Telegram-канал ahmed_alziwar1 - 1.مؤسسة منبريون الحسينية🧿: Unsorted

1.مؤسسة منبريون الحسينية🧿

22 May 2024 23:40

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

راح ومضـــه عام مر بغيابــه
ومن شوكي كل يوم اشتم ثيابه
أمسح ثيابه كل مسه
هوه الابن ماينســـــه
اشتم ثيابه

* * * * * *

حزينه حزينه على أبني حزينه
اعلى الاكبر دليلي فلا بطل ونينه

الوج بغيابه وأحس كلبي ينطــر
أولوليدي كل يوم بعد شوكي يكثر
إنه أنسه هالروح ولا أنسه الاكبر

بدونه بدونه فلا أعيش بدونه

بيه كلبي مشغول طول الليالي
من راح لليوم دوم أعلى بالــي
مثل الهوه أتنفسه
هوه الابن ماينسـه

* * * * * *

غيابه غيابه كتلني غيابه
المنايا خذته وهو بعز شبابه

شحلاته علي جان من يكول ييمه
مشه وبعده دنياي غدت بعيوني ظلمه
شكثــر صدري مشتاك يشبكـه ويظمــه

مصيبه مصيبه رحيله مصيبه

كون ويه الاحباب ابنادم مماته
من بعد الاعزاز شلـــه بحياتـــه
هالزمن ويانه قسه
هوه الابن ماينســـه

* * * * * *

ذبحني ذبحني مماتـــــــه ذبحني
برحيله مشه الحيل غده ظهري محني

إنه امن أشرب الماي تصب صب دمعتي
يجي أكبالي عطشـــان وأشوفـه بصفنتي
الطعش يبس شفاف عزيزي ومهجتـــــي

الاكبر الاكبر عزيزي يالاكبر

لن ماشرب ماي بالغاضريه
ضيم الطعش ظال ليهسه بيه
شفت الشفاه اليابسه
هوه الابن ماينســــــه

* * * * * *

أذكره أذكره إنه كل لحظه أذكره
ودليلي يشب نار أولوعه تعصره

علي طاح وجابوه وإنه بعيني شفته
وطحت فوكه أنوحن حضنته وشبكته
ومن أخدوده دمـــه بديـــه مسحتــــه

جماله جماله انصبغ دم جماله

بيه الالم زاد من كال الحسين
يا أم علي راح أبني ضوه العين
ويبجي ابن خير النسه
هوه الابن ماينســــــــه

* * * * * *

هضيمه هضيمه سبينه هضيمه
بيسرنه شفت ضيم ومصايب أليمه

إنه الغثني اوزاد على ضيم سبينه
رفع روس الاحباب معانه بمشينـه
الغياره عالرماح يحنون علينـــــــه

سبينه سبينه هضمهم سبينه

امن الكوفه للشام راس ابني وياي
ومانزت دوم من عنده عينـــــــــاي
راسه بعيوني أحرسه
هوه الابن ماينســـــــه

* * * * * *
سلام المشعل

‏

الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك