Telegram-канал ahmed_alziwar1 - 1.مؤسسة منبريون الحسينية🧿: Unsorted

1.مؤسسة منبريون الحسينية🧿

27 January 2024 19:36

#قصائد_وفاة_زينب_الحوراء_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

ــــــــــــــــــــــــــــــــــــــــــــــــــــــــ

قصيدة تراثية👇
لحن الرادودالكبير وطن النجفي
بيا حال من عفتوني ✍️

يذبحون كل خواني      اللــه لا خلانـــــــي
بس حرم وأيتــام      راح أطب للشــام
****
الي يعاتب يابـــو فاضــــل معذور
تكــتل ألف زينب مصــايب عاشور
محـد يطَفــــي نــار كَلــبي المقهور
ما قصــرت يا دهــر زينب مشــكور
يا ريت طلــعت روحي     ولا اعيش هاي جروحي
لا أهـــل ويـــاي       والضعن بحمــــاي
****
عباس خوية الفركضة تكتل جم روح
النــاس تتنفس هــوى وآنــــه جروح
يعقوب ما شـاف ابنـه يوسف مذبوح
وشويـة لو باقــي يمـــوت من النـوح
من النوح راحت عينه       لو ضعنــه مسـلبينه؟
ما يظـــل يوميــــن؟     الشــاف طف حسين
****
ما قصــــرت حَدمــا متت يالــــوفاي
بس آنــي أعتــب من مصـــايب دنياي
غيــر القــهر عبــاس ما ظــل ويــــاي
لا خيمــة لا ظــلت أهــل لا ظــــل راي
ظليــت ويا أحزانـــي        ميتــين كل خوانـــي
بلـــوة بلوتــــها       التفـــكَد أخوتـــها
****
لو نايـــبة چــا كَلــت عبــاس تهون
بــس الألف نايــبة أنســـاها شــلون
ما كَلـــت ويـن نروح لمــن ترحــون
ما ظــلت من الســـوط عبـاس متون
نسـوان من يحميـهن       عبــاس يــا وآليــــهن
المالــهن كفــــال        اتوقـــع با حـــــال
****
اشصار تدري من انكَطع راس حسين
جيوش آل أميــة عليــه دارت صوبين
أشــرد ويالعــايلة بـس مـدري لـــوين
التانـــيتم عبــــاس كلــهم ميـتيــــــــن
مكَــطوع وآحد نحــرة      والخيــل سحكَت صدرة
اواحـــد بلا عيــــن        ويـــن أروحن ويــن
****
ما ادري بالـــطف يا كفيـــلي تذبنـــي
بين السِـــــبه العــايلة وبيـن السبـــني
يابالفضـــل طــــف كربلــــة شيبـــــني
يالضيـــعتني شكثـــــر چـــنت تحبــــني
يا حيـــرة بحيـرتها       الذبحـــو كل أخوتها
خويــــة من الهَـــم       هـواي موتـي أرحـم
****
لو أدري هذا يصــير بالطف ما چيت
ويــــة العلـــيلة بداركــم چــــا ظلــيت
يا زمــن من أحبــابي كَلــــي شخلـيت
من الحــــركَة يـا عبـاس كلسا وجيت
والموت شـو ما جاني       موتــي ولا أحزانــي
ويلـــي يا ويلــــي        دمــــعي يبچيــــلي
****
حيدر حسين الكرعاوي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA