1.مؤسسة منبريون الحسينية🧿

13 March 2024 16:08

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ



فاركتني. وبعد بالدنيه شلي
ذاب كلبي من عفتني يا علي
يالحضنك احتاجيته
بويه السهر مليته
*
شبت نار كلبي وبيش اطفيها
وجروحي يبويه اشلون اداويها
اطلع اهدومك وكل ساع اشم بيها
وين تروح زينب من تخليها

بويه تدري. خلصت ليلي دمع
اسنين صارت. تحترك مثل الشمع
باب العتب دكيته
بويه السهر مليته
***
يبويه البيت صارت بفركتك خالي
تعال وحن عليه ورحم بحالي
لحضه ما غبت يابويه عن بالي
خابت يا علي من بعدك امالي

وحشه بيتك. يالرحت يمته ترد
بويه وينك. مو وكتها تبتعد
جسمي فكد عافيته
بويه السهر مليته
*
افتر بالمكابر واجذب الحسره
ونده بالعزيز النايم بكبره
بفراكك متت يابويه الف مره
والفاكد ابو يابويه شيصبره

بالمكابر. نامو اعزاز الكلب
ضيعتهم. والدمع عالخد يصب
بلفه الكبر شميته
بويه السهر مليته
***
اجاني العيد واهل العيد ماجوني
احنان وكل سنه جانو يمروني
شلي بالعيد والغياب عافوني
راح امن البواجي يرحن عيوني

ودعتهم. وانه ضهري منكسر
تردلي روحي. امن اشتم اتراب الكبر
حته الكبر بجيته
بويه السهر مليته
***
يبويه اشلون يغمض جفني بغيابك
انكسر جم مره كلبي بويه بمصابك
هليله اليتامه اتنوح يم بابك
صوبني الدهر جم مره بصوابك

والارامل. كلها تبجي الفركتك
علي بويه. حيرتني امصيبتك
مر الهجر حسيته
بويه السهر مليته
*
تمت
تحسين الخفاجي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

13 March 2024 16:07

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ




وجهت وجهي..سلمت امري
لأمير المؤمنين
.........................
دوّرت مثلك يحيدر ماكو ديره*
اشلون هذا السيف جاسك والله حيره*
وين اكو مثلك جرح لابس دماه*
وين اكو واحد نسه اجروحه الچبيره*

عايش ابنص اليتامه**
وسفه ما كّمل صيامه**
خلّو الدنيه غريبه**
وخضبو شيب الامامه**

صبغو الشيبه ابدماها**
شيبه چان ايحبهه طه**
عذبو گلب الاميره**
امسنّد امخضب اجاها**

اسلمت قلبي..اعلنت حبي
لامير المؤمنين
............................
احنه عدنه اشچم علي خاطر نفگده*
هاك اخذ كلشي يسيف ولينه رده*
عوف ابو كل البشر واخذ التريده*
لو تفك باب الحزن محد يسده*

لسه جرح الزهره دامي**
يا حزن للدمعه ضامي**
تنفجع زينب بأبوها**
وبعده جرح الزهره حامي**

تكسر الخاطر غريبه**
تدعي سالم ربي جيبه**
صعبه يا كسر الخواطر**
وصعبه يا هاي المصيبه**

حظّرت دمعي...فوضت جزعي
لأمير المؤمنين
............................
وين اكو مثله علي ايفيض ابحنينه*
وين اكو مثله جرح عابر سنينه*
هوه واحد احد بس بين الوجود*
وهوه حزني الما برد واعشگ انينه*

علي منصاب ابرضاته**
قانع ايّتم صلاته**
مقتنع بالسيف راسه**
دامي بس باقي اشحلاته**

فرهدو كل السعاده**
وفرّعو دور العباده**
علي ماخذ احلا موعد**
سحوره من ربه الشهاده**

حيدر دوائي..اعلن ولائي
لأمير المؤمنين
...........................
فوگ تصوير البشر حيدر وجوده*
ودون من الله مقامه وكل حدوده*
حلقة وصل الاله ابكل زمان*
وكلشي خالق ربنه چان اهوه اعله موده*

السيف من مرّ اعله راسه**
بيه براد ايحسه جاسه**
علي چان ايريد موته**
وينتظرها ابكل حواسه**

غالي چان ايريد غالي**
وانتظر كل الليالي**
خاطر ايشوف الحبيبه**
وترجع ابعينه الليالي**

اعشق جماله.... حيدر وآله
لأمير المؤمنين
............................
هوه مصدر حزني وآهاتي وأنيني*
اختنگ واشعر هواه يركض يجيني*
شيبته التگطر دمه سر الدموع*
شيكفي دمعي الجرحه وآهاتي وحنيني*

هوه ثاني اجروح گلبي**
للحزن دلاني دربي**
والگه روحي بالمدامع**
اشكر اشما ابچي ربي**

كل حزن ما يكفي جرحه**
السيف فرهد منّه صبحه**
اشعندي غير ادموع عيني**
اليبچي بس دمعاته ربحه**

دمعي سبيلي....بقبري خليلي
لأمير المؤمنين



علاء المياحي
الفاتحه لروح والدي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

12 March 2024 19:12

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ



استشهاد الامام علي ع



هلي يا عين راح ابو حسين
بشهر الاصيام صرنه ايتام
****
گلبي محزون والعيون عسن گد السمه
اشگد تمنيت ترجيت يفيضن بس دمه
حدر الاتراب بالاخظاب وسف حامي الحمه
عايشه جروح عله الروح چبيره الموزمه

ظلت الآه صبري وياه
جفني ما نام صرنه ايتام
****
مات الاحساس والانفاس ولا بيها طعم
جمر الافراگ والاشواگ عله ضلوعي هجم
والدي راح اطگ راح على راح الالم
وحشه دنياي بگت هاي مثل وجه العدم

موحش الدار بصدري چم نار
سوده الايام صرنه ايتام
****
بداري انعاه وجر آه صرت لمصيبته
اشينفع اونين وابو حسين بقت بس ريحته
من يجي الليل اون حيل وطب الحجرته
اتدور اچفوف انه اشوف سبحته وتربته

الغالي مفگود وسفه ميعود
كلشي محتام صرنه ايتام
****
دمعي ما مات والاهات تفتر ما رضت
كلشي بالکون شكو عيون على حالي بچت
اشگد مساكين بالاونين لعد بابي اجت
ثاري يردون يمرون عله چفوف البخت

اليمسح الراس ما اله انفاس
دنگ الهام صرنه ايتام
****
تدري بالحال يلاهلال يريتك ما تطر
تبقه بسماك انه ارجاك بعد هذا الفجر
تطلع اتريد وانه الحيد دفنته بالگبر
بلون الاحزان والاشجان صرت هيكل صبر

بين الاچفان اغلى انسان
اندفنت احلام صرنه ايتام
****

الشاعر اياد الديراوي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

12 March 2024 05:26

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ



صوتك بعد منسمعه .. يالرايح بلا رجعه
والمات وبگبره اندفن .. لا ما ترجعه الدمعه
........
من البچي ومن القهر .. بينه بعد ما ظل حيل
يالوحشتك تكتل كتل .. لمن يمر بينه الليل
والمعضله بوكت الفجر .. منك منسمع ترتيل

وللقرآن .. صوتك چان .. هو ايضيف حنيه
والآذان .. بالاحزان .. صار اعليك لطميه

كلما يصيح بإسمك .. ياخذنه بالون يمك
وبأشهدُ أن علي .. نلطم نظل وننعه
.......
يالما مثل گلبك ترف .. إلنه ترد اي يا ريت
بيتك بچه وبغيبتك .. تبچيلك اعيال البيت
ما ينحمل فگد الابو .. يالغالي بينه شسويت

صرنه ايتام .. والآلام .. تاخذنه وتودينه
من الباب .. للمحراب .. نحمل فرگه ما بينه

تكتل يبونه الفرگه .. واليبچي بعدك حگه
ما بينه نتحمل جفه .. وتونه فگدنه البضعه
.......
البيت اذا ما بي أبو .. يتحول البيت أحزان
وطعم الفرح حنظل يمر .. ويمر عسل لمن چان
ولمن رحت بس صورتك .. ظلت رسم عالحيطان

جانه العيد .. واحنه نريد .. والدنه يعايدنه
بأول يوم .. سوده هدوم .. ميت عدنه والدنه

يالضحكتك عيديه .. مر بينه بس شويه
بينه اگطعت كلش وابد .. ما تنحمل هالگطعه
.......
ياهو بعد بينه يمر .. يسأل علينه بيا حال
وانت الچنت لينه وطن .. ارجع غيابك چتال
صرنه بوضع حتى الهوه .. يخنگنه من بعدك ظال

شميناه .. لاگيناه .. خنگه وبينه الم عشعش
حتى الماي .. صار بهاي .. من انشربه هم نعطش

يابو المحنه انريدك .. تروينه ماي بأيدك
انته عذب يابو العذب .. عطشك ابد منجرعه
........
جرحك وصل ولدك تره .. واعلينه ظل بس ايحوم
بي چم جرح سم وذبح .. جعده وحقد ذيچ الگوم
من طبرتك حد النحر .. چم نايبه وچم مظلوم

واقسى اجروح .. للمذبوح .. باچر تنظر اللوعه
والذباح .. حين الطاح .. فوگه ايكسر اضلوعه

وزينب كسرهن تسمع .. وتشوف جسمه امگطع
ولا ما يخلوهه العده .. توصله حتى اتجمعه
......
باچر جرح بس يا جرح .. جرح السبي والآلام
لمن تجي زينب تطب .. قصر اللعين الـ بالشام
صعبه ضلع أمنه انكسر .. والطبره هاي الـ بالهام

وصعبه هواي .. زينب هاي .. تدخل للقصر باچر
والمأساة .. والحسرات .. كلهه بجية العاشر

عاشر محرم ضيمه .. زينب متبقه ابخيمه
تتيسر وبعد اليسر .. ما تلگه اهل مجتمعه
.........

علي عبدالله المفرجي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

12 March 2024 05:24

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ



علي علي نـادو يتـاماك
علي علي شيّبنه فرگاك
الدنيا گامت تبچي دم
كلشـــي بالكون انعدم
ركن الاســـــلام انهدم
ــ علي علي ــ
«»«»«»«»«»

الفرگه صعبه ـ انتـه أملــهم والامـل لو ضيــــعوه
شلون بيهم ـ حالهم يفطــر صخــر لو ســــولفوه
بحر جودك ـ بيه عاشـــــو يا علي وهمـهم نســـوه
ونته تدري ـ الضاگ حضنك ينسه حتى احضان ابوه

علي علي يافخر الاسـلام
علي علي لتعوف الايتـام
بعــدك اذاهه السهــر
حالهه ايبچّي الصخر
نادو ابحسـره وقهــر
ـ علي علي ـ

«»«»«»«»«»

الكوفه صارت ـ وحشه كلهه وحيل قاطيهه الظلام
والجـّـــــوامع ـ كبَّرت اللــه يــا جــرح الامـــــــــام
واللـــه صعبه ـ اشلون عنهه اتغيب ياعالــي المقام
واليتـــــــامه ـ كلهه متعــــــوده على ازنودك تنام
علي علي يا منــــــبع الجود
علي علي ضعنك متى يعود
طوحت ضعن الســفر
وگلب الحسين انفطر
فرگتـــك تعمي النظر
ـ علي علي ـ
«»«»«»«»«»

بس مصايب ـ دنيــــا مابيهه فرح طول المدار
والنـــــوايب ـ والله ابد مارحمت اگلوب الزّغار
ياشمســــنه ـ العنّه غابت ونترَس ضلمه النهار
مـن وداعك ـ ضلت اگلوب الخلگ مشتعله نار
علي علي بينه اسعرت نار
علي علي ياحامي كل جار
نار المــــــــوادع دوت
لحظه بعـدك ما طفت
گلوبنه احنه اتصدّعت
ـ علي علي ـ
«»«»«»«»«»

ياحســافه ـ فارگتنه وعنــه شـــــدّيت الرحيل
وبصـلاتك ـ هامتك تنصاب يا حامــي الدخيل
كلهه بعدك ـ عاشت ابدمعه ومعـــانات و عويل
وبغيــابك ـ كل محب مجروح من عنده الدليل
علي علي صــوّبت الگلوب
علي علي يا اغلى محبوب
عذبتـــنه ابغيـــــبتك
تاذي حيل امصيبتك
وســفه طبرو هامتك
ـ علي علي ـ
«»«««»«»«»

ياعــــــذابه ـ اليفگد احبــابه ويعيش ابلا حبيب
ليله يخلص ـ دمعة ابخـــده وفلا بطل نحيــب
جرحه خزن ـ لا دوه اينفعـه ولا ينفــــع طبيب
يا وطنه ـ اخلافك العاشگ يضل عايش غريب

علي علي كل شيعي مجروح
علي علي بفراگك اينـــــــوح
دمعه بمصابك صفه
يا حبيـب المصطفى
نورك الليــله انطــفه
ـ علي علي ـ
«»«»«»«»

الخادم
كامل السعيدي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

10 March 2024 13:15

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ



قصيدة بحق الامام علي (ع)


دگو بابنه والباب مقفول
يردوك اليتامه بويه شتگول
اطلع لليتامه
گوم امسح الهامه
يردوك اليتامه بويه شتگول

1

ازغار يابويه اليتامه ومايعرفون
جرح البراسك غميج ومايفهمون
كلهم ايصيحون ابونه يعوفنه شلون
اطلعت اسكتهم يبويه ومايسكتون

جابولك لبن يابويه كلهم
اباب الدار بس انته املهم
انطيهم علامه
گوم امسح الهامه
يردوك اليتامه بويه شتگول

2

اطلعت اطمنهم ومحتاره بدمعتين
دمعه عالمطروح ابويه وعالمساكين
واليتامه ابفرد صوت ودمعه بالعين
هاي اول مره يتأخر ابو حسين

ايريد ايشوفنه زينب اسأليه
لبن ويانه جبنه وحتى نسگيه
يدعون بسلامه
گوم امسح الهامه
يردوك اليتامه بويه شتگول

3

رجعت وسألت ابوها بدمع همال
بويه ميصبرون ذوله كلهم اطفال
گلها ما ارضه يشوفوني اعله هالحال
خاف يتأذون گلها والدمع سال

بدموع المصيبه صبر الروح
خي يدخلون بويه واني مطروح
تسمع كل كلامه
گوم امسح الهامه
يردوك اليتامه بويه شتگول

4

دخلو الأيتام يم حيدر يشوفوه
ازغار همه وابد ماگدرو يگعدوه
احتارو شلون اللبن همه يشربوه
للبن ذبوه وگعدو بس يشموه

وحيدر من فرحته نسه الالام
مافكر بحرحه بس بالايتام
يسعدهم مرامه
گوم امسح الهامه
يردوك اليتامه بويه شتگول

5

حضر ملچ الموت لحظات المنيه
والايتام اتنادي بدموع الرزيه
بويه لا تتركنه ياحامي الحميه
انموت كون وياك كل احنه سويه

غمض عينه حيدر سلم امره
وداعاً كلها صاحت يبو الفقره
ضل جرحه وسامه
گوم امسح الهامه
يردوك اليتامه بويه شتگول




شاعر اهل البيت (ع)
رياض الرسل الجابري


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

10 March 2024 13:14

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ



زينب أتون والدمــــــــــع منها يسيل
ابليلة مصابـــــــــــك يحمّـاي الدخيل
*
شلون لوعــــــــــه صابت الأم الحزن
من انصاب ابهامتــــــــــــه والد حسن
خلد عــــــــــــد زينب على مر الزمن
الحزن والمدمــــــــع صبح إلها خليل
***
من صرخ جبريـــــــــل بسمانه ونبر
كسر هذا الصوت مــــن عدها الظهر
شلون ونّه ونّـــــــــــــــت الهذا الخبر
وعاشت سنيـــــن العمر بعده ابعويل
***
قهر صاب ام الخدر مـــــــا ينوصف
لمن شافت حيـــــــــدره بهذا الوصف
دمّه ينزف علـــــــــي ولونه منخطف
وشيبه متخضّب مـــــــن الدم اليسيل
**
لونه متغيّــــــــــــــــر وأصفر شافته
وهامه مطبور ونـــــــــــزع لعمامته
زينب لهذا السبب مـــــــــــــا عرفته
يوم شافت ولــــــــده شايلته وعليل
***
تدري والـــــــــــــدها علي ايزيل الجبل
مــــــــا مصدكه انصاب حيدرها ونحل
وكرّبت منّـــــــــــه ودنت ساعة الاجل
علي الما شاقت إلــــــــــــه واحد مثيل
**
ذاك أبـــــــوها الجان في كل الحروب
درع مـــــــا يلبس ولا اتهمّه الخطوب
وترتجف مــــــــــن ينذكر كل الكلوب
وسفه مطروح وإله مـــــــا باقي حيل
***
ذاك أبــــــــوها الجان في سوح القتال
اتهابه كــــــــــــل فتيانها وكل الرجال
وجندل ابسوح الوغــــــى كل الأبطال
ابن ود ومرحـــــــــــــــب بخيبر دليل
*
ما وكف واحـــــــــــــد كباله بالحرب
الاّ شطرين انقسم مـــــــــــن ينضرب
غــــــــدر وسفه ايطيح أه اشكد صعب
ابسيف ابـــــــن ملجم علي يمسي قتيل
****
ابزينب وحيــــــــــــدر يرب العالمين
من غيابـــــــــــــــــه ردّه لبن المتقين
خلّي يصلح حالنـــــــــه شبل الحسين
غيره مـــــــــــــا إلنه ابد واحد سبيل



الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء








▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

09 March 2024 17:46

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ



لاستشهاد أمير المؤمنين علي عليه السلام
(وزن النصاري)

نزل جبريل والأملاك وَيَّاه ينادي واَعليَّاً وآعلياه

★★★★★
أيام الشهر وشهور السنين
عليك تنوح يابوالحسن والدين
شرق وغرب متأزم يبوحسين
وبصوت الحنين المحب شكواه
ينادي وآعليا وآعلياه
★★★★★
محرابك يون وينوح الاسلام
وصلاتك ياعلي وگلوب الايتام
عام المايمر مثله بعد عام
جرح طول الوكت متزول بَلْوَاه
ينادي وآعليا وآعلياه
★★★★★
نزل جبريل دامي الگلب محزون
مفجوع وتهل. نيران العيون
بعد لونك يحيدر ذابل اللون
بعبرته مختنگ ويصيح ويلاه
ينادي وآعليا وآعلياه
★★★★★
الحسن ينظر الزينب ذابله الروح
يصبَّرَها ومثلها. ايعاود النوح
ابْدَلَّالَه جرح مومثل الجروح
عظم فرگاه نار اضرمت بچلاه
ينادي وآعليا وآعلياه
★★★★★
حسين يصيح بويه جروحي كلفات
بعدك مايطيب العيش هيهات
حمل ضدك زمانك يبو الحملات
ينادي اليوم كلمن چنت ترعاه
ينادي وآعليا وآعلياه

الشاعر حسن لعيبي الحريشاوي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

08 March 2024 17:33

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ
شهادة امير المؤمنين
.
.
.

الغامرني بحنانه .. دلوني بمكانه
علي وين .. علي وين

_

الولا مــره تأخـر .. إله يوميـن ومامر
اتـأخــر والـســوالــف تاكــل بــروحي
ابو روح الحنيــنه .. اذكره من يجينه
يشــمني ومن يشمني تخمد اجروحي

امامي / نســاني اليتـم ذله
امامي / مدلل عايـش بضله
امامي / تردلي روحي لوگله
علي

محتاج الامانه .. دلوني بمكانه
علي وين .. علي وين

_

جبيني من يلــوحـه .. احس بيده ملوحه
بزمـــن كلشــي اشــوفــه ماصــخ اگــبالي
لمن شح كلشي طيب .. بقالي هالحبـَيب
بــس بحظــنه احــسن راســي شــو عالي

احسه / رحمه شگد علي شايل
احسه / كلــش الخاطــري باذل
احسه / ايحبني بگد ابو فاضل
علي
البس هوه بزمانه .. دلوني بمكانه
علي وين علي وين

__

گبل ما افتح ايدي ..بشليلي ايخلي عيدي
اليتـــم مــــر وعلـــي حـــلاهـــن ايــــامه
اليتيم المايذكروه .. بزمن حيدر يحسدوه
اشـگد چـــان ابــو الحمـلـه مــدلل ايـتامه

حياتي / ابلياه تخلص اتمنه
حياتي / چانت وي علي جنه
حياتي / المــن عــگبه اتعــنه
علي
الچان الحب كيانه .. دلوني بمكانه
علي وين .. علي وين

--------------

علـــي هــــوه العشــــيره .. الشكو وادم فقيـره
شــــيــــخ الفــقـــره اسمعـــهـــــم يســـــمـــونه
الدليل الشوفته طگ .. الرمش من البچي انشگ
المــــثلي بــــس عـــلي الــي يمـــسح اعــــيونه

احبه / المخلوق امن الحنيه
احبه / مــعروفه امـــغزر بيه
احبه / اشهگ لو مـــر طاريه
علي
البس الله بلسانه .. دلوني بمكانه
علي وين علي وين

___

صرت من گد مصابي..اشم كل لحظه بابي
عطــــر چــــفــه لهـــــسه ابابـــنه طــــابع
احس چــفي توفـــه .. ينــاس ابلايه چفه
ومــثل چـــفي احسه استشـــهد الجـــامع

اتاني / والحســـبات اتدولـــبني
اتاني / وادري اغيـــابه ايعذبني
اتاني / لأعظم شخصيه اتحبني
علي
والحامي حمانه .. دلوني بمكانه
علي وين علي وين

---------

يل الوجوه الحزينه.. علي گلولي وينه
يتيـــم وحــــقي انـــشد عــــلّي رباني
ابو چفوف السخيه .. اشو مــامر عليه
مابــــيه يــــناس احمــــل يتــــم ثاني

سؤالي/ يا هل وادم حاچوني
سؤالي / عالبيه رحــمه دلوني
سؤالي / ابلياه ميـت تدروني
علي
مشتاگ الاذانه .. دلوني بمكانه
علي وين علي وين
---------
حيدر تركي الكربلائي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

06 March 2024 19:17

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ
من اول ما طحت للگاع.
وگـفت زينب ابالي
شبعت من زمنها اوجاع
.. وصورها ترست اخيالي
توجعني زينب مو جرح .. تتيتم ابطرت الصبح
زينب.. زينب
•••••••••••••••

بحروره السيف براسي حسيت
فزتُ ورب الكـــــعبه نــــاديت
لميت روحي وطحت رديت .. شلتم
طايح واحتضر .. براسي المنطبر .. ضِل زينب يمر .. موووت ..
يعني اتحيرت .. يعني اتيتمت .. اشعرها حجت.. صووووت

لهسا بيها جرح الباب
ماخذ منها ذاك الحيل
طبرتي وطيحتي بمحراب
بعد شيسوي بيها الليل

وگبالها اشلون انطرح
توجعني زينب مو جرح

زينب
•••••••••••••••••••••

مطبور راسي وگلبي مكسور
وبراسي زيــــنب ضلت ادور
اتضل وراي ابگلب مقهور. ... ابنيتي
مجروح وطحت .. وبگلبي صحت .. يبنيتي رحت .. اخ
شترحم دنيتج .. كلشي راوتج .. حزنج سلوتج .. ناااخ
تطشر راسي بالمحراب
بخيالي زينب الــتمت
وطاري من طفوف انجاب
سبيه لجم بلد طبت

يدفعونها ابكعب الرمح
توجعني زينب مو جرح
*
بنتي الجبيره الصارت فياي
ال من ايدها جنت اشرب الماي
من تشوف جرحي تموت وياي .. يمكن

الشوفتها دوه .. حجايتها ضوه .. موتتنا سوه .. نموووت
تعذب مهجتي .. تموت بطيحتي .. تسمع ونتي .. تموووت

ترجف صارت ثيابي
من اذكر وجه زينب
اضل مطروح يم بابي
خاف ابنيتي تتعذب

طاحت مثل طيحت سفح
التوجعني زينب مو جرح
••••••••••••••••••••••

طايح وافكر هيه شتـــگول
اليوم انه ارد لبيتي مشيول
ومابينه دم طبرتي يحوول .. حيره
حيره حيرتي .. لزينب حسرتي .. وحل عمامتي... السيف
شتحمل من خبر .. خاطرها انكسر .. مكسورة ضهر.. حيف

راجع بالدمه اعليها
وطبرت راسي تكتلها
بعيوني من اصد ليها
واصبري بويه گتلها

من باوعت وجهي السمح
توجعني زينب مو جرح

زينب
•••••••••••••••••••••••••
وگبالي گعدت گعدت ايتام
وانه ادري وكتي لزينب شضام
شما شوف زينب اذكر الشام .. بويه

نزلت دمعتي.. ورجفت شفتي.. بيد ابنيتي. احبال

.. ذيج ميسره .. بغربه محيره .. حسرات المره .. اثگال

لزمت ايدي بس بخوف
طاحت دمعت اعيوني
گالت بويه شنهي تشوف
بجيت وهدلن امتوني

ذبحتني من سألت ذبح
التوجعني زينب مو جرح
**
يابس ريجي احسه وگلبي ذبلان
و زينب يمي واشعر فرت اوطان
بوجها اقره واشوف حسين عطشان.. طايح

للتله مشت .. الحگ صايحت .. للطف سافرِت .. نوووح

الكتلتني كتل .. تصعد ع الهزل .. مجتوفه بحبل.. جروح


واشاهد طبت عله الشام
ويزينب ذيجه مسبيه
وحيده والزغار حزام
وماتت طفلتي ارقيه

ومن ال هاشم ما يصح
التوجعني زينب مو جرح


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

06 March 2024 17:21

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ
شو عالغــبرة نـــايــم… .حيدر وانته صـايــم

دَمـــك مـن جــــرة … صــرت امحــــيرة

ومـــرمــيــــه العـــمايـــــم

★★★★★★★★★★



يامـــرة النظـــرت ابـــوهــــا يامــــرة

امخظــب ونايــم على اتراب الـثــرة

دمع زينــب يجـري دمك من جـــــرة

ماتحاچــيــني اشعَـجَــــب ياحــيدرة

جيـتك اركــض وأنــــه تدري امخدرة

يامَن ايحــشمــلـــي ســــــبع الگنطرة




حافي يركض اويـاي… ويترك شاطي المـاي


بعـيـونـــه السهــم… … وانــــه ابلا خيـــم



ومــرميه العـــمايـــــم

★★★★★★★★★★


طاحـــت أعـــمــامـــه وتَهَــدَم جـامـع

وقـامــت الــساعـــة ولگيــتك واگــع

الأمــــه كّفــرت بويــه وانــــته رَاكــع

وصحت چــن خــدرچ يزينــب ظايـع

طحت من شفــــتك عَلـــــيـــه راجــع

الناس تضحك وانــته بالــــــدم ناگـــع




صحت ابدمعة العــين… هــذا المجبل امنــين


اهدومه امتربــــه… ..ولحيه امخضـــبه



ومرمــيـــه العمـــايــــم
★★★★★★★★★★


صرت خلف الباب اشاهـــد حــالــك

الگـــــاع ماشالتك ياهوا ؟ الشالـــك

حسن وحسين اجوا ركظه اگبالــك

صاحوا اسم الله الجــرح يــبرالـــك

ترظـــه تفطــر بالدمـــوع اعـيالـــك

ياعـلــي ورايـــد تـيَــتْـــم أطفــالــك




وتدعي هااليــتامـــه…..ترجـــع باالــسلامــــه


جينالـــك رَكــــــض……. من طاح الفَرض


ومرمــــــيه العمايـــــم

★★★★★★★★★★


چن شفت صورة مُحمد حافي اجانـــه

يركض وگال التصــــوب هـــــــذا أنــه

گـــتــله ياجــــداهُ جرحــك أللمـــــانـــه

وليــش شهــــر الله جرحنه ويـتمــانـــه

ترظـــه بــيت الله يجدي ايموت أذانــــه

وصمنه عالأاه ومـــدامـــع فطــــرانــــــه





جرحي ايصيح امساك… أُمنيتي وافطر اوياك


ونــتسحـــر ســوه …. ونبچي اعله اللـوه


ومرميه العمايم

★★★★★★★★★★


الظــــيــع احبابــــه يــرافــگ مدمــعــة

وتــــــرة الماعدها ابوه اتظل ظايـــعـــة

انــــــــه من زغــــري عشـــت متلوعــــة

وفــاجعه اتسلمـنـــي بــــــيد الفاجعــــة

ياهــي شافت جـــرح ابوها اومصرعــــة

بعيـــني مرسومـــة صــــور للمـشـرعــــة





جيت الطم على الراس… وانـه امضيعه عباس



ياجــــرح الأبوه… … يمصـــاب الأخوه



ومرميه العـــمايــــم

★★★★★★★★★★


روحـــي تـغْـمَــض من تغمض عيــنك

زينـــــب انــــه اشگطع بيــني وبيـنك

گــــــوم بـويــه وشوف حــال ابنيــنك

گـعـــــد يـــم الـــباب يـبچـي حسيــنك

ايصـــيح بــويـــه الطـف اجاني ويــنك

وتحـتــرگ باچــر تــــــرة اصـــواويــنك




صاح اهنا يزينب….. اتحضري الطف تگرب


مَحْنـــي الظهَــــر ..… ويبچــي ويالگمَـــر



ومرمــيه العــمايـــم

★★★★★★★★★★

من چهــبــتك بويــــه شفت الغاضريــة

اتخـــيـلـــت فوگ الهزل مچتوفه اديــة

صـحــــــــت گوم الحگ يحماي الحمـية

الشمـــر طگنــــي وبـــاگ ترچية رُقـــــية

حَشـمـــت عــــباس وانـــــه ادري رمــيه

والشمــــر واگـــــف بقـــه ويظحك عليـه




زينب وين اخوتـــچ…..ماتــسمع نَخـــوتــچ


نيران وسبي… ..ومحترگه العبي


ومرميه العمايم

★★★★★★★★★★






ـــــــــــــــــــــــــــــــــــــــــــــــ
ماجد حبيب الخيكَاني
ونسألكم الدعاء


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

06 March 2024 00:44

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ

آخــــــر آذان… چـان آذان الصـبح
ياعلي وحان… ليل فگْدك والجرح
من خِشَعت ابسجدتك
وســــفه طبرو هامتك
                         آخر آذان
////

الخلّص اسنيـــنه يلوذ ابفـَي عبَــاتك
ابسيفه اجاك وصوّبك ونته ابصلاتك
ناده جبــريل اوصَـل صـــوته البناتك
ناعي حزنك حـرگ گلب امخـــدّراتك

اطيـح وتگوم   من وصل زينب خبر
تبچــي كلثوم   والظهر منها انكســر
بويه رد العيــــــلتك
وسفه طبرو هامتك
آخر آذان
////

وي جرح راسك صُبَح كل شيعي مجروح
واليـــــــــــتامه اباب بيتك يا علي اتنوح
ابيا ذنب دَم هامتـــك عل تربه مســفوح
يا علي انْـوِنْ اعله فگـــــدك ونت الدُّوح

يـا ابو تـراب... لا تعجل بالســـــفر
جرِح الغياب.. يكتل ويعمِي النظر
اشلون تترك شيعتك
وسـفه طبرو هامتك
                     آخر آذان
////

ياعلي امصابك كلف وجروحه كلفات
دون هامك ريت طبرو منه هامــــات
اشلون لو ناده المنـــادي حيدره مات
تنهــــدم والله اركان الســـــــــماوات

صعبه مولاي … ترْحل وانته الامل
وانته الفيَاي … ياعلي وخير العمل
موتونه ابموتــــــتك
وسفه طبرو هامتك
                     آخر آذان
/////

ليل جرحك مضلم وكلفه المصـــــيبه
وجمر فگـــدك سيــــــدي يسعر لهيبه
الدنيه من دونك علي وحْشه وغريبه
حـتى جبرائيـــل الك اعلن نحـــــيبه

يا علي النـّور.. غايب وكلشي انطفه
وصار عاشور.. ودمـع المفارگ صفه
اشلون نحمل غيبتك
وسـفه طبرو هامتك
                    آخر آذان
////

يا خليفة طه يا ســـيف الرســـــاله
سيــــــدي نعْشك نزَل جبريل شاله
وحق دمَّك يا علي ورب الجــــلاله
فايز انته وخسرو اصحاب الظلاله

السِّفْكو ادماك .. ينزل اعليهم غضب
سيدي اعداك .. النـار تشعلهم حطب
والي نغضـو بيعتك
وسفه طبرو هامتك
                    آخر آذان
////

العيد اجه وثوب المصايب لابسينه
والفرح عمره انتـهى وراح امن ادينه
سيـدي اوداعك كلف يصعب علينه
يا أميـــــر الكوفه يا نور المــــدينه

صِحْنه بچفاك .. والله عالدنيا العفَه
كلهه تنعـــــاك .. يا حبيب المصطفى
امودّع الله ابروحتك
وسـفه طبرو هامتك
                   آخر آذان
////

       الخادم
  كامل السعيدي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

06 March 2024 00:42

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ
ملاحظه / هذه القصيده على وزن الميمر


ليلة قدر غاب البدر
واحزن عليه محرابه
……………………………………………….
بمحرابه لمن طاح حامي ادخيله
اظلم الكون بكل صباحه او ليله
غاب البدر ياهو البعد يضو يله
طاح الولي حيدر علي
يفجع اگلوب احبابه
………………………………………………
صوت الوحي صاح أبألم من انصاب
طاهه الرسول اليوم يم داحي الباب
والزهراه با لأأهات اجت عا لمحراب
تبچي اوتون ام الحسن
ابدمعة حزن سچابه
………………………………………………
اليوم اليتامه اتلوع تصرخ حيدر
بان اليتم بيهه او عليهه اتكبر
وي الحسن تبچي او تون تتحسر
بيهه الدهر اگصه اوغدر
اثر عليهه امصابه
………………………………………………
اليوم ابواليمه حسين ظل بحسره
فگد الأبو كسر دليله او ظهره
واتذكر امصاب الظلع و الزهره
اليوم الظلع گلبه انشلع
اويوم الجرح واخضابه
………………………………………………
زينب تون يم الولي ابحيره اوهم
ابطبرة علي او كسر الظلع تتيتم
اومن الدهر كل يوم تنصب مأتم
ابنارالهظم اونار اليتم
نار الحزن لهابه
………………………………………………
لشاعراهل البيت عليهم السلام
خالد عامر الزيادي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

06 March 2024 00:41

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ

قصيدة في شهادة الإمام أمير المؤمنين عليه السلام  ،  لسان حال أم البنين عليها السلام  ،،، 
ـــــــــــــــــــــــــــــــــــــــــــــــــــــــــــــــ


هَجرَك يأذّينا     تِمشي وتخَلّينا

ـــــــــــــــــــــــــــــــــــــــــــــــــــــــــــــــ

إحنا كلش زين ندري الدنيا ما مأمونة
واليِحِبها تصير روحَه معَلّگة ومَفتونة
غِدرِتَك مِن طَلّگِتها  وبالحِقِد  مَجنونة
واليِطُبرَك مِن جَميلَك مِنتِرِس ماعونه

ٱنشَل هذاك ٱيمينَه     تِمشي وتخَلّينا 

ـــــــــــــــــــــــــــــــــــــــــــــــــــــــــــــــ

أظلَم الكون  وتِكدّر يِبچي  ظَل مِحرابَك
يا علي  وهاي اليِتامَى  كِلها تِبچي ببابَك
صَوّب الدّين بصَمِيمَه يا علي مِن صابَك
مِنصِدِع  گلب  العقيدة وشِيعِتَك  وَحبابَك

يِدّي جَرحَك بِينا      تِمشي وتخَلّينا 

ـــــــــــــــــــــــــــــــــــــــــــــــــــــــــــــــ

يابو زينب هايه زينب تِنحَب ومَصدومة
ياعلي وفَگدَك سِلاهَا وبالحِزِن مَهضومة
وبالوِنين   ٱمگابُلتني   بفَرگِتك   مالومة
ورَاح تُبقى كِل عُمُرها ٱمعَذّبة ومَلچومة

تنادي يا وَالينا     تِمشي وتخَلّينا 

ـــــــــــــــــــــــــــــــــــــــــــــــــــــــــــــــ

وهذا أبو محمد يَحَيدر يِندِب بعَبراتَه
بفَرگِتَك  يابو المَحَنّة تِستِعِر جَمراتَه
وَانَه ما أگدرأوصّف لَوعِتَه وحَسرَاتَه
مِن بِعِيد ٱعليك  حَيدَر تِنسِمِع  آهاتَه

وَنّتَه تبَچّينا      تِمشي وتخَلّينا 

ـــــــــــــــــــــــــــــــــــــــــــــــــــــــــــــــ

والعِزيز ٱحسين  هذا  وگلبَه  تِسعَر نارَه
ٱعليك مثل السيل تجري عَالوَجِن أعبَارَه
ٱيصيح رَاح الغالي عَنّا وظَلمة ظَلّت دارَه
رَاح  أبونا   ويَتّمانه  ويِبچي  دَم   فَقّارَه

ما ظَن يرِد لِينا      تِمشي وتخَلّينا 

ـــــــــــــــــــــــــــــــــــــــــــــــــــــــــــــــ

وَانَه  وبهاي الفَجيعة المِنهَا  شَيّب رَاسي
أذرِف دموع الوسافة ٱويَ الگُمَر عَبّاسي
إنتَه خَيمة ٱعلينه چانت يا أعَز كِل ناسي
بَس  عِفِتنا   وسَلّمتنا    للزمان   القاسي

يالچِنِت رَاعِينا        تِمشي وتخَلّينا 

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

05 March 2024 20:14

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ
ياامام الفقراء
------------
شحجي عنك يا امير ياامام لكل فقير
انته اكبر من كلام ايوصفك اوانته السلام
------------
يحيدر+شوصفك والوصف حيرته كله
يحيره+مقامك عالي مايحني ظله
اللهك+ الميز طلعتك اوبدينه خله
فقارك+يستوطن بالحرب لمن تسله
اليوصفك بس ملائك المايعرفك بالهلائك
عايش ودومه بظلام يوصفك وانته السلام
-------------
الشجاعه+سجله بس الك اوالباقي ترجع
يل لانك+ فارس الهيجاء وابحركه تطلع
مثيلك+ياهو مثلك بالحرب وانته تفزع
زلازل+ تحت اقدامك اللي تنسمع
بجفك اتزيح الجبال اويمك ادنك الرجال
بجفك الموت ازدحام يوصفك اوانته السلام
------------
محمد+بفعالك يشهد اويحجي محمد
بكلامه+يكول بحيدرى اسلامي توحد
يعرفك+ينصرك ربك الهو توعد
لذالك+البيعه صارت بيعتك ماكو احد
غيرك بيوم الغدير لاحزب لامن سفير
النبي رادك نظام يوصفك وانته السلام
-----------
بديته+تاريخك عجز يحجي الوافي
يضيغم+اجيت ابعلمك اوصغت القوافي
معاجز+ابزمانك حدثت اوماكو تجافي
بكتابك+علمت البشر اوزحت الخرافي
بعلمك الدنيه تدور ياعلي شنهو السطور
اتوصفك اونته الهمام يوصفك وانته السلام
---------------
جزاتك+يحيدر تنطبر اوانته بصلاتك
حسافه+ياامير المرحمه اوتخلص حياتك
المثيلك+يصروله سند هيجي جزاتك
اولاكن+جهلهم رايد ايقرب مماتك
مادروا جرحك صغير ياعلي اوتبقى جبير
حت سيف الانتقام يوصفك وانته الهمام
-------------
عجيبه+اليشوفك تبتسم رغم الجروح
غريبه+الليله عندك زينب بهمه تنوح
عليله+صعبه تنظر هامتك منه يفوح
يحيدر+ دمك الطيب وانته اله روح
تدري بنتك بس تون امسير اعليه الحزن
الليله زينب ماتنام يوصفك وانته السلام
-------------
يوالي+مصابك يكسر ظهور الغوالي
بنينك+حزنهم بادي والهم بالتوالي
بوصيتك+مدامع تجري لجروحك يغالي
مصابك+مصابك فاجعه للامه والي
حته موتك مايريد يوصلك شارد بعيد
ياسلالة كل امام يوصفك وانته السلام
------------


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

13 March 2024 16:07

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ


ياعلي بنتي بقت يا ابا الحسن وحيده
ياعلي بيه الجرى خاف الزمن يعيده
عدمن أمنتها بنتي من عفتها

*****

أرد أذكرك يبوالحملــــه من ولوني
اليدعون أصحاب أبويه المارعوني
خاف بنتـــي يعذبوهـــا العذبوني
وخاف تدمع عين زينـب ياعيوني

ياعلي جف السطر خدي وشفه غليله
ياعلي هالجف بعد مايرحم العقيلـــــه
وأنته ودعتها بنتي من عفتها

*****

أبهالمصيبه كسر ظلعي رد تصوب
والله حيره يالصميــده ألمن أنحب
الجرح راسك لولشيبك من تخضب
لو أنوحــن للعزيــــــزه بنتي زينب

ياعلي من ودعت يااباالحسن بنيني
ياعلي كلبي أنكسر وأتضمد بونيني
حايره شفتها بنتي من عفتها

*****

خاف بعدك يبوالحمله يزيد ألمها
وخاف بنتي مثل همي يصير همها
ماأريد الضرب متني يدنـــــه يمها
وما أريدن من متنها يسيــــل دمها

ياعلي خاف الجرى بداري يرد عليها
ياعلي منهو الذي وصيتــــه أنته بيها
تدري دللتها بنتي من عفتها

*****

گلها حيدر ريحي بالچ هالمسيه
گبل كلشي وكبل موتي والمنيه
بنتي زينب أمنتها يالزجيـــــــه
عند أخوها أبوالغيره الهاشميــه

من شفت ليه دنت يم الحسن منيتي
كتله إنه أبت فاطمه ياأباالفضل وصيتي
بجفه سلمتها بنتي من عفتها

*****

گتله ياعباس أسمـــع يالضخرتك
أرد أوصي وكفو وكدها أنتــه شفتك
اليوم أريد أوصِيك يبني بهـاي أختك
هاي أمانــــه يابوفاضــــل وبركبتك

لن نهض دك صدره ألي وجاوب وأشوفه غيره
والدي تأمـــر امر وبجالــــي أختـــــي أميـره
بذمته أتركتها بنتي من عفتها

*****

يالوديعـــه عدها أخوه يدللوها
شلون يم حسين بنتج يكربوها
منهو يدنه للعقيله وحي أخوها
بس أعذره لوجفوفـه يكطعوها

وأعرفه يافاطمــه ما يخلف بوعوده
لاجن أشبيده أذا بالطف فكد زنـــوده
تنحمي ردتها بنتي من عفتها

*****
سلام المشعل



▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

12 March 2024 19:13

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ



فاركتني. وبعد بالدنيه شلي
ذاب كلبي من عفتني يا علي
يالحضنك احتاجيته
بويه السهر مليته
*
شبت نار كلبي وبيش اطفيها
وجروحي يبويه اشلون اداويها
اطلع اهدومك وكل ساع اشم بيها
وين تروح زينب من تخليها

بويه تدري. خلصت ليلي دمع
اسنين صارت. تحترك مثل الشمع
باب العتب دكيته
بويه السهر مليته
***
يبويه البيت صارت بفركتك خالي
تعال وحن عليه ورحم بحالي
لحضه ما غبت يابويه عن بالي
خابت يا علي من بعدك امالي

وحشه بيتك. يالرحت يمته ترد
بويه وينك. مو وكتها تبتعد
جسمي فكد عافيته
بويه السهر مليته
*
افتر بالمكابر واجذب الحسره
ونده بالعزيز النايم بكبره
بفراكك متت يابويه الف مره
والفاكد ابو يابويه شيصبره

بالمكابر. نامو اعزاز الكلب
ضيعتهم. والدمع عالخد يصب
بلفه الكبر شميته
بويه السهر مليته
***
اجاني العيد واهل العيد ماجوني
احنان وكل سنه جانو يمروني
شلي بالعيد والغياب عافوني
راح امن البواجي يرحن عيوني

ودعتهم. وانه ضهري منكسر
تردلي روحي. امن اشتم اتراب الكبر
حته الكبر بجيته
بويه السهر مليته
***
يبويه اشلون يغمض جفني بغيابك
انكسر جم مره كلبي بويه بمصابك
هليله اليتامه اتنوح يم بابك
صوبني الدهر جم مره بصوابك

والارامل. كلها تبجي الفركتك
علي بويه. حيرتني امصيبتك
مر الهجر حسيته
بويه السهر مليته
*
تمت
تحسين الخفاجي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

12 March 2024 05:26

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ



ما عدنه غير النحيب .. بوداع ابونه الحبيب
دمعه اعله بابه .. طحنه بغيابه
الحبيب
........

اول أوقات السحر .. گمنه نشعر بالخطر
چنهه وي حيدر علي .. الليله الاخيره
وأذن آذان الفجر .. واختلف عدنه الأمر
شفنه ايام العمر .. صارت گصيره

عمرنه بيا علي وطبرو علي براسه
علي الشايلنه ورده بروحه وحساسه
جرح راسه وصل لگلوب كل ناسه


ما تم صلاته الامير .. طاح العمود الچبير
واحنه بمصابه .. طحنه بغيابه
الحبيب
........
جرحه يجرح بالگلب .. حيدر افراگه صعب
احنه ما عدنه ابو .. بس هو ابونه
واحنه ايتام الزمن .. وگلبه صار النه وطن
وتمطر اعلينه عشگ .. روحه الحنونه

علي عاشگنه چان وكلش يحبنه
مثل ولده الحسن وحسين يحسبنه
علي بيده يوكلنه ويشربنه

بعد الكريم الحنين .. المن نمد الإدين
والدنيه غابه .. طحنه بغيابه
الحبيب
.........
نمسح بدم الجرح .. وروسنه بحاجة مسح
راح ابو الگلب الترف .. يمسحهه ردنه
ما محسبين الجره .. صعبه نخسر حيدره
غيره يحضنه بدفو .. ياهوه عدنه

مشه وما يرجع النه العشنه بعيونه
امس ويانه والليله يدفنونه
وضعنه بلا علي يالتنشد شلونه

والدنه من عدنه راح .. وبيت اليلم بينه طاح
يكتل عذابه .. طحنه بغيابه
الحبيب
..........
رحنه يم ابنه الحسن .. والعيون بدم بچن
والحسين ويانه هم .. ظل يجري دمعه
وگابلتنه ام الحزن .. ظلت ويانه تون
لطمت وصاحت علي .. راح شيرجعه

واجه العباس شايل بيده العمامه
يشم بيهه ودمعته تسولف الامه
عرف طبرة علي اتوديه لخيامه

عينه اعله زينب تلوح .. ويگلهه باچر جروح
طف وخرابه .. طحنه بغيابه
الحبيب
.........
للگبر حيدر نزل .. والحسن صار الأمل
وراح يم زينب لزم .. بثنين اديهه
گلهه ذوله بلا علي .. وانه صرت الهم علي
چا رقيه بكربله .. شيصير بيهه

سمع طاريهه الحسين وشهگ شهگه
وركضناله نشمه بصدره ونشبگه
حوافر يم رقيه باچر اتسحگه

ودعنه حيدر جريح .. وحسينه باچر ذبيح
هاي الغرابه .. طحنه بغيابه
الحبيب
.........



علي عبدالله المفرجي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

12 March 2024 05:24

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ

استشهاد الامام علي ع


غمض اعيونك يحيدر  لا تهمك كربله
بشارب العباس صارت  بويه هاي العايله
****
انته لختاريته كافل  والنعم من الگمر
بالمهد بايس چفوفه  بيه ينشد الظهر
لا تفكر بينه نعطش  هوه ابو فاضل نهر
دللتني وراح اضلن   ويه اخوي امدلله
****
امودع ابالله يحيدر   ما يطر گلبي الالم
سلمت عباس سيفك   وانته لنطيته العلم
لابس الريشات اخويه  منهو يحرگلي الخيم
الكافلي كلشي نطيته  شيمتك والمرجله
****
بويه لا ينخطف لونك  ما اضل امحيره
الحالي لا تنزل دمعتك  ما اروح اميسره
حل وداعك بس عفتلي  يمي سبع الگنطره
چا بعد دمعك يغالي  گلي ليش اتنزله
****
للمتون اتصد عيونك  بيويه لا ما انضرب
الينوي يرفع سوطه يمي  يبدي ناقوس الحرب
مثل ما طبيت خيبر  هيچي عباسي يطب
والله طف الغاضريه  اهناك راح ايزلزله
****
اله بستئذانك انته  ايمر علي چان الهوه
ابعمره ما شايف خيالي يبو الحسنين الضوه
يدنه منهو الراد مني وعندي شيال اللوه
انهضم لتضن يحيدر  شيل هاي المسئله
****
يحمي خدري ابو فاضل  يالحميت انته النبي
لا تگول العيله باچر  بويه بالطف تنسبي
ترفرف الرايه علينه  يعني محميه العبي
گمر هاشم كله غيره  وهاي مشهوده اله
****
اتصد عله حسين اوريده  وغرگت عيونك دمع
لا شمر يوصله يگدر  ولا يطحنوله ضلع
اله كافل خدري بالطف  چفه منه ينگطع
ينغدر لازم كفيلي  وينزل اعلينه البله
****

الشاعر اياد الديراوي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

10 March 2024 13:17

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ


#زينب_تخاطب_ابيها

تدري   الموت اشْوالي
بعدك   ما يســر حالي
منـي  ضــــايع الغالي .. تدري
//////////////

يابويه ماعندك علِم .. شمسوي فگدك بيه
حتى الطيور البسمه .. من ونّي تبچي اعليه
ابمحرابك اشعلك شمع .. كل مغرب وصبحيه
ولسْمَك افز من نومتي .. من ينذكر طاريه

جفني ماطبگ ساعه
الغالي يكلـف اوداعه
گلبــي تحس بوجاعه .. تدري
////////////////

يابويه من طبني الخبر… گلبي انصدع حسيته
بعيوني ضاگت دنيتي... والموت الي اتمنيته
شفت الحسن ظهره انْحِنَى… من طاح شمعة بيته
وحسين يلطم عالوجه… وبحسرتي اتلگيته

وصـرخ   راح خيمتنه
غايــب   عنه عزوتنه
اخلافك   هاي حالتنه .. تدري
//////////////////

ياسورنه البي نحتمي.. ويالنستراح ابفـيّه
ياحيلنه المنه انهدم .. كل حيل ماضل بيه
اشكيلك اعتاب الهجر .. وقره ابلحن لطميه
وبگليبي انصبلك عزه.. يا بالحسن ليليه

ذبّـل….   بالهجـــــر لوني
ابيضّت   بعـــدك اعيوني
ابجرحك  والله جرحوني .. تدري
//////////////////

العيد گرب يا علي .. وغايب اهلالك عني
وياك اخلصنه ردت .. سهم الهجر يلچمني
إرجَع انادي ابدمعتي .. بس انته ماتسمعني
متعذبه وگلبي انمرد .. بيك الدهر فاجعني

اوصِيْتي لليدفنــــــونك
ابهــــيده لا يلجمــــونك
عمـــــري شيسوه من دونك.. تدري
///////////////////

يابو اليتامه يا علي.. تنشد عليك ايتامك
اتعودو بيهم تِمُر .. برغيفك وبالثامك
حتى الرضيع البلمهد.. يبچي وترضعه ابهامك
ضلو ينادون ابدمع.. شيردها ذيچ ايامك

وحشه الدنيـه بغيابك
تلچــم لوعة امصابك
الفقـره تنحــب ابابك .. تدري
////////////////

الخادم
كامل السعيدي



▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

10 March 2024 13:15

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ

استشهاد الامام علي ع


هامك يا علي بالسيف مطبوره
لو هام العرش هالليله مفطوره
****
تغير كلشي حين اللي انطبر راسك
علي كلشي وگف من وگفت انفاسك
بلا شك عاشت الدنيه عله احساسك
نوايحها تره بكل صوب منثوره
****
يسف الله وي آيه النازله رحمه
حسافه المثلك ايموت ويصب دمه
انته البالصحف كلها انكتب اسمه
افضالك يحيدر بيها مذكوره
****
وصل سيف المنايه الراسك اشعنده
منو المثلك يعيش بكل وكت مجده
يتيمه اتصير بعدك يا علي السجده
تربتك من دمومك تبقى محفوره
****
ابو الايتام انته وتبقى بس انته
بس انته الفلك يالوالي سالفته
بعدك كلشي يابو حسين يتمته
بعدك يا علي لگلوب مكسوره
****
چبير وما اضن محرابك ايلمك
مو دم راسك الليله صبغ جسمك
هذا الكون دمعه اتخالط بدمك
ونزلت عل ارض دمعاته مجبوره
****
ركن الكون مال ابطرة اصباحه
جبريل الترسها الدنيه بنياحه
نزل بس منكسر يا حيدر اجناحه
ما ينجبرن الجنحين معذوره
****
ابو الحملات فايض وسفه بجروحك
بعجل شو للمنايه سلمت روحك
ما تكفي المدامع يا علي النوحك
كون ارگاب الك هالليله منحوره
****

الشاعر اياد الديراوي




▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

09 March 2024 17:48

#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ




اشرب الماء وعجل. لاستشهاد أمير المؤمنين علي عليه السلام (وزن هجري)

أشرب الماء وعجل. يا أمير المؤمنين
گبل لاسيف الضلاله. بالدمه يخضب الجبين
★★★★★
أشرب الماء وعجل. گبل ساعات المصاب
يادليل الحاير أنته. وعلم آيات الكتاب
مايطيب العيش بعدك. لايلذ زاد وشراب
أحبابك اليوم بمناحه بين حسرات أوونين
اشرب الماء وعجل ياأمير المؤمنين
★★★★★
أشرب الماء وعجل. يانصير الكل ضعيف
يامنار العلم كله. ونور الاسلام. الحنيف
گبل لاسيف المرادي. يطبر الراس الشريف
والنهار يصير مظلم. والوكت بعدك حزين
أشرب الماء وعجل. يا أمير المؤمنين
★★★★★
أشرب الماء وعجل. ياوصي الهادي الصبور
تدري آخر فجر هذا. عندك. وآخر سحور
ارتوي من الماي لنها . النايبه يمك تدور
واخر اصيامك يحيدر. تشرب الماي المعين
أشرب الماء وعجل. ياامير المؤمنين
★★★★★
أشرب الماء وعجل. ياصراط البيه نجوز
انته ياعون اليتامه بدولتك مامرها عوز
هاي ليله البيها طه واعدك. حتما تفوز
وبَشَرَّك تدخل الجنة وناده جبريل الامين
اشرب الماء وعجل. ياأمير المؤمنين
★★★★★
أشرب الماء وعجل. ياعلي حل القضاء
انتهز فرصه ولگاها اليوم اشقى الاشقياء
انهدمت اركان الهدايه. انفجعت املاك السماء
الكون لجلك صار مظلم ياامام المتقين
اشرب الماء وعجل. ياامير المؤمنين

الشاعر حسن لعيبي الحريشاوي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
/channel/+seH5Q_Y3xPw2NzIy
▪️كروب الالحان رقم 2
/channel/+eAjWA-W1XTk5MmYy

1.مؤسسة منبريون الحسينية🧿

09 March 2024 17:46

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ
قصيدة جديدة بحق الامام علي عليه السلام تقرأ بلحنين وبطريقتين هذه الطريقة الأولى

يبوية يالنمت بأرض النجف
يبوية دمعي بعدك مانشف
بالدمعة غرگت عيني وليلي انترس بونيني
يبوية يبوية
======================
منصوبة ظلت فاتحة وروحي عليك امجرحة ماسكت صوت النايحة ابمصابك

شيطفي نيران البُعد لگبرك اذا عيني تصد يمرد بقى بگلبي مرد غيابك

خيمتنا وســــندنا والابــــو غالي
من بعدك يحيدر حالي مو حالي
اشوف البيت بعدك موحش وخالي
اشوفن صورتك گام ايتراوالي

يا شمعت البيت انطفت وجمر المصيبة ما خفت روحي بغيابك عاشرت ترابك

گلبي صبح مثل الجمر ودمعي بعيوني ينهمر ما ينفع وياه الصبر عذابك

يبوية البُعد يـــدمي الگلب
يبوية مو سهل كلش صعب
اشتاكَ الك تدريني وليلي انترس بونيني
يبوية يبوية
=====================
اترس اعيوني ابصورتك چنت واحبن شوفتك يا بوية عازة عازتك مصيبة

فگد الابو يحني الظهر وغيابة چم خاطر كسر لجلك يون حتى الحجر يهيبة

راح الچان الية بدنيتي سلوة
عن عيني تغيب رسومك الحلوة
تشتم ريحتة لو عافك التهوة
لو غاب الابو مالك بعد تچوة

مثلك يحيدر ما يصح مرهم تداوي كل جرح نياحة ودمعتي للصبح سچيبة

ايتامك ابابك تون والدمعة باطراف الجفن گلبي ولا ساعة يچن نحيبة

يبوية چنت الي تچوة وسند
يبوية ابغبيتك گلبي انمرد
بعدك حزن غاطيني وليلي انترس بونيني
=======================
اشتاكَ الك صبح ومسة يالعشرتك ما تنسة صارت حياتي بائسة برحيلك

مثلك يحيدر ما يصح گلبي بغيابك منجرح ما ينگطع حد الصبح عويلك

چانت راحتي من اسمع بصوتك
صاباني الدهر بوية بخبر موتك
على متني اشيلن وسفة تابوتك
كاتلني يحيدر بوية بسكوتك

نعشك على متني شلت صوب النجف بي غربت حاچيني يا بوية صحت دخيلك

الله اعله همة ايساعدة البيدة يدفن والدة يا گلبي هذا الفاگدة خليلك

يبوية دوم احن واشتاكَ الك
يبوية يا علي دار الفلك
گصرن يبوية سنيني وليلي انترس بونيني
=====================
اتحسر سنين الگظت.. ومن ذكرياتي اصبحت.. روحي يحيدر ما صحت عليلة

بليلي بدر وجهك رحل.. واظلم حياتي من افل.. حزنك يبوية للازل.. اشيلة

محرابك حزين او زايد اونينة
المفجوع ابغيابك الله اليعينة
يبوية فراگك ابهاليوم ماذينة
يعينة الله العزيزة ايغيب عن عينة

لارض النجف شال الابو.. غايب يبو طول الحلو.. شامت صبح بيه العدو.. رحيلة

حزنت الناس الحبتك.. ما تگطع ومو عادتك.. مو سهلة تدري فركتك.. ثجيلة

يبوية ناسك حزينة ابهالمسة
يبوية كلها اعله بابك جالسة
انريد الابو اتحاچيني وليلي انترس بونيني
====================
أسألكم الدعاء رائد الاسدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

08 March 2024 17:33

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ
لاستشهاد أمير المؤمنين علي عليه السلام

حامي الخلگ مصيوب علراس
حامي الخلگ مصيوب علراس
★★★★★
زينب تنادي يأم البنين
وياي گومي زيدي الونين
وگامت اتحشم الحسن وحسين
واتصيح وينك خويه عباس
حامي الخلگ مصيوب علراس
★★★★★
وين العشيره وين الأحباب
تنهض لبوي ابهامته انصاب
صَوَّبَه المايستاهل أعتاب
مطروح أبوي بآخر انفاس
حامي الخلگ مصيوب علراس
★★★★★
صاحت يبويه امروتك گوم
ماعودتنا  انعيش بهموم
علعيد ماضل بعد چم يوم
وبالعيد بويه أتكَيَّفْ  الناس
حامي الخلگ مصيوب علراس
★★★★★
عيد اليتامه بشوفك اتريد
ياعيد بعدك بويه ياعيد
لمن علينه تصبح ابعيد
يامن وجودك للفرح ساس
حامي الخلگ مصيوب علراس
★★★★★
أرض وسمه والكون مفجوع
فرگاك نار اتچوي  الظلوع
نيران   ماتطفه  بلدموع
ولا فَرْگتَكُ بفراگ تنقاس

الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

06 March 2024 17:22

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ
انطبر راس الصميده الليله      صاح جبريل وتهدم حيله   
ياحيدر     ياحيدر
***
صاح جبريل ونــــعه   بالســـــــماء السابعه
الكون طاحت هالمسيه اركانه
ارتجت اوتاد الفضا   اليوم طاح المرتضى
ومسجد الكوفه بجت حيطانه
الليله صابو حيــــدره   الليله هامه امطـــبره
طاح سيف الموزمه وميدانه
طاح حيدر منهو ايتجيله    صاح جبريل وتهدم حيله
ياحيدر   ياحيدر
***
علي بالهامه انطــــبر    ظهر الاسلام انكسر
طاح بالمحراب راعي الرايه
صاحب الحظ والبخت     روحه وسفه اتعلعلت
يلوج من جرحه الغميج اهوايه
الجرحه ماينفــع دوه     مات بعيــــونه الضوه
عمره مثل الماي بدو مايه
والمنيه بهالمسه توميله       صاح جبريل وتهدم حيله
ياحيدر  ياحيدر
***
علي من طاح و هوى   الكون وياه انطـــــوه
والكواكب ظجت اوي انجومه
ناحت اجموع الرسل   والمـــلائك دم تــــهل
راس واليـــهه انترس بدمومه
واعتله صوت اللطم   بالنوايـــــــــــح والهظم
عروة الدين اصبحت مفصومه
تبجي وبطور النعي ترثيله   صاح جبريل وتهدم حيله
ياحيدر  ياحيدر
***
 
حيف خواض الحرب   اليكلب الدنيه كلب
مرهب الجيش اليكَطع اركابه
المايثني ابطـــــــبرته   الكوم تعرف صولته
من يخلي الدم يلــــوح ارجابه
قابض ارواح الكفر      حيف هامـــه ينطبر
وشيبه من دمه يصير اخضابه
طايح بمحرابه حامي ادخيله      صاح جبريل وتهدم حيله
ياحيدر  ياحيدر
***
طاح حيدر وانتجه    عالحسن ويلي وبجه
كوه يجذب حــــــيدر ابنفاسه
دمه خضب لحــيته    بثوبه يمســـح شيبته
والحسين بهدمه يمسح راسه
كام حيدر ماكــــدر   كام تجولــــــه وعثر
شافته وتتباجه ناحت ناسه
الحالته الصعبه بحزن تبجيله     صاح جبريل وتهدم حيله
ياحيدر  ياحيدر
***
منشــــف ارياك الزلم     يعثر بطــــــرف الهدم
حيف ماتكدر تعينــــــــه اجدامه
من كثر جرحه النزف    ويلي كل جسمه ارتجف
خاطف ارواح العده بصمصامه
الليله راح المـــــــنزله    شلون حـــــــال العايله
من تشوفه والجــــــرح بالهامه
ايعنه الله ابهالمسيه العيله     صاح جبريل وتهدم حيله
ياحيدر  ياحيدر
***
 


أبو علي الركابي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

06 March 2024 17:14

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ
وصل ليتامــــه الخبر     راسه بالسيف انطبر
ركضو الداره ابحــزن     والدمــــع مثل المطر
       ـــــــــــــــــــــــ••❃••ـــــــــــــــــــــــ

وگفــو اعله البـاب باليـــله الاليــمه
اعيونهم من گد بجيهم جنهه غيمه
جم يتيم اينادي بسمه وجم يتيمه
لا تفـــارگنه يمن جنت انــه خيــمه

غيره ماعدهم ولي    عايشـين ابضل علي
هوه صارلهم وطن     ركضو الداره ابحزن
             والدمع مثل المطر
    ـــــــــــــــــــــــ••❃••ـــــــــــــــــــــــ

والله صعـبه اتموت وتفارگ حيــاتك
يلي مايحصل شخص يحمل صفاتك
هـــذا يا ملعون صــاباك ابصـــــلاتك
ونته نور الخالق أويرضه ابرضـــاتك

يانجــات ألكل محب   ياعلي افراگك صعب
ألـــم فگــدك ماسكن   ركضـو الداره ابحزن
                 والدمع مثل المطر
    ـــــــــــــــــــــــ••❃••ـــــــــــــــــــــــ

نــادو الأيتــــام ننتظـرك تجينـــــه
أليل چلچل والصبــح گرب عليــنه
ياهو يشـبع جوعنه اويترس ادينه
ياعلي أخـلاف الحنان اشلون بينه

ضلت ايتامك تنوح     كثرت اعليهه الجروح
ألك ياحيــــدر تحن     ركضو الداره ابحــزن
              والدمع مثل المطر
    ـــــــــــــــــــــــ••❃••ـــــــــــــــــــــــ

كل يتيم امكدر وأيده اعله خده
گرب العـيد وامس راح اليسعده
راحـــت ايام الهنه وذيـج الموده
واليشيــل ابليل يادنيه اشيــرده

ما يـرد خــير العمـل    ونگطــــع منه الأمل
ماطبگ بعده الجفن     ركضو الداره ابحزن
                والدمع مثل المطر
    ـــــــــــــــــــــــ••❃••ـــــــــــــــــــــــ

ياهـو بعده اليشعر ابجرح اليــتامه
اويفتـــر اعله ابيوتهم لابس لثـامه
ماكو واحد يوصل القــدره ومقامه
علـــي قبلتنه وكتـاب اللـه وكلامه

تنعــــه لجلــه البسمله     والمســـــد والزلزلــه
الكون لجلك ضل يون     ركضـو الداره ابحزن
                 والدمع مثل المطر
     ـــــــــــــــــــــــ••❃••ـــــــــــــــــــــــ

    الخادم
كامل السعيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

06 March 2024 00:43

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ


زينب
في ليلة استشهاد امير المؤمنين ع

من جرح الجرح … من باب الرمح
چــم مره انذبح … وي كل معظلـه
………

انه الخلصت حياتي امدوهنه بحزني
ومـن زغـري المصــايب شيبن جفني
شلع گلبي الدهــر كل سـاع يجرحني
اخـــذ امي وبوي وعافنــــــي ابوني

عاشـرني الدمع … من كسر الظلع
كل ساع انفجع … عشـت امعلعله
………

ليلة واحــد وعشـــرين مـــن رمضــــان
ضگت بيــهه اليـــتم والفرگه والحرمان
ابريتي من الحزن حتى النفس خلصان
ميته ابلايه مــوت وعــوزي بس دفـان

مكســــورة گلب … ووداعك صعب
الدارك من اطب … اذكــــــــر كربله
………

طبــرت والدي هــزت عروش الدين
ومن كثر الدمع حومرت موگ العين
عيشـــني يتيمه وما رحمــني البين
اتبادل ونيني اويه الحسن وحسين

مليت الســهر … احچي اويالصور
دلالي انفطــر … بالفـــــــرگه ابتله
………

ششدن يا جرح وجروحي چتــاله
وگلبـي امن الألـم متبهذله احـواله
تعبت امـن الزمن وهمومه وهـواله
يون حتى الحجر من اشرح الحاله

هد حيلي الدهر … مكسورة ظهر
گلبي بس قهـــر … وهموم امتـله
………

وبعـــد طف كربله وجروحه گدامـي
وجرح حسين اخوي الينذبح ضامي
احيــر ابعيلتي وبلوعــــــة ايتـــامي
بالهــــــــم والنوايب خلصن ايامـــي

جمرة دمعتي … تشـرح حالتي
اليسمع ونتي … ادموعه اتبلله
………

        الخادم
✍كامل السعيدي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

06 March 2024 00:41

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ

قصيدة في شهادة الإمام علي عليه السلام ،،،،
ـــــــــــــــــــــــــــــــــــــــــــــــــــــــــــــــ



أيتامك بالباب تنادي وينك يابن عَمّ الهادي

صوت ٱتسمعه بحسرة ودمعة

وينك يابن عَمّ الهادي

ـــــــــــــــــــــــــــــــــــــــــــــــــــــــــــــــ

بالباب ٱلتمّت أيتامك
كِل واحد شايِل بالإيد

ماعون ومَملي بآهاته
ولَهفات الفاگِدلَه ٱولِيد

كِل هَمهُم عافِيتَك تِرجَع
كِلمَن جاي وهذا يريد

محّد مِتعود لفراگك
وصَار ٱيحَسّب جَيةِ العِيد

باچِر مِن يِسأل عن حَالَه
هَجرَك ضَيّع كِل آمالَه

سَمّ ٱيجُرعَه بحسرة ودمعة

وينك يابن عَمّ الهادي

ـــــــــــــــــــــــــــــــــــــــــــــــــــــــــــــــ

يِذكُر أيامك يا حَيدَر
عِشرَة وما ينساها ٱوياك

مِن أفضالَك لَحمِ ٱچتافه
يِنسَى الدنيا وما ينساك

گلبَه ٱرهَيّف ما يِتحَمّل
يِسمَع واحد ظل يِنعاك

يصرَخ لا لا ما معقولة
تراب ويِدفن وَجهَك ذَاك

يا وَسفة الوالي ٱيغدرونَه
شلون ٱتراب يغَطّي عيونَه

وصَدرَه وضِلعَه بحسرة ودمعة

وينك يابن عَمّ الهادي

ـــــــــــــــــــــــــــــــــــــــــــــــــــــــــــــــ

ما ينسى وإنتَه الرّبيتَه
وتِسأل عَنّه بلَيل ٱنهار

تِمسَح رَاسَه بچَفّ الرحمة
وبينَه وبينك حَفنَة أسرار

ينسى العَوز وينسى الفاقَة
مِنّ ٱيشوفك يا كرّار

ما حَسّ وَيّاك بأي غُربة
وإنتَه العَلّمتَه الإيثار

تِنشاف البَسمة ٱعلى شفافه
يا حيدر وَجهك لو شافه

ويِنسى الوَجعة بحسرة ودمعة

وينك يابن عَمّ الهادي

ـــــــــــــــــــــــــــــــــــــــــــــــــــــــــــــــ

سِمعوا أخبارك ياحَيدَر
يابو حسين ومِتعَنّين

واحدهم شلّال دموعه
وذولَه ببابك مِجتمعين

مِن گالوا مطبور الوالي
ظَلّوا كِلهُم مصدومين

وَيّه حسين وزينب گاموا
بَس يبچون ومَهضومين

ما كمّل والِدنه ٱصيامَه
صَبّح مطبور ٱعللهامَة

تنوح السبعة بحسرة ودمعة

وينك يابن عَمّ الهادي

ـــــــــــــــــــــــــــــــــــــــــــــــــــــــــــــــ

تِسأل أيتامك يا حَيدَر
رَاس الدّين شلون ٱنصاب

هذا الما ثَنّى بضَرباتَه
وهذا القالِع بِيدَه الباب

مَشهودَة لحَيدر صولاتَه
هِيچ ٱيصير بلَيث الغاب

هِدمَوا دين الله وأركانَه
بطَيحة حَيدَر بالمِحراب

وسيف الخَضّب بيك الهامة
باچِر يُسأل عن إجرامه

تبچي الوَسعَة بحسرة ودمعة

وينك يابن عَمّ الهادي

ـــــــــــــــــــــــــــــــــــــــــــــــــــــــــــــــ

كِلمن يتفَدّاك بروحَه
مِنهم بَس تِسمَع آهات

هذا ٱينوح وذاك اليلطم
وهذا اليِقرالَك آيات

وهذا البَس ٱدموعَه ٱتَعبّر
ما تِطلَع مِنّه الچلمات

وَي أولادك نِصبَوا مأتم
لَمّن گالوا حَيدَر مات

وَاويلاه تصيح الكوفة
وَحده بگبرَه شلون ٱنعوفَه

شلون ٱنوَدعَه بحسرة ودمعة

وينك يابن عَمّ الهادي

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الح

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

05 March 2024 20:16

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ

استشهاد أمير المؤمنين (عليه السلام)

كـل ذكـرى كـسـره...وكل نـظـره طـبـره
يا بو صالـح..عايـش حيـاتـك...كل نـظـره طـبـره
ــــــــــــــــــــــــــــــــــــــــــــــــــــــــــــــــ

يبو صالـح ضـوه بروحـي لگـيتك
وابـاوعـلـك دمــع نَـگـع لـحـيـتـك
علـي مو بـيتـه بيتك صار مـولاي
أشـو فــارغ لهـسـه بـاقـي بيـتـك
لبيتك...هذا الفجر هم تحـضر
لبيتك...وبالطبره يرجع حيـدر

وما ترضى زينـب...وحَـدها تنحـب
والغريبه...خَلَص عمرهـا...كل نـظـره طـبـره
ــــــــــــــــــــــــــــــــ1ــــــــــــــــــــــــــــــــ

تجي الزهره العَـزَه وما تبـقى وحـدك
لجرح خدها شتسوي انت اعله خـدك
شلـون اخـدودنـه وما بيـهـن اجـروح
وانـت بگـد دمـعـهـا اجــروح عـنـدك
جرحك...ياهو اليضَمـده الليله
جرحك...ومجروحه كل العيله

الطـبروله گـلبـه...شيضَمـده صعـبـه
وانت گلبك..طبره اعله طوله...وكل نـظـره طـبـره
ــــــــــــــــــــــــــــــــ2ــــــــــــــــــــــــــــــــ

شـفـت زينب شنو امبيـن علـيهـا
طـابـت لو بـعـد چـويـات إديـهـا
إجـت وَحَـدها لـو ويـاهـا عبـاس
وشمـسـوي بأبـو فـاضـل سبيهـا
زينب...شگـدها لعلي دمعتهـا
زينب...بس ما نست غـربتهـا

وأكبر مصيبه...زينب غريبه
والأميره...بهزَل سبوها...وكل نـظـره طـبـره
ـــــــــــــــــــــــــــــــ3ـــــــــــــــــــــــــــــــــ

شفـت طفـلـه إجـت ويه الزجـيـه
ولا تـمـشــي الزجـيـه ابـلا رقـيـه
وين الزهره تمشي اتگـلهـا ويـاچ
أخاف اعليـه يرجع سـوط أمـيـه
إتگـلهـا...لسـه الإِذن تاذينـي
إتگـلهـا...ولَسه الرماد بعيني

وشفت الغـرابـه...بذيچ الخـرابـه
راسه وحـده...وابلايه حضنـه...وكل نـظـره طـبـره
ــــــــــــــــــــــــــــــ4ــــــــــــــــــــــــــــــــــ

أبـو اليـمــه أكـيـد الـلـيـلـه حـاضـر
شنـو بـنـحـره أثـر مـن يـوم عـاشـر
يلطم صدره خاف وتدري الاضـلوع
مــا واحــد سِـلَــم مـــن الحــوافــر
وحِضرَوّ...وين العزيز اگبالك
وحِضرَوّ..الله اليساعد حالك

وما تطفى نارك...الا اويه ثارك
وانت ثارك...ليهسه بعده...وكل نـظـره طـبـره
ـــــــــــــــــــــــــــــــ5ـــــــــــــــــــــــــــــــــ

احمد البصراوي العبادي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

1.مؤسسة منبريون الحسينية🧿

04 March 2024 12:49

#قصائد_استشهاد_الامام_علي_عليه_السلام_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc




🏴 تهدمت والله اركان الهدى 🏴
ــــــــــــــــــــــــــــــــــــــــــــــــــــــــ

امير المؤمنين علي عليه السلام

يزينب گلبچ شگال
ابوچ المرتضه انشال
نعشه وللگبر راح
..............

أم كلثوم آنه وانتي اختي
تعالي گبالي خل نگعد سويه
اخاف عليج لو نحتي وسكتّي
تموتين بقهر هاي المسيه
شالوا نعش ابونه وصوت صحتي
صدگ يابويه رايح هاي هيه
يزينب من طلع نعشه وگعتي
ندبتي ياعلي جاوب عليه

لزمتچ ونتي تبچين
يزينب لا تصيحين
بعد ما ينفع اصياح
.......

يزينب راح ابونه التارس البيت
حنان وعاطفه ونور وابوّه
يدفنونه بگبر واحد تمنّيت
ولا عشنه بغيابه الروح هوّه
مثل باقي اليتامه وياج حسّيت
يتيمه والگلب ذاب وتچوّه
اون ويّاج وبچي جروح ظليت
على الراح وترك نيران جوّه

فگدنه الچان ينهاب
ندفن ياحيف بتراب
بعيوني الحزن لاح
..........

شلون اصبر وابوي الراح ميعود
يم كلثوم يختي انموت ويّاه
هذا المرتضى الكرار مفگود
مو انسان عادي خاطر انساه
قالع باب خيبر هازم يهود
بسيف ابن المرادي يموت ويلاه
راسه امن الجرح مفتوح ممرود
وشيبه مخضّب ومصبوغ بدماه

شفته شلون مجروح
شفته وذابت الروح
حيلي ويالدمع طاح
..........

دنيا بلا علي ما تسوه لحظات
يحكمها الظلم بچفوف طاغوت
منشوف العدل والخير هيهات
لو باطل تعيش الدنيا لو موت
ناس تعيش بقصور الولايات
ناس تعيش فقره بعازت القوت
راح الچان يحكمها بمساوات
وراح الظلم يرجع يهدم بيوت

ضاعت عكب ابوحسين
اليتامه والمساكين
من هَم دنيته ارتاح
.........

راح المرتضه وما تمّم صيام
يم عون وتيتًمنـــــه بغيــابه
وين تروح بعده هاي الايتام
تبچي الليله وتنوح عله بابه
ليليّه علي يشبعــها وتنـام
ايتـام المـدينـــــه والگرابه
من ينشد عليها بعده تنضام
راح المرتضه وغاب بترابه

راح واگبل العيد
يختي وحيدر بعيد
يا هَم بعده ينزاح

سيد زيد الفحام
_______

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
/channel/+tVfRCNCfpmJlMGRi
الكروب الثاني 👇
/channel/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA