1.مؤسسة منبريون الحسينية🧿

21 August 2024 20:44

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مـــا أنساك أو ما تِنساني
وِألليله إفراكك أوحالي
شِيصَبُر عُكبَك دَلالي ******** إمـسح دَمعَـك هــذا إليِنصَب
يَـحسيــن أو لَـتشوفَـك زينب
إعليها يومي وَيومَك أصعَب
مَذخوره إليوم الطف تِنحَب
هَوِن ياخويه حَسراتَك
لَتشاهِد زينب دَمعاتَك
صَبُر زينب عاليِجرالي
شِيصَبُـــر عُكبَك دَلالي ******* جِنــح إلبين إعليّه إيحومي
جـــف المَفجَع هـذا إيؤمي
أحجيلَك هـاليـوم إهـمومي
يــومَك مـا يِنقاس إبيومي
إنجـــــان آنه جَبدي إتفَطَر
موعود إنته بكطع المَنحَر
خَل نِتوادع خويه الغالي
شِيصَبُــــر عُكبَك دَلالي ******* خادم الحسين حاتم ما شاءالله الكاظمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://t.me/joinchat/Dw92Dj9pmspR5uHfACGjlA

1.مؤسسة منبريون الحسينية🧿

21 August 2024 20:41

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يبقه العشگ لحسين. وبحبّه متمسكين
لا سنة ولا سنتين. حد المنية حد المنية

ــــــــــــــــــــــــــــــــــــــــــــــــــــــــ


#يازهراء
رجوع الضعن الشريف
بعد 40 يوم من الفراق

زلم الضعن حاچونه..تنامون تتلگونه...؟؟
انه ادري ليرد لاهله..يلگاهم يتانونه

جايبه الروس بلهفتي
وگمت ادور ملگه منكم
صيحة المستحية اصيح
لا تفززكم اختكم
ادرو متوا وانذبحتوا
بس أمل عندي بلبنكم

الينولي ويحشم اخوته
من يصيّح يذبحه صوته
گوه احشمكم يخوتي
_
بآخر امل ضلينه..تفكون حبل ايدينه
ولكربله تحدونه..ونرجع مثل ما جينه

نرجع بريشات كافل
ورايته تكسر علينه
مثل ما جينه امن اهلنه
نرجع ابلا حبل ادينه
صعبه ينكلي غريبة
ابيت اخوي البالمدينه

حته لو ذب حبل اديه
فكدك يضل جرحه بيه
فگدك اخشن من حبلهم
____
مشتاكه بس خجلانه..رديتلك حيرانه
يحسبنه خاف الكافل..وماكو بنات اخوانه

ابلايه خولة ولا رقية
ولا صفيه ولا شريفه
سكته ناحن سكته ماتن
النشغه تكتلها العفيفه
شجره ضعني ووكتي مايل
والسبي اعلن خريفه

زينب وردت كسيره
جان موتي ديره ديره
وجيتي الكم هاي موته
_
جية العتب مو لوني..الجاباني شوك عيوني
مشتاكه واطلب منكم..عن طلعتي تعذروني

العذر منكم يا غياره
عن طلعتي ابلا حماكم
عن شكو نسمه غريبة
طبت لريتي بجفاكم
والوراكم عمر تمشي
نامت بخربه وراكم

ابرولي ذمتي يا هواشم
عرفوا اسماء الفواطم
وغربة كامت تحجي اسمهن
___
الروس ندفن بيهن..ودمعاتي تجري اعليهن
يم يا جرح من نحرك..شيباتك نخليهن

انعه وافرح جبت راسك
يعني دفنك كمل هسه
وساعت الانضر جراحك
فرحي مثل الموت احسه
مغسله راسك يا حبيبي
بدمع عيني الما احبسه

تراب كبرك راح اهيله
وادفن العشره الطويلة
اموادع اجروح وسبيه

اللهم عجّل لوليك الفرج


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

21 August 2024 20:26

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يبقه العشگ لحسين. وبحبّه متمسكين
لا سنة ولا سنتين. حد المنية حد المنية

ــــــــــــــــــــــــــــــــــــــــــــــــــــــــ



موشح نجفي للخدامه بالاربعينيه


حسين دمك فاض من أجل البشر
باربعينك فدوه يحسين السهر
............................
يرخص لأجل الدم المنك وكَع
كل تعبنه والسهر حته الوجع
بالمواكب نخدم الجاي ورجع
من اليزورونك على طول الدهر
............................
سيدي والخدمه هاي المهجتك
يوم بالحر عالترايب طيحتك
كل سنه نحييه هاي امصيبتك
وصرخة الخادم تضل مثل الاثر
............................
ياحسين واربعينك مو ملح
دوه صار العلتك والكل جرح
كَاع جنهه الخدمه واحنه الهه الفلح
وغيرة الفلاح تكبر بالخطر
............................
شفنه شيب وشاب واطفال ونسه
تعتنيك ابشوفه كلش مؤنسه
انت بالحب منهو يكَدر نافسه
ماخذ الاول غرامك هالقَدر
............................
فدوه للدم كل تعبنه ابكل زمن
فدوه الك كل خادم اعيونه عمن
ماتنسينه المصايب والزمن
بالجره اعليك وعله اهلك بالقَفر
............................
نوزع الماي اعله زوارك برِد
ومن دروب العطش زينبكم ترِد
من اليسر وبضعن يمك تنوجِد
ابضعن من جور الاعادي اشكد صبر
............................
اشحيح جان الهوه الزينب من اجت
بكثر ما عالكافل ولجلك بجت
زينب الحره العقيله ام البخت
من بعيد الكَبرك اتدير النظر
............................
َاحنه من نستقبل الزاير نحس
نشعر استقبلنه ضعنك بالامس
والعليل امتعبته انشوف الشمس
مانروح الظهر ساعه اثني عشر
............................
فرض مايتعوض ابحته القضه
موسم الخدمه الكَضه راح وكَضه
مو مثل فرض الصلاه وانعوضه
الماي غير اللي مشه ايرد بالنهر
............................
مانوافيك وابد هذا الاقل
لاكَدرنه انرجع ايام الاجل
احنه بالياليتنه وندعي العجل
بلكت الله انشوفك اويه المنتظر

الشاعر ياسر العارضي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

20 June 2024 20:24

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
(مابين المرض والنوح)  العليله
 
مابين المرض والنوح   مهظومه وكثر وني
عاوفني الاهـــل بالدار  شو محد نشــد عني
*** 
 
مهظومه وعليله اشلون  شــالت كل اهــــل بيتي
اجاذب بالنفس كــــوه  ومخنوك الهـــــوه بريتي
انازع بالمنايا امـــرار  خلصت منـــــي عافيتي
وافراك المشو ياحيف   فوك المـــــرض نحلني
***
مهمومه واجر حسرات  مشـــدوهه وكثر نوحي
طاعني الهظم ســــجين  حيل امغمجه اجروحي
مابين  المرض واللــوم  تتواكد جمـــــر روحي
جن صحره ويبس ريجي  بارح مامطــر مرني
***
سهرانه واكلــــــب الليل  صعبه اشلون انامنه
اهلي الجانو بهالبـــــيت   هسـه ابلا اهــل جنه
مايبطل ونيـــــن الروح    يصعب والله اسكتنه
بالي امشتت ومشدوهه   بعد الأهــل مرمرني
***
مايهده وابـــــــد يرتاح  بالي الفاكــــد الوليان
متعلمه اعلـــــــه لمتهم  والله وكعدت الخوان
ذابحني البعد والشوك  خواني وعليــه احنان
شو مرت شهور اهواي  وحيل السهر عذبني
***
 
ليليه الكلـــب مكسـور   يبجي ويذكــــر اعزازه
كون بهالمسه ايمــرون   بتهم ظـــــــلت اجنازه
كوه اتفكر اعله البــاب   واتوجـــه اعلـه عكازه
ماظل من عكبهم حيل   وميته امن الألم جـــني
***
 
شو محد بعـــث مرسول  لاطارش وصل منهم
تتراوى صـــور واهوال  وامصايب تحاوطهم
نيران وعطش واسيوف  واخيـول وزلم يمـهم
اسم الله والدهر جاليش   شو جنــــــه  يسلبني
***
 
أبو علي الركابي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

1.مؤسسة منبريون الحسينية🧿

19 June 2024 20:48

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
حديث مولاتي فاطمة العليله
عن عبدالله الرضيع عليهم السلام
ـــــــــــــــــــــــــــــــــــــــــــــــــــــ
اسهر ليلي واحسب نجماته
واتخليهن ذني بنياته

احضانه السمه
صاحت فاطمة ــ ذني بنياته
ـــــــــــــــــــــــــــــــــــــــــــ
عبدالله باول ساعاته ــ
يوملي وبعيونه تكلم
يافاطم هاي آخر نضرة ــ
باجر تتروه شفافي بدم
بجفوفچ جنتي تلوليلي ــ
من وجهچ يضحك اتبسم
شال ايده واشر عالمنحر ــ
فاضت عيني وكلبي تألم

مهدك كلما صد وانضر خالي
انضر جن رامي النبلة كبالي
يخضبك بالدمة
صاحت فاطمة ــ ذني بنياته
ـــــــــــــــــــــــــــــــــــــــــــ
اختي رقية تشاهد وضعي ــ
كربت يمي تنشف المدمع
مسحت خدي بجف رقتها ــ
وحسيت بشبكتها موادع
طشت البالشام متانيها ــ
ثوب تردلي ولا ماترجع
باجر حتى اللي تغسلها ــ
من سياط الظالم هم تفزع

باجر نفسه اليذبح عبدالله
نارة يشبها بمهدة وتوصله
يشب مخيمة
صاحت فاطمة ــ ذني بنياته
ـــــــــــــــــــــــــــــــــــــــــــ
بت مسـلم لـمن شافتني ــ
تكول تكطع كلبي لحالچ
لو رد عودي من ارض الكوفه ـ
اوصـي لازم يتـعـنـالچ
ماتدري شيجره بوالدها ــ
وبالطف ياموقف يجرالچ
فوكاچ يحركون الخيمة ــ
ويسحكون اطفال كبالچ

بالكوفه يجرها الطاغي ويشتم
بحبل البي جرو جثة مسلم
بهمها تكلمة
صاحت فاطمة ــ ذني بنياته
ـــــــــــــــــــــــــــــــــــــــــــ
بعباية عمتي بسفرتهم ــ
ما تقبل تتركها جفوفي
تتلضه بنيـران الخـيمة ــ
وعليها بضهر الطف خوفي
كل ليلة اذكر عمتي وانحب ــ
والهم والحسرات ضيوفي
ياعمة اخذي الروح وياكم ــ
كلمات مـوادع ما توفي

صوت الريح شما حرك بابي
اركض متلهفة لملكه احبابي
الباب تكلمة
صاحت فاطمة ــ ذني بنياته
ـــــــــــــــــــــــــــــــــــــــــــ
جيت لعمي واحمل جربه ــ
وجن تكـلم جوده ويايه
لـو نبلـة هـناك تصـوبني ــ
اتبـده وعـذريـني بـهايه
لو ماكطعت جف الكافل ــ
كل نهر الطف آخذ مايه
يركع يم جدام سكينه ــ
وماتوكع عالكاع الراية

غـربه مسـبية تـعيش ابالي
وتفكد وين الطيب والغالي
تمشي بلا حمه
صاحت فاطمة ــ ذني بنياته
ـــــــــــــــــــــــــــــــــــــــــــ
تمت بعون أسد الله الغالب
العبد الذليل علي الكعبي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

1.مؤسسة منبريون الحسينية🧿

17 June 2024 21:18

#قصائد_مسلم بن عقيل_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏لانـاصـر وگــف ويــاه   
           😭    غريـب بديرة الكوفـه😭
  .      🏴
ــــــــــــــــــــــــــــــــــــــــــــــــــــــــ

نعي حدي 
لسان حال طوعه مكلمه مسلم ابن عقيل عليه السلام
**
يامسلم افـــــــداك ابهــــلي
يمشيم بغــــــيرة عـــــــلي
جاك العــــــــدو ها يالولي
دمعي على اخدودي ايهلي
***
ملتمه كلهه العـــــــادتك
يم داري ويلي كصدتك
دارت علينــــه وطلبتك
يالوالي هـــاذي ساعتك
***
حاوطته الجيوش ومسلم وحيدا فريدا
***
دارو عليه من كل كتر
من الصبح حد الظــهر
والدم غده منــــــه يخر
كلساعه طايح ومنهطر
***
يقاتل ولا دار الظــــهر
يرمونه كامو بالصــخر
شي بالنبل شي بالحجر
وبالحفره ياويلـــي عثر
***
جتفوه وســـــافه لليســـر
وصعدوه يولي عالقصر
وسلم على حسين الطهر
من حس بعد مات العمر
***
لسان حال الامام الحسين وابنته حميده عليه السلام
**
يبنيتي بطلي ونــــتج
تذبحني والله عبرتج
مسحي يبويه دمعتج
بوج آنه ذوله خوتج
***
ذولي خواتـــــج وآنه ابوج
واعتبري الاكبر هم اخوج
أمريهم وهمـــــــــه يجوج
يبنيتي كلهـــــــــم يعتنوج
***
لسان حال السيده حميده عليها السلام
***
يندار الك فدوه العمـر
يافي علينه وياســـــتر
خيمتنه انته والخــــدر
كون الله ينطينه الصبر
***
تدري الابو فكده صعب
فطــــر يبو اليـمه الكلب
وحده انجتل بين الغرب
كالولي جـروه عالترب
***
 

أبو علي الركابي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

1.مؤسسة منبريون الحسينية🧿

17 June 2024 21:15

#قصائد_مسلم بن عقيل_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏لانـاصـر وگــف ويــاه   
           😭    غريـب بديرة الكوفـه😭
  .      🏴
ــــــــــــــــــــــــــــــــــــــــــــــــــــــــليلة مسلم ع.... محرم 1445

مسلم بآخر انفاسه   صد الكربله ابعينه
ودع آخر اللحظات   بزيارة ابو سكينه

┈┉━ ❀ ❀ ❥ ❃❃ ❥ ❀ ❀ ━┅┄

سلم والگلب ولهان   وردد مدمعه احروفه
ايگله هذا اخير وداع  بينه غدرت الكوفه
ناس الغدرت الكرار   ابغدرها بقت معروفه
هسه الخاطر ابن ازياد  يحسين اغدروا بينه

┈┉━ ❀ ❀ ❥ ❃❃ ❥ ❀ ❀ ━┅┄

بآخر لحضه من عمره  سارح فكره مو يمه
ما همه ولد لا مال      همه حسين ابو اليمه
باچر خاف اذا ما عاد   بالطف ينسفك دمه
هذا الوكت ما بيه ناس  تفزعله وتگر عينه

┈┉━ ❀ ❀ ❥ ❃❃ ❥ ❀ ❀ ━┅┄

امس ناس التوديلك   كتبها واقبل اتنادي
اليوم انگلبت اعلينه   وصارت للغدر وادي
الذمم باعتها بالدينار   وخانت جدك الهادي
ارجع من فداك الروح   هاي الوادم اعلينه

┈┉━ ❀ ❀ ❥ ❃❃ ❥ ❀ ❀ ━┅┄

اوجه وجهي الك يحسين  وابديها بسلام اعليك
وهذا آخر سلام اليوم      خبر موتي بعد يلفيك
وادري بهالخبر مولاي       يا بعد النظر ياذيك
لچن ماضل بعد بالناس     هايه اللي يوالينه

┈┉━ ❀ ❀ ❥ ❃❃ ❥ ❀ ❀ ━┅┄

لچن غير الصبر ميفيد    وامرنه نحتسب لله
وباچر ربنه يجزيه خير   الما ما مشى اعلى اهواه
واينول الشفاعه اهناك   الچان حسين امس مولاه
حسين الرافگك ربحان     ما تخسر موازينه

┈┉━ ❀ ❀ ❥ ❃❃ ❥ ❀ ❀ ━┅┄

لچن يحسين اريد اوصيك   يا مولاي بوصيه
ابيتيمة اب حزينه اتنوح    اليه ابضعنك ابنيه
حميده من الونين اتموت    اخافن يا ابو ارقيه
باچر لو سبيه اتفوت         للكوفه القست بينه

┈┉━ ❀ ❀ ❥ ❃❃ ❥ ❀ ❀ ━┅┄

✍️الخادم فراس موحان الساعدي



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

1.مؤسسة منبريون الحسينية🧿

17 June 2024 21:12

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

يعبدالله      صعب يوليدي فرگاك
يعبدالله      يريــــــت اندفن وياك
@@@
الك دم ودمــــــــع يوليدي ابچيلك
يشــــــمعة بيتي مشتــــاگه الوليلك
يمن كونك تردلي وروحـي انطيلك
يست وردات عمــرك ارد انـاغيلك
يعبدالله    اريدن يبني ملگاك
يعبدالله    العمر وحشه بلياك
@@@
 
 
 
يبو اذراع الزغيــره البيها تشبگني
احس چفك على اخـدودي يلامسني
يمـــــن ابحلمي ڪـل ليله تراودني
احسك هسه يوليدي ابوسـط حضني
يعبدالله     الكَلب بجروحه ناداك
يعبدالله     اضل كل عمري انعاك
@@@
يبعد امـك عـــرش ربك سمع نوحي
اهز مهدك يمن عايش وسـط روحي
واگمـــط يولدي بگمــاطك اجروحي
احس مهـــدك سفينه يالصرت نوحي
 
يعبدالله     ابد ما انسه عيناك
يعبدالله     الاجل يبنــي تعناك
@@@
شفت حسباتي يجرن من دمه المنحر
تعيــن امــك گلت يوليــدي من تڪبر
احس ابڪـــــربله رسمت الي منضر
صـرت محســـن ييمه او والدك حيدر
يعبدالله     الدهر للحومه وداك
يعبدالله     اشاهد فاطمه اهناك
@@@
 
تمنيته العمر يخلـص گبل عمرك
تمنيته النحر يجـــري گبل نحرك
تمنيته الدمـــع ينزل على صدرك
يروّيك ويطفّــي صـــــالية جمرك
يعبدالله     حبيب الباري ربّاك
يعبدالله     ابد گلــــبي مينساك
____
وليد المندلاوي
 


الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك

1.مؤسسة منبريون الحسينية🧿

17 June 2024 21:03

#قصائد_شهادة_الامام_الباقر_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️عالباقر نهل دمعات مسموم يا بحر العلوم ▪️

ــــــــــــــــــــــــــــــــــــــــــــــــــــــــ

يامصاب الباقر
جنه يوم العاشر
ـــــــــــــــــــــ
احنه من نذكر رزيتك والمصاب الصابك
نذكر خضاب الحسين بيوم شفنه اخضابك
احباب ابو السجاد هي هي نفس احبابك
الكلب اصبح شاجر
جنه يوم العاشر
ـــــــــــــــــــــ
جبدك اتسمم يولي بيد هاي اعدانه
حسين مثلك علترايب كطعوا جثمانه
وجبده متوذر بديهم فدوه لجله ادمانه
الجفن ليله مساهر
جنه يوم العاشر
ـــــــــــــــــــــ
مارعوك اهل الرذيله ومارعوا هادينه
ذكرتنه بيوم طف حسينه او والينه
من بقه وحده غريب يدير ضل بعينه
انت مالك ناصر
جنه يوم العاشر
ـــــــــــــــــــــ
يا امام الدنيه كلهه وياشمس دنيانه
الدين مصابك نشوفه تنوح كل اركانه
حسين هيهي بيوم عاشر شككوا قرانه
الصار ضدك كافر
جنه يوم العاشر
ـــــــــــــــــــــ
بحسره وبنوح ومصيبه هيج تكضي ايامنه
انت وحسين ابو اليمه اصل كل اسلامنه
ايتامك احنه وباجر اتون ليك كل ايتامنه
يبو كلب الصابر
جنه يوم العاشر
ـــــــــــــــــــــ
الشاعر محمد حسن ضيغم



▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

1.مؤسسة منبريون الحسينية🧿

17 June 2024 21:02

#قصائد_شهادة_الامام_الباقر_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️عالباقر نهل دمعات مسموم يا بحر العلوم ▪️

ــــــــــــــــــــــــــــــــــــــــــــــــــــــــ

اه يمحمد الباقر
ـــــــــــــــــــــــــــــ
سيدي مصابك فجعنه
نلطم ونهمل دمعنه
بالهظم لمن سمعنه
اهتزت عليك المشاعر
ــــــــــــــــــــــــــــــ
جبدك اتسمم يويلي
عليك هسه انهدم حيلي
سيلي يادمعات سيلي
وخلي تجريج النواظر
ــــــــــــــــــــــــــ
الجعفر الصادق اواسي
حمل مولاي المآسي
الطم بكل حركة راسي
والكلب بالجمره شاجر
ــــــــــــــــــــــــ
تجري دمعاتي المصابك
شلون كلي احمل غيابك
اتسممت واشتد عذابك
جم محب مكسور خاطر
ــــــــــــــــــــــــــ
ياهو يحمل هالمصيبه
محنتك كلش رهيبه
والكلب زايد نحيبه
والدمع عالوجنه هادر
ـــــــــــــــــــــــــ
بني العباس الاراذل
العن بكل المحافل
للخزي صاروا مناهل
ماكو بيهم شخص طاهر
ـــــــــــــــــــــــ
شفت بالطف جم رزيه
تلوعت بالغاضريه
حسين شفته اعله الوطيه
سحكته اضلوع الحوافر
ــــــــــــــــــــ
شفت بالطف الضحايه
وشفت العيال الضمايه
وشفت من رحتوا سبايه
اذتك ذيج المناظر
ــــــــــــــــــــــ
الشاعر محمد حسن ضيغم



▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

1.مؤسسة منبريون الحسينية🧿

13 June 2024 14:41

#قصائد_شهادة_الامام_الباقر_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️عالباقر نهل دمعات مسموم يا بحر العلوم ▪️

ــــــــــــــــــــــــــــــــــــــــــــــــــــــــ

للباقر سلام.............من خير ألأنام
ولجابر جواب......عن حرك الخيام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*

معنه الكلام إلي جره بين الامام وجابر
عندي أمانه من النبي وعمري وصل للآخر
 گلي وتجارت دمعته بروحه الحزن متناثر
تلگه حفيدي ونسختي اسمه الامام الباقر

ياجابر أريد ............توصل للشهيد
وتگله الرسول...............ودالك سلام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
وصل سلامه المؤتمن وصار الحچي كالتالي
الباقر أنته؟ ياهله بالغالي وبن الغالي
ياما رويتلكم حچي بس شغله وحده ابالي
احچيلي عن طف كربله وبيهه ختام اقوالي

من يوم الكساء........ولطف كربلاء
عيني للسماء............فارگت المنام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
دمعت عيونه ونخطف وجه الامام ولونه
هالحاله تحصله اذا عن كربله يسألونه
گله شفت منحر نبي فوگ الثرى يدوسونه
وخدر السماوات السبع شفت العده يسلبونه

وعمتي بالنحيب.....صاحت يالحبيب
عالشاطي تغيب؟............يابدر التمام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
ياجابر شأحچي بعد عن عمتي والوادي
صعدت على تل الالم و گامت لخوها تنادي
صاحت يمن كونك عدل جاوبني يبن الهادي
لا خيمة ضلت لاخدر وينك يخال اولادي

ياروح الرسول........ياقلب البتول
بس نار وخيول...وهالحل الظلام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
ياجابر واذكر بعد ضل والدي بالخيمه
ومحتاره صاحت عمتي بين الخيم والهيمه
يالعرب مدري موعرب؟ ما ضلت الكم شيمه
بس العليل الي بقى ناحل يون من ضيمه

دارت عالكفيل......يانبض الدليل
الحگ للعليل......مو وكت المنام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
وما أنسه من جابو هزل والناگه حنت لينه
تبچي وتگل باقي الابل رحمن خوات سكينه
وعمتي تگلنه بهمس لا نبچي توصينه
لا تعثر النوگ ونگع وماكو الي يرحم بينه

من بعد الغيور........يحدينا الجسور
واليعثر يگوم.............بسياط اللئام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
🏴🏴 يهدى ثواب القصيدة 🏴🏴
لضحايا مستشفى ألإمام ألحسين ع
في الناصريه💔 ولشهداء العراق🇮🇶 عامة
وأموات المؤمنين كافة
مع الفاتحة والصلوات
ونسألكم الدعاء🤲

خادمكم
جهاد البصيراوي



▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

1.مؤسسة منبريون الحسينية🧿

12 June 2024 20:47

#قصائد_شهادة_الامام_الباقر_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️عالباقر نهل دمعات مسموم يا بحر العلوم ▪️

ــــــــــــــــــــــــــــــــــــــــــــــــــــــــ

للباقر سلام.............من خير ألأنام
ولجابر جواب......عن حرك الخيام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*

معنه الكلام إلي جره بين الامام وجابر
عندي أمانه من النبي وعمري وصل للآخر
 گلي وتجارت دمعته بروحه الحزن متناثر
تلگه حفيدي ونسختي اسمه الامام الباقر

ياجابر أريد ............توصل للشهيد
وتگله الرسول...............ودالك سلام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
وصل سلامه المؤتمن وصار الحچي كالتالي
الباقر أنته؟ ياهله بالغالي وبن الغالي
ياما رويتلكم حچي بس شغله وحده ابالي
احچيلي عن طف كربله وبيهه ختام اقوالي

من يوم الكساء........ولطف كربلاء
عيني للسماء............فارگت المنام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
دمعت عيونه ونخطف وجه الامام ولونه
هالحاله تحصله اذا عن كربله يسألونه
گله شفت منحر نبي فوگ الثرى يدوسونه
وخدر السماوات السبع شفت العده يسلبونه

وعمتي بالنحيب.....صاحت يالحبيب
عالشاطي تغيب؟............يابدر التمام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
ياجابر شأحچي بعد عن عمتي والوادي
صعدت على تل الالم و گامت لخوها تنادي
صاحت يمن كونك عدل جاوبني يبن الهادي
لا خيمة ضلت لاخدر وينك يخال اولادي

ياروح الرسول........ياقلب البتول
بس نار وخيول...وهالحل الظلام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
ياجابر واذكر بعد ضل والدي بالخيمه
ومحتاره صاحت عمتي بين الخيم والهيمه
يالعرب مدري موعرب؟ ما ضلت الكم شيمه
بس العليل الي بقى ناحل يون من ضيمه

دارت عالكفيل......يانبض الدليل
الحگ للعليل......مو وكت المنام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
وما أنسه من جابو هزل والناگه حنت لينه
تبچي وتگل باقي الابل رحمن خوات سكينه
وعمتي تگلنه بهمس لا نبچي توصينه
لا تعثر النوگ ونگع وماكو الي يرحم بينه

من بعد الغيور........يحدينا الجسور
واليعثر يگوم.............بسياط اللئام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
🏴🏴 يهدى ثواب القصيدة 🏴🏴
لضحايا مستشفى ألإمام ألحسين ع
في الناصريه💔 ولشهداء العراق🇮🇶 عامة
وأموات المؤمنين كافة
مع الفاتحة والصلوات
ونسألكم الدعاء🤲

خادمكم
جهاد البصيراوي



▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

1.مؤسسة منبريون الحسينية🧿

12 June 2024 20:39

#قصائد_شهادة_الامام_الباقر_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️خل نواسيها الزجيه... عالجواد ابهالمسيه ▪️

ــــــــــــــــــــــــــــــــــــــــــــــــــــــــ

دهر المحن ياذيني        يوميه تدمع عيني

كل ساعه مفجوعه بجرح آنه الزجيه

آنه الزجيه

****

 

بهالشهر مرن مصــايب     شيبن مني الجفـــن

والله ذي الحجه جرحني     وهيج اعليه الحزن

ضلعي ألمنـــي ولجمني     وكام ياذيني المتــن

اتذكرت ذيــــج النوايب     وآنه بجروحي أون

بذي الحجه يوم السابع     وإنوبه يوم التاســــع

لجمني يومين وكمت انعه بعزيه

آنه الزجيه

*

السابع امصاب ومراره   يجري بعــــروك الكَلب

اذكره واذكــــــر عذابه    ودمعي كالجمره يصب

منه ما اكدر اكومــــــن   امشـــي واوكع عالترب

جبد ابو الصادق يويلي   من الألـــــم كلش صعب

امن السم يعاني الباقر    وسفه الأمـــام الطاهر

اكبالي اشوفنه يون من هالرزيه

آنه الزجيه



 

فوك كل ماشافه جـــــبده    بالغــــــــدر متسممه

عاشر الظلام كلهــــــــه   واللي تكـــــره فاطمه

شاف من زغره المآسي   والاجســـــاد امخذمه

شاف بعيونه المصــيبه    والارض فاضت دمه

شاف العذاب ابعينه    من دارو اعله حسينه

عاشر  جراحات ومآسي الغاضريه

آنه الزجيه

**

وعالمصاب الثاني ألطــم   والضلوع امرضرضه

الصاحب الحظ والوجاهه   ناصــر ابن المرتضى

كبل عيد الأضحى ضحى   بالشرف لمـــن حظى

بتاسع ايام الهــــــــــــدايه   بالغرب مســــلم كظى

بالكوفه مسلم وحده   ماواحد اللي يسنده

ابجي عليه وانتحب هاي المسيه

آنه الزجيه

*

بالحبل جروهــــــه جثته    من وكَـــع من القصر

خله دمعاتـــــــــي جريه    والكَلــب ظل يعتصر

ذكراني امصاب مســـلم    يوم عاشــــر والظهر

حسين طايح عالتـــرابه    وانطحن منه  الصدر

من سحكَته الخياله     منه انمـــــــــرد دلاله

لأنحب وانوحن  عالوكع فوك الوطيه

آنه الزجيه

*


أبو علي الركابي


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

1.مؤسسة منبريون الحسينية🧿

02 June 2024 21:24

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ


ياعباس يعضيدي ياذخري
ياعباس ليش اكسرت ظهري
—————————————-
للمشرعه رايح صحت وحدي تخليني
يعضيدي غيرك ماالي ترجعلي حاجيني
سكنه تكلي من الضمه ذبلت رياحيني
بجودك يعمي مرّوتك وترد ترويني
ياعباس منتظره ياعمري
ياعباس ليش اكسرت ظهري
—————————————-
ياخويه جنك ماترد واتحير بهمي
جنّه وداع الموت الي وبي انطفه نجمي
وينك يكفال الخدر بيك الضعن محمي
تسمعها اطفال وحرم وينه الكمر عمي
ياعباس شنهو بعد عذري
ياعباس ليش اكسرت ظهري
—————————————
اعليك زينب يالاخو بالخوه احلفنك
بهل دنيه مثلك ماحصل واحد اخو منك
ذبيت جفك عالنهر وإسهام صابنك
وعيونك التنزف وفه خجلانه اشوفنك
ياعباس وبحالي لو تدري
ياعباس ليش اكسرت ظهري
—————————————
يانفسي هوني للعذب خله الكلب يضمه
وفاي انت والنعم امك هلـ إمعلمه
بدوية هاي الربتك عالشيمه اتكلمه
وتكله يبني هاي ابد يعطش ابو اليمه
ياعباس بالطف يظل فكري
ياعباس ليش اكسرت ظهري
—————————————-
ماقصرت ياالفضل وفيت بعهودك
اروع مثال بموقفك كطّعوها لزنودك
وانتَ بعظيم المنزله مشكور مجهودك
رواي تبقه بكربله وشاهد يظل جودك
ياعباس باقي عذب تجري
ياعباس ليش اكسرت ظهري
—————————————-
شكد عظيمه وكفتك ياصاحب الرايه
كدها اعرفك ياشهم من تنطي الحجاية
متخلّف ادري ام الوفة بس ناس وفايه
ومعروفك بحلگ الزمن يترجم لأيه
ياعباس و اليشهدك دهري
ياعباس ليش اكسرت ظهري

علي موفق القزاز

الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك

1.مؤسسة منبريون الحسينية🧿

01 June 2024 20:57

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

قصيدة لمولاي العباس ع

كاسر ظهري . وشيب عمري. عباس
يم الرايه. صحت هوايه. عباس

اخوي. من كتله شلونه
اخوي. دم تجري عيونه

……

عيني عالرايه واجر بالكون الانفاس. انتظر يجيني
حسبه تاخذني وتردني وشيب الراس. من ترفلي عيني

لن ما شفت الرايه وكلبي ظل موجوع
جيت اركض من ضيمي وطاحن مني ضلوع
كبالي يهوسون اسمعهم طاح العباس
ويه جدامي ظل يعثر كلبي المشلوع

اسأل وينه. شوگي لعينه. محتار
ردت اوصله. وبس اندله. محتار

اخوي. بيش يطلبونه
اخوي. دم تجري عيونه

………

ابو فاضل هذا انته النازف هواي. كتله ماعرفتك
شما الزمك انته آخ تصيح مولاي. وحيرتي بشبگتك

نمت بطولك حتى اتخضب من دماك
يلي مطشرينك ياخويه هنا وهناك
اخر كلمة خويه احچيهه اشبكني وموت
وطلعت روحك وآنه لزينب راح انعاك

تموت الخوه. الخوه التسوه. وانعاك
يمخليني. لضيم سنيني. وانعاك

اخوي. مكسوره متونه
اخوي. دم تجري عيونه

………

كمت أتوچه اعله سيفي وكلبي مفطور. مكابل الشماته
وكامو يصيحون هذا الظهره مكسور. ومحد لبناته


خافن ابقه وتكصد وادم للخيمات
ولو ارجع صدرك ينداس من الشمات
بلا طولك ياخويه محدب من رديت
طاحت زينب من كلتلهه الكافل مات

زينب شافت. ظهري وصاحت. ويلاه
يبنياتي. ياخيماتي. ويلاه

اخوي. ماتسوه بدونه
اخوي. دم تجري عيونه

………

عمامتي مالت ومدري شصار بيه. وكلبي عالمخيم
چفوف زينب رجفن وكلبي سويه. ردت خدري يسلم

عيالي التمت والاكثر جانو اطفال
كمت ابچي لام عون وباچر اصعب حال
شلعت كلبي وهمست بذني بس بهداي
بلا عباس اسمعهم كالو جبنه حبال

شلون العيله. ومن اشكيله. بلياك
حزام لظهري. شلون بخدري. بلياك

اخوي. عيالي يشوفونه
اخوي. دم تجري عيونه

……

الدنيا خنگه بلا أبو فاضل شفتهه. بعيني ظلمه صارت
وداعة الله عيالي رحت او ودعتهه. والعقيله حارت

صحت بنياتي ونتوادع صار الراي
وحده تشمني او وحده التحضن بيه هواي
ولزمت طرف اذيالي ارقيه وصاحت وين
لاعطشانين ولاردنه تجيب الماي

بلا چفينك. هيچ حسينك. تعبان
بين العسكر. وحدي اتحير. تعبان

اخوي. ارتاح وخيعونه
اخوي. دم تجري عيونه

……..

نسألكم الدعاء
حسين صادق العقابي


الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك

1.مؤسسة منبريون الحسينية🧿

21 August 2024 20:42

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يبقه العشگ لحسين. وبحبّه متمسكين
لا سنة ولا سنتين. حد المنية حد المنية

ــــــــــــــــــــــــــــــــــــــــــــــــــــــــ

رجوع الضعن في اربعين ولحسين (ع)

رد الضعن باربعين الوالي
وكلهن اجن يبجن اعله الغالي
.............................
من يسر رجعن وكلهن تعب
والعمر من الايام انسلب
مو صبر جن صبح نار وحطب
ينتشر بالدمع مثل اللهب
وعلي الساجد حادي ياحسين اينادي
سيدي اتعنينه من اليسر للوادي
نسوه وبجن واشبقه ابدلالي
وكلهن اجن يبجن اعله الغالي
.............................
مو هوه هب رماد اخيامه
ونينوه لخنصره وابهامه
يادوه والجروح ايتامه
والتوه ظهره يم ازلامه
زينب ويه العيله من بعد توميله
من اليسر مهضومه تكَعد وتحجيله
دار الزمن والدموع اتلالي
وكلهن اجن يبجن اعله الغالي
.............................
جف سبع من بِعِد حياهم
منكَطع بمشرعه اتلّكَاهم
وينسمع هالحديث وياهم
وابدمع عينه من ترعاهم
استقبل اخته بعينه امكَطعه جفينه
للخدر والعيله فدوه كال اسنينه
وزينب تون وينه جا كّفالي
وكلهن اجن يبجن اعله الغالي
.............................
بالترب وسفه زلم الهيبه
والحرب عاليتامه امصيبه
بالرعب والعدو تعذيبه
شكَد صعب وعلي منين اتجيبه
عيد شام اعداهم حيل والله اذاهم
بالشتم عالعيله وسوط يتلكَاهم
وابلا وطن رجعن ابهَم عالي
وكلهن اجن يبجن اعله الغالي
.............................
استقبله جابر الانصاري
بكل هله وبدمع دم جاري
يسأله والعليل اخباري
قافله جاوبه بكل ناري
ها يعمي جابر على اجروحي مكابر
انظر اعله سكينه وكَوه كَلبي صابر
كَلبي انطعن من اشوف اعيالي
وكلهن اجن يبجن اعله الغالي


الشاعر ياسر العارضي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

21 August 2024 20:27

#قصائد_الاربعينية_والمشاية

#مـۄسسـﮫ_مــﻥــبـريۄن_الحسينية

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصائد المشايه.....صفر1440

رد الضعن من السبي وبت الوديعه امكدره
لخوتها شتجاوب لون نشدوها زينب حايره
زينب اجيتي ارقيه وين.....نسمعها يوم الاربعين
◇◇◇◇◇◇◇◇◇◇
زينب تصبّر عالحرم....اتاملهن براعي العلم....من يجن يتلكَاهن
ولو ردن الارض الوطن....كل المصايب ينتهن....الكافل يروح وياهن
ظنن دمعهن ينمسح....ويتشافى بالروح الجرح....لو ردن الولياهن
كَالن يكوملنا الاشم....يحمي الخدر يحمي الحرم....ويرفع لفوكَ الواهن

حسبالي الكَه كافلي حي حتى ارفع هامتي
و وياه اردن للوطن وهوه اليكَوم بخدمتي
لاكن يوسفه ابلايا ادين......نسمعها يوم الاربعين
◇◇◇◇◇◇◇◇◇◇◇
كفالي ما عاين علي....لا شاف الحبال البيدي....لا سمع وني ونوحي
آه وهضم نوح وقهر....من ساعة الظل
عالنهر....ونيران كبرى ابروحي
بعلوم المفارك شطت....ومن غير موت آنا متت....وصار الامل مذبوحي
بفكاري ليهسه الخيم....وارتاح اريد من الالم....من يمسح اعلى اجروحي

مهضومه للطف اعتنت هالليله بضعة حيدره
وياها اطفال وحرم ميت العاش ابمكَبره
تمشي مشي الكَبر الحسين...نسمعها يوم الاربعين
◇◇◇◇◇◇◇◇◇
زينب على طول الدرب....محتاره والمدمع
يصب....واتفكر ابأخوتها
زادت معاناة الكَلب....موقف على الحره صعب....ارقيه بغرب عافتها
بحسين محتاره لون....لو شاف بيه نقص الضعن....وعن طفلته ناشدها
كل ساعه زينب تنقهر....شتكَله ماتت باليسر....ويم العدى دفنتها

ينشد على اخته الاكبر بيوم اليشاهد عمته
ينحب عليها وعمته بمعصبها تمسح دمعته
والحسره صارت حسرتين...نسمعها يوم الاربعين
◇◇◇◇◇◇◇◇◇◇
منهو اللي اترجاه منو....ولا ابن ظل ولا اخو....جا ياهو يتلكاني
صرعه عفتها اعلى الثره....والروس كلها امبتره....والعدوا ايسب ولياني
جيت وجبت هالعايله....واصرخ اويلاه كربله....ما تنحمل اشجاني
رديت انا ومال الحمل....هضم اليسر ما ينحمل....ياخوتي اختكم آني

زاد الهضم زاد القهر عالحره مفتره المحن
ونظرت لهلها وعاتبت ياهو اليردني للوطن
وتنده على اخوتها بونين.....نسمعها يوم الاربعين
◇◇◇◇◇◇◇◇◇◇
والحيره الاكبر لو مشت....لارض المدينه واعتنت....ياهو اليروح وياها
وينك يشيال العلم....اختك تناديك بالم....انهض ولبي انداها
محمد اخوكم لو سأل....ياخويه جا وين الاهل....واعلى الارض عفناها
صاحت يعباس وبجت....لو جتني امك ناشدت....عنك يراعي الواها

يابا الفضل ما حسبّت ياكافلي ايضمك كَبر
جا بيش الوذن ياعضيدي ومابعد ظلي صبر
وين انطي وجهي يالحنين...نسمعها يوم الاربعين
◇◇◇◇◇◇◇◇◇◇◇

الخادم فراس موحان الساعدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://t.me/joinchat/Dw92Dj9pmspPx7OpNRYqtA

1.مؤسسة منبريون الحسينية🧿

19 August 2024 11:40

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يبقه العشگ لحسين. وبحبّه متمسكين
لا سنة ولا سنتين. حد المنية حد المنية

ــــــــــــــــــــــــــــــــــــــــــــــــــــــــ



شكرآ ياحسين ورحت مشايه
بچيت هواي بس مقصر هوايه
خلصت هاي هيه لا ابد منگول
مايخلص لطمنه ونوح القرايه

والله وحشه ~ هسه كل خادم رجع
والله وحشه ~ واگف ابعينه الدمع
والله وحشه ~ ضلمه من دون الشمع

عدنه مطلب يالحنين ** لعوده نصرخ ياحسين
~~~~
تره العاشگ الك ما سلهمت عينه
عمت عينه الصدگ مايبچي لحسينه
كون الثوب طين ونلطم اعله الراس
وبحرگه نصيح العجل مهدينه

والله هظمه ~ زينب ابديرة غرب
والله هظمه ~ اخ والموقف صعب
والله هظمه ~ احنه راحتنه التعب

كون نگضيهه ابونين *** لعوده نصرخ ياحسين
~~
ألك حافي المشي يالتعرف شبيه
تمر طفله اعله بالي ازغيره علويه
يوم الحرگو الخيمه وهوت للگاع
اجت تركض ركض وجدام مچويه

عمه عمه ~ عمه زينب صيحت
عمه عمه ~ بالبواچي فرفحت
عمه عمه ~ عالترايب من هوت

عالجره ماتغفه عين *** لعوده نصرخ ياحسين
~
من يمشي المسير ونوگ تعبانه
وابو الموكب تحزم فتح ذرعانه
تشابيه السبايه وناعي هم ايصيح
زينب من اهلهه اتريد عوانه

والله صعبه ~ مرت ابساع وگضت
والله صعبه ~ عل خدامه اتعودت
والله صعبه ~ بجاه كل جاه وبخت

بجاه امير المؤمنين *** لعوده نصرخ ياحسين
~~
كرار العطوي السماوي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

20 June 2024 20:24

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
ياكَلبي العاشك (العليله )ع
 
ياكَلبي العاشـــــــك مايرتاح    متعوب ويكضي الليل انياح
خل انموت   لاميرجعـــون    خل انموت    كافينه اضنون
خل انموت   أهلي يموتون
***
عليله اويومي كله كاضي بس ونه    وحلمي المارحم باكَه
ياكَلبي النحــبهم وابعـــــــــدو عنه   اوياهم صـعب الملاكَه
منهم يادليلي نكطــــــــــــع الضنه   ادري الــروح مشتاكَه
لاراحه بعد بالوكـــــــــــــت نتهنه   اونن ونـــــــــة الناكَه
العاشكَهم كلبــــي من اســــنين       شو جنهم شالو وامغـــــربين
خل انموت  ماضن يلفون        خل انموت  كافينه اضنون
خل انموت  أهلي يموتون
***
ميت ياكلــــــب ادريك من راحـــو    من شال الضعن واسره
دفنتك على البــاب بساع من شـالو    يوم الغصـــــه و العـبره
مات الحيل مني امن اكفو و سارو    وضاعت منهــــم النظره
يوم البيه عن شوف البصــــر غابو    اعيوني امن الدمع حمره
من بعدت عني اجراس النوك    ظل جبدي ايفور وجن محروك
خل انموت  ادري يشيلون      خل انموت  كافينه اضنون
خل انموت  أهلـي يموتون
***
مايرجع الراح اومايرد ليــــــــنه   ابعيني كل صبح طافي
ماضنه ضعنهم مايمـــــــر بيــنه    بســـــك ياكَــلب كافي
أيس ماتشوفه طول ابو ســــكينه   لافي لاحضـــــن دافي
عطشانه وتناشـــــــغ كل اهالينه   يبسن ريجــــي وافافي
صفنات ابالي اتشوف اجروح     جن ميت حيلي  وجن مذبوح
خل انموت   لاميســـلمون    خل انموت   كافينه اضنون
خل انموت  أهلي يموتون
***
خل ننصب مجالس تعزيه الليله   وانطول نعــــــاوينه
ياعين بمدامـــــــــع بللي الشيله   وانون ابواجـــــــينه
شو بالي يكلـــــــي سـلبو العيله   من طاحت زواجينه
دمنه بكربله سال وطفــــح سيله   ماواحد رحــــم بينه
شيرجع الجف المنهم طاح    وشيكوم الحيل الكله ارماح
خل انموت  لاميردون     خل انموت   كافينه اضنون
خل انموت  أهلي يموتون
***
ياكلبي النفس مخـــــنوك بالريه   والله امرمره احوالي
ميته احسبني والله وروح مابيه    شايل مني جم غالي
بجمرات الهجر والنوح مجويه    ماعندي حمه اوالي
جني ابلا افياي بصحره مسبيه    مية فاجعـــــه ابالي
ميته وآنه امشي ابلايه انفاس     اصرخ يحســــــيني وياعباس
خل انموت    لاميعودون     خل انموت    كافينه اضنون
خل انموت  أهلي يموتون
***
 
 
 
 
أبو علي الركابي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

1.مؤسسة منبريون الحسينية🧿

19 June 2024 20:47

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــلسان حال عليلة الحسين ع

لوعه وافراك ومرض دار وخلية
وبيه شوك لكربله ولاختي رقية

انه العليله .. انه العليله

~~

يالعفتني .. أخذ كلبي وَيَاك مايكدر يعوفك
يالعفتني .. لسه بثيابي بعد ريحة جفوفك
يالعفتني .. حيّل آذاني البعد يا يوم اشوفك

حسرتي بكلبي ،،،، ودمعه بعيوني
ليش وياكم ،،،، ما خذيتوني

دمعه وآهات وبواجي شكثر بيه
وبيه شوك لكربله ولختي رقيه
~~~~~
بويه وينك .. يالرحت وَيَاك روحي جا خذتها
بويه وينك .. ليش بديار الغرب بتك عفتها
بويه وينك .. يا بعد كـلب العـليله الـفاركتها

حيّل مشتاكه ،،،، لشوفة احبابي
ليش عفتوني ،،،، بوني وعتابي

والله مشتاكه اشوفنكم سويه
وبيه شوك لكربله ولختي رقيه
~~
والله صعبه .. ساعده الله ليفكد اعزازه بثواني
والله صعبه .. بعينه كلشي ايموت وتعيش الاماني
والله صعبه .. كلها عافتني وصحت اه يا زماني

عمتي شافتني ،،،، بحسرتي وعلتي
كالت أخذوهم ،،،، بس بقيتي انتي

رت اموت وما اشوفن هالمسيه
وبيه شوك لكربله ولختي رقيه
~~
حالي بعدك .. مثل حال الشمعه من يخلص دمعها
حالي بعدك .. مثل ذيج التشكي بس محد سمعها
حالي بعدك .. جني ورده ذابله و يقهر و ضعها

اصرخ احضرني ،،،، بويه حاجيني
كلي من بعدك ،،،،، من يحاميني

انه بغيابك تره شفت الاذيه
وبيه شوك لكربله ولختي رقيه
~~
من رحلتو .. علتي زادت والكسر بان بخيالي
من رحلتو .. ودعت عمري وكمت انعه اليالي
من رحلتو .. راحت اسنيني بسفر كل الغوالي

فزت جروحي ،،،، وعيني هماله
مكيده بهمي ،،،، واشرح الحاله

حالتي مو حاله يالرحتو من اديه
وبيه شوك لكربله ولختي رقيه
~~~
#سيد_محسن_الجابري
#ونسألكم_الدعاء



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

1.مؤسسة منبريون الحسينية🧿

17 June 2024 21:16

#قصائد_مسلم بن عقيل_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏لانـاصـر وگــف ويــاه   
           😭    غريـب بديرة الكوفـه😭
  .      🏴
ــــــــــــــــــــــــــــــــــــــــــــــــــــــــ

الليله الخامسه

*

الليله خمسه يالمحب
حكـــه دمعك ينسجب
المسلم الليله الذكر نار كلبك خل تشب
وآحُسينــــاه حُسينـــاً
وآحُسيناه

حسين يامولاي ياسيـد الساده
حسين يامولاي يالحبك عباده
أبن عمك مسلم بساحـة جهاده
قاتل بزود وعزم همه وأراده

وسفه لاجن وحده
وكثرة أعليه العده
ويلي من كثر العطش جالجمـــر كلبـــه غده
وآحُسينــــاه حُسينـــاً
وآحُسيناه

*



الليله السادسه

*

الليله سادس هالشهر
الليله لصحاب الفخــر
ليلة أنصار السبط المامثلهم بالبشـــر
وآحُسينــــاه حُسينـــاً
وآحُسيناه

ليلـــة الانصـــار هايــه يالموالي
بيها محلاه الذكــــر لهل المعالـي
ألهم ألهم فقط بس حسين وآلــــي
هالنشامه الدينهم رخصوا الغالي

ذوله أهل المعرفه
والمكارم والوفـــه
والهم بطف كربله زود لامانوصفـــــه
وآحُسينــــاه حُسينـــاً
وآحُسيناه

*



الليله السابعه

*

الليله سابع والدمـــع
يجري والكل منفجع
ليلة أمصاب الكمر العالشريعه منصرع
وآحُسينــــاه حُسينـــاً
وآحُسيناه

ليلـــــــة العباس هاليلــــــه يشيعه
ليلـــه بيها مكدره الزهـره الوديعه
محزنــه وتنعــه وتون يم الشريعه
فاطمه تبجي على جفوفه الكطيعه

وياها شيعة حيدره
محزنـــه ومتأثــره
والمآتم هالمســـه بسم سبع الكنطره
وآحُسينــــاه حُسينـــاً
وآحُسيناه

*



الليله الثامنه

*

ليلـــة الثامــن محن
بيها كل شيعي حزن
العتره كلها أتحسرت على الشاب أبن الحسن
وآحُسينــــاه حُسينـــاً
وآحُسيناه

ساعـد الله كلــب أمـــه أبهالمصيبـــه
أوحيد أبنها وبقت من بعده غريبـــــه
أبنادم تموته المصايب من تصيبــــــه
شلون صبرت على فراكه أمه عجيبه

القاسم بطف كربله
موقف يبجــــي أله
شاب بالحومه أنذبح وكسر كلب العايلــــه
وآحُسينــــاه حُسينـــاً
وآحُسيناه

*



الليله التاسعه

*

ليلــة التاسع بسم
المثل جده مرتسم
جسم الاكبر جالنبي بس توذر هالجســم
وآحُسينــــاه حُسينـــاً
وآحُسيناه

حسين جان يحب الاكبر غالي عنده
جان من يشوف وجهه يشــوف جده
من توذر وضـــع خــده على خـــده
وصار ماينوصف حال حسين بعده

لوت كلبه أمصيبته
ويمه كفكف دمعته
صاح يبني ياعلي وحضن فلذة جبدته
وآحُسينــــاه حُسينـــاً
وآحُسيناه

*



الليله العاشره

*

الليله عشره وبالخيم
أوداع ويه أهل الشيم
أمن الموادع هالمسه كلب كل حره أنولــم
وآحُسينــــاه حُسينـــاً
وآحُسيناه

أتوادعت زينب الحره ويه الغياره
ودعتهـم والدمــــع عالخــد تجاره
تدري يتشتت شمل أهل الطهــاره
وتدري زينب باجر أيظلن حيـاره

تدري باجر بت علي
مايظــل ألهــا ولـــي
أخوتها باجر تنذبح وهيـــه وليــه تنولي
وآحُسينــــاه حُسينـــاً
وآحُسيناه

*
ســلام المشــعل

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

1.مؤسسة منبريون الحسينية🧿

17 June 2024 21:13

#قصائد_مسلم بن عقيل_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏لانـاصـر وگــف ويــاه   
           😭    غريـب بديرة الكوفـه😭
  .      🏴
ــــــــــــــــــــــــــــــــــــــــــــــــــــــــ
طاحو كلهم هو الباقي ما وگع ما وگع
رجعو عن حسين وهو ما رجع ما رجع
مسلم لليوم بكوفان .. وحدة يحارب بالشيطان
ماوگع
___
لا تستغرب خل نحچيلك هالوقعة مو بس دمعات
بيها العبرة الي حذفوها من القرءان من الايات
مسلم شاهد عليي خانو وتبعو اسرائيليات
هم الغروا أهل الكوفة بالمال وبالتخويفات

زمرة سفيان القربتهم للحكم للحكم
ال يهود من ال الزهرة تنتقم تنتقم
والشيعة ما الها كيان .. وحدة يحارب بالشيطان
ماوگع
___
نفس الموقف نفس الغدرة مسلم هم نشوفه اليوم
وحدة يقاتل وبلا ناصر التم عليه المشئوم
حب الدنيا وحب المال وكيد الناصب هم معلوم
يلعب بينا ويودينا للسنو ذاك المرسوم

رسموه لمسلم هالزمرة الاثمة
وچم شيبة التارس دمها العاصمة
وفرحت ساعتها العميان .. وحدة يحارب بالشيطان
ماوگع
__
كل الطايح گالو رايح وتشمت بيه گلوب الناس
بس ماشايف مثلك فارس صولاتك مثل العباس
كلهم طاحو وانت الباقي لليوم تحارب وسواس
گبتك جنة ومن نتعنة الها نرفع بيك الراس
نتعلم منك كل زينه من نزور
واعله الناصب نعلن ثورة بالثغور
وحشدك تارس كل مچان .. وحدة يحارب بالشيطان
ماوگع
___

ياتربات الوالي وحجته اثاره بكل فتنه نشوف
عليي خانوعليي هادوا شاهر للمعروف سيوف
صاح بصوته يهل الكوفة حسين محاصر برض بطفوف
بس الشايب ثار وطوعة وعالساتر نصرو معروف

دم الشيبة يبقه يحاسب بالظلم
وطوعة بس هية المحسوبة عالزلم
خلت بگصصهم نيشان .. وحدة يحارب بالشيطان
ماوگع
__
هذا الدين يريد الصادق والكاذب لاما يراد
يريد الطلگ هذه الدنيا ويتبع ماراد الاشهاد
وقصة مسلم وية الكوفة اليوم علينا تنعاد
كسرو شوكة هاي الشيعة وتبعوا سفياني الاوغاد
الله يساعد گلب المهدي لو ظهر
من هالمله يخلص صدره من القهر
تعوفة وتتبع امريكان .. وحدة يحارب بالشيطان
ماوگع
_____
والي رايد ينصر مسلم وياخذ من فضل الله جنان
خل يتوضه بدمع المجلس يحصد من الله الرضوان
خل يعاهد ذالك المهدي ويصبر عالهم والنيران
وهاي الكلمة ما ينساها كلا كلا للشيطان

سلم عالمهدي وعد نفسك للظهور
مسلم يفرح من كل گلبه بالسرور
ما طاح الي عنده اعوان .. وحدة يحارب بالشيطان
ماوگع
__
مجيد عبد الرضا القريشي
خادم مسلم


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
/channel/+EYMpn6BKE-IxYmZi

1.مؤسسة منبريون الحسينية🧿

17 June 2024 21:09

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ
آنـه العـليلـه والمـرض مــاذيني
والدار وحشه والصدى يحاچيني
راحو هلي وين *** دمعي طفه العين
** 
بهلي من طلعت ابلهم   والظعن يحديه گمر
ظلـت عـيـوني تـراقـب   والـدمع شبه المطر
ويه روحي گمت اسولف  هم يرد يطلع فجر
لـو أظلـن بس أمــانـــــي  عايشـه بـشـم الاثر
جسمــي ناحل وانتظر ملگاهم
وروحي راحت بالظعن وياهم
بيه أشتفه البين *** دمعي طفه العين
*** 
عني من اكفه ظعنكـم    والشمل ماأظن يرد
گمت اصيحن آه يگلبي   لـلمـصـايب دستعـد
سلـوتي اصبـح ونينـي   وخـتـنـگ لمـن أصد
خالـي محرابـك يبويــه   والطفـل مـو بالمهد
تهيج علتي وركض المحاربك
تغيب روحـي مـن اشـم لثيابك
خاويت الــونين *** دمعي طفه العين
***  
دهري وي علتي بعدهم   رسمو اگبالي صور
صورولي أهلي ويعودي   دايـر اعليهـم خطـر
ساعه يرسم سهـم ليـــه   نابت بصدر ونـحــر
ومره يظهر چـف حبيبي   طايـح بكـتـر النهـر
جثـه يـرسم عالوجـه مگلوبه
ومره ترچيه من أذن مسلوبه  
وانظر جمرتين *** دمعي طفه العين
***   
جمره بخيام الفواطم   واخرى تلهب بالعباه
وزينب تشاگف بديهه   لـلمتـن ظــالـــم ولاه
طفله راحت يم ابوهه   شافته فايـض دمــاه
لاذت ابكتـره وتشمـه   بالنحـر تطلب حـمـاه
ترضه يـابـويـه الشمـر يـوليـني
فـوگ صـدرك مـارضه ايخلـيـنـي
وردلي بسطرتين *** دمعي طفه العين
***    
هــذا حـالـي مـن بعـدكـم   عشـتـه بآلآم وقهـر
ليلي يخلص وي دموعي    والصبح انطـر خبر
واكفـه ابـابـي وتــانــــــي   والجدم حدره الجمر
ولـن ابـن حذلـم يـنـادي   گلبي من صوته انفطر
رحت انشده عن ابوي اشلونه
ليش راجع هالظعن من دونـه
أوين الميامين *** دمعي طفه العين
***     
دمعه جاوب من سمعنـي   ونـحـنـه ظهـره بـألــم
أنچان عن عودچ سألتي   ورتي من عندي العلم
راسه فـوگ ارماح دامي   وصدره بالخيل انهشم
وأهلچ اعله الغبره ظـلو   وعالنهـر مطوي العلم
بس عليـل ابهلظعـن تـلـگيـنه
لو نشدتي اعله البقو عذرينه
كلهم مطـاعـيـن *** دمعي طفه العين
***  
لخادم خدمة الحسين ع 
ابو عمار الدراجي 



▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

17 June 2024 21:02

#قصائد_شهادة_الامام_الباقر_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️عالباقر نهل دمعات مسموم يا بحر العلوم ▪️

ــــــــــــــــــــــــــــــــــــــــــــــــــــــــ

للباقر سلام.............من خير ألأنام
ولجابر جواب......عن حرك الخيام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*

معنه الكلام إلي جره بين الامام وجابر
عندي أمانه من النبي وعمري وصل للآخر
 گلي وتجارت دمعته بروحه الحزن متناثر
تلگه حفيدي ونسختي اسمه الامام الباقر

ياجابر أريد ............توصل للشهيد
وتگله الرسول...............ودالك سلام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
وصل سلامه المؤتمن وصار الحچي كالتالي
الباقر أنته؟ ياهله بالغالي وبن الغالي
ياما رويتلكم حچي بس شغله وحده ابالي
احچيلي عن طف كربله وبيهه ختام اقوالي

من يوم الكساء........ولطف كربلاء
عيني للسماء............فارگت المنام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
دمعت عيونه ونخطف وجه الامام ولونه
هالحاله تحصله اذا عن كربله يسألونه
گله شفت منحر نبي فوگ الثرى يدوسونه
وخدر السماوات السبع شفت العده يسلبونه

وعمتي بالنحيب.....صاحت يالحبيب
عالشاطي تغيب؟............يابدر التمام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
ياجابر شأحچي بعد عن عمتي والوادي
صعدت على تل الالم و گامت لخوها تنادي
صاحت يمن كونك عدل جاوبني يبن الهادي
لا خيمة ضلت لاخدر وينك يخال اولادي

ياروح الرسول........ياقلب البتول
بس نار وخيول...وهالحل الظلام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
ياجابر واذكر بعد ضل والدي بالخيمه
ومحتاره صاحت عمتي بين الخيم والهيمه
يالعرب مدري موعرب؟ ما ضلت الكم شيمه
بس العليل الي بقى ناحل يون من ضيمه

دارت عالكفيل......يانبض الدليل
الحگ للعليل......مو وكت المنام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
وما أنسه من جابو هزل والناگه حنت لينه
تبچي وتگل باقي الابل رحمن خوات سكينه
وعمتي تگلنه بهمس لا نبچي توصينه
لا تعثر النوگ ونگع وماكو الي يرحم بينه

من بعد الغيور........يحدينا الجسور
واليعثر يگوم.............بسياط اللئام
*:*:*:*:*:*:*:*:*:*:*:*:*:*:*:*:*:*:*:*:*:*:*:*:*:*
🏴🏴 يهدى ثواب القصيدة 🏴🏴
لضحايا مستشفى ألإمام ألحسين ع
في الناصريه💔 ولشهداء العراق🇮🇶 عامة
وأموات المؤمنين كافة
مع الفاتحة والصلوات
ونسألكم الدعاء🤲

خادمكم
جهاد البصيراوي



▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

1.مؤسسة منبريون الحسينية🧿

13 June 2024 14:42

#قصائد_شهادة_الامام_الباقر_عليه_السلام

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️خل نواسيها الزجيه... الباقر ابهالمسيه ▪️

ــــــــــــــــــــــــــــــــــــــــــــــــــــــــ



اليوم المصايب تنجمع     للباقر ومســلم دمـــع

رتلهه كَلــــب المنفجع     هاي العزيه

****

 

طلعنه بهالعـــزاء امصيبه ننعاهه

الشهيدين القصــــيده اليوم نقراهه

مصاب الباقر الثقلــــــــــين أذاهه

ومسلم كل عيـــــون احبابه بجاهه

بدرب الشهاده من مشو    لأجل الولايه جاهدو

والشاهد امــــن  تخلدو     هاي العزيه

****

 

عذابات الجهل والظلمـــــه جرعوهه

وغدر اهل النفاق وجـــوره عاشوهه

وجلمة ياحســـــــين بصرخه علنوهه

وعلى اجبين الخلـــود الجلمه كتبوهه

واحد جرع ســم الغدر    واحد وكع من القصر

وظل كل سنه إلهم ذكر    هاي العزيه

****

 

الباقر كل حياته بس نعـــــي ولوعه

مات وروحه صعدت ويلي مفجوعه

ومسلم وحده والكَــــــــــوم مجموعه

ماعنده مناصر بس فقــــــــط طوعه

لحسينه والذاك الضعن    ظل يبجي بدموع المحن

واحنه نصبنه بهالزمن    هاي العزيه

****

 

الباقر بالغدر متســــــــــممه جبده

ظل اينازع اسبوع  ووصـل لحده

لاجن اهله يمه وحاظــــــره عنده

بس حسين ظل اعله الرمل وحده

راحو  اهل بيته ذبـــــــــح    وشيخ العشيره منطرح

اعظم مصاب اعظم جرح     هاي العزيه

****

 

ومسلم صح شهيد ومات بالغربه

الأعظم والمحنته تذبـح وصــعبه

المات ولحيته من دمـه متخضبه

وبرجله الشمر متعمــــد اضربه

المحنتهم انوح ونون      وانرتل ابآه الحزن

تتكَاطر ادموع الجفن     هاي العزيه

****

 
ابو علي الركابي
▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

1.مؤسسة منبريون الحسينية🧿

13 June 2024 14:41

#قصائد_شهادة_الامام_الباقر_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️عالباقر نهل دمعات مسموم يا بحر العلوم ▪️

ــــــــــــــــــــــــــــــــــــــــــــــــــــــــ

صح مــــــــا عنده كبّه ولا أكوا مناير
مــــــــــــــن بعيد زوره يحسبك زاير
ويسجلك أكيده بدفتــــــــــــــره الباقر
*
صح ما عنده مرقــــــد لا إله كبّه
وكبره بوطن جــدّه ويشعر بغربه
ممنوعه الزياره وعالمحب صعبه
لذلك يقبلك والأجـــــــــرك يحسبه
أيسجلّك زيـــــــاره منين متزوره
ويسجّل أجـــــرهـا ويغمرك نوره
بعـــــــــد شتريد يلّه لا تضل حاير
**
إذا نيتك تـــــــزوره لا تضل محتار
صفّي النيه وأصعد فوك سطح الدار
وقراله الزياره وزيّـــــــــــد الأذكار
يسمع كل كلامك أبـــن حامي الجار
مـا يبعد تره عــــــن المحب لحظه
ويهنياله ليكتبـــــــه وشكبر حضّه
ليسجله إمامــــه بدفتـــــــره ناصر
****
مــــــــن أي المراقد أنت تكصدله
بيك أيرحب وكـــــــل جهدك يقبله
لأن هاي المراقد عنـــده دور أهله
أكيـــــــــده يحضرك بيها بلا مهله
بس تقـــــره الزياره يحضر ويمّك
ويدوّن بكتبه زيــــــــــارته بأسمك
كبل مــــــا تطلـع أنت وكبل متغادر
*
لـــون تحضر مجلسه لا فلا ينساك
وبيوم الحشر يوفــــــي العهد وياك
وأكيده بالكبر هـم يحضر ويرعاك
وينطيك الأجر يـا محب بيده هناك
كل لطمة صدر فــي مجلسه تنفعك
يل مـا تبخل ويجــــــري إله دمعك
وأنه ضنّي بمجلسه ما أكوا خاسر
****
الكل فايـــــز أكيده يم أبـــــو جعفر
بس الما حضر هــــذا العزه يخسر
ويبقــــه بالحشر مهمـــــــوم يتعثّر
لأن مــــــا واسه أمّه فاطمه الكوثر
الما حاضر عــــــزائـه الليله ويّانه
خسرانه أكيـده هنـــــــــــاك ميزانه
وترجح كفّه اللي بالعــــــزه حاضر
****
كريم الباقر ومثــــــــل الحسن عمّه
مـــــــــا ينساك لحظه لا وضلع أمّه
ويزيد بأجــــــــــور القــــدّم الخدمه
وأسس هل عزه هــــذا المسه بأسمه
نفس الجود جـــوده ونفس منهاجه
تاخذ منّه بيـــــــــدك كلشي محتاجه
ميردك أبــــد مكســــــور إلك خاطر
****
يــــا ربي نسألك أنظـــــــــر بأمره
وعجّـــــــل طلعة اللي كلنه ننتظره
خل ياخــــــذ الثاره يشيّــــــد الكبره
وهناك يربـــــــــــــي نحضر ونقره
دمعتنه ســـــــــــوه نجريها عالزاهد
بعد مــــــا نطرد لكــل ناصبي وحاقد
عجّل طلعته يـــــــا ربي يـــــــا قادر



الشاعر
قاسم حتروش البلداوي
خادمكم
أسألكم الدعاء🤲🤲🤲🤲
غير مبري الذمه كل من يقرأها بطور الغناء


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

1.مؤسسة منبريون الحسينية🧿

12 June 2024 20:47

#قصائد_شهادة_الامام_الباقر_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️عالباقر نهل دمعات مسموم يا بحر العلوم ▪️

ــــــــــــــــــــــــــــــــــــــــــــــــــــــــ

لسان حال الامام الباقر عليه السلام

بعد المصيبه. روحي غريبه
من كربله الهليوم روحي غريبه

★★★★★★★
من شفت وكتي وعذابه وشوگي لهلي والحنين
ولوعة الطف وجرحها وغربتي وليل الونين
خاطبت دهري وگلتله أي وحگ جدي الحسين
آنأ الباقر ابصبري. ماتحيرني السنين

لاكن حسره تعيش بگلبي
وزادت گلبي بهلوعات
شمل احبابي الرايح مني
هم يرجع ماظن هيهات

ومنين اجيبه. روحي غريب
من كربله الهليوم روحي غريبه

★★★★★★★
اربع اسنين وشفتها. وتمر بعيوني وتلوح
لوعة الطف وحربها. منها أتعذب وانوح
خيام محروگة ويتامى وروح مهظومه على روح
وداست الخيل على جدي تلفي اشوفنها وتروح

ذيچ الساعه الماانساها.
عن بالي مالحظه تغيب
أهلي الراحوا كلهم مني
انوار الدين واهل الطيب

بدنيا عجيبه. روحي غريبه
من كربله الهليوم روحي غريبه

★★★★★★★
للمنيه اتضل غربتي. ولوعتي لأجل الغريب
للحسين ابن الزچيه. علارض طايح خضيب
يملي هذا الكون نوحي. وحرگتي وكثر النحيب
حرگتي للموت تبقه. علحبيب. أبن الحبيب

اشكر ربي وكثرة صبري.
وعزم الروح على الأيام
اتهدم اجبال احزان بروحي
واكثرهن لوعات الشام

العاشت حبيبه روحي غريبه
من كربله الهليوم روحي غريبه
★★★★★★★
والدي السجاد شفته. . ينظر الجدي الذبيح
الثأر ابواليمه تعنه. بخنگة الفاگد يصيح
من المخيم شفته طالع بسيفه يتوچه ويطيح
وعمتي للخيمه ترجعه. دموعه فوگ الخد تسيح

دارت كل الناس اعلينه.
علينه التمت كل الناس
بعد احسين الگطعوا نحره
ومن طاح الكافل عباس

گلبي ابنحيبه. روحي غريبه
من كربله الهليوم روحي غريبه
★★★★★★★
أنظر أيامي الاخيره وهاذي ساعات الرحيل
من بعد شمل الأحبة. الراحه صارت مستحيل
چم حبيب الفارگيته. بلطفوف وچم. خليل
ماتركلي بعمري راحه يوم ابد. ماله. مثيل

عدوان الشر تترصدني. من ذاك اليوم الهليوم
أعلم بالسم يخلص نحبي. وهذا المني تريده الگوم
الچانت قريبه. روحي غريبه
من كربله الهليوم روحي غريبه

الشاعر حسن لعيبي الحريشاوي


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

1.مؤسسة منبريون الحسينية🧿

12 June 2024 20:34

#قصائد_شهادة_الامام_الباقر_ع

1.مؤسسة منبريون الحسينية🧿

01 June 2024 20:59

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

قصيدة لمولاي مسلم بن عقيل ع

شفناك بعيون الزمن
يا مسلم بهيئة وطن

يافارس من مهرة احلامه ارتجل
ما يطلع من سيفك بس خير العمل

.......

سفرة عمر هذا الدرب چان اعله كد النبضات
وبشور الحسين المشه عايش يظل ومامات
حسينك سمه وسنينك الحلوات طشهن نجمات
يامسلم انته تربية وادم اتحب الهيهات

اول شهيد ومنتصر
يكشخ بطيحه من القصر

حتى الموت كبالك يشعر بالخجل
مايطلع من سيفك بس خير العمل

..........

ياضيف بالكوفه ابد ماكو اعله گدك ديوان
يابو حميده بس گلب طوعه فتحلك بيبان
چلمة هلا تنگل هلا يحچيهه مو ياهو الچان
وعالسيف والهاك الچفوف تمدهه بس الشجعان

وبطاسة الماي اصبحت
طوعتك عنوان البخت

بكل خطوه تهوسلك حيهم يالفحل
مايطلع من سيفك بس خير العمل

.......

سويت خير وما اظن. تترجه خير من الناس
شيفهمه البكلبه شمر. ويزيد كاعد بالراس
خصك حسين بمنزله. بالدنيا ماظن تنقاس
چي والدك ماخذ علي. ودلاه بام العباس


خل راسك يشيله الرمح
ينذبح كل ليل بصبح

يتعب چف الفاس ويعناد الجبل
مايطلع من سيفك بس خير العمل

....

شعند ابو فاضل من زعل. تزعل على الموت هواي
ياسيف مايتعب ابد. عالركب ظل رايح جاي
ياخادم حسين بنحر. ارزقنه من نيتك راي
الموقف على النيه انحسب. من طوعه وبطاسة ماي

سجلنه يامسلم خدم
ونرفعلك الليله علم

يامسلم بالكوفه لو صار الزعل
مايطلع من سيفك بس خير العمل

......

مرسال لحسينك مشه. يامسلم بجنح الريح
لا ماطحت طاح القصر. ماحاجه اكثر توضيح
حبيت الحسين وصبح. اسمه بلسانك تسبيح
لا ياسفير الحب ابد. المثلك علم لا ميطيح

تبقه السفاره تلوگ الك
قربان الله تقبلك

بسمك كلمن يدعي عند الله انقبل
مايطلع من سيفك بس خير العمل

......


نسألكم الدعاء
حسين صادق العقابي


الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك

1.مؤسسة منبريون الحسينية🧿

01 June 2024 20:52

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

لسان حال حميدة بنت مسلم بن عقيل رضي الله عنهما.  (وزن البند)

يگبل العيد مذبوح.  بويه لا اجه العيد
فوگ جروح الفراگ  بعدك لوعتي اتزيد
يبت مسلم يگولون.  ابوچ بعيد مدفون
يگبل العيد مذبوح. بويه لااجه العيد
★★★★★
عنك بويه يحچون. مسلم بالكتب راح
للكوفه تعنيت.   وأخذت الصبر مفتاح
سَعْيَّك سَعْيَّ الحسين إلهم. رايد اصلاح
للحگ رايد الگوم .   تريد الخلگ ترتاح
صرت مرسول لحسين.  قصدك تنصر الدين
يگبل العيد مذبوح. ريته لااجه العيد
★★★★★
خلافك بويه  الجروح.  جرح ابجرح ملچوم
اناطر واحسب احساب  تجيني باچر. اليوم
چن صوتك عَلَيّّ جاي. حميده كافي الهموم
خفت يابويه الفراگ.  خوفي لايضل دوم
بدرب ماضنه مامون. رحت ياماي العيون
يگبل العيد مذبوح. ريته لااجه العيد
★★★★★
وانظر عمي الحسين شفته ابحال محزون
يصَبُّر  گلبي ويگول. يروحي وضي العيون
اشوفه مثلي مهظوم.  دمعه يجرح الجفون
يصبرني على فرگاك. شلون افراگك ايهون
گلبه مثلي ملچوم.    تغدرك خايف الگوم
يگبل العيد مذبوح.  ريته لااجه العيد
★★★★★
أسمعت ياماي العيون. وگلبي من الأمر خاف
وحيد هناك خلوك.     بشر  ماعدهم انصاف
بعد ماطحت بالحال.  عليك التمت.  آلاف
مرمي من القصر حيف على التربان تنعاف
وحيد ومالك انصار.  طحت مابين كفار
يگبل العيد مذبوح. ريته لااجه العيد
★★★★★
نسيت الدنيا بجفاك. ونسيت الراحه والروح
انذبحت فرحتي يوم اسمعت بالسيف مذبوح
طحت يابويه عطشان. على التربان مطروح
خلافك بويه. للموت.  اضل للونه. والنوح
حسافة بجية العيد.   عليه تصبح ابعيد
گبل العيد مذبوح.  ريته لااجه العيد

الشاعر حسن لعيبي الحريشاوي


الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك