٠٠٠٠٠٠٠
هلالك فجعني وصحت. لا يا شهر عاشور
المن تهل لا تهل. تجرحني ما معذور
بعده الجرح ما شفه. بعده الگلب مكسور
بيك افكدت جم اخو. عالغبره ظل منحور
ارجع يشهر الدمع. بعيوني لا تنطبع
ما بية حيل انفجع. گلبي بمصابك ذاب
٠٠٠٠٠٠٠٠٠٠٠٠٠٠٠٠٠٠٠٠٠
هونك يشهر الحزن. لسّه الألم بالروح
من شفتك تذكّرت أعظم وشدّ جروح
حسين الحبيب انذبح كدامي ظل مذبوح
وشگد بچيت ونحت. گلي شيفيد النوح
راسه عله راس الرمح عن بالي ما ينمسح
كلسا جرح ينفتح. خضّب لحيته خضاب
٠٠٠٠٠٠٠٠٠٠٠٠٠٠٠٠٠٠٠٠٠
التنظر اخوها انذبح. شكثر بعد من هاي
وگبل الذبح سمعته. ضامي ويريد الماي
معذوره لمن تون معذوره تبچي هواي
لا يا محرم بعـد. المن تهل بسماي
جسمه التگطّع وذر. بخيل آل اميه انتثر
دامي الگلب والنحر ما مندفن بتراب
٠٠٠٠٠٠٠٠٠٠٠٠٠٠٠٠٠٠٠٠
من باوعت للسمه. شفتك جرح يهلال
شفت الجره بكربله. موت وسبي بحبال
وتذكّرت من وگع. عالمشرعه الخيّال
حركوا خيم فاطمه. من غدروا الكفّال
كطعوا چفوف الگمر. بين الخيم والنهر
حامي الظعينه انغدر سلبونه ناس اجناب
٠٠٠٠٠٠٠٠٠٠٠٠٠٠٠٠٠٠٠٠٠
عكب اخوتي عالخيم. من هجمت الاشرار
حركوا خيمنه وصحت. وينه اليطفي النار
وحسين اخوي انذبح. وكل اخوتي الاطهار
فـرت يتـامه وحـرم. صار الشمل طشّار
اذكــر بعــــــد يا ألم. حركوا علينه الخيم
حتى الطفل ما سلم. بحافر خيول انصاب
٠٠٠٠٠٠٠٠٠٠٠٠٠٠٠٠٠٠٠٠
أعظم وشد كل جرح. جرح السبي للشام
زينب أنه وعالهزل مسبية للظلّام
لا يا محرم صحت. لتهيّج الآلام
لديوان امية دخلت. من دارت الايام
يبچـن بنـات النبي. ويتشمّت الناصبي
ما ظل خدر بس عبي وگّفنه يم الباب
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
♥حساب (التيك توك )للرادود احمد الزوار
user9812634682531?_t=8nF4lU0jTne&_r=1" rel="nofollow">https://www.tiktok.com/@user9812634682531?_t=8nF4lU0jTne&_r=1
للخدمة 2024
اسولف عن ولائي. لبواليمّه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠٠
أنه العايش ابحبّه وروحي تهواه
عشت من زغري خادم وفخر وياه
حبيبي حسين هذا شلون أنساه
اذا مثل النبض بعروگي الگاه
امتزج حبه بدمائي. لبواليمه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠٠
اجي لهاي المجالس وخدم حسين
اواسيه باللطم وبدمعة العين
ابد ميهمني حچي العنده وجهين
المهم عندي رضات الضحّه للدين
أكررها بندائي. لبواليمه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠٠٠
الغايه أمن الشعائر نلتزم كون
بطريق حسين نمشي يالتحبّون
نعوف ذنوبنه ونتعلّم شلون
بفعلنه نحب مثل حب عابس وجون
عبد يقبل رجائي. لبواليمه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠٠
محرم مو محرم نفس الاحساس
أظل خادم لبوالسجاد يا ناس
لأن كلمن يخدمه بجون ينقاس
يضل خالد مقامه ويرفع الراس
يوافيني بجزائي. لبواليمه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠
حياتي وروحي فدوه تروح لسمه
اظلّ لآخـر انفـاسـي اخدمه
اذا ضكني الوكت اتعنّه يمه
يزيل همومي لو عطره اشمّه
حسيني كربلائي. لبواليمه انتمائي
حُسينا وا حُسيناه. حُسينا وا حُسيناه
٠٠٠٠٠٠٠٠٠٠٠٠٠٠٠٠٠٠
اذا يقبلني خادم مُنيتي هاي
ابو الأكبر حبيبي وعايش وياي
علية بخدمته متفضّل اهواي
أنه العاشك ضريحه رايح وجاي
الى المهدي دعائي. لبواليمه انتمائي
حُسينا وا حُسيناه. حُسينا وا حُسيناه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
♥حساب (التيك توك )للرادود احمد الزوار
user9812634682531?_t=8nF4lU0jTne&_r=1" rel="nofollow">https://www.tiktok.com/@user9812634682531?_t=8nF4lU0jTne&_r=1
رئيسية للعليلة عليها السلام 2024
يحادي النوگ تانيني
اروح وياك خلّيني
تسافر وين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠
عليله وگلبي ما يحمل ألم فرگاك
خذت كل اهلي وخواني وخواتي وياك
عجب تتركني بجروحي وعذاب اجفاك
أخذني وحتّى لو اقبل اموت هناك
اموت ولا اضل وحدي
يبويه وغيرك اشعندي
ينور العين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠٠٠
عجب تكدر تفارگني ينبض الروح
مشيت وماگلت طفله تون وتنوح
ولو بس گلي حاچيني لوين تروح
اذا للطف يبويه ارجع قتل وجروح
اخاف عليك من دهري
يغدرك يا شمس عمري
مسيرك وين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠٠
عفتني بدارك الظلمه وحزن بلواي
عليله ولافكر عندي ولا ظل راي
شبگت هدومك الحلوه وبچيت هواي
وحيده بلا أهل طفله. شتگول بهاي
چنت انت التواسيني
بغيابك من يباريني
خذاك البين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠
بقيت اتنطّر بدربك ترد للبيت
عزيزة گلبك وروحك ألك حنّيت
كمت صبح ومسه ادعي وكتب ودّيت
ولا مرسال رد منك ولا ردّيت
دعيت وگلبي يلچمني
تعــــــــال ولا تيتّمني
يتاج الدين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠٠
طبع عدوانك اعرفهم تره يغدرون
تبايع آل اميه بلا شرط يردون
وعرفك بويه ما تخضع لِبِن ملعون
تموت عله الكرامة ولا تذل يدرون
اعرفك وارث المرسل
ابــد بالـذلّه ما تقبــل
اعرفك زين
يبويه حسين
اروح وياك خلّيني
٠٠٠٠٠٠٠٠٠٠٠٠٠٠٠٠٠٠٠٠٠
بحلم شفتك يبواليمه نحر مگطوع
وشفت راسك يوالينه برمح مرفوع
اكعدت لن اسمع الناعي يون مفجوع
ابن حذلم ينادينه ويصب دموع
يصيح ويسچب العبره
ابواليمه انگطع نحره
بلايه امعين
يبويه حسين
اروح وياك خلّيني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
♥حساب (التيك توك )للرادود احمد الزوار
user9812634682531?_t=8nF4lU0jTne&_r=1" rel="nofollow">https://www.tiktok.com/@user9812634682531?_t=8nF4lU0jTne&_r=1
نزلة / فاطمة العليلة عليها السلام 2024
راح ابقه منتظره.
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠
مو من مرض حيلي انهدم من علّة غيابك
عيني عله دربك شابحة ومافارگت بابك
كل ما احنّ لشوفتك اتسلّه بثيابك
يابويه ظلمه بلا ضوه يقهرني محرابك
ما تنشف العبره
يا مهجة الزهره
٠٠٠٠٠٠٠٠٠٠٠٠٠٠٠٠٠٠
عايف عليله بلا ابو تنتظرك بدارك
ليل ونهار ابچي واون وتنشّد اخبارك
دزلي العذر لوما تجي وتقبّل اعذارك
لتخلّي گلبي محترگ من هجرك ونارك
ما تنطفي الجمره
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠٠
يابويه يحسين العمر ما يسوه من دونك
مشتاگه بويه لشوفتك ولشوفة عيونك
اقرالك آيات الحفظ عن لا يغدرونك
مو زينه آنه بغيبتك جاوبني عن لونك
حسره بأثر حسره
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠٠
مو كتلي اوديلج علي لو عمي ابوالغيره
لا عمي اجاني ولا علي حيره بأثر حيره
المن اروح واتّجه اتعنّه يا ديره
طفله وعليله عالسفر ما اكدر زغيره
مو طالت السفره
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠٠
يا طفله مثلي اتعذّبت فارگها والدها
ما عندي بس ام الكمر كلما تجي انشدها
تواسيني لكن هي هم جمرة حزن عدها
من كد بواچيها شفت دم يجري من خدها
مهضومه منكسره
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠٠
ابچي وسمعت الناعي اجه لن بِشِر ابن حذلم
يا أهل يثرب صرخته وبدموعه يتألّم
ذبحوا حُسين بكربله خل ننصب المأتم
يابويه ناديت وطحت حيلي البقه اتهدم
ومصابك شكبره
يا مهجة الزهره
٠٠٠٠٠٠٠٠٠٠٠٠٠٠٠٠٠٠٠٠
هذا الخفت منه حصل ضامي انسفك دمك
گالولي راسك عالرمح وعله الرمل جسمك
اتمنّه اروح لكربله وكضي العمر يمك
طفله وعفتني بلا أبو وتيتّمت بسمك
كلبي ونفذ صبره
يا مهجة الزهره
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
♥حساب (التيك توك )للرادود احمد الزوار
user9812634682531?_t=8nF4lU0jTne&_r=1" rel="nofollow">https://www.tiktok.com/@user9812634682531?_t=8nF4lU0jTne&_r=1
نزله للامام الحسين ع
زلــــزال .. زلـزلها ابـن حيـدر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من صعد فوگ المهر .. ناده يا اهل الغدر
حسين ابد ما ينكسر ..وتحزم
من لزم سيفه ونشد .. يعلم الله شگد حصد
شنحسب وتاه العدد ..ما نعلم
عنده ثارات وحمل .. بكربله سوه عمل
حيّر الجيش انذهل ..ما يهتم
يا حيـد .. زلمـة علي من كر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بيهم الطف انخسف .. مدد يا حيدر هتف
اتراجفو مثل السعف ..خلاهم
اتقدم استاذ الحرب .. الّف اشكال الكتب
وامتحان الطف صعب .. ذلاهم
عله ابن العاص الزلِم .. الما لحگ يشرد يهِم
بسرعه ينزعها الهدِم .. لاگاهم
بالطــف .. هالمشهـد اتكرر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
گلهم اليدنه تره .. للخيم ما اعذره
سيفي محد يگدره .. تدرونه
لا تگولون الگمر .. ميت وراح الحذر
كون اسويكم وذر .. وعيونه
واخته ابد ما تنولي .. والله اصليكم صلي
چنهه حيدر بت علي .. مضمونه
زينـــب .. يـا مهجــــة الكوثر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
منين ما فرو طلع .. سيفه من دمهم نگع
لو اكو باب انقلع .. بحساسه
خيبر انعادت درس .. يومه هم يشبه امس
من يجي مرحب نجس .. طگ راسه
مغبره وماكو صحو .. عاشت ايمينه وكفو
ناده يا ثار الاخو .. عباسه
لحسيــن .. ذكــرهــــم ابخيبر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علّه خلّه بنينوه .. مايصير الهم دوه
حسين مو سهله ونوه .. يگضيهه
قائد ابقائد يطگ .. والشرد هم ينسحگ
حيل خانگهم خنگ .. واليهه
معركه وتوها بدت .. يا عدد منهم خذت
الخيل بالخيل اعثرت .. تاليهه
مهيـوب. .. خله الجثث بالبـر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عجزو اهمه وما عجز .. موت الاحمر من برز
سبحه طشرهم خرز .. بالحومه
كلف محد يوصله .. اقوه سيف بكرله
جيش كامل زلزله .. ونعومه
نار مشتعله بگصب .. بيده سواهم حطب
نازل اعليهم غضب .. بهموما
يا ليـث .. وسط الحرب يزئر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مؤمن وصابر ابي .. نحبه يا روح النبي
والله سابيهم سبي .. بچفوفه
الله حبه وخلّدّه .. واحنه يومه انجدده
واليبغضه انعانده .. منعوفه
ما نسينه امصيبته .. بدمه خضب شيبته
بكلشي ضحه وعيلته .. بطفوفه
ويـــــاه .. يا هــو الـذي يگــدر
من صال .. يرجف بقى العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا يلـــومنـه لأن .. نعشگ حسين وحسن
بيهم اعبرنه المحن .. للتالي
ما نصير الهم عبيد .. خله ينفعم يزيد
نهج ابو الاكبر نريد .. الغالي
هذا ابن حامي الحمه .. سهله نفديله الدمه
والله حط بيهم عمه .. يالوالي
يا شيخ .. و الشــافـه يتحيّر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي
♥حساب (التيك توك )للرادود احمد الزوار
user9812634682531?_t=8nF4lU0jTne&_r=1" rel="nofollow">https://www.tiktok.com/@user9812634682531?_t=8nF4lU0jTne&_r=1
من لا هله بمصباح يوم العاشر
يحسين رايح يكسر اشجم خاطر
سهرانه سهرانه وعيونك سهرانه
****
بس هالمسيه زينب ويخوتها
باجر غريبه وتحترك خيمتها
يحسين شوف اشصاير بحالتها
يهمل دمعها وبالوداع اتكابر
من لا هله بمصباح يوم العاشر
***
خلوها تشبع شوف من ولياها
والدنيه عكست من زمان وياها
أيورم متنها الصوط لو لاحاها
وبزينب يصير الابد ما صاير
من لا هله بمصباح يوم العاشر
****
كل وحده تحجي وي ابنها بخنكه
وتكله يبني صعبه والله الفركه
حكه الكلب لو ذاب بالطف حكه
كل الفواطم ضل جفنهن ساهر
من لا هله بمصباح يوم العاشر
****
ام جاسم العريس علكت شمعه
وليلى ام الاكبر بدت تجري الدمعه
الليله الرباب اشلون ابنها تودعه
يابس السانه امن العطش ويناطر
من لا هله بمصباح يوم العاشر
***
زينب اجت للخيمه ومهبطه الراس
كلش ثكيل اوداعها ويالعباس
باجر تضل تتفرج اعليها الناس
والعسكر تشوفه بخيمكم داير
من لا هله بمصباح يوم العاشر
*
وياك يبن الزهره بس هليله
وشو مالت الدنيه ويزينب ميله
كلمن يشوفك راح ينهد حيله
صدرك يدوسه اشلون خويه الحافر
من لا هله بمصباح يوم العاشر
*
باجر خواتك ما تلمهن خيمه
وكلهن يركضن راح وسط الهيمه
بزينب تجلب راح جم ايتيمه
وبس العليل تشوف يمها وحاير
من لا هله بمصباح يوم العاشر
*
تمت
تحسين الخفاجي
♥حساب (التيك توك )للرادود احمد الزوار
user9812634682531?_t=8nF4lU0jTne&_r=1" rel="nofollow">https://www.tiktok.com/@user9812634682531?_t=8nF4lU0jTne&_r=1
https://youtu.be/8Uvlxkwnw8U?si=OLkfJWvUlF7Kw1cF
Читать полностью…
تستطيع قرائة القصيده في
ليلة الاكبر أو ليلة القاسم…
رمله وي ليلـى يشكن جمــر نار المصاب
ابطفهن اتلوعن وفگدن كل وحده شاب
اجروحهن كل لحظه تكبر
راح جاســـــم راح الاكـبر
#######
اثنينهن ناحـن ســوه الفگـــد الغوالي
ابعملة الطـف شاهــدن ســـود اليالي
رمله صاحت يمه جاسم شوف حالي
متنــي ازرگ ترضه يمه ايصــير تالي
وليلى نادة يالاكبر يسباح الگلب
تقبل امك سبيه تروح وتنضـرب
وبحبل جرنه الشمر جر
راح جاسم راح الاكبـــر
#########
اتبـــادلن دمعـــاتهن والــون سويه
وعل شبــاب الراحو اينصبن عزيه
ايطلبن امن الله الصبر كل مغربيه
ضيــــعن أحلامـــــهن بالغاظـــريه
نـور جاسـم والاكبـر اسـف هليله غاب
اهلال عزهن رحل وندفن حدر التراب
والگلب ضل ايتحسر
راح جاسم راح الاكبر
#########
آه منــــچ كربله يــم العجــــــايب
چم گلب بيچ اعله فكد احبابه ذايب
الفاطميات اشكثر شـــــافن مصايب
ومـن بعـد عزهن ينــــامن بالخرايب
چــم جرح چــم اثر بالمتن من السياط
حال ليلى اويه رمله ترى ايگطع النياط
وحده ثنهض وحده تعثر
راح جاســـم راح الاكبــر
#########
حنت القاسـم دمه وعرسه المنيه
استعد شد اعمامته اوفه الوصيه
رمله بفراگـــــه تون ونـه شجــيه
آه يا فرگــت شبـــــاب الغاظــريه
الحنه دم نحره ولگبره صارت زفته
ما تهنه ابشبــــابه ورحل عن دنيته
الفرگه مثل النار تسعر
راح جاسم راح الاكبـر
#########
ليلى نادة يالولد ترجعلـي انطرك
تدري بيه ارتاح لو شميت عطرك
ماوصل يوليدي للعشــرين عمرك
هدف صاير للنبل ياوسفه صدرك
ياحلـم عمري بعـدك قسه اوياي الزمن
چنت اشوفك يالاكبر ألي خيمه اوطن
العين من تشتاگ تسهر
راح جاسـم راح الاكبـر
#########
الخادم
كامل السعيدي
الليله العاشره...( نعي )أو لمة عزه
بمزج التراث لمة عزه
ليلة أوداع ومصاب/والصبح يبدي العذاب
والفرح ضاع/بلحظة وداع
__________________
ليلة العاشر فلا تحصل مثلها
زينب بهذا المسه تودع أهلها
باچر أمن الزلم محد يبقى ألها
لا أبو اليمه ولا حتى الكفلها
ياليل طول ساعاتك / ياليل أحمل آهاتك
لو ودعت الوليان / تتولاني العداون
وين أروحن خويه وين/گلي بعدك ياحُسين
والفرح ضاع/بلحظة وداع
_____
ودعيهم يالعقيله ودعيهم
ومن مناحرهم يحره قبليهم
أخوتچ عالگاع باچر تنظريهم
خيل أميه بلارحم تسحگ عليهم
يامحلى الوداع أبهل مسيه
وعلوم المنيه
بين الفاطمي والفاطميه
كلشي بحسين أنتهه/مابقت راحه وهنه
والفرح ضاع/بلحظة وداع
_____
خلي أبو اليمه المسه يودع بناته
آخر الساعات هذي في حياته
خل يبوسن چفه ويطلبن رضاته
من العطش باچر تره تنشف لهاته
~
گومن بنات النبي خيطن خيمچ عبي
هاي الزلم ماتظل /باچر وراچن سبي~
باچر أخيول العده/للحُسين أتفرهده
والفرح ضاع/بلحظة أوداع
_____
وخلي أم عبد الله هالليله تودعه
من صدرها الطاهر وخلي ترضعه
هالطفل باچر تره يختلف وضعه
حرمله بسهمه تره نحره يگطعه
~
أهز مهدك يعبد الله
وأعاين عالمهد خالي/يبني وثمر دلالي
أهز مهدك يعبد الله~
يالرباب أبنچ تره/بسهم ينطر منحره
والفرح ضاع/بلحظة أوداع
_____
ليلى خليها تودع علي الأكبر
هايه أم وحقها لو مدمعها يكثر
تشوفه باچر الأكبر وراسه مطبر
وصله وصله عالثره جسمه تطّشر
~
يالعايش بعيوني وروحي
من بعدك شيداوي جروحي
شلون أتصبر / آه يالأكبر ~
ليلى لازم تستطبُر/من تشوفه منطبُر
والفرح ضاع/بلحظة أوداع
_____
ورمله خلي الجاسم تودعه بلهفه
وخلي تعجن حنته وتحني چفه
وعمه الحسين وأبو فاضل يزفه
عالأرض باچر تره تشوفين نزفه
~
جسام ياضنوتي رايح رايح أمن عيوني
مارحمني الدهر/ أنته نور البصر
رايح رايح أمن عيوني~
رمله باچر تنظره/محنه من دم منحره
والفرح ضاع/بلحظة أوداع
____________________
الشاعر (أسعد قاسم الكريعاوي)
رئيسية/ ابا الفضل العباس عليه السلام 2024
ظهري انكسر يا ناس من ودعت عباس
عالشاطي عفته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
آنه الحسين ابن الوصي شايل محن ما تنحصي
وستقبلتها بصبري
اولادي ونصاري سوه. واولاد اخوتي بنينوه
كلهم اخذهم دهري
ظليت أكابر عالألم. بس من برز راعي العلَم
ضاع الهوى من صدري
لمن وگع عالمشرعه شفته وچفوفه امگطعه
هذا الكسرلي ظهري
يم جسمه طاح الحيل. اشبگته ودمعتي تسيل
ظهري لزمته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
ظهري انكسر لمن شفت. متكطعه جفوفه وصحت
يا بالفضل حاچيني
مطفيه عينك بالسهم. والثانية امغطيها دم
ياريت طفوا عيني
مو راح اموت أمن القهر. عباس سولف يا كمر
بلا اخو لتخلّيني
يا بالفضل حيلي انهدم. عباس اشيلك للخيم
لو تبقى شتوصيني
من طيحتك مهضوم وستوحدوني الگوم
گلبي فجعته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
حاچاني بدموعه الگمر. يشبگني راد وما گدر
متگطعات چفوفه
مواعد اسكينه وعيلتك. بالماي اجيبه لخيمتك
ولجيّتي ملهوفه
بلا ماي اموت ولا ارد خليني عنهم مبتعد
يم النهر ماعوفه
بلا ماي ما ارجع عدل. عطشانه چم طفله وطفل
تنتظر جودي تشوفه
اعذرني خويه حسين. ما رد بلا چفين
لمن سمعته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
عباس ودعني وبچه. انفاسه طلعن من حچه
وصّل سلامي لزينب
گللهه ما يرجع بعد. عباس مصيوب ابعَمَد
خل تصبر ولا تنحب
حامي الظعن گلهه انغدر. كطعوا چفوفه عله النهر
كبلج اخوج اتسلّب
گلهه الگمر وفّه العهد. بچفوفه وجروح الجسد
لطاري السبي يتعذّب
خادم ألك ممنون. وتعذرني زينب كون
بدمعي شبگته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
عباس ابوالغيره الكفو. مات وتركني بلا اخو
روحه اطلعت بحضاني
عباس ياخويه صحت ظهري انكسر لمن متت
وتشمّتت عدواني
شلون ارجع بلا هيبتك. مو تدري ختنه بخيمتك
ياخويه تتلگاني
تسألني عنك ونفجع. يخنگني ياخويه الدمع
وتعثّر باحزاني
من يوگع العامود تعرف يراعي الجود
ما ترجع انته. وصبري فگدته
من ودعت عباس
٠٠٠٠٠٠٠٠٠٠٠٠٠٠٠٠٠٠٠٠
وگعت الخيمه وعرفتك. زينب يخوها وندبتك
وينك يحامي ظعوني
انت الجبتني امن الوطن. براية علي وتحدي الظعن
تذكر ينور عيوني
من تهجم خيول وزلم. من يحمي ضعنك يا شهم
مو تدري ميرحموني
تقبل يراعي المرجله. نطلع سبي من كربله
وعدوانك يچتفوني
نمشي بسبي عالنوگ. تقبل نطب للسوگ
وجهي لطمته. وصبري فگدته
من ودعت عباس
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/+QYhwKs0Xy1h303S6
نزلة / انصار الامام الحسين عليه السلام 2024
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انصارك احنه وعالعهد تعرفنه
لا دنيا عنك لا طمع يحرفنه
سلم وحرب واحد يضل موقفنه
موقف ولائي بحبك توالفنه
لكل فرد حبك صار نور وهويه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لو گطعونه بالحرب منعوفك
بهيئة مُحمّد يا حُسين نشوفك
مولانا عفنه الكعبة جينه انطوفك
مو احنه ننكر بالشدد معروفك
نشتريها ويّاك تحله المنيه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انت الحُسين ونفتخر اصحابك
النه الشرف من نندفن بترابك
نتخضب احنه بدمنه گبل خضابك
نتگطع اهون من مرار غيابك
نبقه نتحدّه وياك جيش آل اميه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
آمنّه بيك وعفنه كلشي وجينه
انت الامام وحجة الله علينه
نرفض يزيد ومانبابع دينه
تحت امرك احنه بكل وكت تلگينه
نطيعك ونرضي بهاي الله ونبيه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
نتبرّه من زمرة يزيد الملعون
انطينه رخصه وخل نشوف يثبتون ؟
ميهمنه خل أكثر بعد يزدادون
شباه الرجال وبالحرب ينهزمون
نحفرلهم اگبور بالغاضريه
ما نعوفك هيهات يبن الزجيه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هز راية الأنصار شيخ الانصار
هوّس حبيب بكربله يريد الثار
هجموا على العسكر هجوم الاحرار
راووهم الموت وعذاب الكفار
وفّوا ولجل حسين ضحو سويه
ما نعوفك هيهات يبن الزجيه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/+QYhwKs0Xy1h303S6
رئيسية/ مسلم بن عقيل عليه السلام 2024
لا اخشى سيفُكَ فالتعَلَمْ يبنَ زيادْ
فأنا مسلم لذوي الكُفرِ لا انقادْ
لحُسينٍ روحي وديني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أنه الهز عرشك بسيفه ورعب اسمه
سفير حسين آنه وآنه ابن عمه
مسلم آنه زلمه ومن ظهر زلمه
ابد ما خاف منك احجي بالهِمّه
لا اخضعُ لكَ يبنٓ زيادٍ لا اخشاك
فأنا من عُشّـاقُ حُسينٍ اتحدّاك
إن تَقتُلني يُحييني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لا جيشك يهمني ولا كُبر قصرك
اقدم دم وريدي ولا اطيع امرك
يهودي وناصبي بافعالك وفكرك
عشت بالذلّه يبن زياد كل عمرك
إن تَقتُلني فأنا الفائزْ والمنصورْ
تفنى يبنَ زيادٍ وانا ابقى نورْ
فرِضى ربِّ يكفيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اميرك طاغي فاجر كافر ومرتد
واميري حسين ابن المصطفى الامجد
اليطيع حسين لاشك اسمه يتخلّد
أنه مسلم سفيره وبالولايه اشهد
لا اغدُرُ رَيحانَةُ طه لا واللهْ
عهدُ حُسينٌ عهدُ مُحمّد روحي فداهْ
بحُسينٍ زادَ يقيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يگلّه شهالشموخ البيك ما خايف
مثل وگفة اسد بين الزلم واگف
أنه ابن زياد اخيّرك بالك تخالف
تبايع لو تموت بموقفك عارف
لا يبنَ زيادٍ ليَزيدٍ لن اختار
الموتُ ولا ذُلُّ النفسِ وثوبُ العار
مكتوبٌ ذا بجبيني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اضحّي بروحي وبدمي لبوالسجاد
ولا أخضع وعيش بذلّه يبن زياد
حيـاة بلا ابـوالأكبــر فلا تنـراد
اموت بسيف بس عايش بالاستشهاد
لنْ تَمحوَ ذِكِري يا ظالمْ سعيُكَ ضالْ
سَيُخلُدُني الموقفُ هذا للأجيالْ
مَن مثِلُكَ لا يُغويني
جبروتكَ لا يُثنيني
فأنا مسلم لذوي الكُفرِ لا انقاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اذا تقتلني مو مرّه الف مرّه
من حسين ابد هيهات اتبرّه
كل قطره بدمائي تعشكه كل ذرّه
ابن عمي وامامي حسين ابوالعتره
ستموتُ واحيى بدمائي حينَ تَسيلْ
فأنا رَبيبُ عليٌّ عمي وبنُ عقيلْ
اصبرْ واللهُ مُعيني
جبروتكَ لا يُثنيني
فأنا مسلم لذوي الكُفرِ لا انقاد
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/ahmed_alziwar
نزلة / ام البنين عليها السلام 2024
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
ام الكمر هايه. خل تعرف الناس
وفت لبواليمه. ضحّتله عباس
ما بخلت بكلشي. ما دنكت راس
ضحّت باولادها. حققت امجادها
حتى تنصر دينه. الله للطف رادها
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
سار الظعن عنها. ودمعتها بالعين
وصّت كمر هاشم. ضنوتها بثنين
يكفل خدر زينب ومايترك حسين
ضحّت بشبّانها. وقدمت قربانها
فارگاها الغالي. ظلت باحزانها
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
من واست الزهره. واستها بحيود
اربع بنين انطت. للتضحية شهود
صارو لبواليمه. بالمعركة جنود
حگها تفخر بيهم. أمهم توصّيهم
للحُسين وآله. بالحرب تفديهم
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
لحسين ابواليمه. تتنشّد اخبار
راح وبقت هيه. تنتظره بالدار
تبجي وتون ظلّت. ما تدري بالصار
تكعــد بمحــرابه. تبچي دم بغيابه
تدعي الله يجيبه. لو تموت ابابه
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
للغالي مشتاگه. تحسبله ايام
ليليّه سهرانه. ما كدرت تنام
ام البنين أمه. من حگها تحتام
تنتظر ملهوفه والدرب متعوفه
والأمل بعيونها. للحُسين تشوفه
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
لن تسمع الناعي يصرخ اويلاه
ذبحوا ابواليمه. ونسفكت دماه
ام الكمر صاحت. اَي وا حُسيناه
ياحبيب الزهره. لجيّتك منتظره
ما دريت بحالك. تنذبح عالغبره
السلامُ على امُ البنين
السلامُ على امُ البنين
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/ahmed_alziwar
#للعليله..
طفله محرومه من ريحـة هلي طفله
گلـبي ابجفــــاهم مبتلي طفله
مجبورهه اعيش ابلا ولي طفله
ـــــــــــــــــ ❁ ❁ ❁ ــــــــــــــــــ
من حده الحادي ابسفرهم
گلبي رفرف ـــ چن حمامه ـــ وي ضعـنهم
بس جسد ضليت اعيشن
من بعدهم ـــ واني ضلت ـــ روحي عدهم
علتــي أوحشــت ديـاري
عذبـــــني ـــ وگمت اساهر ـــ مـن بعدهم
احلم يرجعلي ابوي امن السفر احلم
من بعده مكســـورة ظهر احلم
ويگلــي بويـــــــه ادللــي طفله
ـــــــــــــــــ ❁ ❁ ❁ ــــــــــــــــــ
غيبتـك وســــهام هجرك
صوبـــــني ـــ وگمت اسولف ـــ ويـه روحي
كون أطـــول ما اشــوفك
تعمه عيني ـــ ولحظه ماضن ـــ يهده نوحي
اجروحي بسمك سجلتهن
يمته ترجــع ـــ حتى يشفن ـــ كل جروحي
وينك اعيوني مشتاقات الك وينك
يمـــــته ترد وتنفسـك وينك
لا انته اجيت ولاعلي طفله
ـــــــــــــــــ ❁ ❁ ❁ ــــــــــــــــــ
ذبلت احــــلامي العشته
وبنتضــارك ـــ روحـي ورده ـــ وذبلتهه
يبست قصـــني وتنــــاثر
فـوگ دربك ـــ وي دمعـــتي ـــ النزلتهه
اشلون اعيش ابلا وجودك
يل وجودك ـــ يمي فرحه ـــ وضيعتهه
حزني ماينوصف بعدك صبح حزني
بالدنيه كسرلي الجنح حزني
يابويه غيرك ياهو الي طفله
ـــــــــــــــــ ❁ ❁ ❁ ــــــــــــــــــ
الدنيه غابه واني وحدي
والرزايــــه ـــ اتحــيط بيه ـــ وگلـــبي حاير
كافي يا دنيــه مئاســي
صبري خلص ـــ عل مصــايب ـــ گــوه اكابر
گصرني عمـري النوايب
والبواچي ـــ وكلشي وحشه ـــ ابعيني صاير
شهگه غـــرگانه يل ردتـك تمـــــر شهگه
يالعــــايش اويـاي العمــــر شهگه
بعدك اويه ادموعي اختلي طفله
ـــــــــــــــــ ❁ ❁ ❁ ــــــــــــــــــ
عطلت ميل الثـــواني
من كثر ما ـــ بيه احسب ـــ يمته ترجع
حتى لو بحلامي ردلي
ارد اشمك ـــ بلكي منك ـــ بويه اشــبع
املت روحـــي بلقائك
ياحبــيبي ـــ خــبر منك ـــ يمته اسمع
ترجع لحضاني ماضنك بعـد ترجع
ايست مـنك يالعــــمد ترجع
بالدنيه من بعدك شلي طفله
ـــــــــــــــــ ❁ ❁ ❁ ــــــــــــــــــ
الخادم
كامل السعيدي
صار تنصيبك العيد العالمي
الما يحبــك ياعـلي مو آدمي
غَثـّت أشــباه الرجال
عطلة أولاد الحــلال
ــــــــــــــــــــــ
هواي عدنه أعياد بس هذا الوحيد
الله من سابع سمه معتبـره عيــد
هوه معنى العيد مو لـبس الجديد
كون تلبس لك جماعه إتحب يزيد
علي الأول حسب تقييم السـمه
وعيده الأول صار بأعلى القائمه
والنبي إبساعتها گال
عطلة أولاد الحـلال
ــــــــــــــــــــــ
حسب دستور السمه بأمر القدير
ربّك الخاطر علي إمعَطْل المسير
كلها تگعد تسمع الأمـر الخطـير
واضحه الفكره إفتِهَم حته البَعير
وافتهم بيعـة علـي حته الفَـرس
اتلاثه بس إهناك دَگ عدهم جَرَس
ما يريــد إلها ســؤال
عطلة أولاد الحــلال
ــــــــــــــــــــــ
صَعْدَت أقتـاب الإبــل ذاك الزمان
مــا يريـدلها نقاش .. و برلمان ..
علي إمصَوّت له النبي وصدّر بيان
ياهو زلمه ويرفض بـذاك المكان
كلها دَنْگت روسها وخضعت إله
هذا بارك له وهـذاك الـ قَبّله
لا شـكوك ولا جِـدال
عطلة أولاد الحــلال
ــــــــــــــــــــــ
هذا عيد الله الچبيـر الما يضيـع
لو تبايع .. لو ضميـرك بي تبيـع
چان يوم إثمنطعش منظَــر بديع
يصيح قنبر (هَنّي وإعبر عالسريع)
وچــان قنبر حيله ذاك الأولـي
عَشره عَشره أيعَبُّر إلبيعة علي
ودمعه مِنّ الفرحه سال
عطلة أولاد الحــلال
ــــــــــــــــــــــ
وحضرت إبمحفل علي كل الفئات
وبيــده جبرائيل حــط الفقرات
وچانت الآيــات كلــش واضحــات
عالولايـة نريــد يا ربي الثــبات
ربــي يرزقنــه الولاء الـ مَيْثَمِي
إي غديري آنه وحسيني وفاطمي
و ديني هذا الإحتفال
عطلة أولاد الحــلال
ــــــــــــــــــــــ
مهدي التقي
نزله هلالية 2024
هل شهر عاشور خل نستقبله
ونبدي مجلسنه بلطم من كربله
٠٠٠٠٠٠٠٠٠٠٠٠٠٠٠
يالله يالخدام خل نبدي العزاء
عالذبيح حسين محبوب السماء
بالسيوف امگطع وينزف دماء
لسّه والأملاك تبچي لمقتَلَه
٠٠٠٠٠٠٠٠٠٠٠٠٠٠
نشرت أملاك السمه بسابع سمه
يا قميص حسين ناكع بالدمه
وتلطم عله الراس كامت فاطمه
تشم قميص حسين ابنها تقبّلَه
٠٠٠٠٠٠٠٠٠٠٠٠٠٠٠
نشارك الزهراء بدموع الحزن
شافت هلال العزَه وكامت تون
لكربله ولحسين مشتاكه وتحن
تنعه ابنها بالدموع الهامله
٠٠٠٠٠٠٠٠٠٠٠٠٠٠٠
ننشر الرايات وندك السواد
هذا شهر حسين محبوب العباد
بالشعائر نلتزم عدنه اعتقاد
نفس حق فرض الصلاه والمنزله
٠٠٠٠٠٠٠٠٠٠٠٠٠٠
حزام نتحزم لبواليمّه الغريب
شعدنه غير حسين بس هوه الحبيب
شما نزيد امن البواچي والنحيب
ما نوافي نبقه مديونين اله
٠٠٠٠٠٠٠٠٠٠٠٠٠٠٠
هذا شهر البي خذوا زينب سبي
من عكب عباس حاديها اجنبي
لمجلس ابن زياد تدخل بت نبي
أكبر وأعظم مصيبه ومعظله
٠٠٠٠٠٠٠٠٠٠٠٠٠٠٠
زينب الماشاف واحد الهه ظِل
تدخل الديوان مچتوفه بحبل
بيها يتشمّت غده وين النذل
يعينها الله شكد مصايب حامله
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
♥حساب (التيك توك )للرادود احمد الزوار
user9812634682531?_t=8nF4lU0jTne&_r=1" rel="nofollow">https://www.tiktok.com/@user9812634682531?_t=8nF4lU0jTne&_r=1
نزله للخدمه 2024
عفوك يبواليمه
وفقنه للخدمه
ما عدنه غيرك سيدي يبن الزجيه
٠٠٠٠٠٠٠٠٠٠٠٠٠٠٠٠٠
ذبنه بغرامك سيدي انجنّينه
خدامك وهذا الاسم يكفينه
شعلينه بالمايقتنع شعلينه
انت المهم يحسين تقنع بينه
اي والله وعيونك
ما نرهم بدونك
بالبرزخ ويوم الحشر حبك هويه
ما عدنه غيرك سيدي يبن الزجيه
٠٠٠٠٠٠٠٠٠٠٠٠
تحزمنه للخدمه ورفعنه الرايه
زلمك يبوالاكبر زلم وفايه
نحيي الشعائر بالمجالس هايه
نختمها من نوصل ألك مشايه
شما نتعب ونسهر
بينه العشك يكبر
خلهم يسمّونه النواصب رافضيه
ما عدنه غيرك سيدي يبن الزجيه
٠٠٠٠٠٠٠٠٠٠٠٠٠٠٠٠
لوما خدمّتك الله ما سوّانه
نبچي لمصابك كل وكت خلّانه
حبك يبواليمه امتزج بدمانه
نعشك محرم چي ألك عنوانه
خل عينك علينه
وسجل اسامينه
بدفتر حبيب وكل اسم ياخذ هديه
ما عدنه غيرك سيدي يبن الزجيه
٠٠٠٠٠٠٠٠٠٠٠٠٠٠٠٠٠
هاي المجالس احنه اسسناها
بسمك يبوالسجاد سجّلناها
نذكر مصابك بيها ما عفناها
يالعلّمتنه التضحية ومعناها
ضد الظلم صوتك
ما سكّتاه موتك
اكرم وانعم ياشبل حامي الحميه
ما عدنه غيرك سيدي يبن الزجيه
٠٠٠٠٠٠٠٠٠٠٠٠٠٠٠٠٠٠٠
منك تعلمنه المواقف ثوره
يحسين ميموت اليضحي بعمره
وانت الحييت الدين يابوالعتره
اول بشر يحيي الكرامه بنحره
وصف النبي وصفك
ما نكدر انعرفك
سر الله انت يالخصالك احمديه
ما عدنه غيرك سيدي يبن الزجيه
٠٠٠٠٠٠٠٠٠٠٠٠٠٠٠٠٠٠٠٠
خل يسمع المايرضه والما قابل
عدنه اليشك بخدمتك مو عاقل
خط مستقيم انت وعدوّك مايل
بوجه اليكرهك نعترض منجامل
يحسين ألك كلشي
يرخص ولا نمشي
إلا بطريقك يا حبيب الله ونبيه
ما عدنه غيرك سيدي يبن الزجيه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
♥حساب (التيك توك )للرادود احمد الزوار
user9812634682531?_t=8nF4lU0jTne&_r=1" rel="nofollow">https://www.tiktok.com/@user9812634682531?_t=8nF4lU0jTne&_r=1
ميمر / فاطمة العليلة عليها السلام 2024
بين المرض والأحزان. راحو هلي وعافوني
٠٠٠٠٠٠٠٠٠٠٠٠٠٠٠٠٠٠٠٠٠٠٠
آنه العليله التحرگ بگلبي النار
راحوا هلي وعافوني وحدي بهالدار
وين امشي طفله وحيلي بالهم انهار
فوگ المرض والآلام. ابچي واون خلّوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شگد گتله بويه حسين خليني وياك
ارفگ خواتي بهالسفر اتـرجّــاك
احمل عذاب المرض بس لا فرگاك
ما ينحمل فكدك موت. نيّتكم تموتوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يتّمني من ودعني وايده عله الراس
يا فاطمــة گلي بـدمــوع الاحساس
ابعثــــــلج الأكبــر عـلي لو عبـاس
وآنه باثرهم ظليت. انطر وعد بضنوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لا طارش الرد من هلي ولا مرسال
ظليت اتاني عله الدرب وشكي الحال
طال الهجر يهلي عله طفلتكم طال
مشتاگه لحسين هواي. عاتبته تلوموني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شحال اليخلّيهه بحزن والدهه
طفله وتون غير البچي ما عدهه
لازم يطمّنها بخبر واعدهه
ما رد عليّة وحسّيت. بالفاجعه يفجعوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لن بشر ابن حذلم وصل ناعي البين
يا أهل يثرب لا تنام الكم عين
ضامي انذبح بسيوف عدوانه حسين
راسه برمح ظل مرفوع. وعن جسمه لتسئلوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لمن سمعت الناعي صحت بلا راي
ويلي عله بوي المات ضامي بلا ماي
گبل الذبح گالولي عطشان هواي
ريت انذبح يمه هناك. يهل الرحم ودّوني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
النّص المترجم: ar-ar
ميمر / فاطمة العليلة عليها السلام 2024
بين المرض والأحزان. راحو هلي وعافوني
٠٠٠٠٠٠٠٠٠٠٠٠٠٠٠٠٠٠٠٠٠٠٠
آنه العليله التحرگ بگلبي النار
راحوا هلي وعافوني وحدي بهالدار
وين امشي طفله وحيلي بالهم انهار
فوگ المرض والآلام. ابچي واون خلّوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شگد گتله بويه حسين خليني وياك
ارفگ خواتي بهالسفر اتـرجّــاك
احمل عذاب المرض بس لا فرگاك
ما ينحمل فكدك موت. نيّتكم تموتوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يتّمني من ودعني وايده عله الراس
يا فاطمــة گلي بـدمــوع الاحساس
ابعثــــــلج الأكبــر عـلي لو عبـاس
وآنه باثرهم ظليت. انطر وعد بضنوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لا طارش الرد من هلي ولا مرسال
ظليت اتاني عله الدرب وشكي الحال
طال الهجر يهلي عله طفلتكم طال
مشتاگه لحسين هواي. عاتبته تلوموني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شحال اليخلّيهه بحزن والدهه
طفله وتون غير البچي ما عدهه
لازم يطمّنها بخبر واعدهه
ما رد عليّة وحسّيت. بالفاجعه يفجعوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لن بشر ابن حذلم وصل ناعي البين
يا أهل يثرب لا تنام الكم عين
ضامي انذبح بسيوف عدوانه حسين
راسه برمح ظل مرفوع. وعن جسمه لتسئلوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لمن سمعت الناعي صحت بلا راي
ويلي عله بوي المات ضامي بلا ماي
گبل الذبح گالولي عطشان هواي
ريت انذبح يمه هناك. يهل الرحم ودّوني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
♥حساب (التيك توك )للرادود احمد الزوار
user9812634682531?_t=8nF4lU0jTne&_r=1" rel="nofollow">https://www.tiktok.com/@user9812634682531?_t=8nF4lU0jTne&_r=1
براية علي طب علي الاكبر
وتراجفت قادت العسكر
هذا حيدر هذا حيدر
**
عالكتايب حمل جنه حيدر نزل حيراها وطشراها وبيده شال الزعل
كوه شاله الفرس فنها تاخذ نفس الطف حلاله ومن قتاله دخلت انذار الحرس
صفنت اهل الحرب اعليها ضاع الدرب للسلامه من حسامه بدربه محد يطب
بيهم نفخ نفخت المحشر
وتراجفت قادت العسكر
هذا حيدر هذا حيدر
**
هيه هاي الزلم من تشد العزم كلها غيره وعدها سيره ما تعوف المهم
والتبع سيده يسحك اعله العده اصله طاهر دمه ثائر ينتظر موعده
انه كلهم علي والمراجل الي هذا ديني وبيقيني صوتي ضل يعتلي
بالطف عدت واقعة خيبر
وتراجفت قادت العسكر
هذا حيدر هذا حيدر
***
هوستله الخيم هذا راعي الشيم جنه ايه بيده رايه وللقتال ابتسم
من شهر صارمه الدنيه مطرت دمه والعجيبه بكل كتيبه يرجع بروس الزلم
بصدره ما حط درع وصرخته تنسمع خل كل صف بآخر الطف وسمه هز الجمع
بالمعركه صاح انه الاجدر
وتراجفت قادت العسكر
هذا حيدر هذا حيدر
****
من هجم كربله لجله صاحت هله بزوده طبها وذب ركبها وضيع الراجله
جنه عمه الكمر بيها سد النهر الموت اجاها وروعاها وجيش اميه نكسر
وجها مثل البدر ومن برزله بكر بكل شراسه كصله راسه ورد لبوه منتصر
لحسين اجه وراسه بي يفتر
وتراجفت قادت العسكر
هذا حيدر هذا حيدر
***
كربله تزلزلت والحرب بينت ماكو راحه والمناحه بالكتايب علت
عزمه عزم النبي هذا فارس ابي الحومه فنه ومن تعنه كلها ابست عبي
ما يهمه العدد وسيفه بالطف شهد بلاعادي ضل ينادي يا حيدر مدد
ولجل السبط ناذر المنحر
وتراجفت قادت العسكر
هذا حيدر هذا حيدر
*
تمت
تحسين الخفاجي
♥حساب (التيك توك )للرادود احمد الزوار
user9812634682531?_t=8nF4lU0jTne&_r=1" rel="nofollow">https://www.tiktok.com/@user9812634682531?_t=8nF4lU0jTne&_r=1
دخيلك يا ابو فاضل دخيلك
دخيلك يلي ما تنطي دخيلك
**
اجيتك للصحن ورد امشي لهلي
وريدنك كضت هسه تكلي
ضعيف انه وثكل بالدنيه حملي
المرض هدني وتغير حته شكلي
اجيتك من ألم روحي اشتكيلك
دخيلك يلي ما تنطي دخيلك
*
اجيتك حافي امشي وعندي شده
كريم وبابك انته ما تسده
تلم الماي البوجهي تبده
اسالت وين البخت كلولي عنده
بشيليلك راح اذبنها بشليلك
***
اجيتك لا تضيعني امن اجهبك
وحاشه اترد المجدي اليطلبك
عليه بداعتك اختك خلي كلبك
نزل دمعي وصحت مولاي احبك
اجيلك لو كصت بيه اجيلك
دخيلك يلي ما تنطي دخيلك
***
عليك ام البنين استرني مولاي
انه مذنب تره ومقصر اهواي
رغم بعدي تجيني وتوكف وياي
حبيبي انته وجمالك مالي دنياي
مثيلك ماكو بالعالم مثيلك
دخيلك يلي ما تنطي دخيلك
****
دخيل الله ودخيلك انه يمك
احس تعبي يروح امن اذكر اسمك
امد ايدي اعله شباجك وشمك
حسبتك انته ابوي وجيت اكلمك
اعتنيلك وشمر اجماغي اعتنيلك
دخيلك يلي ما تنطي دخيلك
**-*
احلفك بالزجيه وصدر الحسين
اريد بخدمتك اكضيها السنين
تره الدنيه كصيره وعنها ماشين
اريد امن البواجي اعميلك العين
كفيلك كلي بالمحشر كفيلك
دخيلك يلي ما تنطي دخيلك
الشاعر
تحسين الخفاجي
♥حساب (التيك توك )للرادود احمد الزوار
user9812634682531?_t=8nF4lU0jTne&_r=1" rel="nofollow">https://www.tiktok.com/@user9812634682531?_t=8nF4lU0jTne&_r=1